KAWNPUI DAI-A KAN INLUAH A HRANG
KAWNPUI DAI A KAN CHAWLHNA IN A HRANG
(KHA PALIAN KHA)
(True Incident)
Retold by : Aaron Malsawmdawngzuala
(Tuna kan thil rawn sawi tur hi thil thleng tak tak a ni a, a tawngtu ngeiin min hrilh a, a hming leh a nupui hming te, a thianpa hming te erawh hi chu ka thup sak mai anga, ama sawi angin ka rawn ziak dawn a ni.)
Pa huaisen tak chu ka ni e ka ti kherlo nain, pa dawihzep tak erawh chu ka ni lemlo. Thlahrang leh ramhuai tihvel te hi an awm ka ringlo tihna nilovin, ka tawn ve ngailoh vang nge ni, a tawngtu ten an sawi pawh hian ka hlauh ngai lemlo. Kawnpui dai a hrang tia an sawi thawm hi a tam hle a, ka thiante ngei pawhin an tawng ve tawh a ni awm e. Kei erawh ka tawn ve phawt loh chuan engmah awih duh ngailo mi ka ni a, mahse han tawn ve erawh ka duh bik hauh lo thung. Kawnpui dai ah hian mitthi tawh thla an hmuh thu te, zin veivak hovina ramhuai an hmuh thu te leh thil mak tak tak an hmuh thute hi keipawh hian ka lo hre ve fo tawh thin a, hlauh ai mah chuan a ngaihnawm ka ti thin. Ka rawn sawi tum ber chu ka han sawi tawh ange, kum 2013 kuma Kawnpui Dai a lei min vak kha kan la hre theuh awm e, kha tah khan kei hi driver ka ni a, September 21 zan ni ta in ka hria. Kha zan kha tun thleng hian ka theihnghilh thei lova, ka nupui phei chuan hlauh chang leh ngaihtuah chhuah a, han mut theihloh chang pawh ala nei zeuh zeuh a ni. Zan dar 10 vel chu a pel tawh a, Kawnpui leh Zanlawn inkar leimin nasa lutuk chuan kawng a dang vek mai a, kan tang rei tawh hle mai. Hemi leimin nasat vang hian eng lirthei mah a tlang thei lova, ahma atang daih tawha lo tang pawh an awm nual hlawm a, lirthei tangkhang pawh an awm nual a ni. Hetih hun lai hian zu a vang em em a, a to pawh a to hle a ni. A senchi um khat chu ka la kawl ve a, neih leh mai mai a harsa dawn tih ka hriat avangin thiante pawh ka hrilh phal lo a ni. Hemi zan hian ka nupui Chanchinmawii leh ka thianpa Ramtea te chu ka hruai ve a, Ramtea pawh hi zu duh ve tak mai a ni a, ka zu kawl that pawh chu ahmuh laiin ka phawrh phal thak lo. Kan tanna lai hi in kawng reh lai tak, fianrial em em mai hi a ni a, a hmun pawh hi a nelawmloh angreng hle. Tichuan kan tan rei hun tur a hriat siloh a, keini pawh chu zan engzat nge kan tan ve dawn tih kan hre silo. Zu chu a ruk thei ang berin ka phawrh a, tichuan motor atang chuan ka chhuak a. Mahse ka thianpa Ramtea hi a dawih ve em avangin kan nu nena motora lo awm tawp chu a hlau ni ngei tur a ni, min rawn zui ve a. Kan nu pawh chu mahnia awm ngawt tir ngawt chu a ni si lo, tichuan kan motor awmna atanga hla lutuk lo, in ruak pakhat lo awm ah chuan hahchawlh pahin tiin kan kal ta a. Zu pawh chu ka phawrh lang ta tawp a, tichuan Ramtea nen chuan kan indun ta a. Ramtea nen chuan kan titi tui dun tan ta khawp mai, naupan lai te sawiin kan nui vak vak a. Kan zu inna hmun hi kan motor awmna atang hian a hla lutuk lo ka han ti ngawt nang a, ke a han kal ve fe chu a ngai a ni. Chutia kan titi bawrh bawrh lai chuan kan chawlhna in kawngkhar chu a rawn in chum dut dut mai a, driver tang ve dang rawn chawlh ve tum an nih ringin ngaihtha tak chuan ka va hawng a. Mahse tumah an lo awm lo, mak ka ti angreng hle mai. Kan nu chuan, "Tunge a?" a rawn ti a, keichuan, "Tumah ka hmulo, miin min rawn fiam mai mai a niang." ka ti a. Ka thianpa Ramtea chuan, "Kan awmna lai hi Kawnpui Dai a ni bawk si a, a hrang an ti lehnghal a, thlahrang te an lo niang nge." tih pah chuan a han nui suk a. Tichuan ngaihtha tak chuan kan titi chhunzawm leh char char a, zu pawh a chanve vel chu kan in zo tawh. Sana ka en a, dar 12 leh achanve vel lai alo ni tawh a, "Hetah hian riak law law mai ang u, motora riah ai chuan a nuam deuh zawk ang." ka ti a. Kan nu chuan, "Angailo, motor ah riak zawk ang u. Helai hmun hi ka awm a ti nuamlo riau mai, nichinah lah khan kawngka rawn kik an awm a, anmahni hmuh tur an awm lo lehnghal. Ka hlau deuh riau a nia, riah chu a chiloh ang." a lo ti a. Mahse keichuan, "Kal mai love...engmah a nilovang." ka tih tlat avang chuan min hnial ta bik lova.
