NATHAN Episode-10
NATHAN Episode-10
NATHAN MEETS RAYMOND
Written by : Aaron Malsawmdawngzuala
Room-a computer a hla ka ngaihthlak mai mai lai chuan ka nu chu a rawn lut thut a, "Lalrinawm, tawng i va hre thei love, vawi 10 chuang ka ko che." a rawn ti deuh bawrh bawrh a, ka nu tak hi chu a, "Ka lo hre hleinem, enge ni ta a?" ka ti a. Ka nu chuan, "Ruang chhar an ti leh tawh, a hming chu Sandy Lalngaihawmi an ti nih chu." a ti a, ka tho chhuak nghal a, insiam sawk sawk pah chuan, "A rei awh em? Khawi atanga i hriat nge?" tiin ka zawt a, "I phone i silent daih sia, Nathana'n a phone nasa lutuk che a ni awm e. Tinge hla ilo ngaihthlak mai mai?" a ti a, ka pheikhawk bun pah chuan, "Ka charge a, ka lo hrelo niang." ka ti a. Ka nu bawk chuan, "Khawnge i kal dawn?"a ti a, keichuan, "Stationah, kan va enfiah nghal ange." ka ti a, ka kal ta a. Station ka thlen chuan NAthana chu a lo vei kual sek tawh a, min hmu chiah chu min melhrum a, "Vawi engzat nge ka call che, la thei reng reng lo mai." tiin minlo vin hrep a. Ka phone ka en a, 20 missed calls lai alo awm a nih chu. Inthiamlo tak chuan, "Ka lo silent alawm le.." ka ti a. Nathana chuan, "Inspector pakhat leh constable tlem ka tir a, ka lo nghak deuh che a, mahse i rei lutuk a, ruang pawh mitthi chhungte in lamah an thawn daih tawh. Post mortem result pawh alo chhuak nghal, i tlai zia chu i hrethiam mai em? Ruang an hmuh atanga darkar 4 hnuah i hre ve chauh a, i rawn kal chhung nen darkar 5 vel chu i hmang anih chu.." a la ti zek zui. Keichuan, "Anih leh ka va kal dawn mi, mitthi inah chuan?" ka ti a, Nathana chuan, "Nang khan eng nge maw i va chhuichhuah ang le awww? Kan va kaldun dawnnia, mahse Police ka tirh ho kha lo haw phawt rawh se." a ti a, avan ngeiawm tak.
Sandy te in lamah chuan kan va kal ta a, an in chu Assam type a ni a, han en mai chuan an hausak vakloh hmel. Assam type inah pawh tlemin a te deuh a, an in chu a ung khup mai a, mipui tam lutu, tawt bawk si chu ka nin deuh avangin ka chhuah tir hlawm a. Nathana chuan, "Ruang awmna ah chuan ka zu kal ve teh ang keimah in." a ti a, "Ngati maw?" ka lo ti hu a. Nathana chuan, "Engmah an hmuhloh thu an sawia, engemaw tal chu finfiah tur a awm ka ring tlat, an zawng uluk vak lo pawh ani thei a, ka zu kal ve lawk, tihian lo buaipui la aw.." a ti a, a kal ta a. Sandy nu leh pate chu roomah ka ko a, tichuan Sandy Pa zawk chu zawhna ka zawt a, Sandy nu erawh thingpui a lum a...
"Ka pu, tunge i hming le?"
"Vanlalhuma ka ni e."
"In fanu thihna ah hian han rinhlel deuh te i nei em?"
"Tumah rinhlelh tur an awm ka hre lo, ka fanu hian mi pawi a sawi ka hre ngailo."
"Hmelma emaw amah hawtu a neih i hria em?"
"Nula fel tak,KTP leh YMA a inhmang em em a ni a, amah phei hi chu Bial Zaipawl ah pawh a tel a, ruihtheihthil leh zuk leh hmuam pawh a ti ngailo."
"A personal life hi i hre vek lo zawk anilo maw? Ka tih awmzia chu huat deuh a lo nei emaw, hawtu a nei reng te hi nilo maw?"
"Chu erawh ka hrelo, ka hriat chin chu ka fanu hi chuan mi pawi a sawi ka hrelo."
"Nihleh i fanu hian bialpa a nei em?"
"Aww..nei e, tun lawk pawh khan a awm ve kha, pawnah ala awm maithei."
"Tunge a hming?"
"Richard Lalmalsawma a nia, inneih lam te pawh kan sawi ve hman tawh asin."
"Anih tak chu, nihleh Sandy hi kum engzat nge?"
"Kum 25 chu a pumhlum ve tawh a."
Kan titi lai chuan Sandy nu chu roomah lo lutin thinpui no 2 a rawn chawilut a, "Hei aw, thingpui hi in phawt teh u." a rawn ti a. Sandy nu bulah chuan, "Ka pi, Sandy hian enghna nge a thawh?" ka ti a, Sandy nu chuan, "Bank ah a thawk a, kan veng SBI ah sawn." a ti a, chutia kan titi lai chuan NAthana'n min rawn phone a, "Kan inah lo phei lawk teh." a rawn tih avang chuan Sandy nu leh pate chu ka hawsan ta phawt a. Nathana te inah chuan ka thleng a, Nathana chuan a room ah min ko lut a, "Sir, thil hmuhchhuah i nei em?" ka ti a, Nathana chu a ngawi vung vung a, "Alo let leh.." a ti ringawt a. Keichuan hrethiamlo takin,"Tu maw?" ka lo ti hu a. A ding thut a, thinrim hmel zet hian, "JAMES-A...ALO LET LEH." a ti vak a. Ka la hrethiam chuanglo, "Sir, enge awmzia?" ka ti leh a, Nathana chuan, "Rinawm, i hre tawhlo mi? James-a, min kidnap tu kha, maimawm seh tir tu che kha, kan hmelmapa James-a mi fing phakar lutuk kha mawle...alo kir leh tawh." a ti a, ka hrethiam chiah. Kha misualpa James-a kha chu ka la hre reng, amah vangin ka hah zia leh na ka tawrh hnem zia kha, ka thi tep a nih kha. "Sir, mahse jail ah a tan kha.." ka ti a, Nathana chuan, "Kan man a, mahse a jail tanna kan hre hleinem. Mifing tak a ni a, a tan jail atanga tlanchhuah te chu a harlo lutuk. Atan chuan jail hi a in ang mai a ni a, police te hi a chhiahhlawh ang vel an ni." a ti a. Ka lo thinrim ve em em a, "Sir, anih chuan engtin nge James-a chu a lo kir leh tih i hriat a?" tiin ka zawt a, Nathana chuan, "Tualthahna hmun kha ka zuk kal leh a, police dang ho sawi ang ngei khan han chhui zui tur hnuhma chu ka hmu lo, mahse tualthahna atanga hla vaklo a bawlhhlawh tam tawk tak lo inpeih chuan ka mit a la tlat a, ka hai a, ka rin ang ngeiin he lehkha hi ka hmu a ni." tiin lehkha pakhat hi min pe a, ka chhiar a...
"Ka hria alawm, thian duhtak Nathan, nangchuan he lehkha hi i hmu bik dawn tih chu. Achhan chu police dang te aiin i chungnung bikin i fing bik bawka, chuvang chuan he lehkha pawh hi rinloh deuh ah ka dah nachhan. Nathan, police fing tak i ni a, a tir pawn chance ka pe che a, mahse min hnial a, ka sawisak hrep hnuah che pawh minla hnial a, kha i thianpa mawl lutuk Rinawma lah khan a rawn chhan ve khanglang che sia. Tun chiah chance ka pe ang che, i duh duh ka pe bawk ang che, pawisa i duh zah zah sawi rawh, ka pe ang che, mahse ka bulah lo kal la, min thawhpui rawh. Sum leh nula lam chu lungngai suh, thian tha tak kan nih kha, kan pahnih a kan thawkdun anih phawt chuan Mizoram hi chu kan ta ang vel aniang. Jail atanga tlanchhuah te chu ka tan chuan thil awlsam lutuk a ni tih hre ta che, chuvang chuan min beilo la, ka lamah rawn tang mai rawh. Ka thu hi i hnial leh anih chuan hetiang hian thihna a thleng zeuh zeuh ang."
