NATHAN Episode-11
NATHAN
Episode-11
NATHAN VS RAYMOND
Ka khup intuamna chu a in phelh nuai mai a, ka tuam tha a, a duk kulh mai. A na ka tih avang chuan ka then tlawk tlawk mai a, chutia ka tuam that mawlh mawlh lai chuan indawpna room a Nathana leh Raymonda'n Bank Manager Pu Mawia an lo dawp mek lai chu darthlalang atang chuan ka en a, an tawng erawh ka hre thei chiah lo. Rei fe hnuah chuan an rawn chhuak dun a, Raymond-a chuan, "Sir, i pa chu kei leh DCP Nathana kutah dah mai rawh, hliam i tuar bawk sia, kan lo hruailet leh em em ang, lo va hahchawl rawh." min ti a, a ve khanglang chuan, new commer tete si. Muangchang chuan ka ding a, Raymonda mitah tak chuan ka en a, "Ka pa a ni a, chhanchhuak tur chuan a fapa hi ka chak tawk, ka chhuichhuak anga, nang chuan a tul tul ah minlo pui zawk la ka lawm khawp ang." ka ti deuh ngat a, Raymond-a chu a nui suk a, "Ka hrethiam e, Sir." a ti a, akal ta daih a. Nathana chuan min rawn pan a, ani pawh chu nuisuk pahin, "Sawi tha hle mai." a tia, akal ve leh daih a. Nathana Office ah chuan kan inzui lut ho a, Nathana chu a chair ah chuan a thu a, a bulah chuan ka va thu a, Raymonda chu a ding reng a, Nathana chuan, "Raymond, khawngaihin thu rawh.." a ti a, RAymonda chu a thu ta a. Nathana chuan, "Anih chuan RAymond, engtia hmalak nge tha a i rin a?" a ti a, Raymonda chu a ngawi vang vang a, a rawn hawikang a, "Tunah chuan engmah tih angai lo." a rawn ti a, mak ti takin NAthana nen chuan kan en hu a. Nathana chuan, "Enge awmzia? Hna hautak em em kan neih laiin engmah tih angailo i ti amaw?" a ti a, a thinrim lek lek lehnghal. Raymonda chuan zaidam tak hian, "Relax Sir, ka sawi awmzia chu tun ah hi chuan engvak mah a chet a hun hrih lo, ka sawi awmzia ber chu, tunah hi chuan zanin a kan chetchhuah dan tur kan sawiho ang." a ti a, Kei chuan, "Zanin a?" ka ti a, Raymonda chuan, "Aw...ahmanhmawh thlakin ti nilawm ni?" a ti leh deuh kher a, min chhandan mai mai chuh. Nathana chuan,"Anih chuan i ruahmanna te chu sawi la." a ti a, Raymonda chuan, "Zaninah dar 8 velah kan chhuak tan ang, in pahnihin Police Motorin kal ula, kei erawh ka bike in ka kal thung ang. Bank Manager khan James-a awmna chu a hriatloh thu a sawi a, mahse James-a tih tir vek a nih thu a sawi bakah suitcase-a pawisa pawh kha James-a pek a nih thu a sawi bawk a, chuvang chuan kan rualin Manager hi hruai ve ila a that ka ring." a ti a, Nathana chuan, "Khawiah chuan nge kan kal dawn a?" a ti a. Raymonda chuan a kut chu a rawn lek kang a, silai a min kap ang deuh hian a kut chuan Nathana nen chuan minrawn kawk a, ", mak ti tak hian kan en dun a, Raymonda bawk chuan, "Sa kan pel ang.." a ti ringawt a, a mizia leh a chet dan chu ka ei loh zawng tak a ni. Nathana chuan, "Umm..mahse a awmzia chiah ka la man chiah lo ani. Raymond, Police dangte i pui thin a, kan hre ve vek a. Mi fing tak leh hnuchhui thiam tak i ni tih pawh kan hria. Mahse Nathan Malsawmkima, Deputy Commissioner of Police ka ni a, keipawh hian case tamtak ka chingfel tawh thin. Kan pahnih a kan thawhdun a ngai dawn a, ka thu thu in awm rawh chu ka ti miah lo, mahse puitling i ni a, mifing tak i ni a, awmdan tur chu i hriat ka ring." a ti ta phiar phiar maia, Raymonda chu a ding hluai a, "Sir, ka rilru zawng zawng ka seng a, he case pawh hi kan chhuichhuak ngei ang tih ka tiam ache. Mahse maw ka pu, keipawh hian mifing tak leh Police huaisen tak i nih thu te, case tamtak i chinfel tawh thu te ka lo hre ve bawk a, mahse in hmaa mi hi chu RAymonda ka ni, Detective ka nih angin ka position ka hria a, tu police officer hma ah hian ka kun ngailo, ka sawi ve mai mai a nih chu." a ti ve deuh ngat a, an in cho tawn ve khawp mai. Keichuan vin zet hian, "Engchu nge zanin chuan kan tih dawn min hrilh vat thei angem?" ka ti a. Raymonda chu a vei kuala, "Manager khan James-a nena an inhmuhna thin hmun kha a sawi a, kha tah khan kan kal ang, chuan zanin hian MAnager hian James-a nen zanin dar 8:30 ah inhmuh an tum thu a sawi a, mahse a hmun chu nakinah ka rawn hrilh ang che a tih avangin an inhmuh tamna ber a sawiah chuan kan kal anga, tichuan James-a'n alo call hun kan nghak ang." a ti a. Keichuan, "Manager chuan James-a chu call mai se.." ka lo ti a, Nathana chuan, "Englo ania Rina, Manager chuan James-a hian number hrang hrangin a rawn call thin thu a sawia." a lo ti a, Raymonda chuan, "Chuvang tak chuan an inhmuh ngunna ber hmunah chuan kan kal ang, chu chu a rinawm ber." a ti a. Nathana chuan, "Mahse Raymond, James-a chu chutah kher chuan alo kal dawn mi? Hmun dang daih pawh alo ni thei asin. Chubakah chuta lo va kal kha enge a tangkaina? An inhmuh ngunna ber pawh lo ni tehreng se, James-a chuan hmundanga inhmuh lo sawi leh daih ta se...awmzia a awmlo. Police Stationa lo nghah pawh a danglamna a awm chuang hleinem." a lo ti ve bawk a. Raymonda chuan, "Nia a ni thei tho mai, mahse an inhmuh tamna ber a nih chuan chuta lo va nghah chu a tha berin ka hria, achhan chu kan va awmlang ve dawn chuangloa, Manager chu a rawn hmuh veleh keini kan che chhuak ang. A pawimawh ber chu James-a chuan Manager chu alo enthla reng maithei a, chuvang chuan MAnager hi an inhmuhna turah chuan amah in kan va kal tir ang, keinin hmun biru laiah kan lo chang ang." a ti a, a ruahmanna chu a nep ka lo ti mai mai khawpah, Nathana ka tan zawk em avang te pawh ani mahna. Hmuhsit hmel taka nuih huk pah chuan, "Manager chu amahin kan kaltir anga maw? Chuan keini hmun biru laiah James-a chu man turin kanlo awm tawp anga maw? MAnager chu kan chhuah zalen tihna nih chu, lo tlanbo tase, engtin nge niang? Chubakah kan man turin James-a chu a rawn inpe dawn i tihna em ni?" ka lo ti a. Raymonda chu a nui deuh suk a, "ASP, ka thilsawi hi ka hrechiang a, atha tura ka rin ka sawi ani....kan chhuah zalen lo ang. Manager hi a tlanchhe ngam dawn hleinem..i revolver kha i hmangtangkai dawn lawm. Silai kah thiam em em pathum kan awm a, kan tin reng dawn lawm, atlan vaih chuan i kap mai dawn lawm....i kap ngam te anih chuan" a ti deuh kher a, ka ngawi chiang teh e. Nathana chuan ka beng bulah zawite hian, "Lo ngawi la a that ka ring." a la rawn ti zui. NAthana bawk chuan, "Nihchuan zanin chu khawnge kan inhmuh khawm ang?" a ti a,RAymonda chuan, "Kan inah lokal ru, chutah chuan kan inhmu khawm dawn nia." alo ti leh thawt thawt a, ka va han ngei tak em. NAthana chuan, "Awle, nihchuan i haw phawt ang u..." a ti a, kan haw ta a.
Zan dar 7:30 pelh hret velah chuan Nathana chuan min rawn sawm a, tichuan Raymonda te in lam pan chuan Police Motor chuan kan kal a, Manager pawh chu kan hruai a. Raymonda te in chu kan thleng ta a, pawnah chuan min lo nghak a, a bike CBR dum tle nalh zet mai chu a lo hru hliau hliau a, min hmuh veleh chuan, "Eee..in lo thleng maw, keipawh ka hman tawh alawm, kan kal nghal dawn mi?" a lo ti zuah zuah a, kan chhanglo ve ve. Amah bawk chuan, "Khawnge kan manger kha?" a ti leh a, a tawngdan hi a inla changtupa riau hian ka hria. Nathana chuan, "Kan bula hi.." a ti a, Raymonda chu a lu a bu nghauh nghauh a, tichuan kan chhuak ta a. Managerin James-a nena an inhmuhna thinna lam pan chuan kan kalta a. A hmun chu a hla reuh phian a, darkar 1 vel lai kan tlan hnu chuan kan thleng ve ta mai a. Motor atang chuan kan chhuk a, field zau tak hi alo ni a. Manager chu field lai takah chuan kan kal tir a, keini chu hmun thim lai deuhah chuan kan lo biru a, Raymond-a sawi ang ngeiin pistol chu ka hum ran a. Sana chu ka en a, dar 8:29 a ni, kan pathum chuan kan en reng a, manager pawh chu a hawi kual reng a, dar 8:30 a rik chiah chiah chuan manager chuan a phone chu a phawrh a, call a dawng tih hriat tak hian a phone chu a hmet zeuh a, an inbe ta a, James-a chuan hun ava vawng dik thlap thlap em. Minute 5 vel lai an inbiak hnu chuan Manager chu kan bulah chuan a rawn let leh a, hlauh hmel deuh hian NAthana bulah chuan, "Ka pu, James-a'n a be duh che." a rawn ti a, mak ti takin kan in en hru hlawm a. NAthana'n a biak hma chuan Raymonda chuan, "Loud Speakerin dah rawh, kan hriat vek angai." a rawn ti a, Nathana chuan rum zeta RAymonda melh pah chuan, "Ka dah dawn reng." a ti khur khur a,a nuihzatthlak tep zawk. Phone chu loud speakerah chuan a dah a, JAmes-a chuan, "Nathan, tinge engmah hi i hriatthiam duh loh le, i thianpa mawl zet Rinawma pa hi a thih i duh tak tak a ni maw?" a rawn ti a, Raymonda chuan kan chhan hma hian, "Nang hi maw James-a chu, jail bang zut turin lo inbuatsaih ang che." a lo ti a, James-a chuan, "Khai a, Detective Raymond...i chanchin hi chu ka hre lutuk alawm. Kulikawn Police Inspector Ramtea hnuaia undercover-a thawk thin i ni tih ka hria alawm. NAthana nen chuan min chhuidun dawn amaw..haha, anuam dawn e.." ala rawn ti ham ham a. Raymonda chuan, "Engtin nge min hriat a?" a ti a, James-a chuan, "In chanchin hi ka hre vek alawm, zanin pawh hian hetah inlo kal dawn tih ka hriat vang alawm dar 8:30 ah Manager mawltak kha ka rawn call. In ruahmanna ka hre vek, MAnager in man hma khan zanin dar 8:30 a min hmu turin ka hrilh a, chung te chu a hrilh vek che u a, Raymond-a nen in thawkdun dawn tih pawh ka hre vek alawm. Tunah khan ka hmu vek che u angah ngai hmiah ru, ka duh chu in hriat kha..." a ti a, Nathana chuan, "I thil duh hi engtikah mah a thleng dik ngai lo ang." ati a, James-a chuan, "Hahaha...engmah in hrelo ani, nangni kha in fing viau pawh a ni thei e, mahse in awmdan zawng zawng pawh ka hre vek. Zanin pawn Nathana leh Rina khan Raymonda in va sawm a, Raymonda chuan an in bulah alo nghak mek che u a nilawmni.." a ti ta a, mak kan ti ngei mai. Chu veleh Manager lu atang chuan thisen a rawn perh chuai a, a ri fawk a, a thal nghal der mai. Manager chu a thi tih hriat tak hian a lu chu tereuhte in a kaw phet a, thisen aluang thla zawih zawih a, a khu vut vut bawk a, Raymonda chuan zawi sap hian, "Sniper an awm." a ti a, rang takin motor phenah chuan tlan pheiin kan va biru a. Phone atang chuan James-a chuan, "Hahaaha...lungngai suh u, engtinmah ka ti velo ang che u, kan la inbei dawn chauh alawm, tunah ka thah ve nghal che u chuan, he kan game hi a zo hma lutuk anga sin." a rawn ti ham ham a. Keichuan thinrim zet hian khur dar darin, "James, khawnge ka pa a awm? I ngam anih chuan maw... ka pa kha chhuah la,kei nen hian mipa takin inbei ang hmiang." ka ti a, JAmes-a bawk chuan, "Bawiha, i pa chu theihnghilh rawh, tunah chuan in pathuma min chhuichhuah chu han tum teh u, ka lo bum kawi tak tak teh ang che u." a rawn ti a, Nathana chu a thinrim ngei mai, "James, engtin nge kan awmdan zawng zawng chu i hriat theih a?" a ti a, James-a chuan, "In zingah khan phatsantu an awm a nimai alawm, ka tana thawk, in pathum zingah khan an awm." a rawn ti a, a phone chu a off daih a. Ngawi reng chuan kan in melh ta hru hru hlawm mai a, ka rilru a hah ngei mai, ka pa ka ngaihtuah bawk si. Nathana chuan, "Engah mah ngai suh u, min bum kawi a tum vangin a sawi mai mai nih kha, i haw phawt ang u." a ti a, Raymonda chuan, "Mahse Manager ruang saw.." a ti a, Nathana chuan, "Nia, i phur haw mai ang u." a ti a, Motor phen atanga kan chhuak chu Manager ruang reng reng hmuh tur a awm tawh lo, alo bo daih a nih chu. Mak ti tak hian kan in en a, Nathana chuan, "Engkim hi a hlauhawm vek tawh, fimkhur taka kan chet angai a ni. I haw phawt ang u.." a ti a, kan haw ta a.
