NATHAN (Ep-14)
NATHAN (Ep-14)
10 MINUTES
By : Aaron Malsawmdawngzuala
(based on the 2017 film MERSAL)
Ruah chu a sur nasa hle mai, zan dar 10 a ri tawh a, khua chu anuam lo hle bawk. A hlauhawm tawk chiah hian khawpui a ri dur dur a, a khat tawkin kawl a phe zuai zuai reng bawk a, zan nuamlo tak chu ava ni em. Hospital ah chuan kan Poilice department ami constable pakhat Remlalnghaka chu kan misual um lai mek pakhatin a kah hliam avangin Operation Theatre ah zai mek a ni a, Hospital chhungah chuan huh hluamin Remlalnghaka nupui, Nathana, DGP leh kei chuan a dam chhuah ngei beiseiin kan nghak thap mai a, rilru anuamlo khawp mai. A kap hliam tu kan misual um mek lai lah chu kan man hman talo a, atlanbo daih lehnghal a, thla a phang takzet. Minute 10 vel a ral leh meuh chuan Room atang chuan doctor chu hmel ngui bar hian alo chhuak a, rang takin Remlalnghaka nupui chuan, "Doctor, enge ka pasal chu a an?" tiin mittui nen alo zawt nghal a. Mahse doctor chuan hnuailam melh chungin, "Apawi ka ti khawp mai, minute 10 vel chuan lo kal hma ula kan la chhan thei ang, mahse in tlai deuh a ni, theihtawp kan chhuah a, kan chhan thei ta ngang lo ani, min hrethiam dawnnia." a ti ta mai a, Pu Remlalnghaka nupui chu a tap ta zawih zawih a, Nathana nen chuan sawitur reng kan hre biklo, kan thawhpui pakhat chu misual pakhat lek lakah pawh kan chhan thei ta silo chu a ni a, ava han zahthlak tak em.
He thil lo thlen tan dan chu hetiang hi a ni...zan dar 7:30 vel khan tu tih hriatloh hnen atangin call kan dawng hlawl mai a, number hriatloh a ni. Phone ami chuan Pu Remlalnghaka nupui kidnap angin a rawn insawi a, pawisa phut miah lovin Pu Remlalnghaka ngei zawk a duh thu a rawn sawi a, keini pawn mak kan ti khawp mai. A awmna hmun te pawh a sawi thlap a, Remlalnghaka lah a mangang em em a, tichuan a sawina hmunah chuan rang takin kan kal a, kudam ang deuh reuh in hlui zet, hun rei tak luah tawhloh tih hriat tak maiah chuan kan lut a, kei leh Nathana leh Pu Remlalnghaka leh police dang 5 vel kan ni. Kan silai theuh chu kan hum far hlawm a, kan en kual a, in chhung chu a hnawk in a bal em em a, maimawm ril a inzam nuai bawk. Nathana chuan, "Inpe mai rawh, kan hual vek tawh che, i tlan chhuak thei chuanglo ang." tiin a vau a, mahse chhanletna kan dawng lo. A reh em em mai a, tichuan inchhungah chuan kan in then hrang hlawm a, tichuan chu misual, kan constable nupui kidnap tu chu kan zawngkual ta a. Thawkleh khatah bang kil atang chuan patling au thawt ri hi kan hria a, silai a puak nghal bawk, kan torch light chuan kan enkual nghal chiam a, mahse thawm lo chhuahna lamah lah chuan engmah hmuh tur a awm chuang bawk si lo. Inchhung lah chu a thim em em mai bawk si a, han chet vak ngaihna a awm chuang lo. Tichuan Nathana chuan, "Khawnge Pu Remlalnghaka a awm?" a ti a, kan zingah chuan a lo tel ve ta hauh lo, kan zawng kuala, nichin lawka au tuar kha Pu Remlalnghaka ngei a ni tih kan hre ta a. Pawn lam atang chuan police pakhat hian, "Hey, ding rawh.." a ti vak ri hi kan hria a, tichuan kan vai chuan pawnlamah kan tlanchhuak ta vek hlawm a. Police 3 vel hian mipakhat hmaituam hi anlo um a, an bul lawkah chuan Pu Remlalnghaka chu thi phungin a lo let reng mai a. Misual chu zan thim hnuaiah chuan a pilbo hman ta nghe nghe a, tichuan rang takin Police Ambulance kan ko a, Pu Remlalnghaka nupui lah chu an inah kan hmu leh hlawl bawk si, alo kidnap awzawng lo mai, min lo bum mai mai hi alo nia, mahse kan hriatthiam loh chu tinge Pu Remlalnghaka hi a thah duhna chhan tih hi a ni.
Atukah chuan zing dar 10 vel ah Station ka thleng a, Nathana chu a Office ah a lo vei kual a, a rilru a hah hmel hle mai. Thutthlengah chuan thuin a dawhkana newspaper chu ka la a, chhiar lemlo chuan ka'n bih kual vel mai mai a. Inbe miahlo chuan kan awmdun reng a, Nathana chu ala vei kual reng a, minute 3 dawn lai chu a veikual a, chumi hnuah ka bulah chuan a rawn thu a...
"Rinawm, kha tualthattu kha, khawilam mi nge a nih i rin?"
"Ka hre bik nang...tinge min zawh a?"
"Englo ania, Pu Remlalnghaka kher a that duh kha mak ka ti...thah a duh vang hrim hrim a ang riau, midang pawh kan awm ve reng a.."
"Nia, an inhre lawk te ani mai lo maw?"
"Nia, chubakah pawisa a phut miah siloa.."
"Mahse Sir, dawt a sawi kha...a lo kidnap miahloh kha."
"A kidnap leh kidnap loh chu thuhran nise...mi tamzawk chuan pawisa an duh avang hian mi hausa fate emaw an nupui te an kidnap fo a, mahse ani kha chuan Pu Remlalnghaka kher a duh kha amak ka ti."
Kan titi lai chuan SI pakhat alo lut a, "Sir, Mission Veng a cheng, tuna Civil Hospital a thawk mek, Dr. Lalrinenga chu Damdawiin 2nd floor atangin a tla a, a tlak hnu minute 10 vel hnuah a thi tiin min rawn hrilh a, mahni inthat nge ni a, mi namthlak tih erawh chu kan hrelo." arawn ti a, Nathana nen chuan rang takin Civil Hospital lam chu kan pan nghal a. Hospital chhung chu kan lut a, ruang pawh chu an lo tuam fel vek tawh a. Nathana chuan Nurse pakhat bulah chuan, "Doctor room chhungah hian CCTV a awm em?" tiin a zawt a, Nurse chuan, "Awm e ka pu..." tiin a chhang a. Nathana chuan, "Rinawm, kan pahnihin security room ah a footage kan han check anga, chuan midang hovin Doctor room hi lo enfiah ang che u." a ti a, NAthana nen chuan CCTV footage en tur chuan control room lam kan pan ta a. CCCTV chu kan han rewind char char a, CCTV ina cover theih chen chu doctor thutna leh a dawhkan ani a, a bula bookshelf leh a thutthleng hnunga tukverh leh piah a hmanrua te a ni. Kan rewind char char a, a bul tir atang chuan kan en a, tlem tlem in kan forward zel a, mi hrang hrang an lo lut a, tichuan an chhuak leh zel a. Kan en reng lai chuan Doctor chu a tho thut a, CCTV cover loh chin ah chuan a kal a a bo ta daih a. Ahnu minute 1 velah chuan a lo let leh a, a tukverh chu a hawng a, a zuangthla ta mai a, mak kan ti hle mai. Nathana chuan chu veleh, "Hospital chhunga awm zawng zawng te hi tumah chhuaklo turin thu pe vat ru." a ti a, tichhuan mic atang chuan security chuan thuchhuah a siam ta a. Nathana chuan, "Rina, minlo zui rawh le.." tih leh tlanchhuah a rual a, keipawh chuan rang takin ka zui ve nghal a. Doctor room ah chuan kan let leh nghal a, Nathana chuan SI bulah chuan, "Anything suspicious?" tiin a zawt a, SI chuan, "Engmah a awmlo." tiin alo chhang a. Nathana chuan Nurse bulah chuan, "Doctor thih hma chiah a a room a in entir tura lut hnuhnung ber hi tunge?" tiin a zawt a, Nurse chuan rang takin paper a in entirtur list chu a la a, a chhiar thla char char a, chuveleh, "Lalhmachhuana Kanan Veng.." a ti a. Nathana chuan, "Chupa chu ala awm em?" a ti a, Nurse chuan a hriatloh thu in a chhang a. Nathana chuan, "CCTV a alan dan chuan doctor hi amah a inthat a ni a, mahse mahni a inthah ngawt nachhan tur a awm lo, miin an vau pawh a ni thei, chuvangin tualthahna angah pawh angaih theih ang. Helai hmuna awm te hi tuman an chhuak tur a ni lo." a ti a.
In hnuai lamah chhukin Main Gate ah chuan police leh security guard te chuan mipui chhuak tur chu anlo dang mek bawk a, Nathana chuan, "Floor tinah inthen darh ula, Lalhmachhuana Kanan Veng lo zawng rawh u, Ground floorah hian kei leh Rinawma'n kanlo lo zawng ang." a ti a, tichuan Police dang ho pawh chu an inthen hrang ta a, keini erawh Ground Floor ah chuan kan awm a. Nathana chuan mipui zi nuai nuai leh manganga phu mur mur chu, "Ngawi vek rawh u.." tiin a au vak avang chuan reh ta thiap hlawm mai a, hriau pawh tla se a ri ring hle ang tih tur khawp hian boruak chu a reh a. Second 30 vel chu kan ngawi thap a, chumi hnuah Nathana chuan, "Helai hmunah hian thihna a thleng a, mipui te min hriatthiamna kan mamawh a ni, khawngaihin chiai suh u, pawisawi lo leh tihsual neilo chu hlauhthawnna tur a awmlo.." a ti a, mipui chu an ngawi thap mai a. Nathana bawk chuan, "Kan zingah hian pawikhawihtu chu a awm niin kan hria a, mahse he thihna thlenna hi a rei tawh vangin pawikhawihtu chu a tlanchhe tawh maithei a ni." a ti leh a, mipui zinga mi pitar pakhat chuan, "Inspector, i sawi awmzia chu he thihna hi mahni inthat nilovin tualthahna a ni zawk i tihna em ni?" tiin a rawn zawt a, Nathana chuan, "Chu erawh thu chiang a awmlo.." tiin a chhang a. Mipui zinga mi nu pakhat chuan, "Hetia in dan ringawt hi thil dik anilo, tihtur pawimawh te kan nei thei a, chubakah damlo kan awm a, pawikhawihtu kan nih miau loh chuan keini thleng thlenga lo tuar ve hi a tulna ka hrelo.." a rawn ti a. Nurse pakhat chu a lo kal a, "Ka pu, tualthahna a ni nge nilo pawh a hriatloh a, chubakah CCTV ah pawh tualthahna a ni tih proofna a awm chuang lo a, hetia mipui dan hian awmzia a awm lo..khawngaihin kan mualpho loh nan kaltir hlawm mai rawh, tualthahna pawh nise a hma a i sawi ang khan tualthattu chu a tlanbo daih tawh ang, a thihna arei tawh sia." a rawn ti a, Nathana rilru chu a buai hmel hle mai, kan SI pakhat chu alo kal a, "Ni e Sir, kan theihtawp chhuahin pawikhawihtu an awm chuan kan man em em ang, anih loh pawhin mahni inthat pawh chu lo nise, a chhan chu kan hre em em ang." a rawn ti ve bawk a, kei pawh chuan an thusawi chu tawmpuiin, "Sir, kal tir phawt mai ang, anihloh chuan Hospital leh Police Department mualphona mai mai tur a ni, social media achak tawh si a, Lalhmachhuana Kanan Veng inti pawh chu Floor chunglama duty te hnen atang chuan kan hre maithei asin, hrelo pawh ni ila a veng hming nen kan hre tawh a, kan chhui chhuak em em ang,." ka lo ti ve bawk a. Nathana chuan, "Awle in kal thei e.." a ti chuai raih a, mipui ho pawh chu an kalna hmun turah an kal darh ta hlawm a.
Nathana nen chuan pawnah kan chhuak a, Nathana chuan Nurse ho kal darh lai chu a lehhawi vung vung a, mak ka ti angreng hle. Mahse rei deuh fe hnuah pawh nurse ho kal kual vel chu a en reng a, keichuan, "I lerh emai, Stationah i kal phawt teh ang, nurse chhelo melhkual hun pawh a nihloh hi.." tiin ak fiam deuh kher a, mahse Nathana hmel chu a thutak angreng hle mai. Nathana chuan Nurse ho chu a kawk a, "Nurse zingah sawn danglam bik an awm." a ti a, ka nui huk a, "Nia, chhelo fal chu ka hmu velawm.." kalo ti a, mahse Nathana erawh chuan nui miah lo chuan, "Nilo..chutiang lam anilo, nurse zingah khan boot bun an awm a ni." a ti a,keichuan hrethiamlo tak hian, "Chuan...enge chu chu?" ka lo ti hu a, Nathana chuan, "Nurse hian Boot an bun ngailo, oxford black shoes, smart shoes emaw pheikhawh sang dum an bun thin." a ti a. Chunveleh keichuan, "Nih chuan boot bun bik chu i ringhlel ami?" ka ti a, Nathana chuan, "Va um zui ang.." tih leh a tlan nghal a, ka zui ve nghal a. Nurse ho chu kan en kual a, boot bun chu an vang hle mai, mahse ka hnunga hmanhmawh deuha kal zuai chu ka va lehhawi a, nurse boot bun ngei chu a ni, ward lampang pan chuan a kal a, ahnunga zui pah chuan, "Thiannu lo dingteh.." ka ti a, mahse ding lo chuan a kal chak sauh zawk a. Ka zui zel a, chuveleh a tlan thut a, ka um ta a, a ding thut a, na em em hian ka hmaiah min kick thuai mai a, ka thal chiang ngei mai. Nathana chuan ka hnung atnag chuan, "Hey, nangnu kha.." tih pahin a rawn tlan phei a, mahse chunu chuan Nathana lam pan chuan rawn tlan pheiin ka tlu lai chu min rawn zuan kan a, Nathana dulah tak chuan a tlawh a, Nathana pawh chu a thal thuai a. Tichuan a tlan chhe ta daih a. Rang takin kan tho a, kan umzui a, pawn lam a pan a, a tlanchhuak a, rang takin taxi a phar a, a tlan ta daih a, kan man hman talo. Nathana chuan, "Tu phiangsen nge mawni le?" a ti a, keichuan, "Sir, tualthattu chu a ni mai lo maw?" ka ti a, Nathana chuan, "Tu pawh chu nise ka la tawng leh khawp ang." a ti a, a hmel ah chuan a thil sawi ah a chiang hle tih a hriat khawp mai. Police pakhat chu alo chhuak a, "Sir, Nurse pakhat chu damdawi dahna room pakhatah a hmui tuam leh a kut tawnbehin alo awma, mahse tunah chuan kan phelh tawh e." a rawn ti a. Tichuan keini pawh chu rang tak chuan kan lut a, doctor room ah chuan tap pur hian a lo awm a, kan va pan a. Nathana chuan, "Thiannu, engthil nge thleng a?" tiin a zawt a. Nurse chuan, "Dr. Lalrinenga, boral ta kha, khami room a in entir tur te hming lamtu ber kha ka ni a, chuan Lalhmachhuana Kanan Veng tih kha ka lam chiah khan ka bulah alo kal a, 'lo kal lawk teh' min ti a, ka zui a, 'helai hi a diklo a, ka damdawi min chawh hi adiklo.' a ti a, damdawi dahna room pakhatah ka luh pui a, a damdawi thlak turin, mahse min man bet a, min phuar a, min chhuahsan ta daih a ni." a ti a, a tap tuau lehnghal a. Nathana chuan, "Chutiang engtin nge a thlen theih a? Mipui tam tak karah engtin nge chutia a man theih che a?" a ti a, damdawi thlak tura damdawi dahna rooma kan luh chiah khan, docotor a zuanthlak thu vel a i chel chul a, chu chu enge awmzia tia chhuah ka tum chu min man bet a, min phuar a, ka thawhnaw a hlip vek a, chuan puan hian min tuam a, ka thawmhnaw chu a ha ta a ni. tichuan a ipte atangin samlem aphhawrchhhuak a, a vuah a, ka ka a hnawh a, ka au chhuak thei silo a, min chhuahsan ta a ni." a ti leh a, Nathana chuan min rawn en zeuh pah chuan, "Nichina nurse boot bun kha a ni chiang mai.." a rawn ti a, keipawh chuan ka lu ka lo bu nghauh a.
