NATHAN Episode-3
NATHAN
Episode-3
(The Murderer Is Here)
"Rinawm, bialnu te i nei ve reng reng em?"
"Nei ve bawk ang chu, Police Inspector te pawh kan ni ve a, min duhtu te chu an intlar thup ang chu."
(Ka hnung lampang vel chu a rawn en a...) "Tumah an va intlar silo ve?"
"Haha, nileh Sir nangin i nei a mi?"
"Ka zawt hmasa che lawm."
"Aih, school ka kal lai khan ka nei ve nual a, college ah ka nei leh a, chuan kum 2010 khan ka nei leh a, kan inthen a, tun thlengin ka la nei hrih lo. Hmuh zawh loh vang pawh nilovin ka hna nen hian a inmil lo em a...hehe."
"Ummm... fel hle mai."
"Sir, ka zawhna kha, chhang vela."
"E..awle, keipawh ka nei thin a, mahse kan inthen a, abak chu sawi peih lo, ka tap palh ang, Police Officer tap nih chu zahthlak...ka lungchhe dawn emai."
A van uang thei tak em, ka boss bula awm hi chu a nuam thin e, chulai footpath a coffee kan indun zawh chuan Station lamah kan inphur thla ta a. Tun tum kan case chu kan la chhui ngai miah loh ani dawn tlat mai, accident-na hmun ah chuan kan va kal a. Thil awmzia vel kan zawh chuan chhun dar 11 bawr vel khan mi reh deuh lai takin kawngsir a mi pakhatin bike a side tha lai chu Scorpio pakhat chak tawkin a rawn tlan a, motor tukverh atangin motor khalh tu chuan pistol in chupa chu a kap thal tawp a. Mi reh lai leh khawlaia veivak an awmloh laitak alo ni zui bawk nen, mita hmu tu an awm manglo a, hmeichhe tleirawl kum 16 mi vel dawr kal tur in alo hmu a, silai ri leh chu hmeichhe nu au ri velah midang ho an lo pung khawm a, mahse chu tleirawl chuan a hlauh lutuk avangin motor number pawh chu alo chhinchhiah hman lo a, chu mai bakah vanduai thlak takin chu tlangval chu a thin ah tak an kah avangin a hmunah hian a thi nghal bawk a ni. Ruang an buaipui zawh hnu chuan chu hmeichhe naupang chu an inah kan kal a, thu kan zawt fiah ta a, a la hlau bawk nen a khur zawih zawih a, a bulah chuan anu leh pate chuan an thutpui a.
"Mami, tunge i hming le?"
"Mapuii.."
"Awle Mapui, engmah hlauhawm a awmlo nia aw, i bulah anu leh apate an thu a, chuan hei police pahnih kan awm bawka. Tuman an tina dawn lo che nia, enge i hmuh kha chiang deuhin han sawi teh le?"
"Ihh...dawrah ka kal dawn a, kan in atanga dawr hi a hla ve reuh lutuk a, chuan kawng reh lai taka ka kal in mi pakhat hian bike a lo side tha chiah a, chuan ka kal pel hma duh hret hian ka hnunglam atangin chak tawkin scorpio a rawn tlan a, min rawn leh pel fua a, ka au tuar a, chuan chupa zawn a thlen chuan an tlan muang deuh a, motor khalh tu chuan I FARNU BULAH CHUAN KAL TA CHE tih pahin....(a inhnit faih faih a) aa..a kap a, a tlu tawp a, ka hlau lutuk a ka au vak a, chuan..ka, ka hlau lutuk a, ka ding reng ringawt a, engmah ka lo ngaihtuah tawh lo..." a tap chhunzawm a, chuveleh a pa chuan alo sawi chhunzawm a.
"Chu Motor chu a number pawh a lo chhinchhiah silo a, chuan he tlangval hi khawilam mi nge anih pawh kan hre bawk silo. Ka va tlan chhuah a, a hmun ka va thlen kha chuan anlo awm deuh nuai nuai tawh a, kan in hi a hla ve angreng sia, ka thianpa Duhawman min rawn phone a, rang lutukin ka han tlanchho ve nghal a. Atirah kha chuan biak thei pawh a nilo, mami hi a hlau lutuk a ka khur char char bawk sia, a bulah tlangval pakaht alo let reng mai bawk si. Thil awmzia kan hre bawk silo, ahnu a ka hmel ahmuh khan tap chungin min hrilh a, han umzui leh dawn pawhin a tlan hla tawh awm ropui si a, kan han um ve ngei ta tho a, hla tak kan thlen hnuah pawh chanchin kan hre silo a, Scorpio dum awm reng kan hmulo. Tunah pawh a umzui tute then khat chu anlo la thleng lo."
"Anih tak chu a va pawi ve aw...mahse lo hlauthawng lo ula, in chungah engmah hlauhawm a thleng dawnlo a nia aw, chuan kan mamawh hunah kan la ko duh maithei bawk che u a, lo inring reng rawh u aw."
"Awle ka pu."
Chupa ruang chu mi then khat in kan thlen hma khan thla te lo la in, whasapp velah anlo post leh hmanhmawh tawh a. Ruang chu phum ringawt chi la ni hek lo, Mourge-ah kan dah tha ta a. Stationa kan let leh chiah tih ah chuan tleirawl kum 19 mi vel niawm tak hi hmanhmawh takin a rawn lut a, kan lo en hra hlawm a.
"Ka pu ihh...mithi kha, khapa kha ka hria."
"Enga?"
"Umm..ka hria, ahming chu Siama ania, hmanah kan school kal laiin kan school bula canteen ah a thawk thin a, chuan a chanchin ka hriat chhun chu, ihh..nu leh pa anei tawh lo a, chuan a nau hi cancer a ni a, a enkawl a, mi inhnuai luah in, chuan hmanni lawk pawh khan ka hmu, ka pu...canteen ah te a inhlawh thin a, a nau enkawl na turin, hmanni a ka hmuh pawh khan bike in min phur nghe nghe alawm. Mahse khawnge tunah a khawsak chu ka hrelo, ka thianpa pakhatin kan thianho group ah Whatsapp ah a rawn post a, ka hmu chiah a, ka nu leh pate pawh hrilh lovin ka rawn kal ve thuai nih hi. In duh phawt chuan ka pu, a inluah thinna ah chuan ka hruai thei che u."
"A tha lutuk Mama, i ti tha lutuk, mahse engtin nge a inluahna te chu i hriat a?"
"Ka pu ihh...vawikhat kan chaw eikhawmin tlai deuh ah ka haw a, kawngsirah rui tawkin alo awm a, ka hmuh veleh ka bia a, chuan a bike chu ka khalh haw sak a, a rilru hah thu leh a chanchin te min hrilh a, an in awmna min hrilh a, an inah pawh chuan ka leng ve tawh nghe nghe a lawm."
"Nihleh chutiang khawpa rethei si, engtin nge bike te chu aneih a?"
"Ka pu, a bike hi chu secondhand ania, a tawng tawh em hi, to vaklovin miin min zawrh a, ka mamawh ve dawn sia ka lei a ti a."
"Awle, min hruai thei ang maw, a inluahnaah chuan..?"
"Umm"
"Ila naupang si a, i chhhungte hrilh ve phawt ila.."
"Ka pu, ka pa chu ka phone mai ang, ka hruai phawt ang che u."
"Hmmh...i tih tlat te chuan, kal ila."
Siama inluahna te neitu te inah chuan kan kal a, chhungkaw pangngai tak niin, Nu ber leh pa ber an awm a, fanu 3 leh fapa 1 an nei a, awmpuinu pakhat an nei bawk a. An nu ber hming chu Pi Liani a ni a, an pa ber chu Pu Sanga a ni. Thil awmzia vel kan han hrilh chuan mak an ti hle mai a, Pu Sanga chuan...
"A va mak ve aw, tlangval fel tak kha ania, kan khawngaih thei em em a, a nu leh paten an thihsan atang khan a nau nen hetah hian kan inhnuai ruak hi an rawn luah a, an harsa si a, theihtawpin keini pawn nei leh neilovin kan pui ve a, kan in ah pawh a rawn tlangnel hman ve viau asin mawle. A pawi hle mai, nikum hmasa khan a farnu hian a thihsan a, a rilru ana em em a, theihtawpa kan dan hnu pawh khan inluah man pawisa pek tur nei tawh bawk silo, a farnu a chan tawh bawk si chu, kan inhnuai pawh hi a chhuahsan ta a, a sawidan chuan ka thianpa te inah ka awm thei alawm a ti tlat a, tichuan kan dang zolo a, dan theih reng pawh ni bik heklo le, kan khawngaih viau nain han tanpui vak ngaihna kan hre silo a, tichuan a chhuak ta a, a number pawh a thlak aniang, biak kan tum pawn a biak tlang thei tawh silo a, chuzawng chu kan hriat ani mai."
"Ka Pu, nih leh, Siama chuan thiandang han hruailuh emaw, hmelma emaw a neiin i hre reng reng em?"
"Ka hriat ah chuan thiandang hruailuh a neih awm ka hre miah lo, hmelma aneih awm awh ka hre lo, tlangval fel tak a ni a, chutiang a neih ka hre lo."
"Khawi khua atanga lo kal nge an nih awm i hre mial em?"
"Aw hria e, **** khua atanga heta rawn pem annia, chupawh a nu leh pate thih hnuah a ni."
Inchhung atang chuan kan chhuak a, Nathana chuan, "An fanu upa zawk hmel kha ilo hmu em?" a ti a, keichuan nuichungin, "Nang angin ka lerh lo aw, Police Officer 3 star ah chuan i lerh ber.." ka ti a, Nathana chuan, "Haha, chutiang ka sawi lo, thil ka zawh lai khan an fanu upa zawk kha a hlauhthawn hmel zia kha, ka mitsirin ka en reng alawm." a ti a, "Anih chuan, ava rinhlelhawm awm vea, nakinah thu zawhfiah ve hrim hrim chu angai dawn nih kha, ahrim hrimin engtin nge melh ruk nanchang i hriat zawk a?" ka ti a, Nathana chuan, "A tir a tang khan ka mit ala hrim hrim a, boxer chauh aha bawk sia, a ngo sia, a thulang deuh a.." tih pahin a nui vak vak a, motora kan luh pah chuan, "Ka sawi reng kha maw, 3 star ah chuan i lerh ber." ka tia, kan nuidun vak vak a. Zan alo ni a, vawiin lamapanga ka hah em avang chuan ka inbual fai a, mut mai ka tum chu kawngka pui ka khar dawn chiah a, pawnah chuan Pu Sanga te fanu upa zawk kha party dress niawm tak nen, chhing tak leh sexy takin alo in chei a, abulah chuan mipa 2 an awm bawk a, an nui ho a. Ka ringhlel tlat a, ka insiam a, zui ruk ka tum a, ka nu chuan, "Mama tun ang zanah khawnge i kal dawn?" a ti a, keichuan< "Duty ka nu..Duty, kan DGP in min rawn phone a, a pawimawh niang." ka ti a, ka nu chuan, "Nihleh tinge i va inchei vea?" a ti leh a, ka nu hi chu awww, ka party ve dawn nih hiii..."Aww ka nu, kan hnaah chuan tianga inchei chang te hi a awm ve lawm." ka ti tawp a, tichuan pawn lam ka en leh a, anlo kal dawn chiah a, ka motor ka start a, muangchangin ka zui ru ve ta a. Ka zui ruk pah chuan ka phone ka phawrh a, Nathana ka bia a, thil awmzia ka hrilh chuan party na hmun ka thlen hunah a hmun hrilh turin min ti a, tichuan party na hmun chu kan thleng ta a. Tichuan Nathan chu a hmun ka hrilh a, ani chu ka lo nghak a, party na bula kawngkhara lo ding, lo duty ve niawm tak, palian ve lampang pahnih chuan minlo dang ve khanglang lehnghal a, pakhat zawk chuan, "Tunge i nih, list ah i hming a awm ve em, Gate Pass i nei em ni?" min lo ti a, ka wallet ka phawrh chhuak a, ka card leh police logo hmuh pah chuan, "Hei le Gate Pass tha chi.." ka ti a, an phu dun chiang kher mai, kei lah thinchhia tih takah chupa kawr awm ah chuan ka tham a, hnai setsawt ah rum tawkin ka melh a, "Gate Pass dang i la duh em?" ka ti a, ani chuan hlau hmel takin, "Aih ka pu...lu..lut rawh." a ti a, pakhat zawk chu ka va melh leh a, rang tawkin hnuailam a melh nghal. Inchhungah chuan ka lut a, an lo lam mup mup mai a, intur an lo serve na lamah chuan ka va kal a, inla changkang hlawm bawk a, a then chu an nalhin hmuh an nuam hle mai. Pu Sanga fanu chu ka zawng a, mi bula va kal kha chuan lam ve ngai dawn sia, a tawt si a, mi tamtak lam karah chuan hmuh an har ngei mai. Nathana pawh alo thleng a, nula pa hnih ala rawn kuah lut zui mawle, lerh ve khawp mai.
