NATHAN EPISODE-15

NATHAN EPISODE-15
WHAT HAPPENED ON NATHAN'S WEDDING DAY?
Part-1 : THE VILLAIN

Thla ruk lai aliam ta a, ka boss leh ka thiantha ber ni bawk Nathan Malsawmkima tello chuan hnathawh chu a va han nuamlo tak em, engkim mai hi a dang vek hian ka hre thin a, ka ngai takzet a ni. Ni e...amak inti maithei a, Nathana ka bula a awm tawhloh nachhan chu, an inneihni turah khan, an inneih hma hauhvin mohruai turten a nupui nimai tur Sanvi chu an va hruai laiin tu tih hriatloh ten an lo man a, chin hriat lohvin Sanvi chu a bo ta a, ahnu lawkah an mo hruaina car chu ramhnuai ah kang chhe veka hmuh ani a, a chhunga chuang mihring te pawh chu an kangral vek a, Sanvi pawh chu a thi tel ve ngei ani tih chu a rinawm ngei mai. Heng pawikhawih tute hi tun thleng hian kan la man chhuak lo a, tun ah phei chuan a ngaihtuah pawh kan ngaihtuah mang tawh lo. Mahse Nathana erawh a nupui Sanvi boral avang chuan biak pawh biak ngam a ni lo, chaw a ei duh lo a, a chhuak ngailo a, a tawp atawpah chuan Police Department atanga chawlh rih a, thla ruk chhung hmundanga vacation hman chu DGP a dil a, DGP pawn hrethiamin a phalsak ta a ni. Chuti chuan Nathana tello chuan ka hnathawh lai chu khawhar leh lungleng takin ka thawk chhunzawm ve zel a, mahse engkim hi a ngui ruih maiin ka hria. Sanvi boral vang khan keipawh ka tuar ve lutuk a, chutih rual rual chuan Nathana ka khawngaih a ni. Mizoram mipui ten an inneih hlan kan nghakhlel a, mutmawh hnarmawh a kan lo neih thin kha a nia, mahse a ni alo thlen meuh chuan, thu duhawloh tak leh rapthlak tak mai kan hre leh si, hmeichhe tleirawl tamtak in Nathana an ui a, a nupui nei tur chu Sanvi an thik em em a, mahse Sanvi a boral thu kan hriat meuh chuan khang hmeichhe tleirawl Sanvi thik em em tute ho pawh khan Nathana an khawngaih ve tho chu ka ring a ni. Khami ni a Nathana hmel kha tun thleng hian ka theihnghilh thei lo, a tap miahlo, mahse a mitah khan nasa takin a mittui a luang a, a thinlung zawng zawng kha a kehchhe vek a ni tih a hriat a ni.

Nikhat chu DGP in an inah min ko a, Nathana chungchang velah ni ngei tur a ni. DGP chuan, "Rina, hei thil pawimawh tak sawipui tur che ka nei a, thu lawmawm leh lawmawm loh a nia." a ti a. Keichuan, "Sir, enge ni ta a?" ka ti a. DGP chuan, "Englo ania Rinawm, thu lawmawm loh chu, Nathana alo haw dawn a, naktukah hian alo thleng dawn a, mahse Police hna hi bansan a tum thu leh, in resign a tum thu min hrilh a ni." a ti ta mai a, ka hnual nghal ruih hian ka hria a ni. Second 5 vel chu ka ngawi vang vang phawt a, "Anih leh Sir, thulawmawm lampang chu?" tiin ka zawt leh a. DGP chuan, "Inspector thar kan nei dawn a, chu chu i thawhpui thar tur a ni ang. A hming chu Amanda Lalrempuii a nia, hei hi a thlalak chu ania." tih pahin a phone a Amandai thlalak chu min hmuh a, a ngo a, ahmel lah chu a tha phian leh nghal a, Police nih a inhmehlo kher mai, model nise a awm ang zawk ang tih tur khawpa hmeltha leh zaidam hmel tak hi a ni reuh a. DGP bawk chuan, "Nathana chu a nupui Sanvi hi ala sun a, a la tuar em em a ni tih chu ka hrethiam tho a, mahse hetia Police hna a bansan phah ringawt hi chu kan DEpt hian kan chan ropui dawn emai hian ka hria a ni." a ti a, keichuan, "Ni e Sir, a tan chuan police nih leh pawh a chakawm tawh dawnlo tih chu ka hriat thiam pui a, mahse Nathana te ang Police huaisen hi chu kan nei leh tawh lo ang." ka lo ti ve a. DGP chuan, "Naktuk mai hian Nathana chu a rawn haw dawn a.." a ti a, keichuan, "Sir, enge ti tura min duh?" tiin ka zawt a, DGP chuan, "Kan inah rawn hruai la, han titi pui lawk ka duh a ni." a ti a, keichuan, "Awle Sir, naktukah Airport ah ka va hmuak ange." ka ti a, DGP te in chu ka chhuahsan ta a. Station-a ka let leh lam chu kan DGP sawi Amandai ngei mai chu alo awm a, ka va kal hnai a, a hmel tha in a sang tha em em a, a sam pawh a ngil nalh siau siau ngei mai. Min lo nuih sang chungin, "Hi Sir, Amandai ka nia." tiin nui sang chuan min chibai a, a kut pawh a nem a, khawih anuam hle mai. "Rinawma ka nia, naktuk atangin amaw i rawn join dawn ka tia.." ka ti a. Amandai chuan, "Nia, DGP nen hian kan innel a, ka pa Best Friend a nia, amah vang liau liau hian keipawh in dept hi ka rawn join thei a, vawiin chu ka dawr kalin ka rawn tlawh mai mai, ka hmu hmasa duh hrim hrim che a." a ti a, ka lai lek lek lehnghal a. Keichuan, "Anih tak chu...ni e tha deuhin kan thawk dun ang chu tiraw?" ka ti vei luam a, Amandai chuan, "Ni e, ka hmu che chu ka lawm e, ka kal ange." a ti a, tichuan a kal ta a.

A tuk zing ah chuan chaw ka eikham chu Nathana Airport-a hmuak turin ka insiam a, thla ruk lai ka hmu tawh lova, ka phur tawh hle mai. Mahse amah Nathana zawk hian min hmuh hi a phur ve angem? Sanvi vang hian a nun hi a la pangngai lo angem? tih vel chu ka inzawt neuh neuh a, chutih lai tak chuan ka phone a rawn ri a, kan Inspector pakhat hi alo ni a, "Sir, mi pathum ruang chhar ani a, chu chu ka rawn hrilh che?" a rawn ti a, keichuan, "Ekhai aw...vawiin chu Nathana lo haw ni a nia, DGP khan hmuak turin min ti a, ka cancel leh mai ava ngaih hmel ve." ka ti a. Inspector chuan, "Chanchin kimchang ka la hre bikloa, kan lo buaipui mai ange, Sir Nathana chu va hmuak zawk la, kan kutah dah mai rawh.." a ti hlauh a, tichuan Nathana hmuak tur chuan ka chhuak ta a. Kan Police Jeep chu ka hmang a, kawnga ka tlan lai tak chuan DGP chuan min rawn phone a, "Hello, Rinawm, NAthana kha i hmuah leh angailo ang, nimin tlai khan alo thleng daih tawh alawm."rawn ti a, amak ka ti ngei mai. "Animaw, engati nge tumah min hrilh loh le?" ka ti a. DGP pawh chuan, "Nia, keipawh mak ka ti, tukin khan min rawn phone a, ila thlen thui loh chuan rawn let leh la, an inah va sawm ta che, chuan kan inah lo kal teh u." a ti a, tichuan ka let leh ta a. Nathana chu hmuh ka chak rual rual in han biak dan tur mai ka hrelo a, kan inhmuh lo rei tawh bakah han biak dan tur a vang dawn em a, chhuanlamah tiin constable Mawitea ka hruai tel ve ta ringawt a. Nathana te in kan thleng a, ka lut chiah chu Nathana nu (a nu tak tak a nilo tih chu episode-9 ah kan hriat vek tawh kha, Nathana hi fahrah a ni.) chuan amah chauhvin chaw a lo ei a, ka va lut a, NAthana cu chuan, "Ehee...Rinawm lo leng ru, ivan vang ve a." a lo ti luam a. KEichuan, "Khawnge Nathana hi a awm a?" tiin ka zawt a, Nathana nu chua, "Zingkarah khan a chhuak a, alo la haw miah lo." a ti a, ka ngaih a tha ta hauh lo mai, Nathana hian enge maw a hriat a, kan laka a hran tak em em ni. Engmah mi hrilh lawk bawk silo, engmah sawi zui lem lo chuan kan chhuak leh nghal ta daih a. DGP te in lam pan chuan kan tlan a, kalkawng lakah chuan workshop bula tual zau lai, motor siam tur leh motor chhia vel an dahkhawm teuh na bula mipakhat, min hnungchhawn zawnga ding hi ka hmu a, a pian atang chuan Nathana ngei a ni tih ka hriat avang chuan motor chu ka ding a, Mawitea nen chuan a awmna lampang chu kan va pan a. Nathana hma zawn takah chuan car chhe tawh tak, siamthat pawh siamthat tlak tawh loh tih hriat reng reng hi a lo awm a, chu car chu an inneih dawn ni a, Sanvi an hruai na car, kang chhe vek ngei chu a ni. Constable Mawitea chuan a newspapar ken laia a hmai zah hluau hluau pah chuan, "A rawn join leh tawh dawn ami Sir Nathana hi, khua lah hi lum si." a ti bul bul a.

