NATHAN (Epi-16)

NATHAN (Epi-16)
WHAT HAPPEN ON NATHAN'S WEDDING DAY
(Pt-2 : LET'S START HUNTING)

"Amanda, i chiang amaw?"
"Aw ka chiang alawm, motor ah ka hmu, an tlan lai, ka um a, mahse ka um phak talo a ni."
"Amanda, Sanvi te chu a takah pawh ila hmuhloh kha, i ngaihuatna mai mai anih chu."
"Dawt ka sawilo Sir....i nupui Amandai chu ala dam ani, ka hmu a ni."
"Amanda, nangte chu tunah Mizoramah pawh i awm loh kha, Phillip Thomas kan man hma ni khan Hyderabad ah i thiante inneihna hmanpui turin i zin kha.."
"Ni reng e...Hyderabad ah hian Sanvi chu ka hmu alawm."
"Sanvi chu Hyderabad ah i hmu amaw?"
"Aww...motor hnungah a chuang a, amuhil a, ahmaah chuan mipa pahnih an thu a, pakhat zawk chuan motor chu a khalh a.."
"Amanda...ngawi hmak rawh, chutiang engmah a awm lo, i hriatsual aniang."
"Mahse SIr, ka hmu alawm."
"Nihleh a motor number i chhinchhiah em?"
"Aih...motor chuan number plate pawh ala neilo, motor thar ania."
"Umm...ngatan mah ngai suh, ka nupui chu a thi tawh, amah ang deuh i hmu anih chu...theihnghilh nghal ang che."
"Mahse Sir.."
Amandai'n a sawi zawh hma chuan Nathana chuan phone chu a dah ta daih mai a, kei pawh chu ka ngaih a tha hauh lo mai, "Sir, Amadai khan dawt a sawi lo ang, bawhzui chi niin ka hria.." ka ti a, mahse Nathana chuan thinrim hmel tak hian, "Enteh Rinawm, hna hahthlak tak kan thawk zo chiah a, ka rilru na pawh ala reh lo a, khatiang thu belhchian dawllo lutuk ah ka buai peihlo." a ti hmuk a. Keichuan, "Sir, alo hmu tak tak maithei asin.." ka ti a, Nathana chuan, "Engtin nge mitthi tawh chu a hmuh anga? Sanvi a thih tawh thu te chu nang leh kei hian kan hrechiang ber ang chu." a ti a. Keichuan, "Amandai khan dawt a sawi bik ka ringlo a ni." ka la ti hram a, NAthana chuan, "Ni e a dik, Amandai khan dawt a sawilo ang, a sawi pawh ka tihloh kha. Sanvi ang deuh a hmu anga, amah amaw a ti a nimai. Chubakah Hyderabad daih daih a Sanvi a awm lo ang, Sanvi chu a thi tawh." a ti a, a kal ta daih a.

Ni thum vel aliam leh hnu chuan kan DGP chuan Nathana nen chuan a office ah min ko lut a, "Hei, thu lawmawm loh deuh mai kan dawng a, Retired Police Officer Anand Raj, Andhra Pradesh ami, ka thianpa in buaina a tawk a, NAthan..nangphei chuan i hria ang, Vizag-a SI i nih lai pawh khan DSP a nih kha.." a ti a, Nathana pawh chuan, "E, aw...kan inkawmngeih ve hman lutuk, enge thleng a?" tiin a zawt a. DGP chuan, "A fanu Rani a bo a, nithum chhung teh meuh a bo hnuah nikhat chu an inkawtah kutzungchal bung hi hruiin a lo inkhai a, chu kutzungchal pawh chu a tawih tawh a, a dum vek tawh bawk nghe nghe a ni awm e. Pu Raj-a nupui chuan a fanu kutzungpui anih chu a ring thei lo a, mahse Pu Raj-a chuan a fanu kutzungpui ngei ani tih a ring a, achhan pawh a kutzungchal tin hmawr bula khuavang chhinchhiah a awm vang a ni." a ti a. Keichuan, "Ehe...ava zialo ve, mahse Sir, tinge min hrilh nachhan?" ka ti a, DGP chuan, "In pahnih hian Pu Raj-a hian a fanu bo chungchang case hi chhui tur che u in a duh ani. In hnathawh te leh case inchhuichhuah tawh zat te record hi a en a, an ram police te aiin a ring zawk che u a, chuvangin naktuk tlai atangin Andhra Pradesh ah in post hi ka sawn dawn a ni." a ti ta mai a. Nathana chuan, "MAhse Sir, ava huphurhawm awm ve, hnamdang karah lehnghal, kan tlin dawn em ni?" a ti a, keipawh chuan, "Ni e, chubakah Sir, Hindi chu sawiloh, khulamah chuan Tamil, Telugu leh Kanadda vek an hmang sia...engmah ka thiam ve hleinem." ka lo ti ve bawk a. DGP chuan, "Rina, i boss Nathana hi i zu tawiawm a ngai alawm, chuan Nathan nangpawh Pu Raj-a'n a mamawh che a, a ring che a, nangphei cu Tamil tawng i thiam em em a, chuvang chuan i tih theih ka ring a ni." a ti a, Nathana chuan, "Ni e, huphurh viau mah ila ka theihtawp ka chhuah ang." a ti a. DGP chuan, "Anih chuan, Nathan...Andhra ah chuan ka post ang che u aw." a ti a, keini9 pawh chuan kan remti ta a. Nathana pawh chu police hna chu bansan mai lo a, thawhchhunzawm leh chu a tum tih thu pawh a puang a, Nathana nen chuan kan la thawk dun zl dawn tihna nih chu, ava nuam leh dawn em.

Atukah chuan keini pawh chu Andhra lamah ka thlawk thla ta a, airport ah chuan Pu Anand Raj pawh chuan minlo hmuak a, Nathana nen chuan Tamil tawngin an titi luam a, ahmaa lo inhre tawh anni bawk a, an titi tui hle mai. Kan thlenna in tur lam pan chuan motor ah chuan kan chuang a, Pu Raj-a chuan, "Adam pawh ka ring tawh lo ani, Nathan." lungngaih hmel tak chuan a ti a, NAthana chuan, "Sir, khawngaih chutiang sawi mahta che." tiin a lo hnem ve bawk a. Raj-a chuan, "Report ah chuan, nizan hmasa dar 6 leh achanve bawr vel a akut hi tan niin a sawi a, chuan Rani kut ani tih chu ankhuavang chhinchhiah atang khan ka hria a ni. Doctor chuan a kutzung chal an tansak lai hian Rani hi ala dam tiin asawi bawka, a rapthlak takzet a ni." a ti a. Nathana chuan, "Han rinhlelh te i nei em?" a ti a, Raj-a chuan, "Ka hrelo, police huaisen tak ka ni ve a, engmah a thlen hi ka ring ngailo a, ka lo tisual a ni." a ti a. Nathana chuan, "Engtin nge chhun pachangah, in inkawtah tu in nge kutzung chal chu rawh khai ngam ang? Engtin nge a thlen thei, Security guard te, watchmen te an awm lo a mi?" tiin a zawt a, PPu Raj-a chuan, "Awmlo, ka thawn bo hlawm alawm, Rani in hmuh hma chu lo kir suh u ka tia, ka rilru a buai em a ni. Kha..hei hi complete file reports chu a nia." tih pahin file chu a pe a. Nathana chuan file chu a enkual a, "Sir, i hmelma emaw, Rani hmelma emaw, nangmah do tu che tih vel an awm em? Chuta tang chuan han ngaihtuah tha leh teh." a ti a, Raj-a chuan, "Ni e...kalo ngaiohtuah ang e." a ti ringawt a. Atuk ah chuan Nathana nen chuan zing atangin kan hna tan tur chuan kan han thawkchhuak ta a, Rani te college ah kan kal hmasa ber a, college bula dawr ah chuan kan kal a, dawr nghaktu bulah chuan Nathana chuan, "Ka pu, Pu RAj-a fanu bo ni khan i dawr ah hian hmuh hnuhnun ber a ni a, enge a tih ila hre thei em?" tiin a zawt a. Dawr nghaktu chuan, "Ahma pawn police dangin min zawt a, ka hriat chin chauh ka hrilh ka sawi zing tawh...chips a rawn lei a, lehlam bus stand ah sawn a va kal a bus a chang a, abak chu ka hrelo, ka va en reng biklo a, a bo dawn tih pawh ka hrelo a, ka ve en leh chuan a awm tawh lo." a ti a, Nathana chuan, "Amahin nge a awm midang nen?" tiin a zawt leh a, chupa chuan, "Amah chauhin a awm ka pu." a ti a. College chhungah chuan kan han lut a, college zirlai te chu zawhna te tlema zawng kan han zawt hlawm a, a tam zawkina an sawi chu, "Rani hi mi fel tak a nia, a thiante nen an awmho tlangpui a, a lerh lemlo a, bialpa pawh a nei ngai lo. Hmeichhe hlang 5 vel hi an nia, nitin an inkawm ho thin a, lehkha thiamthei pawl an ni." tiin an sawi tlangpui a. College bula bus stand chu kan pan a, abulah chuan kutdawh pakhat hi alo thu a, a kekawr t(r)et chu a lo thui mial mial a, kan va panhnai a.

"Minlo hrethiam teh..."

"Aw...enge ni ta ka pu?"

(Rani thlalak phawrh pah chuan)
"He thlalak hi en la, hmeichhia hi i hmu tawh ngai em?"

"Ehe...aw hmu e, hmanni khan sawlai deuh a Phone Booth saw a hmang lai ka hmu."

"Nihleh midang nen an awm em?"

"Aih, amahin a nia, chumi hnuah mipa khat hi motorin alo kal a, abulah chuan a ding a, reilote an inbia a, chuan motor ah chuan an chuang dun a, an kal daih a."