"Engtin nge an lo tih che Duty te khan?"
"Police ka nih thu ka hrilh a, chuan nula ho khan "ACP MAW???" an lo ti dual a, min ngaisang bawk a, ka rawn kuah lut vel nih kha, pakhat saw i duh ve em?"
"Hah...duhlo mai ang. Sir, an lut lai chu ka hmu a, mahse duty te sawn minlo ti khawmuang khanglang a, tunah chuan an lam a niang ka hmu miah lo."
"Hmuh an va har dawn ve, chubakah an party ve mai mai pawh a ni thei a, nangpawh hi nge ilo zui thawt thawt a?"
"Thil a awm takin ka tia, nangpawh ilo kal ve tho lawm."
"Awww..keite chu party ka chak ve nimai lawm..haha."
Chutia kan inbiak lai tak chuan hnunglam atangin Pu Sanga fanu chuan ka darah a rawn vuan thut a, ka phu chiang kher mai. "Ka pu, kan ina lo kal te kha in ni tiraw?" a rawn ti a, mak ti deuh in Nathana nen kan in en haw a, kan lu kan bu dun nghat nghat ringawt a, ani chuan, "Enge hetiangah te in tih ve a, mi inchhui em ni?" a ti leh a, nangmah khan kan chhui che, tia vin hrep ka van chak tak, Nathana chuan, "Neilo e, kan chhui tak tak hmain tiin nuam kan han tawl ve nih hi." a ti a, chu nu chuan, "Nih tak chu, ACP Nathana kha i ni tiraw?" a ti ta thut mai a, Mak tih hmel tawkin Nathana chuan min rawn melh a, "Aw ni e, mahse DSP min ti zawk mahla pawi miah lo hehe, engtin nge i hriat a??" a ti a, ani chuan, "Ihh... ka hre ve tawp che, Mizoram Police chhuanawm tak tak te chu ka hre ve bawk alawm." a ti a, Nathana chuan, "I hming enge?" a ti a, chunu chuan, "Rachael-i ka nia, ka pu ka thianten min au a ka va kal tawh mai nge aw." a ti a, Nathana chuan, "Awle, i nu te bulah kan sawi miah lo ang, kei ni pawh kan party tih hi sawi bik suh aw?" nui chungin a tia, Rachael-i chuan nuisak chung chuan min kalsan ta a. Nathana chuan an thainte nena an inbe lai chu nui miahlo leh thutak hmel em em hian a en reng a, mitkhap miah lovin a en a, atawpah chuan kan chhuak ta a, party na bul kawtah chuan kan ding lawk a, midang zurui ho leh inngaizawng chance nei pawh an lo awm nuai nuai a, thenkhat an lo zai a, thenkhat an lo in hmuam tawn tawn bawk a, hnute lo inthamsak leh hmeichhe lo bem tawk lah bo lo, huiham kan Mizoram ngei pawh hi, tleirawl te han rapthlak tawh zia hi chu, sap an kan tumna ve chu ani sia maw??? Nathana chuan, "Rinawm thil ka hrechhuak zawk mai, Mapuii khan tualthattu pa khan Siama a thah hma khan "I farnu bulah chuan kal ta che." a tih thu kha asawi tak e, kha khan awmzia a nei dawn tlat mai, tualthattu hian Siama kha a farnu thlengin a hre chiang tihna a nia, huiham zanin chu, ka hmuh loh loh tur ka hmu lehnghal a, nangmah vang.." a ti a, keichuan, "Sir, tualthattu kan hriattheih nan chuan thil ho te te, rinhlelh awm lutuk pawh nilo atanga kan chhui angai alawm, he tualthahnaah hian Rachael-i hi a tel ve e ka tihna pawh anilo a, mahse nangmah ber khan an ina kan awmlai a apa in Siama chanchin a sawi lai khan a hlauhthawn hmel thu kha i sawi a, i mit ngeiin i hmu bawk sia, zanin khan kan inbulah rui deuhin ka hmu bawk sia, zui ngei ngaiin ka hriat vang alawm." ka ti a, Nathana chuan nui chung chuan, "Haha, ka awihlo lutuk, a bialpa te nena an CK lai i enthlak chak vang a nih kha.." min la ti zui a, kan nui a, gate lam pana kan kaltur chiah chu Nathana chuan mi pakhat Beer in lai chu a nek palh a, a beer ken chu a kawrhma ah a intihbuak a, thinrim hmel zet hian a rawn hawi a, "Khai aaa...chiloh ve." a ti vawng vawng a. Nathana chuan, "Khai aw..thianpa tihpalh aw?" a ti dam diai a, ani chu rui deuh tawh nen, "Zawnga, tihpalh tih khan a fai thei dawn em ni?" a ti vin tuar a, kei chuan rum deuh hian ka lo melh a, ka tha a za nghal ringawt, "Mama, tihpalh a tih kha.." ka lo ti a, ani chuan, "Nangkha ka bia che mi?" min la ti let zui a, khawih hrep tuma ka ke ka pen chiah chu Nathana chuan minlo dang a, "Rina, insum rawh..thianpa ka thiamlo a ni e, kha pawisa hi ka pe ang che, kawr thar leina tur, ka tihpalh lutuk aw.." a ti leh a, chupa chuan Nathana pawisa ken lai chu benthlak pah chuan, "Hey, mi rethei ah min ngai ami a? I pawisa hi ka mamawh lo, i pawr ve deuh mi a? Officer fapa ka nih hi aw.." a ti a, Nathana chu a nui sak a, rum em em in chupa chu a melh a, Officer eiru fapa maw?" a ti deuh kher a, chupa chuan Nathana hmaiah chuan ka hnek nghal siah mai a, Nathana chu a thal tawp a, ka kai tho a, "Sir, keiman ka..." ka sawi zo hman lo, a kamsira thisen tlemte lo luangthla chu a kuta nuai reh pah chuan , "Nang hian a chintawk i hrelo deuh a ni.." a ti a, a va hnek siah mai a, chupa chu a vir nawk thei nia mawle, Sir chu a hnek alo na hle mai a, insual a thiam vak pawh ka lo rinloh nen, DSP nge nge... abula a thiante ni awm tak chuan rawn chhan an tum a, mahse a lo thehthal thuai thuai hlawm a, a khawi na hlawm mah mah ang tih chu ka hlau angreng, an zinga pakhat chuan thing bung ala a, hnunglam atangin Nathana chu vuak a tum a, keichuan hnunglam atang vek chuan a thingbung chu ka lo man a, amah chu a nghalah ka hlap hrep a, security ni ve awm tak ho te chu an lo kal a, "Enge in intih buai a, haw rawh u, kan sawilawk vek tawh kha, buaina kan duh lo, police kan ko mai ang aw.." an rawn ti a, Nathana chuan rum tawka Security ho melh pah chuan, "Koh ngailovin kan awm reng hi.." a ti a, min en thup mai a, tichuan kan chhuak ta a.
"Sir, insual i va thiam ve a.."
"A mood ah ka cheng thut a, ka thinrim em ani."
"Nia naupang te te si a tawng hnem mah mah a lawm."
"Diktaka sawi chuan khapa vang pawh kha a ni lo, enge maw dang vang khan ka thinrim a, khapa khan ka thinrim a tizual a nih kha."
"Eng thildang maw?"
"Sawi peihlo...haw ang."
Mak tih hmel tak chuan ka en a, motor hran ve ve kan keng si a, kan haw ta a. Kan inah pawh rawn pengkawi chuang lemlo chuan mahni in lam ve ve kan pan haw ta a. Atukah chuan Mapuii te inah chuan kan kal leh a, chhuihchhuah a awlsam loh em avang chuan Mapuii te inah emaw, Rachael-i te inah emaw hian kan kan ve deuh chhen chu a ngai dawn a ni. Nathana chuan Mapuii bulah chuan, "Mapui, tualthattu khan a banah khan eng emaw ser tal a nei em? Anih loh pawn thil bun a nei em, sana emaw wrist band tal pawh?" a ti a, Mapuii chuan, "Engmah ka hre lo ka pu, ka hmuh zawng chu a kap lai kha nimai." a ti tlat bawk sia, a va han luhai thlak em. A zawt zawm zela, "Nihleh a motor number kha hmu hmanlo mah la, a bultir vel tal, MZ 01 tih emaw vel kha i hmu hman em?" a ti leh a, Mapuii chuan, "Engmah ka hrelo." a ti a, beidawnthlak mange aw. Nathana chuan Mapuii chhungte bulah chuan Siama chungchang te, a inluahna ami te chungchang te chu a sawi a, rei fe kan titi hnu chuan kan hawsan leh ta a. Nathana nen chuan motorah chuan kan chuang a, min en vung vung a..
"A va lum ve..." a ti deuh ngawt a.
"Sir vur i duh em, kan lei dawn mi?"
"Police Officer vur fawp dawk dawk i hmu ngai mi, naupangchhia lutuk."
"Anih leh kan leilo nga nimai lawm, hahdam rawh."
"Nia, motor kha ti ding teh, vibrate a chuan reng chuan hahdam theih loh, ka thaw a ipik lutuk, kawngsir ah sawn ding lawk teh."
Thingbuk hlim hnuaiah chuan kan ding a, kan titi dun a, hmeichhe pakhat lo kal phei chuan Nathana chu a en vung vung a, "Nathan, i ni em?" a rawn ti a, Nathana chuan a en vung vung a, ho tih hmel deuh chuan, "Ni e, ka piantirh atang khan Nathana tih hming hi ka pu char char, ka tetlaia an phuah ania, hmingdang ka la nei lo." a lo ti deuh hmuk a, chunu chuan, "Inhmuhlohna a va rei ta ve, Police i lo ni tawh a, khawm maw enge in ziak, Wow...Assistan Commissioner of Police..van chang sang ve." a ti deuh hawr hawr lehnghal a, keichuan, "Sir, i hria a mi?" ka lo ti deuh haw a, ani chuan, "Umm...hre ruai ruai." a ti ringawt a, chunu chuan ka batch rawn en pah in, "Aw hria e, ka pu..Pu Rinawm, college kan kal ho thin a." a ti a..."A nih chu mawle." ka lo ti mai a. Nathana chuan, "Helai ah nge i tih a, in awm ami?" a ti a, ani chuan, "Awmlo e, pu Inspector..haha ka thiannu te inah ka rawn riak a, ka awm mai mai, kan khuaah ka haw thla tep, ka nuih a za e, ilo puitling tawh lutuk a, i lang pa ve lutuk." a ti a, Nathana chuan, "Famkimi tiraw i nih khah?" a ti a, chunu chuan, "Min van hrelo hma em em, hmanah kha chuan kan..." a ti a, asawi zo hman lo, Nathana chuan, "Thil ka hrechhuak, hmanhmawh thlak lutuk, Famkim sorry aw, kinah kan inhmu leh dawnnia, Rina kal angai." a ti a, Famkimi chu a hrilhhai hmel hle mai, motorah chuan kan lut a, kan tlansan ta daih a. Motor khalh pah chuan Nathana chu ka en a, a thaw huai a, "Sir, enge hmanhmawh thlak chu?" ka ti a, ani chuan thawk huai pah hian, "Khanu kha..ka ning alawm rilru hah lai lai a...kalsan vat kha a hmanhmawh thlak em ani." a ti sam et a, keichuan nuih deuh huk pah chuan, "A chhiatloh reuh kha, kum 26-27 vel bak ala nih hmel bawk si lo a, aluck viau lo maw?" ka ti a, Nathana chuan vin zet hian, "Kum 30 ka tling tawh bik em ni? Sawi tawh suh, encounter ah ka shoot mai ang che." a ti vak a, keichuan, "Awle Sir, thinchhe lutuk." ka ti a, kan inngam ve hrim hrim a, ani pawn a haw lemlo. Theihtawpa kan chhui pawhin chhuidan thiam a har si a, Scorpio dum tih ringawt lahin Scorpio dum nei te chu mizoramah chuan an tam em em si a, man vek ringawt lah chi dawn bawk silo, hun lah chu a kal duak duak zel bawk si a, he tlangval khawngaihthlak tak hi engtin tak thi chu nimaw.
