NATHAN SEASON-2 (Episode-3)
NATHAN SEASON-2 (Episode-3)
THE KILLER CLOWN
By : Aaron Malsawmdawngzuala
Nathana thawh thinna pangngai, Rinawma nena an thawhna Police Station bera an DGP Sangliana kha kan la hre theuh awm e. A cancer a zual deuh thut mai a, a kum alo upa tawh bawk nen. Hna pawh thawhzawm ta lo chuan loh theih lohna avangin a retire mai angai ta a, Police Department te chuan an ui ngang mai. Chumi Station incharge atan chuan DGP thar an neih hma chu Nathana'n a enkawl dawn a, Rinawma erawh chawlh hmangin a zin hrih a ni. Nathana hian DGP hi a pa ang maiin a en a, an in nelin, DGP pawhin fapa ang chiahin a en a ni. Nathana tan hian DGP hi a hlu em em a, an department a join tirh atang tawhin DGP hian Nathana hi a duhsak bik a, Nathana pawhin a zah thiamin a thu a awih em em a, chutia DGP berin loh theihlohna avanga a chawlhsan ta mai chu Nathana pawh a hlim loh phah hle a ni. A pension tawh hnuah pawh Nathana chu DGP te inah chuan a leng reng a, zantin deuhthaw chu ava tlawh thin a ni. Hun kalta ah te pawh khan Nathana hi a finna leh a thiamna te, a skills te leh a experience te hi a that em avangin phai lam Police department dang te pawhin a aia hlawh sang zawk neia an mahni department join turin an sawm fo a, mahse Nathana hian a duh ngai lo. Nathana hnialna ber chu, "Pawisa tam zawk duh vanga police hna thawk hi ka nilo a, mipui te venghim tur zawka thawk ka ni." tiin a chhang thin. DGP pawh hian hrethiamin Nathana pawh a duhsak vang pawh a niang nge, Department sang zawk join mai tur leh inthlahrung lo turin a hrilh fo a, mahse Nathana chuan, "Department dang chu eng ang pawhin a hlawh lo sang zawk pawh ni se, nang (DGP) leh ka thiantha ber Rinawma in awmloh chuan nuam ka ti lo ang." a ti tlat zel a ni. Sawi tak ang khan Nathana hian DGP hi a pa ang maiin a en mai bakah a hmangaih em em a, a ngaihtuah a, a retire hnu pawhin DGP chu venhim reng a duh a ni. Nathana thiamna leh finna te, a huaisenna leh a tumruhna te hi DGP hian a chhuang em em a, chuvang chuan DGP thar an neih hma chuan Nathana chu Station incharge ah a dah a, Nathana pawhin lawm takin a pawm a ni. Hetih hunlai hian a thianpa, a thawhpui leh a unaupa ang maia a en thin, Rinawma erawh chawlh hmangin a zin kan tih tawh kha. Episode hmasa lama kan hriat tawh ang khan Nathana in luahna a an fanu kum 8 mi Mary kha, an chhungkaw zinga damchhuak awmchhun a nih kha. Nathana leh Sanvi hian an fanu ang maiin an enkawl a, Sanvi a rai mek bawk a, Mary pawh hian SAnvi leh Nathana te chu anu leh pa angin a ngai ve ta hmiah a ni. Tun tum episode ah hian Nathana chu Rinawma tello bawkin hna a thawh leh angai dawn a, eng buaina nge a tawh leh dawn? Engtin nge hnu a chhui leh dawn? Engtik nge amah pui turin Rinawma a lo let leh ang? Tu misualin nge Nathana chu rawn tibuai leh dawn? I chhiar tan ang u aw...
Nikhat chu Nathana te duty laiin DGP te inah chuan mi pakhat, sang lampang, ft 6 vel, palian lam, khabehmul buk chhur leh hmel nelawm loh zet mai hi a thian mi panga te nen an rawn leng lut hlawl mai a. DGP chu a room ah, a hnathawh thinna dawhkan hmaah chuan a thu a. Chumi te chu DGP room ah chuan anlo lut a. DGP chuan, "Lo leng rawh u, tute nge in nih? Enge in duh a?" a lo ti a. Chupa chu a hawi kual vel phawt a, DGP te in chhung zau nuam tak leh mawi tak mai chu a en kual te te a. Tichuan muang chang chuan a thu a, DGP chu a mitah a va melh a, "Enteh ka pu, keichu pehhel kual duah hi ka thiam velo. Tawngkam ka thiamlo a, ka thil duh chu ka nei ngei ngei thin bawk." a ti a. DGP chuan hriatthiamloh hmel tak hian, "Eng chungchang nge maw i sawi le?" a lo ti a. Chupa chuan, "Ka hming chu Robin-a a ni, chuan kan vai hian THE KILLER CLOWN company member te kan ni a, he company-a a hotu ber hi ka u a ni." a ti a. DGP chuan, "Enge chu chu awmzia? Killer Clown tih chu eng company nge? Ka vawikhat hriatna a ni." tiin a lo chhang a. Robina chuan, "The Killer Clown awmzia maw..hetia company helaia i lo hriat ang hi a nilo, kan hna ber chu pawisa hmuh a ni. Kan duh kan hmuh loh chuan tual kan that mai thin, tumah kan zuah ngailo." a ti khur khur mai a. DGP chu a nui suk a, "Hmh..alo nimaw? DGP inah rawn lutin in tualthah thu in rawn inpuang ngam amaw? Enge in duh? SAwi tlang law law teh." a ti a. Robina chuan, "He i inhmun hi kan duh a ni...DGP te chu i la inti ngam amaw? Tunah chuan Police nilovin Police bang mai chauh i ni tawh. He in hi chhuahsan la, cheng nuai 10 kan pe ang che. In compound zawng zawng te leh in ram te, in in leh a chhehvel hrim hrim hi tunah chuan Killer Clown company area a ni tawh ang." a ti ta mai a. Chu veleh DGP Sangliana chu thinrim takin a tho chhuak a, "Engmaw i sawi a? He ka in hmun leh ka ram te hi ka pe ang che maw?" a ti a. Robina chu a nui huah huah a, "Nang putar cancer thi tep tawh khan min vin ve ngam a nimaw? Cheng nuai 10 kan pek dawn che chu...ngawi rengin aw ti mai rawh." a ti a. Pu Sangliana chuan, "A teuhlo mai...he ka thawrimna te, ka in leh lo te hi cheng nuai 10 lek man amaw i ti amaw? I dam chhung pawn i thawkchhuak zo lo ang, theihnghilh rawh." a ti a. Robina chuan, "A tha e, ni 10 chhung hun ka pe ang che. Anih loh chuan nangmah mai nilovin i nupui leh i chhungte dang pawh hian an tuar ang. Chuan maw...fanu i nei tih pawh kan hria a nia, i chhungte leh nangmah in him nan inngaihtuah fel vat ang che." a ti a, an chhuahsan ta a. DGP chu amangang hle mai a, rangtakin Minister a hmelhriat pakhat, Pu Hlimpuia chu a phone vat a. Pu Hlimpuia chuan an in lama lo phei vat turin a hrilh a, tichuan DGP pawh chu rang takin Pu Hlimpuia te in lam pan chuan a inkhalh chhuak ta nghal a. In a thlen chuan Pu Hlimpuia chuan thil awmzia a zawt a, Pu Sangliana chuan engkima hrilh ta a. Pu Hlimpuia chuan ngaihthat hmel zet hian, "HEtiang mai mai te chu a ho lutuk, tlangval damdawi rui hovin an rawn tihthaih mai mai che a nih chu, ngatan mah ngai suh." a ti a. Pu Sangliana chuan, "Tlangval an nilo, patling tak tak vek an ni. Chubakah DGP pension hlim chiah ka ni tih an hria a, cancer natna ka vei mek tih pawh an hria a, ni 10 chhung hun min pe a ni." a ti a. Pu Hlimpuia bulah chuan Police SI pakhat, department danga mi, Samuela chu a lo awm ve bawk a. Samuela chuan, "Sir, hetiang anih tawh te chuan an thu zawm chuan pe mai la, nuai 10 te chuan in tha tak pawh i sa leh thei ang chu." a lo ti vel ham ham a. Pu Hlimpuia chuan, "Enteh thianpa, tiang thil te chu Minister inrawlhna chi pawh ani hleinem. Politics khelh hi chuan thil pakhat ah chauh kan rilru kan focus angai thin a, chu chu dinhmun sang zawk neih zel hi a ni. Lungngai suh, engtin mah an tilo ang che." a ti a. Pu Sangliana chu thinrim tak chuan a ding a, "Minister tanpuina ka dil emaw ka lo ti a, mi dawihzep tak zawk anih hi kalo biak." tiin a chhuak ta daih mai a.
Samuela chuan, "Khanglang chuan.." tih pahin umzui a tum a, mahse Pu Hlimpuia chuan, "Khai khai...aho lutuk..kal tir rawh. Tunge a tihbuai hi a hrelo a ni, Killer Clown te chu ka thuhnuaia awm an ni a, chu chu engmah a hrelo a ni. Engti kawng pawhin saw inhmun saw chu kan la nei em em ang, tihdan ka hria alawm." tiin a nui vur vur a. Pu Sangliana chuan rang takin Nathana a phone a, Nathana pawh chu duty lai kalsan hmakin DGP inah chuan ava phei a. DGP Sangliana chuan Nathana chu engkim a hrilh ta vek mai a, Nathana chu a ngawi vang vang a, "Engthil mah i chungah a thleng lovang, Sir...ka awm alawm." a ti a, tichuan a hawsan ta a. Chumi zan chuan Robina leh athian te chu Robina te in kawtah meichhemin zu an ina, an hlim tlang em em a. Robina phone chu a rawn ri a, a u Andrew-a, THE KILLER CLOWN COMPANY neitu pa alo ni a. Robina chuan, "Hello, enge ni ka u?" a ti a. Andrew-a chuan, "DGP chuan enge a sawi?" a rawn ti a. Robina chuan, "Lungngai suh ka u, tunah rih chuan a inla luhlul ve deuh a, kan minister Pu Hlimpuia pawh puihna alo dil ani awm e...kan neihsak vat ang, lo lungngai suh." a ti a. Andrew-a chuan, "Atha e..mahse engpawh chu nise mi insawi sak emaw, in that duh anih pawhin hmun thlang fimkhur tawh ang che u. Min tihzah zia hi i hria em...mi in sawisa lai leh nula in chhaih nawmnah lai video a leakout tih in hre nange?" a rawn ti ta mai a. Robina chuan mak ti takin "Enga? Engtik khan maw? Tuin nge lo la a?" a ti vak vak a. Andrew-a chuan, "Engmah in hrelo amaw? In hmel a lang chiang lutuk lova in vannei zawk a ni. A tir berah chuan Facebook ah Nathan Malsawmkima tih hmingpu in a rawn post a, chumi hnuah whatsapp ah te, instagram ah te an share sup sup ania. DGP Sangliana in vau thu te pawh chiang takin a ziak tel a, in hmel awmdan te nen, engkim a sawi vek. Plan tha tak neilo chuan DGP te inah pawh khan va kal reng reng suh u, hmun tinah guard a dah vek tawh ang. In fimkhur loh man a nih hi, Nathan Malsawmkima tih hmingpu in hriat apiang a ruk thei ang ber in zawnchhuah tum ang che u. Mahse fimkhur ula, police pawh alo ni maithei a, a account lah chu a deactivate nghal daih bawk si a, inla huai taka chet buan buan kha sim tawh ang che." a ti a, phone chu a dah ta daih a. Robina chu a thinrim hle mai a, Nathana chu thah ngei a tum a ni. DGP Sangliana chuan Nathana chu lawmthu a hrilh mawlh mawlh a, "Nang awmlo la chu tunah pawh hian min rawn vau leh ngei awm si a, ka lawm takzet a ni." a ti a. Nathana chuan, "Ka tih tur alawm Sir, lungngai reng reng suh, i mamawh hun apiangin min lo ko thin dawnnia." a ti a. Pu Sangliana chuan, "Anih leh khami te kha tunge an nih a, khawnge an awm tih pawh i hre lawk miah si lo a, engtin nge an video te kha i neih theih reng reng a?" a ti a. Nathana chuan, "Sir, an zinga mi Robina ber khan i inchhungah hian thil a theihnghilh alawm." tih pah chuan Nathana chuan a ipte atang chuan passport size thlalak te tak te hi a rawn phawrh a. DGP chuan a en a, Robina thlalak a lo ni a. Nathana chuan, "Nimina ka chhuah dawn khan in kawngka bulah alo awm a, ka chhar a, tichuan ka zawng ta a ni." a ti a. DGP chuan, "Mahse, a thlalak ringawt atangin engtin nge awlsam takin i zawn hmuh theih a?" tiin a zawt leh a. Nathana chuan, "Sir, cyber crime expert bawn lutuk mai thianpa ka nei alawm, a hming chu Tetea a nia." a ti a. DGP Sangliana chuan, "A lawmawm e, nang nge nge...ka lawm e Nathan." a ti a, tichuan Nathana pawh chu DGP te inah chuan chaw a ei a, tichuan a hawsan ta a.