Mu tura kan han insiam fel hnu chuan ahma ang bawkin kawngka chu a rawn in kik leh ta dat dat mai a, ring deuh tak chuan, "Tunge ni?" ka han ti vak a, mahse min chhang lo. Ka thinin a tuar ta lo, "Tu phiangsen nge maw ni le?" tih pah chuan ka tho a. Kan nu chuan, "Kal tawh lo mai rawh...ka ngaih a tha miahlo ania." a lo ti khur dar dar a. Mahse ka ka lui ta tho a, kawngkhar chu ka va hawng leh a. A hma ang tho chuan tumah an awmlo, pawnah chuan ka chhuak a, ka hawi kual a. Tumah hmuh tur an awm bawk silova, keipawh ka ngaih chu a tha zan tawh biklo. Chutia pawna ka chhuak chu Ramtea leh ka nupui chuan minlo zui chhuak ve a, Ramtea chuan, "Tunge ni a? I hmu hman em?" a rawn ti a. Keichuan, "Aih, tumah ka hmulo...awmzia ka hre biklo." tiin ka lo chhang a. Chutia pawna kan awm lai chuan kan hma zawn takah chuan tui ni awm tak hi kan hmai zawnah chuan a rawn intheh thawt mai a, kan phu nasa kher mai. Ka nupui phei chu a au tuar a, rang em emin inchhungah chuan kan tlan lut vek a, kawngkhar pawh chu ka kalh nghal a. Ka nupui leh Ramtea te ka va en chuan ka phu chiang ngei mai, an hmaiah chuan thisen a lo kai luai mai a nih chu. Ramtea chuan min rawn en a, "Thiana, i hmai kha..thisen a kai ania." a rawn ti let zawk daih mai. Ka hmai huh hluam mai chu ka han tuai a, ka kut ka en leh chu thisen hlir hi alo ni a. Kan vai mai chuan thisen kan kai ta luai mai a, ka nupui phei chu a tap pur tawh mai. Ramtea lah chu a khur chhe nghal der mai a, "Thlahrang an awm chiang mai, thisen pawh hi thisen tak tak a ni, a rimchhe lutuk." a ti khur nghal zawih zawih mai a. Mahse kei erawh chu hlau ve viau mah ila, ka inti huaisen lui a, "Mi tu emaw ten min tihthaih mai mai zawk ani, engmah anilo vang." ka la ti t(r)alh a. Mahse pawna va chhuah leh chu ka ngam tawh biklo, ka hlau ve tho a ni. Chutia mangang leh thlabar taka kan awm lai chuan pawn lamah chuan thawm a rawn awm leh ta tlat mai, lungchhiat hmel em em a tap zawih zawih ri te chu kan hre ta a. Kan awmna in tukver zawn lam atanga lo chhuak ni ber hian ka hria a, thawm chu kan han ngaithla chiang a, "Min tanpui ru...khawngaihin min pui ru." tia mangang authawm a ni. Au thawm chu pakhat chauh a nilo lehnghal, mi tamtak mangang au thawm a t(r)e ri vak vak ni ber hian ka hria. Athen chuan, "Ka ril atam...khawngaihin eitur min pe rawh u." tih ten an au a, zan nuamlo tak chu ava ni em. Han enfiah ngei chu ka duh a, mahse ka thianpa kan hruai Ramtea lah chet pawh che ngamlovin a ding khur zawih zawih mai bawk si. Tukverh lam chu panin muangchang chuan ka kal hnai a, ka nupui lah chuan hlauvin, "Kal suh, pa-a..lo let rawh." tiin ka kawrhnungah chuan minlo pawt tawk tawk a. Pen thum vel ka han pen leh chu patling rum ri tuah tuah hi kan hre leh ta a, ka ding chat mai. Kan awmna in light lah chu a phe zuai zuai mai bawk a, light pawh chu a rawh dim em em lehnghal. Thian mipa dang huaisen ve deuh hlek lo kalpui ila chu han fiah dun pawh ka ngam anga, mahse kan hruai ber kher hi Ramtea, dawih ve pangngai tak alo ni kher bawk nen, keilah mahnia han fiah ka ngam bik der silo. Chuveleh kan awmna inchhung chu a rawn vawt ta em em mai a, tukverh kan kharphui vek a, kawngkhar pawh kan kalh tha vek. Mahse inchhung chu ahma a boruak pangngai tak ni si kha a vawt em em mai a, keini pawh kan khur nghal zawih zawih thei hial ani. Ka nupui chuan, "Pa-a, ka lu a hai lutuk.." tiin min rawn kuah thlawp a, Ramtea nen chuan kan buaipui nghal a. Kan nu pang chu ka han khawih a, alo sa vur mai. A khua a sik nghal hluah hluah mai a, awm ngaihna pawh ka hre tawh lo, kan mangang takzet a ni ber mai. Ramtea lah chuan tap pur chung hian, "Thiana, engtin nge kan tih dawn?" tiin min lo be buai chhen mai a, keipawh hlau viau mah ila tih theih dang a awm silo. Vin tak chuan, "Lo ngawi rih teh...tikhan lo awm mai mai hrih teh." tiin ka hau hrep ringawt a.
