NATHAN (Episode

NATHAN (Episode - 21)
8 (EIGHT)

1981

Kum 1981 a ni a, khaw pakhat thingtlang ve tak a pa pakhat, lehkhathiamlo leh thluakthawl ve zet pakhat Pu Lalliankunga chuan an MLA hruaitu in an khua a rawn tlawh dawn tih a hriat avangin an kawt te chu phiatfaiin an in bul vel te chu a lo cheimawi nasa em em a. An MLA hruaitu (leader) chu a rawn thleng ta ngei a, chuveleh Pu Liankunga pawh chu phur em em in a nupui raipuar mek pawh chu ngaihsak tawh lemlo chuan a tlanchhuak a. An hruaitu chu miin anlo bawr sup sup a, a thenin anlo chibai a. Pu Liankunga chuan MLA chu a va chibai ve a, a ngaihsan thute hrilhin a hmu chu a lawm hle a, an titi bawrh bawrh a. Chutih lai chuan Pu Liankunga nu chuan hnunglam atang chuan, "Liana, i nupui hian nau a vei ania, ngaihsak rawh ka ti ka ti che a, nang lah in MLA tih velah ilo buai a." a ti hrep mai a, an mipui chuan an en thup a. Pu Liankunga nupui pawh chu pum dawm chungin na tih hmel em em hian a lo ding ve bawk a. An zinga nu pakhat chuan, "U Lian, damdawiina in hruai vat loh chuan a nunna atan pawh a hlauhawm a nia.." alo ti a, Pu Liankunga pawh chu a mangangin a hrilhhai hle mai. An MLA Pu Engmawia chuan, "Ka motor ah hian zawn lut rawh u, damdawiin kan panpui nghal tur a ni. Kan party ai chuan kan party member te hi an pawimawh zawk." a ti a, tichuan car ah chuan an zawn lut a. Mahse thui an thleng hman lo, Pu Liankunga nupui chuan motor chhungah chuan nau a nei ta a, vanneihthlak takin pangngai takin a hring chhuak thei a. Liankunga nu chuan motor chhung atang chuan naute chu a rawn pawm chhuak a, hlim hmel tak hian, "Liana, fapa i nei ta e." a ti a. MLA chuan, "Aw ava lawmawm em, Pu Liankung, i fapa hi Party leader motor chhung atang ngata lo piang a ni a, a len hunah chuan mi ropui tak ala ni ngei ang." a ti a, Pu Liankunga chuan, "Nangmah vang liau liau a ni ka pu." a ti a, an hlim tlang hle a.
****

1993

Kum a vei zel a, kum 12 alo ral meuh chuan Pu Liankunga fapa pawh chu kum 12 lai alo ni ve ta a. Pu Liankunga chuan party office lam pan chuan a fapa nen chuan an kal a, Party leader Pu Engmawia thil dil tur chuan an kal a. Office chhung an luh chuan Pu Engmawia chu an party member pakhat nen chuan an lo inhnial nasa mai a. Pu Engmawia chuan thinrim tak hian, "Mi engzat pawh lo hruai la ka hlauh i ring a mi? Politician te hi duh duh in dil tur kan ni bik em ni? I zak nange?" alo ti hrep hrep mai a. Chupa chuan, "Tih hlauhtawn che ka tum lo, mahse seat min peloa, midang i pe a nih chuan i chaklo ang." a ti a. Pu Engmawia chuan, "Hey, Party leader ka nih hi, thuthlukna chu keima siam tur a ni." a ti a. Kawngka bula Pu Liankunga te pafa chu ava hmu a, "Tute nge in nih a? Enge in duh?" a ti a. Pu Liankunga chuan, "Liankunga ka ni a." a ti a, Pu Engmawia chuan, "Tu Liankunga maw?" a ti a. Pu Liankunga chuan, "Ka fapa hi i motor ah a pian nghe nghe kha, hei kum 12 a ni ve tawh a, pawl 4 a pass ve tawh a, engemaw rawn dil che kan duh a.." a tih lai chuan a inhnialpui pa zawk chuan, "Nangni kha chhuak rawh u, thil pawimawh sawi lai lai a..." a lo ti hrep a. Pu Engmawia chuan, "Enge ilo hauh ve vak a? Ka mikhual te an nih hi." a ti a. Chupa chuan, "Ngiathla rawh...seat min pelo a nih chuan ka siam mualpho viau ang che." a ti a. Pu Engmawia chuan, "Leader ka nih hi, ka thil tih apiang hian chhan tha tak a nei zel tih hre rawh." a ti a. Chupa chuan, "A chhan leh avang ka ngaipawimawh lo, pawisa i neilo anih chuan i nupui saw hralh la ti nia." a ti a. Pu Engmawia insum zo lo chuan, "Ka nupui te i sawi ve khanglang.." tih pahin a beng thuai a, a tluk pah chuan dawhkana glass no chu a vei tla a, a keh a, a kehthemah tak chuan a hmai vaw zawngin a tlu a, glass no kehthem chu a hrawkah tak a bur vu a, thisen achhuak a, a thi ta der mai a. Pu Liankunga te pafa chuan ngawi rengin thil thleng chu an lo hmu vek a, Pu Engmawia chu a hlauthawng ngei mai. Tukverh ah a dak a, mipui lah chu an lo tam nasa mai si a, Pu Liankunga chu ava pan a, "Pu Liankung, nangma tih angin sawi mai rawh." a ti ringawt a. Pu Liankunga chuan, "Engmaw??" a ti hu a. Pu Engmawia chuan, "Ngaithla teh thianpa, thudik an hriat vaih chuan min that ve a ni mai. Leader tello chuan kan party hi a dingchhuak thei lo ang. Mahse i tih anga i sawi chuan mipui ho sawn min chhanhim duh vanga i ti angin an ngai dawn a, an hrethiam em em ang che. I fapa hi chu lo ngaihtuah suh, doctor emaw, engineer emaw, mi ropui takah ka siam em em ang. Khawngaihin min pui teh.." a ti lawm lawm a. Chu naupang chuan zam hauh lo hian, "Ka pawm e...keimah tih angin sawi rawh u. Jail ka tang anih pawn naupang mai ka la ni a, an hremna te pawh a nep deuh anga. Chuvang chuan ka pa hi MLA seat pe la, chuan min chhuah zalen vat thei dawn lawm." a ti a. Pu Engmawia leh Pu Liankunga te chuan mak ti tak hian an en reng ringawt a. Chu naupante chuan Pu Liankunga chu a en a, "Pa, rethei taka ka lo piang hi chu i thiamloh a ni, mahse rethei taka ka thi anih erawh chuan ka thiamloh a ni, chutiang thil chu ka thlen tir lovang." a ti a. Pu Engmawia lam chu a hawi leh a, "Va chhuak la, ka pa chu MLA seat pe ang che." a ti a, rang lutukin a chhuak a, tichuan Police an lo thleng a, chu naupangte chu an man ta a.

******

2019 (Present day)

Nathana Tamil Nadu atanga a lo haw hnu chuan hna te chu a ngaite bawkin an thawk tan leh ta a, tun tum ah hi chuan Raymonda thawhpui thin Vala kha kan la hre theuh awm e, Nathana te a pui ve dawn a ni. DGP chuan Inspector thar pahnih Joshua leh Kima, an department a thawkthar turte chu Nathana leh Rinawma chu a inhmelhriat tir a, Vala pawh chuan NAthana te dept chu a join ve nghal bawk a. Tichuan chumi zan chuan an panga leh Nathana nupui Sanvi te nen chuan zanah restaurant ah thingpui an in ho a, inkawm tlangnel nan tiin an titi bawrh bawrh hlawm a. Chutih lai chuan an awmna atanga hla vaklo ah chuan nupa pakhat hi bike in an inphur a, an rawn titi phei bawrh bawh a. An hnugah chuan mi 7 vel hian bike in an rawn um a, chumite nupa chu an tlanpel a, a umtute zinga pakhat chuan chupa nupui chu a sam ah a pawt thut a, bike atang chuan a tla a, lamlianah chuan a lu a sawh a, a thi ta zawih zawih a. A pasal zawk pawh chu a bike nen chuan a tlu thuai a. Thawm chu a ring bawk a, Nathana te thianho chuan an hre pha a, an va en a. A pasal tlu mek chu chumi te chuan va pan hnaiin an sawisak rawn ta chiam mai a, a nupui chuan, "Nilo...khawi tawh su, ka pasal kha chhuah ru." tiin a lo au bawk a. Chuveleh Nathana te chu an va tlan vat a. Chumi te chuan NAthana te an hmu veleh chuan chemte an phawrh a, chupa chu an vit ta chiam mai a. Rang lutukin bike ah an chuang a, an tlan ta daih a. NAthana chuan engemawni hian ava vawm zui a, an zinga mi pakhat helmet ah chuan a fuh a, mahse an tlan tlang thei ta tho a. A nupui zawk pawh chu thisen a chhuah hnem em avangin taxi an phar a, Nathana chuan Sanvi bulah chuan, "Sanvi, damdawiinah han kalpui rawh aw...hmanhmawh ang che." a ti a, an kal ta a. Nathana chuan, "Enge a an?" a ti a, Vala chuan, "A thi tawh Sir." a ti a. Joshua chuan lamliana lehkha lo let reng chu a chhar a, "Ehe..lehkha an thlauh a nih hi." a ti a, lehkha chu an en a, mi pakhat lem hi a lo awm a. Kima chuan, "Sir Nathan, Rinawma khan ava zui a, mahse a hmu hman talo a ni awm e, hei kan in phone mek." a ti a, Nathana chuan Kima phone chu ala a, "Hello Rinawm, ngaithla rawh. Misual zinga pakhat kha an tlanliam dawn khan ka phone in ka vawm zui a, a helmet ah ka vawm fuh rual khan a bag ah laiah ka phone kha atla lut a, ka phone location kha trace nghal rawh." a ti a. Rinawma chuan, "AW....ka hmu e, i location chu ka hmu e." a ti a. Nathana chuan, "Phone kha off lo la, kan rawn kal nghal e." a ti a, tichuan an bike theuhah chuangin misual te chu an zawng ta hlawm a. Chutih lai chuan Sanvi chuan damdawiin atang chuan Nathana chu phone alo tum ve mek bawk a, misual te chu hmun pakhatah an lo biru a. Pakhat zawk bag atang chuan NAthana phone lo ri rut rut chu an hre ta a. An zinga pakhat chuan, "Khawimaw i bag hi, phone ri ka hria." a ti a, Nathana phone chu ala chhuak a, "Ehe...hei hi tu phone nge?" a ti a. Chupa chuan, "Kan tlanchhiat dawn khan ka helmet ah thil engemawni in an rawn vawm a, he phone hi a nih ngei dawn hi." a ti a, an switch off ta daih a. Joshua leh Vala te chu bike a inphur chung chuan Nathana phone location chu an lo chhui ve mek bawk a, a hnung zawka chuang Joshua chuan, "Ehe...a in disconnect daih." a ti a, Vala chuan, "Phone kha an hmu anga an switch off aniang." a ti a. Nathana phone dang zawk atang chuan Nathana chu an va call a, "Sir, signal hnuhnung ber chu kawnghnuai GKD Restaurant bul hnai vel kha a ni e." a ti a, NAthana chuan, "Khawilam gate ah?" a ti a, Vala chuan, "Western gate ah" a ti a, Nathana chuan, "Anih chuan Eastern gate lampangah kan vaiin inhmukhawm ang u." a tia, an kalkhawm ta a.

An inhmukhawm ta hlawm a, Nathana chuan, "Ngaithla ru, he colony hi ramhnuai kawng in a hualkhung vek a, luhtlang theihna hmun li chiah ah a awm a. A chhungah hian kawng peng 14 leh in (house) 150 vel a awm bawk, kawng luhna 4 atang chuan kan inthen hrang anga, kan zawng hmu em em ang." a ti a, an chhuak darh ta a. An zawng leh ta tak tak a, Vala leh Joshua in phur pawh chuan bang a thlalak in tar an hmuh chuan an mit ala hle mai a, Vala chuan ahmaa a lehkha chhar chu a phawrchhuak a, "Joshua enteh, thlaak hi a in ang a nia." a ti a. NAthana an va phone a, "Sir, thlalak kan chhar ang kha banga inbel kan hmu teuh mai, kan hlat vak tawh lo ang." a ti a. Nathana chuan phone a dah a, a awmna lai vel chu a en kual a, bang sir lehlam lehlamah chuan bike a in hung fur hlawm a. a bul vela fried rice eina alluminium foil a tuam la tharlam tak te chu a hmu a, tui bottle a chhunga tui tlem lo la awm te chu a hmu bawk a. Chutih lai chuan Rinawma te pawh chu an rawn thleng ve nghal a, tui bottle chu ala a, bike hrang hrang chu a silencer ah chuan tui chuan a leih zel a, a hnuhnung ber a leih leh chuan a silencer chu a khu ta chem chem mai a, Nathana chuan, "Hetah hian an awm e, an thlenna pawh ala reilo a nih hi.." a ti a. A bula inah chuan pipe atang chuan an lawn ta a, a chhung ah chuan awlsam te chuan an lut thei ta a. Vala chuan zawite hian, "Sir, helamah hian card deng thenkhat chu an awm a, 5 aiin an tam daih zawk, 20 vel lai an awm." a ti a. Nathana chuan, "Ka rawn phei mek, helamah hi chuan a thim vek, i location ka rawn chhui ania aw Val..lo kalsan suh aw." a ti a. Joshua chuan a awmna lam ami ve thung ho chu a mal te te in a khawih thal tawp tawp hlawm a, tichuan Nathana pawh chu Vala nen chuan card deng ho chu an khawih ta hrep hlawm bawk a. Rinawma leh Kima pawn an mahni awmna a mi misual te chu anlo sawisa ve mek bawk a, tichuan an man ta vek a, hmun khatah an dahkhawm a, an zinga pakhat chuan, "Tute nge in nih a?" a ti a, Joshua chuan, "Mihring nunna lak hi nuam i ti viau em ni?" tih pah chuan a beng hrep mai a, tichuan midang ho pawn chuan an ben rawn hrep mai a, police dang kovin an thil ruk te nen chuan Station lamah an hruai ta hlawm a. An boss ve deuh ber pa chu an in puan tir a, camera in an la a, "Karhnih kalta a he khuaa thil bo awm thin te kha kan ruk vek a ni a, zanina kan ruk leh dawn khan lohtheihlohvin mi pakhat chu kan thah angai ta a." tiin an inpuang ta hlawm a. Sanvi chuan Nathana chu a rawn phone a, "Duhtak, tinge i phone i switch off daih a?" a ti a, Nathana chuan, "Battery a thi a, enge a an tawh?" a ti a, Sanvi chuan, "A pasal thilai a hmuh khan a thawng lutuk a, nachhawkna in an chiu muhil hrih a." a ti a, Nathana chuan, "Kinah kan inbe dawnnia." a ti a, adah daih a.

A tuk zingah chuan Nathana te department chu Home Minister lo thleng tura duty turin an ruat a, mipui tamtak chuan Home Minister chu an hmuak thap mai a. Alo thlen dawn chuan NAthana te pawh chuan zah takin ngil taka dingin anlo hmuak a, DGP chuan Nathana hrilh ruk pah chuan, "Home Minister hi a apartment thlenna tur kha a ruk deuh takin hrilh ang che aw." a ti a, Nathana chuan, "Yes Sir.” a ti a. Tichuan Home Minister chu a lo thleng ta a, mahse an rinloh tak mai chuan Home Minister lo chhuahna motor atang chuan a hma zana tualthah thubuaia an man pa, an boss ber pa chu a lo chhuak tel ve ta tlat mai a, Vala te, Rinawma te leh midang ho chuan mak tiin an en reng ringawt a. Function a zawh chuan Rinawma te chuan Nathana chu an ko hrang a, Nathana ava thlen chuan, “Enge ni ta a? Tinge min koh a?” a ti a. Joshua chuan, “Enge khatia thawveng deuha ila awm theih zawk?” a ti a, Kima chuan, “Nizan lawkah mi a thah avangin kan man a, chupawh harsa tak lehnghalin. Kan campus hi apa ta ang maiin zak miahloin a rawn paltlang leh ngam a, ka kut hian ka salute hman tep asin.” a ti a. Nathana chu a ngawi reng a, Rinawma chuan, “Engtin nge engmah thlenglo ang maia i la awm theih zawk a?” a ti a, a vin lek lek lehnghal a. Nathana chu a phone a ri a, “Hello...Sanvi?” a ti a, midang chuan an ngei hmel hlawm hle a. Nathana chuan phone a dah a, “Tikhan lo awm rawh u, ka kal angai. Lo kal ve duh in awm em?” a ti a, Vala chuan, “Aih, khawiah mah kan kal lo anga, khawiah mah i kal biklo ang, kan zawhna hi min chhang rawh Sir.” a ti a, Nathana chuan, “Nizana an thah pa nupui kha, nichin khan inthah a tum a ni awm e, kal ang u.” a ti a, damdawiin lam pan chuan an kal ta a. DAmdawiin an thlen chuan SAnvi chu rilru hah hmel tak hian a lo awm a, victim nupui chu an va be ta a. Joshua chuan, “TInge ka pi? Tinge intihhlum i tum a?” a ti a, chunu chuan tap chungin, “Ka mithmuh lai ngeiin ka pasal rawng takin an that a, ka thusawi te erawh court in min pawmsak duh silo. A hmel awmdan min zawt a, mahse helmet a khum tlat avang khan ka hmu theisilo a, chuvang chuan hmalak ngaihna a awmlo tiin min hrilh a, police te, lawyer te leh court te chuan tuman ka thusawi an ngaithla duh lo. Hetiang a rorelna dik ka tan a awm dawn chuanloh chuan ka tan hian dam a tulna a awm tawh lo.” a ti a, a tap hawm hawm a, thinrim hmel takin Nathana chu pawnah a chhuak a. Midang te leh SAnvi te chuan an zui chhuak a, a bike bulah a lo thu a. Rinawma chuan thinrim tak hian, “Evidence tha tak pawh court atanga lakchhuah nan kum40 vel an nghak thin te kha a nia, mahse a ni ve kha chu nikhat thil thu lekah false document hmangin a chhuak thei nghal a. Tunah campus ah va let leh pawh ni ila, enge hlawkna kan hmuh tawh chuan ang...hrep tak hian.” a ti a, a ang bawrh bawrh a. Nathana erawh chu a ngawi reng a, Rinawma bawk chuan, “Engatinge ila ngawih reng a? Ahmaa thil kan zawh che pawn min chhang lova, vawiina thil thleng i hmuh te pawn lungtum ang maiin i ngawi reng a, Sir..i a ta em ni?” a ti a. Nathana chu a rawn ding chhuak a, “Aw...Rina, mi a mai ka ni. I thusawi te kha ka ngaihsak thei lo, a chhan chu i hnunga thil diklo thleng mek sawn ka rilru a luah hneh zawk vang a ni.” a ti a, an hnunglam chu an hawi rual thup a. NAthana chuan, “Saw laia ambulance driver te saw en teh u..driver pakhat sawn nichin deuh khan driver dang zawk saw a va pan a, in ngaihdan chuan damlo te treatment atan pawisa a pe ang pawn in ngai maithei. Mahse ka ngaihdan chuan engthil pawi pawh thleng se, thiam a chan theihna tura tham nan a pawisa pe angah ka ngai a ni, chutianga ka hmu bik tlat chu ka atna chu a ni. Harsa taka kan man te awlsam taka an chhuah zalen leh mai avang khan in thinrim em em a, khan mi 32 kan man te kha tunah chuan zalen takin an leng kual asin.” a ti a, Joshua chuan, “I sawi awmzia chu kha kan hnathawh hah zawng zawng te kha a thlawn vek tihna em ni?” a ti a. Nathana chuan, “Umm..mahse inches khat lek pawha thlawn lo turin ka siam dawn a ni, minlo zui rawh u.” a ti a, Nathana chu an zui ta a.

