NATHAN (Episode - 22)

NATHAN (Episode - 22)
ENCOUNTER NATHAN
(LAST EPISODE of Season 1)

(Rinawma sawi anga ziak zawk turin min ti bawk a, Rinawma'n sawi leh tawh mai rawh se.)

Nathana nen chuan kan day off ni a inang hlauh mai, nileng chuan inngaizawng ang maiin kan pahnih chuan kan inzui chhuak leh ta hnak hnak mai a. Kan inkawmngeih ve vang hrim hrim hian off day ah pawh kan inkawm reng mai zawng a nih hi. Tlai lampangah chuan coffee dawr pakhatah hian kan lut a, coffee kan indun a. Kan titi melh melh lai chuan kan inna no ruak rawn seng tu hmeichhe chhelo zet mai chu kan hmelhriat hnu a ni tlat mai, New York-a Nathana a awm laia a thiannu Muanpuii ngei mai kha a ni. Min hmu chiah chu, "Ehee...NAthan? Rinawm? Enge hetah in rawn tih a?" a ti a. Nathana chuan, "Enge hetah i tih zawk a? I thawk a maw?" a ti a. Muanpuii chuan nui chung hian, "Nia ka thawk ve a nih hi, New York ah ka awm tawh hleinem, ka hna atang khan ka bang ta daih a, Mizoram lamah hian a nuam zawk." a ti a. NAthana chuan, "Mahse..lo haw lo la, New York ah company lian ve takah hna i nei a, mahse tunah hetah coffe dawr ah?" a ti hu a. Muanpuii chuan hmel hlim tak pu chung hian, "Ka thawk han tih ah, time pass nan ka pui a nih hi. He coffee hi ka pa ta ania. Hlawh pawh ka nei ve lo, tihtur a awm hrihlo em a, chubakah fa neih phei chuan, min pui tu turin pasal ka nei bawk silo. Ka rilru hi ka pe tak tak theilo a, mahse engmah tilo a awm mai mai ai chuan tiin ti hian ka htawk ve mai mai alawm." a ti a. Nathana chuan, "Anih tak chu...coffee in nei tui hle mai." a ti a. Muanpuii chuan, "Inlo kal ziah dawnnia...ka buai deuh a, ka kalsan rih phawt ang che u aw.." a ti a, a kal ta a. NAthana chuan min rawn en pah chuan, "Enge? I biak ve miahloh a?" a ti a. Keichuan, "Aww...i awm a, i be mawlh mawlh a, biakna hun pawh ka chang ve hleinem." ka ti a, min ngei hmel ropui lehnghal. Min ner khum pah hian, "A hmeltha i ti nimaw? I thlir dauh dauh kha.." a ti a, min manchhuak leh ta. Ka tlawm duh biklo, "I nupui vaichhia ai kha chuan a tha deuh zawk alawm." ka ti ve deuh kher a. Mi nuih pah chuan, "Tlangval senior nih reng i tum ami? Mo lawm zai te pawh rel ve tawh ila...mopa thianah min hman ngei angai ang." a ti a. Keichuan, "Hmm...bialnu pawh neih hma hma a, chutiang lo sawi lawk vak vak. Chubakah nupui nei pawh ni ila, ka thianah ka hmanglo ang che, in inneih ni pawh khan min hmang biklo." ka ti ve deuh ngat a. Nathana hi Sanvi nena an inneih khan thianah min hmang lo a, keimah aiah Joshua (episode hmasa a boral ta kha) a hmang a ni. Nathana chuan, "Nia, mahni ai chhia hman tur an ti thin sia, kei aiin i tha sia, kei aia hmelchhia ka hmang ta nih kha." a ti a, a va han over tak em. Kan titi zawh hnu chuan haw zai kan rel ve ta a, kan haw dawn chuan kawngka bul thleng Muanpuii chuan min thlah a, tichuan kan haw ta a. Muanpuii te coffee dawr chu lian vaklo mahse a changkang hle a, an hausa tih hi a chiang reng mai, New York-a hna nei thei ngat chin ani a, sum lamah chuan harsatna a neih vak a rinawmloh hle mai.

Zan khat chu Nathana nen night duty kan neih tum a ni a, mut a va khamloh theih leh dawn tak em. Ka sawi hmaih pakhat chu, kan DGP hi a damlo leh tawh a, amah aiah tun tum chu a thianpa, khawdanga DIG nihna chelh mek, Pu Ropuia, ngeiawm leh sual zet mai, sum ringawt rilru a awm hi kan dept ah chuan a rawn thawk zuai dawn a, tiang mi chapo leh sual hi chu Nathana nen hian kan mil vak lo thin tih chu kan hriat theuh ka ring. Dar 11:30 a pel tawh a, putar pakhat hi a rawn lut a. Hmanhmawh hmel deuh hian a rawn tlan lut a, a thaw hlawp hlawp mai a, "Enge nita?" ka lo ti a. Chu putar chuan, "Khawnge Pu Nathana hi a awm?" a ti a. Keichuan, "Achhuak lawka, enge ni ta?" ka ti a. Chupa chuan, "Ihh...englo." a ti a, a sawi hleithei lo, a hlauhthawn hmel em em a. DIG Ropuia a lo kal a, "Enge i duh a?" a rawn ti deuh hmuk a. Chupa chuan tap tuau chung chuan, "Ka pu, ka hming chu Sangpuia a ni a, ka fanu Catherine-i hian dar 10:45 vel khan min rawn phone a. An office bulaha awm thu min hrilh a, min rawn hruai rawh a ti a. Dar 11 velah ka va thleng a, mahse a lo awm tawh lo a, ka phone a, a switch off daih bawk si." a ti a. DIG chuan hmuhsit hmel tak hian, "I tlai a nih chu, a bialpa in a rawn hruai a,a an tlanbo tawh a nih chu." a lo ti ringawt a, ka lo ngei khawp mai a. Pu Sangpuia chuan, "Chutiang mi a nilo...mifel tak a ni." a ti a. DIG chuan, "Ka pu, hetiang hi chu ka tawng hnem tawh lutuk, nu leh pate bulah fel deuh angin an lang a, phone te pawh chu ama duh thu ngeiin a switch off a nih chu, chuan i be theilo anga, a tum lawk vek a ni. Thudik in hriat hnuah chauh tihian in harhchhuak a, tunlai thalai nun dan hi engmah in hrelo a nih hi." a ti a. Pu Sangpuia chuan tap chungin, "Nilo ka pu, chutiang mi anilo. Khawngaihin min zawn sak rawh, ka neihchhun a ni a sin." a ti a. DIG chuan, "Tunah va zawng pawh ni ila, va hmu pawh ni ila, an inru anga, an tlanbo daih tawh ang. Va man ta ila, ti hian an sawi anga, kan inhmangaih a, min thenhrang theilo ang an tia nga. Ka pu, hetiang case hi chu ka buaipui hnem tawh lutuk. Lungngai suh, a bialpa chuan a rawn dah let leh mai ang, ka mut achhuak emai, nangpawh va mu rawh, alo haw maia ang." a ti a. Chutih lai tak chuan kawngka bulah chuan Nathana a lo ding reng a, rawn luh pah chuan paper hi a rawn keng lut a, a chhiar a, "Ka pu, ka hming chu Sangpuia a ni a, ka fanu Catherine-i hian dar 10:45 vel khan min rawn phone a. An office bulaha awm thu min hrilh a, min rawn hruai rawh a ti a. Dar 11 velah ka va thleng a, mahse a lo awm tawh lo a, ka phone a, a switch off daih bawk si. Thil thalo zawk a thleng ang tih ka hlau a, min pui hram rawh u." a rawn ti a. Paper chu Pu Sangpuia pek pah chuan, "Hei hi ami i complaint ziah chu?" a ti a. Pu Sanpuia chuan ,"Aww..ka pu." a ti a. Nathana chuan, "Lungngai suh, keiman ka lo buaipui ang." a ti a. DIG chuan thinrim tak hian, "DCP Nathan, eng maw i tih anga? Kal la i hna va thawk mai mai rawh, lo inrawlh suh." a ti a. Nathana chuan, "Ka hna chu action lak a ni." a ti a. DIG chuan vin zet hian, "Action la tur chu keimah ka ni, midang inrawlh angailo. Min hnial vak duh suh, ka suspend mai ang che." a ti a. NAthana chuan, "A tha e, min suspend ta che. Mahse min suspend hma in he putar fanu hi va zawng hmu phawt la, tichuan min suspend dawn nia." a ti a. DIG chuan, "Engmaw i sawi a?" a ti a, a melhrum ngei mai. NAthana chuan, "Sir, an inru a nih chuan, va zawn in awmzia a neilo, kan hun kan khawhral mai mai a ni. Mahse mi in lo kidnap ta se, a nun pum a chhe vek thei a ni. Khawngaih takin Sir, action lak min phalsak rawh." a ti a. DIG chuan rum taka Nathana melh chung chuan, "A tha e." a ti a.