Ka chhiar zo chu NAthana chu ka va en a, alo tum hmuk a, biak a huphurhawm ngei mai. Zawite hian, "Chuan....i thawhpui dawn ta em?" ka'n ti ringawt a, rum tawk hian min melh a, a kuttum chuan min tin uai a, "Ka hnek dawn che mawni le...ka duh i ring ami?" a rawn ti vin tuar a. Keichuan nui chungin, "Ka fiamthu mai mai nih kha." ka ti ringawt a, Nathana lah chu, "Ka thawhpui tak tak anga kan sawisa dun hrep mai tur che sin." tiin a la phun nuah nuah zui. Keichuan thut that sauh sauh pahin, "Anih chuan Sandy hi ama thah tihna nimaw?" ka ti a, Nathana chuan, "Um..a chiang reng alawm. Mahse Sandy ruang ah khan chuti lutukin hliam a awm hran lo a, tharum thawhna a tel lutuk lo a nih hmel." a ti a. Keichuan, "Sir, Postmortem result kha a chhuak tawh i ti tiraw?" tiin ka zawt a, Nathana chuan, "Chhuak daih tawh e." a ti a, keichuan, "Engtin nge a inziah?" ka ti leh a. Nathana chuan, "Drugs hmuh a ni, Doctor sawi dan chuan a taksa ah khan kha damdawi khan a fan chhuak vek tawh a, an pawngsual emaw, kut an thlak anih pawhin engti kawng mah in abei let thei lo ang, kha damdawi kha a chak lutuk tiin min hrilh." a ti a. Mak ti takin, "A pa kha chuan ruihtheihthil a ti ngailo a ti bawksia." ka ti a, Nathana chuan, "Tualthattu ten an pe lui pawh ani thei tho." a ti a. Rei fe kan inbiak hnu chuan NAthana chu DGP in a rawn phone a, pawnah chhuakin minute 5 vel hnuah chuan a rawn let leh a. Keichuan, "Enge a sawi a?" tiin ka lo zawt a, NAthana chu a thaw huai a, "A chanchin chu ka hre ve nual tawh, mi huaisen tak a ni." a ti ringawt a. Keichuan, "Tu chu maw?" ka ti a, Nathana chuan nui chungin, "Detective pakhat mawle....chinghnia ang mai a ni." a ti leh a, ka hrethiam hlawl lo. Nuih huk pahin, "Tu chanchin nge i sawi a?" ka ti a, NAthana chuan, "DGP in kan case a min pui tu turin mi pakhat a rawn kal tur thu a sawi a, chawlh a hman lai ani bawk a, a inhuam khawp mai tiin min hrilh a. Ahming chu Raymond Lalthazuala a ni a, Kulikawn Police hohnuai ah undercoverin a thawk mek a ni awm e." a ti a, ka la hre ngai hauh lo. Keichuan, "Engtikah nge alo kal dawn a? Chubakah puih kan ngai dawn mi?" ka ti a, Nathana chuan, "Ka hmu ve chak hrim hrim...a chanchin ka hriat ve chu a hnuchhuina lamah Burma ram thleng pawn a zuk kal tawh a ni awm e, chuan tualthahna case a ahnuchhui naah tualthattunu chu a ngaizawng der bawk tihte chu ka hre ve.." a ti a, a ho hi ka lo ti mai mai khawpah, achhan chu an sawi Raymond-a ai chuan ka finloh bikna tur hi ka hre tlat lo (ka hriat tlem em vang ani). Nathana te in atanga ka haw meuh chuan khua alo thim tawh a.
Atuk zing ah chuan Sandy te inah chuan kan kal leh a, a nu leh pate chu eng eng emaw ka'n han zawt leh a. NAthana chuan Sandy pa bulah chuan, "Ka pu, Sandy khan bialpa a nei i ti tiraw? Eng ang mizia nge?" tiin a zawt a, Sandy pa chuan, "Tlangval fel tak chu a ni....hetah pawh kan fanu hi a rawn rim fo a, zu a in ngailoh thu a sawi a, mahse meizial erawh a heh ve viau." a ti a, Sandy nu chuan lo tuihnih in, "Ka hmuhdan chuan mifel tak a ni, zan pawh a rawn leng rei ngailo. Dar 9 a pelh tawh hi chuan a haw daih zel." a lo ti ve bawk a. NAthana chuan, "Anih tak chu, nih chuan khawi vengah nge an awm a?" tiin a zawt a. Sandy Pa chuan, "Khatla ah, Capital Complex bul lawkah, an in awmna lai tak ka sawithiamlo, midang in va zawt chawp mai dawn nia in kal duh chuan.." a ti a, chuveleh NAthana chuan, "Anih chuan va len luh ve hrim hrim chu a tha a nih chu..kan kal phawt ange." tih pahin kan chhuahsan ta a. Richarda te in lam chu kan va pan ta a, Sandy pa sawi ang deuh khan mi kan zawt a, an in chu kan hmu ta, kan va leng lut a, kan nihna te leh thil awmzia vel kan sawi hnu chuan Richarda pawh chuan alo hrethiam a.
"Richard, Sandy nen hian engtia rei nge in inngaihzawn tawh?"
"Kum 2 lai chu kan ni ve tawh."
"Nihleh in inkarah hian tibuaitu che u an awm em?"
"Enge awmzia?"
"Ih..nangmah lo duh ve tu che emaw, Sandy lo duh ve tu?"
"Chutiang an awm ka hrelo."
"Anih leh James-a tih hmingpu hi i hre tawh em?"
"JAmes-a tih hmingpu chu ka thiante ah pawh an awm a...tu James-a ber nge?"
"Aaa...hmana kan misual man a ni a, a tlanchhuak a. Kan han ringhlel deuh mawle, tual cu a that ngai em lo nangin mi fing phakar tak a ni a."
"Ka pu, chupa chuan a that in tihna mi?"
"Aih..nilove, kan zawt mai mai che."
"Zawng hmu ngei ang che u, keimah ngei hian ka khawih ang."
Richarda chu a mittui a tla nghal phing mai a, a awmlo hran love, a hmangaih ber a nupui hual chu an thahsak miau sia lawm. Nathana chuan zaidam tak hian, "Kan man em em ang, mahse lo chhuak bo lo la, fimkhur ang che aw..kan haw phawt ange." a ti a, kan haw ta a. Station ah kan let a, tum tum chu NAthana Office nilovin, ka Office te ve tak leh zim ve tak maiah chuan kan thu dun a. Nathana phone chu a rawn ri a, Nathana chuan a pick up a, number hriatloh ani a. Nathana chuan phone chu a la kang lo a, loud speakera dahin dawhkanah chuan a phone chu a dah tawp a, NAthana chuan, "Hello.." a ti a, phone atang chuan James-a aw ngei mai chuan,"Hello Nathana..JAMES...JAMES-a bawk kha.." a rawn ti ta mai a, Nathana nen chuan kan inmelh dun nghal hu a. Nathana chuan, "JAmes, duhtawk rawh. Mipa diktak i nih chuan dawihzep taka biru chunga min beilo khan ka hmaah rawn inlan ta che." a ti a, James-a chu a rawn nui vak vak a, "Thilpek tha tawk mai ka nei a, i thianpa Rinawma tan khan a nia." a rawn ti a, ka hlauthawng nghal kher mai. A reh vung vung a, reilote hnuah chuan ka hlauh ang ngeiin ka pa aw tih hriat tak hian, "Bawiha, a thusawi hi awih suh aw..ka tha a nia, min ngaihtuah suh." a rawn ti ta mai a, Nathana nen chuan kan thutna atang chuan kan zuang tho rang dun ngei mai. Thinrim tak hian, "Zawnga, ka pa kha chhuah rawh, i duh chuan kei hi min man zawk ta che, ka hlau reng reng lo che." ka ti pung pung a. James-a chuan, "Shhhh...bengchheng suh, i pa hi engtin mah ka ti dawnlo, mahse nang hian ka mamawh i kawl tlat, chumi chu min pe a,ka thil duh min tih hlawhtlinsak theih chuan i pa hi chu ka chhuah ang." a rawn ti a, keichuan, "Zawngsen.." ka ti vak a, Nathana chu a thinrim tih hriat tak hian a hmai chu a sen vek a, a maimitchhing vang vang a, "James, Rinawma pa kha kal tir rawh...pawisawilo a nih kha." a ti a, James-a chuan, "Ka hria, pawisawilo a ni. Nangpawh pawi sawilo, Rinawma pawh pawisawilo..mahse ka thil duh hi a hlawhtlin hma chu he putar hi ka kaltir lovang." a rawn ti pang pang a. KEichuan, "Ka hmaah hian lo inlan ta che, mipa i ni lawmni.." ka ti tun tun a, ka thinrim em em a, ka pa ka ngaihtuah bawk si. James-a chuan, "Ka sawi tawh ha, ka thil duh chu i kawl alawm.." a la rawn ti a. NAthana chuan, "JAmes, pawisa engzat nge i duh? Ka pe ang che, mahse Rinawma pa kha kaltir hram rawh." a ti a, JAmes-a chu a nui vak vak a, "Enge maw i sawi le thianpa, pawisa neilo turah min ngai em ni? I hriat kha...smugling hi ka la bansan lo, ka la hausa lutuk. I rin phakbakin ka hausa asin. Nathan, engkim ka nei vek, in leh lo tha tak, ram tha tak tak leh pawisa tamtak ka nei a, ka duh duh chu ka ti thei. MAhse neihloh pakhat ka la nei a ni, chu chu nangmah hi a ni..." a ti a, Keichuan, "Enge i sawi awmzia?" ka lo ti a. James-a chuan, "Rinawm, i pa hi nungdama ka zuah i duh anih chuan Nathana kha min pe rawh. Ka lama tang turin nawr lui ang che, mahse i duhlo a, min beilet emaw, Nathana kha i thlem zolo a nih vaih chuan i pa hi i hmulet leh tawhlo ang." a rawn ti ta siah siah mai a, ka pa chuan ring tak hian, "Bawiha, ti miah suh, NAthan, nangpawn duh suh. Bawiha, ka fapa te pahnih in ni a, in unau khan min rawn chhanhim ngei dawn tih pawh ka hria. Ka hlau lo, ka tha ania, hemi tenawm hi rawn man ngei ang che u." a rawn ti vak vak a, chuveleh a ri chawrh a, phone chu a tawp nghal daih a. Nathana chuan rang tak hian, "Constables...he phone number hi trace nghal ang che u." a ti a, mahse keicuan, "Engmah awmzia a awm dawnlo...ahma pawn kan tih tawh kha, phone chu a paihbo zel dawn tho." ka lo ti a. Nathana chuan, "RINAWM ka tiam ache, i pa hi ka chhanchhuak ang. Chu chu i senior ka nih angin ka tiam ache." a ti a, keichuan, "Ka lawm e...mahse nangmah chauh nilovin, kan pahnihin le..ahma ang bak khan." ka ti a, tichuan hnathawk tan tur chuan kan chhuakdun nghal a.
