NATHAN SEASON-2 (Episode-13)
NATHAN SEASON-2 (Episode-13)
TIT FOR TAT (Part-2)
Written by : Aaron Malsawmdawngzuala
"Khawnge ka laptop a awm? Khawnge a awm? Ka personal laptop kha?" tiin Javeda chu a vin tuar tuar a, a kidte zinga pakhat chuan, "Boss, nangman Alia-i room ah i dah kha." a ti a. Alia-i chuan, "A aw, lo hrim hrim." in hnit feih feih chung chuan a lo ti a. Javed chuan, "Ka hlauh ang ngei a ni...i bialpa chuan kan thuruk zawng zawng a hai lang vek dawn nih hi, in lamah i haw vat teh ang u." a ti a, tichuan an haw ta a. Ina an haw leh hnu pawh chuan Javed chuan Alia-i chu a hau chhunzawm bawrh bawrh a, chutih lai chuan a phone a rawn ri a, Telangana Home Minister Murali-a alo ni a, "Hello Javed, news en vat teh, Local Channel RRR (Triple R-tia lam tur) pakhat hack a ni a, Grand Leakage company te chuan news an rawn chhuah ania." a rawn ti a. Phone chu dahin Javed chuan TV chu a on nghal a. TV ah chuan mipakhat hmaikawr vuah hi alo lang a, chupa chuan, "Vawiin hian India's Biggest Criminal, kum tamtak chhung Indian Police ten an lo zawn tawh Javed Ibrahim thuruk thenkhat te kan hailang dawn a ni. Mi thenkhat chuan tunah hian Dubai ah a awm mek niin an sawi a, a thenin Karachi ah a awm mek niin an sawi bawk. Mahse Javed hi tunah hian Tenerife Island ah a awm mek a ni. He Island hi Morocco bul chiah a awm a ni a, chutah chuan zalen takin a lengkual vel a ni. Javed-a hian zuitu mi pahnih a nei a, chungte chu Rocky-a leh Chhotu-a te an ni. A awmna hmun chu hei hi a ni.." tih pah chuan TV ah chuan Javed-a chenna hmun te chu map nen lam a rawn lang ta vek mai a. Chu hmaikawr vuah chuan sawi chhunzawm zelin, "Hmanni khan Persian tlangval nen an indawr a, chu tlangval pawh chu Persian Lal fapa a ni nghe nghe a, a fanu Alia Khan nena innei turin an sawi fel bawk a ni. Tunah chuan thudik a lang ta bawk a, kan RAW chief te leh minister te hian an hna thawk se, Javed Ibrahim hi zawng chhuak ngei rawh se. Chuan thil pakhat leh chiah, Javed hian Hyderabad Kareem Beedi hi a meizial ngainat ber a ni." a ti a, TV chu a thim ta daih mai a. JAved-a rilru chu a hah em em a, a phone a rawn ri leh a, Minister Murali bawk a ni, "Javed, Interpool hovin i awmna an rawn chhui nghal dawn a, engtik hunah pawh an rawn thleng thei a ni. Kha thliarkar kha chhuahsan vat ang che u, anih loh chuan nang chauh nilovin kei ngei pawh hi jail tang thei reng ka ni tih hria ang che." a ti a. Rang takin Javed leh a fanu Alia-i te chuan chulai hmun chu an chhuahsan ta a. Javed-a te pafa leh a kidte chu Javed-a private lawng (ship) ah chuan hmun danga biru tur chuan an chhuak ta nghal a, Javed chu a thinrim kher mai. Javed chuan a fanu Alia-i, rilru na taka tap hawm hawm bulah chuan va thu in, "Ngaithla rawh bawihi, he Abhiram-a tia i hriat hian a hmangaih hlawl lo che, a bum mai mai che a ni. Tunah chuan engkim i hre tawh a, phuba kan la ngei tur a ni, ka man anga, kan that ang. I rulru a ti na a, a rilru ka tina ve dawn a ni. I hria em?" a ti a, Alia-i chuan, "Awle ka pa." a ti chuai raih a. Lawng chhunga inchung room lamah chuan Alia-i chu tap chungin a chho a, a thawmhnaw te chu bag ah a thun a, apa pawisa dahthat chu a la ru nual bawk a, tlanbo a tum a ni. Lawng chuan Morocco a thleng ta a, eitur lei tura Javed-a te an chhuk lawk hlan chuan Alia-i chu a chhuak ru a, taxi a phar a, a tlan ta daih mai a. Javed-a chuan lo hmu hmanin, "Hey, Alia...lo ding teh." tih pah chuan a um a, a kidte chuan an rawn zui bawk a. Javed chuan pistol phawrhin taxi chu kah a tum a, mahse a kid Rocky-a chuan rawn dang vatin, "Nilo boss, Morocco bazar a nih hi, police an awm ania. Alia-i chu kan zawng em em ang, lungngai suh." a ti a. Pistol chu Javed chuan a thukru vat a, "Hrep tak chuan.." tiin a lu a dawm vawng vawng a. Alia-i chuan Airport lam a pan nghal a, India-a kal a, Nathan-a va zawnchhuah a tum a ni.
Nathana erawh Mizoram lam ala pan mai lo, a thil tih tur a la zawhloh avang leh Hyderabad lamah Minister-te chunga phuba la leh tur chuan Hyderabad-ah a lo awm leh daih tawh a ni. Kan hriat theuh tawh angin Nathana hi Hyderabad-a seilian a ni kan tih tawh kha, Hyderabad ah hian chhungte a nei a, chu chu anupui Sanvi nu leh pa te an ni. Nathana hian hetia Javed-a chunga phuba alak nachhan hi chu thla 1 vel liam ta khan Javed-a naute, Hyderabad ami ten Sanvi pa keruk an lo vuak tliah sak vang leh, a hnathawh mek Journalist chu tihluihna avanga an ban tir tak vang a ni. Sanvi pa Pu Prabhas Aggarwal hi kum 67 mi niin Journalist a ni a, Sanvi nu hi Pi Radha Aggarwal niin house-wife pangngai a ni. Thlakhat vel liam ta khan Hyderabad-a veng pakhat chuan buaina an tawk a, zan khat ruah sur buan buan laiin zanlai dar 12 velah in tam tak leh building tam tak chu a chim a, hei hi in sakna atana Hyderabad Sawrkarin cement diklo leh duplicate an hman vang a ni. He chhiatna ah hian Sawrkar te chu an ngawi reng a, Minister Murali-a hi a mawh phurtu ber a ni. Chu chu hria in Pu Prabhas hian he chhiatna thu vel hi article a chhuah a, Home Minister Khrishna Murali pawh a mualpho phah hle. Home Minister thinrim hian Javed Ibrahim hi a hrilh a, Javed hian Hyderabad lama a thawhpui local gunda ho chu tirin Pu Prabhas-a hi an inah luhchilhin a keruk pahnih an vuak tliah sak a, Pu Prabhas-a hian tute nge an nih tih leh Javed-a pawlte an ni tih pawh hi a hre vek a. A hnua damdawiina a awm lai hian Police te chuan pawi khawihtute hi tute nge an nih tih hriat tumin Pu Prabhas-a hi thu zawh fiah an tum a, mahse Pu Prabhas-a hian a hlauh em avangin tute nge an nih tih chu sawi ngam lovin a hriat ngailoh mite an ni tiin dawt a sawi ta ringawt a. Javed-a nauten an lo vau lawk angin Journalist hna pawh chu hreh tak chungin a ban phah ta a, damchhungin ke-in a kal leh tawh ngai dawnlo bawk a ni. An fanu neihchhun Sanvi hi Tamil Actress kan tih tawh kha, Tamil Actress kan tihna chhan chu Hyderabad a awm ni mahse, Tamil film industry zawkah a tawh avangin Telugu film aiin Tamil fim a chang hnem zawk a ni. Sanvi hian chanchin a hriat veleh a pasal NAthana a hrilh ta vek a, phuba la turin Nathan hian Javed Ibrahim-a chanchin te chu research a bei nghal a. Amah pui turin Hyderabad Journalist zirlai te a thawhpui hlawm bawk a, a ruk thei ang berin an DGP hriatpuina thlapin Spain-ah a zin a ngai ta hial a ni. Nathana pawh Hyderabad-a a puzawn te inah chuan a awm mek a, phuba pawh ala la chhunzawm zel dawn a ni. Ni 3 vel aliam hnu chuan Nathana leh a thawhpui journalist zirlai te leh hacker te nen chuan hna an thawk leh tan ta a, a thawhpuite zinga mi Raju-a chuan, "I ti tha khawp mai Sir, Javed-a thuruk zawng zawng chu i hailang ta chu ania." a ti a. Nathana chuan, "Aih, ala kimlo...tihtur tamtak ala awm. Cricket scam chungchang ka hriat theihnan amah hi ka chhui ru a, mahse kha cricket scam kha chu engmah tham anilo tih ka hre leh nghal bawk a. Mi namai lo tak ani, mi khawngaihna neilo leh tualthah pawh pawi tilo a ni a, India rama Politician eiru tamtak te hian an pawisa te chu bank pakhatah an dahtha thin a, chu bank hming chu Bank of Paradise a ni. A neitu chu Javed Ibrahim hi a ni a, tichuan hei hi a personal laptop a ni." tih pah chuan Javed-a laptop, Alia-i room a a luhruk tuma a ruk chhuah chu a lek kang a, "He laptop ah hian details zawng zawng leh information kan mamawh tur ang chu a awm vek a, he laptop hi kan access theih na tur chuan Bank of Paradise details zawng zawng kan hriat vek angai a ni. A fanu Alia-i chu ka ngaizawng der ta a, a detail account zawng zawng te leh a ID card thlengin a vaiin a hriatloh hlanin ka chhui ru zel a, Alia-i account hi kan hack thei anih chuan server-ah kan lut thei anga, pawisa an dahthatna thlengin kan chhuichhuak thei dawn a ni." a ti a.
An zinga hmeichhe awmchhun Priya-i chuan a hack thei ta hlauh mai a, Nathana chuan, "Alia-i account ah khan pawisa engzat nge a awm han check teh." a ti a. Priya-i chuan, "Ka rin aiin a tam lemlo, Cheng nuai 100 vel bak a nilo, avan mak ve Sir, Millionaire an ni bawk sia?" a ti a. Nathana chuan, "A tha e, server ah luh han tum chhin rawh le.." ati a, Priya-i chuan server chu luh a tum ta a. Spain-a Bank of Paradise lama thawktute pawh an buai ta khawp mai, a vei vhut vhut hlawm a, an mangang tan ta. An bank Manager chuan Javed-a chu ava call a, "Sir, khawnge i fanu a awm?" a va ti a. Javed chuan, "Enge? Buaina a awm em ni?" a ti a. Manager chuan, "Tu emawni in i fanu account hi a hack a, tunah kan server rawn hack leh a tum ania." a ti a. Javed chuan thinrim takin, "Khawi atangin nge an rawn hack a?" a ti a. Manager chuan, "Hyderabad atangin, Chikalguda khua a inti a, GPS ka lo thawn ang che." a ti a. Javed chuan GPS a hmu a, Hyderabad lama a kid pakhat Japaka a phone a, "Hello, Japak...Chikalguda ah i awm tiraw?" a ti a. Japaka chuan, "Awm e, enge ni ta?" a ti a. Javed chuan, "Min chhuiru tu te an awm a, GPS ka lo thawn ang che, va that nghal ang che u." a ti a. Nathana te chuan server luh chu an lo la tum char char a, an lut thei tep tawh tih ah chuan an awmna farm house chu silaiin an rawn kap ta vak vak mai a. Nathana chuan, "Laptop te kha la ula, motor lam pan vat rawh u." a ti a. Tichuan an chhuak a, bang phenah an biru zel a, motor ah chuan an lut ta a. Chak takin an tlan a, hnunglam atang chuan Japaka te ho chuan an lo um ve zel bawk a. Silaiin an rawn kap vak vak a, kilometer 5 vel lai an in um hnu chuan ramhnuai lamah an tlan lut a, Nathana chuan, "Ding lawk teh." a ti a, an ding ta a. Nathana chuan, "Silaiin min rawn kap tawh lo tlat, silaimu a zo tawh a ni ngei ang. Raju, minute engzat vel nge inla mamawh dawn?" a ti a. Raju-a chuan, "Minute 10 vel chu ala ngai ang." a ti a, tichuan Nathana chuan, "Tikhan lo luh tum char char ula, hengho hi chu ka kutah dah rawh u." a ti a. Japaka te pawh an lo thleng a, motor atang chuan an rawn chhuk a, Nathana chuan hmaikawr chu a vuah leh ta a, motor atang chuan a chhuk a. Japaka chuan, "Kap rawh u." a ti a. A kidte chuan, "Sir, silaimu a zo tawh." a lo ti a. Chuveleh Nathana chu tlan pheiin a va tlawh thal pawp pawp hlawm a, an insual ta buan buan mai a. Nathana chuan a sawisa ta hrep hlawm a, Japaka ber pawh chu hlauvin a tlanchhe ta a. Minute 10 a ral a, server chu an lut thei ta, an lawm ngei mai. Chutia hlim taka an awm lai chuan Nathana phone alo ri a, Sanvi pa alo ni a.
"Hello ka pa, enge ni ta?"
"Bawiha, chhun thil eiturin ilo haw dawn lo em ni?"
"Enge eitur awm?"
"Dal, Rice, pickle leh alu kan a awm."
(door bell a lo ri a.)
"Pa, chu door bell a ri a nia..tun angah tunge lo kal ang le?"
"Aw ka hria, i nu in ava hawng e."
"Ka pa tunge a?"
"Lawk aw....Duhtak, tunge ni?" (a ngawi vang vang a..) "Bawiha, hmeichhe pakhat a nia, ilo haw dawn em sawi vat teh."
"Ka pa, tunge a hming han zawt teh u."
"Duhtak, tunge a nih a? Tunge a hming han zawt teh." (a ngawi leh vang vang a.) "Bawiha, Alia Khan a inti nih chu."
