NATHAN SEASON-2 (Episode-21)
NATHAN SEASON-2 (Episode-21)
POLICE VS CBI : MUMBAI CBI RAIDS MIZORAM (Part-2)
Written by : Aaron Malsawmdawngzuala
(Based on a true incident of 1987 Opera House heist in Mumbai)
(Sakhuana lam sawi tel a ni dawn a, mahse eng sakhua pawh nise sawichhiat tumna lam a nilova, true story based a nih angin ka sawi lang pawp pawp dawn a, chhiar/ngaihtlak dan tawk lo thiam ang che. Tun tum episode 20, 21 leh 22 te hi thil thleng tak tak behchhan a ziah a ni a, kum 1987 a Mumbai a Opera House CBI lemchang hovina an raid chungchang behchhanin ka ziak a, thawnthu dang copy angah minlo ngailo ula, Plagiarist ka ni hek lo. Tin, eipsode dang ah te pawh khan movie based ka nei nual a, mahse ka movie based te erawh a movie hming nen lam ka ziak lang vek zel a, khawngaihin sawisel lo hram ang che. Ka hmasawn nan leh ka inzir zel nana min sawisel duh anih chuan ka haw hran lova, lawm takin ka lo dawngsawng thei zel e. Amaherawh chu min sawisel danah khawngaihin tawnkam mawihnai tak hmang hram la, ka tana han chhiar nuam turin i lo cooment dawn nia. A hmusit zawng emaw, a deuhsawh zawnga ilo comment hian kei chauh nilovin, writer dangte phurna a ti hniam a, sawisel lova ngaihnawm titaka lo chhiar/ngaithla tu an awm ve nual tih hria la, nangmah vang khan chhiar tur leh ngaihthlak tur an neih tawh loh phah thei ania. Tin, Politics chungchang leh eirukna chungchang tam tak ziah lan a ni bawk a, hengte hi politics ka sawichhiatna lam a nilova, politics-a diklo leh eirukna awm te ka thailang mai chauh a ni a, entirna leh in enfiahna tura ziak lang zawk ka ni e. KA LAWM E.)
Meena-i te landline atanga phone call chu Sathya Kumar te, Uttam Raj te leh Nathana te chuan an chang thap mai a. Tichuan rei fe an nghah hnu chuan Meena-i chuan nuber pakhat a call ta a, rang takin Nathana chuan, "Sir, tu emawni a phone a nia.." a lo ti vat a. Kumara chuan, "Volume kha a sang berah han pe teh u." a ti a. Tichuan phone chu a in ring char char a, mahse lehlam ami chuan a pick up ta tlat lo mai. Vawi engemaw zah a ring hnu chuan a pick up a, mahse Meena-i zawk chuan phone chu a dah leh ta daih mai. Kumara chuan thinrim tak hian, "Hrep tak chuan." a ti nuah nuah a. Minute 1 vel hnuah chuan Meena-i bawk chuan number ngai bawk chu a call nawn leh ta a, Nathana bawk chuan, "Sir, a call leh tawh." a lo ti leh vat a. Rei fe aring hnu chuan lehlam phone a mi chuan a rawn pick up leh a, mahse a pick up zawh rual rual chuan Meena-i zawk chuan a dah leh nghal daih mai. Kumara thinrim lutuk chuan, "Min fiam kual vel mai mai a mawni le...." a ti bul bul a. Minute khat vel an nghah hnu chuan lehlam phone ami zawk chuan Meena-i te landline number chu a rawn call ve ta thung a, Nathana te chuan an tawng hun chu an lo nghak leh ta thap mai. Meena-i chuan phone chu apick up vat a, "Hello, hello.." a rawn ti vak vak a. Lehlam ami chu tudang nilovin Fake CBI Officer te zinga an khaipa ber, Officer Uttam anga insawi Surya Sivakumar kha ani. Surya chuan, "Aw Hello, enge ni ta?" a rawn ti a. Meena-i chuan, "Boss, enge chanchin ni ta zel? Newspaper ah te khan kan hming te a lang tawh em? Chanchin duhawm loh te a awm em?" a ti a. Surya chuan, "Awmlo ve, engah mah ngai suh." a lo ti a. Meena-i chuan, "Anih chuan kan plan chu enge ni ta, enge kan tih leh dawn>" a ti a. Surya chuan, "Ngun tak khan lo ngaithla rawh aw.." a ti a. Meena-i chauh nilovin Nathana te, Sathya Kumar-a te, Uttam Raj-a te leh Amanda-i te pawh chuan Surya thusawi tur chu an lo nghak thap hlawm a. Chutah Surya chuan, "Kan kal lehna hmun tur chu maw.." tia a sawi lai chuan ring tak hian Surya phone atang zawk chuan hla a rawn in play thum ta dut dut mai a. Surya erawh a tawng zawm char char a, mahse hla play chu a rin em avang chuan a sawi engmah ahriat theih loh. Meena-i lah chuan, "Engmah i sawi awmzia ka hrelo, hla kha off teh...khawiah maw? Khawi hmun ah maw?" tiin alo au ve vak vak bawk a. Kumara te leh Nathana te pawh chuan tihngaihna an hre biklo, an in en hrek hrek hlawm reng ringawt mai a. Chutah hla play chu a tawp thut a, a reh ta thiap mai. Nathana te chuan Surya tawng hun chu an lo chang leh thap a, Surya chuan, "Chutiang chuan kan che anga, engmah tihsual kan nei tur a nilo. Hemi kan tih zawh hunah chuan Mizoram pawh kan chhuahsan thei tawh ang..chuan thil pawimawh deuh pakhat leh chu maw.." a tih lai chuan a aia ring hian hla chu a rawn in play leh ta, Surya pawh a tawng chhunzawm char char a, a tawng erawh a hriat theih leh ta chuanglo. Uttam-a thinrim lutuk chuan, "Zawnga mai mai chuh....a hrelawk a ni ngei ngei ang." a lo ti pung pung a. Tichuan hla play chu a tawp leh a, "Anih Mangtha aw..." tiin phone chu an dah dun ta ve ve a. Kumara chuan Uttam-a bulah chuan, "He hmeichhia ina a biak hi tudang nilovin nangmah anga insawi, CBI Officer lem anga chang kha a ni tih ka chiang." a ti a. Nathana chuan, "Ani ngei ang..mahse engtin nge alo hriat lawk theih ang a? A phone chhan danah khan keini ho hian helamah kan lo ngaithla ru reng dawn tih a hrelawk vek a ni ngei ang." a ti a. Kumara chuan, "I sawi dik chiah DCP, a awmzia chu hepa hian puitu a nei ani, chupawh kan thil plan engkim hre vek tu a ni ngei ang." a ti a. Uttam-a chuan, "Mahse a puitu chu tunge ni ta ang?" a lo ti hu mai a. Kumara chuan, "Chupawh chu keiman ka zawng chhuak ang, a t(r)ul anih chuan ka that mai ang." a ti a.
Kumara chuan, "DCP, tunah kha kan mi rinhlelhnu te inah khan zu kal ula, zu man nghal rawh u." a ti a, Nathana leh Amandai leh police force 20 rual vel chu Meena-i te in lam pan chuan an zu kal ta nghal a. Nathana te chu Meena-i te in an thlen chuan kawngkhar chu tala in a lo in kalh thlap mai a, Nathana chuan tala chu chhu chhia in inchhung chu an lut a, mahse inchhung bungrua zawng zawng te, TV te, fridge te leh bungraw dang te chu engmah hmuh tur a lo awm lo. Nathana chuan landline phone awmna lam chu ava pan a, mahse chu landline phone pawh chu a wire chawpin a lo chat rum mai a, a handle chhunga chip an vuah pawh a chip chawpin a lo bova, lapua alo la inhnawh zui a. Nathana pawh a thinrim ngang mai, "Hmeli mai mai chuh, min va bum zing ta malh malh ve." a ti nuah nuah a. Chu veleh a phone a lo ri a, Kumara a lo ni a. Nathana chuan phone chu la in, "Hello Sir?" a ti a. Kumara chuan, "DCP, enge chanchin?" a rawn ti a. Nathana chuan inthlahrung takin, "Kan tihpalh a ni Sir, an lo tlanbo hman vek a ni, engkim kha an lo hre lawk vek a ni." a ti a. Kumara chuan, "Ummm...Station ah lo let leh phawt teh u, kan sawi tha leh dawnnia." tiin phone chu a dah a. Zan alo ni a, Aizawl Venghlui kawng hnuaia in fal deuh pakhatah chuan Surya, Meena-i, Senthil-a, Muthu-a leh Suresh-a te chu hlim takin zu an lo in a, CBI Officer te leh Police te an han bum kual vel thu chu an sawi nak nak hlawm a. An nui leh dar dar thin a, an rui tawh hlawm bawk nen an titi pawh an tui chho tan ngei mai. A mal te te chuan an tunhma nun te, hna an hmuh theiloh thute leh khatiang zat pawisa an la hmuh ngailoh thu te, CBI lem an chan vel laia DCP Nathana'n a man chhuah an hlauh zia te, DCP Nathana fin zia te chu an sawi nak nak hlawm a. Tichuan an tunhma chanchin theuh an sawi zawh hnu chuan an boss ber Surya chiah a bang ta. Meena-i chuan, "Bawiha, heti khawp hian min pui nasa a, hna nei miahlo te pawh tihian hna min pe a, chupawh CBI Officer hna lehnghal. A lem mai mai pawh ni mahse, kan tan chuan malsawmna hlu tak a ni. Min han hrilh teh, engvanga hetianga ti tura min hrilh nge i nih reng reng a?" tiin a han zawt a. Surya chuan, "Chhan a awm a ni, mahse ka sawi chuan a thui dawn emai..in mut a chhuak tawh awm hlawm si, nidangah kan sawi dawnnia." a ti a. Senthil-a chuan, "Keini pawhin kan sawi vek tawh a, han sawi ve hrim hrim teh. A chhan te pawh kan hre ve duh alawm, tikhawp hian mi rethei ber atangin mi hausa berah min siam ania." a lo ti ve bawk a. Surya chuan nui chungin, "Aaa...a ho emai, nidangah kan sawi dawnnia. Chubakah naktukah lemchan leh angaih kha, hna kan la nei tam si...mut tam kan mamawh." a ti tlat a. Mahse a thiante chuan an ngen nasat em avang chuan Surya pawh chuan a chanchin leh hetia CBI Officer anga lem an channa chhan chu a sawi ta a..
