NATHAN (Epi-18)
NATHAN (Epi-18)
WHO KILLED HER?
(Kan vengah mitthi kan nei a, episode 17 ka post hnu ni 3 na velah khan a ni a, ka thianpa unaupa a ni a, khawhar inah te riakin ka buai em em a, ka zawm har phah ta a ni. Nimin lamah khan han zawh mai ka tum a, mahse nilengin curent a awmlo a, zanah ka zo hman ta silo a, vawiinah ka rawn post hman ta hram a nih hi.)
DGP Sangliana pawh a serious sawt hle mai a, a ni telin a ngaihtuahawm tawlh tawlh amaw tih mai tur a ni. Nathana chuan kan Stationah chuan a ai ala awh char char a, ka ngaihdanah phei chuan DGP ai mah pawh hian rorel hi a thiam nimai hian ka hria. Tuk khat Station ka thleng chu Nathana chuan a office ah min ko lut a, "Rinawm, hei..thingtlang ah kan zin a ngai dawn tlat mai." a ti ringawt a, keichuan, "Engvangin? Khawikhuaah?" ka ti a, Nathana chuan, "***** khuaah ania, Jeremy Lalhmingmawia, chumi khuaa mi chuan a bialnu Lalruatsangi chu a ru a, Ruatsangi hi an khuaa ka thianpa Rozuala tunu a ni a, an inruk zan chuan mi inkawtah an riah laiin a tuk zingah a bialnu hrawk chu chemtea zaina hnuhma alo awm a, rang takin Police te an ko a, damdawiinah Ruatsangi chu an dah a, Jeremy-a pawh an man nghal a ni awm a, chumi case buaipui tur chuan **** khuaa Police ten min rawn ngen a, kan pahnih bawk hian kan kal leh a ngaih hmel." a ti a. Keichuan, "A hmeichhia chu a la dam em?" ka ti a, Nathana chuan, "Aw la dam e...mahse doctor te chuan a daihrei an ring tawh lo, ventilator-in an thawk tir tawh mai mai a ni an ti a, an khua hi a hla reuh sia, an khua kan thlen hma pawn a thi hman maithei a ni." a ti a. Keichuan, "Tuathattu ah chuan Jeremy-a chu an puh deuh ber tihna mi?" ka ti a, Nathana chuan, "Aww....tunah pawh jail ah a la tang a, court a hruai hmabak ala ni a, mahse an sawi dan chuan a tuk zinga a bialnu thisen nena lo mu a hmuh chuan amah ber ber a mangang a, Police phone tu pawh amah an ti a, mahse tualthattu a rinhlelh ber chu amah lo chu an awm chuang silo a, ka hrethiam biklo." a ti a. Keichuan, "Engtik nge kan kal dawn a?" tiin ka zawt leh a, Nathana chuan, "Naktuk zingkarah kan chhuah nghal a ngai ang." a ti a. Tichuan chumi ni chuan nilengin chu thingtlang khuaa thil thleng chu Nathana nen kan sawi dun a, kei chuan a bialpa chu ka ringhlel nghal bur mai a, achhan chu Lalruatsangi nu leh pa te hian Jeremy-a hi an duh lo a, Jeremy-a hian a rukin a hmu thin a, mahse Ruatsangi chhungte chuan midang, an khuaa mi Engineer pakhat chu a pasal tur atan an ti tlat a, chumi vang chuan Jeremy-a hian a ru ta a, a hmangaih tak tak lo a, phuba lak nan thah a tum a, lem a chang kual vel anga, engemaw plan tha tak a nei a nih ka ring tlat a ni.
Atuk ah chuan zing dar 6 velah chuan chumi khua pan chuan Nathana nen chuan kan inphur liam ta a, darkar 10 chuang zet kan tlan hnuah chuan chu khua chu kan thleng ve ta hram e. Kan thlen ni chuan engmah kan buaipui hman hrih lo, kan chau hle a, kan thlen in te chu an fel phian a, chaw te eiin chumi zanah chuan hma takin kan mu a, ka chau deuh bawk aniang, ka muhil nghal mai a. Atukah chuan Nathana nen chuan kan hna thawk tan turin kan chhuak ta a, he khaw mite sawi dan chuan an khua police stationah hian, ACP,. DGP, DGP tih vel hi an awm lemlo a, a rank sang ber chu an PI pangngai hi ani mai a, roreltu chu an veng Minister leh politician te an ni leh mai. An PI chu Inspector Mike-a tiin an ko thin a, mi nunrawng leh sual zet mai, corrupt officer diktak ani an ti bawk. Stationah chuan kan va kal ta a, Inspector Mike-a an tih chu inla thu takin a lo thu a, dawhkanah a ke alo hlang vel a. Minlo hmu chiah chu ngaihnep hmel takin min lo melhrum a, Nathana chuan cell chhunga mi pakhat lo thu chu a hmu a, "Hepa hi tunge?" a ti a, Mike-a chuan, "Ruatsangi chunga thilthleng chungchanga rinhlelh te zinga mi anih kha, a phone a switch off a, a thiante pawh an tlan chhe vek hman a, amah hi kan man ta a ni." a ti a. Nathana chuan, "File min han pe teh." a ti a, Mike-a chuan a pe a. Nathana chuan file chu a han en vang vang a, "Attempt to murder case.....Ruatsangi bulah awm reng ta se Jeremy-a hi tualthattu ani tihna a ni thei angem? Khaw mipui zawng zawngin an inhmangaih zia an sawi reng a, an inru nghe nghe a, chungte chu i hre ve em? Misual kan man a pawimawh rual rual in, tihsual a nei nge neilo tih te pawh chhuichhuah a pawimawh asin...Jeremy-a chu rawn hruai teh u." a ti a, Mike-a chuan, "Engmah a sawi tha duh chuanglo.." a ti a, Nathana chuan vin zet hian, "I hriat duh apiang a hrilh che i ring ami? Rawn hruai rawh ka tih chuan rawn hruai la animai." a ti hrep a, Mike-a chuan rum zet hian a melh a, Jeremy-a chu ava hruai ta a. Jeremy-a chu tlangval hmeltha tak a ni, mahse chaw a ei mumal lo tih hriat tak hian a chauh hmel em em a, a tap nasa tih hriat tak hian a mit a sen rum a, a mutha lo tih hriat takin a mit a bui vek bawk. Constable pahnih te chuan an rawn hruai phei a, Nathana a hmu chu a hlauh hmel em em lehnghal a, a hmui te chu a ro em em bawk a. Nathana chuan a hmuh chuan a khawngaih hmel em em a, thinrim tak hian Inspector Mike-a chu a en a, "Mihring i ni ve lo mi? Thinlung i nei ve lo mi? Accused chauh ala nih saw, criminal a ni ngei em tih proof na pawh ala awm lo a, tikhawp sawn in sawisa in in hrem a maw?" a ti a, Mike-a chuan rum em em hian Nathana chu a melh a. Nathana bawk chuan, "Engzat thamna nge i lak a? Tunge pawisa pe che?" a ti chiah chu Mike-a chuan thinrim hmel deuh hian, "Hey, hei hi ka khua a ni a, ka Station a nih hi...buaina i nei anih chuan complaint na thehlut la ti nia." a ti a, NAthana chuan a pistol a phawrh a, Mike-a chalah a tin a, a kawrawmah a tham a, "Ruatsangi hi in khuaa ka thianpa tunu a ni a, keipawn hmu ngailo mah ila ka fanu ang chiahin ka ngai a, ka ngaihsak a ni. Tualthattu a tlanchhuah theihnan a pawisawilo i tawrh tir a nih vaih chuan maw...i thluak hi ka kap darh vek ang." a ti a, kan en thap hlawm a, Mike-a chu a tawng ngam tawhlo chiang ngei mai. Nathana chuan constable pakhat bulah chuan, "Jeremy-a kha doctor hnenah hruai rawh u." a ti a.
Darkar khat hnu velah chuan Jeremy-a unaunu leh a pasal an rawn lut a, ka bulah chuan a unaunu Siami chuan, "Ka pu, ka u hian tiang thil hi a ti lo ang, ka u hi ka hrechiang a, engtikah mah Ruatsangi hi a that lovang, a hmangaih lutuk a sin." a ti a, a pasal pawh chuan, "Ni e, keipawn ka u angin ka en a, hna te min hmuhsak a, an thawhna company ah pawh chairman ah min dah a, mi fel tak a ni." a lo ti ve bawk a. Nathana chuan, "Hemi khua mi in ni velo tiraw?" a ti a, Siami chuan, "Aw..ka pasal hi Champhai khua a ni a, Champhaiah kan awm." a ti a. Nathana chuan, "Keipawn Jeremy-a te inhmangaihna hi ka hre chiang lo a, engtia intawng nge min han hrilh teh u." a ti a. Siami chuan a sawi ta a....
*****
Jeremy-a te hi he khuaa mi hi an ni lo a, khawdang atanga rawn pem an ni. Tichuan an rawn pem ni chuan Ruatsangi nen hian an in tawng a, Ruatsangi hi an unau zingah a naupang ber a. An upa ber chu Tommy-a a ni a, a u chiah hi Jenny ani a, chuan a mah Ruatsangi hi a naupang ber a ni. Ruatsangi leh Jeremy-a chu intawngin an inkawm chho ta zel a, an in duh tawn ve ve bawk a, mahse an induh thu chu an la inhrilh mai lo thung. Ruatsangi nen chuan nitin mai chuan an inhmu a, an inkawm a, an chhungte pawn an duhpui ve khawp mai. Vawikhat chu Ruatsangi u Jenny chuan pasal a nei dawn a, an phur hlawm hle mai. An inneih hma zan chuan Ruatsangi leh Jeremy-a te chu inhmu turin Biakin bulah an kal a, Ruatsangi chu a thleng hmasa zawk a, darkar chanve zet a nghah meuh chuan dar 11 a pel ta a. A phone a, ala thei bawk silo a, diktak chuan hemi zan hian Ruatsangi hian a hmangaih thu Jeremy-a bulah hian sawi a tum a ni. Haw mai a tum lai tak chuan hmanhmawh em em in Jeremy-a chu a rawn tlan a, a hnungah chuan Ruatsangi u Jenny chuan a rawn zui a. Jenny chu Jeremy-a chuan a kai a, hmanhmawh takin a tlan pui a. Chuveleh an hnugah chuan Ruatsangi u mipa Tommy-a leh midang 10 vel chuan an rawn um a, Jeremy-a te hmaah chuan motor hi a rawn tlan a, a ding a, hmanhmawh takin an lut a, an tlan ta daih mai a, Ruatsangi mak ti lutuk chu ngawi rengin a ding a. Tommy-a ten an umphak tak siloah chuan an thinrim hmel khawp mai, Ruatsangi chuan Tommy-a thil awmzia a zawh chuan, "I thianpa hian a hmangaih ceh amaw ka lo ti a, mahse i u Jenny zawk alo duh a, Jenny inneih ni pawh naktuk mai ani tawh a, saw bumhmang Jeremy-a sawn a ru a nih saw." a ti ta mai a, Ruatsangi rilru na lutuk chu a tap vak vak mai a, har hle mahse Jeremy-a chu theihnghilh a tum ta a.
Thla 5 vel aliam hnu chuan Ruatsangi pawh chuan Jeremy-a chu a ngaihtuah ta reng bik lova, pasal neih ve zai te pawh rel a tum ta a. Ngaihzawng pakhat Freddy-a a nei ve a, an induh ve hle mai a, tichuan inneih lampang zai an rel ve dawn ta a. Freddy-a chu Politician fapa a ni a, inneih thuhla vel sawi khawmin Ruatsangi te inah chuan an leng khawm a. Freddy-a patea, Pu Khuma chuan Ruatsangi pa leh Tommy-a chu a hranaga biak lawk a duh thu a sawi a, tichuan roomah an chho a. Pu Khuma chuan, "Ihh...englo ania, Ruatsangi u Jenny kha mikhual rawn awmthar nen an inneih hma zanin an in ru tih kan lo hria a, alo let leh tawh lo ngei ang. Lo let leh ta pawh nise, in lo pawm duh hi ka ring tawh lo ani. Chuvang chuan in inhmun leh ro chang tur awm chhun chu in fanu naupang ber Ruasangi hi anih ka lo ring a." a ti a, Tommy-a leh apa chu an hmel atang chuan an ngaihdan anihloh hmel khawp mai. TOmmy-a pa chuan, "Nia...adik alawm" a lo ti a. Freddy-a patea chuan, "A awmzia chu, kan fapa Freddy-a ta nimai tur ani tihna aniang chu tiraw? Ih e....kan fanu ni mai tur Ruatsangi chanpual ni mahse, in boral hun nghah kher hi a tulna ka hrelo ani." a ti a, Tommy-a insum zolo chuan hnek tumin a kut a hum ruh a, "Zawnga.." a ti a, mahse a chet hmain apa chuan alo dang vat a, Freddy-a patea bawk chuan, "In pek theih tur zat chu min hrilh ula, in thih hnua min pek theih tur vel sawibuai ngailovin, kan lawm khawp ang. A him hrimin, election hnuhnung ber khan MP ni tur in i contest a, chuan i fapa Tommy-a pawh hi kan veng MLA ni turin a ti ve bawk a, mahse i fapa hi chu kan support loh avangin a tlinglo anih kha. Mahse kan political support hi chu he i fanu leh kan fapa inneihna tur nen a in zawm lo ania, mahse ka sawi nachhan chu, MLA inthlan awm leh hunah hian, kei hi ka tl ve dawn a ni." a ti a. Tommy-a thinrim chuan, "Hey...tunge i biakte hi min hrechiang em?" a ti a, Freddy-a patea chuan, "In chanchin engkim ka hriat hnuah ka lo kal ani. Chuvang chuan in pawisa leh on neih zawng zawng hi in fanu Ruatsangi kuta in hlan hi a apawimawh ber. Hetiang politics thil ah hi chuan, engpawh ni se, i pawm mai angai ani." a ti a, Tommy-a chuan, "Ka pa, enge he mihring hi ila biak reng a? Inneihna thu sawi turin nge anlo kal a, kan sum eizo turin?" a ti vin hlur a. Freddy-a patea chuan, "Bawiha, lo ngawi mai mai rawh. I pa hian ka thu hi ahnial lovang, a hnial ngam bawk heklo ang. I duh duh dan chuan i che dawnnia, kan lo en ang chu." chapo tak chuan a ti a, Tommy-a pa chu za lo takin a nui suk a, "I duh ang chuan thleng rawh se, ka fanu hlimna hi ka duh ber a ni." a ti a, Tommy-a chu a thinrim kher mai. Freddy-a patea chuan, "Anih chuan inneih chu keini pawn kan remti e." tih pah chuan sitting room lamah a chhuk a, Freddy-a pa bulah chuan, "Ka u, engkim a fel e, inneihna pawh an remti e." a ti a. Freddy-a leh Ruatsangi pawh chu an innuih a, anhlimdun hmel kher mai. Tichuan inneihna an remtih thu cu an puang ta a, an inbe fel ta a.