NAthana chu a phu zawk a, "Ehe....engtin nge alo kal theih? Ka pa, chhuah tir nghal rawh." a ti nghal chel chu mai a. Pu Prabhas-a chuan Alia-i bulah chuan, "Bawihi, enge i duh a?" a ti a. Alia-i chuan, "I fapa ka hmu duh a ni." a ti a. Pu Prabhas-a chuan, "Ihh...englo, a awmlo, a thianpa te inah lehkha zir turin a chhuak a, a lo haw tep ang." a ti a. Alia-i chuan, "A nih chuan hetah ka lo nghak ange." a ti a. NAthana chuan phone atang chuan, "Ka pa, khanu kha ka hre ngailo, chhuah tir vat rawh u." a lo ti chel chu mai a. Pu Prabhas-a chuan, "Alia bawihte, zanin chu a lo haw dawnlo a, naktukah lo kal leh mai rawh." a ti dek dek chu Alia-i chuan phone chu a laksak a, "Hey Abhiram, mi tenawm pa, i lo haw dawn nge i nu leh pate hi ka sawisa dawn? Lo haw vat rawh." a ti vin tuar a. Nathana chuan a lu a dawm vawng vawgn a, "Engtin nge ilo kal theih a? Engtin nge khatah khan ka awm tihte i hriat theih a?" a ti a. Alia-i chuan, "A harsa hleinem, Hyderabad-ah i awm thin tih min hrilh a, Hyderabad ah ka kal phawt a, tichuan ka thiamna hmangin ka rawn chhuichhuak mai che mawle." a ti a. Nathana chuan, "Alia, i buai lohna turah i buai a ni, chhuak nghal rawh...anih loh chuan.." a tih mek lai chuan vin zet hian Alia-i chuan, "Anih loh chuan enge? Engtin nge min tih vak anga? MAwh? Abhiram, ka rilru i tina a, min bum a, min kalsan leh tawp a, a fairlo lutuk...lo haw rawh, kalo nghak che." a ti a. NAthana chuan, "Abhiram ka nilo, Assamese pawh ka nilo, dawt vek a nih kha, khatin min ko tawh suh." a ti a. Alia-i chuan, "Ka tan chuan Abhiram i ni tho tho, Nathan tih te chu a thing emai, Abhiram, Ram...lo haw vat rawh, anihloh chuan i inchhir khawp ang. Javed Ibrahim-a fanu ka nih hi...enge ka tih theih chu i hre dawn khawp." tih pah chuan phone chu a dah daih a. Pu Prabhas-a chuan, "Javed-a fanu maw i nih a?" a ti a, Alia-i chuan, "Aw ni e...in fapa hi ka hua, dawt hlir hi min hrilh a. Min ngaizawng a, kei lah chuan ka lo hmangaih em em a, nu leh pa ka nei tawh lo te a ti vel a, inla dam reng sia. Assamese ka ni e te a tia, achang leh Mizoram ami a ni leh daih bawk si. Mizoram chu khawilaiah nge a awm pawh ka hre lo, ka vawikhat hriatna a ni. Dawt hlir min hrilh a, nupui a nei tawh te an tia, ala neilo te an tia...enge awmzia pawh ka hrelo." a ti nuah nuah a. Pi Radha-i chuan, "Bawihi, a nu leh pate kan nilo." alo ti a. Alia-i chuan, "Enga? Anih tute nge in nih?" a ti a. Pi Radha-i chuan, "A nupui hi kan fanu a nia.." a ti chiah mai chu Alia-i chu a phu zuk mai, thinrim tak chuan a t(r)e ta vak vak mai a, Pu Prabhas-a te nupa chu an phu dun chiang kher mai. Alia-i chuan pistol a phawrh a, Pu Prabhas-a te nupa chu a tin a, "In then tir nghal rawh u, ka ta a ni, in fapa hi ka ta a ni." a ti ta khur khur mai a. Pi Radha-i chuan, "Insum rawh Bawihi, khawngaihin.." a ti a. Alia-i chuan silai chu a dahthla a, "Ka ril atam...eitur a awm em?" a ti a. Pu Prabhas-a chuan, "Aw awm e." a ti a, Alia-i chuan, "Enge eitur awm?" a ti leh a. Pu Prabhas-a chuan, "Dal, rice, alu kan leh theihai pickle." a ti a. Alia-i chuan, "Ka pi, min han siam teh...ka ril a tam lutuk." a ti a. Pi Radha-i pawh chuan a siamsak a, Alia-i chuan tui ti tak chuan a ei nghal bawrh bawrh a.
Chumi tlai chuan Hyderabad Politician te leh Minister te chuan Assembly House ah meeting an lo nei mek a, Home Minister Murali-a chuan, "He Grand Leakage member te hi kan man ngei tur a ni, private system chauh nilovin, government system pawh a hack tel a, thil sual a ni, phalloh a ni a, kan man ngei tur a ni." a lo ti lauh lauh mai a. Chutia an thutkhawm thup lai chuan an projector screen chu a rawn eng pup a, Grand leakge tih alo inziak a. An hawi thup a, screen ah chuan hmaikawr vuah pa bawk kha alo lang leh ta a. A rawn tawngchhuak leh ta, "Mi bumhmang te leh corrupt politician ho te chuan kan ram hi an suat mek a, mi rethei te riltamin an siam mek zel a ni. Gradn Leakage kan lo lang e...hei le, Bank of Paradise-a account nei ho te list chu kan lo phochhuak dawn e. Mi duhawm tak tak te, police te leh politician te thlengin he bank ah hian account nei an tam hle a, chu chu kan lo phochhuak dawn e. Eng angin nge inlo inngaih a? Mi rethei te chan ai eiruk te, Mi pawisa chhuhsak te hi thil awlsam tak turah inlo ngai em ni? He bank ah hian a then chuan cheng nuai 100 lai te, a then phei chuan Maktaduai 100 chuang te pawh dah khawl tawh tih kan hre vek a ni. Tuna ka thusawi mek hi India mipui zawng zawngin an en vek tih hre phawt ula, tunah ilo tan dawn ang hmiang. Bank of Paradise, Tenerife Island-a awm, a neitu...India-s Most Wanted Criminal Javed Ibrahim..a thawhpui te, police tam tak leh politician tam tak...kan ram, India ram a mi ngei te..hei le list chu le." tih pah chuan screen ah chuan chumi bank-a account nei ho te leh an pawisa dah zat thleng chuan a rawn lang ta chuai chuai mai a. Chung zingah chuan meeting an neih mekna ami politician thenkhat te leh Home Minister Krishna Murali hming te thleng chuan a lang bawk a. Tichuan chu hmaikawr vuah pa chuan, "Hei hi chu bank pakhat chauh a mi a ni a, bank dang tam tak pawh ala awm. Nakinah kan lo ti lang leh zel ang, mangtha phawt ule." a ti a, screen chu athim ta hmak mai a. Chuveleh press mite an lo thleng a, Murali-a chu zawhna an zawt ta sup sup mai, chutiang bawkin politician dangte pawh chu an zawt sup sup bawk a. Murali-a pawh chuan chhuanlam fahrah te te a siam ta ringawt a, an buai ta hle mai. Darkar tin mai chuan Grand LEakage te chuan bank account list te chu an rawn chhuah ta sek mai a, India ram pumah chuan news chu a khat ta nghal vek mai a ni. Javed-a te pawh chuan news chu an lo hre ve a, a thinrim kher mai. India-a kal ve nghal a duh thu a sawi chuan a kid Chhotu-a chuan, "Boss, a chiloh ang...an zawng mek che si a, kan tan a hlauhawm thei tlat." a ti a. Javed-a chuan, "Javed Ibrahim tan hian hlauhawm a awm velo, India ram sawn ka hmel diktak hi an la hre hleinem. Kha DCP Nathan-a khan a la tlangzarh vat dawn tih chu ka hria, mahse chumi hma chuan amah hi ka dahtha dawn a ni. India hi Spain-a ka awm chhung khan vawi 7 lai ka tlawh leh hman a, chu pawh 'by road' vek lehnghalin, ka hlau lo hrim hrim. India atangin Pakistan pawh ka kal nghal thei a, chuti khawpa thil tithei chu ka ni." a ti pang pang a. India chu a thleng ta a, private jet-a kal a nih avangin Airport-ah pawh t(r)um lovin a private farmhouse ah chuan an t(r)um ta a, a kid Japaka chuan a lo hmuak a. Japaka chuan va pan hnaiin, "Boss, Salam Alaikum.." tih pah chuan chibai alo buk a, na em em hian Javed chuan Japak chu a beng hawi sawk mai a, "Hna chhete pawh thawk zo theilo, nep lutuk." a ti a. Japaka chuan, "Ka tihpalh Boss." a ti a. Javed-a phone alo rin a, Minister Murali alo ni a, "Hey Javed, enge awmzia? Kan ring che a, bank ah account kan nei a, mahse tunah engkim puanzarin a awm leh si a, enge awmzia? Hmingchhiatna zawng zawng hi kan ta emaw tih mai tur a ni, kan buai khawp mai." a rawn ti a, Javed-a chuan, "Thianpa, India ka lo thleng tawh e. Engmah hlau suh, Hyderabad ah ka awm tawh alawm, i hming chauh puanzar a ni a, lawm hle rawh. Ka fanu awmna zawng phawt ula, he thil titu hi a nihna diktak pawh ka hre vek ania, man a ni thuai ang." a ti a.
Zan alo ni a, TV-a news an puan mek chu Alia-i leh Sanvi nu leh pa te chuan an lo en ve mek bawk a. Alia-i chuan thinrim zet hian, "In makpa thil tih vek anih hi, Grand leakage, hmaikawr ne...eke bale...eng ang pawn insiam danglam se, in makpa thil tih vek hi a ni, ka hrechiang ve tawk. In fanu pawh chu a then leh vat mai ang, bum hmang a nih hi. In fanu chu tunge a hming?" a ti a, Pi Radha-i chuan, "San..Sanvi Aggarwal." hlauh hmel tak chuan a ti a. Alia-i chuan, "Hmmh, a hmeltha vak bik awm lo emai..kei aia a thatna tur ka hrelo. In makpa hian thu leh hla hmangten min bem kual vel a, chupawh ka pa zirtir lek a lo la ni zui. Ka hua, ka hua ni tawp mai, lo haw teh se... a chak dawnlo." a ti pung pung a. Zanah chuan Alia-i chu Pi Radha-i bulah chuan ala mu zui a, a thinrim ala reh thei ngang lo, "Ka pi, engvangin nge hetiang makpa hi in neih duh reng reng a? A nu leh pate an la dam em? A nu leh pate hauh ka duh a ni." a ti khur khur a. Pi Radha-i chu hlau deuh bawk si, nuihza deuh bawk si chu a insum nasa kher mai, "Bawihi, a nu leh pate chu an thi tawh a, fahrah a ni." a ti a. Alia-i chuan, "Anih chuan a thusawi kha a dik animaw? Fahrah a nih thu kha a sawi a, dawt chu a sawi bik love. A nih Assamese nge a nih Mizo?" a ti leh a, Pi Radha-i chuan, "Mizo a ni a, a patea te nupa bulah a awm mek a, Police a ni a, Deputy Commissioner of Police a ni." a ti a. Alia-i chuan, "Hmmh....alo nih vel tak chu a, Mizoram...ka vawikhat hriatna a ni, ka hriat ngai mi pawh nilo, a hming pum pawh ka lam thiam tha lo a, ka hmangaih tlat mai chu ania. A patea te chu ka be thei angem, an number minlo pe teh." a han ti leh a. Pi Radha-i chuan, "Bawihi, mizo an nia, Telugu tawng an thiam velo." a ti a. Alia-i chuan, "Tamil tal an thiam em? Hindi tal emaw? English pawh?" a ti leh a, Pi Radha-i chuan, "Aih, an mahni tawng chiah an thiam. Keini te nen pawh hian kan inbe hleitheilo, keini lahin mizo tawng kan thiam ve der silo a." a ti a. Alia-i chuan, "Anih chuan engtin nge Sanvi chu Mizoramah a awm peih zawk a? Tawng an inhrethiam awm hlawm silova?" a ti leh a. Pi Radha-i chuan, "Kan fanu erawh hi chuan Mizo tawng a thiam lutuk alawm, Nathana hian an inngaihzawn lai atang tawh khan nitin a zirtir char char a, Mizoram lama a hawsan hnu pawh khan Pu Muthy-a'n a zirtir leh char char bawk a." a ti a. Alia-i chuan, "Anih Sanvi thlalak chu ka lo en thei angem?" a ti a, Pi Radha-i chuan Sanvi thlalak chu a en tir a, Alia-i chuan Sanvi thlalak a hmuh meuh chuan hmeltha chu a ti ve ngang mai, mahse a thik em em a, "Hmmh, kei aia a hmelthatna ka hrelo emai." ala ti hram a. A nihna takah chuan chutin Sanvi hi Alia-i ai hian a tha lutuk biklo a, a pian a nalh zawk bakah, a vun pawh a ngo zawk a, mahse hmel ah kher chuan Sanvi chu a tluklo deuh a ni. Chumi zan chuan Javed-a leh Home Minister chuan zu an in dun a, Minister Murali chuan, "Thianpa, tuman a hmel kan hrelo a, tunge a nih pawh kan hrelo. Tunah a thlalak pawh hmuh tir lovin CBI zawng turin i tir ringawt a, Task Force te pawh i tir a, CID ten an chhui mek bawk a, Special Officer i chhui tir bawk a." a ti zuah zuah a. Javed chuan beedi zuk khuk hluah hluah pah chuan, "Ka fanu kha zawng turin Spain-a ka awm lai daih tawh khan ka hrilh che a, tumah i tir biklo." a ti a. Murali-a chuan, "Thiana, hepa hi kan man a nih phawt chuan i fanu chu kan hmu nghal ang." a ti a. Javed chuan thinrim tak chian, "Hmulo ta ila? Man lo ta ila? Millionaire Javed Ibrahim Khan-afanu hi tunah hian khawlaiah beihvai takin a vak kual mai mai ni tih hi hre rawh. Ka fanu hi ka engkim a ni a, a hlina turin mi 100 chuan ka that tawh asin. Ka fanu rilru a tina a, ka chhuah lovang." a ti khur khur a. Murali chuan, "Engtin nge in inhmelhriat reng reng a?" a ti a. JAved chuan, "Nangmah vang." alo ti hmuk a, Murali chuan mak ti takin, "Keimah vang maw? Engtin?" a ti hu a. Javed chuan, "Kareem Beedi lo thawn turin ka hrilh che a, i lo thawn silo a, ani khan min rawn th(r)eh a, tichuan min bum ta a ni." a ti a.