**********
Ka pa hian CBI Office ah clerk hna a hmu a, chu chu Mumbai ah a ni. Kan rethei em em a, ka nu lah a boral tawh bawk si a. Ka pa chuan min enkawl seilian a, clerk hna athawh atang chuan pawisa tlem azawng a la lut ve a, chumi hmang chuan a theih tawp chhuahin min chawm a, school te pawh min kaltir ve hram hram a ni. Tichuan kei pawh ka lo thanglian chho ve zel a, tunah chuan kum 30 lai ka lo tling ve ta a. Mumbai ah hian kan duh vanga awm kan nilova, ka pa hnathawhna vang liau liau a ni a, a hna hmuh theih awmchhun a ni ve bawk si. Ka tet te atangin CBO Officer nih ka duh ve thin em em a, ka dream ber a ni thin. Theihtawp chhuahin lehkha ka zir tang tang a, a tawp atawp ah chuan Master Degree lai chu ka lo nei ve ta a. Mumbai ah hian tette atanga awm ka ni a, ka awm tir phei chuan kum 10 mi lek ka ni a, Hindi ka thiam lo hle a, a hrehawm ka ti thin hle. Mahse zawi zawiin ka thiam chho ve zel a, ka awm tirh atanga ka kawm ber chu kan thenawm ami, Tamil tawng tlem lo thiam ve, keimahni ang bawka rethei ve tak Samar-a a ni. Samara nen chuan kan inkawm chho zel a, inthenawm chiah kan ni bawk a, a chhungte nen pawhin kan innel hle a. Tichuan ka pa chu vanduai thlak takin a hna atanga ban a ni a, mahse a chhan min hrilh duh ngailo. MAhse keipawh ka lo puitling ve tawh a, theih tawp chuan ka lehkha zirna turte chu ka khawl a, ka inhlawh a. Inluah mai chauh kan nih avang hian kan in luanhna te chuan inluah man min thing reng mai bawk si a, kan mangang thin khawp mai. Ka thianpa Samar-a erawh hi chuan Police nih hi a duh ber thin a, amah pawhin police nih a chak thu te, misual han chhui vel te leh encounter shoot hmanga misual han kahhlum te pawh a chak thu a sawi fo thin. Ani pawh a duh ang tawka a inzir chhuah hnu chuan a qualification leh a thiamna ten a phak ve tawk tawh niin a hria a, police hna chu dil ve a tum ta a. Police hna chu hmuh ve ngei tumin thla 6 ngawt a bei a, mahse a hmu thei chuanglo. Nikhat chu police hna dil leh tur chuan Police Station ah ka kalpui a, mahse an DGP chuan seat a full tawh thu te, pawisa tam tak a ngaih thu te chu a lo hrilh a, anihna takah chuan mi hausa tan chauh he Police hna hi a hmuh theih a ni. Tichuan beidawng tak chuan in lam panin kan haw ta a, an inah chuan lenluh ka tum a. Samara hi anupui nen chauh an awm a, a nu leh pate an thi tawh a ni. A nupui nen pawh hian an inhau fo a, achhan pawh Samara hian hna ahmuh theihloh vang a ni. Chumi tlai chuan a Samara thianpa Rajesh-a, mi hausa fapa, Samara hmusit ru em em thin tu chu Samara te inah chuan a lo awm a. Samara nupui nen chuan an lo inhnim hnai khawp mai a, kan va lut chiah chu Rajesh-a chuan Samara chu rum zet hian alo en a, "Ilo haw a ni maw thiana, keipawh ka'n haw tawh mai ange." tiin Samara nupui chu a melh zeuh a, a chhuak ta a. Samara thinrim chuan a nupui chu hauvin, "Kha mihringpa kha engvangin nge kan inchhungah ilo luh tir a, enge a rawn tih." tiin a vin khur khur a. Samara nupui chuan, "A rawn leng lut ve mai mai a nih kha.." tih ringawt hian alo chhang a. Samara chuan vin zet hian, "I pasal hi kha mihring pa khan min hmusit asin, ka thian tak tak pawh a nilo. A beisei vang mai mai chein a rawn leng a nih kha, nang lahin ilo be tha em em a." a ti a. Samara nupui chuan rum tak hian Samara chu a melh a, "Enge ni vak a, duh leh minlo beisei ang hmiang. Hna pawh hmu zo lo, eitur kan nei mumal ngai bawk silo. Min beisei duh te hi lawm zawk rawh, i tlukloh val a nih saw." tiin alo chhanglet hrep mai a. Awm ve rengna chi pawh niin ka hrelova, pawnah chuan ka lo nghak ta a. An nupa chuan an inhau nasa em em a, minute 10 vel hnuah chuan Samara chu alo chhuak a. Lungngaih hmel tak hian, "Thiana, keichu ka beidawng takzet tawh a ni, he police hna hi ka hmulo a nih chuan ka thi thei mai dawn." a ti a. Keichuan lo hnemin, "Chutin sawi mah ta che, beidawng mai lola. Police i ni ngei anga, kei CBI ka ni thung ang." ka ti a.
Atukah chuan keipawh chu CBI hna dil tur chuan Mumbai CBI Office, ka pa thawhna hluiah lam pan tur chuan ka insiam ta a. Ka pa chuan ka kal hma chuan, "Bawiha, CBI Officer ni ngei turin ka duhsakna sang ber ka hlan ache. Mahse i kal hmain thil opakhat hrilh duh che ka nei a, fimkhur nan hmang ang che." a ti a. Keichuan hre chak tak chuan, "Enge ni ka pa?" tiin ka lo zawt a. Ka pa chuan, "Saw i interview-na tur office saw ka thawhna hlui a ni a, clerk ka ni thin tih pawh i hria anga. Mahse i hria veloh chu maw, an Officer Uttam Raj saw misual tak a ni. A corrupt em em a, thamna lak a ching a, mi thah mai pawh a pawisa lo. Mi rethei te hmuhsit a ching a, a chapo em em bawk. Bawiha, Officer Uttam-a sawn tum khat chu a black money dahtha turin min ti a, mahse ka duh lova. Chuvang chuan min haw ta em em a, a clerk atangin min ban ta bawk a ni. Chu chu he hna ka ban chhan chu a ni e, ani sawn min hua a, a hmelma angin min en tawh a ni. Mahse nang hian remna siam la, a thusawi awih la, tha takin va chhang ang che. Ka fapa i ni tih a hre dawn a, ka aiawha ngaihdam i dil pawh angai maithei a ni. Chu chu ka hrilh duh che a ni, dikna duh ber ang khan va tawng vel lo la, an thusawi apiang pawm la, tichuan hna chu i hmu em em ang." a ti a. Ka thinrim lutuk chu ka sa pup pup thei a, mahse thinrim viau in awmzia a nei silova, interview ngei turin ka hming ka pe lut tawh bawk si. Tichuan ka pa bulah chuan, "Awle ka pa." tiin ka chhuahsan ta a, ka huphurh angreng khawp mai. Interview chu ka hmachhawn ta a, mahse Uttam Raj erawh alo awm velo hlauh a. ZAwhna chi hrang hrang chu min zawt a, tha tak tak in ka chhang zel a. Tichuan pakhat chuan, "Eiru nasa tak lo awm ta sela, mahse a mah chu Minister lo ni ta si sela, i raid tho angem?" tiin min zawt a. Keichuan, "Thil diklo a ti a, FIR theh luh a nih a, warrant ka nei anih chuan ka chhui zui anga, ka raid tho ang." ka ti a. Kil khat atang chuan aw thum tak hian, "Tu chu maw i va raid anga? Minister chu maw?" a lo ti a. Ka va hawi phei a, ka pa sawi ngei mai, mi chapo tak leh hausa tak, CBI Officer Uttam Raj ngei chu a lo ni a. A rawn kal phei a, ka hma zawn taka rawn thut pah chuan, "Minister chu i raid anga maw? FIR thehluh te i ti amaw?" a rawn ti a, ka ngawi reng a, ka insum nasa kher mai. Uttam-a tho chuan, "Narayan Sivakumara fapa Surya Sivakumar i ni ang maw?" a ti a. Keichuan inthlahrung tak chuan, "Yes Sir." ka lo ti a. Uttam chuan, "Han ding teh, ft engzat nge i nih reng reng. I lo pate viau ange...ding teh teh." tiin tham lo zet chuan min melh a. Ka ding a, min en vung vung a, "Ummm...height ah chuan i tling e, thu rawh le." a ti a, ka thu a. Uttam chuan, "Anih leh eiru pakhat, a chenna ina black money kawl teuh lo awm ta se, mahse chu chu kan CBI Officer te zinga mi lo ni ta se. Lo hrechhuak ta a, thudik i puanzar loh nan thamna cheng tam tak pek lo intiam bawk ta che se...i raid lui tho angem?" tiin min zawt leh a. Ka pa sawi ang chuan a thusawi chu diklo viau mahse hnial duh lovin, "Kan Officer pui te a nih si chuan, ka raid lovang." ka ti ta a. Chutah Uttam chuan, "Umm..i fing hle mai, i pa anga thluak thawl leh inla fel chu i ni hran love." a ti chiah chu ka insum zo ta lo. A mitah tak chuan ka en a, "Sir, ka sawi tum tak zawk chu, ka raid ringawt lo anga, media hmaah te leh mipui hmaah te min tham a tum thu hi ka sawi chhuak vek anga, nasa takin amah chu ka sawisa ang. Tichuan ka raid anga, police te hnenah ka hlan bawk ang." ka ti ve ta ngat a. Uttam chuan hmuhsit hmel tak hian min nuih a, "I mizia mai mai chuh, a ve che chuan....va chhuak phawt teh le, midang ilo ko lut nghal dawnnia. Chuan, i tlin chu in ring lo phawt mai teh...ilo tling ta hlauh anih pawhin, i raid leh raid loh chu kan hria ang chu." a ti a. Tichuan ka ding a, ka chhuah hma chuan ka hawilet a, "Sir, thil pakhat hre reng turin ka duh che a ni. Mi chak te chuan mi chaklo te an thuhnuaiah an dah thin a, mahse Pathian erawh chuan mi chak te chu a thuhnuaiah an dah ve thung...chu chu ilo hre ve mai mai dawnnia." ka ti a, ka chhuahsan ta a.