Nathana chu a rawn hawi a, ahma aiin a cher a, a hmel erawh a la tha reng thung. Min hmu chu chutia lawm hmel emaw, surprise hmel pawh a pu lemlo. A rawn kal hnai a, a mitmeng atang chuan a tap zo chiah tih hriat takin a mit chu a sen rum mai a, min rawn chibai a, zawite hian, "Hi thiana, i dam maw?" a ti a, keichuan, "Sir, enge hetah i tih a?" ka ti a, NAthana chuan min chhang lemlo chuan Constable chanchinbu ken lai chu a la a, ruang pathum chhar thu inziak vel chu a en vang vang a, Constable MAwitea chu pek let leh pah chuan, "Mawite, ka bike hi khalh la, stationah ilo dah dawnnia, Jeep ah sawn Rina nen DGP te inah kan kal dawn a, chahbi chu ka office kawngkhar bulah ilo khai mai dawnnia." tih pah chuan a bike chahbi chu Mawitea a pe a, ka Jeep chahbi ken lai chu min laksak a, akal ta daih a. Ka va zui a, tichuan Jeep ah chuan chuang dunin DGP in lam chu kan pan ta a. Kal kawng chhung zawng chuan kan inbe lo a, a nuamlo duh ngei mai. DGP in kan thleng a, DGP chuan min hmuh veleh chuan, "Ehe lo kal ru, Nathan ilo dam amaw?" a lo ti luam a. DGP nupui chuan, "Kha hei...chaw kan ei dawn chiah a, lo kil ve nghal rawh u." a ti a, mahse Nathana nen chuan kan hnial tlat avang chuan min sawm lui ta lem lo a. DGP chuan Nathana chu ava thuthnaih a...

"Tukin khan nimina ilo haw daih tawh thu min hrilh a, nimin khan i sawi silova."

"Nia Sir, ka tihpalh a ni, ka chau lutuk a, ka mu tlang daih alawm le."

"Ka lo hriat dan chuan, Police hna hi ban i tum ani tiraw?"

"Aw....tum e."

"Anih leh vawiin hi i last day chu ani tihna a nia tiraw?"

"Aw Sir."

"Nathan...i tawrhna te kha a nep lo a, i rilru natna te pawh ka hriatthiampui che..mahse police hna hi bansan kher a ngai hleinem. Nangchuan i tana tha turin i ring a ni maithei, mahse keichuan ka rindan chuan i tlan chhia a ni in ka hria."

"Sir, ka tlan chhia amaw? Tu lak atangin maw? Eng lak atangin nge ka tlanchhiat a?"

"I chunga thil thleng hi tupawn kan hria a, i hrehawm zia leh i nat zia phei chu kei aia hrechiang an awm lo ang. Mahse Nathan, Voluntary Retirement hi i buaina chingfel tu tur anilo...han ngaihtuah chiang teh, kum 40 pawh ila tlinglo, retire tur chuan i la naupang emai.Chubakah hetia i tih hian i ngaihtuahna thalo kha a tibo dawn miah lo ania."

"Hmm..Sir, ngaihtuahna thalo a ni hleinem, ka nunhlui te mai chauh an ni, hun kal tawh ah khan ka la cheng reng a ni."

DGP chu a tho hluai a, kei leh Nathana pawh chu kan tho a, DGP chuan, "Anih chuan ka ti lui lo mai ang che, ka lo hriat leh dan chuan naktuk hian khawiah emaw i zinchhuak leh nghal dawn angin i sawi a, a tak tak a ni em?" a ti a, keichuan a zin lehnghal mai tur thu ka hriat chuan ka hnual leh nghal ruih mai. Nathana chuan, "A dik alawm, Sanvi kha, adam laia ka hnena a thusawi hnughnung ber kha ka la hre reng a, chu chu amah awm tawhlo mahse tih hlawhtlin sak ka duh a ni." a ti a. DGP chuan, "A lawmawm a nih chu, tunah hrih chuan i dinhmun ai awh tu tur hi ka la dah hrih lo ang, chu bakah i dinhmun luah thei tu tur hi an awm ka ring tawh lo." a ti a. Nathana chuan nui suk chung chuan, "But the show must go on, Sir." a ti a. DGP chuan, "Nathan, I'm afraid that the show will end too soon." a ti a. Nathana chuan ngaihthat loh hmel zet hian, "Sir, enge awmzia?" a ti a. DGP chuan zawi sap hian, "Ka dinhmun hi a tha vak tawh lo a, BP a hniam a, ka rihna ka hlauh nasa a,mahse engpawh nise...theihnghilh rawh." a ti a. Nathana chuan, "Sir, ka kalbo hnuah chuan nang hi ka ngaio ber ang che, achhan chu nang chuan min support a, engkimah min pui a, chuvang chuan a tawp ber na atan vawikhat chian salute ka pe thei che angem?" tiin a zawt a. DGP chuan, "Nilove, Nathan....a tawp ber na atan tih tawngkam hi ka haw takzet a ni, kan la inhmu leh ang. Mangtha phawt ule." a ti a, tichuan DGP in chu kan chhuahsan ta a. Station ah chuan kan let leh a, NAthana chu engmah sawi lovin a office ah chuan a lut tlang nghal a. Ka ngaiha tha vak tawh biklo, NAthana office lam pan chuan ka va kal a, kawngka ka va kik a, "May i come in, Sir?" ka va ti a, Nathana chuan nuih pah chuan, "Ehee...Rina, engemaw i kik kher a, lo lut ta che...kher kher che hian." a ti a, a hlim leh hmel phian sia, hepa hi chu ka hrethiam dawnlo a nih hi. Abulah chuan ka va thu a, files vel chu a en kual a..

"Sir, i thil tih hi i chiang chiah maw?"

"Rinawm, DGP kan hmuh tawh kha, ka sawi tur ang chu ka sawi zo vek tawh."

"Sir, kan la mamawh che asin, ngaihtuah tha leh hram rawh."

"Thinrim suh ka thian, ka hria alawm. Thla ruk chhung ka awm bo lai khan ka aiawhin hna tha takin i thawk tih kalo hria a, ka lawm takzet a ni, mahse maw...Rina, ka thei tawh lo a ni, min hrethiam mai rawh."

"Sir, kum tam tak chhung chu police hna hi kalo thawk ve tawh a, kei aia position sang te leh minister leh politician tamtak te salute ka lo pe tawh. Mahse ka rilru leh tihtak zeta, zahna tak tak lantir chunga ka salute awmchhun chu nang chauh hi i ni asin."

"Rinawm, ka lawm e. Ti daih ila, chanchinbu a tualthahna kha enge awmzia?"

"Ni e, mi pathum ruang chhar a ni a, chung mite chu mi challang tak tak te an ni. PAkhat phei chu kan dept atanga hmanni lawka bang ta Retired ACP Engmawia kha a nia, pakhat leh chu MEdical Specialist Dr Ruatsanga ani a, chuan pakhat leh chu State Drug Controller Mohan Nair, Tamil Nadu ami ani a, ahmunah va kal phei la chu i chiang sawt mai ang. An taksa ah tharum thawhna hnuhma, pem leh thisen chhuak engmah a awm bawk siloa, an ruang lah chuan a inhlat mawi tawk chiah in ala in rem tlar zui a, engemaw chu a awm a ni."

"Engpawh ni se, crime scene a ka kal tawpna ber tur a ni dawn tho a, i kal ang hmiang, files pawimawh vel ka lo en ange."