CCTV duty room ah kan lut a, Nathana chuan, "Catherine-i thawhna office bul *** bus stop a CCTV camera awm zawng zawng footage ka duh, tunah, hmanhmawhin." a ti a. Tichuan kan en ta a, Nathana chuan, "Dar 10:45 vel ah han rewind teh u." a ti a, tichuan an rewind a. Bustand ah chuan hmeichhe pakhat hi alo ding a, a bulah chuan mipakhat hian phone alo hmang mek bawk a. Pu Sangpuia chuan, "Ka pu, saw saw ka fanu chu anih saw." a ti a. Chuveleh motor dum alo kal a, mi pathum anlo chhuk a, Catherine-i chu an man a, motorah an pawt lut a. Phone lo hmang mek pa pawh chu motor ah chuan a lut a, an tlan ta daih a. Pu Sangpui chuan mangang takin, "Ka pu, ka fanu saw chhan ru, khawngaihin." a ti a, a tap vak vak a. Nathana chuan, "Rewind teh, rewind teh." a ti a. An rewind a, "Pause la, motor number saw zoom la, tifiah teh." a ti a. Motor number chu AS 01 (Assam) daih alo ni a. Kan duty pa chuan, "Ka pu, he motor number hi phuahchawp ani, online pawn a zawn hmuh theihloh ang." a ti a. Nathana chu a vei kual a, a tihdan ngai te bawkin a maimitchhing leh vang vang a, a rawn meng a, "Dar 10:40 velah han rewind teh." a ti a. Video ah chuan bustand a mi phone hmang mek chuan ala hmang char char a, a bulah mi pakhat a awm a, chupa chuan phone signal zawng ni awmang deuh hian a phone chu a lek kang vak vak a. Nathana chuan, "Dar 10:30 velah rewind leh teh." a ti a, a rewind leh a. Chupa bawk chuan phone chu a la hmang a, a thutna ngaiah a la thu reng a, a bula mi pathum vel chuan phone signal an lo zawng veleh bawk a. NAthana chaun, "Hemi hmunah hian signal a awm thalo ami?" a ti a. Duty chuan, "Hemi bustand bul hi dockyard a ni a, signal a awm theilo hrim hrim." a ti a. NAthana chuan, "A nih leh hepa hian tinge dar 10 vel atanga dar 11 vel thleng phone a hman theih bik a?" a ti a/ Duty chuan, "Sir, ka rin dan chuan BSNL a hmang a niang, hemi hmunah hi chuan BSNL lo chu signal dang a awm theilo ang." a ti a. NAthana chuan a phone a phawrh a, BSNL Office a call nghal a. NAthana chuann ,"Hello, Police Station atangin a ni a, DCP Nathan Malsawmkima ka ni e. Mipa pakhatin zanin dar 10:30 atanga dar 10:50 vel thlang khan BSNL hmangin mi a phone a, a phone-na hmun chu *** bus stop a ni a, a number ka duh a ni." a ti a. Minute 3 vel hnuah chuan BSNL lam chuan, "Kan hmu e, a number chu 9449151315 a ni e." a ti a. Phone number chu kan trace ta nghal a, World bank road lamah an kalpui tih chu kan hre ta a. Nathana chuan, "An kidnap atang hian darkar chanve vel aliam tawh a, engtinge World Bank Road chauh anla thlen le?" a ti a. Constable pakhat chuan, "Naktukah hian CM alo kal dawn a, kawng tam tak an block a, chuvang chuan Mualpui lam atangin kawng hnuaiah an hel a nii ngei ang." a ti a. Nathana chuan, "A tha e, he number hi ka phone nen connect nghal ang che u. Rinawm, kal ang hmiang." a ti a, rang takin motor chuan kan inkhalh chhuak ta nghal a. Kan Station atang hian World Bank Road chu kawng hnai atanga kal phei chuan a hla lo hle a, tichuan misual te motor pawh chu kan va pawh vat a. Kawngsira in pakhat lo awmah chuan an ding a, Catherine-i chu an pu nawlh a, a au vak vak a, in lampang pan chuan an pan pui a, Nathana nen chuan kan chhuk a, kan va um ta a. Nathana c hu a tlanchak lutuk a, ka um pha lo. Chuveleh misual te chuan min hmu a, anlo tlan let a, Nathana chuan a thal phei pawp pawp a. Keichu min manbet a, ka kutah an phuar a, a thim ropui si a, Nathana chu khawiah nge a awm ka hre ta lo, Inchhungah chuan min luh pui a, room pakhatah hian min mantupa chuan min luh pui a, khumah hian mipa pakhat hi alo mu a, a hmel erawh ka hmu thei lo. Ka bulah chuan an zinga pakhat niawm tak hian hmeichhia chu a lo la pu vu mai a. A thim vek a, a hmel a lang theilo a. Min man tupa chuan khuma lo mu bulah chuan, "He police pa hian min rawn man a tum a, hei kalo hruai a nih hi." a ti a. Chupa chuan, "Atha a nih chu, ka duhtawka ka pawngsual lai hi en rawh se." a ti a. Hmeichhe lo pu tupa chu a va melh a, "Awle...light on rawh le." a ti a. Light a on chiah chu Chatherine-i pu tupa chu tudang nilovin Nathana alo ni a. Nathana chuan Catherine-i chu a dahthla a, min mantupa chuan min thlah a, Nathana va hnek a a tum a, Nathana chuan na em em hian a lo hnek thal tawp a. Khuma lo mu pa chu rang takin atho a, "Tunge i nih?" a ti a. Nathana chuan, "ENCOUNTER NATHAN." tih pahin a hnek thuai a, a thal tawp a, khum bula zu bur chu la in aluah a vua a, a keh chhuai a, tichuan police dangte lo thlengin chung mite ho chu kan man ta a.

Press mi te anlo thleng a, DIG bulah chuan, "Engtin nge heng misual zozai te hi i man theih a?" an ti a, DIG chuan intithei tak hian, "Kei DIG Lalropuia hian latest technology hmangin heng misual te hi ka chhui a, a mal te te in ka sawisa a, ka man ta ani." a ti ham ham a. Nathana nen chuan a sirah kanlo ding a, keichuan, "A phone-ah number pawh a save thiamlo ania, technology ka hmang e..te chu a tia." ka ti a, ka ngei em a ni. Nathana chu a nui ringawt a, Press mite chuan, "Police officer engzat chiah nge man turin kal che u?" an ti a, DIG chuan, "Leader ber ka awm laiin enga tan nge police force kan tih ang, keima man annih hi." a ti a. Ka ngei lutuk chuan, "Pathian amaw a inti nih saw, nangma man a nia, mahse hmingthatna chu aman a dawng vek a, a fairlo e." ka ti nuah nuah a. NAthana chuan, "Khawthlang te him na turin police ka ni a, mahse intih larnan leh hmingthatna turin police hna hi ka join hleinem." a ti a. Chutia kan titi lai chuan Prison van atang chuan kan mi manpa ber chuan lu thi hnuang chung chuan rum em em hian minlo melh a, phuba lak tum a ang khawp mai. DIG chu kan bulah alo kal a, "DCP NAthan, ASP Rinawm, in thawk tha e, in hnathawh that vangin lawmman atan in haw thei ang. Naktukah night duty turin inlo kal leh dawnnia. Zanin chu keimahni ho hi kanlo duty ange." a ti a, tichuan kan haw ta a. Kan haw kawngah chuan kan titi pehi bawrh bawrh a, Nathana chuan motor chu a ti ding thut a, "Engatinge?" ka ti a. Nathana chuan, "Shhh..." a ti ringawt a. A reh vang vang a, hmeichhe au thawm kan hre tlat mai a, rang takin kan chhuk a, thawm awmna lamah chuan kan kal a. Kawngsir a hmeichhe pakhat mipa rual 10 velin pawngsual anlo tum lai chu kan hmu a. Nathana chuan ring tak hian, "Duhtawk ru." a ti vak a. An zinga pakhat chuan, "Tunge i nih a?" a ti a. Nathana chu a va kal hnai a, ka zui bawk a. Nathana chuan, "Tahkhan lo ding rawh, keiman ka'n chingfel ange." a ti a. Pakhat alo kal a, Nathana chuan lo rek in chhuatah a peih tlu a. Midang ho pawh chu a khawih thal pawp pawp hlawm a. A tawpah chuan pahnih chauh an bang ta a, pakhat zawk chuan va khawih leh tumin Nathana chu ava pan a, Nathana chuan lo manbetin a hmaiah vawi 10 vel a beng a, a hmai chu a sen vek a. Tap chungin, "Ka thiante pawh vawi khat chauh i hnek a, tinge vawi 10 vel min hnek bik?" a ti a, ka lo nui teuh hle mai. Nathana chuan, "Thu min pe turin i thian emaw i hmelhriat te zinga mi ka nilo, Police ka nih hi." ati chiah chu an boss pa ber pawh chuan hmeichhia chu a thlah rang hle a, hmechhia chu rawn tlan pheiin ka bulah chuan a rawn kal nghal a. An boss ber chu rawn kal hnaiin, "Ka thiante chu i khawih animai thei, mahse kei chuan ka duh chuan ka that thei che tih i hria em? Tunge ka nih i hria em? Jimmy-a ka nih hi, Ramhlun Vengthlang keite Jimmy-a ka nih hi." a ti deuh pang pang a, ka nuih a za angreng khawpa. Nathana chuan, "Min khawih ta che, min khawih rawh." a ti a. Chupa chuan a hlau deuh bawk si, tlawmngai deuh bawk si chu zalo deuha nuih pah hian, "Ka mood a fuh vaklo a, zanin chu ka chhuah hram ang che." te a ti vel ta mai mai a. Nathana chuan a beng pawp a, chupa chuan, "Hey...min khawih ve khanglang elaw?" a ti a, Nathana chuan a ai na in a beng leh a, chupa chuan na tih hmel tak hian, "BAwiha, ka khawih ve palh ang che.." a sawi zawh hma chuan a beng leh a, a hmai a sen vek tawh a. Thinrim tak hian, "Min khawih leh vaih teh.." a sawi zo leh hman talo. Na em em hian a beng leh a, a tap pur tawh mai a. Nathana chuan, "Hmeichhe awmnem zawk te tibuai in, i inla pa ve amaw?" tih pah chuan hnek leh a tum a, a tlanchhe ta daih a. Chunu chuan Nathana chu ava pan a, "Ka lawm e aw, ka pu." a ti a. Nathana chuan, "Tun ang zan rei tawh lutuk ah enge i tih a?" a ti a. Chunu chuan, "Ka bialpa nen inruk kan tum a, ka lo chhuak ru a. Salem Veng bus stop ah minlo nghak rawh a tia." a ti a. Nathana chuan, "Aww..anih tak chu, love story maw?" tih pah chuan a nuih a. Chunu chuan, "Um..ka hming chu Sangtei ania.." a ti a. Nathana chuan, "Nathana ka nia, DCP..chuan ka thianpa hi Rinawma a nia, ASP a nih hi." ati a. Chunu chuan, "Ka lawm e, min puih avangin. Ka bialpa hming chu Mapuia a nia, minlo nghak mek tawh ang, ka kal ange." a ti a. Nathana chuan, "Kan thlah ang che, kan motor ah hian lo chuang ve rawh." a ti a, tichuan kan kal ta a.

