NATHAN SEASON-2 (Episode-7)
NATHAN SEASON-2 (Episode-7)
ANOTHER RAPE AND MURDER CASE
Written by : Aaron Malsawmdawngzuala
Pu Vanlalkima huan ah ruang chhar a ni a, mitthi hi nula ni in kum 25 mi lek a ni. Pu Vanlalkima hi Sihphir a khawsa a ni a, a haw tlai deuh hlek a, khaw thim hnu tlai dar 6 velah ruang hi an vaimim hmunah a haw lampangin a hmu a ni. Mitthi hi Esther Lalchhanhimi a ni a, Dutlanga cheng a ni. Ruang awmna lam chu a zan a zanin kan han pan nghal a, zan dar 8 rikhma hretin kan han thleng chho ve thei hram a. Ruang hmutu Pu Vanlalkima hi han sawi leh ta ila, a nupui Pi Lalthanghlimi leh an fate 3 nena khawsa mek an ni. Ruang chu kan han en a, a thihna a la reilo tih a hriat em em a, nula hmelchhe lemlo tak, ft 5 leh 3 inches vela sang a ni a, ngo lampang, sam kir, cher lampang a ni. Nathana nen chuan ruang chu kan han bih chiang dun a, alu ah na taka vuak a ni a, a banah te chuan thisen a kai nuai bawk. A kekawr chu a kekawrte nen a khup thleng pawhthlak a ni a, a kawr pawh a hnute lang chiah chiah a hlim chhoh a ni. A dula mipa chi niawm tak lo awm kan hmuh atang leh ruang awmdan atang chuan pawngsual ngei a ni tih chiang takin a hriat theih a, hemi ni hian chhun dar 1 atanga tlai dar 5 vel thleng ruah asur avangin ruang pawh hi chirh a kai nasa hle a ni. Nathana chuan, "Constable, post mortem turin ruang hi phur phei ula, result pawh naktuk zingah ka dawhkanah first hour a inlo dah hman ngei ka beisei ania." a ti a, constable te chuan ruang chu an phur liam ta a. Nathana nen chuan ruang hmu tu Pu Vanlalkima te inah kan kal a, Pu Vanlalkima chu thu kan zawt fiah ta a. Nathana chuan, "Ka pu, ruang i hmuh dan te han sawi la.." a han ti a. Pu Kima chuan, "Chawhmeh zu zawng turin ka kal a, nileng chuan ka zawng a. Ka duhkhawp ka hmuh hnuah chuan thlamah meizial te zu in ka thu chawl a, tlai dar 4 vel a ri tawh a, nizan lama ka chauh deuh vang nge ni, thlamah chuan ka mu zal lawk a. Ka lo muhil a, ka harh leh meuh chuan khua a lo thim tep tawh a, hmanhmawh takin ka in khung fel a, tichuan in lam pan chuan ka haw ta a. Kan thlam atanga hla vaklo ah hian vaimim hmun zau ve tak ka nei a, chu chu tuna ruang kan hmuhna hi a ni. Ruang ka hmuh tirh hian ka phu nasa hle mai a, a tir chuan nula leh tlangval chesual a maw ka ti a, achhan pawh hmeichhia kha a zahmawh leh a taksa alo in hlim vek vang kha a ni. Mahse light-a ka en pawh khan a che miah silo a, a chetsual pui tur awm ang mipa reng reng ka hmu bawk silo a, ka va kal hnai a, thisen nen a lo in chiahpiah nuai mai chu ka hmu a, ka mangang lutuk leh hlauthawng bawk si chuan ruang chu kalsan tawpin ka haw ta a ni. Tichuan kan thenawm te leh ka thian dangte ka hrilh kual a, tichuan kan lo phone ta che u a ni." a ti a. Nathana chuan, "Nihleh ruang hi in khawih danglam miahlo tiraw?" a ti a, Pu Kima chuan, "Aw...khawih danglam lo, anih ang ang khan kan dah tawp a, puanin a taksa te chu kan khuh a, chu zawng chu a nimai." a ti a. Nathana chuan, "Anih leh in huanah hian kal thin midang an awm em? Ka sawi awmzia chu midang hrim hrim, in chhungte nilo, tlangval ten zu in nan te, intihhlim nan te an hmang thin em? Entirnan, huan i zu kalin zu bur ruak emaw, meichhemna emaw, hnuhma hrim hrim i hmu ngai em?" tiin a zawt leh a. Pu Kima chuan, "Aih, chutiang engmah a awm ngailo. Kan huan hi chu ka hrechiang ve a, chutiang thil a thlen ngai ka hrelo." a ti a. Nathana chuan, "Nihleh ruang i hmuh hma khan, i haw kawng velah midang i hmu em?" a ti leh a, Pu Kima chuan, "Ka hmuh awm pawh ka hrelo, thawm a reh em em a, midang tumah ka hmulo." a ti a. Nathana chuan, "Pu Kim, han ngaituah chiang teh...chawhmeh i zawn lai vel emaw, thlama i awm lai vel emaw khan thawm engmah i hrelo amaw?" tiin a zawt a, mahse Pu Kima chuan a hriatloh thu hlirin a chhang a. Nathana chuan, "A nih leh kan kal phawt ange, inlo fimkhur dawnnia." a ti a, kan chhuahsan ta a.
Motora kan tlan pah chuan Nathana chuan, "Tualthahna kha vawiin tlaia thleng a ni...achhan chu Estheri kha a thihna ala reilo hle tih a hriat a, tlai anihloh pawn chhunah tal a ni ang." a ti a. Keichuan, "Nia, keipawh chu chu ka rindan a ni...mahse Sir, Estheri chhungte lam hi?" ka ti a. Nathana chuan, "SI Liantea'n ka lo buaipui ang a tih kha mawle...an inah chuan zu kal ve hrim hrim teh ang." a ti a, tichuan Durtlang lam pan chuan kan kal ta a. Estheri te inah chuan mi an lo tam tawh ngei mai, mahse ruang erawh post mortem mek a nih avangin alo la thleng lo thung. Estheri nu leh pa chu SI Liantea chuan zawhna a lo zawt mawlh mawlh a, mipui tam lutuk leh boruak tawt lutuk chu ka ning deuh a, ka hnawt kiang hlawm a. SI Liantea hnen atanga kan hriat leh dan chuan Estheri hi fanu mal a ni a, a chhungte hian an duat em em a, hmeichhe fel tak leh Kohhran leh khawtlangah pawh inhmang ve tak a ni. Durtlang High School pakhatah MAths teacher a ni a, school naupangte pawn an ngaina hle bawk. MAhse buaina ni ta ber chu Sihphir ah enge a han tih a, engvanga Sihphira kal nge a nih tih chu zawhna a ni ta. A nu leh pate pawh chu kan han zawt nawn leh a, mahse Sihphirah chhungte an neihloh thu leh Sihphirah thian a neihawm an hriatloh thu min lo hrilh bawk si. Mahse thil pakhat hriat thar kan nei a, chu chu Estheri hi hemi ni hian scooty nen a chhuak a ni. A awmzia chu Esther hi a scooty, a phone leh a purse a bo tel a, tualthattu hi rukru a ni tih a chiang ta. Nathana chuan, "Rina, hei zan dar 11 a ri tawh a, haw phawt ila, naktuk ah kan sawi zawm dawnnia." a ti a, tichuan kan haw ta a. A tukah chuan NAthana chuan angaite ang bawkin min lo thlen khalh leh ta a, a office ah min ko lut nghal a. Nathana chuan, "Rinawm, crime scene-ah han kal leh teh ang." a ti a, ka peih tawhlo kher mai. Keichuan, "A hla si, khiiiitah han chhoh leh angai anga, huan kalkawng a thui si." ka lo ti nuah nuah a. Nathana chuan, "I senior hi min chhang zuah zuah reng suh." a ti a, kan inngam tlak em avanga phun ngam ka ni tih min lo hriatsak ula. Nathana nen chuan Sihphir lam pan chuan kan tlan chho leh ta a. Ruang an hmuhna vel chu ahmain SI Liantea'n lo enfiah tawh mahse, engmah a hmuh siloh avangin Nathana chuan amah ngeiin en nawn leh a duh vang chuan huan lam pan chuan kan kal ta nghal a. Thisen vel pawh a lo la awm nual a, Nathana chuan chiang leh uluk fahran hian a en kual a. Eng vak mah kan hmuh lem loh avang chuan haw leh mai kan tum chu engemawni hi ka rap ri rup mai a, ka thil rah ka han en chuan inhaler a lo ni a. Nathana bulah chuan ka thil chhar chu lek kan pahin, "Sir,hei engteh." ka ti a. Nathana chuan, "Inhaler a nih hi...asthma pump tih a inziak lehnghal." a ti a. Keichuan, "A awmzia chu tualthattu hian thawhah a nei tihna em mawni le?" ka ti a. Nathana chuan, "Tualthattu ta a ni kherlo maithei a, chubakah ruang en tute zinga mi ta pawh a ni thei tho bawk. Anihloh pawhin Estheri ta zawk pawh a ni thei tho, mahse a nu leh pate khan Estheri hian thawhah a neih leh neihloh an sawi miah silo a." a ti nuah nuah a. Keichuan, "An sawi theihnghilh te pawh a ni thei a.." ka lo ti a. Nathana chuan, "Ni e, a ni thei tho mai." a ti a. Pu Kima, huan nei tu ber leh ruang hmutu te inah chuan kan lenglut leh a. Thingpui sen hang in pah chuan Nathana chuan, "Pu Kim, inchhungkua ah hian thaw hah nei in awm mial em?" a han ti a. Pu Kima chuan, "Chutiang tumah kan awmlo, kan hrisel tha ve hlawm viau chuan ka hria." a ti a. Nathana chuan inhaler chu lek kan pah chuan, "Hei hi kan hmu a, i huanah...ruang awmna atanga ft 7 vela hlaah kan hmu a ni." a ti a. Pu Kima chuan, "Ka va hre biko ve, khatiang hmang kan awmlo tlat, chubakah sawi tak ang khan kan chhungkua hi chu Pathian zarah kan hrisel ve lutuk." a ti a. Nathana chuan, "Nih leh ruang i hmuh khan, in thenawmte leh i thiante i hrilh hmasa ber tiraw?" tiin a zawt leh a. Pu Kima chuan, "Aw ni e, kan thenawmte ka hrilh a, tichuan ka thian thenkhat te ka hrilh bawk a, tichuan ruang awmna lam chu kan zuk kal leh a ni." a ti a. Nathana chuan, "In thenawm te leh i thiante chu i hrechiang hlawm ngei ang tiraw?" a ti leh a, Pu Kima chuan, "Awww....ka hrechiang ve hlawm khawp chuan ka hria." a ti a. Nathana chuan, "Chumi te zingah chuan thawhah nei emaw, asthma nei awm ang i hria em?" a ti leh a. Pu Kima chuan, "Aih, ka hrelo ka pu." a ti leh a, Nathana nen chuan kan kalsan leh ta phawt a.
