NATHAN SEASON-2 (Episode-9)
NATHAN SEASON-2 (Episode-9)
JAGUAR (pt-1)
Written by : Aaron Malsawmdawngzuala
Awle...keimah Rinawma, ASP Lalrinawma ngei mai chu kalo let leh ta e. Insawitheihna pawh nilovin kei ASP Rinawma hian hun rei tak chhung ka lo bem tawh, keima cousin ngei mai Tluangtei chu ka'n kiss ve ta anih kha. Ka zak bawk si, nuam bawk si, khatih hunlaia kan awmdan vel kha chu thawnthu-a ziah chhuah tham a ni. A awmzia inla man lo anih chuan ti hian a awlsam theih dan ang berin ka'n sawi ange...kei val senior Lalrinawma hian bialnu ka nei ve tawh tihna anih chu. Chuan comment naah te khan luck lo si, zei lo si, mawl si...min han ti leh vaih teh u, single ho zawng zawng khan min tluklo phawt a, ka khawngaih hle mai che u. Abikin mipa ho kha, tinge bialnu te hi in neih loh theih zawk le awww? Amak hi ka ti, keini bialnu nei tan hi chuan amak ve em ani. Hmeichhe bem dan in hriat duh chuan Police Station ah lo kal tawp mai rawh u, ka lo hrilhfiah ang che u. A hrim hrimin ngaihzawng neih hi sual pawh a nilova, Pathian pawhin ngaihzawng neih aphal a, a phal vanga nang leh kei hi lo piang kan ni. Nathana lah khan a awihlo ve khanglang a, amah chauh kha hmeichhe bem dan hria a nilo, amah chauh kha thil hre ber a ni biklo ania, ka bawn ve tawk. Awle...ka sawi thui leh mah mah thin, min hrethiam teh u. Thupuiah lut dawn ang aw, ngaihthlak nuam ule.
T&R channel lian ve tak te chuan live in anmahni channel ah news an puang mek a, he channel hi a hlawhtlin mai bakah kumtin mai hian an TRP chu a pung tulh tulh mai thin a. Chu channel neitupa ber leh an director ber chu Pu Sangtea a ni a, pa hausa leh luhlul tak a ni. Hemi zan hian Mizorama thil thleng hrang hrang te leh news thar ber ber te chu an chhuah a, channel dang te pawn an tluk ngailo hle. Chutia news an chhuah mek lai chuan an khawl te chu a rawn tawp thut mai a, light a thim vek bawk a. An mangang hlawm hle mai, Pu Sangtea pawh chu a phi ruai mai a, mahse second 10 vel hnuah chuan alo eng leh a, an channel big screen ah chuan, "Tun atanga minute 1 hnuah he channel ah hian tualthahna LIVE-in tihchhuah a ni ang." tih hi alo in ziak a, timer a in set nghal bawk a. Pu Sangtea pawh chuan a ngaihna a hrelo hle mai, control room lam be pawp vatin, "Enge thleng hi? Tunah ti tawp vat rawh u." a ti chiam chiam mai a. Control room duty te chuan, "Sir, he thil hi engtia lo awm nge kan hre biklo, kan current line pawh a control tel vek a ni." tiin an lo chhang a. Pu Sangtea chuan vin zet hian, "Main plug ah off mai ru, tunah off vat ru." a ti chel chul mai a. Duty chuan, "Sir, main plug ah chuan kan off tawh, engmah danglamna a awm lo. He thil titu hi hacker a ni ngei ang, police phone mai chi a ni." an rawn ti a. He thil thlen lai hian Nathana nen hian TV ah engkim chu kan lo hmu ve vek a, rang takin T&R Office lam chu kan pan nghal kan tum a. Mahse Nathana chuan, "Kan thleng hman chuang lo ang, engthil nge thleng tih chu han en zel phawt teh ang." a ti a, tichuan TV lam chu kan DGP te nen chuan kan en thap mai a.
......................
T&R Channel lo en mektu pakhat, Lawyer Muantea chuan a Hotel thlenna ah chuan amahin zu in pahin TV chu a en a. Chutia a en reng lai chuan channel chu a rawn chianglo a, second 10 hnu velah a rawn tha veleh mai a. Mahse TV screen-a inziak chu a han chhiar a, minute 10 hnua tualthahna LIVE-a an chhuah tur thu a rawn inziak ta mai chu mak a ti hle a. Tichuan a thian dangte a phone a, tualthahna a thlen tur thu te chu hrilhin T&R Channel lo en ve vek turin a hrilh hlawm bawk a. Minute 1 a pel tep tihah chuan current a rawn awmlo ta daih mai a, a thinrim kher mai. Rangtakin reception lam a zu phone a, vin zet hian, "Current a awmlo ania, thil en tui lai lai a. Generator te in nei ve lo em ni? Rawn siamtha vat ru.." a ti vak vak a. Tichuan phone chu a dah a, second 10 vel hnuah chuan kawngka a rawn in kik dat dat a. Muantea chuan, "Lo lut rawh.." a ti a, mipa khat bag ak puar luah mai hi a lo lut a. Pu Muantea chuan, "Nangmah em ni electrician chu...an rawn tir che em ni?" tih pah chuan a va melh a, a thim em avang chuan a hmel a hmu thei lo. Chupa chuan chhang lemlo chuan a lu a bu nghauh ringawt a, tichuan pawn verandah lamah chuan a phei a. Pu Muantea chuan, "Siam vat teh aw...thil en lai ka nei ania." a ti a. Reilote hnuah chuan light chu a rawn eng ta a, pawn atang chuan chupa chu a rawn lut a. A hmel erawh a hmuh theih loh, hmaikawr dum vek hi a vuah a, coat dum fual tle zar mai hi a ha bawk a. Bag erawh a ak tawh lo, kawr dum vek a ha a, kekawr dum leh pheikhawk dum nen, amah chu rawng dum vekin a inthuam a ni ber mai. Muantea chuan chupa chu ava en a, anui suka, "I thiam hle mai, nakinah ka check out hunah pawisa ka pe dawn che nia. A hrim hrimin tinge khatia i inthuam up a? Alum te i ti velo em ni?" a lo ti nuah nuah a. Chupa chuan a chhanglo, Muantea chu a en reng ringawt a. Muantea chuan, "Chhuak tawh raw...mi chhanna chang pawh hrelo." tihpah chuan TV chu on a tum a, mahse TV chu a in on thei ta reng reng lo mai a. Muantea chuan, "Enge awmzia? Tinge a in on theihloh a? I siam tha lo em ni?" a ti a. Chupa chuan zawimuang hian, "I thihna tura ka ruahmanna siam te chu ka zo fel tawh e." a ti ta mai a. Chuveleh TV chu amahin a in on a, TV screen ah chuan amah Pu Muantea awmna room ngei mai chu a lo lang ta a, abula mipa dum veka inthuam pawh chu a lo lang ve nghe nghe bawk a. Pawn verandah atang chuan drone camera hi a rawn thlawk chho bawk a, TV ah chuan camera angle hrang hrang atanga lak..ama room chhung ngei mai chu a lang chuai chuai bawk a. Pu Muantea chu a hawi kual a, a room ah chuan camera alo in hung fer fur hlawm mai a. Pu Muantea chuan mangang tih hriat tak hian, "Hey...tunge i nih? Enge awmzia?" a ti chel chul mai a.
Chupa chuan, "T&R channel ah khan tun mai khan LIVE-in tualthahna video an chhuah tur thu an rawn sawi a, chu video tur chu tunah hian kan pahnih hian kan siam dawn mek ani." a ti a, Muantea chu a hlau kher mai. Tichuan chupa chuan Pu Muantea chu a sawisa ta vak vak mai a, bangah te chuan a lu a tauh tir chawrh chawrh a, achang leh a rek a, a hnek a, a beng a, a pet vak vak bawk a, en hrehawm tak a ni. Minute 5 chhung vel zet chu a sawisa a, mahse thawm a hriat avang chuan camera te chu la khawm vatin a bag ah a khung a, tichuan chemte a phawrh a, Muantea chu vawi 10 chuan a vit ta siah siah mai a, thisen a per nuai nuai a, Muantea chu a thi chiang ngei mai. Chupa pawh chuan a bag chu a ak a, tichuan tukverh ah chuan a zuang chhuak ta daih mai a. Pu Muantea erawh chhan hman a ni tawh lo, thisen nena inchiahpiah nuai mai chuan chhuatah chuan a let der mai a.
..................