Taxi ka chan lai chuan Uttam-a chu ka bulah a lo kal leh a, "Enteh, thil pakhat ka lo hrilh ve mai mai ang che aw...i thiamna te, i general knowledge te ka hriat kha, mi fing tak chu i ni. Ka duh pawht chuan hna ka pe thei che, mahse han in en teh, mi rethei mai i nih kha. Clerk hnathawk fapa mai mai ni si, engvangin nge Officer nih te i tum ve a. Ngaithla rawh, i pa khan ka thu a zawm duhlo a, clerk hna hniam te thawk chung pawh khan min hnial ve khanglang a, ka ban ta a nih kha. Nangni ang hi chuan hna in hmu ve thei chuanglo ang, i duh chuan tihian ti teh...i hna hmuh theihna awmchhun chu i pa thih hunah, he office ah hian peon hna lo thawk la, thingpui te i sem anga, a tha em? Helai hmunah hian lal ber ka nih hi, i pa thih hma chu hna ka pe dawn chuanglo che. I pa chu va hrilh la, thi rawh..va ti mai rawh. Thu pakhat i hriat tur ka han hrilh ang che aw...Eng ang pawhin choak chu thlawk sang mahse, mulukawlh a ni thei ngai chuang lovang." tiin a nui huah huah a, min kalsan ta a. Ka rilru a na em em a, ka tap zawih zawih a. Tichuan ka pawisa ah zawng zawng te chu zu lei nan ka hmang a, taxi fare pawh ka hmang zo a, ke chuan ka haw ta a. In ka haw chu ka pa chuan phur takin kawnka minlo hawn a, "Bawiha, i va hah hmel ve...iva thlan nasa em em ve, i tha maw?" a lo ti mawlh mawlh a. Keichuan zawi sap hian, "Ka tha e." tih ringawt hian ka chhang a. Ka pa chuan, "Anih leh interview chu i ti tha em...i tling ang tiraw?" a ti a, keichuan, "Umm tling em em ang...mahse hna dil kha an tam ve em a, result lo chhuak phawt se." ka ti a. Ka pa chuan, "I tling tak tak ang maw...i va confi lo ve?" tiin min zawt leh a. Keichuan, "Ka tling em em ang." tiin ka chhang a. Ka pa chuan, "Ka tling ang i ti a, mahse i hmel chu a va hlimloh hmel si ve." a ti a. Za lo deuh chuan ka nui a, "KA hlim alawm, ka chau ve deuh a...kha, i sawi pa kha, Uttam-a pawh kha ka va hmu a." ka ti a. Ka pa chuan, "Ka fapa i ni tih a hre awm si a, alo vin hrep lo che maw?" a ti a. Keichuan, "Nilove, a fel lutuk alawm." ka lo ti a. Ka pa chuan, "Anih chu.... i tling ang tiraw?" a ti leh a. Keichuan, "Aw ka pa, chaw ei ila, ka ril a tam tawh a nia." ka ti a. Ka pa chuan, "Awle...saw chaw pawh ka chhum hmin vek tawh. Bawiha, i tling ngei ang tiraw?" tiin min zawt leh a. Ka thin in a tuar ta lova, vin zet hian, "Vawi engzat nge ka sawi dawn? Engatinge zawhna ngai hlir main zawh a?" ka ti ta vak mai a. Ka pa chuan inthiamloh hmel tak hian min lo en a, "Ka tihpalh bawiha, thinrim suh." a ti a. Keichuan, "Ka ril atam, ka chau bawk si...chaw ei phawt ang." ka ti a. Ka pa chu choka lam pan chuan a kal ta a, mahse a rawn let leh a. Tah chhuah hmel em em hian min melh a, zawi sap hian, "Bawiha, tu emaw in zawhna a zawt che em? Clerk fapa mai mai ni si a, Officer nih i tum talh nachhan an zawt che em?" a rawn ti ta mai a. Ka pa mitah pawh chuan ka en ngam lo, "Thu awmze neilo sawi suh." tih ringawt chuan ka chhang a. Ka pa chuan tap chung chuan, "Bawiha, ka thih hunah chauh hna i hmuh theih tur thu te, i tan chuan kei hi ka thih a that ber tur thu te a hrilh che a ni tiraw?" a ti a, ka hnuk a ulh a, ka chhanglet thei tawh lo. Ka pa chuan a mittui a hru a, "Chaw ei siam hma ka va zung lawk ange." tiin bathroom lam pan chuan min kalsan ta a. Minute 3 vel zet hnu ah pawh alo la hawn loh avang chuan ka ngaih a tha ta hauh lo mai a, "Pa, iva rei ve...chaw ei vat teh ang." ka ti a. Mahse min chhang ta miah lo mai a, "Pa...Pa...iva rei ve." ka ti vak vak a. Mahse min chhang chuanglo, ka mangang lutuk chu bathroom kawngkhar chu ka va sawi nawk nawk a. Hlauthawng takin, "Pa...pa..tinge minchhanloh." tiin ka au vak vak a, minla chhang chuanglo. Ka pa chu a mangang lutuk alo in awkhlum ta mai a nih ka ring a, kawngkhar chu ka chum bur bur a, "Lo hawng teh..lo hawng teh ka pa...lo hawng teh." tiin ka au vak vak mai a. Minute 1 dawn chutia ka auh vak vak hnuah chuan a rawn hawn leh ta lawi bawk si a, "Enge ni vak vak, ka zung ka tih kha." a rawn ti a. Thinrim tak chuan, "Tinge ka auh mawlh mawlh che kha..tinge min chhan loh? I mawl ami.....mawhh." tiin ka vin vak vak a, ka tap pur lehnghal a.
Ka pa chuan, "Ka pum a nuamlo a, ka inthiar nghal alawm. Lo kal rawh...chaw ei ang." a ti a, min kalsan ta a. Mahse ka awm a nuamlo laklawh a, chutah ka thianpa Samara ka hre chhuak leh ta zawk mai a. Samara khan, "Police hna ka hmuhloh chuan, ka thi mai ang." a tih kha ka hrechhuak a, ka hlauthawng leh ta tlat mai. Rang takin ka tlanchhuak a, Samara te inlam chu ka pan nghal a. Kawngka chu kik lovin ka va lut tlang tawp a, Samara chu amahin a lo thu a. A mit a lo bui vek a, a tap zo hlim tih a hriat hle bawk. Za lo tak chuan min lo nuih a, "I lo kal a nimaw...thiana, hei ka nupui a tlan a." a ti a. Ka thaw huai mai a, mahse a nupui nen an lo inthen chu ka khawngaih tak zet. Samara bawk chuan, "Police hna kha ka hmu thei ta silova, ka nupui chuan min chhuahsan ta a nih kha." a ti ngui bar mai a. Pawnah chuan ka chhuak a, an inchung step chhohna ah chuan ka thu a. Veranda ah chuan lo chhuak ve in, "Surya, ka nupui chuan engtikah mah alo let leh tawhloh tur thu min hrilh a, a nuihzatthak e tiraw?" tiin beidawng tak chuan min melh a. Keipawh chuan zalo tak chuan ka lo nuih suk a, an chhungrilah erawh nasa takin kan tap dun a ni. Chutah Samara chuan thutak zet hian min melh a, "Ka tan damin awmzia a nei tawh lo...mangtha mai aw, Thianpa." tih pah chuan Veranda atang chuan a zuangthla ta daih mai a. Ka thin a phu dup dup a, "Nilo, Samar." tiin inhnuai lamah chuan ka chhuk vat a. Kawnglai ah chuan thisen nena in chiahpiah nuai chuan Samara chu a lo let reng mai a, mipui anlo tlankhawm a. Samara chu ka va en a, mahse a thi tawh tih a chiang kher mai. Mipui lo pungkhawm zingah chuan Samara nupui pawh a awm ve a, rawn tlan pheiin Samara ruang chu a kuah a, "Duhtak, i tellovin engtin nge ka awm ang?" tiin a tap zawih zawih mai a. Keipawhin sawi tur ka nei lo, tah hawm hawm pah chuan, "Mawla...Mawla." tiin Samara ruang chu ka chum vak vak a, ka thiantha ber chu ka chan ta a ni. Tichuan ka rilru ka siam fel ta a, thian thar chhar leh ka tum a, thildik tih ngei ka tum ta a ni. Mahse he thildik tak ka tih tumnaah hian Sawrkar in min pui thei dawnlo a, police ten min pui dawn hek lo. Tichuan nangni pali hi ka chhar ta che u a, nangni puihna hmang hian thil dik ka ti ve thei ta a ni. Black Money te hi keini pawhin kan ruk ve tho a ni a, thil dik a ni biklo. Mahse mipui chan ai eiru tu te kan hrem a, an neih zawng zawng kan laksak a, mi rethei tanpui nan kan hmang a, chuvang chuan kan thil tih hi dik famkim biklo mahse kan tihtheih awmchhun a ni a, chuvang chuan ka inchhir lo a ni.