Pu Sanga te inah chuan kan kal leh ta a, thil te kan han inzawt leh a, hmasawnna a awm chuang reng reng lo mai, hetiang boruak anih lai hian constable thenkhat te nen a chang in Siama te khua lampangah kan han kal thul....khaw mite lahin hriat anlo nei tlem bawk si, a thian kawm thinte lahin engmah an hre bawk silo. Pu Sanga te ina kan inkawm khawm lai chuan, an awmpuinu Rovi chu a rawn tawngchhuak hlawl mai a..."Ka pu thil ka hre chhuak zawk mai, hmanah khan...kan inhnuai a rawn luah lai khan, afarnu thih hma khan U Siama te unau hi kan ko chho a, hetah chaw kan eikhawm khan U Siama khan a thianpa a sawm ve kha, khapa kha a thlalak pawh ka nei, chaw eikhama kan lak a nia, U Rachael-i Birthday ania." a rawn ti hlawl mai a, Pu Sanga nupui chuan, "Awi ni dawn tak e, kha a thianpa kha kan be lumlam hman ta silo a, khawia mi nge pawh kan zawt hman ta silo a, a lo lang leh ta miah silo a, ka lo hre tawh miah hleinem." tiin a lo chhunzawm a. Nathana chuan, "Anih leh khawimaw thlalak chu i la neih chuan lo en ila." a ti a, Rovi chuan, "Lawk aw, hai ve fe ngai ang, engmah ka la delete lo a, a rei tawh sia, kan zawng lawk aw." a ti a, minute 3 vel hnuah chuan, "Ka pu hei hi ania.." tih pahin an chaw eikham zo hlim niawm tak thlalak chu min hmuh a, Siama bul chiah ah a ding a, khabe hmul leh hmuihmu a nei deuh chhup lehnghal a, ngo lampang, hmelchhe lutuk lo, kum 30-35 mi bawr vel a ni ang. Nathana chuan thlalak chu a zoom a, a screenshot a, a inthawn a, "Hepa hi kan zawnhmuh phawt angai a ni, a thianpa hi a boral tih thu hi a la hre ve awm silo a, chubakah ani hian thutam tak min hrilh theih pawh ka ring." a ti a, tichuan in atang chuan kan chhuak leh ta a. Station ah kan tlang nghal a, thlalak chu a fiah vak bawk silo a, ahmel chu hmuh chian theih mahse mi dang bulah a ding sia, an tam em avangin amah bik chu a lem kan ziak ta a...keichuan ka ziak lo, lemziakthiam zawkin a zia, hehe. A lemziak chu kan xerox teuh a, constable thenkhat chuan Siama te khuaah an keng a, a thenin Mapuii te vengah an keng a, mi an zawt a, athenin Pu Sanga te vengah...tichuan tan kan la nasa hle a, keiphei chu Nathana angin fing velo mah ila he case hi chu chhuichhuah ve ngei ngei ka duh tlat a ni.
Nikhat chu bazar turin buai lai laiin ka nu in min tir a, ka nu lah hi...motor ka khalh peihloh avangin taxi ka phar a, ahnungah keimahin ka chuang a, midang chuang an awm lemlo, bazar ka thlen chuan taxi fair ka pek pah a ka lam a rawn hawi chuan driver pa hmel chu ka hriat hnu ni tlat hian ka hria a, ka ngaihtuah a, khapa ngei kha a ni, Siama thianpa, a lem pawh kan ziah, kan mizawn mek a chu. Thil awmzia ka sawi a, tichuan Station lamah ka phei pui nghal a, Nathana ka ko bawk a, zawhna kan zawt ta a.
"Thianpa tunge i hming?"
"Andrew-a ka nia.."
"Anih leh Andrew, hei, kan kohna chhan che chu i hria anga, i thianpa Siama a boral hlauh mai a, a chhungleh khatte kan zawnga, nu leh pa anei tawh si lo a, mahse Pu Sanga fanu Rachael-i Birthday lawmnaah inlo awmdun hlauh a, thlalak atangin kan hmu che a, kan zawng che a, mahse hei kan hmu ta hlauh che a, hlauthawng lola, ihh...Siama nen hian engtin nge in inhriat?
"Ka pu, ka taxi ah hian vawikhat chu a rawn chuang a, a bike a chhiat thu te min hrilh a, tichuan zu tlem a nei a, inpui atan min sawm bawk a, kei lah zu lo lem ve zeuh zeuh ka ni bawk nen, ka inpui ta a. Tikhan kan inkawm chho a, number te kan inpe a, kan inkawm chho a, an inah te hun awl ka neih changin zanah te ka leng ve thin a, hunrei ve tak chu kan inkawm a, keipawh mi inluah ve mai chauh ka ni a, taxi driver ka ni a, amah ang bawkin fahrah ka ni a, kan chanchin te kan inhrilh tawn thin a, kan dinhmun a in an em avangin kan inkawm ngeih em em a, achang chuan bike hi a keng ngailo hial zawk thin a, a bike siamman te chu pawisa tlemte ka tum sak ve a, tuna alo boral ta mai pawh hi hrehawm ka ti."
"Anih tak chu, nihleh a unaunu a thi tih kha i hria em?"
"Aw khakha chu ka hria a..mahse an ina va kal ka tum khan Pu Sanga ten a awm tawhloh thu leh a chinchang engmah an hriat tawhloh thu min lo hrilh a."
"Andrew, nihleh Siama khan hmelma a neih awm i hria em?"
"Aih ka pu, engmah ka hrelo."
"Anih tak chu, thiandang aneih awm i hria em?"
"Aih ka pu."
"Awle, nihleh Siama khan phone a nei silo a, ama thawmhnaw kan check pawh khan wallet leh phone takngial pawh kan hmu silo a, engtin nge number in in pek theih a?"
"Kha kha maw ka pu, a phone a chhiat thu kha min hrilh alawm hmanah tawh ania, keiin a siamsak na tur pawisa ka lo nei bik siloa, ani lahin siamna tur nei bawk silo, ka khawngaih asin aw.."
HUIHAM...ngaihtuahna a va buai ta ve, a awlsam sawt dawn amaw tih pawhin, kan mi zawn ber lah hian engmah alo hre bik bawk silo, ava han manganthlak tak em...Nathana pawh chu a buai hmel khawp mai, kan awmdun chang pawhin biak pawh a biak hleihtheih loh, a vei kual a vei kual a, achang leh a maimitchhing vang vang a, a rilru a hah hmel takzet a ni. Andrew-a chuan tualthahna thlenna hmun chu hmuh ve hrim hrim chu aduh thu a sawi a, a hunawl neih veleh lo kal turin kan ti a. Tichuan nikhat chu a hman ni ve takah chuan alo kal a, Mapuii te vengah chuan kan kal a, tualthahna hmun vel te chu kan thleng a, thil thlendan vel chu kan han hrilh a, a rilru chu a nat ve hmel hle mai. Kan haw leh lampang a thingpui ina dawr te a kan thut ho lai tak chuan ka pa in min rawn phone a, ka nau airport ah hmuah angai a, motor ka keng daih si a, va lam angaih thu min hrilh a, ka hmanloh thu chu ka hrilh takzet nangin Nathana chuan, "Kal rawh Rinte, ka thuin kal rawh, tihtur vak a awm hrih chuanglo...zanah chanchin ka rawn hrilh ang che." a ti a, ka kal pah chuan ka boss hi chuan mi hriatthiamna te hia van ngah tak em ka ti rilru nauh nauh a. Zanah chuan Nathana text ka nghak a, mahse engmah ka dawnglo.
Atukah chuan kan vaiin Pu Sanga te inah min ko khawm a, hemi ni hian engkim aphawrhchhuak leh dawn a ang ta khawp mai. Ka motor chuan ka thleng hmasa a, ahnuah chuan a rawn thleng ve a, a constable 5 vel a la rawn hruai zui. Tichuan Mapuii a rawn hruai bawk a, Pu Sanga te inah chuan, Pu Sanga te nupa, Kei, Nathana, Mapuii, Andrew-a, Mapuii nu leh pate, Rachael-i te unau 3 leh an awmpuinu Rovi te an ni. Kan en thup a....Nathana chuan thawk a la te te a, min enkual a..."Tualthattu chu, kan bulah hian a awm.." a ti ringawt a, kan phawk hra hlawm mai a, kan en thup a, mahse Mapuii te nu leh pa te chua hrelawk tawh awm ang zia zang hian an lu an lo bu nghat nghat a. Nathan chuan, "Tualthattu chu ka sawi hma in....CONSTABLE, KHANU KHA LO HRUAI RAWH U." a ti vak a, Hmeichhe Constable pahnih chuan Nathana te college luh laia Nathana thiannu hmanni a min lo be tu Famkimi chu an rawn hruai a, mak ka ti khawp mai, Andrew-a chu a phu zawk a, chuveleh Nathana chuan, "Tinge thianpa Andrew? Mak i va tih hmel ve, i hriat hnu a mi a?" a ti deuh ngat a, kan lam a rawn hawi a..."Siama thihnaah hian mawhphurtu chu henu Lalfamkimi leh Andrew a te in ni.." a ti ta phiar phiar mai a. Chu veleh Pu Sanga fanu Rachael-i chuan, "Engtin nge a nih theih, he nula hian tual a that anga maw? Ava mak ve, tunge a nih reng reng a ka pu?" a rawn ti nghal a, Nathana chuan vin zet hian, "Hey, ngawi rawh, mahni thiannu te engtin nge i hrait loh theih? Nangpawh hi i tel ve kha aw, engemaw takah chuan i inhnamhnawih ve chiang alawm." a ti leh a, amak kan ti tawlh tawlh. Pu Sanga chuan, "Ka Pu, kan fanu pawh hi a tel ve maw?" tiin hrilhhai hmel takin Nathana chu a zawt a, Nathana chuan, "Tel ang chu...an inkawm thin alawm." a ti a, Rachael-i chuan, "Eng..engmah ka hrelo, ka...ka tello, henu hi engtin nge ka thian anih ang? Ka hre ngailo." a ti bah nuaih a, Nathana chuan, "Zep suh, party naa kan zui ruk che khan min rawn bia a, chumi hnuah i thiante bula i va lam khan Famkimi hi iva bia tih kha ka hmu a ni, Famkimi hi hamnah pawh ka lo hre tawh thin a, khami zan khan min hnungchhawn zawng khan alam a, hnunglam atang pawn ka hrechiang lutuk, thian inlo ni reng amaw?" a ti a, Famkimi chuan, "Awmze neilovin min man ani, tunhnaiah eng party naah mah ka kal ngailo, hnunglam atangin engtin nge min hriat? Awihawm loh lutuk....keima pian ang deuh pawh alo ni thei a sin." a ti vin vak vak a, Nathana chuan, "Dik lutuk, mahse maw.." tih pah in Famkimi a bulah a pawt hnai lawk a, a kawr chu a hnute hnuai vel thleng, a bra lang lo tawk chiah chiah in a hlim sak a, a hnungzanga a tatoo mawi leh nalh tak mai chu kawh pahin, "He i rul lem tatoo hi chu ka hai lo, kan college luh lai pawh khan mipa mit la tu ber a nih thin kha, khami zan khan e, light de zuai zuai khan i tatoo hi a chhun zeuh zeuh asin." a ti a, party naa kan kal khan ka lo ngaihtuah chiang miah lo a, avan mak tak. Rachael-i leh Famkimi chu an ngawi ta kur ringawt a. Chuveleh Nathan chuan min signal a, constable te nen chuan Andrew-a chu kan manbet a, Nathana chuan a sawizawm zel a.