Atukah chuan NAthana nen chuan a office ah chuan rilru hah tak chuan kan thudun a, Managerin nizan lama a phone a hman kha chu kan la kawl ngei mai, mahse message check tur emaw, call log check tur a awm lo, phone man tlawm chi, chhe zet mai hi a ni a, camera awmlo, te tak te a ni a, JAmes-a ruahmanna vek tho a nih ka ring, hetia phone chhe tak a hman tir nachhan pawh hi, mahse tinge Manager kha a thah kher, chutih lai karin MAnager ruang lah kha a bo daih lehnghal. Chutia kan inngaihtuah lai chuan constable pakhat hi alo lut a, "Sir, Richard Lalmalsawma a thi, a ruang chhar a ni." a rawn ti a, Nathana chuan, "Richarda a? Sandy bialpa kha maw?" a ti a, constable chuan, "Aw Sir, tukin zing khan Saikhama Kawna veng hnuai lam Pu Zachhunga huanah a ruang chhar a ni, ruang an hmuhna hi ala rei lo, darkar 1 chiah ala liam, police ho min nghah thu an sawi a." a ti a, keichuan mak ti tak hian, "Saikhama KAwn daih daih ah enge a zu tih anga?" ka ti a, Nathana chuan, "Khawnge maw RAymonda pawh hi a awm le?" a ti a, keichuan, "A tellovin a nuam zawk...kal ang Sir." ka ti a, Nathana pawh a nui ringawt, hmanhmawh tak chuan Saikhamakawn ah chuan kan kal ta a. Ruang awmna hmun chu kan thleng a, mipuiho chu kan han hnawt kiang a, ruang chu kan han en a, nataka sawisak ani tih hriat tak hian a hmai chu a pilh nasa a, a duk bawk a. A dulah chuan hmun thuma vihna a awm a, a ke dinglam ruh chu vuak tliahsak a ni bawk. A beng atangin thisen a chhuak nasa em em bawk a, tualthattu hian nasa takin a sawisa a ni tih a hriat. Nathana chuan Richarda jacket hak lai chu a dap a, paper hi a lo awm a, kan han chhiar chu kan rin ang ngeiin James-a bawk alo ni.
"Ka thu inzawm duhlo anih chuan tiang hian ruang inhmu zeuh zeuh ang ka ti che u a, ka vau lawk che u a nilawm ni, mahse in ngaithla duhlo a, Richarda'n a tawrh phah a nih kha. Nathan, he lehkha hi nangmah bawkin i chhiar leh dawn tih ka hria, ngun deuhin ngaithla rawh, zanin hian Ramhlun Venglai field ah zan dar 11 ah chiah chiah lo thleng la, police leh midang te i rawn hruai anih chuan Rinawma pa hi a thi ang, chuan keipawn tumah ka lo hruai lo ang. Ilo kal dawn anih chuan vawiin tlai dar 3 ah ka rawn phone ang che anga, i thuthlukna ka lo nghak ang. Police hna bansanin ka bulah rawn thawk rawh, chu chu i duh anih chuan zaninah chuan kan inhmu anga kan in remsiam ang, chuan Rinawma pa pawh ka lo hruai ang, mahse trick i hai anih chuan a tuar chiang khawp ang."
Nathana chu a ngawi vang vang a, "James-a hian kan awmdan engkim leh kan che vel hi a hmu reng a, chuvang chuan kan fimkhur viau angai dawnnia aw..." a ti a, keichuan, "Sir, enge kan tih ang?" ka ti a, Nathana chuan, "JAmes-a chuan tlaia minlo phone hunah chuan a kianga thawh chu ka duh angin ka sawi ang. Chuan zanah chuan a duh ang ngeiin ka va hmu anga, ka bike in ka kal ang, mahse nangni chu muangchangin ka hnungah min rawn zui ang, Raymonda nen. Chuan hmanrua engmah kenglovin ka kal anga, minlo dap ngei dawn a, tichuan i pa chu ka hruai anga, chu veleh in rawn charge mai dawnnia." a ti a. Keichuan, "Atha e...chuan tunah enge kan tih ang.." ka ti leh a, Nathana chuan, "Tunah chuan Richarda ruang hi a chhungte in lamah lo va dah phei se, chuan kan zui dawnnia." a ti a, tichuan Richarda ruang chu Ambulance in constable ho chuan an phur phei a, an veng Khatla lampang pan chuan kan kal a, Ambulance chu kan zui a. Richarda te in kan thlen chuan a nu leh pa chu kan ko a, Richarda pa bulah chuan Nathana chuan, "Ka pu, thil zawh duh che kan nei nual dawn a, hun tlem min pe lawk thei angem?" a ti a, mahse Richarda pa chuan mak ti tak mai hian, "Police pakhat alo kal a, min zawt vek tawh a, ka fapa ruang lo thlen hma daih khan." a ti a, mak ti takin keichuan, "Tu Police maw?" ka lo ti a, Richarda pa chuan, "Police chiah chu a nihloh thu a sawi a, mahse Undercover Detective a nih thu a sawi a, ahming kha RAymond-a a inti in ka hria." a ti a, ka rindan chiah a ni, min rawn miah lovin alo kal hmasa thawt thawt a, kan tihtur min tihkhalh zel chuan enge kan hna hi a tangkaina ni ang, hrep tak chuan...NAthana chuan, "Anih chu, kan thawhpui a nia, amah chu kanlo va zawt leh mai dawnnia.." a ti a, Richarda te in chu kan chhuahsan leh ta ringawt a, ka lungawilo takzet. Motor ah chuan kan thu a, kan tlan mek lai chuan Nathana chu a ngawi reng a...
"Sir, Raymonda hi a tangkai lo, min tibuai zawk a ni."
"DGP hian min pui turin alo ko bawk sia.."
"Ka rindan phei chuan kan zinga James-a'n phatsantu a tih han Raymonda hi a nih ka ring."
"A ni biklo ang, rinawm tak chuan a thawk ve thin tih chu ka hria lawm."
"Chupawh nise, ka ring thei chuang lo. A hrim hrimin min inform ve se tha tur a nia, engmah a sawi duh bawk silo a."
"Nia..a bei zialo khawp mai, ka lo hau dawnnia."
Kan inah chuan ka haw a, ka lungawi thei ngang lo, RAymonda chetdan hi ka kham tawh takzet a ni. Ka roomah chuan ka lut a, kawngka ka khar thuai a, a ri bur a. Ka nu chuan a rawn kik dat dat a, "Bawiha, enge a? I thawm ava na ve.." a rawn ti a, keichuan vinzet hian, "Ka nu,tunah chuan ka buai, ka hman lo, khawngaihin keimahin min awmtir hrih rawh." ka ti a, ka nu pawh chuan, "Awle." tiin a kalsan ve mai a. Ka nu chu ka khawngaih a ni, ka pa dinhmun a hre bawk silo, engtin nge ka tih tak ang? Chutih lai karin Detective fing leh chhuichhuahloh la neilo ni a an sawi Raymonda lah chu min tibuai tur chauhin a rawn kal lehnghal, ka rindan phei chuan James-a nena an thawhdun hi ka ring tlat a, JAmes-a tan a rawn spy niin ka hria. Ka lungawi thei thlawt lo leh insum zolo chu ka chhuak a, ka bike a chhiat avangin taxi ka pharding a, Raymonda te in lam pan chuan ka kal ta a. An in ka thleng chiah chu kik pawh kik lovin kawngka ka hawng pawp a,"Raymond." tiin ka au lut nghal a. Inchhung chu a lo reh vek a, room atangin a lo chhuak a, "Ehee..ASP, enge ilo tih dawn? Richarda thihna chungchang chhuizui turin Stationa lo kal ka lo tum chiah a.." a lo ti nghal zuah zuah a, ka va pan hnai a, amitah tak ka en a, "Raymond, kan senior i ni em ni? DGP i ni em ni? Kan thu zawm hi i duhlo anih chuan min kalbo san rawh.." ka ti phiar phiar mai a, mak tih hmel tak hian Raymonda chuan, "Rinawm, enge i sawi awmzia?" a ti a, vin zetin keichuan, "Hrelo der suh, engvangin nge Richarda chhungte bulah kan kalhmaa ilo va kal vel a, engtin nge an in te i lo hriat hman a? I kal dawn anih chuan min inform vela, kan thu lova i duh duh dana i awm hi a thiang hleinem." ka ti a. Raymonda chuan inthiamlohna hmel nei miahlo hian, "Kan buaina hi a double vek tawh anih hi, hna hi kan insem angai alawm. Ka tihtur diktak ka ti a ni, ka pui mai che u a, he hna thawk tur hian helai hmunah hian kalo kal a ni. Chuan ASP, detective ka ni a, he in hna ah hian puitur che u in in DGP khan min rawn sawm zawk tih hi lo hre ve mai mai rawh. Ka inah i lokal a, i duh dan dan a i rawn ankhum turin constable ka nilo, Detective, private detective ka nih hi, i duh chuan i chhuak thei tawh ang. " a ti khur khur a, keichuan, "A tha e, ka thiamlo a ni e, mahse hre rawh, kei aia i ropuina vak hi ka hre biklo." ka ti a, ka kalsan ta a. Ka rilru a hah tawh takzet a ni, James-a hi ka hmuh hun chu a chaklo ngawt ang, ka pa ka ngaihtuah tawh bawk si, ka nu hian engtik ni ah emaw chuan a la hre vat dawn tho bawk si a, ka buai ani ber mai.