Ruang chharna hmuna kal tur chuan Station atang chuan kan chhuak ta a, reilo te chhungin ruang chharna hmun chu kan thleng ta a. Mipui lo zi nuai nuai karah chuan kan inhnawh a, ruang pawh chu lo la khawih lohvin alo la awm a. Ruang pathum te chu an lo mu tlar dial a, akhat mawi tawk lek hian alo in rem a. Ruang bul kan va thlen hnaih chuan Amandai chu alo awm a, Amandai chuan Nathana va chibai pah chuan, "Hello Sir, Amandai ka nia, vawiin atangin ka rawn join a.." a ti a, Nathana chuan, "Nice to meet you, Amanda." alo ti mai a. Inspector Lawmsanga chu alo awm ve bawk a, ani hi hmanni lawka lo join thar a ni. Lawmsanga chuan, "Sir, ruang hi inchhunga chhar a ni a, he in hi tuma luah tawhloh a ni, school a ni thin a, mahse school a an hman tawhloh na chu a rei tawh a, tichuan he mitthi te zingah hian kan police pui ni thin, ACP Engmawia a tel ve bawk a ni." a ti a. Keichuan, "Sir, Engmawia hi chu kan hriat kha, police a kan tan ho lai pawh khan a fel vak lo tih chu... chubakah a Police ni chung khan khawi company real estate tan a thawk char char a, police atanga a ban hnu khan real estate ah chuan a panngaiin a thawk a, drugs dealer te nen pawh an lo thawk ho ani awm e." ka ti a. Chutia kan sawi ho lai chuan Amandai chuan, "Sir, ka thil sawi tur hi he case kallai nen hian a in hmeh chiah em chu ka hrelo nangin, nizan hmasa khan thil mak deuh ka tawng a. Kan in atanga hla vaklo ah hian Coffee shop lian ve deuh pakhat hi a awm a, chutah chuan ka va chawl ve a. Ka chawlh lai khan hmeichhe pakhat, mask vuah, lukhum lum khum, a mit chiah hmuh theih, thawmhnaw dum vek a inthum hi a rawn lut a. A meng kual zek zek a, ka rinhlelh deuh avang chuan a bulah ka va kal a, ka va thu a. Min hmu chu a phu deuh zawk a, 'I tha maw? Puih theihna che ka nei em?' tiin ka va zawt a, mahse ani chuan, hlauhthawn hmel deuh hian, 'Tuman keini hi min pui thei lo ang.' tih ringawt hian min chhang a, a thil sawi pah chuan a meng kual zeuh zeuh a. Keichuan, 'Hlauthawng suh, Police ka nih hi..' ka ti chiah chu hlauh hmel tak hian a ding thut a, a chhuak ta daih a." a ti a, Inspector Lawmsanga chuan, "Pi Amanda, chungte chu engmah anilo ang, apasal amaw a bialpa nen an inhau aniang chu, saw laia coffee shop te saw chu nula leh tlangval luhkhawmna ber ania, he case nen hi chuan engmah inzawmna a neilo ang." a lo ti a, Amandaii pawh chuan, "Sorry Sir." a ti mai a. Nathana chuan, "Rinawm, hei...Crime scene chu ka hmu zo ta a, abak chu i kutah a awm e, ka kal ange, tha takin i thawk dawnnia aw." a ti a, ka tawng ve hma chuan a kal a, taxi a phar a, a tlan liam ta daih mai a.

Zanah chuan keimahin ka inngaihtuah a, Nathana kan chan ta mai tur chu, hrehawm ka tiin, keipawh chu ban ve mai ka duh a, mahse a tihchi ngawt siloh. Ka rilru a ti nuamlo em em mai a, mut pawh ka muttui thei meuh lo. Kan lo thawhdunna te, kan inzui hnem zia te, thi lek leka kan awm ho lai te kha ka ngaihtuah a, ka lung chu a leng lawk nasa hle mai. Chutia mu hleithei lova ka inngaihtuah mek lai chuan ka phone a rawn ri a, DGP alo ni a. DGP chuan, "Hello Rinte, naktuk ah hian CM i'n min ko a, meeting kan nei dawn a, Nathana lah kha zingkar atanga zin tura chhuah a tum thu kha min hrilh bawk si a, a zin hma in vawikhat tal hmuh leh ka duh a ni. Naktuk zing chu tho hma la, an inah va kalin va bia la, kan inah lo kal ta che u." a rawn ti a, keichuan, "Yes Sir." tiin ka chhang a, tichuan keipawh chu eng tin tin emaw ka muhil ve ta mai a. Atuk ah chuan hma takah ka tho a, Nathana te inlam pan chuan ka kal ta a. An in ka thlen chiah chuan a nu leh pa te nen chuana car ah chuan a suitcase vel chu an lo dah fel mek a. Min hmu chiah chu mak tihhmel deuh hian, "Eheee..Rina, enge i rawn tih a, i va hma ve, minlo thlah dawn em ni?" a ti a, keichuan, "Aaa...englpo ania Sir, i kal hmain DGP in hmuh leh lawk che a duh a." ka ti a, Nathana chu a ngawi vang vang a, "Umm....kal la, ka rawn zui ang che ka motor hian." a ti a, mahse keichuan, "Sir, i motor hian kaldun mai ila." ka ti a, a nui vur vur a, "Tinge, Rina, ka tlanbo daih i hlau animaw? Haha kal ila." a ti a, a motor chuan DGP te in lam pan chuan kan kal ta a. Reiloteah DGP te in kan thleng a, DGP chuan, "Rina, enge chanchin, chhuichhuah te kan nei tawh em?" a ti a, keichuan, "La neilo Sir, Forensic ho te lam atang pawn engmah thuthar ala awm lo." tiin ka chhang a. DGP chuan lung nihloh hmel tak hian, "Engtin nge niang, vawiinah CM ka hmuh a ngai dawn a, hmuh pawh ka hmu ngam dawn mi?" a ti nung nung a, tichuan Nathana a va en leh a, "NAthan, nang enge i ngaihdan?" tiina zawt a. Nathana chuan, "Ngaihdan ka nei lo, chubakah hei vawiin atangin zin ka tum a.." a sawi zawh hma chuan DGP chuan, "Ni e, zin rawh, i personal life ah inrawlh kan tum lo, mahse i tanpuina kan mamawh ani, hetiang hi chu nangmah chauh hian i chingfel thei asin. Hriatthiam tum hram teh." a ti a, Nathana chu a thu kun lap a, zawimuang hian, "Sir, ka tling lo ani, chubakah he force ah hian ka teltawh hleinem, police ka ni tawhlo a, ka pui theilo che u." a ti a, DGP chuan, "Nanglo ti thei tu an awm lo, he case chiah hi min pui la i trip cjhu ni reilote chhung i postpone tehi mai lo em ni?" tiin a zawt leh a, Nathana chuan a lu a thing ringawt a.

DGP chu a thaw huai a, a ding a, "Awle, ka ti lui tawh lovang che, Nathan...Rina, thudik tak, ka nupui fanau te bulah pawh ka la sawi ngam loh chu ka hrilh ang che u. Nimin khan ka thisen test result chu ka va la a, ka hlauh ang ngeiin Positive a ni...Bone Marrow Cancer." a ti ta a, Nathana nen chuan kan inmelh a, ka thin a thawng takzet, pawi tihna hlirin ka khat nghal a. DGP bawk chuan, "A ni telin ka chau telh telh a, engtia rei nge ka dam dawn ka hrelo. Doctor chuan risk sang ber chuan a dam ngei ang tih pawh chianglo mahse, hope awmchhun chu Bone marrow transplant a ngai ang tiin min hrilh a, tunkum pawh hi ka daih tawh lo ang. Nathan, hei thu hi min puih ka beisei vanga sawi ka nilo, ka police enkawl te zinga ka chhuan ber i nih vangin ka hrilh che a ni, tluang takin zin ang che." a ti a, DGP chu ka bulah alo kal hnai a, "Rina, he case hi i kutah a awm a, i lakah rinna ka nghat ania." a ti a, keichuan, "Ka theihtawp ka chhuah ang, Sir." ka ti a. Nathana chuan hnunglam atang chuan, "Rinawm.." a rawn ti a, DGP nen chuan Nathana lam chu kan va hawi a, Nathana bawk chuan, "Kha Officer thar Amandai kha...khanu khan hmanzanah coffee shop a hmeichhe maksak deuh a hmuh thu kha a sawi kha ila hria em?" a rawn ti a, keichuan, "Hria e, mahse kha te chu he case nen a inzawm lemlo ang." ka ti a, mahse NAthana chuan, "Dik tak chuan, a inzawm a alawm, motor start la, Amandai kan hmuh angai, hmanhmawhin." a ti chu mak ka ti hle mai, "SIr, i rilru i thlak tihna em ni?" ka ti a, Nathana chuan min chhang talo chuan DGP bulah a va kal a, "Sir, vawiin in meeting tur chu cancel la, tlaiah kan inhmu dawnnia." a ti ta a, DGP chu a lawm hmel kher mai, "Ka lawm e Nathan, ka lawm e." a ti a, DGP in chu kan chhuah san ta a.