NAthana chuan James-a phone number chu a trace ta tho a, kan trace chhuahna hmun kan thleng ta. Ka rin ang ngeiin phone chu ramhnuai tuikhur bulah alo intuam thlap mai a, "Sir, ka sawi reng kha.." ka ti a, NAthana chuan, "Keipawn ka hria alaw, phone hi tihian ahnutchhiah dawn tihte chu..mahse en ta che, phone awmna kan hre tal a, phone pawh hi kan check nghal thei ang chu." a ti a. Phone chu a lo thi daih a, NAthana chuan a en vang vang a, a chhung a hawng a, lehkha them a lo awm leh a, achhungah chuan ti hian alo inziak a..
"Tun bak chu chance a awm tawhlo ang, tun chiah chance ka pe ang che. NAthan, ka lamah i tang a nih chuan Rinawma khan a pa a hmu let leh ang. MAhse min bum tum a, ka lama tang duh niawm taka lem i chang anih chuan Rinawma pa mai nilovin, nang leh Rinawma leh Sandy chhungte zawng zawng pawn an tuar ang."
Lehkha chu ka pawtsawm vek a, ka thinrim ngang mai, ka mangang hle bawk. Nathana chuan, "Lem ka chang lo anga, a lamah pawh ka tang hek lovang. Rinawm, i pa hi engtin mah a awm lo ang." ala ti fan a, keichuan, "Sir, ka hria alawm, ka lungngai lo, i awm chhung chu..mahse ka pa kha that lo mahse, kan chhanchhuah hma hian kut an thlak nasa ngei dawn si a, chu chuan min ti mangang a ni." ka ti a. Station lamah chuan kan let leh ta phawt a, office ah chuan NAthana nen chuan inbe miahlo chuan kan thudun reng a. Cuveleh constable pakhat hi alo lut a, "Sir, tlangval pakhat alo kal a, Richard-a ka ni e a tia.." a rawn ti a, NAthana chuan "Lo luh tir rawh..." a ti a. RIcharada chu a lo lut a, a thaw hluam hluam a, NAthana chuan, "Enge ni ta a?" a ti a, Richarda chuan, "Sir, JAmes-a kha ka hre leh si.." a ti a, Nathana nen chuan kan hawi phawk nghal hru a, "ENGTIN A?" kan ti rual thawt a. Richarda bawk chuan, "Awww...ka hria alawm, Sandy khan vawikhat 'JAMES' tih hmingpu hrim hrim hi ka hua..' a ti a, chuan a hnuah pawh vawikhat a hna kal haw lam thlah ka tumin, 'ka thianpa James-a'n min thlah dawn.' a ti a, chuan a thihhma zan lawk pawh khan kan inhmu a, a phone a James-a tih inziak in a rawn call ka hmu a, mahse a reject daih a, tunge tia ka zawh lahin a sawi duh silo a." a ti a. Keichuan, "Nihleh ahmaa kan zawh che khan tinge ka hrelo i tih si a?" ka lo ti a, Richarda chuan, "Englo ania, ka rilru nat lai ni bawk nen, engmah ka lo ngaihtuah lo a, ka thiante zingah hian James-a tih hmingpu pathum lai an awm sia, anni han ringhlel dawn ila mi fel tak leh ka thiantha tak te an ni sia. MAhse in haw hnu khan ka ngaihtuah let leh vang vang a, ka hrechhuak ta a, chu James-a chu in mi sawi nen chuan a in an ka ring." a ti a. Nathana chuan, "Umm..a dik e, James-a chuan Sandy chu a that a ni. Atir khan i thinrim lutuk kan hlauh avagnin kan hrilh duhlo che a, mahse tunah chuan zep angai tawh lo. James-a hi nikum khan kan man tawh a, smugling a khawih thin a, Sandy-i pawh kha damdawiin an hrai rui hmasa a, tichuan an that ta a ni. James-a hian tunah ka junior Rinawma pa hi a kidnap mek a, achhan chu keimah hi min duh vang a ni, hnathawh pui turin." a ti a, Richarda chu a thinrim hmel em em a, "Ka pu, James-a chuan ka nupui hual a that a maw?" tiin a khur dur dur hial a. Nathana chuan, "Tunah chuan thinrim vakin awmzia a nei lo, JAmes-a chu kan chhui zel ang. Tunah chuan Rinawma pa hi kan chhanchhuah angai a, nangpawh kan mamawh dawn khawp mai che. Mahse vawiina kan thu hrilh che hi sawichhuak suh ang che" a ti a, Richarda chu a haw ta a.
Nathana nen chuan theihtawp chhuahin kan han chhui leh a, mahse engvak kan ang thei lo. Thingpui dawra kan chawlhdun lai chuan NAthana chuan, "Rinawm, Sandy kha SBI bank ah a thawk an ti a, an bank manager pawh kan va la hmulo a, thu zawh chian te pawh an ngai ve ang chu tiraw?" a ti a, keichuan, "Nia, i sawi takah chuan a tha khawp ang. A tir khan ka pa vangin ka rilru a hah em a, engmah ka lo hre lo a ni." ka ti a. NAthana chuan, "Nihleh i pa chungchang hi i nu hian a hre tawh em?" a ti a, keichuan, "Aih..engmah ka hrilh duhlo, mahse kan chhuichhuah hmaa a hriat ka hlau khawp mai." ka lo ti a. NAthana chuan zawi sap hian, "A hre hmanlo ang, kan theihtawp kan chhuah mek alawm, kan man em em ang." a ti a. Thinpui chu kan in zo ta a, SBI Bank lam chu kan va pan ta a. An bank manager chu ko nghalin thu kan zawt ve ta a, Nathana chuan a zawt a...
"Ka pu, i hriat ang khan in staff zinga mi Sandy Lalngaihawmi kha a boral a nih kha..chumi thil ah chuan thu zawhfiah che kan duh a."
"Anih chu mawle, nia...hmeichhe fel tak a ni asin. Ka staff te zingah pawh ka chhuanvawr ber a nia, ka ui takzet a ni."
"Anih leh ka pu, a hnathawh lai vel hian tunhnaiah, athih hma deuh vel khan rilru hah hmel deuh ten a awm em, danglamna te a nei em?"
"Aneih awm ka hre ngailo, pangngai deuh hian a hna hi tlin takin a thawk a, rilru hah hmel a pu ngailo."
"Hmelma a neih awm i hria em?"
"Aaaa..a personal life tak hi ka hre lo, heta a hnathawh hnu atanga ka hriat ve chauh a nia."
"Nihleh i staff te zingah hian huat deuh emaw, hawtu aneih awm i hria em?"
"Nei lo ang, chutiang ka hrelo. Sawi tawh ang khan hmeichhe fel tak ania, tupawh mai hian an ngaina em em vek alawm."
"awle....kan lo leng leh dawnnia, ihun min pek avangin kan lawm e."
"EEeeee..kei pawh le, in duh hun hunah inlo kal leh dawnnia."
Bank chu kan chhuahsan a, NAthana nen chuan kan beidawng ta hle mai. James-a awmna tak kan hre thei silo, mahse ani chuan a duh duh hunah phone hmangin min rawn vau reng bawk si, ka pa nunna chuan a tuar mai ang tih ka hlau em em a. Nathana nen chuan ngui takin Office ah chuan kan thu dun a, NAthana chuan, "I pa kha Champhaiah a awm a nilawmni?" a ti a, keichuan zawi te hian, "Nia, a rawn haw leh zawk a, chuan ni 1 chiah hetah a awm a, ahmaa BIRIYANI vanga kan mualphona avanga a rawn haw zuai khan, a lehkha pawimawh a rawn hawn tel a, tichuan a kal leh khan lehkha pawimawh thenkhat a ken theihnghilh a. Ni 3 vel hnuah a rawn haw leh zuai a, a lehkha pawimawh chu a rawn lam a, hmanni khan a kal leh chiah a, a kalkawngah an lo man a ni ngei ang. A rawn phone lohna arei tawh ka ti reng a ni, a pawi khawp mai." ka ti a, NAthana chuan a lu a bu nghauh nghauh a, "Anih chuan a hma daih tawh khan alo zui ru tawh che tihna a nih chu..in chhungkua in a thlthlai ru reng che u tihna nih chu." a ti a, keichuan mak ti tak hian, "Enge min zuiruk na?" ka lo ti hu a. Nathana chuan, "Ngaihtuah la, i pa lo haw te, akal leh hun te a hre thlap a. I pa kidnap tur khan i pa chu a chang reng tihna nih chu. Nilo se engtin nge i pa chu a man theih ang, in inah pawh a rawn kal lo a, i pa zin kalkawng pawh chu engtin nge alo dan tihte pawh ngaihtuah la...a hun takah alo chang a, alo kidnap ta a ni. Mahse i pa kha Champhaiah chuan engin nge a kal a?" a ti a, keichuan, "Ama motorin.." ka ti a, NAthana chuan, "Private a amaha kal anih vangin kidnap chu James-a tan chuan a awlsam zual dawn nih chu." a lo ti ve bawk a, chutia kan ti ti hrep hnuah chuan kan haw ve ta a. Inlamah ka nu lah chuan, "Tinge maw i pa hi a biak tlang theih reng reng loh mai le?" a lo ti chhen bawk si a, thudik ka hrilh ngam silo, a chang leh dawt te sawiin, "A phone a chhia a, nimin khan a thianpa phone in min rawn bia a, i nu kha min lo hrethiam rawh se.." te a rawn tia lawm," tiin ka nu chu ka thlamuan ta ringawt a.