"Eng ang motor nge?"

"A sen a nia, a kawngkhar chu motor dang anga hawn chi anilo, a tawlh phei thei. Chuan, motor ah chuan MATURI tih amawni a inziak bawk."

"Umm...MATURI nilovin MARUTI anih chu, Maruti Van anih chu..nihleh chupa hmel chu i hmu chiang em?"

"Ka thutna atang hi chuan min hnungchhawn zawngin a ding a, a hmel ka hmulo, mahse jeans pawl a ha."

"Nihleh motor chu khawilam panin nge a tlan?"

"Veilam ah sawn, kawng nghil deuh ah sawn a tlan phei char char, a chak angreng hle bawk."

"Um kan lawm e"

Nathana chuan chu kutdawh pa chu cheng 500 lai mai chu a pe a, alawm ngei mai, tichuan kutdawhpa min hrilhna lamah chuan kan kal ta a. Nathana chuan motora kan chuan pah chuan, "Finger analysis chu Sunday 4:00 pm khan an zo a, kutzungpui kha darkar 22 hmalama tan a ni a, a awmzia chu...4 minus 22..is..6 pm. A awmzia chu engkim kha darkar chanve vel chhunga thleng tihna a nia, dar 5:30 - 6:00 inkar vel...chuan bustand atang kha chuan minute 15 vel bak an tlan rei hmanlo anga..." a tih nuah nuah lai chuan kan driver chuan, "Sir, hei hi main road ania, heta tang hi chuan kawng peng a awm tawhlo a, kawng tawp ah road block ania, chu chu nimai." alo ti a. NAthana chuan, "LAwk, motor hi ti ding teh." a ti a, a ding a. Nathana bawk chuan, "Tlem back deuh hret teh." a tia , a back deuh a, kawr sir a, ramhnuai deuh reuh lam chu a kawk a, "Rina, enteh" a ti a, ka va en chuan, kawng peng pakhat, motor len vel na awm hi kawng a lo awm ruih mai a. Motor atang chuan kan chhuk a, chumi lam pan chuan kan kal ta a. Chumi bula thinpui dawr tereuhte lo awm ah chuan kan kal a, dawr nghaktupa bulah chuan kan driver chuan thil an zawt a, tichuan alo kal leh a, Nathana bulah chuan, "Ka pu, Rani bo ni chiah chiah khan helai kawngah hian Maruti Van sen a rawn tlan a, tichuan minute 30 vel hnuah an rawn let leh a ti a nih chu." a ti a. Nathana chuan, "Umm...nih leh hemi kawng hian khawi nge a pawh?" tiin a zawt leh a, driver chuan, "Engkawng mah a pawh lo, a tawpah sawn thelret kung alo awm anga, abak chu ramnhnuai a nimai." a ti a, Nathana chuan, "Va kal lawk teh ang, Rina." a ti a, kan va kal ta a. Driver pa sawi ang ngei chuan kawng tawp ah chuan thingkung lian deuh hi alo awm a, Nathana chuan, "Um...he thingkung bulah hian motor kehniak a awm a, helai thleng hi chu an tlan a nih hmel." a ti a, thingkung hnung vel chu a en kual a, tlema awih deuh kawng hi a awm a, chutah chuan kan chhuk leh a, grass field nuam zau tak hi a ni. Chumi field tawp ah chuan kan va kal leh chuan ramhnuai a ni tawh. Ramhnuai chhungah chuan kan lut a, kan han enkual hrep hnu chuan NAthana chuan, "Rina, lo kal teh." a ti a, ka va kal a, "Helai hi en teh, a lei hi a nem bik riau, chubakah a huh deuh bawk a, a dip deuh bawk." a ti a, chuan keichuan, "I sawi awmzia chu, he lai hi kan laikhuar dawn tihna a mi?" ka ti a, Nathana chuan, "Umm...ka ringhlel deuh tlat, engmah a awm loh leh kan kal leh mai anga.." a ti a, keipawh chuan ka lu ka bu nghauh a. Chuti lai venga tlangval 5 vel chu kan ko a, kan sawina lai lei chu an lai ta a.

Chutia an laih mek lai chuan Pu Raj-a chu a rawn kal hlawl mai a, Nathana chuan va pan nghalin, "Sir, tinge ilo kal duh a, Stationah minlo nghak mai ta che." a ti a. Pu Raj-a chuan, "Enge thlenga? Engati nge lei saw an laih a? Driver khan min rawn phone a, enge thleng a?" a ti a, driver chu ka ngei ru hle mai, thil duhawmloh tak pawh alo thleng palh thei a, lo va phone thawt thawt kha a tullo asin le. Nathana chuan, "Aaa...engmah nilove, kan lai chhin mai mai, enge maw a awm takin." a ti a, chutih lai chuan lei lai zinga mi pakhat chuan, "Ka pu, lo kal teh u." a rawn ti a, Nathana chuan, "Pu Raj, ti hian lo awm rawh aw, lo kal duh suh." a ti a, kan va phei ta a. Kan hlauh ang ngeiin an laih chhuah chu Pu Raj-a fanu Rani ruang ngei a ni, a taksa chu a dum tawih vek tawh a, a rimchhe em em a, a kutzung chal chu tan bun a ni bawk. Pu Raj-a chuan, "Nathan, enge ni ta?" a rawn ti lauh lauh a, Nathana chu ava kal phei a, "Ka tihpalh Sir...Rani ngei a ni." a ti a, Pu Raj-a chuan hmanhmawh tak a kal pah chuan, "Enga? Rani...Rani.." a ti a, NAthana chuan a man bet a, mahse a man hneh zo lo, Rani ruang a hmu chiah chu nasa tak hian a tap ta hawm hawm mai a, a khawngaih thlak hle mai. Nathana chuan, "Sir...please, insum rawh." a ti a, Pu Raj-a chuan, "Nilo...tinge...why my daughter??? WHYYY?" tiin a tap vak vak a, Nathana chuan midang ho chu kovin Pu Raj-a chu motora lo va hruai turin a ti a, tichuan keini chuan police dang kan phone a, ruang chu an la sawn ta a. Pu Raj-a chu an inah kan hruai haw a, a nupui chuan pawnah a lo nghak a. Raj-a a hmuh veleh a nupui chuan, "Duhtak, khawnge ka fanu chu? Khawnge a awm? In hmu tiraw? Tinge inlo hruai haw ve loh?" a lo ti chung mai a. Pu Raj-a chuan dam diai hian, "Nu-i a tawk, inchhungah lut ang." a ti mai a. Anupui chuan, "Min chhang rawh, khawnge RAni?" a ti leh a, Pu Raj-a chuan, "Engtikah mah alo kir tawh lo ang, Rani chu a thi tawh." a ti a. A nupui chu a rak ta chiam chiam mai a, "Nilo a ni theilo." a ti a, a tap a. Nathana lam a va hawi a, "Nang police kha, ka fanu zawng turin hmundang atangin ilo kal a ni lawmni, a ruang rawn zawng hmu tur zawkin em ni ilo kal a?" a ti a, a an khum hrep a, a hrehawm duh ngei mai. Nathana nen chuan kan haw ve ta a, zan alo ni a, rilru nuamlo deuh chuan keipawh chu ka muhil ve ta mai a.

Atukah chuan Stationah chuan post mortem report nen Dr Kantha Rao chu alo kal a, Nathana chuan chibai pah chuan, "Hello Sir, I am Nathan, Deputy Comissioner of Police, Crime Branch...and i am incharge of Mr Anand Raj's daughter murder case." a ti a, Doctor chuan, "Nangmah hi maw incharge chu...ka pu, hetiang em em a tualthahna rapthlak hi ka la hre ngai lo, mode of death chu...slitting throat ti ta ila a dik ang." a ti a, Nathana chuan, "Eng hriamhrei nge an hman?" tiin a zawt a, doctor chuan, "Surgical knife hman a ni, chupawh a hmangtu hi surgical knife hman thiam tak leh a hmandan tur hre chiang tak a ni bawk. Chuan a taksa hi hmun hnihah a tan bawk a ni." a ti a, Nathana chuan, "Nia..ka hmu alawm." a ti a, doctor chuan, "A thih hma hian nasa taka pawngsual a ni bawk, chuan DNA Identification chhuichhuah theihloh nan a hnuhma velpawh a tifai vek a ni. A thih hun hi ni 4 liam ta, dar 5:30 atanga dar 6 vel a ni." a ti a, Nathana chuan, "Kan lawm e, i kal thei e." a ti a, tichuan doctor chu a kal ta a. Chhun ah chuan thil ei tura Nathana nena kan chhuak tur chiah chu Pu Raj-a alo kal a, Nathana chuan, "Sir, enge ilo tih dawn a?" a ti a, Raj-a chuan, "Nathan, thil hrilh che ka duh a, ka kal leh nghal ang." a ti a. Nathana chuan, "Han sawi ta che." a ti a. Pu Raj-a chuan, "Englo ania, kum 2 kal ta khan Rani hi mi pahnihin an lo chhaih nawmnah a, anlo tibuai a, Rani chuan min hrilh a, an college function zawhin pawnah chumite pahnih chu Rani chuan min kawhhmuh a, ka beng dun hrep a, tichuan Station ah ka hruai a, constable ho ka hlap tir a, ahnuah chhuah leh mai turin ka ti a. Chu mite chu tuna Rani thattu te an ni ka tihna nilovin, phuba ka lakah an la e ka tihna pawh anilo, ka hre biklo, ka hrilh che a ngai tlat hian ka hria a, chuvang chuan ka hrilh mai che a ni, ka kal leh nghal ange." a ti a, a kal leh ta daih mai a. Nathana chuan police dangte a ko a, chumi hunlai vela Pu Raj-a thawhpui ho te chu a zawt kual a, police pakhat chuan, "Pu Raj-a hian khatia tlangval pahnih, afanu Rani lo tibuai tute kan Stationa a rawn hruai khan amah kha a haw leh daih a, tichuan keini pawh kan buai avangin custody ah chuan zankhua in kan dah a, keini pawh kan haw a." a ti a, pakhat leh zawk chuan, "Chubakah an mahni kha Hyderabad mi an nia, students pawh annilo, an inchhir thu an sawi a, ngaihdam te an dil a." a lo ti ve bawk a. Pakhat leh chuan, "Mi awmtha duhlo leh inla pa ve satliah mai annia, tualthah phei chu an ngam teuhlo mai." a ti a, Nathana chuan, "Um..a tha e, ka lawm e." a ti a, an hna theuh thawk leh turin an kalsawn ta hlawm a.