Bus Stop kan thleng chiah chu ruah a sur ta bur bur a, bus Stand ah chuan kan chawl ho a, kan titi bawrh bawrh a. Sangtei chuan a bialpa nena an intawn dan vel te sawiin nuam a ti hle a, Nathana pawh chuan Sanvi nena an intawn dan te, buaina an tawh dan te a sawi ve bawk a. Darkar 1 vel hnuah chuan ruah chu a bang ta a. Sangtei chuan, "Tinge a lo la kal loh le?" a ti a. Nathana chuan, "Phone chhin la." a ti a. Phone atum a, switch off alo inti bawk si. Nathana chuan, "Engtin nge niang?" a ti a. Keichuan, "Sangte, pawi i tihloh chuan kan inah lo awm hrih mai rawh. Ka pa a zin a, ka nu nen chauh kan awm a, ka cousin Tluangtei an khaw lamah a haw hrih a." ka ti a. A tir chuan hreh deuh mahse ka nawrluih nasat em avang chuan ka hruai haw ta a. Zingah chuan ka tho a, Sangtei chuan thingpui a lo lum a, ka nu nen anlo titi bawrh bawrh a. Ka va thu ve a, ka nu chuan, "Ti khan lo inkawm ru, dawrah ka zu kal ange." a ti a. Sangtei chuan, "I nu chu afel hle mai." a ti a. Keichuan, "Nia, keimah vang liau liau hian a la dam nimai hian ka hria....taka, Mapuia nen chuan in inbe tawh em?" ka ti a. Santei chuan, "Aih, a chanchin pawh ka hre lo, ka phone lah in switch off a inti zel a." a ti a. Keichuan, "Engtin nge i tih ang?" ka ti a. Sangtei chuan, "An inah ka va kal mai ang." a ti a. Keichuan, "Kal pui i ngai em? Vawiin ka awl a, zanah chauh duty a ngai dawn a." ka ti a, Sangtei chuan, "Aih, keimahin ka kal mai ang. Ka va inbual phawt ange." a ti a, keichuan, "Awle, puih i ngaih chuan min hrilh dawnnia." ka ti a. Zing chaw eikhamah chuan Nathana chuan min rawn phone a, "Complaint pakhat a lo lut leh a, vawiin chu kan DIG hmelchhe phaka hian duty turin min ti leh si anih chu." a ti a. Ka thinrimngei mai, chauh nen, hah nen, muttlem nen, "Mahniin engmah ti thei mang silo, nizanah chawlh te min pe ve vel a. Umm...kalo kal." ka ti a, peihlo tak chuan ka insiam a, Station lam chu ka va pan ta a. Nathana office ah chuan pa pakhat alo awm a, chupa nen chuan anlo inkawm a.

"Enge buaina ni ta?"

"Ka pu Lalsiamliana ka ni a, builder ka ni. Kawngpui bulah ka building chu a awm a, mahse tuten emaw min vauin hralh turin min ti a."

"Engzahin?"

"Nuai 50 in."

"Tunge chupa hming chu?"

"A hming chu Lalfamkima a inti a."

"Complaint ziak la, ka lo buaipui ang."

Chutih lai chuan DIG chu alo lut a, "Lalfamkima lakah complaint in thehlut anga maw? Pu Nathan, tu lakah pawh nise action lak vek i tum em ni?" a ti a, Nathana chuan ngei hmel tak hian a melh a. DIG chuan, "Pu Siam, nang pawh hre rawh. Pen leh paper chauh hi complaint ziah nan a tawk lo. Court ah te kalin witness ah i tan te a ngai dawn a, i ngam dawn em ni?" ati a. Pu Siama chuan, "Ka ngam khawp mai ka pu." a ti a. DIG chuan, "A tha e..Famkima chu kan phone ange." tih pahin a phone a phawrh a, "Hello Famkim, Pu Siama building construction kha tihtawp i tum em ni? Chubakah Nuai 50 lek lehnghal in..i zak nange?" a ti vak vak a. A ngawi vang vang a, "Engmaw? Enga?" a ti leh a, a phone a dahthla a, Pu Siama bulah chuan, "I fanu vawiinah college a kal em?" a ti a, Pu Siama chuan, "Kal e, enge?" a ti a. DIG chuan, "An kidnap a nih chu.." ati a, Pu Siama chuan, "Nilo...chhanhim hram rawh u." ati a. DIG chuan phone chu la kang lehin, "Famkim, Pu Siama fanu kha khawih na reng reng suh, pawisawilo a nih kha. Ti hian ti rawh, nuai 50 chu a tam lutuk, nuai 40 ti la, cement man te a to tawh si...awle a tha e." a ti a, phone a dah a. Pu Siama bulah chuan, "YMA Hall hnuaiah vawiin tlai dar 3 ah pawisa chu va pe la, Nuai 35 va pe la, keiin ka puih vang che in cheng 50000 min pe ve ang che, i hria em?" a ti a, Pu Siama chuan, "Awle.." a ti a, kal a tum a. Nathana chuan, "Pu Siam, action la turin ka inpeih a nia, i fanu chu ka chhanhim thei ania." ati a. Pu Siama chuan, "Ka fanu tan chuan engzat a tam pawisa pawh seng dawn mah ila, pawi ka tilo." a ti a, a chhuak ta a. Nathana nen chuan tlaiah chuan Pu Siama chu kan zui ru ta tho a, YMA hall hnuai garage ah chuan pawisa nen chuan ava kal a, kawngka bula biruin kan enthla a. Pu Siama chu ava lut a, mi 10 bawr vel hi anlo awm bawk a. Pu Siama chuan pawisa pek pahn, "Pu Famkim, pawisa chu hei le, khawnge ka fanu chu?" a ti a. A fanu chu an rawn hruai a, Famkima chuan lo manbetin, "Ni mai love, police stationa i kal hma khan ngaihtuah chiang hmasa la tha tur a nia, police ho ka huat zia hi i hrelo a ni." tih pah chuan a fanu chu a beng thal tawp a. Chuveleh Nathana chu tlanlutin anzinga pakhat chu khabe ruh tliak thawt khawpin a va hnek a. An rawn hawi phei thup a, keipawh chu ka va lut ve nghal a. Famkima chuan, "Tunge i nih a?" a ti a. Nathana chuan, "A tuartu leh thil tisual tu te inkara danglamna awm chu thil pakhat chauh ani, chu chu Polcie an ni. DCP..DCP Nathan." a ti vak a. Pu Siama chu a va en a, "Ka pu, hlau suh, police kan lo thleng e." tih pah chuan paper leh pen a va pe a, "Complaint chu ziak rawh le." a ti a. Tichuan Pu Siama chuan complaint chu a ziak a. Famkima chuan, "Enge inla nghang a, hemi te pahnih hi sawisa rawh u." a ti a. Tichuan chung misual ho chu Nathana nen chuan kan han khawih tak tak mai chu, an la tleirawl hlawm bawk nen, kan sawisa let ta hrep zawk a. Pu Siama chuan complaint chu a ziak zo a, Famkima te chu kan man ta a. Kan haw kawngah chuan ka phoen a lo ri a, Sangtei alo ni a. Buaina a tawh thu te a sawi a, kan in lam kan pan nghal a. Sangtei chuan, "Rinawm, Mapuia te inah chuan ka va kal a, mahse an in a lo in kalh a, an thenawmte lahin an awmna chin an hre bawk silo." a ti a. NAthana chuan, "Thian i nei em, anih loh pawn Mapuia thian te emaw?" a ti a. Sangtei chuan, "Aww..a best friend ni a a sawi thin, Lawma te in chu ka hria." a ti a, Nathana chuan, "Va kal ang." a ti a. Lawma te in kan va thlen chuan LAwma chuan, "Ehe...Sangte, lo nghak lawk rawh aw." a ti a, paper hi a rawn la a, "Hei hi lo pe rawh min ti a." a ti a, Sangtei chuan a chhiar a, a mittui a tla zawih zawih a. Nathana chuan paper chu ala a, kan chhiar ve a, "Sangte, min ngaidam rawh. Ka hmangaih che a, neih che pawh ka duh. Mahse i chhungten min duh silo a, nangman engkim huama ka bula awm i duh ih hre mah ila, kei mi rethei chuan ka chawm thei lo che. Chuvangin Mawitei nen kan innei dawn a, achhan chu a chhungte pawn ka nihna ang ang in min pawm a, ka zirna lamah pawh min pui dawn a ni, tihpalh aw...ka hmahun a pawimawh zawk si a." tih hi alo ni a. NAthana chuan paper chu pawtthlerin Lawma kawr awmah chuan a tham a, "Khawnge i thianpa chu a awm?" a ti a, Lawma chuan hlauh hmel tak hian, "Ka hre lo.." a ti a. Sangtei chuan, "Nathan, thlah rawh...i kal zawk ang." a ti a.

