KUMTLUANG ATAN
KUMTLUANG ATAN
- Aaron Malsawmdawngzuala
Urlawk zan a ni a, bialpa kawphnem viau mah ila, nula hur leh khawlo chu ka ni biklo. Mahse zeplo chuan ka lerh ve chiang a ni, hemi zan pawh hian ka bialpa ni mek nen kan inthen a, mahse mipa dang chu ka duh chuan ka hmuzo lutuk ni mai lovin ka nei nghal thei ang, haha. Ka nu leh pate hian tihngaihna min hre tawh hlawl lo a, hmeichhia ve si, bialpa hi thla khatah pahnih pathum te ka nei a, ka lerh tih chu ka pawm, mahse ka la virgin ve tlat, mi hur ka ni lo miau a, a hunah chuan ka insum ve thei lutuk, chubakah ka pasal tur tan chauh ka in vawng thianghlim ve a, a nihna takah chuan ka bialpa neih tawh ho te hian min fight ve nasa thin, mahse an hlawhtling ngai lo. Mi min sawidan chuan duhtu apiang nihpui thei leh hmeichhe zu heh leh hur angin min sawi thin a, mahse kei Lalmuanawmi, Lallianmawia fanu hi nula virgin ka la ni ve tlat a nia aw...haha, mahse hemi zan hian ka virginity chu ka hloh ta ani.
Zep lo chuan ka lerh a, bialpa tello in ka awm thei lo, ka pawm thlap, zu ka in thin a, ka tawng hnem a, ka zaktheilo bawk, hmangaihna tih leh FIRST LOVE CAN NEVER DIE tih vel hi ka ring velo a, ka nuih a ti za zawk, hmangaihna tih vel mai mai a buai ka peih ve lo. Chubakah FIRST LOVE CAN NEVER DIE tih te phei chu ka ringlo leh zual, ka pu first love kha ka pi a ni a, a thi daih tawh, alung pawh kan phun daih tawh, chuvang chuan dawt a ni ka ti ve tawp...LOL. Hemi zan pawh hian zan dang ang bawkin ka thian te nen kan hmang ho a, zu kan in a, ka bialpa nen kan la inthen zui, mahse mipa dang an tam em, hmanpui tur chu ka nei chiang sa. Ka thiannu Mawitei chuan mipa thian paruk vel hi kan zu in thinna spot (Thianpa Zualtea room) ah chuan a rawn hruai lut ve a, hmelhriat ngailoh hlir an ni. Mahse an zinga pakhat chu Ramhlun South-a Class 12 kan nih laia ka school kalpui thin Kimkimi bialpa hlui Aaron-a kha a ni tih ka chiang. Kum 5 lai a liam tawh a, a hmel ala pangngai reng a, Kimkimi nen an nih lai khan vawi 3 vel kan inah lo lenpui a, mi tawngduh tak a ni a, fiamthu pawh a duh hle a, mahse ka nel lemlo, mipa tawng zuah zuah leh thutak pawh sawipui theihloh hi chu ka ngei tlat. Ka duhzawng a nilo, mipa cool deuh hi ka duhzawng an ni a, thawveng viau mah ila, mipa chu han tawng tlem phawt mai se, an tha em em mai ani. Min la hria ngem le, hre tawhlo pawh ni se awm ve tho, ka hmeltha tawh em alawm, in awihloh chuan ka pa zawt mai ru. Zu kan in ho a, mahse zanin chu a tawng tlem khawp mai, enge a chhan le? Amizia chu inthlak hlawk ni mai hian ka hria, kan nui vak vak a, mahse ani chu ngawi rengin zu chu no 5 vel a in tawh, keipawn no 3 vel ka in tawh a, ka dose a hniam ve bawk nen, ka rui nghal der mai. Mawitei chu ka zawt a, "Mawi, tute nge ni reng reng a, i thiante hi an fel hlawm si, haha." ka ti a, Mawitei chuan an zinga mi mipa pakhat chu a siai zeuh a, an inkiss ta bawrh bawrh mai a, "Tikhan hrethiam mai em? Ka duat leh hmangaih em em Dusaka te thianho an nih hi, hei hi ka bialpa Duhsaka nih hi." tih pah in Duhsaka biangah chuan ava fawp leh hram a. Awiiii Lalhmingmawii han over dan hi chu aw, a ruih tawh hi chuan zah hi anei thlawt lo. Chutih lai vel chuan kan boruak chu hit hle mai, anuam hi ni tawp mai, Zuala room hi a zau tha a, sound proof a awm tha bawka, zan dar 12 vel a ni tawh a, hla kan play a, kan lam a, mahse kil khatah Aaron-a chu alo thu ngui bur mai a, beer a lo in bawk a, no 5 vel a in tawh sia, a dose a van sang reuh tak. A tho thut a, pawna chhuah a tum a, Mawitei chuan,"Aaron, khawnge i kal dawn a, lo lam ve la nangchu i cool e." a ti a, chhang lemlo chuan a nui lui sak a, a chhuak ta tho a. Enge ka hriat pawh ka hrelo, ka ngaihtuah em em a, biak chakna ka nei tlat ta nih chu. Ka lam lai pawh ti tui lo zo vek thei, ahmaa ka ngainat loh tehreng nen, va biak chakna in ka khat a, chubakah tinge mi thawveng tak leh tawng duh em em kha kha ti teh fakaua a cool a, a lungngaih hmel em em le, ka ngaihtuah ve ringawt pawh chu a mak ka ti hle. Ka lam lai chuan chhuanlam siam in midang bulah chuan, "Ka kai lutuk ka va inkawm luak lawk." ka ti a, midang ho chuan minlo nuih a, ka va chhuak a, pawn verandah ah chuan alo ding a, ka va pan hnai a, ka rui hle mai aa...ka ruih vang pawh ni maithei ka biak chakna chhan hi, engvang pawh nise rui ta sa sa, be pawp ang aw.
"Hey...tinge i chhuah daih a?"
"Ka lu ana deuh a."
"I van cool reng reng ve a."
"Hmmh..."
"Ihh..Min la hria em?"
"Mamuani kha i ni tiraw?"
"Ui, min la hria maw? School kan kal lai khan ka thiannu nen in nih thin kha, kum 5 lai liam tawh a, min van hre rei vea...hahaha"
(Ka mizia lo chhuak leh ta, ka nui thler leh nghal ta duai duai mai.)
"Hria e...i van hmeltha tawh vea."
(Hmeltha min ti maw, ka pa zawh ngailo in ka hmelthat tawh zia a hria nih hi, LOL. Ka van lawm tak, mahse tinge ka hlim em em le a bula ka awm hian.)
"Hmm..awihawm loh e, nangchu i hmel i thlak lo reng reng, kum engzat nge i nih tawh reng reng, ila young tawp."
"Kum 23 chu ka ni ve tawh a, kan inhriat tirh kha chuan kum 18 chauh ka la nia, anih nang?"
"Keichu kum 20 ka nia, ihmaw i mizia hi mak tawh tawp, tinge i van cool tawh ve a?"
"Kimkimi vang kha nia."
"Ehe, inla ni reng amaw? I van thei zawk ve..?"
(Kei ni thlakhatah bialpa pahnih pathum vel kan nei a nia...)
"Nia tiraw?"
"Minlo hrilh ve la..."
"Hmangaihna an tih hi a awm i ring em?"
"A awm chu ring e, mahse ka hre ve vaklo a tiang hi chu."
"Mamuan, hmangaihna hi a duh chuan a nunrawng asin, mi thawveng leh tawngduh tak pawh mi ngawichawi tak ah min siam ta nih hi, mihring mizia hi a thlak thei a, mi pangngai tak pawh tualthattu ah a chhuah thei a, mi tha tak pawh zu ngawlveiah a chhuah thei a, zu ngawlvei te pawh mi paingthar tha takah a chhuah thei bawk a, mi sual tak pawh mi fel takah a siamthei a, mi thinchhe tak pawh zaidam takah a chhuah thei bawk asin, thil tamtak a ti thei asin."
(A thu sawi lai chuan a mitah tak enin ngun takin ngaihnawm ti em em in ka lo ngaithla a, a thusawiin in hneh nge pawh ka hrelo, amah chu duhna in ka khat a, ngawi rengin ka en char char a, mak ka inti hle mai.)
"Mamuan, Kimkim-i nen hian kum 5 kan inngaizawng tawh a, kan inhmangaih em em a, mahse hun reilote chhung zirna avanga ka zin san chhung khan midang lakah a thianghlimna a chan asin, tumah hrilh ka duhlo, mahse ka hrilh duh che a ni, Kimkimi khan rinawm taka lo awm tur leh min lo nghak turin a intiam a, mahse thlakhat pawh tlinglo ah min phatsan a, achhan pawh ka bula a awm loh vang hi chhuanlamah a hmang a, ka tan dam hian awmzia a nei tawh lo."
Asawi pah chuan beer chu a in pawp pawp a, a kai hle tih a hriat, ka khawngaih hle mai, a kutah ka va vuan a, ani chuan chiang tak hian minlo en a, a mittui a tling piau mai a, a rawn kun hniam a, ka lo maimitchhing a, a hmui nem tak chuan ka hmui chu dim te hian a rawn fawp a. Ka thisen chu a lum ngei mai, ka rui tawh bawk nen, a ni lah a rui bawk nen kan inkiss nasa tial tial a, a duhthawh sawt hle mai. Nghet takin min kuah bet a, a duhthawh tial tial a, ka thaw rang sawt hle mai. Anuam ka ti takzet, a biangah chuan ka va vuan a, a aia nasa in ka fawp a, mahse a mah zawk chu a tawp thut a, "Ka tihpalh lutuk a tia, roomah min luhsan ta daih a, ka va zui a, pawna a car ah chuan a lut a, ka thiante chu anlo la lam a, Duhsaka leh Mawitei te phei chu khumah rizai sin dunin inkuah rialin an lo chatthla der tawh, hahthlak thin a nia. Car lam pan chuan ka va kal a, ngawi rengin car chhungah chuan alo thu a, ka va lut ve a, "Minlo thlah la.." ka ti a, ani chuan min chhang miahlo chuan car chu a start a, chak takin a tlan a, in pakhat tereuh te hi alo awm a, car chu a ti ding a. Ka hrilhhai hle mai, "Aaron hei hi khawilai nge, khawnge kan kal dawn?" ka ti a, ani chuan, "Ka in a nih hi, keimah a awm ka duh a, tah hian ka awm a, Kimkimi'n min then atang khan hetah hian ka khawsa a, ka nu leh pate bulah ka awm peihlo a, he in hi ka patea te nupa te in hlui ania, abul lawk saw kan in chu ani a, ka patean nupui a neih atang khan he in ah hian an indang a, mahse vanduaithlak takin accident ah an nupa in fa pawh an neih hma in an boral a, chuan keiman ka room a tan ka hmang a ni ber mai." a ti a, keichuan, "Mahse tinge min hruai a, chuan tinge nangmahin i awm a, i pa te chuan an phal em ni?" ka ti a, ani chuan," Umm, min hrethiam lutuk, mahse ka rui reng a, tih ngaihna pawh min hre tawh lo. Zantin ka thiante nen kan awm ho a zu kan in a, ka thian thenkhat te phei chuan an bialnu te nena sex hman nan te an rawn hmang a, ka nun hi a chhe vek ni ber hian ka hria. Sawichhuah loh ka duh viau nangin ka bulah i awm a, ka ruih vang pawh aniang, ka inpuang chhuak ta vek mai nih hi. Hmu turin ka duh che a, ka hruai lawk che nih hi, ka thlah haw tak tak tawh ang che aw." a ti a, keichuan inla zei fahran hian, "LEng turin min sawm lut dawnlo em ni a?" te ka'n ti vel a, ani chuan min chhanglo chuan in chhungah chuan min hruai lut ta a.