Nathana chuan an inhnuaiah a hruai a, kudam hnung lampangah a hruai leh a, chu hmunah chuan Rinawma takngial pawh ala kal ngailo. Nathana chuan room chhung zau ve tawk tak ah chuan a luh pui a, “Helai hmun hi ka khawvel a ni a, ka hnathawhna ber a ni thin a, ka nupui Sanvi tihloh hi chu tumah midangin min hriatpui lo, ka assistant Rinawma pawh hian a hrelo, mahse ka thawhpuite zinga ka duh ber te inni a, chuvang chuan zanin hian ka hmuhtir ta che u a, han enkual teh u.” a ti a. Bangah te chuan thlalak tam tak a inbel teuh a, chanchinbu a criminal news bik inziahna chehthlak te chu a inbel teuh a. Convict te, wanted te leh misual dang thlalak, tualthah avanga thubuai nei tawh te thlalak te nen lam chuan a intar teuh mai a, computer a inchhawp bawk a. NAthana chuan ahma zana an man pa thlalak a tar chu kawh pahin, “Nizan atanga kan hmelma ber chu hepa hi a ni, Pu Zaithanmawia thattu kha a ni. Chuan a thah pa Pu Zaithanmawia hi Social activitist a ni a, khami zan khan a nupui thi ruk duh vang mai mai a Pu Zaithanmawia kha a that a nih ka ringlova, chuvang chuan ania ka umzui char char ni, man ngei ka tum bawk a. Ka rin dan chuan he case ah hian Irfan Ali-a an tih hi a inrawlh ve niin ka hria.” a ti a, Vala chuan, “Tunge Irfan Ali-a chu?” a lo ti a. NAthana chuan, “Mi thil thithei tak a ni, Mizoramah hian sumdawnna a rawn ti a, hausa tak a ni tawh. heng kan rukru man te hi chu eng ang pawn man zing mah ila, Irfan Ali hian a chhuah leh tho zel. Kan Home Minister leh Irfan Ali hian khawpui pawnah building sak an tumin plan an siam a, an sakna hmun tur ram chu mi rethei tak tak te ta ani a, chumi ram chu Pu Zaithanmawia hian a humhim sak hram hram a, chuvang chuan an that ta a ni. Tuman an rinhlelh loh nan tiin rukruk thil angin an kalpui leh ta a, polcie te chuan tihngaihna hre bik lovin case an close ta a ni. Tunah chuan min han hrilh teh u, tuzawk nge kan hmelma chu..Pu Zaia thattu hi nge, Irfan Ali zawk hi?” a ti a. An ngawi thap hlawm a, NAthana bawk chuan, “Heng case hrang hrang kidnap, robbing, murder leh thil dang tamtak ah te hian plan tha tak a awm vek a ni.” a ti a, thlalak pakhat chu ala leh a, "Heng naupangte hi inla hria em? Pawisa vanga kidnap annilo asin. Thla hmasa khan private hospital pakhatah incubator chu short circuit avangin a puak a, naupang 18 chuan nunna an chan tiin news ah an puang a. Mahse chutiang vanga thi annilo, thildang vang zawk ani." a ti a. A computer chu a on a, video pakhat hi a play a, video ah chuan hmeichhe pakhat hian, "Heng naupang te hi diabetes neia lo piang vek an ni a, ahmaa kan tih thin dan angin nitin chuan an damdawi chu kan pe a, mahse minute 10 a ral hnu chuan an vai mai chuan an thi ta vek mai a. Ka hlauhthawn avang chuan management hnena hrilh ka tum a. Mahse engmah sawilo tur leh ka sawi anih chuan hospital tan hmingchhiatna a nih tur thu min hrilh avnag chuan ka sawi talo a ni." a ti a. Video chu a off a, Nathana chuan, "Nurse ina damdawi naupang te a pek hi a normal lo a, untested drug a ni. He drugs avang hian nuapng 18 lai chu an thih phah a ni. He thu hi puanzar anih chuan ram puma pharmacy lian tak tak te hi an thiltih dikloh te chu hailan a nih dawn avangin hospital chuan short circuit vang tiin dawt thu a chhuah ta a ni. He hospital a thawk pakhat Doctor Muanpuia chuan report a tum a, mahse a fanu an kidnap sak ta a, a fanu an kidnap hian tuman an rinhlelh loh nan tiin naupang pathum dang te chu hruai tel ve anni a, chuan he medical mafia thila a bul tumtu ber chu he mihring pa hi a ni, Ricky Lalduhawma hi." tih pahin a thlalak chu a hmuh hlawm a. Nathana bawk chuan, "Heng crime case ho te te atang hian alawm case lian tak tak a lo chhuah thin." a ti a. Joshua chuan, "Engtin nge chutiang a nih theih?" a ti a, Nathana chuan, "Heng thil thlendan te hi police ka nih hma, naupang kum 15 mi lek ka nih lai atang tawh khan ka notice daih tawh a ni. Mi nawlpui chuan chanchinbu a an chhiar apiang chu an awih zel a, mahse keichuan ngun takin ka chhiar a, a thu chauh chhiar lovin...i am reading between the lines, Joshua." a ti deuh kher a, NAthana bawk chuan, "Nikhat chu chanchinbu ka chhiar chu phek 2na leh phek 6na chuan inzawmna an nei a ni tih ka hre ta a, phek 2na chuan truck strikes lampang a sawi a, mahse phek 6na erawh chuan Auto rickshaw rate sang lutuk hi a sawi thung a. Phek danga chuan mi in party funds lo pe ta se, phek dangah chuan misual jail tang an chhuah thu a ni leh daih ang. Phek dang lehah rangkachak hlutna a pung angin sawi ta se, phek dangah chuan holiday deal chu ni 2 chhung sawn hlat a ni tiin an ziak leh thung ang. Phek dang lehin Foreign coffe brand launch chungchang ziak ta se, phek dangah chuan coffe hi mihring tan a hrisel em tih lampang an ziak leh daih ang. A awmzia chu business chungchang an zaih hi kan ngaihsak ngai lemlo a, mahse kha business kha ani, news engkim kha news paper a inziak tarlang tu bera chu...an business hlawkna atan chanchinbu ah an print a, kein in kan lo awih zel a....Hetiang tui chauh hi in rawh....hetiang damdawi chauh hi ei rawh...helai chauh hi zirchiang rawh...leh thil dang dang te hi he business ina a ruahhman vek ani. Mipui te hmahun chu kan politician te kutah a awm kan ti thin a ni maithei a, mahse kan politician te hmanhun ziak tu te chu business man te hi an ni. Heng crime case 500 chuangte hi business tan vek ani, chuan he crime case ah hian mi 15 an inrawlh a ni, chung crime case 500 chuang chingfel tur chuan police 5000 vel an awm a, mahse heng mi 15 te zingah hian mi pakhat pawh man tur kan hmu zolo chu a ni a, ka tum ber chu heng mi 15 te zinga a bul tumtu ber man hi a ni. Kan man a nih phawt chuan crime case a tih tlem phah sawt anga, chuvang chuan he thil hi ka buaipui anga, ka hmelma ah ka siam dawn a ni. Kan posting te ho hi ni 10 chhungin min pe leh dawn a, chumi hma chuan ka hmelma tur chu ka thlan angai dawn a ni." a ti a.

Kima chuan, "Mahse Sir, engtin nge i hmelma tur chu i thlan anga?" a ti a, Nathana chuan computer ah chuan thlalak 15 vel in remkhawm chu a entir a, "Heng ho hi mi 15 ka sawi te chu an ni a, an vai hian thilsual an ti vek ani a, mahse a awlsam zawk nan tiin ka design danglam a." a ti a, tichuan anzinga thlalak pathum te chu a dah hrang leh a, "Hengmi te pathum hi a sual bik te an ni, he crime ah hian 85% vel chu an tihsual a ni. Pakhat chu hepa hi a ni, Lalrinpuia, Pharma medical crime ah monopoly anei a, Mizoram ah hian doctorin drugs a prescribe thei em tihte chu ama thuthlukna siam tur a ni. Pakhat leh hi Joseph Rinmuanpuia, ram lian ve tak a nei a, sorkar hnen atanga pawisa a hmuh theih nan Natural Resources a hmang thin a. A tawp berah chuan nichin lawka kan sawi Irfan Ali hi a ni, criminal tamtak te khawchhunga thawnlut tu ber a ni. Rukruk, tualthah leh inbumna te chu ama bul tum deuh vek hi a ni awm e. Heng mite pathum zingah hian a sual ber anga ka hriat chu ka zawng hmu anga, dan angin hremna pawh ka pe ngei ang." a ti a. Joshua chuan, "Sir, kan posting an sawn hunah chuan kan vai hian kan kal hrang vek ang, ASP Rinawma nen chauh in thawk dun leh anga, ka ngai lawk dawn hle mai che, i ropui takzet. Sir, min mamawh anih chuan phone call vawikhat a tawk ang." a ti a. Nathana chuan, "Tehreng mai Josh.." a ti a. Rinawma chuan, "Nihleh i hmelma tur chu engtia zawn nge i tum?" a ti a. Nathana chuan thlalak pakhat a ti lang leh a, "Hei hi Lalliankunga a ni a, kum 60 a ni tawh a, an khuaa an Party leader a ni. A quarry a granite awm tih chungchang thubuai ah MLA a hmu dawn a, chanchin kimchang zawk ka hriat hunah ka che chhuak chauh ang." a ti a, an haw darh ta a. Chumi zan vek chuan Nathana chu amah chuan a che chhuak ta ngei mai a, ami rinhlelh pathum zinga mi Joseph Rinmuanpuia chu a zui ru ta a. Hmun pakhat an thlen chuan motor dang nen an in tawk a, a chhung atang chuan a mi rinhlelh te zinga mi tho pahnih Irfan Ali leh Lalrinpuia te chu anlo chhuak ta a, an awmna bula in pakhat lian ve takah chuan an lut ta a. Nathana chuan a zui ru zel a, a lut ve a. Inchhunga an titi chu bang phen atang chuan a ngaithla a, Irfan Ali chuan, "Kan pu ber chu atawp atawpah chuan hmaichhanah kan hmu ve dawn ta chu ania." a ti a, hlim hmel tak hian Josepha chuan, "Nia, thla 2 chhung tehmeuh kan nghah hnuah chuan kan hmu ve mai alawm." a lo ti ve bawk a. Room atang chuan Pu Lalliankunga, Party leader chu a lo chhuak a, "In pathumin inlo kal thei a ka lawm hle mai, in hmuh tur hi ka fapa a ni a, keipawn thla 2 chhung tehmeuh ka hmu tawh lo a, kei lah minister ka lo ni bawk nen.." a sawi zawh hma chuan an bula room darthlalang atanga siam chu a rawn khu luih a, room chu meikhu in a khat ta vek a, an en thap a. Meikhu kar atang chuan mipa pakhat, ngo lampang, palian ve tak hi a rawn lang a, a rawn chhuak a. Josepha chuan, "Hello ka pu.." a ti a, Pu Liankunga chuan, "Ka fapa, hei an hmu duh che a.." a ti a, chupa chuan, "Lawk aw ka pa, DAisy-i hian min nghak mek a, ka'n be lawk ange." a ti a, a phone a phawrh a, "Hello Daisy, ka pa leh a thiante an lo kal a, ka lo tlai dawn a, chaw minlo eisan mai rawh. Love you..bye." a ti a, phone chu a dah a. Pu Liankunga chuan, "Ka fapa a nih hi, a hming chu Freddy Lallawmsanga a ni a, kan MLA motor chhung ah ngat apiang a, mi ropui scientist a nih hi." tiin a chhuang hle a. Freddy-a chuan, "Enge ni ta?" a ti a, apa chuan, "Ka naute hian an titi pui duh che a, keichu meeting ka nei a, lo sawi ula, ka kal phawt ange." a ti a, a kalsan ta a. Jospeh-a chuan, "Thla 2 chhung ngawt mai lab ah hian i awm a, tinge?" a ti a, Freddy-a chuan, "Chhan a awm alawm." a ti a. Lalrinpuia chuan, "I lo let leh hmaa kan duty te hi zawh hman kan lo in beisei a, mahse kan zo hman silo a. Angelina-i khan engpawh thleng se India a lo kal a tum thu a sawi ania aw...hrilhfiah ka tum nasa, mahse a ngaithla duh lo." a ti a. Freddy-a chuan engatan mah ngaihloh hmel zet hian, "Ka lo buaipui ang." a ti sam et a. Irfan-a chuan, "Kan naute kha Pu Zaithanmawia an thah avang khan Police in an man a.." a ti a. Freddy-a chuan, "Khami buaina kha chu lab-ah hian ka chingfel daih tawh, a thattu ber kha buaina kan tawh zel lohnan tiin ka that daih tawh. Thla thar ni 3 khi kan tana ni pawimawh tak a ni tih hria ula, chumi hma chu buaina dang engmah siam suh ang che u. Pu Rinpui, minlo zui lawk teh." a ti a, Rinpuia chuan a zui a, Nathana chuan a lo ngaithla ru ve vek a.