Kan thil tawn mek chu ka va duhlo kher em...helai hmuna ka lo kapui kher kha ka inchhir takzet a ni.. Chu patling rum ri lah chu a khat tawk chuan a rawn ri tuah tuah reng mai bawk si a, ka ke hmawr te chu a rawn hik leh chuai thin in ka hria. Bang kilah chuan kan nu chu hruai pheiin ka thut hah dam tir a, a shawl bah lai te chu ka sin tir a, vawt a ti lutuk chu a khur dar dar mai. Chutia mangang taka kan awm lai chuan kan zawn chiah a tukverh chu lung lian taka rawn vawm ang mai hian a rawn keh ta chhuai mai a, ka phu nasa lutuk chu ka kat dawrh thei hial a ni. Hlau tak chung chuan ka phone light chuan tukverh lam chu va en pahin, "Tunge...tunge i nih? Enge i duh?" tiin ka han au ve ngawt a, mahse tuman min chhang lo. Kan nu lah chu a chau telh telh a, thei leh theilo hian, "Helai hmun hi chhuahsan vat teh ang u...keizawng ka awm ngam tawh lo." a rawn ti tham tiak a. Mahse Ramtea chuan khur dur dur chung chuan, "Nilo, pawn lamah sawn a awm a ni, kan chhuah chuan min that a nimai." tiin a lo tap pur mai a. Hlau ve tho mah ila Ramtea dawih lutuk chu ben hrep mai ka duh a, patling ve uai tawh si a lo tap pur reng mai te chuan ka rilru hahna a tizual hial zawkin ka hria. Ka kawrlum haklai chu ka phelh a, tichuan tukverh zawnah chuan ka va zar a. Tichuan kan pathum chuan hlau takin kan awm khawm a, thawm lah chuan min kiansan der mai silo. Chutah le, kan awmna in chu tu emaw hian a rawn tlan hual vak mai a, a tlan pah chuan bang te chu a thai ri a, kawngka te chu a rawn sawi vak vak mai a. Hlau chung chung chuan, "Tunge...tunge i nih?" tiin ka au ve vak vak ringawt mai a. Light lah chu a de zawk zawk mai a, chu rum ri lah chu a ring telh telh lehnghal. Na tuar thawm ang tak tak te, rak vak vak ri te leh mangang au rawl ri te a ni. Ka kawrlum zar, tukverh zawna mi chu a rawn tla thut mai a, chutah tukverh lam kan va hawi chu kan thil hmuh chuan min ti thlabarin kan hlauhna pawh a ti zual chiang kher mai. Pa lian em em mai, dum vek, a hmel pawh hmuh theihloh khawpa dum chu tukverh atanga hla lo teah chuan a lo ding run mai a.A ban rawn phar chhuakin, "Min tanpui ru...min pu ru." tiin ala rawn au vak vak zui a. Kan hlau lutuk chu kan t(r)e vak vak a, kan nu phei chuan en pawh a en tha ngam tawhlo. Chutia hlau taka kan awm lai chuan ka thianpa Ramtea chu a thal tawp a, chhuatah chuan a leng awrh mai a. Rang tak chuan lo tho chhuak vatin, "Ka duhlo, min hnuksawn tu an awm...tunah khan ka ke ah a rawn man." a ti a, a tap titih lehnghal. Kan nu thlamuan a ngai bawk si, ka thianpa lah chu a hlau lutuk zun a cheh lo chauh tawh a ni ber mai. Hlau chung chung chuan, "Hlau suh, engtin mah kan awm lovang." tiin ka hnem hram hram a, mahse keipawh in ka thusawi kha ka awih bik lo. Ramtea lah chuan, "Ka eah min rawn pawt alawm, dawt ka sawilo." vin lek lek chuan a ti a. Keichuan, "I hlauh vang mai mai a nih kha...miin min tihthaih mai mai aniang." ka la ti talh a, mahse Ramtea kha hnuk sawn tu an awm tih chu ka hria, a awmdan ah khan a chiang a, mahse theih tawp chhuah chuan kan nu leh Ramtea chu ka thlamuan hram hram a. Kan awmna bul lawk, pindan atang chuan engemaw ri bur hi a rawn awm leh ta. Ka sawi thiam dan ber chuan dim baksak lova chempuia insat ri chawrh chawrh hi a ang ber, chutah thlaphang taka, "Min pui ru...ka duhlo, ana lutuk..duhtawk rawh." tia mangang au thawm chuan a zui bawk a, aww...khua var vat vat tawh se ka va ti tak em! Zawi zawiin thawm chu a reh ve tial tial a, "Thawm a reh tawh bawk a, kan chhuak tawh mai dawn em ni?" tia ka nupui leh Ramtea ka han zawh chuan an la chhuak ngamlo nasa mai a. Reife ka thlem hnu pawha pawn lama chhuah an gam tlat loh avang chuan kan chawlhna inah chuan riah mai kan tum ta a, tichuan chhuatah chuan kan mu ta a.