A tukah chuan ka duty tur ka kal lam chu ka bike chu ka khalh muang deuh a, ka hnungah chuan Scorpio dum pahnih hi inzawn chiah chiah in an rawn tlan a, engah vak ka ngai lo. Mahse an rawn tlan chak tialtial a, ka zawn an rawn thlen chuan ka speed ang chiah hian an rawn tlan a, ka va hawiphei a, tukverh chu a inkhar tlat avang chuan tumah ka hmu theilo. Ka ngaih a tha ta hauh lo mai a, ka tlan chak thut a, chuveleh chak em em hian min rawn um a, min rawn su thawi ta fuak fuak mai a, "Hey...enge in hriat a?" tiin ka au vak vak a, a tawpah chuan min umpha ta, na tak hian min su a, ka balance a buai a, ka thal twap mai a, kawnpuiah chuan ka let tawp a, ka bike chu a thlawk lawp a, kei chu lamlianah chuan ka lum phei tawp tawp a, ka ban leh ka kiu vel chu a kak duai mai, ana takzet. Ka tho dawn a, ka khup chu ka sawhna deuh aniang, ka tho thei lo. Motor pahnih chu a ding a, a chhung atang chuan palian puipui 10 vel an rawn chhuak a, min rawn chhuih rawn hrep hlawm a, a na duh kher mai. An zinga pakhat chuan zo tak hian min pawm lawp a, motor ah chuan min theh lut pawp a, ka nat em avang chuan ka beilet theilo. Min phuar bet a, ka hmui nen, ka che theiloa, ka tawngchhuak thei lo. Chuveleh hmun pakhatah min hruai a, field zau tak vaivut khu luih luih hmun a lo ni a. Min phuarna chu an phelh a, chu palian puipui 10 rual chuan min sawisak rawn hrep hrep hlawm mai a, theihtawp chuan ka beilet a, mahse ka hneh ngang lo, ka taksa pilh leh ka khup ruh chu a na em a tin ni. Leiah chuan na ka ti lutuk chu ka vial ngawng ngawng a, chutah car nalh tak hi a rawn tlan phei a, car chhung atang chuan kha mi tenawm James-a ngei kha a rawn chhuak ta. Thei leh theilovin ka tho a, va hnek ka tum a, mahse midang chuan minlo man beta, JAmes-a chuan ka hmaiah tak na em em hian min rawn hnek siah mai a, ka hai mup a, ka thla tawp a. Ka ka atang chuan thisen a lo chhuak a, ka tho leh a,min hnek thal leh pawp a. James-a chuan, "Ka sawi tawh kha, min chhui tawh suh ka tih kha. Tun chiah chance ka pe leh ang che. I pa i hmangaih anih chuan NAthana saw min pe la, i pa ka chhuah ang, tunah hian chuan nang pawh ka chhuah ang che." a ti a, chhuata ka bawh pah chuan an hmuhlo tur hian ka phone chu phawrhin GPS hmangin ka location chu NAthana ka va thawn a, tichuan ka phone chu ka ak leh a. James-a chu ka bulah chuan lo kalin a rawn kun hniam a, "Chuan..enge i thuthlukna, min pui dawn nge dawnlo...NAthana chu ka bulah lo kal turin thlem la, chuan nangpawn pawisa i hmu ang." a ti a, mahse ka luhlul ka chhuah a, thaw hrawk hrawk pah chuan ka pum na lutuk dawm chungin ka ka chhunga thisen chu JAmes-a kekawr var nalh takah chuan ka chhak berh luai a, "Thil theihloh tawp anih chu James bawihte.." ka ti deuh ngat a. James-a chuan thinrim takin, "Engmaw i sawi a?" a ti khur khur a, keichuan vin zet hian, "I beng a ngawng em ni a? Thil theihloh a ni ka tih chu.." ka ti vak a, JAmes-a chu a tho thut a, ka hmaiah chuan min chhui pawp a, ka vir nawk mai, ka lu a hai takzet. James-a chuan, "NAute u...that suh u, mahse sawisa hrep ru.." tih pahin car ah chuan a lut a, a tlan ta daih a. Chung palian pui pui 10 te chuan min han chhui leh vak vak hlawm a, mahse ka bulah an zinga mi thihnuanga rawn let thal tawp ka hmu a, midang ho pawh chuan min chhui talo a, an rawn thla tawp tawp hlawm a, ka han tho chhuak chiah chu NAthana chuan baseball bat hian alo hlap chawrh chawrh hlawm a. Min rawn kai tho a, "Khawnge JAmes-a?" a ti a, keichuan, "A kal bo hman." ka ti a, kan inbiak hlan chuan min sawisa tute chu an lo tlanchhe hman vek a, mahse umzui lemlo chuan rang takin Nathana chuan min hawpui ta zawk a.
Hospitalah min hruai a, ka pemah te chuan damdawi kan hnawih a, ava thip chiang. Ka ban pawh chu a lo kak zau deuh a, thui alo ngai hial a, mahse ka ui ber chu ka bike kha a ni, mahse ka tan ngaihtuah a hun lo. Hospital atanga kan haw lam chu Bank MAnager kha kan hmu a, kawngsir ah mipakhat sambuk deuh nen hian anlo inbia a, suitcase an inpe a, chu sambuk pa chu a kalsawn a. Kan va pan hnai a, MAnagerin min hmuh chuan a phu zuk a, keichuan, "Ka pu, enge hetah i tih a, i dam amaw?" ka ti a, MAnager chuan, "Aaa..ihh aw, nia dam alawm." a ti bah deuh nuai a, a hlauhthawn hmel em em lehnghal. NAthana chuan ngawi rengin Manager chu a en reng a, chu Manager lah chu a thlan bawrh bawh a. Keichuan, "Kha suitcase chhungah khan enge awma?" ka ti a, MAnager chuan suitcase chu akuah nghal a, "Ihh..thawhnaw..ah..nilo file..file...file pawimawh, ka kal ange." a ti a, motorah chuan alut a akal ta daih a. NAthana chuan, "Rina, a motor number sawn chhinchhiah teh, ka ringhlel tlat." a ti a, kan hnung atang chuan hmeichhe aw hian, "In ring dik.." a rawn ti a, Nathana nen chuan kan hawi rual nghal a. Hmeichhe te lam, thau lampang hmel chhe lutuklo hi alo ding a. NAthana chuan, "Eng maaw dik?" a ti a, chunu chuan, "Sir ka hming chu Estheri ani a, sawpa hnuaiah sawn ka thawk mek. Sandy nen hian thian kan ni a, mahse Sandy hian rilru hahna a nei a, chu chu kan Manager hian abeisei thin a ni. Chuan kan MAnager hian athianpa James-a tih hmingpu chu Sandy hian a duh thung, ka hriatna chhan pawh Sandy hian vawikhat, 'Sir Hmingmawia hian min beisei tih chu ka hria,mahse a thianpa James-a a tih chhen hi ka duhzawk a, mahse pasal hual ka nei bawk sia...ka awmdan an ti diklo vek...' te hi a tia, SAndy rilru hi an tibuai vek a ni. Chuan ka sawichhuak ngam ngailo a, mahse tunah chuan ka sawi ang. Kan Manager Lalhmingmawia sawn Sandy thih zan khan Sandy hi a thlah a ni." a ti ta mai a. Eng sawi sek sek lo chuan Manager chu kan zui ru ta a, Estheri pawh chu kan kalsan daih a.
Reiloteah Manager motor chu kan hmu thuai a, hmun pakhat fianrial tak mai kawngah a tlan ta daih a, open garage zau tak ang mai hian motor chhia tam tawk hi alo awm thluah mai. A ding a, a motor atang chuan a chhuak a, hawi kual zuk zuk in suitcase chu khaiin a kal a, keini pawh chuan kan zui ru zel a, mahse motor phenah chuan a bo ta daih mai a. KAn zawngkual hrep a, chutia kan zawn lai chuan hnunglam atangin a suitcase chuan a luah a rawn hlap pawp a, ka thal tawp a, NAthana chu a vaw hman lo, atlan chhia a, Nathana chuan a um a, keipawh chu tho vatin ka um ve nghal a. Motor lam chu panin MAnager chu a tlan a, motor ah chuan a lut hman a, keini chuan kan umphak ta lo. Mahse motor atang chuan motor kawngkhar bal hawk khawpin a rawn thlawk chhuak a, a suicase khai lai chu thlauh hawngin a chhung atang chuan pawisa tam em em mai hi a rawn tla chhuak a, chu pawisa te chu thli thaw chuan a chhem darh a, a leng chuai chuai mai. Manager chu ka ke bul takah a rawn tla thum dum maia, nikhawhrelovin a awm nghal. Motor lam chu kan va en leh a, muang changin pawisa leng nuai nuai karah chuan tlangval hmeltha veng vawng, fresh tak mai, ft 5'7 vela sang, T-Shirt var leh jeans navy blue ha, sneaker var nalh tak bun hi a rawn chhuak a. Nathana lam chu a rawn pan a, chupa chuan a kut rawn lek kangin, "Deputy Commisioner of Police, Nathan Malsawmkima, ka hmu che chu ka va lawm em...chibai." a rawn ti a, a nui suka. Nathana chuan nuihletin, "Ka hria che, Detective Raymond Lalthazuala..ilo thleng ta maw..chibai le." tih pah chuan a chibai a. Raymonda chuan a sunglass vuah lai chu la thla in a mitmeng chinghnia ang maia hring nghul mai chuan Nathana chu a en a, "JAMES-a chu kan chhuizui dawn em ni ang?" a ti a, a nui deuh sang a, keichuan an pahnih chuan kilkhat atang chuan ka lo en reng a.