Lab-ah a luh pui a, lab coat chu ha dun in mask an vuah bawk a, lab doctor dang tamtak anlo awm ve bawk a. Nathana chuan lab coat in khai chu a ha ve a, mask a vuah a, a chhungah chuan a lut ve a. Freddy-a chuan, "Angelina-i chungchang kha chu buaipui dan tur ka hrilh ang che, mahse nakinah aw." a ti a. Naute pakhat bawkkhupa lo mu bulah chuan an kal a, doctor pakhat chuan damdawi engemawni hian a mawngah a lo chiu a, naute chu a tap nasa hle a. A chiu zo chu Freddy-a chuan a pawm kang a, Rinpuia bulah chuan, "He naute hi kan lucky boy tur a nih hi, naute 18 lai mai chu test nan ka hmang tawh a, he damdawi hi an thihpui vek a, he naute hi a dam awmchhun a ni. He naute hi khawiah pawh la sawn mahla, a awmna ngaiah hian dah leh thlap tur, a chhungte bulah chuan chhuanlam i siam mai dawnnia. Thlatinin check ziah tur a ni a, kan formula hman hi a hlawhtling dawn em tih kan la hre dawn a ni." a ti a, Nathana chuan alo hmu ve vek a, thinrim takin pawnah chhuah a tum a, a chhuah hma chuan lab kawngka bul dawhkana lo inhung, silver atanga siam, 'S' tih logo nalh tak mai chu ala a, a ak a, a chhuak ta daih a. Rinpuia pawh chu lab atang chuan a chhuak a, Irfan-a chuan, "Sir chuan enge a sawi?" a lo ti a, RInpuia chuan, "Thla thar ni 3 ah khian kan plan lawksa angin kan kal anga, chumi hma chu fimkhur tur a ti.” a ti a. Nathana chu a haw a, a private house ah chuan a kal a, TV a chanchin thar chu a ngaithla a. Chanchintharah chuan, “Freddy Lallawmsanga, Padmashree pawh lo dawng hial tawh, kum 38 mi, man of chemical miracles an ti hial..mi ropui tak leh scientist ni bawk chuan chawimawina dang a dawn leh dawn ta.” tiin anlo puanga, Nathana chuan rum tak hian a en reng a, “Ka hmelma tur chu a chiang ta.” a ti a. Atukah chuan Nathana chuan a thiante dang chu a ko a, an lo thlen chuan Joshua chuan, “Enge nita Sir?” a ti a, Nathana chuan, “Ka hmelma tur chu ka thlang fel ta e.” a ti a. Kima chuan,”Tunge?” a ti a. Nathana chuan thlalak a hmuh a. Rinawma chuan, “Freddy Lallawmsanga hi maw, scientist hi maw?” a ti a. Nathana chuan, “Nizan kha ka hmelma thlantur pathum te chu ka zui ru a, mahse a pali na, Freddy-a hi an leader ber ani tih ka va hre ta a.Khawvel mithmuh ah chuan Scientist ropui tak a ni maithei, mahse anihna tak chu, misual tak, tualthah hmang a ni. Hmanni a function ah khan Freddy-a hi chief guest a ni a, kan CM pawh a tel ve a.Kan CM nen hian an inthurual ni hian ka hre tlat a ni, hmanzan tualthahna a tualthattupa ber pawh kha Fredy-a kid te zinga mi ani a, kan man ta si a, buaina a tawhloh nan tiin a that a ni. A thah hma khan a taksa ah sakhuanna lampang tattoo a chhutsak a, a ruang chu a paih bova. He thihna hian sakhuanna lampang a kaihhnawih anga an hriat avangin case pawh police te chuan an titawp ta a ni. Thla thar ni 3 ah khian engemaw tih an tum a, chumi ni chu a theihnghilh theih tawh loh tur ni ah ka siamsak dawn a ni.” a ti. Chumi tlai chuan Rinawma leh Nathana chu office ah an titi a, Rinawma chuan, “Sir, Freddy-a chungchang chauh hi a i ngaihtuah a. Naktuk lah swearing ceremony a ni tawh a, karleh lawk ah hian posting an sawn tawh dawn bawk a. Freddy-a hi hmuhna hun lo nei tawhlo ta la engtin nge i tih anga?” a ti a. NAthana chuan, “Kan inhmu leh em em ang, pawisa awmna apiangah sualna a awm zel a, Freddy-a chuan pawisa awmna apiang a pan anga, keiin chung sualna te chu ka umzui zel a dawn a ni." a ti a. Rinawma chuan, "I sawi dik chiah...i hmelma nena in chibai chu i inpeih tawh em?" a ti a. Nathana chuan mak tih hmel tak hian, "Enga?" a ti hu a. Rinawma chuan, "Naktuk kan swearing ceremony-a kan chief guest tur chu Freddy-a hi a ni a, nang hian i chibai angai dawn a ni." a ti a, Nathana chu a nui suk a, "Freddy Lallawmsanga..." a ti nuah nuah a.

Atuk ah chuan Searing ceremony chu police dept chuan an hmang ta a, DGp chuan, "Tunah chuan kan vaiin kan chief guest hi i lo lawm ila, alawmna kut beng ila, Pu Freddy Lallawmsanga, Science Scholar a ni a, Pharmacy side lamah pawh cintribution tam tak a pe tawh bawk a ni. Tunah thusawi turin ilo sawm ang u." a ti a, Freddy-a chu a rawn chhuaka, "Honourable Minister, respected members of the academy, ladies and gentlemen, and of course..the future of our police force. Khawiah pawh kal ila, ka zawhna inzawh hmasak ber chu ka hlawhtlin theihna chhan hi a ni. Thil awlsam tak a ni, i nunnah khan idea pakhat nei la, chu idea chu i nunna ah khan chantir tawp mai rawh. Just think about it..all the best, Jai Hind." ati a. Police hrang hrang te chu lawmman an pe diat diat a, a tawp berah chuan DGP chuan, "Tunah chuan IPS Nathan Malsawmkima, Deputy Commisioner of Police, kan Home Minister zahawmtak hnen atangin he award hi a dawng anga, plitical crimes leh social crimes investigation hlawhtling taka a chinfel theih avanga he award hi dawng a ni." a ti a. Lawmmman an inhlan zawh chuan DGP bawk chuan, "Nathana hian lawmman dang a dawng leh dawn a, overall best probabation of the batch nihna award a dawng leh dawn a ni. He special award lawmman min hlansak tur hian kan chief guest Pu Freddy Lallawmsanga ilo sawm ang u." a ti a. Lawmman bawm chu Freddy-a chuan a rawn la a, a hawng a, pistol a lo ni a. Freddy-a chuan, "Berata Revolver, beautiful pistol...congratulation." a ti a, Nathana chuan, "Thank you Sir." a ti a. Freddy-a chuan, "You"re welcome." a ti a. Nathana chuan, "Pistol ka dawn vang nilovin, nangman i kut ngeia min pek avang zawkin ka lawm a ni." a ti a. Freddy-a chuan nuih suk pah hian, "All the best." a ti a. Nathana chuan, "Kan nunnah idea nei turin min ti a, nang hi ka idea chu i ni, i hnung hi ka rawn zui anga, ka hlawhtling ngei ang." a ti a. Freddy-a chuan, "Good Luck DCP." a ti a. Function an zawh hnu chuan nathana chuan a secret room ah chuan an department-a a police rin deuh te leh a huaisen zual te chu a ko khawm a. NAthana chuan, "Organized crime unit ah nangni te hi officer tha ber ber te inni a, chu vang chuan ka select bik che u a ni. A tlangpuiin oficer tam zawk te hi chuan misual te hi post an hmuh hnu ah chauh an zawng thin a, mahse keichuan kan misual te chu ka zawng hmu fel vek tawh a, force pawh ka join tawh a ni. Inhmelhriatna hun leh in hriatchianna hun a awm tawh dawn lova, chuvang chuan ka sawi apiang chu in zawm mai tur a ni." a ti a. Big screen hmaah chuan a kal pui a, screen chu a on a, "Thla leh ni 3 ah khian kan kahwpuiah hian thil thleng a awm dawn a, kan target hmasa ber chu hemi buaipui hi a ni." a ti a, screen ah chuan Pu Lalrinpuia, Joseph Rinmuanpuia leh Irfan Ali te thlalak chu a ti lang a, "Heng mi pathum te hi kan ram tana mi pawimawh em em angin lang mah se a nihna takah chuan kan khawtlang tana pawikhawih tute an ni. 24X7 hrs in zui ru reng ula, evidence hmuh ngei tum ang che u." a ti a, an kal darh ta a. Kar 2 vel chhung ngawt mai chu Police te chuan chung mi pathum te chu an zui ru ta reng a, thla te la ru in evidence an hmuh ang zawng zawng chu Nathana hnenah an submit zel a. Chung mi pathum tana lo thawk tawh pakhat chu an hmu fuh hlauh mai a, chu putar chuan, "Heng mite pathum vang hian cheng nuai 600 lai chu kan Swiss bank ah hian thawn a ni a, achhan chu min zui ru tute an ni. Chuzawng chu, abak engmah hriat kan nei lo." a ti a. Office pakahta thawk hmeichhia an hmuh veleh thung chuan, "Thla thar ni 3 khian heng mite pathum hian cheng nuai 750 vel chu kan Mauritus Bank ah an transfer dawn a, police i nih vang chauha hrilh che ka ni." a ti a, Nathana chuan, "Ka lawm e." a ti a, an chhuak ta a.

Station ah chuan an let leh a, NAthana chu a in ngaihtuah vang vang a, "Officer, an company hming kha enge khah?" a ti a, Joshua chuan, "Pixin Laboratories." a ti a. Nathana chuan laptop a phawrh a, google ah a search nghal a. An company CEO profile an en chu, Angelica tih hming, Swedish mi daih, hmeltha zet hi a ni a. Nathana chuan thil a hrechhuak zawk a, Freddy-a lab chhunga a luh ruk zan khan Angelina-i chungchang an sawi kha a hrechhuak zawk a. Police ho chu ko khawmin, "Thlaleh ni 3 ah khian Angelica-i, Pixin Laboratories Switzerland-a an CEO hi an that dawn a ni. An company ah hian 60% chu a share a ni a, chumi generic drugs contract rawn sign tur chuan India ah hian a rawn zin dawn a, a rawn thleng tawh maithei lehnghal." a ti a. Chumi contract a sign na tura an Damdawiin doctor chu an ko a, Doctor chuan, "Thla thar ni thum ah khi kan ram tana ni pawimawh tak a ni dawn a ni, hei a detail chu.." tiin Nathana chu file a pe a. Doctor bawk chuan, "Angelina-i hian paper hi a sign zawh veleh heng generic drugs te hi hmanchhuah leh hralh chhuah chu phal a ni dawn a ni. Pharmaceutical company te chuan engmah titheih an nei dawnlo, chutiang thil a thleng a nih vaih chuan damdawi cheng 25000 man te chu cheng 2000 velah a tlathla anga, cheng 500 man te chu cheng 2 lek ten an lei thei tawh ang." a ti a. Nathana chu a thiante 4 nen bawk chuan rang takin an inkhalh chhuak nghal a, motora tlan pah chuan Nathana chuan, "He deal hi chu medical mafia ten dan an tum dawn chiang sa a, he thil ti tawp tur chuan Freddy-a chu Switzerland ah a zin daih tawh ang." a ti a. Thingpui dawrah an chawl a, NAthana chuan thingpui in pah chuan, "Cheng nuai 1350 vel chu Switzerland ah an thawn a nia, engvang nge ni ang?" a ti nuah nuah a. Police ten Angelina-i Mizoram alo thleng tawh tih an rawn hrilh ta a, chuveleh rang zet in Angelina-i flat ah chuan an va kal nghal a. An nihna te an sawi a, tichuan Nathana chuan an buaina leh thil engkim chu a hrilh fai ta vek a, Angelina-i chuan mak a ti hle mai, "Ka ring theilo a ni, Indian Patent Rights vangin K827 cancer drugs te chu man to taka hralh a ni a, a man a to em avangin mi rethei zawk ten an lei zo ve lo a, mi rethei tamtak an thih phah a, heng te hi ka hmu thei lo. Chuvang chuan a man hi tihhniam ka tum a, chutiang chuan hma ka la mek a ni." a ti a. Nathana chuan Freddy-a thlalak chu a hmuh tir a, "Hepa hi i hria em?" a ti a. Angelina-i chuan, "Freddy a nih hi, kan company-a Indian medical adviser a nih hi." a ti a. Nathana chuan, "Freddy-a hi in advisor ni si, tinge company-ah hian share engmah a chanve loh?" a ti a. Angelina-i chuan, "Chutiang a nilo, ka 60% share hi hralh turin min thlem nasa lutuk, mahse ka hnial zel tho." a ti a. Nathana chuan, "Anih chiah chu...khang pawisa tamtham tak in rama a rawn thawn nachhan kha chu i 60% share hi rawn lei a tum vang ani. Nang hi hetah thah che a, in thawhpuipa Marcus-a nena i share hi leisak a, amah Freddy-a hi generic drugs India rama lo lut tur tih tawp nana major vote-a insiam a tum a ni, heng zawng zawng hi vawikhata a paln vek a ni. Lungngai suh, ka venghim ang che." a ti a, Angelina-i chuan, "Ka lawm e." a ti a, a chhuahsan ta a. Stationah chuan let leh in Nathana chuan Police force ho bulah chuan, "Naktuk ah chuan tihtur pahnih kan nei, pakhatna chu pawisa Swiss account-a a luh loh nan kan venghim ang. Chumi tur chuan a rualin heng kan hmelma pathum te hi kan man a ngai dawn a, pahnihnaah chuan Angelina-i hi him dam takin he meeting an neihna turah hian a thleng ngei tur a ni, chuan he generic drugs te hi India ramah a lo thlen ngei theih nan, mi retheite beiseina chu a hlawhtling ngei tur ani." a ti a. A dawhkana 'S' tih inziak silver atanga siam, ahmaa Freddy-a lab atanga a lak ruk chu a la kang a, chiang tak hian a en a, "Freddy Lallawmsanga hian, avawikhatna atan, a damchhunga a theihnghilh leh ngai tawhloh tur thil a tawng dawn a ni." a ti a, a computer ah chuan 'enter' chu a hmet a, big screen ah chuan '8' (Eight) tih hi lian deuh hian a rawn lang a, police dang te chuan an en thup a, Nathana chu a chhuak ta daih a.

Atukah chuan han chu thawk tan turin an che chhuak ta a, an bengah theuh bluetooth earphone an vuah a, an in bepawp reng hlawm a. Angelina-i chu Nathana chuan office atang chuan ahruai chhuak ta a, motorah meeting naa kal tur chuan a lut a, motor zawn takah chuan motor dang a rawn ding a, chutah a rukin motor atang chuan Sanvi alo chhuak a, Angelina-i inchei dan ang chiah chiah in a inchei a, an motor chuanna chu an inthleng a, mahse motor chuan a hliah tlat avangin officer dang te chuan an hmu hman lo a. Tichuan motor pahnih te chu kawng hranah an tlan ta a, Sanvi chuan Nathana a call a, "Nathan, khawnge i awm?" a ti a, Nathana chuan, "I hnungah ka rawn tlan." a ti a, Sanvi chuan a hnug chu a en a, a pasal bike a rawn tlan chu a hmu a. Nathana chuan, "Val, khawnge i awm?" a ti a, Vala chuan, "I hnungah kan rawn zui che, Joshua nen." a ti a. Rinawma chuan, "Sir, kan awmna lampang ve thungah hi chuan Irfan Ali-a car a tanga a rawn chhuk kan hmu e. Kan car opposite chiah ah a ding a, mahse rinhlelhawm chu kan la hmulo." a ti a. Nathana chuan, "Chhan awlovin khatah a lo kal lo ang, thlithlai reng ru." a ti a, traffic jam ah chuan NAthana leh Vala leh Joshua leh Sanvi motor chuanna te chu an tang rual ta thap hlawm a. Nathana chuan, "Guys...inring ru aw." a ti a, Kima chuan ral lehlam atang chuan Nathana chu a rawn phone a, "Sir, i hma zawnah khan vai hovin Murga festival kawngzawh an rawn nei a nia aw..." a ti a, Nathana chuan, "Enga?" a ti a, a hma zawn a en chuan vai ho murga festival hmaga kawng zawh chu an rawn lam phei mup mup hlawm a. Chuttih lai chuan college zirlai lungawilo ho kawng zawh chu vai ho kawngzawh na lampang zawn pan chuan anlo kal ve mek bawk a, an in kalpel dawn tihna ani. Nathana chu bike atangin a chhuk a, "Inthahna a thleng dawn, chumi chhung chuan, kan target chu kan plan angin kan kalpui ang. Tumah kha car atang khan lo chhuak suh u.." a ti a. Vai ho zinga pakhat chuan college zirlai chu a vit ta thut mai a, an au buai nuai nuai a, chuveleh Nathana te lampang pan chuan zirlai hote leh vai hote chu an rawn tlan chhe ta hum hum a, NAthana chuan ngun tak hian alo en reng a. Tichuan Nathana te awmna chu an rawn tlang sup sup a, Nathana chuan vai zinga pakhat chu a banah alo man a, chupa chuan chemte alo keng a, Nathana chu vih a tum a, mahse a kutah alo man sak a, chemte chu laksak in a malah a vih sak a. Vai pakhat leh chuan hnung lam atanga rawn vih a tum leh a, a lo bum a, akut a man sak a, a elh tliah sak a. Tichuan midang ho chu an tlanchhe ta a, Nathana te pawh chu an kalsawn ta a. Rinawma chuan Nathana a rawn phone a, "Sir, Angelina-i chu a him e, i sawi angin hotel ah a awm mek e, everything is under control." a ti a. Angelina-i chuan Switzerland lam chu Nathana'n titura a tih angin Switzerland lama meeting lo nei mek Freddy-a leh Marcus-a te chu a va phone a, "Eng thil nge tahkhan thleng a? Min thah in tum a maw?" a ti a. An thawhpuipa MArcus-a chuan, "Nilo...chutiang a nilo, engmah kan hrelo." a ti a. Angelina-i chuan, "Swiss-a ka rawn kir hunah chuan i thi a nimai." a ti a, phone a dah daih a. MArcus-a chuan, "Nilo..hello..hello...F**K.." a ti vak vak a. MArcus-a chuan Freddy-a bulah chuan thinrim zet hian, "Tunah dar 10 a ri tawh a, dar 9:30 ah chuan a thi tawh ang i ti nilawmni? Tunah chuan ka hna ka chan ta nih hi.." a ti a. Freddy-a chuan, "Marcus, ka lo buaipui ange, minute 5 chiah hun min pe lawk teh." a ti a. Freddy-a chuan apa chu a va phone a, "Tuman phone inla bawk silo, enge thleng a?" a ti a, apa chuan, "Dan angin thil a kal a ni bawiha, khang mi pathum te kha an man a." ati a. Freddy-a chuan, "An man a? Ka zawh phawt loh che chuan engmah min hrilh i tum lo ami a? Pawisa tello te kha chuan he deal hi ka zo thei nang..." a ti a. Apa chuan, "Pawisa i duh mi? Engzat nge i duh a, ka lo transfer ang." a ti a. Freddy-a chuan, "Bail chhuak vek rawh an vai khan." a ti a, a phone a dah a.