Tui tak chuan kan muhil ve thei ta mai bawk a, thawm pawh chu hriat tur a awm zui tawh lo. Chutia kan mutthilh lai chuan kan nu chu a rak thawt mai a, Ramtea nen chuan kan harh rual dun chiang teh asin. Ka nupui chu bang nghengin alo khur zawih zawih mai a, rang tak chuan kan va pan nghal a. A kutah chuan vuanin, "Engti zia nge? Enge ni ta?" tiin ka va zawt a. Kan nu chuan khur zawih zawih in, "Mi pakhat, dum vek, palian zet maiin min rawn pawt tho lawp a, ahmel kha a rapthlak lutuk." tiin a tap nghal zawih zawih a. Helai hmuna awm reng zawng ka ngaih a ngam ta thlawt biklo, "Ti teh u, motor lamah i zu kal tawh mai teh ang u." ka ti ta a. Mahse Ramtea leh kan nu chuan pawn chhuah an ngam bawk silo, an duhlo chung chu ka chhuahpui ta tho a. Tichuan kawngka chu hawngin pawnah chuan kan chhuak ta a, pawn lah chu a vawt em em lehnghal. Sawi tawh ang khan kan chawlhna in atanga kan mtor awmna hi hla lutuk chu nilo mahse, kea kal chuan kal ve fe angai kan tih tawh kha. Chutia kan motor lam kan pan lai chuan thli a thaw vuk vuk a, thil rimchhe em em mai hi anam rum rum bawk a, thla a muang lo takzet. Chutia kan kal zel lai chuan ka hnung atang chuan tu emaw ni hian min rawn nam dawrh mai a, ka tlu thleh nghe nghe a. Hnunglam chu hawiin, "Ramte, nangmah em ni min rawn nam kha?" ka han ti a. Mahse Ramtea chuan, "Ka khawih reng reng lo che, anangmah in i inchhuih a nih kha." tiin min lo chhang a. Mahse ka hnunga min rawn nam tu kha an awm chiang a ni, "Min rawn nam alawm, ka hnungah hian min rawn khawi tu an awm alawm." ka ti a. Kan nu chuan, "Tuman kan khawih lo che, i hnungah kan kal char char." a lo ti ve bawk si a, thla ava muang lo tak em. Chutia kan kal zel lai chuan kan piah lawk ah chuan tui haw ri ter ter hi kan hre ta a, "Chu...tui haw ri te pawh a awm tawh alawm, hlau tawh suh u, ka dang a ro em mai, tui chu va in teh ang u." tiin theih tawp chuan Ramtea leh kan nu chu ka thlamuan hram hram a. Mahse tui haw ri kan hriatna lam kan pan lai chuan tui haw reng reng hmuh tur a awm talo, chu mai nilovin tui haw ri pawh chu a tawp hmak mai. Mak ti tak chuan kan ding reng ringawt mai a, chutah kan nu chu a t(r)e thawt a, tap chungin min rawn kuah nghal a. Keipawh chuan lo kuah letin, "Enge ni ta?" ka lo ti vat a. Kan nu chuan, "Palian deuh mai a lo kal thut a, min rawn vuan thut a, a rimchhe em em lehnghal." tiin a khur nghal zawih zawih a. Kan han hawikual a, tumah an awm der silo. Tih ngaihna ka hre bik silo chuan, "I kal zel phawt teh ang u." tiin kan motor lam pan chuan kan kal ta zel a, a khat tawkin, "Min pui ru,,,ka duhlo, a hrehawm emai." tia au thawm chu ka hre chhunzawm zel bawk a. A tawp atawpah chuan motor awmna chu kan thleng ta a. Motor chu tih nun ka han tum a, a nung thei ta tlat lo. Rei ngial ka han tum pawh chuan a nung thei chuanglo, chutah kan motor ke chu a thep ta ruai ruai mai. Check tuma motor atanga chhuah ka han tum chu Ramtea leh kan nu chuan an phallo nasa mai a, tichuan motor ah chuan kan pathum chuan kan awm reng ringawt mai a. Thawm lah chu min zui zel amaw tih mai tur chuan ka hre mai mai bawk si, "A sa lutuk..ana emai, min chhan hram teh u." tiin mangang au thawm chu kan hre reng mai a. Kan nu lah chu a khawsik a sang telh telh a, a mangan thlak takzet a ni. Sana ka en a, zing dar thum a pel tawh, khua ava han var har teh lul em. Chutia hlau leh thlabar taka kan awm reng hnu chuan zawi zawiin khua pawh alo var ve tan ta a, leimin pawh chuan minla dan reng avang chuan tih theih a awm der silo. Chhunah chuan motor ke ka thlak a, loh theih lohvin zan riah leh mai chu a ngai ta a. Motor ah te chuan rawng bawlin chaw te kan ei ta a, zan alo thlen pawhin motor chu tuman kan chhuahsan tawh lo. Thawm chu kan hre reng tho a, mahse ahma zan ai chuan hlauhna te pawh chhete chuan a zia ta deuh. Helai hmuna kan tan chhungzawng hian kan nu chu a khua a sik char char a, tun hnua kan hriat leh dan chuan khalai hmuna kan chawlhna inah khan pa pakhat alo boral tawh a ni awm a, mahse a chanchin kimchang chu engmah kan hre zui ta chuanglo a ni.