Pawnah chuan kan chhuak a, Sangtei chuan, "Rinawm, khawi emaw bus stand ah min hruia mai rawh u." a ti a. Keichuan, "Engtia awm nge i tum?" ka ti a. Sangtei chuan, "Hmangaihna ai chuan sum hi alo pawimawh zawk aniang, ka chhungte hausakna zawng zawng tlansanin amah ka thlang zawk a, mahse ani chuan hmangaihna aiin sum zawk a lo thlang ve leh si a, heta awm reng hi a sawt lo, ka haw mai ang." a ti a. Tichuan bus stop ah kan va dah a. Nathan a chuan, "Sangte, i chhungte bum a, in atanga i chhuak ru kha chu thil dik a nilo, mahse kha mi tenawm, phatsantu khan a phu hlawl lo che. Lungngai suh, nangmah hmangaihtu che chu ila tawng em em ang." a ti a. Lamlian lehlam atang chuan tu emawni hian, "Rinawm." hi a rawn ti a. Ka va hawi phei chuan ka nu hi alo ni a, "Ka nu...ka lo phei ang." ka ti a, ka nu chuan, "Angailo ka lo kal." ati a, kawng a rawn cross chu motor lian alo tlan a, ka nu chu a rawn su leng lawp mai a. Ka thin a phu dup dup a, rang takin kan va tlan a, damdawiin lam kan pan pui nghal a. ICU ah kan dah nghal a, reilote hnu vel chuan doctor a lo chhuak a, "A lu a hliam avang hian a thisen zam chu hmunkhatah a tling khawm vek a, operation kan tih vat loh chuan a nunna a chan thei a ni." ati ta mai a. Ka mangang hle mai, "Doctor, operation chu ti ula, ka nu chu chhan hram ru." ka ti a. Doctor chuan, "Chutiang tur chuan risk kan lak angai a, pawisa pawh in sen a ngai teuh ang. Chubakah in department in insuarance cheng sing 5 mai bakah, cheng nuai 70 vel a ngaih belh a ni." a ti ta mai a, "Nuai 70 a?" ka ti a, ka mangang hle mai. Doctor chuan, "Police Officer in ni a, nuai 70 te chu innei thei mai ang chu tiraw?" ala ti ta deuh deuh a. Nathana chuan, "Doctor, operation chu ti la, nuai 70 chu ka neih veleh keiman ka pe ang che." a ti a. Mahse doctor chuan, "Tunah kan mamawh alawm, private hospital a nih hi, sorkar hospital nilovin." a ti a. Nathana chuan, "Tunah chuan thla tawp ani a, nuai 70 em em chu ka nei hrih biklo a, min hrethiam hram rawh." a ti a. Doctor chuan, "Ka pui theilo che u, min hrethiam zawk rawh u...tiang risk sang lutuk ah chuan pawisa kan nghak theilo." a ti a, Nathana nen chuan kan ngen mawlh mawlh a, Sangtei alo dingchhuak a, "Doctor, pawisa chu engtika pek che nge i duh?" a rawn ti hlawl mai a, doctor chuan, "Naktuk dar 11 hmaa pek angai." a ti a. Sangtei chuan, "Naktukah dar 10 ah pawisa chu ka rawn pe ang che, operation chu tunah ti rawh u." a ti a, a chhuak ta daih a. Nathana nen chuan kan zui chhuak a, keichuan, "Sangte, enge awmzia?" ka ti a. Sangtei chuan, "Rinawm, buaina kan nei veve a, kan buaina chingfel thei tur chuan thil pakhat kan tih angai a, mahse risk kan lak angai dawn a, i huam angem?" a ti a. Keichuan, "Ka nu chhan nan chuan engpawh ka ti ang." ka ti a. Sangtei chuan, "Rinawm, min kidnap angai dawn a ni." a ti ta mai a. Mak ti tak chuan, "Kidnap a?" ka ti a. Sangtei chuan, "Um...min kidnap la, ka patea phone la, cheng nuai 70 phut la, tichuan pawisa dahna tur hmun sawila, alo dah mai ang." a ti a. Keichuan, "I patea chuan chutiang zah zah pawisa a nei a mi?" ka ti a. Sangtei chua, "Tunge ka nih i hrelo a ni, Industrialist lar tak, Pu Saidingliana tunu ka nih hi. A property chanve lai chu ka hmingin a dah tawh a, ka nu leh pa te hian kum 5 ka nihin min boral san a, chumi hnuah amah hian min enkawl ta a. Fapa a nei a, a hming chu Zaia a ni. A fapa ai pawh hian min hmangaih zawk a, ka duh duh min pe thin. Ka patea hian a thianpa fapa nen innei turin min ti a, mahse kei chuan Mapuia ka hmangaih zawk a, ka ro chan tur te zawng zawng tlansan in Mapuyia chu ka thlang a, mahse ti hian kan tawp leh ta si a." ati a. Nathana chuan, "A property chanve lai i hminga awm si chu, tinge Mapuia chuan midang a neih san si che a?" alo ti a. Sangtei chuan, "Ka patea hian Mapuia hi a duh lo a, chuvang chuan inruk ka thlang ta a, mahse Mapuia chuan ka patea a hlauh avangin tihian kan awm ta a ni." a ti a. Ka rilru a buai hle mai, "Sangte, i sawi ang chuan ti ta ila, kan buaina hi a reh phah ang maw?" ka ti a. Sangtei chuan, "In atangain nizanah ka tlanbo a, mahse ka bo chhan anla hrelo. Mapuia nena inru tura ka kal anga an ngai anih chuan ka haw hunah min hau anga, kut min thlak ngei ang. Mahse nangman min kidnap ani tih anhriat chuan, pawisa an pe che anga, ka bo chhan pawh kidnap vangah an ngai dawn a, buaina a awmlo ang. Rinawm, i nu damchhuahna tur leh ka himna tur chu i kutah a awm a ni." a ti a.NAthana chuan, "Rinawma nilovin, i patea chu keiman ka kidnap ang chein kalo phone ang." a ti a. Keichuan, "Nilo Sir, hei hi chu ka nu chungchan g ani a, ka buaina a ni a, ilo buai ve ka duhlo a ni." ka ti a. NAthana chuan, "Mawla, i nu hi ka nu anilo bik em ni? Ka unaupa i ni a, i buaina chu ka buaina ani." a ti a, Sangtei chuan phone a pe a, NAthana chuan a phone ta a.

Pu Saia chuan phone chu alo la a, "Hello, Bawihi, khawnge i awm a, i tha em?" a rawn ti a. Nathana chuan, "Tunah rih chuan a tha e." a ti a. Saia chuan, "Hey, tunge i nih a?" a ti a. Nathana chuan, "Tunge ka nih i hriat a pawimawh lo, i tunu hi ka kidnapa ni." a ti a. Pu Saia chuan, "Enga?" a ti vak a. Nathana chuan, "Cheng nuai 70 min pe la, i tunu chu a him ang. Min pekna hmun tur leh a hun chu ka hrilh ang che. Tun atanga darkar 1 hnuah pawisa nen Millenium centre ah lo kal ang che, anihloh chuan i tunu hi ka chansawm vek ang." a ti a, Pu Saia chuan, "Awle, engtin mah ti suh, pawisa chu ka rawn dah ang." a ti a, phone chu a dah a. Lehlam kan hawi chu kan thawhpuipa, officer Kima chuan min lo en reng a. Inthlahrung takin, "Kim...englo ania.." ka sawi zawh hma chuan, "Engkim ka hre vek alawm, lunngai suh. Sir, i dinhmunah hian ding ve ila chu i tih ang tho kha ka ti ang, ka pui ang che u." a ti a. NAthana chuan, "Kima, plan tha tak kan siam angai ang, police dangte chuan an pui dawn tih a hriat reng a, misual ang maia kan chet a ngai dawn a ni. Rinawma nen hian car thar, number phuahchawp kan mamawh dawn a, phone thar, sim card thar leh thawmhnaw in ang kan mamawh dawn a ni." a ti a, Kima chuan, "Awle Sir." a ti a, kan che chhuak ta nghal a. Darkar khat hnuah chuan Nathana chuan ava phone leh a, "Pawisa chu in rawn ekng em?" a ti a, Pu Saia chuan, "Aw...ka fapa in a rawn dah dawn." a ti a. NAthana chuan, "I fapa khan kamis var, pheikhawk dum leh kekawr dum a rawn ha tur a ni." a ti a, Pu Saia chuan, "Awle." a ti a, phone a dah a. Nathana nen chuan Millenium Centre kan pan a, a chhawng chung berah kan awm a, Nathana sawi ang chuan Zaia chu kamis var, pheikhawk dum leh kekawr dum nen, suitcase nen alo lut a, kanlo en reng a, kan rin nag ngeiin a hnungah police anni tih hriat ataka uniform halo a, inla fing hmel deuh deuh lo lut chu kan hmu bawk a. Nathana chuan Zaia chu a zu phone a, "First floor ah kal la, bathroom ah lut rawh." a ti a. Bathrooma a lut lai chu kan en reng a. NAthana chuan, "Wash basin bu;ah khan bag dum a awm anga, suitcase a pawisa kha lachhuak la, bag dumah khan dah la, suitcase kha chu bathroomah khan hnutchhiah rawh." a ti a. Minute 5 vel hnuah chuan bag dum nen chuan alo chhuak a, police te chuan floor tinah chuan Zaia chu an zuiru zel a. Nathana chuan, "4th floor ah chhuk la, nautelem dawr ah khan lut rawh." a ti a. Zaia chu naute lem dawrah chuan alut a, Nathana chuan, "Remote control car lem dah na ah khan lukhum (cap) dum a awm anga, khum rawh." a ti a, a ti ve zel a. NAthana chuan, "I bulah khan phone a awm anga, i phone kha switch off la, dah la, khami phoen zawk kha la rawh." a ti a. Zaia chuana phone chu a dah a, phone pakhat zawk chu ala a. Chumi phone zawkah chuan Nathana chuan ava call a, "PAwnah chhuk la, car var, number plate awmlo ah kha, a hnung seat ah khan pawisa kha dah rawh le." ati a. Zaia chuan, "Khawnge ka nau?" a ti a. Nathana chuan, "Ka sawi ang chuan ti mai rawh." a ti a. Zaia chu pawnlam pan chuan a kal a. Nathana chuan, "Tah tak hian police ho chu an rawn che dawn a, chuvang chuan kan plan ang zela chet tur aw." a ti a, ka lu ka lo bu ngat a. Lift ah chuan Zaia chu a chhuk a, Ground floor a thleng chiah chu police dang ho ten an rawn zui dawn lai tak chuan Maruti sales men ho, 100 chuang chu an rawn in kal pel suau suau a, Zaia inchei dan ang chiahin, kamis var, pheikhawk dum, cap dum leh kekawr dum ha in ground floor ah chuan an vei ta suau suau mai a, a then pawnah an chhuak a, athen an rawn lut a, police te hovina Zaia chu khawiber nge hrelo a an hawi hai lai chu a hmuhnawm angreng hle mai. Tichuan Zaia chuan motorah chuan pawisa chu a dah a, motor chhungah chuan Kima alo thu sa a, Kima chu a tlan ta thut a. Keini chu muangchang chuan pawnah kan chhuak a, bike ah inphurin kan tlan liam ve ta a.