Inchhung chu a felfai reuh ngei mai, a te nangin engkim chu a awm ve vek a, TV a awm a, fridge, washing machine, computer leh thutthleng te chu a awmna hmun tur takah a inrem kim ve biai mai. Room pakhat a awm a, chutah chuan minluh pui a, khumah chuan a thu a, a senchi a rawn phawrh a, "In belh ila tum a mi, i kai tawh em kha, engtin nge min thlah theih ang?" ka ti a, min chhang miah lo chuan a thli a, no 2 chu a tlak leh pawp mai a, a dose avan sang tak. Ka in ve duh nge duh lo min zawt a, keichuan no khat chu ka'n in ve leh hram a, ka duh aiin ka kai ta mah mah e. A kawr a phelh a, tawnzau nen a awm a, min pawt hnai a, nasa tak mai chuan min fawp ta bawrh bawrh mai a. Ka hnute a tham a, indan ka tum a mahse tha ka neilo, ka rui tawh bawk si leh ka thisen lo lum ve tawh bawk nen, amah ka lo duh ve tho bawk nen, kan insum zo lo chu kan chesual ta a, kum 20 chhung zet a ka lo vawn thianghlim, ka zahawmna ka pasal tan chauh a ka hlan tur chu Aaron-a chungah chuan ka hlan ta a, a hunlai kha chuan nuam ka ti hle mai, mahse atuk zing ka harh chuan ka lu na takzet a, ka bulah chuan alo mu tawh hauh lo mai. Ka ngaihtuah let a, ka van inchhir ta em. Ka thawmhnaw ka ha a, inchhung vel chu ka en a, tumah an awm lo a, paper them hi dawhkanah alo awm a, ka la a, ka chhiar a.
"Mamuan ka tihpalh a ni, ka insum zo lo a, mahse siamthat theih ani tawh silo a, kan oahih a thuruk ni rawh se, tumah hrilh lo la, kan mualpho loh nan i hmui kha chip hmak ang che aw. Ka number ahnuaiah kha ka ziak a, tah khan kan inbe leh dawnnia. In chhung kha chhuahsan vat ang che ka chhungten an hmuh hma che in, tala leh chahbi kha TV chungah ka dah a, lo kalh thlap la, zanah chahbi kha min pe dawnnia. 9862******."
Ka rilru a na hle mai, ka tap zawih zawih a, mi min sawidan chu a dik ta, hmeichhe lerh chauh pawh ni tawhlo in mi hur tak ka ni ang mai hian ka inhria a, tiang em em a easy mai chu, Aaron-a chuan min van ngainep dawn tak em. Inah ka haw a, a numberah chuan ka call a, switch off a inti tlat bawk si, message tam tak ka thawn a, mahse min chhang silo. Ka chhungten hre ta se engtin nge ni ta ang? Ka mangang tak zet a, ka roomah cuan Krismas ni ah pawh inkhawm lovin nilengin ka awm a, ka chhungte bulah chuan ka lu ana tiin chhuanlam ka siam a, ka tap nileng a, tinge leng tura min sawm turin ka lo tih kher kher ni...ka at vang vek, ka thiamlo takzet a ni. Zu hi ka rui leh tawh ngailo ang, ka rilru ah chuan Aaron-a chauh a awm a, hetia min kalsan tawp anih chuan ka chan tur chu a van rapthlak dawn tak em! Engthil nge ka tih ang, ka tawngtai a, mahse min chhang har bawk si, ka hlauthawng tulh tulh a, chaw pawh ka eilo, ka tahna avangin ka mit chu a bui vek lehnghal. Zan dar 7 velah chuan ka phone a rawn ri a, amah ngei kha ani, rang takin ka la a.
"Mamuan, keimah...chahbi kha?"
"Aaron, engtin nge ka tih ang, nangchuan chahbi chauh i ngaipawimawh a, ka zahawmna hi ngaipawimawh ve ta che."
"Mamuan...ka tihpalh, kan inhmu dawn lawm, lo kal phawt la, hei in inbula footpath ah khan ka nghak che ania."
"Ka zahawmna kawltu i ni tawh ania, ka hlauthawng ania..."
"Tap lovin sawi rawh, ka hrechiang theilo...lo chhuk ohawt rawh."
Phone a dah daih a, chhuk nghal ka tum a mahse, awi awi awi...ka lo la inbual lo reng reng nih hi. Ka rimchhe lutuk, zu rim nen thlan rim nen, ka lo hrelo reng reng nih hi. Minute 10 vel chu ka inbual a, tichuan nalh takin ka inchei a, ka chhukthla ta a, tichuan kan inphur chhuak a, chahbi ka pe a, kan tlan chhung zawng chuan kan inbe miahlo a, kan ngawi reng a, an in bulah chuan kan ding a. Car chhungah chuan kan la awm dun reng a, "Mamuan, hun min pe rawh, inngaihtuahna hun tal min pe rawh." a ti a, kei chuan thinrim zet leh tap tuau chung chuan, "Aih, min nei mai rawh, mipa dang rilru ka tina duh lo, ka thi mai ang." ka ti a, ani chuan, "Tih ngaihna ka hre biklo nih hi, engvang nge pawh ka hre lo, a thleng ve tawp anih hi...innei pawh ni ila kan hlim dawn chuang em ni? Min duh reng reng ami? MIn hmangaih a mi?" a ti a, kei chuan, "Aaron ka duh lo che, ka hmangaih bawk hek lo che, mahse ka thianghlim na min laksak a, duhthlan tur ka nei hleinem min nei rawh." ka ti tuau a...a ngawi vang vang a, "Car atang hian chhuak rawh, tunah chhuak nghal rawh, i hur vang leh i easy vang vek, nan hi ka nei kumkhua lo ang che." min ti ta hrep a, min nam chhuak rawk rawk a, an inah chuan min luhsan ta daih a, chhuak em em in ka tapa, leiah ka bawk thlawp a, ka tap hawm hawm a, ana ani, ana ka ti takzet. Mipa hi hetiang vek hi ami an nih le? Kan taksa mawina min chen bawlhhlawh sak a, ngatan mah ngailovin min kalsan leh thin si, tinge kan vanduai bik em em le? Sawichhuak lo mah ila thudik chu ala lang chhuak dawn tho tho si. Khawvawt hnuaiah chuan khur beuh beuh leh tap tuau chungin mit bui churin muang changin ka kal a, ka hlau ngei mai. Kawnglaia zurui thenkhatin zahmawh rawng kai tak takin minlo chhaih bawk a, mahse ka dem lo, ka tenawm takzet a ni, mihur chu ka nia lawm, mahse ka na ani. Hei tluka hremhmun hi a awm thei dawn chuang em ni? In chu ka thleng ve mai a, anlo mu vek tawh a, ka room ah ka chho a, ka tap zawih zawih a, ka phone ka en a, a message pakhat pawh ka hmulo, keiin ka be ngam tawh silo. Ka tap vak vak a, ka muhil thei bawk silo, ka inlet ka inlet a, inthah daih te ka duh hial a, mahse ka kalna tur hi a chiang ve angreng bawk sia, tiang em em hian ka nat ka inring ngailo asin le...atawp ah chuan ka intap chau aniang, ka muhil ve ta a.
Hun aliam zela, kan inbe ngailo a, thiante zingah pawh ka inthlahrung em em a, inzep reng rengin hun ka hmanga, ka damlo zing ngei mai, tenawm bik riau te hian ka inhre hial thei a, thiante bulah pawh ka awmtam peih lo, tumah ka hrilh ngam lo bawk a, sawichhuahna tur ka duh ngei mai, mahse ka ngam bawk silo. Mi zawng zawng hian min nuihzat nimai hian ka hria a, ka inten hluah hluah a, engtia awmzel tur nge ka hrelo, ka hmahun a thim em em a, engtin nge ka awm dawn tih ka hre silo. Hun a kal zel a, insawisel neuh neuh ka nei ngah ta hle mai, ka lu a na a, nitin mai hian ka thinchhe telh telh a, ka thil ei a tuilo, sa rim ka hriat phei chuan ka uak tuar zel a, achhan ka hre silo. Ka pum hi a na reng a, ka lu ana reng bawk a, ka khua a sik zing bawk si. Ka awm a nuam theilo, atawpah chuan thil ka hrechhuak zawk mai, ka in ringhlel ta a, zun test-na ka lei a, ka test a, ka hlauh ang ngeiin ka rai ta. Hrilh tur dang awm hek lo, Aaron-a chu ka hrilh ta ringawt mai a, "KA RAI" tiin message ka thawn a, ani chuan inhmu turin min sawm ta a. Zan dar 9 vel anih chuan ama in bik te ah khan kan in hmu a, roomah khumah chuan kan thu dun a, a ngawi reng a...
"I rai tak tak amaw?"
"Um rai e, i fa ka pai."
"Engtin nge ka fa ani tih i hriat theih a, keimah chauh hi mi minla mutpui?"
"Min ringlo amaw, chutianga tenawm ka nilo asin."
"Birth control pills te i eilo mi?"
"Eilo, engmah ka ngaihtuah tawh bik hleinem."
"Atha e, pawisa engzah nge i mamawh ang, tihtlakna turin?"
"Eng a? Malsawmdawngzual, i zak miah nang e, ka fa a ni a, i fa ani bawk a, thah i duh amaw?"
"Mihring tak tak pawh ala nih loh kha, ti tla la, pawisa ka pe che anga min rawn be tawh suh."
"A tha e, engtik lai mah in pawisa ka mamawh thu ka sawi lo, ka mamawh ber chu ka fa hian 'pa' tia kohtur hi nei se chu chu ka mamawh a ni, min be tawhlo la, ka chhungte chu engkim ka hrilh vek ang, i duh duh danin awm la, ka fa hi ka titla lo anga ka pai tlang ang, chu chu hria ang che." tih pain ka tlan chhuah san a, ka tap haw leh ta. Mipa vang hian ka tap ve mai mai ngailo asin le, tinge Aaron-a vang hian ka tah tak reng mai le? Diktak chuan tihtlak chu ka duh lutuk ringawt, fa neih ka la ngam lo, mahse ka fa a ni a, anu ngeiin a athah chuan tualthattu ka ni mai dawn si a, mahse ka pai tlang em em ang. Ka fa lo piang tur hian pa tia kohtur neilo mahse kei a nu hian ka damchhungin ka thih thlengin ka enkawl dawn a ni, ka thiamloh ani a, engvang mahin ka ti tla lo ang tiin ka insehruh a, thu ka intiam ta a. Ka haw a ka nu leh pa chu anlo awm a, ka nau nen an pathumin meilum an lo ai a, an hmaah chuan ka va thingthi a, tichuan thil engkim chu ka sawi ta vek a...an hriattirh vela min tihdan leh kan buaina vel chu sawilo zawk mai teh ang, World War 3 hi ni ringawt, hahaha, sawi tam lo mai teh ang.
