NATHAN (Episode - 19)

NATHAN (Episode - 19)
REBEL

Kar khat chhung tehmeuh chu buaina awmlovin thlamuang takin hna kan thawk a, han tih tur em em pawh a awm hran lo. Complain pawh alo lut ngai lemlo a, chubakah hnuchhui em em tur a awm hrih ngailoh avang chuan kan hahdam angreng hle a. Tin, DGP pawh a dam tha tawh a, hna pawh a rawn join leh tawh a, kan Police family chu kan kim leh ta a, chutiang bawkin Amanda-i pawh hna kan thawhpui leh tawh bawk a ni. Chhun ah hian NAthana hi a nupui Sanvi hian tiffin a rawn pe deuh ngei zel bawk a, an nupa han hmuhdun hi chuan nupui neih ve mai hi a chakawm thin, mahse tuman min duh ve mang silo. Nikhat chu Nathana chuan, "Rinawm, ka patea police ve tho, Thenzawl ami alo zin a, flat pakhat a luah a, han kal ang hmianng, han tlawh ve hrim hrim ka duh." a ti a, patea police ve tho a neih pawh ka lo hre miah lo a. Ka peih vak lemlo khawp mai, "Engtia rei nge a awm dawn a?" ka ti a, Nathana chuan, "A awm deuh char char hrih ang...chuan kan chhungte Thingdawl a mi te pawh kan vengah an rawn pem dawn a, chung te pawh chu tlawh kual ka ngai hrim hrim." a ti a. KEichuan, "AWle...kal ila nimai lawm." ka ti a, tichuan kan kal ta a. NAthana patea hming hi Ruata a ni a, Pa Ruat tiin Nathana hian a ko a, ka ko ve siah dawn, Nathana koh dan ang ang in, a pawi em lovang chu maw? Tichuan Pa Ruata flat ah chuan kan va lut a, Pa Ruata chuan kawngka chu a lo hawng a, hmeichhe naute, kum 1 mi awm ang vel lek hi a lo pawm a, "Eheee, Nathan, ka tupa...lo leng ru, tunge i thianpa hi?" a ti a, Nathana chuan, "Ka partner a nih hi, Rinawma a nih hi...Pa Ruat, tinge naute te i pawm a, School i siam dawn mi?" a ti fiam a, Pa Ruata chuan, "Haha...college pawh ka hawng maithei a ni." a ti a. NAthana chuan, "Tu fa nge a, ava hmeltha ve." tih pah chuan a piai a, PA Ruata chuan, "Ka inluahna bul chiah a mi fanu a nia, a khawngaihthlak a sin aww. A pa hi hmanni deuh khan an balcony atang hian a zuang thla a, amah leh amah a intihlum a, pawi tak tak a ni." a ti a. Nathana chuan, "Enga?" a ti hu a, keipawh chuan mak ka ti hle mai. Pa Ruata chuan, "In tin hian TV, Fridge, AC leh thildang te kan nei vek deuhthaw ang a ni a, engin nge kan lei thin...Credit card leh ATM card hmangin a ni...chutiang chiah chuan he naupang pa pawh khan a ti ve a, atan chuan intihhlum mai kha a awlsam zawk ang, a ba tamtak rulh let leh ai chuan. A nu hian insuarance amount a rulh zawh vek a ngai ta thung a nih hi." a ti a, ka hrethiam lo angreng hle mai. Pa Ruata chuan, "RInawm, naute hi lo pawm lawk teh, ka chawhmeh chhuan a liam in ka hria.." a ti a, naute chu ka pawm a, Pa Ruata chu choka lamah a tlan phei a. Nathana pawh chuan a patea thilsawi chu a hriatthiamloh hmel hle mai, "Sir, enge Pa Ruata sawi awmzia kha?" ka ti a, Nathana chuan, "Naute pa kha a ATM card an hack sak a ni ngei ang, a pawisa pukna te khan an vau anga, pk tur a neisilo kha a intihlum aniang." a ti a.

Chutia kan inbiak lai chuan tukverh atang chuan mipakhat hian, "Min lo hrethiam lawk, khawnge Biakzuala te in hi, hmanni a thi kha?" a rawn ti a, Nathana chuan, "Lehlam chiah hi.." a ti a. Chupa chuan, "A inkalh a.." a ti a, NAthana chuan, "A nupui alo let tep ang." a ti a. Chupa chu lehlam a hawi a, phone a phawrh a, "Aw...boss...an in chu ka thleng e, Biakzuala te in chu. Min tibuai rei ta khawp mai hemite hi chuan..." a biak lai chuan Pu Biakzuala nupui chu alo haw chiah a, chupa chuan, "Office ah kan inhmu dawnnia aw..hei a nupui alo haw a...nih phawt." a ti a, phone chu a dah a. Chupa chuan Pu Biakzuala nupui bulah chuan, "Ka pi...Biakzuala nupui i ni em?" a ti a, chu nu chuan, "Aw..Zuali ka nia, enge ni ta?" a ti a. Chupa chuan thinrim hmel tak hian, "Vawi engzah nge ka call dawn che? Phone pick up dan i thiam lo ami? Nge ni a, i pasalin loan puktirtu phone call reng reng la lo turin a ti zawk che?" a ti hrep a. Zuali chuan, "Chutiang a nilo.." a ti a, Chupa chuan, "Anih leh enge ni anga? Loan tamtak in puk a, rul leh thei mang silovin, he in inluah lai pawh hi loan vanga nei in nih hi..EMI pawh rul thei mang silo, in zak lawmni?" a ti ta hrep hrep mai a. Zuali chuan, "Ka pasal khan loan a puk tih pawh min hrilh velo alawm." a ti a. Chupa chuan, "In motor te in bungrua te pawh loan vekin alawm in neih theih...in khuaah property chan in nei em?" a ti a, Zuali chuan, "Aih neilo...kan khuaah chutiang engmah chanpual kan neilo.." a ti a, chupa chuan, "Anih chuan engtin nge pawisa min pek ang?" a ti a, a vin hrep hrep a. Zuali chuan, "Khawngaihin ka pu, tawng ring lo hram rawh, midangin an hria a nge?" a ti a, a tap a. Chupa chuan a aia vin hian, "Anih leh ka chawimawi dawn che mi? Khanglanga che..khawngkhar in hawng la, in neih zawng zawng hi ka la let leh dawn." a ti a. NAthana chu choka lamah pheiin a patea bulah chuan, "Pa Ruat, naute hi lo pawm teh." a ti a, tichuan a kawrban a hlim chho a, pawnah a chhuak a, ka zui nghal a. Chupa chu Nathana chuan a va beng nghal pawp pawp a, chupa chuan, "Ana...ana..tunge i nih a?" a ti vak vak a. NAthana chuan ben pawp pawp pah chuan, "Hmeichhia ka vau e i ti a maw?" a ti a, a beng thuai thuai a. Chupa chuan Nathana kut lo man sak in, "Atawk...ka hna ka thawk mai a lawm." a ti a, NAthana chuan a kut chu a elh sak a, a ri tuar a, a au vak a. NAthana chuan a ben chhunzawm leh nghal char char a, "Politician tamtak te, Minister tam tak te pawh loan an la a, mipui chan ai an eiru a, i va dil bik em? Ka hna ka thawk e te i tia maw? Hei hi i hna maw?" tih pah chuan a beng zel a, step thleng a beng phei a, chupa chu stepah a lum a. NAthana chuan a zuk tham tho a, "Mi hniam zawk te, mi rethei zawk te pawh hah taka an pawisa thawhchhuah te mi hausa leh chungnung zawkten an chhuhsak a, chu chu iva dil bik em?" tih pah chuan a beng leh vak vak a, step lehlamah chuan a lum leh a. Nathana chuan a tham tho leh a, "Ngaithla rawh, loan rul leh tura va dil hi thilsual a ni chu ka tilo, mahse customer te tibuai a, vau a, an in a va kal a, va tih hlauhtawn vel hi a tullo." ti pah chuan a beng leh vak vak a, pawn thleng chu a beng a, chupa hmai chu a sen vek tawh. Hlau tak chuan, "Ka kal ang..ka pu min beng tawh suh." a ti a. Nathana chuan, "Hey..Police Officer ka nih hi. Helai hmunah hian ka hmu leh che a nih chuan ka kap ang che. I hria maw? Kal rawh." a ti a. Chupa chuan a bike kawh pah chuan, "Sir...ka bike." a ti a. Nathana chuan, "Enga? Hei hi maw i bike chu? Kein haw rawh..bike a haw a ngai lo." a ti a, a bike chu a tlawh thluk sak a, chupa chu chak tak chuan a tlan chhe ta a.

Station ah kan let leh chu kan DGP chuan, "Nathan...chen nuai li lai mai chu ka ATM card ah tun lawk khan deposit a, mahse minute 2 hnu velah pawisa zawng zawng lakchhuah nghal a nih thu message ka dawng lehnghal a, a awmzia ka hre lo." a ti a, Nathana chuan, "Khawi number ah nge chu pawisa chu a in deposit? I message ah a inziak em?" a ti a, DGP chuan, "Aw....inziak a nih hi." tihpah chuan a phone a en a. NAthana chuan, "Computer room ah trace nghal tur anih chu, Sir...kal ang u." a ti a. Computer roomah chuan kan lut a, chu number chu kan trace ta a. Minute 5 vel hnuah chuan kan computer hacker chuan, "Sir...ka hmu e, chuan a IP address pawh ka trace a, Aizawlah a awm, hei big screen khi en ula, map ah khian a awmna a lang vek alawm." a ti a, kan en a, chu number nei tu awmna lai chu a eng vat vat a. DGP chuan, "Han call te u." a ti a, an call ta a. Phone atang chuan mipa aw hian, "Hello.." a rawn ti a. DGP chuan, "Hey, Pollice Officer account i hack ngam a maw? Darkar 12 hun ka pe ang che, chumi chhunga ka nuai li min rawn rullo a nih chuan ka man ang che." a ti a. Phone ami chuan, "Police maw i nih a? I ngam leh min rawn man ta che." a ti a. DGP chuan, "I awmna kan hria a nia, tunah khan Bawngkawnah i awm mek tih pawh kan hria." a ti a, Phone ami chuan, "Ummm..adik alawm, BAwnkawnah ka awm mek. In cyber crime expert kha a screen kha han refresh tir chhin teh le." a ti a. Kan han refresh chhin ta a, chupa awmna chu a inthlak a, Saikhama Kawnah daih map chu a insawn a. Nathana nen chuan kan in en a, mak kan ti hle mai. Phone ami bawk chuan, "Han refresh leh teh u..vawikhat." a ti a, kan refresh leh a, map chu a insawn leh dawrh mai a, Lunglei khua a, Zotlang ah daih chuan a insawn leh ta mai a. Chupa chuan, "Ka awmna chu Lunglei a ni leh daih mai..haha. Saikhama KAwn atanga Lunglei chu reilote chhunga thlen mai theih a nilo tih chu inhriat ka ring. Tunah hian i pawisa chu ka kutah a awm, i salary account ah chuan tunah hian cheng nuai 12 leh tlem a awm a. Phone i disconnect hma chu i accout atang hian second tinin cheng 1000 zek akal bawk tih ilo hre dawnnia." a ti a, DGP chuan a phone a en a, message tam tak chu a lo thleng zawt zawt a, cheng 1000 a lo incut zel chu niin. DGP chuan thinrim tak hian, "Hey..hey, duhtawk rawh." a ti a, chupa chuan, "I balance a zo takngial dawn, phone kha dah vat rawh." a ti a, phone chu a dah a. Nathana chuan, "Sir..lungngai suh, kan chhuichhuak em em ang." a ti a. DGP chu a mangang hle mai, "Nathan, hma la vat rawh u, he case hi i kutah ka hlan nghal ania aw." a ti a, NAthana chuan, "Ka theihtawp ka chhuah ang, ka tiam ache Sir...ka man ngei ngei ang." a ti a.