Zanlai dar 12 rik hme vel chuan Nathana thianpa Tetea phone chu a rawn ri a, Nathana alo ni a. Tetea chuan rang zet hian a pick up a, "Hello thianpa, enge ni ta?" a ti a. Nathana chuan chauh hmel tak hian, "Thiana, ka bike a chhe vek a, Vaivakawn field-ah ka awm a, min rawn hruai thei angem?" a rawn ti a. Tetea chuan, "Ehee, tinge? I tha em?" a ti a, a mangang hle mai. Nathana chuan, "Aww..ka tha e, lo kal hram rawh." a ti a, Tetea chuan phone a dah vat a, rang takin a insiam a, VAivakawn field lam pan chuan a kal ta a. A zu thlen chuan Nathana chu field sirah alo thu a, ava pan hnai a. Nathana chu a lo thi phung mai a, a kawr te pawh a lo t(r)et nasa em em a. Tetea chuan, "Tinge a? Tuin nge sawisa che a?" a ti a, Nathana chuan, "Robina te kha...bike-a ka tlan lai min hlap tlu a, tichuan ka bike chu an zinga mi in a khalh a, kei erawh helai hmunah hian min hruai a, min sawisak hrep hnuah ka bike hi an vawchhe leh vek a." a ti a. Tetea chuan, "Tinge i khawihlet loh?" tiin a zawt leh a. Nathana chuan, "Ka khawihlet a nih chuan ka insum zo dawnlo a, ka that vek mai ang tih ka hlau alawm. Nung damin ka mamawh ani, Robina hi nungdamin ka mamawh a ni." a ti a. Tetea chuan, "Anih leh thil sawi te an nei em?" a ti a. Nathana chuan, "Aw...min sawisak pah khan Robina khan 'i thil tih man hi i hmu khawp ang, lo ngai reng rawh.' tiin min vau chiam a. Facebook atang ringawtin ka post a, rang takin min rawn man chhuak thei nghal a, an company hi a hlauhawm a ni. Thianpa, damdawi inah min hruai thei angem." a ti a. Tetea chuan Nathana chu damdawi in lam pan chuan a phur chho ta a. Nathana pawh a hliam nasat em avang chuan damdawiin an thlen rual rualin nikhaw hrelovin a awm nghal a, Tetea chuan zankhua in a awmpui a ni. A tukah chuan Nathana chu a rawn harh a, a bulah chuan a nupui Sanvi a lo awm a. Nathana chuan SAnvi bulah chuan a thil tawn te chu a hrilh a, chutia a hrilh lai chuan hmanhmawh tak hian Tetea chu a rawn lut a, "Nathan, thu duhawmloh tak a ni." a rawn ti lut nghal a. Nathana chuan, "Enge ni ta?" a lo ti a. Tetea chuan, "DGP Sangliana khan a inhmun leh a ram te chu Robina te a pe a, amah pawh a in awkhlum nghal a ni awm e." a rawn ti ta mai a. Nathana chu rang lutukin a zuang tho a, a in ha mawlh mawlh a, doctor leh nurse te pawhin an lo hau nasa, mahse a ngaithla duhlo, a chhuak ta nghal a. DGP te in ava thleng chu DGP ruang chu an lo kil laih laih a, DGP fanu Rintei lah police te sawi danin apa lo inawkhlum ta mai chu a barakhaih em em a, nikhawhrelovin a tlu a, damdawiin ah a awm mek bawk a ni. Nathana chuan ngawi rengin Pu Sanliana ruang chu a en reng a, a mittui a tla zawih zawih a. A phone a rawn ri a, Robina a lo ni, "Tikhan i thiltih pawizia chu i hre tawh em? DGP chuan paper a sign thlap tawh, a inhmun kha kan ta a ni tawh." a rawn ti a, phone chu a dah nghal a. Nathana chuan a pa ang maia alo en thin, kum tamtak chhung a lo thawhpui, a boss DGP Sangliana ruang chu kuah in chhuak em em hian a tap ta hawm hawm mai a. Zan alo thleng a, Nathana leh Sanvi leh Tetea chu Nathana room ah chuan an awm a, Mary erawh a muhil thung. Nathana chuan, "Phuba ka la em em ang, an thiltih man hi chu an hmu ve khawp ang." a ti khur khur a. Sanvi chuan, "Duhtak...police te pawhin mahni a intihlum ngei ani an tih kha..DGP hi a hlauhthawn vangin an chhungkaw him nan paper chu a sign ta mai aniang, tichuan a inchhir lutuk anga, amah a intihlum ta mai ani ang." a lo ti a. Nathana chuan, "DGP hi ka hre chiang a, mahni-a intihlum duh tur khawpa dawihzep a nilo. Huaisen taka hnathawh min zirtir a, thianghlim taka sum lakluh min zirtir a, mi bum lo tur te, dawihzep lo tur te leh a hunah chuan mahni nunna chan huam khawpa hmelma te bei turin min fuih thin." a ti a. Sanvi chuan, "I sawi awmzia chu DGP hi thah a ni tihna maw?" a lo ti a. Nathana chuan, "Aw ni e, a thattu te pawh The Killer Clown member te an ni." a ti a. Tetea chuan, "Anih leh engtia hmalak nge i tum a?" a ti a, Nathana chuan, "Thianpa, Robina te in awmna hi min zawnhmuh sak la, tichuan abak chu keiman ka ti vek ang." a ti a.
Tetea chuan a thiamna hmang chuan reilo te ah Robina te in location chu a hmu thuai a, Nathana chuan a pistol pahnih chu la in a kawngah a pai a, Robina te in lam pan chuan a chhuak ta nghal a. Robina te leh a thiante chu hlim takin inchhungah zu an lo in a, an lo nui vak vak a. Kawngka a rawn in kik a, an zinga pakhat chuan ava hawng a, Robina te zu inna bul thleng chu a rawn leng phei lawp mai a. Kawngka lam an va en chuan pistol pahnih lek kang chunga Nathana rawn tlan lut chu an hmu a. Va beihlet an tum a, mahse Nathana chuan a lo kap siah siah hlawm mai a, atawpah chuan Robina chiah chu a bang ta a. Robina chu Nathana chuan a biangah na takin a hnek a, chhuatah chuan a tlu zangthal tawp a. Nathana chuan Robina awmah chuan a rap a, silaiin alu ah a tin a, "Sawi rawh le Robin...engtin nge DGP kha in thah?" a ti a. Robina chuan, "Min chhuah la ka hrilh vek ang che." a ti a. Nathana chuan, "Sawi phawt la, ka chhuah ang che." a ti a. Robina chuan, "Minister Pu Hlimpuia khan guard duty te chu hnadang siamchawpin a tir bo vek a, tichuan kan va lut ta a. A fanu thah ah kan vau a, tichuan hreh chung chung chuan paper chu a sign ta a ni. Amah pawh chu a dam reng chuan a tha dawn lo a, thah ve mai chu kan tum ta a. Minister Pu Hlimpuia phalna thlapain DGP chu kan rek hlum ve ta a ni. A fanu kha chu nikhawhrelovin a tlu angah an ngai a, mahse anihna takah chuan tur kan pe a ni, a thi tep tawh ang." a ti a, Nathana thinrim lutuk chu a khur char char thei hial a ni. Robina bawk chuan, "Engkim ka hrilh tawh che a, khawngahin min chhuah rawh." a ti a. Nathana chuan thinrim tak hian, "Ka pa i thah hnuah i thah dan tenawm tak chu min hrilh a, tichuan ka kaltir che i ring amaw?" a ti a, Robina chuan mak ti tak hian, "I pa maw?" alo ti hu mai a. Nathana chuan, "Ni e, min hringtu pa chu a nilo, mahse police department ah chuan min hringtu ka pa ai pawhin ka zah zawk asin. I nunna zuah tur khawpa mi fel leh piangthar ka ni lemlo...mangtha le." tih pahin vawi 5 vel lai chu a kap siah siah mai a, Robina chu a thi ta a. Robina phone arawn ri a, a u Andrew-a a lo ni. Nathana chuan a pick up a, Andrew-a chuan, "Tinge phone i lak theih miahloh a? Nathan Malsawmkima kha engvangin nge inlo sawisak hman a, police a nih kha, a hmel diktak pawh ka la hmu velo ania, eng hmel nge a put a, eng mi nge a nih pawh ka hre ve lo. Thil hi ti buan buan thin suh ka tih kha, engvangin nge min chhanloh a? MAwh..hello hello, Robin, min chhang ta che." a rawn ti vak vak a. Nathana chuan vin zet hian, "Engvangin nge mitthi tawh hnu chuan a chhan theih che anga?" a ti vak mai a. Andrew-a chuan, "Tunge i nih?" a rawn ti a. Nathana chuan, "I thihna tur ka nih hi, lo ngai reng rawh, ka kut ngei hian ka that khawp ang che." a ti a. Andrew-a chuan, "Nathan, Nathan MAlsawmkima an tih kha i ni tiraw?" a rawn ti a. Nathana chuan, "Nilove...DGP in thah rual khan Nathan MAlsawmkima chu a thi ve nghal a ni. Kei chu in laka phuba la tur ka ni, ka that vek dawn che u." a ti a. Andrew-a chuan thinrim tak hian, "Enga? Nang khan min that anga maw....THE KILLER CLOWN an tih ber hi tunge anih i hria em? Keimah ka ni, keimah hi ka ni, nangkha tunge i nih ve a?" a rawn ti a, Nathana chuan vin zet hian, "Tunge ka nih maw...nangmah thattu tur che ka ni, THE CLOWN SLAYER...tiang chuan min chhinchhiah dawn nia." a ti a, phone chu a dah hmak a. Rang takin damdawiinah a kal a, DGP fanu Rintei chu nikhawhrelova tlu nilovin tura hrai a ni tihte chu hospitala Rintei lo awmpui mektu Tetea bulah chuan a sawi mawlh mawlh a. Tetea chuan, "Lungngai suh thianpa, kan lo hre tawh alawm. Zinga damdawiina Rintei ka phurh chhoh khan a chil phuan arawn tla vak a, doctor te chuan a taksa chhungah tur a awm tih an hmu chhuak a. A thih mailoh nachhan pawh an tur pek hi alo expire tawh vang a ni, a tha chhuak thuai ang." a lo ti a, Nathana chu a thaw huai mai.
Atukah chuan Nathana chuan Tetea bulah chuan, "The Killer Clown hi darkweb ah site hran an nei a, darkweb hmang vekin site hran siam ve ka duh a ni." a ti a, Tetea chuan, "Thianpa, darkweb tih te hi chu a risky lutuk, i tan a hlauhawm dawn a nia." a ti a. Nathana chuan, "Fake AC siam chawp mai rawh, he site hmang vek hian an site hi kan va tibuai anga, an video darkweb ami zawng zawng te hi pholang ila, tichuan min rawn pan mai ang. Kei nin heta lo zawn vak ngaihna a awm silo a, mithiam rual ve tho anni a, chuvnag chuan kan hneh theihnan chuan he darkweb hi kan hman ve angai a, risky takin kan chet ve angai a ni." a ti a. Tetea chuan, "Awle, mahse site hmingah hian enge kan tih ang? Anmahni pawhina min rawn hriat chat theih chuan a lawmawm lehzual ang. Achhan chu kan va biak hmasak chuan awlsam takin eng fake account pawh nise address an rawn hre chhuak vat thei tho dawn a, chu ai chuan kan hming an hmuh rual rual khan tute nge kan nih an hria anga, kan site an rawn check chuan an mahni address zawk hi ka lo hack vat thei dawn a ni." a ti a. Nathana chuan, "A site hmingah khan THE CLOWN SLAYER ti rawh, an hotupa chuan min hre chiang khawp ang." a ti a, tichuan Tetea chuan darkweb ah chuan account chu a siam ve ta a. Minute 10 pawh ala ral lovang tihah chuan an rin ang ngeiin Killer Clown chuan Clown Slayer profile chu a rawn view a, chuveleh rang takin an address chu Tetean a lo hack nghal a. Address chu Minister Hlimpuia te in a ni a, Pu Hlimpuia te in atangin darkweb chu an lo khawih thin hi alo ni. Nathana chuan, "Untraceable number pakhat siam la, an rawn trace thei hram anih leh second khat danah ahma ang bawk khan address i thlak zel dawnnia. Minister saw fa inbox la, a fapa Hruaitea thah ka tum thu va hrilh rawh." a ti a. Tetea chuan number siamchawp hmang chuan Minister chu ava vau ta a. Minister leh Andrew-a leh SI Samuela te chu Minister inah an awm khawm mek a, Minister chuan message chu adawng ta a. A hmu chiah chu hlauthawng takin, "Ehe...hei tu emawni in min rawn text ania, ka fapa thah ah min rawn vau ania." a ti a. Andrew-a chuan, "A number chu minlo thawn vat rawh ka lo trace nghal ange." a ti a. SI Samuela chuan, "Ngawi teh, Sir..trace mah ula mi fing tak a ni a, chu ai chuan i fapa Hruaitea chu venghim hmasa rawh." a lo ti a. Pu Hlimpuia chuan, "Awle, vawiin hi alo haw hun tur a nia, Airport ah Police force ten lo va venghim rawh se. Hrilh nghal rawh....i naute." a ti a. SI chuan, "Awle...venghim thei tu tur ka hria alawm, kan ACP a nia, ACP Shinde-a a ni." a ti a, ACP chu a phone a, minister nen chuan an inbia a, tichuan police force chu ava tir ta a. Nathana chuan call a dawng a, minute 5 vel pawna a va biak hnuah chuan a rawn nui lut sang mai a. Tetea bulah chuan, "Tikhan afapa awmna kan hre chiah e, afapa that tura vau tur che a ka tih nachhan chu maw, a fapa venghim turin police a ruai ngei anga, SI Samuela hi ka hria a, Minister Hlimpuia pawh hi ka hria a ni. A venghimtu ber chu SI hi a ni a, SI hian a boss ngaihsan em em ACP Shinde-a hi puiturin a ti dawn tih pawh ka hria. ACP Shinde-a hi ka thawhpui zuai tawh a, ka hnuaia awm a ni. ACP Shinde-a hian mi venhim hna a neih dawn apiang hian ama police force nilovin ka police force te hi a rawn ruai ziah thin bawk a. Minister Hlimpuia fapa pawh Delhi atangin a lo thlawk haw mek a, tichuan tunah chiah khan ACP chuan chanchin min rawn hrilh a ni." a ti a, Tetea chuan, "Ava tha em...anih chuan keichu minlo ngaihtuah suh, Hruaitea chu va man rawh." a ti a, Nathana chu a chhuak ta nghal a.