Freddy-a chuan ama tana thawk tho, sniper pakhat, Irfan Ali-a nau, Abbas Ali-a chu ava bia a, "Abbas, i u khan a hnathawh a zo lo ania.." a va ti a, Abbas-a chuan, "Keiman ka zo anga nimai lawm." a ti a. Abbas-a chuan a silai chu la in a che chhuak nghal a, chutih lai chuan NAthana chuan hotel lam chu alo pan ve mek bawk a. Freddy-a chuan alaptop a phawrchhuak a, Minister's scam ho a en kual a, Minister zinga eiru pakhat, Mumbai ami, Sanjay Mishtra chu a hmu fuh a, Miss India a lo tel tawh Miss Nana tih nena lo che khawlo tawh a ni a, an sex tape thleng chuan a nei vek a, (Freddy-a hi hacker a ni bawk). A va phone a, "Hello Pu Sanjay." ava ti a. Sanjay chuan, "Enge ni ta Pu Freddy?" a ti a, ahma atangin an inhre sa ani. Freddy-a chuan, "Cheng nuai 1350 ka duh, hmanhmawh takin." a ti a. Sanjay chuan, "Haha...i zak nange, engvangin nge ka pek ang che?" a ti a. Freddy-a chuan, "I Litchtenstein atang khan ka Geneva account ah rawn transfer ang che." a ti a. Sanjay chuan, "Engvangin nge ka pek ang che?" a ti a, Freddy-a chuan, "Ka bank account atangin ka rawn email tawh che a, lo en rawh." a ti a. Sanjay chuan thinrim zet hian, "Tunge i biak hi min hria em?" a ti a. Freddy-a chuan, "Ka email atang khan video ka rawn thawn tel a, en teh." a ti a. Video chu a en a, Miss India contestant Nana-i nena an sex video chu a hmu ta a, hlau tak chung chuan, "Awle...kalo thawn ang." a ti a. Pixin company chuan function chu an lo nei mek a, an chief guest atan CM Pu Lalengmawia (1981 kuma Party Leader ni thin kha) chu an sawm bawk a. Nathana pawh chuan Hotel chhung luh pah chuan SI duty nen chuan an inhmu a, SI chuan, "Minute 20 hnuah Angelina-i rawn hruai turin CM chuan min chah a..." a ti a, Nathana chuan, "Keiman ka rawn hruai ang." a ti a, Angelina-i room lam chu a pan a. Angelina-i room awmna floor ah chuan Inspector pakhat alo duty a, Nathana a hmuh veleh chuan, "Angelina-i kha ka phone ka hman tir a, Swiss lam miho va be tur khan.." a ti a, NAthana chuan, "Tinge i phone kher i hman tir a? An rawn trece thei asin.." a ti a. Inspector chuan, "Sorry Sir." a ti a. Angelina-i room ah chuan an lut a, Nathana chuan, "Swiss lam ho kha kan polcie te phone number atanga va call loh tur a nia, an rawn trace thei reng ania." a ti a. Angelina-i chuan, "HE thil thleng hi ka awih theilo a ni, enge ka tih ang?" a ti a. Chutih lai chuan an awmna floor ah chuan constable pakhat Sangtea chu a rawn kal a. Rinawma chuan a lo hmu a, "Enge ni ta Sangte, enge i rawn tih dawn?" a lo ti a. SAngtea chuan, "He file hi Sirin min rawn pe rawh a ti a." tih pahin file chu a pe a, Rinawma chuan, "Keiman kalo pe ange." a ti a, alaksak a. Rinawma chuan chumi floora duty tho pakhat chu Nathana file va pe tur chuan a tir chhawng leh a. Door bell ava hmet a, NAthana chuan Si bulah chuan, "Va hawng rawh." a ti a, SI chuan a hawn sak a. Chuveleh ral lehlama inchhawng chung ber atanga sniper Abbas a chuan a silai chuan rawn tin ranin SI chu a rawn kap a, a tukhumah tak a kap a, a thal tawp a. File kengtu zawk police pawh chu a hnunglam atang chuan tu emawni hian a rawn kap a, a thi ve nghal a. A kap tupa chu ahmaa constable Sangtea kha alo ni a, Freddy-a te tana a ruka thawk a lo ni a. SAngtea chu incchungah a rawn lut a, Nathana chuan apistol a phawrh a, mahse Sangtea chuan a kutah a kap a, Nathana chu a tlu a, pistol chhar leh a tum chu NAthana awmah tak chuan a kap leh a, Nathana chu nikhawhrelovin a awm der mmai. Sangtea chuan Angelina-i chu vawi thum vel a kap a, a thi nghal a. Sangtea chuan tukverh lam panin ral lehlama Abbas-a chu a va en a, ava phone a, "Angelina-i leh Nathana chu an thi ta." a ti a, Abbas-a chuan SAngtea chu a kap vel leh ta nghal a, "I ti tha e, kan mamawh tawh lo che." a ti a. Abbas-a chuan Freddy-a a va phone a...

"Hello Freddy?"

"Enge ni ta Abbas."

"I tana thu lawmawm tak a nih ka beisei, Angelina-i chu a thi tawh a, DCP Nathana pawh ka that tawh e."

"Atha e, naktuk ah India ah ka rawn let dawn a, he thil a inhnamhnawih dang zawng zawng te pawh hi an thi vek tur a ni."

"Tumah inrawlh dang an awm lo, kan mite pathum man tu kha chu mi pakhat chauh ani."

"Mi pakhat chauh a? Tunge?"

"Tuna ka thah zawh chiah kha...DCP Nathan."

ASP Rinawma, Vala, Joshua leh Kima te chuan rang takin Nathana chu damdawiin an pan pui nghal a, alo thi hman tep hial a. Nathan chu a taksa chhunga silaimu te chu an lakchhuah sak a, chutih lai chuan chanchintharah Angelina-i thih thu vel chu an puang a. CM chu an kawm a, CM chuan, "Miss Angelina-i hi Switzerland atanga lo kal a ni a, India rama generics drugs rawn supply a, man tlawm zawka mi rethei te tana lei awlsam na tura hma rawn la a ni. Mahse Miss
Angelina-i hi rawng taka thah a ni a, apawi takzet a ni. He tualthahna hi chhui chiang tur hian police te chuan investigation an ti mek a, he medicine contract chungchang pawh hi tih tawp hrih a ni a, chanchin dang a awm leh hma chu engmah atih theih hrihloh a ni." a ti a. NAthana pawh a rawn harh tawh a, Rinawma te chuan an va kan a. Joshua chuan, "I thiltih te kha, i theihtawp i chhuah tih kan hriatpui che a, a tha lutuk ania. Mahse fimkhur tawh ang che Sir, Freddy-a hi mi hlauhawm tak a ni." a ti a. Nathana chuan, "Fimkhur tur chu kei nilovin amah Freddy-a zawk kha a ni, silai in min kap mahse, amah zawk kha a chan a chhe tulh tulh dawn. Kum 20 chhung thim zingah a biru a, mahse keichuan ni 2 chhung lekin a nihna ka pholang thei a ni, amah zawk hi a fimkhur hle tur a ni." a ti a. Switzerland atang chuan Freddy-a pawh chu a rawn haw ta a, a lab ah chuan Lalrinpuia, Joseph-a leh Irfan-a te chu a ko bawk a. An inhmuh khawm chuan Joseph-a chuan lungawilo zet hian, "Hei hi engthil nge ni ngai? Karkhat pawh kan la inhre chianglo a, mahse min man nghal ringawt a, kan pathum lehnghal in..he DCP hi tunge maw a nih le?" a ti a. Lalrinpuia chuan, "I pa in min rawn bail chhuak hlauh a." a ti a. Irfan-a chuan, "Abbas-a khan a la that lo zui a, damdawiinah a awm a. Tilo tura min tih avangin ka that lo mai mai zawk a, chutiang nilo se chu damdawiinah va kalin ka va that ang mawle." a ti pung pung a. Freddy-a chuan, "A man chhan che u in hria em?" a ti a. "Hrelo." an ti rual thup a, Freddy-a chuan, "Siwzerland-a ka kal chhan in hria em?" a ti leh a, "Hrelo.." an ti leh a. Freddy-a chuan, "Kha DCP kha chuan a chhan a hria a ni, nihleh Irfan..i nau Abbas-a khan in pathum hian ka tana thawk in ni tih a hria em?" a ti a. Irfan-a chuan, "Hrelo." a ti a. Freddy-a chuan, "Kha DCP kha chuan a hria, a vawikhatna atan, tu emawni chuan thim zinga ka biruk na tangin min la chhuak a ni. Ka formula chhete pawh hi chhuichhuah nan hian damchhung hun pawh hian a daih lo asin, mahse a ni chuan kei Freddy Lallawmsanga formula zawng zawng hi a hre vek a ni. A ni ang mi fing lutuk hi chu, hospitala va kal a va thah ngawt theih pawh a nilo." a ti a. Abbas-a a rawn lut a, Irfan-a chuan, "Bawiha, enge i rawn tih a?" a ti a, Freddy-a chuan, "Ka ko alawm." a ti a. Abas-a chuan, "A hming chu Nathan-a ani, nu leh pa a nei tawhlo a, fahrah a ni. A nutei leh patea te chu anu leh pa angin a awmpui a. Polcie hna hi a tuiin a tui chilh tawp a, hetianga i lab ang chiah hian, ani pawn lab a nei ve a ni." a ti a. Hospitalah chuan NAthana te leh doctor te pawh anlo inhnial ve mek bawk a. Sanvi chuan, "Eng surgery nge tih leh ngai a?" a ti a. Doctor chuan, "Tih hmaih kan nei a, i taksaa silaimu kan lakchhuah khan i taksa chhungah khan kan thuina la them a lut a ni, chuchu kan lakchhuah loh chuan i hliam kha apun anga, i taksa dang a effect thei a ni." a ti a. Nathana chuan, "Doctor, vawiin hian chhuah ka duh a ni.." a ti a. Doctor chuan, "Hahdam teh Pu Nathan, a rei dawn hleinem. Hei hi kan zo fello a nih chuan, i taksa ah natna thlen phah ta se, hospital kan hmingchhe thei asin." a ti a. Surgery chu an ti ta a, an tih zawh hnu chuan Nathana chu a muhil bawrh bawrh a. Chumi zan chuan dar 11:30 vel a ni a, Nathana chu a thangharh a, a mit a meng chiah chu a khum zawna Freddy-a lo ding chu a hmu a, a phu zuk . Freddy-a chuan alo nuih vur vur lehnghal a, Nathana chuan rang lutukin light aon a, mahse tumah anlo awm leh silo. Sanvi leh Rinawma chu an rawn tlan phei nghal a, Sanvi chuan, "Enge a?" a ti a, Rinawma chuan, "Tinge Sir?" a lo ti ve bawk a. Nathana chu khum atanga chhuk pah chuan, "Freddy-a alo kal." a ti a. Pawnah a chhuak a, Rinawma leh Sanvi chuan n zuichhuak nghal a. An manbet a, nurse ho anlo kal a, "Tinge? Enge thleng a? Nachhawkna kan pe che a, i mut angai, anihloh chuan i taksa in a tuar lo ange." an ti a, Nathana chu a khum lamah an hruai let leh a. Sanvi chuan, "I mumang a niang, tumah anlo kal lo." a ti a. Nathana chuan, "Ka hmu chiang alawm, alo kal alawm." a ti a.

Hospital chhawng hnuai berah chuan Freddy-a chu nui vur vur hian pawnlam alo pan mek a, a bluetooth earphone chu a phawrh a, Nathana te tawng chu a hre thei vek a. A awmzia chu Freddy-a hian Nathana zai tupa doctor chu thurualpuiin Nathana taksa chhungah khan GPS Tracking Device, 24/7 hours-a audio via sattelite hmanga a tawng apiang alo hriat ve zel theihna tur chu an lo phum tel a ni. Doctor khan dawt sawiin la them a tang a ti a, mahse Nathana taksa chhunga he devic ehi dah an tum zawk vang a ni. Freddy-a chuan an tawng chu a ngaithla zel a, Rinawma chuan, "Switzerland ah a awm i ti nilawmni, a lo kal tak tak a nih chuan that lo che in a kal leh mai i ring a mi?" a ti a. Nathana chuan, "Keipawh khan a awmna chin ka hria a mahse ka that mai lo a, khatiang chiah khan min thahloh nachhan hi a awm ang." a ti a. Atuk zingah chuan Nathana leh Sanvi pawh chu in lam panin an haw ve thei ta a, Sanvi chuan, "Joshua khan in pa lo hrilh rawh, hna pawimawh vangin ka chhuak lawk dawn a tia." a ti a, Nathana chuan, "Ka hria alawm, a message pawh ka hmu alawm." a ti a. Inah chuan an lut a, Nathana chuan a awm chu a dawm vawng vawng a. Sanvi chuan, "Tinge? Ana ami?" a ti a. Nathana chuan, "Amak lutuk, engemawni hian a kam deuh tlat in ka hria." tih pah chuan a ban tuamna chu a phelh a. Sanvi chuan, "Hey, tinge i phelh a, ila dam chiang hleinem." a ti a. Nathana chuan, "Hna pawimawh thawh tur ka nei a, room ah lo han chho rawh." a ti a. Sanvi chuan, "Eng hna maw?" a ti a. Nathana chuan, "Damdawiina ka awm lai khan Freddy-a chungchang ka hriat belh a, hmeichhe pakhat bo thu hla ah a ni. Chumi chu investigation ka buaipui nghal a, thla thar ni 3 a thil thleng tur ah khian min puih theih ka ring a ni. Mahse chumi thil ka chhui mek lai chuan thil thar ka hria a, chu hmeichhia chu a bo nilovin pawngsual hnua thah a ni." a ti a. Sanvi chuan, "Tunge chunu chu?" a ti a, Nathana chuan, "Scientist Thanmawii a ni a, Thanmawii chu a chanchin ka chhui chiang a, bialpa a nei tih ka hre ta a. A bialpa chu Stationah ka ko a, a bialpa chu Siama a ni. Siama bulah chuan eng thil nge thleng tiin ka zawt a, mahse engmah a hriatloh thu min hrilh a. Ahnua damdawiina ka awm khan min rawn phone leh a, dawt min hrilh thu leh tumah rin tur a hriatloh avanga dawt min hrilh a nih thu min hrilh a. Ka chanchin vel a hriat hnuin min rin thu a sawi a, a bialnu Thanmawii chu Freddy-a te institute a thawk a nih thu leh mi pali ina an pawngsual rawn hnua an thah thu min hrilh a, mahse a athih hmain Thamawii chuan Siama hi memory card a pek thu min hrilh bawk a ni. Chumi card chu min pek tur thu min hrilh a, chu memory card ah chuan Freddy-a thil sual tih chu engkima puanna video a awm bawk a ni. Tunah hian Siama chu an college ah va kal in ka va hmu dawn a, memory card chu ka va la a nih chuan Freddy-a game khelh chu a tawp tawh ang." a ti a. Freddy-a chuan ama inah chuan thu chungin Nathana te nupa in bia chu alo ngeithla ve reng bawk a, a mitthla a Thanmawii nena a lab chhunga an inhnial laite chu a hmu a, angaihtuah let a. Thanmawii khan, "Sir, mi tha tak angin tupawn an ngai che a, he damdawi hian India chu min rawn ngenin pekchhuah min dil thei asin." a ti a, Freddy-a chuan, "Khawvelin India ram hmaa kuna dil turin i duh a, mahse India ram hian min ngen zawk se ka duh thung ani." tiin a chhanglet a. Thanmawii chuan, "A diklo i ti ve lo mi?" a ti a. Freddy-a chuan, "Ngaihdan neih te chu a thiang alawm, thil diklo pawh a ni hleinem." a ti a. Thanmawii chuan, "I thiltih hi a diklo a ni, hetiang thil hi a thlen ka phallo ang. I nihna dik tak hi ka puang zar anga, generic drugs hi tihtawp i tum thu leh Swiss company nen inthlunzawm in tum thu hi ka puangzar dawn ani, Angelina-i bulah ka sawi ang." a ti a. Freddy-a chuan, "Thil chin thalo deuh mai hi ka nei a, mi then khat chuan, tuma bulah sawilo la i nunna ka zuah ang ti ten an vau thin a. Mahse chutiang ka ti ve ngailo, ka that hmiah hmiah zel." a ti a. Thanmawii chuan, "I duh leh min that la, i thilsual tihte hi chu ala lang chhuak tho ang." a ti a. A ngaihtuahna atang chuan Freddy-a chu a harh chhuak zawk a, a pa a ko a. Apa bulah chuan thu in, "Amak hle mai, Nathana hi ka hriatchian theihnan a taksa ah GPRS ka dah a, mahse amah zawkin min inhriatchian tir thung si. Ka thil tihsual te min hriatchhuah tir a, Thanmawii case kha kan chingfel tawh amaw ka ti a, mahse alo haichhuak leh vek hman tawh si. Chubakah Thanmawii khan bialpa a nei tih pawh kalo hrelo a, ani erawhin a hre thei nghal a. KA van mawl tak em, ka tisual a ni." a ti a. Apa chuan, "I tisual a maw?" alo ti hu a. Freddy-a chuan, "Ka hmelma a nilo, ka employee zawk ang mai hian ka hria, ka thil hriatloh te min hriattir a, information zanwg zawng min hrilh zawk a ni. Kan hria ang chu, tunge chak zawk chu.." a ti a.

