NATHAN (Episode-17)
NATHAN (Episode-17)
VENOM
(Title-a ka hman 'Venom' tih hi movie hming atanga ka lak a ni a, mahse ka lak nachhan erawh thildang vang a ni, a thawnthu pawh ka copy tihna anilo tih minlo hriatpui dawn nia...I'm not a plagiarist.)
Ahmaa kan sawi tawh ang khan kan DGP hian cancer natna a vei mek a, a chau ve tawh hle mai. A retire a hun ve tep tawh tih chu kan hriat vek ka ring, kan hlauh ang ngei ngeiin damdawiinah a awm a ngai ta a. Kar 3 vel lai chu a awm tawh a, DGP a awm hrih loh avang chuan kan Police Dept ah chuan Nathana chu a thu ber hrih a. ACP thar kan nei a, a hming chu Laltlanthanga a ni. Mi chapo tak leh a mi mante dim hauh lo a, sawisak hrep ching mi a ni a, Nathana nen chuan kan mil chiahlo hle mai. Kei aiin a thu zawk a, ka chung chiah a ni, kei ASP ka ni a, Tlanthanga erawh ACP a ni thung (episode 1-5 ah khan Nathana hi ACP a ni.), tichuan chu ACP chapo tak te nen chuan kan thawk ho a, dan (law) lah chu a hre phian lehnghal. Nathana pawh nupui nei tawh anih avangin hnathawh naah tihloh chuan kan inhmu khat hle mai, Sanvi pawh chu pasal nei tawh a nih avang chuan lemchan lam chu a chawlhsan ta hrih a, Nathana erawh Police hna chu a retire hma chu thawh a tum thu a sawi bawk a. Nathana hi sawi leh ta thin ila..ala naupang a, a fin rual rual hian a naupangchhiatna lai hi a lang leh thin. Tihtauh a hrat a, min biak duh miah loh chang te, ho te te a min vin hrep hrep changte hio a ngah thei khawp mai. Mahse mi fel leh hawihhawm a ni a, amah aiin thulo zawk mah ila, amah aiin ka upat avang hian min zahder thiam a, chumai bakah constable ho pawh a mah aia upa chu a 'pu' thlap thlap zel, hei hi ka fak ve na chu a ni. Deputy Comissioner of Police ni pha chin ah chuan Nathana hi ala naupang ber awm e, kei erawh Nathana ai hian kum 5 laiin ka upa a, mahse kan kum zat chu sawi lo mai ang, a zahthlak emai. Hmana ka sawi thin Tluangtei ka cousin kha inla hriat chuan khanu paw kha kan sawi lang ve leh lawk anga, Tluangtei kha kan inah kum 1 chuang alo awm tawh a, min duh ve deuh tih chu ka hria, kei phei chuan ka duh lutuk, mahse ka bem ngam hlawl lo a ni, kum 1 chhung chengho tawh kan nia, bem pawh ka la bem ngamlo ania, induh veve chung si hian, nupui neih chu ala hla vang vang dawn hle mai. Han sawi belh leh vak tur ka hre tawh lo, tun tuma kan hnathawh tur hi engtiang chiah a hautak nge i han thlir dawn teh ang u hmiang.
Ka day off ni a ni a, TV en pah chuan thingpui ka in a, off day hi chuan tihtur avang thin hle mai. Ka phone a ri a, Nathana a lo ni a, "Hello, Rina, thil duhawmloh deuh kan dawng tlat mai. Stationah lo phei vat teh, hmanhmawhin." a ti a, keichuan, "Enge thlenga?" ka ti a. Nathana chuan, "Khatla venga, Spy TV (fiction) a thawk, Chanmari-a i pu Hminga tupa Johnny a, reporter kha i hria em?" a rawn ti a, keichuan, "Aw..hria e." tiin ka chhang a, Nathana chuan, "ACP Tlana'n a man a, college student pali nen, lo phei teh." a ti a, ka phu zawk a. Ngaihthalo tak chuan, "Engati nge a man ve ngawt a?" ka ti a, NAthana chuan, "Proofna tha tak a awm a ti lehnghal a, hei tunah custody ah an awm mek ania, Johnny-a pa..Pa Ngura leh a lawyer Chhana te pawh ka phone tawh a, anlo thleng tep ang. Chhuah zalen theihna dan ka nei bik silo a, lo kal phawt rawh." a ti a. Tichuan keipawh hmanhmawh takin ka insiam a, Station lam chu ka va pan ta nghal a. Station ka va thlen chuan ACP Tlana chu inti thu takin a seat ah chuan a lo thu a, Johnny-a pa leh lawyer pawh an lo thleng ve chiah a. Johnny-a leh mi 4 dang te chu a bulah chuan anlo ding tlar thap a, Nathana pawh chu angaihna hriat loh hmel takin a lo ding ringawt a. Johnny-a chuan, "Ka pu, tinge min man a?" a ti a, ACP chuan hmel nelawmloh zet hian, "Tunge i nih a?" a ti a. Johnny-a chuan hlauh hmel takin, "Johnny-a ka nia..." a ti a. ACP chuan, "Eng hna nge i thawh?" a ti leh a, Johnny-a chuan, "TV Reporter ka nia, he forgery case ah hian inhnamhnawihna engmah ka neilo." a ti a. ACP chuan, "Umm....khawi company nge?" a ti leh a, Johnny-a chuan, "Spy TV." a ti a. ACP chuan, "Spy TV a??" tih pah chuan a nuih nghek nghek a, ka lo thinrim khawp a. ACP chuan vawi leh khatah na em em hian Johnny-a hmaiah chuan a beng hawi thuai mai a, Johnny-a chu a thinrim hmel hle mai. Chutih rual chuan keipawh ka thinrim a, ka che hman uai a, mahse rang takin Nathana chuan minlo dang a, a lu a thing a, ka inbeng dai hman hram a. ACP chuan thinrim hmel tak hian, "Chuan...enge ni vak a? Reporter te chu Pathian an ni bik a mi? Van atanga rawn kal anni bik a mi? In TRP a san zel theih nan sting operation in ti a, in camera hmun tinah in hung fer fur a, chuan in channel ah in pholang a, kan reputation tih chhiat nan leh tlakhniam nan..ani tiraw? Chuan mipui hmaah Police tan kan thawk e, in ti leh vel a. Tunah chuan lo en reng rawh, kei ACP Tlana hian heng zawng zawng hi ka ti tawp vek dawn a ni." tih pah chuan a beng leh siah mai a. Ka insum zo tawh lo, "Hey, engvangin nge kut i thlak vak vak a, chhan awmloin khatia i tih vak vak a? Engvangin nge i man reng reng a, khatia kut thlak vak vak lo khan a chhan sawi ta che." ka ti a, hmuhsit hmel deuh hian min rawn en a, "ASP Rinawm, kei aiin i thawk rei tawh a ni thei e, mahse i senior ka nih hi aw..." a rawn ti a. Nathana chuan, "ACP...enge a chhan sawi rawh." a ti a. ACP chuan, "Education loan forgery vanga hemi te hi man ka ni e." a ti a. Johnny-a leh midang 4 te pawh chuan mak an ti in an hriatthiamloh hmelhlawm hle mai. ACP bawk chuan, "Heng mi panga te hian bank ah kalin, bank manager te chu an bum a, education loan an va la a ni. Oxford leh CAmbridge University ah te kalin, heng mite hi ME, MH leh PHD zirlai angin an insawi a, bank ah kalin fake certificate an ve submit a, chupawh a hran theuh lehnghalin. Mahse chu hun vek ah chuan, bank panga lai an bum a ni. Cheng nuai khat, nuai hnih tih vel mai mai a nilo, nuai 13 chuang eiru in bank hrang hrang te chu an bum a ni." a ti a. A mi man te zinga pakhat Akima chuan, "Sir, engmah ka ti velo, engmah ka hrelo." tap pur hian a rawn ti a, constable pakhat chuan a tukhuma ben pahin, "Hey, Sir tawng laiin engmah lo sawi suh." a ti a. Keichuan thinrim zet hian, "Chutiang thil an ti ngei a ni tih enge proof-na i neih?" tiin ka zawt leh a. ACP chuan rum zet hian min melh a, "Ka thawhpui i nih avangin engtin mah ka tilo mai mai che a ni ASP RInawm, i senior ka nih hi. Anih chuan ngaithla rawh...." a ti a, a dawhkan hnuaia file lak chhuah pah chuan, "Heng misual panga te document submit ho chu he file chhungah hian a awm a, original chu ang hle mah se, duplicate vek a ni. Kha en rawh u, fake college certificate, fake election card, fake ID card, fake passport, fake marksheet, fake ration card, fake adhaar card, fake driving license, fake visa, fake degree certificate..kha en ru." tih pah chuan a rawn theh thla a, keini chuan paper te chu la in kan en a, a sawi ang ngeiin chung lehkha ah te chuan fake seal a in chhu vek lehnghal a. Johnny-a chuan en pah chuan, "Ehe...ka ID, ka passport...ka signature pawh a awm..enge awmzia?" hrilhhai tak chuan a ti a, ACP chuan, "Kha vang kha alawm ka man che u...chuan ngaithla rawh u, Aizawla bank zawng zawng ah kalin fake address nen heng lehkha ho hi a post a, chuvang chuan kan chhuichhuak thei ta lova. Mahse nithum hnuah bank lamin verification an dil a, he information hi KBC channel atangin kan hre ta a, tichuan investigation kan neih hnu in, kan man thei ta a ni." a ti a, a thusawi ah chuan a chian hmel em em mai lehnghal a. ACP bawk chuan, "Document zawng zawng hi police station zawng zawng atangin kum khat kal ta khan kan dawng a, chuvang chuan kan man ta a ni...he stationa ka thawh hma pawh khan he stationa tang hian document lak tel ve a ni a, chungte chu i hre ve nange ASP." min melh pah chuan a ti a, hnek thal tawp mai ka chak a, mahse ka senior a ni bawk si. Lawyer Chhana chuan, "SIr, engmah thutawp la siamlo la, he document hi chhuichian leh min phalsak rawh." a ti a, ACP chuan, "Ka pu, hepa hi a thi amaw, a dam emaw, vote athlak thei emaw theilo emaw, thutawp siam thei tu awmchhun chu he document hi a ni." a ti a. Kan ngawi ta thap hlawm a, ACP bawk chuan, "Constable, FIR ziak ula, an vai hian jail ah khung vek rawh u." a ti ta mai a, Johnny-a pa, Pa Ngura chuan, "Ka pu, khawngaihin ti hian ti suh, ka fapa hian tihsual a neilo." a ti a, ACP chuan, "I sawi duh apiang chu court ah i sawi dawn nia." a ti a, Pa Ngura chuan, "Nilo..ngaihtuah chiang leh rawh ka pu." a ti a, ACP chuan Pa Ngura namthluk pah chuan, "I ninawm hle mai." a ti a. Johnny-a chuan ACP Tlana chu a tlawh thal nghal thuai mai a, "Ka pa kut i thlak a maw? ZAwnga.." a ti a, a thinrim hmel hle mai. ACP chuan, "Police kut min thlak a maw? COnstable..sawisa rawh u." a ti a, constable ho chuan Johny-a chu an chhuih rawn hrep mai a. NAthana chuan, "Ngawi rawh u..a tawk." a ti a, an ngawi thap mai a. Nathana bawk chuan, "Hetah buaina siam angai lo, court ah hruai rawh u." a ti a, court lam pan chuan kan kal ta a.
Court ah chuan thu tam tak an sawi hnu chuan judge chuan thutawp a siam ta a, "All the accused together prepared a fake document and took a loan from bank based on it. It is a crime per law, so..all these accused who took 13 lakhs from the bank, the court orders them to deposit this money within 10 days at the court." a ti a, Johnny-a hmel ka va en a, a thinrim hmel kher mai. Judge bawk chuan, "IPC sec-120B, 417 leh 420 hmangin, heng mi 5 te hi kum 7 chhung jail ah an tang tur a ni. Tin, heng mi 5 te certificate zawng zawng pawh hi cancel vek a ni." a ti ta mai a. Tichuan Johnny-a te leh mi pali dang te chu prison van ah chuan kan phur a, an tap pur hlawm a. Anzinga pakhat Akima bawk khan, "Nakin lawk ah chuan TV ah kan hmel te tilangin misual angin min puang anga, kan va mualpho dawn em." a ti a, a tap a. Akima bawk chuan ACP bulah chuan, "Ka pu, khawngaihin i phone min lo hman tir thei angem?" a ti a, ACP chuan, "Enga? Ngawi reng khan thu mai mai rawh." a ti hrep a. Nathana chuan, "Tugne i hming?" a ti a, Akima chuan, "Akima ka ni e ka pu." a ti a, Nathana chuan, "Engvangin nge phone chu i hman duh a?" a ti leh a, Akima chuan, "Ka pa hi a damlo a, zai angai dawn a, mahse pawisa nuai 1 a ngai a, ka hnathawhna a loan puk turin ka kal a, mahse minlo man ta sia." a ti a, Nathana chuan, "I nu leh pate chuan an man che tih hi an hria em?" a ti leh a. Akima chuan, "Aih hrelo ka pu." a ti a, Nathana chuan a phone chu a pe a, ACP Tlana chuan, "Sir, tinge phone i hman tir a, criminal an nih kha." a ti a, Nathana chuan, "Lo ngawi rawh...i tawnghnem tawh lutuk." a ti a, ACP chuan rum zet hian Nathana chu ala melh zui." Akima chuan a nu chu a phone a, loud speakerah a dah lo nangin a nu tawng pawh chu a hriat thei vek a. Akima nu chuan, "Hello, bawiha..i va rei ve, khawnge i awma?" a ti a, Akima chuan tap chungin, "Nu...ka pa enge a an?" a ti a, Anu chuan, "Hei, operation tih a hun dawn tawh a, pawisa chu i va puk ta em?" a ti a. Akima chuan tah hawm hawm pah chuan, "Aih ka nu..ka theilo, fake certificate siam ah min puh a, min man a ni ka nu, engmah tih theih ka neilo." a ti a, anu chuan mangan hmel tak hian, "Enga? Bawiha enge awmzia?" a ti a, chutia a sawi lai tak chuan doctor chuan, "Ka pi, i pasal operation tih a hun tawh a, pawisa chu khawnge?" a ti ri hi a hriattheih a, Akima nu chuan, "Aw..ka fapa in alo la dawn." a ti a, Doctor chuan, "Ti vat ru, darkar khat bak kan nghak thei tawhlo che u, anih loh chuan i pasal pawh hi kan chhan theilo ang. Pawisa neiloin tinge in in admit reng reng a, private hospitalah kher leh nghal, sorkar damdawiin tam tak a awm a, tah chuan kal mai tur a lawm." a la ti zui a. Akima nu chuan, "Bawiha, khawnge i awm?" a ti a, Akima chuan, "Police te bulah, Nu...ka zir san theih nan theihtawp i chhuah a, mahse engmah sawtna a awmlo, ka va han nep tak em, min ngaidam rawh aw nu..." a ti a, Anu chuan, "Bawiha, pawisa chu neilo mahla lo let leh hram rawh.." a ti a, anu pawh chu a tap a. Akima chuan phone chu dah chuanlo chuan minpe a, chuveleh Polive van hnung kawngkhar chu a hawng thut a, a zuang thla ta thut mai a. Ka au rual thawt hlawm a, motor chu a ding a, Akima chu lamlianah chuan a lum tawp tawp a, Truck lian tak mai chuan a chil zui a, thisen a per chhawk mai a, a thi chiang ngei mai. Akima nu chuan phone atang chuan, "Bawiha, bawiha enge thleng a?" a rawn ti lawm lawm a, motor atang chuan kan chhuk vek a, Akima ruang awmna lam chu kan pan khawm a. ACP lah chuan ring zet hian a phone phawh pah chuan, "Hello, control room...accident a thleng e, Akima, kan miman te zinga mi chu tun mai khan a thi." ala ti vak vak zui. Phone lah chu off nachang kalo hre silo a, Akima nu chuan alo hre pha vek chu niin, "Akim..nilo..Bawiha." a ti a, a tap hawm hawm a.