Chumi tlai chuan Freddy-a patea chu a driver nan an haw hrang a, motor chhungah chuan intithei takin a thiante a phone a, "Aw...an innei dawn ta e...ka tawng chak bawk a, ka sawi engkim chu an pawm thlap mai mawle...sum hlir ani tawh mai tunah chuan, kan hausa tawh viau ang. A tirah chuan an property atnagin 30% min pe phawt dawn niin ka hria a, an unaupa upa ber Tommy-a phei hi chu kan that anih phawt chuan an neih zawng zawng kan laksak vek thei animai. Awle...nihphawt le.." a ti a, phone chu a dah ta a. Chuveleh seat hnung atang chuan tu emawni hian hruiin Freddy-a patea hrawk chu a rawn rek thut mai a, a tal nasa em em a. Atawpah chuan chupa chuan Freddy-a patea chu a rek hlum ta a. Driver nen chuan chupa chu an innuih a, a awmzia chu chupa leh driver chu anlo inthurual tihna ani. Chupa chuan a phone a phawr a, Ruatsangi u Tommy-a chu a call a, "Boss...ka that tawh e." a ti a, Tommy-a chuan, "Ka politics nun atang hian ka kawng min dal tu chu in dahtha zel tur a ni, khang mimawl ho kha ka mamawh lo...in thawk tha e." a ti a phone chu a dah ta a. Chutih lai chuan Ruatsangi te thenawma tlangval pakhat, Puia chu hmanhmawh zetin Ruatsangi te inah chuan a kal a, Ruatsangi bulah chuan, "Ruatsang, Jeremy-a awmna ka hria...en rawh hei thlalak hi." tih pahin thlalak chu a pe a. Ruatsangi chuan thlalak chu a en a, Jeremy-a thlalak chu a hmu a, an khuaa a lo let leh tur thu leh business man hlawhtling tak leh college zirtirtu anih thu vel te chu a inziak a. Puia chuan, "Ruatsang, i duh duh sawi rawh. Ka that anih loh pawn, a nunna chu ka la dawn alawm. I chunga a thil tih hi a hmu let tur a ni." a ti pung pung a. Ruatsangi chuan, "I bike la chhuak la, kal ang hmanhmawhin." a ti a, hmanhmawh tak chuan an chhuak a. An thlalak hmuh atang chuan a address chu an hre thei a, chu college chhungah chuan Ruatsangi chu a lut tawp a. Class tin chu a en kual a, a tawpah chuan Jeremy-a class lo la mek chu a hmu a, a thinrim insum zolo chu a va lut a. Jeremy-a chuan an zirlai chu alo explain mawlh mawlh lai chuan Ruatsangi chuan, "Hey...nang kha, ka unaunu Jenny chugnah khan engthil nge i tih a? An inneih hma zan lawkah i ru chhuak a, an chhungte ngaihdan tur i dawn pha miah nange? Khami ni a ka nutei mangan zia kha i hria em? Mi tha tak ni turin ka lo ngai che a.." a sawi zawh hma chuan Jeremy-a chuan, "Minlo zui rawh.." a ti ringawt a. Jeremy-a chuan bike a la chhuak a, Ruatsangi chu chumi college atanga km 7 vel laia hla ah chuan a kalpui ta a. In pakhat an thleng a, Jeremy-a chuan, "Enrawh...saw.." a ti a. Ruatsangi'n a thil hmuh chu mak a ti hle mai, a u Jenny bialpa hlui ni thin Francis-a nu leh pa hlim taka an lo inbia chu a hmu a. Jeremy-a chuan, "Ila hria em? Francis-a hi i nu leh paten Jenny nei tura an rawn dil khan, an retheih vang leh an hniam em avangin an lo hnar a nih kha. Jenny hmangaih ber chu a pasla tura i chhungte thlan nilovin Francisa zawk hi a ni. Tikhan kan khua zawng zawng khan an en hrang ta a, khavang khan he khuaah hian an insawn ta a ni. Zawi zawiin an in din chho ve zel a, an duh ber chu an fapa hlimna a ni. Enteh....Jenny hian fa a neih veleh in bulah alo let leh anga, i pa te pawn an ngaidam anga, engkim a ffel leh em em ang.Heng huatna te, in elrelna te, in hmuhsitna te hi kumkhaw daih ani hlenem. Kumkhawdaih awmchhun chu, hmangaihna chauh hi a ni a sin, Ruatsang. I pa rilru buaina ber chu a duhtak makpa a hmu theilo hi a ni a, mahse buaina ber zawk chu, i u Jenny hian a duh tak pasal a neilo tur zawk hi a ni. Chuvang chuan i u Jenny hi ka nau ang chiahin ka en a, engkim tuar huamin a thil min ngen chu ka tih hlawhtlinsak ta a ni. I awihlo a nih chuan i u Jenny hi zawt mai rawh." a ti a, Ruatsangi pawh chuan mak a tihhmel hle mai.
Jeremy-a chuan Jenny chu a call a, "Hello Jenny,hei...i nau Ruatsangin a be duh che a." a ti a, Ruatsangi chu phone a pe a, "Hello..U Jenny..Enge awmzia?" a ti a, Jenny chuan, "Awii...Ruatsang, ka tihpalh aw, ka phone ngam ngailo che a, mahse Jeremy-a i bulah a awm a, ka huaisawtin ka hria." a ti a, Ruatsangi chuan, "Ka hrethiamlo....enge thil zawmzia?" a ti a. Jenny chuan, "Ihmaw, khami zan khan Jeremy-a khan min ru lo, min pui zawk a ni. Nangpawn i hriat kha, Francisa ka hmangaih zia te chu, mahse ka pa khan a duh silo a, khati khawp khan kan ina anlo len pawn a lo hnauichhiah a nia. Kan khuaa vengtin leh mitinin khatia Francisa te chhungkua kan hmusit kha an hria a, an zak em em a, hrehawm an ti asin. Chuvang chuan Francisa lo chu ka duh silo a, Jeremy-a hi kan chanchin engkim ka hrilh ta a, min pui turin ka ngen a. Ka ngen ni khan maw,. a rilru a insual buai nasa asin, Kan hrilh ve che chuan i remti awm siloa, mahse Jeremy-a hian a nau ang chiaha min hmangaih avangin engkim tuar huamin min pui ta a ni. Ruatsang, a hmangaih lutuk che asin, a sawi reng zel che, mi fel tak a ni." a ti a, Ruatsangi pawh chu a rilru a inthlak hlawk amaw tih mai turin a hmel chu a danglam a, Jeremy-a chu a en ngawih ngawih mai a. Phone an dah chiah chu Jeremy-a chuan, "Tikhan i hlim tawh em?" a ti a, Ruatsangi chuan mittui tla chungin, "Umm.." tih ringawt hian a chhang a. Chumi zan chuan Jeremy-a chu Ruatsangi te inah chuan ava leng a, engkim Ruatsangi nena an inhmangaih thu chu a puang ta vek mai a. Ruatsangi u TOmmy-a chuan khawih nghal a tum titih deuh mai a, mahse a pa chuan alo dang a. Ruatsangi pa chuan, "Enteh bawiha, kan chunga i thiltih kha keini chuan a na kan ti a, mahse i sawi dik ve tho mai. Kan fanu i ru chhuak a, kan phalloh ber mai Francisa i neih tir a, mahse kan fanu hlimna anih chuan ka la hrethiam e. Mahse tunah nangin kan fanu neih min rawn dil leh a, kan neihhhun a ni a, chubakah midang neninnei turin kan lo hual lawk tawh si a, tihngaihna avang khawp mai." a ti a. Ruatsangi chuan, "Pa..Jeremy-a hi ka hmangaih em em a, i duh apiang sawi la, ka ti ang. Mahse Jeremy-a ka neih theihna tur a nih pawht chuan, engkim i sawi apiang ka ti ang." a ti a. Apa chuan, "Engkim i ti ang maw?" a ti a, Ruatsangi chuan alu a bu nghauh a. Apa chuan, "Anih leh ni 40 chhung Jeremy-a nen hian in inbe tur a nilo, kan buai dawn a, engkim abul atangin kan tih leh vek angai dawn a. Chubakah Ruatsangi pasal turte chhungte kan biak leh angai awm sia, chuvang chuan ni 40 chhung chu in inhmuh loh angai. Chumi zawhah chuan in inneihna tur zawng zawng ka buaipui ang." a ti a, Jeremy-a leh Ruatsangi chu an in en a, Ruatsangi chuan Jeremy-a chu a va en a, mahse JEremy-a chuan a lu alo thing a, achhan chu Jeremy-a hian Ruatsangi pa thil plan leh amah an hnawhbo na kawng a zawng mai mai tih a hriatlawk vang a ni. MAhse Ruatsangi chuan, "Awle ka pa..ka pawm e." a ti ta mai a. Jeremy-a chu a thinrim hle mai, lungawiloh hmel tak chuan a chhuak ta a.
******
Siami (Jeremy-a nau) chuan, "Sir, chu zawng chu a nimai ka hriat chu, abak chu ka hre tawh lo, engtin nge an pahnih hian an inhmuh leh ka hre tawh lo, phone chuan an inbe zeuh zeuh tih chu ka hria." a ti a. Nathana chu a ngawi vang vang a, "Ummm...an pahnih hian an inhmangaih hle tih a hriat a, a chhungten ni 40 lai inhmulo tura an tih chung pawn, abak buaina a awm talo a, tuin nge an pahnih hian tibuai ta ang le? Tibuaitu chu an nei a ni..min chhang thei tu tur chu Ruatsangi chauh a ni." a ti a. Phone arawn ri a, constable chuan a chhang a, chuveleh ring zet hian, "Sir, Ruatsangi a thi an ti nia." a rawn ti ta mai a. Nathana chuan, "Enga..khawimaw phoen kha?" a ti a, phone atang chuan doctor chuan, "Minute 5 lai aliam tawh, a thih hma khan paper min dil a ni, chumi paper ah chuan 635 tih a ziak a, chuan a chatthla nghal a." a ti a. Chu veleh Jeremy-a chu a rawn au vak vak a, "Nilo...athi theilo...Ruatsang, Ruatsang...nilo." tiin a rawn tap vak vak mai a, Nathana chuan alo en reng a, Jeremy-a chu kan lo dang a. Doctor chuan a chiu muhil ,a, custody ah chuan kan dah a. Nathana chuan, "Ngaithla rawh u, ASP Rina hian a kaihruai che u anga, he khuaa motor number zawng zawng 635 tih inziak zawng zawng leh House number-a 635 tih inziak zawng zawng kha ka orderin va man vek rawh u, motor driver te chu rawn hruai ula, ina cheng te pawh rawn hruai rawh u." a ti a, tichuan kan chhuak ta hlawm a. Nathana thupek ang ngei chuan motor number a 635 tih awm apiang chu eng motor pawh nise kan man ta vek a, chutiang bawk chuan house number a 635 tih awm apiang te pawh chu kan man a. In pakhat a kan luh chuan pa pakhat hi a rawn tlan chhuak zuk mai a, mahse ka man hman hlauh a. Constable chuan, "Sir, hepa hi hmeichhe chhaih nawmnah thu ah afapa kan man a...Ruatsangi pawh a lo chhaihnawmnah a ni awm e." a ti a. Keichuan, "Hey Hmela, khawnge i fapa chu a awm??" ka ti a, constable bawk chuan, "An rawn bail hmain jail chhungah a inawk hlum a ni." a ti a. Keichuan, "Anih chuan Ruasangi chu an mahni thah ani mai lo maw?" ka ti a, chupa chuan, "Sir engmah ka hrelo." a ti a, a bag ken lai chu ka laksak a, silai leh Ruatsangi thlalak a lo awm a. Keichuan, "Silai leh Ruatsangi thlalak hi tinge i bag chhungah a awm?" ka ti a, a ngawi reng a. Police Stationah kan hruai ta a, police station kawtah chuan mipui an lo pungkhawm nasa hle mai. JEREMY-A HI DAN ANG TAKA HREM NI RAWH SE..tih ten an lo au a, TUALTHATTU VENGHIM TU DCP NATHANA BANG RAWH SE tih ten anlo au a, an thinrim hmel khawp mai. Station chhungah kan lut a, chu kan man pa chuan Nathana a hmuh veleh chuan, "Ka pu, Ruatsangi hi ka thah a nilo. Ruatsangi kha ka fapa in alo chhaih a, mahse Ruatsangi pa chuan ka fapa chu manin jail ah a khung a, hreawm a tih em avangin a inthah phah a. Chumi chu ka thinrim em a, a fanu hi thah ve ka tum ta a ni, mahse ka that lo ania." a ti a. Chuveleh tukverh chu mipui chuan an rawn vawmkeh thuai thuai hlawm mai a, constable chu lo lutin, "Sir, Jeremy-a hi court ah kan kalpui thei rihlo ang, mipui thinrim hian an chilhlum mai ang." a rawn ti a. NAthana chuan, "Hepa hi jailah khung ula, Rina minlo zui teh." a ti a, tichuan ka zui a. Pawnah chuan kan chhuak a, mipui te chuan, "JEREMY-A MIN PE RAWH, A TUALTHAH MAN HREMNA KAN PE DUH." an lo ti a. Nathana chuan a pistol a phawrh a, kan SI pakhat keah chuan a kap ta a, SI chu a au tuar a, a thal tawp mai a. NAthana chuan, "SI kea kaptu hi tunge? Hei a thi tep anih hi.." tihpah chuan chung lamah silai chu vawithum a kap leh a, "Silai kap ri pawh vawi 4 lai a awm, engtin nge FIR report ah ka ziah dawn che u, engtiang chiahin nge dawt ka sawi thiam in hria em? SI chunga thleng ang hi in chungah thleng ve tura induhloh chuan kalsawn rawh u." a ti a, an tlan chhe rang hlawm hle mai. NAthana chuan, "Sub-Inspector, ka tihpalh ani, kha hei hi la rawh." tihpahin cheng 2000 clip tam zet hi a pe a, "In enkawl nan i hmang dawnnia, khang mipui thinrim te kha ka hnawh darh a ngai miau sia, report ah chuan Jeremy-a chhan i tumna lamah mipuiin an kap hliam che tiin ka ziak anga, lawmman i hmu ngei bawk ang tih ka tiam a che." a ti a, SI chuan, "Apawilo, engmah ka duhlo...Jeremy-a i chhan a, a tawk e." a ti a.
Court chu kan thleng a, achhungah chuan Jeremy-a chu kan hruai lut ta a. Lawyer chuan, "Your Honour, he case ah hian thil inquire tur tam tak ala awm a, chuvang chuan thil chhuichian anih hma chuan Jeremy-a hi jail a dah renglova chhuah hrih turin ka ngen che a ni." ati a, Jeremy-a chuan zawi sap hian, "Chutiang a ngailo ang." a rawn ti a, Jeremy-a chu kan en thup a. Rum em em leh thinrim hmel tak hian a rawn hawi chhuak a, nel awmloh zet hian a mit a sen rum mai a. Jeremy-a bawk chuan, "Ruatsangi kha tudang nilovin, keima thah ngei a ni." a ti ta mai a. Mak ti takin kan in en thup hlawm a, Nathana phei chu a ka hau mai a. Lawyer chuan, "I thah maw? Engvangin?" a ti a. Jeremy-a chuan, "Ka hmangaih em em a ni, Sir...chuvang chuan ka that a ni." a ti a. Lawyer chuan, "I hmangaih te chuan, tinge i thah a?" a ti a. Mipui zinga pa pakhat chuan, "Inla man thiam nange? Misual a nih kha, mi rilru kimlo mi nunrawng a nih kha. Nicky Cruz te, Hitler te leh tualthattu dangte nen an danglamna a awm lo." a lo ti a. Jeremy-a chuan rum zeta va melh pah chuan, "Hey, engvangin nge anni te nen min tehkhin a? Anni chuan an duh an neih loh chuan tual an that mai thin. Mahse ka ni velo...Ruatsangi hian midang ngaizawng pawh nise, an inneihna senso zawng zawng ka tum vek hial ang chu mawle." a ti a. Mipui zinga mi bawk chuan, "Anih chuan nang mimawl khan engvangin nge i thah si a?" a ti leh a. Jeremy-a chuan mittui tla chungin vin zet hian, "Hey, ka thil tih chhan min zawt min zawt a, ka chunga a thil tih in hre ve hleinem. Ruatsangi hi ka nunna a ni asin, ka neih zawng zawng leh ka dream ve thin te kalsan vekin a bulah ka kal a, mahse ani ve thung kha chuan e....he ka thil tih hi vawi 10 chuang ka ngaihtuah hnuah chauh ka ti asin...Ka that a nih chuan thil dik ka ti tihna a ni." a ti ta vak vak mai a, mak kan ti hlawm ngei mai, kan ngawi thap hlawm a. Judge chuan chawlhlawk a puang ta hrih a, a office ah chuan Nathana nen min ko lut a, Judge chuan, "Pawnah sawn mipui in Jeremy-a khaihlum turin an au vak vak a, engtin nge i tih tak ang?" a ti a. Nathana chuan a chhan hma chuan Inspector Mike-a chuan, "Engtin nge ni vak anga ka pi....a thil tihsual a puang tawh a, encounter in kaphlum ila nimai lawm." a lo ti zuah zuah a. Judge chuan, "Hey, engtin nge i sawi theih zawk? Tunge i biak hi i hria em? Police nge i nih a misual zawk? Chhuak phawt teh, lo awm ve suh." a ti hrep mai a, ka lo nuihsawh tep a ni. Mike-a a chhuah hnu chuan Nathana chuan, "Ka pi, Crime scene ziak phawt ila, chumi hnuah hmanrua kan collect leh ang a. Chumi hnuah chuan remand ah kan hruai thei tawh ang.." a ti a, mahse Judge chuan, "Tun ah hi chuan kan hruai chhuah theih ka va ringlo em, mipui thinrim sawn an chil hlum mai ang." a ti a. Nathana chuan, "Ka buaipui thei mai ang, mipui hi engtikah mah an kalsawn dawn chuanglo, an kalsawn hun kan nghah chuan kan tlai zel zawk ang." a ti a. Judge chuan, "Awle...nang i ni bawk a, ka ring ang che, mahse eng complaint mah ka dawng tur a nilo." a ti a, Nathana chuan, "Awle ka pi." a ti a, Judge chuan Jeremy-a hruai chu a rem ti ta a. Nathana chuan room pakhatah Jeremy-a leh constable pathum te chu a luhpui a, anlo chhuak leh chu Nathana tihloh chuan an hmai an tuam vek a, kawr inang leh kekawr inang, pheikhawk in ang an rawn bun chhuak vek a, tuber nge Jeremy-a chu a hriat theih ta hauh lo mai le. Pawnah chuan kan chhuak ta a, Inspector Mike-a bulah chuan Nathana chuan, "Mike...hengmi pali te hi police van ah hruai la, crime scene ah kan kal dawn." a ti a, Mike-a chuan a hruai ta a, keinipawh chuan kan zui a.