Chumi chhun chuan Nathana chuan Siama rawn call hun chu a nghak reng a, mahse Siama chu Freddy-a kid, Abbas-a leh a kid te pathum chuan an lo man daih hi alo ni a. Bus stanf bula Nathana lo ding chu Freddy-a chuan a motorin a tlan pel a, a nuih vur vur a. NAthana chuan Siama chu call a tum a, mahse switch off a inti tlat bawk si. Chutih lai chuan Siama chu a inluahna chhungah chuan Abbas-a te chuan anlo sawisa hrep hrep a, memory card awmna an zawt a, mahse a hrilh duh loa. Nathana chuan Joshua a call a, "Josh, i kalna turah chuan i kal ta em?" a ti a. Joshua chuan, "Aw...mahse ka ti zo tawh, enge a?" a ti a. Nathana chuan, "Tihtur dang ila nei em?" a ti a. Joshua chuan, "Nei vak lo, rukruk lam thil kan buaipui a, enge ni ta?" a ti a. Nathana chuan, "Ngaithla teh, Siama khan vawiin hian memory card min pek a tum a, chu tah chuan Freddy-a thil tihsual evidence a awm a. MAhse kan in phone tlang thei lo a, engemaw diklo a awm a ni. I awmna hmuh atanga km 15 velah khan an college a awm a, min pui teh." a ti a. Joshua chuan, "Enge ka tih ang?" a ti a. Nathana chuan, "Heta tanga ka chhuah a, ka va hmuh chuan a dik dawnlo in ka hria a, a inluah awmna ka hrilh che anga, va kal la, card chu rawn la ang che." a ti a. An inbiakna chu Freddy-a chuan alo hre leh vek a, Freddy-a chuan Abbas-a a va call a, "Abbas, police officer pakhat, Joshua tih hmingpu chu a rawn kal dawn a, lo fimkhur ang che u." a ti a, phone a dah a. Abbas-a chuan Siama hnek leh vak vak pah chuan, "Polcie ho anlo kal hmaa card awmna i sawi lo anih chuan kan that ang che." a ti a. Mahse Siama chuan a sawi duh loa, an hnek hrep hrep a. Reilote ah Joshua pawh chu alo thleng a, kawngka a kik a, chuveleh Abbasa chuan bang phenah Siama chu a hmui hupin a bihruk pui a. Joshua chu a lut a, pakhat chuan hnunglam atanga rawn vuak a tum a, mahse a lo bum a, chhuatah chuan a theh thal thuai a. Abbas-a a lo chhuak a, chema rawn vih atum a, mahse alo man bet a, a nam thlu a. Siama chuan, "Sir...lo kal rawh." a ti a, a ina thlalak farme an tar chu a la thla a, a hnungah chuan memory card chu alo awm a, Joshua chua pe a. Kal an tum chiah chu Abbas-a chuan Siama chu rawn manbet in a hrawkah chemte in a tin a, "SD card kha min rawn pe rawh, anihloh chuan ka that ang." a ti a. Joshua chuan, "Chhuah rawh...chhuah la ka pe ang che." a ti a. Siama chuan, "Sir, Thanmawii'n a thih hma a a thusawi hnung ber chu Freddy-a thuruk puan chhuah a ni, thi mah ila apawilo, pe miah suh." a ti a. Joshua chuan, "Engtin mah ti suh, ka pe ang che." a ti a, a pe tur chiah chu Siama chuan, "Sir, pe suh, ka thi zakw mai ang." tih pahin Abbasa chemte chu a hrawk zawnah tak chuan a pawt a, a hrawk chu a thler a, thisen aper chhuai chhuai a, a thi ta a. Chuveleh Joshua chuan, "Nilo..Siama." a ti a, thinrim takin Abbas-a chu a en a, "Zawnga.." a ti a, a tlawh thal thuai a, a tlan chhuak nghal a. Abbas-a chuan Freddy-a a phone a, "Freddy, Joshua chuan SD card chu ala a, a tlanchhe daih. Mahse lungngai suh, ka man em em ang." a ti a. Chutih lai chuan Joshua chuan NAthana a phone a, "Sir, ka tihpalh a ni, Siama chu ka chhan hman talo, mahse SD card chu ka nei e." a ti a. NAthana chuan, "Airtel Tower awmna kawng zim zawk ah khan rawn kal la, opposite direction ah ka lo awm ang." a ti a. Chuveleh Freddy-a chuan, "Abbas, Airtel Tower hnai ber ah kal nghal rawh, kawng zim zawkah khan." a ti a. Joshua chu rang takin a bike in a tlan nghal a, a hnugah chuan Freddy-a chuan a car chuan a zui a. A lehpel a, a hma zawnah chuan a va ding thut a, Joshua chuan car chu a su a, a thal tawp a. Freddy-a chuan Joshua chu a motor ah pawmlut in a chemical factory ah a hruai a. Chumi hmunah chuan nasa tak hian Joshua chu a sawi sa a, "Khawnge memory card chu?" a ti a. Joshua chuan, "Ka hrilh chuang lo ang che." a ti a, a thi hnuang mai a. Freddy-a chuan, "Ka duh chuan ka factory ah chian chemical nen i taksa hi ka chawhpawlh anga, i taksa hi ka ti tawihral vek thei ania. Helai hi ka factory thar a ni a, thla leh ah ka hawng dawn a, i thihna tur hmun ani bawk. Hei hi ka thilsual tihte a hmun 100-a then a 0.0001% vel chauh a ni. In hotupa Nathana pawh, ani pawh kha ka chhuah hauh lovang." a ti a. Joshua chu a nui ta vak vak a, "Nang hian Nathana i that anga maw? NAthana hi i network ti tawp tura lo piang a nih hi." a ti a. Freddy-a chuan, "Haha, fak vak duh suh, a future tur ka'n hrilh ang che aw. A bul hnaia mi te chu ka that vek anga, mi a ah ka siam anga, ka that bawk ang." a ti a. Joshua chuan, "Sawi chu a awlsam alawm, mahse Nathana hian nangmah tichhiat bak a ngaihtuah lo, i thi dawn, i thi dawn, a that dawn che." tih pah chuan a kuta thisen chuan chhuatah chuan X tih hi a ziak a. A kut chuan chhuat chu a beng a, thisen thla alang kulh kulh a, "I thi dawn, i thi dawn." a ti a, a nuihsawh a.

Abbas-a alo thleng a, Freddy-a bulah chuan, "A bike pawh ka en a, engmah a awmlo." a rawn ti a. Thisen nena lo tlu berh luai mai Joshua chu a tham tho a, a hnek vak vak a, "Khawnge card chu i dah?" a ti a, Freddy-a chuan number 4 drugs chu a rawn phawrh chhuak a, "Abbas, hei hi barh rawh." a ti a. A kut khat chuan a bun a, Joshua chu a manber a, a ka ah chuan a barh ta teuh mai a. Joshua chu a khuh vak vak a, Ferddy-a chuan, "A phone hmang hian Nathana chu hetah hian kan ko dawnnia.."a ti a. NAthana chu a va text a, an awmna hmun chu ava hrilh a, reiloteah Nathana chu a lo thleng a. Factory chhungah chuan a kal kual a, "Joshua, khawnge i awm?" a ti vak vak a. A hnunglama Joshua na tuar authawm chu a hria a, a va en phei chuan mi 10 vel hian Joshua chu anlo hual a, anlo sawisak rawn a. NAthana chu a va tlan phei a, chung mi ho chu a va khawih ta hrep hrep hlawm mai a. Abbas-a chuan Joshua chu man betin inchung lamah a chhoh pui a, inchung atang chuan namthlak a tum a. Nathana chuan a han um a, mahse inchung atang chuan Abbas a chuan Joshua chu a nam thla a, Nathana chuan, "Joshua..nilo." a ti a, a au chel chul a. NAthana chuan Joshua awmna lama chhuk leh a tum chuan misual dangte chuan an lo tibuai leh a. Chutih hlan chuan Abbas-a chuan a chhuk khalh leh a, pawnah a chhuah pui a. Nathana chuan misual ho chu a sawisa hrep hlawm a, pawnah a tlan chhuak ve nghal a. Abbasa chuan Joshua chu kawnglaiah alo mut a, a tlansan daih a. Nathana chuan kawng a cross a ngai bawk si a, motor an tam si a, Joshua lah chu a rawn tho a, a drugs rui si chu a kal pai nasa hle a. A tawpah chuan na em em mai hian Freddy-a chuan a rawn su a, a vir nawk a, a thi chiang ngei mai. Nathana chuan a va pan a, mahse chhan thei anih tawh lo, nasa takin Nathana chu a tap a, athinrim bawk si, "Joshua.." a ti ngawih ngawih ringawt a. Atukah chuan Joshua chu vui liama ni ta a, an vui zawh chuan pawnah chuan an inhmu khawm a, chanchinbu chu Rinawma chuan a la a,a chhiar a, "IPS Officer pakhat chu drugs a ruih avangin motorin a su hlum tiin an ziak a nih hi. A thih thu ai pawn a thih dan an ziah dan hian ka lung a ti chhe zawk. Ani ang police officer huaisen hi chu, ti hian rawng takin an that chu a nia, hrep taka..” a ti a. Nathana secret room ah chuan an kal khawm leh a, Nathana chuan Sanvi bulah chuan, “Keimah vanga thi a ni, khalai hmuna va kal tur khan lo hrilh loh tu a nia.” a ti a. A veikual a, banga Freddy-a thlalak a tarna a drawing pin awmna insawn chu a hmu a, “Sanvi, pin awmna hi i sawn a mi?” a ti a. Sanvi chuan, “Engpin maw, engmah ka khawih lo.” a ti a. NAthana chuan, “Pin awmna hi a insawn a nia, i khawih loh a, keipawn ka khawih siloh chuan tu emawni an lut tihna animai. Sanvi, finger print hi han check teh.” a ti a. Sanvi chuan finger print chu ala chhuak a, “Nathan, Freddy-a finger print kan nei anih chuan a inmil em tih kan hre thei dawn a, mahse kan nei siloa.” a ti a. Nathana chuan puan ala a, award a dawn tuma a silai dawn chu a bawm chawpin a almerah atang chuan puan nen chuan a la chhuak a. Sanvi bulah chuan, “He bawm hi award kan dawn ni a Freddy-a min pek kha a ni a, khami ni khan glove ka bun a, ka kutlawngin ka khawih leh tawh miah lo, tah hian a finger print chu a awm ang.” a ti a. Sanvi chuan an check ta a, “Pin-a finger print leh bawma finger print hi a in match chiah chiah.” a ti a. NAthana chuan, “Freddy-a a lo lut tihna anih chu, anih chuan special bik taka min thah a tum tihna ani.” a ti a. Sanvi chuan thallak chu a en a, “Tinge henu hmaizawnah hian pin hi a vih bur a? Henu hi chu kum 2014 a Miss Mizoram Lalremruati kha a nilawmni?” a ti a. NAthana chuan internet ah chuan a check nghal a,2014 kuma miss mizoram top ten thlalak chu a en a, Lalremruati bula lo ding ve chu a en chiang a, “Ehe, henu hi Daisy Zosangpuii kha anih hi, model ve tho kha. Freddy-a bialnu a nih hi..pakhatna chu Lalremruati hi a ni a, Daisy hi chu runner up a ni.” a ti a. Sanvi chuan laptop khawih pah chuan, “Hemi kum hian Daisy hian vote a hmu sang zawk anih hi, facebook ah pawh an sawisel nasa lutuk, hei a lang vek alawm, 2014 kum khan an troll nasa lutuk.“ a ti a.

In lamah chuan thu chungin Freddy-a chu a bialnu nen wine anlo in dun a, NAthana te nupa titi chu alo ngaithla leh vek a. Freddy-a chuan 2014 kum chu a ngaihtuah let leh a, khami kum khan an thawhpuipa Lalrinpuia nen khan Daisy chungchang chu anlo sawi dun tawh a. Lalrinpuia chuan, “Daisy Zosangpuii hian vote a hmu hnem ber a, Miss Mizoram a ni thei mai ang.” a ti a. Freddy-a chuan, “Nilo, pakhatna ani tur a nilo. Min ngaizawng tur a ni, min hmangaih hle tur a ni. Amah lo pakhatna ni thei tur han en teh..” a ti a. Rinpui chuan, “Vote hmu tam ber dawttu chu Lalremruati hi a ni.” a ti a. Freddy-a chuan, “Pakhatna nih tir ang che, final round an start hma in Daisy bulah apa a thih thu in hrilh dawnnia.” ati a. Rinpuia chuan, “Enga? Apa thih thu a?” a ti hu a. Freddy-a chuan, “A thi tak tak dawn lawm, minute 30 hnuah Irfana hian a that dawn. Miss Mizoram a nih chuan Miss India contest turin Guwahati ah a kal angai dawn a, chumi ngailo tur chuan an in lamah ka private car in ka hruai haw dawn a ni.” a ti a, apa a thih thu chu DAisy chu an va hrilh ta ngei a, tichuan Freddy-a chuan ava hnem vel a. Engkim ngaihtuah sakin Daisy pawh chuan Freddy-a chu a ngaina ta em em a, an inngaizawng ta a, chu chu Freddy-a’n Daisy a bumdan a ni. Sanvi chuan NAthana lab chhunga banga ribbon 8 sign a lo in tawn kual chu a en a, “Nathan, hemi 8 sign hi enge awmzia?” a ti a. NAthana chuan, “Freddy-a thihna tur sign a nih kha.” a ti a. A tuk zingah chuan NAthana chu a thil chah a lo thleng a, bug detector a ni. Joshua’n memory card a dahna a zawn duh a vangin bug detector chuan a inchhung chu a zawng kual a. Bug detector chu a eng vet vet a, mahse eng card mah hmuh tur a awm silo. A awmzia chu bug detector khan NAthana kawchhunga GPRS zawk chu a detec vang a ni. Nathana chuan a awmzia a hre silo chu a bug detector zawk chu a chhia amaw a ti a, chhuatah chuan a vawm pawp a. A inchhung chu a hai a, sofa te chu a zai tet a, inchhung chu a hnawk nuai mai a. Darthalang te chu a vawm keh a, a inhliam nghe nghe a. A tawpah a beidawng chu kut thi phungin chhuatah chuan a thu a. Sanvi alo haw a, inchhung hnawk tak chu a en a, NAthana kut thi chu a hmu a, “Nathan, tinge a?” a ti a. Nathana chuan, “Engmah a nilo.” a ti ringawt a. Sanvi chuan, “Min hrilh la, engthil nge a? Ka pui thei maithei che a sin.” a ti a. NAthana chu a tho a, “Sanvi tuman min pui thei lo, min kalsan hrih teh, mahnia awm ka duh.” a ti a. Sanvi chuan, “Pui tur che in alawm kan awm, Freddy-a hriatlohvin vawiin tlai dar 4 hian appointment nei turin Freddy-a bialnu Daisy nen kan inhmu dawna, engemaw chu kan hre em em ang.” a ti a, mahse Freddy-a chuan alo ngaithla ru leh vek tho a. Nathana chuan, “Enge ni vak anga? MAwh...hrelo pawh nise nakin lawkah a hre leh tho ang, ka awmdan hi min enthla reng asin. Siama a that a, chuan ka thianpa, ka thawpuipa Joshua a that bawk a. Ka bul hnaia mi te chu a that zel asin, enge ka tih ang ka hre tawh lo.” a ti a. Sanvi chuan, “A la tawp hleinem..” ati a, Nathana chuan vin zet hian, “Engdang nge la bang chuang a? MAwh? “ a ti a. Sanvi chuan rilru nat hmel tak hian, “I hmelma tur i thlan tur thu vel confi taka i sawi lai khan ka lo chhuang lutuk che asin, mahse i hmelma chu i thlang a, i ngam leh silo amaw? Heivang hi alawm Freddy-a i target a, mahse amah zawkin a target ah ahmang leh si che a nih hi. Hetiang i nih chuan, engtik ah mah i chak ngailovang.” a ti a. Nathana chuan thinrim tak hian, “Ni e, ka chaklo, engmah ka ti theilo. I lawm em? Min kalsan tawh rawh...kal rawh.” a ti vin hrep mai a. Sanvi chuan tap chungin, “Nathana i nilo, Nathana ka hriat thin kha i nilo. Mi zanwg zawngin i nelawmna leh i zaidamna avangin an ngaina che a, engtik lai khan nge i inthlak danglam a? Hetia i tlawm ta mai hi...ka awihlo zawk. Tlawm suh, bei let leh rawh. Anihloh chuan engkim i chan vek a ni mai. Ka hmangaih em avang che in khawtlangin min sawisel pawh dawn lovin pasal ah ka nei che a, nang nena fa te neih a, chhungkaw hlim tak nih hi ka suangtuahna a ni thin asin. He thu hi ka pasal i nih avanga hrilh che ka nilo, Nathana diktak zawk ka hmuh leh duhvang a ni, NAthana hi he inbeihnaah hian chak ngei se ka duh vang zawk a ni. KA sawi duh ka sawi zo tawh a, abak chu i thu a ni e.” a ti a, a chhuahsan ta daih a.

Freddy-a chuan Sanvi thilsawi, a bialnu Daisy nena appointment an neih tur thu vel chu a ngaihtuah a, Daisy lahin engmah a sawi silo a, a ngaih a tha lo a, Daisy chu a phone ta a...

“Hello Duhtak...enge nita?”

“Hey Daisy, leng chhuak ila, kan round mai mai dawn mi?”

“Engtikah?”

“Tlai dar 4 velah ti ila.”