"Awle lo ngaithla ru, Andrew a hi tualthattu chu a ni. Niminah khan Andrew-a hian a thianpa Siama thihna hmun min hmuh ve reng reng ru a ti vel a, a inla rinhlelhawmloh vel leh inla innocent vel lutuk chuan amah leh amah a inbum hi ni ringawt, amah ngeiina a thianpa a thahna hmun hi kan bulah inla fel tawkin hmuh min dil kual der vel lo se chu tunah pawh hian kan hre lo maithei a, kan man lohphah maithei. Mahse amah leh amah a inman tir hi ni ringawt, tualthahna thlenna hmuna kan kal avang hian amah hi kan man thei a, lawmthu ka hrilh zawk nghe nghe dawn che mawni le Andrew..Tichuan Rina ka thianpa hi a chhungten an rawn phone a, a haw a ngai thut a, a haw chiah tih ah chuan thingpui dawr ah Andrew-a nen hian kan chawl dun a, Andrew-a hian thingpui a inzawh khan mi inah ka va inthiar teh ang minlo nghak rawh, i thianpa in motor a keng daih sia ka taxi hian ka thlah haw ang che tiin min han tlawn kual vel a. Chutia a kal bo hlan chuan ka hnungah hian Mapuii hian min rawn beng thak thak a, tichuan kha pa kha a hmuh tawh thu min hrilh a... Mapui, hlau miahlovin han sawi teh le." a ti a, Mapuii chuan a sawi veleh ta a...
"He taxi driver leh Officer hi thingpui an lo indun ka hmuh khan mak ka ti lutuk a, ka dawr kal tur a nia, kuhva lei ka tum lai mek a ni a, tichuan Taxi driver pa chu ka en chiang a, ka mitthlaah thil alo lang a, a hmel chu ka hmuh tawh hnu a ang ka ti em em a, ka ngaihtuah let a, tualthahna thlen tum a Scorpio dum a min rawn tlanpel fua a, U Siama thattu kha, kap hlumtu ngei kha ani tih ka hre ta a ni. Atir khan ka hlauh em avang khan engmah ka hrelo angin ka sawi a, mahse ka ngaihtuah a, ka hma deuh lawkah khan a kap kha ani a, a kap zo chiah kha a rawn dak chhuak a, tichuan I FARNU BULAH CHUAN KAL VE NGHAL RAWH a tih khum a, kha tah khan a hmel kha ka lo hmu reng a, mahse ka hlau lutuk khan a hmel ka theihnghilh vek a, ka khur nasa sia, sawi pawh ka sawi theilo nih kha. Officer nena an lo thu ka hmuh chiah khan a ni tih ka hria a, tichuan a kalbo hlan khan Officer chu ka hrilh a, chuan Officer pa hian anu leh apa te bula hrilh nghal tur leh tuma hnena ah sawilo turin anu te pawh chah nghal ang che min ti bawk a ni." a ti a, Nathana chuan a sawi zawm leh a...
"Tichuan Mapuiin a sawi vang khan ka la ringhlel mai duh lova, a taxi ah kan chuang ta a, an inah lenluh ka tum ta a, tichuan an inah ka leng ta hram a, tichuan thingpui te a lum a, min intir a, inchhung vel ka en kual pawh khan rinhlelh tur a awm silo a, anilo amaw ka ti hman hial a. Tukverh bulah chuan kan thu a, an thenawmnu pakhat chuan an vawk atlanchhuah thu leh pui lawk turin Andrew-a hi a rawn ko a, tichuan tikhan lo awm rawh aw tiin min chhuahsan ta a. Achhuah hlan chuan a phone charge lai chu a rawn ri a, a rawn call tu chu FAMKIMI tih a ni a, a tir chuan henu hi a nih pawh ka ring lo, Famkimi dang an nih ka ring a, pick up a, a buai lawk tih ka tum a, ka pick up a, ka tawng hma hma in henu Famkimi aw ngei mai hian "Andrew tinge min la biak duh chuan loh a, i duh ang ngeiin ka pa bulah chhuanlam siamin ka pa Scorpio pawh chahbi ka dil chhuak thei hram a, i hman duh avangin, mahse min la duh chuanglo em ni, engkim ka tihsak che hi?" a rawn ti phiar phiar a, engmah sawilo chuan ka dah a. Tichuan message alo thleng leh nghal a, screenlock alo dahlo hlauh a, ka open a, Famkimi bawk chu a ni a, "I dah tau leh vel amaw, hei hi hre rawh, ka hmangaih vang zawk che nih hi, nangmah vangin fa ka pai a, ti tla turin min ti a, nangmah vang liau liau in ka titla leh a, rilru na chung chungin, ka ngawi peih tawh lo, Siama i thah thu hi mi zawng zawng ka hriat tir mai tur nia aw, min reply loh chuan ka ti tak tak ang." a rawn ti a, tichuan ka reply a, "Awle, naktukah Park ah lo awm la, kan inhmu dawnnia, ka thianpa in ka fone hi zanin chu a kawl dawn a, minlo belo la, min reply hrih suh, a den lutuk, dar 10 ah naktuk ah, Park ah..nihphawt le." tiin ka thawn a, message chu ka delete a, tichuan call log ka clear bawk a, apangngai ang chiah in ka dah leh a, alo la let mai loh avang chuan a phone chu gallery ka check leh a, ka thlalak hmuh hmasak ber chu Andrew-a leh Famkimi inkiss lai a ni a, an hmaah Rachael-i hi a lo inselfie a, thawm ka hriat avangin ka dah ta a. Zanah Rina hi hrilh a rik nghal rum rum ka tum a, mahse ka phone tuiah ka inbual dawnin ka thlauh a, a chhe daih a, vawiin ah hian tihian ka puangchhuak ta mai a ni. Constable 5 ho hi ka hruai bawk a, park ah chuan Famkimi hi engmah sawilovin kan man ringawt bawk a, tunah chuan thudik in puan a hun ta e." a ti a, tichuan tap tuau chung chuan Andrew-a chuan...
"Siama nen kan inkawmngeih tih kha dawt anilo. An inah khan ka leng fo,mahse Pu Sanga te hi chuan min hmu ngai kher lo ang, zanrei lamah ka leng thin a. Siama nau cancer Rempuii hi ka hmuh veleh khan hmeltha ka tiin ka ngaizawng em em mai a. Mahse henu LAlafamkimi hian minlo zar buai ve chhen bawk nen, Rempuii ka duh daih zawk sia. Cancer ni mahse, a ngo a, chauh hle in cher lampang tawh pawh ni mahse ka tan chuan a mawi em em a, a taksa chu nawmchen nana hman a tan ka it em em a,tichuan Siama awmloh hlanin ka bem a, mahse minlo duhlo nasa mai a, ka thinrim em em a. Vawikhat chu inhlawh tur ni awm taka Siama a chhuak lai ka hmu a, chumi chu remchangah la in an inhnuaiah chuan ka kal ta a, Rempuii chu ka zu kawm vel a, tui min lo lak a ti a, a intur ah chuan damdawi ka pawlh a, tichuan a lu ahai hnu chuan a taksa mawina chu ka duh tawkin ka chen ta a, a rilru chu a harhfim a mahse a che theilo, TI SUH TAWP RAWH a tih kha chu a sawi thei a, mahse ka a zo tawh a ni. Tichuan ka kalsan ta tawp a, keipawh ka hlauthawng ve tho, min man chhuah ka hlau hle a, an inah ka kal ta miah lo a, ni 6 na velah chuan a farnu a thih thu chu ka hre ta a. Tichuan a pawi ka ti hle a, ka hlauhthawnna pawh a zual em em a. Nikhat chu tlangah ka chhas nen zu kan in dun a, chutih lai chuan Siama hi alo kal a, "Ka farnu i that a maw? Ilo pawngsual amaw?" a rawn tia, min rawn sawisa hrep a, tichuan, "Ka thian i nih avangin ka that lo ang che, mahse police hnenah ka report dawn che." min ti a, min kalsan leh ta a. Ka thinrim leh tlawmngai lutuk chuan ka thu awih em em leh min duh em em tu Famkimi hi ka phone a, scorpio, apa ta kha ka hman a ngai tlat a, ahnu thla thum vel hnuah chuan Famkimi nen hian kan inhmu ta a, tichuan apa Scorpio chuan Siama hi ka zawng thin a, ka thahna hmun kha amah nena zu kan inna ber kawng reh lai a ni a, tah chuan a awm ka ringa, ka pistol neih chhun, a ruka ka kawl reng thin chu ka la chhuak a, mahse tihthaih nan bak hman ka tum lo, kan zu inna thin ah khan a awm ka ring a, mi reh lai leh tumah pawna an chhuah loh lai a ni bawk nen, a bike nena a lo ding ka hmuh khan ka thin a thawk thut a, ka kap ta mai a ni." a ti a, Nathana chuan zaizirin Rachael-i chu sawi ve rawh ti niawm takin ava kawk a, tichuan ani chuan...
"Famkimi nen hian kan inkawm thin a, mahse ka nu te hi chuan an hre kher lovang, Siama a thih thu pawh hi kan zep ru a, Andrew-a hian kan sawichhuah loh nan pawisa min pe a, Famkimi chu nupuiah neih a tiam bawk a, mahse a ngaihzawngnu a pawngsual a, a boral a, Siama a that leh a, tichuan Famkimi a lerhsan leh daih a, puanchhuah kan tum a, mahse pawisa min pe zel a, ka la zep sak hram hram zawk a ni." a ti a, Nathana chuan, "Famkim, sawi ve la.." a ti a, Famkimi chuan..
"He mihring, dawihzep leh a lutuk hi ka duh em em vang pawh anilo, kan chaw eikhawm ka rui lutuk a, tihchuan min phur haw a, chumi zan chuan hmunreh laiah kal turin ka ti a, a kal mai a, tichuan ka rui a vek tawh a, sex min hmanpui turin ka sawm a, chutah chuan min rai ta a, ka chhungte hriatlohin titla turin min ti a, pawisa min pe a, a duh duh danin min awmtir nih hi. Keiin khami atang khan ka duh em em a, mahse ka lo duh kha ka inchhir takzet a ni. Ka pa motor pawh amah vangin ka la chhuak a, amah vangin a tualthah pawh ka zep sak a, amah vangin midang apawnhsual pawh ka ngaithiam a, ka inchhir takzet.." tiin a tap zawih zawih a. Nathana chuan, "Siama hi a unaunu thih hnu khan khawiah nge a khawsak tihtak hi kan la hre lo a, kan hre chhuak thuai ang, Pu Sang a pawi ka ti hle mai, i fanu pawh hi kan man angai, police min bum avangin." a ti a, kan man ta a.
Boruak a reh deuh hnuah chuan Nathana chu motorah a thu a, ka en vung vung a, hrehawm a tih hmel lutuk a, "Sir ngati nge a?" ka ti a, ani chuan...."Rinawm, college ka kal ve laia ka ngaihzawngnu ka tih leh ka hmangaih ve deuh thin ka tih kha maw, Famkimi kha ania..." a ti a, anui a, "Alo mak ta hle mai..." a ti a, a tah a chhuak ve tep chuan ka hria. Heivang hi nih hi party naah pawh khan HMUH LOH LOH TUR KA HMU a lo tih ni....