Hemi zan hian Nathana leh a thawhpui journalist te chu motorah an riak a ni. A tukah chuan an zinga mi Raju-a chu a haw a, kawngka a hawng chiah chu a thil hmuh chuan a barakhaih chiang ngei mai, a pa chu an inchung ceiling ah a lo inkhai vu mai a, a lo inawkhlum tihna a ni. Raju-a chu a thingthi hnawk a, a tap nghal char char a. Nathana te chuan ruang chu an la thla a, an hal ta nghal a. Tap zawih zawih a Raju-a, apa ruang an hal mek eng ngawih ngawih pah a a din ngawih reng lai chuan Raju-a nu chuan tap chungin, "I pa hian riltamin i tan hna a thawk thin a, mahse nang ve chuan chaw vawi khat ei pawh i thawhchhuah sak ve thei silo. I pa hi engvanga intihlum nge a nih i hria em? A chhan chu maw, a thi anih chuan Sawrkarin min khawngaih anga, pawisa min pe anga, chumi pawisa hmang chuan i zirlai te i chhunzawm theih nan tiin i tan liau liau a nunna a hlan a ni. He in lehkha zirna hian engmah min pe theilo, eitur min pe theilo, engmah awmzia a awmlo. Inah i awm ngailo a, hna ka thawk dawn tiin i chhuak reng a, i rawn haw a, chaw i ei a, i chhuak leh a, engmah awmzia a awmlo" a ti a, a tap zawih zawih a. Nathana chuan midang ho bulah chuan, "A dik ani, thudik tak a sawi a ni. Eitur min pe theilo zirna chu engmah a nilo, eng ang zirna nge ni ngai? A theihloh, tumah riltamin ka dah lovang, hei hi chu ka phuba chauh a ni tawh lo, kan ram tana phuba ka lakna a ni tel tawh ang." a ti a. Journalist leh hacker hote chu a ko khawm ta a, "Ngaithla rawh u, Journalism awmzia hi in hria em? Thudik au chhuahpui ringawt hi em ni? Nge ni a kan ramin buaina an tawh apianga lungngaia lo tah vak vak hi ni zawk? Eng thil nge kan tih tak hi? Thuruk ka puang chhuak thin a, mahse ni 2 hnu velah Entertainment mai ah alo chang ta a, a hnuah Sawrkar leh mipui ten an theihnghilh leh mai thin. Tun atang chuan a ni tawh lovang, thudik kan auchhuah pui tawh lo anga, mipui zawkin thudik chu an auchhuah pui tawh zawk ang. Microphone te kengin pawikhawihtute kan zui reng tawh lo anga, kan umbo zawk tawh tur a ni. Saw bank ah sawn an eiruk sum te an dahtha a, mi zawng zawngin a pawisa a nih loh thu an sawi a. Anih chuan tute pawisa nge ni ta ang? Kan ram, India ram pawisa a ni. Heng pawisa te hi a neitu diktak te kan pe let anga, dikna chuan ro a rel leh ang. Documents te files te kan hack thin a, chumi hacking hmang vek chuan heng pawisa te hi kan la chhuak leh ang. Saw bank saw kan suitcase a ni a, mahse tala in a inkalh mek a ni. Chahbi kan zawng anga, kan hmulo anih pawhin ka chhuchhia ang. Hacker tamtak pawh kan mamawh dawn a, pawisa zawng zawng chu kan la chhuak vek ang. Plan tha tak kan siam anga, kan chetchhuah hun tur chu chhun 12 a ni ang. Tenerife Island time zone hi kan ram time zone nen hian darkar 12 laiin in a inthlau a, mi zawng zawng an muttui lai tak a ni dawn a, an ramah chuan zan dar 12 a ni thung dawn a, tumah an chetchhuah loh hunlai a ni ang. Hre reng rawh u, chhun 12 a ni." a ti a, an haw darh ta a. Zan alo ni a, Pi Radha-i chuan Nathana a rawn phone a, "Bawiha, Alia-i hi in thah a tum ania, hei silaiin a intin mek." a rawn ti ta mai a. Nathana chu a mangang hle mai, "Phone kha pe teh." a ti a. Alia-i chuan phone chu la in, "Ram, ilo kal vat lo a nih chuan ka inthat dawnnia. Ka ngamloh i ring em ni? Javed Ibramhim-a fanu ka nih hi, ka inthat tak tak ang." a rawn ti khur khur mai a. Nathana chuan, "Ram ka nilo, Nathan, Nathan Malsawmkima ka nih hi..i lemchan kha duhtawk la, i pa bulah chuan va let leh rawh." a ti a. Alia-i chuan, "Ka kal lovang, i hming chu engpawh lo nise, ka tan chuan Ram i ni, Abhiram...ka hmangaih che. Vawi 100 thleng ka chhiar anga, ilo kal lo cheu a nih chuan ka inthat tak tak ang." tiin phone chu a dah hmak a.
Alia-i chuan a chhiar tan ta, "1, 2, 3, 4, 5.." tiin a chhiar ta kauh kauh mai a, rang lutukin Nathana chu a bike ah a chuang a, in lam panin chak takin a tlan haw ta a. Inchhung a luh meuh chuan Alia-i chu alo la intin reng a, "95, 96, 97.." alo la ti ngat ngat mai a. Nathana chuan a silai chu laksakin Alia-i hmaiah chuan a beng hawi sawk mai a. Thinrim tak chuan, "Mawli, engvangin nge ilo kal a?" a ti khur khur a. Alia-i chuan Nathana a hmuh meuh chuan, "Abhiram...ilo thleng ta maw?" tih pah chuan a kuah a, a tap zawih zawih mai a. NAthana chuan a nam sawn vak a, "Hey, ila hrethiam nange a? Ka duhlo che, nupui ka nei, ka hmangaihlo che." a ti vak vak a. Alia-i chuan, "Anih leh khang kan inhmangaihna zawng zawngte kha?" a ti a, Nathana chuan, "Dawt vek anih kha, ka bum mai mai che a ni. Ka hmangaih lo che, i pa laka ka phuba lakna vek a ni." a ti a. Alia-i chuan, "Ka pa chungah chuan phuba i la duh anih chuan la mawlh rawh, a pawilo. Millionaire fanu ka ni a, ka pa sum zawng zawng pawh hi ka ta vek tur a ni. Mahse nang ka chan dawn ai che chuan kalsan vek pawh ka huam asin. Ram, khawngaihin min kalsan suh." tiin a tap hawm hawm a. Nathana chuan, "Ram ka ni ziahlo, ngaithla teh Alia...saw saw ka nupui Sanvi pa a ni. A dam chhungin ke-in a kal leh tawh ngai lovang, rinawm taka a hnathawh thin Journalism pawh a bansan a ngai asin. Achhan chu i pa Javed Ibrahim vang a ni. Ka puzawn ramtuileilova siamtu fanu hi engti kawng mahin ka pawm theilo vang, nupui neilo mah ila, Javed Ibrahim-a fanu hi engti kawng mahin ka duhlo hrim hrim." a ti ta phiar phiar mai a, Alia-i suitcase chu lain pawnah a vawm chhuak a, "Kal tawh rawh, kut ka thlak hma che hian." a ti a. Alia-i chu a tap char char a, chutah a bang nghal hmak a, "A tha e, ka chhuak ang." a ti a, achhuak ta a. Sanvi te inkawta waiting shed-ah chuan a thu a, Sanvi te in chu ala en char char a. NAthana chu va chhuakin, "Enge ila tih a, kal bo rawh." a ti vak a. Alia-i chuan, "Helai hmun hi i inchhung a nilo, waiting shed a nih hi, mi tupawh an thu thei, thuneihna i neilo." a lo tih khum hrep a. Pi Radha-i chuan Nathana bulah chuan, "Bawiha, zanin chiah chu hetah riah tir ve mai rawh, a khawngaihthlak emai." a lo ti a. Nathana chuan, "Angailo, thil tullo tak a ni. Zanlaiah ka bulah a lo insawn duk duk vel ang tih ka hlau." a ti a. Pi Radha-i chuan, "Ka bulah a mu mai dawn lawm." alo ti a. Nathana chuan, "I mawl ami ka nu? I pasal keruk vuak tliah sak tu fanu a nih saw....i mutthilh laiin a rek hlum mai tur che asin." a ti a. Pi Radha-i chuan, "A teuhlo, a fel lutuk...nizanah pawh ka bulah a mu alawm." a ti a. NAthana chuan, "Khai....i van mawl tak." a tih lai chuan Pu Prabhas-a chuan, "Bawiha, Javed-a fanu a ni tih chu kan hria alawm, mahse engmah tihsual a nei ve hleinem. Ka tana phuba la i ni a, i phuba lak nan i hmang tangkai a, hmangaihna hmangin i bum a ni. Bawiha, hetah awm tir hrih rawh, keiman ka phal alawm, lo hruai lut rawh." a ti a. Nathana chuan hreh tak chung chuan Alia-i chu ava pan a, "Lo lut rawh." a ti deuh hmuk a. Alia-i chuan a lo nuih sang a, "Min pawm lut la." alo la ti zui. NAthana chuan thinrim zet hian, "Ka beng ang che.." tih pah chuan a tin uai a, nui chungin Alia-i chu inchhungah a tlan lut ta daih a.
Atukah chuan tuk thuan an ei lai tak chuan Nathana chuan call a dawng a, Javed-a a lo ni a, "Hello, Mr. Nathan, ilo inpe vat lo anih chuan enge thleng tur i hria em? I naute zinga mi, journalism zirlai, Raju-a chu ka nulah a awm mek e." a rawn ti ta mai a. Nathana chuan Alia-i chu a kai chhuak nghal dawr dawr a, tnrim tak hian, "Khawnge i awm Javed? Ka lo kal nghal ang, Raju-a kha engtin mah lo ti suh u." a ti a. Javed-a chuan an awmna a hrilh a, rang takin Nathana chuan bike a la chhuak a, Alia-i chu a phur a, chak takin a tlan pui ta nghal a. JAved-a te awmna a va thlen chuan Javed-a te bulah chuan Raju-a chu thi hnuang hian a lo thingthi a. Javed-a'n Nathana bula a fanu lo awm ve reng a hmuh chuan mak a ti ngei mai, Nathana chuan Alia-i chu a man thut a, pistol phawrhchhuakin Alia-i chu a tin a. Javed-a chuan thinrim tak hian, "Hey DCP, ka fanu kha chhuah rawh." a ti a. Nathana chuan, "Kha...lo la rawh, ka thianpa kha lo kal tir la, hei..i fanu chu ka lo hruai e." a ti a. Raju-a chu a lo kal a, NAthana chuan Alia-i pawh chu a va nam phei lawp a. Nathana chuan Raju-a chu a phur a, chak takin a tlan pui nghal a. Javed-a naute chuan silaiin an lo kap nghal chiam chiam mai a, Alia-i chuan, "Ram, min kalsan suh...lo let leh rawh." a ti lawm lawm a. Nathana te chu an tlan tlang ta a, Javed-a chuan, "A tha e, tikha chuan ka man tir thei tawh ang, a hming hi ka tlangzarh dawn a ni, tunge a nih tih hi ka tlangzarh thei ta. A tir kha chuan ka fanu ka la hmuh mai loh avangin tunge a nih tih hi tumah ka la hrilh ngam lova, tunah chuan ka hrilh thei ta." tiin a nui huah huah a. Alia-i chuan, "Ka pa, Ram kha ka hmangaih a ni, min kaltir rawh." a ti a. Javed-a chuan, "Ram a ni lo, NAthana a nih kha...i hmangaih vang chauhvin jail ah ka khung ringawt ang, hmangaih lo phei la chuan e, tunah khan ka that nghal ang." a ti khur khur a. Chumi zan chuan Nathana te leh a nau te ho chuan an inkawtah chaw an eikhawm a, an hlim tlang dar dar hle. Pi Rafha-i chuan, "Bawiha, khawnge Alia-i kha?" tiin a zawt a. Nathana chuan, "A awmna tur diktak ah ka dah tawh, apa bulah a awm tawh." a ti a. Pi Radha-i chuan, "Keizawng ka khawngaih reuh emai, apa chuan kut athlak nasa ngawt ang." a ti a. Nathana chuan chaw bar mawlh mawlh pah chuan, "Kan bula a awm ve reng a rem hleinem ka nu, kan tan a hlauhawm dawn lutuk, apa hian a rawn zawng zel dawn sia, a kalbo kha kan tan a tha zawk." a ti a. Chutih lai chuan an bula hnai velah chuan Helicopter pali hi an rawn thlawk ta chuah chuah hlawm mai a, Nathana chuan thil awmzia a man thiam nghal. A jaournalist unaute bulah chuan, "Thiante u, tunah hian min rawn man dawn a, zanin chu lock up ah ka riah angai dawn a, naktuk ah court ah min hruai leh ang. Javed hian ka nihna hi Home Minister bulah a sawi a ni ngei ang. Hre reng ang che u, dar 12 kha aw...naktuk chhun dar 12 kha...in inah theuh tlan haw nghal rawh u, an man ve hma che u hian." tiin a au lauh lauh a. Journalist student te ho chu an tlan darh ta nghal a, helicopter te chu an rawn t(r)um a, police te an rawn chhuak a. Nathana bulah chuan ACP chuan, "Man i ni e, tunah minlo zui nghal rawh." a ti a. Pi Radha-i chuan a mittui hruk mawlh mawlh pah chuan, "Inspector, khawngaihin chaw tal hi eizo rawh phawt rawh se. Kum khatah vawi 2 vel bak kan makpa hi kan hmu ve thei ngai silo a, engtikah nge kan hmuh leh dawn kan hre bawk silo...reilote chiah min lo nghak lawk thei angem?" a ti a. Inspector chuan a khawngaih ve deuh aniang, a lu a bu nghauh a. Nathana chuan chaw chu a ei zo a, Police te chuan an hruai ta a.