Nathana nen chuan zanah chuan an inah kan awmdun a, beer kan indun a. Vawiin lamah DGP chunga thilthleng mak tak mai te chu kan sawidun a, han chhui dan mai kan hre biklo hle mai. Kan titi lai chuan Sanvi a rawn lut a, "Awiii...beer a lo in leh ta, zurui ho chuti khati ti ve vak vak a, beer in ve tho si." a rawn ti lut nuah nuah a, amak ka la tih tawp theih miahloh chu Sanvi hian mizo tawng a pei thak lo, mizo ang chiah animai. Nathana chuan, "Thlakhatah vawi khat pawh ka in hleinem, titi pahin zanin chu ka ti ve mai mai alawm." a ti a. Sanvi chuan nuih pah chuan, "Ani vel ang...kan frigde ah pawh a in hung ferfur alawm." a ti a. NAthana chuan, "Chhuak lawk teh...kan titi duh." a ti a. Sanvi chuan, "I thawnhnaw thlehfel peihloh ka thlep anih hi, thatchhe si." tih pah chuan a chhuak tau nghawng nghawng a, NAthana nen chuan kan innuih ringawt a. Hetianga han in tihtauh khum vel a, a hnua han inthlem vel hi ka chak ve thin, nupui neih ve tawh mai ka duh. Mahse bialnu takngial pawh hmuzo lo leh min duh ve deuh tu pawh bem ngam thak lo tan hi chuan nupui neih hi chu ala hla vang vang dawn tih chu a hriat mai. Kan han titi leh a, chutih lai chuan Nathana nu a lo lut a, "Mama, Thingdawla i pu te an lo leng ania." a ti a, kan chhuak a. Putar samtuak lam tawh, kum 60-65 vel niawm tak leh tlangval kum 20 mi awm vel chu an lo awm a, Nathana chuan, "Ehe..pute..in dam maw?" a ti a, chu putar chuan, "Dam ang chu...kan rawn pem tih pawh i hre ve reng a, vawiin pawh min rawn tlawh duhlo a." a ti a. Nathana chuan, "Pute...ka buai em ani, min hrethiam teh. Chuan..hei hi Hlutea kha a mi?" tih pahin tlangval chu a kawk a, a putea chuan, "Anih hi, nupui i neihsan daih a, han neirual ula ka tih tehreng nen." a ti a. Nathana chuan Hlutea chu chibai pah chuan, "Kum 18 ka nih lai kha ka hmuh hnuhnun ber che a nia, ivan tlangval tawh ve a." a ti a, Hlutea chuan, "Nia...police te ilo ni tawh bik a, tluk loh rim i nam rum rum alawm le." a ti a, an hlim tlang hlawm hle a. Reife kan inkawm ho hnu chuan Hlutea chuan, "Englo ania, U Nathan, buaina kan nei a...i puihna kan mamawh a ni." a ti a, NAthana chuan, "E...sawi ula, ka pui em em ang che u." a ti a. Hlutea chuan, "A thui angreng khawpah.." a ti a, NAthana chuan, "SAwi vek rawh...hmanhmawh lo khan." a ti a, Hlutea chuan a sawi ta a.

*****

Tunah hian kan khua Thingdawlah ba kan la nei a, cheng nuai 5 lai mai kan la ba a. Chuchu kan sumdawnna velah kan driver in min lo bum a, a tlanbo leh daih sia, chuvang chuan ba rulhna tur pawisa kan nei lo a. Loan lak mai chu kan duh ta a, kan khuaah chutia loan min puk tir thei tu tur kan hmuh loh avang in thla 2 chhung hun min pe a, ka neih zawng zawngin hetah Aizawlah kan rawn pem a, office tinah te kal kualin loan puk kan dil ta a, mahse tuman min pe thei lo, buaina neuh neuh a awm a, min reject zel a. Office 10 chuang ah kan beidawng ta a, dawra ka pa nena kan chawlh lai hian mipakhat hi alo kal a, kan bulah a rawn thu a. Ka pa bulah chuan, "Ka pu loan in duh tih kalo hria a, adik em?" a ti a, ka pa chuan, "Aw..." a ti a. Chupa chuan, "Engzat nge in duh a?" a ti a, kapa chuan, "Nuai 5 vel." a ti a. Chupa chuan, "Inhmun atan nge motor leina a tan?" a ti a, kapa chuan, "Personal loan kan duh." a ti a. Chupa chuan, "Ka pu, loan te chu a hmuh mai mai theih hleihnem...tiang te chu tihdan dang a awm a lawm." a ti a. Ka mi rin zawng a nihloh avang chuan keichuan, "Ka pu, i puina kan mamawh lo..i kal thei e." ka lo ti a. Chupa chuan, "Tlangval, ka hna a nia, loan chu ka hmuhsak thei ang che u." a ti a, keichuan, "Private financer kan duhlo." tiin kalo chhang a. Chupa chuan, "Ka pu....loan chu he bank atang hian in hmu ngei ngei ang." a ti a, keichuan, "Engtin?" ka ti a. Chupa chu a thu rem sauh sauh a, "Sir, personal loan te chu hmuh a har alawm, in rintawnna a ngai a, mahse tumah rin tlak an awm ngailo. Car, TV, Fridge, Washing Machine te lei na atan emaw, inhmun thleng pawh ni se, loan chu inhmu ang. Mahse personal loan kher chu in hmu lo ang, hetiang te hi chu mi hausa chauh an pe thin. Ti hian ti rawh u, Ramhlun VEngah hian Manager bulah Photocopy Shop nei angin insawi ula, Cyber cafe ah siam in duh thu sawi bawk ula, computer 50 chuang in duh thu sawi ula, business loan atan nuai 6 in duh thu hrilh ula, loan chu inhmu animai." a ti zuah zuah a. Keichuan, "HElai vengah hian Photo Shop chu kan nei si hleinem." ka ti a. Chupa chuan, "Ka hria alawm, dawr inneilo tih chu i pa leh kei leh nangin kan hria a, managerin a hre ve lo. Document chiah kan hmuhtir angai, document chu ka lo buaipuia anga, a website chu a visit ngei anga, Ramhlun Venga Photo shop nei tupa kan hriat pakhat chu ka lo hrilh anga, site chu ahmu anga, loan pawh min sanction nghal animai." a ti a. Ka ngaih a tha vak lo hle mai, "Kan ti theilo ang, chutia thi tih chu a diklo." ka ti a, chupa chuan, "Ka pu, dawtsawi hi a tulna chin hi a awm ve a nia. engthilah pawh, school ah te, hna dil naah te, medical treatment thelng te pawn dawt hmangin kan tifel thin, i pa hi enteh...a upa telh telh dawn. Loan chu in hmu lo ang,ka bulah lo chuan, in nunna atan zawk a ni." a ti a, atawpah chuan kan remti ta a. Chupa chuan, "Photo copy pathum kan mamawh dawn a, pakhat chu tuna photo hi a ni anga, pakhat chu kum 2 liamta a photo a ni anga, pathumna chu kum 4 liamta a photo a ni ang. In anglo tak takin passport size photo chu insiam anga, loan chu inhmu ngei ngei ang." a ti a. Ka pa chuan, "Kan lawm e." a ti a, chupa chuan, "Lawmthu min hrilh angai hleinem, 10% min pe ve ula a ni mai." a ti ta mai a, "Engmaw i sawi?" ka ti nghal a. Chupa chuan, "In duh ka hmuhsak che u a, 10% chiah alawm ka duh, cheng sing ruk a nimai." a ti a, keichuan, "Mahse kapu.." ka ti a, ka sawi zawh hma chuan, "Tunah ka duh hleinem, in account ah cheng nuai 6 a lut anga, chuta tang chuan cheng sing 6 in la chhuak anga, chuchu ka share ani dawn lawm." a ti a, kan remti ta a. Passport size lem pathum chu kan siam a, tichuan bank ah chuan kan kal a, loan pawh chu kan hmu ta ngei a. Pawnah chuan chupa chuan minlo nghak a, a cheque khera a duh avang chuan a cheque chuan kan pe a, tichuan kan kalsan ta a.

Ka pa nen chuan ATM Booth ah kan kal a, ka pa pawh chu ATM a pawisa lakchhuah dan ka zir tir a, cheng 2500 chu kan la chhuak a, tichuan kan haw ta a. A tuk zingah chuan kan inluahna advance pek angaih avangin ka pa bulah chuan cheng 5000 la chhuak turin ka ti a, a kal chhuak a. A hnu deuhah chuan min rawn phone a, "Bawiha, ka ATM card hi a chhia a niang, pawisa a lo chhuak theilo." a ti a, tichuan a hmang thiamlo a nih ringin ATM booth ah chuan ka va kal ve nghal a. Ka pa pawh alo la awm a, tichuan ka ti ve chhin a, Insuffucient balance a rawn inti ta mai a, ka pa chuan, "Hetiang chiah chiah hian a lawm nichin pawh khan a rawn tih.." a ti a, ka ti nawn leh a, Innsuficient a ti leh a, ka ngaih a tha ta hauh lo mai a. Reciept alo chhuak a, paper ka en chuan kan account ah chuan cheng 17 chauh a lo awm ta mai a, amak ka ti hle mai. Rang takin bank ah kan va kal a, staff pakhat bulah chuan, "Ka pu..ka pa account atang ian cheng nuai 10 vel a bo a.." ka ti a, chupa chuan, "Engmaw? Amount i withdraw hnuah pawisa chu an laksak che i tihna mi?" a ti a, keichuan, "Nilo, Account atang hian a bo." ka ti a, chupa chuan, "Account atangin a bo amaw? Khawimaw in account number?" a ti a, number chu ka hrilh a. Statement chu a check a, paper 10 vel hi a print chhuak a, min pe a, "Pawisa chu nangmahni hman zawh vek alawm, transaction kha check ula." a ti a, paper chu ka en a, "Sir, heng transaction te hi kan ta a nilo." ka ti a, chupa chuan, "Thianpa, online transaction a ni a, pawisa hi in ATM card ngei atanga lakchhuah a ni." a ti a, mak kan ti hle mai. Ka pa chuan, "Thil theih a nilo." a ti a, chupa chuan, "Nangni lo chu lachhuak tur dang an awm lo." a ti a. Keichuan, "Kan tih anilo...ka pa phei chuan ATM card hi a vawikhat hmanna a ni." ka ti a, chupa chuan, "Police Stationah kal ula, complain va thehlut rawh u." a ti a, bank chu kan chhuahsan a. Loan min hmuhsak tupa ina minlo nghahna dawr chu alo awm ta reng reng lo mai a. A bula thingpui dawrah chuan ka va zawt a, dawrt nghaktupa chuan, "Aww..khapa kha maw, thla hnih chhung chu dawr a siam a, ni 2 chhung vel chu a rawn kal leh tawh miah lo." alo ti a, tihngaihna kan hre biklo a ni.