Tihdan tur dang vak awm heklo le, CID lam ho kutah damdawiin chhunga thil thleng chhui vel chu kan dah ta tawp hrih a. Keini lam chuan chanchin ngaichang reng chung tho siin a aia pawimawh kan constable thattu chu kan chhui zui leh zel ta thung a. Doctor Lalrinenga boral atanga ni 3 lai alo liam hnu chuan hmuhchhuah leh chhuichhuah em em chu a awm chuanglo, Nathana nen pawh kan mangang ve tawh khawp mai. Nathana room ah chuan Nathana nen kan thu dun a, thingpui sen hang indun pahin kan titi melh melh a, chutih lai chuan havildar pakhat hi alo lut a, "Ka pu, inleng i nei e.." a rawn ti a, NAthana chuan, "Lo luh tir rawh." a ti a, patling kum 40-45 bawr vel, palian lampang, changkang hmel tak leh hmel fai veng mai, ngo lampang, mi hausa tih hriat tak hi coat suit var nena inthuamin alo lut a, NAthana chuan, "Lo thu rawh ka pu...puih theihna che ka nei em?" tiin alo zawt a, chupa chuan, "Ka hming chu Dr. Samuel Lallianmawia ka ni a, Civil Hospital ah ka thawk mek a, Gynae Doctor ka ni a, hmanni a boral ta Dr. Lalrinenga kha, ka thawhpui ka thiantha ber a ni." a rawn ti a. Nathana chuan chibai pahin, "Awww...a nih tak chu, kei hi Nathan Malsawmkima DCP ka ni a, ka thianpa hi Lalrinawma ASP a ni.." a ti a, keipawh chuan chu Doctor chu ka chibai ve a. Doctor chuan sawi zawm zelin, "Ka thianpa a boral lai khan leave ka lak lai a lo ni a, ka lo zin daih a, chanchin ka hriat veleh ka lo thlawk haw nghal a ni. Hospital a hil thleng te ka hriat phei kha chuan ka rilru a na in, ka zak ngawih ngawih a, chubakah ka thianpa Dr Lalrinenga hi mahni intihlum duh tur khawpa mi dawihzep anilo tih hi ka chiang a ni." a ti a. Nathana chuan, "I sawi awmzia chu i thianpa chu mahni inthat nilovin tualthahna avanga thi angah i ngai a ni maw?" tiin a zawt let a, Doctor chuan, "Ni e, chubakah kan thawhpui nurse ngei pawh a kidnap a a thawmhnaw hlih sak vekin nurse lem angin a rawn che a, in man hmanlo a nilawmni?" a ti ta deuh kher a, Nathana hmel ka va en chu a hlim vak lo tih a hriat hle mai. Chu doctor bawk chuan, "Inchhuichhuah ngei ka beisei, in chhuichhuak lo anih pawhin kei doctor hian ka thiamna hmang hian ka chhuichhuak ve thei em em ang, duhsakna ka hlan a che u.." a ti a, a tho a, a kal ta daih a. Ka va han ngei tak em, "Sir, a chapo zia kha ilo hmu em?" ka ti a, Nathana chuan, "Tu zawkin nge chhuichhuak hmasa kan hria ang chu, doctor hian hnu an chhui ngailo, keini police ho hian alawm chhui thin." a ti a, a nui sak a.
Kar khat lai alo liam leh ta reng mai, hun chu a kal chak viau nangin hmasawnna erawh kan hmu thei meuh lo. Kan misual lah chu tuber nge hrelovin kan chhui risk a ni deuh ber mai, han a sawt viau lo. Vanneihthlak nge vanduaithlak kan ti zawk dawn, Nathana nen kan day off a inrual deuh thut mai a, nileng mai chuan engmah tilovin ka chau deuh bawk nen ka mu nileng a. Zan dar 7 velah chuan Nathana a rawn lut hlawl mai a, "Insiam rawh...tihtur awmlo emai, Magic Show en ang." a rawn ti ringawt a. Kei lah chuan hrethiamlo zet hian, "Eng magic show?" ka lo ti hu a, Nathana chuan, "Unknown magician a in ti a, kan hna te avangin kan rilru a hah sia, va en ve ang, zanin ah show a nei dawn." a ti leh a. Kei lah chuan, "Khawiah, ka phur zawng tak alawm...ticket te a awm em?" ka lo ti deuh luam a. Nathana chuan, "Vanapa Hall ah, amah hi ala in reveal duh lo a, hmaikawr hmai chanve khuh hi a vuah tlat zel, example ah chuan DJ Marshmellow an hi nimai.." a ti a, keipawh chu ka insiam a, kan kal ta a. A hmun chu kan thleng a,zaithiam mi hrang hrang te chu a khuhhawn nan an han zai liam liam hlawm phawt a. A hnu ah chuan kan magician chu alo lang ta, mipui chu an au dur dur a. Magic ropui tak tak chu a show a, a pui angreng hle mai. Amah chuan hmaikawr a mit atanga a hnar thleng khuh hi a vuah a, a hmel erawh hriat a har hle thung. Mipui zinga mi naupang pakhat chu a ko chhuak a, Magician chuan, "Mami, he lehkha ah hian enge i duh ber han ziak teh le, lem nen." a ti a, naupang chuan cycle lem hi a ziak a, "A pink rawng ka duh.." a la ti deuh kher zui a, mipui ho chu an nui dar dar a. Magician chuan, "Awle a tha e..." tih pahin puan var hi a ipte atang chuan a rawn phawrh a, a assistant te chuan bawl lian deuh hi an rawn nawr a. Chu bawm chu a hawng a, a chhungah chuan engmah a awmlo. Bawm chu khar lehin puan chuan chu bawm chu a khuh a, vawi thum vel bawm chu a beng thek thek a, puan chu a hlip leh a. Magician chuan, "Bawm chhungah hian a hma khan engmah a awmlo tih in hmu tiraw, tunah chuan he naupang ina mi dil ang ngeiin...heile.." tih pahin bawm chu a hawng a, cylcle pink nalh em em mai hi alo awm a, naupang pawh chu a lawm hle mai, mipui ho pawh chuan kut an beng dar dar hlawm a. Chumi hnuah chuan magician chuan, "Tunah chuan a tawpna atan thil pakhat ka show leh dawn a, mahse chumi tur chuan volunteer ka mamawh ang." a ti a, mipui ho chuan kut an phar suau hlawm a. Magician chuan, "Khalai nula chhelo zet kha lo chho teh le." a ti a, mipui zinga nula chu stage ah chuan a chho a. Bawm sei deuh a chuan a lu lawr hian a mut tir a. Bawm chu a khar leh a, hmeichhia chu a lu leh a ke chiah a lang thei. Bawm lai tak chu ngunhnam hriam zet hian a vit ta hrawk mai a, mahse mak tak maiin hmeichhia chu engtin mah a awmlo, a nui vur vur a. Mipui chuan nasa takin kut an beng a, ngunhnam chu phawi lehin bawm atang chuan hmeichhia chu ala chhuak a, a thutna hmunah chuan a let leh a. Magician chuan, "Kan huntawp kan lo hnaih dawn tawh anga, mahse chumi hma in, a last berna turin ka magic trick zinga ka duh em em mai ka show leh ang che u." a ti a, mipui chu lawmin an au a, an phusa nasa kher mai. Magician chuan, "Vounteer ka mamawh leh dawn a, tunge niang?" a ti a, mipui chu ban an phar suau suau a, Magician chuan, "Khalai ami kha...putar samvar kha..ka pu lo kal teh le." a ti a, chu putar a kohchhuah pa chu Nathana nen chuan kan en a, kan Doctor hmelchhepa, min thamlo em em tu, Dr. Samuela ngei kha a ni. NAthana chuan, "Awileh...khipa berkher...ka mood a ti off vek." a ti bul bul a,ka nui huk nghe nghe. Doctor chu stage ah a lawn chho a, ahma ang bawk khan bawm sei takah chuan a mut tir a, bawm chu a khar a, ngunhnam hriam zet pathum hi a rawn phawr a, doctor kap zawn takah chuan a vit leh siah a, doctor chu a nui vur vur a, mipui lah chu an au nasa. A dul zawnah chuan a vit leh hrawk a, doctor chuan ropui tih hmel tak chuan, "AMAZING." a ti vak vak a. Magician chuan, "unah ka favorite part kan lo ti ang." tihpahin a kun hniam a, doctor hmai zawnah chuan a hmaikawr a phelh a, aw thum zet hian, "Ka nupui leh ka fanu khan minlo biak dawnnia aw.." a ti a, doctor hmel chu hlauhna in a khat a, "Nilo...nang hiii.." a ti chel chul a, magician chuan na em em hian doctor hrawk zawnah chuan ngunhnam chu lek kangin bawm chu a vit ta siak mai a, doctor ka(mouth) atang chuan thisen a per chuai chuai a, mipui an au tuar tuar a, docotor chu a thi chiang ngei mai.
Mipui chu an ding suau hlawm a, an tlan darh a, Nathana nenpawh chuan rang takin kan ding a, kan pistol kan phawrhchhuak nghal a. Magician chuan a kut a phar a, "Inlo kal avangin ka lawm e, kei hi magician ropui em em NICHOLAS ka ni e.." tih pahin a ke bulah chuan enge mawini hi a vawm a, a khu rum rum a, amah chu a bo ta daih mai a. Stage ah chuan kan tlan chho nghal a, security te pawh chu lo tlan chhovin chu magician pa chu kan zawng kual a, athenin back stage ah an zawng a, mahse ahmel hmuh tur reng reng a awm lo. Dr.Samuela ruang chu bawm atang chuan kan la chhuak a, hospitalah kan thawn ta a, tualtthattu chu kan man hman leh talo, kan chan leh ta phawt. Hall chhung vel kan thenfai zawh hnu chuan Stationah kan let leh a, thil thleng ta chungchang vel chu ka'n han chhuizui a, kan buaipui nghal a. Kan day off zanah pawh hnathawh tho chu angai ta si a, tualthattu hi tuber nge ni ang tiiin kan ngaihtuah nasa, kan constable thattu leh Hospital a nurse lem anga inchei leh magician hi mi pakhat vek an ni em, nge mi hran vek, enge an thil tum ber tih pawh chu kan hre bawk si lo, he kan case chhui lai hi a hahthlak lam chu a ni dawn tih chu a chiang reng mai a, chubakah kan misual chhui hi pakhat mai nilovin mi hrang hrang pathum lai annih hmel bawk si a, kan lu a hai takzet. Nathana chuan a office ah min ko lut a..
"Rinawm keichu he magician hi mi pakhat vek niin ka hria..."
"Engtin nge i hriat theih bik a?"
"Achhan chu kan constable nupui kidnap anga insawi pa kha, a hmuna kan va kalchilh pawh khan a, pawn lama kan police thenkhat ten anlo hmuh khan a pianzia kha palian lampang, 5'11 vel, sek ve angreng tak leh thau lampang niin an sawi a. Hmanni a nurse anga lo inchei pawh kha, lian ve tak chu anih kha, tichuan kan magician pawh kha a pian kha a lian ve hle bawk a, engemaw tum chu a nei a ni."
"Ka lo chik ngai miah lo a, i sawi takah chuan a ni tlatin ka hria keipawn."
"Mahse chhui awlsam nan thil pakhat chu a hnutchhiah a ni."
"Enge chu chu?"
"A hming a sawi kha, a tihtihbo hma khan..NICHOLAS a intih kha."
"Mahse dawt te pawh alo ni ve thei tho asin."
"Dawt a nilo ang."