Tlaiah chuan Nathana office ah chuan kan pathumin kan awm a, Raymonda nen chuan rum zet hian kan inmelh leh hrek hrek thin a, Nathana chuan RAymonda bulah chuan, "Raymond, enge Richarda pa chu i va zawh, engthu nge i va hriat?" tiin a zawt a. Raymonda chuan, "Nizana a chhuak kha ahaw lo a, a thianpa te ina leng tur angin a insawi a, chuan Sandy bialpa a nih thu te min hrilh bawk a, chutia thuthar vak a awm lo. Mahse tunhnai hian a rilru a hah hmel hle thu a sawi a, biak pawh hian a phu zuk zuk zel tih ten a sawi a, chuan phone call a dawn hian a chhungte hriat ve hlau takin hmundangah a be daih zel tih vel ten a sawi." a ti a, Nathana chuan, "A tha e, zanin hian plan mumal tak nen kan chet angai ang, tun atanga reilote ah hian James-a chuan min rawn phone dawn a, a bula thawk turin min lo sawm leh dawn. Chutah chuan ka pawm anih chuan Rinawma pa a chhuah zalen dawn a, tichuan zanah Ramhlun VEnglai field ah dar 11pm ah kan inhmu dawn a, chuatah chuan nang leh Rinawma hian ka hnugah minlo zui anga, police force inlo hruai bawk ang. Tumah rawn hruai lo turin min ti a, amah pawn tumah a rawn hruailoh tur thu a sawi. Ka lo hruai che u tih a hriat chuan Rinawma pa hian a tuar dawn a, chuvang chuan nangni pawh inlo fimkhur a ngai ang." a ti a. Raymonda chuan, "Sir, thil pakhat ka lo sawi ve thei angem?" a lo ti ve leh hman hram a, ka ang zuau hman a, Nathana chuan, "Aw..sawi la." a ti a, ka va han haw tehkher em. Raymonda chuan, "Sir, ka rindan chuan James-a hian tumah a rawn hruailoh ka ringlo. Chuan nangpawh nangmaha i va kal bik a ring miah lo ang." a ti a, keichuan ngei hmel deuh hian, "Anih chuan enge i sawi tum tak chu?" ka lo ti a, Raymonda chuan a mitsirin min rawn melh a, a nui suk a, "James-a nen in inhmuh veleh chuan in dap ve ve rawh u, hmanrua in pai nge pai lo tiin. Chuan chumi hnuah chuan ASP Rinawma pa awmna zawt la, a hrilh ve leh che insual pui rawh."a ti ta mai a. Keichuan vin zet hian, "Eng a? I duh leh va insual puila.." ka lo ti a, Nathana chuan min rawn khap vat a, "Rinawm..please..lo ngawi thin teh" a ti a, ka ngawi ta hram a. Raymonda chu a va melh a, "Anih leh insualpui ta ila.." a ti a, RAymonda chuan, "I insualpui ang, chutah tak chuan keini kan lo che chhuak dawn lawm. Shootout a thleng lo ang tih a sawi theih loh, a mi leh sate an rawn chhuak anga, kei ni kan chhuak ve leh anga." a ti a, keichuan ngeihmel tak hian, "James-a leh Sir Nathana hi an insual kher a ngaihna chhan hi ka hrelo, enge awmzia?" ka lo ti vat a, Raymonda chuan min nin hmel tak hian, "Achhan chu ila hre mai dawn alawm. Ruahmanna tha zawk thil dang i hriat chuan min hrilh ve la" a ti a, min hnial dang leh ta. Nathana chuan, "Awle, Raymonda sawi ang chuan ni rawh se..." a ti a. Kan titi lai chuan phone chu a rawn ri a, kan pick up a, rin ang ngeiin JAmes-a alo ni...
"Hello...Nathan, enge ka offer chu a an a?"
"Atha e, Rinawma pa kha kaltir la, chuan i bulah chuan ka thawk ang."
"Haha...engtin nge ka rin theih ang che?"
"I sawi ang ngei khan zanin dar 11 ah chuan ka lo kal ang, mahse Rinawma pa kha lo hruai ang che."
"Ka lo hruai ang, mahse min bum i tum a nih chuan.."
"Nilo James, ka bumlo ang che. He Police hna hi ka bansan anga, i bulah chuan ka thawk ang, mahse ka duh angzat pawisa chu min pe ang che."
"Hahaa..tehreng mai thiana, awww Lalpa thatzia hi chu..corrupt Sub-Inspector NAthana kha alo let leh ta e, tunah chuan DCP a ni tawh lehnghal, i pawisa duhna kha ala reh mai mai dawnlo tih ka hria a lawm.."
"Zanin chu ka lo kal ngei ang."
Phone chu a dah a, kan plan chu a fuh dawn riau in ka hria, mahse RAymonda'n NAthana leh JAmes-a insual kher tura a tihna chhan hi ka la hrethiam thei lo. Zan alo ni a, kan haw ta vek hlawm a. Kan inruahman fel a, engkim kan ready vek tawh hnuah chuan zan dar 11 rik chu kan nghak ta a. Dar 10:30 vel a rik chuan kan chhuak ta hlawm a, tichuan Nathana chu a Bullet Bike chuan a kal a, kenin a hnungah muangchangin RAymonda nen a bike CBR dum chuan inphurin kan zui a, kan hnung leh ah chuan Police Force ten min zui a, mahse siren kan off, achhan chu kan fimkhur angai tlat a ni. Ramhlun Venglai field chu kan thleng ta a, Raymonda chu field lai takah chuan a ding a, keinin Pavilion hnung thim lai ah chuan biru chungin kan en thap a, thli chu a thaw vuk vuk mai a. Raymonda chuan voice recorder tereuhte hi a kamis ah a kilhbet a, chuta tang chuan NAthana tawng chu Raymonda nen kan ngaithla thei vek a ni. Minute 10 vel hnuah chuan car var nalh tak hi a rawn tlan a, Nathana hmazawnah chuan a ding a. Motor atang chuan JAmes-a chu a hmai tuamin a rawn chhuk a, Nathana chu a va pan a. NAthana chuan, "Khawnge Rinawma pa?" a ti a, James-a chuan tawng miahlo hian ama car rawn khalh chu a kawk a. Nathana bawk chuan, "Min dap rawh..engmah ka pailoh zia i hriat nan.." a ti a, James-a chuan a dap a, a kekawr dap tura a kun chiah chu NAthana chuan chiang em em hian James-a mitah chuan a khupin a do siah mai a, JAmes-a chu a thla chiang ngei mai. NAthana chu va tlan pheiin James-a chua va thut bet a, a hnek siah siah a, mahse James-a chuan a bula thingbung chu dap fuh in Nathana bekah chuan a vua a, Nathana pawh chu a thal ve tawp mai. James-a chu a inperh tho at a, Nathana chu zawimuang hian a rawn tho a, a hnungzangah chuan James-a chuan a thing ken chuan a hlap leh pawp a, thing pawh chu a bung hmawk a, Nathana chu a bawk thlawp mai a. James-a chuan duhtawk mai lovin a chhui zui hrep a, keichuan NAthana chu puih ngei ngaiin ka hria a, an insual lai en reng pah chuan, "Raymond, kan zu kal tawh mai dawn mi?" ka ti a, mahse min chhanglo. "Raymond?" tih paha ka va hawi phei chuan RAymonda alo awm tawh lo. NAthana leh JAmes-a lam ka zu en leh chuan RAymonda chuan JAmes-a chu a lo tlawh thal tawp mai a. Chuveleh Police Force ho chu ko vatin kan chhuk thla ta a, RAymonda chuan James-a chu a lo chhui vak vak a, James-a chu na ti tak hian a vial ngawng ngawng a. A rawn thoa, Raymonda chu va hnek tumin a tlan phei a, mahse Raymonda chuan lo bumin JAmes-a chu ama motor hnung light ah chuan keh chhuai khawpin a intauh a, thisen a baw zawih zawih a, a khur dur dur a, a che ta miah lo. NAthana chu thihnuang hian rawn tho a, "A thi tawh nih kha." a rawn ti a, Raymonda chuan, "Rinawma pa kha.." tih pahin James-a car lam pan chuan a tlan phei a, kei leh Nathana pawh chu kan tlan phei nghal a. Car kawngkhar chu Raymonda chuan a hawng a, a chhungah chuan ka pa chu thlan tla bawrh bawrh hian a lo thu a, a kut chu a lo inphuar a, a ka chu puanin alo inhnawh bawka. Va kaihchhuah ka tum chu ka pa chu a lu a lo thing nasa mai a, a lo duh miah lo. A hmel chu a hlauhthawn hmel em em a, Nathana chuan a ka hnawhna chu a lak chhuah saka, chuveleh ka pa chuan thaw hlawp hlawpin, "Min khawih che suh u, bomb a awm ania.." a ti ta mai a. Ringzet hian, "Bomb aa?" kan ti rual thawt a. Ka pa chuan, "James-a hian car ah hian bomb a kam ani..chuan tuna thi ta kha James-a a nilo.." a ti leh a, rang takin ruang awmna lam chu ka va kal a, a hmaituamna ka va phelh chu James-a alo ni miah lo. Ka pa chuan, "Ramliana a nih kha, James-a mi leh sa te zinga mi anih kha.." a ti leh a, Nathana chuan, "Zawnga mai mai chuh.."a ti khur khur a. Ka pa bawk chuan, "Motor hmaah sawn bomb adah a, tunah chuan minute 5 pawh a tling tawh lo ang, Bomb wire chu ka thutna seat hnuaiah hian a zam phei a, a spring nen hian a thlunzawm a ni, tunah hian ka thutbet avangin a puaklo mai chauh ani, ka tho a nih chuan seat hnuaia spring hi a kang anga, chumi leh wire chu a intai trek anga, bomb hi apuak dawn a ni. Chuvang chuan tunah hian in defuse vat angai, nihloh chuan he motor hi apuak ang." a ti a, kan mangang hle mai.