Nathana leh kei leh Amandai te chu a hma a Amandai'n coffee shop chungchang a sawina Coffee shop bulah ngei chuan kan va kal ta a.

"Amanda, engtia rei nge police service i i join ve tawh?"

"Thla 10 chuang chu ka thawk ve tawh."

"Um..anih leh khami zana i thil tawn leh he case hi tinge insawmna a nei anga i hriat?"

"Ka hre lo, a inzawm tlat hian ka hria a ni."

"Anih leh khanu kha puih i tum khan engtin nge a chhan che?"

"Tuman keini hi min puitheilo ang tiin min chhang."

"Umm...tuman min pui theilo ang...tilovin...tuman keini hi min pui thei lo ang a ti a, a awmzia chu, khanu kha amah chauha awm lovin, midang an awm ve tihna a ni. Tichuan engvakah i ngai lemlo a, mahse nimina ruang pathum kan hmuh chiah kha, kha hmeichhia ina a sawi, 'keini' tih kha i rilru ah a rawn lang leh a, chuvang tak chuan ania khami hmunah pawh khan he coffee shop a i thil tawn i rawn sawi chhuah reng ni."

"Adik alawm Sir"

"Anih leh kha nu kha coffe shop chhunga a rawn luh hnu khan, coffe shop kawngka, darthlalang dum atanga siam kha a en zeuh zeuh i ti tiraw?"

"Aw...pawnlamah melh reng tu an awm ang mai khan pawnlam kha a en reng a."

"Umm...anih leh coffee shop chhung atang hian pawnlam en i tum tawh hrim hrim em, glass atanga siam khawngkhar atang hian a chhung atangin pawnlam en i tum tawh hrim hrim em?"

"Aih la tum ngai miah lo."

"Anih chuan a chhungah hian lut la, pawnlam en han tum chhin teh."

Coffee shop chhungah chuan kan vai chuan kan lut a, Nathana pawh chu alko lut ve a, Amandai nen chuan coffee shop bang leh kawngkhar, darthlalang dum atanga siam ah chuan pawnlam va en kan tum a, mahse engmah a hmuh theih loh, a dum vek ringawt a. Amandai chuan, "Sir, engmah a hmuh theih loh, alang tlang theilo." a ti a, Nathana chuan, "Ni chiah e, mahse khanu khan pawnlam hmuh theih siloh kha tinge kha glass dum kha a en reng ang?" a ti a, keichuan, "Glass dum ah khan lehlam side table a hmuh theih a, a awmzia chu lehlam side table-ah sawn thu an awm anga, chu mihring chu a en aniang." ka lo ti a. Nathana chuan, "Umm...adik chiah, khanu kha khatia mangang hmel leh, hlauhthawn hmel deuha a awm nachhan kha chu, tuemaw attention a duh vang mai mai a lemchang a ni. Hemi darthlalang langtlang theih lo a en kha, lehlam table ah hian mipakhat a thu a, chupa attention chu va lak a tum ani, a duhdan chuan chupa chuan darthlalang atang chuan amah chu hmu ve se, rawn pan phei a, enge awmzia tia a rawn zawh a phut tihna a ni." a ti a, Amandai chuan, "CCTV ah tunge chumi table ah chuan thu tih kan zawngchhuak thei ang." a ti a, CCTV footage chu kan en ta a. CCTV ah chuan chumi table-a thu chu kan han en a, mahse kan rinloh taki maiin chumi table-a thu chu kan DCP ngei mai Nathana a ni. Nathana chu kan va en a, Nathana chuan, "Ni e, keimah ka ni. Hmanzan ah khan kha coffee shop ah khan ka kal a, khanu khan min en reng thin a, ka attention a duh a, mahse engtin mah ka che duh silo a. Atuk zanah pawh ka kal leh a, nizanah pawh ka kal leh a, khanu tho kha zantin a inchei dan pangngaiin a rawn lut a, keipawh ka thutna hmun ngaiah hian ka thu leh ngat zel a, ka va biak kha a phut tih a chetdan atangin a lang a ni. Amanda, engdang gne kha hmeichhia ah khan ila hmuh?" tiin a zawt a, Amandai chuan, "A kutzung tang kha a sei nalh hle a, a ngo a, chuan nail polish violet a hnawih bawk a, chuan a kut zungpui bulah hian tatoo tereuhte 'OM' tih a inchhu bawk a, boot dum a bun a, achhuah dawn khan ka hmu a, thawmhnaw dum vekin a inchei a, chuan amah kha meizial zu thin a nih ka ring, meizial rim anam hum hum a ni." a ti a. NAthana chuan, "Police ka ni tih a hriat vangin, ka puih a beisei a, min be ngam chiah silo a, ka va biak hmasak a phut avangin maksak takin ka hmuh turin a che...tihna nge ni anga thildang zawk...mahse Amandaiin police anih thu a sawi khan a hlau leh si a...engemaw diklo chu a awm a ni." a ti nauh nauh a. Keichuan, "Puih a mamawh takzet pawh a ni thei a, amah chu kan zawn a ngai ang." ka lo ti a, Nathana chuan, "Chu ai chuan kan mitthi te pathum chanchin hi detail deuha kan chhui phawt angai ang, engvanga a ruala thah nge an nih tih hi kan chhui angai ani." a ti a.

Station lamah chuan kan let leh a, meeting room ah chuan kei leh Nathana leh Amandai leh SI pakhat kan awm a, Si chuan mitthi te chanchin chu a sawi a, "Medical Chairman & Specialist Dr. Ruatsanga, Retired ACP Engmawia leh Drug controller Mohan Nair te an ni." a ti a, Nathana chuan, "Heng mi pathum te hi engtin nge an inzawmna?" a ti a, Lawmsanga chuan, "Ka hre chiahlo, mahse SIr, ila hria em, kum khat kal ta khan, Dr. Ruatsanga clinic ah accident rapthlak tak a thlen kha. Dengue natna damdawi atan license tellovin imported drug tamtak kha hman a ni a, naupang kum 9-16 vel bawr chu mi 20 vel laiin nunna an chan phah kha. Khavang khan Sorkar pawhin drug controller a report nge nge a, police case pawh siamsak an nih kha." a ti a. Nathana chuan, "Dr Ruatsanga chu Drug controller Mohan Nair avangin man a nih phah a, mahse tualthahna atang hi chuan Dr Ruatsanga leh Mohan Nair te hi an thawkdun tih a chiang a ni." a ti a. Amandai chuan, "Thawk dun e, Sir...khatih hunlai vel khan Dr Ruatsanga leh Mohan Nair hian kha clinic chungchangah khan investment an ti dun a ni." a rawn ti ve bawk a. Nathana chuan, "Anih leh tualthattu te hian naupangte tana phuba lak nan Dr Ruatsanga leh Mohan Nair hi an that angah lo ngai ta ila, ACP Engmawia hi tih nge an thah tel ve nachhan?" a ti leh a, Lawmsanga chuan, "Sir kan sawi tawh ang khan ACP Engmawia hi Police anih lai khan real estate pakhat tana thawkin drug dealer te nen pawh inzawmna an nei a, Police atanga aban hnu khan chu a lo puih thin te real estate ah chuan a thawk tlang ta a. Thawm ka lo hriat dan chuan Engmawia hian kha ta Dr Ruatsanga leh Mohan Nair te clinic investment tih nan khan pawisa a pe ani tiin an sawi ka hre tlat a ni." a ti a. Nathana chuan, "Postmortem result ah khan enge inziak?" tiin a zawt a, Lawmsanga chuan, "An ban dinglam teuhah inchiuna hnuhma a awm vek a, chuan an taksa chhungah damdawi hmuh a ni a, chu damdawi chuan a that a nih rin a ni." a ti a. Nathana chuan, "Adang i hriat han sawi zel teh le.." a ti a. Lawmsanga chuan, "Kha clinic mai nilo khan, hemi te ruang kan hmuhna school building pumpui pawh kha lei an tum a, mahse a owner in aphalloh avangin vawitam an vau fo a ni awm e." a ti leh a. Nathana chu a ding a, a ngawi ta vang vang a, chuveleh, "Ngaihdan ka nei ta e, kha school kha lei a, black money siamnan ruahmanna an nei a, an pathum khan, mahse an lei tum school chhungah an thi leh vek si a.." a ti a. Lawmsanga bawk chuan, "Chuan SIr, an phone theuh hi kan hack sak a, Dr. Ruatsanga hi tualthahna thlen tlai khan tu emaw in a rawn call a, chumi hnu minute 5 vel ah Dr chuan Mohan Nair hi a call leh a, minute 5 vel hnuah tho Mahana hian ACP Engmawia a call leh a, tichuan ACP Engmawia hian Dr Ruatsanga a call leh bawk a, Dr Ruatsanga hian minute 5 hnuah a hma a rawn call tu hi a call leh a, minute 10 chhung te meuh an inbia a ni. Dr. Ruatsanga nupuiin a sawi dan chuan, a thih zana a chhuah dawn hian an ram lei tur chungchang velah a owner te nupa in anlo nghah tur thu a sawi a, achhuak niin a sawi bawk a ni." a ti a. Nathana chuan, "A tha e, thil a chiang ta uar uar mai. Nupa anga insawiin he tualthattu te hian kha school owner te nupa angin an insawi anga, tichuan an pathum chuan an incall kual zawh hnuah school pan chuan an lo kal anga, tichuan hemi te hian anlo that tihna a ni. A awmzia chu tualthattu hi mipa pakhat chauh nilovin, pahnih an ni a, pakhat zawk chu hmeichhia a ni." a ti ta a. Amandai chuan, "Anih leh Sir, chu hmeichhia chu coffe shop ami kha ani thei mai angem?" tiin a zawt leh a, Nathana chuan, "Lo ni ta pawh nise, amak ka ti hauh lo ang." a ti a. Tichuan kan titi chu a zo ta a, committee room chu kan chhuahsan ta hlawm a.