*********
Meena-i, Senthil-a, Muthu-a leh Suresh-a te chuan Surya thil sawi chu ngaihnawm ti tak hian an lo ngaithla a, an khawngaih em em a. Meena-i chuan, "Surya Bawiha, i ti tha hle mai." alo ti a. Surya chuan, "Awle...mu tawh ang u. Naktukah hnathawh tur kan la ngah si...raid tur kan nei leh kha..hre reng ang che u." a ti a, tichuan an mu ta a. Atukah chuan raid nei tur chuan Surya te chu an insiam leh ta a, an chhuah hma chuan Surya chuan, "Ngaithla rawh u...tunah chuan CBI Officer te kan ni dawn lova, Income-tax Officer te kan ni zawk dawn a ni. Income tax department atanga lo kal angin kan insawi anga, ka ID Card leh batch te pawh ka siam vek tawh a, tha takin kan ti ang. Kan boss ber tur chu, Pi Meena-i ani ang," a ti a. Meena-i chuan, "Awi..ka duh reng reng lo, min hre chhuak ang." a lo ti a. Surya chuan, "Pi Meena, hlauthawng suh. Chubakah kei aiin Urdu tawng i thiam zawk a, kei erawh chuan Hindi pawh ka thian ve tawk tawk a ni a, min hrechhuak zawk ang." a ti a. Meena-i chuan, "Chupawh nise, ka hlau alawm. Urdu leh Hindi te chu a danglam vak lo...Hindi hmang tawprawh, an hrethiam vek ang." a ti a. Surya chuan, "Hlau suh, i assistant angin ka lo awm dawn lawm." a ti a, tichuan an chhuak ta a. Surya te hian an raid tur hi Aizawl-a Mosolman vai ho, diklo taka sum la lut thin te inhmuh khawmna Biak-In, black Money thukru thin te an ni a, Surya hian engtin nge hetia Mizoram a hriat chian em em theih tih leh engtin nge fake ID, fake Passprot te leh Fake batch te an neih tih erawh ka la hre bik hauh lo mai, Rinawma ka la zawtlo a, ka lo zawt vat ang. Tichuan Muslim Biak-In lam pan chuan an kal ta a, Biak-In han tih ah inkhawmna Biak-In a ni lem lova, Muslim Sakhaw betu te zinga a pawimawh fal ho, a OB chin te ani mai ang chu, chutiang ho committee na deuh reuh chu a ni. An va lut ta a, Muslim vai ho, lukhum var lo khum far ho te chuan an lo en hu hlawm mai a, Urdu tawng chuan an lo rak chiam chiam hlawm a. Surya chuan a batch phawrhin, "Income Tax Officer Uttam Raj ka ni e." tih pah chuan a batch chu a han hmuh a. Meena-i zam lutuk chuan a batch phawrh ve pah chuan, "Income Tax Officer Meena-i...oh..nilo deuh, Jhansi Rani zawk ka ni e." a ti bah deuh nuai mai a. Surya chuan, "Officers...SEARCH!" a han ti leh vak a, tichuan raid chu an nei tan leh ta. Muslim vai ho chuan an lo hrethiamlo kher mai, an rak nawk nawk hlawm a. Mahse tun tum chu Nathana a awm ve tawhloh vang nge ni, eng pawisa mah an hmu zo der lo mai a. Surya pawh a mangang tan ta hle mai a, mahse kawngka bula kudam ang deuh a buara bag an in pass zeuh chu a hmu hman a. Surya chu va kal pheiin, "Hey, enge kha kha?" a va ti a. Kawngka bula mi chuan, "Engmah anilo...lo kal suh." tih pah chuan Surya chu a lo nam sawn a. Surya chuan, "Ka hmu hman alawm." tih pah chuan ava pan hnai leh a. Mahse chupa bawk chuan a lo namsawn leh a, Surya thinrim chu a insum zo ta lo, chupa chu a hnek thal tawp mai a. Tichuan muslim tlangval dangte chu an lo kal a, Surya chu an beih rawn ta chiam mai a. Mahse Surya chuan a mal te te chuan a sawisa ta vek hlawm a, tichuan buara bag khat lawih pawisa chu an man leh ta a, chu Muslim Biak-In chu an chhuahsan leh ta a. A vawihnihna atan raid hlawhtling tak an nei leh ta a, an hlim tlang kher mai. Muslim Biak-In raid a nih thu chu Aizawl Income-tax Department te beng a thleng a, police hnenah FIR an thehlut ta a. Nathana te, Uttam-a te leh Kumara te beng a thleng ve leh a, an thinrim kher mai. Kumara chuan, "Heng mite hi mi fing tak an ni, ahmain CBI angin lem an chang a, tunah Income Tax Officer angin lem an chang keh a, chupawh Mizoram chhung, Aizawl khawpui zimteah lehnghal." a ti khur khur a. Nathana chuan, "Sir, puitu an awm tih chu a chiang a, mahse anmahni puitu hi mi engemaw tak a ni ngei ang." a ti a. Kumara chuan, "Engtia mi engemaw tak maw?" alo ti hu mai a. Nathana chuan, "Fake ID, Fake Passport, Fake Visa, Fake Documents leh Fake Batch an nei a, hengte hi fake vek mah nise neih mai maih theih anilo." a ti a.
Kumara chuan, "I sawi awmzia ka la man chiah lo." alo ti a. Nathana chuan, "Heng fake ID te, Documents te leh thildang te hi anni khan awlsam takin an nei theilo. Mi thunei ve tak emaw, mi thilthiam ngah ve tak tan lo chuan siamchawp theih a nilo. Chubakah an ni phei chu kan mi zawn mek te an ni lenghal a, chutia awlsam taka nei zung zung tur chuan Police puina emaw, Politician puihna a ngai a ni." a ti a. Kumara chuan, "I sawi awmzia chu, heng fake documents te leh fake ID te hi chu anmahni puitu chuan a siam sak tihna a nimaw?" a ti a. Nathana chuan, "Aw, ni chiah e. Chumai ala nilo, raid tur an hre nalh nalh te hi amak a ni. Mumbai atanga lo kal an ni a, mahse Mizoram chhung mai nilovin, helai kan Aizawl khawpui te hi an hre chiang em em a, anmahni puitu hi mizo a nih ngei pawh ka ring." a ti a. Kumara chuan, "Ummm....ni e, mi fing tak a ni ngei ang chu mihring pawh chu." a ti nuah nuah a. Nathana chuan, "Sir, Aizawl veng tinah hian duty hi sem kual ila, Income Tax Officer anga insawi emaw, CBI Officer anga insawi, hnamdang, chupawh South Indian mi...chung mi te lo hmu an awm chuan an ID Card te leh an batch te enfiah phawt nise a tha khawp ang." a ti a, Kumara chuan, "A tha e...ngaihdan tha tak a nih chu." tiin a lu a lo bu nghauh nghauh a. Tichuan Aizawl Veng tinah chuan duty an dah a, Aizawl mipuite thla a muang lo a ni ber e. News ah te, Social Media ah te chuan Mumbai CBI te, Police Department te leh Income Tax Department te demna a nasa hle a, Aizawl mai nilo, Mizoram mai nilovin India ram pumah chuan Aizawl khawpui chhunga thil thleng mek hi a lar hle a ni. Mi thenkhat lah hi kan mak khawpa, hetia South India atanga Fake Officer lo kal te thil rawn tih ah hian Police te dem mai duh tawk lovin, DCP Nathan Malsawmkima dem mai pawh la duh tawk chuang lovin, pawisawi lo leh nau pai mek, Nathana nupui Sanvi chu an lo la dem tel hram a, a then phei chuan a inrawlh ve an ring hial a, achhan pawh South Indian mi a nih vang a ni. Thenkhat lah chuan Nathana nena an inneih tirh a an demna thu te kha an rawn sawi thar leh vel a, huiham...ka chum hrep hlawm dawn mawni. Chtih rual chuan Inspector Amandai pawh a bang chuang lo, engmah hre ve silo hian mahni in lum atangin, "DCP Nathana leh Inspector Amandai te hian a rukin an la pui reng a nih ka ring tlat." tih vel mai mai ten an lo rak ve chiam chiam hlawm bawk a, khua hi a var lo thin teh e. Nasa zawk leh uluk lehzual zawk chuan chung fake officer te chu chhui an ni leh a, mahse an hmel reng reng hmuh tur a awm lo. A chhuitute zinga an hmel hmutu te awmchhun lan Nathana leh Amandai te chauh an ni bawk si, Uttam-a leh Kumara te hi chuan Meena-i chauh kha an hria a, midang te erawh an hmel lo hmu pawh nise, anmahni an ni ngei em tih hre turin an hmel diktak erawh an la hmu ve silo. Kar khat dang chu chhuichhuak chuang miahlo chuan an hmangral leh ta der a, Mizoram Sawrkar lam te pawh an lu a hai tan ta hle mai. Mahse mipui thenkhat te erawh chuan heng fake officer te ho hi an lo support leh tlat thung a, achhan pawh an va raid te hi eiru te, black money lo kawl ru te leh diklo taka sum la lut te an nih vang leh an nihna te, an diklona te hailan nghal zel a nih vang a ni. Karkhat a liam hnu chuan Surya chuan plan dang a siam leh ta, chu chu Aizawl khawpuia tlereuh (Jewellery) dawr lian tak pakhat, JOSEPH JEWELERRY STORE va raid leh a, an tlereuh zawng zawng va laksak leh a ni. Achhan chu he dawr nei tu Jospeh-a pawh hi eiruk ching a ni a, a dawr pawh hi a eiruk hmanga a sak a ni. Mahse Surya chuan tun tum chu a plan a thlak a ngai ta tlat mai a, achhan pawh a hautak deuh dawn avangin midang puihna a mamawh a ni. A thiante pali chu a ko khawm leh ta a, "He tlereuh dawr neitu Joseph-a pawh hi mizo a nilova, Kerala mi a ni. A dawr chhunga tlereuh zawng zawng te hi kan laksak vek ang, mahse plan dang ka nei a, chu chu hei hi a ni....chanchinbu ah CBI officer ni tura interview neih a nih tur thu kan chhuah anga, mi tam tak an rawn interview anga, mahse hmantlak tura kan rin mi 30 chiah kan thlang chhuak tur a ni." a ti a.