*****

Nathana chuan, "Amak hle mai, mahse nangni pawh Aizawlah in tupa ka awm ve reng a, tinge loan te puk in tum a, ka hausa e ka tihna nilovin, pawisa in puk duh chuan ka awm alawm." a ti a, Hlutea chuan, "Ni e...kan inthlahrung em a ni." a ti a, Nathana chuan, "Zanin atan chuan tawk rawh se, naktuk atangin kan lo buaipui dawn nia." a ti a, an haw rual chuan keipawh chu ka haw ve nghal a. A tukah chuan Nathana chuan a office ah Amandai a ko a, "Amanda, DGP cunga thil thleng kha i hria anga, kha case kha ka kutah a awm a, mahse nangman i chan a ngai a ni." a ti a, Amandai chuan, "Tinge Sir?" a ti a, Nathana chuan, "Family problem ani, case dang a awm a, Inspector Hruaitea'n a pui ang che, Rinawma nen chuan thildang kan buaipuia ngai a." a ti a, Amandai chuan, "Ka theihtawp ka chhuah ang Sir." a ti a, a chhuak ta a. Nathana nen chuan computer room lam kan pan a, cyber crime dept lam te kan bia a, NAthana chuan expert ho bulah chuan, "Ka putea account atangin misual in pawisa an lo draw chhuak vek a, in puihna ka mamawh a ni." a ti a. Mak an ti hlawm hle mai, Nathana bawk chuan, "Account number ka pe che u anga, detail han en teh u." a ti a, tichuan number chu inpe in details vel chu an han en a, pakhat chuan, "Sir, he account location te chu Brazil daih alawm." a ti a, mak kan ti tlang bawk a niang, kan ngawi thup a, Nathana chuan, "Brazil a??" a ti a, kan expert chuan, "Aw ni e, computer dealer pakhat account a nih hi.." a ti a, Nathana chuan, "Company contract number han en teh." a ti a, a en a. A number chu kan hmu a, Nathana chuan a call chhin a, phone atang chuan hmeichhe aw hian, "Welcome to Brazil Computer Service." a rawn ti ta mai a. Tlaiah chuan chanchin hrilh tur chuan Hlutea te inah chuan kan va kal ta a, chanchin kan hrilh chuan Hlutea chu a mangang ta em em a, "Engtin nge ka tih tak ang? Engtin nge loan te pawh kan rulh ang, ka man a ang takzet ani U Nathan.." a ti a. Nathana chuan, "PAwisa kha chu lungngai suh u, in ba chu ka rul vek ang, in duh zat zat in puk dawn nia." a ti a, Hlutea chuan, "Chutiang ngawt a nilo, he in kan luahna pawh hi thlatin pek angai anga, inchhung mamawh lei a ngai anga, i pawisa pawh puk ila khawi atangin nge kan rulh ang che?" a ti a. Hlutea pa chuan, "Bawiha lungngai suh, bank dangah kan kal leh anga, nuai 10 loan dang kan hmu leh mai ang." a ti a. Chuveleh Hlutea thinrim chu a tho thut a, "Cheng nuai 10 chauh maw, nuai 20 vel va la law law la, mawhh....maktaduai 1 law law va la rawh. Eng ang mi nge maw i nih le, i zahawmna te i ti bo zova, ka naupan lai atang tawhin mi pawisa te puk kualin, in tinah mualphona min va siam a, i zu ruih nan mai mai lehnghal. I duh te chuan kawng laiah kut va dawh la nimai lawm, i damchhung zawngin loan puk reng reng in i hun i hmanga, tunah hetiang dinhmun kan thlen tawh hi i hria em, min tichhe vek tu inih hi ka pa. I pawisa puk rawn dillet tum che in mi tamtak kan inah an rawn lut a, nang i biru a, ka nu nen min vau a, dawt sawi kualin i pawisa duh luat vangin ka nu nen anchhia chitin reng kan dawng a. I ti tha e ka pa...fapa te nun tihchhiat i thiam hle mai. Ka nu pawh mualphona hlir a tuar a, a tuar thei tawhlo a thi ta nih kha, nangmah vang vek. Chhuak rawh..chhuak rawh, nakinah chuan keipawh hi min la tihlum ve duh mai ang..chhuak rawh, chhuak rawh ka ti." a ti ta vak vak mai a. A pa chuan Hlutea chu mittui tla chungin, hlauh hmel tak si hian a en reng a. Nathana chuan, "Hlute...engemaw i sawi le? Ngawi tawh rawh, a tawk." a ti a, Hlutea chuan thinrim khur der der chung hian, "Ka pa, kalbo rawh, a nihloh chuan kut ka thlak ang che." a ti ta mai a, apa chu lungngaih hmel tak hian a kal ta a. Nathana chuan, "Enge i tih a? Khatia i pa i tih?" a ti a, Hlutea chuan, "U Nathan, kha loan min hmuhsaktu, mi tenawm puihna hmang khan chneg nuai 6 ka la tih chu ka hria e, mahse a bang cheng nuai 4 kha chu ka nu in hah taka a thawhchhuah a ni a, ka nei let leh tur a ni." a ti a, a room ah a lut ta daih a, keini pawh chu kan haw ta a.

Atuk zingah chuan crime expert chuan Nathana bulah chuan, "Loan agent pakhat Jerry-a tih hmingpu chu kan hmu a, mahse a number erawh kan neilo. Company pakhat hminga in register a ni a, a company hming cho Off Shore International a ni, Sikulpui Kawnah a awm a, import & export company a ni." a ti a, Nathana nen chuan Sikulpuikawn lam kan pan nghal a, address min pek ang chuan chulai hmun chu kan va thleng ngei a. Flat tenau ve tak hi a ni a, a bul velah chuan eng company office mah a awmlo. A bula security guard chu kan zawt a, "Ka pu, helai ah hian OffShore company a awm em?" kan ti a, chupa chuan, "Chutiang hming a awm ka hre ngailo, kum 5 ka thawk tawh a, chutiang ka hrelo." a ti a. Nathana chuan Cyber Crime dept lam chu a phone nghal a, "OffShore company tih kha dawt a ni,fake address a nih kha. CUG ah khan company dang number han en leh teh." a ti a, second 10 vel hnuah chuan, "SIr, number pahnih chu ka hmu a, pakhat number hi a active a nih hi." a ti a, Nathana chuan, "Address min lo hrilh teh." a ti a, "Triplicane Tower number 6874." a rawn ti a, chumi address ah chuan kan kal leh ta a. Tower bul vel ah chuan kan kal kual lai chuan kawngsir a mi lo inbe ri chuan Nathana nen kan beng a verh zawk mai. Mi pakhat hian a bula mi bulah chuan, "Lawmthu sawi angai hleinem, 10% min pe ve ula a tawk mai. Passport size pathum in mamawh anga, pakhat chu present photo, pakhat chu kum 2 kal ta photo, pakhat leh cu kum 4 kal ta phto..chuan nuai 8 in la anga, sing 8 min pe ve anga, mahse a cheque in ka duh aw, loan chu inhmu ang. Ka kal ange..." a ti a, akal ta a. Nathana nen chuan kan in en a, "Zui ang." a ti a, kan zui ta a. Chupa darah chuan ka va vuan a, "Minlo hrethiam lawk teh.." ka ti a, mahse ka kut a vei sawn a, a tlan ta thut mai a. Kan um a, a tlan chak em em mai lehnghal a. A tawpah chuan kan man ta hlauh a, mi in bang phenah kan hruai a, NAthana chuan a rekbet a, "Tunge i nih, eng company ah nge i thawh?" a ti a, chupa chuan hlauhhmel tak hian, "Min khawih suh, khawngaihin, fanu ka nei a, atan veka ti ka ni..hi en rawh." tih pahin a fanu thlalak chu a walletah chuan a awm a, min hmuh a. Nathana chuan, "In company hian ka chhungte a bum kual a, eng company nge sawi rawh...police ka nih hi, ka kap hreh lo che a nia. Sawi rawh..Tunge Jerry-a?" a ti a, chupa phone chu a rawn ri a, NAthana chuan, "La rawh..loud speaker ah dah bawk ang che." a ti a, chupa chuan a la a, phone a mi chuan, "I bula mi kha phone pe rawh." a rawn ti a, chupa chuan Nathana chu phone a pe a. Phone ami chua, "Inspector, lo ngaithla rawh aw..." a ti a, phone atang chuan Sanvi aw chuan, "Ka nu, saw lam saw en ila, i kawr duhzawng chu a tam ngawt ang." a ti ri hi alo lang a, Nathana nu aw ngei mai chuan, "Haw tawh zawk ang, Nathana pawh a lo haw tep ang, rawng kan la bawl lo lehnghal, tiffin iva pek angaih kha." a ti ri hi kan hre leh a, NAthana chuan mak tihhmel tak hian, "Sanvi??? Ka nu??" a ti a, an aw chu record chawp ani tih a sound atang chuan a chiang hle a, tichuan Sanvi chuan phone call a chhang mek tih hriat tak hian Hyderabad lama a chhungte nena an inbiakna te pawh chu kan hre thei ve vek mai a, voice chu a tawp ta hmuk a, chu veleh aw thum zet hian, "Nu pakhat chu a monu nen an bazar a, tu emawni in an inbiakna a lo hre ru reng a, a record a, nangin i hre der silo." a rawn ti a, Nathana chu a hawi kual vak vak a, phone ami bawk chuan, "A kawr awm kha thlah rawh le." a ti a, Nathana chuan chupa kawr awm a tham chu a thlah a. Phone ami bawk chuan, "Rebel hi awlsam taka man theih ka ni hleinem." a ti a, Nathana chuan, "Rebel a??" a ti a. Phone ami chu a nui huah huah a, "Ka tan chuan number mai i ni a, number ni reng pawh nila a pawina awmlo. Mahse min vau ve khanglang a nih vaih chuan...." a ti a, kan mi man pa chu a tlan thut a, mahse VAN lian tak hian a rawn su chawrh mai a, thisen a per chuai a, a thi chiang ngei mai. Phone ami chuan, "Khatiang chiah khan i thi ve ang." a ti a, phone chu a dah ta daih a. Nathana chuan min rawn en a, keipawh chuan tihngaihna vak ka hre bik lo, mak kan tidun em em ringawt mai a ni.

Sanvi leh Nathana nu chu kan ngaihtuah deuh avang chuan NAthana nen chuan an in lamah kan va kal a, Sanvi chuan min hmuh veleh chuan, "Ka phone nasa lutuk che u,inla thei lo ve ve a. Hospitalah kal nghal angai, Hlutea pa a thalo lutuk ania." a ti a. Nathana chuan, "Enga? TInge?" a ti hu a. Sanvi chuan, "Nizan khan Hlutea khan a vin vak vak sia, a rilru na chu chaw pawh alo ei duhlo a, chuan sazu tur a lo in a, inthah alo tum a, mahse Hlutea'n damdawiinah akal pui a, a nunna a chhan hman hlauh alawm." a ti a, hmanhmawh tak chuan damdawiin lam kan pan a. Hlutea chu Operation room bulah lungngaih hmel tak hian alo thu a, NAthana chuan ava pan hnaia, "Hlute...i pa bulah khan zahna chhete tal i nei em tiin nizan khan i vau vel vak vak a tiraw? I pa khan zahna chhete mah aneilo, achhan chu in tan vek ani pawisa a puk thin. I nu damlo lai khan doctor chuan kum khat pawh a dam tlin tawhloh tur thu a sawi a, khatih lai khan naupang tak ila ni. I pa khan i nu a damrei tawhloh tur thu hi a hrilh ngam ngailo che u a, a hmelhriat apiang te bulah a rullet thei dawn lo tih hre reng chungin i nu damdawi leina atan pawisa a puk kual thin asin. Vauna tamtak adawng a, a then chuan thah an tum a, mahse chu zawng zawng chu tuar zelin kum 3 chhung zet chu i nu kha a la dam tir asin, i tan vek alawm a tih. I hlimna tur a nih phawt chuan mi hmaah thingthi a khawngaihna dil pawh a hrehlo asin, pawisa a puk nachhan chu nangmah vang a ni." a ti a, Hlutea chu a tap zawih zawih a, "U Nathan, tihpalh, ka lo hrelo ani." a ti a. Nathana chuan, "Ka bulah nilo, ipa bulah ngaihdam dil ang che. A harh chhuah veleh dil ang che, i hria maw?" a ti a, Hlutea pawh chuan, "Umm." a ti ve mai a. Nathana chuan SAnvi bulah chuan, "I phone ka lo hmang lawk, ka phone hi zanin chu i kawl hrih mai dawn nia." a ti a, NAthana nen chuan Station lamah kan kal a, Cyber crime dept te bulah chuan phone chu kan va en tir a, achhan chu REBEL inti pa khan Sanvi leh Nathana nu te inbiakna kha a hriat dan zawnchhuah kan tum vang a ni. Expert zinga pakhat Alberta chuan, "Sir, he phone hi minute 10 kalta khan switched off a ni a, mahse a battery hi chu ala lum vut vut a. A awmzia chu khawi Software company emawni chu a activate a ni, he phone hi hack ani." a ti a, Nathana chuan, "Hack a??" a ti a, Albert-a chuan, "I nupui phone kha ka rawn call chhin ang aw." a ti a, a call a, a rawn ri a, Albert-a chuan, "Tunah hian i nupui phone ka call ta a, en reng rawh. I call hi second thum hnuah a in disconnect mai ang...one...two..three." a sawi zawh rual chuan a in disconnect a, Alberta bawk chuan, "Sim card pawh a in hack a nih hi. Hacker hian message te, phone call te leh data zawng zawng pawh a lo hmu in a lo hre ve vek thei a ni." a ti a. Nathana chuan, "Hacker hi a trace theih dan a awm em?" a ti a, Alberta chuan, "Hacker diktak chu i trace chhuak theilo ang, tupawh hian tunlai chu smart phone kan nei deuh fur tawh a, apps duh duh kan install a, 'allow' tih hi kan hmet a, chuan hackers te hian hmang tangkai in kan phone hi an rawn control theih pah a,apps an download hmang khan...i phone ah khan empty message i hmuh ngei pawh ka ring, i hre tawhlo a ni maithei. I phone a information i stored ho zawng zawng i open chiah khan, sms te, photo te, email te, camera te, games te, engkim kha a inhack nghal vek a ni." a ti a. NAthana chuan, "Engtin nge kan tih ang?" a ti a, Alberta chuan, "Sir, tihdan pakhat a awm. Smart phone hrim hrim hmang suh, Android emaw, Iphone pawh nise, kha mi atang khan a trace zel thei che a ni. In chhungkua zawng zawng hrilh la, local mobile camera awm lo ang chi kha hmang rawh u. Anih loh chuan in awmna a hre zel thei, mahse smart phone nilo phone dang in hmang a nih chuan, apps a awmlo a, camera a awm lo a, hla pawh ngaihthlak theiloh a, a trace theilo ang che u." a ti a, Nathana pawh chuan a lu a bu a, kan haw ta a.