Akima a thih tak si ah chuan Court chuan Johny-a leh mi pathum dang te chu bail chhuah a phal ta a, inquiry tih hmabak in order a pass ta bawk a. Zanah chuan Nathana nen chuan Johnny-a te inah kan va leng a, an lo lungngaih hmel hlawm khawp a, lawyer Chhana pawh chu a awm ve bawk a. Johnny-a pa chu room ah a lut a, paper tam deuh hi a rawn keng chhuak a, lawyer pek pah chuan, "Chhana, hei hi la rawh. Kan house document a nih kha, court ah chuan va kal la, he kan in hi hralh la, a pawisa chu va pe ang che. Keini chu Mizoram kan chhuahsan mai ang, abak tihtheih kan nei lo." a ti a, Johny-a chu ngawi rengin a thu a. Nathana chuan, "Pa Ngur, a tullo...court ah remaining deposit va pek avang khan buaina hi a reh phah dawn lo. In fapa Johnny-a hi lehkha in zirtir man a awm nang, ngaihtuah rawh. Sorkarin a certificates zawng zawng a cancel sak vek a, tuin nge hna pe anga?" a ti a. Johnny-a bulah chuan Nathana chu file nen a va kal a, "Johnny, hei hi la rawh, he case-a detail thenkhat ka lak khawm te annih kha. Nangmahni chungah chauh hetiang thil hi a thleng lo ania, kum 2 kal ta khan Champhaiah mi pahnih chu hetiang case vang hian man anni tawh bawk a, kum 4 kal ta khan Shillongah mi pahnih tho chu hetiang vang hian man anni tawh bawk. Midang chungah pawh ala thleng zel ang, an address te, an hming te a in ang a, mahse an khua hi a in ang tak tak miahlo a, an inhmelhriat hlawm bawk hek lo. He thil thlenna chhan bul pui ber chu, Fake Certificates hi a ni." a ti a. Johnny-a chuan, "Anih chuan...enge awmzia ni ta ang?" a ti a, Nathana chuan, "A awmzia chu, heng education loan in la anga an puhna che u kha, kha loan kha midang lak a ni a, chuan pawisa pawh chumite chuan an chang vek a ni. A awmzia chu fake certificates siam tute hi eng goup emawni an ni, thawk ho anni. Anmahni chu kan man a pawimawh ber, in certificate te hi an copy a, tichuan seal lem te nen, tikhan anmahni bawkin bank ah pawisa chu nangmahnin inpuk angin an sawi a, sumdawnnan an hmang che u a ni." a ti a. Johnny-a chuan, "Sir, engtin nge kan chhuichhuah ang?" a ti a, NAthana chuan, "Keini chauh nilovin, nangmah hi i pawimawh ber ania Johnny. Mi naran angin ngaihtuah suh, TV Reporter i nihna ang khan han ngaihtuah teh." a ti a. Johnnya chuan an in chhung chu a en kual a, a college degree certificate an in banga an tar chu a la thla a, Nathana bulah chuan, "Sir, heta ka thlalak hi, police stationa fake document min entir a ka thlalak awm nen khan a inang chiah chiah mawle." a ti a. Kei chuan, "A awmzia chu i college certificate-a i thlalak hi a leakout a nih chu." a ti a. Nathana chuan, "A theih loh, Sorkar College ah chutiang thil a thleng theilo, midangin an ti zawk a ni." a lo ti a. Johny-a chuan, "E taka, he ka thlalak hi hmun dangah pawh ka hmang tak e." a rawn ti a, Nathana chuan, "Khawi hmunah?" a ti a, Johnny-a chuan, "Zarkawt ah..Dot Consultancy (fiction) dawrah khan, ahla vak lo, km khat vel animai heta tang hi chuan." a ti a, NAthana chuan, "Kal ang u." a ti a, a zan azan in chumi hmunah chuan kei leh Nathana leh Johny-a leh Lawyer chu kan chhuak ta a.
Dawrah chuan kan kal a, mahse dawr chu tala in alo inkalh a. Abulah chuan pitar pakhat hian chawhmeh a lo zuar a. Keichuan, "Ka pi...i va nghak rei ve a..." ka ti a, pitar chuan, "Ni e, ka haw tep tawh." a ti a. Keichuan, "He dawr hi zingah dar engzat ah nge an hawn thin?" ka ti a, pitar chuan, "Kha dawr kha chu an hawn tawhlohna a rei leh tawh, tumah anlo kal ngailo." a ti a. Chutia kan inbiak lai chuan Nathana chuan tala chu lungin alo chhuchhia a, keichuan ka hlauthawng deuh a, "Sir, engemaw i tih le? Uniform pawh kan hak loh hi, warrant pawh kan neilo a, buaina kan tawk thei asin miin min hmu ange.." ka ti a, Nathana chuan, "Hunrei tak chhung he dawr hi a inhawng tawhlo a, mahse tala hi en teh u, ala thar tha em em a, chuan kawngkhar bul pawh hi a fai tha em em a, bawlhhlawh a awm lo." a ti a, tala chu kan en a, a la thar that mai bakah ala tle var var a. Nathana bawk chuan, "A awmzia chu helai hmunah hian tu emaw chu a kal fo tihna a ni." tih pah chuan a chhungah a lut a, kan zui lut a. Paper tam zet mai hi hmuntinah chuan a lo in rem teuh mai a, chutah chuan fake certificate copy chu kan zawng ta hlawm a. Kan hmuh zawh ngang loh avang chuan Johhny-a pawh a thinrim hle mai, a mangang tawh bawk si chuan au vak vak pah in chair te chu a pet tlu a, paper te chu a theh darh a, bawlhhlawh bawm chu a la a inchung ceiling chu a vawm vak mai a. Chuveleh ceiling chu a keh a, inchung pawp plastic keh atang chuan vaivut hi a rawn tla nuai nuai mai a, paper a rawn tla nuai nuai bawk a. Paper chu Nathana chuan a en a, fake certificate alo ni a, chuveleh thutthleng a la a, inchung chu a han vawm ve a, a keh a, vaivut leh paper tam tak hi a rawn tla ta teuh mai a. Johny-a chuan a en kual a, "Engeneering, Mba, Mcom, BSc...fake certificate vek a nih hi." a ti a, Lawyer chuan, "Johnny, enteh...hei MBBA certificates anih hi." a ti a, Johnny-a chuan a en a. Lawyer tho chuan, "Heta pawh hi fake certificate, nangma hming ang chiah, Johhny Zothanmawia. Mahse oroginal a ang lutuk, en chhin teh" a ti a, a en leh a. Nathana chuan, "Heta hi seal ka hmu e." tih pah chuan seal chu dawhkanah a dah a. Paper blank a la a, seal hrang hrang chu paper-a chhut zel pah chuan, "Pachhunga University, Hrangbana College, Aizawl College, Aizawl North College, Icfai University, J Thankima college....Aizawla College seal chu a awm vek a nih hi." a ti a. Lawyer chuan, "Mahse Bank-a loan lak nan chuan University Certificate chu a tawk mai lawm ni? Document dang ala ngai cheu tihna ania..." a lo ti a, Nathana chuan, "Kan rindan chuan hengmite hian bank ah educational loan an la angin kan hria a, mahse chutiang nilovin, fake certificates hi midang hnenah an hralh zawk a ni." a ti a. Lawyer chuan, "Chutianga an hralh anih chuan tinge hetah hian certificate ho hi an dah si a?" a ti a. Nathana chuan, "Achhan chu heng certificates te hi a chhe tawh a, a expire tawh a ni. En ula, heta hi printing mistakes tlem tete a awm nual hi..."a ti a, kan han en a, print sual a lo awm nual a. Nathana bawk chuan, "Hemi te hi group satliah anni lo...Scam lian tak ani. Ka rindan chuan, helai hmuna mi lo kal te hi an hming leh certificate te an lo en sak a, chung original certificates te chu fake certificates te nen a inmil turin anlo siam rem tihna a ni." a ti a. Johny-a chuan, "Enge awmzia?" a ti hu a, Nathana chuan, "Entirnan, i hming Johny-a a ni a, Northeast India ah hian private leh government chhiar telin University 48 vel a awm a, chuan college 200 vel chu he University 48 te hnuaiah hian an awm a, chung college zawng zawngah chuan Johny-a tih hmingpu pakhat tal chu zirlai te zingah an awm ngei ngei dawn chiang sa a, chuan a original document leh certificate te chu an lo copy ruk sak ta a, tichuan fake certificate 1000 chuang vel chu a ma hming chuan an siam ta a ni." a ti a. Nathana chuan certificate pahnih chu la in dawhkanah a dah a, "Enteh u, he fake certificate pahnih hi en ula, an hming hi a in ang a, Rozuala ve ve an ni, address a in ang a, degree pawha inang, mahse thlalak erawh a in ang ta lo thung." a ti a. Lawyer chuan, "Heng fake certificate te hi original anga an siam hian enge hlawkna an hmuh a?" a ti a. Johny-a chuan, "Ka rindan chuan background certification atangin tumah an manchhuak thei dawnloh vang aniang, a hralhtu pawh a him a, a leitu pawh a him." a lo ti a. Nathana chuan, "Adik chiah.." a lo ti ve bawk a. Lawyer chuan, "He tah hian an thlalak a awm vek a, heta tang hian an manchhuah mai theih lawm ni." a ti a, keichuan, "Chutin thlalak atang khan kan man thei ngawt hleinem, khawiah nge an thawh a, an awmna hmun kan hre silo alawm." ka lo ti a. Nathana chuan, "Tute nge an nih a, khawiah nge an awm...eng hna nge an thawh..engmah kan hrelo. Mahse kan va zawnchhuah angailo ang, anmahni zawkin min rawn pan dawn a ni." a ti a. Johny-a chuan, "Engtin?" a ti a, Nathana chuan, "Fake certificate tuna kan hmuh ho hi, tuna hna lian tak tak thawk ta te hi, fake certificate hmanga tling mai mai anni tih news ah kan puantir ang." a ti a, Johny-a chuan, "Atha e...kan channel kan phone nghal ange." a ti a, tichuan dawr chu kan chhuahsan ta a.
Atuk news ah chuan fake certificate vanga tling a, hna hmu ta te leh sumdawnna lian tak tak nei ta te chu an puang ta a, Zoram puma deng chhuak hneh hle mai, mite titi ber a ni ta a. Nathana tum dan chuan, heng thil ti leakout tu hi fake certificate siam tute chuan rawn zawn chhuah an tum anga, kan hnen an rawn thlen ve leh keinin kan lo man dawn a ni. Stationah chuan ka office ah ka thut mai mai lai chuan Lawyer chhana chu a rawn lut a, "Tinge min tel ve a?" a rawn ti ringawt a, ka hrethiam lo ngei mai. Hrilhhai tak chuan, "Enge awmzia?" ka ti a. Lawyer chuan, "Fake certificate vanga hlawhtlingte ah khan ka hming a tel ve rigawt a nia...ka mualpho ange." a rawn ti a. Nathana a lo lut a, "Lungngai suh...keiman ka ziak tel a nih kha." a rawn ti a, mak ka ti hle mai. Lawyer chuan, "Tinge?" a ti a, Nathana chuan, "He misual pawlte zinga mi pakhat hi nangmah hmangin ka man dawn a ni." a ti a, Lawyer chuan, "Enteh Sir, ka hlau teh mai ania aw." a ti a, Nathana chuan, "Hlau suh ka awm alawm, i lo kal hi ka ring reng a, ka lo nghak che alawm. Johnny-a pawh a lo thleng tawh a, tihtur kan nei. Engmah min zawt lo la, che chhuak nghal ang u." a ti a, kan chhuak khawm ta a. Hmun pakhat ah hian Nathana chuan min kalpui a, motor ah chuan kan thu khawm a, Lawyer erawh motor atanga hla vak lo, kan hmuh phak tho si ah chuan Nathana chuan a awm tir a, phone in kan inbe pawp reng a. Lawyer chuan, "Awm rawh i tihna hmunah chuan ka awm tawh e, enge ka tih dawn?" a ti a. Nathana chuan, "Ngaithla rawh, hlau lola, nakin deuhah an rawn kidnap dawn che." a ti ta mai a, Lawyer pa chuan hlauthawng takin, "Enga? Ka duh lo chutiang.." a ti a. Nathana chuan, "An kidnap loh che chuan kan manchhuak thei dawn lo asin, mahse tunge an mahni chhuitu hi min hriat chhuah hma loh chuan an la rawn kidnap mai lo ang che, an zuiru ringawt ang che." a ti a. Lawyer chuan, "Ava hlauhawm duhawm ve...chubakah engtin nge i hriat lawk theih a?" a ti a, NAthana chuan, "I veilam kha en la, tu emaw ni phone hmang mek i hmu em? Building verandah ah khan?" a ti a, Lawyer chuan a veilam building en chhoh pah chuan, "Aw.." a ti a. Nathana chuan, "Chuan...i dinglamah khan, pen 10 vela hla ah khan bike bula ding pahnih te khan nichin atang khan an en char char tawh bawk che." a ti leh a, Nathana sawi ang zel chuan bike bula mi pahnih te chuan Lawyer chu an en deuh reng a. NAthana chuan, "I hma lam kha en leh la, kawng lehlamah chiah khan mi pakhatin phone hmang chungin a en reng bawk che." a ti leh a, Lawyer chu a hlauhthawn hmel tawh hle mai. Nathana bawk chuan, "I hrelo maithei a, mahse tukin atang tawh khan hemi te hian an zui char char che, police station i rawn kal pah pawh khan." a ti a. Lawyer chuan, "Khawnge in awm hrim hrim a?" a ti a, Nathana chuan, "I veilam atanga dawr 7 na bulah khan, kuhva zawrhna bulah, police jeep ah Johny-a leh kei leh Rina kan awm." a ti a, Lawyer chu a rawn hawiphei a. Nathana bawk chuan, "Kan plan hi a fuh dawn chuan, an kidnap che a ngai." a ti a. Lawyer chuan, "Anni pawn min kidnap na turin plan an nei ve ngei anga, engtia min tih nge i rin?" a ti a, Nathana chuan, "I bul deuh lawkah khan T-shir var ha in thingpui a in mek a, i hmu em?" a ti a, Lawyer chuan, "Aw, chuan..?" a ti a, Nathana chuan, "Va kal la, va be rawh...engemaw thil ho mai mai pawh va sawi rawh. Duhtawk rawh..ka tih hma chu be char char ang che." a ti a. Lawyer chu va kalin chupa chu a va bia a, chupa chuan mak alo tih hmel hle mai. An inbiak lai chuan Nathana chuan, "I ID card hmuh rawh." a ti a, LAwyer chuan chupa chu a ID card a hmuh a, chupa lah chu a hrilhhai hmel hle mai. Nathana chuan, "Enge maw dawt phuahchawp emaw chhuanlam ho deuh deuh sawi la, tichuan nichina ka mi hmuhho te kha kawk kual rawh." a ti a, Lawyer pawh chuan a ti ve zel a, Nathana chuan, "I ID card kha khapa kha pe rawh. Chuan i kalsan dawnnia." a ti a, Lawyer chuan a card chu chupa ipteah chuan a dah luih sak a, Lawyer chuan a kalsan ta a. Lawyer kalsan veleh chuan chupa chu mi 10 vel hian an rawn hnek rawn ta luai luai amai a, a bag ah lai chu an lak sak a, tichuan an kalsan leh ta daih mai a. Lawyer pa lah chu nui huah huah chung chuan, "Sir Nathan, kan plan chu a va han fuh em em, haha...tunah chuan min kidnap dawn tiraw..ka inring e." a ti ham ham a. Nathana chuan, "An kidnap leh dawn lo che...an that dawn che." a ti ta mai a. Lawyer chuan hlauthawng takin, "Enga?" a ti a, a hnungah chuan an rawn um a, Nathana chuan, "Muang changin kan motor lam hi rawn pan rawh." a ti a, chumi te chuan an rawn umphak tep a, Lawyer chuan, "Sir, min man tep ania, enge maw tal han ti teh." a ti a, a hlauthawng kher mai. Nathana chuan, "TLAN RAWH LE." a tih rual rual chuan kan lam pan chuan Lawyer chu a rawn tlan a, kan zawn a rawn thlen chiah chuan NAthana chuan, "Rinawm..tunah.." a ti a, motor atang chuan kan chhuak dun a, an zinga pakhat chu Nathana chuan a tlawh thal nghal pawp a. Keipawh chuan pakhat chu ka rek bet a, chhuata hmai vaw chawrh chuan ka paih tlu a. Tichuan kan insual ta buai buai hlawm mai a, ka hnung a tang chuan mi pahnih velin min rawn man thut a, ka tal chhuak zo lo, motor ah min luhpui a, ka hmai an tuam a, min phuar bet a, min tlan pui ta a. Tichuan motor chu a ding a, Lawyer pa chu an rawn man veleh a. Building pakhatah min luh pui a, Lawyer nen chuan chhuatah min peih tlu thuai a. An zinga an boss deuh ber pa chuan phone a phawrh a, loud speaker ah a dah a, "Hello Sir, min bum an tum ve khanglang a, mahse Lawyer Chhana leh a thianpa kan man e." a ti a. Phone ami chuan, "Mawla, in kidnap ani lo, ka mi zawn ber chu in kidnap lo, nangmah kha an man thei nan che a in kidnap tir che a nih kha. Midang zawk alawm kidnap tur a ka tih che u, khapa nilo khan. Evidence a duh ber a, tichuan nangmah zawngin a lo kal nge dawn ania. Alo kal hmain evidence zawng zawng kha hal ula, tichuan Lawyer leh a thianpa pawh chu that nghal rawh u." a ti a, bawm tam deuh hi an rawn chawi phei a, a chhunga paper tamtak chu an bun chhuak a, chu chu evidence a sawi chu ani ngei ang. Lawyer pa nen chuan chu paper te nen chuan khawnvartui min leih hnan a, ti chuan min hal an tum ta mai a. Chutih lai chuan kawkkhar a rawn in kik a, an zinga pakhat chuan a va en a, a kawngkhar chawp chuan chu pa chu a rawn thlawk let leh rang hle mai, bang deng dawt khawp chuan a rawn thlawk phei a, nikhaw hrelovin a awm nghal. Kawngkhar bul kan va en chu, thinrim hmel em em a Nathana lo ding hi kan hmu a, tichuan a rawn lut a, chung misual ho chu a khawih nghal bian bian mai a. Minute 5 vel chhung lek chuan Nathana chuan a thal fai nghal vek mai, min phuarna chu a rawn phelh a, Lawyer chuan tap tuau chuan, "Hey...i rawn tlai teuh hle mai, nilo se chuan...ka....ka kang vek anga, ka thi ngei ang." a ti hluam hluam a, Nathana nen chuan kan in en a, kan nui ringawt a, Lawyer pawh chu a tah nuih vel ta mai mai a.