TO BE CONTINUE...
POLICE VS CBI : MUMBAI CBI RAIDS MIZORAM (Part-2)
Written by : Aaron Malsawmdawngzuala
(Based on a true incident of 1987 Opera House heist in Mumbai)
(Sakhuana lam sawi tel a ni dawn a, mahse eng sakhua pawh nise sawichhiat tumna lam a nilova, true story based a nih angin ka sawi lang pawp pawp dawn a, chhiar/ngaihtlak dan tawk lo thiam ang che. Tun tum episode 20, 21 leh 22 te hi thil thleng tak tak behchhan a ziah a ni a, kum 1987 a Mumbai a Opera House CBI lemchang hovina an raid chungchang behchhanin ka ziak a, thawnthu dang copy angah minlo ngailo ula, Plagiarist ka ni hek lo. Tin, eipsode dang ah te pawh khan movie based ka nei nual a, mahse ka movie based te erawh a movie hming nen lam ka ziak lang vek zel a, khawngaihin sawisel lo hram ang che. Ka hmasawn nan leh ka inzir zel nana min sawisel duh anih chuan ka haw hran lova, lawm takin ka lo dawngsawng thei zel e. Amaherawh chu min sawisel danah khawngaihin tawnkam mawihnai tak hmang hram la, ka tana han chhiar nuam turin i lo cooment dawn nia. A hmusit zawng emaw, a deuhsawh zawnga ilo comment hian kei chauh nilovin, writer dangte phurna a ti hniam a, sawisel lova ngaihnawm titaka lo chhiar/ngaithla tu an awm ve nual tih hria la, nangmah vang khan chhiar tur leh ngaihthlak tur an neih tawh loh phah thei ania. Tin, Politics chungchang leh eirukna chungchang tam tak ziah lan a ni bawk a, hengte hi politics ka sawichhiatna lam a nilova, politics-a diklo leh eirukna awm te ka thailang mai chauh a ni a, entirna leh in enfiahna tura ziak lang zawk ka ni e. KA LAWM E.)
Meena-i te landline atanga phone call chu Sathya Kumar te, Uttam Raj te leh Nathana te chuan an chang thap mai a. Tichuan rei fe an nghah hnu chuan Meena-i chuan nuber pakhat a call ta a, rang takin Nathana chuan, "Sir, tu emawni a phone a nia.." a lo ti vat a. Kumara chuan, "Volume kha a sang berah han pe teh u." a ti a. Tichuan phone chu a in ring char char a, mahse lehlam ami chuan a pick up ta tlat lo mai. Vawi engemaw zah a ring hnu chuan a pick up a, mahse Meena-i zawk chuan phone chu a dah leh ta daih mai. Kumara chuan thinrim tak hian, "Hrep tak chuan." a ti nuah nuah a. Minute 1 vel hnuah chuan Meena-i bawk chuan number ngai bawk chu a call nawn leh ta a, Nathana bawk chuan, "Sir, a call leh tawh." a lo ti leh vat a. Rei fe aring hnu chuan lehlam phone a mi chuan a rawn pick up leh a, mahse a pick up zawh rual rual chuan Meena-i zawk chuan a dah leh nghal daih mai. Kumara thinrim lutuk chuan, "Min fiam kual vel mai mai a mawni le...." a ti bul bul a. Minute khat vel an nghah hnu chuan lehlam phone ami zawk chuan Meena-i te landline number chu a rawn call ve ta thung a, Nathana te chuan an tawng hun chu an lo nghak leh ta thap mai. Meena-i chuan phone chu apick up vat a, "Hello, hello.." a rawn ti vak vak a. Lehlam ami chu tudang nilovin Fake CBI Officer te zinga an khaipa ber, Officer Uttam anga insawi Surya Sivakumar kha ani. Surya chuan, "Aw Hello, enge ni ta?" a rawn ti a. Meena-i chuan, "Boss, enge chanchin ni ta zel? Newspaper ah te khan kan hming te a lang tawh em? Chanchin duhawm loh te a awm em?" a ti a. Surya chuan, "Awmlo ve, engah mah ngai suh." a lo ti a. Meena-i chuan, "Anih chuan kan plan chu enge ni ta, enge kan tih leh dawn>" a ti a. Surya chuan, "Ngun tak khan lo ngaithla rawh aw.." a ti a. Meena-i chauh nilovin Nathana te, Sathya Kumar-a te, Uttam Raj-a te leh Amanda-i te pawh chuan Surya thusawi tur chu an lo nghak thap hlawm a. Chutah Surya chuan, "Kan kal lehna hmun tur chu maw.." tia a sawi lai chuan ring tak hian Surya phone atang zawk chuan hla a rawn in play thum ta dut dut mai a. Surya erawh a tawng zawm char char a, mahse hla play chu a rin em avang chuan a sawi engmah ahriat theih loh. Meena-i lah chuan, "Engmah i sawi awmzia ka hrelo, hla kha off teh...khawiah maw? Khawi hmun ah maw?" tiin alo au ve vak vak bawk a. Kumara te leh Nathana te pawh chuan tihngaihna an hre biklo, an in en hrek hrek hlawm reng ringawt mai a. Chutah hla play chu a tawp thut a, a reh ta thiap mai. Nathana te chuan Surya tawng hun chu an lo chang leh thap a, Surya chuan, "Chutiang chuan kan che anga, engmah tihsual kan nei tur a nilo. Hemi kan tih zawh hunah chuan Mizoram pawh kan chhuahsan thei tawh ang..chuan thil pawimawh deuh pakhat leh chu maw.." a tih lai chuan a aia ring hian hla chu a rawn in play leh ta, Surya pawh a tawng chhunzawm char char a, a tawng erawh a hriat theih leh ta chuanglo. Uttam-a thinrim lutuk chuan, "Zawnga mai mai chuh....a hrelawk a ni ngei ngei ang." a lo ti pung pung a. Tichuan hla play chu a tawp leh a, "Anih Mangtha aw..." tiin phone chu an dah dun ta ve ve a. Kumara chuan Uttam-a bulah chuan, "He hmeichhia ina a biak hi tudang nilovin nangmah anga insawi, CBI Officer lem anga chang kha a ni tih ka chiang." a ti a. Nathana chuan, "Ani ngei ang..mahse engtin nge alo hriat lawk theih ang a? A phone chhan danah khan keini ho hian helamah kan lo ngaithla ru reng dawn tih a hrelawk vek a ni ngei ang." a ti a. Kumara chuan, "I sawi dik chiah DCP, a awmzia chu hepa hian puitu a nei ani, chupawh kan thil plan engkim hre vek tu a ni ngei ang." a ti a. Uttam-a chuan, "Mahse a puitu chu tunge ni ta ang?" a lo ti hu mai a. Kumara chuan, "Chupawh chu keiman ka zawng chhuak ang, a t(r)ul anih chuan ka that mai ang." a ti a.
Kumara chuan, "DCP, tunah kha kan mi rinhlelhnu te inah khan zu kal ula, zu man nghal rawh u." a ti a, Nathana leh Amandai leh police force 20 rual vel chu Meena-i te in lam pan chuan an zu kal ta nghal a. Nathana te chu Meena-i te in an thlen chuan kawngkhar chu tala in a lo in kalh thlap mai a, Nathana chuan tala chu chhu chhia in inchhung chu an lut a, mahse inchhung bungrua zawng zawng te, TV te, fridge te leh bungraw dang te chu engmah hmuh tur a lo awm lo. Nathana chuan landline phone awmna lam chu ava pan a, mahse chu landline phone pawh chu a wire chawpin a lo chat rum mai a, a handle chhunga chip an vuah pawh a chip chawpin a lo bova, lapua alo la inhnawh zui a. Nathana pawh a thinrim ngang mai, "Hmeli mai mai chuh, min va bum zing ta malh malh ve." a ti nuah nuah a. Chu veleh a phone a lo ri a, Kumara a lo ni a. Nathana chuan phone chu la in, "Hello Sir?" a ti a. Kumara chuan, "DCP, enge chanchin?" a rawn ti a. Nathana chuan inthlahrung takin, "Kan tihpalh a ni Sir, an lo tlanbo hman vek a ni, engkim kha an lo hre lawk vek a ni." a ti a. Kumara chuan, "Ummm...Station ah lo let leh phawt teh u, kan sawi tha leh dawnnia." tiin phone chu a dah a. Zan alo ni a, Aizawl Venghlui kawng hnuaia in fal deuh pakhatah chuan Surya, Meena-i, Senthil-a, Muthu-a leh Suresh-a te chu hlim takin zu an lo in a, CBI Officer te leh Police te an han bum kual vel thu chu an sawi nak nak hlawm a. An nui leh dar dar thin a, an rui tawh hlawm bawk nen an titi pawh an tui chho tan ngei mai. A mal te te chuan an tunhma nun te, hna an hmuh theiloh thute leh khatiang zat pawisa an la hmuh ngailoh thu te, CBI lem an chan vel laia DCP Nathana'n a man chhuah an hlauh zia te, DCP Nathana fin zia te chu an sawi nak nak hlawm a. Tichuan an tunhma chanchin theuh an sawi zawh hnu chuan an boss ber Surya chiah a bang ta. Meena-i chuan, "Bawiha, heti khawp hian min pui nasa a, hna nei miahlo te pawh tihian hna min pe a, chupawh CBI Officer hna lehnghal. A lem mai mai pawh ni mahse, kan tan chuan malsawmna hlu tak a ni. Min han hrilh teh, engvanga hetianga ti tura min hrilh nge i nih reng reng a?" tiin a han zawt a. Surya chuan, "Chhan a awm a ni, mahse ka sawi chuan a thui dawn emai..in mut a chhuak tawh awm hlawm si, nidangah kan sawi dawnnia." a ti a. Senthil-a chuan, "Keini pawhin kan sawi vek tawh a, han sawi ve hrim hrim teh. A chhan te pawh kan hre ve duh alawm, tikhawp hian mi rethei ber atangin mi hausa berah min siam ania." a lo ti ve bawk a. Surya chuan nui chungin, "Aaa...a ho emai, nidangah kan sawi dawnnia. Chubakah naktukah lemchan leh angaih kha, hna kan la nei tam si...mut tam kan mamawh." a ti tlat a. Mahse a thiante chuan an ngen nasat em avang chuan Surya pawh chuan a chanchin leh hetia CBI Officer anga lem an channa chhan chu a sawi ta a..