Crime scene kan va thleng a, mipui tamtak leh press ho te pawh an lo awm teuh mai a. Thawk leh khatah Jeremy-a chuan a hmaituamna a phelh thut a, a tlan ta vak mai a. Kan vai chuan kan um ta sup sup a, Mike-a chuan pistol a phawrh a a kap ta vak vak mai a, Nathana chuan, "Kap suh, kap suh." tlan pah chuan a lo ti tawng tawng a. Jeremy-a chu a tlan chak telh telh a, a hmaa truck tlan lai chu a va zuan vak a, truck hnuga bag in khai chu a pawt thla a. Chu bag chu hmeichhe bag a ni a, bag chu a kuah a, a thingthi a, a kun ta tlat mai a. Kan va thleng a, Nathana chuan, "Kha kha enge? Achhungah khan enge awm?" a ti a, Jeremy-a chuan bag chu a kuah bet tlat a. Nathana chuan a chhuhsak lui a, a chhunga awm chu a bun a, thlalak tamtak leh inneih zungbun leh hmeichhe make up a rawn tla nuai mai a. Thlalak chu kan en a, Ruatsangi leh Jeremy-a te inneih thlalak hi a lo ni a, mak kan ti hlawm hle mai a. Nathana chuan Jeremy-a chu na takin a tham tho a, "Constable, mipui kha lo dang ula, an luhlul anih chuan Lathi Charge tawp rawh u..Rina minlo zui rawh." a ti a, tichuan kan kal ta a. Nathana chuan Jeremy-a chu bang phenah a hruai a, "Hey, enge awmzia? Inlo innei hman amaw? I hmangaih thu i sawi a, ahnuah i thah a nih thu i sawi leh a, tunah in inneih thlalalk kan hmu leh a..enge awmzia?" a ti a. Chuveleh Jeremy-a chuan rum em em hian Nathana chu a melh a.....
****
Khatia Ruatsangi'n apa bulah, "Ka pawm e, ni 40 chhung chu Jeremy-a nen kan inhmu lovang." a tih hnu khan Jeremy-a chu thinrim takin a kalsawn ta daih a. Ruatsangi chuan va umzuiin, "Lo ding teh..khawngaihin hriatthiam tum rawh. Ka nu kha Jenny leh Francisa an inruk hnu khan a rilru na lutuk chu a damloa, khatiang chiah a kan inru ve anih chuan a tuar zo lo ang. Kan inneih an phallo tih thu pawh an sawi loh kha, ni reilote chauh kan inhmuhloh a ngai animai alawm." a ti a. Jeremy-a chuan, "Ka hria alawm, mahse heng zawng zawng hi kan inthen na tura an plan lo ni ta se? Ka pa ka chan tawh a, nang hi ka neih chhun i ni a, kan chan phallo che a ni Ruatsang." a ti a. Ruatsangi chuan a kuah a, "Nitinin kan incall thei ziah tho a lawm. Chuan kan inhmuhloh chhunga then tura min tih che chuan ka rawn sawi anga, min rawn ru tawp dawn nia." a ti a, a nui seih a, "Kan inhmuhloh chhung chuan i dream project te i buaipui anga, mi buai tak i ni awmsia...mahse kan inneih hunah chuan he i hna hi a zo ngei ang tih min tiam rawh." a ti a, Jeremy-a pawh chu a lu a bu nghauh a, tichuan an in kalsan ta a. Ni reilote hnuah chuan ahmaa Ruatsangi pasal hual Freddy-a kha a rawn lang hlawl mai a, Ruatsangi pa bulah chuan, "Ka pu, USA atangin ka cousin a rawn haw a, Ruatsangi hmuhtir ve ka duh a ni." a rawn ti a. Apa chuan, "Lo thu rawh, ka va ko ang." a ti a, Ruatsangi room ah chuan va lutin, "Bawihi Freddy-a a lo kal a, va hmu ve ta che." a ti a. Mahse Ruatsangi chuan a lo hmu duhlo nasa mai a, apa chuan, "Ni 40 pawh a awm tawh loh hi, chumi chhung chuan dawhthei takin awm hram hram rawh." a ti a, Ruatsangi chuan, "Jeremy-a'n hetiang hi a duhlo. a phallo ang." a ti a, mahse apa chuan, "A hre dawn hleinem..ka tan tal pawh, a mawilo emai, va hmu hram la." a tih avang chuan ava hmu ta a. Tichuan Freddy-a chu nitin mai a leng ta ,a zantin a leng bawk a, Ruatsangi nu leh pa te lah chuan an duhsak em em a. Jeremy-a chuan call a tum thin a, mahse a la ngailo. Ruatsangi leh Freddy-a chu an chhuak dun ta fo mai a, an hlim dun thei em em mai lehnghal. Jeremy-a call pawh chu ngaihsak na chang a hre ta hauh lo a, Jeremy-a ngaih pawh a tha tawhlo hle mai. Ni 10 vel lai chutia Ruatsangin Jeremy-a call angaihsak loh hnu chuan nikhat chu a hrechhuak leh thut mai a, Jeremy-a chu call a tum a, mahse Jeremy-a pawh chuan a call chu a la duh ta bik lova. Nikhat chu Jeremy-a nau Siami pasal Liantea chuan Jeremy-a chu a ko a, coffee shop pakhat ah a hruai a. Liantea chuan, "Saw..enteh." a ti a, Jeremy-a chu a thil hmuh chuan a ti hrilhhai hle mai. Ruatsangi leh Freddy-a hlim hmel taka an lo inkawm a, an lo thudun chu a hmu a. Liantea chuan, "Ruatsangi mi fel tak te i ti vel a, mi bum hmang a ni. A nu leh paten ni 40 chhung inhmulo tura an tih che u a, awlsam taka a pawm te kha...khata tang khan ka ringhlel daih tawh." a ti a. Jeremy-a chuan, "Anu leh pate vang liau liau in a lawm a pawm." a ti a, Liantea chuan, "Animaw..nihleh i nau Siami hian nu leh pate a nei velo tihna mi? Ka tana lo kal anilo em ni? A awmzia chu a bum che a ni, Freddy-a nen sawn tisawn nitin an inhmu a, mahse phone ah nang a rawn call thung che a, a zaklo ngawt mai." a ti a. Jeremy-a chuan, "Enge thil thleng pawh kan hriatchian loh hi, phone ah min hrilh theilo pawh a ni thei a." a ti a. Liantea chuan, "Hmangaihna avang hian i a dawn nih hi, a bum che tih i hriat hunah engtin nge i awm tak ang?" a ti a. Jeremy-a chuan, "Ni 4 chiah a awm tawh, kan inhmu anga, Freddy-a chungchang a sawi lo emaw, engmah thlenglo anga a awm anih chuan, keipawn min bum a ni tih hi ka ring ang." a ti a, an kalsan ta a.
Chutih lai chuan Coffee Shop chhungah chuan Freddy-a leh Ruatsangi pawh chu anlo inbe ve mek bawk a. Ruatsangi chuan mittui tla teuh chung chuan, "Tihpalh." a ti a. Fredy-a chuan zaidam tak hian, "A ho lutuk, khatiang vang mai mai in tap mahta che. Zaninah ka pa kalo bi anga, Jeremy-a nena in inhmangaih zia hi ka lo hrilh ange. Chuan kan inhualna pawh kan titawp anga, kan innei lo ang." a ti a. Ruatsangi chu a lawm ngei mai, "Min hrethiam a ka lawm e aw. Jeremy-a hrilh lova ka chhuah pui che pawh hi ka rilru a hah lutuk a, mahse ka thawl huai mai." a ti a. Freddy-a chuan, "Jeremy-a chu mi vannei tak a ni." a ti a. Ruatsangi chuan, "Ka la hmuhtir ang che." a ti a. Freddy-a chuan, "Nilove, kan inneih na tur hi official taka cancel anih hma chu tumah hrilh hrih suh.Chuan Jeremy-a pawh hrilh lo la, achhan chu a thinrim hma i ti sia, a chiloh. Chuan kan chhungte pawh hrilh hrih lo ila, ka pa chauh kalo la hrilh ang." a ti a, tichuan an haw ta a. Zanah chuan Freddy-a chuan an chungchang chu apa chu a hrilh ta a, apa chuan thinrim zet hian, "Midang a hmangaih thu a hrilh lai che a i lu ilo bu nghauh nghauh a, mi nep tak ang mai a heta min rawn hrilh leh i zak miah nange a? Nang aia rethei zawk nang aiin a thlanga , chupawh inhual tawh hnuah, mite min ngaihdan tur i hria em?" a ti hrep mai a. Freddy-a chuan, "Ka hre ve tho alawm..tuna i thinrim ang hian thinrim ve ta ila chu naktuk ah lawk a inruk tir nghal daih anga sin. Ka pa, khawpuiah exam turin a zin dawn a, chuvang chuan kar khat chhung an inbe tur a nilo, chumi hlan chuan Jeremy-a hi ka that dawn a ni. Chumi hnuah chuan min nei ngei turin Ruatsangi hi ka siam bawk ang." a ti a. Chu veleh Freddy-a pa chuan Ruatsanga pa chu a call a, "Hello unaupa, enge in an a?" a ti a, Ruatsangi pa chuan, "Election a hnai a, inneihna tur pawh kan buai pui a, kan buai ve khawp mai." a ti a. Freddy-a pa chuan, "Ka lo hriat dan chuan kan fanu nimai tur Ruatsangi kha, exam turin Aizawlah a zin dawn niin ka lo hria a." a ti a. Ruatsangi pa chuan, "Nia mawle...a final na tur a ni tawh a, karkhat chhung a cham ang." a ti a. Freddy-a pa chuan, "A thiante in ah a thlen chuan thian thalo te a kawm palh ange. Tunlai Aizawl nula te ho hi an nasa si a, thi thalo te an lo tihpui palh ang. Chu ai chuan maw, kan chhungte an tam a, chutah chuan thleng zawk se ka va ti em." a ti a. Ruatsangi pa chuan, "Awle...i tih dan dan le, i fanu ve tho ania lawm." a ti a phone chu an dah ta a. Freddy-a pa chuan, "Tikha chuan a fel ta....unaupa angin min en a, mahse ka sualthiam zia a la hrelo ani. Enteh bawiha, innei phawt ula, chumi hnuah property zawng zawng kan hui vek ang, min dang thei tu a u Tommy-a pawh saw kan dahtha anga, a tul chuan a pa pawh saw thah mai tur. A hmasa ber ah chuan Jeremy-a kan that ang, saw mihring saw..." a ti a. Atuk tuk leh velah chuan Ruatsangi pawh chu Aizawl a thleng ta a, College a exam form a la zo chiah chu a rinlo tak maiin Jeremy-a a hmu thut mai a. Jeremy-a chuan nuisangin, "Surprise..." alo ti a. Ruatsangi chuan rang takin bang phenah a hruai phei a, tukverh lam chu a kawk a, Jeremy-a chuan ava en a, Ruatsangi veng turin Freddy-a pa chuan security a lo tir teuh chu niin....
"Aizawlah ka exam dawn tih Freddy-a pa in alo hrai a, chuvang chuan ka pa a phone a, Aizawla a chhungte ina awm turin min ti lui a."
"Nileh tinge nang pawn i lo remtih mai a?"
"Ka pa tan...ni 10 ala awm a, la dawh hram hram turin min ti a."
"Enge i buai vak a, ka bulah tunah lo kal la, innei mai ila."
"Enge hetia i hmanhmawh em em a, Jeremy? Ni 10 chiah a awm tawh hi...nghak hram hram rawh."
"Thla 10 chuang la nghah ngai ang mai hian ka hria a sin. Chuvangin tun atang chuan i bulah ka awm tlat tawh ang."
"Chutiang a nilo..ka pa in a hriat chuan a na lutuk ang."
"Engtin nge a hriat anga?"
"Engtin nge ka bulah i awm theih ang, midang inah ka awm ania."
"Aih..i bulah ka awm ze ang."
"Awle...kan inhmu ziah anga, mahse ka thlenna inah chuan lo kal suh aw."
"AWle.."
Tichuan Ruatsangi pawh chu karkhat chhung zet chu Aizaawlah chuan a cham ta a, Jeremy-a nen chuan nitin a rukin an inhmu a, an hlimdun em em a. A tawpah chuan exam a zo ta a, a zawh niah chuan Hotelah a rukin an inhmu dun a, a thawmhnaw a pack mawlh mawlh lai chuan rum zet hian Jeremy-a chuan a en a, "Tunge inkhuaah thlah dawn che? Engin nge i kal dawn? Freddy-a'na rawn lam dawn che em ni?" a ti ta mai a. Ruatsangi chu a phuzuk mai a, "Freddy-a a? Engvangin nge min rawn hruai anga?" a ti a. Jeremy-a chuan, "A pa in a chhungte bula awm turin ati lui che sia, chubakah in in call fo a nilawmni?" a ti a. Ruastangi chuan, "Chutiang engmah a awmlo, vawikhat min rawn call a, ka chhang a, chu zawng chu a nimai." a ti a, Jeremy-a chuan a melhrum hle mai, "Anih chuan ka thlah dawn che nia." a ti a. An haw kawngah chuan Jeremy-a chu a tawng miahlo a, Ruatsangi chuan, "Tinge i tawng miahloh a?" a ti a, a chhang chuanglo. Kawng reh lai taka an tlan lai chuan truck lian tak pakhat hian a rawn su a, lehlam khamah chuan motor chawpin an tla ta a. Truck atang chuan mi pakhat hi alo chhuk a, Jeremy-a te motor let reng lampang pan chuan a chhuk a, a chhungah chuan tumah an lo awm lo a. Jeremy-a leh Ruatsangi te chu an na vak alo a, anlo tlanchhe hman chu niin. Kawngpui lam pan chuan an biru chho a, truck bulah chuan an kal a, a hnugah lampang an pan a, Jeremy-a chuan, "Lawn rawh." a ti a, Ruatsangi chuan, "Hetah hian maw?" a ti a, Jeremy-a chuan, "Aw....tunge min thahtum tu hi ka hriat angai alawm." a ti a, Truck hnuah chuan an lawn dun a, an biru a. Chupa beidawng pawh chu a rawn chho a, truck bulah chuan a ding a, phone a phawrh a, "Aw boss..an motor chu ka su liam ngei a, mahse a chhungah tumah anlo awm lo a, ka lo zawng tha leh ang." a ti a, phone a dah a truck ah chuan a lawn a, a kal ta a. Km 10 vel an tlan hnu chuan chupa chu a chhuk a, Jeremy-a te pawh chu an chhuk ve a. Chupa chuan dawr ah thil a ei a, a ei lai chuan Jeremy-a chuan naupang pakhat a tir a, a phone va ruksak turin. Chu naupang pawh chuan a va ruksak a, Jeremy-a chuan cheng 500 a pe a. Chupa phone chu an check ta a, a call log ah chuan Ruatsangi u Tommy-a number hlir alo awm a. Ruatsangi chuan, "Tinge ka u hian thah min duh chhan?" a ti a, Jeremy-a chuan, "I pa hi kum 2 lai MP a ni tawh a, i u hi chu vawikhat pawh MLA ala ni velo a. Chuvang chuan keini lampang atang chuan vote a hmu dawn lo ti a hre chiang a, kan inneih hi an phallo a ni. Tikhan i hrethiam tawh em? Min inneih tir dawn lo, min thah an tum zawk a ni. Kan tihtheih awmchhun chu tunah hian innei ila tlan bo ang." a ti a. Ruatsangi chuan, "Aih..kan innei thei rihlo." a ti tlat a. Jeremy-a chu a thinrim tawh hle mai. In sehruh teuh chung chuan, "Kan innei anga chuan i chhungte chu thlalak kan hmuh anga, chuta min pawmlo anih chuan media pawh kan rawn tawh mai ang." a ti a, Ruatsangi chu a ngawi reng a, Jeremy-a chu a thinrim sosang takzet tawh. VIn zet hian, "Ruatsang an target hmasa ber chu keimah ka ni, a dawtleh chu nangmah.." a ti a, mahse Ruatsangi chu luhlul takin lehlam a hawi tlat thung a....