Nathana chuan, "Bomb defuser ho hi kan call vat angai.." a ti a, mahse Raymonda chuan car hma chu a hawng a, beidawng tak hian, "Kan tlai tawh, minute 4 chiah a awmtawh tawh." tih pahin bomb chu a kawk a. Ka mangang hle mai, chutia kan buai luai luai lai chuan Nathana phone a lo ri a, JAmes-a alo ni. NAthana chuan, "Hello." a ti dek dek a, James-a chuan thinrim zet hian, "Zawngsen, tunah chuan ka rin ang ngeiin min phatsan ta maw. Khatia awlsam taka ka lama i rawn tan duh mai kha ka ringlo reng a ni, chuvangin ania kei rawn kal lova keimah anga ka nau Ramliana ka rawn tirh, mahse ilo that a, ka rinlawk ang vel ani. Rinawmpa pa chu tikhan mangtha mai rawh u, tihtheih in nei tawh lo, ka thinrimna a chhuak ve ta tak tak tawh e, tichuan nitinin Aizawl khawpuia tleirawl te hi a mal te te in an thi ziah tawh bawk ang. MANGTHA LEEEE" a ti a, phone chu a dah ta daih a. Ka thinrim lutuk leh mangang lutuk hi ka puakkeh lo chauh tawh, JAmes-a chu a tak ngeia hmuh a chan sawm vek ka van chak tak em. Ka pa chuan zawi sap hian, "Bawiha kal mai rawh u, i nu kha ka hmangaih tih lo hrilh la, chuan nangpawh ka hmangaih che ania aw.." a ti a, keichuan thinrim tak hian, "Chutiang sawi suh, engtin mah i awmlo ang.." ka ti a, mahse tihtheih ka nei silo. Chutia kan awm lai chuan Police Inspector pakhat hi jeep hian a rawn kal a, kan bulah chuan a rawn ding a, motor atang chuan a rawn chhuak a, jeep hnung atang chuan bomb defuser 5 vel hian an rawn chhuk bawk a, chu Inspector chuan, "Awmsan ru le.." a rawn ti a, angaihna kan hrelo tlang hle mai. Bomb chu awlsam te hian an rawn defuse ta mai a, kan thaw huai mai. Chupa chu chibai pahin NAthana chuan, "Ka lawm e ka pu, tunge i nih aw?" a ti a, chupa chuan, "Inspector Ramtea ka ni e, Kulikawn Police Station ah PI ka ni mek e." a ti a. RAymonda chu lo kal phei in, "Pu Ramte, inlo va tlai teuh ve.." a rawn ti a, keichuan, "Raymond, in inhria a mi?" ka lo ti a. Raymonda chuan nui ver ver chung chuan, "Sorry Sir, i thulovin thil ka lo ti leh a, zanin khan Inspector Ramtea hi ka ko tel ve lawm. Ama hnuaiah hian ania undercovera ka thawh.." a ti a, NAthana chuan, "Nihleh bomb defuser te hi engtin nge kan mamawh dawn tih i hriat lawk a?" a lo ti a, Raymonda chuan, "Engkimah fimkhur angai alawm,bomb a awm hi chu ka ring biklo nangin thil thleng thut thei anih vang ania ka koh.." a ti a, ka rin ai daihin Raymonda chu alo fing takzet mai, mahse Nathana leh James-a insual tura a tih kher kha chu ka la hrethiam thei lo. Tichuan hlim takin kan nui ho dar dar a, kan haw ta a.
Atuk ah chuan pangngai takin ka pa pawh chu Champhai lamah a zin leh ta a, mahse police ka ven tir tawh thung. Ka nu pawh chuan engmah a hre lo a, a vanneihthlak takzet. Nathana nen chuan office ah chuan kan titi a, Inspector Ramtea kha lo kallo tase ka pa chu ka chan awm si a, RAymonda pawh rin aiin a lo tangkai a, alo fing takzet a ni tihte chu kan sawi dun a. Nathana chuan, "Rinawm, i pa chu kan chhanchhuak a, mahse kan case hi ala zo lo ania aw, Sandy thihdan te, Richarda thih chhan te leh Bank Manager ruang bo ta daih te kha investigation la tih angai a, kan la chhui zui angai ania aw..." a ti a, keichuan, "Ka hria e Sir." ka ti a. Nathana chuan phone call a dawng a, pawnlamah ava bia a, minute 2 vel hnuah a lo lut leh a, "Rinawm, Lenpui Airport ah va kal lawk ang hmiang." a ti a, keichuan mak ti tak hian, "Enga, peihawmloh ve.." ka lo ti a, Nathana chuan, "Mi hmuhtir duh che ka nei a, lo kal rawh." a ti a, peihlo tak chuan ka zui a. Lengpui Airport chu kan thleng a, pawnah chuan kan kal kual a,NAthana chuan mi zawn chu a nei, a hnuah jeans dum tight tha tak, kawr var ban bul, sam ngil tak leh vun ngo tak, hnunglam zawnga lo dinga phone lo khawi mial mial bulah chuan Nathana chu a va ding a, ka va zui ve a. Nathana chu a nui vur vur a, "Ehem.." a ti a,chuveleh hmeichhia chu alo hawiphei a, awi awi awi...vantirhkoh amaw tih mai tur a ni. Khawvela ka hmeichhe hmuh tawhah chuan ala hmeltha ber ang tih mai tur khawpa duhawm leh famkim a ni, ka sawiselna awmchhun chu vai ani tih a hriat. Mahse vai hmeltha an tih diktak chu a keng tel vek ang, a nui hmel te chu a cute em em bawk a, a vun lah ngo bawk si. Nathana a hmuh chuan a nui a, a au vak a, a rawn tlan phei a, "Oh my God, Nathan..." a ti a, NAthana chuan alo pawm chat a, "Hi Sanvi." a ti a, ka hrethiam chiah e, Nathana bialnu Pu Murty-a'n a sawi Sanvi chu henu ngei hi alo nih hi. Sanvi chuan, "Hei ka kal leh dawn chiah a, thla hmasa khan vanneihthlak deuh maiin Tamil film thar BILLA tih ah changtunu ni turin min sawm a, mahse scene tlemte chu Guwahati ah chan angai a, tichuan hmanni khan kanlo thleng a. Ni 3 chiah chawlh min pe a, a remchang tho a ka tia nimin khan Mizoram ka lo thleng a, mahse in inah khan ka lo len khan i awm silo a, tunah chuan ka chawlh a zo tawh dawn sia, ka chhuk leh ngei ngei a ngai tawh sia.." a ti a, Nathana chuan, "Nia, kan case vang hian kan lo buai deuh ani..." a ti a, an titi fe hnu chuan an inthlah thei ve ta hram a, ka pu Nathana chu ka va thik reuh em ve awwww, a nei tha bik hle mai. Kan haw lam chu Nathana chu ka chhaih char char a, a nui tha duh miahlo lehnghal. Sanvi chu hmeichhe rinawm tak a nih thu te, ani pawn a hmangaih zia thute leh an inngaihzawn tan dan te chu a sawi a, ka hre vek tawh tih a hre der silo.
Chutia kan titi lai chuan Nathana phone chu number hriatloh hian a rawn phone a, NAthana chuan Loud Speakerah dah in, "Hello." a ti a, phone atang chuan ring zet hian, "JAMESSSSS...JAMES-a ka ni e, nizana in hnathawh ropui tak avang khan Salute ka rawn pe dawn che u a." a rawn ti leh ta ham ham mai a. NAthana chuan, "Enge ila duh a?" a ti khur dur dur a, a thinrimin a hne tawh takzet a ni. JAmes-a chuan, "MAwla, engmah i hrelo." a ti a, Nathana chuan vin zet hian, "Eng maw ka hriat loh?" a ti a. James a chuan, "Raymonda hi ka partner a ni tih hi.." a rawn ti ta mai a. Nathana nen chuan, "ENGTIN MAW?" kan ti rual a. James-a chuan, "haha...inla man chuang nange a? Nizan khan Raymonda bulah khan rawn chhan tur che in ka ti a, ka naute zinga mi Ramliana pawh kha that turin ka ti nih kha, in rinhlel loh nan.Tichuan Bomb pawh a hundik takah amah bawkin a tihtawp leh kha..inla man chuanglo mi..haha." a ti a. Nathana chu a thinrim hle mai, "Raymonda chu i lamah lo tang pawh nise tinge min hrilh kher a?" a ti a, James-a chuan, "I tan hriat a hun tawh....RAymonda nen hian i nunna kan la dawn..hria ang che." a ti a, phone a dah daih a. Rang takin Raymonda chu a phone a, mahse Nathana tawng hma hma chuan Raymonda chuan, "DCP Nathan, min thah i lo tum amaw? Nang aiin ka chungnung zawk tih hi i hria a min itsik vang a ni tiraw? I ngam chuan min rawn hmachhawn rawh..i call hi ka lo nghak reng alawm." a rawn ti ta mai a. Nathana chuan thinrim takin, "RAYMOND..tunge i biak hi i hria em?" a ti vin tuar a. Raymonda chuan thinrim hmel tak hian, "Hria eee..DCP Nathana mi bumhmang mi tenawm i nih kha..Tamil Nadu slum area atanga rawn seilian, diklo taka police hna chelh, corrupt SI thin kha i ni miau a, i sum duhna chu a la rehlo tak tak a nih hi." a rawn la ti zui. Nathana chuan, "Atha e..khawnge i awm? Ka lo kal e, mipa takin inbei chiah ila." a ti a, Raymonda chuan, "eheee..ve che chuan, lo kal rawh...Vaivakawn field ah ka awm e, i ngam a nih chuan lo kal rawh.." a ti a, phone a dah a, NAthana chuan, "KHANGLANG CHUAN.." tih pahin chak takin motor chu a khalh a.
Reiloteah chuan Vaivakawn field chu kan tlanchak bawk a kan thleng ta thuai a, RAymonda chu alo awm ngei a. Nathana nen chuan kan va pan a, RAymonda chuan, "DCP Nathan MAlsawmkim, ilo thleng ta maw....Rinawm, Nathana hian a bum che a ni. Nizan khan Ramliana kha a hnehlo der a, ka va chhan a. Tichuan bomb pawh kha ama kam a ni. James-a nen an thawk dun reng lawm..." a ti a, mahse a sawi zawh hma chuan Nathana chuan, "Ngawi rawh." tih pahin a hnek siah mai a, a thal tawp mai. Raymonda chuan NAthana keah chuan a pet a, NAthana chu a tlu a. Raymonda chu a rawn tho a, mahse ka lo manbet a, Raymonda chuan a khupin ka dulah a do a, ana ngei mai. Ka samah a tham a, min hnek thal tawp mai. NAthana nen chuan an han insual ta tak tak mai chu, hmuhnawm tham a ni. Chutia an insual lai chuan silai a puak dur mai a, ka va hawi pheia, tlangval pakhat hi motor atang chuan alo chhuk a, "Duhtawk ru." a rawn ti a, Raymonda chuan, "Vala?" a lo ti a. Vala chuan, "James-a hian in pahnihin a bum che u a ni, in inhuat theih nan." a rawn ti a. Nathana chuan, "Engtin nge i hriat? Tunge i nih?" a lo ti vin hlur a, Vala chuan ring takin, "Jenet.." a ti vak a, motor a tang chuan nula piannalh zeihzawih chhelo zet hi a lo chhuk a, Raymonda chuan mak tih hmel tak hian, "Jenet, nangmaw?" a lo ti hu a. Jeneti chuan motor atang chuan Bank manager ngei mai kha a rawn hnuk chhuak a, an phuar bet tlat a. Jeneti chuan, "Inspector NAthan, thil i hresual ani, chutiang bawkin Raymond nangpawn i hresual. James-a hian a bum che u a ni, he bank manager hian min hrilh vek alawm." a ti a. Keichuan, "Engkim hi ka hrethiam lo, kha manager kha chu a thi nilawmni?" ka ti a, Vala chuan, "Engkim kha chanchawp ani...khami zana engkim in chanchin leh in awmdan a hriat theihna chhan chu he manager hian a kawrah voice recorder chip tereuhte a vuah ani, chuta tang chuan James-a hian in awmdan leh in tawng ri a hre vek a ni, tih pahin manager coat hak chhunga voice recorder chu a la a, arawn lek kang a.