To be continue...
NATHAN MEETS RAYMOND
Written by : Aaron Malsawmdawngzuala
Room-a computer a hla ka ngaihthlak mai mai lai chuan ka nu chu a rawn lut thut a, "Lalrinawm, tawng i va hre thei love, vawi 10 chuang ka ko che." a rawn ti deuh bawrh bawrh a, ka nu tak hi chu a, "Ka lo hre hleinem, enge ni ta a?" ka ti a. Ka nu chuan, "Ruang chhar an ti leh tawh, a hming chu Sandy Lalngaihawmi an ti nih chu." a ti a, ka tho chhuak nghal a, insiam sawk sawk pah chuan, "A rei awh em? Khawi atanga i hriat nge?" tiin ka zawt a, "I phone i silent daih sia, Nathana'n a phone nasa lutuk che a ni awm e. Tinge hla ilo ngaihthlak mai mai?" a ti a, ka pheikhawk bun pah chuan, "Ka charge a, ka lo hrelo niang." ka ti a. Ka nu bawk chuan, "Khawnge i kal dawn?"a ti a, keichuan, "Stationah, kan va enfiah nghal ange." ka ti a, ka kal ta a. Station ka thlen chuan NAthana chu a lo vei kual sek tawh a, min hmu chiah chu min melhrum a, "Vawi engzat nge ka call che, la thei reng reng lo mai." tiin minlo vin hrep a. Ka phone ka en a, 20 missed calls lai alo awm a nih chu. Inthiamlo tak chuan, "Ka lo silent alawm le.." ka ti a. Nathana chuan, "Inspector pakhat leh constable tlem ka tir a, ka lo nghak deuh che a, mahse i rei lutuk a, ruang pawh mitthi chhungte in lamah an thawn daih tawh. Post mortem result pawh alo chhuak nghal, i tlai zia chu i hrethiam mai em? Ruang an hmuh atanga darkar 4 hnuah i hre ve chauh a, i rawn kal chhung nen darkar 5 vel chu i hmang anih chu.." a la ti zek zui. Keichuan, "Anih leh ka va kal dawn mi, mitthi inah chuan?" ka ti a, Nathana chuan, "Nang khan eng nge maw i va chhuichhuah ang le awww? Kan va kaldun dawnnia, mahse Police ka tirh ho kha lo haw phawt rawh se." a ti a, avan ngeiawm tak.
Sandy te in lamah chuan kan va kal ta a, an in chu Assam type a ni a, han en mai chuan an hausak vakloh hmel. Assam type inah pawh tlemin a te deuh a, an in chu a ung khup mai a, mipui tam lutu, tawt bawk si chu ka nin deuh avangin ka chhuah tir hlawm a. Nathana chuan, "Ruang awmna ah chuan ka zu kal ve teh ang keimah in." a ti a, "Ngati maw?" ka lo ti hu a. Nathana chuan, "Engmah an hmuhloh thu an sawia, engemaw tal chu finfiah tur a awm ka ring tlat, an zawng uluk vak lo pawh ani thei a, ka zu kal ve lawk, tihian lo buaipui la aw.." a ti a, a kal ta a. Sandy nu leh pate chu roomah ka ko a, tichuan Sandy Pa zawk chu zawhna ka zawt a, Sandy nu erawh thingpui a lum a...
"Ka pu, tunge i hming le?"
"Vanlalhuma ka ni e."
"In fanu thihna ah hian han rinhlel deuh te i nei em?"
"Tumah rinhlelh tur an awm ka hre lo, ka fanu hian mi pawi a sawi ka hre ngailo."
"Hmelma emaw amah hawtu a neih i hria em?"
"Nula fel tak,KTP leh YMA a inhmang em em a ni a, amah phei hi chu Bial Zaipawl ah pawh a tel a, ruihtheihthil leh zuk leh hmuam pawh a ti ngailo."
"A personal life hi i hre vek lo zawk anilo maw? Ka tih awmzia chu huat deuh a lo nei emaw, hawtu a nei reng te hi nilo maw?"
"Chu erawh ka hrelo, ka hriat chin chu ka fanu hi chuan mi pawi a sawi ka hrelo."
"Nihleh i fanu hian bialpa a nei em?"
"Aww..nei e, tun lawk pawh khan a awm ve kha, pawnah ala awm maithei."
"Tunge a hming?"
"Richard Lalmalsawma a nia, inneih lam te pawh kan sawi ve hman tawh asin."
"Anih tak chu, nihleh Sandy hi kum engzat nge?"
"Kum 25 chu a pumhlum ve tawh a."
Kan titi lai chuan Sandy nu chu roomah lo lutin thinpui no 2 a rawn chawilut a, "Hei aw, thingpui hi in phawt teh u." a rawn ti a. Sandy nu bulah chuan, "Ka pi, Sandy hian enghna nge a thawh?" ka ti a, Sandy nu chuan, "Bank ah a thawk a, kan veng SBI ah sawn." a ti a, chutia kan titi lai chuan NAthana'n min rawn phone a, "Kan inah lo phei lawk teh." a rawn tih avang chuan Sandy nu leh pate chu ka hawsan ta phawt a. Nathana te inah chuan ka thleng a, Nathana chuan a room ah min ko lut a, "Sir, thil hmuhchhuah i nei em?" ka ti a, Nathana chu a ngawi vung vung a, "Alo let leh.." a ti ringawt a. Keichuan hrethiamlo takin,"Tu maw?" ka lo ti hu a. A ding thut a, thinrim hmel zet hian, "JAMES-A...ALO LET LEH." a ti vak a. Ka la hrethiam chuanglo, "Sir, enge awmzia?" ka ti leh a, Nathana chuan, "Rinawm, i hre tawhlo mi? James-a, min kidnap tu kha, maimawm seh tir tu che kha, kan hmelmapa James-a mi fing phakar lutuk kha mawle...alo kir leh tawh." a ti a, ka hrethiam chiah. Kha misualpa James-a kha chu ka la hre reng, amah vangin ka hah zia leh na ka tawrh hnem zia kha, ka thi tep a nih kha. "Sir, mahse jail ah a tan kha.." ka ti a, Nathana chuan, "Kan man a, mahse a jail tanna kan hre hleinem. Mifing tak a ni a, a tan jail atanga tlanchhuah te chu a harlo lutuk. Atan chuan jail hi a in ang mai a ni a, police te hi a chhiahhlawh ang vel an ni." a ti a. Ka lo thinrim ve em em a, "Sir, anih chuan engtin nge James-a chu a lo kir leh tih i hriat a?" tiin ka zawt a, Nathana chuan, "Tualthahna hmun kha ka zuk kal leh a, police dang ho sawi ang ngei khan han chhui zui tur hnuhma chu ka hmu lo, mahse tualthahna atanga hla vaklo a bawlhhlawh tam tawk tak lo inpeih chuan ka mit a la tlat a, ka hai a, ka rin ang ngeiin he lehkha hi ka hmu a ni." tiin lehkha pakhat hi min pe a, ka chhiar a...
"Ka hria alawm, thian duhtak Nathan, nangchuan he lehkha hi i hmu bik dawn tih chu. Achhan chu police dang te aiin i chungnung bikin i fing bik bawka, chuvang chuan he lehkha pawh hi rinloh deuh ah ka dah nachhan. Nathan, police fing tak i ni a, a tir pawn chance ka pe che a, mahse min hnial a, ka sawisak hrep hnuah che pawh minla hnial a, kha i thianpa mawl lutuk Rinawma lah khan a rawn chhan ve khanglang che sia. Tun chiah chance ka pe ang che, i duh duh ka pe bawk ang che, pawisa i duh zah zah sawi rawh, ka pe ang che, mahse ka bulah lo kal la, min thawhpui rawh. Sum leh nula lam chu lungngai suh, thian tha tak kan nih kha, kan pahnih a kan thawkdun anih phawt chuan Mizoram hi chu kan ta ang vel aniang. Jail atanga tlanchhuah te chu ka tan chuan thil awlsam lutuk a ni tih hre ta che, chuvang chuan min beilo la, ka lamah rawn tang mai rawh. Ka thu hi i hnial leh anih chuan hetiang hian thihna a thleng zeuh zeuh ang."