THE END -
Episode-3
(The Murderer Is Here)
"Rinawm, bialnu te i nei ve reng reng em?"
"Nei ve bawk ang chu, Police Inspector te pawh kan ni ve a, min duhtu te chu an intlar thup ang chu."
(Ka hnung lampang vel chu a rawn en a...) "Tumah an va intlar silo ve?"
"Haha, nileh Sir nangin i nei a mi?"
"Ka zawt hmasa che lawm."
"Aih, school ka kal lai khan ka nei ve nual a, college ah ka nei leh a, chuan kum 2010 khan ka nei leh a, kan inthen a, tun thlengin ka la nei hrih lo. Hmuh zawh loh vang pawh nilovin ka hna nen hian a inmil lo em a...hehe."
"Ummm... fel hle mai."
"Sir, ka zawhna kha, chhang vela."
"E..awle, keipawh ka nei thin a, mahse kan inthen a, abak chu sawi peih lo, ka tap palh ang, Police Officer tap nih chu zahthlak...ka lungchhe dawn emai."
A van uang thei tak em, ka boss bula awm hi chu a nuam thin e, chulai footpath a coffee kan indun zawh chuan Station lamah kan inphur thla ta a. Tun tum kan case chu kan la chhui ngai miah loh ani dawn tlat mai, accident-na hmun ah chuan kan va kal a. Thil awmzia vel kan zawh chuan chhun dar 11 bawr vel khan mi reh deuh lai takin kawngsir a mi pakhatin bike a side tha lai chu Scorpio pakhat chak tawkin a rawn tlan a, motor tukverh atangin motor khalh tu chuan pistol in chupa chu a kap thal tawp a. Mi reh lai leh khawlaia veivak an awmloh laitak alo ni zui bawk nen, mita hmu tu an awm manglo a, hmeichhe tleirawl kum 16 mi vel dawr kal tur in alo hmu a, silai ri leh chu hmeichhe nu au ri velah midang ho an lo pung khawm a, mahse chu tleirawl chuan a hlauh lutuk avangin motor number pawh chu alo chhinchhiah hman lo a, chu mai bakah vanduai thlak takin chu tlangval chu a thin ah tak an kah avangin a hmunah hian a thi nghal bawk a ni. Ruang an buaipui zawh hnu chuan chu hmeichhe naupang chu an inah kan kal a, thu kan zawt fiah ta a, a la hlau bawk nen a khur zawih zawih a, a bulah chuan anu leh pate chuan an thutpui a.
"Mami, tunge i hming le?"
"Mapuii.."
"Awle Mapui, engmah hlauhawm a awmlo nia aw, i bulah anu leh apate an thu a, chuan hei police pahnih kan awm bawka. Tuman an tina dawn lo che nia, enge i hmuh kha chiang deuhin han sawi teh le?"
"Ihh...dawrah ka kal dawn a, kan in atanga dawr hi a hla ve reuh lutuk a, chuan kawng reh lai taka ka kal in mi pakhat hian bike a lo side tha chiah a, chuan ka kal pel hma duh hret hian ka hnunglam atangin chak tawkin scorpio a rawn tlan a, min rawn leh pel fua a, ka au tuar a, chuan chupa zawn a thlen chuan an tlan muang deuh a, motor khalh tu chuan I FARNU BULAH CHUAN KAL TA CHE tih pahin....(a inhnit faih faih a) aa..a kap a, a tlu tawp a, ka hlau lutuk a ka au vak a, chuan..ka, ka hlau lutuk a, ka ding reng ringawt a, engmah ka lo ngaihtuah tawh lo..." a tap chhunzawm a, chuveleh a pa chuan alo sawi chhunzawm a.
"Chu Motor chu a number pawh a lo chhinchhiah silo a, chuan he tlangval hi khawilam mi nge anih pawh kan hre bawk silo. Ka va tlan chhuah a, a hmun ka va thlen kha chuan anlo awm deuh nuai nuai tawh a, kan in hi a hla ve angreng sia, ka thianpa Duhawman min rawn phone a, rang lutukin ka han tlanchho ve nghal a. Atirah kha chuan biak thei pawh a nilo, mami hi a hlau lutuk a ka khur char char bawk sia, a bulah tlangval pakaht alo let reng mai bawk si. Thil awmzia kan hre bawk silo, ahnu a ka hmel ahmuh khan tap chungin min hrilh a, han umzui leh dawn pawhin a tlan hla tawh awm ropui si a, kan han um ve ngei ta tho a, hla tak kan thlen hnuah pawh chanchin kan hre silo a, Scorpio dum awm reng kan hmulo. Tunah pawh a umzui tute then khat chu anlo la thleng lo."
"Anih tak chu a va pawi ve aw...mahse lo hlauthawng lo ula, in chungah engmah hlauhawm a thleng dawnlo a nia aw, chuan kan mamawh hunah kan la ko duh maithei bawk che u a, lo inring reng rawh u aw."
"Awle ka pu."
Chupa ruang chu mi then khat in kan thlen hma khan thla te lo la in, whasapp velah anlo post leh hmanhmawh tawh a. Ruang chu phum ringawt chi la ni hek lo, Mourge-ah kan dah tha ta a. Stationa kan let leh chiah tih ah chuan tleirawl kum 19 mi vel niawm tak hi hmanhmawh takin a rawn lut a, kan lo en hra hlawm a.
"Ka pu ihh...mithi kha, khapa kha ka hria."
"Enga?"
"Umm..ka hria, ahming chu Siama ania, hmanah kan school kal laiin kan school bula canteen ah a thawk thin a, chuan a chanchin ka hriat chhun chu, ihh..nu leh pa anei tawh lo a, chuan a nau hi cancer a ni a, a enkawl a, mi inhnuai luah in, chuan hmanni lawk pawh khan ka hmu, ka pu...canteen ah te a inhlawh thin a, a nau enkawl na turin, hmanni a ka hmuh pawh khan bike in min phur nghe nghe alawm. Mahse khawnge tunah a khawsak chu ka hrelo, ka thianpa pakhatin kan thianho group ah Whatsapp ah a rawn post a, ka hmu chiah a, ka nu leh pate pawh hrilh lovin ka rawn kal ve thuai nih hi. In duh phawt chuan ka pu, a inluah thinna ah chuan ka hruai thei che u."
"A tha lutuk Mama, i ti tha lutuk, mahse engtin nge a inluahna te chu i hriat a?"
"Ka pu ihh...vawikhat kan chaw eikhawmin tlai deuh ah ka haw a, kawngsirah rui tawkin alo awm a, ka hmuh veleh ka bia a, chuan a bike chu ka khalh haw sak a, a rilru hah thu leh a chanchin te min hrilh a, an in awmna min hrilh a, an inah pawh chuan ka leng ve tawh nghe nghe a lawm."
"Nihleh chutiang khawpa rethei si, engtin nge bike te chu aneih a?"
"Ka pu, a bike hi chu secondhand ania, a tawng tawh em hi, to vaklovin miin min zawrh a, ka mamawh ve dawn sia ka lei a ti a."
"Awle, min hruai thei ang maw, a inluahnaah chuan..?"
"Umm"
"Ila naupang si a, i chhhungte hrilh ve phawt ila.."
"Ka pu, ka pa chu ka phone mai ang, ka hruai phawt ang che u."
"Hmmh...i tih tlat te chuan, kal ila."
Siama inluahna te neitu te inah chuan kan kal a, chhungkaw pangngai tak niin, Nu ber leh pa ber an awm a, fanu 3 leh fapa 1 an nei a, awmpuinu pakhat an nei bawk a. An nu ber hming chu Pi Liani a ni a, an pa ber chu Pu Sanga a ni. Thil awmzia vel kan han hrilh chuan mak an ti hle mai a, Pu Sanga chuan...
"A va mak ve aw, tlangval fel tak kha ania, kan khawngaih thei em em a, a nu leh paten an thihsan atang khan a nau nen hetah hian kan inhnuai ruak hi an rawn luah a, an harsa si a, theihtawpin keini pawn nei leh neilovin kan pui ve a, kan in ah pawh a rawn tlangnel hman ve viau asin mawle. A pawi hle mai, nikum hmasa khan a farnu hian a thihsan a, a rilru ana em em a, theihtawpa kan dan hnu pawh khan inluah man pawisa pek tur nei tawh bawk silo, a farnu a chan tawh bawk si chu, kan inhnuai pawh hi a chhuahsan ta a, a sawidan chuan ka thianpa te inah ka awm thei alawm a ti tlat a, tichuan kan dang zolo a, dan theih reng pawh ni bik heklo le, kan khawngaih viau nain han tanpui vak ngaihna kan hre silo a, tichuan a chhuak ta a, a number pawh a thlak aniang, biak kan tum pawn a biak tlang thei tawh silo a, chuzawng chu kan hriat ani mai."
"Ka Pu, nih leh, Siama chuan thiandang han hruailuh emaw, hmelma emaw a neiin i hre reng reng em?"
"Ka hriat ah chuan thiandang hruailuh a neih awm ka hre miah lo, hmelma aneih awm awh ka hre lo, tlangval fel tak a ni a, chutiang a neih ka hre lo."
"Khawi khua atanga lo kal nge an nih awm i hre mial em?"
"Aw hria e, **** khua atanga heta rawn pem annia, chupawh a nu leh pate thih hnuah a ni."
Inchhung atang chuan kan chhuak a, Nathana chuan, "An fanu upa zawk hmel kha ilo hmu em?" a ti a, keichuan nuichungin, "Nang angin ka lerh lo aw, Police Officer 3 star ah chuan i lerh ber.." ka ti a, Nathana chuan, "Haha, chutiang ka sawi lo, thil ka zawh lai khan an fanu upa zawk kha a hlauhthawn hmel zia kha, ka mitsirin ka en reng alawm." a ti a, "Anih chuan, ava rinhlelhawm awm vea, nakinah thu zawhfiah ve hrim hrim chu angai dawn nih kha, ahrim hrimin engtin nge melh ruk nanchang i hriat zawk a?" ka ti a, Nathana chuan, "A tir a tang khan ka mit ala hrim hrim a, boxer chauh aha bawk sia, a ngo sia, a thulang deuh a.." tih pahin a nui vak vak a, motora kan luh pah chuan, "Ka sawi reng kha maw, 3 star ah chuan i lerh ber." ka tia, kan nuidun vak vak a. Zan alo ni a, vawiin lamapanga ka hah em avang chuan ka inbual fai a, mut mai ka tum chu kawngka pui ka khar dawn chiah a, pawnah chuan Pu Sanga te fanu upa zawk kha party dress niawm tak nen, chhing tak leh sexy takin alo in chei a, abulah chuan mipa 2 an awm bawk a, an nui ho a. Ka ringhlel tlat a, ka insiam a, zui ruk ka tum a, ka nu chuan, "Mama tun ang zanah khawnge i kal dawn?" a ti a, keichuan< "Duty ka nu..Duty, kan DGP in min rawn phone a, a pawimawh niang." ka ti a, ka nu chuan, "Nihleh tinge i va inchei vea?" a ti leh a, ka nu hi chu awww, ka party ve dawn nih hiii..."Aww ka nu, kan hnaah chuan tianga inchei chang te hi a awm ve lawm." ka ti tawp a, tichuan pawn lam ka en leh a, anlo kal dawn chiah a, ka motor ka start a, muangchangin ka zui ru ve ta a. Ka zui ruk pah chuan ka phone ka phawrh a, Nathana ka bia a, thil awmzia ka hrilh chuan party na hmun ka thlen hunah a hmun hrilh turin min ti a, tichuan party na hmun chu kan thleng ta a. Tichuan Nathan chu a hmun ka hrilh a, ani chu ka lo nghak a, party na bula kawngkhara lo ding, lo duty ve niawm tak, palian ve lampang pahnih chuan minlo dang ve khanglang lehnghal a, pakhat zawk chuan, "Tunge i nih, list ah i hming a awm ve em, Gate Pass i nei em ni?" min lo ti a, ka wallet ka phawrh chhuak a, ka card leh police logo hmuh pah chuan, "Hei le Gate Pass tha chi.." ka ti a, an phu dun chiang kher mai, kei lah thinchhia tih takah chupa kawr awm ah chuan ka tham a, hnai setsawt ah rum tawkin ka melh a, "Gate Pass dang i la duh em?" ka ti a, ani chuan hlau hmel takin, "Aih ka pu...lu..lut rawh." a ti a, pakhat zawk chu ka va melh leh a, rang tawkin hnuailam a melh nghal. Inchhungah chuan ka lut a, an lo lam mup mup mai a, intur an lo serve na lamah chuan ka va kal a, inla changkang hlawm bawk a, a then chu an nalhin hmuh an nuam hle mai. Pu Sanga fanu chu ka zawng a, mi bula va kal kha chuan lam ve ngai dawn sia, a tawt si a, mi tamtak lam karah chuan hmuh an har ngei mai. Nathana pawh alo thleng a, nula pa hnih ala rawn kuah lut zui mawle, lerh ve khawp mai.