Amandai chuan, "Sir Rinawm, lo kal lawk teh.." tih pah chuan ka office ah chuan kan inzui lut a.

"Sir, DCP Nathana hi a mizia hi a mak ka ti a ni. A fing a, a rilru a chak a, lehkhathiam tih a hriat bawk a, mahse amah ah hian engemaw chu a awm a ni.."

"A huihphai deuh i tihna ami?"

"Hahaa, nilove...hetiang khawp hian a nupui vangin a tuar a, mahse ngaihtuahna ala hmang zawt zawt thei te hi a mak ka ti."

"Amanda, Nathana hi Police ka hriat tawh ah chuan ani tluka huaisen leh fing hi ka la hrelo. Amah aia fing ka hrelo a, bakah a fel em em bawk a ni. Mizoram mai nilovin Hyderabad te Vizag ah te pawh police ah alo tang ve tawh a, vawikhat pawh...ih..ala reilo, thla 10 vel kalta kha niin ka hria, Andhra Pradesh ah investigation nei turin kan kal a, chutah chuan drug dealer pakhat ahming Phillip Thomas tih chu kan man dun nghe nghe asin. (Andhra-a an hnuchhui hi episode dangah ka tarlang lemlo a, an hnuchhui dan pawh hi ka post hran lo.)"

"Anih leh anupui tur Sanvi chungchang kha enge awmzia?"

"Ni e, Sanvi nen an inneih dawn khan duhlo tamtak an awm a, hnamdang a ni a, mahse an inhmangaihna kha hmangaihna diktak a ni tih an hriat atang kha chuan an chhungte ve ve pawn an pawmpui ta a. Mahse an inneih ni khan, kan police member thenkhat ten mohruai tura an kal khan, an mo hruai rawn haw lam chu misualin anlo kidnap a, an neih zawng zawng lain Sanvi te chu motor chawp chuan khamah an nam thla a, motor chu a kang vek a, an thi ta vek a ni. An ruangte chu hmuh tlak a awm lo a, an mahni an ni ngei tih finfiahna kan neih awmchhun pawh an motor number plat antangin leh monu kawr them atangin a nui."

"Anih leh Andhra-a in misual man Phillips-a chu jail ah ala tang tihna mi?"

"Aih..ahnu lawk khan a tlanchhuah thu kan dawng a, tun thlengin anla hmulo, mahse kan buaina tur a awm tawhlo, Andhra ho police te kut a ni tawh."

Chutia kan inbiak lai chuan Nathana alo lut thut a, "Ka office ah lo phei teh u." a ti a, kan zui phei ta a. NAthana chuan, "Tualthahna kha ka ngaihtuah leh a, an thih dan kha, poison ani a, tur hmanga jection an ni. Mahse tu mihringin nge thihna tura injection chu dawh reng duh ang?" a ti a, keichuan, "Sir, kan hriat ang khan mi pahnih an ni a, pakhat in a jection lai in, pakhatin a chetsawn loh nan silaiin a lo tin a ni thei asin...Gun Point." ka lo ti vat a. Nathana chuan, "A dik chiah, pre-planned murder diktak a ni. Rina, clinic-a naupang thi te thlalak kha va remkhawm ula, paper pakhatah rawn print teh u." a ti a, a sawi ang chuan kan print ta a. Tualthahna thlenna hmun school hlui ah chuan kan va kal leh a, inchhung chu Nathana chuan a enkual a, bangah chuan thlalak hlui, an principal thlalak te, zirtirtu thlalak te leh mi ropui tak tak thlalak teh a intar teuh mai a, chuta zingah chuan naupang 20 vel thlalak intar hi a hmu a, a lathla a, kan bula lo phei pah chuan, "He laia kan kal hmasak zawk khan, he thlalak hian ka mit ala em em a, achhan chu in hmuh angin thlalak dang ho saw chu a hlui hlawm tawh a, maimawril ten an zam nuai a, athen phei chu a hmuar tawh a. Mahse he thlalak hi chu en teh u, a thar bik a, a frame te pawh hi siamzawh hlim ang maiin a la fai em em a, chuan he thlalak a naupangte leh kan thlalak kena naupangte hi han en ve ve teh u, an in ang chiah a ni." a ti a, tichuan thlalak pahnih chu kan han en dun a, a lo in ang tak tak reng bawk a. Nathana bawk chuan, "He tualthattute hian naupangte tan phuba an la tih chu a chiang ta a, mahse engtin nge Dr Ruatsanga, Engmawia leh Mohana te kha an thawkho vek tih an hriat theih, chubakah zawhna lian tak chu tualthattu te leh naupangte hian eng inlaichinna nge an neih tih hi a ni.." a ti a. Chulai hmun chu kan han enkual leh a, mahse engvak kan hmuh loh avang chuan kan let leh ta a.