Ka chhiar zo chu NAthana chu ka va en a, alo tum hmuk a, biak a huphurhawm ngei mai. Zawite hian, "Chuan....i thawhpui dawn ta em?" ka'n ti ringawt a, rum tawk hian min melh a, a kuttum chuan min tin uai a, "Ka hnek dawn che mawni le...ka duh i ring ami?" a rawn ti vin tuar a. Keichuan nui chungin, "Ka fiamthu mai mai nih kha." ka ti ringawt a, Nathana lah chu, "Ka thawhpui tak tak anga kan sawisa dun hrep mai tur che sin." tiin a la phun nuah nuah zui. Keichuan thut that sauh sauh pahin, "Anih chuan Sandy hi ama thah tihna nimaw?" ka ti a, Nathana chuan, "Um..a chiang reng alawm. Mahse Sandy ruang ah khan chuti lutukin hliam a awm hran lo a, tharum thawhna a tel lutuk lo a nih hmel." a ti a. Keichuan, "Sir, Postmortem result kha a chhuak tawh i ti tiraw?" tiin ka zawt a, Nathana chuan, "Chhuak daih tawh e." a ti a, keichuan, "Engtin nge a inziah?" ka ti leh a. Nathana chuan, "Drugs hmuh a ni, Doctor sawi dan chuan a taksa ah khan kha damdawi khan a fan chhuak vek tawh a, an pawngsual emaw, kut an thlak anih pawhin engti kawng mah in abei let thei lo ang, kha damdawi kha a chak lutuk tiin min hrilh." a ti a. Mak ti takin, "A pa kha chuan ruihtheihthil a ti ngailo a ti bawksia." ka ti a, Nathana chuan, "Tualthattu ten an pe lui pawh ani thei tho." a ti a. Rei fe kan inbiak hnu chuan NAthana chu DGP in a rawn phone a, pawnah chhuakin minute 5 vel hnuah chuan a rawn let leh a. Keichuan, "Enge a sawi a?" tiin ka lo zawt a, NAthana chu a thaw huai a, "A chanchin chu ka hre ve nual tawh, mi huaisen tak a ni." a ti ringawt a. Keichuan, "Tu chu maw?" ka ti a, Nathana chuan nui chungin, "Detective pakhat mawle....chinghnia ang mai a ni." a ti leh a, ka hrethiam hlawl lo. Nuih huk pahin, "Tu chanchin nge i sawi a?" ka ti a, NAthana chuan, "DGP in kan case a min pui tu turin mi pakhat a rawn kal tur thu a sawi a, chawlh a hman lai ani bawk a, a inhuam khawp mai tiin min hrilh a. Ahming chu Raymond Lalthazuala a ni a, Kulikawn Police hohnuai ah undercoverin a thawk mek a ni awm e." a ti a, ka la hre ngai hauh lo. Keichuan, "Engtikah nge alo kal dawn a? Chubakah puih kan ngai dawn mi?" ka ti a, Nathana chuan, "Ka hmu ve chak hrim hrim...a chanchin ka hriat ve chu a hnuchhuina lamah Burma ram thleng pawn a zuk kal tawh a ni awm e, chuan tualthahna case a ahnuchhui naah tualthattunu chu a ngaizawng der bawk tihte chu ka hre ve.." a ti a, a ho hi ka lo ti mai mai khawpah, achhan chu an sawi Raymond-a ai chuan ka finloh bikna tur hi ka hre tlat lo (ka hriat tlem em vang ani). Nathana te in atanga ka haw meuh chuan khua alo thim tawh a.
Atuk zing ah chuan Sandy te inah chuan kan kal leh a, a nu leh pate chu eng eng emaw ka'n han zawt leh a. NAthana chuan Sandy pa bulah chuan, "Ka pu, Sandy khan bialpa a nei i ti tiraw? Eng ang mizia nge?" tiin a zawt a, Sandy pa chuan, "Tlangval fel tak chu a ni....hetah pawh kan fanu hi a rawn rim fo a, zu a in ngailoh thu a sawi a, mahse meizial erawh a heh ve viau." a ti a, Sandy nu chuan lo tuihnih in, "Ka hmuhdan chuan mifel tak a ni, zan pawh a rawn leng rei ngailo. Dar 9 a pelh tawh hi chuan a haw daih zel." a lo ti ve bawk a. NAthana chuan, "Anih tak chu, nih chuan khawi vengah nge an awm a?" tiin a zawt a. Sandy Pa chuan, "Khatla ah, Capital Complex bul lawkah, an in awmna lai tak ka sawithiamlo, midang in va zawt chawp mai dawn nia in kal duh chuan.." a ti a, chuveleh NAthana chuan, "Anih chuan va len luh ve hrim hrim chu a tha a nih chu..kan kal phawt ange." tih pahin kan chhuahsan ta a. Richarda te in lam chu kan va pan ta a, Sandy pa sawi ang deuh khan mi kan zawt a, an in chu kan hmu ta, kan va leng lut a, kan nihna te leh thil awmzia vel kan sawi hnu chuan Richarda pawh chuan alo hrethiam a.
"Richard, Sandy nen hian engtia rei nge in inngaihzawn tawh?"
"Kum 2 lai chu kan ni ve tawh."
"Nihleh in inkarah hian tibuaitu che u an awm em?"
"Enge awmzia?"
"Ih..nangmah lo duh ve tu che emaw, Sandy lo duh ve tu?"
"Chutiang an awm ka hrelo."
"Anih leh James-a tih hmingpu hi i hre tawh em?"
"JAmes-a tih hmingpu chu ka thiante ah pawh an awm a...tu James-a ber nge?"
"Aaa...hmana kan misual man a ni a, a tlanchhuak a. Kan han ringhlel deuh mawle, tual cu a that ngai em lo nangin mi fing phakar tak a ni a."
"Ka pu, chupa chuan a that in tihna mi?"
"Aih..nilove, kan zawt mai mai che."
"Zawng hmu ngei ang che u, keimah ngei hian ka khawih ang."
Richarda chu a mittui a tla nghal phing mai a, a awmlo hran love, a hmangaih ber a nupui hual chu an thahsak miau sia lawm. Nathana chuan zaidam tak hian, "Kan man em em ang, mahse lo chhuak bo lo la, fimkhur ang che aw..kan haw phawt ange." a ti a, kan haw ta a. Station ah kan let a, tum tum chu NAthana Office nilovin, ka Office te ve tak leh zim ve tak maiah chuan kan thu dun a. Nathana phone chu a rawn ri a, Nathana chuan a pick up a, number hriatloh ani a. Nathana chuan phone chu a la kang lo a, loud speakera dahin dawhkanah chuan a phone chu a dah tawp a, NAthana chuan, "Hello.." a ti a, phone atang chuan James-a aw ngei mai chuan,"Hello Nathana..JAMES...JAMES-a bawk kha.." a rawn ti ta mai a, Nathana nen chuan kan inmelh dun nghal hu a. Nathana chuan, "JAmes, duhtawk rawh. Mipa diktak i nih chuan dawihzep taka biru chunga min beilo khan ka hmaah rawn inlan ta che." a ti a, James-a chu a rawn nui vak vak a, "Thilpek tha tawk mai ka nei a, i thianpa Rinawma tan khan a nia." a rawn ti a, ka hlauthawng nghal kher mai. A reh vung vung a, reilote hnuah chuan ka hlauh ang ngeiin ka pa aw tih hriat tak hian, "Bawiha, a thusawi hi awih suh aw..ka tha a nia, min ngaihtuah suh." a rawn ti ta mai a, Nathana nen chuan kan thutna atang chuan kan zuang tho rang dun ngei mai. Thinrim tak hian, "Zawnga, ka pa kha chhuah rawh, i duh chuan kei hi min man zawk ta che, ka hlau reng reng lo che." ka ti pung pung a. James-a chuan, "Shhhh...bengchheng suh, i pa hi engtin mah ka ti dawnlo, mahse nang hian ka mamawh i kawl tlat, chumi chu min pe a,ka thil duh min tih hlawhtlinsak theih chuan i pa hi chu ka chhuah ang." a rawn ti a, keichuan, "Zawngsen.." ka ti vak a, Nathana chu a thinrim tih hriat tak hian a hmai chu a sen vek a, a maimitchhing vang vang a, "James, Rinawma pa kha kal tir rawh...pawisawilo a nih kha." a ti a, James-a chuan, "Ka hria, pawisawilo a ni. Nangpawh pawi sawilo, Rinawma pawh pawisawilo..mahse ka thil duh hi a hlawhtlin hma chu he putar hi ka kaltir lovang." a rawn ti pang pang a. KEichuan, "Ka hmaah hian lo inlan ta che, mipa i ni lawmni.." ka ti tun tun a, ka thinrim em em a, ka pa ka ngaihtuah bawk si. James-a chuan, "Ka sawi tawh ha, ka thil duh chu i kawl alawm.." a la rawn ti a. NAthana chuan, "JAmes, pawisa engzat nge i duh? Ka pe ang che, mahse Rinawma pa kha kaltir hram rawh." a ti a, JAmes-a chu a nui vak vak a, "Enge maw i sawi le thianpa, pawisa neilo turah min ngai em ni? I hriat kha...smugling hi ka la bansan lo, ka la hausa lutuk. I rin phakbakin ka hausa asin. Nathan, engkim ka nei vek, in leh lo tha tak, ram tha tak tak leh pawisa tamtak ka nei a, ka duh duh chu ka ti thei. MAhse neihloh pakhat ka la nei a ni, chu chu nangmah hi a ni..." a ti a, Keichuan, "Enge i sawi awmzia?" ka lo ti a. James-a chuan, "Rinawm, i pa hi nungdama ka zuah i duh anih chuan Nathana kha min pe rawh. Ka lama tang turin nawr lui ang che, mahse i duhlo a, min beilet emaw, Nathana kha i thlem zolo a nih vaih chuan i pa hi i hmulet leh tawhlo ang." a rawn ti ta siah siah mai a, ka pa chuan ring tak hian, "Bawiha, ti miah suh, NAthan, nangpawn duh suh. Bawiha, ka fapa te pahnih in ni a, in unau khan min rawn chhanhim ngei dawn tih pawh ka hria. Ka hlau lo, ka tha ania, hemi tenawm hi rawn man ngei ang che u." a rawn ti vak vak a, chuveleh a ri chawrh a, phone chu a tawp nghal daih a. Nathana chuan rang tak hian, "Constables...he phone number hi trace nghal ang che u." a ti a, mahse keicuan, "Engmah awmzia a awm dawnlo...ahma pawn kan tih tawh kha, phone chu a paihbo zel dawn tho." ka lo ti a. Nathana chuan, "RINAWM ka tiam ache, i pa hi ka chhanchhuak ang. Chu chu i senior ka nih angin ka tiam ache." a ti a, keichuan, "Ka lawm e...mahse nangmah chauh nilovin, kan pahnihin le..ahma ang bak khan." ka ti a, tichuan hnathawk tan tur chuan kan chhuakdun nghal a.