Minute khat a ral ta maw tihah chuan screen ah chuan Hotel room chhung ang deuh mai hi a rawn lang hlawl mai a, tichuan room chhungah chuan mi pahnih hi an lo awm a. Pakhat zawk chu kan hmelhriat a ni...kan case chhui naah te pawh minlo pui ve zeuh zeuh tawh tu, Lawyer Muantea a ni tlat mai. A bula ding erawh sang lampang, cher deuh hlek, hmaikawr dum vek vuah, thawmhnaw dum veka inchei leh coat fual tak ha hi a ni a. Tichuan vawileh khatah chupa chuan Pu Muantea chu a sawisa ta chiam mai a. NAthana chuan, "Eheu....khi khi khawi hotel nge?" a ti chiam chiam mai a. SI Liantea chuan, "Sir, EMR Hotel a niin ka hria, kawng chung lam atanga kalin a hnai zawk ang, ka Station atang hian a hla vak lo." a ti a. NAthana chuan, "Police Force nen kal vat ang u...a that hman ange." tih leh tlanchhuah kan rual nghal a. Hotel kan thleng a, rang takin Pu Muantea floor awmna chu kan han thleng a. Mahse kawngka a lo inkalh tlat mai. Nathana chuan kawngka chu a tlawh chhia a, a chhunga kan luh rual chiah chuan tualthattupa chu tukverh ah alo zuang chhuak hman chiah chiah a. NAthana chuan tukverh lam chu panin a va dak a, keipawh chu ka va dak ve a. Chu kan mi um mek pa chu mak tak ani, mihring pawh a ang lo. Building lehlam ah te chuan a zuang kai zung zung mai a, bag puar deuh mai hi a ak luah lehnghal. NAthana chuan, a phone phawrhin, "Hnuai lamah, ground ah lo chang ru. North lampang ah a rawn kal bawk ania.." a ti chel chul mai a. KEini tan chuan tih ngaihna a awmlo, tukverh ah chuan han zuang chhuakin han pakai phei ve zawt zawt tum mah ila, kan kum a lo tam ve tawh nen, kawng herh mai te pawh a hlauhawm bawk si. Inhnuai lama chhuk leh dawnin hun kan paih hnem dawn si, thu thar nghakin kan lo awm tawp mai a. Ruang chu kan han en a, hmun 10 velah vih a ni a, thisen a baw hnem ngei mai. Chhan tlak a ni tawh lo, a thi chiang em em mai hi a ni ringawt. Nathana chuan, "Tunge mawni le, a che rang si?" a ti nuah nuah a. Chuveleh phone call kan dawng a, "Sir, a awmna chin kan hre tawh lo, a che rang lutuk, kan man hmanlo a ni e." an rawn ti a. Nathana chu muang chang hian a ding chhuak a, tuverh lam chu hawi pahin, "Plan felfai tak a nei a, hacker a ni tih a chiang bawk. Amah chauh a nilo maithei, puitu a neih ka ring tlat. Chuan professional dik tak ani, insual a thiam bawk a, a che rang em em bawk. A tualthah dan en hian phuba lak duhna a nei tih a chiang a, a bawn kher mai a....Rinawm, he kan hmelma thar hi a hming ka'n phuah law law teh ang." a ti a. Keichuan ka lu thak lo pui chu hiat nuah nuah pah chuan, "Enge niang?" ka lo ti hu a. Nathana chuan muang cherh chawrh, fiah tak si hia, "J-A-G-U-A-R.....JAGUAR ni rawh se." a ti a.
T&R Channel te hi company hlawhtling tak leh sum ngah tak an ni a, channel chauh nilovin anmahni hming tho hian Boarding College an nei bawk. He college pawh hi a lar hle a, kumtin mai hian zirlai hi an neih belh zel a, zirlaite pawh an ti tha thin hle. Chu college pawh chu T&R College tihin a hming an vuah a, he T&R company, avaia nei tu chu an Director Pu Sangtea hi a ni.Tualthahna thlen zan khan T&R channel hi an lar zual phah hle a, youtube lamah pawh an channel chuan khami zankhat leh chhung khan subscriber a letin an neih belh a, viewer te pawh maktaduai chuang an ni. A awmzia chu kha channel-a tualthahna thleng kha Mizoramah chauh nilovin, State dang te pawhin an lo en tihna a ni.Mak tak maiin T&R channel chu a hma aiin an dinhmun chu a invawrh chho chak hle mai a, an TRP pawh a sang hle bawk. Tualthahna thlen tukah chuan Pu Sangtea chu an office ah kalin ahma zana thil thleng vel chu an sawi ho a, tichuan control room ah a lut a, duty ho bulah chuan, "Enge chanchin thar? Thu lawmawm te a awm em?" a han ti a. Duty zinga pakhat chuan, "Sir, thu lawmawm loh chu mipui te leh Police department ten min dem a, kan duh reng vanga thil ti ah min ngai ani. Mahse thu lawmawm deuh mai a awm bawk. Chu chu nidang zawng aiin kan channel TRP hi a sang hluai mai a, tun dinhmunah chuan North East ah kan sang ber hrih a ni." a ti a. Pu Sangtea chuan, "A tha e, kan TRP tal asang alawm le...mahse kha tualthattu kha kan chhuichhuah ngei angai ang." a ti a. Hemi ni hian T&R college te chuan class an tan leh tawh dawn a, newcomer te lo luh hun a ni. College kal chu an han tan leh ta a, nula chhelo tak tak te leh tlangval hausa tih hriat tak tak te chu an vei leh ta suau suau mai a, an changkang hlawmin an hmel pawh hmuh a nuam narawh e. He college hi a changkang a, sum nei ve tawk tak te tan lo chuan han luh ve ngawt na chi pawh anilo, he thawnthu ziaktupa phei hi chu a lut pha teuh lo mai. Fresher tam tak anlo lut a, fresher zingah chuan tleirawl hmeltha tak, kum 22 mi, cher lampang, sang tha zeih zawih mai leh ngo lampang, Timothy-a a awm ve a, hmeichhe thenkhat te chuan an en duh hle mai. He college ah hian SU (Student Union) Leader chu Lalfakawma (Faka) a ni a, chu chuan nau hmeichhia, hemi college-a lut ve tho, hmeltha zet mai Rosy a nei bawk a. Timothy-a chuan Rosy chu a vawikhat hmuhna atangin a ngaizawngin aduh em em a, ngaihzawn ngei pawh a tum nghet tlat a ni.
Nathana nen chuan tualthahna thlen tukah chuan T&R Office lam pan chuan kan kal ta a, office chhungah chuan T&R channel staff te leh manager te chu anlo titi a. Office chhung luh kan tum chu kawngka bula security chuan, "Kan pute an committee a, luh tlang phal anilo." alo ti a. Nathana chuan, "He case hi keimahni kutah a awm a, in pute saw thil zawhfiah kan duh a, kan luh ngei angai a ni." a ti a. Security chuan, "Aih...a theihloh. Police te pawh lo luh tirlo turin min hrilh a, min hrethiam teh u." a ti a. Nathana chuan security chu a bulah a pawthnai a, "Inspector Nathan Malsawmkima thu hi i hnial ve khanglang animaw?" tih pah chuan a nam sawn dawrh mai a. Office chhungah chuan kan lut a, Manager te leh Supervisor te, staff te chu an lo titi laih laih a. Nathana nena min hmuh chuan Manager zinga pakhat chuan, "Engvangin nge inlo luh a, he kan meeting hi a zawh hma chu police te pawh lo luh kan phal hleinem." alo ti a. NAthana chuan, "Hnuchhui hi nangni TV Channel-a thawkte nilovin Police te zawkin a ni chhui thin ni...nangni erawh chuan pekchhuah chauh inthiam." tiin alo chhanglet a. Manager chuan, "He kan buaina hi a serious viau ania, khawngaihin pawnah minlo nghak ru." a ti a. Nathana chuan, "In channel ah ngei hian nizanah LIVE-in tualthahna chhuah a ni a, a titu hi hacker emaw, misual dang nangmahni pawhina in hriat loh a ni tih pawh kan hria. Mahse a titu chu tupawh nise, in channel hrechiang em em tu a ni a, in channel atanga chhuah anih miau avangin keini a chhui tute hian kan duh chuan Police Custody ah kan hruai vek thei che u tih hria ang che." a ti a. Chu veleh kawngka bul atang chuan tu emawni hian, "Min hruai la, i ngam chuan min man ta che." a rawn ti a. Kawngka lam chu kan va hawi phei thup a, T&R Channel Director Pu Sangtea a lo ni a. Nathana chuan Pu Sangtea melh pah chuan, "Nang hi animaw Director chu?" a ti a. Pu Sangtea chuan, "Aw...kei ngei hi ka ni e. He thilah hian Police hi inlo inrawlh vak angai lo ang, kan channel a ni a, keimahni hian kan chingfel ang. FIR kan thehlut lo a, keimahni tih chawp ani nge nilo pawh in hria em ni?" a ti pang pang mai a. Nathana chuan vin deuh tak hian, "Ngaithla teh Director, tualthahna a thleng a, chupawh TV ah, tupawn kan hmu a, Mizoram pumah a lar em em bawk. Hetiang thil a thlen lai hian keini Police te hi kan awm mai mai i ring em ni?" a ti a. Pu Sangtea cuan, "I aw key kha san reng reng suh, helai hmun hi Police Station a nilo, ka office a nih hi. Helai hmunah hian keimah chiah hian ka aw key ka san thei, chu chu hria ang che." a ti khur khur a.