*******
Jeremy-a chuan, "Darkar 2 lai ka dil hnuah inneih chu a remti chauh ani Sir...a chhungten min that dawn tih a hre reng chung pawn dil luih ngawng ngawng a ngai ania, a awmzia chu he nu hian min fiam kual mai mai a ni. Keiin ka hmangaih a, ani erawh chuan min hmang mai mai ani. Ka hmangaihna chu a dik a, ani hmangaihna kha chu bumna a ni. Chuvang chuan inneih zawh veleh thah ka tum ta a, chu chu atan chuan hremna dik tak a ni." a ti a. NAthana chuan, "Nangni ang mihring hi chu, Arab ramah chuan in kut leh ke an tan sak che u anga, chung hremna te chu court in a remti ang." a ti a. Jeremy-a chuan zam hauh lo hian, "Hmanrua chu i va collect dawn nilawmni? Kha ka hmanraw hman kha ka thah zawh hnu in tlan chhiat pahin khalai hmunah khan ka peih a, a ruang kha a tawp na atan ka va en leh ngat a, mahse alo la dam chu niin. Reh hlum mai kha ka duh a, mahse tu emaw niin minlo hmu a, a au ta vak a, chuvang chuan lem ka chan a ngai ta anih kha." a ti a, Nathana chuan a en reng ringawt a, Jeremy-a bawk chuan, "Kal ila Sir." a ti a. Crime scene lam chu kan pan ta a, a chhung kan luh hma chuan OUSIDERS NOT ALLOWED tih hi alo inziak a, Jeremy-a chuan, "Khami ni khan duty te inchange laklawh laiin ka lut ru ani." a ti a. Pawna security chuan, "A kal theih loh.." a lo ti a. Mike-a chuan, "Police kan nih hi.." a ti a. Tichuan mi 10 vel hi an lo kal a, Nathana chuan, "Hei hi tu factory nge?" a ti a, an zinga pakhat chuan, "Ruatsangi u Tommy-a ta a nia." a ti a. Nathana chuan phone chu a phawrh a, Tommy-a chu a bia a, "Hello Tommy, i nau thah a nih khan a tualthattu khan a hriam hrei hman kha i factory kawt lai velah hian a paih thu a sawi a, kan check dawn ania." a ti a, Tommy-a chuan, "Awle..check ru." a lo ti mai a. Tichuan kawt vel chu kan enfiah a, Jeremy-a chuan, "Ka chiang chiah tawhlo, khawi lai takah nge ka paih kha...hnim hnahin ka khuh a..." a ti a. Nathana chuan, "Mike...police force ko ula, uisathiam nen, check rawh u helai hi." a ti a, an check ta luai luai hlawm a. Minute 10 vel hnuah chuan police pakhat chuan, "Sir...he laia kan laih chhuah hi lo en teh." a ti a, hmanhmawh zetin kan va tlan a. Leikhur chhungah chuan ruang pakhat a lo awm a, a rimchhe em em mai a. Police chuan, "Hepa hi Ruatsangi pasal hual Freddy-a patea a nia, ahming chu Zonuna (car chhunga Tommy-a thah Freddy-a patea ngei kha a ni) ani a, thla 2 chhung a bo tawh lehnghal." alo ti a. Tichuan lei chu an lai an lai a, ruang tam tak an lai chhuak a, NAthana chuan mak a ti hle mai, Jeremy-a chu ava en a, Jeremy-a pawh chuan a lo en let ve reng a, ruang chu kan hmuhbelh zel a. Athen phei chu ruhro chauh te a ni tawh a, ruang tharlam pawh a awm nual a. Ui chu an bauh ta chuah chuah hlawm a, khawi emaw laiah chuan an tlan khawm a, Nathana nen chuan kan umzui a, Bang lian deuh pakhata 635 tih inziak chu kan hmu a, kawngkhar a bulaha alo awm bawk a. Rang takin kawngkhar kalhna chu kan tichhia a, achhungah chuan mipakhat thutthlenga thu hruai lo tawnbeh hi kan va hmu a, "Min chhan ru." a lo ti a.
Nathana nen chuan Judge inah kan va kal a, thil awmzia kan va sawi hnu chuan Tommy-a te in dap theihna search warrant chu min pe ta a. Tommy-a te in kan va thlen chuan an lo la meng vek a, NAthana chuan, "I factory bulah ruang tamtak hmuh a ni a, chuvang chuan in inchhung pawh hi kan check dawn a ni. Kha...search warrant." tih pah chuan Tommy-a pa chu a pe a, Tommy-a chuan, "Opposition party ho thil tih bak a ni lo ange, min ringhlel em ni a Pu Nathan? Ka factory check turin ka phalsak che u a, tunah kan in maw?" a ti vei pang pang a. Nathana chuan, "I kid Ruata kha kan man a ni, Jeremy-a leh Ruatsangi te motor, a truck a su tupa..Ruat a ngei kha, room chhungah thutthlengah a lo thu a, phuarbeh in alo awm a. Engkim a puang vek, khang ruang zawng zawng te kha amah thah te vek an ni. Chuan ahma takah hian camera a lo awm a, chu camera ah chuan video in chung tualthah te chu nangmah tihtir a nih thu a sawi bawk a ni." a ti a, Tommy-a chu a mangang tawh hle mai. Room atang chuan police ho anlo chhuak a, chemte an rawn keng a, "Sir, chemte hi Tommy-a room chhungah hmuh a ni, chuan Ruatsangi hrawka zaina chemte ngei kha a nih duhhmel khawp mai, a design pawh a in matched thlap." a ti a, chemte ah chuan a sei zawngin a chanve vel thleng thisen a amw phei a. Nathana chuan, "Forecsic lab ah va dah ru." a ti a. Tommy-a nu te chu an tap pur hlawm mai a, Tommy-a pa chuan, "Mawla, hetiang tur hian ka enkawl che em ni? Nathan...man rawh u hepa hi." a ti a. Tommy-a chuan, "Ka pa, lemchang vak vak suh, i thiamloh vek a nih hi." a ti ta mai a, Nathana pawh chu a phu zuk a, Tommy-a pa chuan, "Eng a?" a ti vak a. Tommy-a chuan, "Pu Nathan, TV ka nih chuan ka pa hi remote a niang. A order ang thlapin kei chuan ka zawm mai chauh a ni, khang ruang zawng zawng te pawh kha." a ti a. Apa chuan, "I zak em? Enge ka tel ve na?" a ti a. Tommy-a chuan, "Ka pa, i fanu ngei mai Ruatsangi that tura min tih khan, engemaw diklo a awmin ka hre reng a, chuvang chuan i thil sawi zawng zawng kha ka record vek a ni. Ani pawh hi man rawh u.." a ti a. Tommy-a nu chuan, "Duhtak..enge awmzia?" a ti a, vin zet hian Tommy-a pa chuan, "He inchhungah hian ka pawimawh ber...ka fanu in pasal a um a, ka political power a ti chhia a, chuvang chuan he tlangval Jeremy-a hian a tihchhiat belh hmain Ruatsangi chu thah angai in ka hre ta a ni. Ka thil tih hi a sualna ka hrelo.." a ti vak vak mai a. Nathana chuan, "An pahnih hian man rawh u." a ti a, Tommy-a te pafa chu kan man ta a.
A tukah chuan court ah chuan Tommy-a te pafa chu kan hruai a, Jeremy-a chuan, "Your Honour, Ruatsangi kha ka nunna a ni a, ka hmangai em em a, engtin nge ka thah theih ang? Hemi te pafa hian kan pahnihin min thah an tum a, Ruata tih hminpu an rawn tir a, mahse kan damchhuak hlauh a. Tichuan Ruata chu ka zuiru a, ka man a ka sawisa a, Ruata chuan Tommy-a te pafa min tih tir a ni tiin a sawi a, min that turin an ti a, a tul chuan Ruatsangi pawh that tel turin an ti a ni. Ni 40 chhung kan inhmuh theihloh lai apwh khan Ruatsangi hi a pa hian Freddy-a hmu turin a tilui thin a, nitin a chhuandun tir ziah a, a tirah khan Ruatsangi ka lo ringhlel a, mahse Ruatsangi chuan min hrilh vek a ni. Kan tumdan chuan mi kan hrilh chuan min awih dawn silo a, chuvangin Ruata chu kan man a, video in kan la a, a inpuang ta a. Chu video chu khawdanga kan tlanbo hma in mi zawng zawng hmuh a thehdarh kan tum ta a, mahse khami zan khan Ruatsangi chu an that leh si a ni. Ruatsangi khan a thih hma khan 635 tih a ziak a, a awmzia chu a thih dawn hnaih pawh khan Ruatsangi chuan dikna ala duh a, misualte hrem a la duh tihna a nih chu. Ka pi, heng mi rapthlak te pafa hi, mahni fanu pawh that duh tute hi chhuahsuh ang che." a ti a a sawi pah chuan a tap hawm hawm a. Judge chuan, "Thu kan dawng chiang thawkhat a, Jeremy-a chu bail a chhuah zalen phalsak a ni. Accused te pafa kha han ko teh u." a ti a. Tommy-a te pafa chu anlo chho a. Chutih lai chuan Nathana chuan phone call a dawng a, forensic lam anlo ni a, NAthana chuan, "Blood test result chu enge?" a ti a, forensic doctor chuan, "Ruatsangi thisen leh chemte a thisen hi a inmil a. Mahse chemte ah hian skin fragment leh bone fragments te thisen nen khan akai tur a ni a. Mahse chutiang reng reng he chemte ah hian kan hmulo." a ti a, Nathana chuan, "I sawi awmzia chu mi tu emaw in Ruatsangi thih hma khan chemte ah khan Ruatsangi thisen a tat i tihna ami?" a ti a, Doctor chuan, "Chutiang chu ka sawi thei lo, mahse fragment kan hmulo hi a mak a ni." a ti a, NAthana chuan phone a dah a, Station lam a phone leh a, "Hello...Ruatsangi postmortem report kha han chhiar chhuak lawk teh." a ti a, tichuan Nathana chuan a ngaithla ni ngei tur a ni, a ngawi vang vang a, "Lawk lawk, kha paragraph kha han chhiar leh teh." tih pah chuan a phone chu loud speaker ah a dah a, polcie chuan, "A hrawka zaitu kha veikhawr a ni, chem sir lam kha chuan a cut thuk deuh anga mahse a tawp lam kha chuan a cut thuk vaklo ang. Chuan maw Sir, Jeremy-a'n INQ company Mumbai ah sofware company join kan tum a tih kha dawt a ni, an company kan zu call a, Jeremy-a an hre ngailo." a ti a, Nathana chuan phone a dah a. Jeremy-a chu bail chhuah a ni ta, pawnah chuan alo chhuak a, Nathana chuan ava pan hnai a.
A bul a va thlen chuan, "Jeremy, forensic lamin min rawn call a, Ruatsangi thahna chemte ah khan skin fragment leh bone fragment an hmuhloh thu an sawi a. Chuan ka ngaituah mai mai a, Tommy-a kha tualthattu ni si, tinge chemte khana room ah a dah ang le? Chupawh silfailoh lehnghalin, chuan INQ company join i tum thu tih vel te kha dawt vek alo ni tih ka hre bawk a...chuan tualthattu hi veikahwr a ni, nangmah ang chiahin...anih chuan min han hrilh teh...Ruatsangi hi tu thah nge?" a ti a, Jeremy-a chuan zam hauhlo hian NAthana chu a nuih a, "Min man chuanglo ang, achhan chu maw..pakhat naah chuan ambidextrous ka ni, a awmzia chu veikhawr pawh hmangthiam, dinglam pawh hmangthiam ka ni. Pahnihnaah chuan, chemte kha Tommy-a te inah ka va dah tih kha a proof na i neilo. A pathumna chu, heng drama ka chan te he, CRPC 232, 232A sections hmanin, insufficient evidence, benefit of doubt anih a vangin min chhuah zalen ang. INQ company ka join dawn ka tih khan, hna min offer ka ti hleinem, keiman ka va join dawn alawm, engtin nge min hriat tehlul ang? A awlsam zawngin kan sawi ange..ka samzai pakhat pawh hi i man thei lo ang." a ti ta siah siah mai a. Nathana nen chuan rum em em hian an inmelh a. Nathana chuan, "Engvangin nge heng thil hi i tih? Enge i chungah Ruatsangi khan a tihsual?" a ti a. Jeremy-a chuan, "Sir...ther is no specification in justice and injustice. Tupawh hian thlirdan kan nei vek alawm, kan thlirdan a in ang lo mai chauh a ni. Thawnthu ka hrilh ang che aw...Sahuan ah naupang pakhat chu a kal a, Sakei awmna ah a tla palh a, sakei chuan a va pan a, naupang chuan a hlau a, a kut suihin MIN EI SUH tiina ngen a, mahse sakei chuan a hre thiam lo. Va man tumin a ke in ava thai a, chuveleh mipui te chuan sakei chu lungin an vawm sup sup a. Chuveleh sakei chu thineim in naupang chu a pu nawlh a, a thisen a insak a, a that ta a..hei te chu mipui nawlpui thlirdan ani. Mahse sakei pawh khan thlirdan dan a nei ve a sin, naupang rawn tla kha a chaw a ni lo a, ei a tum biklo. Naupang kha ahlauh loh nan tiin a ke in naupang kha ava chhaih ve a, mahse sakeichuan mi fiam nan kut leh ke a nei hrang velo a, chuvang chuan mipui te chuan naupang kha seh a tum angin kan ngai a. Chuveleh mipui te chuan lungin an rawn vawm a, chu sakei chuan naupang chu an vawm fuh ang tih a hlau a, a naute te a put angin a ngawngah a seh a, hmun him lamah a kal pui ta a, mahse naupang chua thi ta a, sakei khan a khawi leh tawh lo. Chu chu sakei thlirdan a ni..Nang chuan thilsual hi thleng lo se i ti a, keichuan fikna thleng se ka tive thung....kan dik ve ve. Ka kal ange, mangtha le." a ti a akal ta a. Chuveleh Nathana nen chuan Station lam rang takin kan pan ta a, Nathana chuan, "Ruatsangi case file kha min han pe te u, a ti a, an pe a, a en vang vang a.
Nathana chuan, "He thlalak hi ka hmu tawh a ni, he pa hi ka hmu tawh." ati a, ka va en a, Ruatsangi leh Jeremy-a leh mi pakhat hi an lo ni a. Constable chuan, "Doctor anih hi, Ruatsangi thih thu min hrilh tu doctor kha." a lo ti a. Nathana chuan, "Mi tupawn a hmangaih chu a nei tur a ni, duhluat vangin a that thei bawk. Jeremy-a hian phuba la duh pawh lo nita se, tinge khawlaiah a thah kher ang, chupawh inneih hnu lawkah? Engemaw chu a diklo a ni.." a ti a, a ngawi vang vang a. Minute 2 vel lai a ngawih hnu chuan, a nui suk a, "Ruatsangi hi ala dam." a ti ta mai a. Keichuan, "Enga?" ka lo ti a. Ring tak chuan, "Ruatsangi hi a thilo, ala dam a ni." a ti vak mai a. Constable chuan, "A theihloh, an phumnaah pawh ka awm ve alawm." a lo ti a. Nathana chuan, "Khata i thil hmuh kha chu ruang kha siamchawp pawh a ni thei, Ruatsangi kha an vui chhung zawng khan a hmel an tuam bo char char, mahse a hmai ah hliam a awm miah silova." a ti a, keichuan, "Jeremy-a'n a thah thu a inpuang kha." ka lo ti a. Nathana chuan, "A phauhchawp anih kha..Tommy-a te pafa leh Ruata te thilsual tih hmuhchhuah nan tualthattu angin a insawi anih kha. A hriamhrei hman kan dil ngei a in beisei anga, tichuan factory ah khan ruang kan lakchhuah theih nan factory bula paih angin a insaiw a, tichuan 635 awmzia pawh kan hre ta reng bawka. Engkim Ruatsangi leh Jeremy-a te hian an hriat hnu hian doctor chu an va hrilh a, doctor chuan polcie hrilh turin alo ti a, mahse awlsam takin an awmna Tommy-a ten an hriat phah dawn a, chuvang chuan plan an siam ta a ni. Ruatsangi hrawkah chuan plastic nem an bel a, a chhungah ama thisen ngei an dah a, tichuan a hrawka zai angin atuk zingah anmah ni tho hian an zai a ni, chuan lem an chang tan ta ani. Tichuan doctor bulah chuan an plan lawk angin Ruatsangi hmel ang chiah in damlo thi tawh hmel chu plastic surgeryin an siam a, khai a...an va fing tak em." a ti nuah nuah a. Keichuan, "Misual te chu kan man tawh a, Ruatsangi chu ala dam thu hi kan sawi tehi tawh ang tiraw" ka ti a. NAthana chuan, "ruatsangi hi Jeremy-a hian mi hmuh ah ala chhuahpui lo ang, achhan chu ala hlauhawm tlat a ni...hremna diktak pek annih hma chu bail pawn anla chhuak thei a, chuvang chuan sawi loh a la him ber." a ti a, keichuan, "Anih leh an tlanbo hmain Jeremy-a te chu kan va man dawn mi?" ka ti a, Nathana chuan, "Jeremy-a thil tih kha thilsual anilo, thil diktak a ni. Sakei thawnthu hmang khan min tibuai kual vel a, mahse min hrilhfaih a tumna zawk a ni. A hrim hrim in kan hna tawh tur a thawk zawk nimahin ka hria...Awm tir mai mai rawh Rina..an hlim ve a hun tawh." a ti a, tichuan keini pawh kan haw ta a.
Aizawl lampang panin kan haw leh ta a, NAthana nen chuan hnaa hautak em em mai chu kan thawk zo leh ta, a awlsam zual nan kan mi rinhlelh ber Jeremy-a'n min pui bawk a, kan hlawhtling nge hlawhtlinglo pawh ka hre tawh biko...ka buai nuaih mai..haha. I ngaihdan lo sawi mai teh u..kan hlawhtling nge, kan hlawhchham?????????