Tlaiah chuan kan ban pah a an ina kal turin Pu Raj-a chuan Nathana nena min sawm avang chuan kan va kal ta a, Pu Raj-a chuan, "Englo ania, Nathan...he tualthattu pa hi kan man angai ani. Ka fanu RAni a thah vanga sawi ka nilo, hmeichhe awmnem zawk te pawngsuala rawng taka thattu hi he khawvel khawi emaw laiah chuan zalen takin a leng vel tihna a nia, ka awm mai mai theilo a ni, kan man ngei angai." a ti a, Nathana chuan, "Tehreng mai, kan man em em ang Sir." a ti a. Raj-a chuan, "New York ah ka cousin hian in a nei a, amah phei chu a thi tawh nghe nghe a, chu in chu ka kutah a dah a, chutah chuan kan kal anga, kan awmhlen tawh ang. Naktuk hian kan kal nghal ang, ticket pawh ka la vek tawh ani, US ah hian doctor hna thawh hi ka fanu khan a chak em em thin a, kan kal ngei tur thu t pawh ka hrilh thin. Mahse, atelloa kan kal tur erawh hi chu a hrehawm ka ti a ni." a ti a, Nathana chuan, "Awle Sir, New York ah chuan nunbul in zu tan anga, lungngaia indawm kun renglovin un thar nen a bul atangin engkim theihnghilhin in awm tawh dawnnia." a ti a, tichuan kan inmangtha a, kan haw ta a. Tualthattu chhuichhuah tum chuan thla engemaw zat chu Andhra ah chuan kan awm ta chu ania, mahse chhuichhuah chu sawiloh, rinhlelh tur pawh kan hrelo chu a nia. Tlaikhat chu Nathana nena kan inluah ah chuan zanriah kan kil dun a.

"Sir, tualthattu hi amah chauhin nge ni a irin a, puitu a nei zawk?

"Ka hrethiam biklo, mahse mi hurherh ve tak chu ani, a pawngsual a, chumi hnuah a that a. Mi nunrawng tak a ni bawk, a that mai nilovin a kutzungtang a tan sak a, an inah ngei a va khai ngam bawk a."

"Ahmaa Pu Raj-a sawi, RAni chhaihtu tlangval te kha keichu ka ringhlel tlat."

"Ani ve thei tho a, mahse kum 2 lai aliam tawh a, chubakah chutiang ti ngam annih ka ring chiahlo."

Kan inbiak lai chuan Nathana phone a rawn ri a, Andhra Pradesh Police DGP alo ni a, "Hello Sir, enge ni ta?" a ti a, DGP chuan, "Thu lawmawm loh tak a ni, Pu Anand Raj leh anupui chu nizan khan thah anni a, New York Police ten min rawn hrilh a." a ti ta mai a, Nathana nen chuan kan thu hriat chuan min thawng dun hle mai. Nathana chu a maimitchhing vang vang a, "Engtik hun vel nge?" a ti a, DGP chuan, "Vawiin tlai dar 5 vel khan ka hre chauh a, nizan a thleng daih tawh a nia, zan dar 11 leh chanve vela thleng a ni awm e." a rawn ti a, Nathana chuan, "Kan lo kal phawt ange." a ti a phone a dah a, DGP hmu tur chuan rang takin Station lam chu kan pan dun ta a. DGP chuan, "Pu Raj-a chu vuakhlum a ni a, a nupui chu a hrawka zai a ni, amak ka ti khawp mai. Nathan, engtin nge a thlen theih? Thla 1 leh a chanve vel chauh kal ta khan an fanu a thi a, tunah an mahni an thi leh a, enge awmzia ni ang?" a ti a, Nathana chuan, "Keipawn ka hrethiamlo ka pu, engemaw chu inzawmna a awm ani. Rani kha chu Madurawa khua ah thah a ni a, mahse a nu leh pa te hi chu New York ah daih an awm a, chhungte an neilo a, an in awmna pawh a cousin te in a ni a, a cousin phei chu a thi tawh nghe nghe a, amak ka ti." a ti a. DGP chuan, "New York Police te nen nichin khan kan inbe leh a, Pu Andersona chuan chu case chu a buaipui dawn a, amah chu investigator a ni." a ti a. Nathana chuan, "Sir, Pu RAj-a hi ka thianpa a ni a, ka u ang mai hian ka en a, a mah thattu chhuichhuah hi chu ka hna a ni in ka hria, alakah hian bat tam tak ka nei in ka hria a ni. Engtin emaw tal New York a kaldan chu min ngaihtuah pui teh, khawngaihin Sir.." a ti a. DGP chuan, "Umm...anih chuan New York lama transfer tur che in post ka lo siam anga, Indian Police Service aiawh in i zu kal dawn tihna nih chu, mahse nangmah chauhin i kal angai ang." a ti ta a, tichuan kan haw ta a. Inah chuan keichuan, "Sir, nangmahin maw i kal dawn?" ka ti a, Nathana chuan, "Angai alawm, nangchu Mizoram lamah haw chho la, hna tamtak ila neih kha." a ti a, ka lungawi vak lo hle mai. DGP chuan a rawn phone a, "Nathan, Home Minister hnen atangin phalna ka la tawh a, New York Police lam pawh ka bia a, Airport ah anlo hmuak dawn che a, i kalna man tur pawh kan tumsak ang che. Ticket pawh naktuk zingah kan la fel thei ang, naktuk chhun dar 1 ah Airport ah rawn thleng ang che, naktuk atanga i kal angai dawn a, zanin ah engkim peih sa vek la, insiam lawk ang che." a rawn ti a, tichuan kan inpack ta a. Nathana chuan, "Rina, nangpawh haw tawh mai rawh, ka tello chuan tawng i thiam ve silo, Mizoram lamah han haw la, Amandai pawh alo haw tawh kha, tha takin hna inthawk dun dawnnia." a ti a, keipawh chu ka in pack ve nghal ta a. Atukah chuan airport chu kan pan a, Nathana chu New York lam pan tur chuan kan thlah liam ta a, chutih rual chuan keipawh Mizoram lam a haw chho tur chuan ka in buatsaih ve ta a.

(DCP Nathan Malsawmkima'n New York-a Indian Police Service aiawha a hnathawh chu eng tin zel nge a kalpui, a zu hlawhtling em? Chubakah a nupui Sanvi pawh kha enge a chanchin, ala dam tak tak em? Chumi zawng zawng chanchin chu amah Nathana sawi ngei ina a sawi chu i lo ngaithla ang u)

New York chu ka thleng ta a, Hotel Rennaisance ah chuan ka thleng a. Ka room chu a chhawng 5 naah a awm a, tichuan ka inbual fai a, mutthilh ka tum ta a. Mahse ka muhil thei ngang lo a, pawn boruak thlifim dawng tura ka chhuak chiah chu verandah ah chuan hmeichhe pakhat hi hnuailam kawngpui en reng chunga alo ding hi ka hmu a. Ka thawm a hriat veleh chuan a rawn hawi a, a mittui a tla a, rilru hah hmel tak hi a pu a. A hmel atang chuan mizo a ang hle mai, anihloh pawn naga emaw manipuri emaw tal ani ngei ang, ahmel lah chu a chhe hran lo, ft 5'5 vela sang a ni a, a sam a kir deuh a, a sei angreng hle bawk. Min hmu chiah chu zah hmel deuh hian a room ah a lut a, ka room dawt chiah a ni lehnghal. A dinna hnuah chuan ka va kal a, hnuailam chu ka bih ve a, kawngpui chu a lang chiang hle mai, mahse a san em avang chuan ka mawng a za vek thei, inthah a tum emawni chu aw tiin ka ngaihtuah neuh neuh a, tichuan keipawh chu ka roomah ka lut a, ka mu ve nghal mai a. Ka mumangah chuan nichina ka hmeichhe hmuh nu kha inchung atanga azuangthla lai hi kalo hmu a, ka harh zawk mai a. Ka room lehlama phone ri chu ka hre thei a, mahse a lak har em avang chuan ka ngaih a tha lo a, ka tho a, pawnah ka chhuak a. Chunu room kawngkhar bulah chuan ka ding a, kik ka tum a, mahse ka ngam chiah silo. Ka ngaih atha ngang lo a, mualpho leh mualpho tiin kawngkhar chu ka su hawng ta ringawt a. Rang takin ka va lut phei chu a khumah chuan amah leh amah inthah tum tih hriat tak hian sarang in a lu a lo tuam a, a hrawkah hruiin alo vet a. Rangtakin a lu tuamna sarang chu ka laksak a, amah pawh chuan min hlauh hmel tak hian min en reng a, lehlam a hawi a, a tap ta char char mai a. Minute 3 vel lai ngawi renga kan awmdun hnu chuan a bulah ka va thu a, "Mizo i ni em?" ka ti ringawt a, chunu chuan, "Aw ni e.." a lo ti hlauh mai a, mizo alo ni ve reng chu niin. Chibai pah chuan, "Nathan Malsawmkima ka nia.." ka ti a, chunu chuan, "Zomuanpuii.." a ti ringawt a.