Inah chuan kan let leh a, Nathana pawh chuan SAnvi leh anu chu thil awmzia a hrilh ta vek a. Nathana roomah chuan kan awm a, Sanvi chuan computer a khawih mawlh mawlh a, Nathana chuan, "Rinawm, engtin nge Sanvi phone kher a hack le? Chuan engtin nge Sanvi hi ka nupui ani tih a hriat le?" a ti nuah nuah a, Sanvi chuan, "Engkim i hrilh vek alawm." a rawn ti thut mai a, Nathana chuan, "Enga?" a ti a, SAnvi chuan computer khawih reng pah chuan, "Information pawh kimchang takin i hrilh vek alawm, lo en ula...hei i FB account ah ka lut chhin a, enrawh, thlakhat chhungin thlalak 30 vel i upload a, caption ah, with my wife, with my assistant Rinawma, with my dad, with my mom...i tia, engtin nge a hriatloh ang che?" a ti a. Nathana chuan, "Ka FB account pawh a hack tihna nimaw?" a ti a, Sanvi chuan, "Ka hrilh ang che. entir nan, school naupang pakhat chu kidnap a ni a, an kidnap hma zingah a nu nen an in selfie a, FB ah a post a, tichuan a thlalak zawng zawng te chu kidnapper chuan chu naupang FB wall chu checkin a hmu a, a ngainat zawng te, a eiduh zawng te. Chu chu remchangah la in kidanapper chuan a school awmna te, bus stop awmna te a hre ta vek a, ice cream lo ngaina ta viau se ice cream chu leisak in a tlawn a, chu naupang a tak chuan a zui zel a, mahse a tawpah a kidnap a...chutiang chiah chu a ni mai." a ti a. Nathana nen chuan atukah chuan Station ah kan va thlen chuan Amandai chuan, "Sir, Station dang hrang hrang atangin complain a lut hnem hle a, chupawh chu ATM card a pawisa bo ani vek lehnghal a, Mizoram mai nilovin India ram pum deuhthaw ah a ni awm e." a ti a, Nathana chuan, "Amak hle mai, he company hi tu ta nge maw a nih le?" a ti nuah nuah a. Crime expert dept room ah kan lut leh ta a, Alberta chuan, "Sir, thil hrilh duh che ka nei...ATM Machine zawng zawng hian server switch an nei vek a, pin number inchhut chiah khan banker chuan acoount chu a lo switch on ta a, i details te alo check thei ta a ni. Chuan he hacker hian a time gap chu remchangah lo la in pawisa chu alo ru ta a ni. Bank lamin charging tax a la niin kan ring thin a, bank chu kan sawisel a kan theihnghilh leh mai thin a, mahse chung hacker te chu ram dangah daih an awm a, a then chu hetah pawh an awm ang, man chu an harsa deuh ang." a ti a. Chhun chawl tur chuan pawnah kan chhuak a, Nathana chuan bank employee pakhat a hmelhriat chu a hmu a, an inkawm deuh luam a. NAthana chuan a buaina vel a sawi hnu chuan chupa (Tea) chuan, "NAthan, hun inla neih chuan kan office ah lo kal lawk ru...hetiang lampang hi hrilh tur che u ka nei ania.."a ti a, Nathana nen chuan kan zui ta a. Tea chuan, "Midang chu hrilh suh u aw..ka hna pawh ka chan phah thei ania. Kan customer tamzawk hi chuan cheng sing thum atanga sing 4 vel chu an lo chan nualtawh a, mahse tihtheih ka nei silo. Bank computer-a annual maintainnance contract lah chu Kulikawn venga vaipa pakhat hnenah pek alo la ni zui a. Chupa hming chu Kumara ania, va kal ula alo hack sak thei ang che u, mahse pawisa tlem chu in pek angai ang. Mahse nuai 10 em em intihbo thu hi chu hrilh lo ula, achhan chu a hlau palh ang. Cheng sing 5 tibo angin in sawi dawnnia, chuan police in nih thu hi hrilh lo bawk ula, Kulikawn bazar bula dawr pathum naah khan a awm ang. A dawr chhung inva luh hunah ka hming sawi ula, alo hre mai ang che u." a ti a, rang tak chuan Kulikawn lam kan pan ta nghal a.

Dawr ah chuan kan va lut a, "Kumara kan va hmu duh ve.." kan va ti a, chupa chuan, "Keimah ka nia." a lo ti a. Nathana chuan, "Tea'n sawi te kha kan nia.." a ti a. Kumara chuan, "Minlo zui ru.." a ti a, kan zui a, pawnah chuan, "Tiang thil hi chu dawr chhunga sawi chi anilo a, midangin an hre palh ang. Engzat nge in tihbo a?" a ti a, Nathana chuan, "Cheng 50,000 a nia." a ti a, Kumara chuan, "Cheng sing nga a? Ava tam ve, ka nau ka lo b rawn anga, 35,000 chu in hmu let thei ang." a ti a. Keichuan, "Cheng 50,000 alawm kan duh, tinge 35,000 chauh kan hmuh anga?" ka ti a. Kumara chuan, "Cheng sing thum lek pawh hmulet ula, lawm hle rawh u. Court ah emaw police hnenah emaw han thlen vaih teh u, police te leh lawyer te chuan in pawisa chu an chhuhsak vek ang che u." a ti a, Nathana chuan, "Awle.." a ti a. Kumara chuan, "Veilamah phei zel ula, lane 2-na ah khan Moblie Electronics Store tih in hmu anga, ka nau Roberta alo awm ang. Pawnah in awm anga, in phone dawnnia, kha a number.." tih pah chuan a number min pe a, kan kal ta a. Dawr chu kan va thleng a, dawr chhungah chuan Roberta chuan customer a lo be mek a. NAthana chuan a call a, Roberta chuan a phone battery chu a phawi ta daih a.

"Ka pu, Roberta i ni em?"

"Ni e.."

"Kumar-a'n min rawn tir a."

"Engtin nge Kumara chu i hriat a?"

"A thiante kan nia, i phone number pawh min pe a."

"Engtin nge ka number a pek theih che a?"

"I puihna kan mamawh alawm, ka phone che a, mahse battery i phawi daih a."

"Tuman minlo phone lo."

"Ka phone che lawm nichin lawk khan, mahse i dah daih a."

"Awihawm loh, chuan Kumara ka hrelo, vai thian ka nei lo..kal rawh u."

"Mahse ka pu.."

"Chhuak rawh u ka tih chu.."

Nathana nen chuan kan chhuak ta a, Nathana chuan, "Khanglang chuan...Rina, phone message hi block dan tur avang dawn hle mai,tiang local phone hi chu ka khawih thiamlo lutuk a." a ti a, kan bula vai naupang chuan, "Ka pu, minlo zui ru...ka pui ang che u." a rawn ti a, kan zui ta a. Roberta dawr bulah tho chuan min hruai leh a, "Lo nghak lawk ru." a ti a, Roberta chu a va bia a. Vai naupang chuan min rawn kawk a, Roberta chu a phu zuk a, vai naupang chu a hau ta vak vak mai a. Nathana nen chuan kan va kal a, Roberta chuan, "Enge inla duh a?" alo ti a, Nathana chuan, "Ka sms hi block ka duh." a ti a, Roberta chuan, "Chutiang thil ka ti ngailo." a lo ti a. NAthana chuan, "He vai naupang hian min hrilh alawm, i ti thei tih te chu.." a ti a. Roberta chuan, "He vaipa mix zuar hian engmah a hrelo, hey vaichhia, kal rawh." a ti a, vai naupang chu a kal a. Nathana chuan, "Anih leh midang in call lai hi an inbiakna ka hre ru ve thei angem?" a ti a, a phu zuk a. Rum tak hian Nathana chu a melh a, "Hey vala, i dinna hmun kha i hria em? Ka dawr bul anih kha aw....buaina kan duh lo ania." a ti a. Nathana chuan, "Min tihsak theilo ang maw?" a ti a, Roberta chuan, "Theilo....ka sawi zing tawh, chhuak rawh u." a ti a, Nathana nen chuan kan chhuak a. Chupa dawr hma takah chuan kan thu ta reng a, darkar 3 dawn lai chu kan thu ta a, khua a thim a, zan a ni ta, dawr dang an inkhar sup sup a, mahse Roberta erawh chu a inkhar ngam lo, a bula kan awm reng a vang chuan. Atawpah chuan a ning deuh ta aniang, a inkhar ve ta a. Min kal pel a, Nathana chuan, "Rinawm, ka che peihlo, i kutah ka hlan e." a ti a, ka phur khawp mai. Ka va zui a, a kal chak tawlh tawlh a, a phone a phawrh a, chak taka kal pah chuan, "Aw..hello, Boss...hei min zui ve ngam khanglang ania, mi 5 vel rawn tir la, subway ah ka awm, a ruh hi vaw tliak vek ru." a ti a, kei lah chuan ka zui reng a, hnunglam a rawn hawi zeuh zeuh a, a hlauthawng tan hle mai. Phone chu a pahwrh leh a, tap tuau chung chuan, "Hey, mi panga nilovin 10 vel lo hruai ru...pawtsawm vek ang che u." a ti a, ka zui zel sia, a hlauthawng ngei mai. A phone a phawrh leh a, "Boss..inlo kal tiraw? A palian angreng a nia, khawnge in awm a?" a ti chel chul tawh mai a. Garage chhung zau takah a lut a, mi pahnih anlo awm a, Roberta chuan, "Khawnge in awm a, ka phone reng che u kha..." a ti a, chumite chuan, "I va dawih ve a, kan awm hi." an lo ti a. Roberta chuan, "Mi 10 vel lo kal ru ka tia..ti nge in pahnih chauhin in awm si a?" a ti a, pakhat zawk chuan, "An lo kal mai ang, khawnge kan zawngsena chu?" a ti a, Roberta chuan min rawn kawk a. Chuveleh midang 10 te chu an lo thlenga, an zinga palian ve deuh ber chuan, "Eheee...sawlai sazu tereuhte bei tur sawn ti zat hi min ko amaw?" a ti a, min nuih dar dar hlawm a. Zam miah lo chuan kava pan hnai zel a, Roberta chuan, "Hey..zawnga, tikhan i hrethiam tawh em? Min tibuai suh ka tih kha, i thi dawn chiang lutuk." a rawn ti vak vak a. Anzinga pakaht chuan zu bur te hi a phawrh a, "Ka va beng ange.." a ti a, zu chu a rawn in phei vel a, ka bula rawn thlen chuan a zubur nen chuan a hmaiah ka hnek chilh a, zu bur chu a keh chhawk a, a kehthem te chu a hmaiah a lut a, a thal nghal tawp a. Midang an lo kal leh a, a mal te te chuan ka lo thal hmiah hmiah a. A tawp berna chu bangah ka rek bet a, Roberta chu ka va en a, "Khawnge pawisa chu a awm?" ka ti a, banga ka rekbeh pa chu ka hnek vak vak a, Roberta chu a tap pur a. Chupa chu ka chawi lawp a, chhuatah chuan thumdawt khawpin ka vawm a. Roberta chu ka rek a, "Khawnge kan pawisa?" ka ti a, "Ka hre lo...ka pu...engmah ka hrelo." a ti a, a tap pur mai a. Ka beng thal tawp a, a chhipsamah ka tham a, an dawr awmna thleng chuan ka hnuk phei ta a.