Pawisa te chu pe in, Operation chu an ti ta a. Doctor alo chhuak a, "I nu chu a him e, in zaina hlawhtling tak ani e." a ti a, ka thaw huai mai. SAngtei chu ka va pan a, "Ka lawm e, nang awmlo la chu..." ka ti a, Sangtei chuan tap chungin min rawn kuah a, "Nilo e, ka lawm e. Nangmah vang liau liau in nun thar ka nei leh dawn a, min pui a, ka lawm e." a ti a. Nathana chuan, "Hei zan a ni tawh a, Rinawm, Sangtei hi va thlah tawh ta che, midangin min man chhuah hma in." a ti a. Sangtei nen chuan kan chhuak a, Nathana pawh a haw a. Sangtei chuan SAlem veng bus stand ah dah tura min tih avang chuan ka va dah ta a. Motor atanga chhuah hma chuan Sangtei phone atang chuan a patea chu ka va phone a, "I tunu chu amah in Salem Veng bus stand bulah ka dah tawh e." ka ti a, phone ka dah a. Sangtei bulah chuan, "Sangte, min puih avangin ka lawm e, engpawh thleng se, ka theihnghilh leh ngai tawh lo ang che. I pawisa chu ka la rul em em ang che, ka tiam ache." ka ti a. Sangtei chuan, "Nilove, kan mi rin em em te leh, ka thiantha tak te pawn min bumin, min phatsan thin a. Mahse nang erawh chu i hmelhriat pawh ni miahlo ti khawp hian min pui a, ka rul seng lo zawk che asin. I nu chu lo dam se, ka la rawn kan ang." ati a. Keichuan, "Ka lawm e, a nih phawt le." ka ti a. Motor atang chuan achhuak a, "Ka patea lo thleng tep ang, kal tawh rawh." a ti a, ka kal ta a. World Bank Road lam atang chuan ka kal a, kawng lakah chuan ka motor chu a thi hmuk a, a nung thei ta reng reng lo mai a. Ka chhuak a, ka en fiah lai chuan chak em em hian motor pakhat hian min rawn tlanpel fua a, kawngsira thingkung lian tak chu a su bur mai a. Ka phu chiang ngei mai, ka va tlan a, motor hma chu alo sawi vek a. A chhungah chuan tlangval kum 25 mi vel niawm tak, thi hnuang hian a lo awm a. Ambulance ka call a, tichuan darkar chanve velah anlo thleng a, damdawiin lamah an hruai ta a, keipawh chu ka haw ve mai a. A tuk zingah chuan damdawiinah chuan ka nu kawr thlakna tur chu kengin ka kal a, ka nu chu a lo muhil tui em em a. Thawmhnaw chu a bulah dahin chhuahsan ka tum chu ka kutah a rawn man a, muangchangin a rawn meng a, "BAwiha...ka kalsan tawh dawn che amaw i ti hman ami? Chuti maia awlsam in ka kalsan phal hleinem che. Ka neihchhun i ni a, nupui i neih a, fa i neih thlengin ka dampui dawn che alawm." a ti a, ka nu hi chu, ka va han khawngaih tak em. Pawnah ka chhuak a, NAthana chuan, "Muanpuii te dawrah coffee va in ang hmiang." a ti a, tichuan kan va kal ta a. Kan va thleng a, Muanpuii hmel reng reng hmuh tur alo awm lova, waitress pakhat bulah chuan, "Khawnge Muanpuii?" kan ti a, chunu chuan, "Hmanni deuh atang khan alo kal lo char char a, a awmna kan hre biklo." anlo ti a, ngaih thatlohna em em pawh kan nei chuanglo. Coffee kan inlai chuan dawr chhunga TV ah chuan news an rawn puang a, news reader chuan, "Mizoram ah kidnapping a thleng ve leh ta a, an kidnap hi kum 28 mi, Industrialist Saidingliana tunu a ni. Kidnappers te hian cheng nuai 70 an phut a, chu pawisa chu hospital lamah kalpui ni a thudawn a ni. Pu Saia te hian pawisa an pek tawh hnu pawhin kidnappers te chuan an fanu chu an la pe chuang lo a, hei hi an tunu Lalmuanpuii thlalak chu a ni." tiin thlalak chu an rawn ti lang a, Sangtei thlalak a ni awzawng lo mai, Nathana thiannu, kan chawlhna coffee dawr neitu ngei mai, Muanpuii thlalak a lo lang ta daih mai le, NAthana nen chuan kan in en a, mak kan ti duh ngei mai. News reader chuan, "Ft 5 leh 10 inches laia sang niin, amah hi ngo lampang a ni a. Kan sources in a tarlan danin amah hi an company coffe shop ah a thawk ve nghe nghe a ni." a ti a. Nathana chu a ding chhuak hlawl a, mak kan ti dun bawk em a ni. News reader chuan sawi zawm zelin, "Kidnappers te hi tute nge an nih tih hriat a ni tawh a, mak tak maiin heng pawikhawihtute pahnih hi **** police station-a mi ASP Lalrinawma leh DCP Nathan Malsawmkima te an ni. Police dept ho pawh an buai hle a, chanchin kimchang chu hriat ala nilo." ala ti ta deuhdeuh a, rang takin dawr atang chuan kan chhuak a.

Nathana nen chuan motor chhungah kan lut a, NAthana phone alo ri a, number hriatloh a ni. Phone ami chuan, "I game khelh chu a tawp ta e." a rawn ti a. NAthana chuan, "Tunge i nih?" a ti a. Phone ami chuan, "Min hrelo amaw?" a ti a. NAthana chuan, "Tupawh chu ni la, ka man ngei ang che, i tlanchhe rei lovang." a ti a. Chupa chuan, "Min man chu theihnghilh la, nangmah kha inngaihtuah zawk rawh, i him lo ania." a ti a. NAthana chuan, "Sakeibaknei in hlauh anei lo, kei hi i tan chuan sakeibaknei ka ni. Hei hi hre rawh, Muanpuii hi a him anih chuan i him animai, mahse a himlo a nih chuan ka encounter hmasak ber tur chu nangmah i ni ang." a ti a, chupa chuan, "Good Luck." a ti a, Nathana chuan, "Same to you." tih pahin phone chu a dah a. Nathana chuan, "RInawm, khawlai kan lan tam chuan kan tan a him lo, kan nunna hi a derthawng tlat, kan bihruk hrih mai angai ang." a ti a. Keichuan, "Bihruk te chu kan thiam tawh kha, ahma pawn i biryanni duh luat vangin kan buai hrep tawh kha." ka ti a, a nui suk a, hmun biru lai deuh ah kan kal a, Nathana chuan Kima a phone a, kan awmna a hrilh a, Kima pawh chu alo kal a. Kima chuan phone pahnih a rawn phawrh a, "Hei hi in phone thar tur a ni e, sim card thar a awm bawk. Sir, Special Officer pakhatin a chhuichhuak che u a ni, damdawiin ah khan pawisa kha chu kan hmang ngei a, mahse pawisa hmang khan engtin emaw minlo trace a ni. Kan dept chuan in pahnih in a suspend che u a, arrest warrant a pe chhuak bawk ani. Sir, kan dept hi in hmangaih a, in thawk rim a, mahse misual angah a chhuah bawk si che u a, enge awmzia ni ta ang?" a ti a. Nathana chuan, "Khuarel a ni, hmelma te chuan an hmachhawn ngamlo che anih chuan, ti hian an che thin a ni." a ti a. Kuima chuan, "Tunge i hmelma chu?" a ti a. Nathana chuan, "Kei ni ang Police Officer zahawm taka hna thawkthin te chuan hmelma kan nei fo a lawm. Kan hmelma te chu mi hrang hrang an ni thin, tuna kan hmelma hi chu kha hmeichhia kha a ni. Mahse kha hmeichhia kha hmanrua a ni a, tu emaw niin ka hmeichhe hmang khan min awk a ni. A bialpa ni a a sawi Mapuia vanga lo kal a nilo, keimahni min bum tura lo kal a ni. Saidingliana tunu angin a insawi a, kha pawh kha dawt a ni. Misual ho lakah ka chhan a, mahse khapawh kha an chanchawp vek a ni.Ka kidnap ngei a, mahse Muanpuii ka kidnap lo, Sangtei, Muanpuii anga insawi zawk ani ka kidnap chu. Muanpuii kidnap tak tak tu in min bum zawk a ni, an plan sa vek a ni." a ti a. Kima chuan, "Tu tih nge ni ang?" a ti a. NAthana chuan, "Kan zawn chhuah angai a ni, thil pakhat ti teh Kima. Tu emaw ni in private number atangin min rawn call a, min rawn vau a, trace ang che." a ti a. Kima chuan, "Control room atang chuan kan trace maithei anga, mahse Muanpuii chu engtin nge kan hmuh ang?" a ti a. Nathana chuan, "Muanpuii nilovin, Sangtei zawk kan zawng ang." a ti a. Keichuan, "Mahse Sangtei awmna chin chu tuman kan hre silo a." kalo ti a. Nathana chuan, "Ramhlun Vengthlang keite inti pa kha, Jimmy-a kha, hmanzana Sangtei pawngsual tum tu te kha. Khami te khan ka hmaah Sangtei ho khan lem an chang mai mai a ni. Chuvang chuan Jimmy-a chu kan zawn a ngai ang. Kima, ka ATM card ah hian cheng sing 7 vel a awm a, ATM ah va la chhuak la, min rawn pe leh ang che, pawisa kan mamawh maithei bawk a, thudik kan hriat hma chu Rinawma nen hian kan bihruk a ngai ani." a ti a, Kima chu ATM card a pe a, a kal a, keini pawh kan kal ta a. Ramhlun Veng field ah inkhel anlo awm a, inkhel te zingah chuan kan mizawn Jimmy-a pawh chu alo tel ve a. Ball chu kan awmna lamah an rawn pet a, mi in bang kil kawrah a tla lut a. Vanneih thlak takin Jimmy-a chu rawn chhar tur chuan alo kal a. Chuveleh kan lo man a, motor a kan luhpui a, kan tlan ta daih a.