"Engtin nge an lo tih che Duty te khan?"
"Police ka nih thu ka hrilh a, chuan nula ho khan "ACP MAW???" an lo ti dual a, min ngaisang bawk a, ka rawn kuah lut vel nih kha, pakhat saw i duh ve em?"
"Hah...duhlo mai ang. Sir, an lut lai chu ka hmu a, mahse duty te sawn minlo ti khawmuang khanglang a, tunah chuan an lam a niang ka hmu miah lo."
"Hmuh an va har dawn ve, chubakah an party ve mai mai pawh a ni thei a, nangpawh hi nge ilo zui thawt thawt a?"
"Thil a awm takin ka tia, nangpawh ilo kal ve tho lawm."
"Awww..keite chu party ka chak ve nimai lawm..haha."
Chutia kan inbiak lai tak chuan hnunglam atangin Pu Sanga fanu chuan ka darah a rawn vuan thut a, ka phu chiang kher mai. "Ka pu, kan ina lo kal te kha in ni tiraw?" a rawn ti a, mak ti deuh in Nathana nen kan in en haw a, kan lu kan bu dun nghat nghat ringawt a, ani chuan, "Enge hetiangah te in tih ve a, mi inchhui em ni?" a ti leh a, nangmah khan kan chhui che, tia vin hrep ka van chak tak, Nathana chuan, "Neilo e, kan chhui tak tak hmain tiin nuam kan han tawl ve nih hi." a ti a, chu nu chuan, "Nih tak chu, ACP Nathana kha i ni tiraw?" a ti ta thut mai a, Mak tih hmel tawkin Nathana chuan min rawn melh a, "Aw ni e, mahse DSP min ti zawk mahla pawi miah lo hehe, engtin nge i hriat a??" a ti a, ani chuan, "Ihh... ka hre ve tawp che, Mizoram Police chhuanawm tak tak te chu ka hre ve bawk alawm." a ti a, Nathana chuan, "I hming enge?" a ti a, chunu chuan, "Rachael-i ka nia, ka pu ka thianten min au a ka va kal tawh mai nge aw." a ti a, Nathana chuan, "Awle, i nu te bulah kan sawi miah lo ang, kei ni pawh kan party tih hi sawi bik suh aw?" nui chungin a tia, Rachael-i chuan nuisak chung chuan min kalsan ta a. Nathana chuan an thainte nena an inbe lai chu nui miahlo leh thutak hmel em em hian a en reng a, mitkhap miah lovin a en a, atawpah chuan kan chhuak ta a, party na bul kawtah chuan kan ding lawk a, midang zurui ho leh inngaizawng chance nei pawh an lo awm nuai nuai a, thenkhat an lo zai a, thenkhat an lo in hmuam tawn tawn bawk a, hnute lo inthamsak leh hmeichhe lo bem tawk lah bo lo, huiham kan Mizoram ngei pawh hi, tleirawl te han rapthlak tawh zia hi chu, sap an kan tumna ve chu ani sia maw??? Nathana chuan, "Rinawm thil ka hrechhuak zawk mai, Mapuii khan tualthattu pa khan Siama a thah hma khan "I farnu bulah chuan kal ta che." a tih thu kha asawi tak e, kha khan awmzia a nei dawn tlat mai, tualthattu hian Siama kha a farnu thlengin a hre chiang tihna a nia, huiham zanin chu, ka hmuh loh loh tur ka hmu lehnghal a, nangmah vang.." a ti a, keichuan, "Sir, tualthattu kan hriattheih nan chuan thil ho te te, rinhlelh awm lutuk pawh nilo atanga kan chhui angai alawm, he tualthahnaah hian Rachael-i hi a tel ve e ka tihna pawh anilo a, mahse nangmah ber khan an ina kan awmlai a apa in Siama chanchin a sawi lai khan a hlauhthawn hmel thu kha i sawi a, i mit ngeiin i hmu bawk sia, zanin khan kan inbulah rui deuhin ka hmu bawk sia, zui ngei ngaiin ka hriat vang alawm." ka ti a, Nathana chuan nui chung chuan, "Haha, ka awihlo lutuk, a bialpa te nena an CK lai i enthlak chak vang a nih kha.." min la ti zui a, kan nui a, gate lam pana kan kaltur chiah chu Nathana chuan mi pakhat Beer in lai chu a nek palh a, a beer ken chu a kawrhma ah a intihbuak a, thinrim hmel zet hian a rawn hawi a, "Khai aaa...chiloh ve." a ti vawng vawng a. Nathana chuan, "Khai aw..thianpa tihpalh aw?" a ti dam diai a, ani chu rui deuh tawh nen, "Zawnga, tihpalh tih khan a fai thei dawn em ni?" a ti vin tuar a, kei chuan rum deuh hian ka lo melh a, ka tha a za nghal ringawt, "Mama, tihpalh a tih kha.." ka lo ti a, ani chuan, "Nangkha ka bia che mi?" min la ti let zui a, khawih hrep tuma ka ke ka pen chiah chu Nathana chuan minlo dang a, "Rina, insum rawh..thianpa ka thiamlo a ni e, kha pawisa hi ka pe ang che, kawr thar leina tur, ka tihpalh lutuk aw.." a ti leh a, chupa chuan Nathana pawisa ken lai chu benthlak pah chuan, "Hey, mi rethei ah min ngai ami a? I pawisa hi ka mamawh lo, i pawr ve deuh mi a? Officer fapa ka nih hi aw.." a ti a, Nathana chu a nui sak a, rum em em in chupa chu a melh a, Officer eiru fapa maw?" a ti deuh kher a, chupa chuan Nathana hmaiah chuan ka hnek nghal siah mai a, Nathana chu a thal tawp a, ka kai tho a, "Sir, keiman ka..." ka sawi zo hman lo, a kamsira thisen tlemte lo luangthla chu a kuta nuai reh pah chuan , "Nang hian a chintawk i hrelo deuh a ni.." a ti a, a va hnek siah mai a, chupa chu a vir nawk thei nia mawle, Sir chu a hnek alo na hle mai a, insual a thiam vak pawh ka lo rinloh nen, DSP nge nge... abula a thiante ni awm tak chuan rawn chhan an tum a, mahse a lo thehthal thuai thuai hlawm a, a khawi na hlawm mah mah ang tih chu ka hlau angreng, an zinga pakhat chuan thing bung ala a, hnunglam atangin Nathana chu vuak a tum a, keichuan hnunglam atang vek chuan a thingbung chu ka lo man a, amah chu a nghalah ka hlap hrep a, security ni ve awm tak ho te chu an lo kal a, "Enge in intih buai a, haw rawh u, kan sawilawk vek tawh kha, buaina kan duh lo, police kan ko mai ang aw.." an rawn ti a, Nathana chuan rum tawka Security ho melh pah chuan, "Koh ngailovin kan awm reng hi.." a ti a, min en thup mai a, tichuan kan chhuak ta a.
"Sir, insual i va thiam ve a.."
"A mood ah ka cheng thut a, ka thinrim em ani."
"Nia naupang te te si a tawng hnem mah mah a lawm."
"Diktaka sawi chuan khapa vang pawh kha a ni lo, enge maw dang vang khan ka thinrim a, khapa khan ka thinrim a tizual a nih kha."
"Eng thildang maw?"
"Sawi peihlo...haw ang."
Mak tih hmel tak chuan ka en a, motor hran ve ve kan keng si a, kan haw ta a. Kan inah pawh rawn pengkawi chuang lemlo chuan mahni in lam ve ve kan pan haw ta a. Atukah chuan Mapuii te inah chuan kan kal leh a, chhuihchhuah a awlsam loh em avang chuan Mapuii te inah emaw, Rachael-i te inah emaw hian kan kan ve deuh chhen chu a ngai dawn a ni. Nathana chuan Mapuii bulah chuan, "Mapui, tualthattu khan a banah khan eng emaw ser tal a nei em? Anih loh pawn thil bun a nei em, sana emaw wrist band tal pawh?" a ti a, Mapuii chuan, "Engmah ka hre lo ka pu, ka hmuh zawng chu a kap lai kha nimai." a ti tlat bawk sia, a va han luhai thlak em. A zawt zawm zela, "Nihleh a motor number kha hmu hmanlo mah la, a bultir vel tal, MZ 01 tih emaw vel kha i hmu hman em?" a ti leh a, Mapuii chuan, "Engmah ka hrelo." a ti a, beidawnthlak mange aw. Nathana chuan Mapuii chhungte bulah chuan Siama chungchang te, a inluahna ami te chungchang te chu a sawi a, rei fe kan titi hnu chuan kan hawsan leh ta a. Nathana nen chuan motorah chuan kan chuang a, min en vung vung a..
"A va lum ve..." a ti deuh ngawt a.
"Sir vur i duh em, kan lei dawn mi?"
"Police Officer vur fawp dawk dawk i hmu ngai mi, naupangchhia lutuk."
"Anih leh kan leilo nga nimai lawm, hahdam rawh."
"Nia, motor kha ti ding teh, vibrate a chuan reng chuan hahdam theih loh, ka thaw a ipik lutuk, kawngsir ah sawn ding lawk teh."
Thingbuk hlim hnuaiah chuan kan ding a, kan titi dun a, hmeichhe pakhat lo kal phei chuan Nathana chu a en vung vung a, "Nathan, i ni em?" a rawn ti a, Nathana chuan a en vung vung a, ho tih hmel deuh chuan, "Ni e, ka piantirh atang khan Nathana tih hming hi ka pu char char, ka tetlaia an phuah ania, hmingdang ka la nei lo." a lo ti deuh hmuk a, chunu chuan, "Inhmuhlohna a va rei ta ve, Police i lo ni tawh a, khawm maw enge in ziak, Wow...Assistan Commissioner of Police..van chang sang ve." a ti deuh hawr hawr lehnghal a, keichuan, "Sir, i hria a mi?" ka lo ti deuh haw a, ani chuan, "Umm...hre ruai ruai." a ti ringawt a, chunu chuan ka batch rawn en pah in, "Aw hria e, ka pu..Pu Rinawm, college kan kal ho thin a." a ti a..."A nih chu mawle." ka lo ti mai a. Nathana chuan, "Helai ah nge i tih a, in awm ami?" a ti a, ani chuan, "Awmlo e, pu Inspector..haha ka thiannu te inah ka rawn riak a, ka awm mai mai, kan khuaah ka haw thla tep, ka nuih a za e, ilo puitling tawh lutuk a, i lang pa ve lutuk." a ti a, Nathana chuan, "Famkimi tiraw i nih khah?" a ti a, chunu chuan, "Min van hrelo hma em em, hmanah kha chuan kan..." a ti a, asawi zo hman lo, Nathana chuan, "Thil ka hrechhuak, hmanhmawh thlak lutuk, Famkim sorry aw, kinah kan inhmu leh dawnnia, Rina kal angai." a ti a, Famkimi chu a hrilhhai hmel hle mai, motorah chuan kan lut a, kan tlansan ta daih a. Motor khalh pah chuan Nathana chu ka en a, a thaw huai a, "Sir, enge hmanhmawh thlak chu?" ka ti a, ani chuan thawk huai pah hian, "Khanu kha..ka ning alawm rilru hah lai lai a...kalsan vat kha a hmanhmawh thlak em ani." a ti sam et a, keichuan nuih deuh huk pah chuan, "A chhiatloh reuh kha, kum 26-27 vel bak ala nih hmel bawk si lo a, aluck viau lo maw?" ka ti a, Nathana chuan vin zet hian, "Kum 30 ka tling tawh bik em ni? Sawi tawh suh, encounter ah ka shoot mai ang che." a ti vak a, keichuan, "Awle Sir, thinchhe lutuk." ka ti a, kan inngam ve hrim hrim a, ani pawn a haw lemlo. Theihtawpa kan chhui pawhin chhuidan thiam a har si a, Scorpio dum tih ringawt lahin Scorpio dum nei te chu mizoramah chuan an tam em em si a, man vek ringawt lah chi dawn bawk silo, hun lah chu a kal duak duak zel bawk si a, he tlangval khawngaihthlak tak hi engtin tak thi chu nimaw.