THE END
WHO KILLED HER?
(Kan vengah mitthi kan nei a, episode 17 ka post hnu ni 3 na velah khan a ni a, ka thianpa unaupa a ni a, khawhar inah te riakin ka buai em em a, ka zawm har phah ta a ni. Nimin lamah khan han zawh mai ka tum a, mahse nilengin curent a awmlo a, zanah ka zo hman ta silo a, vawiinah ka rawn post hman ta hram a nih hi.)
DGP Sangliana pawh a serious sawt hle mai a, a ni telin a ngaihtuahawm tawlh tawlh amaw tih mai tur a ni. Nathana chuan kan Stationah chuan a ai ala awh char char a, ka ngaihdanah phei chuan DGP ai mah pawh hian rorel hi a thiam nimai hian ka hria. Tuk khat Station ka thleng chu Nathana chuan a office ah min ko lut a, "Rinawm, hei..thingtlang ah kan zin a ngai dawn tlat mai." a ti ringawt a, keichuan, "Engvangin? Khawikhuaah?" ka ti a, Nathana chuan, "***** khuaah ania, Jeremy Lalhmingmawia, chumi khuaa mi chuan a bialnu Lalruatsangi chu a ru a, Ruatsangi hi an khuaa ka thianpa Rozuala tunu a ni a, an inruk zan chuan mi inkawtah an riah laiin a tuk zingah a bialnu hrawk chu chemtea zaina hnuhma alo awm a, rang takin Police te an ko a, damdawiinah Ruatsangi chu an dah a, Jeremy-a pawh an man nghal a ni awm a, chumi case buaipui tur chuan **** khuaa Police ten min rawn ngen a, kan pahnih bawk hian kan kal leh a ngaih hmel." a ti a. Keichuan, "A hmeichhia chu a la dam em?" ka ti a, Nathana chuan, "Aw la dam e...mahse doctor te chuan a daihrei an ring tawh lo, ventilator-in an thawk tir tawh mai mai a ni an ti a, an khua hi a hla reuh sia, an khua kan thlen hma pawn a thi hman maithei a ni." a ti a. Keichuan, "Tuathattu ah chuan Jeremy-a chu an puh deuh ber tihna mi?" ka ti a, Nathana chuan, "Aww....tunah pawh jail ah a la tang a, court a hruai hmabak ala ni a, mahse an sawi dan chuan a tuk zinga a bialnu thisen nena lo mu a hmuh chuan amah ber ber a mangang a, Police phone tu pawh amah an ti a, mahse tualthattu a rinhlelh ber chu amah lo chu an awm chuang silo a, ka hrethiam biklo." a ti a. Keichuan, "Engtik nge kan kal dawn a?" tiin ka zawt leh a, Nathana chuan, "Naktuk zingkarah kan chhuah nghal a ngai ang." a ti a. Tichuan chumi ni chuan nilengin chu thingtlang khuaa thil thleng chu Nathana nen kan sawi dun a, kei chuan a bialpa chu ka ringhlel nghal bur mai a, achhan chu Lalruatsangi nu leh pa te hian Jeremy-a hi an duh lo a, Jeremy-a hian a rukin a hmu thin a, mahse Ruatsangi chhungte chuan midang, an khuaa mi Engineer pakhat chu a pasal tur atan an ti tlat a, chumi vang chuan Jeremy-a hian a ru ta a, a hmangaih tak tak lo a, phuba lak nan thah a tum a, lem a chang kual vel anga, engemaw plan tha tak a nei a nih ka ring tlat a ni.
Atuk ah chuan zing dar 6 velah chuan chumi khua pan chuan Nathana nen chuan kan inphur liam ta a, darkar 10 chuang zet kan tlan hnuah chuan chu khua chu kan thleng ve ta hram e. Kan thlen ni chuan engmah kan buaipui hman hrih lo, kan chau hle a, kan thlen in te chu an fel phian a, chaw te eiin chumi zanah chuan hma takin kan mu a, ka chau deuh bawk aniang, ka muhil nghal mai a. Atukah chuan Nathana nen chuan kan hna thawk tan turin kan chhuak ta a, he khaw mite sawi dan chuan an khua police stationah hian, ACP,. DGP, DGP tih vel hi an awm lemlo a, a rank sang ber chu an PI pangngai hi ani mai a, roreltu chu an veng Minister leh politician te an ni leh mai. An PI chu Inspector Mike-a tiin an ko thin a, mi nunrawng leh sual zet mai, corrupt officer diktak ani an ti bawk. Stationah chuan kan va kal ta a, Inspector Mike-a an tih chu inla thu takin a lo thu a, dawhkanah a ke alo hlang vel a. Minlo hmu chiah chu ngaihnep hmel takin min lo melhrum a, Nathana chuan cell chhunga mi pakhat lo thu chu a hmu a, "Hepa hi tunge?" a ti a, Mike-a chuan, "Ruatsangi chunga thilthleng chungchanga rinhlelh te zinga mi anih kha, a phone a switch off a, a thiante pawh an tlan chhe vek hman a, amah hi kan man ta a ni." a ti a. Nathana chuan, "File min han pe teh." a ti a, Mike-a chuan a pe a. Nathana chuan file chu a han en vang vang a, "Attempt to murder case.....Ruatsangi bulah awm reng ta se Jeremy-a hi tualthattu ani tihna a ni thei angem? Khaw mipui zawng zawngin an inhmangaih zia an sawi reng a, an inru nghe nghe a, chungte chu i hre ve em? Misual kan man a pawimawh rual rual in, tihsual a nei nge neilo tih te pawh chhuichhuah a pawimawh asin...Jeremy-a chu rawn hruai teh u." a ti a, Mike-a chuan, "Engmah a sawi tha duh chuanglo.." a ti a, Nathana chuan vin zet hian, "I hriat duh apiang a hrilh che i ring ami? Rawn hruai rawh ka tih chuan rawn hruai la animai." a ti hrep a, Mike-a chuan rum zet hian a melh a, Jeremy-a chu ava hruai ta a. Jeremy-a chu tlangval hmeltha tak a ni, mahse chaw a ei mumal lo tih hriat tak hian a chauh hmel em em a, a tap nasa tih hriat tak hian a mit a sen rum a, a mutha lo tih hriat takin a mit a bui vek bawk. Constable pahnih te chuan an rawn hruai phei a, Nathana a hmu chu a hlauh hmel em em lehnghal a, a hmui te chu a ro em em bawk a. Nathana chuan a hmuh chuan a khawngaih hmel em em a, thinrim tak hian Inspector Mike-a chu a en a, "Mihring i ni ve lo mi? Thinlung i nei ve lo mi? Accused chauh ala nih saw, criminal a ni ngei em tih proof na pawh ala awm lo a, tikhawp sawn in sawisa in in hrem a maw?" a ti a, Mike-a chuan rum em em hian Nathana chu a melh a. Nathana bawk chuan, "Engzat thamna nge i lak a? Tunge pawisa pe che?" a ti chiah chu Mike-a chuan thinrim hmel deuh hian, "Hey, hei hi ka khua a ni a, ka Station a nih hi...buaina i nei anih chuan complaint na thehlut la ti nia." a ti a, NAthana chuan a pistol a phawrh a, Mike-a chalah a tin a, a kawrawmah a tham a, "Ruatsangi hi in khuaa ka thianpa tunu a ni a, keipawn hmu ngailo mah ila ka fanu ang chiahin ka ngai a, ka ngaihsak a ni. Tualthattu a tlanchhuah theihnan a pawisawilo i tawrh tir a nih vaih chuan maw...i thluak hi ka kap darh vek ang." a ti a, kan en thap hlawm a, Mike-a chu a tawng ngam tawhlo chiang ngei mai. Nathana chuan constable pakhat bulah chuan, "Jeremy-a kha doctor hnenah hruai rawh u." a ti a.
Darkar khat hnu velah chuan Jeremy-a unaunu leh a pasal an rawn lut a, ka bulah chuan a unaunu Siami chuan, "Ka pu, ka u hian tiang thil hi a ti lo ang, ka u hi ka hrechiang a, engtikah mah Ruatsangi hi a that lovang, a hmangaih lutuk a sin." a ti a, a pasal pawh chuan, "Ni e, keipawn ka u angin ka en a, hna te min hmuhsak a, an thawhna company ah pawh chairman ah min dah a, mi fel tak a ni." a lo ti ve bawk a. Nathana chuan, "Hemi khua mi in ni velo tiraw?" a ti a, Siami chuan, "Aw..ka pasal hi Champhai khua a ni a, Champhaiah kan awm." a ti a. Nathana chuan, "Keipawn Jeremy-a te inhmangaihna hi ka hre chiang lo a, engtia intawng nge min han hrilh teh u." a ti a. Siami chuan a sawi ta a....
*****
Jeremy-a te hi he khuaa mi hi an ni lo a, khawdang atanga rawn pem an ni. Tichuan an rawn pem ni chuan Ruatsangi nen hian an in tawng a, Ruatsangi hi an unau zingah a naupang ber a. An upa ber chu Tommy-a a ni a, a u chiah hi Jenny ani a, chuan a mah Ruatsangi hi a naupang ber a ni. Ruatsangi leh Jeremy-a chu intawngin an inkawm chho ta zel a, an in duh tawn ve ve bawk a, mahse an induh thu chu an la inhrilh mai lo thung. Ruatsangi nen chuan nitin mai chuan an inhmu a, an inkawm a, an chhungte pawn an duhpui ve khawp mai. Vawikhat chu Ruatsangi u Jenny chuan pasal a nei dawn a, an phur hlawm hle mai. An inneih hma zan chuan Ruatsangi leh Jeremy-a te chu inhmu turin Biakin bulah an kal a, Ruatsangi chu a thleng hmasa zawk a, darkar chanve zet a nghah meuh chuan dar 11 a pel ta a. A phone a, ala thei bawk silo a, diktak chuan hemi zan hian Ruatsangi hian a hmangaih thu Jeremy-a bulah hian sawi a tum a ni. Haw mai a tum lai tak chuan hmanhmawh em em in Jeremy-a chu a rawn tlan a, a hnungah chuan Ruatsangi u Jenny chuan a rawn zui a. Jenny chu Jeremy-a chuan a kai a, hmanhmawh takin a tlan pui a. Chuveleh an hnugah chuan Ruatsangi u mipa Tommy-a leh midang 10 vel chuan an rawn um a, Jeremy-a te hmaah chuan motor hi a rawn tlan a, a ding a, hmanhmawh takin an lut a, an tlan ta daih mai a, Ruatsangi mak ti lutuk chu ngawi rengin a ding a. Tommy-a ten an umphak tak siloah chuan an thinrim hmel khawp mai, Ruatsangi chuan Tommy-a thil awmzia a zawh chuan, "I thianpa hian a hmangaih ceh amaw ka lo ti a, mahse i u Jenny zawk alo duh a, Jenny inneih ni pawh naktuk mai ani tawh a, saw bumhmang Jeremy-a sawn a ru a nih saw." a ti ta mai a, Ruatsangi rilru na lutuk chu a tap vak vak mai a, har hle mahse Jeremy-a chu theihnghilh a tum ta a.
Thla 5 vel aliam hnu chuan Ruatsangi pawh chuan Jeremy-a chu a ngaihtuah ta reng bik lova, pasal neih ve zai te pawh rel a tum ta a. Ngaihzawng pakhat Freddy-a a nei ve a, an induh ve hle mai a, tichuan inneih lampang zai an rel ve dawn ta a. Freddy-a chu Politician fapa a ni a, inneih thuhla vel sawi khawmin Ruatsangi te inah chuan an leng khawm a. Freddy-a patea, Pu Khuma chuan Ruatsangi pa leh Tommy-a chu a hranaga biak lawk a duh thu a sawi a, tichuan roomah an chho a. Pu Khuma chuan, "Ihh...englo ania, Ruatsangi u Jenny kha mikhual rawn awmthar nen an inneih hma zanin an in ru tih kan lo hria a, alo let leh tawh lo ngei ang. Lo let leh ta pawh nise, in lo pawm duh hi ka ring tawh lo ani. Chuvang chuan in inhmun leh ro chang tur awm chhun chu in fanu naupang ber Ruasangi hi anih ka lo ring a." a ti a, Tommy-a leh apa chu an hmel atang chuan an ngaihdan anihloh hmel khawp mai. TOmmy-a pa chuan, "Nia...adik alawm" a lo ti a. Freddy-a patea chuan, "A awmzia chu, kan fapa Freddy-a ta nimai tur ani tihna aniang chu tiraw? Ih e....kan fanu ni mai tur Ruatsangi chanpual ni mahse, in boral hun nghah kher hi a tulna ka hrelo ani." a ti a, Tommy-a insum zolo chuan hnek tumin a kut a hum ruh a, "Zawnga.." a ti a, mahse a chet hmain apa chuan alo dang vat a, Freddy-a patea bawk chuan, "In pek theih tur zat chu min hrilh ula, in thih hnua min pek theih tur vel sawibuai ngailovin, kan lawm khawp ang. A him hrimin, election hnuhnung ber khan MP ni tur in i contest a, chuan i fapa Tommy-a pawh hi kan veng MLA ni turin a ti ve bawk a, mahse i fapa hi chu kan support loh avangin a tlinglo anih kha. Mahse kan political support hi chu he i fanu leh kan fapa inneihna tur nen a in zawm lo ania, mahse ka sawi nachhan chu, MLA inthlan awm leh hunah hian, kei hi ka tl ve dawn a ni." a ti a. Tommy-a thinrim chuan, "Hey...tunge i biakte hi min hrechiang em?" a ti a, Freddy-a patea chuan, "In chanchin engkim ka hriat hnuah ka lo kal ani. Chuvang chuan in pawisa leh on neih zawng zawng hi in fanu Ruatsangi kuta in hlan hi a apawimawh ber. Hetiang politics thil ah hi chuan, engpawh ni se, i pawm mai angai ani." a ti a, Tommy-a chuan, "Ka pa, enge he mihring hi ila biak reng a? Inneihna thu sawi turin nge anlo kal a, kan sum eizo turin?" a ti vin hlur a. Freddy-a patea chuan, "Bawiha, lo ngawi mai mai rawh. I pa hian ka thu hi ahnial lovang, a hnial ngam bawk heklo ang. I duh duh dan chuan i che dawnnia, kan lo en ang chu." chapo tak chuan a ti a, Tommy-a pa chu za lo takin a nui suk a, "I duh ang chuan thleng rawh se, ka fanu hlimna hi ka duh ber a ni." a ti a, Tommy-a chu a thinrim kher mai. Freddy-a patea chuan, "Anih chuan inneih chu keini pawn kan remti e." tih pah chuan sitting room lamah a chhuk a, Freddy-a pa bulah chuan, "Ka u, engkim a fel e, inneihna pawh an remti e." a ti a. Freddy-a leh Ruatsangi pawh chu an innuih a, anhlimdun hmel kher mai. Tichuan inneihna an remtih thu cu an puang ta a, an inbe fel ta a.