A tuk zing ah chuan news ah chuan Nathana an man thu chu India ram pumah a thang ta nghal vak maia, "Grand Leakage ti-a kan hriat lar, Bank of Paradise thuruk puang tute zinga an hotupa ber chu man a ni a, tunge a ni tih hriat a ni ta. Ani hi tudang nilovin Mizoram Police a ni a, Deputy Commissioner of Police Mr. Nathan Malsawmkima a ni. Mr. Nathan-a hian he Grand Leakge hi a din a, journalist student tam tak a pawlah hian la lut in eirukna te leh pawikhawihna thila inhnamhnawih te an nihna a hailan sak thin a ni.Mr. Nathan Malsawmkima hi Hyderabad Senior Journalist bang ta Mr. Prabhas Aggarwal makpa a ni a, Former Tamil Actress Mrs. Sanvi Aggarwal pasal a ni." tiin state tinah mai chuan an puang ta dup dup mai. Hemi ni la la hian Government chuan meeting a ko nghal a, meeting chu neih a ni ta a. Nathana man tu ber ACP Danush alo ding chhuak a, CM bulah chuan, "Sir, Press mite leh Social Media te hian thil an ti thei em em a, mithiam rual thukhawm ang vel an ni. Mahse Nathan Malsawmkima hi chu Police Officer pakhat ve mai chauh a ni a, mahse chung Media te leh Press mite aia let 100 velin a thluak hi a chak zawk a ni. Private detective tam tak aiin a fing a, a record pawh sawiselna tur engmah ka hmulo. Grand Leakage hi ama din a ni a, hetah hian a thawhpuite hi Journalism students te leh Cyber Crime Experts te, Professional hackers te an ni. Mi sing chuang an awm a, NAthan-a hi a tam zawk chuan a hmel anla hmulo, Nathana pawh hian an hmel a hmu vek kher lo. Internet kaltlangin an in be thin a, tupawh mai hian an support vek a ni. Hacker a neih ho te hi a thiam ber ber te an ni a, phone call te, land line emaw, internet hmang pawhin ni se, an record thei vek a ni." a ti a. Home Minister Murali chuan, "Anih leh ka call zawng zawng pawh an record thei vek tihna a ni maw?" a lo ti a. ACP chuan, "Prime Minister Modi-garu (Pu Modi-a tihna) phone call pawh an duh chuan an record thei a, Home Minister chu engvangin nge an theihloh ang?" a ti a. Tichuan DGP alo ding chhuak a, "Ka pu, Police a nih angain hna a thawk lova, a thil tih hi tha tho mahse Police dangte beihna a ni tel tlat a. Thil dik tak ti mahse mipui te hian Sawrkar an rinna a tla hniam thei a, chuvangin a chetdan hi Terrorist-Act anga ngaih a ni." a ti a. Murali chuan, "Anih chuan tinge in man a, in khaihlum mai loh? Terrorist-act te chu?" a lo ti nuah nuah a. DGP chuan, "Mipui tam tak hian an support vang a ni, entirnan kei hian encounterin lo shoot ta ila, a thihni la la hian kei hi mipuiin min chil hlum duh ang." a ti a. Chumi ni chuan kawnglaiah mi pui an pungkhawm a, media mi te an kal khawm bawk a, kawng an zawh ta a. An au hla ber pawh, "DCP Nathan hi chhuah zalen rawh u." tih a ni. Javed-a pawh a private farm house ah chuan a fanu hma ah intithei tak hian a thu a, "Ilo hria maw? I hmangaih Abhiram chu man a ni ta, DCP Nathan...DGP pawh lo nise, min hneh dawn chuang lo. Kum 25 chhung tehmeuh ka venhim thin ka bank enkawl lai chu nikhat chhung lekin a tichhe vek thei ania, a tuar ve tur a ni. Jail atang hian alo chhuak leh tawh lovang, a thi ang, jail chhungah hrehawm tuarin a thi ang. Kum 50 chuang chu he khawvelah hian ka cheng ve ta a, tumah hlauh kala nei ngai lo. Vawikhatna atan he mihring, North East state zimte ami sawn min ti thlaphang ve khanglang a, a thil tih man hi chu a hmu khawp ang. Min ti hlau thawng a, min tawrh tih a, min tih ang chiahin ka tawrh tir ve ta anih hi, TIT FOR TAT.." tiin a nui huah huah a. Alia-i chuan, "Ka duh ang chiahin thil a thleng ta a nih hi?" a lo ti a. Javed chuan, "Enge awmzia?" a lo ti hu a. Alia-i chuan vin zet hian, "Ka sawi tawh kha, ka pasal tur chu nang ai pawha mi hlauhawm, nang ngei pawh ina i hlauh tur ka duh ka tih kha, a ti hlau ta che a nih hi." a ti a, Javed-a chuan a fanu chu a beng siah mai a.
Chhun dar 11:30 alo ri a, court rorelna chu tan a ni dawn ta. News ah chuan LIVE-in, "Hun rei tak chhung a nihna lo thup thin, Grand Leakage company-a an hotupa ber, Mizoram ami, DCP Nathan Malsawmkima chu court hma ah thu a sawi dawn a, tun atanga reilo teah LIVE in tihchhuah a ni ang." tiin an puang ta a. Nathana chu Court Committee hmaah chuan a ding ta ran mai a, a thusawi nghakin India mipui zawng zawng te chuan an thlir thup mai a. Judge chuan, "Mr. NAthan, engvangin nge heng thil te hi i tih? Case tamtak i lakah file a ni a, DCP i nih angin tinge Police hna thawk lova Terrorist-Act anga i chet? Min hrilh rawh le.." a ti a. NAthana chu a lo pen chhuak a, "Sir, ka puzawn vang a ni. Ka puzawn hi a hming chu Prabhas Aggarwal a ni a, a fanu Sanvi Aggarwal hi ka nupui a ni. Ka puzawn hi Journalist a ni a, thla khat liamta khan tihluihna hmangin a hna atangin a bang a ni. Journalism hi ka ngaisang a, chutia hlauh avanga ka puzawn a bang ta mai hi ka duhlo a, ka thin a rim a ni. Chu ka thinrimna chu a zual zel a, chu chuan he company, Grand Leakage hi a hring chhuak ta a ni. He kan chenna ram ah hian mi hausa chauh te hi an awmlova, mi rethei tak takte, pawisa harsa taka nei ve hram hram te an awm a ni. Chungte chuan hah takin an thawk a, mahse an chan tur zawng zawng chu eiruk sak an ni leh si thin. Sir, India hi kum 1947 khan Independence ram kan ni a, British mi ten min hnuaichhiah a, min that a, mahse kan beilet hram hram a, kan ram atanga an chhuah thlengin kan beilet a ni. Mahse British ho khan kan tan thil tam tak min hnut chhiah a, kawngpui te, railways te leh building te nen, chuan tunah awmna court room pawh hi an ta a ni. Mahse Independence kan neih hnu atang khan keimahni ram ami ngei te hian kan ram hi kan tichhe leh mek si a, British hovin min rawk nasat aia let 100 chuangin kan ram hi kan tichhia a ni.Chuvang chuan he program hian chung kan ram tichhe tute chu a puang zar thin a, chu program hming chu he kan GRAND LEAKGE ngei hi a ni." a ti a, mipui chuan kut an beng dur dur mai a. Nathana chuan sawi zawm zelin, "Sir, Independence kan nih tir khan cheng 1 leh dollar 1 hi a intluk reng a ni, mahse kan ramin a zirloh avangin dollar khat chu keini ah chuan cheng 70 lai alo ni ta a. A chhan enge? Corruption...corruption vang a ni. Scam tamtak alo awm a, cricket scam, football scam, ration scam....ding leh vei atangin eirukna hlir..mipui chan ai an eiru zel a. Engtin nge keini hi min dan tlat chuan heng eirukna te hi a tawp theih ang? Cleanliness tih velin awmzia a nei ve lo, he kan ram India ah hian. Mi rethei te an beidawng a, lo neitute pawh an inthat hial thin a, achhan chu heng eiru te, ram phatsantu te vang hi a ni. An pawisa eiruk te chu an ram ngeiah pawh dah ngam lovin, Spain rama Tenerife Island a bank pakhatah an dah tha a, Bank of Paradise, an tan chuan vanram a ni. He bank-a pawisa awm te hi black money a nilo, hah taka kan thawhchhuah, kan ram, India ram pawisa a ni.Kei leh heng journalist te hian chungte chu kan hria a, kan do a, mahse nangni chuan engmah in ti ve lo. Chuvang chuan nangni ai awhin, in thawh tur te chu kan thawk zawk ta a ni. Anih chuan tunah chuan min hrilh teh, Police hna anilo em ni? Mi pui venhim a, an mamawh pek te hi Police hna a nilo em ni?" a ti ta vak vak mai a. Mipui ho chuan pawn lam atang te chuan, "Chhang ta che Your Honour, chhang ta che.." tiin an lo au vak vak a. NAthana chuan sana a melh zeuh a, dar 11:58 a lo ri tawh a, chutah ring zet hian camera lam melh pah chuan, "Thiante u, ka thusawi lai hi in ngaithla tih ka hria e. Ngun tak khan lo ngaithla ru aw...N..K..007..G..2..F...A..L...4...2...0..S..I..C...ENTER rawh ule." a ti vak a. Chutah le..Bank of Paradise ho khawl te chu a rawn ri ta tut tut hlawm a, system te chu a rawn chiang lo ta nuai nuai mai a. NAthana chuan, "Tun atanga minute 2 hnuah chuan heng phatsantute leh eiru tute account zawng zawng hi hack ani ang. Vawiin hian, dar12 a rik hunah kan ramah hian pawisa ka sur tir dawn a ni, mahse a chnag tu tur diktak te chauh in pawisa chu an chang ang. Lo neitu te, mi rethei te, inhlawhfa te, ration card leh adhaar card nei tawh phawt chuan an chang ang.Old age home, Orphange, red-cross, blue-cross te thlengin pawisa an chang vek ang, an phone check sela, lo neitute, loan la te, in account check rawh u, pawisa in dawng vek ang." a ti ta phiar phiar mai a.
Mipui chuan kut an beng dur dur a, Nathana chuan sawi zawm zelin, "Kan ramah hian mi nuai 30 chuang chu mi rethei leh kutdawh te an ni...Ngaithla rawh u, kum 2020 kum tir lam khan khawvel pumpui ah natna hlauhawm leh tihbaiawm em em, Corona-Virus chu a dath chiam mai a, India ah pawh lo lutin mi tamtak an thih phah a, kan hlau em em a, hmun tinah Corona Virus chungchang bak engmah dang kan sawi ngailo kha a ni a. Mahse khanghun lai khan Virus vanga thi ai chuan riltam vanga thi hi nitin mi 7000 chuang an awm ziah asin. Tun thleng hian ala ni bawk, chuvang chuan pawisa in dawn hunah pawh chung mirethei te tan chuan hmang thin ula,India hi hei ai hian alo changkang ang...ka thusawi chu min tawmpui em?" a ti a, mipui chuan, "Kan tawmpui che.." tiin an lo au bawk a. Nathana chuan sana a en a, Dar 12 a ri ta. Ring tak chuan, "A hun a thleng e, in mobile te, in account te check ru le." a ti a, an check sap sap hlawm a. Chutah message chu a lo lut ta a, pawisa chu an dawng ta sap sap hlawm a. Mipui te chu lawmin an au a, an lam bawk a. Mipui chuan, "DCP Nathan, chhuah ni rawh se." tiin an au a, a ropui ngei mai. Nathana chuan, "Your Honour, ka thil tihte hi dan kalh ani, in duh chuan min hrem thei ang, min khaihlum thei ang, pawi ka tilo." a ti a. Judge chuan, "Committee neih that leh tur a ni a, chumi hma chu Nathan Malsawmkima hi chhuah zalen a ni ang. Mahse tunah rih chuan Police Station lamah Nathana hi hruai leh phawt a ni anga, clearance a ti fel phawt anga, chumi hnuah chauh chuan a chhuak thei ang." a ti a, tichuan Nathana chu Police jeep ah chuan an luhtir a, Station lam pan chuan an kal liam ta a. Mahse tuman an hriat loh chu Police Jeep khalh tute pahnih kha Javed-a naute pahnih Rocky leh Chhotu-a te an ni. An tlan zel a, ramhnuai lamah an tlanpui ta daih mai a, ACP chuan, "Hey, khawnge in kal dawn? Tute nge in nih?" a ti vak vak a. Rocky-a chuan ACP chu a kap thal nghal tawpa, midang pawh chu a kaphlum vek a, Nathana chauh a zuah a. Motor atang chuan Nathana chu an pawt chhuak a, chu ramhnuaiah chuan NAthana chu an sawisak rawn ta hrep mai a. Chuveleh motor a lo kal a, Javed-a leh Alia-i te an ni a, an hnungah chuan Japaka leh a kidte an lo kal bawk a. Rocky leh Chhotu chuan NAthana chu anva hruai phei a, chutih lai tak chuan Japaka phone a lo ri a, Minister Murali alo ni. Murali chuan, "Japak, khawnge i awm?" a ti a, Japaka chuan, "Hei, DCP Nathana chu kan man e, mahse a nunna zuah rih turin Javed hian min ti a." a ti a. Murali chuan vin zet hian, "Enge Javed-a chuan a hriat a, kap hlum nghal rawh u. Kan pawisa a ru vek alawm kha DCP khan, i thah phawt chuan cheng nuai 50 ka pe ang che." a rawn ti a. Javed chuan, "Japak, tunge a?" a ti a, Japaka chuan, "Minister Murali a nia, Nathana that turin min ti ani....cheng nuai 50 min pek a tiam bawk." a ti a. Javed chuan, "Mai mai a, ka makpa hual a nih saw....that mai love." a lo ti a. Japaka chuan Javed-a kawrawm ah chuan a tham a, "Mawla, cheng nuai 50 ka hlawh dawn phawt chuan ka pa pawh ka that ang chu mawle.." tih pah chuan Nathana chu ava kap nghal a, mahse a banah a ni hlauh mai.
Chuveleh Nathana chuan Rocky-a leh Chhotua te chu an dulah a kiu in a nghawk dun pawp a, an pistol a laksak a, Japaka kidte chu a kap hlum nual hman a. Javed chuan Japaka chu a hnek thal tawp a, mahse Javed-a banah chuan a kap hliam hman hram a. Javed-a leh Alia-i leh Nathana te chu an tlan chhia a, silaimu zawh thak thleng chuan an in kap ta bur bur mai a. Chu veleh silaimu a zo ta, kuttum hmang chuan an inbei ta a, Javed-a leh Nathana chu tang dunin Japaka te chu an kutlawng chuan an sawisa hlum ta thak mai a. JAved chuan NAthana bulah chuan, "Ka mi leh sate meuh pawhin nangmah vangin min beilet ta chu ania, i ropui e. Ka fanu hi engtin nge ni dawn, keichu tunah chuan i hmelma ka ni tawhlo, ka neih zanwg zawng min eizawh sak tawh a, i chak tawh e...mahse ka fanu hi?" a ti a. Nathana chu a nui suk a, "Lenlai a rual lo ani, nupui ka nei tawh tlat." a ti a. Javed chuan, "Kei ang mihring te hi chu khawiah pawh awm ila ka thi lovang, ka damchhuak zel ang, min ngaihtuah duh suh. Ka fanu hi ka khawngaih em a, a hmangaih che si a.." a tih lai chuan Alia-i chuan, "Ka pa, ka neihchhun i ni a, i bulah ka awm ang. Nathana hian hmangaihna diktak min hmuhtir a ni, a nupui hi a hmangaih hle tih ka hria a ni. A puzawn tan pawh tiang khawp hi a thleng thei a nia, ka phu mawlh lo. Mahse ka pa, motor ah sawn minlo nghak la, ka lo kal vat ang,a tawp nan mangtha ka duh a ni." a ti a, Javeda chu a kal ta a. Alia-i chuan, "Misualpa, a tawp nan ka biangah vawikhat chiah min lo kiss leh?" a ti a, Nathana chuan, "A chi dawn mi?" tih pah chuan a nuih vur vur a, Alia-i chuan, "Ka tan chuan Ram, Abhiram i ni reng tho ang." a ti a. Hemi zawh hnu hian an inkiss vel ta em ka hre ta miah lo mai, an inthlah liam ta tih chiah ka hria.
Atukah pawh chuan Nathana chuan support tu a nei tam bawk a, Court chuan thiam a chantir a, an chhuah zalen ta a ni. Nathana pawh thla 2 vel chu a cham leh phawt a, DGP in haw tura a rawn hrilh sek avang chuan a haw veleh ta a nih kha...Sanvi bulah engmah sawi su aw...Mangtha u.