Engkim hriat a ni ta a, tih ngaihna awm heklo, kei kum 20 chauh ka la ni a, Aaron-a kum 23 chauh ala ni bawk si, hna neilo ve ve mah ila tih thei dang nei talo chu Aaron-a pa chuan thuthlukna siam in inneih a rawt ta tawp mai a, Aaron-a in luahlai, apatea te inhluia awm chu Aaron-a chuan a duh tlat a, apa pawh chuan a fapa luhluh tak thu chu a hnial thei tawh ngang biklo a pawm ta a, in hmangaih lo ve ve chu inneih a ngai ta tlat mai le. Mahse kei chu ka thaw a veng huai a, ka rilru na hle mahse ka zahawmna kawltu ngei nen kan innei thei chu ka lawm letling hle mai. Inneihn ni a lo thleng a, ka thiante zawk chu a phur ber ber ah anla tang zui, monu ber ai pawh an rawn inchei nalh zawk a, Mawitei phei chu rawn vul tawps...haha. Pathian leh kohhran hmaah Dan 2-na in tiam tlat e tiin thu kan chham a, in hmangaih ngai lo leh in hre ngai em em lo te pahnih chu nupa kan ni ta der mai. Inneih zanah chuan ka pasal chuan roomah min ko a, khumah min thut tir a, "A hming mai chauhin nupa kan ni a, nangmah vang vek ani tih hre rawh, tawngkam khat pawn min chhanglet suh ang che. Ka thusawi apiang hi zawm la, chuan engtikah mah kan mudun ngailo ang. Chuan kan inneih rei hi ring suh ang che, hun alo kal zel anga, hmeichhia te pawh kalo hruai lut ang, i pasal ka nih angin ka thu zawm la engmah ka chhungte bulah sawi hlek suh ang che aw. Khumah hian fa i neih hma chu i mu thei ang, kei chu sitting room ah ka mu anga, min hmangaih lo a, keipawn ka hmangaih lo che. Chuvang chuan te tenawm ka nei che a, ka thu i zawm lo nih chuan ka khawih hreh miahlo che, chu chu i hria em?" min ti ta phiar phiar maia, hlau takin ka en a, ka khur zawih zawih thei hial a, ka van inkhawngaih tak em, ka chhan mailoh avang chuan ka chalah min nem sawk a, ka eu dawrh a, "I hria em ka tih chu?" tiin min vin leh vaka, zawitein "Aw ka hria e." tiin ka chhanga, a hmel ka en a, ka hlau ngawih ngawih a, tichuan min lenchhuahsan nghal a.
Kar 2 vel kan innei tawh a, kan inbe ngai mang lo, achang chuan hmeichhia te arawn luhpui a, hla an play bengchheng em em a, ka nulat lai ka ngai ngei mai. Mahse a dah pawh ka va dak chhuak ngamlo. Min vau reng a, min mutpui duh silo, zanah te hian ka pum hi ana vak zel a, mahse ka au ngam silo, keimahin ka inbuai pui a, ka muhil mang ngai lo. Nileng zankhua in ka tap a, ka thiamloh vang liau liau in tihian ka awm ta chu a nia, pasal sual tak ka neih phah ta a, athu ka hnial ngailo, chaw chhum, hmun tihfai pawh khawsik chungin ka ti vek zel a, ka chhuah aphal ngai bawk silo. Mahse kut erawh chu min thlak ngai hauh lo thung, mahse min vau reng mai hi chu a hrehawm takzet a ni. Nitin zantin hian a rui reng a, alo haw tlai thei si, min chhuahsan reng a, ka chungah sual hle mahse ka pasal a ni miau a ka ngai thei hle mai. Achang phei chuan ka hmuh tur ngei hian a hmeichhe rawn hruailuh te hi a kiss a, ka na thei hle mai, mahse ka thiamloh vang ani tih ka hria a, ka tuar hram hram zel. Min ten hluah hluah ni ber hian ka hria, ka pian a nalh ve tehreng nen min it ngai miahlo mawni le, te ka ti ve mai mai a, LOL. Hun alo liam ve zel a, ka dul pawh lian ve telh telh a, mahse infit lo tur khawp a lian la nilo, ka la che thei ve hle a. Zankhat chu alenglo ve khiah mai a, thutthlenga mu chungin TV a en a, Kimkimi leh a thiannu anlo leng ta tlat mai. Aaron-a'n Kimkimi a hmuh rual rual chuan a tho a, Kimkimi chuan elhsen zet hian, "Awi, ka ex chu, nupui i nei tih ka lo hria a, chupawh Lalmuanawmi mai mai lehnghal, rinawm viau khan i insawi a tiraw, haha, ilo tenawm fe zawk nih hi. Kan in ang ta reng mai, in in pawh anuam e." a rawn ti vel ham ham a, zu rim lah chu a nam em em lehnghal, ka zak lutuk chu ka hmai a sen tawn tawn a. Aaron-a ka va en a, a thinrim hle tih pawh a hmel atang chuan a hriat theih. Keichuan zaidam takin, "Lo leng thu ru, thingpui in duh em?" ka ti a, Kimkimi chuan, "Kan thu peihlo, ka ex nen a in inneih thu ka hria a, ka rawn hmu ve chak che u, chuzawng chu ni mai, in inhmeh e, tikhan rethei tak khan in awm dawnnia." a la ti zui, a thiannu chuan, "Kim, a zahthlak emai, Aaron min hrethiam hram rawh aw, arui a nih hi, a inhnem deuh a, kan chhuak mai nge, pawi ka ti khawp mai." a ti a, Kimkimi chuan, "Ka ruilo, Malsawmdawngzel..oh Dawnglian, nilo Dawngzuala zawk tiraw kha...hahaai i hmingpum pawh ka la hria nih hi, enteh...my dear exxx tihian ilo awm ve reng a, ka hrilh ang che, min dem em em a tiraw, tuna ka bialpa hi maw nang ai feee chuan a tha tih hre rawh, hausa bawk..." a tawng zawh hma hma chuan Aaron-a chuan, "Lalrinkim, i duhtawk thei tawh em, kei aia a tha zawk nih chuan kan in chhe tak atang hian chhuak la, i bialpa nen chuan innei ula, in nalh tak leh ropui takah chuan va awm zawk ta che...chhuak rawh." a ti a, kei chuan zawite hian, "Kim, ka lo thlah ang che u." ka ti a, chuveleh Kimkimi chuan, "Zawngi, ve che hian a, school kan luhlai atang tawh khan mi lerh tia hriat lar i nih kha hre rawh, ka bialpa ani thin tih hre rawh i pasal hi, i pasal hi maw ka duh duh danin ka tir kawi thin tih hre rawh, ka sawi zawng zawng a pawm vek, nang ang mi lerh leh khawlo a nie che hi a vanduai khawp mai." tiin ka hmaichhanah chuan chil per chhawk chhawk khawp in min vin a, ka thu hnawk a, ka tap zawih zawih a, Aarona chuan pawnah anam chhuak dun a, "Lalrinkim, i zak nange, ka nupui hi i rawn vau vel amaw, nang ai chuan a tha zawk, ka duh a ka hmangaih vanga nei ka ni, lo inrawlh suh, kan inhmangaih vang chauha innei kan ni tih hre rawh, vawikhat pawh ka nupui hi rawn vau leh teh, i chaklo viau ang tih hre rawh, kum 5 chhung zawng khan nang hian min lo bum thin tih ka hria, mahse ka nupui hi chuan min hmangaih a, min bum ve lo ang, lo kal tawh ngai suh ang che." tih pahin kawngkhar a kalh hmak a. Min rawn en vung vunga, inthiamlo hmel takin, "Ihh...ka tihpalh aw, va mu tawh rawh, pawi ka ti khawp mai. Sawi zui ka duh tawhlo nia, naktukah chuan theihnghilh vek ang aw." a ti a. Engthil nge ka hriat kha, Aaron-a'n ngaihdam min dil amaw, thla khat ka innei tawh a, pangngai tak leh tawngkam vin miah lo a min biak awmchhun a ni, tin...ka thlavang a hauh bawk a maw, ka pasalin ka thlavang ahauh ania, awithaw...ka van hlim em, ka insum zolo chu mittui nen ka nui a, "Mamuan...mamuan, ka biak che kha va mu rawh le." a ti leh a, ka hlim lutuk a ka lo chhang lawk theilo lawmle, min vin leh hmain mu hmaks ang, "Awle muttui aw." ka ti a, min chhang lem lo, kan mu ta a. Zanin chu zandang anglo takin ka van muttui tehreng em, ka mu nui vur vur a, ka hlim ngei mai.
Atuk zingah chuan alo chhuak leh hman daih tawh a, chaw pawh a ei awm silo a, ka van ngaihtuah reuh tak kan pa tak hi chu aw...(te ti ta vel, haha). Nilengin a bo leh a, nidang zawng aiin ka ngai, vawiin chu, ka ngai ngawih ngawih. A thawmhnaw bal ho leh ka thawmhnaw bal ho te chu ka su a, pawna thawmnhaw ka zar lai chuan Kimkimi hi arawn kal a, a rawn rui leh ngei bawk a.
"Khawnge ka bialpa hlui i pasal kha a awm?"
"A chhuak a, lo leng thu la ka phone haw dawn mi?"
"Angai lo, a awmlo hi a tha zawk, ngaithla rawh, Aaron-a hi kalsan rawh, zaktheilo lutuk, nang ang hi Aaron-a tan ka phallo."
"Ka theilo ang ka tihpalh, ka pasal ania Pathian leh Kohhran hmaah a nuam leh hreawmah pawh inthen lo turin ka tiam tawh asin."
"Hmmh...i a takzet, Aaron-a hian a hmangaih lo che, minla duh zawk tih ka hria, nizana khatia min an khum avang khan a hmangaih ta che emaw i ti em ni, tunah pawh i bulah awm lovin a fawr bo san che nih hi, mawl lutuk."
(Ka mittui chu ka dang theilo, ka khap per sak sak a, ka ngawi vang vang a, muangchangin thawk ka la a...)
"Ni e Kim, ka hria lawm, min hmangaihlo, mahse nizan khan a vawikhat na atan ka thlavang a hauh a, pasal tha tak ani asin, a tihtur dik tak a ti ani, min hmangaih thu asawi kha dawt pawh nise ka tan chuan alawmawm sin, chuzawng chu ka sawi theih ni se, tunah chuan min kalsan tawh rawh, ka pasal hi ka hmangaih a ka then dawn chuanglo."