Chumi tlai chuan Freddy-a patea chu a driver nan an haw hrang a, motor chhungah chuan intithei takin a thiante a phone a, "Aw...an innei dawn ta e...ka tawng chak bawk a, ka sawi engkim chu an pawm thlap mai mawle...sum hlir ani tawh mai tunah chuan, kan hausa tawh viau ang. A tirah chuan an property atnagin 30% min pe phawt dawn niin ka hria a, an unaupa upa ber Tommy-a phei hi chu kan that anih phawt chuan an neih zawng zawng kan laksak vek thei animai. Awle...nihphawt le.." a ti a, phone chu a dah ta a. Chuveleh seat hnung atang chuan tu emawni hian hruiin Freddy-a patea hrawk chu a rawn rek thut mai a, a tal nasa em em a. Atawpah chuan chupa chuan Freddy-a patea chu a rek hlum ta a. Driver nen chuan chupa chu an innuih a, a awmzia chu chupa leh driver chu anlo inthurual tihna ani. Chupa chuan a phone a phawr a, Ruatsangi u Tommy-a chu a call a, "Boss...ka that tawh e." a ti a, Tommy-a chuan, "Ka politics nun atang hian ka kawng min dal tu chu in dahtha zel tur a ni, khang mimawl ho kha ka mamawh lo...in thawk tha e." a ti a phone chu a dah ta a. Chutih lai chuan Ruatsangi te thenawma tlangval pakhat, Puia chu hmanhmawh zetin Ruatsangi te inah chuan a kal a, Ruatsangi bulah chuan, "Ruatsang, Jeremy-a awmna ka hria...en rawh hei thlalak hi." tih pahin thlalak chu a pe a. Ruatsangi chuan thlalak chu a en a, Jeremy-a thlalak chu a hmu a, an khuaa a lo let leh tur thu leh business man hlawhtling tak leh college zirtirtu anih thu vel te chu a inziak a. Puia chuan, "Ruatsang, i duh duh sawi rawh. Ka that anih loh pawn, a nunna chu ka la dawn alawm. I chunga a thil tih hi a hmu let tur a ni." a ti pung pung a. Ruatsangi chuan, "I bike la chhuak la, kal ang hmanhmawhin." a ti a, hmanhmawh tak chuan an chhuak a. An thlalak hmuh atang chuan a address chu an hre thei a, chu college chhungah chuan Ruatsangi chu a lut tawp a. Class tin chu a en kual a, a tawpah chuan Jeremy-a class lo la mek chu a hmu a, a thinrim insum zolo chu a va lut a. Jeremy-a chuan an zirlai chu alo explain mawlh mawlh lai chuan Ruatsangi chuan, "Hey...nang kha, ka unaunu Jenny chugnah khan engthil nge i tih a? An inneih hma zan lawkah i ru chhuak a, an chhungte ngaihdan tur i dawn pha miah nange? Khami ni a ka nutei mangan zia kha i hria em? Mi tha tak ni turin ka lo ngai che a.." a sawi zawh hma chuan Jeremy-a chuan, "Minlo zui rawh.." a ti ringawt a. Jeremy-a chuan bike a la chhuak a, Ruatsangi chu chumi college atanga km 7 vel laia hla ah chuan a kalpui ta a. In pakhat an thleng a, Jeremy-a chuan, "Enrawh...saw.." a ti a. Ruatsangi'n a thil hmuh chu mak a ti hle mai, a u Jenny bialpa hlui ni thin Francis-a nu leh pa hlim taka an lo inbia chu a hmu a. Jeremy-a chuan, "Ila hria em? Francis-a hi i nu leh paten Jenny nei tura an rawn dil khan, an retheih vang leh an hniam em avangin an lo hnar a nih kha. Jenny hmangaih ber chu a pasla tura i chhungte thlan nilovin Francisa zawk hi a ni. Tikhan kan khua zawng zawng khan an en hrang ta a, khavang khan he khuaah hian an insawn ta a ni. Zawi zawiin an in din chho ve zel a, an duh ber chu an fapa hlimna a ni. Enteh....Jenny hian fa a neih veleh in bulah alo let leh anga, i pa te pawn an ngaidam anga, engkim a ffel leh em em ang.Heng huatna te, in elrelna te, in hmuhsitna te hi kumkhaw daih ani hlenem. Kumkhawdaih awmchhun chu, hmangaihna chauh hi a ni a sin, Ruatsang. I pa rilru buaina ber chu a duhtak makpa a hmu theilo hi a ni a, mahse buaina ber zawk chu, i u Jenny hian a duh tak pasal a neilo tur zawk hi a ni. Chuvang chuan i u Jenny hi ka nau ang chiahin ka en a, engkim tuar huamin a thil min ngen chu ka tih hlawhtlinsak ta a ni. I awihlo a nih chuan i u Jenny hi zawt mai rawh." a ti a, Ruatsangi pawh chuan mak a tihhmel hle mai.
Jeremy-a chuan Jenny chu a call a, "Hello Jenny,hei...i nau Ruatsangin a be duh che a." a ti a, Ruatsangi chu phone a pe a, "Hello..U Jenny..Enge awmzia?" a ti a, Jenny chuan, "Awii...Ruatsang, ka tihpalh aw, ka phone ngam ngailo che a, mahse Jeremy-a i bulah a awm a, ka huaisawtin ka hria." a ti a, Ruatsangi chuan, "Ka hrethiamlo....enge thil zawmzia?" a ti a. Jenny chuan, "Ihmaw, khami zan khan Jeremy-a khan min ru lo, min pui zawk a ni. Nangpawn i hriat kha, Francisa ka hmangaih zia te chu, mahse ka pa khan a duh silo a, khati khawp khan kan ina anlo len pawn a lo hnauichhiah a nia. Kan khuaa vengtin leh mitinin khatia Francisa te chhungkua kan hmusit kha an hria a, an zak em em a, hrehawm an ti asin. Chuvang chuan Francisa lo chu ka duh silo a, Jeremy-a hi kan chanchin engkim ka hrilh ta a, min pui turin ka ngen a. Ka ngen ni khan maw,. a rilru a insual buai nasa asin, Kan hrilh ve che chuan i remti awm siloa, mahse Jeremy-a hian a nau ang chiaha min hmangaih avangin engkim tuar huamin min pui ta a ni. Ruatsang, a hmangaih lutuk che asin, a sawi reng zel che, mi fel tak a ni." a ti a, Ruatsangi pawh chu a rilru a inthlak hlawk amaw tih mai turin a hmel chu a danglam a, Jeremy-a chu a en ngawih ngawih mai a. Phone an dah chiah chu Jeremy-a chuan, "Tikhan i hlim tawh em?" a ti a, Ruatsangi chuan mittui tla chungin, "Umm.." tih ringawt hian a chhang a. Chumi zan chuan Jeremy-a chu Ruatsangi te inah chuan ava leng a, engkim Ruatsangi nena an inhmangaih thu chu a puang ta vek mai a. Ruatsangi u TOmmy-a chuan khawih nghal a tum titih deuh mai a, mahse a pa chuan alo dang a. Ruatsangi pa chuan, "Enteh bawiha, kan chunga i thiltih kha keini chuan a na kan ti a, mahse i sawi dik ve tho mai. Kan fanu i ru chhuak a, kan phalloh ber mai Francisa i neih tir a, mahse kan fanu hlimna anih chuan ka la hrethiam e. Mahse tunah nangin kan fanu neih min rawn dil leh a, kan neihhhun a ni a, chubakah midang neninnei turin kan lo hual lawk tawh si a, tihngaihna avang khawp mai." a ti a. Ruatsangi chuan, "Pa..Jeremy-a hi ka hmangaih em em a, i duh apiang sawi la, ka ti ang. Mahse Jeremy-a ka neih theihna tur a nih pawht chuan, engkim i sawi apiang ka ti ang." a ti a. Apa chuan, "Engkim i ti ang maw?" a ti a, Ruatsangi chuan alu a bu nghauh a. Apa chuan, "Anih leh ni 40 chhung Jeremy-a nen hian in inbe tur a nilo, kan buai dawn a, engkim abul atangin kan tih leh vek angai dawn a. Chubakah Ruatsangi pasal turte chhungte kan biak leh angai awm sia, chuvang chuan ni 40 chhung chu in inhmuh loh angai. Chumi zawhah chuan in inneihna tur zawng zawng ka buaipui ang." a ti a, Jeremy-a leh Ruatsangi chu an in en a, Ruatsangi chuan Jeremy-a chu a va en a, mahse JEremy-a chuan a lu alo thing a, achhan chu Jeremy-a hian Ruatsangi pa thil plan leh amah an hnawhbo na kawng a zawng mai mai tih a hriatlawk vang a ni. MAhse Ruatsangi chuan, "Awle ka pa..ka pawm e." a ti ta mai a. Jeremy-a chu a thinrim hle mai, lungawiloh hmel tak chuan a chhuak ta a.
******
Siami (Jeremy-a nau) chuan, "Sir, chu zawng chu a nimai ka hriat chu, abak chu ka hre tawh lo, engtin nge an pahnih hian an inhmuh leh ka hre tawh lo, phone chuan an inbe zeuh zeuh tih chu ka hria." a ti a. Nathana chu a ngawi vang vang a, "Ummm...an pahnih hian an inhmangaih hle tih a hriat a, a chhungten ni 40 lai inhmulo tura an tih chung pawn, abak buaina a awm talo a, tuin nge an pahnih hian tibuai ta ang le? Tibuaitu chu an nei a ni..min chhang thei tu tur chu Ruatsangi chauh a ni." a ti a. Phone arawn ri a, constable chuan a chhang a, chuveleh ring zet hian, "Sir, Ruatsangi a thi an ti nia." a rawn ti ta mai a. Nathana chuan, "Enga..khawimaw phoen kha?" a ti a, phone atang chuan doctor chuan, "Minute 5 lai aliam tawh, a thih hma khan paper min dil a ni, chumi paper ah chuan 635 tih a ziak a, chuan a chatthla nghal a." a ti a. Chu veleh Jeremy-a chu a rawn au vak vak a, "Nilo...athi theilo...Ruatsang, Ruatsang...nilo." tiin a rawn tap vak vak mai a, Nathana chuan alo en reng a, Jeremy-a chu kan lo dang a. Doctor chuan a chiu muhil ,a, custody ah chuan kan dah a. Nathana chuan, "Ngaithla rawh u, ASP Rina hian a kaihruai che u anga, he khuaa motor number zawng zawng 635 tih inziak zawng zawng leh House number-a 635 tih inziak zawng zawng kha ka orderin va man vek rawh u, motor driver te chu rawn hruai ula, ina cheng te pawh rawn hruai rawh u." a ti a, tichuan kan chhuak ta hlawm a. Nathana thupek ang ngei chuan motor number a 635 tih awm apiang chu eng motor pawh nise kan man ta vek a, chutiang bawk chuan house number a 635 tih awm apiang te pawh chu kan man a. In pakhat a kan luh chuan pa pakhat hi a rawn tlan chhuak zuk mai a, mahse ka man hman hlauh a. Constable chuan, "Sir, hepa hi hmeichhe chhaih nawmnah thu ah afapa kan man a...Ruatsangi pawh a lo chhaihnawmnah a ni awm e." a ti a. Keichuan, "Hey Hmela, khawnge i fapa chu a awm??" ka ti a, constable bawk chuan, "An rawn bail hmain jail chhungah a inawk hlum a ni." a ti a. Keichuan, "Anih chuan Ruasangi chu an mahni thah ani mai lo maw?" ka ti a, chupa chuan, "Sir engmah ka hrelo." a ti a, a bag ken lai chu ka laksak a, silai leh Ruatsangi thlalak a lo awm a. Keichuan, "Silai leh Ruatsangi thlalak hi tinge i bag chhungah a awm?" ka ti a, a ngawi reng a. Police Stationah kan hruai ta a, police station kawtah chuan mipui an lo pungkhawm nasa hle mai. JEREMY-A HI DAN ANG TAKA HREM NI RAWH SE..tih ten an lo au a, TUALTHATTU VENGHIM TU DCP NATHANA BANG RAWH SE tih ten anlo au a, an thinrim hmel khawp mai. Station chhungah kan lut a, chu kan man pa chuan Nathana a hmuh veleh chuan, "Ka pu, Ruatsangi hi ka thah a nilo. Ruatsangi kha ka fapa in alo chhaih a, mahse Ruatsangi pa chuan ka fapa chu manin jail ah a khung a, hreawm a tih em avangin a inthah phah a. Chumi chu ka thinrim em a, a fanu hi thah ve ka tum ta a ni, mahse ka that lo ania." a ti a. Chuveleh tukverh chu mipui chuan an rawn vawmkeh thuai thuai hlawm mai a, constable chu lo lutin, "Sir, Jeremy-a hi court ah kan kalpui thei rihlo ang, mipui thinrim hian an chilhlum mai ang." a rawn ti a. NAthana chuan, "Hepa hi jailah khung ula, Rina minlo zui teh." a ti a, tichuan ka zui a. Pawnah chuan kan chhuak a, mipui te chuan, "JEREMY-A MIN PE RAWH, A TUALTHAH MAN HREMNA KAN PE DUH." an lo ti a. Nathana chuan a pistol a phawrh a, kan SI pakhat keah chuan a kap ta a, SI chu a au tuar a, a thal tawp mai a. NAthana chuan, "SI kea kaptu hi tunge? Hei a thi tep anih hi.." tihpah chuan chung lamah silai chu vawithum a kap leh a, "Silai kap ri pawh vawi 4 lai a awm, engtin nge FIR report ah ka ziah dawn che u, engtiang chiahin nge dawt ka sawi thiam in hria em? SI chunga thleng ang hi in chungah thleng ve tura induhloh chuan kalsawn rawh u." a ti a, an tlan chhe rang hlawm hle mai. NAthana chuan, "Sub-Inspector, ka tihpalh ani, kha hei hi la rawh." tihpahin cheng 2000 clip tam zet hi a pe a, "In enkawl nan i hmang dawnnia, khang mipui thinrim te kha ka hnawh darh a ngai miau sia, report ah chuan Jeremy-a chhan i tumna lamah mipuiin an kap hliam che tiin ka ziak anga, lawmman i hmu ngei bawk ang tih ka tiam a che." a ti a, SI chuan, "Apawilo, engmah ka duhlo...Jeremy-a i chhan a, a tawk e." a ti a.
Court chu kan thleng a, achhungah chuan Jeremy-a chu kan hruai lut ta a. Lawyer chuan, "Your Honour, he case ah hian thil inquire tur tam tak ala awm a, chuvang chuan thil chhuichian anih hma chuan Jeremy-a hi jail a dah renglova chhuah hrih turin ka ngen che a ni." ati a, Jeremy-a chuan zawi sap hian, "Chutiang a ngailo ang." a rawn ti a, Jeremy-a chu kan en thup a. Rum em em leh thinrim hmel tak hian a rawn hawi chhuak a, nel awmloh zet hian a mit a sen rum mai a. Jeremy-a bawk chuan, "Ruatsangi kha tudang nilovin, keima thah ngei a ni." a ti ta mai a. Mak ti takin kan in en thup hlawm a, Nathana phei chu a ka hau mai a. Lawyer chuan, "I thah maw? Engvangin?" a ti a. Jeremy-a chuan, "Ka hmangaih em em a ni, Sir...chuvang chuan ka that a ni." a ti a. Lawyer chuan, "I hmangaih te chuan, tinge i thah a?" a ti a. Mipui zinga pa pakhat chuan, "Inla man thiam nange? Misual a nih kha, mi rilru kimlo mi nunrawng a nih kha. Nicky Cruz te, Hitler te leh tualthattu dangte nen an danglamna a awm lo." a lo ti a. Jeremy-a chuan rum zeta va melh pah chuan, "Hey, engvangin nge anni te nen min tehkhin a? Anni chuan an duh an neih loh chuan tual an that mai thin. Mahse ka ni velo...Ruatsangi hian midang ngaizawng pawh nise, an inneihna senso zawng zawng ka tum vek hial ang chu mawle." a ti a. Mipui zinga mi bawk chuan, "Anih chuan nang mimawl khan engvangin nge i thah si a?" a ti leh a. Jeremy-a chuan mittui tla chungin vin zet hian, "Hey, ka thil tih chhan min zawt min zawt a, ka chunga a thil tih in hre ve hleinem. Ruatsangi hi ka nunna a ni asin, ka neih zawng zawng leh ka dream ve thin te kalsan vekin a bulah ka kal a, mahse ani ve thung kha chuan e....he ka thil tih hi vawi 10 chuang ka ngaihtuah hnuah chauh ka ti asin...Ka that a nih chuan thil dik ka ti tihna a ni." a ti ta vak vak mai a, mak kan ti hlawm ngei mai, kan ngawi thap hlawm a. Judge chuan chawlhlawk a puang ta hrih a, a office ah chuan Nathana nen min ko lut a, Judge chuan, "Pawnah sawn mipui in Jeremy-a khaihlum turin an au vak vak a, engtin nge i tih tak ang?" a ti a. Nathana chuan a chhan hma chuan Inspector Mike-a chuan, "Engtin nge ni vak anga ka pi....a thil tihsual a puang tawh a, encounter in kaphlum ila nimai lawm." a lo ti zuah zuah a. Judge chuan, "Hey, engtin nge i sawi theih zawk? Tunge i biak hi i hria em? Police nge i nih a misual zawk? Chhuak phawt teh, lo awm ve suh." a ti hrep mai a, ka lo nuihsawh tep a ni. Mike-a a chhuah hnu chuan Nathana chuan, "Ka pi, Crime scene ziak phawt ila, chumi hnuah hmanrua kan collect leh ang a. Chumi hnuah chuan remand ah kan hruai thei tawh ang.." a ti a, mahse Judge chuan, "Tun ah hi chuan kan hruai chhuah theih ka va ringlo em, mipui thinrim sawn an chil hlum mai ang." a ti a. Nathana chuan, "Ka buaipui thei mai ang, mipui hi engtikah mah an kalsawn dawn chuanglo, an kalsawn hun kan nghah chuan kan tlai zel zawk ang." a ti a. Judge chuan, "Awle...nang i ni bawk a, ka ring ang che, mahse eng complaint mah ka dawng tur a nilo." a ti a, Nathana chuan, "Awle ka pi." a ti a, Judge chuan Jeremy-a hruai chu a rem ti ta a. Nathana chuan room pakhatah Jeremy-a leh constable pathum te chu a luhpui a, anlo chhuak leh chu Nathana tihloh chuan an hmai an tuam vek a, kawr inang leh kekawr inang, pheikhawk in ang an rawn bun chhuak vek a, tuber nge Jeremy-a chu a hriat theih ta hauh lo mai le. Pawnah chuan kan chhuak ta a, Inspector Mike-a bulah chuan Nathana chuan, "Mike...hengmi pali te hi police van ah hruai la, crime scene ah kan kal dawn." a ti a, Mike-a chuan a hruai ta a, keinipawh chuan kan zui a.