Nathana chuan, "Animaw....a tha e. Company pakhat a Director-i'n kei DCP hi tihtur min hrilh amaw? In channel TRP san chiah in mamawh ani tiraw? Anih chuan han chhui ula...tunge chhuichhuak hmasa kan hria ang chu. Tin, hei hi lo hria ang che...he tualthahna ah hian i inhnamhnawih anih vaih chuan ka encounter hmasak ber tur chu nang hi i ni ang." a ti a, chhuah kan tum lai tak chuan Pu Sangtea chuan, "DCP...he kan sumdawnna tichhe thei tu chu tupawh nise, kan member pui ngei pawh nise, nangni pawh kha ni rawh se....thlamuang takin ka awm tir mai mai lovang." a la rawn ti hram a. Nathana chu a nui suk a, tichuan kan chhuak ta a. Pu Sangtea chuan kan chhuahhnu chuan kan hriattur kher hian ring takin a staff te bulah chuan, "Awle...ngaithla ru, zanin ah kan channel-a news kan puan hunah TV hnuaiah Tualthahna dang...LIVE bawkin chhuah leh ani ang tih scroll ang che u. He tualthattu pawh hi a rawn che leh maithei a, kan channel TRP ti sangtu a ni bawk a, kan hman tangkai a ngai a ni." a la ti ta deuh deuh a. Staff zinga pakhat chuan, "Sir, hetiang te chu a chi dawn em ni? KAn channel hian a tawrh phah thei ania. Chubakah kha tualthahna kha, a tak tak a ni bawk si...keini pawh hi min bei reng zawk pawh anithei asin." alo ti a. Pu Sangtea chuan, "Kan TRP hi a sang em em tur a ni tawp mai, chu chu kan thil tum pawh ani. Ruahmanna chu keiman ka siam mai ang, tunah chuan ka thusawi hi zawm mai rawh u." a ti a. NAthana chuan, "Rinawm, kal teh ang. He Jaguar hi tupawh ni se, ka man em em ang. Chuan saw mi chapo tak pawh saw ka man anga, zirtirna ka pe hlak dawn a ni." a ti a, tichuan kan kal ta a. Tualthahna thlen zan atang khan he tualthattu hi ahmingah Jaguar tiin NAthana'n a phuah a, instagram, Facebook leh Twitter ah a post bawk a. Mizoram ah a lar hle a, he tualthattu pawh hi tupawh mai chuan Jaguar tih vekin anlo hriat phah ta a ni. NAthana hian he tualthattupa hi Jaguar a tih nachhan chu a pian leh a inchei dan te, a hmel te hi Jaguar a an em vang a nilo a, a che rang em em a, a thah tur pawh plan fel tak neiin a that a, a chet ran dan te leh a fin em avang hian Jaguar (sakei) tih hming hi a phuah sak a ni. Chuan Jaguar hi in hriatloh takin..Jaguar chu sakei chikhat a ni a, a che rangin a sa seh tur te pawh a seh ve phut ngailo a, plan fel tak siamin fimkhur takin a bei thin a, sakei chhungkaw zingah chuan a fing ber an ni hial awm e. Bialnu nei velo chuan in hrethiam chuanglo ang, keini ang bialnu nei te hi chuan engkim hi kan hre deuh vek ania.
..................
Kar khat chhung teh meuh a han bem tak tak hnuah chuan Timothy-a pawh chuan Rosy pawh chu a chhai tlu thei ta hram a, an inngaizawng ta a. An hmeltha dun bawk a, reiloteah college ah chuan an lar ta hle mai a. T&R Company neitu Pu Sangtea nau Pu Zuala fapa hi he college ah hian a lut ve a, tlangval awmtha duhlo tak a ni. A hming chu Ruata a ni a, an college hi apatea ta anih vang pawh aniang e, a inla neitu em em a. Class a kal tha peihlo a, rui chungin class te ala a, nula chhaih lah a hrat si. Hmeichhe ho hlauh rawn leh ngei rawn a ni a, an ngei mai pawh nilovin an ten ngawih ngawih a ni ber mai. Insual a hrat em em bawk a, a nep ru fu lehnghal. A thiante zarah hian insual nikhuaah pawh a chak leh nge nge thin a, a hmel lah a chhe ve ropui lehnghal. Bialnu chhe ve te te chu a nei thin a, sum ngah viau mahse a hmel chhuanawmloh tak avang hian hmeichhe hmeltha a chang ve ngai meuh lo. An thianho hian class an bunk ziah a, exam naah lah chuan an pass ve zel mai bawk a. Thla thum te a kallo tawp zel a, a duh hun hunah alo let leh a, college pumpui deuhthaw chuan an hua ani ber mai. Tlai khat chu an SU Leader te class a mi George-a leh a bialnu Estheri te chu class ban veleh a in hmu turin an intiam a, an inhmuh tumna hi an college building hnuai ber Garage ah a ni. Boarding College a nih angin student ho zawng zawng chu Hostel ah an awm vek a, day-scholar an awmlo a, mahse Ruata erawh Hostel ah a awm ve ngailo thung. College lian tak anih angin inngaizawng pawh an awm ve nasa hle a, George-a leh Estheri te pawh hi inngaizawng ah chuan induh ve hliah hliah tak an ni. Sawi tak ang khan George-a hi an College SU Leader Faka thianpa a ni a, an in class mate bawk. SU Faka chungchang hi sawi lawk ila, mi tumruh leh dikna duh mi ani a, ragging hi a haw em em bawk. Leader nih a tlin em em a, student dangte pawhin a thu an awih a, chumai bakah faculty te leh professor te pawhin an fak hle. Hemi tlai hian Estheri chuan building chhawng hnuai ber ah a bialpa George-a chu garage ah chuan a lo nghak a, minute 10 dawn lai a nghah hnu pawh chuan a lo la kal silova, amah chauhvin a awm bawk nen, a hlau angreng hle mai. Kal mai tuma a inher chiah chu a bulah chuan Ruata, Pu Sangtea tupa Ruata, mi awmherh zet mai kan tih kha...Estheri chu a lo nuih vur vur mai a. Estheri chuan kalsan a tum a, mahse Ruata chuan man betin a awmbawr te chu khawihsak talh a tum ta tlat mai a. Estheri chu a tal vak vak a, a tap a, tichuan Ruata pawh chuan nui huah huah chung chuan a thlah ta a.
Estheri chu tap chungin garage chu a chhuahsan a, pawnah chuan a bialpa George-a chu alo awm a , Estheri chuan tap chungin George-a chu a kuah a. George-a chuan hriatthiamloh hmel tak hian, "Esther..enge ni ta? Tinge i tah a?" tiin a zawt a, chuveleh Ruata te thian ho chu lo kalin an rawn nui phei vak vak a. Chuveleh SU Leader Faka te leh an class mate te ho chu anlo kal ve nghal bawk a. Estheri chuan tap chungin thil awmzia a sawi ta a, George-a thinrim chuan Ruata chu va hnek a tum a, mahse Faka te chuan an lo dang vat a. Faka chuan Ruata bulah chuan thinrim tak hian, "Ruata, i ti mah mah tawh a ni. Director tupa i nih avang ngawt hian i duh duh i ti thei biklo ania, i nungchang hi i sim loh chuan Principal bulah ka hek ang che." a ti a. Ruata chuan hmuhsit hmel tak hian Faka chu a nuih vak vak a, "Ve lutuk che hian, kei chuan e...Student Union tih vel ka mamawh lo. He college hi ka ta a nih hi, ka duh duh ka ti ang...i ngam leh min complain ta che, ka hlau lo lutuk hi ka nuih aza zawk." tiin an thian ho chuan an nui vak vak a. Faka chuan, "I la hre ve khawp ang." tiin Ruata te thianho chu an kalsan ta a. Faka chuan complain chu ziakin a theh lut ta ngei mai a, an HOD (Head Of Department) hnenah chuan engkim a hrilh ta bawk a. An HOD chuan Principal hnenah a thehlut leh a, Principal chuan Director a hrilh leh bawk a. Kar khat chhung zet an nghah hnuah pawh complain chuan awmzia a nei thuilo khawp mai, Ruata lah chu a thawven ngaiin ala thawveng reng a, hmeichhia te chu a chhaih chhunzawm reng bawk a. Tlaikhat chu Timothy-a chuan a bialnu, SU Leader Faka nau Rosy chu inhmuh pui ah a sawm a. Timothy-a chuan, "College ban veleh inhnuai ber Garage ah minlo nghak dawnnia, kan bang tlai hret dawn a." a ti a, Rosy pawh chuan a lo remti ve mai bawk a. Class an ban hnu chuan Rosy chuan Timothy-a chu a nghak reng a, reife a nghah hnuah pawh alo la kal reng reng lo mai a. Chutia Rosy-i'n a nghah mek lai chuan a hnung atang chuan Ruata bawk chu helmet full face khumin, a incheidan pangngai nen chuan a rawn phei leh ta a. Rosy chu hnunglam atang chuan a pawm thut mai a, a hnute khawih sak talh chu a tum leh ta. Rosy chu tapin a au vak vak a, a tal vak vak a, atawpah chuan Ruata chuan a thlah ta hram a, Rosy chu rang takin tap chungin a tlanchhe ta a. Chupa chuan a helmet a phelh chiah chu Ruata awzawng anilo, amah Rosy bialpa ngei mai, Timothy-a ngei kha a ni.