Pu Sanga te inah chuan kan kal leh ta a, thil te kan han inzawt leh a, hmasawnna a awm chuang reng reng lo mai, hetiang boruak anih lai hian constable thenkhat te nen a chang in Siama te khua lampangah kan han kal thul....khaw mite lahin hriat anlo nei tlem bawk si, a thian kawm thinte lahin engmah an hre bawk silo. Pu Sanga te ina kan inkawm khawm lai chuan, an awmpuinu Rovi chu a rawn tawngchhuak hlawl mai a..."Ka pu thil ka hre chhuak zawk mai, hmanah khan...kan inhnuai a rawn luah lai khan, afarnu thih hma khan U Siama te unau hi kan ko chho a, hetah chaw kan eikhawm khan U Siama khan a thianpa a sawm ve kha, khapa kha a thlalak pawh ka nei, chaw eikhama kan lak a nia, U Rachael-i Birthday ania." a rawn ti hlawl mai a, Pu Sanga nupui chuan, "Awi ni dawn tak e, kha a thianpa kha kan be lumlam hman ta silo a, khawia mi nge pawh kan zawt hman ta silo a, a lo lang leh ta miah silo a, ka lo hre tawh miah hleinem." tiin a lo chhunzawm a. Nathana chuan, "Anih leh khawimaw thlalak chu i la neih chuan lo en ila." a ti a, Rovi chuan, "Lawk aw, hai ve fe ngai ang, engmah ka la delete lo a, a rei tawh sia, kan zawng lawk aw." a ti a, minute 3 vel hnuah chuan, "Ka pu hei hi ania.." tih pahin an chaw eikham zo hlim niawm tak thlalak chu min hmuh a, Siama bul chiah ah a ding a, khabe hmul leh hmuihmu a nei deuh chhup lehnghal a, ngo lampang, hmelchhe lutuk lo, kum 30-35 mi bawr vel a ni ang. Nathana chuan thlalak chu a zoom a, a screenshot a, a inthawn a, "Hepa hi kan zawnhmuh phawt angai a ni, a thianpa hi a boral tih thu hi a la hre ve awm silo a, chubakah ani hian thutam tak min hrilh theih pawh ka ring." a ti a, tichuan in atang chuan kan chhuak leh ta a. Station ah kan tlang nghal a, thlalak chu a fiah vak bawk silo a, ahmel chu hmuh chian theih mahse mi dang bulah a ding sia, an tam em avangin amah bik chu a lem kan ziak ta a...keichuan ka ziak lo, lemziakthiam zawkin a zia, hehe. A lemziak chu kan xerox teuh a, constable thenkhat chuan Siama te khuaah an keng a, a thenin Mapuii te vengah an keng a, mi an zawt a, athenin Pu Sanga te vengah...tichuan tan kan la nasa hle a, keiphei chu Nathana angin fing velo mah ila he case hi chu chhuichhuah ve ngei ngei ka duh tlat a ni.
Nikhat chu bazar turin buai lai laiin ka nu in min tir a, ka nu lah hi...motor ka khalh peihloh avangin taxi ka phar a, ahnungah keimahin ka chuang a, midang chuang an awm lemlo, bazar ka thlen chuan taxi fair ka pek pah a ka lam a rawn hawi chuan driver pa hmel chu ka hriat hnu ni tlat hian ka hria a, ka ngaihtuah a, khapa ngei kha a ni, Siama thianpa, a lem pawh kan ziah, kan mizawn mek a chu. Thil awmzia ka sawi a, tichuan Station lamah ka phei pui nghal a, Nathana ka ko bawk a, zawhna kan zawt ta a.
"Thianpa tunge i hming?"
"Andrew-a ka nia.."
"Anih leh Andrew, hei, kan kohna chhan che chu i hria anga, i thianpa Siama a boral hlauh mai a, a chhungleh khatte kan zawnga, nu leh pa anei tawh si lo a, mahse Pu Sanga fanu Rachael-i Birthday lawmnaah inlo awmdun hlauh a, thlalak atangin kan hmu che a, kan zawng che a, mahse hei kan hmu ta hlauh che a, hlauthawng lola, ihh...Siama nen hian engtin nge in inhriat?
"Ka pu, ka taxi ah hian vawikhat chu a rawn chuang a, a bike a chhiat thu te min hrilh a, tichuan zu tlem a nei a, inpui atan min sawm bawk a, kei lah zu lo lem ve zeuh zeuh ka ni bawk nen, ka inpui ta a. Tikhan kan inkawm chho a, number te kan inpe a, kan inkawm chho a, an inah te hun awl ka neih changin zanah te ka leng ve thin a, hunrei ve tak chu kan inkawm a, keipawh mi inluah ve mai chauh ka ni a, taxi driver ka ni a, amah ang bawkin fahrah ka ni a, kan chanchin te kan inhrilh tawn thin a, kan dinhmun a in an em avangin kan inkawm ngeih em em a, achang chuan bike hi a keng ngailo hial zawk thin a, a bike siamman te chu pawisa tlemte ka tum sak ve a, tuna alo boral ta mai pawh hi hrehawm ka ti."
"Anih tak chu, nihleh a unaunu a thi tih kha i hria em?"
"Aw khakha chu ka hria a..mahse an ina va kal ka tum khan Pu Sanga ten a awm tawhloh thu leh a chinchang engmah an hriat tawhloh thu min lo hrilh a."
"Andrew, nihleh Siama khan hmelma a neih awm i hria em?"
"Aih ka pu, engmah ka hrelo."
"Anih tak chu, thiandang aneih awm i hria em?"
"Aih ka pu."
"Awle, nihleh Siama khan phone a nei silo a, ama thawmhnaw kan check pawh khan wallet leh phone takngial pawh kan hmu silo a, engtin nge number in in pek theih a?"
"Kha kha maw ka pu, a phone a chhiat thu kha min hrilh alawm hmanah tawh ania, keiin a siamsak na tur pawisa ka lo nei bik siloa, ani lahin siamna tur nei bawk silo, ka khawngaih asin aw.."
HUIHAM...ngaihtuahna a va buai ta ve, a awlsam sawt dawn amaw tih pawhin, kan mi zawn ber lah hian engmah alo hre bik bawk silo, ava han manganthlak tak em...Nathana pawh chu a buai hmel khawp mai, kan awmdun chang pawhin biak pawh a biak hleihtheih loh, a vei kual a vei kual a, achang leh a maimitchhing vang vang a, a rilru a hah hmel takzet a ni. Andrew-a chuan tualthahna thlenna hmun chu hmuh ve hrim hrim chu aduh thu a sawi a, a hunawl neih veleh lo kal turin kan ti a. Tichuan nikhat chu a hman ni ve takah chuan alo kal a, Mapuii te vengah chuan kan kal a, tualthahna hmun vel te chu kan thleng a, thil thlendan vel chu kan han hrilh a, a rilru chu a nat ve hmel hle mai. Kan haw leh lampang a thingpui ina dawr te a kan thut ho lai tak chuan ka pa in min rawn phone a, ka nau airport ah hmuah angai a, motor ka keng daih si a, va lam angaih thu min hrilh a, ka hmanloh thu chu ka hrilh takzet nangin Nathana chuan, "Kal rawh Rinte, ka thuin kal rawh, tihtur vak a awm hrih chuanglo...zanah chanchin ka rawn hrilh ang che." a ti a, ka kal pah chuan ka boss hi chuan mi hriatthiamna te hia van ngah tak em ka ti rilru nauh nauh a. Zanah chuan Nathana text ka nghak a, mahse engmah ka dawnglo.
Atukah chuan kan vaiin Pu Sanga te inah min ko khawm a, hemi ni hian engkim aphawrhchhuak leh dawn a ang ta khawp mai. Ka motor chuan ka thleng hmasa a, ahnuah chuan a rawn thleng ve a, a constable 5 vel a la rawn hruai zui. Tichuan Mapuii a rawn hruai bawk a, Pu Sanga te inah chuan, Pu Sanga te nupa, Kei, Nathana, Mapuii, Andrew-a, Mapuii nu leh pate, Rachael-i te unau 3 leh an awmpuinu Rovi te an ni. Kan en thup a....Nathana chuan thawk a la te te a, min enkual a..."Tualthattu chu, kan bulah hian a awm.." a ti ringawt a, kan phawk hra hlawm mai a, kan en thup a, mahse Mapuii te nu leh pa te chua hrelawk tawh awm ang zia zang hian an lu an lo bu nghat nghat a. Nathan chuan, "Tualthattu chu ka sawi hma in....CONSTABLE, KHANU KHA LO HRUAI RAWH U." a ti vak a, Hmeichhe Constable pahnih chuan Nathana te college luh laia Nathana thiannu hmanni a min lo be tu Famkimi chu an rawn hruai a, mak ka ti khawp mai, Andrew-a chu a phu zawk a, chuveleh Nathana chuan, "Tinge thianpa Andrew? Mak i va tih hmel ve, i hriat hnu a mi a?" a ti deuh ngat a, kan lam a rawn hawi a..."Siama thihnaah hian mawhphurtu chu henu Lalfamkimi leh Andrew a te in ni.." a ti ta phiar phiar mai a. Chu veleh Pu Sanga fanu Rachael-i chuan, "Engtin nge a nih theih, he nula hian tual a that anga maw? Ava mak ve, tunge a nih reng reng a ka pu?" a rawn ti nghal a, Nathana chuan vin zet hian, "Hey, ngawi rawh, mahni thiannu te engtin nge i hrait loh theih? Nangpawh hi i tel ve kha aw, engemaw takah chuan i inhnamhnawih ve chiang alawm." a ti leh a, amak kan ti tawlh tawlh. Pu Sanga chuan, "Ka Pu, kan fanu pawh hi a tel ve maw?" tiin hrilhhai hmel takin Nathana chu a zawt a, Nathana chuan, "Tel ang chu...an inkawm thin alawm." a ti a, Rachael-i chuan, "Eng..engmah ka hrelo, ka...ka tello, henu hi engtin nge ka thian anih ang? Ka hre ngailo." a ti bah nuaih a, Nathana chuan, "Zep suh, party naa kan zui ruk che khan min rawn bia a, chumi hnuah i thiante bula i va lam khan Famkimi hi iva bia tih kha ka hmu a ni, Famkimi hi hamnah pawh ka lo hre tawh thin a, khami zan khan min hnungchhawn zawng khan alam a, hnunglam atang pawn ka hrechiang lutuk, thian inlo ni reng amaw?" a ti a, Famkimi chuan, "Awmze neilovin min man ani, tunhnaiah eng party naah mah ka kal ngailo, hnunglam atangin engtin nge min hriat? Awihawm loh lutuk....keima pian ang deuh pawh alo ni thei a sin." a ti vin vak vak a, Nathana chuan, "Dik lutuk, mahse maw.." tih pah in Famkimi a bulah a pawt hnai lawk a, a kawr chu a hnute hnuai vel thleng, a bra lang lo tawk chiah chiah in a hlim sak a, a hnungzanga a tatoo mawi leh nalh tak mai chu kawh pahin, "He i rul lem tatoo hi chu ka hai lo, kan college luh lai pawh khan mipa mit la tu ber a nih thin kha, khami zan khan e, light de zuai zuai khan i tatoo hi a chhun zeuh zeuh asin." a ti a, party naa kan kal khan ka lo ngaihtuah chiang miah lo a, avan mak tak. Rachael-i leh Famkimi chu an ngawi ta kur ringawt a. Chuveleh Nathan chuan min signal a, constable te nen chuan Andrew-a chu kan manbet a, Nathana chuan a sawizawm zel a.