"Ngatinge kha tia i awm a?"

"Ka hrelo, i hre duh ami?"

"Umm"

"Diktak chuan lo kal lo ta la, thil thleng tur chu i hria tiraw? Kha sangrang ka lu a ka tuam kha ka duh chuan ka la sawn thei reng a, mahse engtia rei nge ka tuar theih kha ka hre duh hrim hrim a ni."

"Vawikhat mah ti tawh suh aw....i hria em?"

"Awle."

"Kawngkhar hi naktukah repair a ngai tiin Receptionah i sawi dawnnia, muttui le."

"Nangpawh muttui."

Roomah chuan ka luhsan a, ka muhil ve thei ta hram a. Atukah chuan ka hna thawk tur chuan ka chhuak ta a, NEw York Police Station ah chuan Investigator Mr. Anderson hmu tur chuan ka kal a, duty te ho bulah chuan ka insawi a, tichuan Anderson-a chu a office ah chuan ka va hmu a. Minlo hmu chiah chu, "Hello, Nathana maw i nih?" a ti a, keichuan, "Aw ni e...chibai le." ka ti a. Morgue (ruang dahkhawmna) ah chuan min hruai a, Pu Raj-a te nupa ruang chu min hmuhtir a, hmuh a hrehawm ngei mai. Andersona chuan, "He thil hi Pu Raj-a te kawngkhar bulah kan chhar a, thisen leh sahbawn tlem a kai bawk a, tiang hi Rudraksha in ti tiraw?" tih pahin Rudraksha (vai ho ina an awrh thin, necklace ang lampang) chu a rawn phawrh a, keichuan, "Umm..anih hi, Indian mi kan zawn a ngai anih hi." ka ti a. Pu Raj-a te in lampan chuan kan kal a, gate alo awm thlap lehnghal a. In kan thlen chuan Andersona chuan, "Helai hi ania, Pu RAj-a te in chu." a ti a, inchhungah chuan kan lut a, thisen lo baw nuai te chu tihfai alo la nilova. Andersona chuan, "Tualthattu hi hnunglam atangin tukverh tichhia in alo lut a, Pu Raj-a chuan a thawm hria in enfiah tumin step ah a rawn chhuk a, hnunglam atangin baseball bat in Pu Raj-a tukhumah hian a vua a, Pu Raj-a chu khawngkharah hian na takin a intauh ta ni, hei en la.." tih pahin kawngkhar chu a kawk a, thisen a lo kai nuai a, Andersona chuan inchungah min chhohpui a, roomah kan lut a, "A nupui erawh hi chu khuma a mu lai a hrawkah a zai a ni." a ti leh a, bedsheet leh lukhama thisen pawh hmuh tur a la awm a. Pawnah kan chhuak leh a, Andersona bawk chuan, "Misual hian an in hungna pal a ti chhia a, tichuan a lut theih chauh a ni, chuan pawnah hian meizial bung a tam hle a, a awmzia chu rei tak chhung chu an in hi a thlithlai tihna a ni." a ti leh bawk a. Tichuan tualthahna thlendan vel te chu nileng chuan kan han chhui a, reiloteah zan alo ni der mai, ka haw ta a. Ka room lam ka pan chu ka room bul chiah ami Muanpuii pawh a lo haw ve chiah hi alo nia. Mahse ka room lam zawk chu apan a, chahbi a phawrh lai chuan, "I tha maw?" ka va ti a, a phu zuk a, "Aw..ka tha e." a ti mai a. Keichuan nui deuh chung chuan, "I room i sawn ami?" ka ti a, Muani chuan, "Aih..tinge?" a ti hu a, keichuan, "Kha chu ka room ania, i room chu helam hi niin ka hre sia." ka ti a, a nui vur vur a,. "AWi, tihpalh aw, sorry." a ti a, zah hmel tak hian a lut a. Keipawh chu mut pah chuan kei mah leh keimah ka inbe char char a, RAni kha Madurawa, Andhra Pradesh ah a thi a, anu leh pate erawh New Jersey, New York ah an thi daih thung. Rani kha chu phum ani a, anu leh pate erawh phum annilo. Rani leh Pu Raj-a te nupa thattu hi mipakhat an ni tih chu ka ring tlat a, chutia inngaihtuah reng chung chuan ka muhil ve thei ta a.

A tukah chuan ka insiam a, ka chhuak chiah chu Muanpuii pawh a lo chhuak ve chiah a. Min nuih chung chuan, "Good Morning." a ti a, keichuan, "Morning, breakfast i ei tawh em?" ka ti a, Muanpuii chuan, "Aih, an thil siam hi a American leh lutuk a, tui ka tilo. Tlema Indian food deuh an siamna a awm a, tah chuan ka ei ang." a ti a, keichuan, "Anih chuan keipawh chutah chuan ka ei ve mai ang, kaldun ila." ka ti a, tichuan kan kaldun ta a. REstaurant ah chuan tukthuan ei pah chuan kan titi dun a..

"Nathan, eng hna nge i thawh a?"

"Deputy Comissioner of Police...Crime BRanch..New York ah hian investigation tihtur ka nei a, Indian Police Service aiawhin ka rawn zin a nih hi."

"Animaw?"

"Tinge, Police ka anglo viau mi?"

"Haha nilove, vawikhat mah Police hi ka la kawm ngai miahlo a, helai hmunah pawh, khami hmun ah pawh khan."

"Umm...anih chu."

"Engtin nge i hriat a? Ka sawi awmzia chu..hmanzan khan, ka awmdan kha, engtin nge i hriat a?"

"Corridor-a i awm ka hmuh khan, i tap nasa hle tih ka hmu thei a. Ka rooma ka let leh pawh khan ka mitthla in ka hmu reng che a, thil thalo a am tlat ni khan ka hria a, chuvang ania."

"Wow...haha, anih chuan i fing hle mai."

"Ka lawm e."

"Englo ania, thla 9 chhung tehmeuh ka pasal nen hlim takin kan awm a, mahse ngaihzawng dang a lo nei a, min hmangaih ngailoh thu leh min hmangaih angin alang mai mai thin tih thu min hrilh a. Ka rilru ana emem a, atawpah chuan min hnawtchhuak a, kan inthen ang chu ani ta mai a, ka chhungten min khawngaih a, vanneihthlak takin ka patea, New York-a hnathawk a awm chuan hna min hmuhsak tur thu a sawi a, tichuan hetah hian kalo kal ta ani. Engkim theihnghilh ka duh a, mahse hmanzan kha chuan ka tawt up up a, ahrehawm ka ti em a, khatiang thil atthlak kha ka tih phah ta a ni."

"Muanpui, engkim mion hrilh vek angai kherlo ania."

"Mahse ka hrilh duh che a lawm, a chhan ka hre biklo. Ka ruak a, ka mal ngawih ngawih a, mahse hei tunah chuan thian tha ka tawng hlauh che a, ka zia sawtin ka hria, ka lawm e aw."

"Awle...kan eizo tawh bawka, kan kal dawn mi."

"Awle."

Stationa ka let leh chu Andersona chuan, "Nathan, lo kal teh, ka thil hmuh hi mak i ti viau ang." tih pah chuan thlalak min en tir a, vai nula pakhat thlalak a ni. Andersona chuan, "Kum 22 mi Chandana-i, medical college student chu kum 2 kal ta khan Princeton, New Jersey ah a bo a, tunthlengin hmuh ala nilo. Chuan hmanni deuh khan a bialpa car chhungah he thil hi hmuh a ni." tih pah chuan car darthlalang hmaa kutzung chal inkhai thlalak hi min hmuh a, Rani thattu tho kha ani tih ka chiang nghal a. Andersona chuan, "A kutzung chal hi a bialpa car darthlalang hmaah khai a ni a, Rani thihdan nen khan a in ang chiah a ni." a ti a. Pawnah ka chhuak a, Andhra DGP chu ka phone a, "Sir, tualthattu hi Indian mi a ni. Rani case nen khan danglamna a awmlo, chuan victim pawh hi Indian tho a ni. MEdical College student a ni a, kum 2 lai a bo tawh a, mahse hmanni khan a bialpa car hmaah a kutzung chal hi khai a ni a, New Jersey ah a nia, chuan chunu hming chu Chandana-i a ni. A chinchin chu ka hre thei mai ang, an college mate te, a chhungte leh a bialpa te pawh thu zawhfiah an ngai a, chumi tur chuan hma ka la mek e." ka ti a, tichuan chumi ni chu buai tak a hna kan thawh zawh chuan keipawh haw zai ka rel ve leh ta a. Ka rooma ka lut chu Muanpuii room atanga inhau thawm chu ka hre ta a, a pasal alo kal niu ngei tur a ni, an inhau nasa ngei mai. Mi nupa inkar a nih avangin inrawlh ka tum lem lo, mahse Muanpuii na tuar au thawm ka hre ta a, kut athlak ni ngei tur a ni, ka insum zo ta ngang lo, roomah chuan ka va lut ve ta a. A chhungah chuan Muanpuii leh mipa pakhat, kum 30-35 bawr vel, palian ve tak hi alo awm bawk a, "Engthil nge thleng a?" ka va ti a, chupa chuan pawr zet hian, "Hey, tunge i nih a?" minlo ti a. Keichuan, "Room lehlamah hian ka awm a, i bengchheng khawp mai, min tibuai ani. Manager bula report i duhloh chuan ngawi la, rak rak tawh suh." ka ti a. Chupa chuan min rawn pan pah chuan, "Eng a? I pawr ve mi a? Ka duh leh ka au anga ka duh leh ka bengchheng ang, ka tibuai che nih chuan duh leh 5 star hotel ah va thleng la ti nia." a ti pang pang a, ka mihring hlauh loh ber te zinga mi a la ni ngei ang, ve khanglang chuan. Muanpuii chuan, "Sawmte, ngawi rawh....Pu Nathan, min hrethiam rawh aw." a ti a, a tap pur a. Keichuan, "I tha maw, Muanpui." ka ti a, chupa chuan, "Eheu inlo inhre tawh vel maw?" a ti a, keichuan, "Ngaithla teh thianpa, henu hi kut i thlak a, i nu leh paten hmeichhe kutthlak loh tur tih hi an zirtir ngailo che a mi?" ka ti a, chupa chuan, "Muanpui, midang ilo tawng leh hman tawh amaw? Lerh lutuk....divorce paper hi sign la, hepa nen hian innei rawh u." a ti a, Keichuan thinrim tak hian, "Hey hey hey, i tawnghnem mah mah aw....police ka nih hi, Deputy Comissioner of Police, Mizoram...in inkarah inrawlh ka tumlo, mahse mipa zawkin hmeichhia a duhtawka kut athlak chu ka hmu theilo ani, ka buaina tur awmlo mahse ka duty ka tih angaih avangin kalo kal ani...i hria maw?" ka ti a, chupa chuan, "Ve khanglang a.." tih pah chuan min hnek a tum a, a kutah ka man sak a, ka elh vak mai a, ana ti chu a au vak a, Muanpuii chuan a rawn namsawn dawrh a, "Sawmte kal rawh...chhuak rawh, divorce paper hi dah la, ka sign em em ang, chu chu anilawmni i duh chu? Chhuak rawh." a ti a, chupa pawh chuan rum taka min melh chungin a chhuak ta a. Muanpuii chuan, "Pu Nathan ka tihpalh a ni." a ti a, keichuan, "Poi lo e, boruak a rit emai, pawnah coffee kan dawm dun lawk dawn mi?" ka ti a, ani pawh chuan a remti a, kan chhuak ta a.