NAthana chuan James-a phone number chu a trace ta tho a, kan trace chhuahna hmun kan thleng ta. Ka rin ang ngeiin phone chu ramhnuai tuikhur bulah alo intuam thlap mai a, "Sir, ka sawi reng kha.." ka ti a, NAthana chuan, "Keipawn ka hria alaw, phone hi tihian ahnutchhiah dawn tihte chu..mahse en ta che, phone awmna kan hre tal a, phone pawh hi kan check nghal thei ang chu." a ti a. Phone chu a lo thi daih a, NAthana chuan a en vang vang a, a chhung a hawng a, lehkha them a lo awm leh a, achhungah chuan ti hian alo inziak a..
"Tun bak chu chance a awm tawhlo ang, tun chiah chance ka pe ang che. NAthan, ka lamah i tang a nih chuan Rinawma khan a pa a hmu let leh ang. MAhse min bum tum a, ka lama tang duh niawm taka lem i chang anih chuan Rinawma pa mai nilovin, nang leh Rinawma leh Sandy chhungte zawng zawng pawn an tuar ang."
Lehkha chu ka pawtsawm vek a, ka thinrim ngang mai, ka mangang hle bawk. Nathana chuan, "Lem ka chang lo anga, a lamah pawh ka tang hek lovang. Rinawm, i pa hi engtin mah a awm lo ang." ala ti fan a, keichuan, "Sir, ka hria alawm, ka lungngai lo, i awm chhung chu..mahse ka pa kha that lo mahse, kan chhanchhuah hma hian kut an thlak nasa ngei dawn si a, chu chuan min ti mangang a ni." ka ti a. Station lamah chuan kan let leh ta phawt a, office ah chuan NAthana nen chuan inbe miahlo chuan kan thudun reng a. Cuveleh constable pakhat hi alo lut a, "Sir, tlangval pakhat alo kal a, Richard-a ka ni e a tia.." a rawn ti a, NAthana chuan "Lo luh tir rawh..." a ti a. RIcharada chu a lo lut a, a thaw hluam hluam a, NAthana chuan, "Enge ni ta a?" a ti a, Richarda chuan, "Sir, JAmes-a kha ka hre leh si.." a ti a, Nathana nen chuan kan hawi phawk nghal hru a, "ENGTIN A?" kan ti rual thawt a. Richarda bawk chuan, "Awww...ka hria alawm, Sandy khan vawikhat 'JAMES' tih hmingpu hrim hrim hi ka hua..' a ti a, chuan a hnuah pawh vawikhat a hna kal haw lam thlah ka tumin, 'ka thianpa James-a'n min thlah dawn.' a ti a, chuan a thihhma zan lawk pawh khan kan inhmu a, a phone a James-a tih inziak in a rawn call ka hmu a, mahse a reject daih a, tunge tia ka zawh lahin a sawi duh silo a." a ti a. Keichuan, "Nihleh ahmaa kan zawh che khan tinge ka hrelo i tih si a?" ka lo ti a, Richarda chuan, "Englo ania, ka rilru nat lai ni bawk nen, engmah ka lo ngaihtuah lo a, ka thiante zingah hian James-a tih hmingpu pathum lai an awm sia, anni han ringhlel dawn ila mi fel tak leh ka thiantha tak te an ni sia. MAhse in haw hnu khan ka ngaihtuah let leh vang vang a, ka hrechhuak ta a, chu James-a chu in mi sawi nen chuan a in an ka ring." a ti a. Nathana chuan, "Umm..a dik e, James-a chuan Sandy chu a that a ni. Atir khan i thinrim lutuk kan hlauh avagnin kan hrilh duhlo che a, mahse tunah chuan zep angai tawh lo. James-a hi nikum khan kan man tawh a, smugling a khawih thin a, Sandy-i pawh kha damdawiin an hrai rui hmasa a, tichuan an that ta a ni. James-a hian tunah ka junior Rinawma pa hi a kidnap mek a, achhan chu keimah hi min duh vang a ni, hnathawh pui turin." a ti a, Richarda chu a thinrim hmel em em a, "Ka pu, James-a chuan ka nupui hual a that a maw?" tiin a khur dur dur hial a. Nathana chuan, "Tunah chuan thinrim vakin awmzia a nei lo, JAmes-a chu kan chhui zel ang. Tunah chuan Rinawma pa hi kan chhanchhuah angai a, nangpawh kan mamawh dawn khawp mai che. Mahse vawiina kan thu hrilh che hi sawichhuak suh ang che" a ti a, Richarda chu a haw ta a.
Nathana nen chuan theihtawp chhuahin kan han chhui leh a, mahse engvak kan ang thei lo. Thingpui dawra kan chawlhdun lai chuan NAthana chuan, "Rinawm, Sandy kha SBI bank ah a thawk an ti a, an bank manager pawh kan va la hmulo a, thu zawh chian te pawh an ngai ve ang chu tiraw?" a ti a, keichuan, "Nia, i sawi takah chuan a tha khawp ang. A tir khan ka pa vangin ka rilru a hah em a, engmah ka lo hre lo a ni." ka ti a. NAthana chuan, "Nihleh i pa chungchang hi i nu hian a hre tawh em?" a ti a, keichuan, "Aih..engmah ka hrilh duhlo, mahse kan chhuichhuah hmaa a hriat ka hlau khawp mai." ka lo ti a. NAthana chuan zawi sap hian, "A hre hmanlo ang, kan theihtawp kan chhuah mek alawm, kan man em em ang." a ti a. Thinpui chu kan in zo ta a, SBI Bank lam chu kan va pan ta a. An bank manager chu ko nghalin thu kan zawt ve ta a, Nathana chuan a zawt a...
"Ka pu, i hriat ang khan in staff zinga mi Sandy Lalngaihawmi kha a boral a nih kha..chumi thil ah chuan thu zawhfiah che kan duh a."
"Anih chu mawle, nia...hmeichhe fel tak a ni asin. Ka staff te zingah pawh ka chhuanvawr ber a nia, ka ui takzet a ni."
"Anih leh ka pu, a hnathawh lai vel hian tunhnaiah, athih hma deuh vel khan rilru hah hmel deuh ten a awm em, danglamna te a nei em?"
"Aneih awm ka hre ngailo, pangngai deuh hian a hna hi tlin takin a thawk a, rilru hah hmel a pu ngailo."
"Hmelma a neih awm i hria em?"
"Aaaa..a personal life tak hi ka hre lo, heta a hnathawh hnu atanga ka hriat ve chauh a nia."
"Nihleh i staff te zingah hian huat deuh emaw, hawtu aneih awm i hria em?"
"Nei lo ang, chutiang ka hrelo. Sawi tawh ang khan hmeichhe fel tak ania, tupawh mai hian an ngaina em em vek alawm."
"awle....kan lo leng leh dawnnia, ihun min pek avangin kan lawm e."
"EEeeee..kei pawh le, in duh hun hunah inlo kal leh dawnnia."
Bank chu kan chhuahsan a, NAthana nen chuan kan beidawng ta hle mai. James-a awmna tak kan hre thei silo, mahse ani chuan a duh duh hunah phone hmangin min rawn vau reng bawk si, ka pa nunna chuan a tuar mai ang tih ka hlau em em a. Nathana nen chuan ngui takin Office ah chuan kan thu dun a, NAthana chuan, "I pa kha Champhaiah a awm a nilawmni?" a ti a, keichuan zawi te hian, "Nia, a rawn haw leh zawk a, chuan ni 1 chiah hetah a awm a, ahmaa BIRIYANI vanga kan mualphona avanga a rawn haw zuai khan, a lehkha pawimawh a rawn hawn tel a, tichuan a kal leh khan lehkha pawimawh thenkhat a ken theihnghilh a. Ni 3 vel hnuah a rawn haw leh zuai a, a lehkha pawimawh chu a rawn lam a, hmanni khan a kal leh chiah a, a kalkawngah an lo man a ni ngei ang. A rawn phone lohna arei tawh ka ti reng a ni, a pawi khawp mai." ka ti a, NAthana chuan a lu a bu nghauh nghauh a, "Anih chuan a hma daih tawh khan alo zui ru tawh che tihna a nih chu..in chhungkua in a thlthlai ru reng che u tihna nih chu." a ti a, keichuan mak ti tak hian, "Enge min zuiruk na?" ka lo ti hu a. Nathana chuan, "Ngaihtuah la, i pa lo haw te, akal leh hun te a hre thlap a. I pa kidnap tur khan i pa chu a chang reng tihna nih chu. Nilo se engtin nge i pa chu a man theih ang, in inah pawh a rawn kal lo a, i pa zin kalkawng pawh chu engtin nge alo dan tihte pawh ngaihtuah la...a hun takah alo chang a, alo kidnap ta a ni. Mahse i pa kha Champhaiah chuan engin nge a kal a?" a ti a, keichuan, "Ama motorin.." ka ti a, NAthana chuan, "Private a amaha kal anih vangin kidnap chu James-a tan chuan a awlsam zual dawn nih chu." a lo ti ve bawk a, chutia kan ti ti hrep hnuah chuan kan haw ve ta a. Inlamah ka nu lah chuan, "Tinge maw i pa hi a biak tlang theih reng reng loh mai le?" a lo ti chhen bawk si a, thudik ka hrilh ngam silo, a chang leh dawt te sawiin, "A phone a chhia a, nimin khan a thianpa phone in min rawn bia a, i nu kha min lo hrethiam rawh se.." te a rawn tia lawm," tiin ka nu chu ka thlamuan ta ringawt a.