Nathana chuan motor lam kan pan pah chuan, "A hrim hrimin SI Liantea pawh hi a zawng chiang awmlo thin mange..ka enfiah vek te chu a han ti ve a." a ti nuah nuah a. Keilah chuan intithei tak hian, "Sir, ka hmuh ngat anih kha aw...nangpawn i hmuh bik miahloh kha." ka ti vel ham ham a. Nathana chuan, "Nia nia nia...i bawn ber alawm." a ti a, motor ah chuan kan lut ta a. Station lam pan chuan kan kal leh ta a, tun tum kan case hi chu kan misualte sawisak an chakawm kher mai. A bik takin pawngsual mai nilova, pawngsual zawh hnu a an han that leh kher phei hi chu an serh tan sak hial hi ka chak thin, ka ti mah mah pawh inlo ti maithei...mahse ka kham em ani, heng pawngsual ching ho hi chu. Rei pawh kan la tlan lo, Selesih kan pel chiah tih ah chuan Nathana chuan, "Durtlang kan thlen hunah ding rawh aw, Estheri te inah kal leh lawk ang." a ti a, tichuan Estheri te inah chuan kan kal leh ta a. Nathana chuan Estheri pa bulah chuan, "Ka pu, thil ka zawt leh lawk duh che a." a ti a, Estheri pa chuan, "E...awle, lo thu ru." a ti a, tichuan kan thu ta a. NAthana chuan paper pakhat hi a phawrhchhuak a, "Post mortem result a lo thleng tawh a, a lan dan chuan maw ka pu...in fanu Estheri thih hun hi tlai dar 5 vel a ni a, tualthattu hi veikhawr niin a lang. Chuan, Estheri lu a hliam hi hmun khatah mai nilovin hmun thumah a kak a ni. Alan dan chuan Estheri hi a thihhma khan nasa takin sawisak phawt a ni a, chumi hnua pawngsual chauh a ni. Ka pu, Estheri hian hmelma a neih awm ang in hrelo takzet amaw?" a ti a. Estheri pa chuan, "Aw, mi pawi a sawi pawh kan hre ngai meuh lo, keini pawn kan duat em em a, duat tlak a ni reng bawk a, amah that duh tu tur awm ang chu han rinhlelh tur takngial pawh kan hrelo a ni." a ti a. Nathana chuan, "Bialpa a neilo i ti tiraw?" a ti a, Estheri pa chuan, "Aw...neilo, mahse bialpa a neilo han tih khan...bialpa a nei hrihlo zawk." a ti a. Nathana chuan, "Bialpa hlui chu a nei tihna mi?" a lo ti vat a. Estheri pa chuan,"Aww...a hming chu RSa a ni a, kan veng Durtlang ami tho a ni. Mahse kan inhlat deuh a, Durtlang Leitanah an awm a, keini chu Durtlang Mualveng kan ni a." a ti a. (Durtlang Mualveng hi he thawnthu ziaktu Aaron Malsawmdawngzuala te veng tak tak a ni). Nathana chuan, "A nih chu mawle...nihleh a thiante zinga a kawm ngeih deuh bik te min hrilh thei em?" a ti leh a. Estheri pa chuan, "Chutia thian han kawmngeih fal em em chu a nei lemlo a, a KTP member pui te hi a kawm vek a, mahse thian kawmngeih deuh pakhat chu a nei." a ti a. NAthana chuan, "An veng leh a hming min hrilh thei angem?" a ti a, Estheri pa chuan, "A hming chu Lalsangkimi a ni a, Sangte kan ti mai thin a. Chaw te pawh alo ei ziah a, alo riak fo alawm." a ti a. Nathana chuan, "An vengah kal nghal kan duh dawn a, an in awmna min hrilh thei angem?" a ti a. Estheri pa chu a ding hluai a, "Ngawiteh...Sangtei sawi takah chuan nizan atang khan ala hawlo hrim hrim. Kan inah hian a rawn riak nghal alawm...tukina Estheri ruang a rawn thlen atang khan ala kalsan lo hrim hrim. Nizana a thi tih a hriat khan kan inah hian a rawn riak nghal a, tukinah pawh ruang kan lo nghak ho nghe nghe alawm." a ti a. Nathana chuan, "Anih leh tunah khawnge a awm, inah hian a awm em?" tiin a zawt nghal thuai a. Esther pa chuan, "Aih...thlan mualah vui turin an kal deuh vek a, a kal ve ta anih kha...kei erawh tiangah hi chuan ka kal duhlo a, inah ka awm ta zawk a nih hi." a ti a. Nathana chuan, "Anih chuan kan lo nghak ange aw...thu zawhfiah kan duh ve dawn a." a ti a, tichuan Sangtei chu kan lo nghak ta a. Tlai dar 2 velah chuan thlan-a kal ho chu an rawn haw ta a. Nathana chuan Sangtei chu ava pan nghal a, police kan nih thu te kan hrilh a, thu tlem zawhfiah kan duh thu te kan hrilh hnu chuan Sangtei chu Estheri room ah kan luh pui a, Nathana chuan thu a zawt ta a..
"Sangte, min hlau lo la, kan thu zawh che hi diktakin min chhang dawnnia aw?"
"Awle ka pu."
"I thiannu nen kian kum engzat nge in inkawm tawh?"
"Kum 7 vel chu kan inawm tawh ang."
"Estheri hi i hre chiang em?"
"Ka hrechiang ve thawkhat chuan ka hria."
"Anih leh Estheri hian thawhah a neih thin awm i hria em?"
"Aih...hre miah lo, tinge ka pu?"
"Kan hre duh mai mai mawle..nang chuan i neilo ang tiraw?"
"Aw...ka neilo, Estheri pawh hian thawhah a neih awm pawh ka hrelo."
"Anih leh Estheri bialpa hlui RSa hi i hria em?"
"Durtlang Leitan ami kha maw? Hria e...ka hre lutuk zawk."
"Estheri nen an inthen tawh tiraw?"
"Aw....bialnu dang a neihsan daih a."
"Anih chu mawle...Estheri thattu anih i ring em?"
"Ka ring lo, lerh ve hle mahse chutiang khawpa sual chu a nilo."
"Anih leh han rinhlelh te i nei em?"
"Tumah han rinhlelh tur ka hre lo ka pu."
"Anih tak chu...kan kal phawt ange aw."
Nathana nen chuan Estheri te in chu kan chhuahsan ta a, Station lam kan pan leh ta a. Station kan thlen meuh chuan tlai dar 3:30 a ri tawh a, Nathana chuan, "Rina, i duh leh haw tawh rawh...keipawh ka haw dawn...zanah ka lo leng ang." a ti a, tichuan kan haw ta a. Zanah chuan Tluangtei nen chuan kan in call a, kan inbe tui hle mai. Kan sawi ril leh tan ta riau mai, ka zam leh tan dawn ta. Hei bak chu sawina chance a vang leh tawh dawn tih chu hre ran chungin ka huaisenna chu ka sawm khawm leh tan ta a. Thawk ka'n la te te a, "Tluangte.." ka'n ti phawt a. Tluangtei pawh chuan ka sawi tum hre lawk niawm deuh hian, "Umm..sawi ta che." a rawn ti tham tiak a, a aw chu a va mawi tak em. Ka sawi chak tho a, mahse ka ngam thlawt lo a ni. Ka aw ka thian leh te te a, "Tluangte, ka hma..." ka sawi zawh hma chuan Nathana chuan ka room a rawn hawng thut mai chu ka phu chiang kher mai. Hepa tak hi chuh...ahma pawn ka sawi hman lo chiah chiah tawh a, ka va han ngei thin tak em. Kei aia kum 5 laia naupang zawk hian nupui min neihsan tawh a, bialnu ka nei ve tan dawn chauh a, min tibuai reng mai. Rawn luh pah chuan, "I phone kha dah rawh...thil sawi dun a ngai." a la ti vin hlur zui. Thinrim ngam chiah silo, lungawilo bawk si nen chuan ka melh rum em em ringawt a, Tluangtei lah chuan, "Enge...tinge i tawp daih a? Sawi ta che.." a rawn ti vak vak a. KA sawi chuan NAthana a awm ve bawk si, sawi lo ta ila chance dang a awm mai mai leh tawh awm silo a, ka va han haw tehreng em he DCP zet hi chu. Tluangtei bulah chuan, "I u Nathana alo kal a, nidangah a nimai." ka ti ta tawp a, Tluangtei lah chuan, "Hmm...a nih tak chu." a ti a, ala dah hmak zui. Mood a off chiang ngei mai, tum hmuk chuan ka va phei a. A bulah chuan ka va thu a, "Enge ni ta...news a awm em?" ka va ti vei deuh luam a. Nathana chuan, "Estheri thattu hi mi pakhat chauh an ni lo, mi pahnih a ni." a ti ta mai a. Keichuan, "Engtin nge i hriat?" ka lo ti hu mai a. Nathana chuan, "Post mortem ti tu doctor khan min rawn phone a, Estheri serh chhunga mipa chi leh a dul a mipa chi lo awm kha, mipakhat chauh atanga lo chhuak a nilo, a in anglo a ti a ni." a ti a. Keichuan, "Eheu...ava rapthlak veleh." tih ringawt hian ka lo chhang a. Nathana chuan, "A hrim hrimin Estheri bialpa hlui, Durtlang Leitana mi RSa pawh chu va biak angai in ka hria." a ti a. Keichuan, "Engtikah nge kan kal ang?" ka ti a. Nathana chuan, "Zaninah chuan ka peih lo, naktukah kan kal dawnnia." a ti a. Chutih lai chuan Sanvi alo lut a, thingpui min rawn pek pah chuan, "Rinawm, i va vang ve a." alo ti a. Keichuan, "Vang vak ami? In nupa in inlo leng a nimaw?" tiin ka lo nuih a. Nathana chuan, "Sanvi, kha tin 'Rinawm' ti lawl lawl suh ka tih kha...tlangval mah nise a kum erawh a tlem lemlo tih i hriat kha. Pa Rinawm te ti ve tal ta che, a lungawilo anga sin." a lo la ti zui. Sanvi chu a nui huah huah a, "I boss hi i ngamlo ve sia, tikhan lo titi rawh u, Mary ka va paw mu a nge...Nathana bulah hian hruai ve lovang, haw a ngen leh reng mai ang ka ti mawlh mawlh a, hruai ve rawh a ti talh a." a ti nuah nuah a, min chhuahsan ta a. Nathana chuan, "Rinawm, naktuk chu lo kal hma ve deuh tawh teh, tlangval si..mut i duh emai." a ti a. Keichuan, "Ni e, lo kal hma ka tum tawh ange." ka ti a. Nathana chuan, "E taka, DGP thar kan neih dawn kha aw...tlai chiloh hrim hrim." a tih chuan ka hrechhuak zawk mai, ka lo theihnghilh tep a, DGP thar kan nei dawn tak e. Tichuan Nathana nen chuan kan titi a, dar 10 vel a rik chuan an haw ta a. Atukah chuan hma takah Station chu ka thleng a, Nathana chuan minlo la thlen khalh hram nia mawle. Minute 10 vel hnuah chuan kan DGP thar chu a rawn thleng ta a, salute te kanlo pe a, tichuan inhmel hriatna te kan nei a. DGP chuan Nathana nen chuan a room ah min ko lut a, "DCP Nathan Malsawmkima maw?" a ti a, Nathana chuan, "Yes Sir." a han ti a. DGP chuan, "Zonunsanga ka ni a, chuan hei hi ASP Lalrinawma a niang maw?" a ti leh a, keichuan, "Yes Sir." ka ti a. DGP chuan, "Ummm...in pahnih bula thawh hi ka chak tawh lutuk alawm. In record te ka lo en a, in huaisen in in fakawm khawp mai. NAngni pahnih anga huaisen leh rinawm hi police station tinah hian awm se chu a tha ngawt ang." a ti vei luam a. DGP chu a hmel han en chuan pa zaidam hmel tak a ni a, a hmel lah a tha puak reuhva. Dulkiar ve tak, kuhva heh ve hmel zet mai hi a ni a, a fel hmelin kan DGP hlui min boral san ta DGP Sangliana pawh min ti hre chhuak rum rum mai.