Episode-11
NATHAN VS RAYMOND
Ka khup intuamna chu a in phelh nuai mai a, ka tuam tha a, a duk kulh mai. A na ka tih avang chuan ka then tlawk tlawk mai a, chutia ka tuam that mawlh mawlh lai chuan indawpna room a Nathana leh Raymonda'n Bank Manager Pu Mawia an lo dawp mek lai chu darthlalang atang chuan ka en a, an tawng erawh ka hre thei chiah lo. Rei fe hnuah chuan an rawn chhuak dun a, Raymond-a chuan, "Sir, i pa chu kei leh DCP Nathana kutah dah mai rawh, hliam i tuar bawk sia, kan lo hruailet leh em em ang, lo va hahchawl rawh." min ti a, a ve khanglang chuan, new commer tete si. Muangchang chuan ka ding a, Raymonda mitah tak chuan ka en a, "Ka pa a ni a, chhanchhuak tur chuan a fapa hi ka chak tawk, ka chhuichhuak anga, nang chuan a tul tul ah minlo pui zawk la ka lawm khawp ang." ka ti deuh ngat a, Raymond-a chu a nui suk a, "Ka hrethiam e, Sir." a ti a, akal ta daih a. Nathana chuan min rawn pan a, ani pawh chu nuisuk pahin, "Sawi tha hle mai." a tia, akal ve leh daih a. Nathana Office ah chuan kan inzui lut ho a, Nathana chu a chair ah chuan a thu a, a bulah chuan ka va thu a, Raymonda chu a ding reng a, Nathana chuan, "Raymond, khawngaihin thu rawh.." a ti a, RAymonda chu a thu ta a. Nathana chuan, "Anih chuan RAymond, engtia hmalak nge tha a i rin a?" a ti a, Raymonda chu a ngawi vang vang a, a rawn hawikang a, "Tunah chuan engmah tih angai lo." a rawn ti a, mak ti takin NAthana nen chuan kan en hu a. Nathana chuan, "Enge awmzia? Hna hautak em em kan neih laiin engmah tih angailo i ti amaw?" a ti a, a thinrim lek lek lehnghal. Raymonda chuan zaidam tak hian, "Relax Sir, ka sawi awmzia chu tun ah hi chuan engvak mah a chet a hun hrih lo, ka sawi awmzia ber chu, tunah hi chuan zanin a kan chetchhuah dan tur kan sawiho ang." a ti a, Kei chuan, "Zanin a?" ka ti a, Raymonda chuan, "Aw...ahmanhmawh thlakin ti nilawm ni?" a ti leh deuh kher a, min chhandan mai mai chuh. Nathana chuan,"Anih chuan i ruahmanna te chu sawi la." a ti a, Raymonda chuan, "Zaninah dar 8 velah kan chhuak tan ang, in pahnihin Police Motorin kal ula, kei erawh ka bike in ka kal thung ang. Bank Manager khan James-a awmna chu a hriatloh thu a sawi a, mahse James-a tih tir vek a nih thu a sawi bakah suitcase-a pawisa pawh kha James-a pek a nih thu a sawi bawk a, chuvang chuan kan rualin Manager hi hruai ve ila a that ka ring." a ti a, Nathana chuan, "Khawiah chuan nge kan kal dawn a?" a ti a. Raymonda chuan a kut chu a rawn lek kang a, silai a min kap ang deuh hian a kut chuan Nathana nen chuan minrawn kawk a, ", mak ti tak hian kan en dun a, Raymonda bawk chuan, "Sa kan pel ang.." a ti ringawt a, a mizia leh a chet dan chu ka ei loh zawng tak a ni. Nathana chuan, "Umm..mahse a awmzia chiah ka la man chiah lo ani. Raymond, Police dangte i pui thin a, kan hre ve vek a. Mi fing tak leh hnuchhui thiam tak i ni tih pawh kan hria. Mahse Nathan Malsawmkima, Deputy Commissioner of Police ka ni a, keipawh hian case tamtak ka chingfel tawh thin. Kan pahnih a kan thawhdun a ngai dawn a, ka thu thu in awm rawh chu ka ti miah lo, mahse puitling i ni a, mifing tak i ni a, awmdan tur chu i hriat ka ring." a ti ta phiar phiar maia, Raymonda chu a ding hluai a, "Sir, ka rilru zawng zawng ka seng a, he case pawh hi kan chhuichhuak ngei ang tih ka tiam ache. Mahse maw ka pu, keipawh hian mifing tak leh Police huaisen tak i nih thu te, case tamtak i chinfel tawh thu te ka lo hre ve bawk a, mahse in hmaa mi hi chu RAymonda ka ni, Detective ka nih angin ka position ka hria a, tu police officer hma ah hian ka kun ngailo, ka sawi ve mai mai a nih chu." a ti ve deuh ngat a, an in cho tawn ve khawp mai. Keichuan vin zet hian, "Engchu nge zanin chuan kan tih dawn min hrilh vat thei angem?" ka ti a. Raymonda chu a vei kuala, "Manager khan James-a nena an inhmuhna thin hmun kha a sawi a, kha tah khan kan kal ang, chuan zanin hian MAnager hian James-a nen zanin dar 8:30 ah inhmuh an tum thu a sawi a, mahse a hmun chu nakinah ka rawn hrilh ang che a tih avangin an inhmuh tamna ber a sawiah chuan kan kal anga, tichuan James-a'n alo call hun kan nghak ang." a ti a. Keichuan, "Manager chuan James-a chu call mai se.." ka lo ti a, Nathana chuan, "Englo ania Rina, Manager chuan James-a hian number hrang hrangin a rawn call thin thu a sawia." a lo ti a, Raymonda chuan, "Chuvang tak chuan an inhmuh ngunna ber hmunah chuan kan kal ang, chu chu a rinawm ber." a ti a. Nathana chuan, "Mahse Raymond, James-a chu chutah kher chuan alo kal dawn mi? Hmun dang daih pawh alo ni thei asin. Chubakah chuta lo va kal kha enge a tangkaina? An inhmuh ngunna ber pawh lo ni tehreng se, James-a chuan hmundanga inhmuh lo sawi leh daih ta se...awmzia a awmlo. Police Stationa lo nghah pawh a danglamna a awm chuang hleinem." a lo ti ve bawk a. Raymonda chuan, "Nia a ni thei tho mai, mahse an inhmuh tamna ber a nih chuan chuta lo va nghah chu a tha berin ka hria, achhan chu kan va awmlang ve dawn chuangloa, Manager chu a rawn hmuh veleh keini kan che chhuak ang. A pawimawh ber chu James-a chuan Manager chu alo enthla reng maithei a, chuvang chuan MAnager hi an inhmuhna turah chuan amah in kan va kal tir ang, keinin hmun biru laiah kan lo chang ang." a ti a, a ruahmanna chu a nep ka lo ti mai mai khawpah, Nathana ka tan zawk em avang te pawh ani mahna. Hmuhsit hmel taka nuih huk pah chuan, "Manager chu amahin kan kaltir anga maw? Chuan keini hmun biru laiah James-a chu man turin kanlo awm tawp anga maw? MAnager chu kan chhuah zalen tihna nih chu, lo tlanbo tase, engtin nge niang? Chubakah kan man turin James-a chu a rawn inpe dawn i tihna em ni?" ka lo ti a. Raymonda chu a nui deuh suk a, "ASP, ka thilsawi hi ka hrechiang a, atha tura ka rin ka sawi ani....kan chhuah zalen lo ang. Manager hi a tlanchhe ngam dawn hleinem..i revolver kha i hmangtangkai dawn lawm. Silai kah thiam em em pathum kan awm a, kan tin reng dawn lawm, atlan vaih chuan i kap mai dawn lawm....i kap ngam te anih chuan" a ti deuh kher a, ka ngawi chiang teh e. Nathana chuan ka beng bulah zawite hian, "Lo ngawi la a that ka ring." a la rawn ti zui. NAthana bawk chuan, "Nihchuan zanin chu khawnge kan inhmuh khawm ang?" a ti a,RAymonda chuan, "Kan inah lokal ru, chutah chuan kan inhmu khawm dawn nia." alo ti leh thawt thawt a, ka va han ngei tak em. NAthana chuan, "Awle, nihchuan i haw phawt ang u..." a ti a, kan haw ta a.
Zan dar 7:30 pelh hret velah chuan Nathana chuan min rawn sawm a, tichuan Raymonda te in lam pan chuan Police Motor chuan kan kal a, Manager pawh chu kan hruai a. Raymonda te in chu kan thleng ta a, pawnah chuan min lo nghak a, a bike CBR dum tle nalh zet mai chu a lo hru hliau hliau a, min hmuh veleh chuan, "Eee..in lo thleng maw, keipawh ka hman tawh alawm, kan kal nghal dawn mi?" a lo ti zuah zuah a, kan chhanglo ve ve. Amah bawk chuan, "Khawnge kan manger kha?" a ti leh a, a tawngdan hi a inla changtupa riau hian ka hria. Nathana chuan, "Kan bula hi.." a ti a, Raymonda chu a lu a bu nghauh nghauh a, tichuan kan chhuak ta a. Managerin James-a nena an inhmuhna thinna lam pan chuan kan kalta a. A hmun chu a hla reuh phian a, darkar 1 vel lai kan tlan hnu chuan kan thleng ve ta mai a. Motor atang chuan kan chhuk a, field zau tak hi alo ni a. Manager chu field lai takah chuan kan kal tir a, keini chu hmun thim lai deuhah chuan kan lo biru a, Raymond-a sawi ang ngeiin pistol chu ka hum ran a. Sana chu ka en a, dar 8:29 a ni, kan pathum chuan kan en reng a, manager pawh chu a hawi kual reng a, dar 8:30 a rik chiah chiah chuan manager chuan a phone chu a phawrh a, call a dawng tih hriat tak hian a phone chu a hmet zeuh a, an inbe ta a, James-a chuan hun ava vawng dik thlap thlap em. Minute 5 vel lai an inbiak hnu chuan Manager chu kan bulah chuan a rawn let leh a, hlauh hmel deuh hian NAthana bulah chuan, "Ka pu, James-a'n a be duh che." a rawn ti a, mak ti takin kan in en hru hlawm a. NAthana'n a biak hma chuan Raymonda chuan, "Loud Speakerin dah rawh, kan hriat vek angai." a rawn ti a, Nathana chuan rum zeta RAymonda melh pah chuan, "Ka dah dawn reng." a ti khur khur a,a nuihzatthlak tep zawk. Phone chu loud speakerah chuan a dah a, JAmes-a chuan, "Nathan, tinge engmah hi i hriatthiam duh loh le, i thianpa mawl zet Rinawma pa hi a thih i duh tak tak a ni maw?" a rawn ti a, Raymonda chuan kan chhan hma hian, "Nang hi maw James-a chu, jail bang zut turin lo inbuatsaih ang che." a lo ti a, James-a chuan, "Khai a, Detective Raymond...i chanchin hi chu ka hre lutuk alawm. Kulikawn Police Inspector Ramtea hnuaia undercover-a thawk thin i ni tih ka hria alawm. NAthana nen chuan min chhuidun dawn amaw..haha, anuam dawn e.." ala rawn ti ham ham a. Raymonda chuan, "Engtin nge min hriat a?" a ti a, James-a chuan, "In chanchin hi ka hre vek alawm, zanin pawh hian hetah inlo kal dawn tih ka hriat vang alawm dar 8:30 ah Manager mawltak kha ka rawn call. In ruahmanna ka hre vek, MAnager in man hma khan zanin dar 8:30 a min hmu turin ka hrilh a, chung te chu a hrilh vek che u a, Raymond-a nen in thawkdun dawn tih pawh ka hre vek alawm. Tunah khan ka hmu vek che u angah ngai hmiah ru, ka duh chu in hriat kha..." a ti a, Nathana chuan, "I thil duh hi engtikah mah a thleng dik ngai lo ang." ati a, James-a chuan, "Hahaha...engmah in hrelo ani, nangni kha in fing viau pawh a ni thei e, mahse in awmdan zawng zawng pawh ka hre vek. Zanin pawn Nathana leh Rina khan Raymonda in va sawm a, Raymonda chuan an in bulah alo nghak mek che u a nilawmni.." a ti ta a, mak kan ti ngei mai. Chu veleh Manager lu atang chuan thisen a rawn perh chuai a, a ri fawk a, a thal nghal der mai. Manager chu a thi tih hriat tak hian a lu chu tereuhte in a kaw phet a, thisen aluang thla zawih zawih a, a khu vut vut bawk a, Raymonda chuan zawi sap hian, "Sniper an awm." a ti a, rang takin motor phenah chuan tlan pheiin kan va biru a. Phone atang chuan James-a chuan, "Hahaaha...lungngai suh u, engtinmah ka ti velo ang che u, kan la inbei dawn chauh alawm, tunah ka thah ve nghal che u chuan, he kan game hi a zo hma lutuk anga sin." a rawn ti ham ham a. Keichuan thinrim zet hian khur dar darin, "James, khawnge ka pa a awm? I ngam anih chuan maw... ka pa kha chhuah la,kei nen hian mipa takin inbei ang hmiang." ka ti a, JAmes-a bawk chuan, "Bawiha, i pa chu theihnghilh rawh, tunah chuan in pathuma min chhuichhuah chu han tum teh u, ka lo bum kawi tak tak teh ang che u." a rawn ti a, Nathana chu a thinrim ngei mai, "James, engtin nge kan awmdan zawng zawng chu i hriat theih a?" a ti a, James-a chuan, "In zingah khan phatsantu an awm a nimai alawm, ka tana thawk, in pathum zingah khan an awm." a rawn ti a, a phone chu a off daih a. Ngawi reng chuan kan in melh ta hru hru hlawm mai a, ka rilru a hah ngei mai, ka pa ka ngaihtuah bawk si. Nathana chuan, "Engah mah ngai suh u, min bum kawi a tum vangin a sawi mai mai nih kha, i haw phawt ang u." a ti a, Raymonda chuan, "Mahse Manager ruang saw.." a ti a, Nathana chuan, "Nia, i phur haw mai ang u." a ti a, Motor phen atanga kan chhuak chu Manager ruang reng reng hmuh tur a awm tawh lo, alo bo daih a nih chu. Mak ti tak hian kan in en a, Nathana chuan, "Engkim hi a hlauhawm vek tawh, fimkhur taka kan chet angai a ni. I haw phawt ang u.." a ti a, kan haw ta a.