THE END
TIT FOR TAT (Part-2)
Written by : Aaron Malsawmdawngzuala
"Khawnge ka laptop a awm? Khawnge a awm? Ka personal laptop kha?" tiin Javeda chu a vin tuar tuar a, a kidte zinga pakhat chuan, "Boss, nangman Alia-i room ah i dah kha." a ti a. Alia-i chuan, "A aw, lo hrim hrim." in hnit feih feih chung chuan a lo ti a. Javed chuan, "Ka hlauh ang ngei a ni...i bialpa chuan kan thuruk zawng zawng a hai lang vek dawn nih hi, in lamah i haw vat teh ang u." a ti a, tichuan an haw ta a. Ina an haw leh hnu pawh chuan Javed chuan Alia-i chu a hau chhunzawm bawrh bawrh a, chutih lai chuan a phone a rawn ri a, Telangana Home Minister Murali-a alo ni a, "Hello Javed, news en vat teh, Local Channel RRR (Triple R-tia lam tur) pakhat hack a ni a, Grand Leakage company te chuan news an rawn chhuah ania." a rawn ti a. Phone chu dahin Javed chuan TV chu a on nghal a. TV ah chuan mipakhat hmaikawr vuah hi alo lang a, chupa chuan, "Vawiin hian India's Biggest Criminal, kum tamtak chhung Indian Police ten an lo zawn tawh Javed Ibrahim thuruk thenkhat te kan hailang dawn a ni. Mi thenkhat chuan tunah hian Dubai ah a awm mek niin an sawi a, a thenin Karachi ah a awm mek niin an sawi bawk. Mahse Javed hi tunah hian Tenerife Island ah a awm mek a ni. He Island hi Morocco bul chiah a awm a ni a, chutah chuan zalen takin a lengkual vel a ni. Javed-a hian zuitu mi pahnih a nei a, chungte chu Rocky-a leh Chhotu-a te an ni. A awmna hmun chu hei hi a ni.." tih pah chuan TV ah chuan Javed-a chenna hmun te chu map nen lam a rawn lang ta vek mai a. Chu hmaikawr vuah chuan sawi chhunzawm zelin, "Hmanni khan Persian tlangval nen an indawr a, chu tlangval pawh chu Persian Lal fapa a ni nghe nghe a, a fanu Alia Khan nena innei turin an sawi fel bawk a ni. Tunah chuan thudik a lang ta bawk a, kan RAW chief te leh minister te hian an hna thawk se, Javed Ibrahim hi zawng chhuak ngei rawh se. Chuan thil pakhat leh chiah, Javed hian Hyderabad Kareem Beedi hi a meizial ngainat ber a ni." a ti a, TV chu a thim ta daih mai a. JAved-a rilru chu a hah em em a, a phone a rawn ri leh a, Minister Murali bawk a ni, "Javed, Interpool hovin i awmna an rawn chhui nghal dawn a, engtik hunah pawh an rawn thleng thei a ni. Kha thliarkar kha chhuahsan vat ang che u, anih loh chuan nang chauh nilovin kei ngei pawh hi jail tang thei reng ka ni tih hria ang che." a ti a. Rang takin Javed leh a fanu Alia-i te chuan chulai hmun chu an chhuahsan ta a. Javed-a te pafa leh a kidte chu Javed-a private lawng (ship) ah chuan hmun danga biru tur chuan an chhuak ta nghal a, Javed chu a thinrim kher mai. Javed chuan a fanu Alia-i, rilru na taka tap hawm hawm bulah chuan va thu in, "Ngaithla rawh bawihi, he Abhiram-a tia i hriat hian a hmangaih hlawl lo che, a bum mai mai che a ni. Tunah chuan engkim i hre tawh a, phuba kan la ngei tur a ni, ka man anga, kan that ang. I rulru a ti na a, a rilru ka tina ve dawn a ni. I hria em?" a ti a, Alia-i chuan, "Awle ka pa." a ti chuai raih a. Lawng chhunga inchung room lamah chuan Alia-i chu tap chungin a chho a, a thawmhnaw te chu bag ah a thun a, apa pawisa dahthat chu a la ru nual bawk a, tlanbo a tum a ni. Lawng chuan Morocco a thleng ta a, eitur lei tura Javed-a te an chhuk lawk hlan chuan Alia-i chu a chhuak ru a, taxi a phar a, a tlan ta daih mai a. Javed-a chuan lo hmu hmanin, "Hey, Alia...lo ding teh." tih pah chuan a um a, a kidte chuan an rawn zui bawk a. Javed chuan pistol phawrhin taxi chu kah a tum a, mahse a kid Rocky-a chuan rawn dang vatin, "Nilo boss, Morocco bazar a nih hi, police an awm ania. Alia-i chu kan zawng em em ang, lungngai suh." a ti a. Pistol chu Javed chuan a thukru vat a, "Hrep tak chuan.." tiin a lu a dawm vawng vawng a. Alia-i chuan Airport lam a pan nghal a, India-a kal a, Nathan-a va zawnchhuah a tum a ni.
Nathana erawh Mizoram lam ala pan mai lo, a thil tih tur a la zawhloh avang leh Hyderabad lamah Minister-te chunga phuba la leh tur chuan Hyderabad-ah a lo awm leh daih tawh a ni. Kan hriat theuh tawh angin Nathana hi Hyderabad-a seilian a ni kan tih tawh kha, Hyderabad ah hian chhungte a nei a, chu chu anupui Sanvi nu leh pa te an ni. Nathana hian hetia Javed-a chunga phuba alak nachhan hi chu thla 1 vel liam ta khan Javed-a naute, Hyderabad ami ten Sanvi pa keruk an lo vuak tliah sak vang leh, a hnathawh mek Journalist chu tihluihna avanga an ban tir tak vang a ni. Sanvi pa Pu Prabhas Aggarwal hi kum 67 mi niin Journalist a ni a, Sanvi nu hi Pi Radha Aggarwal niin house-wife pangngai a ni. Thlakhat vel liam ta khan Hyderabad-a veng pakhat chuan buaina an tawk a, zan khat ruah sur buan buan laiin zanlai dar 12 velah in tam tak leh building tam tak chu a chim a, hei hi in sakna atana Hyderabad Sawrkarin cement diklo leh duplicate an hman vang a ni. He chhiatna ah hian Sawrkar te chu an ngawi reng a, Minister Murali-a hi a mawh phurtu ber a ni. Chu chu hria in Pu Prabhas hian he chhiatna thu vel hi article a chhuah a, Home Minister Khrishna Murali pawh a mualpho phah hle. Home Minister thinrim hian Javed Ibrahim hi a hrilh a, Javed hian Hyderabad lama a thawhpui local gunda ho chu tirin Pu Prabhas-a hi an inah luhchilhin a keruk pahnih an vuak tliah sak a, Pu Prabhas-a hian tute nge an nih tih leh Javed-a pawlte an ni tih pawh hi a hre vek a. A hnua damdawiina a awm lai hian Police te chuan pawi khawihtute hi tute nge an nih tih hriat tumin Pu Prabhas-a hi thu zawh fiah an tum a, mahse Pu Prabhas-a hian a hlauh em avangin tute nge an nih tih chu sawi ngam lovin a hriat ngailoh mite an ni tiin dawt a sawi ta ringawt a. Javed-a nauten an lo vau lawk angin Journalist hna pawh chu hreh tak chungin a ban phah ta a, damchhungin ke-in a kal leh tawh ngai dawnlo bawk a ni. An fanu neihchhun Sanvi hi Tamil Actress kan tih tawh kha, Tamil Actress kan tihna chhan chu Hyderabad a awm ni mahse, Tamil film industry zawkah a tawh avangin Telugu film aiin Tamil fim a chang hnem zawk a ni. Sanvi hian chanchin a hriat veleh a pasal NAthana a hrilh ta vek a, phuba la turin Nathan hian Javed Ibrahim-a chanchin te chu research a bei nghal a. Amah pui turin Hyderabad Journalist zirlai te a thawhpui hlawm bawk a, a ruk thei ang berin an DGP hriatpuina thlapin Spain-ah a zin a ngai ta hial a ni. Nathana pawh Hyderabad-a a puzawn te inah chuan a awm mek a, phuba pawh ala la chhunzawm zel dawn a ni. Ni 3 vel aliam hnu chuan Nathana leh a thawhpui journalist zirlai te leh hacker te nen chuan hna an thawk leh tan ta a, a thawhpuite zinga mi Raju-a chuan, "I ti tha khawp mai Sir, Javed-a thuruk zawng zawng chu i hailang ta chu ania." a ti a. Nathana chuan, "Aih, ala kimlo...tihtur tamtak ala awm. Cricket scam chungchang ka hriat theihnan amah hi ka chhui ru a, mahse kha cricket scam kha chu engmah tham anilo tih ka hre leh nghal bawk a. Mi namai lo tak ani, mi khawngaihna neilo leh tualthah pawh pawi tilo a ni a, India rama Politician eiru tamtak te hian an pawisa te chu bank pakhatah an dahtha thin a, chu bank hming chu Bank of Paradise a ni. A neitu chu Javed Ibrahim hi a ni a, tichuan hei hi a personal laptop a ni." tih pah chuan Javed-a laptop, Alia-i room a a luhruk tuma a ruk chhuah chu a lek kang a, "He laptop ah hian details zawng zawng leh information kan mamawh tur ang chu a awm vek a, he laptop hi kan access theih na tur chuan Bank of Paradise details zawng zawng kan hriat vek angai a ni. A fanu Alia-i chu ka ngaizawng der ta a, a detail account zawng zawng te leh a ID card thlengin a vaiin a hriatloh hlanin ka chhui ru zel a, Alia-i account hi kan hack thei anih chuan server-ah kan lut thei anga, pawisa an dahthatna thlengin kan chhuichhuak thei dawn a ni." a ti a.
An zinga hmeichhe awmchhun Priya-i chuan a hack thei ta hlauh mai a, Nathana chuan, "Alia-i account ah khan pawisa engzat nge a awm han check teh." a ti a. Priya-i chuan, "Ka rin aiin a tam lemlo, Cheng nuai 100 vel bak a nilo, avan mak ve Sir, Millionaire an ni bawk sia?" a ti a. Nathana chuan, "A tha e, server ah luh han tum chhin rawh le.." ati a, Priya-i chuan server chu luh a tum ta a. Spain-a Bank of Paradise lama thawktute pawh an buai ta khawp mai, a vei vhut vhut hlawm a, an mangang tan ta. An bank Manager chuan Javed-a chu ava call a, "Sir, khawnge i fanu a awm?" a va ti a. Javed chuan, "Enge? Buaina a awm em ni?" a ti a. Manager chuan, "Tu emawni in i fanu account hi a hack a, tunah kan server rawn hack leh a tum ania." a ti a. Javed chuan thinrim takin, "Khawi atangin nge an rawn hack a?" a ti a. Manager chuan, "Hyderabad atangin, Chikalguda khua a inti a, GPS ka lo thawn ang che." a ti a. Javed chuan GPS a hmu a, Hyderabad lama a kid pakhat Japaka a phone a, "Hello, Japak...Chikalguda ah i awm tiraw?" a ti a. Japaka chuan, "Awm e, enge ni ta?" a ti a. Javed chuan, "Min chhuiru tu te an awm a, GPS ka lo thawn ang che, va that nghal ang che u." a ti a. Nathana te chuan server luh chu an lo la tum char char a, an lut thei tep tawh tih ah chuan an awmna farm house chu silaiin an rawn kap ta vak vak mai a. Nathana chuan, "Laptop te kha la ula, motor lam pan vat rawh u." a ti a. Tichuan an chhuak a, bang phenah an biru zel a, motor ah chuan an lut ta a. Chak takin an tlan a, hnunglam atang chuan Japaka te ho chuan an lo um ve zel bawk a. Silaiin an rawn kap vak vak a, kilometer 5 vel lai an in um hnu chuan ramhnuai lamah an tlan lut a, Nathana chuan, "Ding lawk teh." a ti a, an ding ta a. Nathana chuan, "Silaiin min rawn kap tawh lo tlat, silaimu a zo tawh a ni ngei ang. Raju, minute engzat vel nge inla mamawh dawn?" a ti a. Raju-a chuan, "Minute 10 vel chu ala ngai ang." a ti a, tichuan Nathana chuan, "Tikhan lo luh tum char char ula, hengho hi chu ka kutah dah rawh u." a ti a. Japaka te pawh an lo thleng a, motor atang chuan an rawn chhuk a, Nathana chuan hmaikawr chu a vuah leh ta a, motor atang chuan a chhuk a. Japaka chuan, "Kap rawh u." a ti a. A kidte chuan, "Sir, silaimu a zo tawh." a lo ti a. Chuveleh Nathana chu tlan pheiin a va tlawh thal pawp pawp hlawm a, an insual ta buan buan mai a. Nathana chuan a sawisa ta hrep hlawm a, Japaka ber pawh chu hlauvin a tlanchhe ta a. Minute 10 a ral a, server chu an lut thei ta, an lawm ngei mai. Chutia hlim taka an awm lai chuan Nathana phone alo ri a, Sanvi pa alo ni a.
"Hello ka pa, enge ni ta?"
"Bawiha, chhun thil eiturin ilo haw dawn lo em ni?"
"Enge eitur awm?"
"Dal, Rice, pickle leh alu kan a awm."
(door bell a lo ri a.)
"Pa, chu door bell a ri a nia..tun angah tunge lo kal ang le?"
"Aw ka hria, i nu in ava hawng e."
"Ka pa tunge a?"
"Lawk aw....Duhtak, tunge ni?" (a ngawi vang vang a..) "Bawiha, hmeichhe pakhat a nia, ilo haw dawn em sawi vat teh."
"Ka pa, tunge a hming han zawt teh u."
"Duhtak, tunge a nih a? Tunge a hming han zawt teh." (a ngawi leh vang vang a.) "Bawiha, Alia Khan a inti nih chu."