Nathana nen chuan Estheri thihna case chu investigation tih chhunzawm leh tur chuan kan chhuak dun leh a, Estheri bialpa hlui RS-a te in lam chu kan pan ta a. Rsabulah chuan kan nihna te kan sawi a, tichuan thu tlem azawng te chu kan zawt leh ta a. NAthana chuan, "Michael, Estheri thattu tur awm ang han rinhlelh deuh te i nei em?" tiin a han zawt a. Rsa chuan, "Ka van hre mai biklo, chutiang tur awm ang ka hre hauh lo mai." a ti a. Nathana chuan, "A nih leh RS, Estheri nen khan tinge in inthen a?" a ti a. Rsa chuan, "Englo ania ka pu, bialpa dang a neih thu min hrilh a." a ti ta mai a. Mak kan ti angreng hle mai, Sangtei kha chuan Rsa zawkin bialnu dang a neihsan ang khan a sawi si a. Nathana chuan, "Tunge a bialpa chu i hre thei em?" a ti a. Rsa chuan, "Aih, min hrilh duh lo...ka zawh pawhin nang aia hmangaih ka nei a ti tlat a, tichuan min block daih a, ka call pawh a la duh lo. Tichuan keipawhin chuti khawpa min then duh nanana chu tiin ka bansan ve ta a ni." a ti a. Nathana chuan, "Kan lo hriatdan chuan nangmah zawkin i lerhsan a, bialnu i neihsan angin kan lo hria a." a ti a. Rsa chuan mak a tih hmel hle mai, "A awihawmloh eee...keiman maw? Tunge ti?" a ti hu mai a. Nathana chuan, "Aaa..kan hriat dan ania, a titu chu kan sawi kherlo anga, mahse nangmah zawk hian bialnu i neihsan angin an sawi che a." a ti a. Rsa chuan, "Bialnu chu ka nei ngei alawm, mahse min then hnuah ka nei ve chauh a ni." a ti a. Nathana chuan, "Nihleh a bialpa thar chu a hmel i hmu tawh hrim hrim em?" tiin a zawt leh a, Rsa chuan, "Hmu tawh chiang e, an inzui fo alawm." a ti a. NAthana chuan, "Engtik khan nge i hmuh hnuhnun ber?" a ti a. Rsa chuan, "Ka chiang chiah tawhlo, ka hmu fuh thei phian lehnghal." a ti a. Nathana chuan, "Anih leh Estheri hian Sihphirah thian a neih awm i hria em?" a ti a. RSa chuan, "Aih, a thiante ka hre vak lo, Sangtei hi ka hre chiang em em a..chu chu nimai." a ti a. Nathana chuan, "Anih leh khawiah te nge i hmuh thin?" tiin a zawt leh a. Rsa chuan, "Durtlangah hlir ka la hmu....e taka, hmanni lawk khan Durtlang North lamah ka nutei te inah vawksa ka va lam khan ka haw lamah ka tawk bawk." a ti a. Nathana chuan, "Anih tak chu...kan kal phawt ange aw." a ti a, tichuan kan chhuak ta a. Nathana chuan motor khalh pah chuan, "Rsa kan hmu hlauh chu a va tihzia ve aw...kha, bialpa a lo neihsan zawk tih kan hre mai alawm." a ti a. Keichuan, "Mahse Sir, dawt a lo sawi ve thei tho asin." ka ti a. Nathana chuan, "A sawi lovang, a sawi ka ringlo. A mitah khan ka en reng a, ka mitah tak min en chungin a sawi a, a zam hauhlo. A thusawi ah a chiang a, dawt a sawi ka ring lo. Kum 23 vel bak ala nilo a, keini police officer hmaa zam miahloa a tawng zat zat thei anih chuan dawt a sawi lo tihna a nimai." a ti a. Nathana nen chuan Station kan thleng a, Nathana chuan a office ah min luhpui nghal a. Tui a in khawlh khawlh a, "Rinawm, Estheri khan Rsa zawkin abum angin Sangtei bulah a sawi nge ni a SAngtei khan kan bulah dawt a sawi zawk ni ang le?" a ti a. Keichuan, "Nia, a mak khawp mai. Mi sawidan kha chuan Estheri hi mi fel tak leh Kohhrana inhmang tak an ti bawk si a, Rsa lah in amah zawkin min lerhsan a ti bawk si." ka lo ti ve bawk a. Nathana chuan, "Kan hrechhuak thuai mai ang, case hahthlak pawh a ni dawn pawn ka hrelo. Kan case hmasa te ngaihtuah chuan tuna kan case hi chu kan thu hriat zawng zawng te nen, a tawplam kan hnaih thuai ang." a ti a. Keichuan, "Anih leh Sir, tu zawk nge i rin? Rsa nge Sangtei? Achhan chu Rsa pawh khan ka sawi ang khan dawt min hrilh ve thei tho a, Estheri kha a chhungte meuh pawhin mi fel tak an ti a, Sangtei kha ka ring deuh mah zawk." ka lo ti a. Nathana chuan, "Hmeichhe ho hi an inthup thei lutk, an mizia ni miahlo pawn rei tak an awmthei...mi mithmuh ah chuan maw hmeichhia te hi mipa aiin an mizia an thup thei fe zawk." a ti a.
Kan titi lai chuan Constable Siama alo lut a, "Sir, tlangval pakhat alo kal a, a hmu duh che a." a rawn ti a. Nathana chuan, "Lo luh tir rawh." a ti a. Chu tlangval chu Estheri bialpa hlui Rsa a lo ni a. Nathana chuan, "Ehe RS, lo thu rawh." a ti a. Rsa chuan thut pahin, "Englo ania ka pu, ka thianpa Robert-a'n kan inthen tirh vel khan min tawrhpui lutuk a. Chuan hman zan deuh, Estheri thih hma khan Estheri thawhna school bulah an awmdunlai a hmu a, thla alo la a, min rawn thawn a. Vawiina inlo kal khan ka theihnghilh daih a, sawi nachang ka lo hrelo a, in haw hnu khan ka hre chhuak thut alawm le. Hei, ka lo pan vang vang che u a ni." a ti a. Nathana chuan, "A nih tak chu, thlalak chu kan lo en ange." a ti a. Rsa chuan a phone a khawih nuap nuap a, thlalak chu a hmet chhuak a, Nathana nen chuan min rawn hmuh tir a. Nathana nen chuan thlalak chu kan han en a, Estheri hmel chu chiang takin alang a, mahse a mipa hmel chu a lang chiang lo, chubakah lehlam ahawi a, a hmel chiang takin a lang thei tlat lo. Nathana chuan, "A hmel hi a lang chiang silo a, hriat a har deuh a nih hi...a dang ila nei em? Hei aia chiang deuh?" tiin a zawt a. Rsa chuan, "Aih, kha chiah kha a nei a, mahse ka thianpa Robert-a chuan chiang takin ahmu ngei ang, kan zawt mai dawn em ni?" a ti a, mahse Nathana chuan, "A ngai hrih lo, thlalak hi minlo thawn la, chuan i haw thei ang." ati a. Thlalak chu Rsa chuan NAthana chu a thawn a, tichuan a haw ta a. Rsa haw hnu deuh lawk chuan Nathana nen chuan dawrah chow satui leih kan eidun a, Nathana chuan, "Rinawm, Sihphirah han chho leh teh ang. Ruang hmu tu Pu Kima bulah thlalak hi han hmuh ila, a hriat zawng te alo nih taki. Chumi pah chuan Estheri te inah pawh kan kal anga, kan zawt bawk ang." a ti a. Keichuan, "Alang chianglo e...Roberta chu zawt chiang ila, hei aia alan chianna pawh a nei maithei asin." kalo ti a. Nathana chuan, "Ngawi teh, Roberta chuan Estheri bialpa thar hi hmuh chu a hmu chiang ngei anga, mahse thlalak dang lo nei tawhlo tase...kan hun a uihawm mai mai a ni." a ti a, tichuan kan eizo a, Durtlang lam kan pan leh ta a. Estheri te inah kan kal a, mahse apa chuan Estheri bialpa thar chu a hmuh ngailoh thu leh bialpa aneih leh awm ang engmah a hriat loh thu min lo hrilh a. Kan kal leh a, Sihphir kan thleng a. Pu Kima pawh chuan a hriat ngailoh thu min lo hrilh leh a, beidawng tak chuan kan chhuak leh ta a. Kan haw hma chuan Nathana chuan, "Hawh teh, kan kalna kawng a thui tham ve sia, thingpui in leh phawt ang." a tih avang chuan thingpui chu kan in leh phawt a. Kan in zawh chuan pawnah meizial kan zu dun a, NAthana chuan ahma zawna mi pakhat lo ding chu a en char char a, a hmelhriat tawh hnu niawm tak hian a thlek ngawih ngawih a ni ber mai. A bulah chuan ava ding a, meizial chu a va zuk khum deuh kher a, chupa chuan a hmui hupin a kalsan a. NAthana chuan a en zui vawng vawng a. Chupa chu thirban bulah ava ding ta daih a, Nathan chu va kal lehin chupa bulah kher chuan meizial chu ava zu khu leh luih luih a. Chupa chu a khuh ta vak vak a, a thaw hrawk hrawk a, "Thianpa, ka bulah kher i rawn zu a, meizial khu hi ka ngeithei lo ania." a lo ti a. NAthana chuan, "Awhawww...animaw? Ka tihpalh lutuk...tinge a? Thawhah i nei em ni?' tiin a zawt a. Chupa chuan, "Thawhah han tih ah, asthma ka nei a." a ti a, NAthana chuan, "Ka tihpalh a ni." a ti a, chupa chu a kal ta daih a. NAthana bulah chuan ka va kal a, "Tinge a? A bulah kher i va zuk a.." ka ti a. NAthana chuan a phone a phawrh a, Rsa thlalak min thawn kha a en a, "A ni chiang lutuk." a ti a. Keichuan hrethiamlo tak hian, "Tumaw? Tumaw ni ciang chu?" ka lo ti hu a. Nathana chuan, "Estheri bialpa thar...Rsa'n thlalak min thawn ami kha." a ti a. Keichuan, "A hmel a lan chianloh kha....lehlam a hawi daih kha, engtin nge i hriat bik a?" tiin ka zawt a. Nathana chuan, "A bana a tattoo kha, Samurai lem kha, hei en rawh." a ti a, Samurai tattoo nalh tak mai chu abanah a lo nei a, ka lo hmu miahlo chu niin, keitak hi chuh. Nathana chuan, "Zui ang.." a ti a, kan zui ta a.
Chupa chu kan zui ru a, tichuan hnunglam a rawn hawi zeuh zeuh a, kan zui zel a. Vawi lehkhatah a tlan ta thut mai a, Nathana chuan, "Hey, ding rawh." a ti a, tichuan kan um ta a. NAthana han tlanchak zia mai chuh, ka umpha lo hrim hrim. Chupa chu kawnghnuai lamah a tlan thla a, kan um zel a. NAthana chuan reiloteah a man thuai a, chuap chuan, "Engmah ka tisual lo, tinge min man a?" a ti chel chul mai a, a thaw hrawk hrawk a. NAthana chuan, "Engmah tisual lo si tinge i tlanchhiat?" a ti vin tuar a. Tichuan chupa chu Station ah kan hruai ta a, dark room ah kan kal pui a, hand cuff kan bun tir bawk a. Nathana chuan, "Tunge i hming?" tiin a zawt a. Chupa chuan, "Chhanchhuaha."a ti a. Nathana chuan, "Estheri kha engvanga that nge i nih?' a ti a. Chupa chuan, "Tunge Estheri chu? Tumah ka thatlo hrim hrim." a ti a. Nathana chuan thlalak hmuh pah chuan, "Henu hi i bialnu Estheri a nilawmni, chuan a bula mi hi nangmah i ni bawk." a ti a. Chhanchhuaha chu a ngawi ta reng a, Nathana bawk chuan, "Sawi rawh...Pu Kima te huanah khan Estheri chu i pawngsual a, i that bawk a, i inhaler pawh i thlauh nghe nghe hi." ati a. Mahse min la hnial tang tang a, NAthana chuan a phih tho lawp a, cell chhungah a khung a. NAthana chuan, "Constable, pawnah meizial ka zu anga, a inpuan hma chu lo vaw rawh u." a ti a, tichuan Nathana nen chuan pawnah meizial kan zu a, hetih hunlai hian zan dar 7 a ni tawh a, DGP pawh a haw tawh. Minute 10 hnu velah chuan constable chu a rawn chhuak a, "Sir, engkim ka sawi ang...a ti a nih chu." a rawn ti a. Inchhungah chuan kan lut a, Nathana chuan, "Awle Chhanchhuah, han sawi ta che." a ti a. Chhanchhuaha chuan, "Aw..Estheri kha ka thah a ni. A bialpa hlui Rsa pawh kha ka hria, Estheri hi ka duh em em a, RSa nena an inngaihzawnlai atang tawh khan ka duh tawh a ni. Tichuan eng tin tin emaw ka inthen tir thei ta a, chuan ka bem nghal a, a tir chuan min duhlo mahse, ka hel ka hel tak hnuah chuan ka nihpui thei ta a. Mahse ka duhna chhan ber chu sex vang a ni, ka hmangaih hlawl lo." a ti a. Nathana chuan lo pawtchatin, "Ngawi lawk...Estheri kha nangmah chauhvin i that lo tih pawh kan hria, tu nen nge in inthurual?" a ti a. Chhanchhuaha chu a ngawi vang vang a, "Ka thianpa drugs addict a ni a, Thangtea a ni." a ti a. Nathana chuan, "Engtin nge in thah sawi rawh le." a ti a. Chhanchhuaha chuan, "Estheri nen chuan hmun rem apiangah sex kan hmang ta thin a, a chang chuan a duh ngailo. Mahse min hmangaih em avangin ka hlimloh a hlau a, min hmanpui ve ta zel bawk a. A tawpah chuan kan sex hmanglai te chu video-a lak ka ching ta a. Min hau fova, mahse ka la lui zel tho. Zankhat chu ka thianpa Thangtea nen hian drug kan ti dun a, kan sex video chu ka en tir ta a. Thangtea chuan sex hmanpui ve a chak thu asawi a, a tir chuan ka phal biklo. Mahse damdawi ruihtur tam tak min pek a tiam avang leh drug addict ve tho ka lo ni bawk si nen, ka mamawh ve tho bawk si chu ka phal ta a. Tlaikhat chu Pu Kima te huanah chuan Estheri chu ka hruai a, huanah chuan Thangtea chuan minlo chang a. Tichuan Estheri chu kan sual ta a, thah kan tum bik miahlo. Mahse Thangtea rui a tawh si chuan a tal nasa lutuk chu lungin a lu a chhu ta vak vak a, tichuan a zal ta deuh a, a duhtawkin a pawngsual hnuah ka pawngsual veleh a. A thilo amaw kan ti a, alo thi reng mai a, tichuan hlauthawng takin kan kalsan ta tawp a ni." a ti a. NAthana chuan, "Khawnge i thianpa chu a khawsak?" a ti a. Chhanchhuaha chuan a address min hrilh a, eng sawi set set lo chuan kan va man ve ta nghal a. Thangtea pawh chu Chhanchhuaha kan khunga cell ah chuan kan dah ve nghal a, an inhnial dun nasa kher mai. Thangtea chuan Nathana chu rum tak hian a melh a, "Hey DCP, min man hi chu i inchhir khawp ang....ka pa hi collector a nih hi aw, kan chhuak tho tho ang." a ti pang pang a. Nathana chuan, "Engmaw i sawi ve a? Collector fapa maw i nih a? Ava ropui ve aw...kan la hria ang chu." a ti a. Thangtea hi amaha in luah a ni a, an khua erawh Phulpui daih a ni thung. Nathana chuan Chhanchhuaha phone chu alaksak a, video pakhat a hmu ta hlauh mai, chu chu Estheri an pawngsual lai video a ni.