"I la chaklo ang." tih pahin min kalsan a, a kal liam chiah chu ka bul deuh lawkah hian Aaron-a chuan ngawi rengin minlo en a, engmah sawilo chuan ka luhsan a, ani pawh chu lo lut lemlo chuan Car ah a lut a, a tlan chhuak ta daih a. Ka na takzet ani, tiang reng renga hun hman hi chu, hremhmun a ni ringawt. Ka bialpa hlui te pawh an ngaihawm rum rum alawm le...(AHAAIII)
Zan dar 6 velah chuan alo haw a, Chicken Lollipop hi alo hawn teuh a, huiham an party leh dawn ni ngei ang. Dawhkanah a dah a, room ah chuan a lut a, a chhuah lehnghal mai ringin ka lo be lemlo a, mahse a thawmhnaw a thlak a, mak ka ti hle mai, achhuak dawnlo mawni le? Min rawn en vung vung a, arui lo ve khiah mawle....mak tawp. Fridge-a tui in pah chuan, "Mamuante, zanin chu Chicken Lollipop hi kang teh aw, tam kan pawh ngailo ang, ei nghal thei turin." a ti a, keichuan, "Tunge lo leng dawn a? I chhuak dawnlo mi?" ka ti a, ani chuan, "Dawnlo, tumah anlo leng dawnlo, zanin chu ka nupui nen chauh arsa kan eidun ang chu ka lo tia." a ti a. Ka mumang ami, a sawi tak tak em, min han sik teh u....ka mumang chu ni silo, ava han nuam chiang ve kha chu, phur takin, "Awle, ka kang nghal ang aw, khawi tunah..." ka ti a, phur takin ka va kheh sawk sawk a, tel ka chhuang nghal a, awi awi awi ka pasal hmelthat zia hi chu awwww. "Tuna tih ngailo sin, chaw kan eikham chauh a, tut tut a che." min ti a, mahse ka kang lui tho, haha. Chumi zan chuan zan dang ang lo takin kan titi duna, nupa hlim tak ang maiin kan thudun a, anuam eeee...amizia inthlak lutuk chu ka ngaih thalo tep lawm le. Kan intawn chhoh dan te, kan chetsual dawna kan zu inhnem zia te leh ka lam thiamlo a tih zia te kan sawi a, kan nui dun a, kan in chhaih vel a, "I lam thiamloh zia kha.." min ti a, kei chuan nalo te hian, "Naa i sual e." tih pahin ka beng vel a, ka over tawps a nimai. Dar 10 lo ri der mai, ka mutchhuak tawh a, "Mu tawh ang a tlai tawh." ka ti a, ka pasal chuan, "Ih mut hma thil hrilh tur che ka nei a, ihmaw...Mamuan min hmangaih lutuk tih hi ahma khan lo hria ila tha tur ania, vawiin a Kimkimi nena in inbiakna kha ka lo ngaithla reng a, hmeichhe chak tak leh tuarchhel tak i ni, chu zawng chu...muttui aw, le i room ah mu tawh rawh le." a ti a, ngawi rengin ka lut a, ka inngaihtuah nasa ngei mai, ka pasal hi engtik lai khan nge ka hmangaih ka hre lo, mahse a sawi takah chuan ka hmangaih ngawih ngawih a ni. Tui takin ka mu ve leh thei ta.
Hun chu a kal ve zel a, ka dul pawh lian sawt khawp mai, ka pasal nen chuan kan inngeih tial tial a, aleng ngai em em tawhlo, ka bulah hun a hmang tam ve tawh a, mahse len zeuh zeuh a hrat. Zankhat chu a leng rei khawp a, tlai tawkah hian alo haw a, a rawn zai lut vela, ka ngai tawh lutuk chu ka insum zo lo a, ka lo hau a, "Ninawm, i rawn rui reng a, kan inngeih ve dawn chauh a, rimchhe thei si, tiang nih chuan ka tlin tawh biklo ka chhuak mai ang." ka'n ti ve khanglang a, ka sawitum pawh ni silo a, mahse panchang taka awm ve ka chak a, ka lo sawi chhuak palh a, ani chuan rum tawkin min melh a, chhemthei a va la a, awiii...min vaw dawn ni chiang lutuk, min rawn pan hnai a, ka hlau kher mai, lo titau ve khanglang lo law law ila tha tur, ka bulah a rawn ding a, min vuak a hnekin chhemthei chu mike ah a hmang a, a zai ta vak vak mai a, "I tello chuan, ka tlei theilo, chun nunnem in hraichawi iangin aww, yeah yeah." a rawn ti ta chiam mai a, ka insum zo thlawt lo, ka nui tiah tiah a, awi awi awi, ka nui hlum lo chauh, amah pawh chu a nui a, room ah ka kuah phei a, a mu tual a, a muhil nghal bawrh bawrh a, a pheikhawk ka phelh sak a, a kekawr ah chuan zu a bua ni ngei tur ani, a rim chhe lutuk chu phelh sak ka tum a, a kekawr kawngah ka vuan chiah chu ka kut a rawn man a, meng mang lovin fiahlo tawkin a rawn tawng chhuak a, "Hey, tunge i nih a? Ka nupuiin hria nge, min khawihsuh, kan nu ta ka nih hi aw, ka nuupuuiii kaaa hrilhh dawwwnnn" a ti chuai raih a, ahnar leh nghal bawrh bawrh a. Ka hlim veng veng mai, ka phelhsak tho a, tichuan kekawr fai ka haktir a, tichuan zanin chu khumah amu ve a, kei siting roomah ka mu thung a. Nau neih a hun tep tawh a, zankhat chu nau ka vei ta alawm le, ahunloah ka nei dawn nimaw, ka pum chu a puakkeh dawn ni maiin ka hria, ana ka ti lutuk chu ka au a, "Pa-a, Aaron...nau ka nei dawn a niang, tho rawh, anaaaahh." ka ti a ka au tuar tuar a, a rawn lut a, "Tinge tinge, mawh?" a rawn ti a, amangan hmel hle mai, "Nau ka nei dawn niang ana lutuk." ka ti a, aphi ruai a, "Enge ka tih ang, bawihte tuar hram hram rawh aw enge tihtur?" a ti a ahawi kual ruai a, "I pa te va ko rawh, vatin..." ka ti a, atlan chhuak chiah chu a au nghal vak vak a, "Nu...pa tho ru ka nupui saw, sawww...athi dawn niang, ka hlau ania, nuuuu..." a ti vak vak a, ka pum na lutuk chu ka chau lutuk a, damdawiin min panpui lai pawh ka hre mang tawhlo hrim hrim.
Nau kan nei ta, fanu duhawm tak mai kan nei a, ahmelthat zia chu, anu min chhun fuh lutuk, ngo bawk si, haha... ahming kan la phuah lo a, damdawiin chhuahsan huna phuahah kan ti a. Aaron-a hian a kalsan theilo, a pawm reng mai a, ina kan in enkawl tawh hnu ah pawh chuan a pawm reng mai a, a fiam a, hmuhnawm ti takin ka lo en thin a. Ka hlim tawlh tawlh a, ka pasal hi ka hmangaih tawlh tawlh bawk. Zankhat chu kan chhungkua in ka pa (Aaron-a pa) te inah kan awm kim vek a, Ka pa chuan, "Naute hi ahming in phuah tawh em? Bawiha... enge ni ang?" a ti a, ka pasal duhtak mai chu kan en thap a, a ngawi vung vung a, anui sak a, "A pa hi min chhun anga, ala zaithiam dawn si a, chuvang chuan zaithiam hming phuah sak ang, OLIVIA LALDUHSAKI ni rawh se." a ti a, tha kan ti tlang bawka, kan fanu hming chu Olivia Lalduhsaki a ni. Kar 4 vel aliam leh hnu chuan bazarah chawhmeh ka lei a, ka haw leh chu an pafa in an lo bo daih mai a, rawng ka bawl a, ka pasal lo haw a, "Aaron, khawnge naute?" ka ti a, ani chuan ka pa te inah zanin chu riak se ka tia." a ti a, "Ngati maw, ala te si, chiloh." ka ti a, ani chuan, "Chaw ei ila, zanah ka hrilh ang che." a ti a, chaw kan ei a, hmun ka phiat a in chhung zawng zawng ka tihfel hnu chuan, "Min hrilh tawh la." ka tia, "Ala hma emai." a ti tlat a, dar 8:30 velah chuan ka zawt leh a, "Min hrilh tawh la." ka ti leh a, "Ka inbual phawt dawn." a tia min inbual san leh daih a, a inbual zo a, a inthlak a, ahnuah chuan ka zawt leh a, "Inbual ve phawt rawh fai tawkin aw." a tia, enge maw awmzia ni, ka inbual a, ka inbual rei thei sia, ka zawh meih chuan Dar 9:15 a ri der tawh. Tichuan roomah minlo nghak a, abulah ka va thu a, "Mamuan, ka ti hrehawm thin che a, i mittui ka ti tla hnem hle tih pawh ka hria, min ngaidam rawh aw, min hmangaih hle tih ka hria, mahse ka tina che a, tunah chuan ka danglam tawh. Ka rui tawh ngailo ang, ka hmangaih che a, ka duh lutuk che, chuvang chuan zanin pawh hian nupa inhmangaih tak kan ni tih hi lantir ka duh a, vawikhat mah nupa kan nih hnu in kanla mudun loa, chuvangin zanin hian naute kha ka pa te bulah ka dah a, tuma min tihbuai theihloh turin kan pahnih in hun hman ka duh a ni, kan inbual fai bawk a, zanin chu nupa ang tak takin hun hmang ang aw, i bulah ka mu ve tawh ang, i phal angem?" a ti a, ka lawm rual rual in ka zak deuh a, inbual tura min tihna chhan te kha, haha ka nuih aza, "Duhtak, i zei mah mah lo maw? Umm...ka pasalin min mutpui ve duh nihte chuan ka lo kuahlum ang che." ka ti a, ani chuan, "Duat, ka hmangaih che." a ti a, "Keipawn ka hmangaih che Olivia-i pa." ka ti a, "A aia nasa in ka hmangaih che Olivia-i nu." min ti a, duat takin kan infawp a. Ka pasal Aaron Malsawmdawngzuala hi ka neilo ang tih ka van hlau tak em, ka tawng hi ka van vannei tak em. Lo tuar hram hram lo ila, lo then ta ila chu nuthlawi tiin miin min hmusit anga, mahse ka tuar chhuak ta, ka pasal tluka pasal tha leh hmangaihna ngah hi an awm lo ang, KA HMANGAIH OLIVIA-I PA TLUK RENG AN AWM LO....kha kha nimai. Urlawk zana Olivia-i kan siamna khum ngeiah khan zanin hian nupa nun kan hmang leh thei ta. Kan in kiss a, kan mu a, rizai kan in zawn a, abak chu sawi tawh lo ang.
Naupang zawng zawng mit leh beng hup vek ru, in hmuh ve chi nilo tlats....haha
"For your eyes only, I'll show you my heart
For when you're lonely and forget who you are.
I'm missing half of me, when we're apart.
Now you know me, for your eyes only."