Nathana chuan dawr bulah chuan minlo la nghak a, "Ekhai, rin aiin i rei hle mai." alo ti a, keichuan nui chungin, "Beginners naupang ho 10 vel anlo awm ve a, chocolate ka pe liam liam a an haw ta nih kha." ka ti a, kan nui dun a. Chupa chu a dawr ah chuan kan hruai lut a, Nathana chuan, "Khawnge ka pawisa tur chu?" a ti a, chupa chuan, "Ka hrelo tak tak...min beng tawh suh." a ti a, Nathana chuan, "Tinge ka phone che khan i chhan duh loh?" a ti a, Roberta chuan, "Ka hrilh ang che...i bank message ka block vek alawm." a ti a, Roberta chuan Nathana chu Hlutea amaw a ti ni ngei tur a ni, Nathana pawh chu Hlutea an chuan a awm ve mai bawk a, police kan nih thu a sawi chuang lo. Nathana chuan, "Engtin nge i block a?" a ti a, Roberta chuan a dawra computer chu kawk in, "Saw mi Dark Net hmang sawn.." a ti a. Nathana chuan, "Dark Net a? Dark Net in hmang amaw?" a ti a, keichuan, "Enge Dark Net chu?" ka lo ti hu a. Nathana chuan, "Hrilh rawh...enge dark net chu hrilh rawh.." a ti a. Roberta chuan, "Internet hi a pangngaiin kan hmang ve ngailo, Dark Net hmang hian kan hna kan thawk thin. Browser hming pakhat TODD tih hi a awm a, chumi chuan a operate vek a ni. Onine ring tih a ni a, purun sen kheh sa ang hian a logo chu a awm a, a kawrah chuan kawr dang tam tak a awm a ni. Min trace pawh tum ula, in theilo ang. Darknet hmang hian Sorkar phalloh thil tam tak kan ti thei ani, entirnan Black marketing, Child Trafficking, weapon dealing, terrorism drugs leh film piracy te, la release loh te pawh kan hmu thei vek a ni." a ti a. Nathana chuan, "Tunge hotu ber?" a ti a, Roberta chuan, "Ka hre lo, user ID atangin a phone number kan hre thei a, kan hack a, phone atang chuan information zawng zawng a detail in kan kan hre ta a. I sms conversations, whatsapp messages leh bank transaction OTP te kan hre thei a, a date chu mail atangin kan dawng bawk. Khami ni khan i bank message ho chu kan block a, khami hun vek khan i pawisa chu kan ru ta a ni." a ti a. Nathana chuan, "Kha pawisa kha ka ta nilovin ka nau ta a ni." a ti a, Roberta chuan, "Tunge i nih a?" a ti a, Nathana chuan, "Deputy Commisioner of Police...Nathan Malsawmkima ka nih hi, chuan ka bula mi hi Assistant Superentendent of Police, Lalrinawma a ni." a ti chiah chu a hlauh hmel em em a, a tap pur tawh mai a. NAthana chuan, "Ka chungchang pawh in hria, ka nupui phone pawh in hack a...engtin nge min hriat, sawi rawh." a ti a. Roberta chuan, "I chungchang chu ka hre velo, mahse kan thawhpui pakhatin mi ATM atanga kan pawisa ruk chhuinaah police an rawn inrawlh an tih khan number pakhat min rawn pe a, chumi chu ka hack a, chumi atang chuan phone call te, video te leh photo te chu kan chhui chhuak ani." a ti a, Nathana chuan, "Chuchu ka nupui phone ngei a ni, tunge ka nih in hre nghal bawk a, engvangin nge hetiang hna hi in thawh a?" a ti a, Roberta chuan, "Pawisa tam tham tak kan hlawh a, nitin nuai kan la lut a ni." a ti a, Nathana chuan, "User ID enge?" a ti a, Roberta chuan, "A user name chu.....REBEL tih a ni." a ti ta a. Nathana nen chuan kan in en a, Rebel tih chu kan hre tawh ngei alawm. Roberta bawk chuan, "A ID chu dark net king pin tih a ni a, khawi ram mi nge a nih a, khawi atangin nge a operate kan hre ve lo. Tuman a hmel kan la hmulo a, a aw pawh kan la hre lo. Amah hi computer specialist a ni a, Digital World DON diktak a ni." a ti a. Nathana chuan computer chu a on a, Dark Net ah chuan a lut ve ta a, voice record chu a ngai thla a, minister te, officer te leh sumdawng te an vauna record chu a ngai thla a, athen chu naupang te an ni. Computer chu a off a, a hard disk a phawi a, Roberta bulah chuan, "Ka chhungte nun i ti chhia a, tunah heng pawisawilo te nun tihchhiat leh i tum amaw?" tih pah chuan dard disk keh darh chuai khawpin a lu ah a vua a, a thal tawp a, dawr chu kan chhuahsan ta nghal a.

Atuk zingah chuan Nathana leh kei leh Sanvi chu Hlutea te inah kan va kal a, Nathana chuan thlalak pakhat hi min hmuh a, "Hei hi a hming chu Lalthankima a ni, an target dawtleh a ni. " a ti a. Sanvi chuan, "An thil tih leh tur i hre reng a, tinge i vau lawk miah loh a, i kalsan tawp si a?" a ti a, Nathana chuan, "Tunah hrih chuan ka priority a ni lo alawm, ka zui ru anga, an mastermind Rebel chu ka zawng hmu dawn a ni." a ti a. Sanvi chuan, "Enge i tih anga?" a ti a, Nathana chuan, "Lalthankima hian cheng nuai 10 loan a apply a, pawisa tam tham tak a ni. He thilah hian Rebel chu a rawn inrawlh dawn chiang sa a, Kima phone location hi kan trace anga, ka rin dan chuan ni 2 hnu velah a pawisa hi an ru leh ngei anga, vawiin hian documents approved vel a va submit ngei chu angai dawn a ni. Kan zui ru zel anih chuan, Rebel tih a insawi pa hi a address kan hre thei ang." a ti a. Tichuan police force a tir a, ahnungah bike in Nathana nen kan inphur a, Thankima pawh chu kan hmu a, kan zui ru ta zel a. Traffic jam ah kan tang ta hlauh mai a, Nathana a hmanhmawh tawh si, kan hmaa auto driver bulah chuan, "Tawlh phei teh, ka lo kal hma teh ang." a ti a, auto driver chuan, "Achiloh...traffick a jam tih i hmuh ve reng hi, two wheeler ho hi inzeh talh tum hlawm mai." alo ti zek a. Nathana chuan, "Traffic police pawh an awm loh hi.." a ti a, auto driver chuan, "Khilai thirbanah khian CCTV camera an vuah alawm mawle, min man tir i tum ami, mawl lutuk." a ti a, Nathana nen chuan kan hawi chho a, CCTV chu kan hmu a. NAthana chuan, "Ehee Rina, hmanni a misual kan um a, REBEL ina min rawn phone khan...CCTV atang hian minlo hmu thei tihna ani thei angem le?" a ti a, a phone a rawn ri a, Alberta alo ni a, "Sir, Thankima location chu kan la hmu reng e, Lengpui Airport lam a pan mek e." a rawn ti a, traffic a zia deuh hnu chuan chak takin Airport lam kan pa ta nghal a. Airport kan thleng a, Thankima pawh chu kan hmu nghal a. Nathana chuan, "Rinawm, fimkhur rawh aw, CCTV ah khian kan lang anih chuan kan chhe vek animai. CCTV khi an company hian an connect vek a, kan hmel an hriat tawh kha, inhmuh tir chi kan nilo." a ti a. Tichuan stepah chuan Thankima chu a chho a, mipui lah chu an tam em em mai a. Naupang pakhat platform sira thil lo zuar chu kan va pan a, a lazer engthei cheng 5 man chu kan lei sak a, stepah chuan kan chho a, CCTV alo hawi veleh lazer chuan camera hmai tak chu kan chhun a, min hmuhtheihloh nan. Kan kalpel thei ta a, kan zui zel a, kan awmna hnuai deuha Mobile tech tih inziak hnuaia mineral water lo zuar chu ka zu hmu a, chupa chuan phone in mi alo bia a, Thankima kan va en leh a, phone in mi alo be ve mek bawk a, chu mineral water zuar tupa chu Dark Net Staff a ni tih a chiang ta, Thankima nen chuan an inzawng mek ani tih kan hre ta a (engtin nge phone an hman ve ve vangin in hriat nghal theih inlo ti maithei a, mineral water airporta zuar mai mai in neck tie leh kamis nen, smart pants smart shoe nan a inthuam zaih lovang). Kan chhuk nghal a, Thankima chuan chupa lam chu a pan phei a, mahse chupa hmuhloh lai chuan Nathana chuan Thankima chu ban phenah a pawt phei a, keiin ban sira biru chungin ka lo veng a.

"Documents chu min pe rawh le."

"Tunge i nih a?"

"Lalthankima i ni em?"

"Aw ni e."

"Keimah hi alawm min hmuh tur chu, khawi lo la rawh."

"Mahse...sawpa saw anilawmni ka pek tur chu?"

"Sir, loan i duh nge duh lo?"

"Duh e."

"Khawi documents chu,,,hmanhmawh la."

Thankima chuan a pe a, chutih lai chuan tui zuar pa chuan phone ah mi a bia a, tichuan a rawn hawi phei a, kan lam a a rawn pan ta mai a. Nathana chuan a la fel a, "Rina...kal ang." a ti a, kan kal pah chuan a kawng atangin nihliap a phawrh a, a kap parh a, CCTV in min hmuh loh nan. TIchuan kan kal zel a, chupa chuan min rawn zui zel a, Airport kan chhuahsan thleng chuan min zui a, bus ding lai ah chuan kan lut a, arawn lut ve a, Nathana chuan a hnek nghal siah siah mai a. a kawr chu a pawh thler sak a, a hmai a tuam a, kan hmel a hmu hman miah lo, Nathana chuan hnek reng pah chuan, "Tunge in boss? Sawi rawh...tunge a hming?" a ti a, chupa chuan, "Network pakhat kan nei a, boss ber hi ka hre biklo. Mineral water dawr siam chawp turin min ti a, location min hrilh a. Kan customer te chu an kawr rawng atanga chhinchhiah turin min ti thin, loan chungchang ka sawi pui a, abak chu kan in biak chhunzawm ngailo. Pawisa zawng zawng chu khawnge a kal thin ka hre lo, commision atan 10% ka chang ve thin a, abak ka hre lo, ana lutuk min hnek tawh suh." a ti vak vak a. Nathana chuan min en a, zawite in, "Hepa hi ka putea leh Hlutea te bum tu ber kha a ni." a ti a. Nathana chuan, "Cheque kha tinge i deposit loh?" a ti a, chupa chuan, "Nangmahni chauh nilovin midang cheque pawh kha kan deposit ngailo." a ti a. Nathana chuan, "Anih leh pawisa chu engtin nge i dawn thin?" a ti a, chupa chuan, "Location min hrilhna ah kan kal a, helmet sen lar khum hi alo kal thin a, cheque chu ka pe a, chuan pawisa fai chu min pe a, cheque-a signature kha digitalized vek a ni. Chumihnuah pawisa zawng zawng account ami chu withdraw chhuah vek a ni a, abak ka hrelo." a ti a, Nathana chuan, "Tenawm lutuk, kha i chanpual 10% chu le..." a ti a, a hnek siah a, nikhawhrelovin a awm nghal a. Kan haw ta a, haw kawngah chuan Nathana phone alo ri a, Hlutea alo ni a, "U NAthan, Ramhlun venga Photo shop neitupa khan an man a, Bank ah enquiry an ti a, min man chhuak a nia, ka hlau ania, bank ah lo kal vat teh u." a ti a, NAthana chuan, "Lungngai suh, kanlo kal e." a ti a. Bank ah chuan Hlutea chuan min lo nghak a, enquiry titu lo chhuak chiah chu NAthana chuan, "Ka pu, Hlutea u hi ka nia.." a ti a, chupa chuan, "Aw...nanghi maw ni a, fake document siamin loan in la a, adik em?" a ti a. Nathana chuan, "Aw, ni e.." a ti a, chupa chuan, "Mi mawl emaw min ti ami a? Kan man chhuah loh che u in ring ami?" a ti a. NAthana chuan a wallet a la chhuak a, 2000 note tamtak a pawrh a, "Sir, hei hi la rawh..cheng 15,000 chiah ka lo ak chhuak a, a bak ka nei hrih lo. Khawngaihin, hun min pe leh hram rawh." a ti a, chupa chuan, "Atha e, ni 30 ka pe ang che u, in loan in clear vek angai ang." a ti a, akal ta a. NAthana chu ka en vang vang a, naute hmangaihna a va ngah em, police a nih thu han sawi mai se a dik vek nimai tur. A pawisa ah lai zawng zawng pawh a pe a, a nau Hlutea tan, dawt hmanga loan la annih miau avangin Nathana pawn polcie anih thu a sawi duh lo a, ava ropui tak em, he mihring pa hi chu. Hlutea pawh chuan tap chungin Nathana chu a kuah a, "U Nathan, ka lawm e aw." a ti a, ala naupang ve bawk a, unaupa tha tak a nei hi a vannei hle mai.