Crime scene kan va thleng a, mipui tamtak leh press ho te pawh an lo awm teuh mai a. Thawk leh khatah Jeremy-a chuan a hmaituamna a phelh thut a, a tlan ta vak mai a. Kan vai chuan kan um ta sup sup a, Mike-a chuan pistol a phawrh a a kap ta vak vak mai a, Nathana chuan, "Kap suh, kap suh." tlan pah chuan a lo ti tawng tawng a. Jeremy-a chu a tlan chak telh telh a, a hmaa truck tlan lai chu a va zuan vak a, truck hnuga bag in khai chu a pawt thla a. Chu bag chu hmeichhe bag a ni a, bag chu a kuah a, a thingthi a, a kun ta tlat mai a. Kan va thleng a, Nathana chuan, "Kha kha enge? Achhungah khan enge awm?" a ti a, Jeremy-a chuan bag chu a kuah bet tlat a. Nathana chuan a chhuhsak lui a, a chhunga awm chu a bun a, thlalak tamtak leh inneih zungbun leh hmeichhe make up a rawn tla nuai mai a. Thlalak chu kan en a, Ruatsangi leh Jeremy-a te inneih thlalak hi a lo ni a, mak kan ti hlawm hle mai a. Nathana chuan Jeremy-a chu na takin a tham tho a, "Constable, mipui kha lo dang ula, an luhlul anih chuan Lathi Charge tawp rawh u..Rina minlo zui rawh." a ti a, tichuan kan kal ta a. Nathana chuan Jeremy-a chu bang phenah a hruai a, "Hey, enge awmzia? Inlo innei hman amaw? I hmangaih thu i sawi a, ahnuah i thah a nih thu i sawi leh a, tunah in inneih thlalalk kan hmu leh a..enge awmzia?" a ti a. Chuveleh Jeremy-a chuan rum em em hian Nathana chu a melh a.....
****
Khatia Ruatsangi'n apa bulah, "Ka pawm e, ni 40 chhung chu Jeremy-a nen kan inhmu lovang." a tih hnu khan Jeremy-a chu thinrim takin a kalsawn ta daih a. Ruatsangi chuan va umzuiin, "Lo ding teh..khawngaihin hriatthiam tum rawh. Ka nu kha Jenny leh Francisa an inruk hnu khan a rilru na lutuk chu a damloa, khatiang chiah a kan inru ve anih chuan a tuar zo lo ang. Kan inneih an phallo tih thu pawh an sawi loh kha, ni reilote chauh kan inhmuhloh a ngai animai alawm." a ti a. Jeremy-a chuan, "Ka hria alawm, mahse heng zawng zawng hi kan inthen na tura an plan lo ni ta se? Ka pa ka chan tawh a, nang hi ka neih chhun i ni a, kan chan phallo che a ni Ruatsang." a ti a. Ruatsangi chuan a kuah a, "Nitinin kan incall thei ziah tho a lawm. Chuan kan inhmuhloh chhunga then tura min tih che chuan ka rawn sawi anga, min rawn ru tawp dawn nia." a ti a, a nui seih a, "Kan inhmuhloh chhung chuan i dream project te i buaipui anga, mi buai tak i ni awmsia...mahse kan inneih hunah chuan he i hna hi a zo ngei ang tih min tiam rawh." a ti a, Jeremy-a pawh chu a lu a bu nghauh a, tichuan an in kalsan ta a. Ni reilote hnuah chuan ahmaa Ruatsangi pasal hual Freddy-a kha a rawn lang hlawl mai a, Ruatsangi pa bulah chuan, "Ka pu, USA atangin ka cousin a rawn haw a, Ruatsangi hmuhtir ve ka duh a ni." a rawn ti a. Apa chuan, "Lo thu rawh, ka va ko ang." a ti a, Ruatsangi room ah chuan va lutin, "Bawihi Freddy-a a lo kal a, va hmu ve ta che." a ti a. Mahse Ruatsangi chuan a lo hmu duhlo nasa mai a, apa chuan, "Ni 40 pawh a awm tawh loh hi, chumi chhung chuan dawhthei takin awm hram hram rawh." a ti a, Ruatsangi chuan, "Jeremy-a'n hetiang hi a duhlo. a phallo ang." a ti a, mahse apa chuan, "A hre dawn hleinem..ka tan tal pawh, a mawilo emai, va hmu hram la." a tih avang chuan ava hmu ta a. Tichuan Freddy-a chu nitin mai a leng ta ,a zantin a leng bawk a, Ruatsangi nu leh pa te lah chuan an duhsak em em a. Jeremy-a chuan call a tum thin a, mahse a la ngailo. Ruatsangi leh Freddy-a chu an chhuak dun ta fo mai a, an hlim dun thei em em mai lehnghal. Jeremy-a call pawh chu ngaihsak na chang a hre ta hauh lo a, Jeremy-a ngaih pawh a tha tawhlo hle mai. Ni 10 vel lai chutia Ruatsangin Jeremy-a call angaihsak loh hnu chuan nikhat chu a hrechhuak leh thut mai a, Jeremy-a chu call a tum a, mahse Jeremy-a pawh chuan a call chu a la duh ta bik lova. Nikhat chu Jeremy-a nau Siami pasal Liantea chuan Jeremy-a chu a ko a, coffee shop pakhat ah a hruai a. Liantea chuan, "Saw..enteh." a ti a, Jeremy-a chu a thil hmuh chuan a ti hrilhhai hle mai. Ruatsangi leh Freddy-a hlim hmel taka an lo inkawm a, an lo thudun chu a hmu a. Liantea chuan, "Ruatsangi mi fel tak te i ti vel a, mi bum hmang a ni. A nu leh paten ni 40 chhung inhmulo tura an tih che u a, awlsam taka a pawm te kha...khata tang khan ka ringhlel daih tawh." a ti a. Jeremy-a chuan, "Anu leh pate vang liau liau in a lawm a pawm." a ti a, Liantea chuan, "Animaw..nihleh i nau Siami hian nu leh pate a nei velo tihna mi? Ka tana lo kal anilo em ni? A awmzia chu a bum che a ni, Freddy-a nen sawn tisawn nitin an inhmu a, mahse phone ah nang a rawn call thung che a, a zaklo ngawt mai." a ti a. Jeremy-a chuan, "Enge thil thleng pawh kan hriatchian loh hi, phone ah min hrilh theilo pawh a ni thei a." a ti a. Liantea chuan, "Hmangaihna avang hian i a dawn nih hi, a bum che tih i hriat hunah engtin nge i awm tak ang?" a ti a. Jeremy-a chuan, "Ni 4 chiah a awm tawh, kan inhmu anga, Freddy-a chungchang a sawi lo emaw, engmah thlenglo anga a awm anih chuan, keipawn min bum a ni tih hi ka ring ang." a ti a, an kalsan ta a.
Chutih lai chuan Coffee Shop chhungah chuan Freddy-a leh Ruatsangi pawh chu anlo inbe ve mek bawk a. Ruatsangi chuan mittui tla teuh chung chuan, "Tihpalh." a ti a. Fredy-a chuan zaidam tak hian, "A ho lutuk, khatiang vang mai mai in tap mahta che. Zaninah ka pa kalo bi anga, Jeremy-a nena in inhmangaih zia hi ka lo hrilh ange. Chuan kan inhualna pawh kan titawp anga, kan innei lo ang." a ti a. Ruatsangi chu a lawm ngei mai, "Min hrethiam a ka lawm e aw. Jeremy-a hrilh lova ka chhuah pui che pawh hi ka rilru a hah lutuk a, mahse ka thawl huai mai." a ti a. Freddy-a chuan, "Jeremy-a chu mi vannei tak a ni." a ti a. Ruatsangi chuan, "Ka la hmuhtir ang che." a ti a. Freddy-a chuan, "Nilove, kan inneih na tur hi official taka cancel anih hma chu tumah hrilh hrih suh.Chuan Jeremy-a pawh hrilh lo la, achhan chu a thinrim hma i ti sia, a chiloh. Chuan kan chhungte pawh hrilh hrih lo ila, ka pa chauh kalo la hrilh ang." a ti a, tichuan an haw ta a. Zanah chuan Freddy-a chuan an chungchang chu apa chu a hrilh ta a, apa chuan thinrim zet hian, "Midang a hmangaih thu a hrilh lai che a i lu ilo bu nghauh nghauh a, mi nep tak ang mai a heta min rawn hrilh leh i zak miah nange a? Nang aia rethei zawk nang aiin a thlanga , chupawh inhual tawh hnuah, mite min ngaihdan tur i hria em?" a ti hrep mai a. Freddy-a chuan, "Ka hre ve tho alawm..tuna i thinrim ang hian thinrim ve ta ila chu naktuk ah lawk a inruk tir nghal daih anga sin. Ka pa, khawpuiah exam turin a zin dawn a, chuvang chuan kar khat chhung an inbe tur a nilo, chumi hlan chuan Jeremy-a hi ka that dawn a ni. Chumi hnuah chuan min nei ngei turin Ruatsangi hi ka siam bawk ang." a ti a. Chu veleh Freddy-a pa chuan Ruatsanga pa chu a call a, "Hello unaupa, enge in an a?" a ti a, Ruatsangi pa chuan, "Election a hnai a, inneihna tur pawh kan buai pui a, kan buai ve khawp mai." a ti a. Freddy-a pa chuan, "Ka lo hriat dan chuan kan fanu nimai tur Ruatsangi kha, exam turin Aizawlah a zin dawn niin ka lo hria a." a ti a. Ruatsangi pa chuan, "Nia mawle...a final na tur a ni tawh a, karkhat chhung a cham ang." a ti a. Freddy-a pa chuan, "A thiante in ah a thlen chuan thian thalo te a kawm palh ange. Tunlai Aizawl nula te ho hi an nasa si a, thi thalo te an lo tihpui palh ang. Chu ai chuan maw, kan chhungte an tam a, chutah chuan thleng zawk se ka va ti em." a ti a. Ruatsangi pa chuan, "Awle...i tih dan dan le, i fanu ve tho ania lawm." a ti a phone chu an dah ta a. Freddy-a pa chuan, "Tikha chuan a fel ta....unaupa angin min en a, mahse ka sualthiam zia a la hrelo ani. Enteh bawiha, innei phawt ula, chumi hnuah property zawng zawng kan hui vek ang, min dang thei tu a u Tommy-a pawh saw kan dahtha anga, a tul chuan a pa pawh saw thah mai tur. A hmasa ber ah chuan Jeremy-a kan that ang, saw mihring saw..." a ti a. Atuk tuk leh velah chuan Ruatsangi pawh chu Aizawl a thleng ta a, College a exam form a la zo chiah chu a rinlo tak maiin Jeremy-a a hmu thut mai a. Jeremy-a chuan nuisangin, "Surprise..." alo ti a. Ruatsangi chuan rang takin bang phenah a hruai phei a, tukverh lam chu a kawk a, Jeremy-a chuan ava en a, Ruatsangi veng turin Freddy-a pa chuan security a lo tir teuh chu niin....
"Aizawlah ka exam dawn tih Freddy-a pa in alo hrai a, chuvang chuan ka pa a phone a, Aizawla a chhungte ina awm turin min ti lui a."
"Nileh tinge nang pawn i lo remtih mai a?"
"Ka pa tan...ni 10 ala awm a, la dawh hram hram turin min ti a."
"Enge i buai vak a, ka bulah tunah lo kal la, innei mai ila."
"Enge hetia i hmanhmawh em em a, Jeremy? Ni 10 chiah a awm tawh hi...nghak hram hram rawh."
"Thla 10 chuang la nghah ngai ang mai hian ka hria a sin. Chuvangin tun atang chuan i bulah ka awm tlat tawh ang."
"Chutiang a nilo..ka pa in a hriat chuan a na lutuk ang."
"Engtin nge a hriat anga?"
"Engtin nge ka bulah i awm theih ang, midang inah ka awm ania."
"Aih..i bulah ka awm ze ang."
"Awle...kan inhmu ziah anga, mahse ka thlenna inah chuan lo kal suh aw."
"AWle.."
Tichuan Ruatsangi pawh chu karkhat chhung zet chu Aizaawlah chuan a cham ta a, Jeremy-a nen chuan nitin a rukin an inhmu a, an hlimdun em em a. A tawpah chuan exam a zo ta a, a zawh niah chuan Hotelah a rukin an inhmu dun a, a thawmhnaw a pack mawlh mawlh lai chuan rum zet hian Jeremy-a chuan a en a, "Tunge inkhuaah thlah dawn che? Engin nge i kal dawn? Freddy-a'na rawn lam dawn che em ni?" a ti ta mai a. Ruatsangi chu a phuzuk mai a, "Freddy-a a? Engvangin nge min rawn hruai anga?" a ti a. Jeremy-a chuan, "A pa in a chhungte bula awm turin ati lui che sia, chubakah in in call fo a nilawmni?" a ti a. Ruastangi chuan, "Chutiang engmah a awmlo, vawikhat min rawn call a, ka chhang a, chu zawng chu a nimai." a ti a, Jeremy-a chuan a melhrum hle mai, "Anih chuan ka thlah dawn che nia." a ti a. An haw kawngah chuan Jeremy-a chu a tawng miahlo a, Ruatsangi chuan, "Tinge i tawng miahloh a?" a ti a, a chhang chuanglo. Kawng reh lai taka an tlan lai chuan truck lian tak pakhat hian a rawn su a, lehlam khamah chuan motor chawpin an tla ta a. Truck atang chuan mi pakhat hi alo chhuk a, Jeremy-a te motor let reng lampang pan chuan a chhuk a, a chhungah chuan tumah an lo awm lo a. Jeremy-a leh Ruatsangi te chu an na vak alo a, anlo tlanchhe hman chu niin. Kawngpui lam pan chuan an biru chho a, truck bulah chuan an kal a, a hnugah lampang an pan a, Jeremy-a chuan, "Lawn rawh." a ti a, Ruatsangi chuan, "Hetah hian maw?" a ti a, Jeremy-a chuan, "Aw....tunge min thahtum tu hi ka hriat angai alawm." a ti a, Truck hnuah chuan an lawn dun a, an biru a. Chupa beidawng pawh chu a rawn chho a, truck bulah chuan a ding a, phone a phawrh a, "Aw boss..an motor chu ka su liam ngei a, mahse a chhungah tumah anlo awm lo a, ka lo zawng tha leh ang." a ti a, phone a dah a truck ah chuan a lawn a, a kal ta a. Km 10 vel an tlan hnu chuan chupa chu a chhuk a, Jeremy-a te pawh chu an chhuk ve a. Chupa chuan dawr ah thil a ei a, a ei lai chuan Jeremy-a chuan naupang pakhat a tir a, a phone va ruksak turin. Chu naupang pawh chuan a va ruksak a, Jeremy-a chuan cheng 500 a pe a. Chupa phone chu an check ta a, a call log ah chuan Ruatsangi u Tommy-a number hlir alo awm a. Ruatsangi chuan, "Tinge ka u hian thah min duh chhan?" a ti a, Jeremy-a chuan, "I pa hi kum 2 lai MP a ni tawh a, i u hi chu vawikhat pawh MLA ala ni velo a. Chuvang chuan keini lampang atang chuan vote a hmu dawn lo ti a hre chiang a, kan inneih hi an phallo a ni. Tikhan i hrethiam tawh em? Min inneih tir dawn lo, min thah an tum zawk a ni. Kan tihtheih awmchhun chu tunah hian innei ila tlan bo ang." a ti a. Ruatsangi chuan, "Aih..kan innei thei rihlo." a ti tlat a. Jeremy-a chu a thinrim tawh hle mai. In sehruh teuh chung chuan, "Kan innei anga chuan i chhungte chu thlalak kan hmuh anga, chuta min pawmlo anih chuan media pawh kan rawn tawh mai ang." a ti a, Ruatsangi chu a ngawi reng a, Jeremy-a chu a thinrim sosang takzet tawh. VIn zet hian, "Ruatsang an target hmasa ber chu keimah ka ni, a dawtleh chu nangmah.." a ti a, mahse Ruatsangi chu luhlul takin lehlam a hawi tlat thung a....