(A tawp ta)
- Aaron Malsawmdawngzuala
Urlawk zan a ni a, bialpa kawphnem viau mah ila, nula hur leh khawlo chu ka ni biklo. Mahse zeplo chuan ka lerh ve chiang a ni, hemi zan pawh hian ka bialpa ni mek nen kan inthen a, mahse mipa dang chu ka duh chuan ka hmuzo lutuk ni mai lovin ka nei nghal thei ang, haha. Ka nu leh pate hian tihngaihna min hre tawh hlawl lo a, hmeichhia ve si, bialpa hi thla khatah pahnih pathum te ka nei a, ka lerh tih chu ka pawm, mahse ka la virgin ve tlat, mi hur ka ni lo miau a, a hunah chuan ka insum ve thei lutuk, chubakah ka pasal tur tan chauh ka in vawng thianghlim ve a, a nihna takah chuan ka bialpa neih tawh ho te hian min fight ve nasa thin, mahse an hlawhtling ngai lo. Mi min sawidan chuan duhtu apiang nihpui thei leh hmeichhe zu heh leh hur angin min sawi thin a, mahse kei Lalmuanawmi, Lallianmawia fanu hi nula virgin ka la ni ve tlat a nia aw...haha, mahse hemi zan hian ka virginity chu ka hloh ta ani.
Zep lo chuan ka lerh a, bialpa tello in ka awm thei lo, ka pawm thlap, zu ka in thin a, ka tawng hnem a, ka zaktheilo bawk, hmangaihna tih leh FIRST LOVE CAN NEVER DIE tih vel hi ka ring velo a, ka nuih a ti za zawk, hmangaihna tih vel mai mai a buai ka peih ve lo. Chubakah FIRST LOVE CAN NEVER DIE tih te phei chu ka ringlo leh zual, ka pu first love kha ka pi a ni a, a thi daih tawh, alung pawh kan phun daih tawh, chuvang chuan dawt a ni ka ti ve tawp...LOL. Hemi zan pawh hian zan dang ang bawkin ka thian te nen kan hmang ho a, zu kan in a, ka bialpa nen kan la inthen zui, mahse mipa dang an tam em, hmanpui tur chu ka nei chiang sa. Ka thiannu Mawitei chuan mipa thian paruk vel hi kan zu in thinna spot (Thianpa Zualtea room) ah chuan a rawn hruai lut ve a, hmelhriat ngailoh hlir an ni. Mahse an zinga pakhat chu Ramhlun South-a Class 12 kan nih laia ka school kalpui thin Kimkimi bialpa hlui Aaron-a kha a ni tih ka chiang. Kum 5 lai a liam tawh a, a hmel ala pangngai reng a, Kimkimi nen an nih lai khan vawi 3 vel kan inah lo lenpui a, mi tawngduh tak a ni a, fiamthu pawh a duh hle a, mahse ka nel lemlo, mipa tawng zuah zuah leh thutak pawh sawipui theihloh hi chu ka ngei tlat. Ka duhzawng a nilo, mipa cool deuh hi ka duhzawng an ni a, thawveng viau mah ila, mipa chu han tawng tlem phawt mai se, an tha em em mai ani. Min la hria ngem le, hre tawhlo pawh ni se awm ve tho, ka hmeltha tawh em alawm, in awihloh chuan ka pa zawt mai ru. Zu kan in ho a, mahse zanin chu a tawng tlem khawp mai, enge a chhan le? Amizia chu inthlak hlawk ni mai hian ka hria, kan nui vak vak a, mahse ani chu ngawi rengin zu chu no 5 vel a in tawh, keipawn no 3 vel ka in tawh a, ka dose a hniam ve bawk nen, ka rui nghal der mai. Mawitei chu ka zawt a, "Mawi, tute nge ni reng reng a, i thiante hi an fel hlawm si, haha." ka ti a, Mawitei chuan an zinga mi mipa pakhat chu a siai zeuh a, an inkiss ta bawrh bawrh mai a, "Tikhan hrethiam mai em? Ka duat leh hmangaih em em Dusaka te thianho an nih hi, hei hi ka bialpa Duhsaka nih hi." tih pah in Duhsaka biangah chuan ava fawp leh hram a. Awiiii Lalhmingmawii han over dan hi chu aw, a ruih tawh hi chuan zah hi anei thlawt lo. Chutih lai vel chuan kan boruak chu hit hle mai, anuam hi ni tawp mai, Zuala room hi a zau tha a, sound proof a awm tha bawka, zan dar 12 vel a ni tawh a, hla kan play a, kan lam a, mahse kil khatah Aaron-a chu alo thu ngui bur mai a, beer a lo in bawk a, no 5 vel a in tawh sia, a dose a van sang reuh tak. A tho thut a, pawna chhuah a tum a, Mawitei chuan,"Aaron, khawnge i kal dawn a, lo lam ve la nangchu i cool e." a ti a, chhang lemlo chuan a nui lui sak a, a chhuak ta tho a. Enge ka hriat pawh ka hrelo, ka ngaihtuah em em a, biak chakna ka nei tlat ta nih chu. Ka lam lai pawh ti tui lo zo vek thei, ahmaa ka ngainat loh tehreng nen, va biak chakna in ka khat a, chubakah tinge mi thawveng tak leh tawng duh em em kha kha ti teh fakaua a cool a, a lungngaih hmel em em le, ka ngaihtuah ve ringawt pawh chu a mak ka ti hle. Ka lam lai chuan chhuanlam siam in midang bulah chuan, "Ka kai lutuk ka va inkawm luak lawk." ka ti a, midang ho chuan minlo nuih a, ka va chhuak a, pawn verandah ah chuan alo ding a, ka va pan hnai a, ka rui hle mai aa...ka ruih vang pawh ni maithei ka biak chakna chhan hi, engvang pawh nise rui ta sa sa, be pawp ang aw.
"Hey...tinge i chhuah daih a?"
"Ka lu ana deuh a."
"I van cool reng reng ve a."
"Hmmh..."
"Ihh..Min la hria em?"
"Mamuani kha i ni tiraw?"
"Ui, min la hria maw? School kan kal lai khan ka thiannu nen in nih thin kha, kum 5 lai liam tawh a, min van hre rei vea...hahaha"
(Ka mizia lo chhuak leh ta, ka nui thler leh nghal ta duai duai mai.)
"Hria e...i van hmeltha tawh vea."
(Hmeltha min ti maw, ka pa zawh ngailo in ka hmelthat tawh zia a hria nih hi, LOL. Ka van lawm tak, mahse tinge ka hlim em em le a bula ka awm hian.)
"Hmm..awihawm loh e, nangchu i hmel i thlak lo reng reng, kum engzat nge i nih tawh reng reng, ila young tawp."
"Kum 23 chu ka ni ve tawh a, kan inhriat tirh kha chuan kum 18 chauh ka la nia, anih nang?"
"Keichu kum 20 ka nia, ihmaw i mizia hi mak tawh tawp, tinge i van cool tawh ve a?"
"Kimkimi vang kha nia."
"Ehe, inla ni reng amaw? I van thei zawk ve..?"
(Kei ni thlakhatah bialpa pahnih pathum vel kan nei a nia...)
"Nia tiraw?"
"Minlo hrilh ve la..."
"Hmangaihna an tih hi a awm i ring em?"
"A awm chu ring e, mahse ka hre ve vaklo a tiang hi chu."
"Mamuan, hmangaihna hi a duh chuan a nunrawng asin, mi thawveng leh tawngduh tak pawh mi ngawichawi tak ah min siam ta nih hi, mihring mizia hi a thlak thei a, mi pangngai tak pawh tualthattu ah a chhuah thei a, mi tha tak pawh zu ngawlveiah a chhuah thei a, zu ngawlvei te pawh mi paingthar tha takah a chhuah thei bawk a, mi sual tak pawh mi fel takah a siamthei a, mi thinchhe tak pawh zaidam takah a chhuah thei bawk asin, thil tamtak a ti thei asin."
(A thu sawi lai chuan a mitah tak enin ngun takin ngaihnawm ti em em in ka lo ngaithla a, a thusawiin in hneh nge pawh ka hrelo, amah chu duhna in ka khat a, ngawi rengin ka en char char a, mak ka inti hle mai.)
"Mamuan, Kimkim-i nen hian kum 5 kan inngaizawng tawh a, kan inhmangaih em em a, mahse hun reilote chhung zirna avanga ka zin san chhung khan midang lakah a thianghlimna a chan asin, tumah hrilh ka duhlo, mahse ka hrilh duh che a ni, Kimkimi khan rinawm taka lo awm tur leh min lo nghak turin a intiam a, mahse thlakhat pawh tlinglo ah min phatsan a, achhan pawh ka bula a awm loh vang hi chhuanlamah a hmang a, ka tan dam hian awmzia a nei tawh lo."
Asawi pah chuan beer chu a in pawp pawp a, a kai hle tih a hriat, ka khawngaih hle mai, a kutah ka va vuan a, ani chuan chiang tak hian minlo en a, a mittui a tling piau mai a, a rawn kun hniam a, ka lo maimitchhing a, a hmui nem tak chuan ka hmui chu dim te hian a rawn fawp a. Ka thisen chu a lum ngei mai, ka rui tawh bawk nen, a ni lah a rui bawk nen kan inkiss nasa tial tial a, a duhthawh sawt hle mai. Nghet takin min kuah bet a, a duhthawh tial tial a, ka thaw rang sawt hle mai. Anuam ka ti takzet, a biangah chuan ka va vuan a, a aia nasa in ka fawp a, mahse a mah zawk chu a tawp thut a, "Ka tihpalh lutuk a tia, roomah min luhsan ta daih a, ka va zui a, pawna a car ah chuan a lut a, ka thiante chu anlo la lam a, Duhsaka leh Mawitei te phei chu khumah rizai sin dunin inkuah rialin an lo chatthla der tawh, hahthlak thin a nia. Car lam pan chuan ka va kal a, ngawi rengin car chhungah chuan alo thu a, ka va lut ve a, "Minlo thlah la.." ka ti a, ani chuan min chhang miahlo chuan car chu a start a, chak takin a tlan a, in pakhat tereuh te hi alo awm a, car chu a ti ding a. Ka hrilhhai hle mai, "Aaron hei hi khawilai nge, khawnge kan kal dawn?" ka ti a, ani chuan, "Ka in a nih hi, keimah a awm ka duh a, tah hian ka awm a, Kimkimi'n min then atang khan hetah hian ka khawsa a, ka nu leh pate bulah ka awm peihlo a, he in hi ka patea te nupa te in hlui ania, abul lawk saw kan in chu ani a, ka patean nupui a neih atang khan he in ah hian an indang a, mahse vanduaithlak takin accident ah an nupa in fa pawh an neih hma in an boral a, chuan keiman ka room a tan ka hmang a ni ber mai." a ti a, keichuan, "Mahse tinge min hruai a, chuan tinge nangmahin i awm a, i pa te chuan an phal em ni?" ka ti a, ani chuan," Umm, min hrethiam lutuk, mahse ka rui reng a, tih ngaihna pawh min hre tawh lo. Zantin ka thiante nen kan awm ho a zu kan in a, ka thian thenkhat te phei chuan an bialnu te nena sex hman nan te an rawn hmang a, ka nun hi a chhe vek ni ber hian ka hria. Sawichhuah loh ka duh viau nangin ka bulah i awm a, ka ruih vang pawh aniang, ka inpuang chhuak ta vek mai nih hi. Hmu turin ka duh che a, ka hruai lawk che nih hi, ka thlah haw tak tak tawh ang che aw." a ti a, keichuan inla zei fahran hian, "LEng turin min sawm lut dawnlo em ni a?" te ka'n ti vel a, ani chuan min chhanglo chuan in chhungah chuan min hruai lut ta a.