Zanah chuan Nathana te inah chuan ka leng a, chanchin bu ka chhiar a, forged document scam tih chu ka chhiar fuh a, "Sir, han en teh..loan application enquiry anih hi, loan la ho zawng zawng chu man hmiah hmiah an ni tawh dawn tih a inziak anih hi. Kha enquiry titu pa kha, pawisa chu pelo la chuan Hlutea te pafa kha hreh tak chunga kan man angaidawn tihna a nia." ka ti a, Nathana chuan, "Hlutea te inah kal ang." a ti a, kan va kal ta a, Sanvi pawh kan hruai ve a. Nathana chuan, "Khami list ami te kha fake documents pek vek annih hmel a, Hlutea loan an pek ang deuh khan. Bank hrang hrang ah an kal a, athen chu Private bank ah ani a, athen chu International bank ah..mahse agent pakhat chauhin fake documents chu a supply a ni, loan an hmuhtir theih nan. Chuan chu chu network pakhat hnuaia thawk a ni, chuan kan information details te min ruk sak a, kan mamawh te an hria a, remchangah la in min target a ni. Source hran daih atangin kan detail an hmu a ni." a ti a, Sanvi chuan, "Nathan, minlo zui rawh...mi tu emaw min pui thei tu tur ka hria, chuan Rinawm minlo zui ve bawk la." a ti a, kan chhuak ta a. Millenium Centre ah kan kal a, thawhnaw dawr ah kan lut a, hmeichhe pakhat bulah chuan Sanvi chuan Nathana kawh pah chuan, "Hepa hi ania ka hrilh thin che chu, photoshop dawr a nei a, mahse a sumdawnna a tluanglo lutuk a, i pui thei angem?" a ti a, chunu chuan, "Tehreng mai, lucky draw hi vawiin atangin kan start a, scheme thar a ni a, customer te detail kan la a, chuan photocopy detail kan la tel bawk a, an sumdawnna te pawh a tluan phah fo asin. Chuan...nangpawh a puih ngei che ka beisei, chuan shop owner hnen atanga phalna i lak phawt angai ang." a ti a, shop owner chu kan va hmu a, owner chuan, "Tunlaiah photocopy an hmang tangkai tawh ngai hleinem, an phone hmangin snapshot an ti a, photo copy te chu thlalak pakhatah cheng khat zel ania, electricity expenses hmu tur pawh a intluk pha hlei nem, pawisa hmuhdan chu chikhat chauh a awm. An information business te, an documents te hi kan hralh sak mai alawm. Mi sang tamtakin an phone number leh email ID te an in share tawn a, lucky draw prize man turin, an information leh photocopies te chu kan lo hmang a, tichuan data khan zelah cheng khat zel kan lo hlawh ve ta a, data sang nga chu cheng sang nga nen a in ang chiah. Kan client te chuan ID proof, address proof leh certificate te chu an lo copy zel a, extra copy kan siam tel zel a, seperate rate an tan kan siam zel mai alawm. Chuan maw...thlawhnaah lo zin dawn ta se, an thlawh chhuah rual rualin an boarding flight te chu kan pawtthler a, kan paih vel mai mai mawle. Chuan QR code a awm a, chu code chu kan scan a, an passport details kan hmu leh thei ta a, an number leh an bank detail te nen, an ticket leina te chu kan hmu leh a, an details kan hralh avang hian pawisa kan hlawh hnem teh asin." a ti a, keichuan, "Detail te chu tunge pe a?" ka ti a, chupa chuan, "Special agent an awm hrang veleh a, call center a thawk te nen an inthlunzawm a, pawisa an hmu hnem thei lutuk. Call center atang leh finance company atang te chuan call kan dawng fo a, car loan, inhmun loan te min rawn offer teuh teuh zel a, khawi atangin nge call center te hian kan number an neih in hria em? Kan information petute atangin mawle...company te chuan a ni telin customer thar an zawng zel a, rukru te lah chuan bumtur an lo zawng ve reng bawk a. Call center te hian khawvel thar min hmuh tir hi ani ringawt alawm ka pu." ati a, a thusawi chuan beng a ti var phian lehnghal a. Keini pawh chu kan haw ve leh ta a...

Station ah chuan kan kal a, kan thu hriat te chu Alberta kan hrilh a, Alberta chuan, "Hei vang hi a lawm credit card leh loan chungchangah min rawn call fo reng ni, call center te chu tam tak a awm a, kan duhtak va zawnhmuh chu a har khawp ang." a ti a, Sanvi chuan Hlutea bulah chuan, "Hlute, loan chungchanga i call dawn hnuhnun ber ila hrai em?" a ti a, Hlutea chuan, "Loan ka apply hnu khan call dang ka dawng tawh lo." a ti a, Sanvi chuan, "Amak hle mai, loan reject a nih hnuin tuman offer an rawn siam leh tawh silo a, victim tin te ah hian thil common deuh chu a awm a ni. Loan an apply hnuah call an dawng leh tawh lo a, loan refused vek an ni. Anih chuan nexus in engtin nge information zawng zawng hi anlo dawn theih le?" a ti a. Nathana chuan a thianpa bank employee Tea chu ava phone a, thil awmzia a hrilh hnu chuan Tea chuan, "Bank in loan a reject reng reng chuan bank dang chuan an pawm duh tawh bik hleinem. Rejected list an siam a, call center ah an va thawn thin alawm. Mi 18 vel chu he thangah hian an lo awk tawh a, bank hrang hrang ah loan an apply a, chung zinga bank pathum tal chuan an reject ngei ngei ani. Chung bank pathum te chuan call center in share tawn bik an nei a, ahming chu TTS a ni a, Vaivakawn a OMR building ah a awm." a ti a. Chumi lam pan chuan rang takin Nathana nen kan va kal ta a, police force te kan ko bawk a, a hmun kan thlen chuan Nathana chuan Police force leader chu a phone a, "Kan thleng tawh e, in inring em?" a ti a, leader chuan, "Yes Sir, first floor ah ka awm." a ti a, midang te nen chuan kan inbe pawp reng a. Second floor a mi chuan, "Nathan Sir, manager pakhat chu ka hmu e, amah chu vai ania, a hming chu Gopinath tih a ni, a kawrhmaah a inziak." a ti a, Alberta chuan Gopinath a information chu motor chhunga computer ah chuan a zawng a, a number a hmu ngahl a. Nathana a rawn thawn a, NAthana chuan a text a, "REBEL hi tunge a nih ka hria ania aw.." tih a thawn a, chuveleh floor a mi chu a be leh a, "Officer, Gopinath-a hmel kha han en teh, a hlauhthan hmel em?" a ti a, officer chuan, "Aih, engtin mah a awm lo, Gopinath dang zawk a ni ngei ang." a ti a. Alberta chuan, "Officer, i kalna bul vela vainu sari dum kaih kha en teh, a information ka hmu chiah, TTS staff anih kha, a hming chu Urvashi a ni. A cher a, kidnap a awl ngawt ang." a ti a, NAthana chuan, "Han check chiang teh..." ati a, Alberta chuan, "MEssage ka sent chiah e, ahmel nen han en mil teh." a ti a, message ngai tho, "REBEL hi tunge anih ka hria.." tih tho chu kan send leh a, officer chhanletna chu kan nghah thap a, NAthana hmanhmawh tawh si chuan, "Officer, i en em? Message chu a hmu em?" a ti a, Officer chuan, "Aih...heipawh engtin mah a awmlo, midang a niang." a ti leh a. Officer chuan minute 2 hnu velah, "Meeting room bulah ka awm a, Mohan Dass tih kha message han thawn leh teh u." a ti a, message ngai chu kan thawn leh a, Officer chuan, "A tho thut a nia, ground floor ah a chhuk." a ti a. Ground floor duty officer chu kan be pawp a, "Aw....alo kal, toilet ah a lut." a ti a. Minute 5 vel hnuah chuan Ground floor duty chuan, "Nathan Sir, amah hi a ni chiang lutuk, parking lamah a rawn kal ania." a ti a, Mohana chuan parking lam a rawn pan a, a car remote chu a hmet a, a car chu scorpio dum a ni, a eng te vet vet a. Chu veleh ka chhuak a, "Sir...kan la ti fai hrih a, a kal theih loh, nakinah aw." ka ti a, ka biak buai lai chuan a motor kawngkhar hawnna ah chuan Alberta leh Nathana chuan current an lo fit a. Mohana chuan min nam sawn a, a car a pan a, hawn a tum chiah chu current chuan a man a, a tlu a. Kan VAN ah chuan kan hnuk lut a, kan plan lawk sa angin ramhnuai lamah kan tlan luh pui ta a. Kan rin ang ngeiin VAN var pakhat chuan min rawn zui a, field pakhat zau takah chuan chak takin kan tlan a, a ramhnuai laiak kan tlan lut a, min hmu hman ta lo. VAN var chu field lai takah chuan a ding a, mi 5 vel chu silai nen an rawn chhuak ta a, an hawikual vel a, kan hmu ru reng a.

Chutia silai nena an hawikual lai chuan Nathana chuan, "NOW.." a ti chiah chu police force zawng zawng chu field ah chuan kan chhuak ta a, chung mi 5 te chu kan hual a, police 40 chuang zet kan ni. Chung mi 5 te chu an thingthi nghal a, Nathana chuan, "Khai a...ka thulovin tinge ka ram chhungah silai te in rawn kenluh a? Survilliance Van ah, hi-tech weapons nen...terrorist ami innih?" a ti a, an zinga pakhat chuan, "Nilo, terorrist kan nilo, kan nilo tak tak." a ti a, Nathana chuan, "Chutiang a pawimawh lo...kei chuan tihdan chikhat ka nei a, mi kan man te chu, kan that phawt a, tute nge annih ka chhui leh mai thin. Boys...what are you waiting...SHOOT." a ti a, kah tum awm ang deuh chuan kan han tin hnai leh vel a, an hlau kher mai. An hlau lutuk chuan, "Min kap su.." an ti chel chul a. Nathana chuan, "Awle...silai tam tak kah rawn chu na pawh inhre hman nang, ka pistol hian ka that diat diat mai ang che u. Rinawm...silai mu kha ka pistol ah lo thun teh, i thun chhunga an insawi fiah hman lo chuan ka kap dawn." a ti chiah chu an zinga pakhat chuan, "Sir, CBI ni tura train kan ni a, kan expertise chu suvilliance leh tracking a ni. Kan 5 hian fahrah kan ni a, Amar Jyoti Educational Trust atanga in zir chhuak kan ni. Chief correspondent in CBI training turin min tir a ni. Training a zawh veleh kan in resign nghal a, chuan kan boss tan kan thawk ta a ni." a ti a, Nathana chuan, "Tunge in boss hming?" a ti a, chupa chuan, "ANTHONY GONZALVES.." chiang kek kawk chuan a ti a, kan ngawi thap hlawm mai a. Nathana chuan Station lamah a hruai a, jail ah a khung vek bawk a. Atukah chuan Nathana chuan a office ah min ko lut a, mi pakhat hi alo awm ve a, NAthana chuan, "Rina...hepa hi computer specialist ani a, Roberta kan man zana hard disk ka lak kha ka chhuichian tir a." a ti a, chupa chuan, "Data zawng zawng chu ka recover theilo a, mahse recorded audio files chu 4 ka hmu chhuak a. File zinga pakhat chu Amar Jyoti Educational Trust owner a ni. Anthony Gonzalves nen chuan inzawmna a neih ka ring tlat a ni, kum 1992 khan Y2K tih chu invauna hlauhawm ber a ni thin a, khawvela bank zawng zanw ghian Y2k tih hi an hlau hle a ni. An data chu hard drives atangin files ah an transfer a, hard drives leh computer te chu tam tak paih a ni a, bawlhhlawh paihnaah a tam thei hle a ni. Mi zawng zawng in bawlhhlawh mai ani an ti a, Anthony Gonzalves tihloh chuan...chung bawlhhlawh paihna chu Anthony hian man tlawm te in a lei a, chuan a workshop ah chung bawlhhlawh te chu container pali khat vek chu a dah a, tichuan ware house a siama he trust hming hian a dah bawk a ni. Back up data a store ho chu hard disk ah a dah a, complex network pakhat chu REBEL tih user ID ah hmangin a thehdarh ta ani." a ti a. Nathana chuan, "Rina, Amar Jyoty Educational Trust hi Tamil Nadu ah daih a awm a, kan zinchhuak leh ava ngaih hmel ve, pawisa chu ka tum vek ang." a ti a, tichuan NAthana sawi ang chuan chumi ni la la chuan ticket kan book a, a tuk zingkar ah chuan kan zinchhuak leh ta a.