Tichuan chulai hmuna evidence te chu kan la a, tichuan fake certificate siamchhuak tu te chu an mahni kan hre thei ta a. A bul tumtu ber chu man lo mah ila, a company link pui ho DOT CONSULTANCY dawr chu veng tinah ti tawp a ni ta a, news ah chuan THE SECRET OF FAKE CERTIFICATES tih in channel tinin an puang sup sup a, he company a in hnamhnawih kan hriat apiang te chu kan man hmak hmak mai a. An Gang hming chu 'VENOM' tih a ni a, dark web lamah pawh an lo inhnamhnawih a, mi tam tak an lo bum tawh bawk a ni. Ahmaa forgery case a naupang kan man te pawh chhuah zalen an ni a, chutih rual chuan nunna chan ta Akima sun nan leh lungawilohna lan tir nan zirlai ten kawng an zawh a, College leh University te an nuar bawk a, news ah chuan chutiang lampang hlir chu a khat a ni ber mai. Zirlai thenkhat te pawhin an mahni duhthu ngeiin Venom company atangin fake certificate chu phaia lehkha zir nan leh foreign lama lehkha zir duh vangin anlo lei thin tih te thlengin hriat a ni ta bawk a, he thil vanga nunna chan tam tak anlo awm tawh tih pawh hmuhchhuah zel a ni. Tlai khat chu kan chhuichhuah lawmnan tiin Johny-a pa chuan dinner a show a, tui ti takin kan ei a, kan eikham chuan kan titi hlawm a. Johny-a pa chuan, "Pu Nathan, in ti lawmawm e, thlamuang takin kan awm thei ta, engkim a tawp tawh bawk a, Johny-a pawh SPy TV atangin a kaisang bawk a, KBC channel ah a thawk thei ta." a ti a. Mahse Nathana chuan, "Nilo, buaina chu ala intan dawn chauh ani. Chuvangin Lawyer Chhana leh Johny-a hi pawnah chhuak vak vak lo turin ka duh che u a ni, chuan in mobile pawh hmang hrih suh u." a ti a. Lawyer chuan, "Enteh ka pu, ka thi tep a, ka damchhuak hram hram chauh kha a ni a, khawngaihin min teltir ve tawh suh." a ti a, Nathana chuan, "Lungngai suh, he network hi a lian em em a, tunah chuan mi pakhat chauh kan la man a ni. Midang inrawlh anla awm, chu mihring chuan min la rawn zawng leh dawn a ni." a ti a. Tichuan kan haw a, kan haw kawngah chuan thingpui kan inkawi leh a, Nathana nen chuan kan titi a. Darkar chanve vel hnuah chuan in lam panin haw zai kan rel ta a. Kan haw kawnga building, ahmaa evidence kan hmuhna zawn kan thlen chuan silai kap ri kan hre ta a. Nathana chuan motor a ti ding a, kan chhuk a, chumi building atang chuan hmanhmawh em em in Johnny-a chu a rawn tlan chhuak a, a hnugah chuan mi 10 vel hian an rawn um a, silaiin an rawn kap zui a. Nathana chuan rang zet hian Johnny-a chu motorah a pawt lut a, tichuan chak takin kan tlan ta a, mahse min rawn umzui lemlo. Nathana chuan, "Johny, engtik lai khan nge ilo chhuah hman a?" a ti a, Johny-a chuan thaw hluam hluam chung chuan, "In chhuah hnu deuh khan.." a ti a. Nathana chuan, "Enge i va tih a?" a ti leh a. Johnnya chuan, "Khalai ah khan an VEnom member ho hi an la kal ka ring a, evidence dang la turin, chuvang chuan in hriatloh hlan khan bang phenah motion picture camera ka dah ru a." a ti a. Nathana chuan, "Eng a? A va han tullo ve, a hlauhawm a sin. Chubakah security pakhat kan dah kha.." a ti a, Johnny-a chuan, "A thi..a chal ah tak an kap a, a ruang ka hmu a ni. Keipawh min that hman tep, camera kha an lo hmu a.." a ti a. Johnny-a te in kan thleng a, Johnny-a pa te an lo chhuak a, "Enge thleng a?" a lo ti a. Nathana chuan thinrim tak hian, "In fapa hi chhuah tir suh u ka ti anilawmni? Engkim hian chintawk a nei, Jonny nangpawh...in channel a thawk ho te pawh hi....in over mah mah a ni. In nunna, in hmahun te, in chhungte....in Channel TRP a san theih nan mai mai hlauhthawn awmah in dah phal hi a mak ka ti. Tun ah phei chuan thil tisual tute hi zalen takin khawlaiah an leng vel a, tuman an kuthmawr pawhin an dang ngam lo asin. Mi zawng zawng hi an inthlakdanglam thei vek lo a nih hi...Rinawm, kal ang." a ti a, kal kan tum chiah chu Johnny-a chuan, "Sir, hengte hi kan channel TRP a san theih nana ti kan ni biklo asin. Ka roomah lo lut ula, engkim ka hrilh ang che u." a ti a, Johnny-a room ah chuan kan lut a, a room bangah chuan paper a lo intar khat vek mai a. Johnny-a chuan, "Heng ho zawng zawng hi fake certificate case a evidence te kha an nih hi." a ti a. NAthana chuan a en kual a, thlalak pakhat, vaipa thlalak hi alo intar tel ve a, "Hepa hi tunge?" a ti a, Johnya chuan, "Dr. Guru Murthy a nih kha, MBBS, FRCS, MD, PHD...heng te hi rim taka hna thawh vanga certificate neih a nilo, fake certificate a ni a, pawisa a lei a ni. Bangalore ah kum 8 kalta khan clinic tereuh te a hawng ve a, chu clinic chu tunah chuan Multi Specialist Hospital a ni tawh a sin. Kum khata an turn-over zat i hria em? Cheng maktaduai 700 lai mawle...Operation hi vawi 130 vel a ti tawh a, chungte zingah chuan damlo 73 lai an thi tawh a ni. Chung zinga mi 15 te chu naupang an ni a, mi 25 te chu hmeichhe raipuar an ni. Doctor chauh nilovin, College Proffessors, engeineers, police officer, health inspector, bank officer, pilot, software engineers, lawyer te...eng ho zawng zawng te hi fake certificate nen dept tinah ah an thawk a ni. Kum khat chhung lekin zirlai nuai 7 chuangin an zirlai an zirzo thei a, mahse chung zinga 40% vel chauh chuan hna an hmu a, chung zinga 7% hna hmu velo ho te chuan an mahni lane ah business chhe te an thawk a, ngatinge a chhan..achhan chu heng misual te vang hi ani." a ti a. Keichuan, "I sawi dik khawp mai, mahse han zawn hmuh a, han man nghal chu a harsa viau ang." ka lo ti a, mahse Nathana chuan, "Tumna a awm chuan...kawng pawh a awm alawm. Heng mite, society tana hnawksak te hi kan hrem ngei angai ang. Mahse chumi hma chuan, he fake certificate supply tute hi kan man hmasak a ngai a ni." a ti a. Johnny-a chuan, "An bo daih tawh kha, min rawn umzui ta silo a, hnuhma engmah zawnchhuah na turin an hnutchhiah silo a.." a ti a, Nathana chuan, "Enge mawni chu an hnutchhiah alawm." a ti a, Johny-a chuan, "Enge?" a ti a, Nathana chuan, "Fake Certificates." a ti a. Kan en thap a, Nathana chuan, "Student angin ka inchei naupang anga, fake certificate hi keima hmingin ka siam tir ve dawn a ni. Certificate pakhatah registration number pakhat a awm a, chu number chu registration number dang nen a inmil lo vek a ni. He fake certificate a registration number dil lo hian leh, certificate hi fake nge a original zawk tih hrehrang lovin, certificate pangngai min pe tu an awm anih chuan, chu ngei chu kan misual chu ani tihna a nimai. Ka chhuah lo ang, a network zawng zawng hi ka tihtawp sak vek dawn." a ti a, a thil sawiah a chiang bawk a, keichuan puih ka inpeih reng a ni.
Atukah chuan Lawyer Chhana sawi dan angin, a lawyer pui hmelhriat, misual tam tak lo chhanhim tawh tu, misual hmelhriat nei tha tak bulah chuan min hruai a, chu lawyer chuan fake certificate lama inhnamhnawih ve a rin ber library-a thawk Pu Lalfamkima chu min kawkhmuh a, a address te min hrilh a, kan ve kal ta a. Nathana nen chuan police form halovin, tleirawl thei ang berin kan inchei a, kan va kal ta a. Pu Kima chuan, "Enge in duh a?" a ti a, Nathana chuan, "Sir, fake certificate ka duh a." a ti a, chuveleh Pu Kima chuan thinrim takin, "Hey...chutiang ka neilo, chhuak rawh u." a ti vin tuar a. NAthana chuan, "Mahse Sir, Pu Lalfamkima i ni lawmni?" an ti chiah chu zawite hian, "Inchungah ka office ah min rawn zui ru." a ti a, kan zui chho ta a. Pu Kima chuan inla chapo tak hian, "Famkima chu ka ni a law, mahse fake certificate in duh te chuan heta lo kal chi ani hleinem, camera hi hmun tinah a awm a, fimkhur a ngai a sin." a ti a, chumi a sawi lai chuan camera chuan arukin a thi sawi lai chu video in ka la char char a. Pu Kima chuan, "Eng certificate nge in duh a, School degree nge college degree?" a ti a, Nathana chuan, "School emaw college emaw lam anilo, Engineering Certificate ka duh." a ti a, Pu Kima chuan, "Pawisa engzat nge min pek ang?" a ti a, Nathana chuan, "I duh zat sawi la." a ti a, Pu Kima chuan, "Cheng nuai 2 angai ang." a ti a, NAthana chuan a cheque in nuai 5 lai a pe a, a va an hausa bik tak. Pu Kima lawm lutuk chuan, "Kha...address hi paper-a ka ziah hi la ula, in hna chu a zo a nimai." a ti a, a address min pek ah chuan kan kal ta a. Company pakhat hi alo ni a, Office chhungah chuan an manager chu kan va hmu a, Manager chuan, "Eng certficate nge i duh?" a ti a, Nathana chuan, "Engineering.." a ti a. Manager chuan, "Eng University?" a ti a, NAthana chaun, "ICFAI University." a ti a, chumi pah chuan video chuan ka la ru reng bawk a. Manager chuan, "A har asin, verification an dil che anga, an man che nimai, keipawh min man a nimai." a ti a, NAthana chuan, "Ihhh...pawisa i duh zat zat ka pe ang che.." a ti chiah chu a nui vur vur a, "Umm...nuai 3 chu a ngai ve ang." a ti a, Nathana chuan a pe leh nghal a, address pakhat min hrilh leh a, chutah chuan kan va kal leh a. In pakhat ah kan lut a, pitar pakhat leh nula hmelchhe ve deuh mai pakhat hi anlo awm a, pitar chuan, "I hming?" a ti a, Nathana chuan, "Nathan Malsawmkima.." a ti a, tichuan computer ah chuan certificate lem chu an siam a, tichuan Nathana chu an pe ta a. Nathana nen chuan certificate chu Johny-a bulah chuan kan hmuh tir a, Johny-a chuan, "Government specificationah chuan certificate te hi a sei zawng chu 29.7 cm tur a ni a, a hlai zawng hi 21.9 tur a ni a, a paper quality pawh hi glossy paper a print tur a ni bawk, he paper hi a lem a ni." a ti a, tichuan Nathana nen chuan fake certificate dang zawngin kan chhuak leh a, address kan dawn ang ang naah kan kal tawp a, company pakhatah chuan kan va la leh a, Nathana pawisa pawh a hek tawh khawp mai. Johny-a kan en tir leh a, Johny-a chuan, "Certificate chhah dan hi chu 0.156 millimetre tal a ni tur a ni a, alphabet tin te hi Special German Made Ink ngei a print tur a ni bawk, mahse hei chu GErman pentui a nilo, hei pawh hi a lem a ni." a ti leh a, a va hahthlak thin em. Hmundangah kan kal leh a, rinloh tak maiin workshop a ni. Mahse workshop bulah chuan printing press office alo awm a, chutah chuan min luhpui a. Certificate chu an siam zawh chuan mi pakhat lukawlh hi alo kal a, Nathana bula paper pek pah chuan, "Hei hi Engineering marksheet a ni a, chuan hei hi certificate chu." a ti a. Johny-a bulah bawk chuan kan kal leh a, Johnya chuan, "Certificate tin hian secret symbol an nei a, chu chu ultra violet light hmang chauhin kan mit hian a hmu thei a ni. Kum 2009 -a secret symbol kha hetah hi chuan hman a nilo a, hei pawh hi fake a ni." a ti leh ta a. Nathana nen chuan kan beidawng tak zet tawh, adress kan neih tawpna berah chuan kan kal a, putar a ni. Chupa chuan, "Hetah chuan Job order chauh kan ti a, certificate chu hmundangah zawk lam tur a nia. Bazar kawng hnuaiah zu kal ula, INDIAN MARKET tih in zawng anga, Shop No.37 ah khan kal ru." a ti a, tah chuan kan kal leh a. Zan a ni ta der mai, dawrah chuan kan lut a, kan han insawi a, tichuan dawr nghak pa chuan a dawr a khar a, hmun pakhatah min hruai leh a. In pakhatah kan lut a, putar thau deuh hi a lo thu a, dawr nghak tupa chuan, "Boss, hemi te hi annia.." a ti a, putar chuan, "Awle...kal rawh, ka lo buaipui ang." a ti a. Nathana bulah chuan, "University a ni a, chupawh engineering certificate lehnghal, cheng nuai 20 chuang chu i chawi angai dawn nih hi, a pawi i ti em?" a ti a, Nathana chuan, "Pawi lo e." a ti a. Chu putar chuan, "Inhnuaiah ka zu siam tir anga, hetah minlo nghak dawnnia aw, hei..ka nau hian alo awmpui ang che u." a ti a, an kal ta a. An kal liam chiah chu chu putar nau chu Nathana chuan a hnek nghal siah mai a, nikhaw hrelovin a awm nghal a. Chuveleh Nathana chuan dawhkana computer chu a thutchilh nghal a, Fake Staff list leh Venom company secret files zawng zawng chu a phone nen connect in a copy nghal char char a. Keichuan, "Enge i tih a, fake certificate chu min rawn pek hunah hepa nikhawhreloa let reng hi an hmu anga, min that dawn asin, silai an nei ania. A hrim hrim in tinge i hnek kher a, certificate la tura kal kan ni anilawm ni?" ka ti a, Nathana chuan, "Ni tho e, mahse hei hi a pawimawh zawk. Certificate siam tu hi hacker a ni dawn tih a chiang a, chu chuan ka certificate lem turin University danga ka hming nei ang a zawng anga, ahmu ngei ang. Mahse kan piankum a inmil thei dawn lo a, achhan chu college naupang ni tur chuan ka upa tawh lutuk, chutah tak chuan min ringhlel anga, ka original certiicate a hack anga, police ka ni tih hi a hre dawn. Chuan anlo chho anga min rawn kaphlum ang. Chumi hma chuan heng ho hi ka copy zawh vek angai." a ti a, tichuan a zo chiah chu computer CPU chu a thiat a, a hard disk a la a, tichuan chulai hmun chu hmanhmawh takin kan chhuahsan ta a.