Inchhung chu a felfai reuh ngei mai, a te nangin engkim chu a awm ve vek a, TV a awm a, fridge, washing machine, computer leh thutthleng te chu a awmna hmun tur takah a inrem kim ve biai mai. Room pakhat a awm a, chutah chuan minluh pui a, khumah chuan a thu a, a senchi a rawn phawrh a, "In belh ila tum a mi, i kai tawh em kha, engtin nge min thlah theih ang?" ka ti a, min chhang miah lo chuan a thli a, no 2 chu a tlak leh pawp mai a, a dose avan sang tak. Ka in ve duh nge duh lo min zawt a, keichuan no khat chu ka'n in ve leh hram a, ka duh aiin ka kai ta mah mah e. A kawr a phelh a, tawnzau nen a awm a, min pawt hnai a, nasa tak mai chuan min fawp ta bawrh bawrh mai a. Ka hnute a tham a, indan ka tum a mahse tha ka neilo, ka rui tawh bawk si leh ka thisen lo lum ve tawh bawk nen, amah ka lo duh ve tho bawk nen, kan insum zo lo chu kan chesual ta a, kum 20 chhung zet a ka lo vawn thianghlim, ka zahawmna ka pasal tan chauh a ka hlan tur chu Aaron-a chungah chuan ka hlan ta a, a hunlai kha chuan nuam ka ti hle mai, mahse atuk zing ka harh chuan ka lu na takzet a, ka bulah chuan alo mu tawh hauh lo mai. Ka ngaihtuah let a, ka van inchhir ta em. Ka thawmhnaw ka ha a, inchhung vel chu ka en a, tumah an awm lo a, paper them hi dawhkanah alo awm a, ka la a, ka chhiar a.
"Mamuan ka tihpalh a ni, ka insum zo lo a, mahse siamthat theih ani tawh silo a, kan oahih a thuruk ni rawh se, tumah hrilh lo la, kan mualpho loh nan i hmui kha chip hmak ang che aw. Ka number ahnuaiah kha ka ziak a, tah khan kan inbe leh dawnnia. In chhung kha chhuahsan vat ang che ka chhungten an hmuh hma che in, tala leh chahbi kha TV chungah ka dah a, lo kalh thlap la, zanah chahbi kha min pe dawnnia. 9862******."
Ka rilru a na hle mai, ka tap zawih zawih a, mi min sawidan chu a dik ta, hmeichhe lerh chauh pawh ni tawhlo in mi hur tak ka ni ang mai hian ka inhria a, tiang em em a easy mai chu, Aaron-a chuan min van ngainep dawn tak em. Inah ka haw a, a numberah chuan ka call a, switch off a inti tlat bawk si, message tam tak ka thawn a, mahse min chhang silo. Ka chhungten hre ta se engtin nge ni ta ang? Ka mangang tak zet a, ka roomah cuan Krismas ni ah pawh inkhawm lovin nilengin ka awm a, ka chhungte bulah chuan ka lu ana tiin chhuanlam ka siam a, ka tap nileng a, tinge leng tura min sawm turin ka lo tih kher kher ni...ka at vang vek, ka thiamlo takzet a ni. Zu hi ka rui leh tawh ngailo ang, ka rilru ah chuan Aaron-a chauh a awm a, hetia min kalsan tawp anih chuan ka chan tur chu a van rapthlak dawn tak em! Engthil nge ka tih ang, ka tawngtai a, mahse min chhang har bawk si, ka hlauthawng tulh tulh a, chaw pawh ka eilo, ka tahna avangin ka mit chu a bui vek lehnghal. Zan dar 7 velah chuan ka phone a rawn ri a, amah ngei kha ani, rang takin ka la a.
"Mamuan, keimah...chahbi kha?"
"Aaron, engtin nge ka tih ang, nangchuan chahbi chauh i ngaipawimawh a, ka zahawmna hi ngaipawimawh ve ta che."
"Mamuan...ka tihpalh, kan inhmu dawn lawm, lo kal phawt la, hei in inbula footpath ah khan ka nghak che ania."
"Ka zahawmna kawltu i ni tawh ania, ka hlauthawng ania..."
"Tap lovin sawi rawh, ka hrechiang theilo...lo chhuk ohawt rawh."
Phone a dah daih a, chhuk nghal ka tum a mahse, awi awi awi...ka lo la inbual lo reng reng nih hi. Ka rimchhe lutuk, zu rim nen thlan rim nen, ka lo hrelo reng reng nih hi. Minute 10 vel chu ka inbual a, tichuan nalh takin ka inchei a, ka chhukthla ta a, tichuan kan inphur chhuak a, chahbi ka pe a, kan tlan chhung zawng chuan kan inbe miahlo a, kan ngawi reng a, an in bulah chuan kan ding a. Car chhungah chuan kan la awm dun reng a, "Mamuan, hun min pe rawh, inngaihtuahna hun tal min pe rawh." a ti a, kei chuan thinrim zet leh tap tuau chung chuan, "Aih, min nei mai rawh, mipa dang rilru ka tina duh lo, ka thi mai ang." ka ti a, ani chuan, "Tih ngaihna ka hre biklo nih hi, engvang nge pawh ka hre lo, a thleng ve tawp anih hi...innei pawh ni ila kan hlim dawn chuang em ni? Min duh reng reng ami? MIn hmangaih a mi?" a ti a, kei chuan, "Aaron ka duh lo che, ka hmangaih bawk hek lo che, mahse ka thianghlim na min laksak a, duhthlan tur ka nei hleinem min nei rawh." ka ti tuau a...a ngawi vang vang a, "Car atang hian chhuak rawh, tunah chhuak nghal rawh, i hur vang leh i easy vang vek, nan hi ka nei kumkhua lo ang che." min ti ta hrep a, min nam chhuak rawk rawk a, an inah chuan min luhsan ta daih a, chhuak em em in ka tapa, leiah ka bawk thlawp a, ka tap hawm hawm a, ana ani, ana ka ti takzet. Mipa hi hetiang vek hi ami an nih le? Kan taksa mawina min chen bawlhhlawh sak a, ngatan mah ngailovin min kalsan leh thin si, tinge kan vanduai bik em em le? Sawichhuak lo mah ila thudik chu ala lang chhuak dawn tho tho si. Khawvawt hnuaiah chuan khur beuh beuh leh tap tuau chungin mit bui churin muang changin ka kal a, ka hlau ngei mai. Kawnglaia zurui thenkhatin zahmawh rawng kai tak takin minlo chhaih bawk a, mahse ka dem lo, ka tenawm takzet a ni, mihur chu ka nia lawm, mahse ka na ani. Hei tluka hremhmun hi a awm thei dawn chuang em ni? In chu ka thleng ve mai a, anlo mu vek tawh a, ka room ah ka chho a, ka tap zawih zawih a, ka phone ka en a, a message pakhat pawh ka hmulo, keiin ka be ngam tawh silo. Ka tap vak vak a, ka muhil thei bawk silo, ka inlet ka inlet a, inthah daih te ka duh hial a, mahse ka kalna tur hi a chiang ve angreng bawk sia, tiang em em hian ka nat ka inring ngailo asin le...atawp ah chuan ka intap chau aniang, ka muhil ve ta a.
Hun aliam zela, kan inbe ngailo a, thiante zingah pawh ka inthlahrung em em a, inzep reng rengin hun ka hmanga, ka damlo zing ngei mai, tenawm bik riau te hian ka inhre hial thei a, thiante bulah pawh ka awmtam peih lo, tumah ka hrilh ngam lo bawk a, sawichhuahna tur ka duh ngei mai, mahse ka ngam bawk silo. Mi zawng zawng hian min nuihzat nimai hian ka hria a, ka inten hluah hluah a, engtia awmzel tur nge ka hrelo, ka hmahun a thim em em a, engtin nge ka awm dawn tih ka hre silo. Hun a kal zel a, insawisel neuh neuh ka nei ngah ta hle mai, ka lu a na a, nitin mai hian ka thinchhe telh telh a, ka thil ei a tuilo, sa rim ka hriat phei chuan ka uak tuar zel a, achhan ka hre silo. Ka pum hi a na reng a, ka lu ana reng bawk a, ka khua a sik zing bawk si. Ka awm a nuam theilo, atawpah chuan thil ka hrechhuak zawk mai, ka in ringhlel ta a, zun test-na ka lei a, ka test a, ka hlauh ang ngeiin ka rai ta. Hrilh tur dang awm hek lo, Aaron-a chu ka hrilh ta ringawt mai a, "KA RAI" tiin message ka thawn a, ani chuan inhmu turin min sawm ta a. Zan dar 9 vel anih chuan ama in bik te ah khan kan in hmu a, roomah khumah chuan kan thu dun a, a ngawi reng a...
"I rai tak tak amaw?"
"Um rai e, i fa ka pai."
"Engtin nge ka fa ani tih i hriat theih a, keimah chauh hi mi minla mutpui?"
"Min ringlo amaw, chutianga tenawm ka nilo asin."
"Birth control pills te i eilo mi?"
"Eilo, engmah ka ngaihtuah tawh bik hleinem."
"Atha e, pawisa engzah nge i mamawh ang, tihtlakna turin?"
"Eng a? Malsawmdawngzual, i zak miah nang e, ka fa a ni a, i fa ani bawk a, thah i duh amaw?"
"Mihring tak tak pawh ala nih loh kha, ti tla la, pawisa ka pe che anga min rawn be tawh suh."
"A tha e, engtik lai mah in pawisa ka mamawh thu ka sawi lo, ka mamawh ber chu ka fa hian 'pa' tia kohtur hi nei se chu chu ka mamawh a ni, min be tawhlo la, ka chhungte chu engkim ka hrilh vek ang, i duh duh danin awm la, ka fa hi ka titla lo anga ka pai tlang ang, chu chu hria ang che." tih pain ka tlan chhuah san a, ka tap haw leh ta. Mipa vang hian ka tap ve mai mai ngailo asin le, tinge Aaron-a vang hian ka tah tak reng mai le? Diktak chuan tihtlak chu ka duh lutuk ringawt, fa neih ka la ngam lo, mahse ka fa a ni a, anu ngeiin a athah chuan tualthattu ka ni mai dawn si a, mahse ka pai tlang em em ang. Ka fa lo piang tur hian pa tia kohtur neilo mahse kei a nu hian ka damchhungin ka thih thlengin ka enkawl dawn a ni, ka thiamloh ani a, engvang mahin ka ti tla lo ang tiin ka insehruh a, thu ka intiam ta a. Ka haw a ka nu leh pa chu anlo awm a, ka nau nen an pathumin meilum an lo ai a, an hmaah chuan ka va thingthi a, tichuan thil engkim chu ka sawi ta vek a...an hriattirh vela min tihdan leh kan buaina vel chu sawilo zawk mai teh ang, World War 3 hi ni ringawt, hahaha, sawi tam lo mai teh ang.