Rosy chuan a thil tawn chu a u Faka a hrilh ta vek a, Student ho thinrim chu an Director Office-ah an va kal a, kawngka bulah chuan dingin Director Pu Sangtea chu an ngen ta hlawm a. Pu Sangtea chu lo chhuakin, "Enge ni a? Enge thil awmzia?" a han ti a. Faka chuan, "Ruata lo chhuak rawh se, kan hmu duh." a ti a. Ruata chu a lo chhuak a, "Enge a? Enge ka tihsual leh tak a?" a rawn ti vei ham ham a. Faka chuan, "I thiltih chu i hriat kha...nang hian kan college zirlai hmeichhiate i khawih thin a ni. Kar hmasa khan kan class mate Estheri i khawih tawh bawk a, tunah ka nau Rosy ilo khawih leh bawk a, hei hi kan hrethiam theilo a ni." a ti a. Ruata chuan thinrim tak hian, "Animaw....i nau hi ka khawih amaw? Ka hrethiam e, min thik ani tiraw..ka lifestyle hi i awt a ni tiraw? Chuvang chuan i nau khawih angah min puh a, ve khanglang che hian...Ngaithla rawh Faka, i nau hi ka khawih miahlo, mahse ka khawih ang, kala khawih khawp ang." a ti pang pang mai a. Student dangte pawh chu anlo thinrim kher mai, an au nuai nuai hlawm a. Pu Sangtea chuan, "A tawk....ngawi vek ru. In roomah kal vek rawh u, Ruata..nangpawh lut rawh..khatia tawng te kha i zak miah nange." tiin Ruata chu a hau a. Ruata chuan, "Aih...ka zak lo, ka zak eih lo, heng mihringte hi ka hne hlawm lutuk. Chuan maw Faka, i nau Rosy kha, ka khawih mai nilovin nupui ah pawh ka la nei ang." ala ti ta deuh deuh a. Mipui zi nuai nuai kar atang chuan Timothy-a chu a rawn dak a, rum em em hian Ruata chu a melh a. Faka chuan vin zet hian, "Ka nau i khawih ngam a nih chuan han tum chhin ta che...kei hi min hmachhawn hmasak angai ang." a ti ve ta phiar phiar mai a, boruak a sang ta khawp mai. Ruata thinrim chuan Faka chu rawn hnek a tum a, a kut a lek kang lai tak chuan Timothy-a chuan lung a chhar a, Ruata mitah tak chuan a va vawm a, Ruata na ti lutuk chuan a mit a dawm vang vang a. A rawn hawi chhuak a, mit sen vek chung chuan, "Min hnek amaw?" tih pahin hnek ve a tum a, mahse security te anlo kal a, Ruata chu an lo dang a, midangte pawh chu an haw darh tir ta a. Faka te thianho erawh an thinrim ala reh thei thak lo, Ruata chu a phutawk hremna pek ngei an la tum cheu a ni. An HOD bulah bawk chuan an report leh ta a, HOD chuan Faka bulah chuan, "Umm...a tawk ta e, Ruata laka complain kan theh luh apiang hian engmah action hi an rawn la duh ngailo a, a tha e...hawhteh Faka, Office ah va kal teh ang." a ti a, HOD leh Faka chu Office lamah chuan an inzui phei ta a.
Office chhungah chuan an lut a, an buaina te chu an sawi tan ta a. Office chhungah chuan Pu Sangtea, a nau Pu Zuala leh a tupa Ruata (Pu Zuala fapa) te chu an awm a. HOD chuan, "Sir, enge awmzia? Hei Ruata hian hmeichhia a khawih thin tiin complain a awm zing ta khawp mai, enge awmzia?" a ti a. Pu Sangtea chu a ngawi reng a, engmah a sawi lo. Pu Zuala pawh ngawi rengin a thu a, HOD leh Faka chu en pawh an en lo, an melh ngai an melh run reng ringawt a. HOD bawk chuan, "Sir, hetiang zel anih chuan Students te hian min complain anga, kan college tan pawh hian a pawi thei asin." a ti a. Ruata chu rawn dingchhuak in, "He mihringpa Faka hian dawtin min puh anih kha...a nau kha ka khawi eihlo hrim hrim." a ti a. Faka chuan, "I zak em? A kawr pawh i pawhthler sak a, a hnute i khawih sak bawk. Nidangah te pawh i ti fo tawh, kar hmasa pawh khan Estheri pawh i khawih tih kan hria, kum dangah pawh kan SU member pakhat a malpui ruh i vuak tliah sak tawh bawk a, kan DIrector tupa i nih avangin kan ngaidam che a nih kha." a lo ti ve bawk a. Ruata chuan, "Ni e, Estehri kha chu ka fiam ngei alawm...mahse i nau kha ka khawihlo. Mahse hre rawh..vawiin khan min hnek ve khanglang a, i hre khawp ang. I nau Rosy saw ka la khawih khawp ang, dawta min puhna hi thudik ah ala chang em em ang." a ti a. Faka chuan, "I ngam chuan han khawih ta che......enge ka tih theih chu i hre mai dawn alawm." tiin alo chhang let a. Ruata insum zo lo chuan Faka chu a hnek thal ta siah mai a. HOD chuan Ruata chu lo dangin, "Ruata, insum teh...engemaw i tih le?" a ti a. Ruata chuan HOD pawh chu a beng thal tawp mai a, Faka chuan HOD chu ava buaipui vat a. HOD chuan thinrim tak hian, "In professor hi kut min thlak amaw? Ruata, i zak em? HOD ka nih hi....khanglang che chuan.." tih pah chuan Ruata chu ben a tum lai tak chuan Ruata pa Pu Zuala chuan, "Khawih hlek suh...ka fapa kha khawih hlek suh." a rawn ti ta mai a. HOD chuan mak ti tak hian, "Sir, enge awmzia?" a ti hu mai a. Pu Zuala chuan, "Ka fapa kha khawih suh...he hna hi ila duh anih chuan ngawi reng khan he office atang hian chhuak ula, in hna va thawk mai mai rawh u." a ti khur khur mai a. HOD chuan Pu Sangtea va melh pah chuan, "Director Sir...enge awmzia?" a ti leh a. Pu Sangtea chuan, "Buaina a awm anih chuan kan lo sawi khawm mai ang, heta rawn kal kher angai lo. Buaina dang kan nei a, rilru hah lai lai in....chhuak teh u, in lungawilo anih leh he college hio chhuahsan rawh u." a ti a. Faka chuan thinrim zet hian, "Nilove...ka chhuahsan miahlo ang, he college ah hian ka zir chhuak ngei ang, kan lungawilohna te hi kan tilang dawn ani. Min hnawhchhuah pawh tum mah ula ka rualin student dang ho pawh hian min zui ve vek dawn ani." a ti ve ta phiar phiar mai a. Pu Sangtea chuan, "Atha alawm...chhuak vek rawh u, in duh duh chu ti rawh u...pawisa ka nei a, student dang te, zirtirtu dang te pawh ka la leh mai ang...in duh duh dan chuan awm ta che u." a ti vak vak a. HOD chuan zaidam tak hian, "A tha e, ka hrethiam e. Faka...hawhteh,,,i chhuak teh ang. Keini ang te hi chu kan thiamna chauh an duh a, thuneihna kan nei ve chuanglo. Chhuak teh ang, an hmel pawh hi ka hmu peihlo." a ti a, an chhuak ta a.
He college-a thil thleng mek te leh Jaguar hian inzawmna an nei em? Jaguar hi tunge a nih? Tin, Timothy-a kha engvangin nge Ruata anga insiam a, ama bialnu ngei mai, Rosy kha ava tihbuai? Tin...Tunge Timothy-a hi? Jaguar nen hian inzawmna an nei em? Next episode ah kan sawi leh dawnnia aw....