Nathana chuan, "Inva ti tha em awww....video pawh inlo nei thlap anih hi mawle. Kan lawm e, naktukah court ah ipa te nen chuan kan ihmu tham tham dawnnia. Rinawm, FIR ziak rawh, heng mi tenawm pahnih te hi an phutawk hremna kan pe ngei tur a ni." a ti a. Tichuan lawyer kan ko a, video chu kan submit a, tichuan kan haw ta a. News ah chuan pawngsual tute man an ni ta, tiin an puang ta dup dup mai a, Mizoram a dengchhuak hneh hle mai. Pawngsualtute pahnih Chhanchhuaha leh Thangtea te chu court ah kan kal pui hma chuan pa pakhat hi alo lut a. DGP bulah chuan, "Enge awmzia DGP? Ka fapa hi engvangin nge in man? Chhuah ngahl ru...collector ka ni tih hi inhria em?" a rawn ti pung pung a, Thangtea pa alo ni a. DGP chuan rum zet hian alo melh a, "Evidence tha tawk tak kan nei, an pawngsual ngei ani tih pawh kan hre tawh e. Collector pawh nila, CM pawh nila, thil tisual tute hremna pek hi kan hna a ni. I sawi duh ang chu court ah sawina hun an pek ve tak hlauh che leh i sawi ve aniang chu." a ti a, tichuan Thangtea pa chu a chhuak ta a. Misual pahnihte chu court lam kan panpui ta a, judge chuan, "Le...evidence chu han chhuah ula." a ti a. Kan lawyer chuan video chu a pe a, mahse engmah a lang thei ta tlat lo mai. Judge chuan, "Enge awmzia, data engmah a awmloh hi?" a ti a. Lawyer chuan, "DCP min pek hi a ni a, data a awm thu a sawi sia." a la ti zui. Ka hlauh ruk ang chiah a ni, kan lawyer chu Thangtea pa in alo tham hman hi alo ni a. Judge chuan, "DCP NAthan, enge awmzia?" a ti a. Nathana chuan, "Your Honour, anmahni ngei pawh an inpuang tawh a, kha video pawh kha anmahni hian anlo khawih danglam hman ani ngei ang." a ti a. Thangtea te lawyer chuan, "A ni ang, a ni lo ang..tih vel mai mai hun anilo. Hei hi court anih hi, court hian proofna dik tak a mamawh. An inpuang ti mah la an inpuang ngei em tih chiang a awmlo, chuvang chuan your honour, ka client te hi chhuah zalen turin ka ngen a che...tihsual engmah annei lo." a ti a. Judge chu a ngawi vang vang a, "Court hi naktukah chhunzawm a ni ang, zaninah Thangtea leh Chhanchhuaha hi Lock up ah an riak leh phawt ang. Mahse naktuka evidence tha tak kan hmulo a nih chuan Thangtea leh Chhanchhuaha hi pawisawi lo angah kan ngai anga, tin FIR ziaktu DCP NAthana leh ASP Rinawma te khi thla 2 chhung suspend an ni bawk ang." a ti a, court chu kan chhuahsan ta a. Nathana chuan, "Kha lawyer kha, video kha alo hralh hman ani chiang mai. Ka va han haw tak em...a copy zawng zawng nen khan ka pe vek si a, ka va han mawl ta....tumah hi lo rinloh tur a nia." a ti nuah nuah a. Chumi tlaiah chuan Estheri pa alo kal a, NAthana bulah chuan, "Ka pu, enge awmzia? Ka fanu thattu te kha an chhuah zalen ang maw? Eng ang rorelna nge ni ang?" tiin a rawn tap hawm hawm mai a. Nathana chuan sawi tur a hrelo, a ngawi reng a. Estheri pa chuan, "Keipawh hi ka thi ve mai ang, ka fanu ka chan tawh a, a thattu te ngei pawh hrem anni thei dawn silo a maw? A va han fairlo tak em...an phutawk hremna pe tu tur mihring an awm lo anih hi.." a ti a. NAthana chu a ding hluai a, thinrim em em hian Estheri pa chu a en a, "An awm alawm, hremna pe thei tu tur chu an awm ngei mai...chuan chu mihring chu kei ngei hi ka ni, kei hian hremna chu ka pe em em ang." a ti a. Estheri pa chu ava pan hnai a, "Ka pu, lungngai suh, hremna ka pe em em ang. Ka hna hian tawrh phah dawn mahse, ka tiam ache....an phutawk hremna ka pe ngei ang." a ti a,a thusawiah chuan a chian hmel hle mai. Estheri pa chu a chhuak ta a, keichuan, "Sir, engtia awm nge i tum a?" ka ti a. NAthana chuan, "Zaninah hian kan constable nupui leh fanu te tlai chaw min rawn pe turin hrilh ang che. Constable ho zawng zawngin an nupui te theuh phone se, zan ah chaw min rawn pe anga, hemite hmuh lai ngei hian chaw chu kan ei anga, abak chu ka ti fel vek ang." a ti a.
Tlai dar 6 vel ani a, kan constable nupui te ho chuan tiffin an rawn keng ta sup sup hlawm a, kan ei pah chuan kan titi a. NAthana chuan DGP pawh a ko ve a, NAthana chuan a plan te chu min han hrilh hlawm a. Tichuan Thangtea leh Chhanchhuaha kan dahna cell hmaah ngei chuan thuin chaw chu kan ei ta a, kan titi a, kan nui dar dar a, Chhanchhuaha te thiandun chuan cell chhung atang chuan minlo en reng a. NAthana chuan SI Liantea bulah chuan Chhanchhuaha leh Thangtea te hriat tur kher hian, "Enteh Liante, kan mi mante pahnih hi, han en mai chuan an cherchhe dun ve sia, mipa sazu pawh an nei ve dawn mawnile?' a han ti vel a, kan nui tiah tiah a. SI Liantea chuan, "Hmeichhe itawm tak tak pawh an hmaah hian saruakin lo kal ta se, chetdan tur pawh an hre nang." a lo ti ve bawk a, kan nui nasa ngei mai. Chhanchhuaha leh Thangtea chu an rawn tho chhuak a, an thinrim hmel kher mai. Keichuan, "PAwngsualtu pawh an ang lo, dawt an sawi anih ka ring...an chakna pawh a chhuak ve thei dawn mawnile? Running char char phawt angai ang, an nep dun hmel emai." kalo ti ve bawk a. Constable nupui te chu an nuih a za em em a, an khek tuar tuar a. Chutah le...Thangtea thinrim chuan vin zet hian, "Engmaw in sawi a? Mipa sazu ang pawh kan nei velo ang maw? I hre tlem deuh ani DCP...Estheri kha kan pawngsual a, kan thah ngei ani." a ti pung pung a. Chhanchhuaha chuan, "ASP..nangkhan engmaw i sawi kha, running char char angai ang i ti amaw? Min va hmusit ve a, tihdan chu kan hre khawp mai." a ti a. Thangtea chuan, "DCP...khalaia hmeichhe tleirawl te kha cell chhungah hian lo luh tir rawh...Estheri kan pawngsual dan ang chiahin kan lo pawngsual ange...in hre mai ang." a ti pang pang a. Chu hmeichhe tleirawl an sawi chu kan Head constable Aldrin-a fanu a ni. Aldrin-a nupui chuan Aldrin-a chu a en a, "Enge i din reng a? Saw jail tang pahnih te sawn i fanu pawnsual an duh thu i beng hriatah ngei an sawi a..tinge engmah i sawi ve loh? I fanu nawmnah taka chhaih tu te saw i va khawi dawn lo emni?' a ti ta hrep a. Chu veleh Aldrina chuan thinrim em em hian, "Constable, chahbi minlo pe teh." a ti a, Adrin-a thinrim lutuk chu a khur dur dur thei hial a. Aldrin-a bawk chuan, "Constable...chahbi minlo pe rawh." a ti vin tuar a, Constable Siama chuan cell chahbi chu a pe a. Chhanchhuaha te awmna cell lam chu ava pan pah chuan, "Ka fanu hming in lam ve khanglang amaw?" a ti phei khur khur a. Thangtea lah chuan, "Lo kal rawh, kan lo sawisa hrep ang che." a lo ti pang pang bawk a. Aldrin-a chuan cell chhung chu a hawng a, tichuan cell chhungah chuan an insual ta buan buan mai a. An insual lai chuan NAthana chuan min ko khawm a, "Ngaithla rawh u, constable Siama leh Rinawma'n inva thelh anga, cell zawnah tak hian CCTV a awm bawk a. Footage atanga en a encounter shoot ang thei tur berin in che dawnnia. Rinawm, i pistol chhunga silaimu kha la chhuak vek la, tichuan i silai chu iva thleh pah chuan i inlaksak tir anga chuveleh ka lo kap ang." a ti a. Tichuan CCTV in a cover phakloh chiah chiah ah chuan ka va ding a, silaimu ka la chhuak vek a. Tichuan Siama nen chuan an insual chu kanva thelh a, kan plan ang ngeiin pistol chu Thangtea tana lak awlsam turin ka awm a, tichuan Thangtea chuan pistol chu a la ta ngei a, chuveleh Nathana chuan a kap ta a, Thangtea chu a thal tawp a, a thi chiang ngei mai. Chhanchhuaha chuan silai chu chharin, "Ka thianpa i that amaw?" tih pahin Nathana chu a tin leh a, Nathana chuan alo kap veleh a, a thi ve nghal bawk a. Nathana chuan, "Ngaithla ru, media ho anlo kal anga, CCTV footage in hmuh tawp dawnnia. KAn tiffin ei laiin heng mite hian buaina siamin kan constable fanu pakhat a rawn chhaih vel a, chumi khap kan tum chu minlo sual let a, ASP Rinawma pistol chhuhsakin min kah an tum a, encouter in ka kap ta a ni tiin insawi dawnnia." a ti a. DGP alo kal a, "Ka kutah dah rawh." a ti a.
Media te chu anlo thleng a, police dangte leh kan constable nupui te pawh chu kawmin media hmaah chuan encounter shoot a nih thu leh self defence a nih thu te chu an hrlh ta a. CCTV footage atangin a chiang em em bawk a, tichuan NAthana pawhin thiam a chang ta a, chulai hmuna awm zawng zawng, kei leh NAthana, DGP, Constable te leh an nupui fanau te nena kan tanrual em avang chuan Estheri pawngsuala rawng taka thattu misual tenawm Chhanchhuaha leh Thangtea te chu an phutawk hremna kan pek theih phah ta a ni. Atukah pawh press conference kan nei a, mahse DGP chuan, "DCP Nathan hian encounter hmangin a shoot a, chupawh ka order vang a ni. Khang mi pahnihte khan kan constable fanu pakhat chu an chhaih nawmnah a, chumai bakah ASP Rinawma silai pawh an laksak a, NAthana kah an tum avangin NAthana chuan alo encounter ta mai ani." a ti a, NAthana pawhin thiam a chang thei ta a ni. Kan DGP thar chu rin ang a nilo tawp mai, ahmaa kan DIG leh kan ADGP te lakah chuan van angel a ni ringawt. Chumi tlai chuan DGP bulah chuan kava kal a, "Sir, kar khat leave lak ka duh a." ka va ti a. DGP chuan, "Enga tan maw?' a lo ti hu a. Keichuan inthlahrung takin, "Ihh..ka..ka.." ka tih lai chuan Nathana a lo lut a, "Sir, a bialnu pa adamlo a, hmuhna chance ah tiin chhuanlam asiam mai mai anih kha. Chubakah an chhungte tho annia, a bialnu hi a cousin ania, phal mai rawh." a rawn ti a, DGP nen chuan an nuih huah huah a. DGP chuan, "Awle awle....permission granted." a ti a, tichuan keipawh chu kan duatlai Tluangtei te khuaah hmaichhana KA HMANGAIH CHE tih han hrilh turin ka zin dawn ta, NAthana'n min tih buai tawhlo ngei ka beisei.