Atukah chuan NAthana nen chuan a office ah chuan rilru hah tak chuan kan thudun a, Managerin nizan lama a phone a hman kha chu kan la kawl ngei mai, mahse message check tur emaw, call log check tur a awm lo, phone man tlawm chi, chhe zet mai hi a ni a, camera awmlo, te tak te a ni a, JAmes-a ruahmanna vek tho a nih ka ring, hetia phone chhe tak a hman tir nachhan pawh hi, mahse tinge Manager kha a thah kher, chutih lai karin MAnager ruang lah kha a bo daih lehnghal. Chutia kan inngaihtuah lai chuan constable pakhat hi alo lut a, "Sir, Richard Lalmalsawma a thi, a ruang chhar a ni." a rawn ti a, Nathana chuan, "Richarda a? Sandy bialpa kha maw?" a ti a, constable chuan, "Aw Sir, tukin zing khan Saikhama Kawna veng hnuai lam Pu Zachhunga huanah a ruang chhar a ni, ruang an hmuhna hi ala rei lo, darkar 1 chiah ala liam, police ho min nghah thu an sawi a." a ti a, keichuan mak ti tak hian, "Saikhama KAwn daih daih ah enge a zu tih anga?" ka ti a, Nathana chuan, "Khawnge maw RAymonda pawh hi a awm le?" a ti a, keichuan, "A tellovin a nuam zawk...kal ang Sir." ka ti a, Nathana pawh a nui ringawt, hmanhmawh tak chuan Saikhamakawn ah chuan kan kal ta a. Ruang awmna hmun chu kan thleng a, mipuiho chu kan han hnawt kiang a, ruang chu kan han en a, nataka sawisak ani tih hriat tak hian a hmai chu a pilh nasa a, a duk bawk a. A dulah chuan hmun thuma vihna a awm a, a ke dinglam ruh chu vuak tliahsak a ni bawk. A beng atangin thisen a chhuak nasa em em bawk a, tualthattu hian nasa takin a sawisa a ni tih a hriat. Nathana chuan Richarda jacket hak lai chu a dap a, paper hi a lo awm a, kan han chhiar chu kan rin ang ngeiin James-a bawk alo ni.
"Ka thu inzawm duhlo anih chuan tiang hian ruang inhmu zeuh zeuh ang ka ti che u a, ka vau lawk che u a nilawm ni, mahse in ngaithla duhlo a, Richarda'n a tawrh phah a nih kha. Nathan, he lehkha hi nangmah bawkin i chhiar leh dawn tih ka hria, ngun deuhin ngaithla rawh, zanin hian Ramhlun Venglai field ah zan dar 11 ah chiah chiah lo thleng la, police leh midang te i rawn hruai anih chuan Rinawma pa hi a thi ang, chuan keipawn tumah ka lo hruai lo ang. Ilo kal dawn anih chuan vawiin tlai dar 3 ah ka rawn phone ang che anga, i thuthlukna ka lo nghak ang. Police hna bansanin ka bulah rawn thawk rawh, chu chu i duh anih chuan zaninah chuan kan inhmu anga kan in remsiam ang, chuan Rinawma pa pawh ka lo hruai ang, mahse trick i hai anih chuan a tuar chiang khawp ang."
Nathana chu a ngawi vang vang a, "James-a hian kan awmdan engkim leh kan che vel hi a hmu reng a, chuvang chuan kan fimkhur viau angai dawnnia aw..." a ti a, keichuan, "Sir, enge kan tih ang?" ka ti a, Nathana chuan, "JAmes-a chuan tlaia minlo phone hunah chuan a kianga thawh chu ka duh angin ka sawi ang. Chuan zanah chuan a duh ang ngeiin ka va hmu anga, ka bike in ka kal ang, mahse nangni chu muangchangin ka hnungah min rawn zui ang, Raymonda nen. Chuan hmanrua engmah kenglovin ka kal anga, minlo dap ngei dawn a, tichuan i pa chu ka hruai anga, chu veleh in rawn charge mai dawnnia." a ti a. Keichuan, "Atha e...chuan tunah enge kan tih ang.." ka ti leh a, Nathana chuan, "Tunah chuan Richarda ruang hi a chhungte in lamah lo va dah phei se, chuan kan zui dawnnia." a ti a, tichuan Richarda ruang chu Ambulance in constable ho chuan an phur phei a, an veng Khatla lampang pan chuan kan kal a, Ambulance chu kan zui a. Richarda te in kan thlen chuan a nu leh pa chu kan ko a, Richarda pa bulah chuan Nathana chuan, "Ka pu, thil zawh duh che kan nei nual dawn a, hun tlem min pe lawk thei angem?" a ti a, mahse Richarda pa chuan mak ti tak mai hian, "Police pakhat alo kal a, min zawt vek tawh a, ka fapa ruang lo thlen hma daih khan." a ti a, mak ti takin keichuan, "Tu Police maw?" ka lo ti a, Richarda pa chuan, "Police chiah chu a nihloh thu a sawi a, mahse Undercover Detective a nih thu a sawi a, ahming kha RAymond-a a inti in ka hria." a ti a, ka rindan chiah a ni, min rawn miah lovin alo kal hmasa thawt thawt a, kan tihtur min tihkhalh zel chuan enge kan hna hi a tangkaina ni ang, hrep tak chuan...NAthana chuan, "Anih chu, kan thawhpui a nia, amah chu kanlo va zawt leh mai dawnnia.." a ti a, Richarda te in chu kan chhuahsan leh ta ringawt a, ka lungawilo takzet. Motor ah chuan kan thu a, kan tlan mek lai chuan Nathana chu a ngawi reng a...
"Sir, Raymonda hi a tangkai lo, min tibuai zawk a ni."
"DGP hian min pui turin alo ko bawk sia.."
"Ka rindan phei chuan kan zinga James-a'n phatsantu a tih han Raymonda hi a nih ka ring."
"A ni biklo ang, rinawm tak chuan a thawk ve thin tih chu ka hria lawm."
"Chupawh nise, ka ring thei chuang lo. A hrim hrimin min inform ve se tha tur a nia, engmah a sawi duh bawk silo a."
"Nia..a bei zialo khawp mai, ka lo hau dawnnia."
Kan inah chuan ka haw a, ka lungawi thei ngang lo, RAymonda chetdan hi ka kham tawh takzet a ni. Ka roomah chuan ka lut a, kawngka ka khar thuai a, a ri bur a. Ka nu chuan a rawn kik dat dat a, "Bawiha, enge a? I thawm ava na ve.." a rawn ti a, keichuan vinzet hian, "Ka nu,tunah chuan ka buai, ka hman lo, khawngaihin keimahin min awmtir hrih rawh." ka ti a, ka nu pawh chuan, "Awle." tiin a kalsan ve mai a. Ka nu chu ka khawngaih a ni, ka pa dinhmun a hre bawk silo, engtin nge ka tih tak ang? Chutih lai karin Detective fing leh chhuichhuahloh la neilo ni a an sawi Raymonda lah chu min tibuai tur chauhin a rawn kal lehnghal, ka rindan phei chuan James-a nena an thawhdun hi ka ring tlat a, JAmes-a tan a rawn spy niin ka hria. Ka lungawi thei thlawt lo leh insum zolo chu ka chhuak a, ka bike a chhiat avangin taxi ka pharding a, Raymonda te in lam pan chuan ka kal ta a. An in ka thleng chiah chu kik pawh kik lovin kawngka ka hawng pawp a,"Raymond." tiin ka au lut nghal a. Inchhung chu a lo reh vek a, room atangin a lo chhuak a, "Ehee..ASP, enge ilo tih dawn? Richarda thihna chungchang chhuizui turin Stationa lo kal ka lo tum chiah a.." a lo ti nghal zuah zuah a, ka va pan hnai a, amitah tak ka en a, "Raymond, kan senior i ni em ni? DGP i ni em ni? Kan thu zawm hi i duhlo anih chuan min kalbo san rawh.." ka ti phiar phiar mai a, mak tih hmel tak hian Raymonda chuan, "Rinawm, enge i sawi awmzia?" a ti a, vin zetin keichuan, "Hrelo der suh, engvangin nge Richarda chhungte bulah kan kalhmaa ilo va kal vel a, engtin nge an in te i lo hriat hman a? I kal dawn anih chuan min inform vela, kan thu lova i duh duh dana i awm hi a thiang hleinem." ka ti a. Raymonda chuan inthiamlohna hmel nei miahlo hian, "Kan buaina hi a double vek tawh anih hi, hna hi kan insem angai alawm. Ka tihtur diktak ka ti a ni, ka pui mai che u a, he hna thawk tur hian helai hmunah hian kalo kal a ni. Chuan ASP, detective ka ni a, he in hna ah hian puitur che u in in DGP khan min rawn sawm zawk tih hi lo hre ve mai mai rawh. Ka inah i lokal a, i duh dan dan a i rawn ankhum turin constable ka nilo, Detective, private detective ka nih hi, i duh chuan i chhuak thei tawh ang. " a ti khur khur a, keichuan, "A tha e, ka thiamlo a ni e, mahse hre rawh, kei aia i ropuina vak hi ka hre biklo." ka ti a, ka kalsan ta a. Ka rilru a hah tawh takzet a ni, James-a hi ka hmuh hun chu a chaklo ngawt ang, ka pa ka ngaihtuah tawh bawk si, ka nu hian engtik ni ah emaw chuan a la hre vat dawn tho bawk si a, ka buai ani ber mai.