TO BE CONTINUE....
JAGUAR (pt-1)
Written by : Aaron Malsawmdawngzuala
Awle...keimah Rinawma, ASP Lalrinawma ngei mai chu kalo let leh ta e. Insawitheihna pawh nilovin kei ASP Rinawma hian hun rei tak chhung ka lo bem tawh, keima cousin ngei mai Tluangtei chu ka'n kiss ve ta anih kha. Ka zak bawk si, nuam bawk si, khatih hunlaia kan awmdan vel kha chu thawnthu-a ziah chhuah tham a ni. A awmzia inla man lo anih chuan ti hian a awlsam theih dan ang berin ka'n sawi ange...kei val senior Lalrinawma hian bialnu ka nei ve tawh tihna anih chu. Chuan comment naah te khan luck lo si, zei lo si, mawl si...min han ti leh vaih teh u, single ho zawng zawng khan min tluklo phawt a, ka khawngaih hle mai che u. Abikin mipa ho kha, tinge bialnu te hi in neih loh theih zawk le awww? Amak hi ka ti, keini bialnu nei tan hi chuan amak ve em ani. Hmeichhe bem dan in hriat duh chuan Police Station ah lo kal tawp mai rawh u, ka lo hrilhfiah ang che u. A hrim hrimin ngaihzawng neih hi sual pawh a nilova, Pathian pawhin ngaihzawng neih aphal a, a phal vanga nang leh kei hi lo piang kan ni. Nathana lah khan a awihlo ve khanglang a, amah chauh kha hmeichhe bem dan hria a nilo, amah chauh kha thil hre ber a ni biklo ania, ka bawn ve tawk. Awle...ka sawi thui leh mah mah thin, min hrethiam teh u. Thupuiah lut dawn ang aw, ngaihthlak nuam ule.
T&R channel lian ve tak te chuan live in anmahni channel ah news an puang mek a, he channel hi a hlawhtlin mai bakah kumtin mai hian an TRP chu a pung tulh tulh mai thin a. Chu channel neitupa ber leh an director ber chu Pu Sangtea a ni a, pa hausa leh luhlul tak a ni. Hemi zan hian Mizorama thil thleng hrang hrang te leh news thar ber ber te chu an chhuah a, channel dang te pawn an tluk ngailo hle. Chutia news an chhuah mek lai chuan an khawl te chu a rawn tawp thut mai a, light a thim vek bawk a. An mangang hlawm hle mai, Pu Sangtea pawh chu a phi ruai mai a, mahse second 10 vel hnuah chuan alo eng leh a, an channel big screen ah chuan, "Tun atanga minute 1 hnuah he channel ah hian tualthahna LIVE-in tihchhuah a ni ang." tih hi alo in ziak a, timer a in set nghal bawk a. Pu Sangtea pawh chuan a ngaihna a hrelo hle mai, control room lam be pawp vatin, "Enge thleng hi? Tunah ti tawp vat rawh u." a ti chiam chiam mai a. Control room duty te chuan, "Sir, he thil hi engtia lo awm nge kan hre biklo, kan current line pawh a control tel vek a ni." tiin an lo chhang a. Pu Sangtea chuan vin zet hian, "Main plug ah off mai ru, tunah off vat ru." a ti chel chul mai a. Duty chuan, "Sir, main plug ah chuan kan off tawh, engmah danglamna a awm lo. He thil titu hi hacker a ni ngei ang, police phone mai chi a ni." an rawn ti a. He thil thlen lai hian Nathana nen hian TV ah engkim chu kan lo hmu ve vek a, rang takin T&R Office lam chu kan pan nghal kan tum a. Mahse Nathana chuan, "Kan thleng hman chuang lo ang, engthil nge thleng tih chu han en zel phawt teh ang." a ti a, tichuan TV lam chu kan DGP te nen chuan kan en thap mai a.
......................
T&R Channel lo en mektu pakhat, Lawyer Muantea chuan a Hotel thlenna ah chuan amahin zu in pahin TV chu a en a. Chutia a en reng lai chuan channel chu a rawn chianglo a, second 10 hnu velah a rawn tha veleh mai a. Mahse TV screen-a inziak chu a han chhiar a, minute 10 hnua tualthahna LIVE-a an chhuah tur thu a rawn inziak ta mai chu mak a ti hle a. Tichuan a thian dangte a phone a, tualthahna a thlen tur thu te chu hrilhin T&R Channel lo en ve vek turin a hrilh hlawm bawk a. Minute 1 a pel tep tihah chuan current a rawn awmlo ta daih mai a, a thinrim kher mai. Rangtakin reception lam a zu phone a, vin zet hian, "Current a awmlo ania, thil en tui lai lai a. Generator te in nei ve lo em ni? Rawn siamtha vat ru.." a ti vak vak a. Tichuan phone chu a dah a, second 10 vel hnuah chuan kawngka a rawn in kik dat dat a. Muantea chuan, "Lo lut rawh.." a ti a, mipa khat bag ak puar luah mai hi a lo lut a. Pu Muantea chuan, "Nangmah em ni electrician chu...an rawn tir che em ni?" tih pah chuan a va melh a, a thim em avang chuan a hmel a hmu thei lo. Chupa chuan chhang lemlo chuan a lu a bu nghauh ringawt a, tichuan pawn verandah lamah chuan a phei a. Pu Muantea chuan, "Siam vat teh aw...thil en lai ka nei ania." a ti a. Reilote hnuah chuan light chu a rawn eng ta a, pawn atang chuan chupa chu a rawn lut a. A hmel erawh a hmuh theih loh, hmaikawr dum vek hi a vuah a, coat dum fual tle zar mai hi a ha bawk a. Bag erawh a ak tawh lo, kawr dum vek a ha a, kekawr dum leh pheikhawk dum nen, amah chu rawng dum vekin a inthuam a ni ber mai. Muantea chuan chupa chu ava en a, anui suka, "I thiam hle mai, nakinah ka check out hunah pawisa ka pe dawn che nia. A hrim hrimin tinge khatia i inthuam up a? Alum te i ti velo em ni?" a lo ti nuah nuah a. Chupa chuan a chhanglo, Muantea chu a en reng ringawt a. Muantea chuan, "Chhuak tawh raw...mi chhanna chang pawh hrelo." tihpah chuan TV chu on a tum a, mahse TV chu a in on thei ta reng reng lo mai a. Muantea chuan, "Enge awmzia? Tinge a in on theihloh a? I siam tha lo em ni?" a ti a. Chupa chuan zawimuang hian, "I thihna tura ka ruahmanna siam te chu ka zo fel tawh e." a ti ta mai a. Chuveleh TV chu amahin a in on a, TV screen ah chuan amah Pu Muantea awmna room ngei mai chu a lo lang ta a, abula mipa dum veka inthuam pawh chu a lo lang ve nghe nghe bawk a. Pawn verandah atang chuan drone camera hi a rawn thlawk chho bawk a, TV ah chuan camera angle hrang hrang atanga lak..ama room chhung ngei mai chu a lang chuai chuai bawk a. Pu Muantea chu a hawi kual a, a room ah chuan camera alo in hung fer fur hlawm mai a. Pu Muantea chuan mangang tih hriat tak hian, "Hey...tunge i nih? Enge awmzia?" a ti chel chul mai a.
Chupa chuan, "T&R channel ah khan tun mai khan LIVE-in tualthahna video an chhuah tur thu an rawn sawi a, chu video tur chu tunah hian kan pahnih hian kan siam dawn mek ani." a ti a, Muantea chu a hlau kher mai. Tichuan chupa chuan Pu Muantea chu a sawisa ta vak vak mai a, bangah te chuan a lu a tauh tir chawrh chawrh a, achang leh a rek a, a hnek a, a beng a, a pet vak vak bawk a, en hrehawm tak a ni. Minute 5 chhung vel zet chu a sawisa a, mahse thawm a hriat avang chuan camera te chu la khawm vatin a bag ah a khung a, tichuan chemte a phawrh a, Muantea chu vawi 10 chuan a vit ta siah siah mai a, thisen a per nuai nuai a, Muantea chu a thi chiang ngei mai. Chupa pawh chuan a bag chu a ak a, tichuan tukverh ah chuan a zuang chhuak ta daih mai a. Pu Muantea erawh chhan hman a ni tawh lo, thisen nena inchiahpiah nuai mai chuan chhuatah chuan a let der mai a.
..................