Atukah chuan hma takah station chu ka thlenga, mahse ni dang ang bawkin Nathana leh Amandai chuan minlo thlen khalh leh daih tawh a. Nathana chuan, "Rina, nichin mai khan mi pathum ruang an chhar leh a, chu chu farm house ah a ni, kan va kal leh angaih hmel." a ti a, tichuan ruang chharna hmun ah chuan kan va kal dun ta a. A hmun kan va thlen chuan Inspector Lawmsanga alo awm a, "Sir, he farmhouse nei tupa hi Samuel Lalchhuanawma a ni a, kum 45 vela upa, mifel lemlo tak leh eiru hrat tak a ni, mitthi zingah pawh hian a tel ve nghe nghe a." a lo ti a, mitthi te pathum chu ahmaa mi ang bawk khan a inhlat mawi tawk hian, an lo mutlar leh dial hlawm a. Mitthi zinga pahnih te chu kan han en chiang a, kan hrechiang hle mai. Vai pahnih, hmanni deuha hmeichhe tleirawl pakhat Sarah Lalngaihawmi pawngsuala, sawisa zui hrep tute a an puh, Vimal-a leh Sandeep-a te kha an ni. Nathana chuan Lawmsanga bulah chuan, "Inspector, i hre hman lo maithei a, heng vai pahnih te hian kum 20-a upa Sarah Lalngaihawmi chu kan ram, Mizoram chhungah ngei an pawngsual a, an sawisa hlum lek lek a ni. Ka hriat dan chuan, he case hi kan ACP thi ta Engmawia khan a buaipui a, mahse case file duh lovin thu belhchian dawllo ah a puh a, mahse constable pakhat hnen atangin hospital a Sarahi thu an zawh lai hian anu leh pate leh doctor te achhuah tir vek a, tichuan Engmawia chuan chu nula chu a pawngsual tute hming chu a zawt a, an hming a hriat meuh chuan case a file duh lo a, Sarahi chuan a sawi theilo angin a sawi tlat tiin Rinawma bulah hian a hrilh a ni awm e. A awmzia chu he vai pahnih thi ta te pawh hi, kha ahmaa kan mitthi pathum te nen hian inzawmna a nei tihna a ni." a ti a. Kan bula doctor pakhat kan rawih chu alo kal a, "Sir, postmortem result a chhuak nghal a, he tualthahna hi nizan dar 12 rik hma hret vel anih hmel. An taksa chhunga tur hi tur satliah a ni lo, Puffer fish (sangha inham puar thei) tur a ni. He puffer fish te hi sanga tur nei hlauhawm ber an ni a, an tur hi a chak em em a, an tur ah hian tetrodotoxin a awm a, chu tur chu mihring kawchhungah a lut a nih chuan second 10 vel hnuah an thi nghal thei a ni. A awmzia chu rul tur chak ber ai pawn an tur a chak tihna a nih chu." a ti a, Lawmsanga chuan, "Chutiang nei thei awm ang tur chu ka hria." a rawn ti a, keichuan, "Tute?" ka lo ti hu a. Lawmsanga chuan, "Sir, police ka nih hma khan local drug dealer tenau pahnih burma mi, Mizorama awm ka hmelhriat a, chumite chuan hmanni pawh khan anlo la ti reng tih ka hria a, kan zawt dawn em ni?" a ti a, Nathana chuan, "Khai...hmelhriat ilo va nei bawn vee...ko nghal rawh u." a ti a.

Chung burma mi te pahnih chu stationah chuan kan ko a, a tir chuan an inpuang tha duh vak lo va, mahse kan han khawih nual hnu chuan pakhat zawk chuan, "Heng puffer fish tur te hi hmuh zen zen tur a awm lova, vawikhat chu mipa pakhatin min rawn call a, dealer kan ni tih a hria a, tichuan chu sangha tur chu kan dealer hmelhriat dangte atang chuan kan la thei hram a , chupa chuan hlawh pawh thahnem tak min pe a ni. Chu sangha tur chu Russia atanga an rawn thawn anih thu an sawi bawk a, he tur lo receive tur hian thla 3 ngawt kan nghak a ni. A sawi dan chuan, kan thingpui dawr chawlhna thin sira bawlhhlawh bawm chhungah dah turin min ti a, abak kan hrelo." a ti a. Lawmsanga chuan, "Ka awihlo, nangni pahnih hi chuan bawlhhlawh bawm atanga la chhuak tu chu in enthla awm emai." a ti a, pakhat zawk chuan, "Nia, a dik alawm. Naupang pakhatin a rawn la a, chuan motor var alo kal a, motor chhung atang chuan mi pakhatina kut a rawn phar chhuak a, naupang chuan a pe." a ti leh a. Nathana chuan, "Nih leh motor number in chhinchhiah em?" tiin a zawt a, Pakhat zawk chuan, "Aih.." a ti a. Nathana chuan, "Car chhunga mi chu ahmel in hmu em?" a ti leh a, pakhat zawk chuan, "Hmulo, a kut chiah ka hmu a, hmeichhe kut ngei a ni tih chu ka chiang." a ti a. Nathana chuan, "Nihleh chunu kutah chuan nailpolish violet rawng a inhnawih em, han ngaihtuah let leh teh, hriatchhuah tum a, a kutzung pui bulah tatoo anei em?" a ti leh a. Chupa chuan, "Ehe ka pu, awww....i sawi dik chiah." a ti a, Nathana chuan, "Umm...nangni hian dawt in sawi, anih chuan sangha tur la tura ti tu che chu, ahmel in hmu....adik em?" a ti a, an hlauh hmel hle mai, Nathana chuan a phone a phawrh a, Andhra-a drug dealer kan man pa, ahnu lawka tlanchhuak ta, Phillip Thomas-a thlalak chu a hmuh a, "Hepa hi a ni em?" a ti a. Chumite chuan an lu an bu nghauh nghauh ringawt a, mahse rinloh tak mai chuan Nathana chuan chu mite pahnih chu a kal tir leh ta daih a. Nathana chuan, "Vawiin atan chuan a tawk e...ka nuamsam lova vawiin chu ka bang hma mai ange. Damdawiinah in check up ka duh, min hrethiam ru." a ti a, a haw ta daih mai a.

Zan dar 10 rik hma hret hian phone call ka dawng a, Nathana alo ni a, "Rinawm, police station ah lo phei lawk ta che." a ti a, a dah leh nghal daih a. Tichuan ka va phei ta a, ama office chhungah chuan DGP te, Amandai te leh Inspector Lawmsanga te anlo awm a. Nathana chuan, "Rina alo thleng tawh bawk a, kan sawi tan tawh ange. Vawiin khan ka haw lam khan thil ka ngaihtuah a, khang thi ta te, Dr. Ruatsanga, Mohana leh ACP Engkima te thihna kha, tuna kan mitthi mek te nen hian inzawmna an nei ril hle a ni. Dr Ruatsanga clinic ah ka kal a, an Director hnenah chuan Dr Ruatsanga Hospital awmna ka zawt a, tichuan min hrilh ta a. Tichuan ka kal a, an Director ka va hmu ve leh a, police ka nih thute sawiin an students te file ka check duh thu ka sawi a, min phalsak a, tichuan rei tak ka en vel hnu chuan, graduate tawh student pakhat, tuna chumi hospitala doctor ni mek, ahming Moses Lalruatpuia tih chu ka hmu a, pakhatna a ni zat zat tih thu te, apa a thih tawh thu te chu ka chhiar a, ka mit a la ta tlat a, tichuan Director bulah chuan tunge a nih tih ka va zawt a. Director chuan kum fe liam ta a doctor zir tura lo kal anih thu min hrilh a. Theihtawp chhuahin a pa in pawisa a thawk chhuak a, anu a thi tawh a. Apa chuan admission tih nan harsa takin pawisa a nei a, tichuan interview te hmachhawnin seat a chang ve ta hlauh mai a. Mahse mi hausa fapa pakhat, management student, written-a tlinglo hian pawisa in chu seat chu Dr. Ruatsanga an rawn dil a, Dr Ruatsanga pawh chuan chu thamna chu alo pawm a. Moses-a pa chuan tap chungin a fapa seat chu pek let leh adil a, mahse an phal tak siloah chuan, student ho zawng zawng hmuh turin College tual laiah chuan a inhal hlum ta a ni. Apa a kanghlum lai chu Moses-a hian a mit ngeiin a hmu a, khata tang khan amizia amak em em a, a bo vang vang hnuah, admission chu rawn ti tha leh ngatin seat chu a chang ta a. Tichuan a zirlaipuite zingah a ti tha ber zel a, a graduate a, tunah phei chuan Doctor niin chu hospitlah chuan a thawk tawh nghe nghe a ni. A awmzia chu, Moses-a khan apa thihna kha a tuar hle a, phuba lak tumin doctor pawh chu a zir leh ngat tihna a ni. Dr Ruatsanga clinic a naupang te damdawi diklo vanga an thi te ahmuh khan a thinrim a ti zual a, chubakah pawngsual avanga hliam natak tuar SArahi pawh kha, an hospitalah a awm a ni. A pawngsual tute pawh a lo chhui ve vek tihna anih chu. Amah hi a a thut thut zel tiin student dang ten an sawi bawk a, a bulah tumah an awm tha ngam ngai lo. Vawikhat pawh function an neih naah Medical Minister chu a pheikhawkin a lo vawm a, thla khat chhung jail atan phah ani awm e." a ti a. DGP chuan, "Anih chuan Dr Moses-a chu, kan misual ani tihna nimaw...nihleh hmeichhia ve thung kha le?" a ti a.