A TAWP TA
(KHA PALIAN KHA)
(True Incident)
Retold by : Aaron Malsawmdawngzuala
(Tuna kan thil rawn sawi tur hi thil thleng tak tak a ni a, a tawngtu ngeiin min hrilh a, a hming leh a nupui hming te, a thianpa hming te erawh hi chu ka thup sak mai anga, ama sawi angin ka rawn ziak dawn a ni.)
Pa huaisen tak chu ka ni e ka ti kherlo nain, pa dawihzep tak erawh chu ka ni lemlo. Thlahrang leh ramhuai tihvel te hi an awm ka ringlo tihna nilovin, ka tawn ve ngailoh vang nge ni, a tawngtu ten an sawi pawh hian ka hlauh ngai lemlo. Kawnpui dai a hrang tia an sawi thawm hi a tam hle a, ka thiante ngei pawhin an tawng ve tawh a ni awm e. Kei erawh ka tawn ve phawt loh chuan engmah awih duh ngailo mi ka ni a, mahse han tawn ve erawh ka duh bik hauh lo thung. Kawnpui dai ah hian mitthi tawh thla an hmuh thu te, zin veivak hovina ramhuai an hmuh thu te leh thil mak tak tak an hmuh thute hi keipawh hian ka lo hre ve fo tawh thin a, hlauh ai mah chuan a ngaihnawm ka ti thin. Ka rawn sawi tum ber chu ka han sawi tawh ange, kum 2013 kuma Kawnpui Dai a lei min vak kha kan la hre theuh awm e, kha tah khan kei hi driver ka ni a, September 21 zan ni ta in ka hria. Kha zan kha tun thleng hian ka theihnghilh thei lova, ka nupui phei chuan hlauh chang leh ngaihtuah chhuah a, han mut theihloh chang pawh ala nei zeuh zeuh a ni. Zan dar 10 vel chu a pel tawh a, Kawnpui leh Zanlawn inkar leimin nasa lutuk chuan kawng a dang vek mai a, kan tang rei tawh hle mai. Hemi leimin nasat vang hian eng lirthei mah a tlang thei lova, ahma atang daih tawha lo tang pawh an awm nual hlawm a, lirthei tangkhang pawh an awm nual a ni. Hetih hun lai hian zu a vang em em a, a to pawh a to hle a ni. A senchi um khat chu ka la kawl ve a, neih leh mai mai a harsa dawn tih ka hriat avangin thiante pawh ka hrilh phal lo a ni. Hemi zan hian ka nupui Chanchinmawii leh ka thianpa Ramtea te chu ka hruai ve a, Ramtea pawh hi zu duh ve tak mai a ni a, ka zu kawl that pawh chu ahmuh laiin ka phawrh phal thak lo. Kan tanna lai hi in kawng reh lai tak, fianrial em em mai hi a ni a, a hmun pawh hi a nelawmloh angreng hle. Tichuan kan tan rei hun tur a hriat siloh a, keini pawh chu zan engzat nge kan tan ve dawn tih kan hre silo. Zu chu a ruk thei ang berin ka phawrh a, tichuan motor atang chuan ka chhuak a. Mahse ka thianpa Ramtea hi a dawih ve em avangin kan nu nena motora lo awm tawp chu a hlau ni ngei tur a ni, min rawn zui ve a. Kan nu pawh chu mahnia awm ngawt tir ngawt chu a ni si lo, tichuan kan motor awmna atanga hla lutuk lo, in ruak pakhat lo awm ah chuan hahchawlh pahin tiin kan kal ta a. Zu pawh chu ka phawrh lang ta tawp a, tichuan Ramtea nen chuan kan indun ta a. Ramtea nen chuan kan titi tui dun tan ta khawp mai, naupan lai te sawiin kan nui vak vak a. Kan zu inna hmun hi kan motor awmna atang hian a hla lutuk lo ka han ti ngawt nang a, ke a han kal ve fe chu a ngai a ni. Chutia kan titi bawrh bawrh lai chuan kan chawlhna in kawngkhar chu a rawn in chum dut dut mai a, driver tang ve dang rawn chawlh ve tum an nih ringin ngaihtha tak chuan ka va hawng a. Mahse tumah an lo awm lo, mak ka ti angreng hle mai. Kan nu chuan, "Tunge a?" a rawn ti a, keichuan, "Tumah ka hmulo, miin min rawn fiam mai mai a niang." ka ti a. Ka thianpa Ramtea chuan, "Kan awmna lai hi Kawnpui Dai a ni bawk si a, a hrang an ti lehnghal a, thlahrang te an lo niang nge." tih pah chuan a han nui suk a. Tichuan ngaihtha tak chuan kan titi chhunzawm leh char char a, zu pawh a chanve vel chu kan in zo tawh. Sana ka en a, dar 12 leh achanve vel lai alo ni tawh a, "Hetah hian riak law law mai ang u, motora riah ai chuan a nuam deuh zawk ang." ka ti a. Kan nu chuan, "Angailo, motor ah riak zawk ang u. Helai hmun hi ka awm a ti nuamlo riau mai, nichinah lah khan kawngka rawn kik an awm a, anmahni hmuh tur an awm lo lehnghal. Ka hlau deuh riau a nia, riah chu a chiloh ang." a lo ti a. Mahse keichuan, "Kal mai love...engmah a nilovang." ka tih tlat avang chuan min hnial ta bik lova.