“Dar 4 ah chuan beauty parlour appointment ka nei a.”

“Anih chu...nih chuan kalo haw anga, lunch eidun ila.”

“Awle ka lo nghak ang che.”

Phone chu a dah a, in lam pan chuan apa nen an haw a. Motor chhungah chuan an chuang dun a, FReddy-a chuan, “Daisy hi ka that dawn..” a ti thut mai a. Apa chu a phu zuk a, “Enga? Bawiha, i thilsawi hi sawi thut thut zello teh, ka lungphu hi a diklo a nia.” a ti a. Freddy-a chuan, “Ka hmuh hmasak ber khan ka lungphu hi a diklo daih tawh kei chu, ka hmangaih in ka hria ani, ka pa. Mahse min bum a, Sanvi hmu turin akal a, mahse dawt asawi a, chu chu inbumna anilawm ni?” a ti a. Apa chaun, “DAwt alo sawi anih chuan beng la, hnek la, sawisa la, hau la...mahse thah kher chu a tha dawn mi bawiha?” a ti a. Chutihlai chuan a blue tooth earphone a NAthana’n, “Ka pu, dark chocolate cake pakhat ka lo lei duh a.” a ti ri hi a hria a. Freddy-a chuan, “Cake a?” a ti nuah nuah a. Dawrkai pa chuan, “Engtur nge?” a lo ti a. NAthana chuan, “Tu emaw tan a nia..” a ti a. Cake a leizawh chuan Sanvi chu a phone a, “Hello, SAnvi...khanwge i awm?” a ti a. Sanvi chuan, “Ka leng chhuak a, enge?” a ti a. Nathana chuan, “Lo ahw lawk teh, inbe lawk ang, a pawimawh a.” a ti a. Sanvi chuan, “Ehe, ngati teh thut nge? NAthana tak tak a mi ka biak?” a ti a. Nathana chuan, “Lo haw rawh, a pawimawh a nia.” a ti a, phone chu a dah a. Freddy-a chu a nui vur vur a, “A va tha tak em, Nathana chuan a nupui chu ngaihdam dilin cake nen a surprize dawn a nih chu.” a ti a. Apa chuan, “Anih chu..”a lo ti mai a. Freddy-a chuan, “Keiin ka hmangaih ber ka that dawn a, ani chu a nupui nen hmangaihna par anlo tlan vel anga maw? Hmangaih ber te chan natzia hi hre ve rawh se, cake nena a surprize veleh Sanvi chu ka that dawn a ni.” a ti a. Nathana chu inah a haw a, pangpar nen, cake nen chuan a in puahchah nasa hle a. A thawmhnaw a phelh a, inbual tura bathroom a lut tur chu a bug detector lo la eng leh vet vet thin chu a hmu a, chhar chuanglo chuan, “Chhe lutuk, duplicate a ni ngei ang.” a ti a, a inbual ta a. Freddy-a chuan Abbas-a chu a phone a, “Abbas i inring tawh em?” a ti a. Abbas-a chuan, “Minute 2 vel hnuah chuan ka thleng mai ang, Nathana te in zawn ah ka awm tawh, inchung berah ka awm, silai hunna tum lam ka pan mek.” a ti a. Nathana chu a inbual pah chuan a ngaihtuahna a sawrbing nasa hle a. Freddy-a’n a a awmna a hriat chat chat dan te, Joshua a man theih dan te leh a secret room a Freddy-a lo luh theih dante chua ngaih tuah a. A tawpah chuan docotor ina surgery tih that leh angaih thu a sawi kha a hrechhuak a, khami zana a khum bula Freddy-a a hmuh te kha a hrechhuak a. Tichuan kha bug detector kha a kal hnaiha pianga a en zel te chu a ngaihtuah a. A inthlak sawk sakw a, rang takin bug detector chhuatlaia let reng chua va pan ta a. A va kal hnai a, alo eng vet vet a, a tlawh hnung a, a thim leh daih a, a kal hnai leh a, alo eng leh a, mak a ti em em a. Chutih lai chuan Sanvi pawh chu alo haw ve mek a. Car atanga a chhuk chu inchung atang chuan Abbas-a chuan silaiin alo tin a. Freddy-a bulah chuan, “Sanvi alo haw, inlam a pan mek.” a ti a. Freddy-a chuan, “Nghak lawk rawh, ka rawh ka tih hma chu kap suh.” a ti a. Sanvi chu inchhungaha lut ta a, Nathana chu a hmu a, dawhkana cake chu a hmu bawk a. Sanvi chuan hlim hmel tak hian, “Tinge min koh a?” a ti a. Nathana chuan Joshua an thah lai te, Siama an that lai te chu a mitthla ah a hmu a. Sanvi chuan, “Tinge min koh ka tih chu?” a ti a. Abbas-a chuan alola tin reng a, “Freddy, ka tin fuh lutuk, ka kap dawn em?” a ti a, Freddy-a chuan Nathana tawng hun a nghak a, “La kap suh.” a ti a. NAthana chuan, “Ahh..ihhh..englo, DGP fapa birthday a nia, kal ve ila ka ti deuh a.” a ti ta daih mai a, FReddy-a pawh chuan mak a ti hle mai a. Sanvi chuan, "Engemaw i sawi le? Hei vang hi maw min koh a?" a ti a. Abbas-a chuan a tin reng a, "Freddy, ka kap dawn em?" a ti a, Freddy-a chuan, "La nghak rawh." a ti a. NAthana chuan, "Aw...chuvang chuan a lawm ka koh che." a ti a. Sanvi chuan, "Ahma kha chuan min duat hmel tak khan i rawn tawng vel sia."a ti a. Nathana chuan, "Ahma khan ka thinrim em a, nuamlo ka ti deuh a." a ti a. Sanvi chuan thinrim tak in,"Chuvang rignawt chuan maw min koh a?" a ti a. NAthana chuan thinrim hmel tak hian, "Aw ni e...eng dang nge i phut a? I kal peihlo anih chuan keimahin ka kal mai ang." a ti a. Sanvi chuan, "Min surprize dawn maw tiin phur takin kalo kal ve em em a, mahse.." a ti a. Nathana chuan vin zet hian, "A tawk, hmangaihna chungchang vel hi saiw tawh suh, nang mizo pawh nilo vai ka nei che hi chu ka inchhir khawp mai. Mi zawng zawng in min dem phah a, vai tih takah zawhna i ngah si. Ka hmangaih chepawn ka inhre tawh lo, ka hne ngawih ngawih che." a ti ta hrep hrep mai a. Sanvi rilru na lutuk chu a tap a, "Hetiang i ni dawn tih hria ila ka nei miah lo ang che, hetia min hauh vak vak ai chuan min that zawk mai rawh. Ka lo hmangaih che hi ka tisual ani, NAthan....vawiin hian kan inthen nghal ang." a ti a. Freddy-a chuan, "Abbas, Sanvi thah chu cancel a ni e, i silai dah la, kalsawn vat rawh, midangin an hmuh hma che in." a ti a, Abbas-a chuan, "Problem a awm em ni Sir?" a ti a. Freddy-a chuan, "Ka sawi ang chuan ti mai rawh." a ti a, Abbas-a pawh chu a kal ta a.

Nathana chu a kalsawn a, SAnvi chuan va umzuiin, "I thusawi kha hre reng rawh, min tina khawp mai..." a ti a, a sawi zawh ham chuan Nathana chuan bangah chuan marker hian, Freddy-a'n ka taksa chhungah hian GPRS adah a,kan thusaiw engkim ahre thei, chuvang chuan lem ka chang a nih kha..Sanvi, ka hmangaih lutuk che duhtak. tih hi a ziak a, Sanvi chuan a chhiar a, Nathana chuan Sanvi chu en rengin a awma GPRS awmna lai chu a kawk a. Nathana chuan Freddy-a hriat tur hian, "Kal rawh, chhuak rawh, inthen ila nimai." a ti a, SAnvi lam chu ava pana, ngawi reng chuan an inkuah a. Freddy-a chu a thinrim ngei mai. A bialnu DAisy chaw ei lo siam lai chu a va pan a. Daisy chuan nui sang hian, "Hi duhtak, enge vawiin lam, a nuam em?" a lo ti a. Freddya chuan DAisy lam pan pah chuan, "A nuam tawlh tawlh mai hian ka hria a ni." tih pah chuan choka a chemte chu a la a, a kuthnungah a dahtha a, Daisy lam chu a va pan a. NAthana chuan SAnvi in aruka Freddy-a hriatloha Daisy nena appointment an neih tur thu vel a sawi chua hrechhuak zawk a, Freddy-a chuan Daisy chu thah a tum ngei a ring a, ring tak hian, "Lo ding lawk teh..."a ti a. Freddy-a pawh chu a ding chat a. Nathana chuan, "Daisy nena in inhmuh tih vel ah ka buai peih lo, ngatan mah ka ti lo." a ti a. Sanvi chuan nuih vur vur pah hian, "Kan inhmu tak tak dawnlo, i rilru hah lutuk dam nana sawi mai mai ka nih kha." a ti a. Freddy-a chuan chemte chu a dah let leh a, DAisy chu a kuah vawng vawng a, DAisy thah pawh chu a thulh leh ta a. SAnvi chuan bangah chuan marker chuan a ziak ve a, Doctor ka call anga, naktukah i taksaa GPRS track chu ala chhuak mai ang. Chumi hma chu kan nupa hian hmangaihna par tlan ang hmiang. tih hi a ziak a. An inkuah a, an in pawm a, duat takin an infawp a. Atukah chuan Nathana taksa atang chuan GPRS chu an la chhuak ta a, mahse Nathana chuan paih mai lova, Freddy-a bum nana hman tangkai a tum ta a. Freddy-a chuan NAthana taksaa la awm reng angin a ngai a, Nathana erawh chuan lem a chang chho dawn a ni. Nathana chuan GPRS chu a kalna apiangah chuan a ak reng a, phone a hmang der a, "Hello SAnvi, nilo lo kal duh suh...ka awm a nuamlo emai, ka leng chhuak dawn, ka haw hunah kalo bia ang che." a ti a, a bulah chuan Sanvi chu a awm reng a. SAnvi chu GPRS chu a pe a, NAthana chu bike chuan a inkhalh chhuak a. Restaurant a Abbas-a thingpui in lai chu ava hmu a, a va man a, hmun fianrialah a hruai a, a sawisa ta hrep a, a thukru ta daih a. Freddy-a factory ah chuan ava kal a, Joshua an sawisak na lai vel chua va en fiah ta a. Chhuat vela Joshua'n a thisen-a X tih a ziah leh a kutphah thla lang kulh chu ava hmu a. Chuveleh sana ban in vei ri chek chek ri hia hre ta a. A bula pipe bung chu a en a, a chhungah chuan sana alo awm a, a la a, Joshua sana ngei a ni, NAthana'n a birthday a a present ngei mai kha. Sana chu a la a, a thiat darh a, a chhungah chuan memory card chu alo awm a. Rang takin a haw a, computerah chuan memory card chua vuah a, video chua en a. Video ah chuan Thanmawii a lo lang a, Thanmawii chuan thi hnuang leh hlauhtawn hmel takin factory chhunga ban phena biru pah chuan, "Siama, he video hi i hmu angem chu ka hrelo a, nung damin min hmu tawhlo maithei bawk." a ti a. Ral khat atang chuan, "Zawng rawh u, zawngkual ru. That ngei ngei ang che u, chhuah reng reng suh u." ti ri hi a hriat thei bawk a. Thanmawii chuan tap chungin zawite hian, "Siama, min pawngsual a ni, min pawngsual." a ti a, Nathana chua thinrim kher mai. Chutih lai chuan SAnvi chuan Daisy chu a lo kawm mek bawk a, Sanvi chuan, "Min ring rawh Daisy, hei hi Miss Mizoram committee tena an report ziah a nih hi. An hrilh dan che chuan final round i thlen hma khan i pa chu a thi angin an sawi a, darzat kha dar 7:15 a ni. Mahse ipa kha chu dar 7:45 khan a thi a ni. Freddy-a hian i pa kha a that a ni, accident angin alan tir daih bawk. A bum che a ni, chuan Miss Lalremruati zawk kha pakhatna a nih tir a ni. Hei hi FIR leh Post Mortem report a nih hi." tih pahin file chu a pe a. Daisy chuan, "Freddy-a hi ka ring leh tawh ngailo ang." a ti a, a tap pur mai a.

Nathana chuan rang takin lawyer a va hmu a, Thanmawii nu leh pate chu a hruai tel bawk a. Lawyer bulah chuan file pek pahin, "Hei hi Thanmawii nu leh pate annia, chuan he file ah hian i mamawh leh i hmuh duh ang chu engkim a awm ang." a ti a. Thanmawii nu chuan, "Thanmawii khan a research chauh hi a buaipui thin a, hetiang thil rapthlak hi a chungah a thleng ang tih kan ringpha ngailo." a ti a. NAthana chu pawnah a chhuak a, ahmaa a doctor rawih khan a rawn bia a, "Sir, naktuk meeting naah generics medicines te chu India rama rawn thawn luhloh tur tiin thu an chhuah dawn a, CM pawn a pawm vek tawh. a detail kimchang chu i email ah ka rawn thawn tawh che." a ti a. NAthana chuan, "Chutiang thil chu a thleng hauh lo ang, he damdawi te hi India ramah a lut ngei tur a ni." a ti a. Sanvi chuan Daizy bulah chuan file pakhat hi a pe a, "Daisy, Freddy-a motora file kha la ru la, he file nen hian i thlakthleng dawnnia, hei chauh hi min tihsak la, atawk mai." a ti a. Daisy chu ahaw a, Freddy-a'n motor a rawn pan phei lai chuan a car chahbi motora invuah sa chu a phawi sak a. Freddy-a chu a lut a, "Ehe...khawnge ka chahbi hi?" a ti a, a phoen aphawrh a, "Hello Joseph, ka pa kha press meeting ah khan va hruai ru. CM lo kal huna sawi ula, ka lo join ang che u, kan policy hian hlawkna tam tak min pe dawn a ni." a ti a, a file ken lai chu motorah chuan a dah a, a chahbi zawng tur chuan motora tang chuan a chhuak leh a. Chutih lai chuan DAisy chuan file chu ava thlakthleng ta a. Nathana chuan SAnvi chua va text a, "Lemchan a hun e." tih hi ava thawn a. NAthana chuan Sanvi chu a call a, Sanvi chuan GPRS chu a la chhuak a, Freddy-a hriat theih turin. NAthana chuan, "Hello Inspector, a tihzia khawp mai, Abbas-a chu kan nauten an man a, Thanmawii kha amah leh midang pali in an pawngsual thu a sawi a, an that nghal bawk anih chu. Mahse kan naute chuan a tlanchhuak lehnghal an ti a, an um pha talo a ni. A tlanchhuah na lai vel chu Sihphir lam a ni an ti a, an zawng mek ani awm e. Tunah hian ka bum kual dawn a ni, a u Irfan Ali hi ka call anga, Freddy-a aw ang deuhin ka tawng anga, Abbas-a khawnge a awm tiin ka zawt dawn a ni. Chutih lai chuan nangpawh Sihphir lamah lo han chho la, Abbas-a hi kan man ngei a ngai a ni." a ti a. An thusawi lai chuan Abbas-a chu an bulah a hmui tuamsak a, phuarbeh tlatin alo awma, a bulah chuan Rinawma chuan pistolin a lo tin bawk a. Freddy-a chuan Abbas-a chua arawn call ta ngei a, Rinawma chuan, "Umm.. arawn phone ta ngei alawm." a ti a. Call alak theih siloh avang chuan Irfana a va call leh a..

"Hello Irfan, khawnge i awm?"

"Hna ka thawk a."

"Khawnge i nau Abbas-a?"

"Sihphir lamah ka kal dawn a tih kha.."

"DCP Nathana'n Abbas-a man a tum mek a, a rawn call dawn che a, ka aw angin a rawn tawng vel dawn a, Abbas-a awmna a rawn zawt dawn che a, lo fimkhur ang che."

"Lungngai suh, misual alawm ka nih, min bum teuhlo mai."

"Awle...anih phawt le."