Nathana nen chuan Jimmy-a chu hmun biru laiah bawk kan hruai a, Nathana chuan, "Jimmy, luhlul kual vello in tha takin min chhang ang che aw? Khawnge Sangtei?" a ti a. Jimmy-a chuan, "Ka hrelo." a ti a. Nathana chuan, "Khami zan khan lem in chang tih ka hre vek ania aw...thil awmzia sawi rawh." a ti a. Jimmy-a chuan, "Sangtei khan kan thianho khan cheng 5000 theuh min hlawh tir a, police pahnih anlo kal anga, ka au anga min beih tum angin in awm dawnnia a ti a." a ti a, Nathana chuan, "Anih leh a khawi atangin nge in inhmuh?" a ti a, Jimmy-a chuan, "A chenna chu **** a flat pakhat ah, 3rd floor ah." ati a, Nathana chuan min rawn melh a, "Rinawm, Mapuia thianpa Lawma chenna anga a sawina hmuh kha anih chu." a ti a, Jimmya chu akal tir leh mai a. Lawma chenna lam kan pan a, kawkhar kan kik a, putar pakhat hian alo hawng a, Nathana chuan, "Ka pu, Lawma a awm em?" a ti a. Putar chuan, "Tu Lawma maw?" a ti a. Nathana chuan, "Mapuia thianpa a nia." a ti a. Putar chuan, "Lawma tih hmingpu kan awmlo, kum 4 kan cheng tawh a, kar 2 kal ta khan kan zin a, tukin zing khan kanlo haw leh chiah a, i hresual aniang." a ti a, kan kal ta a. Nathana chuan, "An plan sa vek a ni, mi fing tak anni." a ti a. Nathana nen chuan car ah kan lut leh a, a phoen a ri a, Kima alo ni a, "Hello Sir, private number rawn call tu che kha ka trace a, hman zana Pu SAngpuia fanu kidnap tu, kan man pa Faka kha a ni a. Ni 2 hnuah bail a chhuah tir nghal a ni a, a address ka lo thawn ang che." a ti a, a address chu min thawn a, tichuan chumi lam pan chuan kan kal ta a. Faka te in chu kan va thleng a, an inkawtah chuan a thian 5 vel te nen Zu anlo in a, an kai hmel hlawm hle a. Nathana a hmu chiah chu a rawn ding chhuak a, a thiante dang pawh chu an rawn ding ve a. Faka chuan, "Eheu, DCP...i la dam elaw? Police in anla man na che nge?" a rawn ti a, arawn nui vel a. Nathana chuan, "Nangni anga mi dawihzep leh tlanchhe mai mai chi ka ni hleinem, Police ka nih hi, misual te chu min hlauvin an tlan chhe zawk thin." a ti a. An thian zinga pakhat chuan, "Va tawng hnem reuh e, Zawnga." tih pahin a rawn tlan phei a, Nathana chuan chiang em em hian a kap ah a khupin alo do a, a na ti lutuk chu chhuatah chuan a vial let tawp tawp a. Midang ho chu an lo kal a, Nathana nen chuan kan lo sawisa hrep hlawm a. A tawpah chuan Jimmy-a chu lo kalin a zu bur chuan min rawn vuak a tum a, Nathana chuan a kutah a lo man a, a zu bur chuan a luah a vuak sak a. A thal tawp a, Nathana chuan a dulah pet vak vak pah chuan, "Khami zan khan lo that law law che ila tha tur a nia, engvangin nge hetia min tih a? Mawhh...khawnge Muanpuii?" a ti a. Jimmy-a chuan, "I kidnap anilawmni, tinge min zawh?" a ti a. NAthana chuan a kawr awmah a tham a, "Ka kidnap amaw? News a lo lan veleh min rawn phone a, min rawn vau anilawmni?" a ti a. Jimmy-a chuan, "Aw..vau e, khami ni khan phuba la turin coffe shop thleng kha ka zui ru che u a, mahse news ah khan mi in kidnap thu ka hria a, khavang khan ka rawn deuhsawh che a nih kha, abak engmah ka hrelo." a ti a, Nathana chuan alu a dawm vawng vawng a. Min rawn melh a, "Rinawm, kal ang." a ti a, kan kal ta a. Nathana nu leh pa leh Sanvi te hi Sanvi te in lam, Vizag lama an zin lai ani a, engmah chanchin an hre lo a, bihruk nan Nathana secret room, an inhnuai pilril takah chu kan hmang a. Kima chuan a rawn phone a, "Sir, news kha en teh u." a rawn ti a, computer ah chuan news chu live in kan en ta a. News ah chuan, "Hmeichhe pakhat ruang, kum 25 mi bawr vel chu Salem veng bus stand bula bawlhhlaw paihna kham ah chhar a ni a. Helai bus stand hi kidnapper ina Muanpuii drop atumna hmun kha a ni." a ti a, Nathana nen chuan Muanpuii a nih takin tiin rang takin danglam tehi ang bera incheiin kan pan ve nghal a.

Mipui an lo awm sup sup a, mipui karah chuan mask vuahin, cap vuah ve ve in kan awm ve a. Police ho anlo thleng a, min chhuichhuak tupa special officer pawh chu a lo thleng a. Ruah chu an khuh a, Pu Saia leh afapa Zaia pawh anlo thleng ta a. Zaia chuan ruang chu ava pan a, an khuhna chu ava phelh a, min hliah avangin tunge anih kan hmu ve theilo. Zaiachuan, "Hei hi Muanpuii a nilo." a ti a, Nathana nen chuan kan thaw huai mai a. Zaia a kalsan chiah a, ruang chu a hmel kan hmu chiah chu kan phu dun dawrh thei hial a. Chu mitthi ruang chu Sangtei ngei mai alo ni a, mit khap leklo hian ka en reng hi a ni ber mai. Zaia chu press mi te chuan an kawm a, "He thilah hian enge sawi duh i neih?" an ti a. Zaia chuan, "Enge kan tihsual ni, ka hrethiam biklo. Kidnapper chu pawisa pawh kan pe tawh a, mahse Muanpuii chu kanla hmu silo. Tupawh Muanpuii hmu apiang chu cheng nuai 1 pek pawh ka huam a ni. Chuan Nathana leh Rinawma te kha min lo ngaithla nih chuan, hei hi ka hrilh ang che u, ka man ngei ang che u, kan inhma chhawn ngei ang." a ti a. Nathana nen chuan kan motor lam kan pan lai chuan hnunglam atang chuan, "Ding rawh u." a rawn ti a, kan va hawi phei a, police ho anlo ni a, Nathana chuan, "Tlan ang." a ti thut a, kan tlan ta a, rei fe min um hnu chuan kan hmaah motor a rawn ding a, a chhungah chuan hmeichhe tleirawl pakhat hi alo awm a, "Lo lut ru." ati a, kan lut a, kan tlan ta a. Ram hnuai lamah min hruai a, chunu chuan Nathana bulah chuan, "Tinge Pu Nathan, Muanpuii khan a hmangaih hle che a, New York-a in intawn dan te pawh min hrilh a, mahse nupui i neih tawh avang in tih theih aneihloh thu te, a duh zia che te a sawi a, tinge i kidnap a?" a ti a. NAthana chuan, "Ka kidnap hleinem...thudik chu hei hi a ni." tiin thudik chu a sawi ta a. Chunu chuan, "Ka biak hnuhnun ber chu Kolasib-a ka zin dawn tumin a ni a, dawrah ka kal dawn a, mi ina thil min chah ka pe dawn a ti a." a ti a, Nathana chuan, "chu dawr chu khawi laiah nge a awm." a ti a, chunu chuan a awmna lai a sawi a, kan kal ta a. Dawr chhung kan luh chuan Kima alo awm a, "Control room ah lo kal ru." a ti a, kan kal ta a. Muanpuii chumi dawra a kal ni a CCTV footage kan en a, Muanpuii chu kan zawng a. Nathana chuan, "Third camera khi freeze teh." a ti a. Camera ah chuan Muanpuii chu alo lang a, "Zui zel rawh." a ti a. Muanpuii kalna lai apiang camera chu kan chhui zui zel a. A tawpah chuan ground floor hnuai garage ah a lut a, mi pakhat hmaituam hian a rawn man a, motor chhungah a luhpui ta daih a, a tlan ta a. Nathana chuan, "Car number khi zoom teh." a ti a. An zoom a, Nathana chuan, "Kima, car number khi chhinchhiah la, a owner ka hre duh a ni." a ti a, kan chhuak ta a. Pawn kan chhuak tur chu dawr chhunga TV ah chuan news an rawn puang a, "Kidnapper zinga mi ASP Rinawma nu, damdawiina awm mek chu police ten an kawm a. Press miten engtin nge thu an dawn ilo thlir ang." a ti a. Video ah chuan Press mite chuan ka nu chu an din chilh a, "Ka pi, i fapa hi a inrawlh ve reng reng em?" a ti a. Ka nu chuan zam miahlo hian, "Ka fapa hi kidnapper a nilo, police officer a ni." a ti a, camera lam a rawn hawi a, "Bawiha, khawiah pawh awm la, he video hi i hmu a nih chuan...hlau suh. Doctor pawhin ka tha tawh a ni a ti a, ka dam tawh e. Misual i nilova, case engpawh awm se huaisen takin action ila zel thin. Misual angah an ngai che a, i nihloh zia lantir ang che. Ka fapa i ni a, ka enkawl seilen i ni a, i hlawhtling dawn tih ka hria. Ka fapa, lo haw thuai ang che, ka lo nghak ang che." a ti a, phuba chu ka va han la chiang dawn em, ka nu vang tal pawh hian. Kan chhuak a, motorah kan lut a, Nathana chuan msg a dawng a, "Car owner kha Kima chuan a hmu tawh a nih hi, ahming chu Zorempuia, a address pawh a rawn sawi nghal. Kal ang, vatin." a ti a, kan kal ta a