Mu tura kan han insiam fel hnu chuan ahma ang bawkin kawngka chu a rawn in kik leh ta dat dat mai a, ring deuh tak chuan, "Tunge ni?" ka han ti vak a, mahse min chhang lo. Ka thinin a tuar ta lo, "Tu phiangsen nge maw ni le?" tih pah chuan ka tho a. Kan nu chuan, "Kal tawh lo mai rawh...ka ngaih a tha miahlo ania." a lo ti khur dar dar a. Mahse ka ka lui ta tho a, kawngkhar chu ka va hawng leh a. A hma ang tho chuan tumah an awmlo, pawnah chuan ka chhuak a, ka hawi kual a. Tumah hmuh tur an awm bawk silova, keipawh ka ngaih chu a tha zan tawh biklo. Chutia pawna ka chhuak chu Ramtea leh ka nupui chuan minlo zui chhuak ve a, Ramtea chuan, "Tunge ni a? I hmu hman em?" a rawn ti a. Keichuan, "Aih, tumah ka hmulo...awmzia ka hre biklo." tiin ka lo chhang a. Chutia pawna kan awm lai chuan kan hma zawn takah chuan tui ni awm tak hi kan hmai zawnah chuan a rawn intheh thawt mai a, kan phu nasa kher mai. Ka nupui phei chu a au tuar a, rang em emin inchhungah chuan kan tlan lut vek a, kawngkhar pawh chu ka kalh nghal a. Ka nupui leh Ramtea te ka va en chuan ka phu chiang ngei mai, an hmaiah chuan thisen a lo kai luai mai a nih chu. Ramtea chuan min rawn en a, "Thiana, i hmai kha..thisen a kai ania." a rawn ti let zawk daih mai. Ka hmai huh hluam mai chu ka han tuai a, ka kut ka en leh chu thisen hlir hi alo ni a. Kan vai mai chuan thisen kan kai ta luai mai a, ka nupui phei chu a tap pur tawh mai. Ramtea lah chu a khur chhe nghal der mai a, "Thlahrang an awm chiang mai, thisen pawh hi thisen tak tak a ni, a rimchhe lutuk." a ti khur nghal zawih zawih mai a. Mahse kei erawh chu hlau ve viau mah ila, ka inti huaisen lui a, "Mi tu emaw ten min tihthaih mai mai zawk ani, engmah anilo vang." ka la ti t(r)alh a. Mahse pawna va chhuah leh chu ka ngam tawh biklo, ka hlau ve tho a ni. Chutia mangang leh thlabar taka kan awm lai chuan pawn lamah chuan thawm a rawn awm leh ta tlat mai, lungchhiat hmel em em a tap zawih zawih ri te chu kan hre ta a. Kan awmna in tukver zawn lam atanga lo chhuak ni ber hian ka hria a, thawm chu kan han ngaithla chiang a, "Min tanpui ru...khawngaihin min pui ru." tia mangang authawm a ni. Au thawm chu pakhat chauh a nilo lehnghal, mi tamtak mangang au thawm a t(r)e ri vak vak ni ber hian ka hria. Athen chuan, "Ka ril atam...khawngaihin eitur min pe rawh u." tih ten an au a, zan nuamlo tak chu ava ni em. Han enfiah ngei chu ka duh a, mahse ka thianpa kan hruai Ramtea lah chet pawh che ngamlovin a ding khur zawih zawih mai bawk si. Tukverh lam chu panin muangchang chuan ka kal hnai a, ka nupui lah chuan hlauvin, "Kal suh, pa-a..lo let rawh." tiin ka kawrhnungah chuan minlo pawt tawk tawk a. Pen thum vel ka han pen leh chu patling rum ri tuah tuah hi kan hre leh ta a, ka ding chat mai. Kan awmna in light lah chu a phe zuai zuai mai bawk a, light pawh chu a rawh dim em em lehnghal. Thian mipa dang huaisen ve deuh hlek lo kalpui ila chu han fiah dun pawh ka ngam anga, mahse kan hruai ber kher hi Ramtea, dawih ve pangngai tak alo ni kher bawk nen, keilah mahnia han fiah ka ngam bik der silo. Chuveleh kan awmna inchhung chu a rawn vawt ta em em mai a, tukverh kan kharphui vek a, kawngkhar pawh kan kalh tha vek. Mahse inchhung chu ahma a boruak pangngai tak ni si kha a vawt em em mai a, keini pawh kan khur nghal zawih zawih thei hial ani. Ka nupui chuan, "Pa-a, ka lu a hai lutuk.." tiin min rawn kuah thlawp a, Ramtea nen chuan kan buaipui nghal a. Kan nu pang chu ka han khawih a, alo sa vur mai. A khua a sik nghal hluah hluah mai a, awm ngaihna pawh ka hre tawh lo, kan mangang takzet a ni ber mai. Ramtea lah chuan tap pur chung hian, "Thiana, engtin nge kan tih dawn?" tiin min lo be buai chhen mai a, keipawh hlau viau mah ila tih theih dang a awm silo. Vin tak chuan, "Lo ngawi rih teh...tikhan lo awm mai mai hrih teh." tiin ka hau hrep ringawt a.