Nathana chuan minute 5 vel hnuah chuan Sanvi chu ava call leh a, "Inspector, Irfana chu call leh angai lo, Abbas-a chu a awmna kan hre leh si, Durtlangah a awm mek, a phone kan trace thei hlauh a. Ka kal nghal dawn a, kan team te nen khan lo kal ang che u." a ti a. Freddy-a chuan, "Khai aw...hrep tak chuan." a ti a, Irfana chu ava call leh a, "Hey Irfan, Abbas-a chu Durtlangah nge Sihphirah zawk awm, sawi chiang teh." a ti a. Irfana lah chuan NAthana'n Freddy-a aw angin rawn bum a tum emaw a lo ti a, "Hey Mawla, khatia aw tih danglam vel avang khan tunge i nih ka hrelo turah i ngai a mi?" a ti a. Freddy-a chuan thinrim takin, "Mawla, Freddy-a ka nih hi, Nathana ka nilo." a ti a, Irfana lah chuan, "Ehee..anih maw? Tunge Nathana i ni ti reng reng a? Iva inpuang chiang ve." a lo la tizui a. Thinrim takin phone chu a dah a, Pu Lalrinpuia chu a phone a, "Rinpui, ka lo thleng tep. Meeting kha ka rawn tel hman dawn silo a, ka pa kha pawnah lo chhuahpui lawk teh." a ti a. Ava thleng a, apa bulah chaun, "He meeting hi kan tan apawimawh a nia, thu ka sawi hman dawn lo a, he file chhunga mi hi i chhiar tawp dawn nia, a ai awh in thu i sawi dawn nia." tih pahin Daisy ina a file a thlalthleng zawk chu a pe a. Apa chuan, "A inziak ang ang hian maw?" a ti a, Freddy-a chuan, "Aw...ka pa, chapo taka hawi vah tur aw.." a ti a, a kalsan ta a. Chutih lai chuan Abbas-a chu Selesih-a lodge ah an kalpui a, room pakhatah chuan an luhpui a, Rinawma chuan silaiin a tin a, "Inpuang rawh le." a ti a. Abbas-a chuan, "Inspector Joshua kha tihluihna hmangin drugs kan tih tir a, chumi hnuah kawngpuiah ka kalsan a, tichuan Freddy-a chuan motorina rawn su a,a thi ta ani. Heng zawng zawng hi ka duh vanga ti ka nilo, Freddy-a'n ti tura min tih vang a ni." a ti a. Rinawma chuan dawhkanah a lu a nem bet a, NAthana chuan drugs damdawi dip chu ala chhuak a, Abbas-a chu a barh ta teuh mai a. Khumah chuan an mut tir a, a rui ta em em a. Chutih lai chuan Press meeting na lamah chuan an host chuan, "Tunah chuan kan Party Leader zahawm tak, Pu Lalliankunga generic medicine lampang sawi turin ilo samw ang u." a ti a. Liankunga chu stage aha ding a, Freddy-a'n apek file chu a keu a, "Minister ka nih khan, ka khua leh tui te hian natna an vei lo ang tiin thu ka tiam a. Mahse chutiang thil chu athleng em? A teuhlo mai, engtikah mah a thleng lo anga, engtikah mah a thlen ka phal ngailo ang." ati a. CM chuan zawite hian, "Hey...enge i sawi kha?" a va ti a, mipui chu an phun nuah nuah hlawm a. Police duty ah chuan Vala a tel ve a, a lo nui nasa mai a. Liankunga chuan sawizawm zelin, "Kan ram thatna atan tiin Swiss mi Miss Angelina-i chuan generics damdawi te chu a rawn saim chhuak a,mahse minister te chuan titawp turin an ti a, achhan chu pharmacy business a buaiphah dawn a ni. Chutih lai chuan pawisa tamtak siam a ni a, hei vang hian MLA minority Sawrkar te chu an hausak phah hle bawk ani." a ti zuah zuah a. CM chuan, "Mawl lutuk, min puan vek dawn nih hi." a ti nuah nuah a. Press mite lah chuan live in camera in an la sup sup mai bawk si a, ala sawi zawm zel a, "Angelina-i khan a thih hma khan minister office atanga chhuak contract lehkha chu a sign a, generics medicine India a lo luh phalna lehkha a ni." a ti a, lehkha chu a pawtthla a, "Hei en rawh u, minister te u, he document hi thuruk angin ka thup tang tang ani." a ti a. Mipui zinga mi thenkhat te chuan rawn au in,"I mawl ami, eng thil nge maw i sawi le?" am rawn ti sup sup a. Liankunga chuan mak tih hmel tak hian, "Tinge maw min hauh vak vak hlawm le, nilo...ka fapa hi a fing a, engkim ahmulawk thin. Ka fapa hian engtik niah emaw chuan CM ila ni ang min ti a, ahun a thleng dawn ta a niang." a la ti nuah nuah zui a.

Selesih ah chuan Freddy-a chu ava kal a, lodge chhungah chuan alut a. Nathana chuan, "Rinawm, alo kal e, biru ang le." a ti a, an biru ta a. Room chhungah chuan Freddy-a chu alo lut a, rui em em a Abbas-a lo tal vak vak chu a hmu a. A sawi vak vak a, "Abbas, harh teh, harh teh." a ti a. Abbas-a chuan mengchiang hleilo hian, "Engmah ka hrilh dawn chuang lo che." a lo ti vak vak a. Freddy-a chuan, "Ngaithla teh, engthil nge thleng a? Harh teh.." a ti a, a sawi vak vaka. Abbas-a chuan, "Kal bo rawh..kal rawh" a ti a, a nam sawn a. FReddy-a chuan a pistol a phawrh a, "Harh rawh, in control rawh, nihloh chuan ka kap ang che." a ti a. Abbas-a chuan, "Aww...min kap laaaaa, min kap ta cheeeeee." a ti a. Freddy-a chuan motor tlan ri a hria a, tukverh ah chuan a dak a, car pakhat hi a rawn tlan a. Chutih lai chuan Abbas-a lah chaun, "Joshua kha kan thah a ni, Freddy-a'n motorin asu hlum." a ti a, Freddy-a chuan Abbas-a chal ah tak chuan a kap a, a thi a, akalsan ta a. Bang phenah a biru a, Nathana a rawn lut a. Abbas-a ruang chu a hmu a, "Khai awww....tunge lo that le? Evidence pawimawh lutuk ania sin." a ti a, a thinrim der vel a. Tifuh inti takin Freddy-a chuan a lo nuih vel a, Nathana chu nui vur vur chungin a chhuak a. Freddy-a phone a ri a, Lalrinpuia a lo ni a. Phone chu a la a, "Chanchin lawmawma awm em ni?" a ti a. Rinpuia chuan, "Lawmawm teh nang, ipa thil chhiar saw a diklo, thu mak deuh deuh a sawi a nia. CM thil tihsual te, minister eiruk thute a sawi vak vak a nia." a ti a. Freddy-a chuan mak a ti hle mai a, "Chuti chuan a sawi a maw?" a ti a. Rinpuia chuan, "Press mite leh media ten an hual thup bawk si a, mipui an thinrim lutuk." a ti a. Freddy-a chuan, "Awle, thu pakhat pawh a sawi leh hmain heart attack aneih thu hrilh rawh u. Hospitalah kalpui ula, ka rawn tlang nghal ang." a ti a. Rinpuia chu a lut a, Liankunga chuan a lo la sawi tui nasa mai a. Stage ah ava lawn a, Liankunga beng bulah chuan, "I fapa ziah lo zawk, midnag ziah zawk alawm i sawi.." a va ti a. Liankunga chuan ring zetin, "Enga? A nilo maw?" a ti vak a. Rinpuia chuan, "Mic a awm hi, i tawng ring lutuk." ati a. Liankunga chuan, "Engti nge kan tih tak ang?" a ti a. Rinpuia chuan, "Heart attack i neih thu sawi la, damdawiin kal vat angai." a ti a. Liankunga chuan, "Chutiang chuan ka fapa in ti turin min ti ami?" a ti a. Rinpuia chuan, "Aw...sawi vat rawh." a ti a. Liankunga chuan, "Anaaaa...heart attack ka nei thut mai." ati a, Rinpuia leh security guard te chuan an zawn chhuak ta a. An chhuah hnu chuan CM chuan inthlahrung takin, "He generic medicine chungchang hi sawi turin Liankunga kha thu ka ziah chhuah sak a, mahse a thusawi te kha a awmzia ka hre lo a, engvanga sawi nge ani tih pawh tuman kan hriatpuilo a ni. Action pawh ka la ngei ang, contract pawh kan pass nghal ang. Naktuk atangin generic medicine hi Inida ramah alo lut anga, Mizoram pawh rawn thleng ngei turin hma ka la dawn a ni. Damdawiin ah chuan Freddy-a chu ava kal a, Rinpuia chuan file pek pah chuan, "Sir, hei hi ania ipa thusawi chu." a ti a, Freddy-a chuan a en a, mak a ti hle a. Apa awmna ward ah chuan a lut a, apa chuan, "Bawiha, heart attack hlauhawm zia hi ka hre ve chiah a ni, ka hmuh leh che pawh ka lo ring tawhlo asin." a ti a. Freddy-a chuan, "Engthil nge ni ngai? Heta inziak apiang hi i chhiar chhuak tawp tihna em ni?" a ti a, apa chuan, "Nangman chhiar turin min ti anih kha." a ti a. FReddy-a chuan thinrim tak hian, "You're so f*#king stupuid." a ti a. Apa chuan, "Sap tawngin min be ziah suh, ka hrethiam velo." a ti a. Freddy-a chuan, "I mizia ka hmuh hian thawnthu pakhat ka hrechhuak zawk mai." a ti a. Apa chuan, "Thawnthu a? Min han hrilh teh...ka hahdam phah mahna." alo la ti zui a. Freddy-a chuan balhla ala a, a khek a, apa pek pah chuan, "Khaw pakhatah hian lal pakhat hi a awm a, chu lalpa chuan a mite chu tumah a ring thei miah lo a. Vawikhat chu zawngte hi a vulh ta a, zawngte bulah chuan a harsatna te a hrilh vek a, zawngte chu a bodyguard ah a tang ta a. Nikhatah darkar 24 chhung chu watchman ang maiin a bulah a awm a, a inven tir reng a. Nikhat chu lalpa chu a mut laiin thosi pakhat hi a roomah chuan a rawn thlawk lut a,thosi chuan lalpa chu a tibuai ta reng mai a. Zawngte chuan thosi ben hlum tum chuan a bei nasa hle a, mahse a benghlum thei lo a. Thosi chu lalpa nghawng ah chuan a va fu a, zawngte chuan ngunhnam hriam tak chu la in lapa nghawng a thosi chu ava sat ta a." a ti a. Apa chuan, "Thosi chu a thi tawh ngei ang tiraw?" a ti a. Freddy-a chuan apa mawl a ti lutuk chu rum zet hiana en a, apa chuan, "Tinge? Ngunhnam pawna thi zolo a maw?" a ti a, Freddy-a chuan, "In enkawl tha rawh aw." a ti a, achhuahsan ta a.

Pawnah chuan Rinpuia chuan Freddy-a bulah chuan, "Tunlawk kha campus atangain CM in a rawn call a, i pa an ban tur thu a rawn sawi a, a in resign duhloh chuan an suspend dawn a ni awm e." a ti a. Chutih lai chuan Nathana GPRS keng chung chuan DGP a va hmu a, DGP bulah chuan, "Sir, Freddy Lallawmsanga'n Abbas Ali a thah lai video ka nei a ni, Abbas-a inpuanna video a awm bawk a, ka informer Rinawma hnen atanga ka hriat a ani. Evidence chu zaninah ka peih fel thei ang, evidence dang pawh ka nei thei ang. Freddy-a man tur hian support leh formalities ka mamawh a ni." a ti a. DGP chuan, "Freddy-a hi a man theih ngawt hleihnem, scientist a ni a, minister fapa a ni bawk a." a ti a. Nathana chuan, "Sir, news ila hrelo animaithei. An party te ngei chuan an do let a ni, iduh chuan check chhin la." a ti a. DGP chuan CM ava phone a, "Ka pu, DCP alo kal a, Freddy-a thil tisual lai evidence a neih thu a sawi a...awle...awle Sir." a ti a, phone a dah a. DGP chuan, "Nathan, CM chuan evidence chu a rintlak anih chuan action ka la ang a ti a nih chu. Zanin hian CM chuan a ko che a, va hmu ang che." a ti a. Freddy-a chuan alo ngaithla leh reng bawk a. Abbas-a thih thu chu Irafa chuan a hre ve ta a, a ruang bulah chuan a tap zawih zawih a. Fredd-a'n a rawn call a, "Freddy, ka nau min thahsak ani, DCP khan ka nau a that a ni." a ti a. Freddy-a chuan, "Ka hrilh lawk che a ni lawmni? Ka sawi mawlh mawlh kha." a ti a. Thinrim tak hian Irfana chuan, "Khawnge a awm min hrilh rawh...ka that ve nghal dawn." a ti a. Freddy-a chuan, "Ka lo buaipui ang, chumi hma chuan thil pakhat min tihsak rawh." a ti a. Irfana chuan, "Enge ni?" a ti a. Freddy-a chuan, "Ka pa hi that rawh." a ti ta mai a. Irfana chuan, "Enge? I pa thah i duh amaw?" a ti a. Freddy-a chuan, "A dam chhung chuan kan buai zel dawn, a thih hnuah minlo hrilh dawn nia." a ti a, phone a dah a. Minute 20 vel hnuah chuan Irfana chuan a rawn call leh a, "I pa chu a thi tawh e." a ti a. Freddy-a chuan, "I chiang maw?" a ti a. Irfana chuan, "Umm..ka mithmuh lai ngeiin a car chu a puak a ni, truck in ka su alawm." a ti a. Freddy-a chu CM inah ava kal a, CM te chu minister thenkhat te nen an lo titi a. Freddy-a chuan inthlahrun hmel tak hian, "Hello Sir.." ava ti a. CM chuan lungawiloh hmel zet hian, "Enge tunah i inthiamloh vel a? Ahma khan ngaihtuah lawk tur che alawm." a ti a. Freddy-a chuan, "Ka pa chungah tinge tiang thil hi i tih a?" a ti a. CM chuan, "Enge? Nui mai mai turin min duh em ni? Khatiang thu a sawi laia ngawi renga lo thu a lo ngaithla mai mai turin min duh ami? Party member a nih avang chauhin ka suspend a, thu neihna sang zawk chu nei ila chu hei ai hian action ka la nasa ang." a ti a. Freddy-a chuan, "Hei tluka action a awm chuang em ni? I that anih hi." a ti ta mai a. CM chuan, "Enga? Ka that amaw?" a ti a. Minister dang ho chu chhuak turin a ti a, mahse Freddy-a chuan, "Inlo hria em? Pute u, CM hian ka pa a that a ni." a ti a, minister ho chu an chhuak a. CM chuan, "Enge i sawi kha? I pa chu engvangin nge ka thah anga? A thi tak tak em ni?" a ti a. Freddy-a chuan tap chungin,"Enge i sawi a? Nangman i that a, truck i hire a, a car chuanna chu i su a. Tunah a thi nge thilo min zawt leh a, ka pa khan i thil tihsual pahnih a sawi lang a, chuvang chuan i that mai amaw?" a ti a. CM chuan, "Tu emaw ni in ka thah angin a hrilh che a ilo awih mai amaw?" a ti a. Freddy-a chuan, "Driver in nangma tih ngei a ni tih a sawi alawm." a ti a. Freddy-a chu dingin chhuah a tum a, CM chuan va dan pahin, "Engvangin nge ii pa chu ka thah anga, MLA hruaitu ah ka siam a, minister ka nih tir bawk a, ka thian a nia sin. Ka thah anilo, ka thaha nilo." a ti vak vak a. Freddy-a chuan rum tak hian CM chu a melh a, zawite hian, "Ka hria alawm, keiman ka that a ni." a ti a. CM chuan, "Enga?" a ti hu mai a. Freddy-a chuan, "Min man theihna arrest warrant siam ilo remti tih ka hria a, a dik em?" a ti a. CM chuan, "Ih..ah..kha chu midnag sawi ania." a ti a. Freddy-a chuan, "Midang sawi pawh nise, ilo remti mai amaW? Ka thusawi ngaichang tur hian i hnuaia thawk representatives mi 57 lai an awma, enge i tih tak ang?" a ti a. CM chuan, "Engatinge i pa chu i thah a?" a ti a, Freddy-a chuan, "Ka thil chin than ania. I hrethiam nange? Kum 20 kal ta khan ka chhanhim hnu che khan jail ah ka lut amaw i ti em ni?" a ti a. CM chuan, "Ihh..englo, ka thinrim insum zo lo khan ka beng a, mahse glass no kha a vei thla a, a keh a, a kehthem kha a hrawkah a lut a.." a ti a. Freddy-a chuan, "A hrawka glass a luh khan keichuan ka pa kha MLA a ni dawn tih ka hre lawk nghal a ni, in chhuah hnu khan, police lo luh hma khan khapa kha la thi mkai lova, lo chhan hman ta se, engkim a buai dawn a, chuvang chuan glass keh them a hrawka tang kha, a hrawk chhungah ka hnawh lut vek a, a thi ta a ni, keima thah a ni. Ka thil duh apiang chu ka nei thin, ka nei theilo anih pawhin neih theih dan ka zawng thin." a ti a. CM chuan, "Enge ti tura min duh a?" a ti a. Freddy-a chuan, "Ka pa successor te zinga mi pakhat hi ka thuhnuaiah a awm tur a ni, generic medicine policy chungchang kha keima contract tur a ni bawk ang. Ka thil tihsual evidence nei an awm apiangin min hrilh tur a nia ang, chuan ka pa vuini ah silai vawi 21 a puak anga, ropui taka vuiliam tur a ni ang." a ti a. CM chuan, "Ka khua leh tui te hian an bula thil tha ti tura ka intiam avangin min vote tlinga, engtin gne ka phatsan theih ang?" a ti a. Freddy-a chuan, "Thil tha kan ti reng thei hleinem, thil tha kan tih apiangin thil thalo a lo chhuak tel zel alawm." a ti a, a kalsan ta a.
Atukah chuan Freddy-a pa chu an vui ta a, kuang ropui tak leh mawi tak an siam sak a. Tichuan ropui takin an vui liam ta a. Silai chu vawi 21 an kap a, Nathana te department tho chu an duty a. Nathana chuan Freddy-a chu ava pan a, "Ka tawrhpui khawp mai che." a ti a. Freddy-a chuan, "Mm.." tih ringawt hian a chhang a, kalsan a tum a. NAthana chuan a tiding a, "Misual te chu vawi tam lo chak mahse, mifel te chu..vawikhat an chak hi a tawk a ni." a ti a, Freddy-a kut chu ala a, GRPS chu a pe ta a. Freddy-a chu a meng bial kawk kawk a, NAthana chuan, "Positions.." a ti vak a. Police ho chuan Freddy-a chu an hual thup a, silaiin an tin a. CM chu a rawn kal phei a, Freddy-a bulah chuan, "Kum 20 kalta khan ka hmu che a, kan ram tan hian ka thla a phang hle a. Mahse Kum 20 a ral a, NAthana hi ka hmu a, ka chhuang takzet a ni." a ti a. Nathana chuan, "Hruai rawh u." ati a, Freddy-a chu an hruai ta a. Court ah an luh pui a, Nathana chuan evidence atan video chu a pe a, an play ta a. Video ah chuan Thanmawii alo lang a, Thanmawii chuan, "Kan ram ah hi diabetic patient awm tamna ber pawl a ni a, mahse kan ramah hian damdawi a awm a, chu chuan diabetic natna a tidam thei a ni. He thlai damdawi hmang hian damdawi man tlawm zawk, diabetic tidam thei tu chu siam theih a ni a. Thla 6 chhung lekin he damdawi hian diabetic natna chu a nuai bo thei a ni, he research hi ka bei rei a, ka tha zawng zawng ka seng a ni. Mahse Freddy Lallawmsang a hian chu ka research chu min laksakin ramdang hnenah man to zawka hralh a tum a, chutiang thil a thleng a nih chuan kan ram hian tiang damdawi hi ka hmuh leh nan chuan kum 10 chuang kan nghah leh angai dawn a ni. He damdawi test nan hian naute piang hlim ahmang thin a, naute 18 lai chu a tihlum tawh a ni. Tunah pawh hian ka biru mek a, keipawh hi min that thuai ang. He video chauh hi evidence awmchhun a ni, Siama fimkhur ang che aw." a ti a, video chu a tawp a. Nathana alo ding a, "He a thil tihsual naah hian Abbas Ali tih hmingpu chuan a pui bawk ani, a inpuanna video pawh kan nei e." a ti a. Video chu an en leh a, Freddy-a'n Abbas-a a kaphlum lai te chu alo lang a, lodge-a room ah khan Nathana te chuan camera anlo fit ru hi alo ni a. Nathana chuan, "Lalrinpuia, Joseph Rinmuanpuia leh Irfan Ali te hi a thawhpui te an ni a, he thilah hian an in hnamhnawih vek a ni. He file hi en la, detail reports a awm kim vek a ni, Your honour." a ti a. Lawyer dangte leh magistrate te anlo ding a, "Adik a ni Your Honour, reports te kha kan check tawh a, DCP a sawi zawng zawng kha adik vek a ni." an ti a. Judge chuan, "Pu Freddy Lallawmsang, heng thu kan hriat te hi a dik em tih kan hre duh ani. Naktuk ah i insawifiah vek angai ang, anih loh chuan thiamloh chantir i ni anga, DCP Nathana hian charge a la anga, dam chhung lungin tang turin i chungthu kan rel ang. Chumi hma zawng chu Police custody ah i awm ang." a ti a. Station ah chuan an let a, Nathana bulah chuan Vala chuan, "Kan man tawh bawk a, encounter kha chu ka kutah dah rawh. Keimah ngei hian thah ka duh a ni,phuba la tur chu keini nilovin Joshua zawk kha ani. Chuvang chuan that ila, Joshua bulah kan thawn anga, Joshua chuan pialral lamah a duh tawkin a lo sawisa anga nimai." a ti a. Kima chuan, "Adik chiah, encounter kan tihna tur hmun pawh kan rel fel vek tawh. Naktukah court ah hruai lovin hmundangah kan hruai anga, abak chu kan kutah dah rawh." alo ti ve bawk a. Nathana chuan a lu a bu nghauh ngauh a, misual dawpna pindan ah chuan a va lut a. Freddy-a chuan hmuhsit hmel tak hian a lo nuih a, Nathana chu abulah a va thu a.