Hard disk chu Station lam kan panpui a, tichuan Nathana chuan computer ah a vuah a, file vel chu a enkual a. Computer khawih pah chuan, "Tutu nge inhnamhnawih? Khawi khawi ah te nge Venom company hi a awm? Private leh Government Office ah te? School leh College ah te? Tutu nge hetiang hna hi thawk? Chu zawng zawng detail chu he hard disk ah hian a awm a ni. Heng thlalak ho hi khawpui chhunga main broker leh sub-brokers te an ni. Chuan hepa hi Main brokers chu a ni...Jeffrey." a ti a, palian lam, khabe hmu buk chhup mai, a mita ser nei thlalak hi min hmuh a. Nathana bawk chuan, "Hepa leh a thawhpui te hi kan man a nih chuan, fake certificate siam thinte leh an company chawpin kan khar thei dawn a ni." a ti a. Keichuan, "Anih chuan list siam nghal ila, Venom company staff te list hi.." ka ti a, tichuan list chu kan siam ta a. A tuk zingah chuan phone call ka dawng a, Nathana alo ni a, "Rina, thu lawmawmloh tak ani, Venhlui ah, kawnghnuaiah khan ruang chhar a ni a, lo kal nghal la a tha ang." a ti a, tichuan rang tak chuan ka insiam a, Venghlui lam pan chuan ka kal a. A hmunah chuan mi anlo tam ngei mai, Nathana pawh alo awm a, ruang ka va en chuan, ka thil hmuh chuan min ti hrilhhai takzet. Ruang pahnih lai a ni a, pakhat chu Lawyer Chhana a ni a, pakhat chu Johnny-a a ni. A chhungte an lo kal a, an tap zawih zawih a, sawi tur a vang tak zet, a va pawi thin tak em. Nathana bulah chuan ka va kal a, thil awmzia ka zawt tur chiah chu ka phone a rawn ri a, ka en chuan Lawyer chhana number a ni. Amak ka ti hle mai a, phone chu ka la a, mipa aw hian, "I thiante ruang chu i hmu maw?" a rawn ti a. Nathana chuan, "Loud speakerah dah teh." a rawn ti a, ka dah a. Chupa bawk chuan, "Pakhat Lawyer, pakhat Reporter....ka thah dawna thih an hlauh zia kha..i nunah hian chutiang thil chu i tawng ve tawh ngai em? Keichuan ka hmu asin. Ka thawhpui te in sawisa a...in man a, pakhat phei chu hospitalah a thi nghe nghe a sin. Chuvang chuan i bulhnaia mi apiang hu an thi zel ang, i partner Nathana thleng pawh khan...evidence zawng zawng kha, ka bulah a awm tawh e. Police, Lawyer leh TV channel pakhat...i network a zim lutuk, ka network erawh zau tak ani, i theih chuan min man ta che." a ti a, phone chu a dah ta a. KA thin a rim ngei mai, Nathana chuan, "Plan dang kan siam angai a ni..minlo zui rawh." a ti a, tichuan Nathana nen chuan Khatla ah kan kal a, Johnny-a thawhna Spy Tv Office ah chuan kan lut a, staff zawng zawng kan ko khawm a, Nathana chuan thu a sawi ta a, "Thiante u, in thawhpuipa Johnny-a chu, thudik tanin theihtawp chhuahin misual a beilet a, mahse a nunna a chan phah ta a. Chubakah lawyer pakhat, thudik tan tlat, mi diklo te suallet tu pawhin a nunna a chan phah ta a ni. Mahse tunah chuan kan beihlet ve hi a hun a ni, mahse tumah nunna chan awm tawhlo se ka ti. Kei erawh chu ka hmel an hre tawh a, an hmelhriatloh in he hna hi min thawhsak angai a ni, police ka nihna anga sawi ka nilo a, mi pangngai ve mai, tanpui ngai ka nih vanga sawi ka ni. College te kalin hah takin lehkha zirin student tam tak chuan certificate nei turin an bei a, mahse lehkha zir miah lovin fake certificate hmangin hna an hmu a, hei hi a diklo ani...min pui turin ka sawm che u, thudik tan turin.." a ti a, an ngawi thap a, an zinga pate reuhte hi alo pen chhuak a, "Sir, ka hming chu Mawia a ni a,ka pui ang che." a ti a, Nathana chuan, "I nunna derthawnga dah ka duhlo ania, ka tilui lo che." a ti a, mahse Mawia chuan, "Apawi lo, Johnny-a kha ka thianpa a ni a, a tan engmah ka tihsak ngailo. Mahse tunah hian a thlarau muang taka a chawlh thei nan ka pui duh a ni." a ti a, Nathana chuan, "A tha e." a ti a, Station lam kan panpui ta a.
NAthana chuan, "Mawia, ngaithla rawh, tunah chuan lem i chan a ngai dawn a, i hming hi MAwia nilovin Robina a ni hrih ang. Robina chu a awm tak tak lo a, mahse ID lem kan siam ang. DEgree i nei lo a, mahse kan misual Jeffrey a bulah Degree certificate lem nen iva kal anga, he tarmit hi vual la, he tarmit ah hian spy camera a awm a, i hmuh apiang kanlo hmu ve thei dawn ani." a ti a, MAwia chuan, "AWle Sir." a ti a. Nathana chuan damdawi mum anf deuh hi a phawrh a, "Hei hi i bengah vuah la, kan tawng i hre thei ang. Kan sawi ang apiangin awm ang che, fimkhur la." a ti a. Tichuan Police VAn chu kan chei danglama, taxi angin kan chei a, tichuan Mawia chu fake certificate siamna, ahmaa kan kalna ah chuan kan kal pui a. A tarmit atang chuan a hmuh ang apiang chu Van chhunga computer ah chuan kan hmu ve zel a, MAwia chu ava lut ta a. Putar chuan, "Eng certificate nge i duh?" a lo ti a, Mawia chuan, "MBBS." a ti a, putar chuan, "Tunge i hming?" a ti a, MAwia chuan, "Robin Lalnunmawia."a ti a. Putar chuan, "I ID card min hmuh teh." a ti a, ID card chu a hmuh a. Putar chuan Mawia chu motorah a luh pui a, an tlan ta daih a. Keichuan, "Sir, hmundangah an kal ania.." ka ti a, Nathana chuan, "Zui tawp rawh, an office an sawn a niang." a ti a, ka zui zel a. In pakhatah an lut a, tichuan putar chuan, "Lo nghak la, kan zu la ang." a ti a, MAwia chuan a nghak a. NAthana chuan, "Mawia, i sana bun ah khan camera ka vuaha, i hmazawn dawhkanah khan va dah rawh." a ti a, tichuan a sana chu ava dah a, inchhung pum chu kan hmu thei ta a. Vanah chuan Computer pahnih a awm a, pakhatah chuan Mawia tarmit camera a lang a, pakhatah chuan sana a camera zawk kha alang a. Nathana chuan, "MAin server room tih inziak ah sawn va lut rawh." a ti a, Mawia chu ava lut a, computer hmaah chuan a va thu a. Nathana chuan, "DOT CONSULTANCY tih chhula, staff ho file zawng rawh." a ti a, Mawia chuan a zawnga, mahse FILE NOT FOUND tih alo inziak a. Mawia chuan, "Sir, engtin nge niang?" a rawn ti a. Sana camera zawkah chuan mi pakhat lo lut hi kan hmu a, Nathana chuan, "Hey Mawia, mi pakhat alo lut a nia.." a ti a, Mawia pawh chu a tho a, a biru a. Chupa chu a hawikual a, achhuak leh mai a. Mawia pawh chu let leh in file chu computerah chuan a zawng tha leh a. A hmu ta a, NAthana chuan tihdan tur a hrilh a, pndrive ah chuan a copy ta a. A copy zo hman chiah chiah a, putar chu alo let leh a, "I detail ho chu certificate ah hian a awm vek e." a ti a. Nathana chuan, "MAwia, kan duh chu kan hmu e, lo chhuak tawh rawh." a ti a. Putar nen chuan lawmthu an inhrilh zo a, a chhuak tur chiah chu Jeffrey-a, VEnom company neitu chu a lo lut ta thut mai a, Jeffrey-a chuan Mawia chu a melh reng a, "Tunge i hming?" a ti a, putar chuan, "Ka thianpa nih hi Boss, certificate a rawn siamtir a, a rinhlelh awmloh." a lo ti zuah zuah a. Jeffrey-a chuan putar chu a beng siah a, "Hetiang hi ti tawh suh u ka ti a nilawm ni..." a ti a, Mawia a en leh a, "Tunge i hming?" a ti a. Nathana chuan, "Mawia hlau suh aw, a nih loh chuan aman chhuak ang che." a ti a. Mawia chuan, "Robina ka nia." na ti a, Jeffrey-a chuan, "Eng hna nge i thawh?" a ti a, MAwia chuan, "Nursing home ah sweeper ka nia." a ti a. Jeffreya chuan, "Engtia rei nge i thawh tawh?" a ti a, Mawia chuan, "Kum 8.." a ti a. Jeffrey-a chuan, "In Hospital phoen number min hrilh teh." a ti a, Nathana chuan, "28341600" a lo ti a. Mawia chuan NAthana sawi ang chuan, "28341600" a ti a, Jeffrey-a chuan phone a phawrh a, a call chhin ta ngat a, loud speaker ah ala dah zui a. Phone atang chuan, "Hello, Durtlang Nursing Home a nia, puih theihna che ka nei em?" a rawn ti a. Jeffrey-a chuan, "In sweeper te zingah Robina tih hmingpu an awm em?" a ti a, phone ami hmeichhia chuan, "Aw..mahse vawiin chu a leave a, enge ni ta?" a ti a. Jeffrey-a chuan, "A phone number ka duh." a ti a, phone ami chuan a rawn hrilh a. Jeffrey-a chuan phone chu a dah a, Mawia number chu a dail leh a, Mawia phone chu a rawn ri a. Keichuan, "Engtik laiin nge plan i lo siam hman a? Tunge phone ami kha? Nursing Home ami tak tak te an ni em?" ka ti a, Nathana chuan, "Nilo, ka nupui Sanvi a nih kha.." a ti a. Jeffrey-a chuan phone chu a dah leh a, "Amah hi check teh u." a ti a, an check pah chuan a tarmit chu an laksak a, dawhkanah an dah a. An check zo chu Jeffrey-a chuan, "Umm...i kal thei e." a ti a, Mawia chuan tarmit chu la tawh ta lo chuan akal a. Putar chuan tarmit chu lak kan pahin, "Ehe a tarmit a theihnghilh anih hi." a ti a. Jeffrey-a chu tarmit lam chu a rawn hawi a, a en vang vang a. Putar chuan, "Enga tan nge maw i tih le boss? Khatiang te chu cheng 50 velin bazarah a tam ang." a ti a. Jeffrey-a hmel chu thinrimna hmelin a rawn thlak a, "Hei hi tarmit a nilo, spy camera a nih hi...kha pa kha man ru." a ti a, an tlan chhuak a. Nathana chuan, "MAwia, i tarmit kha i theihnghilh a, an man chhuak che nia, rawn tlan rawh." a ti a. Mawia chu an rawn um a, Nathana chuan motor kawngkhar alo hawng sa a, tichuan Mawia chu rang takin a pawt lut a. Motor 5 vel chuan min rawn um a, Nathana chuan a phone a phawrh a, "Aw...SPy TV maw...kan lo kal mek e, breaking news turin lo live nghal rawh u..ON AIR ah..tunah." a ti a. Tichuan motor seat hnung lamah chua NAthana chuan TV NEws Camera chuan MAwia chu video in a la a, Mawia chuan microphone a phawrh a, "Lehkha thiam lo leh zirsang lo te, fake certificate hmangin engineer leh doctor an ni thei a. Chung information zawng zawng chu kan nei a ni, he company VENOM hi man chhuah an ni tawh a, a company hnuaia thawk te pawh hriat an ni tawh. He mite vang hian zirlai tamtakin nunna an chan nual tawh a, athen chu mahni intihlum anni...chuvang chuan.." a sawi zawh hma chuan kan motor chu motor pakhat hian a rawn su pawp a, kan vir nawk mai a. Mahse kan tlan thei leh mai a, min rawn um zel a. KAn computer chu a chianglo tlat mai, No SIgnal..tih a inziak a. Nathana chuan han siam a tum a, a thei lo.
Spy TV office chu kan thleng a, rang tak chuan kan chhuk a. Pawnah chuan staff member te chuan min lo nghak a, Nathana chuan pendrive leh camera chu pe in, "Office ah lut ula lo buaipui rawh u, lo telecast ngei ngei ru aw." a ti a, staff ho zawng chu office chhungah chuan aluh tir a. Jeffrey-a te anlo thleng a, mi 20 rual vel an ni, Nathana chuan, "Rina, kawngkhar kalh rawh, i che tak tak teh ang hmiang." a ti a, keichuan, "Awle...mi ka khawihlohna a rei ta bawk a, alunglen thlak a lawm le...ti chiah ila." ka ti a. Jeffrey-a chuan, "Hey...kan sumdawnna ah in rawn inrawlh ngam a, nunna chan an awm phah a, inla tawp lo cheu a maw...zanin hian in thi dawn." a ti a. Nathana chuan, "Hahh...ngaithla teh palian, Pathian hnenah ka tawngtai zo chiah a tunlawk khan...Pathian pawn ka rawn inrawlh lo ang a ti anih chu...i lo thi palh anih pawn thiamlohna ka neihloh chu." a ti a. Jeffrey-a chu a thinrim hle mai, mi pahnih an lo kal a, NAthana nen chuan kan lo hnek thal dun chiang ngei mai. An rawn tlan huk a, tichuan kan lo thal hmiah hmiah hlawm a, kan thal fai vek hnu chuan Jeffrey-a chiah a bang ta. Jeffrey-a chu rawn tlan pheiin ka mitah a rawn hnek a, ka thal tawp a. Nathana'n hnek a tum a, akut alo man sak a, vawi nga vel a dulah a hnek a, motor kawngkhar khuar dawk khawpin a lu a tauh tir a, Nathana na ti lutuk chuan a lu a dawm vawng vawng a. Ka lamah alo kal leh a, hnek ka tum a minlo bum a. Ka pumah a tlawh a, ka tlu a, min chhuih zui hrep a. Nathana'n hnung lam atangin a rawn zuan leh a, mahse a phih let a, chhuatah chuan a vawm phei lawp a. Hnunglam atang chuan ka va kuah bet a, motor darthlalang keh chhuai khawpin alu ka va tauh tir a, a tlu a. Chuveleh office tukverh atang chuan Mawia chuanm, "Sir, hard disk hi a in detech tha lo ania.." a rawn ti a, Nathana nen chuan kan tlan phei a, office kawngkhar chu kan va hawng a. Nathana chuan a thiam ang tawkin siam that a tum a, chutih lai chuan Jeffrey-a chu alo lut a, staff member ten anlo dang a, mahse hmeichhia pawh a dimlo, a beng thal; thuai thuai hlawm a, ka lo dang a, mahse dawnkan tliak rawp khawpin min peih tlu a, ana ngei mai. Nathana computer khawih lai chu a va tlawh thlu a, computer chu a paih chhe ta vek a. Nathana chuan pawi tih hmel takin computer chu a en a, Jeffrey-a chuan a nuih vel a. Mahse vawi leh khatah Nathana chu a rawn nui ta vak vak mai a, "Mawla, min khawih hma khan ENTER ka hmet hma a law, i hnunglam kha en rawh." a ti a. Screen tam tak intar ah chuan MAwia'n motor chhunga VENOM company chanchin a puanna video chu a rawn lang chuai chuai a, Nathana chuan, "Tikhan tunah hian video khi India ram pumin an en tih hre rawh." a ti a. Jeffrey-a thinrim chuan, "Zawnga.." tih pahin Nathana chu hnek a rawn tum a, mahse Nathana chuan a kut alo man sak a, a elh ri tuar a, Jeffrey-a chu a au thawt a. Na takin a pumah a tlawh a, Jeffrey-a chuan computer a bawhthlu rum rum a, a ban chuan electric wire pakhat a vei chat a, current a kal a, current chuan aman a, a thi khu rum rum a.
Atukah chuan stationah chuan Nathana nen chuan ACP Tlanthanga office ah kan va lut a, Nathana chuan paper dah thlak pahin, "Kha le.." a ti a, ACP chuan chapo takin, "Enge ni a? Promotion ka hmu nghal em ni?" a lo ti vel a. Keichuan, "Nilove...i banna lehkha a ni e." ka ti a, ACP chuan thinrim tak hian, "Ve khanglanga che u...enge ka tihsual a?" a ti a, Nathana chuan, "Venom company i pui tih kan hria e...evidence dang chu hrilh i ngaih ka ring lo. KA ban che....tunah jail ah i tang ang, kan jail ang ngei hian." a ti a. ACP chuan, "DGP i ni em ni? DCP in tumah a ban thei ve lo." a ti ham ham a. KEichuan, "Kan Stationah hian tun dinhmunah DGP an awm lo, kan neilo. DCP NAthana hi a thu ber...i hria maw?" ka ti a, Nathana chuan, "Home Minister koh kher angai dawn mi...constable,,,man rawh u." a ti a, ACP chu kan man ta a, rum takin min melh a, "Inla hria ang." a ti pang pang a, Nathana nen chuan kan inmelh a, kan nui ringawt a. Tlaiah chuan ka haw a, kawngsira tleirawl pakhat lo zai lauh lauh hi ka hmu a. Ka va pan hnai a ka hau a, "Hey, i mawl ami? Khawlaiah i zai vak vak a.." ka ti a, chupa chuan, "A nuam em alawm, story thar ziah tur ka hre leh tawh a." a ti a, ava han mawl hmel tak em. A la naupan hmel ropui lehnghal a, "Tunge i hming?" ka ti a, chupa chuan, "Aaron Malsawmdawngzuala.." a ti a. Keichuan, "Ava thui em em ve...eng story nge i ziah thin a?" ka ti a, chupa chuan, "Nangmahni chanchin hi mawle...i boss Nathana pawh kha ka siam a nih kha, nangmah pawh ka siam.." a ti a, a kalsan ta daih a, a zai phei lauh lauh lehnghal a. Huiham...kha tleirawl kha chu mi anglo ani ngei ang le, ngaihtuah peih tawhlo. Ka chau emai, haw ila chaw ei teuh ang, chuan mu nghal bawk ang..Muttui ule.