Airport ah chuan Hruaitea chu a rawn thleng a, thlawhna atanga a chhuk fel chiah chu a phone a rawn ri a, apa a lo ni a, "Hello ka pa, ka lo thleng e.." a ti a. Pu Hlimpuia chuan, "Bawiha, Clown Slayer inti pakhatin thah che a tum ania." a rawn ti a. Hruaitea chuan, "Engmaw? chu chu tunge?" a ti a. Pu Hlimpuia chuan, "Mi hlauhawm tak ani, Police te veng tur chein kan rawn tir tawh a, pawnah khan an awm ang. An lo bia che anga, an mahni an insawi anga, i zui nghal dawnnia." a ti a, Hruaitea chuan, "Awle ka pa." tiin phone a dah a. Chutih lai chuan ACP Shinde-a te leh police force dangte chu anlo thleng a, airport bulah chuan Hruaitea chu anlo nghak a. Chutih lai chuan Nathana chu police form ha in Airport chhungah alo awm daih tawh a, Hruaitea a hmuh veleh chuan ava kal hnai a, "Ka pu, i pa Minister Pu Hlimpuia'n min rawn tir a, ka venhim che angai a ni. DCP Nathan Malsawmkima ka ni a, khawngaihin min rawn zui rawh." a ti a. Hruaitea chuan, "E...awle..kal ila." a ti a, mipui karah chuan hruai pheiin ACP te duty lohna lam atang chuan a chhuah pui ta daih mai a. Motorah a luh pui a, Hruaitea chuan Nathana bulah chuan, "Ka pa khan tu emawni, Clown Slayer inti pakhatin a that dawn che a rawn ti ringawt a, tunge chupa chu ka hre mang silo a, amak tak tak ani." a ti nuah nuah a. Nathana chuan, "Hehe..anih chumawle..keimah hi ka nia." a ti a, Hruaitea chuan mak ti tak hian Nathana chu a en hu a, "I fiamthu ami?" a ti a. NAthana chuan, "Fiamthu love, keimah hi alawm Clown SLayer chu..." tih pah chuan a hnek siah mai a, nikhaw hrelovin a awm nghal. Hruaitea phone a rawn ri a, Pu Hlimpuia a lo i a, "Hello bawiha, police te chu i hmu ta em?" a rawn ti a. Nathana chuan, "Ka bulah a awm e...ka lo enkawl ang." a ti a. Pu Hlimpuia chuan hlauhthawng takin, "Tunge i nih?" a ti a, NAthana chuan, "CLOWN SLAYER." tih pah chuan phone chu a paih daih mai a. Chuveleh ACP Shinde-a chuan Minister chu a rawn phone a, "Ka pu, ifapa chu alo la chhuak miah lo a nia." a rawn ti a. Minister chuan thinrim zet hian, "ZAwnga, Mawla, a kidnap daih tawh a, engvangin nge a rawn chhuah theih ang? ACP ka ni e, te chu i ti ve a, maw? Police Force tam tak hruai chung pawn ka fapa chu mi pakhat lek lakah i venghim zo lo ania." tiin a hau hrep a, phone chu a dah nghal hmak a.
Chumi tlai chuan KILLER CLOWN member thenkhat te chu Nathana te in bula dawr ah chuan an awm a, mi 5 vel an ni. Thingpui dawra thawk naupang chu an zinga pakhat chuan a kawka, "Thiante u, saw naupang saw alawm tukina kan drugs ti lai video facebooka post tu chu." a ti a. An va kal a, an zinga pakhat, an boss deuh ber chuan, "Hey naupang, kan video i lo ti leak out ngam amaw?" tih pah chuan a beng thuai mai a. Nathana chuan a sirah a lo en reng a, ava kal phei a. Nathana chuan chumite bulah chuan, "Pute u, hei CLOWN SLAYER tih hminpu pakhatin min rawn phone a, i bula mite kha phone pe rawh a ti a nih chu." a ti a. An boss ber chuan, "Khawi...khapa kha alawm kan biak chak." tih pah chuan phone chu a la a. Phone a mi chuan, "Hey, mimawl ho...min hmu duh a nih chuan engvangin nge ka awmlohna khalai thingpui dawr tereuhte ah khan in awm a? Kei min hmuh duh avangin kha naupang bulah khan in inla pa vel amaw? Kha naupang video post pawh kha keima tih leakout a nih kha...lo kal ta che u, ka awmna ka hrilh ang che u." tih pah chuan a awmna chu a rawn sawi a, anihna takah chuan phone ami chu Nathana thianpa Tetea a ni. An boss ber chuan, "Lo awm rawh, lo kalsan reng reng suh." tih pah chuan phone chu a dah a. An kal tur chu NAthana chuan, "Ka pu, in va insual pui dawn mi?" a ti a. Chupa chuan, "Aih, kan that dawn." a ti a. Nathana chuan, "Ka pu, tuma bulah ka saiw lo ang, ka lo kal ve teh ang. Ka en ve chak alawm."a ti a. Chupa chuan, "Tunge maw i nih le? Kan tualthat lai video-a lo kal i tum a nimaw?" a ti leh a. Nathana chuan, "Aih, a teuhlo mai, ka phone hi kawl rawh. Chuan, Clown Slayer tih pawh chu ka hmu chak alawm, khawngaihin ka pu, keipawn sawisak ve ka chak alawm." a ti a. Chupa chuan, "Ninawm reuh ve mawle, i duh chuan lo kal ve la." a ti a, an hruai ve ta a. Building hlui, luah tawhloh tih hriat tak mai chu an va thleng a, inchhung an lut a, tumah an awmlo. Nathana chu an bul atanga pen 10 velah hlaah chua ava kal a, "Ka pu, tumah an awm chuang silo a, in tih dan tur vel ka hre chak emai..Clown Slayer chu keimah angah lo ngai ta ula, engtiang chiahin nge in thah dawn tih min han entir teh u." a ti a. An boss ber chuan, "Hepa han naupangchhiat zia hi...pakhat kha va kal ula, kan sawisak dan tur va entir rawh u. Mahse inva that tak tak ange, mi ang zanlo aniin ka hria, dim deuh ula." a ti a. An zinga pakhat chu ava tlan phei a, NAthana chuan a kapah a lo pet sak pawp a, a zakhnuaiah chupa lu chu rawlhin a ring ruh tliak ri thawt khawp chuan a herh vak mai a, a tlu bawkthlawp a. An zinga pakhat chu va kal leh in an thianpa tlu der mai chu a va en chiang a, hlawuh hmel tak hian an boss pa bulah chuan, "Boss, a that tak tak a nia." a ti a. An boss chuan, "Hey mawla, infiam ang i ti ani lawmni? Tinge i thah tak tak a?" a ti a. NAthana chuan, "Awww...a tak ang thei tur berin ka tih kha, tiang anih chuan chu Clown Slayer pawh chu in that thei dawn mawni le?" a ti a. An zinga mi chuan, "Boss, amah hi CLown SLayer chu a ni hrim hrim." a ti a, Nathana chuan, "I ring dik e, in hmaa ding mek hi Clown Slayer chu ka ni. Killer Clown member zawn zawng te hi ka that vek dawn che u." a ti a, tichuan Nathana chuan chung Killer CLown Member 5 te chu a that leh ta vek a ni. Andrew-a chu a mangang em em a, a thiamna in a tlin bik ta ngang lo, Mumbai professional hackers te chu a chah chho ta ringawt mai a ni.
Nathana chu hmanhmawh takin Tetea te inah ava kal a, Tetea bulah chuan, "Thil pakhat kan tih angai...Andrew-a'n mumbai ami hackers te a chah chho a, an rawn thleng har lo ang. Engemaw kan tih angai a ni.." a ti a. Tetea chuan, "Enga? Engin nge i hriat a?" a ti hu mai a. Nathana chuan, "Ka hre ve tawp..thil pakhat titeh, chung hackers te chuan min rawn zawn thuk vak loh nan profile picture kan dah mai angai a ni." a ti a. Tetea chuan, "Tu thlalak nge kan hman chuan anga?" a ti a. Nathana chuan, "Hmel pakhat siamchawp rawh, hmel hrim hrim, tu hmel ang pawh a ngai chuanglo." a ti a, Tetea chuan hmel siamchawp chu a dah ta a. Nathana chuan, "Tikhan thenkhatin profile picture a hmel kha an zawng anga, min zawngtu an tam lo deuh ang." a ti a. Atuk ah chuan hackers te pawh an lo thleng ve nghal a, Nathana ruahmanna ang ngeiin profile picture-a hmel siamchawp chu an hmu a, Andrew-a bulah hrilh in Andrew-a pawn a naute thenkhat te chu tirin he khawvela awm ve miahlo, hmel siamchawp chu an zawng ta chiam mai a. Chu hmel siamchawp chu he khawvelah a awm ve lo kan han ti tak naa..Bus station bula sweeper, mi ang zan lo hmel nen chuan a lo in ang em em mai hi a lo ni a, Andrew-a nau te chuan an va man ringawt mai a. Andrew-a bulah an va hruai a, Andrew-a chuan a en vang vang a, a kekawr t(r)et hnuang leh a ke bal em em te, a hmel en reng reng pawha mawl hmel em em mai chu a hmelma CLOWN SLAYER chu a nih a ring chiah biklo. Andrew-a chuan, "Tunge i hming?" a ti a, chu mi anglo pa chuan, "I zak em? Tui taka hna ka thawh laiin heng palian pui pui ho hian min rawn man ringawt a. Khawvel awptu ang maiin nang lahin inti thu takin ka hming te min zawt amaw?" a lo ti let zek mai a. Hackers te an lo lut a, pakhat chuan, "Sir, midang anih kha..hepa thlalak hi Clown Slayer khan a profile picture ah a dah a, min bum a ni." a ti a. Andrew-a chuan a lu a dawm vawng vawng a, "Kaltir rawh u he mi anglo hi." a ti a. Chu mi anglo lah chuan, "A theihlo, ka kal lovang. Thingpui ka in dawn chiah a, ka in hmanloh phah...pawisa min pe phawt rawh u." ala ti zui a. Andrew-a chuan cheng 500 clip hi rawn phawrh chhuakin, "Kha..hei hi la rawh." a ti a. Chu mi anglo pa lah chuan, "Hey, thingpui leina tur alawm ka dil che, thlawhna leina ka dillo che. Cheng 10 bak ka duh lo.." a ti leh a. Andrew-a ning lutuk chuan, "Cheng 10 nei in awm chuan lo pe teh u." a ti a, anzinga pakhat chuan a pe a, hlim tak chuan a chhuak veleh mai bawk a. Thinrim takin Minister bulah chuan va kalin, "He Clown Slayer hian min bum hnem tawh lutuk, ka ning tawh a ni." a ti a, Minister lah chuan, "Keipawh ka fapa a kidnap mek a ni a, tih ngaihna ka hrebik lo a nih hi." a lo ti ve bawk a. Chutih lai chuan Minister phone chu a rawn ri a, Nathana alo ni a, "Hello tunge aw?" a ti a. Nathana chuan, "Clown Slayer.." a rawn ti ringawt a. Minister chuan, "Hey, hmela, khawnge ka fapa a awm?" tiin a zawt a. Nathana chuan, "I fapa hi i la hmu duh takzet anih chuan rul pahnih rawn thawn rawh." a ti a. Minister chuan, "Enga? Rul a? Engatan nge i tih?" a ti hu mai a. Nathana chuan, "Lo thawn la animai, i message kha en la, khami location ah khan lo dah rawh. Tichuan drone hmangin ka rawn la anga, min rawn chhui duh suh ang che u." a ti a. Minister chuan sahuan-a mi rul chu pawisa tam takin lei a dil ta ringawt mai a. Rul chu bawm chhungah an dah a, Nathana sawina hmun lam chu panin bawm chu ava dah ta a. SI Samuela leh ACP Shinde-a te pawh chu an awm ve bawk a, reilote hnuah drone chu a rawn thlawk ta a. Bawm chu a rawn la a, a thlawk bo leh ta nghal a. SI Samuela chuan, "Kan umzui dawn lo em ni?" a lo ti a. Shinde-a chuan, "Lungngai suh, bawmah khan GPS device ka dah alawm." tih pah chuan motorah lutin a tlan ta a.