Chutia kan titi lai chuan SI hi alo lut a, hmanhmawh hmel em em hian a rawn ri lut nghal buan buan a. Thawk hlawi hlawi pah chuan, "Sir..sir...Constable Remlalnghaka that tu kha a awmna kan hria." a rawn ti a. Nathana nen chuan kan ding dun rang hle mai, Nathana chuan, "Enga? Khawnge a awm a?" a ti a, SI chuan, "A mah leh amah a inpek duh thu a rawn sawi a, a awmna hmun a sawi a, chutah chuan min man duh chuan lo kal mai ru a ti." a ti a. Nathana chuan, "Khai a...min fiamkual leh mai mai a tum te hi a niang e." a ti bul bul a. Keichuan, "Special Force nen kal a tha ang." ka lo ti vat a, Nathana pawh chuan, "Ngaihdan tha tak a nih chu...i kal ang u." a ti a. Zan dar 11 a pel tawh, a zan azan in Police Special Force koh a ngai a, kan chhuak ta tham tham mai le. Information kan dawnna hmun ah chuan kan kal a, kan tualthattupa chu amah leh amah a inpe ngei dawn a ni tih kan la chiang ngam lo. Mi fing tak ani a, plan alo nei lawk pawh a ni thei a, chuvang chuan fimkhur taka kan chet tlan angai a ni tih rilru a vawng reng chung chuan kan hmanrua te chu inring rengin kan peihsa thlap a, a hmun chu kan thleng ta. A awmna in asawi chu kan hual thap a, Nathana chuan mic atang chuan ring tak hian, "Awle...lo chhuak rawh le, kan lo thleng ta e. I sawi ang ngei chuan rawn inpe ta che, chutilova tlanchhuah i tum anih pawhin khawiah mah i tlan chhuak thei tawh dawn chuanglo." a ti a, boruak chu a reh thap mai. Muang chang hian kawngkhar a rawn inhawng a, pa lian ve tak, kum 30-35 vel bawr, sek tha zet mai leh piannalh pangngai ve tak, 5'11 vela sang, hang lampang, hmeltha angreng tak hi a rawn chhuak a, ahmelah hlauna a awmlo a, a mitmeng en reng reng pawhin a zam eihlo tih a hriat hle mai. A ban arawn phar chhuak a, nui chung hian, "Mi pakhat lek man turin tiang zat hi inlo kal amaw?" Nathana chu a va en a, "Tinge DCP....Mahni in mipa takin min rawn hmachhawn ngamlo ami?" a ti leh a, Nathana chu a thinrim hmel kher mai, "Tawng tawh suh, i kut kha hnuglamah dah la, lo pen hnai rawh." a ti a. Chupa chuan, "Awle...i thu ang zelin.." a ti a, a nui vur vur lehnghal a, a ngeiawm takzet. Alo kal hnai a, ka va pan a, hand cuff chu ka bun tir a, Jeep-ah kan luh pui a, Station lam kan panpui ta a. Misual kan dawpna thin ah chuan handcuff bun chungin kan thuttir a, ahma takah chuan Nathana nen chuan kan thu a. Nathana chuan, "Tunge i hming?" tiin a zawt a, chupa chuan zaidam tak hian, " Lalhmachhuana...Kanan Veng." a ti a. Nathana chuan, "Aw...ka rin ang chiah, Hospitala doctor thattu kha i ni tiraw?" a ti a, Hmachhuana chu a nui a,"Ka thah loh kha, amahin a zuangthla a nih kha." a ti awlsam et a. Nathana chuan, "Nurse pakhat i man a, a thawmhnaw i phelhruah sak vek a, puanin i khuh a i phuarbet a, tichuan a thawmhnaw i haksak a. Chuan kan umzui che a, mahse min sualletin i tlanchhuak ta a...Tiraw?" a ti leh a. Hmachhuana chu a bu nghauh nghauh a, "Umm...ka la hria alawm." a ti leh mai a, a ngeng hmel khawp mai. Nathana chuan, "Nihleh tinge i rawn inpek leh si a?" a ti a, Hmachhuana chuan, "Thil ka tisual a, ka tihsual man chu ka hmu tur anilawmni? Chubakah ka lo nghak rei khawp mai che u, minute 10 velin in rawn tlai alawm." a ti a, Nathana nen chuan kan in en a, mak ka tih ang chiahin NAthana pawh chu mak a ti ve ngei ani tih a hmelah chuan a hriat hle mai. Nathana chuuan, "Engati nge minute 10 pawh chu mitin hian insawi hlawm le?" a ti nuah nuah a. Hmachhuana nui hmel chu thinrimna in arawn inthlak a, a hmel a nelawm loh kher mai. Chiang em em in Nathana nen chuan min en a, "Achhan chu he minute 10 hi ka tan a pawimawh em ani, nangni hriatthiam phak bakin a pawimawh a ni." chiang fekfawk chuan a ti a. Nathana chuan, "Anih leh kan hriatthiam ve theihna turin han sawi ta che. Engvangin nge kan constable Remlalnghaka kha i thah? Engvangin nge Hospitalah khan buaina i siam, doctor inthat te kha enge awmzia? Abul atangin han sawi teh." a ti a.Hmachhuana chuan, "He thil ka tih hian chhan a nei a ni, ngun takin lo ngaithla rawh u...." a ti a.
*****
Ka hming chu Lalhmachhuana a ni a, Kanan Vengah tunah hian ka khawsa mek a. Nupui ka hmangaih em em ka nei ve a, fanu duhawm tak kan nei ve bawk. Kan rethei a, mi in kan luah a, ka tette atangin fahrah enkawl naah mindah a, ka nu leh paten min duhlo a min hnutchhiah a ni. Tichuan in constable Remlalnghaka te nupa hian an taxi driver ah min la a, tichuan harsa takin anni zarah chuan ka inhlawh ve a, kan eikhawp chu kan hmu ve tawk tawk. Vawikhat chu ka service naa ka pawisa dawn ho ka pek dawn chuan an inah ka kal a, "Ka pi..ka pu, in awm em?" tiin kawngkhar chu ka kik vak vak a, choka atang chuan glass no-a whiskey dawm chung hian nula chhelo zet kum 19 vel ni awm tak, piannalh tak mai hi rui hmel em em hian a rawn phei a, a sam lah chu sex hmang zo chiah tih hriat tak hian a thur bum mai a, ka pu (constable) t-shirt chu a ha a, bra a hrenglo tih hriat tak hian a hnute hmur chu a kawh lah mai a, a hnuaiah chuan kekawr te bak engmah a ha lo, ke lawngin a awm bawk. Alo kal hnai a, "Tunge i nih?" min rawn ti a, keichuan inthlahrung takin, "Aaaa..ih, ka pu te driver hi ka nia, ka pu hi a awm em aw?" ka ti a, bedroom atang chuan Pu Remlalnghaka chu tawnzau leh kekawr bul nen chauh a rawn chhuak a, min hmu chu a phu zawk a. Thinrim hmel zet hian, "Enge i rawn tih?" a ti a, keichuan, "Ka pu, hei...pawisa.." ka ti bah nuai mai a. Chu nula chu bedroomah a lut ta daih a, ka pu chuan ka kawr awmah a rawn tham thut a,"Zawnga, kan nu bulah i sawi anih vaih chuan, i hna hi i chan chiang ngawt ang." a ti khur khur a, keichuan hlau tak chungin, "Awle..ka sawi miah lo ang." ka ti a, pawisa chu a la a. Vin tawk hian, "Min rawn phone lawk ve ta che." a ti a, hnuailam ka melh a, "Ka tihpalh ka pu." ka ti a, "Chhuak rawh." a ti vin tuar a, zak tak chung chuan ka chhuak ta a. Amak ka ti hle mai a, mahse anupui han hrilh kher a ntulna ka hrelo, ka buaina tur anih loh mai bakah kan rethei si a, ka hna ka chan a nih chuan khawlaiah kut kan dawh mai angai dawn si a, chuvang chuan ngawih mai a tha zawkin ka hre ta a. Atukah chuan ka fanu school kal tur chu ka taxi chuan ka thlah a, an school kawt ka thlen chuan ka fanu chuan, "Apa, karleh ah khian field trip kan nei dawn a, cheng 500 thawh tur a nia.." a ti a, keichuan, "Vawiinah pek ngei ngei tur a mi?" tiin ka zawt a, ka fanu chuan, "Aw..vawiin last date a nia, mahse angailo ania Pa...pawisa hekna mai mai, ka kal ve peih hleinem." a ti a. Ka khawngaih em em a, pawisa kan harsa tih chu hre tho mah ila, ka fanu hian pawisa ka sen ral hi a hlauh em avang in akal ve chak em em chung pawn a duhlo lui tih ka hria a, "Kha le cheng 500 chu...chuan in kal dawnah pawh pawisa ka pai ang che, inthlahrung mah ta che..i pa hian i tan ka thawkchhuak zel dawn lawm." ka ti a, a lawm lutuk chu a mittui a tla a, min kuah a, "Pa..ka lawm e." a ti a, keipawh chuan, "Keipawh le.. kal tawh rawh i tlai ange." ka ti a. Taxi atang chuan a chhuak a, keipawh chu ka in turn lai mek chuan ka hnunglam atanga ka fanu au tuar ri hi ka hria a, a ri bur bawk a, mipui au nuai nuai ri chu ka hre bawk a. Taxi atang chuan ka chhuak a, ka fanu chu Truck lian chi hian a lo su hi alo ni a, kawnglaiah chuan thisen a baw nuai mai a, rang takin ka fanu chu ka pawm kang a, taxi ah chuan ka luh puia. Damdawiin ka panpui nghal bawk a, ka hlauthawng ngei mai.
Damdawiin kan thleng chu ka phi buai ruai mai a, doctor chu alo kal a, a rawn en fiah a, "Operation room ah luhpui nghal rawh u." a ti a, tichuan an luhpui a, keichuan doctor hmaah chuan kutsuih meuhin, "Doctor, khawngaihin ka fanu nunna hi chhanhim rawh aw." ka ti a, Doctor chuan, "Kan theihtawp kan chhuah ang." a ti a, min luhsan ta a. Minute 5 vel hnuah chuan tap hluam hian ka nupui Pari pawh chu alo thleng ve a, min rawn kuah nghal a. "U Hma, ka fanu chu a tha tiraw? Khawnge a awm?" a ti a, keichuan ka theihtawpin ka lo hnem ve a,"A tha leh mai ang. Lungngai suh, a dam leh vat ang." ka lo ti ve bawk a. Minute 10 vel hnuah chuan doctor chu alo chhuak a, "A banruh leh a keruh a tliak a, chuan a lu vun a thler bawk a, chumi buaipui tur leh damdawi man atan chuan cheng sing 4 a ngai dawn." a rawn ti ta mai a, kan mangang hle mai. Ka nupui chuan, "Doctor, khawiah nge damdawi chu an zawrh a..." a ti a, tichuan doctor chuan damdawi an zawrhna chu min kawhhmuh a, anlo inline thui nasa mai lehnghal a, tichuan rei fe mangang taka in intlar ve hnuah chuan kan lei thei ve ta hram a. Ka pawisa kawl lai, ak pu ta tur pawh chu engkim tuar huamin ka hmang ta zel a. Doctor lah chu a lo chhuak sek a, pawisa senna tur thil mak tak tak, keini hriatthiam veloh tur hlir hi a rawn sawi a, kan pawisa hman ral zawng zawng chu nuai 2 lai a ni ta. Tichuan kan nghak ta vang vang a, darkar 1 hnuah chuan doctor chu alo chhuak a. Ka nupui chuan, "Doctor, kan fanu chu a tha tiraw?" tiin beiseina nen a lo zawt a. Doctor chuan, "Kan theihtawp chu kan chhuah a, mahse apawi khawp mai, kan chhanhim zo ta lo." a ti ta mai a, ka thu hriat chuan min barakhaih hle mai, "Nilo doctor, dawt i sawi..khawngaihin, pawisa pawh kan pe leh mai ang." ka ti a, mahse doctor chuan, "Minute 10 velin in rawn tlai hret a ni, nilo se chu ala chhanhim theih ang." a ti a, ka nupui chuan, "Kapu, kan neih zawng zawng pawh hi chan vek dawn mah ila a pawi kan tilo, khawngaihin chhanhim hram rawh." tiin a ngen a, mahse vin zet hian doctor chuan, "Enteh u...mitthi kaitho thei doctor kan ni biklo. In damdawiin hman man chu pe ula, kan tihtheih a tawp tawh...khawngaihin chhuak rawh u." a ti hmak mai a, kan nu thinrim chuan doctor awmah chuan a tham a, "Hey...misualpa....pawisa tamtak min sentir hnuah in chhanhim zawhloh thu in rawn sawi amaw? In duh reng vanga that in ni...nangni hi ka that ve khawp ang che u.." tih pah chuan doctor chu a chum vak vak a, ka lo dang vat a, midang ho pawh chuan anlo dang ve bawk a. Doctor chuan a beng thal thuai a, "Nangni lehkhathiamlo ho mai mai...he damdawiin atang hian chhuak vat rawh u." a ti a, ka nupui chu a tlan thut a, verandah ah a tlan chhuak a, a zuangthla ta mai a, mipui an au tuar a. Rang takin ka chhuk a, ka nupui chu thisen in ahmai chu a bual hi a ni ringawt. Ka ko a, a harh thei lo, ka rilru ana a, ka tap a, mi tamtak in min en sup sup a, ka khawvel chu a tawp ani der mai, ka thinrim em em a, ka phone ka phawr chhuak a, ka pu Remlalnghaka ka phone a, tichuan doctor te chu ka nupui leh ka fanu thihna chungchanga mawhphurtu ah ka puh ve ta thuai mai a.
Ka pu chuan an inah chuan min ko a, "Hmachhuan, i nupui leh fanu chunga thil thleng ah khan pawi ka ti takzet, mahse chutin Doctor te kha kan man ngawt thei hleinem." a ti a, keichuan, "Ka pu, sum tamtak min laksak hnuah tikhan an chhanhim theihloh thu an rawn sawi leh daih a, enge awmzia ni anga? Lo chhan theilo tak tak ta pawh ni se, pawisa seng tura min tih vak vak kha a fairlo ve deuh chuan ka hria." ka ti leh hram a, mahse ka pu chuan, "Tute nge an nih i hria em, Aizawl Civil Hospital-a Doctor ropui ber te pahnih, mi hausa an nih saw...anni saw man turin min ti amaw?" a ti a, keichuan, "Police i ni anilawmni...misual te chu i man dawn lawm ni?" ka ti let ve ta ngat a. Pu Remlalnghaka chuan, "Ka man theilo, chubakah FIR pawh thehlut lovin ka man turin i rawn ti ringawt a, ka man theilo a ni." a ti tlat a. Keichuan mittui nen, "Ka pu, ka neih zawng zawng ka chan tawh, hei tal hi min tihsak rawh, ka pawisa te kha engtin nge ka hmuh let leh ang. Ka fanu leh ka nupui ka chan tawh a, neih ka nei tawh lo, min pui hram rawh...FIR thehluh dan pawh ka hre ve hleinem." ka ti a, Pu Remlalnghaka chuan, "Thehlut pawh ni la, kan man thei ngawt lo...khawngaih hei pawisa hi la la, minlo va chhuahsan rawh, duty ka ngai." a ti a, tichuan hrilhhai tak chuan ka chhuahsan ta a. Ka rilru ana em em a, ka pawisa neih chhun ang ang chuan zu ka lei a, ka in a, nitin zantin mai chu ka rui ta thin a, chu chu ka theihtawk a ni a, ka lungngai lutuk tur min veng thei awmchhun a ni tlat a ni. Zankhat ka service ka haw chu dar 12 a pel tawh hial ang, ka rui em em a, kawng pawh ka hmu tha hleithei lo a. Bus stand bula Pu Remlalnghaka leh a thianpa SI Lianmawia leh Doctor, ka fanu buaipui tupa te chu ka hmu ta a, ka ding chawt nghe nghe a. An titi a, an nui vak vak a, an thusawi chu ngaihthlak ruk ka chak ta tlat mai a. Taxi chu fimkhur takin ka park tha te te a, tichuan ka chhuak a, bustand hnugah chuan ka phei a, bang phenah biru in an thu sawi chu ka ngaithla ta a. Doctor chuan, "I driver chu lehlam kawng tak chuan ka khawngaih reuh hle mai, mahse a fanu kha chu kan duh chuan kan chhanhim thei maithei, mahse Dr. Samuela nen kan pahnih chauhin operation tih vek angai dawn a, ka taimakna in atlinlo a, mahse khatiang lehkhathiamlo te kha chu hman tangkai an ngai ve sia, pawisa kan sen tir ta teuh a nih kha...eng eng emaw ka phhuahchawp a, an pe ve leh zel a....haha." a ti ham ham a. Pu Remlalnghaka chuan, "A pawilo....hmanni pawh KS pakhat kan nu chhuahbo hlanin ka hruai haw a, min rawn phawk alawm, ban ka duhna a rei tawh hrim hrim." a ti a. SI pa chuan, "DCP Nathana leh ASP Rinawma'n an hriat vaih chuan kan chan a chhe khawp ang." a lo ti a, Remlalnghaka chuan, "An hriat loh nan nangin ilo thup tang tang dawn lawm...hawh teh u, kan zu in ber a zo tawh a, i haw ang u." a ti a, an haw ta a. Ka thu hriat te chuan min ti na in, a hrehawm ka ti hle a, ka tap zawih zawih a, tichuan keipawh chu ka haw ve ta a. Atukah chuan ka pu te inah chuan kalin ka ban duh thu ka va hrilh a, tichuan a driver atang chuan ka bang ta nghal a.