VENOM
(Title-a ka hman 'Venom' tih hi movie hming atanga ka lak a ni a, mahse ka lak nachhan erawh thildang vang a ni, a thawnthu pawh ka copy tihna anilo tih minlo hriatpui dawn nia...I'm not a plagiarist.)
Ahmaa kan sawi tawh ang khan kan DGP hian cancer natna a vei mek a, a chau ve tawh hle mai. A retire a hun ve tep tawh tih chu kan hriat vek ka ring, kan hlauh ang ngei ngeiin damdawiinah a awm a ngai ta a. Kar 3 vel lai chu a awm tawh a, DGP a awm hrih loh avang chuan kan Police Dept ah chuan Nathana chu a thu ber hrih a. ACP thar kan nei a, a hming chu Laltlanthanga a ni. Mi chapo tak leh a mi mante dim hauh lo a, sawisak hrep ching mi a ni a, Nathana nen chuan kan mil chiahlo hle mai. Kei aiin a thu zawk a, ka chung chiah a ni, kei ASP ka ni a, Tlanthanga erawh ACP a ni thung (episode 1-5 ah khan Nathana hi ACP a ni.), tichuan chu ACP chapo tak te nen chuan kan thawk ho a, dan (law) lah chu a hre phian lehnghal. Nathana pawh nupui nei tawh anih avangin hnathawh naah tihloh chuan kan inhmu khat hle mai, Sanvi pawh chu pasal nei tawh a nih avang chuan lemchan lam chu a chawlhsan ta hrih a, Nathana erawh Police hna chu a retire hma chu thawh a tum thu a sawi bawk a. Nathana hi sawi leh ta thin ila..ala naupang a, a fin rual rual hian a naupangchhiatna lai hi a lang leh thin. Tihtauh a hrat a, min biak duh miah loh chang te, ho te te a min vin hrep hrep changte hio a ngah thei khawp mai. Mahse mi fel leh hawihhawm a ni a, amah aiin thulo zawk mah ila, amah aiin ka upat avang hian min zahder thiam a, chumai bakah constable ho pawh a mah aia upa chu a 'pu' thlap thlap zel, hei hi ka fak ve na chu a ni. Deputy Comissioner of Police ni pha chin ah chuan Nathana hi ala naupang ber awm e, kei erawh Nathana ai hian kum 5 laiin ka upa a, mahse kan kum zat chu sawi lo mai ang, a zahthlak emai. Hmana ka sawi thin Tluangtei ka cousin kha inla hriat chuan khanu paw kha kan sawi lang ve leh lawk anga, Tluangtei kha kan inah kum 1 chuang alo awm tawh a, min duh ve deuh tih chu ka hria, kei phei chuan ka duh lutuk, mahse ka bem ngam hlawl lo a ni, kum 1 chhung chengho tawh kan nia, bem pawh ka la bem ngamlo ania, induh veve chung si hian, nupui neih chu ala hla vang vang dawn hle mai. Han sawi belh leh vak tur ka hre tawh lo, tun tuma kan hnathawh tur hi engtiang chiah a hautak nge i han thlir dawn teh ang u hmiang.
Ka day off ni a ni a, TV en pah chuan thingpui ka in a, off day hi chuan tihtur avang thin hle mai. Ka phone a ri a, Nathana a lo ni a, "Hello, Rina, thil duhawmloh deuh kan dawng tlat mai. Stationah lo phei vat teh, hmanhmawhin." a ti a, keichuan, "Enge thlenga?" ka ti a. Nathana chuan, "Khatla venga, Spy TV (fiction) a thawk, Chanmari-a i pu Hminga tupa Johnny a, reporter kha i hria em?" a rawn ti a, keichuan, "Aw..hria e." tiin ka chhang a, Nathana chuan, "ACP Tlana'n a man a, college student pali nen, lo phei teh." a ti a, ka phu zawk a. Ngaihthalo tak chuan, "Engati nge a man ve ngawt a?" ka ti a, NAthana chuan, "Proofna tha tak a awm a ti lehnghal a, hei tunah custody ah an awm mek ania, Johnny-a pa..Pa Ngura leh a lawyer Chhana te pawh ka phone tawh a, anlo thleng tep ang. Chhuah zalen theihna dan ka nei bik silo a, lo kal phawt rawh." a ti a. Tichuan keipawh hmanhmawh takin ka insiam a, Station lam chu ka va pan ta nghal a. Station ka va thlen chuan ACP Tlana chu inti thu takin a seat ah chuan a lo thu a, Johnny-a pa leh lawyer pawh an lo thleng ve chiah a. Johnny-a leh mi 4 dang te chu a bulah chuan anlo ding tlar thap a, Nathana pawh chu angaihna hriat loh hmel takin a lo ding ringawt a. Johnny-a chuan, "Ka pu, tinge min man a?" a ti a, ACP chuan hmel nelawmloh zet hian, "Tunge i nih a?" a ti a. Johnny-a chuan hlauh hmel takin, "Johnny-a ka nia..." a ti a. ACP chuan, "Eng hna nge i thawh?" a ti leh a, Johnny-a chuan, "TV Reporter ka nia, he forgery case ah hian inhnamhnawihna engmah ka neilo." a ti a. ACP chuan, "Umm....khawi company nge?" a ti leh a, Johnny-a chuan, "Spy TV." a ti a. ACP chuan, "Spy TV a??" tih pah chuan a nuih nghek nghek a, ka lo thinrim khawp a. ACP chuan vawi leh khatah na em em hian Johnny-a hmaiah chuan a beng hawi thuai mai a, Johnny-a chu a thinrim hmel hle mai. Chutih rual chuan keipawh ka thinrim a, ka che hman uai a, mahse rang takin Nathana chuan minlo dang a, a lu a thing a, ka inbeng dai hman hram a. ACP chuan thinrim hmel tak hian, "Chuan...enge ni vak a? Reporter te chu Pathian an ni bik a mi? Van atanga rawn kal anni bik a mi? In TRP a san zel theih nan sting operation in ti a, in camera hmun tinah in hung fer fur a, chuan in channel ah in pholang a, kan reputation tih chhiat nan leh tlakhniam nan..ani tiraw? Chuan mipui hmaah Police tan kan thawk e, in ti leh vel a. Tunah chuan lo en reng rawh, kei ACP Tlana hian heng zawng zawng hi ka ti tawp vek dawn a ni." tih pah chuan a beng leh siah mai a. Ka insum zo tawh lo, "Hey, engvangin nge kut i thlak vak vak a, chhan awmloin khatia i tih vak vak a? Engvangin nge i man reng reng a, khatia kut thlak vak vak lo khan a chhan sawi ta che." ka ti a, hmuhsit hmel deuh hian min rawn en a, "ASP Rinawm, kei aiin i thawk rei tawh a ni thei e, mahse i senior ka nih hi aw..." a rawn ti a. Nathana chuan, "ACP...enge a chhan sawi rawh." a ti a. ACP chuan, "Education loan forgery vanga hemi te hi man ka ni e." a ti a. Johnny-a leh midang 4 te pawh chuan mak an ti in an hriatthiamloh hmelhlawm hle mai. ACP bawk chuan, "Heng mi panga te hian bank ah kalin, bank manager te chu an bum a, education loan an va la a ni. Oxford leh CAmbridge University ah te kalin, heng mite hi ME, MH leh PHD zirlai angin an insawi a, bank ah kalin fake certificate an ve submit a, chupawh a hran theuh lehnghalin. Mahse chu hun vek ah chuan, bank panga lai an bum a ni. Cheng nuai khat, nuai hnih tih vel mai mai a nilo, nuai 13 chuang eiru in bank hrang hrang te chu an bum a ni." a ti a. A mi man te zinga pakhat Akima chuan, "Sir, engmah ka ti velo, engmah ka hrelo." tap pur hian a rawn ti a, constable pakhat chuan a tukhuma ben pahin, "Hey, Sir tawng laiin engmah lo sawi suh." a ti a. Keichuan thinrim zet hian, "Chutiang thil an ti ngei a ni tih enge proof-na i neih?" tiin ka zawt leh a. ACP chuan rum zet hian min melh a, "Ka thawhpui i nih avangin engtin mah ka tilo mai mai che a ni ASP RInawm, i senior ka nih hi. Anih chuan ngaithla rawh...." a ti a, a dawhkan hnuaia file lak chhuah pah chuan, "Heng misual panga te document submit ho chu he file chhungah hian a awm a, original chu ang hle mah se, duplicate vek a ni. Kha en rawh u, fake college certificate, fake election card, fake ID card, fake passport, fake marksheet, fake ration card, fake adhaar card, fake driving license, fake visa, fake degree certificate..kha en ru." tih pah chuan a rawn theh thla a, keini chuan paper te chu la in kan en a, a sawi ang ngeiin chung lehkha ah te chuan fake seal a in chhu vek lehnghal a. Johnny-a chuan en pah chuan, "Ehe...ka ID, ka passport...ka signature pawh a awm..enge awmzia?" hrilhhai tak chuan a ti a, ACP chuan, "Kha vang kha alawm ka man che u...chuan ngaithla rawh u, Aizawla bank zawng zawng ah kalin fake address nen heng lehkha ho hi a post a, chuvang chuan kan chhuichhuak thei ta lova. Mahse nithum hnuah bank lamin verification an dil a, he information hi KBC channel atangin kan hre ta a, tichuan investigation kan neih hnu in, kan man thei ta a ni." a ti a, a thusawi ah chuan a chian hmel em em mai lehnghal a. ACP bawk chuan, "Document zawng zawng hi police station zawng zawng atangin kum khat kal ta khan kan dawng a, chuvang chuan kan man ta a ni...he stationa ka thawh hma pawh khan he stationa tang hian document lak tel ve a ni a, chungte chu i hre ve nange ASP." min melh pah chuan a ti a, hnek thal tawp mai ka chak a, mahse ka senior a ni bawk si. Lawyer Chhana chuan, "SIr, engmah thutawp la siamlo la, he document hi chhuichian leh min phalsak rawh." a ti a, ACP chuan, "Ka pu, hepa hi a thi amaw, a dam emaw, vote athlak thei emaw theilo emaw, thutawp siam thei tu awmchhun chu he document hi a ni." a ti a. Kan ngawi ta thap hlawm a, ACP bawk chuan, "Constable, FIR ziak ula, an vai hian jail ah khung vek rawh u." a ti ta mai a, Johnny-a pa, Pa Ngura chuan, "Ka pu, khawngaihin ti hian ti suh, ka fapa hian tihsual a neilo." a ti a, ACP chuan, "I sawi duh apiang chu court ah i sawi dawn nia." a ti a, Pa Ngura chuan, "Nilo..ngaihtuah chiang leh rawh ka pu." a ti a, ACP chuan Pa Ngura namthluk pah chuan, "I ninawm hle mai." a ti a. Johnny-a chuan ACP Tlana chu a tlawh thal nghal thuai mai a, "Ka pa kut i thlak a maw? ZAwnga.." a ti a, a thinrim hmel hle mai. ACP chuan, "Police kut min thlak a maw? COnstable..sawisa rawh u." a ti a, constable ho chuan Johny-a chu an chhuih rawn hrep mai a. NAthana chuan, "Ngawi rawh u..a tawk." a ti a, an ngawi thap mai a. Nathana bawk chuan, "Hetah buaina siam angai lo, court ah hruai rawh u." a ti a, court lam pan chuan kan kal ta a.
Court ah chuan thu tam tak an sawi hnu chuan judge chuan thutawp a siam ta a, "All the accused together prepared a fake document and took a loan from bank based on it. It is a crime per law, so..all these accused who took 13 lakhs from the bank, the court orders them to deposit this money within 10 days at the court." a ti a, Johnny-a hmel ka va en a, a thinrim hmel kher mai. Judge bawk chuan, "IPC sec-120B, 417 leh 420 hmangin, heng mi 5 te hi kum 7 chhung jail ah an tang tur a ni. Tin, heng mi 5 te certificate zawng zawng pawh hi cancel vek a ni." a ti ta mai a. Tichuan Johnny-a te leh mi pali dang te chu prison van ah chuan kan phur a, an tap pur hlawm a. Anzinga pakhat Akima bawk khan, "Nakin lawk ah chuan TV ah kan hmel te tilangin misual angin min puang anga, kan va mualpho dawn em." a ti a, a tap a. Akima bawk chuan ACP bulah chuan, "Ka pu, khawngaihin i phone min lo hman tir thei angem?" a ti a, ACP chuan, "Enga? Ngawi reng khan thu mai mai rawh." a ti hrep a. Nathana chuan, "Tugne i hming?" a ti a, Akima chuan, "Akima ka ni e ka pu." a ti a, Nathana chuan, "Engvangin nge phone chu i hman duh a?" a ti leh a, Akima chuan, "Ka pa hi a damlo a, zai angai dawn a, mahse pawisa nuai 1 a ngai a, ka hnathawhna a loan puk turin ka kal a, mahse minlo man ta sia." a ti a, Nathana chuan, "I nu leh pate chuan an man che tih hi an hria em?" a ti leh a. Akima chuan, "Aih hrelo ka pu." a ti a, Nathana chuan a phone chu a pe a, ACP Tlana chuan, "Sir, tinge phone i hman tir a, criminal an nih kha." a ti a, Nathana chuan, "Lo ngawi rawh...i tawnghnem tawh lutuk." a ti a, ACP chuan rum zet hian Nathana chu ala melh zui." Akima chuan a nu chu a phone a, loud speakerah a dah lo nangin a nu tawng pawh chu a hriat thei vek a. Akima nu chuan, "Hello, bawiha..i va rei ve, khawnge i awma?" a ti a, Akima chuan tap chungin, "Nu...ka pa enge a an?" a ti a, Anu chuan, "Hei, operation tih a hun dawn tawh a, pawisa chu i va puk ta em?" a ti a. Akima chuan tah hawm hawm pah chuan, "Aih ka nu..ka theilo, fake certificate siam ah min puh a, min man a ni ka nu, engmah tih theih ka neilo." a ti a, anu chuan mangan hmel tak hian, "Enga? Bawiha enge awmzia?" a ti a, chutia a sawi lai tak chuan doctor chuan, "Ka pi, i pasal operation tih a hun tawh a, pawisa chu khawnge?" a ti ri hi a hriattheih a, Akima nu chuan, "Aw..ka fapa in alo la dawn." a ti a, Doctor chuan, "Ti vat ru, darkar khat bak kan nghak thei tawhlo che u, anih loh chuan i pasal pawh hi kan chhan theilo ang. Pawisa neiloin tinge in in admit reng reng a, private hospitalah kher leh nghal, sorkar damdawiin tam tak a awm a, tah chuan kal mai tur a lawm." a la ti zui a. Akima nu chuan, "Bawiha, khawnge i awm?" a ti a, Akima chuan, "Police te bulah, Nu...ka zir san theih nan theihtawp i chhuah a, mahse engmah sawtna a awmlo, ka va han nep tak em, min ngaidam rawh aw nu..." a ti a, Anu chuan, "Bawiha, pawisa chu neilo mahla lo let leh hram rawh.." a ti a, anu pawh chu a tap a. Akima chuan phone chu dah chuanlo chuan minpe a, chuveleh Polive van hnung kawngkhar chu a hawng thut a, a zuang thla ta thut mai a. Ka au rual thawt hlawm a, motor chu a ding a, Akima chu lamlianah chuan a lum tawp tawp a, Truck lian tak mai chuan a chil zui a, thisen a per chhawk mai a, a thi chiang ngei mai. Akima nu chuan phone atang chuan, "Bawiha, bawiha enge thleng a?" a rawn ti lawm lawm a, motor atang chuan kan chhuk vek a, Akima ruang awmna lam chu kan pan khawm a. ACP lah chuan ring zet hian a phone phawh pah chuan, "Hello, control room...accident a thleng e, Akima, kan miman te zinga mi chu tun mai khan a thi." ala ti vak vak zui. Phone lah chu off nachang kalo hre silo a, Akima nu chuan alo hre pha vek chu niin, "Akim..nilo..Bawiha." a ti a, a tap hawm hawm a.