"Awle lo ngaithla ru, Andrew a hi tualthattu chu a ni. Niminah khan Andrew-a hian a thianpa Siama thihna hmun min hmuh ve reng reng ru a ti vel a, a inla rinhlelhawmloh vel leh inla innocent vel lutuk chuan amah leh amah a inbum hi ni ringawt, amah ngeiina a thianpa a thahna hmun hi kan bulah inla fel tawkin hmuh min dil kual der vel lo se chu tunah pawh hian kan hre lo maithei a, kan man lohphah maithei. Mahse amah leh amah a inman tir hi ni ringawt, tualthahna thlenna hmuna kan kal avang hian amah hi kan man thei a, lawmthu ka hrilh zawk nghe nghe dawn che mawni le Andrew..Tichuan Rina ka thianpa hi a chhungten an rawn phone a, a haw a ngai thut a, a haw chiah tih ah chuan thingpui dawr ah Andrew-a nen hian kan chawl dun a, Andrew-a hian thingpui a inzawh khan mi inah ka va inthiar teh ang minlo nghak rawh, i thianpa in motor a keng daih sia ka taxi hian ka thlah haw ang che tiin min han tlawn kual vel a. Chutia a kal bo hlan chuan ka hnungah hian Mapuii hian min rawn beng thak thak a, tichuan kha pa kha a hmuh tawh thu min hrilh a... Mapui, hlau miahlovin han sawi teh le." a ti a, Mapuii chuan a sawi veleh ta a...
"He taxi driver leh Officer hi thingpui an lo indun ka hmuh khan mak ka ti lutuk a, ka dawr kal tur a nia, kuhva lei ka tum lai mek a ni a, tichuan Taxi driver pa chu ka en chiang a, ka mitthlaah thil alo lang a, a hmel chu ka hmuh tawh hnu a ang ka ti em em a, ka ngaihtuah let a, tualthahna thlen tum a Scorpio dum a min rawn tlanpel fua a, U Siama thattu kha, kap hlumtu ngei kha ani tih ka hre ta a ni. Atir khan ka hlauh em avang khan engmah ka hrelo angin ka sawi a, mahse ka ngaihtuah a, ka hma deuh lawkah khan a kap kha ani a, a kap zo chiah kha a rawn dak chhuak a, tichuan I FARNU BULAH CHUAN KAL VE NGHAL RAWH a tih khum a, kha tah khan a hmel kha ka lo hmu reng a, mahse ka hlau lutuk khan a hmel ka theihnghilh vek a, ka khur nasa sia, sawi pawh ka sawi theilo nih kha. Officer nena an lo thu ka hmuh chiah khan a ni tih ka hria a, tichuan a kalbo hlan khan Officer chu ka hrilh a, chuan Officer pa hian anu leh apa te bula hrilh nghal tur leh tuma hnena ah sawilo turin anu te pawh chah nghal ang che min ti bawk a ni." a ti a, Nathana chuan a sawi zawm leh a...
"Tichuan Mapuiin a sawi vang khan ka la ringhlel mai duh lova, a taxi ah kan chuang ta a, an inah lenluh ka tum ta a, tichuan an inah ka leng ta hram a, tichuan thingpui te a lum a, min intir a, inchhung vel ka en kual pawh khan rinhlelh tur a awm silo a, anilo amaw ka ti hman hial a. Tukverh bulah chuan kan thu a, an thenawmnu pakhat chuan an vawk atlanchhuah thu leh pui lawk turin Andrew-a hi a rawn ko a, tichuan tikhan lo awm rawh aw tiin min chhuahsan ta a. Achhuah hlan chuan a phone charge lai chu a rawn ri a, a rawn call tu chu FAMKIMI tih a ni a, a tir chuan henu hi a nih pawh ka ring lo, Famkimi dang an nih ka ring a, pick up a, a buai lawk tih ka tum a, ka pick up a, ka tawng hma hma in henu Famkimi aw ngei mai hian "Andrew tinge min la biak duh chuan loh a, i duh ang ngeiin ka pa bulah chhuanlam siamin ka pa Scorpio pawh chahbi ka dil chhuak thei hram a, i hman duh avangin, mahse min la duh chuanglo em ni, engkim ka tihsak che hi?" a rawn ti phiar phiar a, engmah sawilo chuan ka dah a. Tichuan message alo thleng leh nghal a, screenlock alo dahlo hlauh a, ka open a, Famkimi bawk chu a ni a, "I dah tau leh vel amaw, hei hi hre rawh, ka hmangaih vang zawk che nih hi, nangmah vangin fa ka pai a, ti tla turin min ti a, nangmah vang liau liau in ka titla leh a, rilru na chung chungin, ka ngawi peih tawh lo, Siama i thah thu hi mi zawng zawng ka hriat tir mai tur nia aw, min reply loh chuan ka ti tak tak ang." a rawn ti a, tichuan ka reply a, "Awle, naktukah Park ah lo awm la, kan inhmu dawnnia, ka thianpa in ka fone hi zanin chu a kawl dawn a, minlo belo la, min reply hrih suh, a den lutuk, dar 10 ah naktuk ah, Park ah..nihphawt le." tiin ka thawn a, message chu ka delete a, tichuan call log ka clear bawk a, apangngai ang chiah in ka dah leh a, alo la let mai loh avang chuan a phone chu gallery ka check leh a, ka thlalak hmuh hmasak ber chu Andrew-a leh Famkimi inkiss lai a ni a, an hmaah Rachael-i hi a lo inselfie a, thawm ka hriat avangin ka dah ta a. Zanah Rina hi hrilh a rik nghal rum rum ka tum a, mahse ka phone tuiah ka inbual dawnin ka thlauh a, a chhe daih a, vawiin ah hian tihian ka puangchhuak ta mai a ni. Constable 5 ho hi ka hruai bawk a, park ah chuan Famkimi hi engmah sawilovin kan man ringawt bawk a, tunah chuan thudik in puan a hun ta e." a ti a, tichuan tap tuau chung chuan Andrew-a chuan...
"Siama nen kan inkawmngeih tih kha dawt anilo. An inah khan ka leng fo,mahse Pu Sanga te hi chuan min hmu ngai kher lo ang, zanrei lamah ka leng thin a. Siama nau cancer Rempuii hi ka hmuh veleh khan hmeltha ka tiin ka ngaizawng em em mai a. Mahse henu LAlafamkimi hian minlo zar buai ve chhen bawk nen, Rempuii ka duh daih zawk sia. Cancer ni mahse, a ngo a, chauh hle in cher lampang tawh pawh ni mahse ka tan chuan a mawi em em a, a taksa chu nawmchen nana hman a tan ka it em em a,tichuan Siama awmloh hlanin ka bem a, mahse minlo duhlo nasa mai a, ka thinrim em em a. Vawikhat chu inhlawh tur ni awm taka Siama a chhuak lai ka hmu a, chumi chu remchangah la in an inhnuaiah chuan ka kal ta a, Rempuii chu ka zu kawm vel a, tui min lo lak a ti a, a intur ah chuan damdawi ka pawlh a, tichuan a lu ahai hnu chuan a taksa mawina chu ka duh tawkin ka chen ta a, a rilru chu a harhfim a mahse a che theilo, TI SUH TAWP RAWH a tih kha chu a sawi thei a, mahse ka a zo tawh a ni. Tichuan ka kalsan ta tawp a, keipawh ka hlauthawng ve tho, min man chhuah ka hlau hle a, an inah ka kal ta miah lo a, ni 6 na velah chuan a farnu a thih thu chu ka hre ta a. Tichuan a pawi ka ti hle a, ka hlauhthawnna pawh a zual em em a. Nikhat chu tlangah ka chhas nen zu kan in dun a, chutih lai chuan Siama hi alo kal a, "Ka farnu i that a maw? Ilo pawngsual amaw?" a rawn tia, min rawn sawisa hrep a, tichuan, "Ka thian i nih avangin ka that lo ang che, mahse police hnenah ka report dawn che." min ti a, min kalsan leh ta a. Ka thinrim leh tlawmngai lutuk chuan ka thu awih em em leh min duh em em tu Famkimi hi ka phone a, scorpio, apa ta kha ka hman a ngai tlat a, ahnu thla thum vel hnuah chuan Famkimi nen hian kan inhmu ta a, tichuan apa Scorpio chuan Siama hi ka zawng thin a, ka thahna hmun kha amah nena zu kan inna ber kawng reh lai a ni a, tah chuan a awm ka ringa, ka pistol neih chhun, a ruka ka kawl reng thin chu ka la chhuak a, mahse tihthaih nan bak hman ka tum lo, kan zu inna thin ah khan a awm ka ring a, mi reh lai leh tumah pawna an chhuah loh lai a ni bawk nen, a bike nena a lo ding ka hmuh khan ka thin a thawk thut a, ka kap ta mai a ni." a ti a, Nathana chuan zaizirin Rachael-i chu sawi ve rawh ti niawm takin ava kawk a, tichuan ani chuan...
"Famkimi nen hian kan inkawm thin a, mahse ka nu te hi chuan an hre kher lovang, Siama a thih thu pawh hi kan zep ru a, Andrew-a hian kan sawichhuah loh nan pawisa min pe a, Famkimi chu nupuiah neih a tiam bawk a, mahse a ngaihzawngnu a pawngsual a, a boral a, Siama a that leh a, tichuan Famkimi a lerhsan leh daih a, puanchhuah kan tum a, mahse pawisa min pe zel a, ka la zep sak hram hram zawk a ni." a ti a, Nathana chuan, "Famkim, sawi ve la.." a ti a, Famkimi chuan..
"He mihring, dawihzep leh a lutuk hi ka duh em em vang pawh anilo, kan chaw eikhawm ka rui lutuk a, tihchuan min phur haw a, chumi zan chuan hmunreh laiah kal turin ka ti a, a kal mai a, tichuan ka rui a vek tawh a, sex min hmanpui turin ka sawm a, chutah chuan min rai ta a, ka chhungte hriatlohin titla turin min ti a, pawisa min pe a, a duh duh danin min awmtir nih hi. Keiin khami atang khan ka duh em em a, mahse ka lo duh kha ka inchhir takzet a ni. Ka pa motor pawh amah vangin ka la chhuak a, amah vangin a tualthah pawh ka zep sak a, amah vangin midang apawnhsual pawh ka ngaithiam a, ka inchhir takzet.." tiin a tap zawih zawih a. Nathana chuan, "Siama hi a unaunu thih hnu khan khawiah nge a khawsak tihtak hi kan la hre lo a, kan hre chhuak thuai ang, Pu Sang a pawi ka ti hle mai, i fanu pawh hi kan man angai, police min bum avangin." a ti a, kan man ta a.
Boruak a reh deuh hnuah chuan Nathana chu motorah a thu a, ka en vung vung a, hrehawm a tih hmel lutuk a, "Sir ngati nge a?" ka ti a, ani chuan...."Rinawm, college ka kal ve laia ka ngaihzawngnu ka tih leh ka hmangaih ve deuh thin ka tih kha maw, Famkimi kha ania..." a ti a, anui a, "Alo mak ta hle mai..." a ti a, a tah a chhuak ve tep chuan ka hria. Heivang hi nih hi party naah pawh khan HMUH LOH LOH TUR KA HMU a lo tih ni....
THE END -
Comments