A tukah chuan ka duty tur ka kal lam chu ka bike chu ka khalh muang deuh a, ka hnungah chuan Scorpio dum pahnih hi inzawn chiah chiah in an rawn tlan a, engah vak ka ngai lo. Mahse an rawn tlan chak tialtial a, ka zawn an rawn thlen chuan ka speed ang chiah hian an rawn tlan a, ka va hawiphei a, tukverh chu a inkhar tlat avang chuan tumah ka hmu theilo. Ka ngaih a tha ta hauh lo mai a, ka tlan chak thut a, chuveleh chak em em hian min rawn um a, min rawn su thawi ta fuak fuak mai a, "Hey...enge in hriat a?" tiin ka au vak vak a, a tawpah chuan min umpha ta, na tak hian min su a, ka balance a buai a, ka thal twap mai a, kawnpuiah chuan ka let tawp a, ka bike chu a thlawk lawp a, kei chu lamlianah chuan ka lum phei tawp tawp a, ka ban leh ka kiu vel chu a kak duai mai, ana takzet. Ka tho dawn a, ka khup chu ka sawhna deuh aniang, ka tho thei lo. Motor pahnih chu a ding a, a chhung atang chuan palian puipui 10 vel an rawn chhuak a, min rawn chhuih rawn hrep hlawm a, a na duh kher mai. An zinga pakhat chuan zo tak hian min pawm lawp a, motor ah chuan min theh lut pawp a, ka nat em avang chuan ka beilet theilo. Min phuar bet a, ka hmui nen, ka che theiloa, ka tawngchhuak thei lo. Chuveleh hmun pakhatah min hruai a, field zau tak vaivut khu luih luih hmun a lo ni a. Min phuarna chu an phelh a, chu palian puipui 10 rual chuan min sawisak rawn hrep hrep hlawm mai a, theihtawp chuan ka beilet a, mahse ka hneh ngang lo, ka taksa pilh leh ka khup ruh chu a na em a tin ni. Leiah chuan na ka ti lutuk chu ka vial ngawng ngawng a, chutah car nalh tak hi a rawn tlan phei a, car chhung atang chuan kha mi tenawm James-a ngei kha a rawn chhuak ta. Thei leh theilovin ka tho a, va hnek ka tum a, mahse midang chuan minlo man beta, JAmes-a chuan ka hmaiah tak na em em hian min rawn hnek siah mai a, ka hai mup a, ka thla tawp a. Ka ka atang chuan thisen a lo chhuak a, ka tho leh a,min hnek thal leh pawp a. James-a chuan, "Ka sawi tawh kha, min chhui tawh suh ka tih kha. Tun chiah chance ka pe leh ang che. I pa i hmangaih anih chuan NAthana saw min pe la, i pa ka chhuah ang, tunah hian chuan nang pawh ka chhuah ang che." a ti a, chhuata ka bawh pah chuan an hmuhlo tur hian ka phone chu phawrhin GPS hmangin ka location chu NAthana ka va thawn a, tichuan ka phone chu ka ak leh a. James-a chu ka bulah chuan lo kalin a rawn kun hniam a, "Chuan..enge i thuthlukna, min pui dawn nge dawnlo...NAthana chu ka bulah lo kal turin thlem la, chuan nangpawn pawisa i hmu ang." a ti a, mahse ka luhlul ka chhuah a, thaw hrawk hrawk pah chuan ka pum na lutuk dawm chungin ka ka chhunga thisen chu JAmes-a kekawr var nalh takah chuan ka chhak berh luai a, "Thil theihloh tawp anih chu James bawihte.." ka ti deuh ngat a. James-a chuan thinrim takin, "Engmaw i sawi a?" a ti khur khur a, keichuan vin zet hian, "I beng a ngawng em ni a? Thil theihloh a ni ka tih chu.." ka ti vak a, JAmes-a chu a tho thut a, ka hmaiah chuan min chhui pawp a, ka vir nawk mai, ka lu a hai takzet. James-a chuan, "NAute u...that suh u, mahse sawisa hrep ru.." tih pahin car ah chuan a lut a, a tlan ta daih a. Chung palian pui pui 10 te chuan min han chhui leh vak vak hlawm a, mahse ka bulah an zinga mi thihnuanga rawn let thal tawp ka hmu a, midang ho pawh chuan min chhui talo a, an rawn thla tawp tawp hlawm a, ka han tho chhuak chiah chu NAthana chuan baseball bat hian alo hlap chawrh chawrh hlawm a. Min rawn kai tho a, "Khawnge JAmes-a?" a ti a, keichuan, "A kal bo hman." ka ti a, kan inbiak hlan chuan min sawisa tute chu an lo tlanchhe hman vek a, mahse umzui lemlo chuan rang takin Nathana chuan min hawpui ta zawk a.
Hospitalah min hruai a, ka pemah te chuan damdawi kan hnawih a, ava thip chiang. Ka ban pawh chu a lo kak zau deuh a, thui alo ngai hial a, mahse ka ui ber chu ka bike kha a ni, mahse ka tan ngaihtuah a hun lo. Hospital atanga kan haw lam chu Bank MAnager kha kan hmu a, kawngsir ah mipakhat sambuk deuh nen hian anlo inbia a, suitcase an inpe a, chu sambuk pa chu a kalsawn a. Kan va pan hnai a, MAnagerin min hmuh chuan a phu zuk a, keichuan, "Ka pu, enge hetah i tih a, i dam amaw?" ka ti a, MAnager chuan, "Aaa..ihh aw, nia dam alawm." a ti bah deuh nuai a, a hlauhthawn hmel em em lehnghal. NAthana chuan ngawi rengin Manager chu a en reng a, chu Manager lah chu a thlan bawrh bawh a. Keichuan, "Kha suitcase chhungah khan enge awma?" ka ti a, MAnager chuan suitcase chu akuah nghal a, "Ihh..thawhnaw..ah..nilo file..file...file pawimawh, ka kal ange." a ti a, motorah chuan alut a akal ta daih a. NAthana chuan, "Rina, a motor number sawn chhinchhiah teh, ka ringhlel tlat." a ti a, kan hnung atang chuan hmeichhe aw hian, "In ring dik.." a rawn ti a, Nathana nen chuan kan hawi rual nghal a. Hmeichhe te lam, thau lampang hmel chhe lutuklo hi alo ding a. NAthana chuan, "Eng maaw dik?" a ti a, chunu chuan, "Sir ka hming chu Estheri ani a, sawpa hnuaiah sawn ka thawk mek. Sandy nen hian thian kan ni a, mahse Sandy hian rilru hahna a nei a, chu chu kan Manager hian abeisei thin a ni. Chuan kan MAnager hian athianpa James-a tih hmingpu chu Sandy hian a duh thung, ka hriatna chhan pawh Sandy hian vawikhat, 'Sir Hmingmawia hian min beisei tih chu ka hria,mahse a thianpa James-a a tih chhen hi ka duhzawk a, mahse pasal hual ka nei bawk sia...ka awmdan an ti diklo vek...' te hi a tia, SAndy rilru hi an tibuai vek a ni. Chuan ka sawichhuak ngam ngailo a, mahse tunah chuan ka sawi ang. Kan Manager Lalhmingmawia sawn Sandy thih zan khan Sandy hi a thlah a ni." a ti ta mai a. Eng sawi sek sek lo chuan Manager chu kan zui ru ta a, Estheri pawh chu kan kalsan daih a.
Reiloteah Manager motor chu kan hmu thuai a, hmun pakhat fianrial tak mai kawngah a tlan ta daih a, open garage zau tak ang mai hian motor chhia tam tawk hi alo awm thluah mai. A ding a, a motor atang chuan a chhuak a, hawi kual zuk zuk in suitcase chu khaiin a kal a, keini pawh chuan kan zui ru zel a, mahse motor phenah chuan a bo ta daih mai a. KAn zawngkual hrep a, chutia kan zawn lai chuan hnunglam atangin a suitcase chuan a luah a rawn hlap pawp a, ka thal tawp a, NAthana chu a vaw hman lo, atlan chhia a, Nathana chuan a um a, keipawh chu tho vatin ka um ve nghal a. Motor lam chu panin MAnager chu a tlan a, motor ah chuan a lut hman a, keini chuan kan umphak ta lo. Mahse motor atang chuan motor kawngkhar bal hawk khawpin a rawn thlawk chhuak a, a suicase khai lai chu thlauh hawngin a chhung atang chuan pawisa tam em em mai hi a rawn tla chhuak a, chu pawisa te chu thli thaw chuan a chhem darh a, a leng chuai chuai mai. Manager chu ka ke bul takah a rawn tla thum dum maia, nikhawhrelovin a awm nghal. Motor lam chu kan va en leh a, muang changin pawisa leng nuai nuai karah chuan tlangval hmeltha veng vawng, fresh tak mai, ft 5'7 vela sang, T-Shirt var leh jeans navy blue ha, sneaker var nalh tak bun hi a rawn chhuak a. Nathana lam chu a rawn pan a, chupa chuan a kut rawn lek kangin, "Deputy Commisioner of Police, Nathan Malsawmkima, ka hmu che chu ka va lawm em...chibai." a rawn ti a, a nui suka. Nathana chuan nuihletin, "Ka hria che, Detective Raymond Lalthazuala..ilo thleng ta maw..chibai le." tih pah chuan a chibai a. Raymonda chuan a sunglass vuah lai chu la thla in a mitmeng chinghnia ang maia hring nghul mai chuan Nathana chu a en a, "JAMES-a chu kan chhuizui dawn em ni ang?" a ti a, a nui deuh sang a, keichuan an pahnih chuan kilkhat atang chuan ka lo en reng a.
To be continue...
Comments