"Pu Nathan.."

"Nathan...Nathan min ti la atawk mai."

"Aw anih leh Nathan, zanin kha tihpalh aw."

"Nilove...ka tihpalh zawk ani, in nupa inkarah ka lo inrawlh a, ka tihtur ani lo tih ka hre tho a, mahse kut athlak che tih ka hriat khan, ka thinrim lutuk kha ka insum zo lo a ni."

"Ahh...a pawilo, ka lawm zawk asin."

"Enge awmzia ni hrim hrim a?"

"Nia...inthenna lehkha rawn kengin sign tir min tum a, ka duhlo a, kut min thlak a nih kha, a bialnu thar nen inneih an tum a, mahse official takin kan la inthen silo a, chuvang chu mawle."

"Azia lo hle mai."

"Apawi lo...khatiang mihring kha chu hnaih leh ka duh tawhlo hrim hrim. Nihleh Nathan, nang nupui i nei tawh em?"

"Ka nei hman tep, kan inneih ni ah a thi a.."

"Oh...sorry, tihpalh."

"Aih apawi lo, kum 1 a tling tep tawh..a thihna a rei ve leh tawh a, ka ngai thin khawp mai."

"Anih chu...a van pawi ve aw."

"A tlai tawh sia ka haw tawh dawn mi, mu hahdam la a that ka ring."

"Ni e...kal ila."

A tuk zingah chuan Andersona nen chuan Chandana-i nu thu zawtfiah tur chuan kan kal a, Station atanga hla lo teah a ni. A nu chuan, "Ka hmuh hnuhnun ber kha chuan Hitesh-a (Chandana-i bialpa) nen kan in bulah hian an inbia a, chu zawng chu nimai. Kum 2 lai abo hnuah Hitesh-a car ah a kutzung chal alo inkhai leh a, chu chu ka thil hriat a nimai." a ti a, keichuan, "Nihleh, Hitesh-a chu i ringhlel em?" ka ti a, A nu chuan, "Aih, mifel tak ania, chutiang thil a ti lo ang." a ti a. Hitesh-a te inah kan kal leh a, Andersona chuan, "Nang leh Chandana-i hian thiktu emaw innei em?" a ti a, Hitesh-a chuan, "Neilo..chutiang a awmlo." tiin a lo chhang a, Keichuan, "Doctor tiraw i nih?" ka ti a, Hitesh-a chuan, "Aw ni e, Chandana-i nen hian college kan kaldun thin, Brooklyn Medical College ah.." a ti a, tichuan Andersona bulah chuan, "Anderson, Chandana-i an hmuh hnuhnunna ber an sawi ah khan kal lawk ang hmiang." ka ti a, chumi lam pan chuan kan kal ta a. A hmun chu kawng reh tak ani a, in pawh a awm mumal lo, Andersona chuan, "Helai hi a nia, he tah hian abo ni khan ke-a a kal lai an hmu a, an college mate ten, mahse an be zui lemlo a, ahnuah a bo thu an hre leh a, ahma pawh khan ploice ten helai hi chu an enfiah tawh, engmah an hmu lo." a ti a, keichuan, "A kutzungchal tan hun awm ang kha han sawi lehlawk teh." ka ti a, Andersona chuan, "Dar 9 vel, zanah." a ti a. Keichuan, "A awmzia chu Chandana-i hi kum 2 liamta khan an ru bo a, mahse an that nghal lo, a chhan chu a kutzung chal kha hmanni lawk khan an hmu a, kum 2 kalta ami chu nise a ruh chiah a awm tawh ang." ka ti a. Kan titi lai chuan kawng peng pakhatah NO ENTRY sign hi ka hmu a, thirlen hian a inhnug a, tichuan thir gate in an khar a, tala in a inkalh tlat bawk a, ka mit a la tlat a, ka va kal hnai a. Andersona chuan, "Khalai kha chu kum 10 chuang an khar tawh, engmah ringhlel duh suh, a chhungah khan building hlui a awm a, chubak chu engm,ah a awmlo, hnimhnah ro vel animai." a ti a, keichuan, "Kal hrim hrim ang." ka ti a, Andersona chuan, "A chilo, kan kal theilo, Tresspassing sign pawh a awm silo a, a chiloh." a ti tlat a, mahse kei chuan lungtum lain tala chu ka chhuchhia a, ka lut lui a, Andersona pawh chuan min rawn zui ve ta tho a. Ramhnuai deuh reuh hi a ni a, kan veikual zel a, buolding hlui lian tak leh compound zau tak hi alo awm bawk a, mahse a tuiek nasa tawh hlawm hle a. Kan veikual hrep hnuah chuan tuikhuah chungah chuan kan awm a, ka hawi thla a, ka enkual chuan hmun khata pangngang lung (maggots) lo awm khawm tel tel hi ka hmu a, a tam em em lehnghal. Ka zu chhuk thla a, Andersonan minlo zui zel a. Ka en vang vang a, Andersona chuan, "He lai hmun hi lai turin min duh tihna anilo ang chu tiraw?" a ti nung nung a, kei chuan nui chung chuan, "Umm..duh e." ka ti a. Phone a phawrh a, chulai hmun lai tur chuan mi a phone a, reiloteah mi pathum an lo thleng a, tichuan chulai hmun chu an lai khuar ta a.

Darkar chanve zet an laih hnu chuan hmeichhe bag an lai chhuak hlawl mai, mahse a chhungah engmah a awm lo. An han lai leh deuh a, thawk leh khatah thi rim chhe uih em em mai, sazu thi rim ai pawha rimchhia chu a rawn nam ta huk a, ka uak tuar lehnghal. A laitute zinga mi chuan, "Eheee....ruang hi pakhat chauh a awm lo, pali lai a awm anih hi." a ti a, ka zu en ve a, hmeichhe ruang tawih vek tawh pali lai alo awm a. Chumi ruang zingah chuan pakhat kutzung chal chu tan bun a ni a, Chandana-i ruang ngei a ni tih a chiang ta. Anderson-a chuan NYPD a call a, tichuan kan hmuhdan vel te chu kan sawi a, ruang pawh chu an buaipui ta a, tichuan keipawh chu khua a thim tawh avang chuan ka haw ta a. Ka haw pah chuan Andhra DGP ka phone a, "Sir, Chandana-i ruang chu kan hmu a, thla 2 vel kalta a thah a rin a ni, Rani thattu leh Pu Raj-a thattu leh Chandana-i thattu hi mipakhat thil tih vek ani. Rani kha a that phawt a, tichuan USA ah a kal leh a, Pu Raj-a te a that a. MAhse ahma daihin USA ah hian a lo awm tawh tihna ania, a chhan chu Chandana-i hi kum 2 kal ta a bo ania. Chuan ruangdang pathum te hi chu an thih huna in ang lo vek a, pakhat phei hi chu ruhro chauh a ni tawh. Ruang kan hmuhnaah khan tualthattu chu alo kal leh ngei dawn a, midang ruang dahtha leh turin. Chuvang chuan, khami hmunah khan police pahnih duty turin ka dah a ni. Chuan ka thil hrilh che hi Indian news ah lo la chhuah lo ula, achhan chu tualthattu hian a hriat chuan a tlanchhe leh anga, buaina a thleng hnem zawk ang." ka ti a, DGP chuan, "Atha e..brilliant." a ti a. Tichuan ka room ka thleng a, Muanpuii room chu ka en a, ka hmuchak tlat pek a. Kik ka tum chiah chu amah zawk chu room atang chuan a rawn chhuak a, min nuih seih pah chuan, "I rawn haw ang tlata hriatna ka nei a, chuvang chuan ka lo hawng a." a ti a, ka nui ringawt a. Amah bawk chuan, "Vawiin ah interview ka va nei a, ka tling a, thla leh atangin ka join dawn a." a ti a, keichuan, "Ka lawmpui a che." ka ti a, Muanpuii chuan, "Ka lawm e, chuan vawiin vek khan inthenna lehkha chu ka sign a, Sawmtea nen chuan kan inthen tak tak tawh e." a ti a, "Pawi ka ti khawp mai." ka ti a, mahse Muanpuii chuan, "Khai..nilove, ka lawm zawk asin, nimin thleng kha chuan ka thin a rim a, mahse tunah chuan ka zia tawh e. Ih...kalchhuahna tur i nei em?" a ti a, keichuan, "Nei maithei, mahse ka inbual phawt ang." ka ti a. Muanpuii chuan inthlahrun hmel tak hian, "Ihh...chumi hnuah tihtur i neihloh chuan zanin chu dinner ka show ang che. MAhse tihtur i neih chuan a pawi chuang lo." a ti a, ka nui a, "Tihtur chu ka ngah khawp mawi, mahse tun lawk khan ka tihtur ka cancel vek e." ka ti a, a lawm hmel hle mai. "Minute 20 minlo nghak la..kan chhuak dawn nia." ka ti a, ka luhsan a, ka inbual fai ta a.