Minute khat a ral ta maw tihah chuan screen ah chuan Hotel room chhung ang deuh mai hi a rawn lang hlawl mai a, tichuan room chhungah chuan mi pahnih hi an lo awm a. Pakhat zawk chu kan hmelhriat a ni...kan case chhui naah te pawh minlo pui ve zeuh zeuh tawh tu, Lawyer Muantea a ni tlat mai. A bula ding erawh sang lampang, cher deuh hlek, hmaikawr dum vek vuah, thawmhnaw dum veka inchei leh coat fual tak ha hi a ni a. Tichuan vawileh khatah chupa chuan Pu Muantea chu a sawisa ta chiam mai a. NAthana chuan, "Eheu....khi khi khawi hotel nge?" a ti chiam chiam mai a. SI Liantea chuan, "Sir, EMR Hotel a niin ka hria, kawng chung lam atanga kalin a hnai zawk ang, ka Station atang hian a hla vak lo." a ti a. NAthana chuan, "Police Force nen kal vat ang u...a that hman ange." tih leh tlanchhuah kan rual nghal a. Hotel kan thleng a, rang takin Pu Muantea floor awmna chu kan han thleng a. Mahse kawngka a lo inkalh tlat mai. Nathana chuan kawngka chu a tlawh chhia a, a chhunga kan luh rual chiah chuan tualthattupa chu tukverh ah alo zuang chhuak hman chiah chiah a. NAthana chuan tukverh lam chu panin a va dak a, keipawh chu ka va dak ve a. Chu kan mi um mek pa chu mak tak ani, mihring pawh a ang lo. Building lehlam ah te chuan a zuang kai zung zung mai a, bag puar deuh mai hi a ak luah lehnghal. NAthana chuan, a phone phawrhin, "Hnuai lamah, ground ah lo chang ru. North lampang ah a rawn kal bawk ania.." a ti chel chul mai a. KEini tan chuan tih ngaihna a awmlo, tukverh ah chuan han zuang chhuakin han pakai phei ve zawt zawt tum mah ila, kan kum a lo tam ve tawh nen, kawng herh mai te pawh a hlauhawm bawk si. Inhnuai lama chhuk leh dawnin hun kan paih hnem dawn si, thu thar nghakin kan lo awm tawp mai a. Ruang chu kan han en a, hmun 10 velah vih a ni a, thisen a baw hnem ngei mai. Chhan tlak a ni tawh lo, a thi chiang em em mai hi a ni ringawt. Nathana chuan, "Tunge mawni le, a che rang si?" a ti nuah nuah a. Chuveleh phone call kan dawng a, "Sir, a awmna chin kan hre tawh lo, a che rang lutuk, kan man hmanlo a ni e." an rawn ti a. Nathana chu muang chang hian a ding chhuak a, tuverh lam chu hawi pahin, "Plan felfai tak a nei a, hacker a ni tih a chiang bawk. Amah chauh a nilo maithei, puitu a neih ka ring tlat. Chuan professional dik tak ani, insual a thiam bawk a, a che rang em em bawk. A tualthah dan en hian phuba lak duhna a nei tih a chiang a, a bawn kher mai a....Rinawm, he kan hmelma thar hi a hming ka'n phuah law law teh ang." a ti a. Keichuan ka lu thak lo pui chu hiat nuah nuah pah chuan, "Enge niang?" ka lo ti hu a. Nathana chuan muang cherh chawrh, fiah tak si hia, "J-A-G-U-A-R.....JAGUAR ni rawh se." a ti a.
T&R Channel te hi company hlawhtling tak leh sum ngah tak an ni a, channel chauh nilovin anmahni hming tho hian Boarding College an nei bawk. He college pawh hi a lar hle a, kumtin mai hian zirlai hi an neih belh zel a, zirlaite pawh an ti tha thin hle. Chu college pawh chu T&R College tihin a hming an vuah a, he T&R company, avaia nei tu chu an Director Pu Sangtea hi a ni.Tualthahna thlen zan khan T&R channel hi an lar zual phah hle a, youtube lamah pawh an channel chuan khami zankhat leh chhung khan subscriber a letin an neih belh a, viewer te pawh maktaduai chuang an ni. A awmzia chu kha channel-a tualthahna thleng kha Mizoramah chauh nilovin, State dang te pawhin an lo en tihna a ni.Mak tak maiin T&R channel chu a hma aiin an dinhmun chu a invawrh chho chak hle mai a, an TRP pawh a sang hle bawk. Tualthahna thlen tukah chuan Pu Sangtea chu an office ah kalin ahma zana thil thleng vel chu an sawi ho a, tichuan control room ah a lut a, duty ho bulah chuan, "Enge chanchin thar? Thu lawmawm te a awm em?" a han ti a. Duty zinga pakhat chuan, "Sir, thu lawmawm loh chu mipui te leh Police department ten min dem a, kan duh reng vanga thil ti ah min ngai ani. Mahse thu lawmawm deuh mai a awm bawk. Chu chu nidang zawng aiin kan channel TRP hi a sang hluai mai a, tun dinhmunah chuan North East ah kan sang ber hrih a ni." a ti a. Pu Sangtea chuan, "A tha e, kan TRP tal asang alawm le...mahse kha tualthattu kha kan chhuichhuah ngei angai ang." a ti a. Hemi ni hian T&R college te chuan class an tan leh tawh dawn a, newcomer te lo luh hun a ni. College kal chu an han tan leh ta a, nula chhelo tak tak te leh tlangval hausa tih hriat tak tak te chu an vei leh ta suau suau mai a, an changkang hlawmin an hmel pawh hmuh a nuam narawh e. He college hi a changkang a, sum nei ve tawk tak te tan lo chuan han luh ve ngawt na chi pawh anilo, he thawnthu ziaktupa phei hi chu a lut pha teuh lo mai. Fresher tam tak anlo lut a, fresher zingah chuan tleirawl hmeltha tak, kum 22 mi, cher lampang, sang tha zeih zawih mai leh ngo lampang, Timothy-a a awm ve a, hmeichhe thenkhat te chuan an en duh hle mai. He college ah hian SU (Student Union) Leader chu Lalfakawma (Faka) a ni a, chu chuan nau hmeichhia, hemi college-a lut ve tho, hmeltha zet mai Rosy a nei bawk a. Timothy-a chuan Rosy chu a vawikhat hmuhna atangin a ngaizawngin aduh em em a, ngaihzawn ngei pawh a tum nghet tlat a ni.
Nathana nen chuan tualthahna thlen tukah chuan T&R Office lam pan chuan kan kal ta a, office chhungah chuan T&R channel staff te leh manager te chu anlo titi a. Office chhung luh kan tum chu kawngka bula security chuan, "Kan pute an committee a, luh tlang phal anilo." alo ti a. Nathana chuan, "He case hi keimahni kutah a awm a, in pute saw thil zawhfiah kan duh a, kan luh ngei angai a ni." a ti a. Security chuan, "Aih...a theihloh. Police te pawh lo luh tirlo turin min hrilh a, min hrethiam teh u." a ti a. Nathana chuan security chu a bulah a pawthnai a, "Inspector Nathan Malsawmkima thu hi i hnial ve khanglang animaw?" tih pah chuan a nam sawn dawrh mai a. Office chhungah chuan kan lut a, Manager te leh Supervisor te, staff te chu an lo titi laih laih a. Nathana nena min hmuh chuan Manager zinga pakhat chuan, "Engvangin nge inlo luh a, he kan meeting hi a zawh hma chu police te pawh lo luh kan phal hleinem." alo ti a. NAthana chuan, "Hnuchhui hi nangni TV Channel-a thawkte nilovin Police te zawkin a ni chhui thin ni...nangni erawh chuan pekchhuah chauh inthiam." tiin alo chhanglet a. Manager chuan, "He kan buaina hi a serious viau ania, khawngaihin pawnah minlo nghak ru." a ti a. Nathana chuan, "In channel ah ngei hian nizanah LIVE-in tualthahna chhuah a ni a, a titu hi hacker emaw, misual dang nangmahni pawhina in hriat loh a ni tih pawh kan hria. Mahse a titu chu tupawh nise, in channel hrechiang em em tu a ni a, in channel atanga chhuah anih miau avangin keini a chhui tute hian kan duh chuan Police Custody ah kan hruai vek thei che u tih hria ang che." a ti a. Chu veleh kawngka bul atang chuan tu emawni hian, "Min hruai la, i ngam chuan min man ta che." a rawn ti a. Kawngka lam chu kan va hawi phei thup a, T&R Channel Director Pu Sangtea a lo ni a. Nathana chuan Pu Sangtea melh pah chuan, "Nang hi animaw Director chu?" a ti a. Pu Sangtea chuan, "Aw...kei ngei hi ka ni e. He thilah hian Police hi inlo inrawlh vak angai lo ang, kan channel a ni a, keimahni hian kan chingfel ang. FIR kan thehlut lo a, keimahni tih chawp ani nge nilo pawh in hria em ni?" a ti pang pang mai a. Nathana chuan vin deuh tak hian, "Ngaithla teh Director, tualthahna a thleng a, chupawh TV ah, tupawn kan hmu a, Mizoram pumah a lar em em bawk. Hetiang thil a thlen lai hian keini Police te hi kan awm mai mai i ring em ni?" a ti a. Pu Sangtea cuan, "I aw key kha san reng reng suh, helai hmun hi Police Station a nilo, ka office a nih hi. Helai hmunah hian keimah chiah hian ka aw key ka san thei, chu chu hria ang che." a ti khur khur a.