SI Samuela chuan mak a tih hmel em em a, ava zui ve nghal a. Drone chu Nathana te in hnuaiah chuan a t(r)um a, Nathana chuan bawm chu a hawng a, rul pahnih te chu ngam tak leh hlaulo tih hriat tak hian a la chhuak dun a. Room pakhatah a luhpui a, Minister fapa Hruaitea chu thutthlengah alo inphuar mek a. Nathana chuan a malchungah chuan rul chu a dah a, Hruaitea chuan hlau tak hian, "Khawngaihin, la sawn rawh, khawngaihin, ka hlau ania." tiin a rak chel chul mai a. Nathana chuan, "Khami zan khan DGP inah khan i awm ve tih ka hria, rul lem hmangin a fanu Rintei kha i tihthaih char char tih pawh ka khria." a ti a. Hruaitea chuan, "Chutin ka tilo, ka nilo hrim hrim..khawgaihin la sawn vat rawh." tiin a au vak vak a. Chutih lai chuan ACP Shinde-a leh police force dang te pawh chu GPS an rawn chhui zui zel a, an rawn thleng dawn ta. SI Samuela chuan Nathana te in bul an thlen chuan ACP bulah chuan, "Sir, Clown Slayer hi a dam angai a ni." arawn ti ta mai a. ACP chuan, "enge i sawi awmzia?" a ti a. SI chuan, "DGP thih zan khan tlai takah ka va thleng a, DGP ruang lo let reng chu ka va hmu a, Hruaitea chuan DGP fanu Rintei chu rul lem hmangin alo tihthaih char char bawk a. Minister bulah chuan hetiang em em tur chu anilo a sin tiin ka sawi dek dek a, ka sawichhuah vaih chuan ka chhungte pawh thah ah min vau ta mai a, chuvang chuan Clown Slayer an tih hi ka support a ni." a ti ta tlat mai a. ACP chuan, "Engpawh chu nise, Hruaitea thah a tum mek a, misual a ni tho tho, ka man tho chu angai a ni." tiin a kal lui ta a. Nathana te in chhung chu va lutin Nathana chu an va man bet a, Hruaitea a phuarna chu an phelh sak bawk a, rul pawh chu an that ve ve bawk a. Nathana chu silaiin an tin thup mai a, ACP chuan Nathana a hmu chiah chu mak a ti em em a, "Sir, nangmah maw?"a ti hu mai a. Nathana chuan, "Shinde, hepa hi tualthattu te zinga mi a ni, min chhuah rawh..khawngaihin, engkim ka hrilh vek ang che." ati a, chutih lai chuan SI Samuela a rawn lut a. ACP chuan SI chu a en a, "Samuel, Nathana a ni tih hi i hre lawk vek ani tiraw?" a ti a. SI chuan, "Aw Sir, DCP Nathana hi Andrew-a chanchin engkim ka hrilh vek zel a, a bihruk na tur te, in zawn dawn te pawhin ka lo hrilh lawk vek thin a ni." a ti a. ACP chuan, "Stationah hruai phei ru..." a ti a. Nathana chuan, "ACP Shinde, min chhuah vat rawh, i senior ka nih hi." a ti a. ACP chuan, "Ka tihpalh Sir, Minister in thu min pe miau sia ni." a ti a, Nathana chu an man ta a. Zan alo thlenga, Andrew-a te chuan phur takin jail lam chu an va pan a, Nathana cell ah chuan an lut a, mahse NAthana reng reng an hmulo. Zanlai dar 12 a pel tawha, ACP Shinde-a te in kawngka chu SI Samuela chuan a kik dawt dawt a, Shinde-a chuan a hawng a, SI chu thi hnuang hian a rawn let lut a. ACP chuan mak a ti hle mai, SI chu kaithovin thil awmzia a zawt a, SI chuan, "Sir, Nathana i man chu a zialo khawp mai. Minister leh Andrew-a ten min rawn phone a, Nathana rawn thah an tum thu min rawn hrilh a. Tih ngaihna ka hre siloa, Nathana chu ka chhuah ta ringawt a ni. Andrew-a te chuan min ringhlel a, min man a. A awmna min hrilh turin min vau a, mahse ka hrilh duh silo a. Ka rinloh tak maiin Nathana nupui Sanvi, a nu leh pa leh an fanu Mary chu an rawn hruai ta mai a. Tichuan Nathana pa chu a malpuiah an vih sak a, ka sawilo a nih chuan a hrawkah an vih tawh tur thu an sawi a, tichuan Rintei bulah damdawiinah a awm thu ka hrilh ta ringawt a ni." a ti a. ACP chuan, "Andrew-a te chuan engtin nge Nathana chhungte chu an hriat theih a?" tiin a zawt leh a, SI chuan, "Achhan chu nangman Nathana chungchang hi Minister i hrilh vang kha a ni." a ti a, ACP chu a inchhir em em a. ACP chuan, "Anih leh Nathana leh Rintei chu engtin nge an tih?" a ti a, SI chuan, "Ka hrelo, Minister khan afap chu damdawiina va kal a, Rintei leh Nathana va that turin mi 2 dang nen a tir a, Andrew-a nen chuan min thah an tum a, mahse vaivutin an hmaiah ka vawm a, ka rawn tlanchhe ta a ni." a ti a.
Chutih lai mek chuan Andrew-a leh Minister chuan Hruaitea chu anlo nghak reng a, rei fe hnuah chuan an lo let a. A seat hnung atang chuan Hruaitea, nikhaw hrelova let reng chu an naute pahnih chuan an rawn zawn chhuak a. Minister chuan, "Enge awmzia? Tinge ka fapa hi?" a lo ti a. Pakhat zawk chuan, "Ka pu, damdawiin kan va thlen khan Rintei chu a ward ah amah chauhin a lo mu a, Hruaitea chu a va kal hnai a, mahse hnunglam atangin Nathana chu a rawn lang thut a, Hruaitea nghawngah hian cyringe-i'n a raw vit a, damdawi sen vek hi a chiu lut a." a ti a. Andrew-a chuan thinrim tak hian, "Anih khawnge Nathana chu?" a ti a. A naute zinga pakhat zawk chuan, "Motor chhungah hian a awm." a ti ta mai a. Chuveleh Nathana chu paper kengin a rawn chhuak hlawl mai a, Minister chuan, "Nathan, khawngaihin ka fapa hi tidam rawh, pawisa pawh ka pe ang che." a ti a, a tap pur mai a. Nathana chuan, "Ka tidam em em ang, mahse he lehkha hi Andrew-a hian a sign a ngai a ni." a ti a. Minister chuan, "Eng lehkha nge a?" a ti a. Nathana chuan, "He paper hi Andrew-a'n a sign chuan DGP nupui leh a fanu Rintei'n an inhmun leh ram zawng zawng te an hmu let leh ang. Chuan i fapa pawh a damchhuak ang." a ti a. Minister chuan, "Andrew, sign vat rawh..khawngaihin." a ti a. Mahse Andrew-a chuan, "A teuhlo mai, hlau mah ta che Minister. Hepa hian engtin mah min ti thei biklo, i fapa hi keiman ka chhanchhuak ang. Hey Naute u, lo hruai rawh u le." a ti a. Andrew-a nau te chuan Sanvi, Mary leh NAthana nu leh pate chu chemtea tin reng chung chuan an rawn chhuahpui ta a. Nathana'n a chhungte a hmu chu a phu zawk mai a, Nathana nu chuan, "Min ngaihtuah reng reng suh bawih a, heng mite hian DGP kha an that a ni, that ve vek ang che." a lo ti a. Nathana chuan a pa malpui atanga thisen lo chhuak chu a va hmu a, a va kal phei a. Nathana chuan, "Ka pa, enge awmzia?" tiin a zawt a. Nathana pa chuan, "Heng misual ho hian min vit a ni." a ti a. Nathana chu a thinrim kher mai, a mitmeng a sen vek thei hial a. Rum em em hian a melh kual a, "Tunge ka pa hi vit?" a ti a, tuman an chhang lo. A aia ringin, "Tu berin nge ka pa hi vit?" a ti leh a, pakhat chuan, "Keimah..keima vih a nih kha." a rawn ti a, Nathana chuan, "Animaw.." ti leh a tlan phei a, a va hnek thal tawp mai a. Midang ho chu rawn tlanin Nathana chu rawn beih an tum a, mahse Nathana chuan a silai phawrh chhuakin alo kap thal tawp tawp hlawm mai a. Andrew-a bulah va kalin, "Sign rawh..sign rawh. Anih loh chuan Minister fapa hi a thi ang." a ti a, Minister chuan, "Sign rawh...sign rawh." a lo ti ve chhen bawk a. Andrew-a chuan, "Ka sign lo ang, ka nau Robina min thahsak a, ka sumdawnna a tichhe vek a, duh leh Minister fapa pawh hi thi ang hmiang, duh leh min that rawh, kan thi vek anga a nimai." a lo ti khur khur a. Minister chuan, "I nau te chu ala dam alawm?" a rawn ti a. Andrew-a chuan mak ti takin, "Engmaw? Ala dam amaw?" a ti hu mai a. Minister chuan, "Aw...dam e, ka farm house ah a awm a, ka enkawl char char alawm. Sign la, tichuan i nau chu i hmu thei ang." a ti a. Andrew-a chuan a sign ta a, chuveleh Minister chuan, "Dawt vek anih kha, i nau chu a thi tawh. Nanga phuba lakduh avang mai mai hian ka fapa hi a thi lovang." a ti a. Nathana chuan Andrew-a chu a kap hlum nghal a. Minister chuan, "Leee..NAthan, a sign tawh bawk a, ka fapa hi min chhansak rawh le." a ti a. An hnuglam kawngka bul atang chuan tu emawni hian, "Chu erawh Rintei thu thu a ni." a rawn ti a. Hnunglam an hawi a, SI Samuela, ACP Shinde-a leh DGP fanu Rintei te an lo ni. ACP chuan, "Sawi rawh le, Rinte, saw mihringpa saw i u Nathana hian a chhanhim ang nge a that ang?" a ti a, Rinte chuan mittui tla zawih zawih hian, "That rawh U Nathan, that rawh." a ti a. NAthana chuan Hruaitea chu a kap hlum leh ta a. Minister chu a au vak vak a, afapa ruang chu a kuah a. Nathana chu va kal hnaiin, "I ui a ni tiraw, i fapa thi chu i ui hle mai. Mahse khatiang chiah khan ka pa in thah tak kha, ka pa ruang kha kuahin i awm ang chiah khan ka awm ve asin..ana a ni tiraw? I hrethiam tawh em?" a ti a. SI Samuela lo kalin, "DCP Sir, he minister pawh hi that ve nghal rawh. Ka thah ang pawn sawi rawh, ka chhungte thah ah min vau vel a, dam tlak a nilo." a rawn ti a. Nathana chuan a kap hlum ve leh ta nghal a.
Andrew-a te leh Minister te pafa chu an thi ta, Nathana chuan ACP chu a va pan a, "Min man thei tawh e." tiin ahma zawnah chuan aban adah a. ACP Shinde-a chuan, "Minister Pu Hlimpuia chu nizan khan an inhnuai garage ah a thawhpui Andrew-a, dark web lama inhnamhnawih thin te nen chuan inhmu thiam lovin inkahna a chhuak a, an vai hian an thi vek ani...chu chu naktuk zing news a ni ang." a ti a. Nathana chuan, "Ka lawm e, ACP." a ti a. ACP chuan, "Sir, DGP tan chuan i nunna pawh chan i huam a, a boral hnuah pawh DGP tan chuan engkim chan ila huam a, i ropui takzet a ni." tiin salute a pe a. Nathana te chu an chhungkua chuan an inkuah a, Nathana pa chu damdawiinah an kalpui a, tichuan SI leh ACP te chuan ruang ho chu an buaipui ve nghal bawk a. Atukah chuan Rinawma chu a zinna atangin a rawn haw a, Nathana nen chuan DGP Pu Sangliana thlanah kal dunin pangpar an zu dah a, Rinawma chuan, "Sir, a khawhar thlak dawn hle mai...tiraw?" a ti a, Nathana chuan, "Ni e, tunah chuan kan Police Station enkawl hi kan pahnih kutah chauh a awm tawh tih hre reng la, theihtawp kan chhuah leh ang chu, tiraw?" a ti a, tichuan minute 10 vel an titi dun hnuah chuan in lam panin an haw dun leh ta a ni.