A hmun kan va thleng a, in chu alo inkalh a. Kan chhuchhia a, kan lut a, a zau ngei mai. Kan en chhuak vek a, Nathana chuan, "Rinawm lo kal teh." a ti a, ka va kal a. Thlalak lian deuh mai banga intar chu min entir a. Chu thalak ah chuan mi pakhat hi alo lang a, "Ehee..." ka ti ringawt a. Nathana chuan, "I hrai em ni?" a ti a. Keichuan, "Aw...Sangtei ka thlah zan khan, ka motor a chhia a, ka siam laiin hepa hian min rawn tlan pel a, thingkung a su a. Ambulance ka ko a, an hruai a. Kal leh mai ka tum a, a motor atang chuan phone a rawn ri a. Ka la a, mahse a tawp hman a. Call back ka tum a, mahse phone chu a inlock a vangin ka hawng theilo a. A phone pawh tunah ka la kawl alawm.." ka ti chiah chu chupa phone ka kawl lai chu a rawn ri a. Nathana chuan phone chu a rawn la a, "Ehee..he number hi?" a ti a. Phone chu a la a, phone ami chuan, "Call che ka tum hnem tawh lutuk, tinge i lak theihloh a? Muanpuii leh a thiannu Sangtei te kha that turin ka ti che a, mahse tinge Sangtei chauh i thah a? Tinge min chhan duh loh a? Muanpuii chu ila that lo tiraw...i la that lo chiang mai. That chu nila a ruang pawh kan hmu tawh ang. Tinge i ngawih reng a? Pawisa i duh belh em ni? Ka lo thawn belh ang che, Muanpuii chu lo hruai la keiman kalo that ang." a ti a. Nathana chu a nui suk a, "Good luck....Pu Zaithanmawi." a ti ta mai a. Nathana'n phone a a biak mek chu Pu Saidingliana fapa, Muanpuii cousin Zaithanmawia, Zaia tia kan hriat kha alo ni reng mai, mahse engtin nge Nathana hian Zaia a ni tih a hriat nghal? Zaia chuan vin zet hian, "Tunge i nih?" a rawn ti a. Nathana chuan, "I game khelh lai ti tawp tu tur ka ni, player ropui tak i ni. Player tam tak an awm a, mahse nang ang em em a game khel phakar thiam hi ka la hre ngailo, i thiam hle mai. I pa in Muanpuii tan a property chanve lai chu a dahtha a, chu chu thikin Muanpuii chu thah i tum a. Chuan Muanpuii en New York-a kan intawn dan vel i hria a, min hmangaih tih i hre bawk a, tichuan min hmang tangkai theih nan ka thiantha ber Rinawma chu a bul tan nan hmanruaah i hmang ta phawt a. Tichuan Muanpuii chu kidnap ta in, tuman an rinhlelh loh nan che Sangtei hmangin min bum leh ta a. CRM dawra Muanpuii kal chu zui ru in, a hnaui garage ah in kidnap bawk a, kha kha kidnapping diktak zawk chu a ni. I kidnap zawh hnu chuan Sangtei i rawn tir a, keiman Muanpuii ka kidnap zawk anga a lan theihna turin Sangtei chu Muanpuii anga insawi turin i ti a. Pawisa kan mamawh ngeina turin ka thianpa Rinawma nu chu motorin i su bawk a, i pa ka rawn phone a, pawisa ka rawn dil khan police ho i pun bawk a. Tin, chung police ho pawh chu he kidnapping drama ah hian i hnuk lut ve bawk a, kha kidnapping lemchan kha, ataka chantir i tum a ni. Khami zana Rinawma'n accident a chhanhim pa kha, Sangtei leh Muanpuii thattu tura i tirh a ni a. Ruang an chhar ni pawh khan ruang kha Muanpuii a nih i ringa, mahse Sangtei zawk alo ni a, chuvang chuan anilawmni kidnapper kha i phone chiam ni? A dik em?" a ti a. Zaia chuan vin zet hian, "Hey...ngawi lawk teh. Ka plan vek chu a ni ngei mai, ka thil plan zawng zawng te hi ka hrilh che ang maiin i hre vek a. Ni e...Sangtei kha chu ka rawn tirh alawm. Chuan, tunah chuan kidnapper phone i kawl tawh a, detail chu i nei vek tawh ang. Mahse hei hi min han hrilh teh, engtin nge keima tih vek a ni tih i hriat?" a rawn ti a. NAthana chuan, "Rukru fing ber pawh hian tihsual an nei ve thin alawm, nang pawn tihsual i nei. Millenium Centre a naute lem zawrh na a i luh kha, i phone kha dah a, phone dang hmang zawk tur che a ka tih kha...kha ka phone hman tir bawk che khan kidnapper chu i phone leh a ni. Khawvel mithmuh ah misual te game khelh dan i entir a ni maithei e, mahse police te hian eng tin nge game kan khelh ve thin i hmu ve dawn a ni." a ti a. Zaia chuan, "Khelmuala in khel tur kan ni lo, he game hi ka game a ni." a ti a. Nathana chuan, "I game nep lutuka tlawm mai tur ka nilo, police ka nih hi." tih pah chuan phone chu a dah a. Keichuan, "Sir, enge kan tih tak ang?" ka ti a, Nathana chuan, "Kidnapper chu khawi damdawiinah nge a awm kan zawng ang." a ti a, kan kal ta a.

Kan tlan lai chuan Nathana phone chu a rawn ri a, phone ami chu Zaia alo ni a, "PU Nathan, i thiannu Muanpuii chuan darkar khat chiah a nei tawh e." arawn ti chu Nathana chuan motor chu a ti ding nghal a. Zaia chuan, "Haha...khatiang thu ho lutukah pawh i hlauthawng a nia. Enteh, kha police game vel i sawi kha kan sawi tha leh dawn mi niang? Game chu a intan e....thu i sawi hnem bawk a, ka thusawi hi lo ngaithla ve rawh le. Kha ka kidnapper khan Muanpuii chu a man ngei a, damdawiina room pakhatah ah a kalhkhum a ni. Room ah chuan oxygen cylinder pakhat chiah a awm tawh a, a zo tep tawh a. Chu room ah chuan boruak dang a lut velo a ni, reilote ah boruak tlachhamin a thi ang. Ka kidnapper mawl lutuk hi khami zan khan Muanpuii a that tawh angin a insawi a, mahse alo la that lo a ni. Kha mi zan khan Sangtei chuan min rawn phone a, Salem Venga a awm thu a sawi a, pawisa min dil bawk a, motor dum alo kal anga, driver in pawisa chu a pe ang che tiin ka hrilh a. Ka kidnapper hi ka phone a, Sangtei thlalak thawnin that turin ka ti bawk a. Sangtei chu a va su a, mahse Sangtei chu a thi ngei em tih fiah tuma ava kal chuan Sangtei chuan a lu ah lungin a chhu a, a tlanchhe ta a. MAhse ka kidnapper chu tho chhuak in Sangtei chu a va man a, a rek hlum ta a, khamah a paih ta a ni. Mahse a lu a hliam avang chuan a lu ahai a, a aciident ta a ni. I thianpa ASP Rinawma lah chuan alo la tanpui zui a, hei kan bulah hian kidnapper chu a awm a, kan man chhuak ta anih hi. Tunah chuan pawisawilo i nih zia i proof dawn nge Muanpuii i chhanhim dawn?" a ti a, phone a dah ta daih a. Rang takin Hospital lam kan pan phei nghal a. Keichuan, "Sir, tah hian Pari (Muanpuii thiannu) nen hian lo awm ula, ka han kal anga, kidnapper chu ka han zawng ang, kan inzui zel chuan min man zawk ang." ka ti a. Tichuan mask ka vuah a, cap dum ka khum a, damdawiinah chuan ka lut ta a. Darkar 1 vel lai ward tina ka zawn kual lai chuan police pathum hian ruang pakhat hi an rawn nawr chhuak a, lehlam ka hawi nghal a. Min kal pel chiah a, ruang ka en let leh chu kidnapper kha alo ni a, a chalah chuan silaikahna tih hriatakin alo kaw phut mai a. Ka chhuak a, Nathana leh Pari te chu motor bulah chuan anlo ding a. Nathana bulah chuan, "Kidnapper an that." ka ti a. Nathana chuan, "Hrep taka..." a ti a, a thinrim hmel hle a. Phone alo ri a, Zaia alo ni a, "Tinge a DCP? Muanpuii awmna chu a hrilh che em? Haha..evidence ka hnutchhiah i ring ami a? Enteh...i mizia hi ka ngaihtuah a, school kan kal lai a thawnthu pakhat kan zir mi ti hrechhuak tlat mai. Khaw pakhat ah hian Lal hi a awm a, fa pahnih a nei a, lalfanu leh lalfapa te an ni. Lal ber a thih hnu chuan, lalfanu leh lalfapa te chuan lal in chu an enkawl ta a. Nikhat chu lal fapa chuan an lalram chu amah chauha enkawl a duh a, lalfanu chu thah a tum ta a. Lalfanu chuan sipai zinga mi pakhat angaizawng a. Lalfapa chuan a sipai te chu enthla turin a tir a. Lafanu chu a kidnap ta a, puk thimtakah a dah a. Sipai pa chuan lalfanu chu a zawng ta chiam a, mahse lalfapa chauh chuan aawmna chu a hre si a. Lalfapa chu tunah khawiah nge a awm i hria em? Chu puk thim tak bulah chuan a awm mek a ni. Thil pakhat ka zawt ang che aw, lalfapa chuan lalfanu chu that ta se, tunge lal ber ni ta ang...keimah hi mawle. Mahse sipai pa chuan lalfanu chu chhanchhuak ta se, lalber chu tunge ni ang...nangmah. Tunah chuan han chhang teh le? Tunge lalber chu ni ta ang?" a ti a. Nathana chuan, "Lalber chu maw..." a ti a, a ngawi vang vang a, nuih suk pahin, "Keimah hi mawle." a ti ta mai a. Zaia chuan, "Enga? Engtin maw? Lalfanu that turin farm house ah chuan ka awm daih tawh a lawm." a ti a. Nathana chuan, "Animaw? Mahse lalfanu chu a tlanchhuak daih tawh alawm. I duh leh zawng ta che.." a ti a. Phone atang chuan Zaia chuan, "A awm lo..zawng ru..zawng ru." a ti vak vak ri hi a hriattheih a. Nathana chuan min rawn melh a, motor lam a melh leh a. Motor chhunga ka zu dak chu Muanpuii chu a lo awm a, min lo nuih sang a, ka phu zuk thei nia mawle.