Phuba lak chakna in ka khat a, ahmasa berah chuan Pu Remlalnghaka hi thah hmasak ber ka tum ta a, a nupui kidnap angin ka insawi a, mahse ka bum che u a, ka man dan pawh inla hriat kha. Tichuan a dawt lehah chuan ka fanu buaipui ber tu kha Doctor tenawm Dr. Lalrinenga kha ka target leh a, in entir tur angin ka hming ka ziak lut ve a, tichuan ka hun a thlen veleh ka lut a, ka hmel a hmuh pawn min lo hre tawh miahlo lehnghal a. Tichuan a room chu ka enkual a, CCTV awmlohna lamah chuan ka phei a, silai a tin chungin ka vau ta , a nupui leh fanau te thahah ka vau bawk a, "Ka nupui thihdan ang chiah khan tukverh atang hian zuang thla rawh, i zuanthlak hnu minute 10 vel hnuah chuan ka nupui nen pawh in inhmu ve leh thei tawh ang, minlo biak dawnnia." ka ti a, ani pawh chu hreh chung chungin a zuangthla ta a nih kha.
****
Nathana chuan, "I thusawi chu lo awih ta phawt ila, tunah hian SI Lianmawia chu kan bulah a la thawk ngei a, doctor te zingah chuan a tel ve nge tel ve lo tih amah kan zawt dawn em ni tunah hian?" a ti a, Hmachhhuana chu a nui a, "Haha....SI Lianmawia hi zanin khan min man tur kha chuan a lo kal ve a, mahse a rawn zui haw velo che u.." a ti a, kan meng phawk hru a, chuveleh constable pakhat alo lut a, "Ka pu, SI Lianmawia hi alo let ve miahlo, kan hmuzo lo." a rawn ti a, chuveleh Nathana chu a ding hluai a, silai a phawrh a, "Zawnga, khawnge a awm?" a ti a, Hmachhuana chu a nui vak vak a, sana a en a, zing dar 4 a ri ta. Tunah hian minute 10 inla nei e, in tlai hma hian in SI chu va chhan chhuak ta che u. Min rawn man na, keima in ngeiah khan a awm, dar 4 leh minute 10 ah chiah chiah hian ka unaupa that turin ka hrilh kha." a ti a, rang takin Nathana nen chuan kan tlan chhuak a, Nathana chuan, "Hmachhuana saw lo veng tha ang che u.." tih pahin kan tlanchhuak a. Hmachhhuana in kan va thlen chuan dar 4:12 a ri tawh a. Inchhung kan lut chian chu SI Lianmawia chu a awmah chemte bur vu in alo mu a. A thihna chu minute reilote chauh ala ni tih hriat tak hian a taksa pawh ala lum vut vut a, Nathana chuan, "Zawnga mai mai chuh.." a ti bul bul a, tichuan ruang chu constable ho chuan an buaipui a, Nathana nen chuan Station lamah kan let leh a, Hmachhuana chu hand cuff bun chungin a lo la thu reng a. Nathana chu alo nuih var var a, "DCP Sir, in tlai animaw?" a ti a, Nathana nen chuan kan thu a, Nathana chuan, "Thil hriatthiamloh ka la nei, tikhawpa lehkhathiamlo leh hawizau lo si khan, plan tha tak tak neiin, engtin nge phuba i lak theih? Chuan nizanah khan Doctor Samuela chu magician pakhatin a that a, kha magician pawh kha nangmah tihna em ni? Nicholas-a inti pa kha?" a ti a, Hmachhuana chuan, "Ka pu, sap hming ka nei lo, ka hming chu in hriat angin Lalhmachhuana a ni a, Nicholasa ka ni hleinem." a ti a. Nathana chuan, "Anih leh i fanu thattu a i sawi Dr. Lalrinenga thianpa kha Dr. Samuela hi a ni a, engtin nge magician pakhat ve maiin i hmelma pakhat chu alo thah ve ngawt anga?" a ti a, Hmachhuana chu a nui sak a, "Nia, thil zep pakhat ka la nei a, ahma khan...diktak chuan, ka nu leh pate khan fa hi keimah chauh min nei lo a, phir pui ka nei a ni, kan hmel a in ang chiah a, nichin lawka SI Lianmawia thattu pawh kha ka unaupa a ni. A ni erawh kha chu vairamah an thawn thla daih a, tichuan Tamil Black Magician pakhatin fa atan a la a, tichuan amah pawh magician alo ni ta a. Kum 30 a ral meuh chuan chu vaipa chuan unaupa dang min neih thu hi a hrilh a, tichuan min rawn zawng chhuak ta a ni. Engkim ka harsatna ka hrilh ta a, tichuan amah chuan min pui ta char char a ni." a ti a. Nathana chu a nui huah huah a, kut a beng vel a, "Haha Wow...what a twist....engmaw i sawi a? Twins maw? Mi pahnih maw in nih a?" a ti a, Hmachhuana chuan, "Um..ni e, pakhat chu Taxi Driver..pakhat erawh chu Magician." a ti a. Nathana chuan, "A nih chuan, i unaupa chu magician a nia, nang erawh chu Taxi Driver tihna maw?" a ti a, Hmachhuana chu a nui a, "Nilove....ka unaupa zawk chu Taxi Driver a ni, a hming pawh LAlhmachhuana a ni e.." a ti leh ta daih mai a. Nathana chuan mak ti zet hian, "Nihleh nang tunge i nih a?" a ti a. A ding a, ringtakin a ban phar pah chuan, "NICHOLAS...BLACK MAGICIAN.." a ti a, Nathana chuan, "Shit.." tih pahin a pistol phawrh a tum a, mahse Nicholasa chuan a kuta handcuff a bun chu a rawn thlawh phei a, Nathana nena kan kut ah chuan a rawn vawm a, hand cuff chu Nathana nen zawk kan bun ta daih mai le, ani erawh engmah a bun ta lo.
Nicholasa chuan, "Tihnat che u ka tum lo, thil tihtur pakhat chiah ka la nei, chu chu kha ka unaupa fanu su tu Truck Driver kha ka target hnuhnung ber a ni. Ka unaupa Hmachhuana hi harsa takin Tamil Nadu atangin ka rawn zawng chhuak a, mahse tikhawp hian alo retheih ka ring ngailo. Phuba latu zawng zawng kha keimah vek ka ni e, ka thil tihtur hnuhnung ber hi min tihzawh tir vek hnuah ka lo inpe ang, ka tiam ache u. Tunah hrih chuan, please excuse me." tih pahin a ipte atangin ball tereuhte hi a rawn phawr a, a ke bulah chuan a vawm a, akhu luih a, a bo ta daih mai a. Nathana chuan constable ho a au tuar tuar a, anlo lut a, kan handcuff chu an phelh a, "Motor start rawh u...." ka ti vin tuar a. Mahse Nathana chuan, "Nilove Rinawm.." a ti a, hrethiamlo tak chuan, "Tinge Sir...tual athat leh dawn asin.." ka ti a. Nathana chuan, "Pawilo, tunah hrih chuan news kan nghak tawp ang. A rawn inpek dawn kha...dang ngawt dawn ila, black magician a ni bawk si a, ani kha ka ring a ni, alo inpe em em ang." a ti a. Keichuan, "Sir, ka hriathiamloh chu a fanu su tu Truck Driver kha tunge ni ta ang?" ka ti a, Nathana chuan, "Chupawh chu kan la hre dawn alawm..." a ti a. Zing dar 8 alo rik meuh chuan constable pakhat chuan, "Ka pu, Venghlui kawng hnuaiah Truck pahnih an insu a, Truck Driver pakhat zawk chu ahmunah a thi nghal a ni awm e." a rawn ti ta a, Nathana nen chuan kan in en a, tu thil tih nge inzawh hranpa a ngailo, a titu chu kan chiang dun hle mai. Chuveleh NAthana chuan phone call a rawn dawng a, "DCP Nathan, kan inpeih e." a rawn ti a, Nathana nen chuan Nicholasa'n an awmna a sawina hmunah chuan kan val kal ta a. Kham tlangah anlo awm a, an unau chuan min lo nghak reng tawh a, Nicholasa chuan, "DCP Nathan, police fing tak i ni a, i huaisen hle bawk tih ka hria. Thil tisual tute chu i ngaidam ngailo, i hrem thin. Chutiang chiah chuan kan unau hian min hrem ve thei tawh ang, keipawhin ka magic engmah ka hmanglo ang." a ti a, a nui ver ver a. An unau chuan phir tihtakah an in ang ngei mai, Nathana chu a nui a, "Truck Driver kha tunge?" a ti a, Hmachhuana zawk chuan, "Aww....ni e, kha kha ka unaupa hian a lo hrilh tel velo che u a nimaw...khapa kha Pu Remlalnghaka fapa upa ber a nih kha...ka fanu kha alo beisei thin a. Ka unaupa hian sawi telloh a lo nghah hle mai, haha. KA fanu khan a duh silo a, tichuan a thinrimin an thneawmte vaipa truck in a tum reng vangin a su hlum a nih kha. Pu Remlalnghaka fapa hi mi ang vaklo a ni hrim hrim a." a ti a, Nathana chuan, "Nia...a damdawi ti nasa lutuk kha a chiang tawhlo hrim hrim, ka hre ve deuh alawm kha pa kha chu.." a ti liam ve leh mai a. Nicholasa chuan, "Min chhuichhuak miahlo a, kan lo inpe zawk a ni a, i chhuichhuahloh awmchhun kan ni hial lo maw?" a ti a, a nui huah huah a. Nathana chuan, "Chutin ti reng reng suh, haha...engemaw chu ka nei alawm." a ti a, hnunglamah chuan motor a rawn tlan a.
Motor chhung atang chuan Pu Remlalnghaka nupui Pi Engi alo chhuak a, suitcase dum hi a rawn keng phei a. Nicholasa leh Hmachhuana hmaah chuan a ding a, "Ka pasal leh ka fapa min thahsak a, mahse in tihtur diktak in ti a ni. Ka pasal kha KS lakah leh ka thiannu lakah ngei pawh min ,lo uire san thin a, nangni hian thatlo pawh ni ula kei hian ka that ngei ang. Tin ka fapa, duh hun huna min zahlo taka a ruihna tur pawisa min dil a, min vau thintu leh mahni nu te pawh kutthlakthintu khan, tual alo that bawk a, chupawh i fanu lehnghal. In dinhmunah hian ding ve ila chu in tih ang tho hi ka ti ve ang...Khawngaihin min ngaidam zawk rawh u." tih pahin a thingthi a. Hmachhuana chuan tap chungin, "Nilo....tho rawh, khatiang tur anilo, min ngaidam lul zawk ang che aw..." a ti a. Pu REmlalnghaka nupui chuan, "Hei hi la rawh u...nuai 10 a nih hi, ka pasal te leh doctor tena in pawisa an batsak zawng zawng te leh DCP Nathana thilpek a nih hi." a ti a. Nicholasa chuan Nathana chu en pahin, "SIr...thilpek a? Enge awmzia?" a ti hu a. Nathana chuan, "Haha...ka chhuichhuak lo che u...mahse in harsatna leh in tawrhna hi ka pi bulah hian ka hrilh vek alawm. Chuan Truck driver kha a fapa a ni tih pawh min hrilh hma khan ka hre daih tawh." a ti a, keichuan rang takin, "Sir..engtin?" ka lo ti hu a, NAthana chuan, "Nicholasa kan station atanga a chhuah chiah khan engkim kan tawng te leh kan titi te kha ka record vek a, tichuan zing lama ka chhuah zawk hlan khan Pu Remlalnghaka nupui hi ka va ngaihthlak tir a, tichuan engkim ka hrilhfiah ta a. Tichuan ka pi hian Truck Driver chu tudang nilovin a fapa ngei anih a rinthu a sawi a, achhan pawh Hmachhuana fanu thihni khan a fapa hi hlauhhmel takin a roomah a rawn lut a, ANI THEILO, TINGE KA TIH TAK TAK A, KA VAN MAWL TAK..tiin a au vak vak thute a sawi a, tichuan keipawn a fapa ngei ani tih ka hre ta a ni." a ti a, alo va han che rang thei bik tak. Keichuan, "Anih leh i fanu a sut khan, tinge Truck khalhtu kha tuman in man siloh a?" ka lo la ti hram a, Hmachhuana chuan, "A tlan tlang daih a, ka fanu kha a chil zui nghe nghe a lawm." a ti a. Nathana chuan, "A tawk ta e, cheng nuai 10 khan khawi thlenga thui nge a hruai bo theih ang che u?" a ti a, Nicholasa chuan, "Ka pu...min chhuah dawn maw?" a ti hu a, NAthana chuan, "Ka rilru ka thlak hma hian kal vat rawh u.." a ti a, Hmachhuana chuan, "Thil pakhat chaih...ka pu, nu leh pa kan neilo a, nu hmangaihna hi kan la tem ve ngailo a, chuvang chuan, Pi Engi hi kan rualin kan hruai ve thei angem?" a ti a, Pi ENgi chuan, "In phal anih chuan ka lo kal ve ang, fapa chu chan mah ila, a aia tha Pathianin, fapa pahnih lai min pe leh ta a nih hi.." a ti a, an inkuah a, an mittui a tla a. Nathana chuan, "In ninawm, kal vat ru, ka man vek mai ang che u.." a ti vin tuar a, Nicholasa chuan, "Awle..kan kal kan kal.." an tia, an nui a, an kal liam ta a.