Tamil NAdu kan thleng ta a, kan thlen zanah chuan hahchawlh nan kan mu phawt a, a tukah chuan Amar Jyoti Educational Trust lam chu kan pan ta a, a owner hneah chuan Anthony Gonzalves chungchang kan zawh chuan, "Kha mihring sual kha ani maw inlo buaipui ve tho a, Tamil Nadu pawh hi a bumin kan awm mek chu a nih hi, in state thlengin a rawn bum che u a nimaw? Ka hrilh ang che u, kan home hian fahrah te kan enkawl thin a, lehkha te kan zirtir thin. Amah hi alo awm tirh khan tunge anih kan hre lo a, ahnuah apa chu Spanish mi niin anu erawh Brazilian ani thung tih kan hre ta a. Anthony Gonzalves tih chu ahmingah kan phuah sak a, mahse a hming hi a duhlo em em a, tam zawk chuan a hming tak tak hi an hre ngailo. A roll number atangin kan hre tlangpui tawh zawk a, roll number 7 a ni thin. A than len hnu hian hna dang a thawk kual a, tichuan nikhat chu lo let leh in he home hi enkawl a duh thu a sawi a, min vau nge nge alawm. Mahse a tawpah chuan kan tlawm ta a, kan home hi a kuta kan transfel hnu in source hming hriatloh atang chuan pawisa kan dawng ta reng mai a. Ka hlauthawng a, ka mi rinhlelh deuh te ka zawt a, nikhat chu ka room ah blank cheque ka hmu a, ka phone a, enge awmzia ka zawt a, pawisa ka duh duh zat ziak turin min ti a, mahse ka duh talo a. Ahnuah ka fanu room a sana hnung en tur chuan min ti a, Sana chu lathla in ka en a, camera a lo awm a, ka fanu inbual tur in phelh ruak te leh a inthlak lai te alo record vek cjhu niin...vau nan min hmang leh ta a ni. Tichuan tunge ani tih hre silovin UNICEF chuan anlo la promote zui a ni awm e." a ti a, a sawi pah chuan a tap tep lehnghal a. NAthana nen chuan UNICEF lam kan pan ta a, a chhungah chuan police kan nih thu kan sawi a, ka lutve thei ta a. Anthony Gonzalves chu alo kal ta ngei mai, ngo lampang, hmelchhe lemlo, fai fung mai leh palian tak mai hi a ni a. Nathana chuan a zui dawn chiah chu press ho chuan an lo be buai a, Anthony chu a kal thui tawh si a, Nathana chuan, "Rina, va zui rawh." a tih avang chuan ka va zui tatawp a. Elevatorah a lut a, a inkhar hma chuan ka va lut ve a. Ka pistol ka phawr a, ka tin nghal a, min rawn en a, a nui suk a, (Anthony nen hian sap tawngin kan inbia a, chhiar a nawm nan mizo tawngin ka let a ni e.) "Ekhai, ka va hlau em, haha. Engthil nge i tih a? Lobby a in thut atang khan ka ringhlehreng che a ni, min en duh si a. I plan chu a tha hle mai...lawk aw.." tih pah chuan stop tih chu a hmet a, lift chu a tang ta daih mai a. Anthony-a chuan, "DCP Nathana nge i nih ASP RInawma zawk?" a ti a, keichuan, "ASP.." tih ringawt in ka chhang a. Anthiny chuan, "Animaw....NAthana cousin pawisa vanga min rawn chhui zel kha inla ni tihna animaw. Enteh, He DArk net ah hian king-pin ka ni a, min man hi thil awlsam a nilo. India ram pum hi ka control thei asin, chuan in state Mizoramah ngei pawh ka tana thawk an awm. A hrim hrim in, engzat nge pawisa chu ka lo ruksak reng reng a?" a ti vel pang pang a, ka thin arim hle mai, ka ngawi reng a, pistol chuan ka tin reng a, amah bawk huan, "Nuai 10 vel bak anilo in ka hria, a sana chu a hmet zeuh zeuh a, "Give me 5 seconds." a ti a, a rawn ri tut tut a. Anthony chuan, "Okay...done. NAthana cousin account chu check chhin ula...pawisa chu ka pe let leh e." a ti a, ka la ngawi reng a, amah bawk chuan, "Tinge? Minla tin reng a? Awle...ka hrilh ang che. Vawiin ni thlenga ka pawisa ruk zawng zawng hi Maktaduai 800 vel ani tawh, Millionaire ka ni tih hi hria ang che. Chung ka ruk te zingah chuan in nau pawisa hi ka lo ru tel vel mai chauh a ni a, pawisa ruk hremna section pawh ka hre ve alawm, section number 420, chumi hnuaia hrem theih ka ni. Mahse nangni chuan Sorkar in bum ve thung a ni, nangni pawh Sec-420 ve tho in ni. Mi sing chuang ka bum tawh a, ka bum apiang te chuan sorkar an la bum vek a, jail tang vek thei kan ni. Min tina thei lo ang, ka pawisa te chu min chhuah zalen hnuah kha home ah khan ala him vek dawn tho a. Tuman kha pawisa khaan khawih thei lo, middle class ho te chu tih chimit an ni anga, jail an tan hnu phei chuan an lo piang ve hi an inchhir ngawih ngawih zawk ang." a ti a. Rum em em hian min melh thut a, "Listen ASP Sir, a theif needs to be quiet if the scorpian bites him. All of you are thieves, and I am the scorpion in your lives. I will bite you, and you have to keep quiet. Haha, min that duh ami? Min that ta che...kap rawh. Tumah ka ruang chunga tap turin chhungte pawh ka nei ve chuang hleinem, eng angin nge min ngaih a? Heng pawisa zawng zawng te hi engtin nge ka tih ang tih i ngaihtuah a mi? Engvangin nge pawisa ka ruk thin tih i hre duh tiraw? Achhan chu ka fing a, ka smart bawk a ni. Hmanni ah ka agent pakhat in man tih kalo hria a, nihliap khan CCTV lak ata a chhan che u amaw ilo ti a, mahse i hmel hi chu kan hmu hman ani. Engtin nge i hriam em? Airport chhung kawngkhar bul i va pelh chiah khan hmeichhe pahnih an lo in selfie a, a background ah ilo lang hlauh a, FB ah an post a, kan hmu ta che a ni. Eng angin nge i inngaih ve khanglang a? Silai i ken avang khan i duh duh i kap thei angah i ngai em ni? Tui hi a thuk zawng hrelovin an zuangthla ngawt ngailo asin, anih loh chuan i pil anga, i thi a nimai. ASP, information is wealth. Nang aiin i detail hi ka hrechiang zawk asin....tunah hian i cousin Tluangtei awmna i hre duh em? Tunah hian Armed Veng bus stop atangin taxi number 8203 ah a chuang a, driver chu kawng lakah motor a ti ding a, a chhuk a, a tlanchhe ta daih a. I cousin chu a chet hma in Truck lian tak a rawn tlan a, i farnu chu a su hlum ta ni." a ti a, ka thinrim chuan a chalah tak ka tin a, "Zawnga.." ka ti a, Anthony chuan, "Minute 5 chhunga he hmun ka chhuahsan lo anih chuan ka nau ten i farnu chu hospitalah nilovin thlanmualah zawk an dah ang. I silai kha dahthla rawh.." a ti a, tihtheih dang ka nei lo, ka dahthla ta a.

Anthony bawk chuan elevator switch on pah chuan, "ASP, flagged account awmzia i hria em? Terorrist ho Account hman thin a ni a, chu account chu an mission a zawh hnuah a awm dan ngaiin an kalsan tawp thin a. Chu account chu tupawhin an khawih che a nih chuan terrorist nen an in linked nghal ani. Chuan chu account khawi che tu chu CBI Anti-Terrorist squad te leh CID ten an chhui anga an zui reng ang. Tunah hian Nathana cousin account kha terrorist account hnenah pawisa nen transfer ta ila enge thleng ang? An damchhungin jail bang an zut ang..tunah chuan Mizoramah haw la, i farnu han awmpui rawh. Good luck..." a ti a, lift khawngkhar a inhawng a, min chhuahsan ta a, Ka phone a ri am ka nu chuan TLuangtei a accident thu min rawn hrilh ta chiah a. Rang takin Nathana bulah ka zu chhuk a, Sir, ih.." ka sawi zawh hma chuan, "Ka hria lawm, Tluangtei a accident. Chuan in inbiakna te kha ka hre vek alawm." a ti a, keichuan mak ti takin, "Engtin?" ka ti hu a. Nathana chuan, "I kawr nghawng ah khan voicer recorder chip ka vuah a lawm i kal hma khan." a ti a, ka en a, alo awm tak tak a. Inthlahrung takin, "Sorry Sir.." ka ti a, Nathana chuan, "A pawilo, Tluangtei pawh ngaihven tur leh awmpui turin Sanvi leh Amandai ka hrilh a, a la harh lo a, mahse a tha e an ti nih chu." a ti a, ka thaw huai a. Nathana chuan laptop a phawrh a, "Owner khan Anthony a hi a lar hle e a ti a, facebook ah page anei a, million chuang in an follow a, a video upload hi ka en a." tih pahin mipui zinga putar chu a kawk a, "Hei hi telecom minister Vijay Rajan a ni a, REBEL nen hian inzawmna an nei, a video en hian Vijay hian a phone a en reng a, a hlauhthawn hmel em em a, Anthony pawh hian a thusawi pah hian Vijay chu a en reng a ni, a vau a nih ka ring." a ti a. Keichuan, "Policy change a duh vang pawhin a vau pawh ani maithei asin.." ka ti a, Nathana chu a maimitchhing vang vang a, "Adhaar card" a rawn ti chhuak a. Ka hrethiamlo hle mai, Nathana bawk chuan, "Adhaar card hi basic ID card a ni lo a, kan finger print leh kan eye scan te thlengina awm a, master card a ni. Anthony a duh ber chu information neih a ni a, mi zawng zawng information a duh a ni." ati a. Keichuan, "Anih kan information ve hi?" ka ti a. Nathana chuan, "Tun thlengin kan phone ala hack zel a, minla control a, tunah chuan kan nunna thlengin hack a tum ta a nih hi." a ti a.