Nathana chuan, "Ni e, khanu kha Moses-a te 3rd year an nih laiin ani kha first year a ni a. Ka hriattheih dan pawh Moses-a bialnu anih vang ani, student dang ten min hrilh a. A hming chu Rosy Lalhlupuii a ni a, Moses-a nen hian an inzui reng thin a, chuan an chetdan hi a mak theih hle bawk a ni tiin min hrilh bawk." a ti a. Lawmsanga chuan, "Anih chuan an target dawtleh hi tunge ni ang le?" a ti a, DGP chuan, "Chu aia pawimawh chu...Moses-a leh Rosy hi kan man angai a ni. Nathan, ka nuamsam lova ka va haw tawh ange, he operation hi ka zo ngei ang, hun nei tlem tawh emai." a ti a, tichuan a haw ta a. DGP haw hnu deuh lawk chuan Nathana phone chu a rawn ri a, NAthana chuan, "Ka massage dawn hi lo ngaithla teh u...DCP Nathan, i lo fing hle mai, i email check la, thil hrilh tur che kan nei e." a ti a. Nathana chuan a email chu a check a, video clip pakhat hi a lo ni a. Nathana chuan big screen ah chuan a play ta a. Tleirawl kum 23 vel, sam sen lampang, hmeltha zet mai hi alo lang a. Nathana chuan, "Khinu khi Rosy chu nih khi." a ti a. Rosy chuan video ah chuan, "Hi, Rosy ka nia, chumi hma chuan he email IP address hi trace buai duh suh ang che u, fake a ni. Tichuan DCP NAthan, i nupui that tu kha i hre duh em? I hre duh anih chuan ka hrilh ang che, Andhra-a in man, drug dealer Philip Thomas kha ani. Khatiang misual kha chu i man anga, hremna i pe ngei tur a ni, naktuk ah Mizoram alo thleng dawn a, message kan rawn thawn che a,ahnuaia hmun kan ziah ah khan naktuk dar 12 leh achanve ah va kal la, Phillipa chu i hmu ang. We hope you do justice, bye." a ti a, video chu a tawp ta daih a. Lawmsanga chuan, "Sir, ngatan mah ngai suh, thang an kam te pawh a nithei ania." a ti a, Amandai erawh chuan, "Sir, ngaihtuah zui a ngaih ka ring. A hlawuhawm dawn tlatin ka hria." a lo tive thung a. Nathana chuan, "Umm....kan kal ang, mipa zawng kan kal ang, kei leh Rina leh Lawmsanga. Amandai erawh i kal ve ka remtilo. " a ti a, Amandai chuan, "Mahse SIr.." a ti dek dek a, Nathana chuan, "Amanda, i said no." a ti a, Amandai pawh chu a ngawi ve ta mai a. Tichuan Station chu kan chhuahsan a, mahni in lam theuh chu kan pan ta hlawm a.

Atuk ah chuan dar 12 leh a chanve velah chuan Rosy hmun sawina ah chuan kan va kal ta ngei mai a, kudam ang deuh in sei zet mai hi alo awm a. A chhunga luh kan tum chu kawngka veng tu niawm tak hian negro palian deuh pakhat hi alo ding a, pawr zet hian, "Who are you?" a lo tia, NAthana chuan chupa lu kawngkhawra ri chawrh khawp nem nawk pah chuan, "Police.." a ti a, a thla nghal tawp a. A chhungah chuan kan lut ta a, negro palian pui pui an lo ding khup mai a, athen chu vai te pawh an tel, anvai chuan 10 vel an ni. Philipa pawh chu alo awm ve ngei a, Nathana a hmuh chuan mak tih hmeldeuh hian a dinghluai a, "Nathan...ohhh man, you are fucking impossible." a ti a, a nui huah huah a. Philpa bawk chuan, "Enteh, min man hi i tisual ang tiin warning ka pe che anilawm ni...i nun tihchhiat ka tum a, i chanchin ka zir chiang a, i nupui pawh ka that a, mahse engtin nge hetia mila rawn chhui ngam a, chutah i thihna tur hmunah i rawn kal lehnghal." a ti a, a nui huah huah a. (Philip Thomas hi African-American ani a, South India mafia te nen an inzawm a, mizo tawng a thiam lo, sap tawng vekin a tawng a, mahse chhiar tute hriatthiam nan ka let mai a ni e.) Chu veleh Lawmsanga chuan a pistol pai chu a phawrh a, Philipa chu a tin a, negro zinga pakhat chuan alo pet thlak sak a, tichuan kan insual ta nuai nuai hlawm mai a. Zep lo chuan negro na na na chu kan hneh lo deuh chu a ni, mahse Nathana erawh chuan a hneh bian bian kher mai. Keipawh chu thir pipe bung ka hmu hlauh a, chu chuan min chhanhim hlauh zawk a, Lawmsanga erawh an hnek rawn hi ani deuh ber mai. Nathana leh Phillipa chu a tawpah chuan an insual a, keipawh chuan negro ho chu ka vaw thlu kim thei ta a, Lawmsanga nen chuan Nathana te insual chu kan en a, hmuhnawm kan ti dun ngei mai, va pui pawh kan tum lo, puih pawh angai lo, Philipa'n ahnehlo lutuk chu a nuihzatthlak zawk. Philipa thal zing bik lutuk chu a chau deuh ta aniang, thiphung chuan zawi muangin a rawn tho a, "Nathan, min man rawh, mahse chumi hma chuan thuruk hrilh che ka duh a ni.." a ti a, chuveleh Lawmsanga chuan pistolin Philipa chu a tin a, "Ngawi rawh." a ti a. Philipa chuan, "Haha..engvangin maw Inspector, engvangin maw ka ngaiwh ang. Nathan, jail atanga awlsam taka ka tlanchhuah theihna chhan chu min puitu an awm a ni." a ti a, Lawmsanga chuan silai chu hmehpuah a tum a, mahse ka va chhuhsak hman a, Lawmsanga chu a kun lap a, "Ni e, ka pui alawm Sir. Khatih hunlai khan Andhra atanga in haw hnu khan, keichu SI hna chelh turin Andhra ah khan post ka dawng ve hlauh a. Philipa hian sum tam tak min pek atiam avangin a tlan chhuah theih nan ka pui ta a ni. Achhan chu ka fanu college luhna turin sum ka neisilo alawm. Mahse Sir, i nupui a that dawn tih hria ila chu ka chhuah hauh lo ang. Tunah hian ani hi ka kaphlum anga, mawh ka phur vek ang." a ti a, Nathana chuan, "Nilo...ka thah hi Moses-a duh ber zawk chu a ni, Lawmsang...tunah hian ka man dawn che, in surrender rawh." a ti a. Lawmsanga pawh chu thuawih takin a in surrender a, police dang pawh chu an lo thleng a, Philipa leh Lawmsanga chu an man ta a, tichuan chulai hmun chu kan chhuahsan ta a.