Nathana chuan, "Animaw....a tha e. Company pakhat a Director-i'n kei DCP hi tihtur min hrilh amaw? In channel TRP san chiah in mamawh ani tiraw? Anih chuan han chhui ula...tunge chhuichhuak hmasa kan hria ang chu. Tin, hei hi lo hria ang che...he tualthahna ah hian i inhnamhnawih anih vaih chuan ka encounter hmasak ber tur chu nang hi i ni ang." a ti a, chhuah kan tum lai tak chuan Pu Sangtea chuan, "DCP...he kan sumdawnna tichhe thei tu chu tupawh nise, kan member pui ngei pawh nise, nangni pawh kha ni rawh se....thlamuang takin ka awm tir mai mai lovang." a la rawn ti hram a. Nathana chu a nui suk a, tichuan kan chhuak ta a. Pu Sangtea chuan kan chhuahhnu chuan kan hriattur kher hian ring takin a staff te bulah chuan, "Awle...ngaithla ru, zanin ah kan channel-a news kan puan hunah TV hnuaiah Tualthahna dang...LIVE bawkin chhuah leh ani ang tih scroll ang che u. He tualthattu pawh hi a rawn che leh maithei a, kan channel TRP ti sangtu a ni bawk a, kan hman tangkai a ngai a ni." a la ti ta deuh deuh a. Staff zinga pakhat chuan, "Sir, hetiang te chu a chi dawn em ni? KAn channel hian a tawrh phah thei ania. Chubakah kha tualthahna kha, a tak tak a ni bawk si...keini pawh hi min bei reng zawk pawh anithei asin." alo ti a. Pu Sangtea chuan, "Kan TRP hi a sang em em tur a ni tawp mai, chu chu kan thil tum pawh ani. Ruahmanna chu keiman ka siam mai ang, tunah chuan ka thusawi hi zawm mai rawh u." a ti a. NAthana chuan, "Rinawm, kal teh ang. He Jaguar hi tupawh ni se, ka man em em ang. Chuan saw mi chapo tak pawh saw ka man anga, zirtirna ka pe hlak dawn a ni." a ti a, tichuan kan kal ta a. Tualthahna thlen zan atang khan he tualthattu hi ahmingah Jaguar tiin NAthana'n a phuah a, instagram, Facebook leh Twitter ah a post bawk a. Mizoram ah a lar hle a, he tualthattu pawh hi tupawh mai chuan Jaguar tih vekin anlo hriat phah ta a ni. NAthana hian he tualthattupa hi Jaguar a tih nachhan chu a pian leh a inchei dan te, a hmel te hi Jaguar a an em vang a nilo a, a che rang em em a, a thah tur pawh plan fel tak neiin a that a, a chet ran dan te leh a fin em avang hian Jaguar (sakei) tih hming hi a phuah sak a ni. Chuan Jaguar hi in hriatloh takin..Jaguar chu sakei chikhat a ni a, a che rangin a sa seh tur te pawh a seh ve phut ngailo a, plan fel tak siamin fimkhur takin a bei thin a, sakei chhungkaw zingah chuan a fing ber an ni hial awm e. Bialnu nei velo chuan in hrethiam chuanglo ang, keini ang bialnu nei te hi chuan engkim hi kan hre deuh vek ania.
..................
Kar khat chhung teh meuh a han bem tak tak hnuah chuan Timothy-a pawh chuan Rosy pawh chu a chhai tlu thei ta hram a, an inngaizawng ta a. An hmeltha dun bawk a, reiloteah college ah chuan an lar ta hle mai a. T&R Company neitu Pu Sangtea nau Pu Zuala fapa hi he college ah hian a lut ve a, tlangval awmtha duhlo tak a ni. A hming chu Ruata a ni a, an college hi apatea ta anih vang pawh aniang e, a inla neitu em em a. Class a kal tha peihlo a, rui chungin class te ala a, nula chhaih lah a hrat si. Hmeichhe ho hlauh rawn leh ngei rawn a ni a, an ngei mai pawh nilovin an ten ngawih ngawih a ni ber mai. Insual a hrat em em bawk a, a nep ru fu lehnghal. A thiante zarah hian insual nikhuaah pawh a chak leh nge nge thin a, a hmel lah a chhe ve ropui lehnghal. Bialnu chhe ve te te chu a nei thin a, sum ngah viau mahse a hmel chhuanawmloh tak avang hian hmeichhe hmeltha a chang ve ngai meuh lo. An thianho hian class an bunk ziah a, exam naah lah chuan an pass ve zel mai bawk a. Thla thum te a kallo tawp zel a, a duh hun hunah alo let leh a, college pumpui deuhthaw chuan an hua ani ber mai. Tlai khat chu an SU Leader te class a mi George-a leh a bialnu Estheri te chu class ban veleh a in hmu turin an intiam a, an inhmuh tumna hi an college building hnuai ber Garage ah a ni. Boarding College a nih angin student ho zawng zawng chu Hostel ah an awm vek a, day-scholar an awmlo a, mahse Ruata erawh Hostel ah a awm ve ngailo thung. College lian tak anih angin inngaizawng pawh an awm ve nasa hle a, George-a leh Estheri te pawh hi inngaizawng ah chuan induh ve hliah hliah tak an ni. Sawi tak ang khan George-a hi an College SU Leader Faka thianpa a ni a, an in class mate bawk. SU Faka chungchang hi sawi lawk ila, mi tumruh leh dikna duh mi ani a, ragging hi a haw em em bawk. Leader nih a tlin em em a, student dangte pawhin a thu an awih a, chumai bakah faculty te leh professor te pawhin an fak hle. Hemi tlai hian Estheri chuan building chhawng hnuai ber ah a bialpa George-a chu garage ah chuan a lo nghak a, minute 10 dawn lai a nghah hnu pawh chuan a lo la kal silova, amah chauhvin a awm bawk nen, a hlau angreng hle mai. Kal mai tuma a inher chiah chu a bulah chuan Ruata, Pu Sangtea tupa Ruata, mi awmherh zet mai kan tih kha...Estheri chu a lo nuih vur vur mai a. Estheri chuan kalsan a tum a, mahse Ruata chuan man betin a awmbawr te chu khawihsak talh a tum ta tlat mai a. Estheri chu a tal vak vak a, a tap a, tichuan Ruata pawh chuan nui huah huah chung chuan a thlah ta a.
Estheri chu tap chungin garage chu a chhuahsan a, pawnah chuan a bialpa George-a chu alo awm a , Estheri chuan tap chungin George-a chu a kuah a. George-a chuan hriatthiamloh hmel tak hian, "Esther..enge ni ta? Tinge i tah a?" tiin a zawt a, chuveleh Ruata te thian ho chu lo kalin an rawn nui phei vak vak a. Chuveleh SU Leader Faka te leh an class mate te ho chu anlo kal ve nghal bawk a. Estheri chuan tap chungin thil awmzia a sawi ta a, George-a thinrim chuan Ruata chu va hnek a tum a, mahse Faka te chuan an lo dang vat a. Faka chuan Ruata bulah chuan thinrim tak hian, "Ruata, i ti mah mah tawh a ni. Director tupa i nih avang ngawt hian i duh duh i ti thei biklo ania, i nungchang hi i sim loh chuan Principal bulah ka hek ang che." a ti a. Ruata chuan hmuhsit hmel tak hian Faka chu a nuih vak vak a, "Ve lutuk che hian, kei chuan e...Student Union tih vel ka mamawh lo. He college hi ka ta a nih hi, ka duh duh ka ti ang...i ngam leh min complain ta che, ka hlau lo lutuk hi ka nuih aza zawk." tiin an thian ho chuan an nui vak vak a. Faka chuan, "I la hre ve khawp ang." tiin Ruata te thianho chu an kalsan ta a. Faka chuan complain chu ziakin a theh lut ta ngei mai a, an HOD (Head Of Department) hnenah chuan engkim a hrilh ta bawk a. An HOD chuan Principal hnenah a thehlut leh a, Principal chuan Director a hrilh leh bawk a. Kar khat chhung zet an nghah hnuah pawh complain chuan awmzia a nei thuilo khawp mai, Ruata lah chu a thawven ngaiin ala thawveng reng a, hmeichhia te chu a chhaih chhunzawm reng bawk a. Tlaikhat chu Timothy-a chuan a bialnu, SU Leader Faka nau Rosy chu inhmuh pui ah a sawm a. Timothy-a chuan, "College ban veleh inhnuai ber Garage ah minlo nghak dawnnia, kan bang tlai hret dawn a." a ti a, Rosy pawh chuan a lo remti ve mai bawk a. Class an ban hnu chuan Rosy chuan Timothy-a chu a nghak reng a, reife a nghah hnuah pawh alo la kal reng reng lo mai a. Chutia Rosy-i'n a nghah mek lai chuan a hnung atang chuan Ruata bawk chu helmet full face khumin, a incheidan pangngai nen chuan a rawn phei leh ta a. Rosy chu hnunglam atang chuan a pawm thut mai a, a hnute khawih sak talh chu a tum leh ta. Rosy chu tapin a au vak vak a, a tal vak vak a, atawpah chuan Ruata chuan a thlah ta hram a, Rosy chu rang takin tap chungin a tlanchhe ta a. Chupa chuan a helmet a phelh chiah chu Ruata awzawng anilo, amah Rosy bialpa ngei mai, Timothy-a ngei kha a ni.