Tlaiah chuan Nathana office ah chuan kan pathumin kan awm a, Raymonda nen chuan rum zet hian kan inmelh leh hrek hrek thin a, Nathana chuan RAymonda bulah chuan, "Raymond, enge Richarda pa chu i va zawh, engthu nge i va hriat?" tiin a zawt a. Raymonda chuan, "Nizana a chhuak kha ahaw lo a, a thianpa te ina leng tur angin a insawi a, chuan Sandy bialpa a nih thu te min hrilh bawk a, chutia thuthar vak a awm lo. Mahse tunhnai hian a rilru a hah hmel hle thu a sawi a, biak pawh hian a phu zuk zuk zel tih ten a sawi a, chuan phone call a dawn hian a chhungte hriat ve hlau takin hmundangah a be daih zel tih vel ten a sawi." a ti a, Nathana chuan, "A tha e, zanin hian plan mumal tak nen kan chet angai ang, tun atanga reilote ah hian James-a chuan min rawn phone dawn a, a bula thawk turin min lo sawm leh dawn. Chutah chuan ka pawm anih chuan Rinawma pa a chhuah zalen dawn a, tichuan zanah Ramhlun VEnglai field ah dar 11pm ah kan inhmu dawn a, chuatah chuan nang leh Rinawma hian ka hnugah minlo zui anga, police force inlo hruai bawk ang. Tumah rawn hruai lo turin min ti a, amah pawn tumah a rawn hruailoh tur thu a sawi. Ka lo hruai che u tih a hriat chuan Rinawma pa hian a tuar dawn a, chuvang chuan nangni pawh inlo fimkhur a ngai ang." a ti a. Raymonda chuan, "Sir, thil pakhat ka lo sawi ve thei angem?" a lo ti ve leh hman hram a, ka ang zuau hman a, Nathana chuan, "Aw..sawi la." a ti a, ka va han haw tehkher em. Raymonda chuan, "Sir, ka rindan chuan James-a hian tumah a rawn hruailoh ka ringlo. Chuan nangpawh nangmaha i va kal bik a ring miah lo ang." a ti a, keichuan ngei hmel deuh hian, "Anih chuan enge i sawi tum tak chu?" ka lo ti a, Raymonda chuan a mitsirin min rawn melh a, a nui suk a, "James-a nen in inhmuh veleh chuan in dap ve ve rawh u, hmanrua in pai nge pai lo tiin. Chuan chumi hnuah chuan ASP Rinawma pa awmna zawt la, a hrilh ve leh che insual pui rawh."a ti ta mai a. Keichuan vin zet hian, "Eng a? I duh leh va insual puila.." ka lo ti a, Nathana chuan min rawn khap vat a, "Rinawm..please..lo ngawi thin teh" a ti a, ka ngawi ta hram a. Raymonda chu a va melh a, "Anih leh insualpui ta ila.." a ti a, RAymonda chuan, "I insualpui ang, chutah tak chuan keini kan lo che chhuak dawn lawm. Shootout a thleng lo ang tih a sawi theih loh, a mi leh sate an rawn chhuak anga, kei ni kan chhuak ve leh anga." a ti a, keichuan ngeihmel tak hian, "James-a leh Sir Nathana hi an insual kher a ngaihna chhan hi ka hrelo, enge awmzia?" ka lo ti vat a, Raymonda chuan min nin hmel tak hian, "Achhan chu ila hre mai dawn alawm. Ruahmanna tha zawk thil dang i hriat chuan min hrilh ve la" a ti a, min hnial dang leh ta. Nathana chuan, "Awle, Raymonda sawi ang chuan ni rawh se..." a ti a. Kan titi lai chuan phone chu a rawn ri a, kan pick up a, rin ang ngeiin JAmes-a alo ni...
"Hello...Nathan, enge ka offer chu a an a?"
"Atha e, Rinawma pa kha kaltir la, chuan i bulah chuan ka thawk ang."
"Haha...engtin nge ka rin theih ang che?"
"I sawi ang ngei khan zanin dar 11 ah chuan ka lo kal ang, mahse Rinawma pa kha lo hruai ang che."
"Ka lo hruai ang, mahse min bum i tum a nih chuan.."
"Nilo James, ka bumlo ang che. He Police hna hi ka bansan anga, i bulah chuan ka thawk ang, mahse ka duh angzat pawisa chu min pe ang che."
"Hahaa..tehreng mai thiana, awww Lalpa thatzia hi chu..corrupt Sub-Inspector NAthana kha alo let leh ta e, tunah chuan DCP a ni tawh lehnghal, i pawisa duhna kha ala reh mai mai dawnlo tih ka hria a lawm.."
"Zanin chu ka lo kal ngei ang."
Phone chu a dah a, kan plan chu a fuh dawn riau in ka hria, mahse RAymonda'n NAthana leh JAmes-a insual kher tura a tihna chhan hi ka la hrethiam thei lo. Zan alo ni a, kan haw ta vek hlawm a. Kan inruahman fel a, engkim kan ready vek tawh hnuah chuan zan dar 11 rik chu kan nghak ta a. Dar 10:30 vel a rik chuan kan chhuak ta hlawm a, tichuan Nathana chu a Bullet Bike chuan a kal a, kenin a hnungah muangchangin RAymonda nen a bike CBR dum chuan inphurin kan zui a, kan hnung leh ah chuan Police Force ten min zui a, mahse siren kan off, achhan chu kan fimkhur angai tlat a ni. Ramhlun Venglai field chu kan thleng ta a, Raymonda chu field lai takah chuan a ding a, keinin Pavilion hnung thim lai ah chuan biru chungin kan en thap a, thli chu a thaw vuk vuk mai a. Raymonda chuan voice recorder tereuhte hi a kamis ah a kilhbet a, chuta tang chuan NAthana tawng chu Raymonda nen kan ngaithla thei vek a ni. Minute 10 vel hnuah chuan car var nalh tak hi a rawn tlan a, Nathana hmazawnah chuan a ding a. Motor atang chuan JAmes-a chu a hmai tuamin a rawn chhuk a, Nathana chu a va pan a. NAthana chuan, "Khawnge Rinawma pa?" a ti a, James-a chuan tawng miahlo hian ama car rawn khalh chu a kawk a. Nathana bawk chuan, "Min dap rawh..engmah ka pailoh zia i hriat nan.." a ti a, James-a chuan a dap a, a kekawr dap tura a kun chiah chu NAthana chuan chiang em em hian James-a mitah chuan a khupin a do siah mai a, JAmes-a chu a thla chiang ngei mai. NAthana chu va tlan pheiin James-a chua va thut bet a, a hnek siah siah a, mahse James-a chuan a bula thingbung chu dap fuh in Nathana bekah chuan a vua a, Nathana pawh chu a thal ve tawp mai. James-a chu a inperh tho at a, Nathana chu zawimuang hian a rawn tho a, a hnungzangah chuan James-a chuan a thing ken chuan a hlap leh pawp a, thing pawh chu a bung hmawk a, Nathana chu a bawk thlawp mai a. James-a chuan duhtawk mai lovin a chhui zui hrep a, keichuan NAthana chu puih ngei ngaiin ka hria a, an insual lai en reng pah chuan, "Raymond, kan zu kal tawh mai dawn mi?" ka ti a, mahse min chhanglo. "Raymond?" tih paha ka va hawi phei chuan RAymonda alo awm tawh lo. NAthana leh JAmes-a lam ka zu en leh chuan RAymonda chuan JAmes-a chu a lo tlawh thal tawp mai a. Chuveleh Police Force ho chu ko vatin kan chhuk thla ta a, RAymonda chuan James-a chu a lo chhui vak vak a, James-a chu na ti tak hian a vial ngawng ngawng a. A rawn thoa, Raymonda chu va hnek tumin a tlan phei a, mahse Raymonda chuan lo bumin JAmes-a chu ama motor hnung light ah chuan keh chhuai khawpin a intauh a, thisen a baw zawih zawih a, a khur dur dur a, a che ta miah lo. NAthana chu thihnuang hian rawn tho a, "A thi tawh nih kha." a rawn ti a, Raymonda chuan, "Rinawma pa kha.." tih pahin James-a car lam pan chuan a tlan phei a, kei leh Nathana pawh chu kan tlan phei nghal a. Car kawngkhar chu Raymonda chuan a hawng a, a chhungah chuan ka pa chu thlan tla bawrh bawrh hian a lo thu a, a kut chu a lo inphuar a, a ka chu puanin alo inhnawh bawka. Va kaihchhuah ka tum chu ka pa chu a lu a lo thing nasa mai a, a lo duh miah lo. A hmel chu a hlauhthawn hmel em em a, Nathana chuan a ka hnawhna chu a lak chhuah saka, chuveleh ka pa chuan thaw hlawp hlawpin, "Min khawih che suh u, bomb a awm ania.." a ti ta mai a. Ringzet hian, "Bomb aa?" kan ti rual thawt a. Ka pa chuan, "James-a hian car ah hian bomb a kam ani..chuan tuna thi ta kha James-a a nilo.." a ti leh a, rang takin ruang awmna lam chu ka va kal a, a hmaituamna ka va phelh chu James-a alo ni miah lo. Ka pa chuan, "Ramliana a nih kha, James-a mi leh sa te zinga mi anih kha.." a ti leh a, Nathana chuan, "Zawnga mai mai chuh.."a ti khur khur a. Ka pa bawk chuan, "Motor hmaah sawn bomb adah a, tunah chuan minute 5 pawh a tling tawh lo ang, Bomb wire chu ka thutna seat hnuaiah hian a zam phei a, a spring nen hian a thlunzawm a ni, tunah hian ka thutbet avangin a puaklo mai chauh ani, ka tho a nih chuan seat hnuaia spring hi a kang anga, chumi leh wire chu a intai trek anga, bomb hi apuak dawn a ni. Chuvang chuan tunah hian in defuse vat angai, nihloh chuan he motor hi apuak ang." a ti a, kan mangang hle mai.