**********
Ka pa hian CBI Office ah clerk hna a hmu a, chu chu Mumbai ah a ni. Kan rethei em em a, ka nu lah a boral tawh bawk si a. Ka pa chuan min enkawl seilian a, clerk hna athawh atang chuan pawisa tlem azawng a la lut ve a, chumi hmang chuan a theih tawp chhuahin min chawm a, school te pawh min kaltir ve hram hram a ni. Tichuan kei pawh ka lo thanglian chho ve zel a, tunah chuan kum 30 lai ka lo tling ve ta a. Mumbai ah hian kan duh vanga awm kan nilova, ka pa hnathawhna vang liau liau a ni a, a hna hmuh theih awmchhun a ni ve bawk si. Ka tet te atangin CBO Officer nih ka duh ve thin em em a, ka dream ber a ni thin. Theihtawp chhuahin lehkha ka zir tang tang a, a tawp atawp ah chuan Master Degree lai chu ka lo nei ve ta a. Mumbai ah hian tette atanga awm ka ni a, ka awm tir phei chuan kum 10 mi lek ka ni a, Hindi ka thiam lo hle a, a hrehawm ka ti thin hle. Mahse zawi zawiin ka thiam chho ve zel a, ka awm tirh atanga ka kawm ber chu kan thenawm ami, Tamil tawng tlem lo thiam ve, keimahni ang bawka rethei ve tak Samar-a a ni. Samara nen chuan kan inkawm chho zel a, inthenawm chiah kan ni bawk a, a chhungte nen pawhin kan innel hle a. Tichuan ka pa chu vanduai thlak takin a hna atanga ban a ni a, mahse a chhan min hrilh duh ngailo. MAhse keipawh ka lo puitling ve tawh a, theih tawp chuan ka lehkha zirna turte chu ka khawl a, ka inhlawh a. Inluah mai chauh kan nih avang hian kan in luanhna te chuan inluah man min thing reng mai bawk si a, kan mangang thin khawp mai. Ka thianpa Samar-a erawh hi chuan Police nih hi a duh ber thin a, amah pawhin police nih a chak thu te, misual han chhui vel te leh encounter shoot hmanga misual han kahhlum te pawh a chak thu a sawi fo thin. Ani pawh a duh ang tawka a inzir chhuah hnu chuan a qualification leh a thiamna ten a phak ve tawk tawh niin a hria a, police hna chu dil ve a tum ta a. Police hna chu hmuh ve ngei tumin thla 6 ngawt a bei a, mahse a hmu thei chuanglo. Nikhat chu police hna dil leh tur chuan Police Station ah ka kalpui a, mahse an DGP chuan seat a full tawh thu te, pawisa tam tak a ngaih thu te chu a lo hrilh a, anihna takah chuan mi hausa tan chauh he Police hna hi a hmuh theih a ni. Tichuan beidawng tak chuan in lam panin kan haw ta a, an inah chuan lenluh ka tum a. Samara hi anupui nen chauh an awm a, a nu leh pate an thi tawh a ni. A nupui nen pawh hian an inhau fo a, achhan pawh Samara hian hna ahmuh theihloh vang a ni. Chumi tlai chuan a Samara thianpa Rajesh-a, mi hausa fapa, Samara hmusit ru em em thin tu chu Samara te inah chuan a lo awm a. Samara nupui nen chuan an lo inhnim hnai khawp mai a, kan va lut chiah chu Rajesh-a chuan Samara chu rum zet hian alo en a, "Ilo haw a ni maw thiana, keipawh ka'n haw tawh mai ange." tiin Samara nupui chu a melh zeuh a, a chhuak ta a. Samara thinrim chuan a nupui chu hauvin, "Kha mihringpa kha engvangin nge kan inchhungah ilo luh tir a, enge a rawn tih." tiin a vin khur khur a. Samara nupui chuan, "A rawn leng lut ve mai mai a nih kha.." tih ringawt hian alo chhang a. Samara chuan vin zet hian, "I pasal hi kha mihring pa khan min hmusit asin, ka thian tak tak pawh a nilo. A beisei vang mai mai chein a rawn leng a nih kha, nang lahin ilo be tha em em a." a ti a. Samara nupui chuan rum tak hian Samara chu a melh a, "Enge ni vak a, duh leh minlo beisei ang hmiang. Hna pawh hmu zo lo, eitur kan nei mumal ngai bawk silo. Min beisei duh te hi lawm zawk rawh, i tlukloh val a nih saw." tiin alo chhanglet hrep mai a. Awm ve rengna chi pawh niin ka hrelova, pawnah chuan ka lo nghak ta a. An nupa chuan an inhau nasa em em a, minute 10 vel hnuah chuan Samara chu alo chhuak a. Lungngaih hmel tak hian, "Thiana, keichu ka beidawng takzet tawh a ni, he police hna hi ka hmulo a nih chuan ka thi thei mai dawn." a ti a. Keichuan lo hnemin, "Chutin sawi mah ta che, beidawng mai lola. Police i ni ngei anga, kei CBI ka ni thung ang." ka ti a.
Atukah chuan keipawh chu CBI hna dil tur chuan Mumbai CBI Office, ka pa thawhna hluiah lam pan tur chuan ka insiam ta a. Ka pa chuan ka kal hma chuan, "Bawiha, CBI Officer ni ngei turin ka duhsakna sang ber ka hlan ache. Mahse i kal hmain thil opakhat hrilh duh che ka nei a, fimkhur nan hmang ang che." a ti a. Keichuan hre chak tak chuan, "Enge ni ka pa?" tiin ka lo zawt a. Ka pa chuan, "Saw i interview-na tur office saw ka thawhna hlui a ni a, clerk ka ni thin tih pawh i hria anga. Mahse i hria veloh chu maw, an Officer Uttam Raj saw misual tak a ni. A corrupt em em a, thamna lak a ching a, mi thah mai pawh a pawisa lo. Mi rethei te hmuhsit a ching a, a chapo em em bawk. Bawiha, Officer Uttam-a sawn tum khat chu a black money dahtha turin min ti a, mahse ka duh lova. Chuvang chuan min haw ta em em a, a clerk atangin min ban ta bawk a ni. Chu chu he hna ka ban chhan chu a ni e, ani sawn min hua a, a hmelma angin min en tawh a ni. Mahse nang hian remna siam la, a thusawi awih la, tha takin va chhang ang che. Ka fapa i ni tih a hre dawn a, ka aiawha ngaihdam i dil pawh angai maithei a ni. Chu chu ka hrilh duh che a ni, dikna duh ber ang khan va tawng vel lo la, an thusawi apiang pawm la, tichuan hna chu i hmu em em ang." a ti a. Ka thinrim lutuk chu ka sa pup pup thei a, mahse thinrim viau in awmzia a nei silova, interview ngei turin ka hming ka pe lut tawh bawk si. Tichuan ka pa bulah chuan, "Awle ka pa." tiin ka chhuahsan ta a, ka huphurh angreng khawp mai. Interview chu ka hmachhawn ta a, mahse Uttam Raj erawh alo awm velo hlauh a. ZAwhna chi hrang hrang chu min zawt a, tha tak tak in ka chhang zel a. Tichuan pakhat chuan, "Eiru nasa tak lo awm ta sela, mahse a mah chu Minister lo ni ta si sela, i raid tho angem?" tiin min zawt a. Keichuan, "Thil diklo a ti a, FIR theh luh a nih a, warrant ka nei anih chuan ka chhui zui anga, ka raid tho ang." ka ti a. Kil khat atang chuan aw thum tak hian, "Tu chu maw i va raid anga? Minister chu maw?" a lo ti a. Ka va hawi phei a, ka pa sawi ngei mai, mi chapo tak leh hausa tak, CBI Officer Uttam Raj ngei chu a lo ni a. A rawn kal phei a, ka hma zawn taka rawn thut pah chuan, "Minister chu i raid anga maw? FIR thehluh te i ti amaw?" a rawn ti a, ka ngawi reng a, ka insum nasa kher mai. Uttam-a tho chuan, "Narayan Sivakumara fapa Surya Sivakumar i ni ang maw?" a ti a. Keichuan inthlahrung tak chuan, "Yes Sir." ka lo ti a. Uttam chuan, "Han ding teh, ft engzat nge i nih reng reng. I lo pate viau ange...ding teh teh." tiin tham lo zet chuan min melh a. Ka ding a, min en vung vung a, "Ummm...height ah chuan i tling e, thu rawh le." a ti a, ka thu a. Uttam chuan, "Anih leh eiru pakhat, a chenna ina black money kawl teuh lo awm ta se, mahse chu chu kan CBI Officer te zinga mi lo ni ta se. Lo hrechhuak ta a, thudik i puanzar loh nan thamna cheng tam tak pek lo intiam bawk ta che se...i raid lui tho angem?" tiin min zawt leh a. Ka pa sawi ang chuan a thusawi chu diklo viau mahse hnial duh lovin, "Kan Officer pui te a nih si chuan, ka raid lovang." ka ti ta a. Chutah Uttam chuan, "Umm..i fing hle mai, i pa anga thluak thawl leh inla fel chu i ni hran love." a ti chiah chu ka insum zo ta lo. A mitah tak chuan ka en a, "Sir, ka sawi tum tak zawk chu, ka raid ringawt lo anga, media hmaah te leh mipui hmaah te min tham a tum thu hi ka sawi chhuak vek anga, nasa takin amah chu ka sawisa ang. Tichuan ka raid anga, police te hnenah ka hlan bawk ang." ka ti ve ta ngat a. Uttam chuan hmuhsit hmel tak hian min nuih a, "I mizia mai mai chuh, a ve che chuan....va chhuak phawt teh le, midang ilo ko lut nghal dawnnia. Chuan, i tlin chu in ring lo phawt mai teh...ilo tling ta hlauh anih pawhin, i raid leh raid loh chu kan hria ang chu." a ti a. Tichuan ka ding a, ka chhuah hma chuan ka hawilet a, "Sir, thil pakhat hre reng turin ka duh che a ni. Mi chak te chuan mi chaklo te an thuhnuaiah an dah thin a, mahse Pathian erawh chuan mi chak te chu a thuhnuaiah an dah ve thung...chu chu ilo hre ve mai mai dawnnia." ka ti a, ka chhuahsan ta a.