Nathana chuan, "Hey Thiana....tun tum chu GPRS tellovin inbia ang aw." a ti a. Freddy-a chuan nui chungin, "GPRS chuan a tibuai hle mai che nimaw?" a lo ti a. Nathana chuan, "Um...tehreng mai. Enteh Freddy, lets make a deal." a ti a, Freddy-a chuan, "Deal a? Um...sawi ta che. Engzat nge i duh, nuai 100 a tawk em? nuai 200 a tawk em?" a ti vel a. Nathana chu a nui huk a, "Nuai 200 a??? Thanmawii i thahna damdawi chu engpawh lo ni ta se, a patent rights zawng zawng chu Thanmawii hmingin kan dah tawh a ni. A hrim hrimin, Thanmawii khan a phutawk chiah a hmu a ni tiraw?" a ti a. Freddy-a chuan, "A phutawk a? a phu hlawl lo, kha damdawi kha ka siam a ni a, a formula pawh engmah a hre velo. Eng thu emaw a sawi ve dek dek a, patent ilo thlak danglam rignawt amaw? Kha damdawi siam nan khan ka thawk hah asin." a ti a. NAthana chu a nui huah huah a, "Ka hria alawm, i siam ani. A siam angin ka lantir a nih kha, hei video original zawk chu.." tih pahin laptop a video chu a en tir a. video ah chuan Thanmawii chuan, "He damdawi hi Freddy-a siam a ni a, a hmuhchhuah a ni. Mahse damdawi hi ramdanga hralh a man to taka foreign ho leitir atum a. Tilo turin ka hrilh a, mahse min ngaithla duh lo a, hrlah luih a tum a ni." a ti a, Nathana chuan video chu a off a. Nathana chuan, "Video kha ka edit a, i siam kha, ama siam angin ka sawi tir ta anih kha" a ti a. Freddy-a chuan, "Ummm i fing e, mahse ka thil tih zawng zawng te ah hian, hmun 100-a then a 0.0001% pawh min laksak lo a ni." a ti a. Nathana chuan, "Khai awww Freddy, i dinhmun hi i hrechianglo a ni." a ti a, a ipte atang chuan ahmaa Freddy-a lab a a ruk, 'S' tih logo, silver atanga a siam chu a rawn lachhuak a. Dawhkanah chuan a tuai vir a, a vir ta cher cher mai a. A vir chak em avang chuan 'S' tih chu '8' angin a lang thei hial a. Freddy-a chuan ngun takin a en a, Nathana secret room a luh ruk tuma NAthanan ribbon sen a 8 tih logo a siam te chu a mithlain ahmu a. Nathana chuan, "Plan 8 lai mai hmangin ka bei che a, morality, thiltihtheihna, pawisa leh hausakna, engkim ka laksak che a ni.I zahawmna te i ropuina te chu kha Thanmawii video ka siam danglam atang khan a bo zo ta vek a, chu chu pakhatna a ni." tih pahin lapyop-a video chu a en tir a, LIVE NEWS alo ni a. College zirlai te chuan kawng anlo zawh mup mup a, press ho chuan anlo kawm a, a then chuan, "Kha mihring khan hmeichhia te hi min ngai nep a ni." an ti a, a thenin, "Khaihlum ni rawh se." te anlo ti bawk a. NAthana chuan a off a, "Patent rights ka ti danglama a, chuvangin hun lo kal zelah pawh nanghi tuman scientist i ni tih an hre tawh lo bawk anga, chu chu pahnihna ani." a ti leh a, video chu a play leh a, college zirlai thenkhat t e chuan, "Scientist pawh a nilo, misual a nih kha." an ti a, an thinrim em em a. Nathana chuan, "I thuhnauai awm te, i tana thawk te, MLA atanga CM thlengin, tuman i lam an tang tawhlo, an do let tawh zawk che. Chu chu pathumna a ni." a ti a. Minister hovin Freddy-a an sawisle na leh an hekna te cideo chu a en tir zel a. Nathana chuan, "Pali naah chuan, i bialnu Daisy kha, diklo takin i inhmangaih tir a, mahse thudik kan hrilh a, a kalsan tawh che a ni. Chuan a panga naah chuan, mi tamtak i that tawh a, mahse hlauna chhe te mah i nei ngai lo. Mahse ka bei ve che a, ka vawikhat attack naah che i hlau nghal em em a. Anilawmni? I hlauh vang a nilawmni ka taksa chhungah pawh GPRS i dah luh reng ni..ka chhuichhuah ceh a ka man che i hlau a, min zui ru ta reng a nilawm ni?" a ti a, Freddy-a chuan chapo takin ala nuih suk tho a. Nathana chuan, "Nichin khan enge i sawi khah? Cheng nuai 200 te i ti tiraw? Cheng 10 pawh hi min dil mahla approval sign a ngai ang, achhan chu i national leh international accounts zawng zawn gchu kan block vek a ni, chuan chu chu a parukna a ni. Ka duh ang taka ka che a nih vaih phei chuan i thiltihtheina zawng zawng a bo vek ang, chuan i thil tihsual lian tak hriat loh i nei bawk a ni. chu chu pasarihna ani." a ti a.

An hnunga pindan darthlalang atang chuan Freddy-a pa, Pu Liankuga chu a rawn lang a. Freddy-a chu a phu zawk mai a, mak a ti em em a. Apa chuan mittui nen Freddy-a chu a lo thlir a, Nathana chuan, "Mak i ti em? Vui naa kuanga mi kha i pa amaw i tih kha..tudang nilovin, i thah tak, ka thianpa IPS Joshua ngei kha a ni. Khalai hmuna awm zawng zawng khan thudik an hre vek a, nangmah chiahin i hrelo a ni. Irfana bulah khan a nau Abbas-a thattu chu kei nilovin nangmah a nih thu kan hrilha, video kan hmuh tir bawk a. Tichuan ipa bulah kan sawi bawk a, Irfana chuan i pa a that tawh angin dawt a rawn hrilh che a ni. Nang ni ang misual hi chuan past, present leh future pawh innei velo, tunah phei chuan i khawvel zawng zawng hi ka nuai bo tawh a, cheng 100 lek ai pawn i hlu tawh lo a ni. Tunah phei hi chuan maw...0.00001% ai pawn i tlem tawh zawk a ni, zeo chauh i ni tawh." a ti a. Freddy-a chuan beidawn hmel tak hian, "Huiham, anih chuan pariatna chu enge, thihna ami?" a ti a. Nathana chuan, "Hahaha, chutiang thuthlukna siam thei ka ni hleinem, chungte chu Pathian siamtur a lawm. Pawnah sawn mipui tam tak leh politician tamtak nangmah thah duh tu ceh an tam a, court a an thil tihsual leh i thurualpui thu vel i sai chhuah te an hlau ve a. himdam takin court kan thlenpui zo che angem tih pawh a hraitloh a ni. Chuvangin thih ai chuan, damchhuah tehih dan kawng 2 ka kawhhmuh thei che. Duhthlan tur i nei lo, kei tihloh chu. Ka thawhpuite khan encounter-a thah che an duh a, mahse i dam a ngaih thu hi ka hrilh a ni, hmelma atan ka thlang che a, i dam a i inpuang anih chuan heng thisual thleng thin te hi a tlem phah anga, national leh international crime ah i inhnamhnawih vek a, chung thil beilet tur chuan ka thianpa Joshua chuan a nunna a hlan nghe nghe a, joshua thattu kan va thah ve khan hlawkna a awm lo, chuvang chuan plan dang a ngai a ni." a ti a, ASP Rinawma alo lut a, bullet proof vest a rawn dah a. Nathana chuan, "Hei hi bulletproof jacket a ni a, i nunna chhanhim ang. Ngaithla teh Freddy, i nunna ka chhanhim thei a ni. Police te hian thil sual hi an do thin a, mahse an do ber chu tunah chuan nangmah a ni, achhan chu an information details zawng zawng hi i kuta a awm vang a ni. Chung detail chu ak duh a ni, helai hmun atanga kan chhuah veleh hian he jacket hi ha la, kan dept a silai kah thiam ber in a kap che anga, mahse i thi lo ang. Mi zawng zawng in i thi angin an ngai anga, Sawrkar support na hmangin Witness protection program hnuaiah ka dah che anga, i him ang. Chuymi hnuah engkim i tihsual i puang anga, abak chu i thu a ni e." a ti a. Freddy-a chuan, "Minute 5 hun min pe rawh." a ti a, Nathana chuan a chhuahsan a. A inngaihtuah lai chuan apa Liankunga a lo kal a. Apa chuan, "Bawiha, enge i an? I tha maw?" a ti a, Freddy-a chuan melh pawh a melh tha ngam lo a. Apa chuan, "Bawiha, mi thah vak vak hi enge asawtna? Hlimna ber chu chhungkua zawk hi a ni asin, chutiang pawh chu i hre lo anih chuan kei i pa lehkhathiam lo leh mimawl ai pawh hian i mawl daih zawk a ni. I thusawi hlir ka zawm thin a, mahse tun tum chu i pa thu hi zawm ve hram teh Bawiha. A sawi ang khan bullet proof jacket hi ha rawh, ka fapa hi a thih ka phallo a ni." a ti a, a tap zawih zawih a. Pawnah chuan Nathana te chuan Freddy-a chu an hruai chhuak ta a, pawnah chuan mipui thinrim chu an pungkhawm nasa mai a. An kal pah chuan Freddy-a chuan, "He jacket hian sniper bullet a dang zo ang maw" a ti a. Nathana chuan, "Lungngai suh, three ceramic layered vest a nih kha." a ti a. Mipui awmna an thleng a, an lo au nas ahlawm mai a, Nathana chuan, "Sawlaia Rinawma dinna chu i mark tur chu a ni a, spot iva thlen veleh inchung lehlam atang khian Inspector Kima'n arawn kap dawn che a ni." a ti a. An kal phei ta a, mipui zing atang chuan mi pakhat chu chemte nen a rawn chhuak a, Freddy-a chu vih a tum a, mahse Nathana chuan Freddy-a chu a namsawn a, chupa chu a kut a man sak a, a hnek thal thuai mai a. Nathana chuan Freddy-a a namsawn lai khan bullet proof jacket a halo tih a taksa a va khawi khan a hre thei ta a. Kima lah chuan a rawn kap hman ta si a, mahse vanneih thlak takin NAthana chuan Freddy-a chu a namsawn hman a. Freddy-a chu a rek bet a, "Engvangin nge Jacket kha i hakloh?" a ti a. Freddy-a chuan, "Kha jacket khan rei tak min chhanhim dawnlo, ka thi dawn tho tho. Jacket chu kei nilovin nangman i mamawh zawk." a ti a.

Chutih lai chuan Freddy-a awmah chuan silaimu a rawn fu zawk a, thisen a per chuai mai a. Nathana chuan a kaptu chua va en a, Daisy a lo ni a, Daisy chuan mittui tla teuh chung chuan silai a lo keng a, polcie ho chuan an va man nghal a. Freddy-a chua tlu a, NAthana chuan a va pan a, "Freddy, harh rawh, harh rawh....nilo...Ambulance ko ru, ko vat ru." a ti chel chul mai a. Freddy-a chuan thei leh theilo hian, "Ka hamngaih berin min thah a tum a, mahse ka hmelma lian berin ka nunna chhanhim a tum thung bawk si." a ti a. Nathana chuan, "Nilo...engmah sawi suh, tuar hram hram rawh.." a ti a. Freddy-a chuan, "I game khelh chu i khel tha e, pariatna chu thihna ni ngei e." a ti a. Nathana chuan, "Freddy, tuar hram hram rawh, a reilo ang." a ti a. Freddy-a chuan, "Tinge i mangan a? Ka thih dawn vang nge, evidence ka pek loh vang che? I duh chu ka hrilh tawh che, ngaihtuah let ta che, mi fing tak i nih kha." a ti a. Nathana chuan, "Freddy, chutiang sawi a hun lo." a ti a. Mahse Freddy-a chuan, "Ngaihtuah rawh...evidence awmna chu ka hrilh tawh che, heibak hi chu sawina hun ka nei tawh lo." a ti a. Nathana chuana ngaihtuah let a, Freddy-a'n Bullet proof vest chu kei nilovin nangman i mamawh zawk a tih kha a hrechhuak a, NAthana chuan, "Bullet proof vest maw?" a ti a. Freddy-a chu zalo takin a nui a, "Ka hmelma tur dik tak i ni, i mamawh engkim ka pe che, ram tan leh mipui tan nilovin, i tan liau liau." a ti a, a chatthla zui ta a. Nathana chu rang takin Station chhungah a lut a, bullet proof vest chu ava la a, a side pocket ah chuan SD card hi alo awm a, tichuan a chhunga video chu court ah chuan a thehlut a, officer, lawyer, police, minister te leh politician dang te sualna zawng zawng chu hailan a ni ta a. DGP chuan Nathan Malsawmkima chu best Police Officer award chu a hlan a, tichuan posting sawn hun a ni a, Vala leh Kima te pawh chu hmun danga post an ni a, an in mangtha a, an inthlahliam ta a.

THE END

Search This Blog

Aaron Dustin

NATHAN (Episode - 21)

Comments

Popular posts from this blog

SUNRISE SWEETS Written by : Aaron Malsawmdawngzuala (A MIZO FICTIONAL FAMILY SAGA STORY) Chapter - 1

MERSA (A Mizo Dystopian Future Science Fiction Post-Apocalyptic Horror) Written by : Aaron Malsawmdawngzuala CHAPTER : 1

THE LAST PICNIC (MIZO FICTION HORROR STORY) Written by : Aaron Malsawmdawngzuala CHAPTER - 1