A tawp ta.
THE KILLER CLOWN
By : Aaron Malsawmdawngzuala
Nathana thawh thinna pangngai, Rinawma nena an thawhna Police Station bera an DGP Sangliana kha kan la hre theuh awm e. A cancer a zual deuh thut mai a, a kum alo upa tawh bawk nen. Hna pawh thawhzawm ta lo chuan loh theih lohna avangin a retire mai angai ta a, Police Department te chuan an ui ngang mai. Chumi Station incharge atan chuan DGP thar an neih hma chu Nathana'n a enkawl dawn a, Rinawma erawh chawlh hmangin a zin hrih a ni. Nathana hian DGP hi a pa ang maiin a en a, an in nelin, DGP pawhin fapa ang chiahin a en a ni. Nathana tan hian DGP hi a hlu em em a, an department a join tirh atang tawhin DGP hian Nathana hi a duhsak bik a, Nathana pawhin a zah thiamin a thu a awih em em a, chutia DGP berin loh theihlohna avanga a chawlhsan ta mai chu Nathana pawh a hlim loh phah hle a ni. A pension tawh hnuah pawh Nathana chu DGP te inah chuan a leng reng a, zantin deuhthaw chu ava tlawh thin a ni. Hun kalta ah te pawh khan Nathana hi a finna leh a thiamna te, a skills te leh a experience te hi a that em avangin phai lam Police department dang te pawhin a aia hlawh sang zawk neia an mahni department join turin an sawm fo a, mahse Nathana hian a duh ngai lo. Nathana hnialna ber chu, "Pawisa tam zawk duh vanga police hna thawk hi ka nilo a, mipui te venghim tur zawka thawk ka ni." tiin a chhang thin. DGP pawh hian hrethiamin Nathana pawh a duhsak vang pawh a niang nge, Department sang zawk join mai tur leh inthlahrung lo turin a hrilh fo a, mahse Nathana chuan, "Department dang chu eng ang pawhin a hlawh lo sang zawk pawh ni se, nang (DGP) leh ka thiantha ber Rinawma in awmloh chuan nuam ka ti lo ang." a ti tlat zel a ni. Sawi tak ang khan Nathana hian DGP hi a pa ang maiin a en mai bakah a hmangaih em em a, a ngaihtuah a, a retire hnu pawhin DGP chu venhim reng a duh a ni. Nathana thiamna leh finna te, a huaisenna leh a tumruhna te hi DGP hian a chhuang em em a, chuvang chuan DGP thar an neih hma chuan Nathana chu Station incharge ah a dah a, Nathana pawhin lawm takin a pawm a ni. Hetih hunlai hian a thianpa, a thawhpui leh a unaupa ang maia a en thin, Rinawma erawh chawlh hmangin a zin kan tih tawh kha. Episode hmasa lama kan hriat tawh ang khan Nathana in luahna a an fanu kum 8 mi Mary kha, an chhungkaw zinga damchhuak awmchhun a nih kha. Nathana leh Sanvi hian an fanu ang maiin an enkawl a, Sanvi a rai mek bawk a, Mary pawh hian SAnvi leh Nathana te chu anu leh pa angin a ngai ve ta hmiah a ni. Tun tum episode ah hian Nathana chu Rinawma tello bawkin hna a thawh leh angai dawn a, eng buaina nge a tawh leh dawn? Engtin nge hnu a chhui leh dawn? Engtik nge amah pui turin Rinawma a lo let leh ang? Tu misualin nge Nathana chu rawn tibuai leh dawn? I chhiar tan ang u aw...
Nikhat chu Nathana te duty laiin DGP te inah chuan mi pakhat, sang lampang, ft 6 vel, palian lam, khabehmul buk chhur leh hmel nelawm loh zet mai hi a thian mi panga te nen an rawn leng lut hlawl mai a. DGP chu a room ah, a hnathawh thinna dawhkan hmaah chuan a thu a. Chumi te chu DGP room ah chuan anlo lut a. DGP chuan, "Lo leng rawh u, tute nge in nih? Enge in duh a?" a lo ti a. Chupa chu a hawi kual vel phawt a, DGP te in chhung zau nuam tak leh mawi tak mai chu a en kual te te a. Tichuan muang chang chuan a thu a, DGP chu a mitah a va melh a, "Enteh ka pu, keichu pehhel kual duah hi ka thiam velo. Tawngkam ka thiamlo a, ka thil duh chu ka nei ngei ngei thin bawk." a ti a. DGP chuan hriatthiamloh hmel tak hian, "Eng chungchang nge maw i sawi le?" a lo ti a. Chupa chuan, "Ka hming chu Robin-a a ni, chuan kan vai hian THE KILLER CLOWN company member te kan ni a, he company-a a hotu ber hi ka u a ni." a ti a. DGP chuan, "Enge chu chu awmzia? Killer Clown tih chu eng company nge? Ka vawikhat hriatna a ni." tiin a lo chhang a. Robina chuan, "The Killer Clown awmzia maw..hetia company helaia i lo hriat ang hi a nilo, kan hna ber chu pawisa hmuh a ni. Kan duh kan hmuh loh chuan tual kan that mai thin, tumah kan zuah ngailo." a ti khur khur mai a. DGP chu a nui suk a, "Hmh..alo nimaw? DGP inah rawn lutin in tualthah thu in rawn inpuang ngam amaw? Enge in duh? SAwi tlang law law teh." a ti a. Robina chuan, "He i inhmun hi kan duh a ni...DGP te chu i la inti ngam amaw? Tunah chuan Police nilovin Police bang mai chauh i ni tawh. He in hi chhuahsan la, cheng nuai 10 kan pe ang che. In compound zawng zawng te leh in ram te, in in leh a chhehvel hrim hrim hi tunah chuan Killer Clown company area a ni tawh ang." a ti ta mai a. Chu veleh DGP Sangliana chu thinrim takin a tho chhuak a, "Engmaw i sawi a? He ka in hmun leh ka ram te hi ka pe ang che maw?" a ti a. Robina chu a nui huah huah a, "Nang putar cancer thi tep tawh khan min vin ve ngam a nimaw? Cheng nuai 10 kan pek dawn che chu...ngawi rengin aw ti mai rawh." a ti a. Pu Sangliana chuan, "A teuhlo mai...he ka thawrimna te, ka in leh lo te hi cheng nuai 10 lek man amaw i ti amaw? I dam chhung pawn i thawkchhuak zo lo ang, theihnghilh rawh." a ti a. Robina chuan, "A tha e, ni 10 chhung hun ka pe ang che. Anih loh chuan nangmah mai nilovin i nupui leh i chhungte dang pawh hian an tuar ang. Chuan maw...fanu i nei tih pawh kan hria a nia, i chhungte leh nangmah in him nan inngaihtuah fel vat ang che." a ti a, an chhuahsan ta a. DGP chu amangang hle mai a, rangtakin Minister a hmelhriat pakhat, Pu Hlimpuia chu a phone vat a. Pu Hlimpuia chuan an in lama lo phei vat turin a hrilh a, tichuan DGP pawh chu rang takin Pu Hlimpuia te in lam pan chuan a inkhalh chhuak ta nghal a. In a thlen chuan Pu Hlimpuia chuan thil awmzia a zawt a, Pu Sangliana chuan engkima hrilh ta a. Pu Hlimpuia chuan ngaihthat hmel zet hian, "HEtiang mai mai te chu a ho lutuk, tlangval damdawi rui hovin an rawn tihthaih mai mai che a nih chu, ngatan mah ngai suh." a ti a. Pu Sangliana chuan, "Tlangval an nilo, patling tak tak vek an ni. Chubakah DGP pension hlim chiah ka ni tih an hria a, cancer natna ka vei mek tih pawh an hria a, ni 10 chhung hun min pe a ni." a ti a. Pu Hlimpuia bulah chuan Police SI pakhat, department danga mi, Samuela chu a lo awm ve bawk a. Samuela chuan, "Sir, hetiang anih tawh te chuan an thu zawm chuan pe mai la, nuai 10 te chuan in tha tak pawh i sa leh thei ang chu." a lo ti vel ham ham a. Pu Hlimpuia chuan, "Enteh thianpa, tiang thil te chu Minister inrawlhna chi pawh ani hleinem. Politics khelh hi chuan thil pakhat ah chauh kan rilru kan focus angai thin a, chu chu dinhmun sang zawk neih zel hi a ni. Lungngai suh, engtin mah an tilo ang che." a ti a. Pu Sangliana chu thinrim tak chuan a ding a, "Minister tanpuina ka dil emaw ka lo ti a, mi dawihzep tak zawk anih hi kalo biak." tiin a chhuak ta daih mai a.
Samuela chuan, "Khanglang chuan.." tih pahin umzui a tum a, mahse Pu Hlimpuia chuan, "Khai khai...aho lutuk..kal tir rawh. Tunge a tihbuai hi a hrelo a ni, Killer Clown te chu ka thuhnuaia awm an ni a, chu chu engmah a hrelo a ni. Engti kawng pawhin saw inhmun saw chu kan la nei em em ang, tihdan ka hria alawm." tiin a nui vur vur a. Pu Sangliana chuan rang takin Nathana a phone a, Nathana pawh chu duty lai kalsan hmakin DGP inah chuan ava phei a. DGP Sangliana chuan Nathana chu engkim a hrilh ta vek mai a, Nathana chu a ngawi vang vang a, "Engthil mah i chungah a thleng lovang, Sir...ka awm alawm." a ti a, tichuan a hawsan ta a. Chumi zan chuan Robina leh athian te chu Robina te in kawtah meichhemin zu an ina, an hlim tlang em em a. Robina phone chu a rawn ri a, a u Andrew-a, THE KILLER CLOWN COMPANY neitu pa alo ni a. Robina chuan, "Hello, enge ni ka u?" a ti a. Andrew-a chuan, "DGP chuan enge a sawi?" a rawn ti a. Robina chuan, "Lungngai suh ka u, tunah rih chuan a inla luhlul ve deuh a, kan minister Pu Hlimpuia pawh puihna alo dil ani awm e...kan neihsak vat ang, lo lungngai suh." a ti a. Andrew-a chuan, "Atha e..mahse engpawh chu nise mi insawi sak emaw, in that duh anih pawhin hmun thlang fimkhur tawh ang che u. Min tihzah zia hi i hria em...mi in sawisa lai leh nula in chhaih nawmnah lai video a leakout tih in hre nange?" a rawn ti ta mai a. Robina chuan mak ti takin "Enga? Engtik khan maw? Tuin nge lo la a?" a ti vak vak a. Andrew-a chuan, "Engmah in hrelo amaw? In hmel a lang chiang lutuk lova in vannei zawk a ni. A tir berah chuan Facebook ah Nathan Malsawmkima tih hmingpu in a rawn post a, chumi hnuah whatsapp ah te, instagram ah te an share sup sup ania. DGP Sangliana in vau thu te pawh chiang takin a ziak tel a, in hmel awmdan te nen, engkim a sawi vek. Plan tha tak neilo chuan DGP te inah pawh khan va kal reng reng suh u, hmun tinah guard a dah vek tawh ang. In fimkhur loh man a nih hi, Nathan Malsawmkima tih hmingpu in hriat apiang a ruk thei ang ber in zawnchhuah tum ang che u. Mahse fimkhur ula, police pawh alo ni maithei a, a account lah chu a deactivate nghal daih bawk si a, inla huai taka chet buan buan kha sim tawh ang che." a ti a, phone chu a dah ta daih a. Robina chu a thinrim hle mai a, Nathana chu thah ngei a tum a ni. DGP Sangliana chuan Nathana chu lawmthu a hrilh mawlh mawlh a, "Nang awmlo la chu tunah pawh hian min rawn vau leh ngei awm si a, ka lawm takzet a ni." a ti a. Nathana chuan, "Ka tih tur alawm Sir, lungngai reng reng suh, i mamawh hun apiangin min lo ko thin dawnnia." a ti a. Pu Sangliana chuan, "Anih leh khami te kha tunge an nih a, khawnge an awm tih pawh i hre lawk miah si lo a, engtin nge an video te kha i neih theih reng reng a?" a ti a. Nathana chuan, "Sir, an zinga mi Robina ber khan i inchhungah hian thil a theihnghilh alawm." tih pah chuan Nathana chuan a ipte atang chuan passport size thlalak te tak te hi a rawn phawrh a. DGP chuan a en a, Robina thlalak a lo ni a. Nathana chuan, "Nimina ka chhuah dawn khan in kawngka bulah alo awm a, ka chhar a, tichuan ka zawng ta a ni." a ti a. DGP chuan, "Mahse, a thlalak ringawt atangin engtin nge awlsam takin i zawn hmuh theih a?" tiin a zawt leh a. Nathana chuan, "Sir, cyber crime expert bawn lutuk mai thianpa ka nei alawm, a hming chu Tetea a nia." a ti a. DGP Sangliana chuan, "A lawmawm e, nang nge nge...ka lawm e Nathan." a ti a, tichuan Nathana pawh chu DGP te inah chuan chaw a ei a, tichuan a hawsan ta a.