THE END
ANOTHER RAPE AND MURDER CASE
Written by : Aaron Malsawmdawngzuala
Pu Vanlalkima huan ah ruang chhar a ni a, mitthi hi nula ni in kum 25 mi lek a ni. Pu Vanlalkima hi Sihphir a khawsa a ni a, a haw tlai deuh hlek a, khaw thim hnu tlai dar 6 velah ruang hi an vaimim hmunah a haw lampangin a hmu a ni. Mitthi hi Esther Lalchhanhimi a ni a, Dutlanga cheng a ni. Ruang awmna lam chu a zan a zanin kan han pan nghal a, zan dar 8 rikhma hretin kan han thleng chho ve thei hram a. Ruang hmutu Pu Vanlalkima hi han sawi leh ta ila, a nupui Pi Lalthanghlimi leh an fate 3 nena khawsa mek an ni. Ruang chu kan han en a, a thihna a la reilo tih a hriat em em a, nula hmelchhe lemlo tak, ft 5 leh 3 inches vela sang a ni a, ngo lampang, sam kir, cher lampang a ni. Nathana nen chuan ruang chu kan han bih chiang dun a, alu ah na taka vuak a ni a, a banah te chuan thisen a kai nuai bawk. A kekawr chu a kekawrte nen a khup thleng pawhthlak a ni a, a kawr pawh a hnute lang chiah chiah a hlim chhoh a ni. A dula mipa chi niawm tak lo awm kan hmuh atang leh ruang awmdan atang chuan pawngsual ngei a ni tih chiang takin a hriat theih a, hemi ni hian chhun dar 1 atanga tlai dar 5 vel thleng ruah asur avangin ruang pawh hi chirh a kai nasa hle a ni. Nathana chuan, "Constable, post mortem turin ruang hi phur phei ula, result pawh naktuk zingah ka dawhkanah first hour a inlo dah hman ngei ka beisei ania." a ti a, constable te chuan ruang chu an phur liam ta a. Nathana nen chuan ruang hmu tu Pu Vanlalkima te inah kan kal a, Pu Vanlalkima chu thu kan zawt fiah ta a. Nathana chuan, "Ka pu, ruang i hmuh dan te han sawi la.." a han ti a. Pu Kima chuan, "Chawhmeh zu zawng turin ka kal a, nileng chuan ka zawng a. Ka duhkhawp ka hmuh hnuah chuan thlamah meizial te zu in ka thu chawl a, tlai dar 4 vel a ri tawh a, nizan lama ka chauh deuh vang nge ni, thlamah chuan ka mu zal lawk a. Ka lo muhil a, ka harh leh meuh chuan khua a lo thim tep tawh a, hmanhmawh takin ka in khung fel a, tichuan in lam pan chuan ka haw ta a. Kan thlam atanga hla vaklo ah hian vaimim hmun zau ve tak ka nei a, chu chu tuna ruang kan hmuhna hi a ni. Ruang ka hmuh tirh hian ka phu nasa hle mai a, a tir chuan nula leh tlangval chesual a maw ka ti a, achhan pawh hmeichhia kha a zahmawh leh a taksa alo in hlim vek vang kha a ni. Mahse light-a ka en pawh khan a che miah silo a, a chetsual pui tur awm ang mipa reng reng ka hmu bawk silo a, ka va kal hnai a, thisen nen a lo in chiahpiah nuai mai chu ka hmu a, ka mangang lutuk leh hlauthawng bawk si chuan ruang chu kalsan tawpin ka haw ta a ni. Tichuan kan thenawm te leh ka thian dangte ka hrilh kual a, tichuan kan lo phone ta che u a ni." a ti a. Nathana chuan, "Nihleh ruang hi in khawih danglam miahlo tiraw?" a ti a, Pu Kima chuan, "Aw...khawih danglam lo, anih ang ang khan kan dah tawp a, puanin a taksa te chu kan khuh a, chu zawng chu a nimai." a ti a. Nathana chuan, "Anih leh in huanah hian kal thin midang an awm em? Ka sawi awmzia chu midang hrim hrim, in chhungte nilo, tlangval ten zu in nan te, intihhlim nan te an hmang thin em? Entirnan, huan i zu kalin zu bur ruak emaw, meichhemna emaw, hnuhma hrim hrim i hmu ngai em?" tiin a zawt leh a. Pu Kima chuan, "Aih, chutiang engmah a awm ngailo. Kan huan hi chu ka hrechiang ve a, chutiang thil a thlen ngai ka hrelo." a ti a. Nathana chuan, "Nihleh ruang i hmuh hma khan, i haw kawng velah midang i hmu em?" a ti leh a, Pu Kima chuan, "Ka hmuh awm pawh ka hrelo, thawm a reh em em a, midang tumah ka hmulo." a ti a. Nathana chuan, "Pu Kim, han ngaituah chiang teh...chawhmeh i zawn lai vel emaw, thlama i awm lai vel emaw khan thawm engmah i hrelo amaw?" tiin a zawt a, mahse Pu Kima chuan a hriatloh thu hlirin a chhang a. Nathana chuan, "A nih leh kan kal phawt ange, inlo fimkhur dawnnia." a ti a, kan chhuahsan ta a.
Motora kan tlan pah chuan Nathana chuan, "Tualthahna kha vawiin tlaia thleng a ni...achhan chu Estheri kha a thihna ala reilo hle tih a hriat a, tlai anihloh pawn chhunah tal a ni ang." a ti a. Keichuan, "Nia, keipawh chu chu ka rindan a ni...mahse Sir, Estheri chhungte lam hi?" ka ti a. Nathana chuan, "SI Liantea'n ka lo buaipui ang a tih kha mawle...an inah chuan zu kal ve hrim hrim teh ang." a ti a, tichuan Durtlang lam pan chuan kan kal ta a. Estheri te inah chuan mi an lo tam tawh ngei mai, mahse ruang erawh post mortem mek a nih avangin alo la thleng lo thung. Estheri nu leh pa chu SI Liantea chuan zawhna a lo zawt mawlh mawlh a, mipui tam lutuk leh boruak tawt lutuk chu ka ning deuh a, ka hnawt kiang hlawm a. SI Liantea hnen atanga kan hriat leh dan chuan Estheri hi fanu mal a ni a, a chhungte hian an duat em em a, hmeichhe fel tak leh Kohhran leh khawtlangah pawh inhmang ve tak a ni. Durtlang High School pakhatah MAths teacher a ni a, school naupangte pawn an ngaina hle bawk. MAhse buaina ni ta ber chu Sihphir ah enge a han tih a, engvanga Sihphira kal nge a nih tih chu zawhna a ni ta. A nu leh pate pawh chu kan han zawt nawn leh a, mahse Sihphirah chhungte an neihloh thu leh Sihphirah thian a neihawm an hriatloh thu min lo hrilh bawk si. Mahse thil pakhat hriat thar kan nei a, chu chu Estheri hi hemi ni hian scooty nen a chhuak a ni. A awmzia chu Esther hi a scooty, a phone leh a purse a bo tel a, tualthattu hi rukru a ni tih a chiang ta. Nathana chuan, "Rina, hei zan dar 11 a ri tawh a, haw phawt ila, naktuk ah kan sawi zawm dawnnia." a ti a, tichuan kan haw ta a. A tukah chuan NAthana chuan angaite ang bawkin min lo thlen khalh leh ta a, a office ah min ko lut nghal a. Nathana chuan, "Rinawm, crime scene-ah han kal leh teh ang." a ti a, ka peih tawhlo kher mai. Keichuan, "A hla si, khiiiitah han chhoh leh angai anga, huan kalkawng a thui si." ka lo ti nuah nuah a. Nathana chuan, "I senior hi min chhang zuah zuah reng suh." a ti a, kan inngam tlak em avanga phun ngam ka ni tih min lo hriatsak ula. Nathana nen chuan Sihphir lam pan chuan kan tlan chho leh ta a. Ruang an hmuhna vel chu ahmain SI Liantea'n lo enfiah tawh mahse, engmah a hmuh siloh avangin Nathana chuan amah ngeiin en nawn leh a duh vang chuan huan lam pan chuan kan kal ta nghal a. Thisen vel pawh a lo la awm nual a, Nathana chuan chiang leh uluk fahran hian a en kual a. Eng vak mah kan hmuh lem loh avang chuan haw leh mai kan tum chu engemawni hi ka rap ri rup mai a, ka thil rah ka han en chuan inhaler a lo ni a. Nathana bulah chuan ka thil chhar chu lek kan pahin, "Sir,hei engteh." ka ti a. Nathana chuan, "Inhaler a nih hi...asthma pump tih a inziak lehnghal." a ti a. Keichuan, "A awmzia chu tualthattu hian thawhah a nei tihna em mawni le?" ka ti a. Nathana chuan, "Tualthattu ta a ni kherlo maithei a, chubakah ruang en tute zinga mi ta pawh a ni thei tho bawk. Anihloh pawhin Estheri ta zawk pawh a ni thei tho, mahse a nu leh pate khan Estheri hian thawhah a neih leh neihloh an sawi miah silo a." a ti nuah nuah a. Keichuan, "An sawi theihnghilh te pawh a ni thei a.." ka lo ti a. Nathana chuan, "Ni e, a ni thei tho mai." a ti a. Pu Kima, huan nei tu ber leh ruang hmutu te inah chuan kan lenglut leh a. Thingpui sen hang in pah chuan Nathana chuan, "Pu Kim, inchhungkua ah hian thaw hah nei in awm mial em?" a han ti a. Pu Kima chuan, "Chutiang tumah kan awmlo, kan hrisel tha ve hlawm viau chuan ka hria." a ti a. Nathana chuan inhaler chu lek kan pah chuan, "Hei hi kan hmu a, i huanah...ruang awmna atanga ft 7 vela hlaah kan hmu a ni." a ti a. Pu Kima chuan, "Ka va hre biko ve, khatiang hmang kan awmlo tlat, chubakah sawi tak ang khan kan chhungkua hi chu Pathian zarah kan hrisel ve lutuk." a ti a. Nathana chuan, "Nih leh ruang i hmuh khan, in thenawmte leh i thiante i hrilh hmasa ber tiraw?" tiin a zawt leh a. Pu Kima chuan, "Aw ni e, kan thenawmte ka hrilh a, tichuan ka thian thenkhat te ka hrilh bawk a, tichuan ruang awmna lam chu kan zuk kal leh a ni." a ti a. Nathana chuan, "In thenawm te leh i thiante chu i hrechiang hlawm ngei ang tiraw?" a ti leh a, Pu Kima chuan, "Awww....ka hrechiang ve hlawm khawp chuan ka hria." a ti a. Nathana chuan, "Chumi te zingah chuan thawhah nei emaw, asthma nei awm ang i hria em?" a ti leh a. Pu Kima chuan, "Aih, ka hrelo ka pu." a ti leh a, Nathana nen chuan kan kalsan leh ta phawt a.