Nathana nen chuan plan kan siam ta a, tichuan chumi zanah chuan Vijay Rajana chu keimah in ka zui ru ta a, motor chhungah chuan tute emaw nen an titi a, tichuan mi rawn hmu fuh a, kan plan lawk sa ang ngeiin min man ta a. Hmun pakhatah min hruai a, min phuar a. Min dawp a, min hnek hrep hrep hlawm a, chuveleh kawngkhar hnung atang chuan Nathana alo lut a. Chungmi te chu a mal te te chuan a khawih nghal bawrh bawrh hlawm a, tichuan a thal fai ta vek mai a. Chumi hmun ah chuan an hacker ber pakhat Ladmir tih hmingpu chu a lo tel ve a, keini chuan a phone chu kan la a, tichuan kan hawn a. Nathana chuan chupa phone hacker atang chuan Anthony number leh AC number a hmu a, kan chunga a tih ang ngei khan cheng nuai 70 lai chu a balance atang chuan a cut sak ve ta a. Anthony-a chu a amangang ni ngei tur a ni, a rawn phone a, Nathana chuan a lo chhang a

"Hello...Boss Anthony, Ladmir tih hmingpu, hacker i hre mial em? I hacking system a enkawl thin a, mahse Vanramah ka thawn chho ta nih kha. A laptop leh a phone ka laksak a, ka rawn be thei ta che a nih hi."

"Aww...nang hi animaw Nathan chu? Damdawiina in thiannu damlo te kha in theihnghilh ta mi?"

"Engtin nge ka theihnghilh theih ang, ka chhung leh khatte ka theinghilh ngailo. Nangpawn thil tam tak min tihsak a, engtin nge ka theihnghilh bik ang che? I ropui hle mai, khawvel pum pui data neih i tum chu a nia, mahse keipawh police ka ni a, mi chhui chu ka thiam ve zawng tak ania lawm."

"I rin aia rangin ka zawng hmu thuai ang che."

"Awww...iva han fing tak. Ka awmna location zawn tumin i computer i khawih mek tih ka hria lawm. Tunah kha chuan Tamil Nadu-a Maridawa vengah ka awm a ni tiraw? Han refresh teh le.....haha New York ah ka awm leh daih mai asin, amak i ti em?"

"Hahaha...(thinrim hmel tak hian) COPY CAT.."

"Copy lampang anilo, education zawk ani, min zirtir vek a nih hi. Thil pakhat ka zawt ang che aw, khawi atangin nge pawisa i account a lut kha i receive i hria em? Tamil Nadu Police account ah mawle..i network hi he laptop ah hian kan access tawh a ni. Chuan Tamil Nadu Police Station salary zawng zawng i account ah i ruk angin kan kaltir tih i hria em? Constable atanga DGP salary thlengin a bo fai vek asin, an pawisa chu i account ah transfer vek a ni. Cyber cell ho phei chu i location trace in an buai viau ang, ka rindan chuan darkar 3 hnuah chuan man i ni tawh ang. Mahse duhthlan tur pakhat ila nei ania.."

"Enteh Bawiha, nichin thleng kha chuan number pakhat ve mai mai angah ka ngai che a. Mahse tun atang chuan ka hmelma lian ber i ni ta, ka lo ngai nep che a, mahse tunah chuan...I-LOVE-YOU"

Phone chu a disconnect nghal a, kan hacker chhawr lai chuan NAthana bulah chuan, "Sir, Police dept server hi a chhia a nia." a ti a, Nathana chuan, "Engtin nge a chhiat theih a?" a ti a. HAcker chuan, "I LOVE TOU Virus..a inti." a ti a, mak ka lo ti hle mai. HAcker bawk chuan, "Darkar 48 chhung chu police in action an la theilo ang, zanin hian a tlanchhe hman anih chuan engtikah mah REBEL hi kan trace leh thei tawh ngai lovang." a ti a. Nathana chu a ngawi vang vang a, "RIna, minlo zui rawh." a ti a, motor kan start nghal a. Thui fe kan tlan hnu chuan hmun pakhat, Workshop zau tak ah hian kan kal a, Nathana chuan thing bung a chhar a, kan hmaa meikhu chuai chuai lam chu a va vawm a. Meikhu atang chuan Anthony chu thing bung keng chung chuan a rawn chhuak a. Nathana chu a hawi kual a, pawisa lo in hung chho tuar chu ava hmu a, "Awhawww..i pawisa ruk ho chu hetah animaw ilo dah thin a? I mak emai thiana, min hmangaih thu i sawi te te a, min kalsan leh daih amaw? Ka chhanlt ve che nghak ta che...I love you too." a ti a, Anthony chuan, "Engtin nge ka awmna in hriat a?" a ti a, Nathana chuan, "I awmna hriat hi a har viau ka lo ring a, mahse nangman i nau te bulah i pawisa chu server farm ah dah turin i hrilh a, ka hmuh theih loh che i ring a tiraw? He hmunah hian evidence zawng zanwg nen ka awk ta che a nih hi. Chuan Y2K hunlai khan he bawlhhlawh paihna hi i lei tih ka lo hria a, ware house ah i siam a, heng computer hmang hian mi tamtak i tichhia a, i thawnthu chu a bul intanna hmun, helai hmun ngei ah hian a tawp ang. Kan location chu police hneah whatsapp in ka hrilhdarh tawh, an rawn thleng thuai ang. Mi reng reng kan beih hmain an chakna leh an chaklohna hre hmasa phawt turin min hrilh a tiraw? Tunah chuan i thurawn chu ka zawm e." tih pahin kawnka lam a kawk a, Kawngkhar lian tak chu a rawn in chum bur bur a. Anthony chu a nui ta huah huah a, mak kan ti dun hle mai, engtin nge ala nuih theih zawk? Anthony-a chuan, "Listen, my power and strength is not wealth, its my brain." tih pah chuan lighter a phawrh a, pawisa ah chuan ava vawm a, pawisa chu a alh ta hluah hluah mai a. Nathana chuan pawisa alh chu va ben hlum a tum a, a dulah chuan Anthony chuan alo tlawh a, a leng lawp a, chuveleh va hnek ka tum a, min lo bum a, a kiu in ka mitah minrawn chhun a, ka thal tawp a, ana ngei mai. Anthony chuan, "Ka pawisa hi in kut hmawr pawn in khawih lovang. He pawisa aia tam hi reiloteah ka htawkchhuak leh ang. Finger print hi mitamtak te hnen atangin chi hrang chrang ka nei tih in hre nange? Minister te, thil tithei dang te ka chibai apiang hian an finger prin ka nei zel asin. Election alo thlen pawhin, tunge tling anga tunge tling lovang tih chu ka thuthlukna siam tur a ni, kingmaker kala ni ang." a ti a, Nathana chu tlan phei va hnek a tum a, alo bum leh a, a dulah a hnek a, a hmaiah a hnek leh a, a tlawh thal leh tawp mai a. Ka tho a, ka kutah a rawn man a, ka pumah a tlawh a, min paih leng dawr mai a, a chak phian lehnghal a. Anthony chuan, "Officer te u, eng training nge in pek thin ang aw? In theihnghilh ta aniang e. Kawnkhar lah chu an rawn chum chhe tep tawh si a, lo kal rawh se. Evidence kang hluah hluah saw an hmu anga, tihngaihna an hre dawn bik siloa." a ti a, a nui huah huah a. NAthana chu a tho a, a nuih let a, "Haha, tinge ka pu, information is wealth..tiin i au kual vel thin anilawmni? Mahse i information te hi a dik nge diklo tih check hmasak thin tur alawm. Police te chuan an tina thei lo che, section420 hmangin an man ringawt ang che. Mahse i mi bum tawh te kha tu in nge chhana pe ta ang? Chuvang alawm, police ilo bum tawh te zawng zawng pawh ka ko tel vek ani. PAwnah sawn mi sang chuang an awm, nangmah that turin. An vaiin i message thawn angin ka va message kual hlawm a, an account ah pawisa alo let leh ang tiin. Bank ah an va kal a, mahse bank lamin chutiang message an thawn loh thu an lo hrilh a, an thinrim ta a. Tichuan i location hi ka sent ta hlawm a, a thenin anlo inthawn kual zel bawk a. REBEL hi tuman an hre lo, mahse Anthony Gonzalves chu tunge a nih an hre chiang khawp mai. Mi zawng zawng bulah REBEL leh Anthony GOnzalves hi mi pakhat an nih thu ka hrilh asin, your account is HACKED...thil i hriat tur pakhat chu maw, REBEL tiin i inphuah a, REBEL awmzia hi i hre lo. REBEL diktak chu keimah ka nih hi, REBEL chu ka hmuh dawn che a ni....REBEL STARTS NOW." a ti a, Anthony chuan, "YOu...son of a.." tih pahin a rawn tlan a, mahse inchung atang chuan mi pakhat a rawn zuang thla a, Anthony-a chu a rawn zuan tlu tawp a, a rawn ding chhuak a. Ka reiii....Detective RAymonda alo ni a, Raymond Lalthazuala ngei mai kha. Min rawn en a, "Hi...i dam maw Sir?" a ti a. Nathana chuan, "Iva tlai ve?" a lo ti a. Raymonda chuan, "Nia, ka rawn thlen khan kawngka in lo kalh tawh a, mipui an tam sia, harsa tawkin inchungah ka lawn a, inchung pawh khi en ula, ka ti pawp tawp alawm." a ti a, a nui a. Anthony-a chu a rawn tho leh a, Raymonda chuan, "Nathan Sir, ka kutah dah rawh u.." a ti a, Nathana chaun, "Its all yours buudy." a ti a. Anthony chuan, "Who the f**k are you?" a ti vak a. Raymonda chuan, "Chutiang a pawimawh lo." a ti a, an insual ta a. RAymonda chu a hneh ngang lo a ni, thi phung chuan chhuatah chuan a thu a. Nathana nen chuan kan va pan a, Anthony chuan, "Awle DCP, gate saw in hawng duh anih chuan va hawng tawh rawh u. Mahse enge tangkai vak tawh anga? Pawisa ka hal ral vek tawh a, min that anga, thinrim vangin...engtik niah emaw chuan min theihnghilh anga, nangpawh an theihnghilh ang che. Misual ve tho an nih saw, dawt hmanga pawisa neih tum an nih saw, loan duh vangin.." a ti a. Nathana chuan, "Ni e i sawidik chiah, pawna awm mipui te sawn loan an la tih chu ka hria. Ka nau ngei pawh a tel ve, ba rulh angaih avang in loan a la ve. A then chu an fate school admission an duh vang te, athen chun mi rethei tak eitur pawh neilo te, athen an nu leh pate emaw an fate damloh anvang te a ni, pawisa an mamawh takzet. Nangin dawt hmangin pawisa neih dan i kawhhmuh a, engvangin nge an lak loh teh lul ang? Heng rukru i tih te hi criminal an nilo, victim an ni zawk. PAwisa i hal saw maw, an pawisa a ni hleinem. Minister nen seal in deal a, kha finger print kha ka nei a ni." a ti a.

Anthony chuan, "Tuman ka authorization tel lo chuan ka pawisa an khawih theilo, dawt is sawi." a ti a. NAthana chuan cheque phawrh pah chuan, "He cheque hi ila hria em? Amar Jyoti Education/Trust owner Satya Raj a i thawn kha a nih hi. Kan signature te copy in kan pawisa te i transfer thin a, i tih ang chiah in i digital signature chu ka copy a, pawisa chu ka hmu let leh a ni. I smart vang leh i fin vangin mi pawisa ru angin i insawi a, tunah chuan ka hun a ni ve ta, tunah chuan gate saw ka hawng dawn ani, achhan chu, ka smart a, ka fing bawk." a ti a, gate chu a hawng a, chuveleh mipui thinrim an lo lut a, Anthony chu an khawih rawn ta siah siah hlawm a. Kei leh Nathana leh RAymonda chuan chulai hmun chu kan chhuah san a, "Sir, Raymonda hi enge a rawn lan teh hlawl a?" ka ti a, NAthana chuan, "Tamil NAdu ah hian a awm tih ka hre deuh thut a, chuan nizan khan kan inhmu a, engkim ka hrilh a, kan plan siamna ah pawh khan ka telhve ta nih kha. Mipui te pawh kha ka message nilovin Raymonda tih vek hi alawm, chuan...RAymond, ka lawm lutuk ania." a ti a, RAymonda chuan, "LAwmthu sawi angai hleinem, 10% min pe ve ula, a tawk mai." a ti a, kan nui ho a, tichuan kan haw ta a.

THE END