Zanlai dar 12 rik hme vel chuan Nathana thianpa Tetea phone chu a rawn ri a, Nathana alo ni a. Tetea chuan rang zet hian a pick up a, "Hello thianpa, enge ni ta?" a ti a. Nathana chuan chauh hmel tak hian, "Thiana, ka bike a chhe vek a, Vaivakawn field-ah ka awm a, min rawn hruai thei angem?" a rawn ti a. Tetea chuan, "Ehee, tinge? I tha em?" a ti a, a mangang hle mai. Nathana chuan, "Aww..ka tha e, lo kal hram rawh." a ti a, Tetea chuan phone a dah vat a, rang takin a insiam a, VAivakawn field lam pan chuan a kal ta a. A zu thlen chuan Nathana chu field sirah alo thu a, ava pan hnai a. Nathana chu a lo thi phung mai a, a kawr te pawh a lo t(r)et nasa em em a. Tetea chuan, "Tinge a? Tuin nge sawisa che a?" a ti a, Nathana chuan, "Robina te kha...bike-a ka tlan lai min hlap tlu a, tichuan ka bike chu an zinga mi in a khalh a, kei erawh helai hmunah hian min hruai a, min sawisak hrep hnuah ka bike hi an vawchhe leh vek a." a ti a. Tetea chuan, "Tinge i khawihlet loh?" tiin a zawt leh a. Nathana chuan, "Ka khawihlet a nih chuan ka insum zo dawnlo a, ka that vek mai ang tih ka hlau alawm. Nung damin ka mamawh ani, Robina hi nungdamin ka mamawh a ni." a ti a. Tetea chuan, "Anih leh thil sawi te an nei em?" a ti a. Nathana chuan, "Aw...min sawisak pah khan Robina khan 'i thil tih man hi i hmu khawp ang, lo ngai reng rawh.' tiin min vau chiam a. Facebook atang ringawtin ka post a, rang takin min rawn man chhuak thei nghal a, an company hi a hlauhawm a ni. Thianpa, damdawi inah min hruai thei angem." a ti a. Tetea chuan Nathana chu damdawi in lam pan chuan a phur chho ta a. Nathana pawh a hliam nasat em avang chuan damdawiin an thlen rual rualin nikhaw hrelovin a awm nghal a, Tetea chuan zankhua in a awmpui a ni. A tukah chuan Nathana chu a rawn harh a, a bulah chuan a nupui Sanvi a lo awm a. Nathana chuan SAnvi bulah chuan a thil tawn te chu a hrilh a, chutia a hrilh lai chuan hmanhmawh tak hian Tetea chu a rawn lut a, "Nathan, thu duhawmloh tak a ni." a rawn ti lut nghal a. Nathana chuan, "Enge ni ta?" a lo ti a. Tetea chuan, "DGP Sangliana khan a inhmun leh a ram te chu Robina te a pe a, amah pawh a in awkhlum nghal a ni awm e." a rawn ti ta mai a. Nathana chu rang lutukin a zuang tho a, a in ha mawlh mawlh a, doctor leh nurse te pawhin an lo hau nasa, mahse a ngaithla duhlo, a chhuak ta nghal a. DGP te in ava thleng chu DGP ruang chu an lo kil laih laih a, DGP fanu Rintei lah police te sawi danin apa lo inawkhlum ta mai chu a barakhaih em em a, nikhawhrelovin a tlu a, damdawiin ah a awm mek bawk a ni. Nathana chuan ngawi rengin Pu Sanliana ruang chu a en reng a, a mittui a tla zawih zawih a. A phone a rawn ri a, Robina a lo ni, "Tikhan i thiltih pawizia chu i hre tawh em? DGP chuan paper a sign thlap tawh, a inhmun kha kan ta a ni tawh." a rawn ti a, phone chu a dah nghal a. Nathana chuan a pa ang maia alo en thin, kum tamtak chhung a lo thawhpui, a boss DGP Sangliana ruang chu kuah in chhuak em em hian a tap ta hawm hawm mai a. Zan alo thleng a, Nathana leh Sanvi leh Tetea chu Nathana room ah chuan an awm a, Mary erawh a muhil thung. Nathana chuan, "Phuba ka la em em ang, an thiltih man hi chu an hmu ve khawp ang." a ti khur khur a. Sanvi chuan, "Duhtak...police te pawhin mahni a intihlum ngei ani an tih kha..DGP hi a hlauhthawn vangin an chhungkaw him nan paper chu a sign ta mai aniang, tichuan a inchhir lutuk anga, amah a intihlum ta mai ani ang." a lo ti a. Nathana chuan, "DGP hi ka hre chiang a, mahni-a intihlum duh tur khawpa dawihzep a nilo. Huaisen taka hnathawh min zirtir a, thianghlim taka sum lakluh min zirtir a, mi bum lo tur te, dawihzep lo tur te leh a hunah chuan mahni nunna chan huam khawpa hmelma te bei turin min fuih thin." a ti a. Sanvi chuan, "I sawi awmzia chu DGP hi thah a ni tihna maw?" a lo ti a. Nathana chuan, "Aw ni e, a thattu te pawh The Killer Clown member te an ni." a ti a. Tetea chuan, "Anih leh engtia hmalak nge i tum a?" a ti a, Nathana chuan, "Thianpa, Robina te in awmna hi min zawnhmuh sak la, tichuan abak chu keiman ka ti vek ang." a ti a.
Tetea chuan a thiamna hmang chuan reilo te ah Robina te in location chu a hmu thuai a, Nathana chuan a pistol pahnih chu la in a kawngah a pai a, Robina te in lam pan chuan a chhuak ta nghal a. Robina te leh a thiante chu hlim takin inchhungah zu an lo in a, an lo nui vak vak a. Kawngka a rawn in kik a, an zinga pakhat chuan ava hawng a, Robina te zu inna bul thleng chu a rawn leng phei lawp mai a. Kawngka lam an va en chuan pistol pahnih lek kang chunga Nathana rawn tlan lut chu an hmu a. Va beihlet an tum a, mahse Nathana chuan a lo kap siah siah hlawm mai a, atawpah chuan Robina chiah chu a bang ta a. Robina chu Nathana chuan a biangah na takin a hnek a, chhuatah chuan a tlu zangthal tawp a. Nathana chuan Robina awmah chuan a rap a, silaiin alu ah a tin a, "Sawi rawh le Robin...engtin nge DGP kha in thah?" a ti a. Robina chuan, "Min chhuah la ka hrilh vek ang che." a ti a. Nathana chuan, "Sawi phawt la, ka chhuah ang che." a ti a. Robina chuan, "Minister Pu Hlimpuia khan guard duty te chu hnadang siamchawpin a tir bo vek a, tichuan kan va lut ta a. A fanu thah ah kan vau a, tichuan hreh chung chung chuan paper chu a sign ta a ni. Amah pawh chu a dam reng chuan a tha dawn lo a, thah ve mai chu kan tum ta a. Minister Pu Hlimpuia phalna thlapain DGP chu kan rek hlum ve ta a ni. A fanu kha chu nikhawhrelovin a tlu angah an ngai a, mahse anihna takah chuan tur kan pe a ni, a thi tep tawh ang." a ti a, Nathana thinrim lutuk chu a khur char char thei hial a ni. Robina bawk chuan, "Engkim ka hrilh tawh che a, khawngahin min chhuah rawh." a ti a. Nathana chuan thinrim tak hian, "Ka pa i thah hnuah i thah dan tenawm tak chu min hrilh a, tichuan ka kaltir che i ring amaw?" a ti a, Robina chuan mak ti tak hian, "I pa maw?" alo ti hu mai a. Nathana chuan, "Ni e, min hringtu pa chu a nilo, mahse police department ah chuan min hringtu ka pa ai pawhin ka zah zawk asin. I nunna zuah tur khawpa mi fel leh piangthar ka ni lemlo...mangtha le." tih pahin vawi 5 vel lai chu a kap siah siah mai a, Robina chu a thi ta a. Robina phone arawn ri a, a u Andrew-a a lo ni. Nathana chuan a pick up a, Andrew-a chuan, "Tinge phone i lak theih miahloh a? Nathan Malsawmkima kha engvangin nge inlo sawisak hman a, police a nih kha, a hmel diktak pawh ka la hmu velo ania, eng hmel nge a put a, eng mi nge a nih pawh ka hre ve lo. Thil hi ti buan buan thin suh ka tih kha, engvangin nge min chhanloh a? MAwh..hello hello, Robin, min chhang ta che." a rawn ti vak vak a. Nathana chuan vin zet hian, "Engvangin nge mitthi tawh hnu chuan a chhan theih che anga?" a ti vak mai a. Andrew-a chuan, "Tunge i nih?" a rawn ti a. Nathana chuan, "I thihna tur ka nih hi, lo ngai reng rawh, ka kut ngei hian ka that khawp ang che." a ti a. Andrew-a chuan, "Nathan, Nathan MAlsawmkima an tih kha i ni tiraw?" a rawn ti a. Nathana chuan, "Nilove...DGP in thah rual khan Nathan MAlsawmkima chu a thi ve nghal a ni. Kei chu in laka phuba la tur ka ni, ka that vek dawn che u." a ti a. Andrew-a chuan thinrim tak hian, "Enga? Nang khan min that anga maw....THE KILLER CLOWN an tih ber hi tunge anih i hria em? Keimah ka ni, keimah hi ka ni, nangkha tunge i nih ve a?" a rawn ti a, Nathana chuan vin zet hian, "Tunge ka nih maw...nangmah thattu tur che ka ni, THE CLOWN SLAYER...tiang chuan min chhinchhiah dawn nia." a ti a, phone chu a dah hmak a. Rang takin damdawiinah a kal a, DGP fanu Rintei chu nikhawhrelova tlu nilovin tura hrai a ni tihte chu hospitala Rintei lo awmpui mektu Tetea bulah chuan a sawi mawlh mawlh a. Tetea chuan, "Lungngai suh thianpa, kan lo hre tawh alawm. Zinga damdawiina Rintei ka phurh chhoh khan a chil phuan arawn tla vak a, doctor te chuan a taksa chhungah tur a awm tih an hmu chhuak a. A thih mailoh nachhan pawh an tur pek hi alo expire tawh vang a ni, a tha chhuak thuai ang." a lo ti a, Nathana chu a thaw huai mai.
Atukah chuan Nathana chuan Tetea bulah chuan, "The Killer Clown hi darkweb ah site hran an nei a, darkweb hmang vekin site hran siam ve ka duh a ni." a ti a, Tetea chuan, "Thianpa, darkweb tih te hi chu a risky lutuk, i tan a hlauhawm dawn a nia." a ti a. Nathana chuan, "Fake AC siam chawp mai rawh, he site hmang vek hian an site hi kan va tibuai anga, an video darkweb ami zawng zawng te hi pholang ila, tichuan min rawn pan mai ang. Kei nin heta lo zawn vak ngaihna a awm silo a, mithiam rual ve tho anni a, chuvnag chuan kan hneh theihnan chuan he darkweb hi kan hman ve angai a, risky takin kan chet ve angai a ni." a ti a. Tetea chuan, "Awle, mahse site hmingah hian enge kan tih ang? Anmahni pawhina min rawn hriat chat theih chuan a lawmawm lehzual ang. Achhan chu kan va biak hmasak chuan awlsam takin eng fake account pawh nise address an rawn hre chhuak vat thei tho dawn a, chu ai chuan kan hming an hmuh rual rual khan tute nge kan nih an hria anga, kan site an rawn check chuan an mahni address zawk hi ka lo hack vat thei dawn a ni." a ti a. Nathana chuan, "A site hmingah khan THE CLOWN SLAYER ti rawh, an hotupa chuan min hre chiang khawp ang." a ti a, tichuan Tetea chuan darkweb ah chuan account chu a siam ve ta a. Minute 10 pawh ala ral lovang tihah chuan an rin ang ngeiin Killer Clown chuan Clown Slayer profile chu a rawn view a, chuveleh rang takin an address chu Tetean a lo hack nghal a. Address chu Minister Hlimpuia te in a ni a, Pu Hlimpuia te in atangin darkweb chu an lo khawih thin hi alo ni. Nathana chuan, "Untraceable number pakhat siam la, an rawn trace thei hram anih leh second khat danah ahma ang bawk khan address i thlak zel dawnnia. Minister saw fa inbox la, a fapa Hruaitea thah ka tum thu va hrilh rawh." a ti a. Tetea chuan number siamchawp hmang chuan Minister chu ava vau ta a. Minister leh Andrew-a leh SI Samuela te chu Minister inah an awm khawm mek a, Minister chuan message chu adawng ta a. A hmu chiah chu hlauthawng takin, "Ehe...hei tu emawni in min rawn text ania, ka fapa thah ah min rawn vau ania." a ti a. Andrew-a chuan, "A number chu minlo thawn vat rawh ka lo trace nghal ange." a ti a. SI Samuela chuan, "Ngawi teh, Sir..trace mah ula mi fing tak a ni a, chu ai chuan i fapa Hruaitea chu venghim hmasa rawh." a lo ti a. Pu Hlimpuia chuan, "Awle, vawiin hi alo haw hun tur a nia, Airport ah Police force ten lo va venghim rawh se. Hrilh nghal rawh....i naute." a ti a. SI chuan, "Awle...venghim thei tu tur ka hria alawm, kan ACP a nia, ACP Shinde-a a ni." a ti a, ACP chu a phone a, minister nen chuan an inbia a, tichuan police force chu ava tir ta a. Nathana chuan call a dawng a, minute 5 vel pawna a va biak hnuah chuan a rawn nui lut sang mai a. Tetea bulah chuan, "Tikhan afapa awmna kan hre chiah e, afapa that tura vau tur che a ka tih nachhan chu maw, a fapa venghim turin police a ruai ngei anga, SI Samuela hi ka hria a, Minister Hlimpuia pawh hi ka hria a ni. A venghimtu ber chu SI hi a ni a, SI hian a boss ngaihsan em em ACP Shinde-a hi puiturin a ti dawn tih pawh ka hria. ACP Shinde-a hi ka thawhpui zuai tawh a, ka hnuaia awm a ni. ACP Shinde-a hian mi venhim hna a neih dawn apiang hian ama police force nilovin ka police force te hi a rawn ruai ziah thin bawk a. Minister Hlimpuia fapa pawh Delhi atangin a lo thlawk haw mek a, tichuan tunah chiah khan ACP chuan chanchin min rawn hrilh a ni." a ti a, Tetea chuan, "Ava tha em...anih chuan keichu minlo ngaihtuah suh, Hruaitea chu va man rawh." a ti a, Nathana chu a chhuak ta nghal a.