Nathana chuan motor lam kan pan pah chuan, "A hrim hrimin SI Liantea pawh hi a zawng chiang awmlo thin mange..ka enfiah vek te chu a han ti ve a." a ti nuah nuah a. Keilah chuan intithei tak hian, "Sir, ka hmuh ngat anih kha aw...nangpawn i hmuh bik miahloh kha." ka ti vel ham ham a. Nathana chuan, "Nia nia nia...i bawn ber alawm." a ti a, motor ah chuan kan lut ta a. Station lam pan chuan kan kal leh ta a, tun tum kan case hi chu kan misualte sawisak an chakawm kher mai. A bik takin pawngsual mai nilova, pawngsual zawh hnu a an han that leh kher phei hi chu an serh tan sak hial hi ka chak thin, ka ti mah mah pawh inlo ti maithei...mahse ka kham em ani, heng pawngsual ching ho hi chu. Rei pawh kan la tlan lo, Selesih kan pel chiah tih ah chuan Nathana chuan, "Durtlang kan thlen hunah ding rawh aw, Estheri te inah kal leh lawk ang." a ti a, tichuan Estheri te inah chuan kan kal leh ta a. Nathana chuan Estheri pa bulah chuan, "Ka pu, thil ka zawt leh lawk duh che a." a ti a, Estheri pa chuan, "E...awle, lo thu ru." a ti a, tichuan kan thu ta a. NAthana chuan paper pakhat hi a phawrhchhuak a, "Post mortem result a lo thleng tawh a, a lan dan chuan maw ka pu...in fanu Estheri thih hun hi tlai dar 5 vel a ni a, tualthattu hi veikhawr niin a lang. Chuan, Estheri lu a hliam hi hmun khatah mai nilovin hmun thumah a kak a ni. Alan dan chuan Estheri hi a thihhma khan nasa takin sawisak phawt a ni a, chumi hnua pawngsual chauh a ni. Ka pu, Estheri hian hmelma a neih awm ang in hrelo takzet amaw?" a ti a. Estheri pa chuan, "Aw, mi pawi a sawi pawh kan hre ngai meuh lo, keini pawn kan duat em em a, duat tlak a ni reng bawk a, amah that duh tu tur awm ang chu han rinhlelh tur takngial pawh kan hrelo a ni." a ti a. Nathana chuan, "Bialpa a neilo i ti tiraw?" a ti a, Estheri pa chuan, "Aw...neilo, mahse bialpa a neilo han tih khan...bialpa a nei hrihlo zawk." a ti a. Nathana chuan, "Bialpa hlui chu a nei tihna mi?" a lo ti vat a. Estheri pa chuan,"Aww...a hming chu RSa a ni a, kan veng Durtlang ami tho a ni. Mahse kan inhlat deuh a, Durtlang Leitanah an awm a, keini chu Durtlang Mualveng kan ni a." a ti a. (Durtlang Mualveng hi he thawnthu ziaktu Aaron Malsawmdawngzuala te veng tak tak a ni). Nathana chuan, "A nih chu mawle...nihleh a thiante zinga a kawm ngeih deuh bik te min hrilh thei em?" a ti leh a. Estheri pa chuan, "Chutia thian han kawmngeih fal em em chu a nei lemlo a, a KTP member pui te hi a kawm vek a, mahse thian kawmngeih deuh pakhat chu a nei." a ti a. NAthana chuan, "An veng leh a hming min hrilh thei angem?" a ti a, Estheri pa chuan, "A hming chu Lalsangkimi a ni a, Sangte kan ti mai thin a. Chaw te pawh alo ei ziah a, alo riak fo alawm." a ti a. Nathana chuan, "An vengah kal nghal kan duh dawn a, an in awmna min hrilh thei angem?" a ti a. Estheri pa chu a ding hluai a, "Ngawiteh...Sangtei sawi takah chuan nizan atang khan ala hawlo hrim hrim. Kan inah hian a rawn riak nghal alawm...tukina Estheri ruang a rawn thlen atang khan ala kalsan lo hrim hrim. Nizana a thi tih a hriat khan kan inah hian a rawn riak nghal a, tukinah pawh ruang kan lo nghak ho nghe nghe alawm." a ti a. Nathana chuan, "Anih leh tunah khawnge a awm, inah hian a awm em?" tiin a zawt nghal thuai a. Esther pa chuan, "Aih...thlan mualah vui turin an kal deuh vek a, a kal ve ta anih kha...kei erawh tiangah hi chuan ka kal duhlo a, inah ka awm ta zawk a nih hi." a ti a. Nathana chuan, "Anih chuan kan lo nghak ange aw...thu zawhfiah kan duh ve dawn a." a ti a, tichuan Sangtei chu kan lo nghak ta a. Tlai dar 2 velah chuan thlan-a kal ho chu an rawn haw ta a. Nathana chuan Sangtei chu ava pan nghal a, police kan nih thu te kan hrilh a, thu tlem zawhfiah kan duh thu te kan hrilh hnu chuan Sangtei chu Estheri room ah kan luh pui a, Nathana chuan thu a zawt ta a..
"Sangte, min hlau lo la, kan thu zawh che hi diktakin min chhang dawnnia aw?"
"Awle ka pu."
"I thiannu nen kian kum engzat nge in inkawm tawh?"
"Kum 7 vel chu kan inawm tawh ang."
"Estheri hi i hre chiang em?"
"Ka hrechiang ve thawkhat chuan ka hria."
"Anih leh Estheri hian thawhah a neih thin awm i hria em?"
"Aih...hre miah lo, tinge ka pu?"
"Kan hre duh mai mai mawle..nang chuan i neilo ang tiraw?"
"Aw...ka neilo, Estheri pawh hian thawhah a neih awm pawh ka hrelo."
"Anih leh Estheri bialpa hlui RSa hi i hria em?"
"Durtlang Leitan ami kha maw? Hria e...ka hre lutuk zawk."
"Estheri nen an inthen tawh tiraw?"
"Aw....bialnu dang a neihsan daih a."
"Anih chu mawle...Estheri thattu anih i ring em?"
"Ka ring lo, lerh ve hle mahse chutiang khawpa sual chu a nilo."
"Anih leh han rinhlelh te i nei em?"
"Tumah han rinhlelh tur ka hre lo ka pu."
"Anih tak chu...kan kal phawt ange aw."
Nathana nen chuan Estheri te in chu kan chhuahsan ta a, Station lam kan pan leh ta a. Station kan thlen meuh chuan tlai dar 3:30 a ri tawh a, Nathana chuan, "Rina, i duh leh haw tawh rawh...keipawh ka haw dawn...zanah ka lo leng ang." a ti a, tichuan kan haw ta a. Zanah chuan Tluangtei nen chuan kan in call a, kan inbe tui hle mai. Kan sawi ril leh tan ta riau mai, ka zam leh tan dawn ta. Hei bak chu sawina chance a vang leh tawh dawn tih chu hre ran chungin ka huaisenna chu ka sawm khawm leh tan ta a. Thawk ka'n la te te a, "Tluangte.." ka'n ti phawt a. Tluangtei pawh chuan ka sawi tum hre lawk niawm deuh hian, "Umm..sawi ta che." a rawn ti tham tiak a, a aw chu a va mawi tak em. Ka sawi chak tho a, mahse ka ngam thlawt lo a ni. Ka aw ka thian leh te te a, "Tluangte, ka hma..." ka sawi zawh hma chuan Nathana chuan ka room a rawn hawng thut mai chu ka phu chiang kher mai. Hepa tak hi chuh...ahma pawn ka sawi hman lo chiah chiah tawh a, ka va han ngei thin tak em. Kei aia kum 5 laia naupang zawk hian nupui min neihsan tawh a, bialnu ka nei ve tan dawn chauh a, min tibuai reng mai. Rawn luh pah chuan, "I phone kha dah rawh...thil sawi dun a ngai." a la ti vin hlur zui. Thinrim ngam chiah silo, lungawilo bawk si nen chuan ka melh rum em em ringawt a, Tluangtei lah chuan, "Enge...tinge i tawp daih a? Sawi ta che.." a rawn ti vak vak a. KA sawi chuan NAthana a awm ve bawk si, sawi lo ta ila chance dang a awm mai mai leh tawh awm silo a, ka va han haw tehreng em he DCP zet hi chu. Tluangtei bulah chuan, "I u Nathana alo kal a, nidangah a nimai." ka ti ta tawp a, Tluangtei lah chuan, "Hmm...a nih tak chu." a ti a, ala dah hmak zui. Mood a off chiang ngei mai, tum hmuk chuan ka va phei a. A bulah chuan ka va thu a, "Enge ni ta...news a awm em?" ka va ti vei deuh luam a. Nathana chuan, "Estheri thattu hi mi pakhat chauh an ni lo, mi pahnih a ni." a ti ta mai a. Keichuan, "Engtin nge i hriat?" ka lo ti hu mai a. Nathana chuan, "Post mortem ti tu doctor khan min rawn phone a, Estheri serh chhunga mipa chi leh a dul a mipa chi lo awm kha, mipakhat chauh atanga lo chhuak a nilo, a in anglo a ti a ni." a ti a. Keichuan, "Eheu...ava rapthlak veleh." tih ringawt hian ka lo chhang a. Nathana chuan, "A hrim hrimin Estheri bialpa hlui, Durtlang Leitana mi RSa pawh chu va biak angai in ka hria." a ti a. Keichuan, "Engtikah nge kan kal ang?" ka ti a. Nathana chuan, "Zaninah chuan ka peih lo, naktukah kan kal dawnnia." a ti a. Chutih lai chuan Sanvi alo lut a, thingpui min rawn pek pah chuan, "Rinawm, i va vang ve a." alo ti a. Keichuan, "Vang vak ami? In nupa in inlo leng a nimaw?" tiin ka lo nuih a. Nathana chuan, "Sanvi, kha tin 'Rinawm' ti lawl lawl suh ka tih kha...tlangval mah nise a kum erawh a tlem lemlo tih i hriat kha. Pa Rinawm te ti ve tal ta che, a lungawilo anga sin." a lo la ti zui. Sanvi chu a nui huah huah a, "I boss hi i ngamlo ve sia, tikhan lo titi rawh u, Mary ka va paw mu a nge...Nathana bulah hian hruai ve lovang, haw a ngen leh reng mai ang ka ti mawlh mawlh a, hruai ve rawh a ti talh a." a ti nuah nuah a, min chhuahsan ta a. Nathana chuan, "Rinawm, naktuk chu lo kal hma ve deuh tawh teh, tlangval si..mut i duh emai." a ti a. Keichuan, "Ni e, lo kal hma ka tum tawh ange." ka ti a. Nathana chuan, "E taka, DGP thar kan neih dawn kha aw...tlai chiloh hrim hrim." a tih chuan ka hrechhuak zawk mai, ka lo theihnghilh tep a, DGP thar kan nei dawn tak e. Tichuan Nathana nen chuan kan titi a, dar 10 vel a rik chuan an haw ta a. Atukah chuan hma takah Station chu ka thleng a, Nathana chuan minlo la thlen khalh hram nia mawle. Minute 10 vel hnuah chuan kan DGP thar chu a rawn thleng ta a, salute te kanlo pe a, tichuan inhmel hriatna te kan nei a. DGP chuan Nathana nen chuan a room ah min ko lut a, "DCP Nathan Malsawmkima maw?" a ti a, Nathana chuan, "Yes Sir." a han ti a. DGP chuan, "Zonunsanga ka ni a, chuan hei hi ASP Lalrinawma a niang maw?" a ti leh a, keichuan, "Yes Sir." ka ti a. DGP chuan, "Ummm...in pahnih bula thawh hi ka chak tawh lutuk alawm. In record te ka lo en a, in huaisen in in fakawm khawp mai. NAngni pahnih anga huaisen leh rinawm hi police station tinah hian awm se chu a tha ngawt ang." a ti vei luam a. DGP chu a hmel han en chuan pa zaidam hmel tak a ni a, a hmel lah a tha puak reuhva. Dulkiar ve tak, kuhva heh ve hmel zet mai hi a ni a, a fel hmelin kan DGP hlui min boral san ta DGP Sangliana pawh min ti hre chhuak rum rum mai.