Engkim hriat a ni ta a, tih ngaihna awm heklo, kei kum 20 chauh ka la ni a, Aaron-a kum 23 chauh ala ni bawk si, hna neilo ve ve mah ila tih thei dang nei talo chu Aaron-a pa chuan thuthlukna siam in inneih a rawt ta tawp mai a, Aaron-a in luahlai, apatea te inhluia awm chu Aaron-a chuan a duh tlat a, apa pawh chuan a fapa luhluh tak thu chu a hnial thei tawh ngang biklo a pawm ta a, in hmangaih lo ve ve chu inneih a ngai ta tlat mai le. Mahse kei chu ka thaw a veng huai a, ka rilru na hle mahse ka zahawmna kawltu ngei nen kan innei thei chu ka lawm letling hle mai. Inneihn ni a lo thleng a, ka thiante zawk chu a phur ber ber ah anla tang zui, monu ber ai pawh an rawn inchei nalh zawk a, Mawitei phei chu rawn vul tawps...haha. Pathian leh kohhran hmaah Dan 2-na in tiam tlat e tiin thu kan chham a, in hmangaih ngai lo leh in hre ngai em em lo te pahnih chu nupa kan ni ta der mai. Inneih zanah chuan ka pasal chuan roomah min ko a, khumah min thut tir a, "A hming mai chauhin nupa kan ni a, nangmah vang vek ani tih hre rawh, tawngkam khat pawn min chhanglet suh ang che. Ka thusawi apiang hi zawm la, chuan engtikah mah kan mudun ngailo ang. Chuan kan inneih rei hi ring suh ang che, hun alo kal zel anga, hmeichhia te pawh kalo hruai lut ang, i pasal ka nih angin ka thu zawm la engmah ka chhungte bulah sawi hlek suh ang che aw. Khumah hian fa i neih hma chu i mu thei ang, kei chu sitting room ah ka mu anga, min hmangaih lo a, keipawn ka hmangaih lo che. Chuvang chuan te tenawm ka nei che a, ka thu i zawm lo nih chuan ka khawih hreh miahlo che, chu chu i hria em?" min ti ta phiar phiar maia, hlau takin ka en a, ka khur zawih zawih thei hial a, ka van inkhawngaih tak em, ka chhan mailoh avang chuan ka chalah min nem sawk a, ka eu dawrh a, "I hria em ka tih chu?" tiin min vin leh vaka, zawitein "Aw ka hria e." tiin ka chhanga, a hmel ka en a, ka hlau ngawih ngawih a, tichuan min lenchhuahsan nghal a.
Kar 2 vel kan innei tawh a, kan inbe ngai mang lo, achang chuan hmeichhia te arawn luhpui a, hla an play bengchheng em em a, ka nulat lai ka ngai ngei mai. Mahse a dah pawh ka va dak chhuak ngamlo. Min vau reng a, min mutpui duh silo, zanah te hian ka pum hi ana vak zel a, mahse ka au ngam silo, keimahin ka inbuai pui a, ka muhil mang ngai lo. Nileng zankhua in ka tap a, ka thiamloh vang liau liau in tihian ka awm ta chu a nia, pasal sual tak ka neih phah ta a, athu ka hnial ngailo, chaw chhum, hmun tihfai pawh khawsik chungin ka ti vek zel a, ka chhuah aphal ngai bawk silo. Mahse kut erawh chu min thlak ngai hauh lo thung, mahse min vau reng mai hi chu a hrehawm takzet a ni. Nitin zantin hian a rui reng a, alo haw tlai thei si, min chhuahsan reng a, ka chungah sual hle mahse ka pasal a ni miau a ka ngai thei hle mai. Achang phei chuan ka hmuh tur ngei hian a hmeichhe rawn hruailuh te hi a kiss a, ka na thei hle mai, mahse ka thiamloh vang ani tih ka hria a, ka tuar hram hram zel. Min ten hluah hluah ni ber hian ka hria, ka pian a nalh ve tehreng nen min it ngai miahlo mawni le, te ka ti ve mai mai a, LOL. Hun alo liam ve zel a, ka dul pawh lian ve telh telh a, mahse infit lo tur khawp a lian la nilo, ka la che thei ve hle a. Zankhat chu alenglo ve khiah mai a, thutthlenga mu chungin TV a en a, Kimkimi leh a thiannu anlo leng ta tlat mai. Aaron-a'n Kimkimi a hmuh rual rual chuan a tho a, Kimkimi chuan elhsen zet hian, "Awi, ka ex chu, nupui i nei tih ka lo hria a, chupawh Lalmuanawmi mai mai lehnghal, rinawm viau khan i insawi a tiraw, haha, ilo tenawm fe zawk nih hi. Kan in ang ta reng mai, in in pawh anuam e." a rawn ti vel ham ham a, zu rim lah chu a nam em em lehnghal, ka zak lutuk chu ka hmai a sen tawn tawn a. Aaron-a ka va en a, a thinrim hle tih pawh a hmel atang chuan a hriat theih. Keichuan zaidam takin, "Lo leng thu ru, thingpui in duh em?" ka ti a, Kimkimi chuan, "Kan thu peihlo, ka ex nen a in inneih thu ka hria a, ka rawn hmu ve chak che u, chuzawng chu ni mai, in inhmeh e, tikhan rethei tak khan in awm dawnnia." a la ti zui, a thiannu chuan, "Kim, a zahthlak emai, Aaron min hrethiam hram rawh aw, arui a nih hi, a inhnem deuh a, kan chhuak mai nge, pawi ka ti khawp mai." a ti a, Kimkimi chuan, "Ka ruilo, Malsawmdawngzel..oh Dawnglian, nilo Dawngzuala zawk tiraw kha...hahaai i hmingpum pawh ka la hria nih hi, enteh...my dear exxx tihian ilo awm ve reng a, ka hrilh ang che, min dem em em a tiraw, tuna ka bialpa hi maw nang ai feee chuan a tha tih hre rawh, hausa bawk..." a tawng zawh hma hma chuan Aaron-a chuan, "Lalrinkim, i duhtawk thei tawh em, kei aia a tha zawk nih chuan kan in chhe tak atang hian chhuak la, i bialpa nen chuan innei ula, in nalh tak leh ropui takah chuan va awm zawk ta che...chhuak rawh." a ti a, kei chuan zawite hian, "Kim, ka lo thlah ang che u." ka ti a, chuveleh Kimkimi chuan, "Zawngi, ve che hian a, school kan luhlai atang tawh khan mi lerh tia hriat lar i nih kha hre rawh, ka bialpa ani thin tih hre rawh i pasal hi, i pasal hi maw ka duh duh danin ka tir kawi thin tih hre rawh, ka sawi zawng zawng a pawm vek, nang ang mi lerh leh khawlo a nie che hi a vanduai khawp mai." tiin ka hmaichhanah chuan chil per chhawk chhawk khawp in min vin a, ka thu hnawk a, ka tap zawih zawih a, Aarona chuan pawnah anam chhuak dun a, "Lalrinkim, i zak nange, ka nupui hi i rawn vau vel amaw, nang ai chuan a tha zawk, ka duh a ka hmangaih vanga nei ka ni, lo inrawlh suh, kan inhmangaih vang chauha innei kan ni tih hre rawh, vawikhat pawh ka nupui hi rawn vau leh teh, i chaklo viau ang tih hre rawh, kum 5 chhung zawng khan nang hian min lo bum thin tih ka hria, mahse ka nupui hi chuan min hmangaih a, min bum ve lo ang, lo kal tawh ngai suh ang che." tih pahin kawngkhar a kalh hmak a. Min rawn en vung vunga, inthiamlo hmel takin, "Ihh...ka tihpalh aw, va mu tawh rawh, pawi ka ti khawp mai. Sawi zui ka duh tawhlo nia, naktukah chuan theihnghilh vek ang aw." a ti a. Engthil nge ka hriat kha, Aaron-a'n ngaihdam min dil amaw, thla khat ka innei tawh a, pangngai tak leh tawngkam vin miah lo a min biak awmchhun a ni, tin...ka thlavang a hauh bawk a maw, ka pasalin ka thlavang ahauh ania, awithaw...ka van hlim em, ka insum zolo chu mittui nen ka nui a, "Mamuan...mamuan, ka biak che kha va mu rawh le." a ti leh a, ka hlim lutuk a ka lo chhang lawk theilo lawmle, min vin leh hmain mu hmaks ang, "Awle muttui aw." ka ti a, min chhang lem lo, kan mu ta a. Zanin chu zandang anglo takin ka van muttui tehreng em, ka mu nui vur vur a, ka hlim ngei mai.
Atuk zingah chuan alo chhuak leh hman daih tawh a, chaw pawh a ei awm silo a, ka van ngaihtuah reuh tak kan pa tak hi chu aw...(te ti ta vel, haha). Nilengin a bo leh a, nidang zawng aiin ka ngai, vawiin chu, ka ngai ngawih ngawih. A thawmhnaw bal ho leh ka thawmhnaw bal ho te chu ka su a, pawna thawmnhaw ka zar lai chuan Kimkimi hi arawn kal a, a rawn rui leh ngei bawk a.
"Khawnge ka bialpa hlui i pasal kha a awm?"
"A chhuak a, lo leng thu la ka phone haw dawn mi?"
"Angai lo, a awmlo hi a tha zawk, ngaithla rawh, Aaron-a hi kalsan rawh, zaktheilo lutuk, nang ang hi Aaron-a tan ka phallo."
"Ka theilo ang ka tihpalh, ka pasal ania Pathian leh Kohhran hmaah a nuam leh hreawmah pawh inthen lo turin ka tiam tawh asin."
"Hmmh...i a takzet, Aaron-a hian a hmangaih lo che, minla duh zawk tih ka hria, nizana khatia min an khum avang khan a hmangaih ta che emaw i ti em ni, tunah pawh i bulah awm lovin a fawr bo san che nih hi, mawl lutuk."
(Ka mittui chu ka dang theilo, ka khap per sak sak a, ka ngawi vang vang a, muangchangin thawk ka la a...)
"Ni e Kim, ka hria lawm, min hmangaihlo, mahse nizan khan a vawikhat na atan ka thlavang a hauh a, pasal tha tak ani asin, a tihtur dik tak a ti ani, min hmangaih thu asawi kha dawt pawh nise ka tan chuan alawmawm sin, chuzawng chu ka sawi theih ni se, tunah chuan min kalsan tawh rawh, ka pasal hi ka hmangaih a ka then dawn chuanglo."