Airport ah chuan Hruaitea chu a rawn thleng a, thlawhna atanga a chhuk fel chiah chu a phone a rawn ri a, apa a lo ni a, "Hello ka pa, ka lo thleng e.." a ti a. Pu Hlimpuia chuan, "Bawiha, Clown Slayer inti pakhatin thah che a tum ania." a rawn ti a. Hruaitea chuan, "Engmaw? chu chu tunge?" a ti a. Pu Hlimpuia chuan, "Mi hlauhawm tak ani, Police te veng tur chein kan rawn tir tawh a, pawnah khan an awm ang. An lo bia che anga, an mahni an insawi anga, i zui nghal dawnnia." a ti a, Hruaitea chuan, "Awle ka pa." tiin phone a dah a. Chutih lai chuan ACP Shinde-a te leh police force dangte chu anlo thleng a, airport bulah chuan Hruaitea chu anlo nghak a. Chutih lai chuan Nathana chu police form ha in Airport chhungah alo awm daih tawh a, Hruaitea a hmuh veleh chuan ava kal hnai a, "Ka pu, i pa Minister Pu Hlimpuia'n min rawn tir a, ka venhim che angai a ni. DCP Nathan Malsawmkima ka ni a, khawngaihin min rawn zui rawh." a ti a. Hruaitea chuan, "E...awle..kal ila." a ti a, mipui karah chuan hruai pheiin ACP te duty lohna lam atang chuan a chhuah pui ta daih mai a. Motorah a luh pui a, Hruaitea chuan Nathana bulah chuan, "Ka pa khan tu emawni, Clown Slayer inti pakhatin a that dawn che a rawn ti ringawt a, tunge chupa chu ka hre mang silo a, amak tak tak ani." a ti nuah nuah a. Nathana chuan, "Hehe..anih chumawle..keimah hi ka nia." a ti a, Hruaitea chuan mak ti tak hian Nathana chu a en hu a, "I fiamthu ami?" a ti a. NAthana chuan, "Fiamthu love, keimah hi alawm Clown SLayer chu..." tih pah chuan a hnek siah mai a, nikhaw hrelovin a awm nghal. Hruaitea phone a rawn ri a, Pu Hlimpuia a lo i a, "Hello bawiha, police te chu i hmu ta em?" a rawn ti a. Nathana chuan, "Ka bulah a awm e...ka lo enkawl ang." a ti a. Pu Hlimpuia chuan hlauhthawng takin, "Tunge i nih?" a ti a, NAthana chuan, "CLOWN SLAYER." tih pah chuan phone chu a paih daih mai a. Chuveleh ACP Shinde-a chuan Minister chu a rawn phone a, "Ka pu, ifapa chu alo la chhuak miah lo a nia." a rawn ti a. Minister chuan thinrim zet hian, "ZAwnga, Mawla, a kidnap daih tawh a, engvangin nge a rawn chhuah theih ang? ACP ka ni e, te chu i ti ve a, maw? Police Force tam tak hruai chung pawn ka fapa chu mi pakhat lek lakah i venghim zo lo ania." tiin a hau hrep a, phone chu a dah nghal hmak a.
Chumi tlai chuan KILLER CLOWN member thenkhat te chu Nathana te in bula dawr ah chuan an awm a, mi 5 vel an ni. Thingpui dawra thawk naupang chu an zinga pakhat chuan a kawka, "Thiante u, saw naupang saw alawm tukina kan drugs ti lai video facebooka post tu chu." a ti a. An va kal a, an zinga pakhat, an boss deuh ber chuan, "Hey naupang, kan video i lo ti leak out ngam amaw?" tih pah chuan a beng thuai mai a. Nathana chuan a sirah a lo en reng a, ava kal phei a. Nathana chuan chumite bulah chuan, "Pute u, hei CLOWN SLAYER tih hminpu pakhatin min rawn phone a, i bula mite kha phone pe rawh a ti a nih chu." a ti a. An boss ber chuan, "Khawi...khapa kha alawm kan biak chak." tih pah chuan phone chu a la a. Phone a mi chuan, "Hey, mimawl ho...min hmu duh a nih chuan engvangin nge ka awmlohna khalai thingpui dawr tereuhte ah khan in awm a? Kei min hmuh duh avangin kha naupang bulah khan in inla pa vel amaw? Kha naupang video post pawh kha keima tih leakout a nih kha...lo kal ta che u, ka awmna ka hrilh ang che u." tih pah chuan a awmna chu a rawn sawi a, anihna takah chuan phone ami chu Nathana thianpa Tetea a ni. An boss ber chuan, "Lo awm rawh, lo kalsan reng reng suh." tih pah chuan phone chu a dah a. An kal tur chu NAthana chuan, "Ka pu, in va insual pui dawn mi?" a ti a. Chupa chuan, "Aih, kan that dawn." a ti a. Nathana chuan, "Ka pu, tuma bulah ka saiw lo ang, ka lo kal ve teh ang. Ka en ve chak alawm."a ti a. Chupa chuan, "Tunge maw i nih le? Kan tualthat lai video-a lo kal i tum a nimaw?" a ti leh a. Nathana chuan, "Aih, a teuhlo mai, ka phone hi kawl rawh. Chuan, Clown Slayer tih pawh chu ka hmu chak alawm, khawngaihin ka pu, keipawn sawisak ve ka chak alawm." a ti a. Chupa chuan, "Ninawm reuh ve mawle, i duh chuan lo kal ve la." a ti a, an hruai ve ta a. Building hlui, luah tawhloh tih hriat tak mai chu an va thleng a, inchhung an lut a, tumah an awmlo. Nathana chu an bul atanga pen 10 velah hlaah chua ava kal a, "Ka pu, tumah an awm chuang silo a, in tih dan tur vel ka hre chak emai..Clown Slayer chu keimah angah lo ngai ta ula, engtiang chiahin nge in thah dawn tih min han entir teh u." a ti a. An boss ber chuan, "Hepa han naupangchhiat zia hi...pakhat kha va kal ula, kan sawisak dan tur va entir rawh u. Mahse inva that tak tak ange, mi ang zanlo aniin ka hria, dim deuh ula." a ti a. An zinga pakhat chu ava tlan phei a, NAthana chuan a kapah a lo pet sak pawp a, a zakhnuaiah chupa lu chu rawlhin a ring ruh tliak ri thawt khawp chuan a herh vak mai a, a tlu bawkthlawp a. An zinga pakhat chu va kal leh in an thianpa tlu der mai chu a va en chiang a, hlawuh hmel tak hian an boss pa bulah chuan, "Boss, a that tak tak a nia." a ti a. An boss chuan, "Hey mawla, infiam ang i ti ani lawmni? Tinge i thah tak tak a?" a ti a. NAthana chuan, "Awww...a tak ang thei tur berin ka tih kha, tiang anih chuan chu Clown Slayer pawh chu in that thei dawn mawni le?" a ti a. An zinga mi chuan, "Boss, amah hi CLown SLayer chu a ni hrim hrim." a ti a, Nathana chuan, "I ring dik e, in hmaa ding mek hi Clown Slayer chu ka ni. Killer Clown member zawn zawng te hi ka that vek dawn che u." a ti a, tichuan Nathana chuan chung Killer CLown Member 5 te chu a that leh ta vek a ni. Andrew-a chu a mangang em em a, a thiamna in a tlin bik ta ngang lo, Mumbai professional hackers te chu a chah chho ta ringawt mai a ni.
Nathana chu hmanhmawh takin Tetea te inah ava kal a, Tetea bulah chuan, "Thil pakhat kan tih angai...Andrew-a'n mumbai ami hackers te a chah chho a, an rawn thleng har lo ang. Engemaw kan tih angai a ni.." a ti a. Tetea chuan, "Enga? Engin nge i hriat a?" a ti hu mai a. Nathana chuan, "Ka hre ve tawp..thil pakhat titeh, chung hackers te chuan min rawn zawn thuk vak loh nan profile picture kan dah mai angai a ni." a ti a. Tetea chuan, "Tu thlalak nge kan hman chuan anga?" a ti a. Nathana chuan, "Hmel pakhat siamchawp rawh, hmel hrim hrim, tu hmel ang pawh a ngai chuanglo." a ti a, Tetea chuan hmel siamchawp chu a dah ta a. Nathana chuan, "Tikhan thenkhatin profile picture a hmel kha an zawng anga, min zawngtu an tam lo deuh ang." a ti a. Atuk ah chuan hackers te pawh an lo thleng ve nghal a, Nathana ruahmanna ang ngeiin profile picture-a hmel siamchawp chu an hmu a, Andrew-a bulah hrilh in Andrew-a pawn a naute thenkhat te chu tirin he khawvela awm ve miahlo, hmel siamchawp chu an zawng ta chiam mai a. Chu hmel siamchawp chu he khawvelah a awm ve lo kan han ti tak naa..Bus station bula sweeper, mi ang zan lo hmel nen chuan a lo in ang em em mai hi a lo ni a, Andrew-a nau te chuan an va man ringawt mai a. Andrew-a bulah an va hruai a, Andrew-a chuan a en vang vang a, a kekawr t(r)et hnuang leh a ke bal em em te, a hmel en reng reng pawha mawl hmel em em mai chu a hmelma CLOWN SLAYER chu a nih a ring chiah biklo. Andrew-a chuan, "Tunge i hming?" a ti a, chu mi anglo pa chuan, "I zak em? Tui taka hna ka thawh laiin heng palian pui pui ho hian min rawn man ringawt a. Khawvel awptu ang maiin nang lahin inti thu takin ka hming te min zawt amaw?" a lo ti let zek mai a. Hackers te an lo lut a, pakhat chuan, "Sir, midang anih kha..hepa thlalak hi Clown Slayer khan a profile picture ah a dah a, min bum a ni." a ti a. Andrew-a chuan a lu a dawm vawng vawng a, "Kaltir rawh u he mi anglo hi." a ti a. Chu mi anglo lah chuan, "A theihlo, ka kal lovang. Thingpui ka in dawn chiah a, ka in hmanloh phah...pawisa min pe phawt rawh u." ala ti zui a. Andrew-a chuan cheng 500 clip hi rawn phawrh chhuakin, "Kha..hei hi la rawh." a ti a. Chu mi anglo pa lah chuan, "Hey, thingpui leina tur alawm ka dil che, thlawhna leina ka dillo che. Cheng 10 bak ka duh lo.." a ti leh a. Andrew-a ning lutuk chuan, "Cheng 10 nei in awm chuan lo pe teh u." a ti a, anzinga pakhat chuan a pe a, hlim tak chuan a chhuak veleh mai bawk a. Thinrim takin Minister bulah chuan va kalin, "He Clown Slayer hian min bum hnem tawh lutuk, ka ning tawh a ni." a ti a, Minister lah chuan, "Keipawh ka fapa a kidnap mek a ni a, tih ngaihna ka hrebik lo a nih hi." a lo ti ve bawk a. Chutih lai chuan Minister phone chu a rawn ri a, Nathana alo ni a, "Hello tunge aw?" a ti a. Nathana chuan, "Clown Slayer.." a rawn ti ringawt a. Minister chuan, "Hey, hmela, khawnge ka fapa a awm?" tiin a zawt a. Nathana chuan, "I fapa hi i la hmu duh takzet anih chuan rul pahnih rawn thawn rawh." a ti a. Minister chuan, "Enga? Rul a? Engatan nge i tih?" a ti hu mai a. Nathana chuan, "Lo thawn la animai, i message kha en la, khami location ah khan lo dah rawh. Tichuan drone hmangin ka rawn la anga, min rawn chhui duh suh ang che u." a ti a. Minister chuan sahuan-a mi rul chu pawisa tam takin lei a dil ta ringawt mai a. Rul chu bawm chhungah an dah a, Nathana sawina hmun lam chu panin bawm chu ava dah ta a. SI Samuela leh ACP Shinde-a te pawh chu an awm ve bawk a, reilote hnuah drone chu a rawn thlawk ta a. Bawm chu a rawn la a, a thlawk bo leh ta nghal a. SI Samuela chuan, "Kan umzui dawn lo em ni?" a lo ti a. Shinde-a chuan, "Lungngai suh, bawmah khan GPS device ka dah alawm." tih pah chuan motorah lutin a tlan ta a.