Nathana chuan min en a, "I tap elaw?" a ti a, ka mittui alo tling kuang hi alo nia, "Tap mai mai lo." ka ti ringawt a. A nui vur vur a, "An kal tawh bawk a, keini pawh kan kal ve tawh dawn mi?" a ti a, keichuan, "Nia....vawiin chu police officer pahnih in thil sual lian tak kan ti anih hi.." ka ti a, ka dara min rawn kuah pah chuan, "Nia...zialo khawp mai, kan sual hle mai." a ti a, kan nui dun huah huah a. Nathana chu a ding thut a, "Theihnghilh kan nei.." a ti a, keichuan, "ENGE?" ka lo ti hu a. Nathana chuan, "Vawiin hi...Tluangtei nena in indate tur tum kha ania, day off extra ka pe ang che ka tih kha, kan lo theihnghilh daih a." a ti a. Ka chal dawm vawng vawng pah chuan, "Dar 10 ah kan chhuak dawnnia ka ti a...tunah dar engzat nge?" ka ti a, NAthana chuan, "Dar 9:30.." a ti a, rang takin ka tlan haw nghal a. Ka inbual a, ka insiam a, rang takin ka chhuak ta nghal a. Tluangtei chuan kan inhmuhna tur hmuna kan sawi ah chuan min lo nghak reng tawh a, min hmu chiah chu rum tawkin min melh a, "Hmela...minute 10 in i tlai ania." a lo ti a. Ka nui vur vur a, "Minute 10 chhung ngaihdam ka dil ve thung mai ang che.." ka ti a, tichuan ka piantirh ata a vawikhat na atan hmeichhia nen kan indate ve ta a, mahse ka mu tlem sia, ka mut chu a chhuak hle mai, muttui vek u...haha
THE END
10 MINUTES
By : Aaron Malsawmdawngzuala
(based on the 2017 film MERSAL)
Ruah chu a sur nasa hle mai, zan dar 10 a ri tawh a, khua chu anuam lo hle bawk. A hlauhawm tawk chiah hian khawpui a ri dur dur a, a khat tawkin kawl a phe zuai zuai reng bawk a, zan nuamlo tak chu ava ni em. Hospital ah chuan kan Poilice department ami constable pakhat Remlalnghaka chu kan misual um lai mek pakhatin a kah hliam avangin Operation Theatre ah zai mek a ni a, Hospital chhungah chuan huh hluamin Remlalnghaka nupui, Nathana, DGP leh kei chuan a dam chhuah ngei beiseiin kan nghak thap mai a, rilru anuamlo khawp mai. A kap hliam tu kan misual um mek lai lah chu kan man hman talo a, atlanbo daih lehnghal a, thla a phang takzet. Minute 10 vel a ral leh meuh chuan Room atang chuan doctor chu hmel ngui bar hian alo chhuak a, rang takin Remlalnghaka nupui chuan, "Doctor, enge ka pasal chu a an?" tiin mittui nen alo zawt nghal a. Mahse doctor chuan hnuailam melh chungin, "Apawi ka ti khawp mai, minute 10 vel chuan lo kal hma ula kan la chhan thei ang, mahse in tlai deuh a ni, theihtawp kan chhuah a, kan chhan thei ta ngang lo ani, min hrethiam dawnnia." a ti ta mai a, Pu Remlalnghaka nupui chu a tap ta zawih zawih a, Nathana nen chuan sawitur reng kan hre biklo, kan thawhpui pakhat chu misual pakhat lek lakah pawh kan chhan thei ta silo chu a ni a, ava han zahthlak tak em.
He thil lo thlen tan dan chu hetiang hi a ni...zan dar 7:30 vel khan tu tih hriatloh hnen atangin call kan dawng hlawl mai a, number hriatloh a ni. Phone ami chuan Pu Remlalnghaka nupui kidnap angin a rawn insawi a, pawisa phut miah lovin Pu Remlalnghaka ngei zawk a duh thu a rawn sawi a, keini pawn mak kan ti khawp mai. A awmna hmun te pawh a sawi thlap a, Remlalnghaka lah a mangang em em a, tichuan a sawina hmunah chuan rang takin kan kal a, kudam ang deuh reuh in hlui zet, hun rei tak luah tawhloh tih hriat tak maiah chuan kan lut a, kei leh Nathana leh Pu Remlalnghaka leh police dang 5 vel kan ni. Kan silai theuh chu kan hum far hlawm a, kan en kual a, in chhung chu a hnawk in a bal em em a, maimawm ril a inzam nuai bawk. Nathana chuan, "Inpe mai rawh, kan hual vek tawh che, i tlan chhuak thei chuanglo ang." tiin a vau a, mahse chhanletna kan dawng lo. A reh em em mai a, tichuan inchhungah chuan kan in then hrang hlawm a, tichuan chu misual, kan constable nupui kidnap tu chu kan zawngkual ta a. Thawkleh khatah bang kil atang chuan patling au thawt ri hi kan hria a, silai a puak nghal bawk, kan torch light chuan kan enkual nghal chiam a, mahse thawm lo chhuahna lamah lah chuan engmah hmuh tur a awm chuang bawk si lo. Inchhung lah chu a thim em em mai bawk si a, han chet vak ngaihna a awm chuang lo. Tichuan Nathana chuan, "Khawnge Pu Remlalnghaka a awm?" a ti a, kan zingah chuan a lo tel ve ta hauh lo, kan zawng kuala, nichin lawka au tuar kha Pu Remlalnghaka ngei a ni tih kan hre ta a. Pawn lam atang chuan police pakhat hian, "Hey, ding rawh.." a ti vak ri hi kan hria a, tichuan kan vai chuan pawnlamah kan tlanchhuak ta vek hlawm a. Police 3 vel hian mipakhat hmaituam hi anlo um a, an bul lawkah chuan Pu Remlalnghaka chu thi phungin a lo let reng mai a. Misual chu zan thim hnuaiah chuan a pilbo hman ta nghe nghe a, tichuan rang takin Police Ambulance kan ko a, Pu Remlalnghaka nupui lah chu an inah kan hmu leh hlawl bawk si, alo kidnap awzawng lo mai, min lo bum mai mai hi alo nia, mahse kan hriatthiam loh chu tinge Pu Remlalnghaka hi a thah duhna chhan tih hi a ni.
Atukah chuan zing dar 10 vel ah Station ka thleng a, Nathana chu a Office ah a lo vei kual a, a rilru a hah hmel hle mai. Thutthlengah chuan thuin a dawhkana newspaper chu ka la a, chhiar lemlo chuan ka'n bih kual vel mai mai a. Inbe miahlo chuan kan awmdun reng a, Nathana chu ala vei kual reng a, minute 3 dawn lai chu a veikual a, chumi hnuah ka bulah chuan a rawn thu a...
"Rinawm, kha tualthattu kha, khawilam mi nge a nih i rin?"
"Ka hre bik nang...tinge min zawh a?"
"Englo ania, Pu Remlalnghaka kher a that duh kha mak ka ti...thah a duh vang hrim hrim a ang riau, midang pawh kan awm ve reng a.."
"Nia, an inhre lawk te ani mai lo maw?"
"Nia, chubakah pawisa a phut miah siloa.."
"Mahse Sir, dawt a sawi kha...a lo kidnap miahloh kha."
"A kidnap leh kidnap loh chu thuhran nise...mi tamzawk chuan pawisa an duh avang hian mi hausa fate emaw an nupui te an kidnap fo a, mahse ani kha chuan Pu Remlalnghaka kher a duh kha amak ka ti."
Kan titi lai chuan SI pakhat alo lut a, "Sir, Mission Veng a cheng, tuna Civil Hospital a thawk mek, Dr. Lalrinenga chu Damdawiin 2nd floor atangin a tla a, a tlak hnu minute 10 vel hnuah a thi tiin min rawn hrilh a, mahni inthat nge ni a, mi namthlak tih erawh chu kan hrelo." arawn ti a, Nathana nen chuan rang takin Civil Hospital lam chu kan pan nghal a. Hospital chhung chu kan lut a, ruang pawh chu an lo tuam fel vek tawh a. Nathana chuan Nurse pakhat bulah chuan, "Doctor room chhungah hian CCTV a awm em?" tiin a zawt a, Nurse chuan, "Awm e ka pu..." tiin a chhang a. Nathana chuan, "Rinawm, kan pahnihin security room ah a footage kan han check anga, chuan midang hovin Doctor room hi lo enfiah ang che u." a ti a, NAthana nen chuan CCTV footage en tur chuan control room lam kan pan ta a. CCCTV chu kan han rewind char char a, CCTV ina cover theih chen chu doctor thutna leh a dawhkan ani a, a bula bookshelf leh a thutthleng hnunga tukverh leh piah a hmanrua te a ni. Kan rewind char char a, a bul tir atang chuan kan en a, tlem tlem in kan forward zel a, mi hrang hrang an lo lut a, tichuan an chhuak leh zel a. Kan en reng lai chuan Doctor chu a tho thut a, CCTV cover loh chin ah chuan a kal a a bo ta daih a. Ahnu minute 1 velah chuan a lo let leh a, a tukverh chu a hawng a, a zuangthla ta mai a, mak kan ti hle mai. Nathana chuan chu veleh, "Hospital chhunga awm zawng zawng te hi tumah chhuaklo turin thu pe vat ru." a ti a, tichhuan mic atang chuan security chuan thuchhuah a siam ta a. Nathana chuan, "Rina, minlo zui rawh le.." tih leh tlanchhuah a rual a, keipawh chuan rang takin ka zui ve nghal a. Doctor room ah chuan kan let leh nghal a, Nathana chuan SI bulah chuan, "Anything suspicious?" tiin a zawt a, SI chuan, "Engmah a awmlo." tiin alo chhang a. Nathana chuan Nurse bulah chuan, "Doctor thih hma chiah a a room a in entir tura lut hnuhnung ber hi tunge?" tiin a zawt a, Nurse chuan rang takin paper a in entirtur list chu a la a, a chhiar thla char char a, chuveleh, "Lalhmachhuana Kanan Veng.." a ti a. Nathana chuan, "Chupa chu ala awm em?" a ti a, Nurse chuan a hriatloh thu in a chhang a. Nathana chuan, "CCTV a alan dan chuan doctor hi amah a inthat a ni a, mahse mahni a inthah ngawt nachhan tur a awm lo, miin an vau pawh a ni thei, chuvangin tualthahna angah pawh angaih theih ang. Helai hmuna awm te hi tuman an chhuak tur a ni lo." a ti a.
In hnuai lamah chhukin Main Gate ah chuan police leh security guard te chuan mipui chhuak tur chu anlo dang mek bawk a, Nathana chuan, "Floor tinah inthen darh ula, Lalhmachhuana Kanan Veng lo zawng rawh u, Ground floorah hian kei leh Rinawma'n kanlo lo zawng ang." a ti a, tichuan Police dang ho pawh chu an inthen hrang ta a, keini erawh Ground Floor ah chuan kan awm a. Nathana chuan mipui zi nuai nuai leh manganga phu mur mur chu, "Ngawi vek rawh u.." tiin a au vak avang chuan reh ta thiap hlawm mai a, hriau pawh tla se a ri ring hle ang tih tur khawp hian boruak chu a reh a. Second 30 vel chu kan ngawi thap a, chumi hnuah Nathana chuan, "Helai hmunah hian thihna a thleng a, mipui te min hriatthiamna kan mamawh a ni, khawngaihin chiai suh u, pawisawi lo leh tihsual neilo chu hlauhthawnna tur a awmlo.." a ti a, mipui chu an ngawi thap mai a. Nathana bawk chuan, "Kan zingah hian pawikhawihtu chu a awm niin kan hria a, mahse he thihna thlenna hi a rei tawh vangin pawikhawihtu chu a tlanchhe tawh maithei a ni." a ti leh a, mipui zinga mi pitar pakhat chuan, "Inspector, i sawi awmzia chu he thihna hi mahni inthat nilovin tualthahna a ni zawk i tihna em ni?" tiin a rawn zawt a, Nathana chuan, "Chu erawh thu chiang a awmlo.." tiin a chhang a. Mipui zinga mi nu pakhat chuan, "Hetia in dan ringawt hi thil dik anilo, tihtur pawimawh te kan nei thei a, chubakah damlo kan awm a, pawikhawihtu kan nih miau loh chuan keini thleng thlenga lo tuar ve hi a tulna ka hrelo.." a rawn ti a. Nurse pakhat chu a lo kal a, "Ka pu, tualthahna a ni nge nilo pawh a hriatloh a, chubakah CCTV ah pawh tualthahna a ni tih proofna a awm chuang lo a, hetia mipui dan hian awmzia a awm lo..khawngaihin kan mualpho loh nan kaltir hlawm mai rawh, tualthahna pawh nise a hma a i sawi ang khan tualthattu chu a tlanbo daih tawh ang, a thihna arei tawh sia." a rawn ti a, Nathana rilru chu a buai hmel hle mai, kan SI pakhat chu alo kal a, "Ni e Sir, kan theihtawp chhuahin pawikhawihtu an awm chuan kan man em em ang, anih loh pawhin mahni inthat pawh chu lo nise, a chhan chu kan hre em em ang." a rawn ti ve bawk a, kei pawh chuan an thusawi chu tawmpuiin, "Sir, kal tir phawt mai ang, anihloh chuan Hospital leh Police Department mualphona mai mai tur a ni, social media achak tawh si a, Lalhmachhuana Kanan Veng inti pawh chu Floor chunglama duty te hnen atang chuan kan hre maithei asin, hrelo pawh ni ila a veng hming nen kan hre tawh a, kan chhui chhuak em em ang,." ka lo ti ve bawk a. Nathana chuan, "Awle in kal thei e.." a ti chuai raih a, mipui ho pawh chu an kalna hmun turah an kal darh ta hlawm a.
Nathana nen chuan pawnah kan chhuak a, Nathana chuan Nurse ho kal darh lai chu a lehhawi vung vung a, mak ka ti angreng hle. Mahse rei deuh fe hnuah pawh nurse ho kal kual vel chu a en reng a, keichuan, "I lerh emai, Stationah i kal phawt teh ang, nurse chhelo melhkual hun pawh a nihloh hi.." tiin ak fiam deuh kher a, mahse Nathana hmel chu a thutak angreng hle mai. Nathana chuan Nurse ho chu a kawk a, "Nurse zingah sawn danglam bik an awm." a ti a, ka nui huk a, "Nia, chhelo fal chu ka hmu velawm.." kalo ti a, mahse Nathana erawh chuan nui miah lo chuan, "Nilo..chutiang lam anilo, nurse zingah khan boot bun an awm a ni." a ti a,keichuan hrethiamlo tak hian, "Chuan...enge chu chu?" ka lo ti hu a, Nathana chuan, "Nurse hian Boot an bun ngailo, oxford black shoes, smart shoes emaw pheikhawh sang dum an bun thin." a ti a. Chunveleh keichuan, "Nih chuan boot bun bik chu i ringhlel ami?" ka ti a, Nathana chuan, "Va um zui ang.." tih leh a tlan nghal a, ka zui ve nghal a. Nurse ho chu kan en kual a, boot bun chu an vang hle mai, mahse ka hnunga hmanhmawh deuha kal zuai chu ka va lehhawi a, nurse boot bun ngei chu a ni, ward lampang pan chuan a kal a, ahnunga zui pah chuan, "Thiannu lo dingteh.." ka ti a, mahse ding lo chuan a kal chak sauh zawk a. Ka zui zel a, chuveleh a tlan thut a, ka um ta a, a ding thut a, na em em hian ka hmaiah min kick thuai mai a, ka thal chiang ngei mai. Nathana chuan ka hnung atnag chuan, "Hey, nangnu kha.." tih pahin a rawn tlan phei a, mahse chunu chuan Nathana lam pan chuan rawn tlan pheiin ka tlu lai chu min rawn zuan kan a, Nathana dulah tak chuan a tlawh a, Nathana pawh chu a thal thuai a. Tichuan a tlan chhe ta daih a. Rang takin kan tho a, kan umzui a, pawn lam a pan a, a tlanchhuak a, rang takin taxi a phar a, a tlan ta daih a, kan man hman talo. Nathana chuan, "Tu phiangsen nge mawni le?" a ti a, keichuan, "Sir, tualthattu chu a ni mai lo maw?" ka ti a, Nathana chuan, "Tu pawh chu nise ka la tawng leh khawp ang." a ti a, a hmel ah chuan a thil sawi ah a chiang hle tih a hriat khawp mai. Police pakhat chu alo chhuak a, "Sir, Nurse pakhat chu damdawi dahna room pakhatah a hmui tuam leh a kut tawnbehin alo awma, mahse tunah chuan kan phelh tawh e." a rawn ti a. Tichuan keini pawh chu rang tak chuan kan lut a, doctor room ah chuan tap pur hian a lo awm a, kan va pan a. Nathana chuan, "Thiannu, engthil nge thleng a?" tiin a zawt a. Nurse chuan, "Dr. Lalrinenga, boral ta kha, khami room a in entir tur te hming lamtu ber kha ka ni a, chuan Lalhmachhuana Kanan Veng tih kha ka lam chiah khan ka bulah alo kal a, 'lo kal lawk teh' min ti a, ka zui a, 'helai hi a diklo a, ka damdawi min chawh hi adiklo.' a ti a, damdawi dahna room pakhatah ka luh pui a, a damdawi thlak turin, mahse min man bet a, min phuar a, min chhuahsan ta daih a ni." a ti a, a tap tuau lehnghal a. Nathana chuan, "Chutiang engtin nge a thlen theih a? Mipui tam tak karah engtin nge chutia a man theih che a?" a ti a, damdawi thlak tura damdawi dahna rooma kan luh chiah khan, docotor a zuanthlak thu vel a i chel chul a, chu chu enge awmzia tia chhuah ka tum chu min man bet a, min phuar a, ka thawhnaw a hlip vek a, chuan puan hian min tuam a, ka thawmhnaw chu a ha ta a ni. tichuan a ipte atangin samlem aphhawrchhhuak a, a vuah a, ka ka a hnawh a, ka au chhuak thei silo a, min chhuahsan ta a ni." a ti leh a, Nathana chuan min rawn en zeuh pah chuan, "Nichina nurse boot bun kha a ni chiang mai.." a rawn ti a, keipawh chuan ka lu ka lo bu nghauh a.