Kan thil tawn mek chu ka va duhlo kher em...helai hmuna ka lo kapui kher kha ka inchhir takzet a ni.. Chu patling rum ri lah chu a khat tawk chuan a rawn ri tuah tuah reng mai bawk si a, ka ke hmawr te chu a rawn hik leh chuai thin in ka hria. Bang kilah chuan kan nu chu hruai pheiin ka thut hah dam tir a, a shawl bah lai te chu ka sin tir a, vawt a ti lutuk chu a khur dar dar mai. Chutia mangang taka kan awm lai chuan kan zawn chiah a tukverh chu lung lian taka rawn vawm ang mai hian a rawn keh ta chhuai mai a, ka phu nasa lutuk chu ka kat dawrh thei hial a ni. Hlau tak chung chuan ka phone light chuan tukverh lam chu va en pahin, "Tunge...tunge i nih? Enge i duh?" tiin ka han au ve ngawt a, mahse tuman min chhang lo. Kan nu lah chu a chau telh telh a, thei leh theilo hian, "Helai hmun hi chhuahsan vat teh ang u...keizawng ka awm ngam tawh lo." a rawn ti tham tiak a. Mahse Ramtea chuan khur dur dur chung chuan, "Nilo, pawn lamah sawn a awm a ni, kan chhuah chuan min that a nimai." tiin a lo tap pur mai a. Hlau ve tho mah ila Ramtea dawih lutuk chu ben hrep mai ka duh a, patling ve uai tawh si a lo tap pur reng mai te chuan ka rilru hahna a tizual hial zawkin ka hria. Ka kawrlum haklai chu ka phelh a, tichuan tukverh zawnah chuan ka va zar a. Tichuan kan pathum chuan hlau takin kan awm khawm a, thawm lah chuan min kiansan der mai silo. Chutah le, kan awmna in chu tu emaw hian a rawn tlan hual vak mai a, a tlan pah chuan bang te chu a thai ri a, kawngka te chu a rawn sawi vak vak mai a. Hlau chung chung chuan, "Tunge...tunge i nih?" tiin ka au ve vak vak ringawt mai a. Light lah chu a de zawk zawk mai a, chu rum ri lah chu a ring telh telh lehnghal. Na tuar thawm ang tak tak te, rak vak vak ri te leh mangang au rawl ri te a ni. Ka kawrlum zar, tukverh zawna mi chu a rawn tla thut mai a, chutah tukverh lam kan va hawi chu kan thil hmuh chuan min ti thlabarin kan hlauhna pawh a ti zual chiang kher mai. Pa lian em em mai, dum vek, a hmel pawh hmuh theihloh khawpa dum chu tukverh atanga hla lo teah chuan a lo ding run mai a.A ban rawn phar chhuakin, "Min tanpui ru...min pu ru." tiin ala rawn au vak vak zui a. Kan hlau lutuk chu kan t(r)e vak vak a, kan nu phei chuan en pawh a en tha ngam tawhlo. Chutia hlau taka kan awm lai chuan ka thianpa Ramtea chu a thal tawp a, chhuatah chuan a leng awrh mai a. Rang tak chuan lo tho chhuak vatin, "Ka duhlo, min hnuksawn tu an awm...tunah khan ka ke ah a rawn man." a ti a, a tap titih lehnghal. Kan nu thlamuan a ngai bawk si, ka thianpa lah chu a hlau lutuk zun a cheh lo chauh tawh a ni ber mai. Hlau chung chung chuan, "Hlau suh, engtin mah kan awm lovang." tiin ka hnem hram hram a, mahse keipawh in ka thusawi kha ka awih bik lo. Ramtea lah chuan, "Ka eah min rawn pawt alawm, dawt ka sawilo." vin lek lek chuan a ti a. Keichuan, "I hlauh vang mai mai a nih kha...miin min tihthaih mai mai aniang." ka la ti talh a, mahse Ramtea kha hnuk sawn tu an awm tih chu ka hria, a awmdan ah khan a chiang a, mahse theih tawp chhuah chuan kan nu leh Ramtea chu ka thlamuan hram hram a. Kan awmna bul lawk, pindan atang chuan engemaw ri bur hi a rawn awm leh ta. Ka sawi thiam dan ber chuan dim baksak lova chempuia insat ri chawrh chawrh hi a ang ber, chutah thlaphang taka, "Min pui ru...ka duhlo, ana lutuk..duhtawk rawh." tia mangang au thawm chuan a zui bawk a, aww...khua var vat vat tawh se ka va ti tak em! Zawi zawiin thawm chu a reh ve tial tial a, "Thawm a reh tawh bawk a, kan chhuak tawh mai dawn em ni?" tia ka nupui leh Ramtea ka han zawh chuan an la chhuak ngamlo nasa mai a. Reife ka thlem hnu pawha pawn lama chhuah an gam tlat loh avang chuan kan chawlhna inah chuan riah mai kan tum ta a, tichuan chhuatah chuan kan mu ta a.