Nathana nen chuan Estheri thihna case chu investigation tih chhunzawm leh tur chuan kan chhuak dun leh a, Estheri bialpa hlui RS-a te in lam chu kan pan ta a. Rsabulah chuan kan nihna te kan sawi a, tichuan thu tlem azawng te chu kan zawt leh ta a. NAthana chuan, "Michael, Estheri thattu tur awm ang han rinhlelh deuh te i nei em?" tiin a han zawt a. Rsa chuan, "Ka van hre mai biklo, chutiang tur awm ang ka hre hauh lo mai." a ti a. Nathana chuan, "A nih leh RS, Estheri nen khan tinge in inthen a?" a ti a. Rsa chuan, "Englo ania ka pu, bialpa dang a neih thu min hrilh a." a ti ta mai a. Mak kan ti angreng hle mai, Sangtei kha chuan Rsa zawkin bialnu dang a neihsan ang khan a sawi si a. Nathana chuan, "Tunge a bialpa chu i hre thei em?" a ti a. Rsa chuan, "Aih, min hrilh duh lo...ka zawh pawhin nang aia hmangaih ka nei a ti tlat a, tichuan min block daih a, ka call pawh a la duh lo. Tichuan keipawhin chuti khawpa min then duh nanana chu tiin ka bansan ve ta a ni." a ti a. Nathana chuan, "Kan lo hriatdan chuan nangmah zawkin i lerhsan a, bialnu i neihsan angin kan lo hria a." a ti a. Rsa chuan mak a tih hmel hle mai, "A awihawmloh eee...keiman maw? Tunge ti?" a ti hu mai a. Nathana chuan, "Aaa..kan hriat dan ania, a titu chu kan sawi kherlo anga, mahse nangmah zawk hian bialnu i neihsan angin an sawi che a." a ti a. Rsa chuan, "Bialnu chu ka nei ngei alawm, mahse min then hnuah ka nei ve chauh a ni." a ti a. Nathana chuan, "Nihleh a bialpa thar chu a hmel i hmu tawh hrim hrim em?" tiin a zawt leh a, Rsa chuan, "Hmu tawh chiang e, an inzui fo alawm." a ti a. NAthana chuan, "Engtik khan nge i hmuh hnuhnun ber?" a ti a. Rsa chuan, "Ka chiang chiah tawhlo, ka hmu fuh thei phian lehnghal." a ti a. Nathana chuan, "Anih leh Estheri hian Sihphirah thian a neih awm i hria em?" a ti a. RSa chuan, "Aih, a thiante ka hre vak lo, Sangtei hi ka hre chiang em em a..chu chu nimai." a ti a. Nathana chuan, "Anih leh khawiah te nge i hmuh thin?" tiin a zawt leh a. Rsa chuan, "Durtlangah hlir ka la hmu....e taka, hmanni lawk khan Durtlang North lamah ka nutei te inah vawksa ka va lam khan ka haw lamah ka tawk bawk." a ti a. Nathana chuan, "Anih tak chu...kan kal phawt ange aw." a ti a, tichuan kan chhuak ta a. Nathana chuan motor khalh pah chuan, "Rsa kan hmu hlauh chu a va tihzia ve aw...kha, bialpa a lo neihsan zawk tih kan hre mai alawm." a ti a. Keichuan, "Mahse Sir, dawt a lo sawi ve thei tho asin." ka ti a. Nathana chuan, "A sawi lovang, a sawi ka ringlo. A mitah khan ka en reng a, ka mitah tak min en chungin a sawi a, a zam hauhlo. A thusawi ah a chiang a, dawt a sawi ka ring lo. Kum 23 vel bak ala nilo a, keini police officer hmaa zam miahloa a tawng zat zat thei anih chuan dawt a sawi lo tihna a nimai." a ti a. Nathana nen chuan Station kan thleng a, Nathana chuan a office ah min luhpui nghal a. Tui a in khawlh khawlh a, "Rinawm, Estheri khan Rsa zawkin abum angin Sangtei bulah a sawi nge ni a SAngtei khan kan bulah dawt a sawi zawk ni ang le?" a ti a. Keichuan, "Nia, a mak khawp mai. Mi sawidan kha chuan Estheri hi mi fel tak leh Kohhrana inhmang tak an ti bawk si a, Rsa lah in amah zawkin min lerhsan a ti bawk si." ka lo ti ve bawk a. Nathana chuan, "Kan hrechhuak thuai mai ang, case hahthlak pawh a ni dawn pawn ka hrelo. Kan case hmasa te ngaihtuah chuan tuna kan case hi chu kan thu hriat zawng zawng te nen, a tawplam kan hnaih thuai ang." a ti a. Keichuan, "Anih leh Sir, tu zawk nge i rin? Rsa nge Sangtei? Achhan chu Rsa pawh khan ka sawi ang khan dawt min hrilh ve thei tho a, Estheri kha a chhungte meuh pawhin mi fel tak an ti a, Sangtei kha ka ring deuh mah zawk." ka lo ti a. Nathana chuan, "Hmeichhe ho hi an inthup thei lutk, an mizia ni miahlo pawn rei tak an awmthei...mi mithmuh ah chuan maw hmeichhia te hi mipa aiin an mizia an thup thei fe zawk." a ti a.
Kan titi lai chuan Constable Siama alo lut a, "Sir, tlangval pakhat alo kal a, a hmu duh che a." a rawn ti a. Nathana chuan, "Lo luh tir rawh." a ti a. Chu tlangval chu Estheri bialpa hlui Rsa a lo ni a. Nathana chuan, "Ehe RS, lo thu rawh." a ti a. Rsa chuan thut pahin, "Englo ania ka pu, ka thianpa Robert-a'n kan inthen tirh vel khan min tawrhpui lutuk a. Chuan hman zan deuh, Estheri thih hma khan Estheri thawhna school bulah an awmdunlai a hmu a, thla alo la a, min rawn thawn a. Vawiina inlo kal khan ka theihnghilh daih a, sawi nachang ka lo hrelo a, in haw hnu khan ka hre chhuak thut alawm le. Hei, ka lo pan vang vang che u a ni." a ti a. Nathana chuan, "A nih tak chu, thlalak chu kan lo en ange." a ti a. Rsa chuan a phone a khawih nuap nuap a, thlalak chu a hmet chhuak a, Nathana nen chuan min rawn hmuh tir a. Nathana nen chuan thlalak chu kan han en a, Estheri hmel chu chiang takin alang a, mahse a mipa hmel chu a lang chiang lo, chubakah lehlam ahawi a, a hmel chiang takin a lang thei tlat lo. Nathana chuan, "A hmel hi a lang chiang silo a, hriat a har deuh a nih hi...a dang ila nei em? Hei aia chiang deuh?" tiin a zawt a. Rsa chuan, "Aih, kha chiah kha a nei a, mahse ka thianpa Robert-a chuan chiang takin ahmu ngei ang, kan zawt mai dawn em ni?" a ti a, mahse Nathana chuan, "A ngai hrih lo, thlalak hi minlo thawn la, chuan i haw thei ang." ati a. Thlalak chu Rsa chuan NAthana chu a thawn a, tichuan a haw ta a. Rsa haw hnu deuh lawk chuan Nathana nen chuan dawrah chow satui leih kan eidun a, Nathana chuan, "Rinawm, Sihphirah han chho leh teh ang. Ruang hmu tu Pu Kima bulah thlalak hi han hmuh ila, a hriat zawng te alo nih taki. Chumi pah chuan Estheri te inah pawh kan kal anga, kan zawt bawk ang." a ti a. Keichuan, "Alang chianglo e...Roberta chu zawt chiang ila, hei aia alan chianna pawh a nei maithei asin." kalo ti a. Nathana chuan, "Ngawi teh, Roberta chuan Estheri bialpa thar hi hmuh chu a hmu chiang ngei anga, mahse thlalak dang lo nei tawhlo tase...kan hun a uihawm mai mai a ni." a ti a, tichuan kan eizo a, Durtlang lam kan pan leh ta a. Estheri te inah kan kal a, mahse apa chuan Estheri bialpa thar chu a hmuh ngailoh thu leh bialpa aneih leh awm ang engmah a hriat loh thu min lo hrilh a. Kan kal leh a, Sihphir kan thleng a. Pu Kima pawh chuan a hriat ngailoh thu min lo hrilh leh a, beidawng tak chuan kan chhuak leh ta a. Kan haw hma chuan Nathana chuan, "Hawh teh, kan kalna kawng a thui tham ve sia, thingpui in leh phawt ang." a tih avang chuan thingpui chu kan in leh phawt a. Kan in zawh chuan pawnah meizial kan zu dun a, NAthana chuan ahma zawna mi pakhat lo ding chu a en char char a, a hmelhriat tawh hnu niawm tak hian a thlek ngawih ngawih a ni ber mai. A bulah chuan ava ding a, meizial chu a va zuk khum deuh kher a, chupa chuan a hmui hupin a kalsan a. NAthana chuan a en zui vawng vawng a. Chupa chu thirban bulah ava ding ta daih a, Nathan chu va kal lehin chupa bulah kher chuan meizial chu ava zu khu leh luih luih a. Chupa chu a khuh ta vak vak a, a thaw hrawk hrawk a, "Thianpa, ka bulah kher i rawn zu a, meizial khu hi ka ngeithei lo ania." a lo ti a. NAthana chuan, "Awhawww...animaw? Ka tihpalh lutuk...tinge a? Thawhah i nei em ni?' tiin a zawt a. Chupa chuan, "Thawhah han tih ah, asthma ka nei a." a ti a, NAthana chuan, "Ka tihpalh a ni." a ti a, chupa chu a kal ta daih a. NAthana bulah chuan ka va kal a, "Tinge a? A bulah kher i va zuk a.." ka ti a. NAthana chuan a phone a phawrh a, Rsa thlalak min thawn kha a en a, "A ni chiang lutuk." a ti a. Keichuan hrethiamlo tak hian, "Tumaw? Tumaw ni ciang chu?" ka lo ti hu a. Nathana chuan, "Estheri bialpa thar...Rsa'n thlalak min thawn ami kha." a ti a. Keichuan, "A hmel a lan chianloh kha....lehlam a hawi daih kha, engtin nge i hriat bik a?" tiin ka zawt a. Nathana chuan, "A bana a tattoo kha, Samurai lem kha, hei en rawh." a ti a, Samurai tattoo nalh tak mai chu abanah a lo nei a, ka lo hmu miahlo chu niin, keitak hi chuh. Nathana chuan, "Zui ang.." a ti a, kan zui ta a.
Chupa chu kan zui ru a, tichuan hnunglam a rawn hawi zeuh zeuh a, kan zui zel a. Vawi lehkhatah a tlan ta thut mai a, Nathana chuan, "Hey, ding rawh." a ti a, tichuan kan um ta a. NAthana han tlanchak zia mai chuh, ka umpha lo hrim hrim. Chupa chu kawnghnuai lamah a tlan thla a, kan um zel a. NAthana chuan reiloteah a man thuai a, chuap chuan, "Engmah ka tisual lo, tinge min man a?" a ti chel chul mai a, a thaw hrawk hrawk a. NAthana chuan, "Engmah tisual lo si tinge i tlanchhiat?" a ti vin tuar a. Tichuan chupa chu Station ah kan hruai ta a, dark room ah kan kal pui a, hand cuff kan bun tir bawk a. Nathana chuan, "Tunge i hming?" tiin a zawt a. Chupa chuan, "Chhanchhuaha."a ti a. Nathana chuan, "Estheri kha engvanga that nge i nih?' a ti a. Chupa chuan, "Tunge Estheri chu? Tumah ka thatlo hrim hrim." a ti a. Nathana chuan thlalak hmuh pah chuan, "Henu hi i bialnu Estheri a nilawmni, chuan a bula mi hi nangmah i ni bawk." a ti a. Chhanchhuaha chu a ngawi ta reng a, Nathana bawk chuan, "Sawi rawh...Pu Kima te huanah khan Estheri chu i pawngsual a, i that bawk a, i inhaler pawh i thlauh nghe nghe hi." ati a. Mahse min la hnial tang tang a, NAthana chuan a phih tho lawp a, cell chhungah a khung a. NAthana chuan, "Constable, pawnah meizial ka zu anga, a inpuan hma chu lo vaw rawh u." a ti a, tichuan Nathana nen chuan pawnah meizial kan zu a, hetih hunlai hian zan dar 7 a ni tawh a, DGP pawh a haw tawh. Minute 10 hnu velah chuan constable chu a rawn chhuak a, "Sir, engkim ka sawi ang...a ti a nih chu." a rawn ti a. Inchhungah chuan kan lut a, Nathana chuan, "Awle Chhanchhuah, han sawi ta che." a ti a. Chhanchhuaha chuan, "Aw..Estheri kha ka thah a ni. A bialpa hlui Rsa pawh kha ka hria, Estheri hi ka duh em em a, RSa nena an inngaihzawnlai atang tawh khan ka duh tawh a ni. Tichuan eng tin tin emaw ka inthen tir thei ta a, chuan ka bem nghal a, a tir chuan min duhlo mahse, ka hel ka hel tak hnuah chuan ka nihpui thei ta a. Mahse ka duhna chhan ber chu sex vang a ni, ka hmangaih hlawl lo." a ti a. Nathana chuan lo pawtchatin, "Ngawi lawk...Estheri kha nangmah chauhvin i that lo tih pawh kan hria, tu nen nge in inthurual?" a ti a. Chhanchhuaha chu a ngawi vang vang a, "Ka thianpa drugs addict a ni a, Thangtea a ni." a ti a. Nathana chuan, "Engtin nge in thah sawi rawh le." a ti a. Chhanchhuaha chuan, "Estheri nen chuan hmun rem apiangah sex kan hmang ta thin a, a chang chuan a duh ngailo. Mahse min hmangaih em avangin ka hlimloh a hlau a, min hmanpui ve ta zel bawk a. A tawpah chuan kan sex hmanglai te chu video-a lak ka ching ta a. Min hau fova, mahse ka la lui zel tho. Zankhat chu ka thianpa Thangtea nen hian drug kan ti dun a, kan sex video chu ka en tir ta a. Thangtea chuan sex hmanpui ve a chak thu asawi a, a tir chuan ka phal biklo. Mahse damdawi ruihtur tam tak min pek a tiam avang leh drug addict ve tho ka lo ni bawk si nen, ka mamawh ve tho bawk si chu ka phal ta a. Tlaikhat chu Pu Kima te huanah chuan Estheri chu ka hruai a, huanah chuan Thangtea chuan minlo chang a. Tichuan Estheri chu kan sual ta a, thah kan tum bik miahlo. Mahse Thangtea rui a tawh si chuan a tal nasa lutuk chu lungin a lu a chhu ta vak vak a, tichuan a zal ta deuh a, a duhtawkin a pawngsual hnuah ka pawngsual veleh a. A thilo amaw kan ti a, alo thi reng mai a, tichuan hlauthawng takin kan kalsan ta tawp a ni." a ti a. NAthana chuan, "Khawnge i thianpa chu a khawsak?" a ti a. Chhanchhuaha chuan a address min hrilh a, eng sawi set set lo chuan kan va man ve ta nghal a. Thangtea pawh chu Chhanchhuaha kan khunga cell ah chuan kan dah ve nghal a, an inhnial dun nasa kher mai. Thangtea chuan Nathana chu rum tak hian a melh a, "Hey DCP, min man hi chu i inchhir khawp ang....ka pa hi collector a nih hi aw, kan chhuak tho tho ang." a ti pang pang a. Nathana chuan, "Engmaw i sawi ve a? Collector fapa maw i nih a? Ava ropui ve aw...kan la hria ang chu." a ti a. Thangtea hi amaha in luah a ni a, an khua erawh Phulpui daih a ni thung. Nathana chuan Chhanchhuaha phone chu alaksak a, video pakhat a hmu ta hlauh mai, chu chu Estheri an pawngsual lai video a ni.