NAthana chu a phu zawk a, "Ehe....engtin nge alo kal theih? Ka pa, chhuah tir nghal rawh." a ti nghal chel chu mai a. Pu Prabhas-a chuan Alia-i bulah chuan, "Bawihi, enge i duh a?" a ti a. Alia-i chuan, "I fapa ka hmu duh a ni." a ti a. Pu Prabhas-a chuan, "Ihh...englo, a awmlo, a thianpa te inah lehkha zir turin a chhuak a, a lo haw tep ang." a ti a. Alia-i chuan, "A nih chuan hetah ka lo nghak ange." a ti a. NAthana chuan phone atang chuan, "Ka pa, khanu kha ka hre ngailo, chhuah tir vat rawh u." a lo ti chel chu mai a. Pu Prabhas-a chuan, "Alia bawihte, zanin chu a lo haw dawnlo a, naktukah lo kal leh mai rawh." a ti dek dek chu Alia-i chuan phone chu a laksak a, "Hey Abhiram, mi tenawm pa, i lo haw dawn nge i nu leh pate hi ka sawisa dawn? Lo haw vat rawh." a ti vin tuar a. Nathana chuan a lu a dawm vawng vawgn a, "Engtin nge ilo kal theih a? Engtin nge khatah khan ka awm tihte i hriat theih a?" a ti a. Alia-i chuan, "A harsa hleinem, Hyderabad-ah i awm thin tih min hrilh a, Hyderabad ah ka kal phawt a, tichuan ka thiamna hmangin ka rawn chhuichhuak mai che mawle." a ti a. Nathana chuan, "Alia, i buai lohna turah i buai a ni, chhuak nghal rawh...anih loh chuan.." a tih mek lai chuan vin zet hian Alia-i chuan, "Anih loh chuan enge? Engtin nge min tih vak anga? MAwh? Abhiram, ka rilru i tina a, min bum a, min kalsan leh tawp a, a fairlo lutuk...lo haw rawh, kalo nghak che." a ti a. NAthana chuan, "Abhiram ka nilo, Assamese pawh ka nilo, dawt vek a nih kha, khatin min ko tawh suh." a ti a. Alia-i chuan, "Ka tan chuan Abhiram i ni tho tho, Nathan tih te chu a thing emai, Abhiram, Ram...lo haw vat rawh, anihloh chuan i inchhir khawp ang. Javed Ibrahim-a fanu ka nih hi...enge ka tih theih chu i hre dawn khawp." tih pah chuan phone chu a dah daih a. Pu Prabhas-a chuan, "Javed-a fanu maw i nih a?" a ti a, Alia-i chuan, "Aw ni e...in fapa hi ka hua, dawt hlir hi min hrilh a. Min ngaizawng a, kei lah chuan ka lo hmangaih em em a, nu leh pa ka nei tawh lo te a ti vel a, inla dam reng sia. Assamese ka ni e te a tia, achang leh Mizoram ami a ni leh daih bawk si. Mizoram chu khawilaiah nge a awm pawh ka hre lo, ka vawikhat hriatna a ni. Dawt hlir min hrilh a, nupui a nei tawh te an tia, ala neilo te an tia...enge awmzia pawh ka hrelo." a ti nuah nuah a. Pi Radha-i chuan, "Bawihi, a nu leh pate kan nilo." alo ti a. Alia-i chuan, "Enga? Anih tute nge in nih?" a ti a. Pi Radha-i chuan, "A nupui hi kan fanu a nia.." a ti chiah mai chu Alia-i chu a phu zuk mai, thinrim tak chuan a t(r)e ta vak vak mai a, Pu Prabhas-a te nupa chu an phu dun chiang kher mai. Alia-i chuan pistol a phawrh a, Pu Prabhas-a te nupa chu a tin a, "In then tir nghal rawh u, ka ta a ni, in fapa hi ka ta a ni." a ti ta khur khur mai a. Pi Radha-i chuan, "Insum rawh Bawihi, khawngaihin.." a ti a. Alia-i chuan silai chu a dahthla a, "Ka ril atam...eitur a awm em?" a ti a. Pu Prabhas-a chuan, "Aw awm e." a ti a, Alia-i chuan, "Enge eitur awm?" a ti leh a. Pu Prabhas-a chuan, "Dal, rice, alu kan leh theihai pickle." a ti a. Alia-i chuan, "Ka pi, min han siam teh...ka ril a tam lutuk." a ti a. Pi Radha-i pawh chuan a siamsak a, Alia-i chuan tui ti tak chuan a ei nghal bawrh bawrh a.
Chumi tlai chuan Hyderabad Politician te leh Minister te chuan Assembly House ah meeting an lo nei mek a, Home Minister Murali-a chuan, "He Grand Leakage member te hi kan man ngei tur a ni, private system chauh nilovin, government system pawh a hack tel a, thil sual a ni, phalloh a ni a, kan man ngei tur a ni." a lo ti lauh lauh mai a. Chutia an thutkhawm thup lai chuan an projector screen chu a rawn eng pup a, Grand leakge tih alo inziak a. An hawi thup a, screen ah chuan hmaikawr vuah pa bawk kha alo lang leh ta a. A rawn tawngchhuak leh ta, "Mi bumhmang te leh corrupt politician ho te chuan kan ram hi an suat mek a, mi rethei te riltamin an siam mek zel a ni. Gradn Leakage kan lo lang e...hei le, Bank of Paradise-a account nei ho te list chu kan lo phochhuak dawn e. Mi duhawm tak tak te, police te leh politician te thlengin he bank ah hian account nei an tam hle a, chu chu kan lo phochhuak dawn e. Eng angin nge inlo inngaih a? Mi rethei te chan ai eiruk te, Mi pawisa chhuhsak te hi thil awlsam tak turah inlo ngai em ni? He bank ah hian a then chuan cheng nuai 100 lai te, a then phei chuan Maktaduai 100 chuang te pawh dah khawl tawh tih kan hre vek a ni. Tuna ka thusawi mek hi India mipui zawng zawngin an en vek tih hre phawt ula, tunah ilo tan dawn ang hmiang. Bank of Paradise, Tenerife Island-a awm, a neitu...India-s Most Wanted Criminal Javed Ibrahim..a thawhpui te, police tam tak leh politician tam tak...kan ram, India ram a mi ngei te..hei le list chu le." tih pah chuan screen ah chuan chumi bank-a account nei ho te leh an pawisa dah zat thleng chuan a rawn lang ta chuai chuai mai a. Chung zingah chuan meeting an neih mekna ami politician thenkhat te leh Home Minister Krishna Murali hming te thleng chuan a lang bawk a. Tichuan chu hmaikawr vuah pa chuan, "Hei hi chu bank pakhat chauh a mi a ni a, bank dang tam tak pawh ala awm. Nakinah kan lo ti lang leh zel ang, mangtha phawt ule." a ti a, screen chu athim ta hmak mai a. Chuveleh press mite an lo thleng a, Murali-a chu zawhna an zawt ta sup sup mai, chutiang bawkin politician dangte pawh chu an zawt sup sup bawk a. Murali-a pawh chuan chhuanlam fahrah te te a siam ta ringawt a, an buai ta hle mai. Darkar tin mai chuan Grand LEakage te chuan bank account list te chu an rawn chhuah ta sek mai a, India ram pumah chuan news chu a khat ta nghal vek mai a ni. Javed-a te pawh chuan news chu an lo hre ve a, a thinrim kher mai. India-a kal ve nghal a duh thu a sawi chuan a kid Chhotu-a chuan, "Boss, a chiloh ang...an zawng mek che si a, kan tan a hlauhawm thei tlat." a ti a. Javed-a chuan, "Javed Ibrahim tan hian hlauhawm a awm velo, India ram sawn ka hmel diktak hi an la hre hleinem. Kha DCP Nathan-a khan a la tlangzarh vat dawn tih chu ka hria, mahse chumi hma chuan amah hi ka dahtha dawn a ni. India hi Spain-a ka awm chhung khan vawi 7 lai ka tlawh leh hman a, chu pawh 'by road' vek lehnghalin, ka hlau lo hrim hrim. India atangin Pakistan pawh ka kal nghal thei a, chuti khawpa thil tithei chu ka ni." a ti pang pang a. India chu a thleng ta a, private jet-a kal a nih avangin Airport-ah pawh t(r)um lovin a private farmhouse ah chuan an t(r)um ta a, a kid Japaka chuan a lo hmuak a. Japaka chuan va pan hnaiin, "Boss, Salam Alaikum.." tih pah chuan chibai alo buk a, na em em hian Javed chuan Japak chu a beng hawi sawk mai a, "Hna chhete pawh thawk zo theilo, nep lutuk." a ti a. Japaka chuan, "Ka tihpalh Boss." a ti a. Javed-a phone alo rin a, Minister Murali alo ni a, "Hey Javed, enge awmzia? Kan ring che a, bank ah account kan nei a, mahse tunah engkim puanzarin a awm leh si a, enge awmzia? Hmingchhiatna zawng zawng hi kan ta emaw tih mai tur a ni, kan buai khawp mai." a rawn ti a, Javed-a chuan, "Thianpa, India ka lo thleng tawh e. Engmah hlau suh, Hyderabad ah ka awm tawh alawm, i hming chauh puanzar a ni a, lawm hle rawh. Ka fanu awmna zawng phawt ula, he thil titu hi a nihna diktak pawh ka hre vek ania, man a ni thuai ang." a ti a.
Zan alo ni a, TV-a news an puan mek chu Alia-i leh Sanvi nu leh pa te chuan an lo en ve mek bawk a. Alia-i chuan thinrim zet hian, "In makpa thil tih vek anih hi, Grand leakage, hmaikawr ne...eke bale...eng ang pawn insiam danglam se, in makpa thil tih vek hi a ni, ka hrechiang ve tawk. In fanu pawh chu a then leh vat mai ang, bum hmang a nih hi. In fanu chu tunge a hming?" a ti a, Pi Radha-i chuan, "San..Sanvi Aggarwal." hlauh hmel tak chuan a ti a. Alia-i chuan, "Hmmh, a hmeltha vak bik awm lo emai..kei aia a thatna tur ka hrelo. In makpa hian thu leh hla hmangten min bem kual vel a, chupawh ka pa zirtir lek a lo la ni zui. Ka hua, ka hua ni tawp mai, lo haw teh se... a chak dawnlo." a ti pung pung a. Zanah chuan Alia-i chu Pi Radha-i bulah chuan ala mu zui a, a thinrim ala reh thei ngang lo, "Ka pi, engvangin nge hetiang makpa hi in neih duh reng reng a? A nu leh pate an la dam em? A nu leh pate hauh ka duh a ni." a ti khur khur a. Pi Radha-i chu hlau deuh bawk si, nuihza deuh bawk si chu a insum nasa kher mai, "Bawihi, a nu leh pate chu an thi tawh a, fahrah a ni." a ti a. Alia-i chuan, "Anih chuan a thusawi kha a dik animaw? Fahrah a nih thu kha a sawi a, dawt chu a sawi bik love. A nih Assamese nge a nih Mizo?" a ti leh a, Pi Radha-i chuan, "Mizo a ni a, a patea te nupa bulah a awm mek a, Police a ni a, Deputy Commissioner of Police a ni." a ti a. Alia-i chuan, "Hmmh....alo nih vel tak chu a, Mizoram...ka vawikhat hriatna a ni, ka hriat ngai mi pawh nilo, a hming pum pawh ka lam thiam tha lo a, ka hmangaih tlat mai chu ania. A patea te chu ka be thei angem, an number minlo pe teh." a han ti leh a. Pi Radha-i chuan, "Bawihi, mizo an nia, Telugu tawng an thiam velo." a ti a. Alia-i chuan, "Tamil tal an thiam em? Hindi tal emaw? English pawh?" a ti leh a, Pi Radha-i chuan, "Aih, an mahni tawng chiah an thiam. Keini te nen pawh hian kan inbe hleitheilo, keini lahin mizo tawng kan thiam ve der silo a." a ti a. Alia-i chuan, "Anih chuan engtin nge Sanvi chu Mizoramah a awm peih zawk a? Tawng an inhrethiam awm hlawm silova?" a ti leh a. Pi Radha-i chuan, "Kan fanu erawh hi chuan Mizo tawng a thiam lutuk alawm, Nathana hian an inngaihzawn lai atang tawh khan nitin a zirtir char char a, Mizoram lama a hawsan hnu pawh khan Pu Muthy-a'n a zirtir leh char char bawk a." a ti a. Alia-i chuan, "Anih Sanvi thlalak chu ka lo en thei angem?" a ti a, Pi Radha-i chuan Sanvi thlalak chu a en tir a, Alia-i chuan Sanvi thlalak a hmuh meuh chuan hmeltha chu a ti ve ngang mai, mahse a thik em em a, "Hmmh, kei aia a hmelthatna ka hrelo emai." ala ti hram a. A nihna takah chuan chutin Sanvi hi Alia-i ai hian a tha lutuk biklo a, a pian a nalh zawk bakah, a vun pawh a ngo zawk a, mahse hmel ah kher chuan Sanvi chu a tluklo deuh a ni. Chumi zan chuan Javed-a leh Home Minister chuan zu an in dun a, Minister Murali chuan, "Thianpa, tuman a hmel kan hrelo a, tunge a nih pawh kan hrelo. Tunah a thlalak pawh hmuh tir lovin CBI zawng turin i tir ringawt a, Task Force te pawh i tir a, CID ten an chhui mek bawk a, Special Officer i chhui tir bawk a." a ti zuah zuah a. Javed chuan beedi zuk khuk hluah hluah pah chuan, "Ka fanu kha zawng turin Spain-a ka awm lai daih tawh khan ka hrilh che a, tumah i tir biklo." a ti a. Murali-a chuan, "Thiana, hepa hi kan man a nih phawt chuan i fanu chu kan hmu nghal ang." a ti a. Javed chuan thinrim tak chian, "Hmulo ta ila? Man lo ta ila? Millionaire Javed Ibrahim Khan-afanu hi tunah hian khawlaiah beihvai takin a vak kual mai mai ni tih hi hre rawh. Ka fanu hi ka engkim a ni a, a hlina turin mi 100 chuan ka that tawh asin. Ka fanu rilru a tina a, ka chhuah lovang." a ti khur khur a. Murali chuan, "Engtin nge in inhmelhriat reng reng a?" a ti a. JAved chuan, "Nangmah vang." alo ti hmuk a, Murali chuan mak ti takin, "Keimah vang maw? Engtin?" a ti hu a. Javed chuan, "Kareem Beedi lo thawn turin ka hrilh che a, i lo thawn silo a, ani khan min rawn th(r)eh a, tichuan min bum ta a ni." a ti a.