Nathana chuan, "Bomb defuser ho hi kan call vat angai.." a ti a, mahse Raymonda chuan car hma chu a hawng a, beidawng tak hian, "Kan tlai tawh, minute 4 chiah a awmtawh tawh." tih pahin bomb chu a kawk a. Ka mangang hle mai, chutia kan buai luai luai lai chuan Nathana phone a lo ri a, JAmes-a alo ni. NAthana chuan, "Hello." a ti dek dek a, James-a chuan thinrim zet hian, "Zawngsen, tunah chuan ka rin ang ngeiin min phatsan ta maw. Khatia awlsam taka ka lama i rawn tan duh mai kha ka ringlo reng a ni, chuvangin ania kei rawn kal lova keimah anga ka nau Ramliana ka rawn tirh, mahse ilo that a, ka rinlawk ang vel ani. Rinawmpa pa chu tikhan mangtha mai rawh u, tihtheih in nei tawh lo, ka thinrimna a chhuak ve ta tak tak tawh e, tichuan nitinin Aizawl khawpuia tleirawl te hi a mal te te in an thi ziah tawh bawk ang. MANGTHA LEEEE" a ti a, phone chu a dah ta daih a. Ka thinrim lutuk leh mangang lutuk hi ka puakkeh lo chauh tawh, JAmes-a chu a tak ngeia hmuh a chan sawm vek ka van chak tak em. Ka pa chuan zawi sap hian, "Bawiha kal mai rawh u, i nu kha ka hmangaih tih lo hrilh la, chuan nangpawh ka hmangaih che ania aw.." a ti a, keichuan thinrim tak hian, "Chutiang sawi suh, engtin mah i awmlo ang.." ka ti a, mahse tihtheih ka nei silo. Chutia kan awm lai chuan Police Inspector pakhat hi jeep hian a rawn kal a, kan bulah chuan a rawn ding a, motor atang chuan a rawn chhuak a, jeep hnung atang chuan bomb defuser 5 vel hian an rawn chhuk bawk a, chu Inspector chuan, "Awmsan ru le.." a rawn ti a, angaihna kan hrelo tlang hle mai. Bomb chu awlsam te hian an rawn defuse ta mai a, kan thaw huai mai. Chupa chu chibai pahin NAthana chuan, "Ka lawm e ka pu, tunge i nih aw?" a ti a, chupa chuan, "Inspector Ramtea ka ni e, Kulikawn Police Station ah PI ka ni mek e." a ti a. RAymonda chu lo kal phei in, "Pu Ramte, inlo va tlai teuh ve.." a rawn ti a, keichuan, "Raymond, in inhria a mi?" ka lo ti a. Raymonda chuan nui ver ver chung chuan, "Sorry Sir, i thulovin thil ka lo ti leh a, zanin khan Inspector Ramtea hi ka ko tel ve lawm. Ama hnuaiah hian ania undercovera ka thawh.." a ti a, NAthana chuan, "Nihleh bomb defuser te hi engtin nge kan mamawh dawn tih i hriat lawk a?" a lo ti a, Raymonda chuan, "Engkimah fimkhur angai alawm,bomb a awm hi chu ka ring biklo nangin thil thleng thut thei anih vang ania ka koh.." a ti a, ka rin ai daihin Raymonda chu alo fing takzet mai, mahse Nathana leh James-a insual tura a tih kher kha chu ka la hrethiam thei lo. Tichuan hlim takin kan nui ho dar dar a, kan haw ta a.
Atuk ah chuan pangngai takin ka pa pawh chu Champhai lamah a zin leh ta a, mahse police ka ven tir tawh thung. Ka nu pawh chuan engmah a hre lo a, a vanneihthlak takzet. Nathana nen chuan office ah chuan kan titi a, Inspector Ramtea kha lo kallo tase ka pa chu ka chan awm si a, RAymonda pawh rin aiin a lo tangkai a, alo fing takzet a ni tihte chu kan sawi dun a. Nathana chuan, "Rinawm, i pa chu kan chhanchhuak a, mahse kan case hi ala zo lo ania aw, Sandy thihdan te, Richarda thih chhan te leh Bank Manager ruang bo ta daih te kha investigation la tih angai a, kan la chhui zui angai ania aw..." a ti a, keichuan, "Ka hria e Sir." ka ti a. Nathana chuan phone call a dawng a, pawnlamah ava bia a, minute 2 vel hnuah a lo lut leh a, "Rinawm, Lenpui Airport ah va kal lawk ang hmiang." a ti a, keichuan mak ti tak hian, "Enga, peihawmloh ve.." ka lo ti a, Nathana chuan, "Mi hmuhtir duh che ka nei a, lo kal rawh." a ti a, peihlo tak chuan ka zui a. Lengpui Airport chu kan thleng a, pawnah chuan kan kal kual a,NAthana chuan mi zawn chu a nei, a hnuah jeans dum tight tha tak, kawr var ban bul, sam ngil tak leh vun ngo tak, hnunglam zawnga lo dinga phone lo khawi mial mial bulah chuan Nathana chu a va ding a, ka va zui ve a. Nathana chu a nui vur vur a, "Ehem.." a ti a,chuveleh hmeichhia chu alo hawiphei a, awi awi awi...vantirhkoh amaw tih mai tur a ni. Khawvela ka hmeichhe hmuh tawhah chuan ala hmeltha ber ang tih mai tur khawpa duhawm leh famkim a ni, ka sawiselna awmchhun chu vai ani tih a hriat. Mahse vai hmeltha an tih diktak chu a keng tel vek ang, a nui hmel te chu a cute em em bawk a, a vun lah ngo bawk si. Nathana a hmuh chuan a nui a, a au vak a, a rawn tlan phei a, "Oh my God, Nathan..." a ti a, NAthana chuan alo pawm chat a, "Hi Sanvi." a ti a, ka hrethiam chiah e, Nathana bialnu Pu Murty-a'n a sawi Sanvi chu henu ngei hi alo nih hi. Sanvi chuan, "Hei ka kal leh dawn chiah a, thla hmasa khan vanneihthlak deuh maiin Tamil film thar BILLA tih ah changtunu ni turin min sawm a, mahse scene tlemte chu Guwahati ah chan angai a, tichuan hmanni khan kanlo thleng a. Ni 3 chiah chawlh min pe a, a remchang tho a ka tia nimin khan Mizoram ka lo thleng a, mahse in inah khan ka lo len khan i awm silo a, tunah chuan ka chawlh a zo tawh dawn sia, ka chhuk leh ngei ngei a ngai tawh sia.." a ti a, Nathana chuan, "Nia, kan case vang hian kan lo buai deuh ani..." a ti a, an titi fe hnu chuan an inthlah thei ve ta hram a, ka pu Nathana chu ka va thik reuh em ve awwww, a nei tha bik hle mai. Kan haw lam chu Nathana chu ka chhaih char char a, a nui tha duh miahlo lehnghal. Sanvi chu hmeichhe rinawm tak a nih thu te, ani pawn a hmangaih zia thute leh an inngaihzawn tan dan te chu a sawi a, ka hre vek tawh tih a hre der silo.
Chutia kan titi lai chuan Nathana phone chu number hriatloh hian a rawn phone a, NAthana chuan Loud Speakerah dah in, "Hello." a ti a, phone atang chuan ring zet hian, "JAMESSSSS...JAMES-a ka ni e, nizana in hnathawh ropui tak avang khan Salute ka rawn pe dawn che u a." a rawn ti leh ta ham ham mai a. NAthana chuan, "Enge ila duh a?" a ti khur dur dur a, a thinrimin a hne tawh takzet a ni. JAmes-a chuan, "MAwla, engmah i hrelo." a ti a, Nathana chuan vin zet hian, "Eng maw ka hriat loh?" a ti a. James a chuan, "Raymonda hi ka partner a ni tih hi.." a rawn ti ta mai a. Nathana nen chuan, "ENGTIN MAW?" kan ti rual a. James-a chuan, "haha...inla man chuang nange a? Nizan khan Raymonda bulah khan rawn chhan tur che in ka ti a, ka naute zinga mi Ramliana pawh kha that turin ka ti nih kha, in rinhlel loh nan.Tichuan Bomb pawh a hundik takah amah bawkin a tihtawp leh kha..inla man chuanglo mi..haha." a ti a. Nathana chu a thinrim hle mai, "Raymonda chu i lamah lo tang pawh nise tinge min hrilh kher a?" a ti a, James-a chuan, "I tan hriat a hun tawh....RAymonda nen hian i nunna kan la dawn..hria ang che." a ti a, phone a dah daih a. Rang takin Raymonda chu a phone a, mahse Nathana tawng hma hma chuan Raymonda chuan, "DCP Nathan, min thah i lo tum amaw? Nang aiin ka chungnung zawk tih hi i hria a min itsik vang a ni tiraw? I ngam chuan min rawn hmachhawn rawh..i call hi ka lo nghak reng alawm." a rawn ti ta mai a. Nathana chuan thinrim takin, "RAYMOND..tunge i biak hi i hria em?" a ti vin tuar a. Raymonda chuan thinrim hmel tak hian, "Hria eee..DCP Nathana mi bumhmang mi tenawm i nih kha..Tamil Nadu slum area atanga rawn seilian, diklo taka police hna chelh, corrupt SI thin kha i ni miau a, i sum duhna chu a la rehlo tak tak a nih hi." a rawn la ti zui. Nathana chuan, "Atha e..khawnge i awm? Ka lo kal e, mipa takin inbei chiah ila." a ti a, Raymonda chuan, "eheee..ve che chuan, lo kal rawh...Vaivakawn field ah ka awm e, i ngam a nih chuan lo kal rawh.." a ti a, phone a dah a, NAthana chuan, "KHANGLANG CHUAN.." tih pahin chak takin motor chu a khalh a.
Reiloteah chuan Vaivakawn field chu kan tlanchak bawk a kan thleng ta thuai a, RAymonda chu alo awm ngei a. Nathana nen chuan kan va pan a, RAymonda chuan, "DCP Nathan MAlsawmkim, ilo thleng ta maw....Rinawm, Nathana hian a bum che a ni. Nizan khan Ramliana kha a hnehlo der a, ka va chhan a. Tichuan bomb pawh kha ama kam a ni. James-a nen an thawk dun reng lawm..." a ti a, mahse a sawi zawh hma chuan Nathana chuan, "Ngawi rawh." tih pahin a hnek siah mai a, a thal tawp mai. Raymonda chuan NAthana keah chuan a pet a, NAthana chu a tlu a. Raymonda chu a rawn tho a, mahse ka lo manbet a, Raymonda chuan a khupin ka dulah a do a, ana ngei mai. Ka samah a tham a, min hnek thal tawp mai. NAthana nen chuan an han insual ta tak tak mai chu, hmuhnawm tham a ni. Chutia an insual lai chuan silai a puak dur mai a, ka va hawi pheia, tlangval pakhat hi motor atang chuan alo chhuk a, "Duhtawk ru." a rawn ti a, Raymonda chuan, "Vala?" a lo ti a. Vala chuan, "James-a hian in pahnihin a bum che u a ni, in inhuat theih nan." a rawn ti a. Nathana chuan, "Engtin nge i hriat? Tunge i nih?" a lo ti vin hlur a, Vala chuan ring takin, "Jenet.." a ti vak a, motor a tang chuan nula piannalh zeihzawih chhelo zet hi a lo chhuk a, Raymonda chuan mak tih hmel tak hian, "Jenet, nangmaw?" a lo ti hu a. Jeneti chuan motor atang chuan Bank manager ngei mai kha a rawn hnuk chhuak a, an phuar bet tlat a. Jeneti chuan, "Inspector NAthan, thil i hresual ani, chutiang bawkin Raymond nangpawn i hresual. James-a hian a bum che u a ni, he bank manager hian min hrilh vek alawm." a ti a. Keichuan, "Engkim hi ka hrethiam lo, kha manager kha chu a thi nilawmni?" ka ti a, Vala chuan, "Engkim kha chanchawp ani...khami zana engkim in chanchin leh in awmdan a hriat theihna chhan chu he manager hian a kawrah voice recorder chip tereuhte a vuah ani, chuta tang chuan James-a hian in awmdan leh in tawng ri a hre vek a ni, tih pahin manager coat hak chhunga voice recorder chu a la a, arawn lek kang a.
Comments