Akima a thih tak si ah chuan Court chuan Johny-a leh mi pathum dang te chu bail chhuah a phal ta a, inquiry tih hmabak in order a pass ta bawk a. Zanah chuan Nathana nen chuan Johnny-a te inah kan va leng a, an lo lungngaih hmel hlawm khawp a, lawyer Chhana pawh chu a awm ve bawk a. Johnny-a pa chu room ah a lut a, paper tam deuh hi a rawn keng chhuak a, lawyer pek pah chuan, "Chhana, hei hi la rawh. Kan house document a nih kha, court ah chuan va kal la, he kan in hi hralh la, a pawisa chu va pe ang che. Keini chu Mizoram kan chhuahsan mai ang, abak tihtheih kan nei lo." a ti a, Johny-a chu ngawi rengin a thu a. Nathana chuan, "Pa Ngur, a tullo...court ah remaining deposit va pek avang khan buaina hi a reh phah dawn lo. In fapa Johnny-a hi lehkha in zirtir man a awm nang, ngaihtuah rawh. Sorkarin a certificates zawng zawng a cancel sak vek a, tuin nge hna pe anga?" a ti a. Johnny-a bulah chuan Nathana chu file nen a va kal a, "Johnny, hei hi la rawh, he case-a detail thenkhat ka lak khawm te annih kha. Nangmahni chungah chauh hetiang thil hi a thleng lo ania, kum 2 kal ta khan Champhaiah mi pahnih chu hetiang case vang hian man anni tawh bawk a, kum 4 kal ta khan Shillongah mi pahnih tho chu hetiang vang hian man anni tawh bawk. Midang chungah pawh ala thleng zel ang, an address te, an hming te a in ang a, mahse an khua hi a in ang tak tak miahlo a, an inhmelhriat hlawm bawk hek lo. He thil thlenna chhan bul pui ber chu, Fake Certificates hi a ni." a ti a. Johnny-a chuan, "Anih chuan...enge awmzia ni ta ang?" a ti a, Nathana chuan, "A awmzia chu, heng education loan in la anga an puhna che u kha, kha loan kha midang lak a ni a, chuan pawisa pawh chumite chuan an chang vek a ni. A awmzia chu fake certificates siam tute hi eng goup emawni an ni, thawk ho anni. Anmahni chu kan man a pawimawh ber, in certificate te hi an copy a, tichuan seal lem te nen, tikhan anmahni bawkin bank ah pawisa chu nangmahnin inpuk angin an sawi a, sumdawnnan an hmang che u a ni." a ti a. Johnny-a chuan, "Sir, engtin nge kan chhuichhuah ang?" a ti a, NAthana chuan, "Keini chauh nilovin, nangmah hi i pawimawh ber ania Johnny. Mi naran angin ngaihtuah suh, TV Reporter i nihna ang khan han ngaihtuah teh." a ti a. Johnnya chuan an in chhung chu a en kual a, a college degree certificate an in banga an tar chu a la thla a, Nathana bulah chuan, "Sir, heta ka thlalak hi, police stationa fake document min entir a ka thlalak awm nen khan a inang chiah chiah mawle." a ti a. Kei chuan, "A awmzia chu i college certificate-a i thlalak hi a leakout a nih chu." a ti a. Nathana chuan, "A theih loh, Sorkar College ah chutiang thil a thleng theilo, midangin an ti zawk a ni." a lo ti a. Johny-a chuan, "E taka, he ka thlalak hi hmun dangah pawh ka hmang tak e." a rawn ti a, Nathana chuan, "Khawi hmunah?" a ti a, Johnny-a chuan, "Zarkawt ah..Dot Consultancy (fiction) dawrah khan, ahla vak lo, km khat vel animai heta tang hi chuan." a ti a, NAthana chuan, "Kal ang u." a ti a, a zan azan in chumi hmunah chuan kei leh Nathana leh Johny-a leh Lawyer chu kan chhuak ta a.
Dawrah chuan kan kal a, mahse dawr chu tala in alo inkalh a. Abulah chuan pitar pakhat hian chawhmeh a lo zuar a. Keichuan, "Ka pi...i va nghak rei ve a..." ka ti a, pitar chuan, "Ni e, ka haw tep tawh." a ti a. Keichuan, "He dawr hi zingah dar engzat ah nge an hawn thin?" ka ti a, pitar chuan, "Kha dawr kha chu an hawn tawhlohna a rei leh tawh, tumah anlo kal ngailo." a ti a. Chutia kan inbiak lai chuan Nathana chuan tala chu lungin alo chhuchhia a, keichuan ka hlauthawng deuh a, "Sir, engemaw i tih le? Uniform pawh kan hak loh hi, warrant pawh kan neilo a, buaina kan tawk thei asin miin min hmu ange.." ka ti a, Nathana chuan, "Hunrei tak chhung he dawr hi a inhawng tawhlo a, mahse tala hi en teh u, ala thar tha em em a, chuan kawngkhar bul pawh hi a fai tha em em a, bawlhhlawh a awm lo." a ti a, tala chu kan en a, a la thar that mai bakah ala tle var var a. Nathana bawk chuan, "A awmzia chu helai hmunah hian tu emaw chu a kal fo tihna a ni." tih pah chuan a chhungah a lut a, kan zui lut a. Paper tam zet mai hi hmuntinah chuan a lo in rem teuh mai a, chutah chuan fake certificate copy chu kan zawng ta hlawm a. Kan hmuh zawh ngang loh avang chuan Johhny-a pawh a thinrim hle mai, a mangang tawh bawk si chuan au vak vak pah in chair te chu a pet tlu a, paper te chu a theh darh a, bawlhhlawh bawm chu a la a inchung ceiling chu a vawm vak mai a. Chuveleh ceiling chu a keh a, inchung pawp plastic keh atang chuan vaivut hi a rawn tla nuai nuai mai a, paper a rawn tla nuai nuai bawk a. Paper chu Nathana chuan a en a, fake certificate alo ni a, chuveleh thutthleng a la a, inchung chu a han vawm ve a, a keh a, vaivut leh paper tam tak hi a rawn tla ta teuh mai a. Johny-a chuan a en kual a, "Engeneering, Mba, Mcom, BSc...fake certificate vek a nih hi." a ti a, Lawyer chuan, "Johnny, enteh...hei MBBA certificates anih hi." a ti a, Johnny-a chuan a en a. Lawyer tho chuan, "Heta pawh hi fake certificate, nangma hming ang chiah, Johhny Zothanmawia. Mahse oroginal a ang lutuk, en chhin teh" a ti a, a en leh a. Nathana chuan, "Heta hi seal ka hmu e." tih pah chuan seal chu dawhkanah a dah a. Paper blank a la a, seal hrang hrang chu paper-a chhut zel pah chuan, "Pachhunga University, Hrangbana College, Aizawl College, Aizawl North College, Icfai University, J Thankima college....Aizawla College seal chu a awm vek a nih hi." a ti a. Lawyer chuan, "Mahse Bank-a loan lak nan chuan University Certificate chu a tawk mai lawm ni? Document dang ala ngai cheu tihna ania..." a lo ti a, Nathana chuan, "Kan rindan chuan hengmite hian bank ah educational loan an la angin kan hria a, mahse chutiang nilovin, fake certificates hi midang hnenah an hralh zawk a ni." a ti a. Lawyer chuan, "Chutianga an hralh anih chuan tinge hetah hian certificate ho hi an dah si a?" a ti a. Nathana chuan, "Achhan chu heng certificates te hi a chhe tawh a, a expire tawh a ni. En ula, heta hi printing mistakes tlem tete a awm nual hi..."a ti a, kan han en a, print sual a lo awm nual a. Nathana bawk chuan, "Hemi te hi group satliah anni lo...Scam lian tak ani. Ka rindan chuan, helai hmuna mi lo kal te hi an hming leh certificate te an lo en sak a, chung original certificates te chu fake certificates te nen a inmil turin anlo siam rem tihna a ni." a ti a. Johny-a chuan, "Enge awmzia?" a ti hu a, Nathana chuan, "Entirnan, i hming Johny-a a ni a, Northeast India ah hian private leh government chhiar telin University 48 vel a awm a, chuan college 200 vel chu he University 48 te hnuaiah hian an awm a, chung college zawng zawngah chuan Johny-a tih hmingpu pakhat tal chu zirlai te zingah an awm ngei ngei dawn chiang sa a, chuan a original document leh certificate te chu an lo copy ruk sak ta a, tichuan fake certificate 1000 chuang vel chu a ma hming chuan an siam ta a ni." a ti a. Nathana chuan certificate pahnih chu la in dawhkanah a dah a, "Enteh u, he fake certificate pahnih hi en ula, an hming hi a in ang a, Rozuala ve ve an ni, address a in ang a, degree pawha inang, mahse thlalak erawh a in ang ta lo thung." a ti a. Lawyer chuan, "Heng fake certificate te hi original anga an siam hian enge hlawkna an hmuh a?" a ti a. Johny-a chuan, "Ka rindan chuan background certification atangin tumah an manchhuak thei dawnloh vang aniang, a hralhtu pawh a him a, a leitu pawh a him." a lo ti a. Nathana chuan, "Adik chiah.." a lo ti ve bawk a. Lawyer chuan, "He tah hian an thlalak a awm vek a, heta tang hian an manchhuah mai theih lawm ni." a ti a, keichuan, "Chutin thlalak atang khan kan man thei ngawt hleinem, khawiah nge an thawh a, an awmna hmun kan hre silo alawm." ka lo ti a. Nathana chuan, "Tute nge an nih a, khawiah nge an awm...eng hna nge an thawh..engmah kan hrelo. Mahse kan va zawnchhuah angailo ang, anmahni zawkin min rawn pan dawn a ni." a ti a. Johny-a chuan, "Engtin?" a ti a, Nathana chuan, "Fake certificate tuna kan hmuh ho hi, tuna hna lian tak tak thawk ta te hi, fake certificate hmanga tling mai mai anni tih news ah kan puantir ang." a ti a, Johny-a chuan, "Atha e...kan channel kan phone nghal ange." a ti a, tichuan dawr chu kan chhuahsan ta a.
Atuk news ah chuan fake certificate vanga tling a, hna hmu ta te leh sumdawnna lian tak tak nei ta te chu an puang ta a, Zoram puma deng chhuak hneh hle mai, mite titi ber a ni ta a. Nathana tum dan chuan, heng thil ti leakout tu hi fake certificate siam tute chuan rawn zawn chhuah an tum anga, kan hnen an rawn thlen ve leh keinin kan lo man dawn a ni. Stationah chuan ka office ah ka thut mai mai lai chuan Lawyer chhana chu a rawn lut a, "Tinge min tel ve a?" a rawn ti ringawt a, ka hrethiam lo ngei mai. Hrilhhai tak chuan, "Enge awmzia?" ka ti a. Lawyer chuan, "Fake certificate vanga hlawhtlingte ah khan ka hming a tel ve rigawt a nia...ka mualpho ange." a rawn ti a. Nathana a lo lut a, "Lungngai suh...keiman ka ziak tel a nih kha." a rawn ti a, mak ka ti hle mai. Lawyer chuan, "Tinge?" a ti a, Nathana chuan, "He misual pawlte zinga mi pakhat hi nangmah hmangin ka man dawn a ni." a ti a, Lawyer chuan, "Enteh Sir, ka hlau teh mai ania aw." a ti a, Nathana chuan, "Hlau suh ka awm alawm, i lo kal hi ka ring reng a, ka lo nghak che alawm. Johnny-a pawh a lo thleng tawh a, tihtur kan nei. Engmah min zawt lo la, che chhuak nghal ang u." a ti a, kan chhuak khawm ta a. Hmun pakhat ah hian Nathana chuan min kalpui a, motor ah chuan kan thu khawm a, Lawyer erawh motor atanga hla vak lo, kan hmuh phak tho si ah chuan Nathana chuan a awm tir a, phone in kan inbe pawp reng a. Lawyer chuan, "Awm rawh i tihna hmunah chuan ka awm tawh e, enge ka tih dawn?" a ti a. Nathana chuan, "Ngaithla rawh, hlau lola, nakin deuhah an rawn kidnap dawn che." a ti ta mai a, Lawyer pa chuan hlauthawng takin, "Enga? Ka duh lo chutiang.." a ti a. Nathana chuan, "An kidnap loh che chuan kan manchhuak thei dawn lo asin, mahse tunge an mahni chhuitu hi min hriat chhuah hma loh chuan an la rawn kidnap mai lo ang che, an zuiru ringawt ang che." a ti a. Lawyer chuan, "Ava hlauhawm duhawm ve...chubakah engtin nge i hriat lawk theih a?" a ti a, NAthana chuan, "I veilam kha en la, tu emaw ni phone hmang mek i hmu em? Building verandah ah khan?" a ti a, Lawyer chuan a veilam building en chhoh pah chuan, "Aw.." a ti a. Nathana chuan, "Chuan...i dinglamah khan, pen 10 vela hla ah khan bike bula ding pahnih te khan nichin atang khan an en char char tawh bawk che." a ti leh a, Nathana sawi ang zel chuan bike bula mi pahnih te chuan Lawyer chu an en deuh reng a. NAthana chuan, "I hma lam kha en leh la, kawng lehlamah chiah khan mi pakhatin phone hmang chungin a en reng bawk che." a ti leh a, Lawyer chu a hlauhthawn hmel tawh hle mai. Nathana bawk chuan, "I hrelo maithei a, mahse tukin atang tawh khan hemi te hian an zui char char che, police station i rawn kal pah pawh khan." a ti a. Lawyer chuan, "Khawnge in awm hrim hrim a?" a ti a, Nathana chuan, "I veilam atanga dawr 7 na bulah khan, kuhva zawrhna bulah, police jeep ah Johny-a leh kei leh Rina kan awm." a ti a, Lawyer chu a rawn hawiphei a. Nathana bawk chuan, "Kan plan hi a fuh dawn chuan, an kidnap che a ngai." a ti a. Lawyer chuan, "Anni pawn min kidnap na turin plan an nei ve ngei anga, engtia min tih nge i rin?" a ti a, Nathana chuan, "I bul deuh lawkah khan T-shir var ha in thingpui a in mek a, i hmu em?" a ti a, Lawyer chuan, "Aw, chuan..?" a ti a, Nathana chuan, "Va kal la, va be rawh...engemaw thil ho mai mai pawh va sawi rawh. Duhtawk rawh..ka tih hma chu be char char ang che." a ti a. Lawyer chu va kalin chupa chu a va bia a, chupa chuan mak alo tih hmel hle mai. An inbiak lai chuan Nathana chuan, "I ID card hmuh rawh." a ti a, LAwyer chuan chupa chu a ID card a hmuh a, chupa lah chu a hrilhhai hmel hle mai. Nathana chuan, "Enge maw dawt phuahchawp emaw chhuanlam ho deuh deuh sawi la, tichuan nichina ka mi hmuhho te kha kawk kual rawh." a ti a, Lawyer pawh chuan a ti ve zel a, Nathana chuan, "I ID card kha khapa kha pe rawh. Chuan i kalsan dawnnia." a ti a, Lawyer chuan a card chu chupa ipteah chuan a dah luih sak a, Lawyer chuan a kalsan ta a. Lawyer kalsan veleh chuan chupa chu mi 10 vel hian an rawn hnek rawn ta luai luai amai a, a bag ah lai chu an lak sak a, tichuan an kalsan leh ta daih mai a. Lawyer pa lah chu nui huah huah chung chuan, "Sir Nathan, kan plan chu a va han fuh em em, haha...tunah chuan min kidnap dawn tiraw..ka inring e." a ti ham ham a. Nathana chuan, "An kidnap leh dawn lo che...an that dawn che." a ti ta mai a. Lawyer chuan hlauthawng takin, "Enga?" a ti a, a hnungah chuan an rawn um a, Nathana chuan, "Muang changin kan motor lam hi rawn pan rawh." a ti a, chumi te chuan an rawn umphak tep a, Lawyer chuan, "Sir, min man tep ania, enge maw tal han ti teh." a ti a, a hlauthawng kher mai. Nathana chuan, "TLAN RAWH LE." a tih rual rual chuan kan lam pan chuan Lawyer chu a rawn tlan a, kan zawn a rawn thlen chiah chuan NAthana chuan, "Rinawm..tunah.." a ti a, motor atang chuan kan chhuak dun a, an zinga pakhat chu Nathana chuan a tlawh thal nghal pawp a. Keipawh chuan pakhat chu ka rek bet a, chhuata hmai vaw chawrh chuan ka paih tlu a. Tichuan kan insual ta buai buai hlawm mai a, ka hnung a tang chuan mi pahnih velin min rawn man thut a, ka tal chhuak zo lo, motor ah min luhpui a, ka hmai an tuam a, min phuar bet a, min tlan pui ta a. Tichuan motor chu a ding a, Lawyer pa chu an rawn man veleh a. Building pakhatah min luh pui a, Lawyer nen chuan chhuatah min peih tlu thuai a. An zinga an boss deuh ber pa chuan phone a phawrh a, loud speaker ah a dah a, "Hello Sir, min bum an tum ve khanglang a, mahse Lawyer Chhana leh a thianpa kan man e." a ti a. Phone ami chuan, "Mawla, in kidnap ani lo, ka mi zawn ber chu in kidnap lo, nangmah kha an man thei nan che a in kidnap tir che a nih kha. Midang zawk alawm kidnap tur a ka tih che u, khapa nilo khan. Evidence a duh ber a, tichuan nangmah zawngin a lo kal nge dawn ania. Alo kal hmain evidence zawng zawng kha hal ula, tichuan Lawyer leh a thianpa pawh chu that nghal rawh u." a ti a, bawm tam deuh hi an rawn chawi phei a, a chhunga paper tamtak chu an bun chhuak a, chu chu evidence a sawi chu ani ngei ang. Lawyer pa nen chuan chu paper te nen chuan khawnvartui min leih hnan a, ti chuan min hal an tum ta mai a. Chutih lai chuan kawkkhar a rawn in kik a, an zinga pakhat chuan a va en a, a kawngkhar chawp chuan chu pa chu a rawn thlawk let leh rang hle mai, bang deng dawt khawp chuan a rawn thlawk phei a, nikhaw hrelovin a awm nghal. Kawngkhar bul kan va en chu, thinrim hmel em em a Nathana lo ding hi kan hmu a, tichuan a rawn lut a, chung misual ho chu a khawih nghal bian bian mai a. Minute 5 vel chhung lek chuan Nathana chuan a thal fai nghal vek mai, min phuarna chu a rawn phelh a, Lawyer chuan tap tuau chuan, "Hey...i rawn tlai teuh hle mai, nilo se chuan...ka....ka kang vek anga, ka thi ngei ang." a ti hluam hluam a, Nathana nen chuan kan in en a, kan nui ringawt a, Lawyer pawh chu a tah nuih vel ta mai mai a.