Nathana chuan massage dang a dawng leh a, a chhiar a, "I ti tha e, tunah chuan hmun pakhat ka sawi leh anga chutah chuan Rinawma nen chauh lo kal ang che u, midang an awm tur a nilo, chu hmunah chuan ka rawn inlan ang." tih hi a ni a, a hmun sawiah chuan kan kal a, police dang tumah kan hrilh lo. A hmun kan thleng chu minute 10 vel hnuah car var hi alo kal a, kan zawnah chuan a ding a, a chhung atang chuan Rosy hi alo chhuk a, hmeichhe hmeltha tak a ni. Kan bulah chuan alo kal hnai a, "Hi...Rosy ka ni a, Dr Moses-a in hmuh hmain, thil pakhat min tiam angai ang. Darkar khat chhung chu ka chiu mutthilh che u angai dawn a, chu chu in inhuam angem, in inhuam lo chuan ka let leh anga, tualthahna dang a thleng leh animai." a ti a, Nathana chuan min rawn en a, ka lu ka lo bu nghauh a. Nathana chuan, "AWle, kan remti e." a ti a, a carah chuan seat hnung lamah kan thu a, Rosy chuan mutthilhna damdawi chuan min chiu a, second 10 vel a ral hnu chuan ka lu a hai tana, Nathana lah chuan, "Rinawm, muttui aw.." ala rawn ti hram zui, ahnu chuan engmah ka hre tawh lo. Nathana chuan min rawn kaitho a,thutthlengah chuan phuarbehin kanlo awm ve ve a, kan hma ah chuan Moses-a leh Rosy chu anlo kal phei a, Rosy chuan pistol a keng bawk. Nathana hmaah chuan Moses-a chu a thu a, "Hi Sir, kan inhmu ta maw. Awlsam takin min chhuichhuak a, mahse mak ka ti hran lo, mi fing tak kha i ni miau a. Nang hmuh che hi ka duh daih zawk asin, hei tunah chuan ka thu ngeiin ilo kal a, I HAVE DONE MY HOMEWORK." a ti a. Nathana chu zalo tak hian a nui suk a, "Keima tan chauh nilo, khang thi ta mi paruk, i thah takte avang khan, nang ka hmuthei che a, khang victim ho vang kha, I HAVE ALSO DONE MY HOMEWORK." tiin a chhanglet a. Moses-a chuan, "Victim a? Khang mite zingah khan tumah victim an awm lo, misual, criminal vek an nihkha. Khang mitena an tihnat te ho zawk kha victims chu an ni." a ti a. Nathana cuan, "Chuan nihleh nangpawh doctor i ni lawm ni? Victim nge i nih a, tualthattu zawk?" a ti let leh a. Moses-a hmel chu a dang chiang ngei mai, chutih rual chuan Rosy pawh. Moses-a chuan thinrim hmel tak hian, "Ka ni ve ve." a ti a. Nathana chuan, "Mihring te chuan tupawn nihna pahnih kan chhungril ah hian kan nei ve ve alawm, achang leh a tuartu kan nia, achang leh pawikhawih tu." a ti a. Moses-a chu thinrim tak hian a tho a, "Police force ah chuan in pahnih hian atha ber te in ni, abikin nangmah, i retire hma loh chu. Saw i police puite pawh saw an thil tihsual vangin hremna tur tam tak ka la nei, nangpawh hian pawikhawih mah la ka chhuah biklo ang che." a ti a, kan ngawi thap a. Moses-a bawk chuan, "TInge Sir, khatia mi en reng a? Hei hi alawm dikna ka thlen tir dan chu. Mihring te control thei tu ber chu hlauhna hi a ni, chu hlauhna chu tupawn kan nei vek ani. Chuan Pathian awm rin te pawh hi hlauhna chikhat ani, i ti ve em? Chuvang chuan thil tisual tu chuan, min hlau tur a ni. Chuan hlauhna chu kei, Dr. Moses Lalruatpuia hi ka ni." a ti a. Nathana chuan alu abu nghauh nghauh a, "Khawvela hlimna te tlansan in, i thil tih hi khawtlang tana tha angah i ngai amaw? Dr Rosy lah chuan i thilsual tihah a la pui zui bawk che a, i bula a awm chhan hi hmangaihna vangah i ngai em? Nge ni a hlauh vang zawk che?" a ti a, Rosy hmel chu a diklo tan, Nathana bawk chuan, "He khawvelah hian hlauhna tluka hlauhawm a awmlo, chuchu i ngaihdan tiraw?" a ti a. Thinrim tak chuan Moses-a chuan, "Pu Nathan, i tawng hnem mah mah aw, i huang chin i pel ania." a ti a, Nathana chuan, "Nang zawk hian i huang chin chu ahma daih tawh khan i pel tawh ani. Engvanga ka huangchin pel lo tura min tihlet ngam zawka?" a ti a. Moses-a chuan, "Nia, ka pel alawm, ka naupan lai atangin heng thu hi ka hre tawh...court thuthlukna, Sorkar rorelna..a dik vek a, mahse heng system te hi kan hman dan a diklo alawm. Heng te chu thuthlukna tawp siamtute chu mi hausa te bak anni lo. Sorkar anih chuan CM, Court anih chuan Judges te, Sakhuana anih chuan Pastor te, puithiam te. Hei hi a diklo ani, chuvangin dik ni a ka hriat chu ka tive animai." a ti a. Nathana chuan, "Khang thu i sawi te kha, khawvela dictators ropui tak tak te sawi hnu vek a ni, mahse anchunga thil thleng ta te kha chu ka hrilh che angaiin ka hrelo." a ti a. Moses-a chu a nui a, "Come on Sir, dictator te chu kan mamawh alawm, kan ram hian amamawh, keimah ang hi." a ti a. NAthana chuan, "Zirtirna thalo tak atanga rawn seilian te hi khawvela mimawl leh khawngaihthlak ber te an ni." a ti a, Rosy lam chu a va en a, "I bialpa hian dan aiin amah hi a dik a inring zawk a, ka sawi hreh viau nang a, i bialpa hi mimawl a ni." a ti ta hmiah mai a. Moses-a chuan, "Ka mawl maw? Rosy ilo hria em, ka mawl a ti hepa hian." a ti vak vaka, Nathana chuan, "Ansual te thup nana sum leh pai hmanga dan bawhchhe ho te...chungte ho chu i hrem duh amaw?" a ti a, Moses-a chuan, "Ni e, ka insum zolo a, ka that mai ani, thil an tisual alawm." a ti a, Nathana chuan, "Nihleh pawisawi velo, an nupui fanau tekha i ngaihtuah lo em ni? Tuin nge an tan dikna siam ve ta ang? I dikna sawi hian a huangchin a pel a ni. Nakin lawkah chuan i bialnu pawh hi an ni ang khan a la awm ve anga, a bialpa tan liau liau.." a ti a, Moses-a chuan, "Nathan, don't cross your limits....min fiam vak duh suh." a ti a. Nathana bawk chuan, "Kan nun hi fiamthu hlang alawm, kan nunpui angai miau sia." a ti a. Moses-a chuan, "Ka hria tih i hria." a ti a. Nathana chuan, "Ni e, i hria tih ka hria, he hun hi kalo nghak reng alawm keipawn, kan inhmuh hun tur hi." a ti a. Mosesa chuan, "Atawk e, helai hmun inrawn thleng tawh a, in rawn thlenna chhan ber chu in hmuh a hun e, Rosy, lo veng ang che." a ti a, a kalsawn ta daih a.

Nathana chuan Rosy chu a en reng a, "Ka nupui khan, ka police hna hi a haw em em thin a. Filmstar ropui tak a ni a, mahse a duh ber zawk chu doctor nih kha a ni, mi tihdam a duh ani. Rosy, khawngaihin..i nunna khan a au che asin. I dam chhung hun tur a la hriat loh, ala tlailo ania, please.." tiin a ngen a. Chutin lai chuan baseball bat nen Moses-a chu a rawn let leh a, Nathana lam pan chuan a rawn kal a, NAthana chu na takin a hlap a, a thutna thingthuthleng chu a tliak ta vek a. Chuveleh NAthana chuan, "Khanglang chuan...." tih pahin a tho a, hrui te chu a inphelh vek a, tichuan an insual ta a. Rei tak an insual a, Rosy chuan ngawi rengin a en a, Nathana chu a damdawi la rui deuh bawk nen chuan a che tha tehi biklo. Moses-a chuan base ball bat chu a la a, Nathana chu a hlap leh ta , a tlu a. Chu veleh ka lu a min vuak tuma a rawn tlan phei lai tak chuan silai a puak ta dur mai a, Moses-a chu a te thawt a, ban atang chuan thisen a chhuak a, Rosy-i'n a kap alo ni a. ROsy chuan tap zawih zawihin Moses-a chu a tin a, Moses-a chuan thinrim hmel takin, "Rosy...nangpawh maw...ka that vek dawn che u." tih pah a Rosy vuak ve a rawn tum chu Nathana rawn tlan phei chuan a rawn tlawh pawp a, Rosy pistol chu alak sak a, Moses-a chu a tin a. Moses-a chuan a bula thirtiang chu la in a rawn kal leh a. Mahse NAthana chuan, "Moses, atawk...ilo hnai leh anih chuan ka kap ang che." a ti a, Moses-a chuan, "Min kap rawh...chuan ka thih hunah chuan, he khawvel mipui te hian an hria ang, ka thil tih hi a dik a ni tih hi." a ti a, a rawn kal hnai leh chu Nathana chuan a keah chuan ka kap a, a thal ta tawp a. Moses-a chuan, "Na...NAthan...eng ang mihring nge maw i nih le? Tunah pawh dan ang thlapa i la chet theih zawk? Min that ta che." ala ti hram a, NAthana chuan, "Doctor, kan mihringpuite thah hi thil sual ani, chuan i thil tih pawh hi thilsual a ni. Nang chu VILLAIN i ni a, kei erawh chu HERO ka ni, min hrethiam ngailo ang, achhan chu DCP Nathan Malsawmkima ka ni tlat a ni." a ti a. Min phuarna chu a rawn phelh a, tichuan police dangte kan phone a, Rosy leh Moses-a chu an man ta a. PAwna kan chhuah rual chuan NAthana chuan phone call a dawng a..."HELLO, SIR...AMANDAI KA NIA, SIR TUN MAI KHAN I NUPUI SANVI KA HMU ANI, ALA DAM ALAWM SIR...SANVI ALA DAM."

To be continued.....