Taxi ka chan lai chuan Uttam-a chu ka bulah a lo kal leh a, "Enteh, thil pakhat ka lo hrilh ve mai mai ang che aw...i thiamna te, i general knowledge te ka hriat kha, mi fing tak chu i ni. Ka duh pawht chuan hna ka pe thei che, mahse han in en teh, mi rethei mai i nih kha. Clerk hnathawk fapa mai mai ni si, engvangin nge Officer nih te i tum ve a. Ngaithla rawh, i pa khan ka thu a zawm duhlo a, clerk hna hniam te thawk chung pawh khan min hnial ve khanglang a, ka ban ta a nih kha. Nangni ang hi chuan hna in hmu ve thei chuanglo ang, i duh chuan tihian ti teh...i hna hmuh theihna awmchhun chu i pa thih hunah, he office ah hian peon hna lo thawk la, thingpui te i sem anga, a tha em? Helai hmunah hian lal ber ka nih hi, i pa thih hma chu hna ka pe dawn chuanglo che. I pa chu va hrilh la, thi rawh..va ti mai rawh. Thu pakhat i hriat tur ka han hrilh ang che aw...Eng ang pawhin choak chu thlawk sang mahse, mulukawlh a ni thei ngai chuang lovang." tiin a nui huah huah a, min kalsan ta a. Ka rilru a na em em a, ka tap zawih zawih a. Tichuan ka pawisa ah zawng zawng te chu zu lei nan ka hmang a, taxi fare pawh ka hmang zo a, ke chuan ka haw ta a. In ka haw chu ka pa chuan phur takin kawnka minlo hawn a, "Bawiha, i va hah hmel ve...iva thlan nasa em em ve, i tha maw?" a lo ti mawlh mawlh a. Keichuan zawi sap hian, "Ka tha e." tih ringawt hian ka chhang a. Ka pa chuan, "Anih leh interview chu i ti tha em...i tling ang tiraw?" a ti a, keichuan, "Umm tling em em ang...mahse hna dil kha an tam ve em a, result lo chhuak phawt se." ka ti a. Ka pa chuan, "I tling tak tak ang maw...i va confi lo ve?" tiin min zawt leh a. Keichuan, "Ka tling em em ang." tiin ka chhang a. Ka pa chuan, "Ka tling ang i ti a, mahse i hmel chu a va hlimloh hmel si ve." a ti a. Za lo deuh chuan ka nui a, "KA hlim alawm, ka chau ve deuh a...kha, i sawi pa kha, Uttam-a pawh kha ka va hmu a." ka ti a. Ka pa chuan, "Ka fapa i ni tih a hre awm si a, alo vin hrep lo che maw?" a ti a. Keichuan, "Nilove, a fel lutuk alawm." ka lo ti a. Ka pa chuan, "Anih chu.... i tling ang tiraw?" a ti leh a. Keichuan, "Aw ka pa, chaw ei ila, ka ril a tam tawh a nia." ka ti a. Ka pa chuan, "Awle...saw chaw pawh ka chhum hmin vek tawh. Bawiha, i tling ngei ang tiraw?" tiin min zawt leh a. Ka thin in a tuar ta lova, vin zet hian, "Vawi engzat nge ka sawi dawn? Engatinge zawhna ngai hlir main zawh a?" ka ti ta vak mai a. Ka pa chuan inthiamloh hmel tak hian min lo en a, "Ka tihpalh bawiha, thinrim suh." a ti a. Keichuan, "Ka ril atam, ka chau bawk si...chaw ei phawt ang." ka ti a. Ka pa chu choka lam pan chuan a kal ta a, mahse a rawn let leh a. Tah chhuah hmel em em hian min melh a, zawi sap hian, "Bawiha, tu emaw in zawhna a zawt che em? Clerk fapa mai mai ni si a, Officer nih i tum talh nachhan an zawt che em?" a rawn ti ta mai a. Ka pa mitah pawh chuan ka en ngam lo, "Thu awmze neilo sawi suh." tih ringawt chuan ka chhang a. Ka pa chuan tap chung chuan, "Bawiha, ka thih hunah chauh hna i hmuh theih tur thu te, i tan chuan kei hi ka thih a that ber tur thu te a hrilh che a ni tiraw?" a ti a, ka hnuk a ulh a, ka chhanglet thei tawh lo. Ka pa chuan a mittui a hru a, "Chaw ei siam hma ka va zung lawk ange." tiin bathroom lam pan chuan min kalsan ta a. Minute 3 vel zet hnu ah pawh alo la hawn loh avang chuan ka ngaih a tha ta hauh lo mai a, "Pa, iva rei ve...chaw ei vat teh ang." ka ti a. Mahse min chhang ta miah lo mai a, "Pa...Pa...iva rei ve." ka ti vak vak a. Mahse min chhang chuanglo, ka mangang lutuk chu bathroom kawngkhar chu ka va sawi nawk nawk a. Hlauthawng takin, "Pa...pa..tinge minchhanloh." tiin ka au vak vak a, minla chhang chuanglo. Ka pa chu a mangang lutuk alo in awkhlum ta mai a nih ka ring a, kawngkhar chu ka chum bur bur a, "Lo hawng teh..lo hawng teh ka pa...lo hawng teh." tiin ka au vak vak mai a. Minute 1 dawn chutia ka auh vak vak hnuah chuan a rawn hawn leh ta lawi bawk si a, "Enge ni vak vak, ka zung ka tih kha." a rawn ti a. Thinrim tak chuan, "Tinge ka auh mawlh mawlh che kha..tinge min chhan loh? I mawl ami.....mawhh." tiin ka vin vak vak a, ka tap pur lehnghal a.
Ka pa chuan, "Ka pum a nuamlo a, ka inthiar nghal alawm. Lo kal rawh...chaw ei ang." a ti a, min kalsan ta a. Mahse ka awm a nuamlo laklawh a, chutah ka thianpa Samara ka hre chhuak leh ta zawk mai a. Samara khan, "Police hna ka hmuhloh chuan, ka thi mai ang." a tih kha ka hrechhuak a, ka hlauthawng leh ta tlat mai. Rang takin ka tlanchhuak a, Samara te inlam chu ka pan nghal a. Kawngka chu kik lovin ka va lut tlang tawp a, Samara chu amahin a lo thu a. A mit a lo bui vek a, a tap zo hlim tih a hriat hle bawk. Za lo tak chuan min lo nuih a, "I lo kal a nimaw...thiana, hei ka nupui a tlan a." a ti a. Ka thaw huai mai a, mahse a nupui nen an lo inthen chu ka khawngaih tak zet. Samara bawk chuan, "Police hna kha ka hmu thei ta silova, ka nupui chuan min chhuahsan ta a nih kha." a ti ngui bar mai a. Pawnah chuan ka chhuak a, an inchung step chhohna ah chuan ka thu a. Veranda ah chuan lo chhuak ve in, "Surya, ka nupui chuan engtikah mah alo let leh tawhloh tur thu min hrilh a, a nuihzatthak e tiraw?" tiin beidawng tak chuan min melh a. Keipawh chuan zalo tak chuan ka lo nuih suk a, an chhungrilah erawh nasa takin kan tap dun a ni. Chutah Samara chuan thutak zet hian min melh a, "Ka tan damin awmzia a nei tawh lo...mangtha mai aw, Thianpa." tih pah chuan Veranda atang chuan a zuangthla ta daih mai a. Ka thin a phu dup dup a, "Nilo, Samar." tiin inhnuai lamah chuan ka chhuk vat a. Kawnglai ah chuan thisen nena in chiahpiah nuai chuan Samara chu a lo let reng mai a, mipui anlo tlankhawm a. Samara chu ka va en a, mahse a thi tawh tih a chiang kher mai. Mipui lo pungkhawm zingah chuan Samara nupui pawh a awm ve a, rawn tlan pheiin Samara ruang chu a kuah a, "Duhtak, i tellovin engtin nge ka awm ang?" tiin a tap zawih zawih mai a. Keipawhin sawi tur ka nei lo, tah hawm hawm pah chuan, "Mawla...Mawla." tiin Samara ruang chu ka chum vak vak a, ka thiantha ber chu ka chan ta a ni. Tichuan ka rilru ka siam fel ta a, thian thar chhar leh ka tum a, thildik tih ngei ka tum ta a ni. Mahse he thildik tak ka tih tumnaah hian Sawrkar in min pui thei dawnlo a, police ten min pui dawn hek lo. Tichuan nangni pali hi ka chhar ta che u a, nangni puihna hmang hian thil dik ka ti ve thei ta a ni. Black Money te hi keini pawhin kan ruk ve tho a ni a, thil dik a ni biklo. Mahse mipui chan ai eiru tu te kan hrem a, an neih zawng zawng kan laksak a, mi rethei tanpui nan kan hmang a, chuvang chuan kan thil tih hi dik famkim biklo mahse kan tihtheih awmchhun a ni a, chuvang chuan ka inchhir lo a ni.