Tichuan chulai hmuna evidence te chu kan la a, tichuan fake certificate siamchhuak tu te chu an mahni kan hre thei ta a. A bul tumtu ber chu man lo mah ila, a company link pui ho DOT CONSULTANCY dawr chu veng tinah ti tawp a ni ta a, news ah chuan THE SECRET OF FAKE CERTIFICATES tih in channel tinin an puang sup sup a, he company a in hnamhnawih kan hriat apiang te chu kan man hmak hmak mai a. An Gang hming chu 'VENOM' tih a ni a, dark web lamah pawh an lo inhnamhnawih a, mi tam tak an lo bum tawh bawk a ni. Ahmaa forgery case a naupang kan man te pawh chhuah zalen an ni a, chutih rual chuan nunna chan ta Akima sun nan leh lungawilohna lan tir nan zirlai ten kawng an zawh a, College leh University te an nuar bawk a, news ah chuan chutiang lampang hlir chu a khat a ni ber mai. Zirlai thenkhat te pawhin an mahni duhthu ngeiin Venom company atangin fake certificate chu phaia lehkha zir nan leh foreign lama lehkha zir duh vangin anlo lei thin tih te thlengin hriat a ni ta bawk a, he thil vanga nunna chan tam tak anlo awm tawh tih pawh hmuhchhuah zel a ni. Tlai khat chu kan chhuichhuah lawmnan tiin Johny-a pa chuan dinner a show a, tui ti takin kan ei a, kan eikham chuan kan titi hlawm a. Johny-a pa chuan, "Pu Nathan, in ti lawmawm e, thlamuang takin kan awm thei ta, engkim a tawp tawh bawk a, Johny-a pawh SPy TV atangin a kaisang bawk a, KBC channel ah a thawk thei ta." a ti a. Mahse Nathana chuan, "Nilo, buaina chu ala intan dawn chauh ani. Chuvangin Lawyer Chhana leh Johny-a hi pawnah chhuak vak vak lo turin ka duh che u a ni, chuan in mobile pawh hmang hrih suh u." a ti a. Lawyer chuan, "Enteh ka pu, ka thi tep a, ka damchhuak hram hram chauh kha a ni a, khawngaihin min teltir ve tawh suh." a ti a, Nathana chuan, "Lungngai suh, he network hi a lian em em a, tunah chuan mi pakhat chauh kan la man a ni. Midang inrawlh anla awm, chu mihring chuan min la rawn zawng leh dawn a ni." a ti a. Tichuan kan haw a, kan haw kawngah chuan thingpui kan inkawi leh a, Nathana nen chuan kan titi a. Darkar chanve vel hnuah chuan in lam panin haw zai kan rel ta a. Kan haw kawnga building, ahmaa evidence kan hmuhna zawn kan thlen chuan silai kap ri kan hre ta a. Nathana chuan motor a ti ding a, kan chhuk a, chumi building atang chuan hmanhmawh em em in Johnny-a chu a rawn tlan chhuak a, a hnugah chuan mi 10 vel hian an rawn um a, silaiin an rawn kap zui a. Nathana chuan rang zet hian Johnny-a chu motorah a pawt lut a, tichuan chak takin kan tlan ta a, mahse min rawn umzui lemlo. Nathana chuan, "Johny, engtik lai khan nge ilo chhuah hman a?" a ti a, Johny-a chuan thaw hluam hluam chung chuan, "In chhuah hnu deuh khan.." a ti a. Nathana chuan, "Enge i va tih a?" a ti leh a. Johnnya chuan, "Khalai ah khan an VEnom member ho hi an la kal ka ring a, evidence dang la turin, chuvang chuan in hriatloh hlan khan bang phenah motion picture camera ka dah ru a." a ti a. Nathana chuan, "Eng a? A va han tullo ve, a hlauhawm a sin. Chubakah security pakhat kan dah kha.." a ti a, Johnny-a chuan, "A thi..a chal ah tak an kap a, a ruang ka hmu a ni. Keipawh min that hman tep, camera kha an lo hmu a.." a ti a. Johnny-a te in kan thleng a, Johnny-a pa te an lo chhuak a, "Enge thleng a?" a lo ti a. Nathana chuan thinrim tak hian, "In fapa hi chhuah tir suh u ka ti anilawmni? Engkim hian chintawk a nei, Jonny nangpawh...in channel a thawk ho te pawh hi....in over mah mah a ni. In nunna, in hmahun te, in chhungte....in Channel TRP a san theih nan mai mai hlauhthawn awmah in dah phal hi a mak ka ti. Tun ah phei chuan thil tisual tute hi zalen takin khawlaiah an leng vel a, tuman an kuthmawr pawhin an dang ngam lo asin. Mi zawng zawng hi an inthlakdanglam thei vek lo a nih hi...Rinawm, kal ang." a ti a, kal kan tum chiah chu Johnny-a chuan, "Sir, hengte hi kan channel TRP a san theih nana ti kan ni biklo asin. Ka roomah lo lut ula, engkim ka hrilh ang che u." a ti a, Johnny-a room ah chuan kan lut a, a room bangah chuan paper a lo intar khat vek mai a. Johnny-a chuan, "Heng ho zawng zawng hi fake certificate case a evidence te kha an nih hi." a ti a. NAthana chuan a en kual a, thlalak pakhat, vaipa thlalak hi alo intar tel ve a, "Hepa hi tunge?" a ti a, Johnya chuan, "Dr. Guru Murthy a nih kha, MBBS, FRCS, MD, PHD...heng te hi rim taka hna thawh vanga certificate neih a nilo, fake certificate a ni a, pawisa a lei a ni. Bangalore ah kum 8 kalta khan clinic tereuh te a hawng ve a, chu clinic chu tunah chuan Multi Specialist Hospital a ni tawh a sin. Kum khata an turn-over zat i hria em? Cheng maktaduai 700 lai mawle...Operation hi vawi 130 vel a ti tawh a, chungte zingah chuan damlo 73 lai an thi tawh a ni. Chung zinga mi 15 te chu naupang an ni a, mi 25 te chu hmeichhe raipuar an ni. Doctor chauh nilovin, College Proffessors, engeineers, police officer, health inspector, bank officer, pilot, software engineers, lawyer te...eng ho zawng zawng te hi fake certificate nen dept tinah ah an thawk a ni. Kum khat chhung lekin zirlai nuai 7 chuangin an zirlai an zirzo thei a, mahse chung zinga 40% vel chauh chuan hna an hmu a, chung zinga 7% hna hmu velo ho te chuan an mahni lane ah business chhe te an thawk a, ngatinge a chhan..achhan chu heng misual te vang hi ani." a ti a. Keichuan, "I sawi dik khawp mai, mahse han zawn hmuh a, han man nghal chu a harsa viau ang." ka lo ti a, mahse Nathana chuan, "Tumna a awm chuan...kawng pawh a awm alawm. Heng mite, society tana hnawksak te hi kan hrem ngei angai ang. Mahse chumi hma chuan, he fake certificate supply tute hi kan man hmasak a ngai a ni." a ti a. Johnny-a chuan, "An bo daih tawh kha, min rawn umzui ta silo a, hnuhma engmah zawnchhuah na turin an hnutchhiah silo a.." a ti a, Nathana chuan, "Enge mawni chu an hnutchhiah alawm." a ti a, Johny-a chuan, "Enge?" a ti a, Nathana chuan, "Fake Certificates." a ti a. Kan en thap a, Nathana chuan, "Student angin ka inchei naupang anga, fake certificate hi keima hmingin ka siam tir ve dawn a ni. Certificate pakhatah registration number pakhat a awm a, chu number chu registration number dang nen a inmil lo vek a ni. He fake certificate a registration number dil lo hian leh, certificate hi fake nge a original zawk tih hrehrang lovin, certificate pangngai min pe tu an awm anih chuan, chu ngei chu kan misual chu ani tihna a nimai. Ka chhuah lo ang, a network zawng zawng hi ka tihtawp sak vek dawn." a ti a, a thil sawiah a chiang bawk a, keichuan puih ka inpeih reng a ni.
Atukah chuan Lawyer Chhana sawi dan angin, a lawyer pui hmelhriat, misual tam tak lo chhanhim tawh tu, misual hmelhriat nei tha tak bulah chuan min hruai a, chu lawyer chuan fake certificate lama inhnamhnawih ve a rin ber library-a thawk Pu Lalfamkima chu min kawkhmuh a, a address te min hrilh a, kan ve kal ta a. Nathana nen chuan police form halovin, tleirawl thei ang berin kan inchei a, kan va kal ta a. Pu Kima chuan, "Enge in duh a?" a ti a, Nathana chuan, "Sir, fake certificate ka duh a." a ti a, chuveleh Pu Kima chuan thinrim takin, "Hey...chutiang ka neilo, chhuak rawh u." a ti vin tuar a. NAthana chuan, "Mahse Sir, Pu Lalfamkima i ni lawmni?" an ti chiah chu zawite hian, "Inchungah ka office ah min rawn zui ru." a ti a, kan zui chho ta a. Pu Kima chuan inla chapo tak hian, "Famkima chu ka ni a law, mahse fake certificate in duh te chuan heta lo kal chi ani hleinem, camera hi hmun tinah a awm a, fimkhur a ngai a sin." a ti a, chumi a sawi lai chuan camera chuan arukin a thi sawi lai chu video in ka la char char a. Pu Kima chuan, "Eng certificate nge in duh a, School degree nge college degree?" a ti a, Nathana chuan, "School emaw college emaw lam anilo, Engineering Certificate ka duh." a ti a, Pu Kima chuan, "Pawisa engzat nge min pek ang?" a ti a, Nathana chuan, "I duh zat sawi la." a ti a, Pu Kima chuan, "Cheng nuai 2 angai ang." a ti a, NAthana chuan a cheque in nuai 5 lai a pe a, a va an hausa bik tak. Pu Kima lawm lutuk chuan, "Kha...address hi paper-a ka ziah hi la ula, in hna chu a zo a nimai." a ti a, a address min pek ah chuan kan kal ta a. Company pakhat hi alo ni a, Office chhungah chuan an manager chu kan va hmu a, Manager chuan, "Eng certficate nge i duh?" a ti a, Nathana chuan, "Engineering.." a ti a. Manager chuan, "Eng University?" a ti a, NAthana chaun, "ICFAI University." a ti a, chumi pah chuan video chuan ka la ru reng bawk a. Manager chuan, "A har asin, verification an dil che anga, an man che nimai, keipawh min man a nimai." a ti a, NAthana chuan, "Ihhh...pawisa i duh zat zat ka pe ang che.." a ti chiah chu a nui vur vur a, "Umm...nuai 3 chu a ngai ve ang." a ti a, Nathana chuan a pe leh nghal a, address pakhat min hrilh leh a, chutah chuan kan va kal leh a. In pakhat ah kan lut a, pitar pakhat leh nula hmelchhe ve deuh mai pakhat hi anlo awm a, pitar chuan, "I hming?" a ti a, Nathana chuan, "Nathan Malsawmkima.." a ti a, tichuan computer ah chuan certificate lem chu an siam a, tichuan Nathana chu an pe ta a. Nathana nen chuan certificate chu Johny-a bulah chuan kan hmuh tir a, Johny-a chuan, "Government specificationah chuan certificate te hi a sei zawng chu 29.7 cm tur a ni a, a hlai zawng hi 21.9 tur a ni a, a paper quality pawh hi glossy paper a print tur a ni bawk, he paper hi a lem a ni." a ti a, tichuan Nathana nen chuan fake certificate dang zawngin kan chhuak leh a, address kan dawn ang ang naah kan kal tawp a, company pakhatah chuan kan va la leh a, Nathana pawisa pawh a hek tawh khawp mai. Johny-a kan en tir leh a, Johny-a chuan, "Certificate chhah dan hi chu 0.156 millimetre tal a ni tur a ni a, alphabet tin te hi Special German Made Ink ngei a print tur a ni bawk, mahse hei chu GErman pentui a nilo, hei pawh hi a lem a ni." a ti leh a, a va hahthlak thin em. Hmundangah kan kal leh a, rinloh tak maiin workshop a ni. Mahse workshop bulah chuan printing press office alo awm a, chutah chuan min luhpui a. Certificate chu an siam zawh chuan mi pakhat lukawlh hi alo kal a, Nathana bula paper pek pah chuan, "Hei hi Engineering marksheet a ni a, chuan hei hi certificate chu." a ti a. Johny-a bulah bawk chuan kan kal leh a, Johnya chuan, "Certificate tin hian secret symbol an nei a, chu chu ultra violet light hmang chauhin kan mit hian a hmu thei a ni. Kum 2009 -a secret symbol kha hetah hi chuan hman a nilo a, hei pawh hi fake a ni." a ti leh ta a. Nathana nen chuan kan beidawng tak zet tawh, adress kan neih tawpna berah chuan kan kal a, putar a ni. Chupa chuan, "Hetah chuan Job order chauh kan ti a, certificate chu hmundangah zawk lam tur a nia. Bazar kawng hnuaiah zu kal ula, INDIAN MARKET tih in zawng anga, Shop No.37 ah khan kal ru." a ti a, tah chuan kan kal leh a. Zan a ni ta der mai, dawrah chuan kan lut a, kan han insawi a, tichuan dawr nghak pa chuan a dawr a khar a, hmun pakhatah min hruai leh a. In pakhatah kan lut a, putar thau deuh hi a lo thu a, dawr nghak tupa chuan, "Boss, hemi te hi annia.." a ti a, putar chuan, "Awle...kal rawh, ka lo buaipui ang." a ti a. Nathana bulah chuan, "University a ni a, chupawh engineering certificate lehnghal, cheng nuai 20 chuang chu i chawi angai dawn nih hi, a pawi i ti em?" a ti a, Nathana chuan, "Pawi lo e." a ti a. Chu putar chuan, "Inhnuaiah ka zu siam tir anga, hetah minlo nghak dawnnia aw, hei..ka nau hian alo awmpui ang che u." a ti a, an kal ta a. An kal liam chiah chu chu putar nau chu Nathana chuan a hnek nghal siah mai a, nikhaw hrelovin a awm nghal a. Chuveleh Nathana chuan dawhkana computer chu a thutchilh nghal a, Fake Staff list leh Venom company secret files zawng zawng chu a phone nen connect in a copy nghal char char a. Keichuan, "Enge i tih a, fake certificate chu min rawn pek hunah hepa nikhawhreloa let reng hi an hmu anga, min that dawn asin, silai an nei ania. A hrim hrim in tinge i hnek kher a, certificate la tura kal kan ni anilawm ni?" ka ti a, Nathana chuan, "Ni tho e, mahse hei hi a pawimawh zawk. Certificate siam tu hi hacker a ni dawn tih a chiang a, chu chuan ka certificate lem turin University danga ka hming nei ang a zawng anga, ahmu ngei ang. Mahse kan piankum a inmil thei dawn lo a, achhan chu college naupang ni tur chuan ka upa tawh lutuk, chutah tak chuan min ringhlel anga, ka original certiicate a hack anga, police ka ni tih hi a hre dawn. Chuan anlo chho anga min rawn kaphlum ang. Chumi hma chuan heng ho hi ka copy zawh vek angai." a ti a, tichuan a zo chiah chu computer CPU chu a thiat a, a hard disk a la a, tichuan chulai hmun chu hmanhmawh takin kan chhuahsan ta a.