"I la chaklo ang." tih pahin min kalsan a, a kal liam chiah chu ka bul deuh lawkah hian Aaron-a chuan ngawi rengin minlo en a, engmah sawilo chuan ka luhsan a, ani pawh chu lo lut lemlo chuan Car ah a lut a, a tlan chhuak ta daih a. Ka na takzet ani, tiang reng renga hun hman hi chu, hremhmun a ni ringawt. Ka bialpa hlui te pawh an ngaihawm rum rum alawm le...(AHAAIII)
Zan dar 6 velah chuan alo haw a, Chicken Lollipop hi alo hawn teuh a, huiham an party leh dawn ni ngei ang. Dawhkanah a dah a, room ah chuan a lut a, a chhuah lehnghal mai ringin ka lo be lemlo a, mahse a thawmhnaw a thlak a, mak ka ti hle mai, achhuak dawnlo mawni le? Min rawn en vung vung a, arui lo ve khiah mawle....mak tawp. Fridge-a tui in pah chuan, "Mamuante, zanin chu Chicken Lollipop hi kang teh aw, tam kan pawh ngailo ang, ei nghal thei turin." a ti a, keichuan, "Tunge lo leng dawn a? I chhuak dawnlo mi?" ka ti a, ani chuan, "Dawnlo, tumah anlo leng dawnlo, zanin chu ka nupui nen chauh arsa kan eidun ang chu ka lo tia." a ti a. Ka mumang ami, a sawi tak tak em, min han sik teh u....ka mumang chu ni silo, ava han nuam chiang ve kha chu, phur takin, "Awle, ka kang nghal ang aw, khawi tunah..." ka ti a, phur takin ka va kheh sawk sawk a, tel ka chhuang nghal a, awi awi awi ka pasal hmelthat zia hi chu awwww. "Tuna tih ngailo sin, chaw kan eikham chauh a, tut tut a che." min ti a, mahse ka kang lui tho, haha. Chumi zan chuan zan dang ang lo takin kan titi duna, nupa hlim tak ang maiin kan thudun a, anuam eeee...amizia inthlak lutuk chu ka ngaih thalo tep lawm le. Kan intawn chhoh dan te, kan chetsual dawna kan zu inhnem zia te leh ka lam thiamlo a tih zia te kan sawi a, kan nui dun a, kan in chhaih vel a, "I lam thiamloh zia kha.." min ti a, kei chuan nalo te hian, "Naa i sual e." tih pahin ka beng vel a, ka over tawps a nimai. Dar 10 lo ri der mai, ka mutchhuak tawh a, "Mu tawh ang a tlai tawh." ka ti a, ka pasal chuan, "Ih mut hma thil hrilh tur che ka nei a, ihmaw...Mamuan min hmangaih lutuk tih hi ahma khan lo hria ila tha tur ania, vawiin a Kimkimi nena in inbiakna kha ka lo ngaithla reng a, hmeichhe chak tak leh tuarchhel tak i ni, chu zawng chu...muttui aw, le i room ah mu tawh rawh le." a ti a, ngawi rengin ka lut a, ka inngaihtuah nasa ngei mai, ka pasal hi engtik lai khan nge ka hmangaih ka hre lo, mahse a sawi takah chuan ka hmangaih ngawih ngawih a ni. Tui takin ka mu ve leh thei ta.
Hun chu a kal ve zel a, ka dul pawh lian sawt khawp mai, ka pasal nen chuan kan inngeih tial tial a, aleng ngai em em tawhlo, ka bulah hun a hmang tam ve tawh a, mahse len zeuh zeuh a hrat. Zankhat chu a leng rei khawp a, tlai tawkah hian alo haw a, a rawn zai lut vela, ka ngai tawh lutuk chu ka insum zo lo a, ka lo hau a, "Ninawm, i rawn rui reng a, kan inngeih ve dawn chauh a, rimchhe thei si, tiang nih chuan ka tlin tawh biklo ka chhuak mai ang." ka'n ti ve khanglang a, ka sawitum pawh ni silo a, mahse panchang taka awm ve ka chak a, ka lo sawi chhuak palh a, ani chuan rum tawkin min melh a, chhemthei a va la a, awiii...min vaw dawn ni chiang lutuk, min rawn pan hnai a, ka hlau kher mai, lo titau ve khanglang lo law law ila tha tur, ka bulah a rawn ding a, min vuak a hnekin chhemthei chu mike ah a hmang a, a zai ta vak vak mai a, "I tello chuan, ka tlei theilo, chun nunnem in hraichawi iangin aww, yeah yeah." a rawn ti ta chiam mai a, ka insum zo thlawt lo, ka nui tiah tiah a, awi awi awi, ka nui hlum lo chauh, amah pawh chu a nui a, room ah ka kuah phei a, a mu tual a, a muhil nghal bawrh bawrh a, a pheikhawk ka phelh sak a, a kekawr ah chuan zu a bua ni ngei tur ani, a rim chhe lutuk chu phelh sak ka tum a, a kekawr kawngah ka vuan chiah chu ka kut a rawn man a, meng mang lovin fiahlo tawkin a rawn tawng chhuak a, "Hey, tunge i nih a? Ka nupuiin hria nge, min khawihsuh, kan nu ta ka nih hi aw, ka nuupuuiii kaaa hrilhh dawwwnnn" a ti chuai raih a, ahnar leh nghal bawrh bawrh a. Ka hlim veng veng mai, ka phelhsak tho a, tichuan kekawr fai ka haktir a, tichuan zanin chu khumah amu ve a, kei siting roomah ka mu thung a. Nau neih a hun tep tawh a, zankhat chu nau ka vei ta alawm le, ahunloah ka nei dawn nimaw, ka pum chu a puakkeh dawn ni maiin ka hria, ana ka ti lutuk chu ka au a, "Pa-a, Aaron...nau ka nei dawn a niang, tho rawh, anaaaahh." ka ti a ka au tuar tuar a, a rawn lut a, "Tinge tinge, mawh?" a rawn ti a, amangan hmel hle mai, "Nau ka nei dawn niang ana lutuk." ka ti a, aphi ruai a, "Enge ka tih ang, bawihte tuar hram hram rawh aw enge tihtur?" a ti a ahawi kual ruai a, "I pa te va ko rawh, vatin..." ka ti a, atlan chhuak chiah chu a au nghal vak vak a, "Nu...pa tho ru ka nupui saw, sawww...athi dawn niang, ka hlau ania, nuuuu..." a ti vak vak a, ka pum na lutuk chu ka chau lutuk a, damdawiin min panpui lai pawh ka hre mang tawhlo hrim hrim.
Nau kan nei ta, fanu duhawm tak mai kan nei a, ahmelthat zia chu, anu min chhun fuh lutuk, ngo bawk si, haha... ahming kan la phuah lo a, damdawiin chhuahsan huna phuahah kan ti a. Aaron-a hian a kalsan theilo, a pawm reng mai a, ina kan in enkawl tawh hnu ah pawh chuan a pawm reng mai a, a fiam a, hmuhnawm ti takin ka lo en thin a. Ka hlim tawlh tawlh a, ka pasal hi ka hmangaih tawlh tawlh bawk. Zankhat chu kan chhungkua in ka pa (Aaron-a pa) te inah kan awm kim vek a, Ka pa chuan, "Naute hi ahming in phuah tawh em? Bawiha... enge ni ang?" a ti a, ka pasal duhtak mai chu kan en thap a, a ngawi vung vung a, anui sak a, "A pa hi min chhun anga, ala zaithiam dawn si a, chuvang chuan zaithiam hming phuah sak ang, OLIVIA LALDUHSAKI ni rawh se." a ti a, tha kan ti tlang bawka, kan fanu hming chu Olivia Lalduhsaki a ni. Kar 4 vel aliam leh hnu chuan bazarah chawhmeh ka lei a, ka haw leh chu an pafa in an lo bo daih mai a, rawng ka bawl a, ka pasal lo haw a, "Aaron, khawnge naute?" ka ti a, ani chuan ka pa te inah zanin chu riak se ka tia." a ti a, "Ngati maw, ala te si, chiloh." ka ti a, ani chuan, "Chaw ei ila, zanah ka hrilh ang che." a ti a, chaw kan ei a, hmun ka phiat a in chhung zawng zawng ka tihfel hnu chuan, "Min hrilh tawh la." ka tia, "Ala hma emai." a ti tlat a, dar 8:30 velah chuan ka zawt leh a, "Min hrilh tawh la." ka ti leh a, "Ka inbual phawt dawn." a tia min inbual san leh daih a, a inbual zo a, a inthlak a, ahnuah chuan ka zawt leh a, "Inbual ve phawt rawh fai tawkin aw." a tia, enge maw awmzia ni, ka inbual a, ka inbual rei thei sia, ka zawh meih chuan Dar 9:15 a ri der tawh. Tichuan roomah minlo nghak a, abulah ka va thu a, "Mamuan, ka ti hrehawm thin che a, i mittui ka ti tla hnem hle tih pawh ka hria, min ngaidam rawh aw, min hmangaih hle tih ka hria, mahse ka tina che a, tunah chuan ka danglam tawh. Ka rui tawh ngailo ang, ka hmangaih che a, ka duh lutuk che, chuvang chuan zanin pawh hian nupa inhmangaih tak kan ni tih hi lantir ka duh a, vawikhat mah nupa kan nih hnu in kanla mudun loa, chuvangin zanin hian naute kha ka pa te bulah ka dah a, tuma min tihbuai theihloh turin kan pahnih in hun hman ka duh a ni, kan inbual fai bawk a, zanin chu nupa ang tak takin hun hmang ang aw, i bulah ka mu ve tawh ang, i phal angem?" a ti a, ka lawm rual rual in ka zak deuh a, inbual tura min tihna chhan te kha, haha ka nuih aza, "Duhtak, i zei mah mah lo maw? Umm...ka pasalin min mutpui ve duh nihte chuan ka lo kuahlum ang che." ka ti a, ani chuan, "Duat, ka hmangaih che." a ti a, "Keipawn ka hmangaih che Olivia-i pa." ka ti a, "A aia nasa in ka hmangaih che Olivia-i nu." min ti a, duat takin kan infawp a. Ka pasal Aaron Malsawmdawngzuala hi ka neilo ang tih ka van hlau tak em, ka tawng hi ka van vannei tak em. Lo tuar hram hram lo ila, lo then ta ila chu nuthlawi tiin miin min hmusit anga, mahse ka tuar chhuak ta, ka pasal tluka pasal tha leh hmangaihna ngah hi an awm lo ang, KA HMANGAIH OLIVIA-I PA TLUK RENG AN AWM LO....kha kha nimai. Urlawk zana Olivia-i kan siamna khum ngeiah khan zanin hian nupa nun kan hmang leh thei ta. Kan in kiss a, kan mu a, rizai kan in zawn a, abak chu sawi tawh lo ang.
Naupang zawng zawng mit leh beng hup vek ru, in hmuh ve chi nilo tlats....haha
"For your eyes only, I'll show you my heart
For when you're lonely and forget who you are.
I'm missing half of me, when we're apart.
Now you know me, for your eyes only."
(A tawp ta)
Comments