*******
Jeremy-a chuan, "Darkar 2 lai ka dil hnuah inneih chu a remti chauh ani Sir...a chhungten min that dawn tih a hre reng chung pawn dil luih ngawng ngawng a ngai ania, a awmzia chu he nu hian min fiam kual mai mai a ni. Keiin ka hmangaih a, ani erawh chuan min hmang mai mai ani. Ka hmangaihna chu a dik a, ani hmangaihna kha chu bumna a ni. Chuvang chuan inneih zawh veleh thah ka tum ta a, chu chu atan chuan hremna dik tak a ni." a ti a. NAthana chuan, "Nangni ang mihring hi chu, Arab ramah chuan in kut leh ke an tan sak che u anga, chung hremna te chu court in a remti ang." a ti a. Jeremy-a chuan zam hauh lo hian, "Hmanrua chu i va collect dawn nilawmni? Kha ka hmanraw hman kha ka thah zawh hnu in tlan chhiat pahin khalai hmunah khan ka peih a, a ruang kha a tawp na atan ka va en leh ngat a, mahse alo la dam chu niin. Reh hlum mai kha ka duh a, mahse tu emaw niin minlo hmu a, a au ta vak a, chuvang chuan lem ka chan a ngai ta anih kha." a ti a, Nathana chuan a en reng ringawt a, Jeremy-a bawk chuan, "Kal ila Sir." a ti a. Crime scene lam chu kan pan ta a, a chhung kan luh hma chuan OUSIDERS NOT ALLOWED tih hi alo inziak a, Jeremy-a chuan, "Khami ni khan duty te inchange laklawh laiin ka lut ru ani." a ti a. Pawna security chuan, "A kal theih loh.." a lo ti a. Mike-a chuan, "Police kan nih hi.." a ti a. Tichuan mi 10 vel hi an lo kal a, Nathana chuan, "Hei hi tu factory nge?" a ti a, an zinga pakhat chuan, "Ruatsangi u Tommy-a ta a nia." a ti a. Nathana chuan phone chu a phawrh a, Tommy-a chu a bia a, "Hello Tommy, i nau thah a nih khan a tualthattu khan a hriam hrei hman kha i factory kawt lai velah hian a paih thu a sawi a, kan check dawn ania." a ti a, Tommy-a chuan, "Awle..check ru." a lo ti mai a. Tichuan kawt vel chu kan enfiah a, Jeremy-a chuan, "Ka chiang chiah tawhlo, khawi lai takah nge ka paih kha...hnim hnahin ka khuh a..." a ti a. Nathana chuan, "Mike...police force ko ula, uisathiam nen, check rawh u helai hi." a ti a, an check ta luai luai hlawm a. Minute 10 vel hnuah chuan police pakhat chuan, "Sir...he laia kan laih chhuah hi lo en teh." a ti a, hmanhmawh zetin kan va tlan a. Leikhur chhungah chuan ruang pakhat a lo awm a, a rimchhe em em mai a. Police chuan, "Hepa hi Ruatsangi pasal hual Freddy-a patea a nia, ahming chu Zonuna (car chhunga Tommy-a thah Freddy-a patea ngei kha a ni) ani a, thla 2 chhung a bo tawh lehnghal." alo ti a. Tichuan lei chu an lai an lai a, ruang tam tak an lai chhuak a, NAthana chuan mak a ti hle mai, Jeremy-a chu ava en a, Jeremy-a pawh chuan a lo en let ve reng a, ruang chu kan hmuhbelh zel a. Athen phei chu ruhro chauh te a ni tawh a, ruang tharlam pawh a awm nual a. Ui chu an bauh ta chuah chuah hlawm a, khawi emaw laiah chuan an tlan khawm a, Nathana nen chuan kan umzui a, Bang lian deuh pakhata 635 tih inziak chu kan hmu a, kawngkhar a bulaha alo awm bawk a. Rang takin kawngkhar kalhna chu kan tichhia a, achhungah chuan mipakhat thutthlenga thu hruai lo tawnbeh hi kan va hmu a, "Min chhan ru." a lo ti a.
Nathana nen chuan Judge inah kan va kal a, thil awmzia kan va sawi hnu chuan Tommy-a te in dap theihna search warrant chu min pe ta a. Tommy-a te in kan va thlen chuan an lo la meng vek a, NAthana chuan, "I factory bulah ruang tamtak hmuh a ni a, chuvang chuan in inchhung pawh hi kan check dawn a ni. Kha...search warrant." tih pah chuan Tommy-a pa chu a pe a, Tommy-a chuan, "Opposition party ho thil tih bak a ni lo ange, min ringhlel em ni a Pu Nathan? Ka factory check turin ka phalsak che u a, tunah kan in maw?" a ti vei pang pang a. Nathana chuan, "I kid Ruata kha kan man a ni, Jeremy-a leh Ruatsangi te motor, a truck a su tupa..Ruat a ngei kha, room chhungah thutthlengah a lo thu a, phuarbeh in alo awm a. Engkim a puang vek, khang ruang zawng zawng te kha amah thah te vek an ni. Chuan ahma takah hian camera a lo awm a, chu camera ah chuan video in chung tualthah te chu nangmah tihtir a nih thu a sawi bawk a ni." a ti a, Tommy-a chu a mangang tawh hle mai. Room atang chuan police ho anlo chhuak a, chemte an rawn keng a, "Sir, chemte hi Tommy-a room chhungah hmuh a ni, chuan Ruatsangi hrawka zaina chemte ngei kha a nih duhhmel khawp mai, a design pawh a in matched thlap." a ti a, chemte ah chuan a sei zawngin a chanve vel thleng thisen a amw phei a. Nathana chuan, "Forecsic lab ah va dah ru." a ti a. Tommy-a nu te chu an tap pur hlawm mai a, Tommy-a pa chuan, "Mawla, hetiang tur hian ka enkawl che em ni? Nathan...man rawh u hepa hi." a ti a. Tommy-a chuan, "Ka pa, lemchang vak vak suh, i thiamloh vek a nih hi." a ti ta mai a, Nathana pawh chu a phu zuk a, Tommy-a pa chuan, "Eng a?" a ti vak a. Tommy-a chuan, "Pu Nathan, TV ka nih chuan ka pa hi remote a niang. A order ang thlapin kei chuan ka zawm mai chauh a ni, khang ruang zawng zawng te pawh kha." a ti a. Apa chuan, "I zak em? Enge ka tel ve na?" a ti a. Tommy-a chuan, "Ka pa, i fanu ngei mai Ruatsangi that tura min tih khan, engemaw diklo a awmin ka hre reng a, chuvang chuan i thil sawi zawng zawng kha ka record vek a ni. Ani pawh hi man rawh u.." a ti a. Tommy-a nu chuan, "Duhtak..enge awmzia?" a ti a, vin zet hian Tommy-a pa chuan, "He inchhungah hian ka pawimawh ber...ka fanu in pasal a um a, ka political power a ti chhia a, chuvang chuan he tlangval Jeremy-a hian a tihchhiat belh hmain Ruatsangi chu thah angai in ka hre ta a ni. Ka thil tih hi a sualna ka hrelo.." a ti vak vak mai a. Nathana chuan, "An pahnih hian man rawh u." a ti a, Tommy-a te pafa chu kan man ta a.
A tukah chuan court ah chuan Tommy-a te pafa chu kan hruai a, Jeremy-a chuan, "Your Honour, Ruatsangi kha ka nunna a ni a, ka hmangai em em a, engtin nge ka thah theih ang? Hemi te pafa hian kan pahnihin min thah an tum a, Ruata tih hminpu an rawn tir a, mahse kan damchhuak hlauh a. Tichuan Ruata chu ka zuiru a, ka man a ka sawisa a, Ruata chuan Tommy-a te pafa min tih tir a ni tiin a sawi a, min that turin an ti a, a tul chuan Ruatsangi pawh that tel turin an ti a ni. Ni 40 chhung kan inhmuh theihloh lai apwh khan Ruatsangi hi a pa hian Freddy-a hmu turin a tilui thin a, nitin a chhuandun tir ziah a, a tirah khan Ruatsangi ka lo ringhlel a, mahse Ruatsangi chuan min hrilh vek a ni. Kan tumdan chuan mi kan hrilh chuan min awih dawn silo a, chuvangin Ruata chu kan man a, video in kan la a, a inpuang ta a. Chu video chu khawdanga kan tlanbo hma in mi zawng zawng hmuh a thehdarh kan tum ta a, mahse khami zan khan Ruatsangi chu an that leh si a ni. Ruatsangi khan a thih hma khan 635 tih a ziak a, a awmzia chu a thih dawn hnaih pawh khan Ruatsangi chuan dikna ala duh a, misualte hrem a la duh tihna a nih chu. Ka pi, heng mi rapthlak te pafa hi, mahni fanu pawh that duh tute hi chhuahsuh ang che." a ti a a sawi pah chuan a tap hawm hawm a. Judge chuan, "Thu kan dawng chiang thawkhat a, Jeremy-a chu bail a chhuah zalen phalsak a ni. Accused te pafa kha han ko teh u." a ti a. Tommy-a te pafa chu anlo chho a. Chutih lai chuan Nathana chuan phone call a dawng a, forensic lam anlo ni a, NAthana chuan, "Blood test result chu enge?" a ti a, forensic doctor chuan, "Ruatsangi thisen leh chemte a thisen hi a inmil a. Mahse chemte ah hian skin fragment leh bone fragments te thisen nen khan akai tur a ni a. Mahse chutiang reng reng he chemte ah hian kan hmulo." a ti a, Nathana chuan, "I sawi awmzia chu mi tu emaw in Ruatsangi thih hma khan chemte ah khan Ruatsangi thisen a tat i tihna ami?" a ti a, Doctor chuan, "Chutiang chu ka sawi thei lo, mahse fragment kan hmulo hi a mak a ni." a ti a, NAthana chuan phone a dah a, Station lam a phone leh a, "Hello...Ruatsangi postmortem report kha han chhiar chhuak lawk teh." a ti a, tichuan Nathana chuan a ngaithla ni ngei tur a ni, a ngawi vang vang a, "Lawk lawk, kha paragraph kha han chhiar leh teh." tih pah chuan a phone chu loud speaker ah a dah a, polcie chuan, "A hrawka zaitu kha veikhawr a ni, chem sir lam kha chuan a cut thuk deuh anga mahse a tawp lam kha chuan a cut thuk vaklo ang. Chuan maw Sir, Jeremy-a'n INQ company Mumbai ah sofware company join kan tum a tih kha dawt a ni, an company kan zu call a, Jeremy-a an hre ngailo." a ti a, Nathana chuan phone a dah a. Jeremy-a chu bail chhuah a ni ta, pawnah chuan alo chhuak a, Nathana chuan ava pan hnai a.
A bul a va thlen chuan, "Jeremy, forensic lamin min rawn call a, Ruatsangi thahna chemte ah khan skin fragment leh bone fragment an hmuhloh thu an sawi a. Chuan ka ngaituah mai mai a, Tommy-a kha tualthattu ni si, tinge chemte khana room ah a dah ang le? Chupawh silfailoh lehnghalin, chuan INQ company join i tum thu tih vel te kha dawt vek alo ni tih ka hre bawk a...chuan tualthattu hi veikahwr a ni, nangmah ang chiahin...anih chuan min han hrilh teh...Ruatsangi hi tu thah nge?" a ti a, Jeremy-a chuan zam hauhlo hian NAthana chu a nuih a, "Min man chuanglo ang, achhan chu maw..pakhat naah chuan ambidextrous ka ni, a awmzia chu veikhawr pawh hmangthiam, dinglam pawh hmangthiam ka ni. Pahnihnaah chuan, chemte kha Tommy-a te inah ka va dah tih kha a proof na i neilo. A pathumna chu, heng drama ka chan te he, CRPC 232, 232A sections hmanin, insufficient evidence, benefit of doubt anih a vangin min chhuah zalen ang. INQ company ka join dawn ka tih khan, hna min offer ka ti hleinem, keiman ka va join dawn alawm, engtin nge min hriat tehlul ang? A awlsam zawngin kan sawi ange..ka samzai pakhat pawh hi i man thei lo ang." a ti ta siah siah mai a. Nathana nen chuan rum em em hian an inmelh a. Nathana chuan, "Engvangin nge heng thil hi i tih? Enge i chungah Ruatsangi khan a tihsual?" a ti a. Jeremy-a chuan, "Sir...ther is no specification in justice and injustice. Tupawh hian thlirdan kan nei vek alawm, kan thlirdan a in ang lo mai chauh a ni. Thawnthu ka hrilh ang che aw...Sahuan ah naupang pakhat chu a kal a, Sakei awmna ah a tla palh a, sakei chuan a va pan a, naupang chuan a hlau a, a kut suihin MIN EI SUH tiina ngen a, mahse sakei chuan a hre thiam lo. Va man tumin a ke in ava thai a, chuveleh mipui te chuan sakei chu lungin an vawm sup sup a. Chuveleh sakei chu thineim in naupang chu a pu nawlh a, a thisen a insak a, a that ta a..hei te chu mipui nawlpui thlirdan ani. Mahse sakei pawh khan thlirdan dan a nei ve a sin, naupang rawn tla kha a chaw a ni lo a, ei a tum biklo. Naupang kha ahlauh loh nan tiin a ke in naupang kha ava chhaih ve a, mahse sakeichuan mi fiam nan kut leh ke a nei hrang velo a, chuvang chuan mipui te chuan naupang kha seh a tum angin kan ngai a. Chuveleh mipui te chuan lungin an rawn vawm a, chu sakei chuan naupang chu an vawm fuh ang tih a hlau a, a naute te a put angin a ngawngah a seh a, hmun him lamah a kal pui ta a, mahse naupang chua thi ta a, sakei khan a khawi leh tawh lo. Chu chu sakei thlirdan a ni..Nang chuan thilsual hi thleng lo se i ti a, keichuan fikna thleng se ka tive thung....kan dik ve ve. Ka kal ange, mangtha le." a ti a akal ta a. Chuveleh Nathana nen chuan Station lam rang takin kan pan ta a, Nathana chuan, "Ruatsangi case file kha min han pe te u, a ti a, an pe a, a en vang vang a.
Nathana chuan, "He thlalak hi ka hmu tawh a ni, he pa hi ka hmu tawh." ati a, ka va en a, Ruatsangi leh Jeremy-a leh mi pakhat hi an lo ni a. Constable chuan, "Doctor anih hi, Ruatsangi thih thu min hrilh tu doctor kha." a lo ti a. Nathana chuan, "Mi tupawn a hmangaih chu a nei tur a ni, duhluat vangin a that thei bawk. Jeremy-a hian phuba la duh pawh lo nita se, tinge khawlaiah a thah kher ang, chupawh inneih hnu lawkah? Engemaw chu a diklo a ni.." a ti a, a ngawi vang vang a. Minute 2 vel lai a ngawih hnu chuan, a nui suk a, "Ruatsangi hi ala dam." a ti ta mai a. Keichuan, "Enga?" ka lo ti a. Ring tak chuan, "Ruatsangi hi a thilo, ala dam a ni." a ti vak mai a. Constable chuan, "A theihloh, an phumnaah pawh ka awm ve alawm." a lo ti a. Nathana chuan, "Khata i thil hmuh kha chu ruang kha siamchawp pawh a ni thei, Ruatsangi kha an vui chhung zawng khan a hmel an tuam bo char char, mahse a hmai ah hliam a awm miah silova." a ti a, keichuan, "Jeremy-a'n a thah thu a inpuang kha." ka lo ti a. Nathana chuan, "A phauhchawp anih kha..Tommy-a te pafa leh Ruata te thilsual tih hmuhchhuah nan tualthattu angin a insawi anih kha. A hriamhrei hman kan dil ngei a in beisei anga, tichuan factory ah khan ruang kan lakchhuah theih nan factory bula paih angin a insaiw a, tichuan 635 awmzia pawh kan hre ta reng bawka. Engkim Ruatsangi leh Jeremy-a te hian an hriat hnu hian doctor chu an va hrilh a, doctor chuan polcie hrilh turin alo ti a, mahse awlsam takin an awmna Tommy-a ten an hriat phah dawn a, chuvang chuan plan an siam ta a ni. Ruatsangi hrawkah chuan plastic nem an bel a, a chhungah ama thisen ngei an dah a, tichuan a hrawka zai angin atuk zingah anmah ni tho hian an zai a ni, chuan lem an chang tan ta ani. Tichuan doctor bulah chuan an plan lawk angin Ruatsangi hmel ang chiah in damlo thi tawh hmel chu plastic surgeryin an siam a, khai a...an va fing tak em." a ti nuah nuah a. Keichuan, "Misual te chu kan man tawh a, Ruatsangi chu ala dam thu hi kan sawi tehi tawh ang tiraw" ka ti a. NAthana chuan, "ruatsangi hi Jeremy-a hian mi hmuh ah ala chhuahpui lo ang, achhan chu ala hlauhawm tlat a ni...hremna diktak pek annih hma chu bail pawn anla chhuak thei a, chuvang chuan sawi loh a la him ber." a ti a, keichuan, "Anih leh an tlanbo hmain Jeremy-a te chu kan va man dawn mi?" ka ti a, Nathana chuan, "Jeremy-a thil tih kha thilsual anilo, thil diktak a ni. Sakei thawnthu hmang khan min tibuai kual vel a, mahse min hrilhfaih a tumna zawk a ni. A hrim hrim in kan hna tawh tur a thawk zawk nimahin ka hria...Awm tir mai mai rawh Rina..an hlim ve a hun tawh." a ti a, tichuan keini pawh kan haw ta a.
Aizawl lampang panin kan haw leh ta a, NAthana nen chuan hnaa hautak em em mai chu kan thawk zo leh ta, a awlsam zual nan kan mi rinhlelh ber Jeremy-a'n min pui bawk a, kan hlawhtling nge hlawhtlinglo pawh ka hre tawh biko...ka buai nuaih mai..haha. I ngaihdan lo sawi mai teh u..kan hlawhtling nge, kan hlawhchham?????????
THE END
Comments