*********
Meena-i, Senthil-a, Muthu-a leh Suresh-a te chuan Surya thil sawi chu ngaihnawm ti tak hian an lo ngaithla a, an khawngaih em em a. Meena-i chuan, "Surya Bawiha, i ti tha hle mai." alo ti a. Surya chuan, "Awle...mu tawh ang u. Naktukah hnathawh tur kan la ngah si...raid tur kan nei leh kha..hre reng ang che u." a ti a, tichuan an mu ta a. Atukah chuan raid nei tur chuan Surya te chu an insiam leh ta a, an chhuah hma chuan Surya chuan, "Ngaithla rawh u...tunah chuan CBI Officer te kan ni dawn lova, Income-tax Officer te kan ni zawk dawn a ni. Income tax department atanga lo kal angin kan insawi anga, ka ID Card leh batch te pawh ka siam vek tawh a, tha takin kan ti ang. Kan boss ber tur chu, Pi Meena-i ani ang," a ti a. Meena-i chuan, "Awi..ka duh reng reng lo, min hre chhuak ang." a lo ti a. Surya chuan, "Pi Meena, hlauthawng suh. Chubakah kei aiin Urdu tawng i thiam zawk a, kei erawh chuan Hindi pawh ka thian ve tawk tawk a ni a, min hrechhuak zawk ang." a ti a. Meena-i chuan, "Chupawh nise, ka hlau alawm. Urdu leh Hindi te chu a danglam vak lo...Hindi hmang tawprawh, an hrethiam vek ang." a ti a. Surya chuan, "Hlau suh, i assistant angin ka lo awm dawn lawm." a ti a, tichuan an chhuak ta a. Surya te hian an raid tur hi Aizawl-a Mosolman vai ho, diklo taka sum la lut thin te inhmuh khawmna Biak-In, black Money thukru thin te an ni a, Surya hian engtin nge hetia Mizoram a hriat chian em em theih tih leh engtin nge fake ID, fake Passprot te leh Fake batch te an neih tih erawh ka la hre bik hauh lo mai, Rinawma ka la zawtlo a, ka lo zawt vat ang. Tichuan Muslim Biak-In lam pan chuan an kal ta a, Biak-In han tih ah inkhawmna Biak-In a ni lem lova, Muslim Sakhaw betu te zinga a pawimawh fal ho, a OB chin te ani mai ang chu, chutiang ho committee na deuh reuh chu a ni. An va lut ta a, Muslim vai ho, lukhum var lo khum far ho te chuan an lo en hu hlawm mai a, Urdu tawng chuan an lo rak chiam chiam hlawm a. Surya chuan a batch phawrhin, "Income Tax Officer Uttam Raj ka ni e." tih pah chuan a batch chu a han hmuh a. Meena-i zam lutuk chuan a batch phawrh ve pah chuan, "Income Tax Officer Meena-i...oh..nilo deuh, Jhansi Rani zawk ka ni e." a ti bah deuh nuai mai a. Surya chuan, "Officers...SEARCH!" a han ti leh vak a, tichuan raid chu an nei tan leh ta. Muslim vai ho chuan an lo hrethiamlo kher mai, an rak nawk nawk hlawm a. Mahse tun tum chu Nathana a awm ve tawhloh vang nge ni, eng pawisa mah an hmu zo der lo mai a. Surya pawh a mangang tan ta hle mai a, mahse kawngka bula kudam ang deuh a buara bag an in pass zeuh chu a hmu hman a. Surya chu va kal pheiin, "Hey, enge kha kha?" a va ti a. Kawngka bula mi chuan, "Engmah anilo...lo kal suh." tih pah chuan Surya chu a lo nam sawn a. Surya chuan, "Ka hmu hman alawm." tih pah chuan ava pan hnai leh a. Mahse chupa bawk chuan a lo namsawn leh a, Surya thinrim chu a insum zo ta lo, chupa chu a hnek thal tawp mai a. Tichuan muslim tlangval dangte chu an lo kal a, Surya chu an beih rawn ta chiam mai a. Mahse Surya chuan a mal te te chuan a sawisa ta vek hlawm a, tichuan buara bag khat lawih pawisa chu an man leh ta a, chu Muslim Biak-In chu an chhuahsan leh ta a. A vawihnihna atan raid hlawhtling tak an nei leh ta a, an hlim tlang kher mai. Muslim Biak-In raid a nih thu chu Aizawl Income-tax Department te beng a thleng a, police hnenah FIR an thehlut ta a. Nathana te, Uttam-a te leh Kumara te beng a thleng ve leh a, an thinrim kher mai. Kumara chuan, "Heng mite hi mi fing tak an ni, ahmain CBI angin lem an chang a, tunah Income Tax Officer angin lem an chang keh a, chupawh Mizoram chhung, Aizawl khawpui zimteah lehnghal." a ti khur khur a. Nathana chuan, "Sir, puitu an awm tih chu a chiang a, mahse anmahni puitu hi mi engemaw tak a ni ngei ang." a ti a. Kumara chuan, "Engtia mi engemaw tak maw?" alo ti hu mai a. Nathana chuan, "Fake ID, Fake Passport, Fake Visa, Fake Documents leh Fake Batch an nei a, hengte hi fake vek mah nise neih mai maih theih anilo." a ti a.
Kumara chuan, "I sawi awmzia ka la man chiah lo." alo ti a. Nathana chuan, "Heng fake ID te, Documents te leh thildang te hi anni khan awlsam takin an nei theilo. Mi thunei ve tak emaw, mi thilthiam ngah ve tak tan lo chuan siamchawp theih a nilo. Chubakah an ni phei chu kan mi zawn mek te an ni lenghal a, chutia awlsam taka nei zung zung tur chuan Police puina emaw, Politician puihna a ngai a ni." a ti a. Kumara chuan, "I sawi awmzia chu, heng fake documents te leh fake ID te hi chu anmahni puitu chuan a siam sak tihna a nimaw?" a ti a. Nathana chuan, "Aw, ni chiah e. Chumai ala nilo, raid tur an hre nalh nalh te hi amak a ni. Mumbai atanga lo kal an ni a, mahse Mizoram chhung mai nilovin, helai kan Aizawl khawpui te hi an hre chiang em em a, anmahni puitu hi mizo a nih ngei pawh ka ring." a ti a. Kumara chuan, "Ummm....ni e, mi fing tak a ni ngei ang chu mihring pawh chu." a ti nuah nuah a. Nathana chuan, "Sir, Aizawl veng tinah hian duty hi sem kual ila, Income Tax Officer anga insawi emaw, CBI Officer anga insawi, hnamdang, chupawh South Indian mi...chung mi te lo hmu an awm chuan an ID Card te leh an batch te enfiah phawt nise a tha khawp ang." a ti a, Kumara chuan, "A tha e...ngaihdan tha tak a nih chu." tiin a lu a lo bu nghauh nghauh a. Tichuan Aizawl Veng tinah chuan duty an dah a, Aizawl mipuite thla a muang lo a ni ber e. News ah te, Social Media ah te chuan Mumbai CBI te, Police Department te leh Income Tax Department te demna a nasa hle a, Aizawl mai nilo, Mizoram mai nilovin India ram pumah chuan Aizawl khawpui chhunga thil thleng mek hi a lar hle a ni. Mi thenkhat lah hi kan mak khawpa, hetia South India atanga Fake Officer lo kal te thil rawn tih ah hian Police te dem mai duh tawk lovin, DCP Nathan Malsawmkima dem mai pawh la duh tawk chuang lovin, pawisawi lo leh nau pai mek, Nathana nupui Sanvi chu an lo la dem tel hram a, a then phei chuan a inrawlh ve an ring hial a, achhan pawh South Indian mi a nih vang a ni. Thenkhat lah chuan Nathana nena an inneih tirh a an demna thu te kha an rawn sawi thar leh vel a, huiham...ka chum hrep hlawm dawn mawni. Chtih rual chuan Inspector Amandai pawh a bang chuang lo, engmah hre ve silo hian mahni in lum atangin, "DCP Nathana leh Inspector Amandai te hian a rukin an la pui reng a nih ka ring tlat." tih vel mai mai ten an lo rak ve chiam chiam hlawm bawk a, khua hi a var lo thin teh e. Nasa zawk leh uluk lehzual zawk chuan chung fake officer te chu chhui an ni leh a, mahse an hmel reng reng hmuh tur a awm lo. A chhuitute zinga an hmel hmutu te awmchhun lan Nathana leh Amandai te chauh an ni bawk si, Uttam-a leh Kumara te hi chuan Meena-i chauh kha an hria a, midang te erawh an hmel lo hmu pawh nise, anmahni an ni ngei em tih hre turin an hmel diktak erawh an la hmu ve silo. Kar khat dang chu chhuichhuak chuang miahlo chuan an hmangral leh ta der a, Mizoram Sawrkar lam te pawh an lu a hai tan ta hle mai. Mahse mipui thenkhat te erawh chuan heng fake officer te ho hi an lo support leh tlat thung a, achhan pawh an va raid te hi eiru te, black money lo kawl ru te leh diklo taka sum la lut te an nih vang leh an nihna te, an diklona te hailan nghal zel a nih vang a ni. Karkhat a liam hnu chuan Surya chuan plan dang a siam leh ta, chu chu Aizawl khawpuia tlereuh (Jewellery) dawr lian tak pakhat, JOSEPH JEWELERRY STORE va raid leh a, an tlereuh zawng zawng va laksak leh a ni. Achhan chu he dawr nei tu Jospeh-a pawh hi eiruk ching a ni a, a dawr pawh hi a eiruk hmanga a sak a ni. Mahse Surya chuan tun tum chu a plan a thlak a ngai ta tlat mai a, achhan pawh a hautak deuh dawn avangin midang puihna a mamawh a ni. A thiante pali chu a ko khawm leh ta a, "He tlereuh dawr neitu Joseph-a pawh hi mizo a nilova, Kerala mi a ni. A dawr chhunga tlereuh zawng zawng te hi kan laksak vek ang, mahse plan dang ka nei a, chu chu hei hi a ni....chanchinbu ah CBI officer ni tura interview neih a nih tur thu kan chhuah anga, mi tam tak an rawn interview anga, mahse hmantlak tura kan rin mi 30 chiah kan thlang chhuak tur a ni." a ti a.
TO BE CONTINUE...
Comments