Tihdan tur dang vak awm heklo le, CID lam ho kutah damdawiin chhunga thil thleng chhui vel chu kan dah ta tawp hrih a. Keini lam chuan chanchin ngaichang reng chung tho siin a aia pawimawh kan constable thattu chu kan chhui zui leh zel ta thung a. Doctor Lalrinenga boral atanga ni 3 lai alo liam hnu chuan hmuhchhuah leh chhuichhuah em em chu a awm chuanglo, Nathana nen pawh kan mangang ve tawh khawp mai. Nathana room ah chuan Nathana nen kan thu dun a, thingpui sen hang indun pahin kan titi melh melh a, chutih lai chuan havildar pakhat hi alo lut a, "Ka pu, inleng i nei e.." a rawn ti a, NAthana chuan, "Lo luh tir rawh." a ti a, patling kum 40-45 bawr vel, palian lampang, changkang hmel tak leh hmel fai veng mai, ngo lampang, mi hausa tih hriat tak hi coat suit var nena inthuamin alo lut a, NAthana chuan, "Lo thu rawh ka pu...puih theihna che ka nei em?" tiin alo zawt a, chupa chuan, "Ka hming chu Dr. Samuel Lallianmawia ka ni a, Civil Hospital ah ka thawk mek a, Gynae Doctor ka ni a, hmanni a boral ta Dr. Lalrinenga kha, ka thawhpui ka thiantha ber a ni." a rawn ti a. Nathana chuan chibai pahin, "Awww...a nih tak chu, kei hi Nathan Malsawmkima DCP ka ni a, ka thianpa hi Lalrinawma ASP a ni.." a ti a, keipawh chuan chu Doctor chu ka chibai ve a. Doctor chuan sawi zawm zelin, "Ka thianpa a boral lai khan leave ka lak lai a lo ni a, ka lo zin daih a, chanchin ka hriat veleh ka lo thlawk haw nghal a ni. Hospital a hil thleng te ka hriat phei kha chuan ka rilru a na in, ka zak ngawih ngawih a, chubakah ka thianpa Dr Lalrinenga hi mahni intihlum duh tur khawpa mi dawihzep anilo tih hi ka chiang a ni." a ti a. Nathana chuan, "I sawi awmzia chu i thianpa chu mahni inthat nilovin tualthahna avanga thi angah i ngai a ni maw?" tiin a zawt let a, Doctor chuan, "Ni e, chubakah kan thawhpui nurse ngei pawh a kidnap a a thawmhnaw hlih sak vekin nurse lem angin a rawn che a, in man hmanlo a nilawmni?" a ti ta deuh kher a, Nathana hmel ka va en chu a hlim vak lo tih a hriat hle mai. Chu doctor bawk chuan, "Inchhuichhuah ngei ka beisei, in chhuichhuak lo anih pawhin kei doctor hian ka thiamna hmang hian ka chhuichhuak ve thei em em ang, duhsakna ka hlan a che u.." a ti a, a tho a, a kal ta daih a. Ka va han ngei tak em, "Sir, a chapo zia kha ilo hmu em?" ka ti a, Nathana chuan, "Tu zawkin nge chhuichhuak hmasa kan hria ang chu, doctor hian hnu an chhui ngailo, keini police ho hian alawm chhui thin." a ti a, a nui sak a.
Kar khat lai alo liam leh ta reng mai, hun chu a kal chak viau nangin hmasawnna erawh kan hmu thei meuh lo. Kan misual lah chu tuber nge hrelovin kan chhui risk a ni deuh ber mai, han a sawt viau lo. Vanneihthlak nge vanduaithlak kan ti zawk dawn, Nathana nen kan day off a inrual deuh thut mai a, nileng mai chuan engmah tilovin ka chau deuh bawk nen ka mu nileng a. Zan dar 7 velah chuan Nathana a rawn lut hlawl mai a, "Insiam rawh...tihtur awmlo emai, Magic Show en ang." a rawn ti ringawt a. Kei lah chuan hrethiamlo zet hian, "Eng magic show?" ka lo ti hu a, Nathana chuan, "Unknown magician a in ti a, kan hna te avangin kan rilru a hah sia, va en ve ang, zanin ah show a nei dawn." a ti leh a. Kei lah chuan, "Khawiah, ka phur zawng tak alawm...ticket te a awm em?" ka lo ti deuh luam a. Nathana chuan, "Vanapa Hall ah, amah hi ala in reveal duh lo a, hmaikawr hmai chanve khuh hi a vuah tlat zel, example ah chuan DJ Marshmellow an hi nimai.." a ti a, keipawh chu ka insiam a, kan kal ta a. A hmun chu kan thleng a,zaithiam mi hrang hrang te chu a khuhhawn nan an han zai liam liam hlawm phawt a. A hnu ah chuan kan magician chu alo lang ta, mipui chu an au dur dur a. Magic ropui tak tak chu a show a, a pui angreng hle mai. Amah chuan hmaikawr a mit atanga a hnar thleng khuh hi a vuah a, a hmel erawh hriat a har hle thung. Mipui zinga mi naupang pakhat chu a ko chhuak a, Magician chuan, "Mami, he lehkha ah hian enge i duh ber han ziak teh le, lem nen." a ti a, naupang chuan cycle lem hi a ziak a, "A pink rawng ka duh.." a la ti deuh kher zui a, mipui ho chu an nui dar dar a. Magician chuan, "Awle a tha e..." tih pahin puan var hi a ipte atang chuan a rawn phawrh a, a assistant te chuan bawl lian deuh hi an rawn nawr a. Chu bawm chu a hawng a, a chhungah chuan engmah a awmlo. Bawm chu khar lehin puan chuan chu bawm chu a khuh a, vawi thum vel bawm chu a beng thek thek a, puan chu a hlip leh a. Magician chuan, "Bawm chhungah hian a hma khan engmah a awmlo tih in hmu tiraw, tunah chuan he naupang ina mi dil ang ngeiin...heile.." tih pahin bawm chu a hawng a, cylcle pink nalh em em mai hi alo awm a, naupang pawh chu a lawm hle mai, mipui ho pawh chuan kut an beng dar dar hlawm a. Chumi hnuah chuan magician chuan, "Tunah chuan a tawpna atan thil pakhat ka show leh dawn a, mahse chumi tur chuan volunteer ka mamawh ang." a ti a, mipui ho chuan kut an phar suau hlawm a. Magician chuan, "Khalai nula chhelo zet kha lo chho teh le." a ti a, mipui zinga nula chu stage ah chuan a chho a. Bawm sei deuh a chuan a lu lawr hian a mut tir a. Bawm chu a khar leh a, hmeichhia chu a lu leh a ke chiah a lang thei. Bawm lai tak chu ngunhnam hriam zet hian a vit ta hrawk mai a, mahse mak tak maiin hmeichhia chu engtin mah a awmlo, a nui vur vur a. Mipui chuan nasa takin kut an beng a, ngunhnam chu phawi lehin bawm atang chuan hmeichhia chu ala chhuak a, a thutna hmunah chuan a let leh a. Magician chuan, "Kan huntawp kan lo hnaih dawn tawh anga, mahse chumi hma in, a last berna turin ka magic trick zinga ka duh em em mai ka show leh ang che u." a ti a, mipui chu lawmin an au a, an phusa nasa kher mai. Magician chuan, "Vounteer ka mamawh leh dawn a, tunge niang?" a ti a, mipui chu ban an phar suau suau a, Magician chuan, "Khalai ami kha...putar samvar kha..ka pu lo kal teh le." a ti a, chu putar a kohchhuah pa chu Nathana nen chuan kan en a, kan Doctor hmelchhepa, min thamlo em em tu, Dr. Samuela ngei kha a ni. NAthana chuan, "Awileh...khipa berkher...ka mood a ti off vek." a ti bul bul a,ka nui huk nghe nghe. Doctor chu stage ah a lawn chho a, ahma ang bawk khan bawm sei takah chuan a mut tir a, bawm chu a khar a, ngunhnam hriam zet pathum hi a rawn phawr a, doctor kap zawn takah chuan a vit leh siah a, doctor chu a nui vur vur a, mipui lah chu an au nasa. A dul zawnah chuan a vit leh hrawk a, doctor chuan ropui tih hmel tak chuan, "AMAZING." a ti vak vak a. Magician chuan, "unah ka favorite part kan lo ti ang." tihpahin a kun hniam a, doctor hmai zawnah chuan a hmaikawr a phelh a, aw thum zet hian, "Ka nupui leh ka fanu khan minlo biak dawnnia aw.." a ti a, doctor hmel chu hlauhna in a khat a, "Nilo...nang hiii.." a ti chel chul a, magician chuan na em em hian doctor hrawk zawnah chuan ngunhnam chu lek kangin bawm chu a vit ta siak mai a, doctor ka(mouth) atang chuan thisen a per chuai chuai a, mipui an au tuar tuar a, docotor chu a thi chiang ngei mai.
Mipui chu an ding suau hlawm a, an tlan darh a, Nathana nenpawh chuan rang takin kan ding a, kan pistol kan phawrhchhuak nghal a. Magician chuan a kut a phar a, "Inlo kal avangin ka lawm e, kei hi magician ropui em em NICHOLAS ka ni e.." tih pahin a ke bulah chuan enge mawini hi a vawm a, a khu rum rum a, amah chu a bo ta daih mai a. Stage ah chuan kan tlan chho nghal a, security te pawh chu lo tlan chhovin chu magician pa chu kan zawng kual a, athenin back stage ah an zawng a, mahse ahmel hmuh tur reng reng a awm lo. Dr.Samuela ruang chu bawm atang chuan kan la chhuak a, hospitalah kan thawn ta a, tualtthattu chu kan man hman leh talo, kan chan leh ta phawt. Hall chhung vel kan thenfai zawh hnu chuan Stationah kan let leh a, thil thleng ta chungchang vel chu ka'n han chhuizui a, kan buaipui nghal a. Kan day off zanah pawh hnathawh tho chu angai ta si a, tualthattu hi tuber nge ni ang tiiin kan ngaihtuah nasa, kan constable thattu leh Hospital a nurse lem anga inchei leh magician hi mi pakhat vek an ni em, nge mi hran vek, enge an thil tum ber tih pawh chu kan hre bawk si lo, he kan case chhui lai hi a hahthlak lam chu a ni dawn tih chu a chiang reng mai a, chubakah kan misual chhui hi pakhat mai nilovin mi hrang hrang pathum lai annih hmel bawk si a, kan lu a hai takzet. Nathana chuan a office ah min ko lut a..
"Rinawm keichu he magician hi mi pakhat vek niin ka hria..."
"Engtin nge i hriat theih bik a?"
"Achhan chu kan constable nupui kidnap anga insawi pa kha, a hmuna kan va kalchilh pawh khan a, pawn lama kan police thenkhat ten anlo hmuh khan a pianzia kha palian lampang, 5'11 vel, sek ve angreng tak leh thau lampang niin an sawi a. Hmanni a nurse anga lo inchei pawh kha, lian ve tak chu anih kha, tichuan kan magician pawh kha a pian kha a lian ve hle bawk a, engemaw tum chu a nei a ni."
"Ka lo chik ngai miah lo a, i sawi takah chuan a ni tlatin ka hria keipawn."
"Mahse chhui awlsam nan thil pakhat chu a hnutchhiah a ni."
"Enge chu chu?"
"A hming a sawi kha, a tihtihbo hma khan..NICHOLAS a intih kha."
"Mahse dawt te pawh alo ni ve thei tho asin."
"Dawt a nilo ang."