Hard disk chu Station lam kan panpui a, tichuan Nathana chuan computer ah a vuah a, file vel chu a enkual a. Computer khawih pah chuan, "Tutu nge inhnamhnawih? Khawi khawi ah te nge Venom company hi a awm? Private leh Government Office ah te? School leh College ah te? Tutu nge hetiang hna hi thawk? Chu zawng zawng detail chu he hard disk ah hian a awm a ni. Heng thlalak ho hi khawpui chhunga main broker leh sub-brokers te an ni. Chuan hepa hi Main brokers chu a ni...Jeffrey." a ti a, palian lam, khabe hmu buk chhup mai, a mita ser nei thlalak hi min hmuh a. Nathana bawk chuan, "Hepa leh a thawhpui te hi kan man a nih chuan, fake certificate siam thinte leh an company chawpin kan khar thei dawn a ni." a ti a. Keichuan, "Anih chuan list siam nghal ila, Venom company staff te list hi.." ka ti a, tichuan list chu kan siam ta a. A tuk zingah chuan phone call ka dawng a, Nathana alo ni a, "Rina, thu lawmawmloh tak ani, Venhlui ah, kawnghnuaiah khan ruang chhar a ni a, lo kal nghal la a tha ang." a ti a, tichuan rang tak chuan ka insiam a, Venghlui lam pan chuan ka kal a. A hmunah chuan mi anlo tam ngei mai, Nathana pawh alo awm a, ruang ka va en chuan, ka thil hmuh chuan min ti hrilhhai takzet. Ruang pahnih lai a ni a, pakhat chu Lawyer Chhana a ni a, pakhat chu Johnny-a a ni. A chhungte an lo kal a, an tap zawih zawih a, sawi tur a vang tak zet, a va pawi thin tak em. Nathana bulah chuan ka va kal a, thil awmzia ka zawt tur chiah chu ka phone a rawn ri a, ka en chuan Lawyer chhana number a ni. Amak ka ti hle mai a, phone chu ka la a, mipa aw hian, "I thiante ruang chu i hmu maw?" a rawn ti a. Nathana chuan, "Loud speakerah dah teh." a rawn ti a, ka dah a. Chupa bawk chuan, "Pakhat Lawyer, pakhat Reporter....ka thah dawna thih an hlauh zia kha..i nunah hian chutiang thil chu i tawng ve tawh ngai em? Keichuan ka hmu asin. Ka thawhpui te in sawisa a...in man a, pakhat phei chu hospitalah a thi nghe nghe a sin. Chuvang chuan i bulhnaia mi apiang hu an thi zel ang, i partner Nathana thleng pawh khan...evidence zawng zawng kha, ka bulah a awm tawh e. Police, Lawyer leh TV channel pakhat...i network a zim lutuk, ka network erawh zau tak ani, i theih chuan min man ta che." a ti a, phone chu a dah ta a. KA thin a rim ngei mai, Nathana chuan, "Plan dang kan siam angai a ni..minlo zui rawh." a ti a, tichuan Nathana nen chuan Khatla ah kan kal a, Johnny-a thawhna Spy Tv Office ah chuan kan lut a, staff zawng zawng kan ko khawm a, Nathana chuan thu a sawi ta a, "Thiante u, in thawhpuipa Johnny-a chu, thudik tanin theihtawp chhuahin misual a beilet a, mahse a nunna a chan phah ta a. Chubakah lawyer pakhat, thudik tan tlat, mi diklo te suallet tu pawhin a nunna a chan phah ta a ni. Mahse tunah chuan kan beihlet ve hi a hun a ni, mahse tumah nunna chan awm tawhlo se ka ti. Kei erawh chu ka hmel an hre tawh a, an hmelhriatloh in he hna hi min thawhsak angai a ni, police ka nihna anga sawi ka nilo a, mi pangngai ve mai, tanpui ngai ka nih vanga sawi ka ni. College te kalin hah takin lehkha zirin student tam tak chuan certificate nei turin an bei a, mahse lehkha zir miah lovin fake certificate hmangin hna an hmu a, hei hi a diklo ani...min pui turin ka sawm che u, thudik tan turin.." a ti a, an ngawi thap a, an zinga pate reuhte hi alo pen chhuak a, "Sir, ka hming chu Mawia a ni a,ka pui ang che." a ti a, Nathana chuan, "I nunna derthawnga dah ka duhlo ania, ka tilui lo che." a ti a, mahse Mawia chuan, "Apawi lo, Johnny-a kha ka thianpa a ni a, a tan engmah ka tihsak ngailo. Mahse tunah hian a thlarau muang taka a chawlh thei nan ka pui duh a ni." a ti a, Nathana chuan, "A tha e." a ti a, Station lam kan panpui ta a.
NAthana chuan, "Mawia, ngaithla rawh, tunah chuan lem i chan a ngai dawn a, i hming hi MAwia nilovin Robina a ni hrih ang. Robina chu a awm tak tak lo a, mahse ID lem kan siam ang. DEgree i nei lo a, mahse kan misual Jeffrey a bulah Degree certificate lem nen iva kal anga, he tarmit hi vual la, he tarmit ah hian spy camera a awm a, i hmuh apiang kanlo hmu ve thei dawn ani." a ti a, MAwia chuan, "AWle Sir." a ti a. Nathana chuan damdawi mum anf deuh hi a phawrh a, "Hei hi i bengah vuah la, kan tawng i hre thei ang. Kan sawi ang apiangin awm ang che, fimkhur la." a ti a. Tichuan Police VAn chu kan chei danglama, taxi angin kan chei a, tichuan Mawia chu fake certificate siamna, ahmaa kan kalna ah chuan kan kal pui a. A tarmit atang chuan a hmuh ang apiang chu Van chhunga computer ah chuan kan hmu ve zel a, MAwia chu ava lut ta a. Putar chuan, "Eng certificate nge i duh?" a lo ti a, Mawia chuan, "MBBS." a ti a, putar chuan, "Tunge i hming?" a ti a, MAwia chuan, "Robin Lalnunmawia."a ti a. Putar chuan, "I ID card min hmuh teh." a ti a, ID card chu a hmuh a. Putar chuan Mawia chu motorah a luh pui a, an tlan ta daih a. Keichuan, "Sir, hmundangah an kal ania.." ka ti a, Nathana chuan, "Zui tawp rawh, an office an sawn a niang." a ti a, ka zui zel a. In pakhatah an lut a, tichuan putar chuan, "Lo nghak la, kan zu la ang." a ti a, MAwia chuan a nghak a. NAthana chuan, "Mawia, i sana bun ah khan camera ka vuaha, i hmazawn dawhkanah khan va dah rawh." a ti a, tichuan a sana chu ava dah a, inchhung pum chu kan hmu thei ta a. Vanah chuan Computer pahnih a awm a, pakhatah chuan Mawia tarmit camera a lang a, pakhatah chuan sana a camera zawk kha alang a. Nathana chuan, "MAin server room tih inziak ah sawn va lut rawh." a ti a, Mawia chu ava lut a, computer hmaah chuan a va thu a. Nathana chuan, "DOT CONSULTANCY tih chhula, staff ho file zawng rawh." a ti a, Mawia chuan a zawnga, mahse FILE NOT FOUND tih alo inziak a. Mawia chuan, "Sir, engtin nge niang?" a rawn ti a. Sana camera zawkah chuan mi pakhat lo lut hi kan hmu a, Nathana chuan, "Hey Mawia, mi pakhat alo lut a nia.." a ti a, Mawia pawh chu a tho a, a biru a. Chupa chu a hawikual a, achhuak leh mai a. Mawia pawh chu let leh in file chu computerah chuan a zawng tha leh a. A hmu ta a, NAthana chuan tihdan tur a hrilh a, pndrive ah chuan a copy ta a. A copy zo hman chiah chiah a, putar chu alo let leh a, "I detail ho chu certificate ah hian a awm vek e." a ti a. Nathana chuan, "MAwia, kan duh chu kan hmu e, lo chhuak tawh rawh." a ti a. Putar nen chuan lawmthu an inhrilh zo a, a chhuak tur chiah chu Jeffrey-a, VEnom company neitu chu a lo lut ta thut mai a, Jeffrey-a chuan Mawia chu a melh reng a, "Tunge i hming?" a ti a, putar chuan, "Ka thianpa nih hi Boss, certificate a rawn siamtir a, a rinhlelh awmloh." a lo ti zuah zuah a. Jeffrey-a chuan putar chu a beng siah a, "Hetiang hi ti tawh suh u ka ti a nilawm ni..." a ti a, Mawia a en leh a, "Tunge i hming?" a ti a. Nathana chuan, "Mawia hlau suh aw, a nih loh chuan aman chhuak ang che." a ti a. Mawia chuan, "Robina ka nia." na ti a, Jeffrey-a chuan, "Eng hna nge i thawh?" a ti a, MAwia chuan, "Nursing home ah sweeper ka nia." a ti a. Jeffreya chuan, "Engtia rei nge i thawh tawh?" a ti a, Mawia chuan, "Kum 8.." a ti a. Jeffrey-a chuan, "In Hospital phoen number min hrilh teh." a ti a, Nathana chuan, "28341600" a lo ti a. Mawia chuan NAthana sawi ang chuan, "28341600" a ti a, Jeffrey-a chuan phone a phawrh a, a call chhin ta ngat a, loud speaker ah ala dah zui a. Phone atang chuan, "Hello, Durtlang Nursing Home a nia, puih theihna che ka nei em?" a rawn ti a. Jeffrey-a chuan, "In sweeper te zingah Robina tih hmingpu an awm em?" a ti a, phone ami hmeichhia chuan, "Aw..mahse vawiin chu a leave a, enge ni ta?" a ti a. Jeffrey-a chuan, "A phone number ka duh." a ti a, phone ami chuan a rawn hrilh a. Jeffrey-a chuan phone chu a dah a, Mawia number chu a dail leh a, Mawia phone chu a rawn ri a. Keichuan, "Engtik laiin nge plan i lo siam hman a? Tunge phone ami kha? Nursing Home ami tak tak te an ni em?" ka ti a, Nathana chuan, "Nilo, ka nupui Sanvi a nih kha.." a ti a. Jeffrey-a chuan phone chu a dah leh a, "Amah hi check teh u." a ti a, an check pah chuan a tarmit chu an laksak a, dawhkanah an dah a. An check zo chu Jeffrey-a chuan, "Umm...i kal thei e." a ti a, Mawia chuan tarmit chu la tawh ta lo chuan akal a. Putar chuan tarmit chu lak kan pahin, "Ehe a tarmit a theihnghilh anih hi." a ti a. Jeffrey-a chu tarmit lam chu a rawn hawi a, a en vang vang a. Putar chuan, "Enga tan nge maw i tih le boss? Khatiang te chu cheng 50 velin bazarah a tam ang." a ti a. Jeffrey-a hmel chu thinrimna hmelin a rawn thlak a, "Hei hi tarmit a nilo, spy camera a nih hi...kha pa kha man ru." a ti a, an tlan chhuak a. Nathana chuan, "MAwia, i tarmit kha i theihnghilh a, an man chhuak che nia, rawn tlan rawh." a ti a. Mawia chu an rawn um a, Nathana chuan motor kawngkhar alo hawng sa a, tichuan Mawia chu rang takin a pawt lut a. Motor 5 vel chuan min rawn um a, Nathana chuan a phone a phawrh a, "Aw...SPy TV maw...kan lo kal mek e, breaking news turin lo live nghal rawh u..ON AIR ah..tunah." a ti a. Tichuan motor seat hnung lamah chua NAthana chuan TV NEws Camera chuan MAwia chu video in a la a, Mawia chuan microphone a phawrh a, "Lehkha thiam lo leh zirsang lo te, fake certificate hmangin engineer leh doctor an ni thei a. Chung information zawng zawng chu kan nei a ni, he company VENOM hi man chhuah an ni tawh a, a company hnuaia thawk te pawh hriat an ni tawh. He mite vang hian zirlai tamtakin nunna an chan nual tawh a, athen chu mahni intihlum anni...chuvang chuan.." a sawi zawh hma chuan kan motor chu motor pakhat hian a rawn su pawp a, kan vir nawk mai a. Mahse kan tlan thei leh mai a, min rawn um zel a. KAn computer chu a chianglo tlat mai, No SIgnal..tih a inziak a. Nathana chuan han siam a tum a, a thei lo.
Spy TV office chu kan thleng a, rang tak chuan kan chhuk a. Pawnah chuan staff member te chuan min lo nghak a, Nathana chuan pendrive leh camera chu pe in, "Office ah lut ula lo buaipui rawh u, lo telecast ngei ngei ru aw." a ti a, staff ho zawng chu office chhungah chuan aluh tir a. Jeffrey-a te anlo thleng a, mi 20 rual vel an ni, Nathana chuan, "Rina, kawngkhar kalh rawh, i che tak tak teh ang hmiang." a ti a, keichuan, "Awle...mi ka khawihlohna a rei ta bawk a, alunglen thlak a lawm le...ti chiah ila." ka ti a. Jeffrey-a chuan, "Hey...kan sumdawnna ah in rawn inrawlh ngam a, nunna chan an awm phah a, inla tawp lo cheu a maw...zanin hian in thi dawn." a ti a. Nathana chuan, "Hahh...ngaithla teh palian, Pathian hnenah ka tawngtai zo chiah a tunlawk khan...Pathian pawn ka rawn inrawlh lo ang a ti anih chu...i lo thi palh anih pawn thiamlohna ka neihloh chu." a ti a. Jeffrey-a chu a thinrim hle mai, mi pahnih an lo kal a, NAthana nen chuan kan lo hnek thal dun chiang ngei mai. An rawn tlan huk a, tichuan kan lo thal hmiah hmiah hlawm a, kan thal fai vek hnu chuan Jeffrey-a chiah a bang ta. Jeffrey-a chu rawn tlan pheiin ka mitah a rawn hnek a, ka thal tawp a. Nathana'n hnek a tum a, akut alo man sak a, vawi nga vel a dulah a hnek a, motor kawngkhar khuar dawk khawpin a lu a tauh tir a, Nathana na ti lutuk chuan a lu a dawm vawng vawng a. Ka lamah alo kal leh a, hnek ka tum a minlo bum a. Ka pumah a tlawh a, ka tlu a, min chhuih zui hrep a. Nathana'n hnung lam atangin a rawn zuan leh a, mahse a phih let a, chhuatah chuan a vawm phei lawp a. Hnunglam atang chuan ka va kuah bet a, motor darthlalang keh chhuai khawpin alu ka va tauh tir a, a tlu a. Chuveleh office tukverh atang chuan Mawia chuanm, "Sir, hard disk hi a in detech tha lo ania.." a rawn ti a, Nathana nen chuan kan tlan phei a, office kawngkhar chu kan va hawng a. Nathana chuan a thiam ang tawkin siam that a tum a, chutih lai chuan Jeffrey-a chu alo lut a, staff member ten anlo dang a, mahse hmeichhia pawh a dimlo, a beng thal; thuai thuai hlawm a, ka lo dang a, mahse dawnkan tliak rawp khawpin min peih tlu a, ana ngei mai. Nathana computer khawih lai chu a va tlawh thlu a, computer chu a paih chhe ta vek a. Nathana chuan pawi tih hmel takin computer chu a en a, Jeffrey-a chuan a nuih vel a. Mahse vawi leh khatah Nathana chu a rawn nui ta vak vak mai a, "Mawla, min khawih hma khan ENTER ka hmet hma a law, i hnunglam kha en rawh." a ti a. Screen tam tak intar ah chuan MAwia'n motor chhunga VENOM company chanchin a puanna video chu a rawn lang chuai chuai a, Nathana chuan, "Tikhan tunah hian video khi India ram pumin an en tih hre rawh." a ti a. Jeffrey-a thinrim chuan, "Zawnga.." tih pahin Nathana chu hnek a rawn tum a, mahse Nathana chuan a kut alo man sak a, a elh ri tuar a, Jeffrey-a chu a au thawt a. Na takin a pumah a tlawh a, Jeffrey-a chuan computer a bawhthlu rum rum a, a ban chuan electric wire pakhat a vei chat a, current a kal a, current chuan aman a, a thi khu rum rum a.
Atukah chuan stationah chuan Nathana nen chuan ACP Tlanthanga office ah kan va lut a, Nathana chuan paper dah thlak pahin, "Kha le.." a ti a, ACP chuan chapo takin, "Enge ni a? Promotion ka hmu nghal em ni?" a lo ti vel a. Keichuan, "Nilove...i banna lehkha a ni e." ka ti a, ACP chuan thinrim tak hian, "Ve khanglanga che u...enge ka tihsual a?" a ti a, Nathana chuan, "Venom company i pui tih kan hria e...evidence dang chu hrilh i ngaih ka ring lo. KA ban che....tunah jail ah i tang ang, kan jail ang ngei hian." a ti a. ACP chuan, "DGP i ni em ni? DCP in tumah a ban thei ve lo." a ti ham ham a. KEichuan, "Kan Stationah hian tun dinhmunah DGP an awm lo, kan neilo. DCP NAthana hi a thu ber...i hria maw?" ka ti a, Nathana chuan, "Home Minister koh kher angai dawn mi...constable,,,man rawh u." a ti a, ACP chu kan man ta a, rum takin min melh a, "Inla hria ang." a ti pang pang a, Nathana nen chuan kan inmelh a, kan nui ringawt a. Tlaiah chuan ka haw a, kawngsira tleirawl pakhat lo zai lauh lauh hi ka hmu a. Ka va pan hnai a ka hau a, "Hey, i mawl ami? Khawlaiah i zai vak vak a.." ka ti a, chupa chuan, "A nuam em alawm, story thar ziah tur ka hre leh tawh a." a ti a, ava han mawl hmel tak em. A la naupan hmel ropui lehnghal a, "Tunge i hming?" ka ti a, chupa chuan, "Aaron Malsawmdawngzuala.." a ti a. Keichuan, "Ava thui em em ve...eng story nge i ziah thin a?" ka ti a, chupa chuan, "Nangmahni chanchin hi mawle...i boss Nathana pawh kha ka siam a nih kha, nangmah pawh ka siam.." a ti a, a kalsan ta daih a, a zai phei lauh lauh lehnghal a. Huiham...kha tleirawl kha chu mi anglo ani ngei ang le, ngaihtuah peih tawhlo. Ka chau emai, haw ila chaw ei teuh ang, chuan mu nghal bawk ang..Muttui ule.
Comments