Hemi zan hian Nathana leh a thawhpui journalist te chu motorah an riak a ni. A tukah chuan an zinga mi Raju-a chu a haw a, kawngka a hawng chiah chu a thil hmuh chuan a barakhaih chiang ngei mai, a pa chu an inchung ceiling ah a lo inkhai vu mai a, a lo inawkhlum tihna a ni. Raju-a chu a thingthi hnawk a, a tap nghal char char a. Nathana te chuan ruang chu an la thla a, an hal ta nghal a. Tap zawih zawih a Raju-a, apa ruang an hal mek eng ngawih ngawih pah a a din ngawih reng lai chuan Raju-a nu chuan tap chungin, "I pa hian riltamin i tan hna a thawk thin a, mahse nang ve chuan chaw vawi khat ei pawh i thawhchhuah sak ve thei silo. I pa hi engvanga intihlum nge a nih i hria em? A chhan chu maw, a thi anih chuan Sawrkarin min khawngaih anga, pawisa min pe anga, chumi pawisa hmang chuan i zirlai te i chhunzawm theih nan tiin i tan liau liau a nunna a hlan a ni. He in lehkha zirna hian engmah min pe theilo, eitur min pe theilo, engmah awmzia a awmlo. Inah i awm ngailo a, hna ka thawk dawn tiin i chhuak reng a, i rawn haw a, chaw i ei a, i chhuak leh a, engmah awmzia a awmlo" a ti a, a tap zawih zawih a. Nathana chuan midang ho bulah chuan, "A dik ani, thudik tak a sawi a ni. Eitur min pe theilo zirna chu engmah a nilo, eng ang zirna nge ni ngai? A theihloh, tumah riltamin ka dah lovang, hei hi chu ka phuba chauh a ni tawh lo, kan ram tana phuba ka lakna a ni tel tawh ang." a ti a. Journalist leh hacker hote chu a ko khawm ta a, "Ngaithla rawh u, Journalism awmzia hi in hria em? Thudik au chhuahpui ringawt hi em ni? Nge ni a kan ramin buaina an tawh apianga lungngaia lo tah vak vak hi ni zawk? Eng thil nge kan tih tak hi? Thuruk ka puang chhuak thin a, mahse ni 2 hnu velah Entertainment mai ah alo chang ta a, a hnuah Sawrkar leh mipui ten an theihnghilh leh mai thin. Tun atang chuan a ni tawh lovang, thudik kan auchhuah pui tawh lo anga, mipui zawkin thudik chu an auchhuah pui tawh zawk ang. Microphone te kengin pawikhawihtute kan zui reng tawh lo anga, kan umbo zawk tawh tur a ni. Saw bank ah sawn an eiruk sum te an dahtha a, mi zawng zawngin a pawisa a nih loh thu an sawi a. Anih chuan tute pawisa nge ni ta ang? Kan ram, India ram pawisa a ni. Heng pawisa te hi a neitu diktak te kan pe let anga, dikna chuan ro a rel leh ang. Documents te files te kan hack thin a, chumi hacking hmang vek chuan heng pawisa te hi kan la chhuak leh ang. Saw bank saw kan suitcase a ni a, mahse tala in a inkalh mek a ni. Chahbi kan zawng anga, kan hmulo anih pawhin ka chhuchhia ang. Hacker tamtak pawh kan mamawh dawn a, pawisa zawng zawng chu kan la chhuak vek ang. Plan tha tak kan siam anga, kan chetchhuah hun tur chu chhun 12 a ni ang. Tenerife Island time zone hi kan ram time zone nen hian darkar 12 laiin in a inthlau a, mi zawng zawng an muttui lai tak a ni dawn a, an ramah chuan zan dar 12 a ni thung dawn a, tumah an chetchhuah loh hunlai a ni ang. Hre reng rawh u, chhun 12 a ni." a ti a, an haw darh ta a. Zan alo ni a, Pi Radha-i chuan Nathana a rawn phone a, "Bawiha, Alia-i hi in thah a tum ania, hei silaiin a intin mek." a rawn ti ta mai a. Nathana chu a mangang hle mai, "Phone kha pe teh." a ti a. Alia-i chuan phone chu la in, "Ram, ilo kal vat lo a nih chuan ka inthat dawnnia. Ka ngamloh i ring em ni? Javed Ibramhim-a fanu ka nih hi, ka inthat tak tak ang." a rawn ti khur khur mai a. Nathana chuan, "Ram ka nilo, Nathan, Nathan Malsawmkima ka nih hi..i lemchan kha duhtawk la, i pa bulah chuan va let leh rawh." a ti a. Alia-i chuan, "Ka kal lovang, i hming chu engpawh lo nise, ka tan chuan Ram i ni, Abhiram...ka hmangaih che. Vawi 100 thleng ka chhiar anga, ilo kal lo cheu a nih chuan ka inthat tak tak ang." tiin phone chu a dah hmak a.
Alia-i chuan a chhiar tan ta, "1, 2, 3, 4, 5.." tiin a chhiar ta kauh kauh mai a, rang lutukin Nathana chu a bike ah a chuang a, in lam panin chak takin a tlan haw ta a. Inchhung a luh meuh chuan Alia-i chu alo la intin reng a, "95, 96, 97.." alo la ti ngat ngat mai a. Nathana chuan a silai chu laksakin Alia-i hmaiah chuan a beng hawi sawk mai a. Thinrim tak chuan, "Mawli, engvangin nge ilo kal a?" a ti khur khur a. Alia-i chuan Nathana a hmuh meuh chuan, "Abhiram...ilo thleng ta maw?" tih pah chuan a kuah a, a tap zawih zawih mai a. NAthana chuan a nam sawn vak a, "Hey, ila hrethiam nange a? Ka duhlo che, nupui ka nei, ka hmangaihlo che." a ti vak vak a. Alia-i chuan, "Anih leh khang kan inhmangaihna zawng zawngte kha?" a ti a, Nathana chuan, "Dawt vek anih kha, ka bum mai mai che a ni. Ka hmangaih lo che, i pa laka ka phuba lakna vek a ni." a ti a. Alia-i chuan, "Ka pa chungah chuan phuba i la duh anih chuan la mawlh rawh, a pawilo. Millionaire fanu ka ni a, ka pa sum zawng zawng pawh hi ka ta vek tur a ni. Mahse nang ka chan dawn ai che chuan kalsan vek pawh ka huam asin. Ram, khawngaihin min kalsan suh." tiin a tap hawm hawm a. Nathana chuan, "Ram ka ni ziahlo, ngaithla teh Alia...saw saw ka nupui Sanvi pa a ni. A dam chhungin ke-in a kal leh tawh ngai lovang, rinawm taka a hnathawh thin Journalism pawh a bansan a ngai asin. Achhan chu i pa Javed Ibrahim vang a ni. Ka puzawn ramtuileilova siamtu fanu hi engti kawng mahin ka pawm theilo vang, nupui neilo mah ila, Javed Ibrahim-a fanu hi engti kawng mahin ka duhlo hrim hrim." a ti ta phiar phiar mai a, Alia-i suitcase chu lain pawnah a vawm chhuak a, "Kal tawh rawh, kut ka thlak hma che hian." a ti a. Alia-i chu a tap char char a, chutah a bang nghal hmak a, "A tha e, ka chhuak ang." a ti a, achhuak ta a. Sanvi te inkawta waiting shed-ah chuan a thu a, Sanvi te in chu ala en char char a. NAthana chu va chhuakin, "Enge ila tih a, kal bo rawh." a ti vak a. Alia-i chuan, "Helai hmun hi i inchhung a nilo, waiting shed a nih hi, mi tupawh an thu thei, thuneihna i neilo." a lo tih khum hrep a. Pi Radha-i chuan Nathana bulah chuan, "Bawiha, zanin chiah chu hetah riah tir ve mai rawh, a khawngaihthlak emai." a lo ti a. Nathana chuan, "Angailo, thil tullo tak a ni. Zanlaiah ka bulah a lo insawn duk duk vel ang tih ka hlau." a ti a. Pi Radha-i chuan, "Ka bulah a mu mai dawn lawm." alo ti a. Nathana chuan, "I mawl ami ka nu? I pasal keruk vuak tliah sak tu fanu a nih saw....i mutthilh laiin a rek hlum mai tur che asin." a ti a. Pi Radha-i chuan, "A teuhlo, a fel lutuk...nizanah pawh ka bulah a mu alawm." a ti a. NAthana chuan, "Khai....i van mawl tak." a tih lai chuan Pu Prabhas-a chuan, "Bawiha, Javed-a fanu a ni tih chu kan hria alawm, mahse engmah tihsual a nei ve hleinem. Ka tana phuba la i ni a, i phuba lak nan i hmang tangkai a, hmangaihna hmangin i bum a ni. Bawiha, hetah awm tir hrih rawh, keiman ka phal alawm, lo hruai lut rawh." a ti a. Nathana chuan hreh tak chung chuan Alia-i chu ava pan a, "Lo lut rawh." a ti deuh hmuk a. Alia-i chuan a lo nuih sang a, "Min pawm lut la." alo la ti zui. NAthana chuan thinrim zet hian, "Ka beng ang che.." tih pah chuan a tin uai a, nui chungin Alia-i chu inchhungah a tlan lut ta daih a.
Atukah chuan tuk thuan an ei lai tak chuan Nathana chuan call a dawng a, Javed-a a lo ni a, "Hello, Mr. Nathan, ilo inpe vat lo anih chuan enge thleng tur i hria em? I naute zinga mi, journalism zirlai, Raju-a chu ka nulah a awm mek e." a rawn ti ta mai a. Nathana chuan Alia-i chu a kai chhuak nghal dawr dawr a, tnrim tak hian, "Khawnge i awm Javed? Ka lo kal nghal ang, Raju-a kha engtin mah lo ti suh u." a ti a. Javed-a chuan an awmna a hrilh a, rang takin Nathana chuan bike a la chhuak a, Alia-i chu a phur a, chak takin a tlan pui ta nghal a. JAved-a te awmna a va thlen chuan Javed-a te bulah chuan Raju-a chu thi hnuang hian a lo thingthi a. Javed-a'n Nathana bula a fanu lo awm ve reng a hmuh chuan mak a ti ngei mai, Nathana chuan Alia-i chu a man thut a, pistol phawrhchhuakin Alia-i chu a tin a. Javed-a chuan thinrim tak hian, "Hey DCP, ka fanu kha chhuah rawh." a ti a. Nathana chuan, "Kha...lo la rawh, ka thianpa kha lo kal tir la, hei..i fanu chu ka lo hruai e." a ti a. Raju-a chu a lo kal a, NAthana chuan Alia-i pawh chu a va nam phei lawp a. Nathana chuan Raju-a chu a phur a, chak takin a tlan pui nghal a. Javed-a naute chuan silaiin an lo kap nghal chiam chiam mai a, Alia-i chuan, "Ram, min kalsan suh...lo let leh rawh." a ti lawm lawm a. Nathana te chu an tlan tlang ta a, Javed-a chuan, "A tha e, tikha chuan ka man tir thei tawh ang, a hming hi ka tlangzarh dawn a ni, tunge a nih tih hi ka tlangzarh thei ta. A tir kha chuan ka fanu ka la hmuh mai loh avangin tunge a nih tih hi tumah ka la hrilh ngam lova, tunah chuan ka hrilh thei ta." tiin a nui huah huah a. Alia-i chuan, "Ka pa, Ram kha ka hmangaih a ni, min kaltir rawh." a ti a. Javed-a chuan, "Ram a ni lo, NAthana a nih kha...i hmangaih vang chauhvin jail ah ka khung ringawt ang, hmangaih lo phei la chuan e, tunah khan ka that nghal ang." a ti khur khur a. Chumi zan chuan Nathana te leh a nau te ho chuan an inkawtah chaw an eikhawm a, an hlim tlang dar dar hle. Pi Rafha-i chuan, "Bawiha, khawnge Alia-i kha?" tiin a zawt a. Nathana chuan, "A awmna tur diktak ah ka dah tawh, apa bulah a awm tawh." a ti a. Pi Radha-i chuan, "Keizawng ka khawngaih reuh emai, apa chuan kut athlak nasa ngawt ang." a ti a. Nathana chuan chaw bar mawlh mawlh pah chuan, "Kan bula a awm ve reng a rem hleinem ka nu, kan tan a hlauhawm dawn lutuk, apa hian a rawn zawng zel dawn sia, a kalbo kha kan tan a tha zawk." a ti a. Chutih lai chuan an bula hnai velah chuan Helicopter pali hi an rawn thlawk ta chuah chuah hlawm mai a, Nathana chuan thil awmzia a man thiam nghal. A jaournalist unaute bulah chuan, "Thiante u, tunah hian min rawn man dawn a, zanin chu lock up ah ka riah angai dawn a, naktuk ah court ah min hruai leh ang. Javed hian ka nihna hi Home Minister bulah a sawi a ni ngei ang. Hre reng ang che u, dar 12 kha aw...naktuk chhun dar 12 kha...in inah theuh tlan haw nghal rawh u, an man ve hma che u hian." tiin a au lauh lauh a. Journalist student te ho chu an tlan darh ta nghal a, helicopter te chu an rawn t(r)um a, police te an rawn chhuak a. Nathana bulah chuan ACP chuan, "Man i ni e, tunah minlo zui nghal rawh." a ti a. Pi Radha-i chuan a mittui hruk mawlh mawlh pah chuan, "Inspector, khawngaihin chaw tal hi eizo rawh phawt rawh se. Kum khatah vawi 2 vel bak kan makpa hi kan hmu ve thei ngai silo a, engtikah nge kan hmuh leh dawn kan hre bawk silo...reilote chiah min lo nghak lawk thei angem?" a ti a. Inspector chuan a khawngaih ve deuh aniang, a lu a bu nghauh a. Nathana chuan chaw chu a ei zo a, Police te chuan an hruai ta a.