Rosy chuan a thil tawn chu a u Faka a hrilh ta vek a, Student ho thinrim chu an Director Office-ah an va kal a, kawngka bulah chuan dingin Director Pu Sangtea chu an ngen ta hlawm a. Pu Sangtea chu lo chhuakin, "Enge ni a? Enge thil awmzia?" a han ti a. Faka chuan, "Ruata lo chhuak rawh se, kan hmu duh." a ti a. Ruata chu a lo chhuak a, "Enge a? Enge ka tihsual leh tak a?" a rawn ti vei ham ham a. Faka chuan, "I thiltih chu i hriat kha...nang hian kan college zirlai hmeichhiate i khawih thin a ni. Kar hmasa khan kan class mate Estheri i khawih tawh bawk a, tunah ka nau Rosy ilo khawih leh bawk a, hei hi kan hrethiam theilo a ni." a ti a. Ruata chuan thinrim tak hian, "Animaw....i nau hi ka khawih amaw? Ka hrethiam e, min thik ani tiraw..ka lifestyle hi i awt a ni tiraw? Chuvang chuan i nau khawih angah min puh a, ve khanglang che hian...Ngaithla rawh Faka, i nau hi ka khawih miahlo, mahse ka khawih ang, kala khawih khawp ang." a ti pang pang mai a. Student dangte pawh chu anlo thinrim kher mai, an au nuai nuai hlawm a. Pu Sangtea chuan, "A tawk....ngawi vek ru. In roomah kal vek rawh u, Ruata..nangpawh lut rawh..khatia tawng te kha i zak miah nange." tiin Ruata chu a hau a. Ruata chuan, "Aih...ka zak lo, ka zak eih lo, heng mihringte hi ka hne hlawm lutuk. Chuan maw Faka, i nau Rosy kha, ka khawih mai nilovin nupui ah pawh ka la nei ang." ala ti ta deuh deuh a. Mipui zi nuai nuai kar atang chuan Timothy-a chu a rawn dak a, rum em em hian Ruata chu a melh a. Faka chuan vin zet hian, "Ka nau i khawih ngam a nih chuan han tum chhin ta che...kei hi min hmachhawn hmasak angai ang." a ti ve ta phiar phiar mai a, boruak a sang ta khawp mai. Ruata thinrim chuan Faka chu rawn hnek a tum a, a kut a lek kang lai tak chuan Timothy-a chuan lung a chhar a, Ruata mitah tak chuan a va vawm a, Ruata na ti lutuk chuan a mit a dawm vang vang a. A rawn hawi chhuak a, mit sen vek chung chuan, "Min hnek amaw?" tih pahin hnek ve a tum a, mahse security te anlo kal a, Ruata chu an lo dang a, midangte pawh chu an haw darh tir ta a. Faka te thianho erawh an thinrim ala reh thei thak lo, Ruata chu a phutawk hremna pek ngei an la tum cheu a ni. An HOD bulah bawk chuan an report leh ta a, HOD chuan Faka bulah chuan, "Umm...a tawk ta e, Ruata laka complain kan theh luh apiang hian engmah action hi an rawn la duh ngailo a, a tha e...hawhteh Faka, Office ah va kal teh ang." a ti a, HOD leh Faka chu Office lamah chuan an inzui phei ta a.
Office chhungah chuan an lut a, an buaina te chu an sawi tan ta a. Office chhungah chuan Pu Sangtea, a nau Pu Zuala leh a tupa Ruata (Pu Zuala fapa) te chu an awm a. HOD chuan, "Sir, enge awmzia? Hei Ruata hian hmeichhia a khawih thin tiin complain a awm zing ta khawp mai, enge awmzia?" a ti a. Pu Sangtea chu a ngawi reng a, engmah a sawi lo. Pu Zuala pawh ngawi rengin a thu a, HOD leh Faka chu en pawh an en lo, an melh ngai an melh run reng ringawt a. HOD bawk chuan, "Sir, hetiang zel anih chuan Students te hian min complain anga, kan college tan pawh hian a pawi thei asin." a ti a. Ruata chu rawn dingchhuak in, "He mihringpa Faka hian dawtin min puh anih kha...a nau kha ka khawi eihlo hrim hrim." a ti a. Faka chuan, "I zak em? A kawr pawh i pawhthler sak a, a hnute i khawih sak bawk. Nidangah te pawh i ti fo tawh, kar hmasa pawh khan Estheri pawh i khawih tih kan hria, kum dangah pawh kan SU member pakhat a malpui ruh i vuak tliah sak tawh bawk a, kan DIrector tupa i nih avangin kan ngaidam che a nih kha." a lo ti ve bawk a. Ruata chuan, "Ni e, Estehri kha chu ka fiam ngei alawm...mahse i nau kha ka khawihlo. Mahse hre rawh..vawiin khan min hnek ve khanglang a, i hre khawp ang. I nau Rosy saw ka la khawih khawp ang, dawta min puhna hi thudik ah ala chang em em ang." a ti a. Faka chuan, "I ngam chuan han khawih ta che......enge ka tih theih chu i hre mai dawn alawm." tiin alo chhang let a. Ruata insum zo lo chuan Faka chu a hnek thal ta siah mai a. HOD chuan Ruata chu lo dangin, "Ruata, insum teh...engemaw i tih le?" a ti a. Ruata chuan HOD pawh chu a beng thal tawp mai a, Faka chuan HOD chu ava buaipui vat a. HOD chuan thinrim tak hian, "In professor hi kut min thlak amaw? Ruata, i zak em? HOD ka nih hi....khanglang che chuan.." tih pah chuan Ruata chu ben a tum lai tak chuan Ruata pa Pu Zuala chuan, "Khawih hlek suh...ka fapa kha khawih hlek suh." a rawn ti ta mai a. HOD chuan mak ti tak hian, "Sir, enge awmzia?" a ti hu mai a. Pu Zuala chuan, "Ka fapa kha khawih suh...he hna hi ila duh anih chuan ngawi reng khan he office atang hian chhuak ula, in hna va thawk mai mai rawh u." a ti khur khur mai a. HOD chuan Pu Sangtea va melh pah chuan, "Director Sir...enge awmzia?" a ti leh a. Pu Sangtea chuan, "Buaina a awm anih chuan kan lo sawi khawm mai ang, heta rawn kal kher angai lo. Buaina dang kan nei a, rilru hah lai lai in....chhuak teh u, in lungawilo anih leh he college hio chhuahsan rawh u." a ti a. Faka chuan thinrim zet hian, "Nilove...ka chhuahsan miahlo ang, he college ah hian ka zir chhuak ngei ang, kan lungawilohna te hi kan tilang dawn ani. Min hnawhchhuah pawh tum mah ula ka rualin student dang ho pawh hian min zui ve vek dawn ani." a ti ve ta phiar phiar mai a. Pu Sangtea chuan, "Atha alawm...chhuak vek rawh u, in duh duh chu ti rawh u...pawisa ka nei a, student dang te, zirtirtu dang te pawh ka la leh mai ang...in duh duh dan chuan awm ta che u." a ti vak vak a. HOD chuan zaidam tak hian, "A tha e, ka hrethiam e. Faka...hawhteh,,,i chhuak teh ang. Keini ang te hi chu kan thiamna chauh an duh a, thuneihna kan nei ve chuanglo. Chhuak teh ang, an hmel pawh hi ka hmu peihlo." a ti a, an chhuak ta a.
He college-a thil thleng mek te leh Jaguar hian inzawmna an nei em? Jaguar hi tunge a nih? Tin, Timothy-a kha engvangin nge Ruata anga insiam a, ama bialnu ngei mai, Rosy kha ava tihbuai? Tin...Tunge Timothy-a hi? Jaguar nen hian inzawmna an nei em? Next episode ah kan sawi leh dawnnia aw....
TO BE CONTINUE....
Comments