Muanpuii nen chuan dinner kan ei dun a, ka eizawh chuan kan leng kual a, kan bazar a, kan titi dun a, ka nui a, kan inkawmngeih em em a. Chumi zan chuan New York khawpui chu kan fangkual nasa hle a, keipawh chuan nuam ka tih mai bakah ka veng hawk hian ka hria a, Muanpuii bula awm chu a nuam ka ti takzet. Dar 1:30 a ri tawh a, haw kan tum ve ta a, kan haw pah chuan kan titi dun a, Muanpuii chuan, "Police hna hi engtik atangin nge i thawh a?" min ti a, keichuan, "Mizoram atangin ka tan lo a, Hyderabad ah ka awm char char thin a, chuvang ania, Tamil leh Telugu tawng pawh mizo tawng ang maiin ka thiam alawm. Vizag ah SI hna ka thawk a, mahse ka fel vak lo a, khatih lai khan.." ka ti a, Muanpuii chuan, "Enge awmzia?" a ti a, keichuan, "Corrupt Police ka ni thin a.." ka ti a, mak tih hmel deuh hian min en a, "Awi, i hmel enin i fel hmel hmel nen, iva inhmehlo ve." min ti a, keipawh chuan, "Nia, mahse ka fel tawh alawm. Kum 22 chiah ka la ni a khatih hunlai kha chuan..." ka ti a. Muanpuii chuan, "Anih tak chu, taka...naktuk ah hian hmun dangah ka zin a ngai dawn a, ka hna tur vel avang khan, Hotel hi ka chhuahsan twah dawn." a ti a, keichuan, "Anih chu, keipawh sawi takah chuan committe a awm dawn a, naktuk ah hian ka thawhpuipa Andersona nen Washington DC-a FBI headquarter ah Press Meeting kan nei dawn a, ka kal angai a, Hotel hi ka chhuahsan ve angai alawm." ka ti a, kan inngai lawk hle tih chu kan inbiak dan atang chuan ka hre thei. Muanpuii chuan, "Ka ngai dawn che emai, mahse kan inhmu leh ang chu tiraw?" a ti a, keichuan, "Tehreng e, number pawh kan inpe tawh a, kan in be pawp reng thin dawnnia aw." ka ti a, tichuan kan haw ta a. A tuk zing atang chuan Muanpuii chu thawmhnaw ka pack pui a, a hnathawhna tur vel buaipui turin a zin angai si a, tichuan Airport ah chuan kan in thlah felta a, ka ngai dawn khawp mai. Kei pawh chu Station ah ka let a, Andersona nen chuan kan inhmu a, tichuan a private Jet chuan Washington DC lam chu kan pan ve ta a.

Meeting te chu kan han nei ta a, Andersona pawh chuan FBI ho bulah chuan min han fak vei luam bawk a, meeting kan zawh chuan kan thlawk let lehnghal mai a. Station-a kan let leh chu Officer pakhat chuan, "Hmeichhe ruang pali kan chharna bulah khan kan police duty te pahnih chu kahhlum an ni." a rawn ti ta mai a, a awmzia chu khami hmunah khan tualthattu chuan a mi thah dang taksa phum leh turin a va kal leh a, mahse duty te an lo awm tih a hriat avangin shootout a thleng ta a, kan police duty te chu a that a ni tih ka hre thei nghal a. Andersona nen chuan chumi zan chuan zankhua in computer hmaa thu in hna kan thawk a, suspect list ho chu Washington DC atang chuan FBI dept ho pawh chuan an rawn thawn a, chuta tang chuan kan thlifim leh a, a tawpah chuan rinhlelh zual mi 10 te chu kan thlangchhuak thei ta a. Andersona chuan, "Heng hi hi kan top ten suspect te an ni e, Trilock Malik, Ram Kumar, Ganesh, Parthasarady, Eshwar, Anand, Aditya, Sukumar leh Buchibabu te anni. Nathan, Indian ho hi in hming ava mak thei ve a.." a ti a, nuih pah chuan, "Nia, keipawn amak ka ti." ka ti ringawt a. Tichuan suspect ho address kan nei bawka, kan zawng kual a, mahse athen chu rinhlelh awmloh, anmahni thiltih anilo tih hriat tak tak te a ni. Atawpah chuan Eshwar leh Aditya chiah an bang ta a, mahse an address chu Brooklyn Medical COllege a ni daih mai a, kan va kal ta a. An principal bulah chuan kan han zawt a, an principal chuan, "Hria e, Eshwar hi chu Science student a nia, topper a ni ziah alawm. Chuan a thianpa Aditya nen hian an inkawm char char zel a, mahse hemi colleg ah hi chuan an lut tawh lo, an pass chhuak tawh." a ti a, keichuan, "An address i hria em?" ka ti a, Principal chuan, "Aw...hria e, Brooklyn ah, Spring Street, 16F.." a ti a, chumi hmunah chuan kan kal ta a. floor 3 na vel kan thleng a, 16F tih inziahna kawngkhar chu kan kik a, tuman min chhanglo. A chhung kan lut a, tumah an awmlo, bangah chuan notice board alo awm a, chutah chuan Aditya leh Eshwara thlalak niawm tak te, an graduation day-a an thlalak te chu alo intar a. Andersona chuan Wardrobe a hawng a, "Nathan lo kal teh." a ti a, ka va kal hnai a, a chhungah chuan surgical knife chi hrang hrang hi alo awm teuh mai a. Chutih lai tak chuan kawnka a rawn intlawh hawng thuai a, mipakhat hi alo lut a, silai chuan kan lamhawi chuan a rawn kap ta vak vak mai a, Andersona chuan a silai a phawrh hmanlo, a mitah tak chu pa chuan a kap a, thisen a per chhawk a, a thi der mai. Kei chu bang phenah ka zuang phei hman hlauh a, chupa chuan min la rawn kap vak vak a. Mahse a silaimu chu a zo der mai, chu veleh ka pan phei a, ka va tlawh siah mai a, bang deng dawt khawp hian ka tlawh a, tichuan ka theih patawp chuan ka sawisa ta a, a tawpah chuan nikhaw hrelovin a awm ta a. Andersona chu ka va en a, a thi chiang ngei mai. Chutih lai tak chuan ka hnung chu a rawn thip zawk mai a, lehlam ka hawi chu mipakhat hang lampang, samsei hnuang mai hian surgical knife chuan minlo tin a, tichuan ka pumah chuan min vit leh siah mai a, ana ngei mai, thisen a baw zawih zawih a. Ka theihpatawpa na in asam a ka tham a, ka khup chuan ka do a, a hnar ruh a tliak a ni ngei ang, a sawi bawi a, thisen a chhuak zawih zawih a, lehlam bang ngheng chuan a thu a, keipawh chu lehlam bang zawk ngheng chuan ka mu a, ka lu a hai tan, ka hmu fiah tawh lo. Chupa chuan abula silai chu a la a, min rawn tin a, mahse a mu alo awm lo a, thinrim zet hian, "Zawnga...he silai mai mai chuh." a ti a, keichuan ka lo nuih a, "Khawi...lo la rawh, kah dan kalo zirtir ang che." ka ti a, min ngei hmel hle mai. Ka lu chu a hai tawh em em a, ka zawi telh telh a, ka hliam lah chu ana em em mai lehnghal a. Chupa chuan, "Hmela...reilote hnuah i thi dawn...lung puncture i nei ania, ka vit thuk lutuk che. Khavang kha anih kha tunah pawh i lu ahai, i thisen a chhuak hnem tawh lutuk, i thi dawn." min ti pang pang a, keichuan, "Minute 10 hnuah Police an lo thleng thuai ang." ka ti a, chupa chuan, "Nia lo kal rawh se...mahse anlo la thleng chuanglo ani lawmni.." tihpah chuan silai chuan min kah a tum leh a, mahse a mu a awm silo. A thinrim lutuk chuan, "SHit...shit shit.." a ti vak vak a. Keichuan hmuhsit hmel zet hian ka lo nuih a, "Enge SHIT i tih vak vak a, i nu hming em ni?" ka ti a, a thinrim kher mai.