Nathana chuan, "Inva ti tha em awww....video pawh inlo nei thlap anih hi mawle. Kan lawm e, naktukah court ah ipa te nen chuan kan ihmu tham tham dawnnia. Rinawm, FIR ziak rawh, heng mi tenawm pahnih te hi an phutawk hremna kan pe ngei tur a ni." a ti a. Tichuan lawyer kan ko a, video chu kan submit a, tichuan kan haw ta a. News ah chuan pawngsual tute man an ni ta, tiin an puang ta dup dup mai a, Mizoram a dengchhuak hneh hle mai. Pawngsualtute pahnih Chhanchhuaha leh Thangtea te chu court ah kan kal pui hma chuan pa pakhat hi alo lut a. DGP bulah chuan, "Enge awmzia DGP? Ka fapa hi engvangin nge in man? Chhuah ngahl ru...collector ka ni tih hi inhria em?" a rawn ti pung pung a, Thangtea pa alo ni a. DGP chuan rum zet hian alo melh a, "Evidence tha tawk tak kan nei, an pawngsual ngei ani tih pawh kan hre tawh e. Collector pawh nila, CM pawh nila, thil tisual tute hremna pek hi kan hna a ni. I sawi duh ang chu court ah sawina hun an pek ve tak hlauh che leh i sawi ve aniang chu." a ti a, tichuan Thangtea pa chu a chhuak ta a. Misual pahnihte chu court lam kan panpui ta a, judge chuan, "Le...evidence chu han chhuah ula." a ti a. Kan lawyer chuan video chu a pe a, mahse engmah a lang thei ta tlat lo mai. Judge chuan, "Enge awmzia, data engmah a awmloh hi?" a ti a. Lawyer chuan, "DCP min pek hi a ni a, data a awm thu a sawi sia." a la ti zui. Ka hlauh ruk ang chiah a ni, kan lawyer chu Thangtea pa in alo tham hman hi alo ni a. Judge chuan, "DCP NAthan, enge awmzia?" a ti a. Nathana chuan, "Your Honour, anmahni ngei pawh an inpuang tawh a, kha video pawh kha anmahni hian anlo khawih danglam hman ani ngei ang." a ti a. Thangtea te lawyer chuan, "A ni ang, a ni lo ang..tih vel mai mai hun anilo. Hei hi court anih hi, court hian proofna dik tak a mamawh. An inpuang ti mah la an inpuang ngei em tih chiang a awmlo, chuvang chuan your honour, ka client te hi chhuah zalen turin ka ngen a che...tihsual engmah annei lo." a ti a. Judge chu a ngawi vang vang a, "Court hi naktukah chhunzawm a ni ang, zaninah Thangtea leh Chhanchhuaha hi Lock up ah an riak leh phawt ang. Mahse naktuka evidence tha tak kan hmulo a nih chuan Thangtea leh Chhanchhuaha hi pawisawi lo angah kan ngai anga, tin FIR ziaktu DCP NAthana leh ASP Rinawma te khi thla 2 chhung suspend an ni bawk ang." a ti a, court chu kan chhuahsan ta a. Nathana chuan, "Kha lawyer kha, video kha alo hralh hman ani chiang mai. Ka va han haw tak em...a copy zawng zawng nen khan ka pe vek si a, ka va han mawl ta....tumah hi lo rinloh tur a nia." a ti nuah nuah a. Chumi tlaiah chuan Estheri pa alo kal a, NAthana bulah chuan, "Ka pu, enge awmzia? Ka fanu thattu te kha an chhuah zalen ang maw? Eng ang rorelna nge ni ang?" tiin a rawn tap hawm hawm mai a. Nathana chuan sawi tur a hrelo, a ngawi reng a. Estheri pa chuan, "Keipawh hi ka thi ve mai ang, ka fanu ka chan tawh a, a thattu te ngei pawh hrem anni thei dawn silo a maw? A va han fairlo tak em...an phutawk hremna pe tu tur mihring an awm lo anih hi.." a ti a. NAthana chu a ding hluai a, thinrim em em hian Estheri pa chu a en a, "An awm alawm, hremna pe thei tu tur chu an awm ngei mai...chuan chu mihring chu kei ngei hi ka ni, kei hian hremna chu ka pe em em ang." a ti a. Estheri pa chu ava pan hnai a, "Ka pu, lungngai suh, hremna ka pe em em ang. Ka hna hian tawrh phah dawn mahse, ka tiam ache....an phutawk hremna ka pe ngei ang." a ti a,a thusawiah chuan a chian hmel hle mai. Estheri pa chu a chhuak ta a, keichuan, "Sir, engtia awm nge i tum a?" ka ti a. NAthana chuan, "Zaninah hian kan constable nupui leh fanu te tlai chaw min rawn pe turin hrilh ang che. Constable ho zawng zawngin an nupui te theuh phone se, zan ah chaw min rawn pe anga, hemite hmuh lai ngei hian chaw chu kan ei anga, abak chu ka ti fel vek ang." a ti a.
Tlai dar 6 vel ani a, kan constable nupui te ho chuan tiffin an rawn keng ta sup sup hlawm a, kan ei pah chuan kan titi a. NAthana chuan DGP pawh a ko ve a, NAthana chuan a plan te chu min han hrilh hlawm a. Tichuan Thangtea leh Chhanchhuaha kan dahna cell hmaah ngei chuan thuin chaw chu kan ei ta a, kan titi a, kan nui dar dar a, Chhanchhuaha te thiandun chuan cell chhung atang chuan minlo en reng a. NAthana chuan SI Liantea bulah chuan Chhanchhuaha leh Thangtea te hriat tur kher hian, "Enteh Liante, kan mi mante pahnih hi, han en mai chuan an cherchhe dun ve sia, mipa sazu pawh an nei ve dawn mawnile?' a han ti vel a, kan nui tiah tiah a. SI Liantea chuan, "Hmeichhe itawm tak tak pawh an hmaah hian saruakin lo kal ta se, chetdan tur pawh an hre nang." a lo ti ve bawk a, kan nui nasa ngei mai. Chhanchhuaha leh Thangtea chu an rawn tho chhuak a, an thinrim hmel kher mai. Keichuan, "PAwngsualtu pawh an ang lo, dawt an sawi anih ka ring...an chakna pawh a chhuak ve thei dawn mawnile? Running char char phawt angai ang, an nep dun hmel emai." kalo ti ve bawk a. Constable nupui te chu an nuih a za em em a, an khek tuar tuar a. Chutah le...Thangtea thinrim chuan vin zet hian, "Engmaw in sawi a? Mipa sazu ang pawh kan nei velo ang maw? I hre tlem deuh ani DCP...Estheri kha kan pawngsual a, kan thah ngei ani." a ti pung pung a. Chhanchhuaha chuan, "ASP..nangkhan engmaw i sawi kha, running char char angai ang i ti amaw? Min va hmusit ve a, tihdan chu kan hre khawp mai." a ti a. Thangtea chuan, "DCP...khalaia hmeichhe tleirawl te kha cell chhungah hian lo luh tir rawh...Estheri kan pawngsual dan ang chiahin kan lo pawngsual ange...in hre mai ang." a ti pang pang a. Chu hmeichhe tleirawl an sawi chu kan Head constable Aldrin-a fanu a ni. Aldrin-a nupui chuan Aldrin-a chu a en a, "Enge i din reng a? Saw jail tang pahnih te sawn i fanu pawnsual an duh thu i beng hriatah ngei an sawi a..tinge engmah i sawi ve loh? I fanu nawmnah taka chhaih tu te saw i va khawi dawn lo emni?' a ti ta hrep a. Chu veleh Aldrina chuan thinrim em em hian, "Constable, chahbi minlo pe teh." a ti a, Adrin-a thinrim lutuk chu a khur dur dur thei hial a. Aldrin-a bawk chuan, "Constable...chahbi minlo pe rawh." a ti vin tuar a, Constable Siama chuan cell chahbi chu a pe a. Chhanchhuaha te awmna cell lam chu ava pan pah chuan, "Ka fanu hming in lam ve khanglang amaw?" a ti phei khur khur a. Thangtea lah chuan, "Lo kal rawh, kan lo sawisa hrep ang che." a lo ti pang pang bawk a. Aldrin-a chuan cell chhung chu a hawng a, tichuan cell chhungah chuan an insual ta buan buan mai a. An insual lai chuan NAthana chuan min ko khawm a, "Ngaithla rawh u, constable Siama leh Rinawma'n inva thelh anga, cell zawnah tak hian CCTV a awm bawk a. Footage atanga en a encounter shoot ang thei tur berin in che dawnnia. Rinawm, i pistol chhunga silaimu kha la chhuak vek la, tichuan i silai chu iva thleh pah chuan i inlaksak tir anga chuveleh ka lo kap ang." a ti a. Tichuan CCTV in a cover phakloh chiah chiah ah chuan ka va ding a, silaimu ka la chhuak vek a. Tichuan Siama nen chuan an insual chu kanva thelh a, kan plan ang ngeiin pistol chu Thangtea tana lak awlsam turin ka awm a, tichuan Thangtea chuan pistol chu a la ta ngei a, chuveleh Nathana chuan a kap ta a, Thangtea chu a thal tawp a, a thi chiang ngei mai. Chhanchhuaha chuan silai chu chharin, "Ka thianpa i that amaw?" tih pahin Nathana chu a tin leh a, Nathana chuan alo kap veleh a, a thi ve nghal bawk a. Nathana chuan, "Ngaithla ru, media ho anlo kal anga, CCTV footage in hmuh tawp dawnnia. KAn tiffin ei laiin heng mite hian buaina siamin kan constable fanu pakhat a rawn chhaih vel a, chumi khap kan tum chu minlo sual let a, ASP Rinawma pistol chhuhsakin min kah an tum a, encouter in ka kap ta a ni tiin insawi dawnnia." a ti a. DGP alo kal a, "Ka kutah dah rawh." a ti a.
Media te chu anlo thleng a, police dangte leh kan constable nupui te pawh chu kawmin media hmaah chuan encounter shoot a nih thu leh self defence a nih thu te chu an hrlh ta a. CCTV footage atangin a chiang em em bawk a, tichuan NAthana pawhin thiam a chang ta a, chulai hmuna awm zawng zawng, kei leh NAthana, DGP, Constable te leh an nupui fanau te nena kan tanrual em avang chuan Estheri pawngsuala rawng taka thattu misual tenawm Chhanchhuaha leh Thangtea te chu an phutawk hremna kan pek theih phah ta a ni. Atukah pawh press conference kan nei a, mahse DGP chuan, "DCP Nathan hian encounter hmangin a shoot a, chupawh ka order vang a ni. Khang mi pahnihte khan kan constable fanu pakhat chu an chhaih nawmnah a, chumai bakah ASP Rinawma silai pawh an laksak a, NAthana kah an tum avangin NAthana chuan alo encounter ta mai ani." a ti a, NAthana pawhin thiam a chang thei ta a ni. Kan DGP thar chu rin ang a nilo tawp mai, ahmaa kan DIG leh kan ADGP te lakah chuan van angel a ni ringawt. Chumi tlai chuan DGP bulah chuan kava kal a, "Sir, kar khat leave lak ka duh a." ka va ti a. DGP chuan, "Enga tan maw?' a lo ti hu a. Keichuan inthlahrung takin, "Ihh..ka..ka.." ka tih lai chuan Nathana a lo lut a, "Sir, a bialnu pa adamlo a, hmuhna chance ah tiin chhuanlam asiam mai mai anih kha. Chubakah an chhungte tho annia, a bialnu hi a cousin ania, phal mai rawh." a rawn ti a, DGP nen chuan an nuih huah huah a. DGP chuan, "Awle awle....permission granted." a ti a, tichuan keipawh chu kan duatlai Tluangtei te khuaah hmaichhana KA HMANGAIH CHE tih han hrilh turin ka zin dawn ta, NAthana'n min tih buai tawhlo ngei ka beisei.
THE END
Comments