Chutia kan titi lai chuan SI hi alo lut a, hmanhmawh hmel em em hian a rawn ri lut nghal buan buan a. Thawk hlawi hlawi pah chuan, "Sir..sir...Constable Remlalnghaka that tu kha a awmna kan hria." a rawn ti a. Nathana nen chuan kan ding dun rang hle mai, Nathana chuan, "Enga? Khawnge a awm a?" a ti a, SI chuan, "A mah leh amah a inpek duh thu a rawn sawi a, a awmna hmun a sawi a, chutah chuan min man duh chuan lo kal mai ru a ti." a ti a. Nathana chuan, "Khai a...min fiamkual leh mai mai a tum te hi a niang e." a ti bul bul a. Keichuan, "Special Force nen kal a tha ang." ka lo ti vat a, Nathana pawh chuan, "Ngaihdan tha tak a nih chu...i kal ang u." a ti a. Zan dar 11 a pel tawh, a zan azan in Police Special Force koh a ngai a, kan chhuak ta tham tham mai le. Information kan dawnna hmun ah chuan kan kal a, kan tualthattupa chu amah leh amah a inpe ngei dawn a ni tih kan la chiang ngam lo. Mi fing tak ani a, plan alo nei lawk pawh a ni thei a, chuvang chuan fimkhur taka kan chet tlan angai a ni tih rilru a vawng reng chung chuan kan hmanrua te chu inring rengin kan peihsa thlap a, a hmun chu kan thleng ta. A awmna in asawi chu kan hual thap a, Nathana chuan mic atang chuan ring tak hian, "Awle...lo chhuak rawh le, kan lo thleng ta e. I sawi ang ngei chuan rawn inpe ta che, chutilova tlanchhuah i tum anih pawhin khawiah mah i tlan chhuak thei tawh dawn chuanglo." a ti a, boruak chu a reh thap mai. Muang chang hian kawngkhar a rawn inhawng a, pa lian ve tak, kum 30-35 vel bawr, sek tha zet mai leh piannalh pangngai ve tak, 5'11 vela sang, hang lampang, hmeltha angreng tak hi a rawn chhuak a, ahmelah hlauna a awmlo a, a mitmeng en reng reng pawhin a zam eihlo tih a hriat hle mai. A ban arawn phar chhuak a, nui chung hian, "Mi pakhat lek man turin tiang zat hi inlo kal amaw?" Nathana chu a va en a, "Tinge DCP....Mahni in mipa takin min rawn hmachhawn ngamlo ami?" a ti leh a, Nathana chu a thinrim hmel kher mai, "Tawng tawh suh, i kut kha hnuglamah dah la, lo pen hnai rawh." a ti a. Chupa chuan, "Awle...i thu ang zelin.." a ti a, a nui vur vur lehnghal a, a ngeiawm takzet. Alo kal hnai a, ka va pan a, hand cuff chu ka bun tir a, Jeep-ah kan luh pui a, Station lam kan panpui ta a. Misual kan dawpna thin ah chuan handcuff bun chungin kan thuttir a, ahma takah chuan Nathana nen chuan kan thu a. Nathana chuan, "Tunge i hming?" tiin a zawt a, chupa chuan zaidam tak hian, " Lalhmachhuana...Kanan Veng." a ti a. Nathana chuan, "Aw...ka rin ang chiah, Hospitala doctor thattu kha i ni tiraw?" a ti a, Hmachhuana chu a nui a,"Ka thah loh kha, amahin a zuangthla a nih kha." a ti awlsam et a. Nathana chuan, "Nurse pakhat i man a, a thawmhnaw i phelhruah sak vek a, puanin i khuh a i phuarbet a, tichuan a thawmhnaw i haksak a. Chuan kan umzui che a, mahse min sualletin i tlanchhuak ta a...Tiraw?" a ti leh a. Hmachhuana chu a bu nghauh nghauh a, "Umm...ka la hria alawm." a ti leh mai a, a ngeng hmel khawp mai. Nathana chuan, "Nihleh tinge i rawn inpek leh si a?" a ti a, Hmachhuana chuan, "Thil ka tisual a, ka tihsual man chu ka hmu tur anilawmni? Chubakah ka lo nghak rei khawp mai che u, minute 10 velin in rawn tlai alawm." a ti a, Nathana nen chuan kan in en a, mak ka tih ang chiahin NAthana pawh chu mak a ti ve ngei ani tih a hmelah chuan a hriat hle mai. Nathana chuuan, "Engati nge minute 10 pawh chu mitin hian insawi hlawm le?" a ti nuah nuah a. Hmachhuana nui hmel chu thinrimna in arawn inthlak a, a hmel a nelawm loh kher mai. Chiang em em in Nathana nen chuan min en a, "Achhan chu he minute 10 hi ka tan a pawimawh em ani, nangni hriatthiam phak bakin a pawimawh a ni." chiang fekfawk chuan a ti a. Nathana chuan, "Anih leh kan hriatthiam ve theihna turin han sawi ta che. Engvangin nge kan constable Remlalnghaka kha i thah? Engvangin nge Hospitalah khan buaina i siam, doctor inthat te kha enge awmzia? Abul atangin han sawi teh." a ti a.Hmachhuana chuan, "He thil ka tih hian chhan a nei a ni, ngun takin lo ngaithla rawh u...." a ti a.
*****
Ka hming chu Lalhmachhuana a ni a, Kanan Vengah tunah hian ka khawsa mek a. Nupui ka hmangaih em em ka nei ve a, fanu duhawm tak kan nei ve bawk. Kan rethei a, mi in kan luah a, ka tette atangin fahrah enkawl naah mindah a, ka nu leh paten min duhlo a min hnutchhiah a ni. Tichuan in constable Remlalnghaka te nupa hian an taxi driver ah min la a, tichuan harsa takin anni zarah chuan ka inhlawh ve a, kan eikhawp chu kan hmu ve tawk tawk. Vawikhat chu ka service naa ka pawisa dawn ho ka pek dawn chuan an inah ka kal a, "Ka pi..ka pu, in awm em?" tiin kawngkhar chu ka kik vak vak a, choka atang chuan glass no-a whiskey dawm chung hian nula chhelo zet kum 19 vel ni awm tak, piannalh tak mai hi rui hmel em em hian a rawn phei a, a sam lah chu sex hmang zo chiah tih hriat tak hian a thur bum mai a, ka pu (constable) t-shirt chu a ha a, bra a hrenglo tih hriat tak hian a hnute hmur chu a kawh lah mai a, a hnuaiah chuan kekawr te bak engmah a ha lo, ke lawngin a awm bawk. Alo kal hnai a, "Tunge i nih?" min rawn ti a, keichuan inthlahrung takin, "Aaaa..ih, ka pu te driver hi ka nia, ka pu hi a awm em aw?" ka ti a, bedroom atang chuan Pu Remlalnghaka chu tawnzau leh kekawr bul nen chauh a rawn chhuak a, min hmu chu a phu zawk a. Thinrim hmel zet hian, "Enge i rawn tih?" a ti a, keichuan, "Ka pu, hei...pawisa.." ka ti bah nuai mai a. Chu nula chu bedroomah a lut ta daih a, ka pu chuan ka kawr awmah a rawn tham thut a,"Zawnga, kan nu bulah i sawi anih vaih chuan, i hna hi i chan chiang ngawt ang." a ti khur khur a, keichuan hlau tak chungin, "Awle..ka sawi miah lo ang." ka ti a, pawisa chu a la a. Vin tawk hian, "Min rawn phone lawk ve ta che." a ti a, hnuailam ka melh a, "Ka tihpalh ka pu." ka ti a, "Chhuak rawh." a ti vin tuar a, zak tak chung chuan ka chhuak ta a. Amak ka ti hle mai a, mahse anupui han hrilh kher a ntulna ka hrelo, ka buaina tur anih loh mai bakah kan rethei si a, ka hna ka chan a nih chuan khawlaiah kut kan dawh mai angai dawn si a, chuvang chuan ngawih mai a tha zawkin ka hre ta a. Atukah chuan ka fanu school kal tur chu ka taxi chuan ka thlah a, an school kawt ka thlen chuan ka fanu chuan, "Apa, karleh ah khian field trip kan nei dawn a, cheng 500 thawh tur a nia.." a ti a, keichuan, "Vawiinah pek ngei ngei tur a mi?" tiin ka zawt a, ka fanu chuan, "Aw..vawiin last date a nia, mahse angailo ania Pa...pawisa hekna mai mai, ka kal ve peih hleinem." a ti a. Ka khawngaih em em a, pawisa kan harsa tih chu hre tho mah ila, ka fanu hian pawisa ka sen ral hi a hlauh em avang in akal ve chak em em chung pawn a duhlo lui tih ka hria a, "Kha le cheng 500 chu...chuan in kal dawnah pawh pawisa ka pai ang che, inthlahrung mah ta che..i pa hian i tan ka thawkchhuak zel dawn lawm." ka ti a, a lawm lutuk chu a mittui a tla a, min kuah a, "Pa..ka lawm e." a ti a, keipawh chuan, "Keipawh le.. kal tawh rawh i tlai ange." ka ti a. Taxi atang chuan a chhuak a, keipawh chu ka in turn lai mek chuan ka hnunglam atanga ka fanu au tuar ri hi ka hria a, a ri bur bawk a, mipui au nuai nuai ri chu ka hre bawk a. Taxi atang chuan ka chhuak a, ka fanu chu Truck lian chi hian a lo su hi alo ni a, kawnglaiah chuan thisen a baw nuai mai a, rang takin ka fanu chu ka pawm kang a, taxi ah chuan ka luh puia. Damdawiin ka panpui nghal bawk a, ka hlauthawng ngei mai.
Damdawiin kan thleng chu ka phi buai ruai mai a, doctor chu alo kal a, a rawn en fiah a, "Operation room ah luhpui nghal rawh u." a ti a, tichuan an luhpui a, keichuan doctor hmaah chuan kutsuih meuhin, "Doctor, khawngaihin ka fanu nunna hi chhanhim rawh aw." ka ti a, Doctor chuan, "Kan theihtawp kan chhuah ang." a ti a, min luhsan ta a. Minute 5 vel hnuah chuan tap hluam hian ka nupui Pari pawh chu alo thleng ve a, min rawn kuah nghal a. "U Hma, ka fanu chu a tha tiraw? Khawnge a awm?" a ti a, keichuan ka theihtawpin ka lo hnem ve a,"A tha leh mai ang. Lungngai suh, a dam leh vat ang." ka lo ti ve bawk a. Minute 10 vel hnuah chuan doctor chu alo chhuak a, "A banruh leh a keruh a tliak a, chuan a lu vun a thler bawk a, chumi buaipui tur leh damdawi man atan chuan cheng sing 4 a ngai dawn." a rawn ti ta mai a, kan mangang hle mai. Ka nupui chuan, "Doctor, khawiah nge damdawi chu an zawrh a..." a ti a, tichuan doctor chuan damdawi an zawrhna chu min kawhhmuh a, anlo inline thui nasa mai lehnghal a, tichuan rei fe mangang taka in intlar ve hnuah chuan kan lei thei ve ta hram a. Ka pawisa kawl lai, ak pu ta tur pawh chu engkim tuar huamin ka hmang ta zel a. Doctor lah chu a lo chhuak sek a, pawisa senna tur thil mak tak tak, keini hriatthiam veloh tur hlir hi a rawn sawi a, kan pawisa hman ral zawng zawng chu nuai 2 lai a ni ta. Tichuan kan nghak ta vang vang a, darkar 1 hnuah chuan doctor chu alo chhuak a. Ka nupui chuan, "Doctor, kan fanu chu a tha tiraw?" tiin beiseina nen a lo zawt a. Doctor chuan, "Kan theihtawp chu kan chhuah a, mahse apawi khawp mai, kan chhanhim zo ta lo." a ti ta mai a, ka thu hriat chuan min barakhaih hle mai, "Nilo doctor, dawt i sawi..khawngaihin, pawisa pawh kan pe leh mai ang." ka ti a, mahse doctor chuan, "Minute 10 velin in rawn tlai hret a ni, nilo se chu ala chhanhim theih ang." a ti a, ka nupui chuan, "Kapu, kan neih zawng zawng pawh hi chan vek dawn mah ila a pawi kan tilo, khawngaihin chhanhim hram rawh." tiin a ngen a, mahse vin zet hian doctor chuan, "Enteh u...mitthi kaitho thei doctor kan ni biklo. In damdawiin hman man chu pe ula, kan tihtheih a tawp tawh...khawngaihin chhuak rawh u." a ti hmak mai a, kan nu thinrim chuan doctor awmah chuan a tham a, "Hey...misualpa....pawisa tamtak min sentir hnuah in chhanhim zawhloh thu in rawn sawi amaw? In duh reng vanga that in ni...nangni hi ka that ve khawp ang che u.." tih pah chuan doctor chu a chum vak vak a, ka lo dang vat a, midang ho pawh chuan anlo dang ve bawk a. Doctor chuan a beng thal thuai a, "Nangni lehkhathiamlo ho mai mai...he damdawiin atang hian chhuak vat rawh u." a ti a, ka nupui chu a tlan thut a, verandah ah a tlan chhuak a, a zuangthla ta mai a, mipui an au tuar a. Rang takin ka chhuk a, ka nupui chu thisen in ahmai chu a bual hi a ni ringawt. Ka ko a, a harh thei lo, ka rilru ana a, ka tap a, mi tamtak in min en sup sup a, ka khawvel chu a tawp ani der mai, ka thinrim em em a, ka phone ka phawr chhuak a, ka pu Remlalnghaka ka phone a, tichuan doctor te chu ka nupui leh ka fanu thihna chungchanga mawhphurtu ah ka puh ve ta thuai mai a.
Ka pu chuan an inah chuan min ko a, "Hmachhuan, i nupui leh fanu chunga thil thleng ah khan pawi ka ti takzet, mahse chutin Doctor te kha kan man ngawt thei hleinem." a ti a, keichuan, "Ka pu, sum tamtak min laksak hnuah tikhan an chhanhim theihloh thu an rawn sawi leh daih a, enge awmzia ni anga? Lo chhan theilo tak tak ta pawh ni se, pawisa seng tura min tih vak vak kha a fairlo ve deuh chuan ka hria." ka ti leh hram a, mahse ka pu chuan, "Tute nge an nih i hria em, Aizawl Civil Hospital-a Doctor ropui ber te pahnih, mi hausa an nih saw...anni saw man turin min ti amaw?" a ti a, keichuan, "Police i ni anilawmni...misual te chu i man dawn lawm ni?" ka ti let ve ta ngat a. Pu Remlalnghaka chuan, "Ka man theilo, chubakah FIR pawh thehlut lovin ka man turin i rawn ti ringawt a, ka man theilo a ni." a ti tlat a. Keichuan mittui nen, "Ka pu, ka neih zawng zawng ka chan tawh, hei tal hi min tihsak rawh, ka pawisa te kha engtin nge ka hmuh let leh ang. Ka fanu leh ka nupui ka chan tawh a, neih ka nei tawh lo, min pui hram rawh...FIR thehluh dan pawh ka hre ve hleinem." ka ti a, Pu Remlalnghaka chuan, "Thehlut pawh ni la, kan man thei ngawt lo...khawngaih hei pawisa hi la la, minlo va chhuahsan rawh, duty ka ngai." a ti a, tichuan hrilhhai tak chuan ka chhuahsan ta a. Ka rilru ana em em a, ka pawisa neih chhun ang ang chuan zu ka lei a, ka in a, nitin zantin mai chu ka rui ta thin a, chu chu ka theihtawk a ni a, ka lungngai lutuk tur min veng thei awmchhun a ni tlat a ni. Zankhat ka service ka haw chu dar 12 a pel tawh hial ang, ka rui em em a, kawng pawh ka hmu tha hleithei lo a. Bus stand bula Pu Remlalnghaka leh a thianpa SI Lianmawia leh Doctor, ka fanu buaipui tupa te chu ka hmu ta a, ka ding chawt nghe nghe a. An titi a, an nui vak vak a, an thusawi chu ngaihthlak ruk ka chak ta tlat mai a. Taxi chu fimkhur takin ka park tha te te a, tichuan ka chhuak a, bustand hnugah chuan ka phei a, bang phenah biru in an thu sawi chu ka ngaithla ta a. Doctor chuan, "I driver chu lehlam kawng tak chuan ka khawngaih reuh hle mai, mahse a fanu kha chu kan duh chuan kan chhanhim thei maithei, mahse Dr. Samuela nen kan pahnih chauhin operation tih vek angai dawn a, ka taimakna in atlinlo a, mahse khatiang lehkhathiamlo te kha chu hman tangkai an ngai ve sia, pawisa kan sen tir ta teuh a nih kha...eng eng emaw ka phhuahchawp a, an pe ve leh zel a....haha." a ti ham ham a. Pu Remlalnghaka chuan, "A pawilo....hmanni pawh KS pakhat kan nu chhuahbo hlanin ka hruai haw a, min rawn phawk alawm, ban ka duhna a rei tawh hrim hrim." a ti a. SI pa chuan, "DCP Nathana leh ASP Rinawma'n an hriat vaih chuan kan chan a chhe khawp ang." a lo ti a, Remlalnghaka chuan, "An hriat loh nan nangin ilo thup tang tang dawn lawm...hawh teh u, kan zu in ber a zo tawh a, i haw ang u." a ti a, an haw ta a. Ka thu hriat te chuan min ti na in, a hrehawm ka ti hle a, ka tap zawih zawih a, tichuan keipawh chu ka haw ve ta a. Atukah chuan ka pu te inah chuan kalin ka ban duh thu ka va hrilh a, tichuan a driver atang chuan ka bang ta nghal a.