SI Samuela chuan mak a tih hmel em em a, ava zui ve nghal a. Drone chu Nathana te in hnuaiah chuan a t(r)um a, Nathana chuan bawm chu a hawng a, rul pahnih te chu ngam tak leh hlaulo tih hriat tak hian a la chhuak dun a. Room pakhatah a luhpui a, Minister fapa Hruaitea chu thutthlengah alo inphuar mek a. Nathana chuan a malchungah chuan rul chu a dah a, Hruaitea chuan hlau tak hian, "Khawngaihin, la sawn rawh, khawngaihin, ka hlau ania." tiin a rak chel chul mai a. Nathana chuan, "Khami zan khan DGP inah khan i awm ve tih ka hria, rul lem hmangin a fanu Rintei kha i tihthaih char char tih pawh ka khria." a ti a. Hruaitea chuan, "Chutin ka tilo, ka nilo hrim hrim..khawgaihin la sawn vat rawh." tiin a au vak vak a. Chutih lai chuan ACP Shinde-a leh police force dang te pawh chu GPS an rawn chhui zui zel a, an rawn thleng dawn ta. SI Samuela chuan Nathana te in bul an thlen chuan ACP bulah chuan, "Sir, Clown Slayer hi a dam angai a ni." arawn ti ta mai a. ACP chuan, "enge i sawi awmzia?" a ti a. SI chuan, "DGP thih zan khan tlai takah ka va thleng a, DGP ruang lo let reng chu ka va hmu a, Hruaitea chuan DGP fanu Rintei chu rul lem hmangin alo tihthaih char char bawk a. Minister bulah chuan hetiang em em tur chu anilo a sin tiin ka sawi dek dek a, ka sawichhuah vaih chuan ka chhungte pawh thah ah min vau ta mai a, chuvang chuan Clown Slayer an tih hi ka support a ni." a ti ta tlat mai a. ACP chuan, "Engpawh chu nise, Hruaitea thah a tum mek a, misual a ni tho tho, ka man tho chu angai a ni." tiin a kal lui ta a. Nathana te in chhung chu va lutin Nathana chu an va man bet a, Hruaitea a phuarna chu an phelh sak bawk a, rul pawh chu an that ve ve bawk a. Nathana chu silaiin an tin thup mai a, ACP chuan Nathana a hmu chiah chu mak a ti em em a, "Sir, nangmah maw?"a ti hu mai a. Nathana chuan, "Shinde, hepa hi tualthattu te zinga mi a ni, min chhuah rawh..khawngaihin, engkim ka hrilh vek ang che." ati a, chutih lai chuan SI Samuela a rawn lut a. ACP chuan SI chu a en a, "Samuel, Nathana a ni tih hi i hre lawk vek ani tiraw?" a ti a. SI chuan, "Aw Sir, DCP Nathana hi Andrew-a chanchin engkim ka hrilh vek zel a, a bihruk na tur te, in zawn dawn te pawhin ka lo hrilh lawk vek thin a ni." a ti a. ACP chuan, "Stationah hruai phei ru..." a ti a. Nathana chuan, "ACP Shinde, min chhuah vat rawh, i senior ka nih hi." a ti a. ACP chuan, "Ka tihpalh Sir, Minister in thu min pe miau sia ni." a ti a, Nathana chu an man ta a. Zan alo thlenga, Andrew-a te chuan phur takin jail lam chu an va pan a, Nathana cell ah chuan an lut a, mahse NAthana reng reng an hmulo. Zanlai dar 12 a pel tawha, ACP Shinde-a te in kawngka chu SI Samuela chuan a kik dawt dawt a, Shinde-a chuan a hawng a, SI chu thi hnuang hian a rawn let lut a. ACP chuan mak a ti hle mai, SI chu kaithovin thil awmzia a zawt a, SI chuan, "Sir, Nathana i man chu a zialo khawp mai. Minister leh Andrew-a ten min rawn phone a, Nathana rawn thah an tum thu min rawn hrilh a. Tih ngaihna ka hre siloa, Nathana chu ka chhuah ta ringawt a ni. Andrew-a te chuan min ringhlel a, min man a. A awmna min hrilh turin min vau a, mahse ka hrilh duh silo a. Ka rinloh tak maiin Nathana nupui Sanvi, a nu leh pa leh an fanu Mary chu an rawn hruai ta mai a. Tichuan Nathana pa chu a malpuiah an vih sak a, ka sawilo a nih chuan a hrawkah an vih tawh tur thu an sawi a, tichuan Rintei bulah damdawiinah a awm thu ka hrilh ta ringawt a ni." a ti a. ACP chuan, "Andrew-a te chuan engtin nge Nathana chhungte chu an hriat theih a?" tiin a zawt leh a, SI chuan, "Achhan chu nangman Nathana chungchang hi Minister i hrilh vang kha a ni." a ti a, ACP chu a inchhir em em a. ACP chuan, "Anih leh Nathana leh Rintei chu engtin nge an tih?" a ti a, SI chuan, "Ka hrelo, Minister khan afap chu damdawiina va kal a, Rintei leh Nathana va that turin mi 2 dang nen a tir a, Andrew-a nen chuan min thah an tum a, mahse vaivutin an hmaiah ka vawm a, ka rawn tlanchhe ta a ni." a ti a.
Chutih lai mek chuan Andrew-a leh Minister chuan Hruaitea chu anlo nghak reng a, rei fe hnuah chuan an lo let a. A seat hnung atang chuan Hruaitea, nikhaw hrelova let reng chu an naute pahnih chuan an rawn zawn chhuak a. Minister chuan, "Enge awmzia? Tinge ka fapa hi?" a lo ti a. Pakhat zawk chuan, "Ka pu, damdawiin kan va thlen khan Rintei chu a ward ah amah chauhin a lo mu a, Hruaitea chu a va kal hnai a, mahse hnunglam atangin Nathana chu a rawn lang thut a, Hruaitea nghawngah hian cyringe-i'n a raw vit a, damdawi sen vek hi a chiu lut a." a ti a. Andrew-a chuan thinrim tak hian, "Anih khawnge Nathana chu?" a ti a. A naute zinga pakhat zawk chuan, "Motor chhungah hian a awm." a ti ta mai a. Chuveleh Nathana chu paper kengin a rawn chhuak hlawl mai a, Minister chuan, "Nathan, khawngaihin ka fapa hi tidam rawh, pawisa pawh ka pe ang che." a ti a, a tap pur mai a. Nathana chuan, "Ka tidam em em ang, mahse he lehkha hi Andrew-a hian a sign a ngai a ni." a ti a. Minister chuan, "Eng lehkha nge a?" a ti a. Nathana chuan, "He paper hi Andrew-a'n a sign chuan DGP nupui leh a fanu Rintei'n an inhmun leh ram zawng zawng te an hmu let leh ang. Chuan i fapa pawh a damchhuak ang." a ti a. Minister chuan, "Andrew, sign vat rawh..khawngaihin." a ti a. Mahse Andrew-a chuan, "A teuhlo mai, hlau mah ta che Minister. Hepa hian engtin mah min ti thei biklo, i fapa hi keiman ka chhanchhuak ang. Hey Naute u, lo hruai rawh u le." a ti a. Andrew-a nau te chuan Sanvi, Mary leh NAthana nu leh pate chu chemtea tin reng chung chuan an rawn chhuahpui ta a. Nathana'n a chhungte a hmu chu a phu zawk mai a, Nathana nu chuan, "Min ngaihtuah reng reng suh bawih a, heng mite hian DGP kha an that a ni, that ve vek ang che." a lo ti a. Nathana chuan a pa malpui atanga thisen lo chhuak chu a va hmu a, a va kal phei a. Nathana chuan, "Ka pa, enge awmzia?" tiin a zawt a. Nathana pa chuan, "Heng misual ho hian min vit a ni." a ti a. Nathana chu a thinrim kher mai, a mitmeng a sen vek thei hial a. Rum em em hian a melh kual a, "Tunge ka pa hi vit?" a ti a, tuman an chhang lo. A aia ringin, "Tu berin nge ka pa hi vit?" a ti leh a, pakhat chuan, "Keimah..keima vih a nih kha." a rawn ti a, Nathana chuan, "Animaw.." ti leh a tlan phei a, a va hnek thal tawp mai a. Midang ho chu rawn tlanin Nathana chu rawn beih an tum a, mahse Nathana chuan a silai phawrh chhuakin alo kap thal tawp tawp hlawm mai a. Andrew-a bulah va kalin, "Sign rawh..sign rawh. Anih loh chuan Minister fapa hi a thi ang." a ti a, Minister chuan, "Sign rawh...sign rawh." a lo ti ve chhen bawk a. Andrew-a chuan, "Ka sign lo ang, ka nau Robina min thahsak a, ka sumdawnna a tichhe vek a, duh leh Minister fapa pawh hi thi ang hmiang, duh leh min that rawh, kan thi vek anga a nimai." a lo ti khur khur a. Minister chuan, "I nau te chu ala dam alawm?" a rawn ti a. Andrew-a chuan mak ti takin, "Engmaw? Ala dam amaw?" a ti hu mai a. Minister chuan, "Aw...dam e, ka farm house ah a awm a, ka enkawl char char alawm. Sign la, tichuan i nau chu i hmu thei ang." a ti a. Andrew-a chuan a sign ta a, chuveleh Minister chuan, "Dawt vek anih kha, i nau chu a thi tawh. Nanga phuba lakduh avang mai mai hian ka fapa hi a thi lovang." a ti a. Nathana chuan Andrew-a chu a kap hlum nghal a. Minister chuan, "Leee..NAthan, a sign tawh bawk a, ka fapa hi min chhansak rawh le." a ti a. An hnuglam kawngka bul atang chuan tu emawni hian, "Chu erawh Rintei thu thu a ni." a rawn ti a. Hnunglam an hawi a, SI Samuela, ACP Shinde-a leh DGP fanu Rintei te an lo ni. ACP chuan, "Sawi rawh le, Rinte, saw mihringpa saw i u Nathana hian a chhanhim ang nge a that ang?" a ti a, Rinte chuan mittui tla zawih zawih hian, "That rawh U Nathan, that rawh." a ti a. NAthana chuan Hruaitea chu a kap hlum leh ta a. Minister chu a au vak vak a, afapa ruang chu a kuah a. Nathana chu va kal hnaiin, "I ui a ni tiraw, i fapa thi chu i ui hle mai. Mahse khatiang chiah khan ka pa in thah tak kha, ka pa ruang kha kuahin i awm ang chiah khan ka awm ve asin..ana a ni tiraw? I hrethiam tawh em?" a ti a. SI Samuela lo kalin, "DCP Sir, he minister pawh hi that ve nghal rawh. Ka thah ang pawn sawi rawh, ka chhungte thah ah min vau vel a, dam tlak a nilo." a rawn ti a. Nathana chuan a kap hlum ve leh ta nghal a.
Andrew-a te leh Minister te pafa chu an thi ta, Nathana chuan ACP chu a va pan a, "Min man thei tawh e." tiin ahma zawnah chuan aban adah a. ACP Shinde-a chuan, "Minister Pu Hlimpuia chu nizan khan an inhnuai garage ah a thawhpui Andrew-a, dark web lama inhnamhnawih thin te nen chuan inhmu thiam lovin inkahna a chhuak a, an vai hian an thi vek ani...chu chu naktuk zing news a ni ang." a ti a. Nathana chuan, "Ka lawm e, ACP." a ti a. ACP chuan, "Sir, DGP tan chuan i nunna pawh chan i huam a, a boral hnuah pawh DGP tan chuan engkim chan ila huam a, i ropui takzet a ni." tiin salute a pe a. Nathana te chu an chhungkua chuan an inkuah a, Nathana pa chu damdawiinah an kalpui a, tichuan SI leh ACP te chuan ruang ho chu an buaipui ve nghal bawk a. Atukah chuan Rinawma chu a zinna atangin a rawn haw a, Nathana nen chuan DGP Pu Sangliana thlanah kal dunin pangpar an zu dah a, Rinawma chuan, "Sir, a khawhar thlak dawn hle mai...tiraw?" a ti a, Nathana chuan, "Ni e, tunah chuan kan Police Station enkawl hi kan pahnih kutah chauh a awm tawh tih hre reng la, theihtawp kan chhuah leh ang chu, tiraw?" a ti a, tichuan minute 10 vel an titi dun hnuah chuan in lam panin an haw dun leh ta a ni.
A tawp ta.
Comments