A ipte a zen a, syringe a phawrhchhuak a, damdawi a hip a, a injection pah chuan, "Pain Killer..ana lutuk." a ti a. A inchiu zawh chuan, "Madurawada venga Rani ruang i la chhuak kha ka hrai alawm. Helai thleng thlenga min rawn zawn ka ringlo asin, thah che hi ka tum reng a sin. Hotel Ressainance ah ami i awm khah? Thah che ka tum a, mahse ka thianpa hian min dang zawk a, khatah khan lo that law law che ila hetiang thilhi a thleng lo tur. Zawnga, min man chu inring suh, min man thei lo ang." a ti a. Keichuan, "Ve vak vak che chuan, Pathian amaw i inti em ni? Min man theilo ang te tih ve khanglang, tunah pawh hian min hneh dawn mi, lo kal ta che." ka ti a, a thinrim lutuk chuan a bula bag chhunga zu chuan min rawn vawm a, min vawm fuhlo, mahse a kehthem te chu ka hmaiah a lut a, a hrehawm ngei mai. Chupa chuan, "Aditya ka ni a, ka thianpa hi Eshwara a ni, tualthattu te chu keini hi kan ni. I hria em? I thianpa Police kha, Anandraj-a kha, a thih dawna thatlo tura min ngen nasat zia kha, mahse kan vawhlum thak a nih kha. A nupui lah kha, tar mah mah lo se chu ka thah hma khan ka pawngsual ang mawle..mahse ka duh talo a, ka that ta tawp a." a ti a, keichuan, "Engvangin nge i thah ve kher?" ka ti a. Aditya chuan, "Achhan chu maw, lo ngaithla rawh. Rani kha apa vangin a thi a, achhan chu apa khan kut min thlak a ni. Chuvang chuan kan that veleh a, anupui kha chu ka zuah bik nachhan tur a awm hlei nem. Kum 2 kalta khan college ah Rani chu ka fiam a, ahnute kan khawihsak a, chu chu a pa bulah a sawi a, apa in kan pahnih hian min sawisa hrep a, chumi hnuah jailah min dah a. Constable hovin min sawisa leh a, tichuan sakruak vekin min dah a, tuai KS pakhat (transgender) chu rawn hruai lutin chu tuai chuan aduhtawkin min khawih vel a, kan mualpho, ana kan ti...i hria em, min hmuhsit zia kha, chuvang chuan thih an phu a ni. Ahmasa berin US ah kan kal a, Chandana-i chu kan bum a, kan hrai rui a, tichuan kum 2 chhung tehmeuh kan kawl a, duh duh hunah sec kan hmanpui a. Mahse kum hnih a ral meuh chuan kan hne deuh ta a, kan that ta nih kha. Tichuan midang pawh chu ka bum zel a, kan thah hmain kan pawngsual zel a, tichuan a tawpah Rani that turin India ah kan let leh a, tichuan kan that ta a ni. Pu Raj-a te nupa USA ah an kal tih kan hriat khan kan kan zui ve nghal a, tichuan anni pawh chu kan that veleh ta a ni. Doctor ropui tak kan nih hi aw...doctors plus killers." a ti a, a nui vak vak a. A thianpa pawh chu a rawn harh a, Aditya chuan, "Eswar, kal ang, kan kal angai." a ti a, Eshwara chuan min rawn en a, sawpa saw that ang, kan kal hma in." a ti a, Aditya chuan, "Ni e...kan that ang." a ti a, ka bulah chuan zu dang a ah ho chu a rawn vawm keh leh vak vak a, tichuan a hal a, in chu a kang hluah hluah a, ka tang der mai. An chhuak ta daih a, ka mangang chu ka thi ngei dawn tih hre chungin tukverh atang chuan ka zuang thla ta a. Mahse vanneih thlak takin bawlhhlawh phur motor chungah ka tla hlauh mai a, abak engmah ka hre zui ta lo.

Ka harh leh chuan damdawiinah ka lo awm a, khumah ka lo mu a. Ka bulah chuan FBI agent pakhat hi alo kal a, "Ilo harh ta maw? A lawmawm e, tualthattu te kha kan hre tawh a, Andersona a thi erawh apawi takzet." a rawn ti a, keichuan, "In man em?" ka ti a, officer chuan, "Kan man hmanlo, JFK to Mumbai ticket kha an lo la hman a, an tlanbo hman a ni. Tichuan, CCTV footage atangin Mumbai train ah chuan an kal leh lo a, Hyderabad train zawk ah an kal a, khatih lai khan an mahni kha criminal ni tih tuman anlo hrelo a, zalen takin an awm theih phah a ni" a ti a, "Avan pawi ve aw." ka ti nung nung a, pofficer chuan, "Take care Sir." ati a, akal ta a. Ka awmna room chu private room a ni a, nurse pakhat hi alo lut a, "Sir Nathan, kantu i nei e." a ti a, Muanpuii alo lut a.

"Ehe..i va fel ve, engtin nge i hriat a?"

""News ah kalo hmu a, ka rawn thlawk haw nghal alawm. Chuan doctor in min hrilh a, i kutruh a khi a, i hnar ruh hi a diklo bawk a, i taksaah surgical knife in inches 3 laia thukin an vit bawk che a, i dam chhuak leh hi a mak khawp mai a ti a."

"Ni e..amak takzet."

"E chuan, hotel ah khan ka kal a, i room ah khan, engkim i thawmhnaw te ka pack sak vek che a, ka hotel thlenna ah ka dah ania aw."

"Aww...i van fel ka van lawm tak em."

"Chuan, ticket ka lak kep che a, Hyderabad ah i kal angai dawn tih kha ka hria a, mahse indim la, la che vut vut suh ang che aw."

"Ka lawm e, Muanpui."

Ni 3 hnu velah chuan airport lam pan chuan Muanpuii nen chuan kan kal a. Tiket kan va check tir zo chu Muanpuii chuan min ko a, "Ka ngai dawn khawp mai che...mangtha aw." a ti a, keichuan, "Chutin sawi mahta che, kan inhmu leh ang chu." ka ti a, mahse Muanpuii chu a kun a, a tap ta zawih zawih a, ka hrilhhai hle mai. A darah ka vuan a, "Tinge i tah a? Enge ni ta?" ka ti a, Muanpuii chuan mittui tla chungin ka mitah tak min en a, "Ka hmangaih che a ni, Nathan...nang hi, ka hmangaih takzet che a ni. Mahse kan pahnih a awmdun hi a remlo ani. A chhan chu maw...fanu ka nei tawh a, ka pasal khan min kalsan pawh nise pawi ka tilo, mahse ka fanu in pa tia koh tur anei dawnlo hi ka lungngai a ni. Nang ka tawng che a, reilote chhungin ka hmangaih che a, mahse min hmangaih let ve lo la ka ti zawk. Tunah hian kan pahnih hian helai hmunah hian kan tawp tur a ni, i tan chuan nuthlawi mai chauh ka ni a, kei aia tha i phu ani. Vawikhatmah hmuh leh che hi ka duh tawh lo, mangtha le, Nathan." a ti ta mai a, akal ta daih mai a. Ka rilru a nuamlo hle mai, Muanpuii chu mit khap leklo hian ka thlir zui vawng vawng a, ka khawngaih a ni. Mahse hun ka neih tlem tawh em avang chuan keipawh chu Hyderabad flight ah chuan ka chuang a, kan thlawk liam ta a. Hyderabad kan thleng chu Police meeting te neiin kan hna te chu kan thawk zung zung a, hahchawlhna hman pawh ka nei meuh lo. Ni 5 vel hnuah chuan zan khat chu ina ka am lai chuan phone call ka dawng a, ruang chhar thu a ni. Hmanhmawh takin ka insiam a, ka chhuak nghal a. Khawpui kawng chung lama highway pahnih awm, inkarah chuan ruang chu alo inkhai a, a hmel chu thisenin a bual hneh em avangin tunge ani tih a hriat theih loh thung a. Ka thinrim kher mai, Hyderabad ah lehzel pawh tual an that leh a, vin zet hian, "Enge in thlir thup a, ruang khi la thla ta che u." ka ti a, press mi te chuan zawhna minlo zawh an tum a, vin zet hian, "Hengho te hi buai lain lai in tinge hetah anlo kal ve? Kal ru...awmsawn ru.." ka ti a, ka nam vak vak hlawm a. Ruang chu ka en chiang a, Hyderabad constable Satish-a alo ni a, a kawr awmajh chuan thisen hian '2' tih hi alo in ziak a. Ka phone ka phawrh a, Station ka phone a, "Hello, ka in luahna ah khan chhungkaw dang tam tak an awm ve a, min thah tumin an kal maithei a, armed cops 5 vel ka thuin security turin va duty rawh se. Immidiately...tunah ka duh. Adress chu 63, Gandhi Street, Kukatpally." ka ti a. Phone ka dah chiah chu constable pakhat alo kal a, "Sir, fly over ah ruang pakhat kan chhar leh a, a kawr awmah chuan thisen in '1' tih a inziak." a rawn ti leh a, rang tak chuan chumi lam chu ka pan a. Ruang awmna chu kan thleng a, constable chuan, "Kumara ania, call taxi driver ani tih a ID card atangin kan hrethei a ni." a ti a. Keichuan, "Forensic lam bia la, lo buaipui rawh se." ka ti a. Motorah chuan lutin ka inluahna lam ka pan ta a. SI chuan minlo phone a, "Sir i inluahna chu kan thleng a, mahse security pakhat alo that hman a, i inluahna chengve chhungkua te chu an dam e. Chuan security kawrah hian thisen in '3' tih a inziak." a rawn ti a, keichuan, "Awle ka lo kal." ka ti a, ka phine ka dah a.