Zaia chuan, "Hey hmela, engtin nge i tih a?" a ti a, keipawhin chu chu ka zawhna a ni. Nathana chuan, "Khatia phone atanga Muanpuiin darkar khat chiah a neih tawh thu min hrilh khan, damdawiin kan rawn pan a, Rinawma'n kidnapper a rawn zawn hlan khan thil ngaihtuah chhuah ka nei a. Farm house-a kan awm lai khan, oxygen bur ruak tam tak ka hmu a ni. Farm house ah oxygen bur ruak a awm kha mak ka ti reng a, a awmzia chu room pakhat, oxygen awmlohna a awm tih ka hre ta a. Farm house ah khan room tin kan check vek a, mahse kan lo ngaihtuah miah loh chu, room tinah khan english alphabet mal tete in a awm a ni. Alphabet ka hmuh ho kha ka ngaihtuah let a, IRAVDH tih a ni a. Ka rem khawm ta a, hming pangngai anga chhuak thei tur chuan ARAVIDH tih a ni. Chuan farm house chungah khan lian takin ARAVINDH VILLA tih a inziak bawk a. A awmzia chu ARAVIDH tihah khan N a tello a ni. Chu chu risk ah ka la a, N tih inziahna room bik chu zawng tur chuan ka let leh a, tichuan N tih inziahna room chu ka zawng ta a. Ka hmu zo tawh dawnlo emaw ka tih hnuah lehkhabu dahna a thing in remkhawm a N tih inziak chu ka hmu a. Ka namsawn a,a hnungah chuan room alo awm a, ka lut a, Muanpuii chu ka hmu ta a, alo la dam hlauh a ni. Min han hrilh teh Zaite...Zaibawihte...tunge Lalber chu ni ta?" a ti a, Zaia chuan, "Zawngsen..." a ti a, phone a dah a. Nathana chuan Pari bulah chuan, "Pari, Muanpuii hi Commisioner bulah ka hruai anga, thudik kan hailang vek tawh dawn a, media lo ko ang che, kan kalsan phawt mai ang che." a ti a, kan kalsan ta a. Kan kal lai chuan ka phone zawk hi a rawn ri ve thung a, Zaia tho alo ni. Phone chu ka la a, Zaia chuan, "ASP...in thiannu chhan nan chuan in beingawrh hle mai, mahse damdawiina dam lo mek i nu i hteihnghilh daih alawm mawle. A la dam nge, ka thaht tawh tih pawh i hre tawp nang." a rawn ti a, ka hlauthawng ngei mai. Muanpuii chuan ka phone a rawn la a, "Zaia, keimah anilawmni min duh...Rinawma nu kha chhuah rawh." a ti a. Zaia chuan, "Nungdama inla hmu duh a nih chuan ka cement factory ah lo kal ru." a ti a. Factory lam chu kan va pan a, kan thleng chiah chu motor lian chuan min rawn su pawp a, kan motor chuanna chu a vir tawp tawp tih chu ka hria, a bak engmah ka hre lo. Ka mit ka meng leh chu thirbanah phuarbeh kalo ni a, ka bul chiah thirbanah chuan Nathana anlo phuarbet bawk a. Kan hma zawnah chuan ka nu chu thutthlengah phuarbeh alo ni bawk a, a bula thirbana Muanpuii chu phuarbeh alo ni bawk a. Zaia chu a rawn kal a, pistol a rawn keng a. Ka nu chu a va melh a, "I fapa te pahnih hian an chhanchhuak ang che i ti anilawmni, dil ta che, chhanchhuak turin dil ta che." a ti a, a nui huah huah a. Nathana ava melh a, "Helai hmun hi S group of industry tih a ni a, reiloteah Zaithanmawia group of industry tia a hming thlak ka tum a, mahse ka plan ti flop tu chu nang DCP Nathan Malsawmkima hi i ni. Tunah chuan i mithmuh lai ngei hian i thiannu duhtak Muanpuii hi ka that dawn a ni. Han sawi teh le...tunge chak zawk chu? Kei nge nang?" a ti a. NAthana chuan, "Chak leh chakloh in awmzia a nei lo, chaklo zawkte pawh hi chak zawk nihna dinhmun an chang thei asin." a ti a. Zaia chuan, "Chak zawk angah i inngai amaw?" a ti a. Nathana chuan, "Ka mithmuh lai ngeia Muanpuii thah theih i inring a nih chuan engtin nge ka chak zawk dawn a ni tih ka rinloh bik anga?" a ti a. Zaia chuan pistol a Muanpuii tin pahin, "Ka kap anga, a thluak adarh vek a nimai." a ti a. NAthana chuan, "Tom Black Model, 9mm pistol, Calibre 45 ACP. Trigger - single action. Maximun capacity - eight rounds. Weight - 1077 grams, loaded maxine weights - 123 grams, Total weights - 1200 grams. Mi tupawh in point blank a Tom black model pistol a mi an tin a nih chuan, a kut dah dan chu 45 degree a ni tur a ni. Mahse i kut dah dan kha en teh, 40 degree chauh anih kha. A awmzia ila hre nange, i pistol ah khan a mu a awmlo. Engtin nge silaimu awmloa i kah theih anga?" a ti a, Zaia chuan a pistol chu a maxine a phawrh a, "A awm chiang alawm, keima load ngei ania."a ti a. Nathana chu a nui ta vak vak a, a kut phuarna chu a lo chat vek tawh chu niin, Zaia a biak pah khan a rukin an phuarna kut chu a zungbunin a lo nawr char char hi alo ni a, a tlan thut a, Zaia chu a va tlawh tlu a, pistol chu a thlauh a. Nathana chuan, "Police game i khelh pui anih chuan tlema fin ve deuh angai asin." a ti a, midang chuan an rawn rawn khawih an tum a, a mal te te chuan a sawisa ta chiam chiam hlawm mai a. Pakhat chuan chem a rawn vih a tum a, mahse lo bumin chem chu alak sak a, a malpuiah a vih sak a. Chem chuan min phuarna chu a rawn sat chat a, tichuan kan pahnih chuan kan che ta a. A tawpah chuan an vai mai chuan kan man thei ta a, Pari pawh police leh media mi te nen anlo thleng a, Zaia leh a pawlte chu an man ta a.

(After two weeks)

S Group of Industrial Company ho chuan an function neihna ah chuan kan dept ho chu min sawm ve a, kan kal ve ta a. Pu Saidingliana chuan, "Vawiin ni hi ni pawimawh tak mai ani a, kum 20 chhung tehmeuh ka fanu tana ka lo dah tawh, ka property chanve chu vawiin hian ka hlan dawn a. Chumai nilovin vawiin ni hian a chanve mai nilovin, a pumin, he company MD nihna chelh bawk turin ka fanu hi ka neih zawng zawng ka pe tawh dawn a ni." a ti a. Muanpuii chu alo dingchhuak a, paper ah chuan a sign a, S Group Company MD a ni ta a. Muanpuii chuan, "Ka nunah hian mi pawimawh tak tak an tam hle a, chung zinga a pawimawh zual te chu ka fanu, PA tia koh tur nei velo hi a ni a, min hringtu pa ang chiaha ka en, amah pawhina fanu an chiaha min en tu, ka patea, Saidingliana hi a ni a, a pathumna chu, keimah vanga engkim tuara, misual anga an ngaih, mahse min chhnachhuak tu, tun thelnga nungdama ka la awmna chhan, DCP Nathan Malsawmkima hi a ni. Lawmman pek ka duh a, an dept tan hian cheng nuai 10 ka pe duh a, khawngaihin Pu Nathana lo chhuak se." a ti a, Nathana chu ava chhuak a, pawisa chu ava dawng a. NAthana chuan, "Ka lawm e Muanpui, dam reng ang che." a ti a, an innuih a, tichuan tluang takin function pawh chu kan hmang zo thei ta a. Pathian zarah Nathana nupui pawh a rai ve ta, alo pian hunah anu leh pate a chhun chuan ava hmeltha dawn em!

THE END