Phuba lak chakna in ka khat a, ahmasa berah chuan Pu Remlalnghaka hi thah hmasak ber ka tum ta a, a nupui kidnap angin ka insawi a, mahse ka bum che u a, ka man dan pawh inla hriat kha. Tichuan a dawt lehah chuan ka fanu buaipui ber tu kha Doctor tenawm Dr. Lalrinenga kha ka target leh a, in entir tur angin ka hming ka ziak lut ve a, tichuan ka hun a thlen veleh ka lut a, ka hmel a hmuh pawn min lo hre tawh miahlo lehnghal a. Tichuan a room chu ka enkual a, CCTV awmlohna lamah chuan ka phei a, silai a tin chungin ka vau ta , a nupui leh fanau te thahah ka vau bawk a, "Ka nupui thihdan ang chiah khan tukverh atang hian zuang thla rawh, i zuanthlak hnu minute 10 vel hnuah chuan ka nupui nen pawh in inhmu ve leh thei tawh ang, minlo biak dawnnia." ka ti a, ani pawh chu hreh chung chungin a zuangthla ta a nih kha.
****
Nathana chuan, "I thusawi chu lo awih ta phawt ila, tunah hian SI Lianmawia chu kan bulah a la thawk ngei a, doctor te zingah chuan a tel ve nge tel ve lo tih amah kan zawt dawn em ni tunah hian?" a ti a, Hmachhhuana chu a nui a, "Haha....SI Lianmawia hi zanin khan min man tur kha chuan a lo kal ve a, mahse a rawn zui haw velo che u.." a ti a, kan meng phawk hru a, chuveleh constable pakhat alo lut a, "Ka pu, SI Lianmawia hi alo let ve miahlo, kan hmuzo lo." a rawn ti a, chuveleh Nathana chu a ding hluai a, silai a phawrh a, "Zawnga, khawnge a awm?" a ti a, Hmachhuana chu a nui vak vak a, sana a en a, zing dar 4 a ri ta. Tunah hian minute 10 inla nei e, in tlai hma hian in SI chu va chhan chhuak ta che u. Min rawn man na, keima in ngeiah khan a awm, dar 4 leh minute 10 ah chiah chiah hian ka unaupa that turin ka hrilh kha." a ti a, rang takin Nathana nen chuan kan tlan chhuak a, Nathana chuan, "Hmachhuana saw lo veng tha ang che u.." tih pahin kan tlanchhuak a. Hmachhhuana in kan va thlen chuan dar 4:12 a ri tawh a. Inchhung kan lut chian chu SI Lianmawia chu a awmah chemte bur vu in alo mu a. A thihna chu minute reilote chauh ala ni tih hriat tak hian a taksa pawh ala lum vut vut a, Nathana chuan, "Zawnga mai mai chuh.." a ti bul bul a, tichuan ruang chu constable ho chuan an buaipui a, Nathana nen chuan Station lamah kan let leh a, Hmachhuana chu hand cuff bun chungin a lo la thu reng a. Nathana chu alo nuih var var a, "DCP Sir, in tlai animaw?" a ti a, Nathana nen chuan kan thu a, Nathana chuan, "Thil hriatthiamloh ka la nei, tikhawpa lehkhathiamlo leh hawizau lo si khan, plan tha tak tak neiin, engtin nge phuba i lak theih? Chuan nizanah khan Doctor Samuela chu magician pakhatin a that a, kha magician pawh kha nangmah tihna em ni? Nicholas-a inti pa kha?" a ti a, Hmachhuana chuan, "Ka pu, sap hming ka nei lo, ka hming chu in hriat angin Lalhmachhuana a ni a, Nicholasa ka ni hleinem." a ti a. Nathana chuan, "Anih leh i fanu thattu a i sawi Dr. Lalrinenga thianpa kha Dr. Samuela hi a ni a, engtin nge magician pakhat ve maiin i hmelma pakhat chu alo thah ve ngawt anga?" a ti a, Hmachhuana chu a nui sak a, "Nia, thil zep pakhat ka la nei a, ahma khan...diktak chuan, ka nu leh pate khan fa hi keimah chauh min nei lo a, phir pui ka nei a ni, kan hmel a in ang chiah a, nichin lawka SI Lianmawia thattu pawh kha ka unaupa a ni. A ni erawh kha chu vairamah an thawn thla daih a, tichuan Tamil Black Magician pakhatin fa atan a la a, tichuan amah pawh magician alo ni ta a. Kum 30 a ral meuh chuan chu vaipa chuan unaupa dang min neih thu hi a hrilh a, tichuan min rawn zawng chhuak ta a ni. Engkim ka harsatna ka hrilh ta a, tichuan amah chuan min pui ta char char a ni." a ti a. Nathana chu a nui huah huah a, kut a beng vel a, "Haha Wow...what a twist....engmaw i sawi a? Twins maw? Mi pahnih maw in nih a?" a ti a, Hmachhuana chuan, "Um..ni e, pakhat chu Taxi Driver..pakhat erawh chu Magician." a ti a. Nathana chuan, "A nih chuan, i unaupa chu magician a nia, nang erawh chu Taxi Driver tihna maw?" a ti a, Hmachhuana chu a nui a, "Nilove....ka unaupa zawk chu Taxi Driver a ni, a hming pawh LAlhmachhuana a ni e.." a ti leh ta daih mai a. Nathana chuan mak ti zet hian, "Nihleh nang tunge i nih a?" a ti a. A ding a, ringtakin a ban phar pah chuan, "NICHOLAS...BLACK MAGICIAN.." a ti a, Nathana chuan, "Shit.." tih pahin a pistol phawrh a tum a, mahse Nicholasa chuan a kuta handcuff a bun chu a rawn thlawh phei a, Nathana nena kan kut ah chuan a rawn vawm a, hand cuff chu Nathana nen zawk kan bun ta daih mai le, ani erawh engmah a bun ta lo.
Nicholasa chuan, "Tihnat che u ka tum lo, thil tihtur pakhat chiah ka la nei, chu chu kha ka unaupa fanu su tu Truck Driver kha ka target hnuhnung ber a ni. Ka unaupa Hmachhuana hi harsa takin Tamil Nadu atangin ka rawn zawng chhuak a, mahse tikhawp hian alo retheih ka ring ngailo. Phuba latu zawng zawng kha keimah vek ka ni e, ka thil tihtur hnuhnung ber hi min tihzawh tir vek hnuah ka lo inpe ang, ka tiam ache u. Tunah hrih chuan, please excuse me." tih pahin a ipte atangin ball tereuhte hi a rawn phawr a, a ke bulah chuan a vawm a, akhu luih a, a bo ta daih mai a. Nathana chuan constable ho a au tuar tuar a, anlo lut a, kan handcuff chu an phelh a, "Motor start rawh u...." ka ti vin tuar a. Mahse Nathana chuan, "Nilove Rinawm.." a ti a, hrethiamlo tak chuan, "Tinge Sir...tual athat leh dawn asin.." ka ti a. Nathana chuan, "Pawilo, tunah hrih chuan news kan nghak tawp ang. A rawn inpek dawn kha...dang ngawt dawn ila, black magician a ni bawk si a, ani kha ka ring a ni, alo inpe em em ang." a ti a. Keichuan, "Sir, ka hriathiamloh chu a fanu su tu Truck Driver kha tunge ni ta ang?" ka ti a, Nathana chuan, "Chupawh chu kan la hre dawn alawm..." a ti a. Zing dar 8 alo rik meuh chuan constable pakhat chuan, "Ka pu, Venghlui kawng hnuaiah Truck pahnih an insu a, Truck Driver pakhat zawk chu ahmunah a thi nghal a ni awm e." a rawn ti ta a, Nathana nen chuan kan in en a, tu thil tih nge inzawh hranpa a ngailo, a titu chu kan chiang dun hle mai. Chuveleh NAthana chuan phone call a rawn dawng a, "DCP Nathan, kan inpeih e." a rawn ti a, Nathana nen chuan Nicholasa'n an awmna a sawina hmunah chuan kan val kal ta a. Kham tlangah anlo awm a, an unau chuan min lo nghak reng tawh a, Nicholasa chuan, "DCP Nathan, police fing tak i ni a, i huaisen hle bawk tih ka hria. Thil tisual tute chu i ngaidam ngailo, i hrem thin. Chutiang chiah chuan kan unau hian min hrem ve thei tawh ang, keipawhin ka magic engmah ka hmanglo ang." a ti a, a nui ver ver a. An unau chuan phir tihtakah an in ang ngei mai, Nathana chu a nui a, "Truck Driver kha tunge?" a ti a, Hmachhuana zawk chuan, "Aww....ni e, kha kha ka unaupa hian a lo hrilh tel velo che u a nimaw...khapa kha Pu Remlalnghaka fapa upa ber a nih kha...ka fanu kha alo beisei thin a. Ka unaupa hian sawi telloh a lo nghah hle mai, haha. KA fanu khan a duh silo a, tichuan a thinrimin an thneawmte vaipa truck in a tum reng vangin a su hlum a nih kha. Pu Remlalnghaka fapa hi mi ang vaklo a ni hrim hrim a." a ti a, Nathana chuan, "Nia...a damdawi ti nasa lutuk kha a chiang tawhlo hrim hrim, ka hre ve deuh alawm kha pa kha chu.." a ti liam ve leh mai a. Nicholasa chuan, "Min chhuichhuak miahlo a, kan lo inpe zawk a ni a, i chhuichhuahloh awmchhun kan ni hial lo maw?" a ti a, a nui huah huah a. Nathana chuan, "Chutin ti reng reng suh, haha...engemaw chu ka nei alawm." a ti a, hnunglamah chuan motor a rawn tlan a.
Motor chhung atang chuan Pu Remlalnghaka nupui Pi Engi alo chhuak a, suitcase dum hi a rawn keng phei a. Nicholasa leh Hmachhuana hmaah chuan a ding a, "Ka pasal leh ka fapa min thahsak a, mahse in tihtur diktak in ti a ni. Ka pasal kha KS lakah leh ka thiannu lakah ngei pawh min ,lo uire san thin a, nangni hian thatlo pawh ni ula kei hian ka that ngei ang. Tin ka fapa, duh hun huna min zahlo taka a ruihna tur pawisa min dil a, min vau thintu leh mahni nu te pawh kutthlakthintu khan, tual alo that bawk a, chupawh i fanu lehnghal. In dinhmunah hian ding ve ila chu in tih ang tho hi ka ti ve ang...Khawngaihin min ngaidam zawk rawh u." tih pahin a thingthi a. Hmachhuana chuan tap chungin, "Nilo....tho rawh, khatiang tur anilo, min ngaidam lul zawk ang che aw..." a ti a. Pu REmlalnghaka nupui chuan, "Hei hi la rawh u...nuai 10 a nih hi, ka pasal te leh doctor tena in pawisa an batsak zawng zawng te leh DCP Nathana thilpek a nih hi." a ti a. Nicholasa chuan Nathana chu en pahin, "SIr...thilpek a? Enge awmzia?" a ti hu a. Nathana chuan, "Haha...ka chhuichhuak lo che u...mahse in harsatna leh in tawrhna hi ka pi bulah hian ka hrilh vek alawm. Chuan Truck driver kha a fapa a ni tih pawh min hrilh hma khan ka hre daih tawh." a ti a, keichuan rang takin, "Sir..engtin?" ka lo ti hu a, NAthana chuan, "Nicholasa kan station atanga a chhuah chiah khan engkim kan tawng te leh kan titi te kha ka record vek a, tichuan zing lama ka chhuah zawk hlan khan Pu Remlalnghaka nupui hi ka va ngaihthlak tir a, tichuan engkim ka hrilhfiah ta a. Tichuan ka pi hian Truck Driver chu tudang nilovin a fapa ngei anih a rinthu a sawi a, achhan pawh Hmachhuana fanu thihni khan a fapa hi hlauhhmel takin a roomah a rawn lut a, ANI THEILO, TINGE KA TIH TAK TAK A, KA VAN MAWL TAK..tiin a au vak vak thute a sawi a, tichuan keipawn a fapa ngei ani tih ka hre ta a ni." a ti a, alo va han che rang thei bik tak. Keichuan, "Anih leh i fanu a sut khan, tinge Truck khalhtu kha tuman in man siloh a?" ka lo la ti hram a, Hmachhuana chuan, "A tlan tlang daih a, ka fanu kha a chil zui nghe nghe a lawm." a ti a. Nathana chuan, "A tawk ta e, cheng nuai 10 khan khawi thlenga thui nge a hruai bo theih ang che u?" a ti a, Nicholasa chuan, "Ka pu...min chhuah dawn maw?" a ti hu a, NAthana chuan, "Ka rilru ka thlak hma hian kal vat rawh u.." a ti a, Hmachhuana chuan, "Thil pakhat chaih...ka pu, nu leh pa kan neilo a, nu hmangaihna hi kan la tem ve ngailo a, chuvang chuan, Pi Engi hi kan rualin kan hruai ve thei angem?" a ti a, Pi ENgi chuan, "In phal anih chuan ka lo kal ve ang, fapa chu chan mah ila, a aia tha Pathianin, fapa pahnih lai min pe leh ta a nih hi.." a ti a, an inkuah a, an mittui a tla a. Nathana chuan, "In ninawm, kal vat ru, ka man vek mai ang che u.." a ti vin tuar a, Nicholasa chuan, "Awle..kan kal kan kal.." an tia, an nui a, an kal liam ta a.
Nathana chuan min en a, "I tap elaw?" a ti a, ka mittui alo tling kuang hi alo nia, "Tap mai mai lo." ka ti ringawt a. A nui vur vur a, "An kal tawh bawk a, keini pawh kan kal ve tawh dawn mi?" a ti a, keichuan, "Nia....vawiin chu police officer pahnih in thil sual lian tak kan ti anih hi.." ka ti a, ka dara min rawn kuah pah chuan, "Nia...zialo khawp mai, kan sual hle mai." a ti a, kan nui dun huah huah a. Nathana chu a ding thut a, "Theihnghilh kan nei.." a ti a, keichuan, "ENGE?" ka lo ti hu a. Nathana chuan, "Vawiin hi...Tluangtei nena in indate tur tum kha ania, day off extra ka pe ang che ka tih kha, kan lo theihnghilh daih a." a ti a. Ka chal dawm vawng vawng pah chuan, "Dar 10 ah kan chhuak dawnnia ka ti a...tunah dar engzat nge?" ka ti a, NAthana chuan, "Dar 9:30.." a ti a, rang takin ka tlan haw nghal a. Ka inbual a, ka insiam a, rang takin ka chhuak ta nghal a. Tluangtei chuan kan inhmuhna tur hmuna kan sawi ah chuan min lo nghak reng tawh a, min hmu chiah chu rum tawkin min melh a, "Hmela...minute 10 in i tlai ania." a lo ti a. Ka nui vur vur a, "Minute 10 chhung ngaihdam ka dil ve thung mai ang che.." ka ti a, tichuan ka piantirh ata a vawikhat na atan hmeichhia nen kan indate ve ta a, mahse ka mu tlem sia, ka mut chu a chhuak hle mai, muttui vek u...haha
THE END
Comments