Reilote hnu chuan unknown number atangin phone call ka dawng leh a, "Hello tunge aw?" ka ti a, phone ami chuan, "Hello Nathan, Aditya ka ni e, engkim ka hrilh tawh ang che aw." a ti a, keichuan, "Sawi ta che Hmelchhepa." ka ti a. Aditya chuan, "Mawla, kei hi minla hrelo amaw? I hmangaih em em i nupui Sanvi kha ka kawl asin.." a ti thut mai le, amak ka ti a, ka lu a hai chhawk thei hialin ka hria. Vin tak chuan, "Engmaw i sawi a?" ka ti a, Aditya chuan, "Ni e...mak i ti ang. Sanvi hi kan college ah vawikhat film an rawn chang a, chuta tang chuan kei hian ka duh a, ka bem ta a. Min duhlo ve khanglang a, tichuan ka neih theihnan ruahmanna ka siam ta a ni. Sanvi chuan pasal hual Police a nei che tih ka hriat khan ka beidawng hman tep a, mahse vanneihthlak takin drug dealer pakhat Philip Thomas nen chuan kan inhmelthriat ta a, tichuan ani pawh chuan a hmelma lian ber i nih thu min hrilh a, tichuan inthurualin plan kan siam a, i nupui Sanvi kawng laklawha kidnap tute kha keimahni kan ni. Amah chauh chu kan zuah a, midang zawng chu kan kaphlum a, motor chawpin khamah kan peihthla ta anih kha. Sanvi chu kan man a, mahse a tlan chhuak a, a tlanchhuahna lamah a inchhuih a, a lu a sawh a, nikhaw hrelovin a awm a, kan in kan panpui hnuah coma in a awm tih kan hre ta a, Hyderabad hospital ah thla 6 chhung lai chu harh chhuak miahlovin ka nauten an enkawl a ni. A harh chhuah hunah hrehawm tak tuar a, ka duhtawka ka pawngsual hnua thah ka duh a vang chuan a harh chhuah hun ngei chu ka nghak ta ngar ngar a, mahse nang phiangsen hi i rawn lang leh si, ka thinrimna in a daih tawh lo. Nizan khan Hospital atangin ka la chhuak a, hei tunah hian ka motor hnungah hian a mu mek e. Inhnuhna hmun tur ka sawi ang, mahse nakin deuhah, lo kal ang che, anih loh chuan Sanvi hi ka pawngsual ang." a ti a, ka thinrim lutuk chu ka insum zo lo, "Hey Aditya..." ka ti vit tuar a, a aia vin zawk chuan Aditya chuan, "Yes that my name, you bastard." min la rawn tilet zui. Phone chu a dah daih a, rang tak chuan motor ka start a, ka tlan chhuak chiah chu bike pakhat chak taka lo tlan nen chuan kan in su bur a, a tlu tep nghe nghe a. Ka motor head light in a va en chuan Eshwara, Aditya partner kha alo ni a. Min hmu chiah chu a phu zuk a, a kekawr hnunga a hreite (Axe) pai chu a phawrh a, ka motor glass hma chu a rawn vawm a, mahse a vawm keh tlang lo hlauh a. Chak tak chuan bike chuan a tlan a, ka um a. Km khat vel lai kan inum hnu chuan kawng pengah a tlan a, a la accident zui. Chuveleh ka chhuk a, a ni pawh chu tho vatin ke in a tlanchhia a, ka um a. Building la sak zawh loh compound zau takah chuan a tlan phei a, tichuan rod sei zet chu a chhar a, a ding a, ka lam a rawn hawi a, "Hey DCP...ahma khan kan la khawihna tawk lo che a ni maw?" a rawn ti a, keichuan, "Aww..tunah pawh min khawihna tawk chuanglo ang." ka ti a, Eshwara chuan, "I nupui Sanvi kha Aditya'n a kawl tih i hria em?" a ti leh a, keichuan, "Hria hria hria, lo kal rawh.." ka ti a, a rawn tlan phei a, min rawn vuak a tum chu rod chu ka lo man a, akapah ka pet a, rod chu a thlauh a, tichuan ka sawisa leh ta hrep a. Ka motor bul thleng ka hnuk phei a, na takin ka hnek a, nikhaw hrelovin a awm ta. A kawr chu ka pawtthler a, amah phuarbeh nan ka hmang a, a hnungah chuan "ADITYA" tih hi tattoo alo la inchhu zui a.

Pawnah ka chhuak a, khua a var tep tawh a, Aditya chu ka phone a, "Hello.." ka ti a, Aditya chuan, "Ka hman hrihlo..nakinah ka lo bia ang che Hmela." a rawn ti a, keichuan, "Hmela, i thianpa Eshwara chu ka bulah a awm e." ka ti a. Aditya chuan, "Engmaw?" a rawn ti a, keichuan vin zet hian, "Ngaithla rawh, Sanvi kha i kut hmawr pawn khawih suh ang che, tereuhte a hliam a nih pawn i thianpa hi ka chan sawm vek ang. I promise you...Bastard." ka ti a. Aditya chuan, "Nathan Eshwara awm na chu ka hria, dawt min hrilh suh." a rawn ti a. Keichuan, "Hey, khawnge i awm, sawi la tichuan Eshwara chu ka pe ang che. I awih lo anih chuan thil ka hrilh ang che. Eshwara chuan a hnungah i hming hi tattoo a chhu a ni. In va tenawm ve a, mawngkawhur em ni innih a?" ka ti deuh ngat a, Aditya chu a thinrim kher mai, "Fuck you." a rawn ti vak vak a. Keichuan, "A tawk e, khawnge kan inhmuh ang?" ka ti a, a thinrim chu a au vak vak mai a. Ahnu deuhah chuan, "Nathan, Eshwara khan ka awmna a hria, lo kal rawh." a ti a. Eshwara chu ka beng tho a, "Khawnge i bialpa Aditya a awm?" ka ti a, Eswara chuan hlauh hmel tak hian, "Helai atanga km 3 ah hian building sak zawhloh tho a lo awm leh anga, chutah chuan." a ti a, rangtakin motor ka start a, ka kal ta a. A hmuin ka va thleng a, Eshwara chu motor atang chuan ka hnuk thla a, ka thingthit tir a, a samah chuan ka tham bet tlat a. Kan awmna atanga pen 20 vela hla ah chuan Aditya chu a rawn kal a, "Eshwar, engvangin nge khapa kha i in mantir a?" a ti a, Aditya bawk chuan, "Ka tihpalh Nathan, ka insum zolo a, Sanvi chu ka that a ni..nilo..a nung chungin ka phum zawk." a ti a. Ka thinrim ngei mai, "Engmaw i sawi a?" ka ti a, Aditya chuan, "Tihloh ka tum a, mahse ka tih angai a ni. Nathan, min kaltir mai rawh. Ka hnathawh hah zia hi i hria em? Thlantui nen ka bei asin, minchhuah anih chuan kei hi khawvela doctor tha ber ka ni anga, chuan Eshwara kha a dawttu a ni ang." a ti a, ka thinrim tawh leh mangang tawh chuan, "Ngawi rawh..khawnge Sanvi?" ka tia , Aditya chuan, "Ka sawi tawh kha, anung chungin ka phum." a ti a. Ka insum zo ta bik lo, "Anih chuan in thi ve nghal ang." tih pah in Eshwara lu chu ka thuai nawk a, a ruh a ri tuar a, a thi chiang ngei mai. Aditya chu rawn tlan pheiin a au vak vak a, "Nilo...Eshwarrrr..." tih pah chuan a hnunga hreite chu rawn phawrhin min rawn vawm a, mahse min vawm fuh lo. Hreite chu ka chhar a, Aditya chu a rawn dive a, a chalah tak chuan ka lo chek a, a thi ve nghal bawk a. KA thinrim chuan a awmah chuan vawi 10 chuang ka chek nawn vak vak a. Tichuan Sanvi zawng chuan ka kal kual ta chiam a. Mittui nen Sanvi chu ka au a, ka zawng a, mahse chhanna reng reng a awmlo. Ka beidawng tak zet, minute 15 vel ka zawn hnu chuan building sir a lei rawng dang deuh bik chu ka hmu a, a bulah chuan suahdur a awm a, chu suahdur ah chuan chumi lei rawng dang chu a kai luai a. Chuveleh rang zetin a bula cement a siam, mihring leng tawk vel chiah a khuar, rangva a lo inchhin chu ka hmu a, ka la sawn vat a. Leichu ka hai ta chiam a, Sanvi chu ka hmu ta. Ka mittui a tla a, a mitah te, a bengah te leh a hnar ah te chuan lei a lo khat vek a, "Sanvi, ka tihpalh aw..harh teh khawngaih takin harh teh." tiin ka sawi vak vak a, mahse a harh theilo, nunna a nei tawhlo tih a hriat em em a, a thaw tawh lo, tichuan Sanvi chu ka pawm vawng vawng a, nasa takin ka tap a.

******

(AFTER 2 MONTHS)

Nathana leh Sanvi te inneih zan a ni a, present te hawngin kan hlim tlang ngei mai. Ni e, mak inti maithei a, SAnvi kha thi angin Nathana khan a sawi a, a thilo a, alo la dam a, Police dangte lo thlengin Sanvi chu damdawiinah an hruai a, an chhan hman a ni. Nathana hian thi leh thilo pawh a hrehrang lo, a mawl a nia. Chutia kan awm lai chuan hmeichhe pakhat, hmeltha zet mai hi naute pawm chung chuan alo lut a, present a rawn keng bawk a. Nathana'an ahmuh chuan, "Ehee..Muanpui, ilo kal ve alaw?" a ti a, chunu chu Muanpuii, Nathana thiannu ngei kha a ni. Muanpuii chuan, "Nia, news ah in inneih tur thu hi kalo hmu a, New York atangin ka rawn pan vang vang che a, ka buai deuh nen zanah ka rawn nang hman ve chiah a, in inneih lai ka hmuh chak tehreng nen." a ti a, a nui a. Nathana chuan, "Naute hi?" a ti a, Muanpuii chuan, "Ka fanu ka sawi kha a nih hi, thla 8 a ni ve tawh."a ti a. Sanvi alo kalhnai a, "Ahmel tha hle mai." a ti a. Muanpuii chuan, "Hei hi maw Sanvi chu...i chanchin tamtak hi Nathana hian min hrilh thin a, in inhmu leh thei chu ka lawmpui che u." a ti a. Sanvi chuan chibai pah chuan, "Ka lawm e aw Muanpui, ka pasal ilo venhim a, ilo buaipui avangin, ka tan chuan vantirhkoh i ni ringwt alawm." a ti a, tichuan hlim tak chuan kan inkawm ho ta a.

THE END.