A tuk zing ah chuan news ah chuan Nathana an man thu chu India ram pumah a thang ta nghal vak maia, "Grand Leakage ti-a kan hriat lar, Bank of Paradise thuruk puang tute zinga an hotupa ber chu man a ni a, tunge a ni tih hriat a ni ta. Ani hi tudang nilovin Mizoram Police a ni a, Deputy Commissioner of Police Mr. Nathan Malsawmkima a ni. Mr. Nathan-a hian he Grand Leakge hi a din a, journalist student tam tak a pawlah hian la lut in eirukna te leh pawikhawihna thila inhnamhnawih te an nihna a hailan sak thin a ni.Mr. Nathan Malsawmkima hi Hyderabad Senior Journalist bang ta Mr. Prabhas Aggarwal makpa a ni a, Former Tamil Actress Mrs. Sanvi Aggarwal pasal a ni." tiin state tinah mai chuan an puang ta dup dup mai. Hemi ni la la hian Government chuan meeting a ko nghal a, meeting chu neih a ni ta a. Nathana man tu ber ACP Danush alo ding chhuak a, CM bulah chuan, "Sir, Press mite leh Social Media te hian thil an ti thei em em a, mithiam rual thukhawm ang vel an ni. Mahse Nathan Malsawmkima hi chu Police Officer pakhat ve mai chauh a ni a, mahse chung Media te leh Press mite aia let 100 velin a thluak hi a chak zawk a ni. Private detective tam tak aiin a fing a, a record pawh sawiselna tur engmah ka hmulo. Grand Leakage hi ama din a ni a, hetah hian a thawhpuite hi Journalism students te leh Cyber Crime Experts te, Professional hackers te an ni. Mi sing chuang an awm a, NAthan-a hi a tam zawk chuan a hmel anla hmulo, Nathana pawh hian an hmel a hmu vek kher lo. Internet kaltlangin an in be thin a, tupawh mai hian an support vek a ni. Hacker a neih ho te hi a thiam ber ber te an ni a, phone call te, land line emaw, internet hmang pawhin ni se, an record thei vek a ni." a ti a. Home Minister Murali chuan, "Anih leh ka call zawng zawng pawh an record thei vek tihna a ni maw?" a lo ti a. ACP chuan, "Prime Minister Modi-garu (Pu Modi-a tihna) phone call pawh an duh chuan an record thei a, Home Minister chu engvangin nge an theihloh ang?" a ti a. Tichuan DGP alo ding chhuak a, "Ka pu, Police a nih angain hna a thawk lova, a thil tih hi tha tho mahse Police dangte beihna a ni tel tlat a. Thil dik tak ti mahse mipui te hian Sawrkar an rinna a tla hniam thei a, chuvangin a chetdan hi Terrorist-Act anga ngaih a ni." a ti a. Murali chuan, "Anih chuan tinge in man a, in khaihlum mai loh? Terrorist-act te chu?" a lo ti nuah nuah a. DGP chuan, "Mipui tam tak hian an support vang a ni, entirnan kei hian encounterin lo shoot ta ila, a thihni la la hian kei hi mipuiin min chil hlum duh ang." a ti a. Chumi ni chuan kawnglaiah mi pui an pungkhawm a, media mi te an kal khawm bawk a, kawng an zawh ta a. An au hla ber pawh, "DCP Nathan hi chhuah zalen rawh u." tih a ni. Javed-a pawh a private farm house ah chuan a fanu hma ah intithei tak hian a thu a, "Ilo hria maw? I hmangaih Abhiram chu man a ni ta, DCP Nathan...DGP pawh lo nise, min hneh dawn chuang lo. Kum 25 chhung tehmeuh ka venhim thin ka bank enkawl lai chu nikhat chhung lekin a tichhe vek thei ania, a tuar ve tur a ni. Jail atang hian alo chhuak leh tawh lovang, a thi ang, jail chhungah hrehawm tuarin a thi ang. Kum 50 chuang chu he khawvelah hian ka cheng ve ta a, tumah hlauh kala nei ngai lo. Vawikhatna atan he mihring, North East state zimte ami sawn min ti thlaphang ve khanglang a, a thil tih man hi chu a hmu khawp ang. Min ti hlau thawng a, min tawrh tih a, min tih ang chiahin ka tawrh tir ve ta anih hi, TIT FOR TAT.." tiin a nui huah huah a. Alia-i chuan, "Ka duh ang chiahin thil a thleng ta a nih hi?" a lo ti a. Javed chuan, "Enge awmzia?" a lo ti hu a. Alia-i chuan vin zet hian, "Ka sawi tawh kha, ka pasal tur chu nang ai pawha mi hlauhawm, nang ngei pawh ina i hlauh tur ka duh ka tih kha, a ti hlau ta che a nih hi." a ti a, Javed-a chuan a fanu chu a beng siah mai a.
Chhun dar 11:30 alo ri a, court rorelna chu tan a ni dawn ta. News ah chuan LIVE-in, "Hun rei tak chhung a nihna lo thup thin, Grand Leakage company-a an hotupa ber, Mizoram ami, DCP Nathan Malsawmkima chu court hma ah thu a sawi dawn a, tun atanga reilo teah LIVE in tihchhuah a ni ang." tiin an puang ta a. Nathana chu Court Committee hmaah chuan a ding ta ran mai a, a thusawi nghakin India mipui zawng zawng te chuan an thlir thup mai a. Judge chuan, "Mr. NAthan, engvangin nge heng thil te hi i tih? Case tamtak i lakah file a ni a, DCP i nih angin tinge Police hna thawk lova Terrorist-Act anga i chet? Min hrilh rawh le.." a ti a. NAthana chu a lo pen chhuak a, "Sir, ka puzawn vang a ni. Ka puzawn hi a hming chu Prabhas Aggarwal a ni a, a fanu Sanvi Aggarwal hi ka nupui a ni. Ka puzawn hi Journalist a ni a, thla khat liamta khan tihluihna hmangin a hna atangin a bang a ni. Journalism hi ka ngaisang a, chutia hlauh avanga ka puzawn a bang ta mai hi ka duhlo a, ka thin a rim a ni. Chu ka thinrimna chu a zual zel a, chu chuan he company, Grand Leakage hi a hring chhuak ta a ni. He kan chenna ram ah hian mi hausa chauh te hi an awmlova, mi rethei tak takte, pawisa harsa taka nei ve hram hram te an awm a ni. Chungte chuan hah takin an thawk a, mahse an chan tur zawng zawng chu eiruk sak an ni leh si thin. Sir, India hi kum 1947 khan Independence ram kan ni a, British mi ten min hnuaichhiah a, min that a, mahse kan beilet hram hram a, kan ram atanga an chhuah thlengin kan beilet a ni. Mahse British ho khan kan tan thil tam tak min hnut chhiah a, kawngpui te, railways te leh building te nen, chuan tunah awmna court room pawh hi an ta a ni. Mahse Independence kan neih hnu atang khan keimahni ram ami ngei te hian kan ram hi kan tichhe leh mek si a, British hovin min rawk nasat aia let 100 chuangin kan ram hi kan tichhia a ni.Chuvang chuan he program hian chung kan ram tichhe tute chu a puang zar thin a, chu program hming chu he kan GRAND LEAKGE ngei hi a ni." a ti a, mipui chuan kut an beng dur dur mai a. Nathana chuan sawi zawm zelin, "Sir, Independence kan nih tir khan cheng 1 leh dollar 1 hi a intluk reng a ni, mahse kan ramin a zirloh avangin dollar khat chu keini ah chuan cheng 70 lai alo ni ta a. A chhan enge? Corruption...corruption vang a ni. Scam tamtak alo awm a, cricket scam, football scam, ration scam....ding leh vei atangin eirukna hlir..mipui chan ai an eiru zel a. Engtin nge keini hi min dan tlat chuan heng eirukna te hi a tawp theih ang? Cleanliness tih velin awmzia a nei ve lo, he kan ram India ah hian. Mi rethei te an beidawng a, lo neitute pawh an inthat hial thin a, achhan chu heng eiru te, ram phatsantu te vang hi a ni. An pawisa eiruk te chu an ram ngeiah pawh dah ngam lovin, Spain rama Tenerife Island a bank pakhatah an dah tha a, Bank of Paradise, an tan chuan vanram a ni. He bank-a pawisa awm te hi black money a nilo, hah taka kan thawhchhuah, kan ram, India ram pawisa a ni.Kei leh heng journalist te hian chungte chu kan hria a, kan do a, mahse nangni chuan engmah in ti ve lo. Chuvang chuan nangni ai awhin, in thawh tur te chu kan thawk zawk ta a ni. Anih chuan tunah chuan min hrilh teh, Police hna anilo em ni? Mi pui venhim a, an mamawh pek te hi Police hna a nilo em ni?" a ti ta vak vak mai a. Mipui ho chuan pawn lam atang te chuan, "Chhang ta che Your Honour, chhang ta che.." tiin an lo au vak vak a. NAthana chuan sana a melh zeuh a, dar 11:58 a lo ri tawh a, chutah ring zet hian camera lam melh pah chuan, "Thiante u, ka thusawi lai hi in ngaithla tih ka hria e. Ngun tak khan lo ngaithla ru aw...N..K..007..G..2..F...A..L...4...2...0..S..I..C...ENTER rawh ule." a ti vak a. Chutah le..Bank of Paradise ho khawl te chu a rawn ri ta tut tut hlawm a, system te chu a rawn chiang lo ta nuai nuai mai a. NAthana chuan, "Tun atanga minute 2 hnuah chuan heng phatsantute leh eiru tute account zawng zawng hi hack ani ang. Vawiin hian, dar12 a rik hunah kan ramah hian pawisa ka sur tir dawn a ni, mahse a chnag tu tur diktak te chauh in pawisa chu an chang ang. Lo neitu te, mi rethei te, inhlawhfa te, ration card leh adhaar card nei tawh phawt chuan an chang ang.Old age home, Orphange, red-cross, blue-cross te thlengin pawisa an chang vek ang, an phone check sela, lo neitute, loan la te, in account check rawh u, pawisa in dawng vek ang." a ti ta phiar phiar mai a.
Mipui chuan kut an beng dur dur a, Nathana chuan sawi zawm zelin, "Kan ramah hian mi nuai 30 chuang chu mi rethei leh kutdawh te an ni...Ngaithla rawh u, kum 2020 kum tir lam khan khawvel pumpui ah natna hlauhawm leh tihbaiawm em em, Corona-Virus chu a dath chiam mai a, India ah pawh lo lutin mi tamtak an thih phah a, kan hlau em em a, hmun tinah Corona Virus chungchang bak engmah dang kan sawi ngailo kha a ni a. Mahse khanghun lai khan Virus vanga thi ai chuan riltam vanga thi hi nitin mi 7000 chuang an awm ziah asin. Tun thleng hian ala ni bawk, chuvang chuan pawisa in dawn hunah pawh chung mirethei te tan chuan hmang thin ula,India hi hei ai hian alo changkang ang...ka thusawi chu min tawmpui em?" a ti a, mipui chuan, "Kan tawmpui che.." tiin an lo au bawk a. Nathana chuan sana a en a, Dar 12 a ri ta. Ring tak chuan, "A hun a thleng e, in mobile te, in account te check ru le." a ti a, an check sap sap hlawm a. Chutah message chu a lo lut ta a, pawisa chu an dawng ta sap sap hlawm a. Mipui te chu lawmin an au a, an lam bawk a. Mipui chuan, "DCP Nathan, chhuah ni rawh se." tiin an au a, a ropui ngei mai. Nathana chuan, "Your Honour, ka thil tihte hi dan kalh ani, in duh chuan min hrem thei ang, min khaihlum thei ang, pawi ka tilo." a ti a. Judge chuan, "Committee neih that leh tur a ni a, chumi hma chu Nathan Malsawmkima hi chhuah zalen a ni ang. Mahse tunah rih chuan Police Station lamah Nathana hi hruai leh phawt a ni anga, clearance a ti fel phawt anga, chumi hnuah chauh chuan a chhuak thei ang." a ti a, tichuan Nathana chu Police jeep ah chuan an luhtir a, Station lam pan chuan an kal liam ta a. Mahse tuman an hriat loh chu Police Jeep khalh tute pahnih kha Javed-a naute pahnih Rocky leh Chhotu-a te an ni. An tlan zel a, ramhnuai lamah an tlanpui ta daih mai a, ACP chuan, "Hey, khawnge in kal dawn? Tute nge in nih?" a ti vak vak a. Rocky-a chuan ACP chu a kap thal nghal tawpa, midang pawh chu a kaphlum vek a, Nathana chauh a zuah a. Motor atang chuan Nathana chu an pawt chhuak a, chu ramhnuaiah chuan NAthana chu an sawisak rawn ta hrep mai a. Chuveleh motor a lo kal a, Javed-a leh Alia-i te an ni a, an hnungah chuan Japaka leh a kidte an lo kal bawk a. Rocky leh Chhotu chuan NAthana chu anva hruai phei a, chutih lai tak chuan Japaka phone a lo ri a, Minister Murali alo ni. Murali chuan, "Japak, khawnge i awm?" a ti a, Japaka chuan, "Hei, DCP Nathana chu kan man e, mahse a nunna zuah rih turin Javed hian min ti a." a ti a. Murali chuan vin zet hian, "Enge Javed-a chuan a hriat a, kap hlum nghal rawh u. Kan pawisa a ru vek alawm kha DCP khan, i thah phawt chuan cheng nuai 50 ka pe ang che." a rawn ti a. Javed chuan, "Japak, tunge a?" a ti a, Japaka chuan, "Minister Murali a nia, Nathana that turin min ti ani....cheng nuai 50 min pek a tiam bawk." a ti a. Javed chuan, "Mai mai a, ka makpa hual a nih saw....that mai love." a lo ti a. Japaka chuan Javed-a kawrawm ah chuan a tham a, "Mawla, cheng nuai 50 ka hlawh dawn phawt chuan ka pa pawh ka that ang chu mawle.." tih pah chuan Nathana chu ava kap nghal a, mahse a banah a ni hlauh mai.
Chuveleh Nathana chuan Rocky-a leh Chhotua te chu an dulah a kiu in a nghawk dun pawp a, an pistol a laksak a, Japaka kidte chu a kap hlum nual hman a. Javed chuan Japaka chu a hnek thal tawp a, mahse Javed-a banah chuan a kap hliam hman hram a. Javed-a leh Alia-i leh Nathana te chu an tlan chhia a, silaimu zawh thak thleng chuan an in kap ta bur bur mai a. Chu veleh silaimu a zo ta, kuttum hmang chuan an inbei ta a, Javed-a leh Nathana chu tang dunin Japaka te chu an kutlawng chuan an sawisa hlum ta thak mai a. JAved chuan NAthana bulah chuan, "Ka mi leh sate meuh pawhin nangmah vangin min beilet ta chu ania, i ropui e. Ka fanu hi engtin nge ni dawn, keichu tunah chuan i hmelma ka ni tawhlo, ka neih zanwg zawng min eizawh sak tawh a, i chak tawh e...mahse ka fanu hi?" a ti a. Nathana chu a nui suk a, "Lenlai a rual lo ani, nupui ka nei tawh tlat." a ti a. Javed chuan, "Kei ang mihring te hi chu khawiah pawh awm ila ka thi lovang, ka damchhuak zel ang, min ngaihtuah duh suh. Ka fanu hi ka khawngaih em a, a hmangaih che si a.." a tih lai chuan Alia-i chuan, "Ka pa, ka neihchhun i ni a, i bulah ka awm ang. Nathana hian hmangaihna diktak min hmuhtir a ni, a nupui hi a hmangaih hle tih ka hria a ni. A puzawn tan pawh tiang khawp hi a thleng thei a nia, ka phu mawlh lo. Mahse ka pa, motor ah sawn minlo nghak la, ka lo kal vat ang,a tawp nan mangtha ka duh a ni." a ti a, Javeda chu a kal ta a. Alia-i chuan, "Misualpa, a tawp nan ka biangah vawikhat chiah min lo kiss leh?" a ti a, Nathana chuan, "A chi dawn mi?" tih pah chuan a nuih vur vur a, Alia-i chuan, "Ka tan chuan Ram, Abhiram i ni reng tho ang." a ti a. Hemi zawh hnu hian an inkiss vel ta em ka hre ta miah lo mai, an inthlah liam ta tih chiah ka hria.
Atukah pawh chuan Nathana chuan support tu a nei tam bawk a, Court chuan thiam a chantir a, an chhuah zalen ta a ni. Nathana pawh thla 2 vel chu a cham leh phawt a, DGP in haw tura a rawn hrilh sek avang chuan a haw veleh ta a nih kha...Sanvi bulah engmah sawi su aw...Mangtha u.
THE END
Comments