Tui tak chuan kan muhil ve thei ta mai bawk a, thawm pawh chu hriat tur a awm zui tawh lo. Chutia kan mutthilh lai chuan kan nu chu a rak thawt mai a, Ramtea nen chuan kan harh rual dun chiang teh asin. Ka nupui chu bang nghengin alo khur zawih zawih mai a, rang tak chuan kan va pan nghal a. A kutah chuan vuanin, "Engti zia nge? Enge ni ta?" tiin ka va zawt a. Kan nu chuan khur zawih zawih in, "Mi pakhat, dum vek, palian zet maiin min rawn pawt tho lawp a, ahmel kha a rapthlak lutuk." tiin a tap nghal zawih zawih a. Helai hmuna awm reng zawng ka ngaih a ngam ta thlawt biklo, "Ti teh u, motor lamah i zu kal tawh mai teh ang u." ka ti ta a. Mahse Ramtea leh kan nu chuan pawn chhuah an ngam bawk silo, an duhlo chung chu ka chhuahpui ta tho a. Tichuan kawngka chu hawngin pawnah chuan kan chhuak ta a, pawn lah chu a vawt em em lehnghal. Sawi tawh ang khan kan chawlhna in atanga kan mtor awmna hi hla lutuk chu nilo mahse, kea kal chuan kal ve fe angai kan tih tawh kha. Chutia kan motor lam kan pan lai chuan thli a thaw vuk vuk a, thil rimchhe em em mai hi anam rum rum bawk a, thla a muang lo takzet. Chutia kan kal zel lai chuan ka hnung atang chuan tu emaw ni hian min rawn nam dawrh mai a, ka tlu thleh nghe nghe a. Hnunglam chu hawiin, "Ramte, nangmah em ni min rawn nam kha?" ka han ti a. Mahse Ramtea chuan, "Ka khawih reng reng lo che, anangmah in i inchhuih a nih kha." tiin min lo chhang a. Mahse ka hnunga min rawn nam tu kha an awm chiang a ni, "Min rawn nam alawm, ka hnungah hian min rawn khawi tu an awm alawm." ka ti a. Kan nu chuan, "Tuman kan khawih lo che, i hnungah kan kal char char." a lo ti ve bawk si a, thla ava muang lo tak em. Chutia kan kal zel lai chuan kan piah lawk ah chuan tui haw ri ter ter hi kan hre ta a, "Chu...tui haw ri te pawh a awm tawh alawm, hlau tawh suh u, ka dang a ro em mai, tui chu va in teh ang u." tiin theih tawp chuan Ramtea leh kan nu chu ka thlamuan hram hram a. Mahse tui haw ri kan hriatna lam kan pan lai chuan tui haw reng reng hmuh tur a awm talo, chu mai nilovin tui haw ri pawh chu a tawp hmak mai. Mak ti tak chuan kan ding reng ringawt mai a, chutah kan nu chu a t(r)e thawt a, tap chungin min rawn kuah nghal a. Keipawh chuan lo kuah letin, "Enge ni ta?" ka lo ti vat a. Kan nu chuan, "Palian deuh mai a lo kal thut a, min rawn vuan thut a, a rimchhe em em lehnghal." tiin a khur nghal zawih zawih a. Kan han hawikual a, tumah an awm der silo. Tih ngaihna ka hre bik silo chuan, "I kal zel phawt teh ang u." tiin kan motor lam pan chuan kan kal ta zel a, a khat tawkin, "Min pui ru,,,ka duhlo, a hrehawm emai." tia au thawm chu ka hre chhunzawm zel bawk a. A tawp atawpah chuan motor awmna chu kan thleng ta a. Motor chu tih nun ka han tum a, a nung thei ta tlat lo. Rei ngial ka han tum pawh chuan a nung thei chuanglo, chutah kan motor ke chu a thep ta ruai ruai mai. Check tuma motor atanga chhuah ka han tum chu Ramtea leh kan nu chuan an phallo nasa mai a, tichuan motor ah chuan kan pathum chuan kan awm reng ringawt mai a. Thawm lah chu min zui zel amaw tih mai tur chuan ka hre mai mai bawk si, "A sa lutuk..ana emai, min chhan hram teh u." tiin mangang au thawm chu kan hre reng mai a. Kan nu lah chu a khawsik a sang telh telh a, a mangan thlak takzet a ni. Sana ka en a, zing dar thum a pel tawh, khua ava han var har teh lul em. Chutia hlau leh thlabar taka kan awm reng hnu chuan zawi zawiin khua pawh alo var ve tan ta a, leimin pawh chuan minla dan reng avang chuan tih theih a awm der silo. Chhunah chuan motor ke ka thlak a, loh theih lohvin zan riah leh mai chu a ngai ta a. Motor ah te chuan rawng bawlin chaw te kan ei ta a, zan alo thlen pawhin motor chu tuman kan chhuahsan tawh lo. Thawm chu kan hre reng tho a, mahse ahma zan ai chuan hlauhna te pawh chhete chuan a zia ta deuh. Helai hmuna kan tan chhungzawng hian kan nu chu a khua a sik char char a, tun hnua kan hriat leh dan chuan khalai hmuna kan chawlhna inah khan pa pakhat alo boral tawh a ni awm a, mahse a chanchin kimchang chu engmah kan hre zui ta chuanglo a ni.
A TAWP TA
Comments