NATHAN (Episode - 20)

NATHAN (Episode - 20)
ASURA

(Tun tum ah hi chuan ASP Rinawma a tel ve dawnlo a, Nathana'n amah chauha hnu a chhui lampang anih avangin Rinawma sawi angin ka ziak dawn lo a, thawnthu pangngai angin ka ziak dawn a, min lo hrethiam dawnnia.)

Tamil Nadu atanga ASP Rinawma leh DCP Nathana haw an tum lai mek chuan an DGP chuan a rawn phone a, Tamil Nadu Police Station-a an IG chuan Nathana chu a chhawr duh thu a sawi a, thla engemaw zat cham hrih tura a ngen avang chuan DGP chuan a lo pawm sak a, chuvang chuan Nathana pawh chuan a remti a, Rinawma erawh chuan Mizoram lamah a hawsan ta a. Tamil Nadu atang chuan jail tang thahnem tawk tak an lo tlanchhuak hi alo ni a, chumi man tur chuan NAthana pawh chu a thawkchhuak nghal a, nikhat chhung lekin a man zo nghal thei vek a, Tamil Nadu IG pawh chuan a chhuang hle mai. MAhse NAthana hi TAmil NAdu ah hian enge an duh chhan ni anga, eng ti tur berin nge IG hian a duh chu hemi episode ah hian kan tarlang dawn a ni.

Jail tang tlanchhuak ho aman zawh hnu chuan Station lamah Nathana pawh chu a let leh a, a bula constable chuan Nathana bulah chuan, "Ni khata chaw vawi thum kan pe a, sunday ah leh wednesday ah chicken leh mutton kan pe bawk a, an chhungten an visit kan phalsak reng bawk a, tlanchhuah an la tum talh chu a nia, an inthlak danglam dawnlo nih hi tiraw SIr?" a ti nuah nuah a. Nathana chuan nui suk hian, "Inthlak danglam hi thil awlsam a ni hleinem, jail a lo lut thar te apiang hi kan lo thlak danglam angai zawk alawm, Madhava. Mahse jail chhunga inthlak danglam chu a har khawp ang, mi fel ve deuh te hi lo lut se, azia deuh mahna." a ti a. Constable Madhava chuan, "Mi fel pawh lo lut se, misual ah an chhuah leh tho ang." ati a, an nui dun a. Office chhungah chuan an lut a, jail tang tlanchhuak zinga mi pakhat chu alo ding khur zawih zawih a, Nathana a hmuh chuan a hlauh hmel em em a. Nathana chuan a tui bottle ken lai chu pe in, "Kha la rawh, in rawh. Km 6 lai i tlan chhia a, i chau dawn tih ka hria alawm. Ni 10 hnu ah i chhuak mai dawn a, tinge i tlanchhuah ruk kher a? I tlan chhuah avang hian hremna i hmu leh dawn tih i hre nange?" a ti a, chupa chuan, "Ka nu a thi tep a lawm, kapu." a ti a. Nathana chuan, "ENge awmzia? Nihleh engvanga jail tang nge i nih reng reng?" a ti a. Chupa chuan, "Union leader pakhat ka vit a, ka duh vang a nilo, min tihluih tir a ni ber. Ka nu hi heart surgery tih angai a, pawisa ka nei si lo a, mahse kha union leader khan ka vote chu min leisak a, chuan ka nu surgery tihna tur min tumsak tur thu a sawi a, mahse min bum a, a naute min sawisak tir leh hrep zawk si a. Tichuan ka nu chu a damlo telh telh a, ka awmpui angai a ni." a ti a. Nathana chuan, "I thiltih chu a diklo a ni, nangmaha chinfel tum lovin midang i ring a, tin i vit bawk a, ni 10 hnuah i chhuak mai lovang." a ti a, achhuak a, Madhava chuan a zui chhuak ve nghal a. NAthana chuan, "MAdhava, khapa nu kha zawn chhuah lo tum la, a surgery tih tur vel pawh chu lo buaipui ang che." a ti a, Madhava pawh chuan, "Awle Sir." a ti a. Chumi tlai chuan jail tang tur an man thar te chu Police ho chuan stationah an lo hruai a, an intlar thap a. Nathana alo lut a, police ho chuan salute an pe thap a. NAthana chuan jail tang thar te chu a en kual a, constable chuan, "Sir, a sir bera mi hi Ram Verma a ni a, Sitapuram commotion case vanga man a ni a, kum 5 chhung a tang dawn." a ti a, Nathana chuan, "A tha e, B Block ah dah rawh u." a ti a. Constable chuan, "A dawtleh a mi hi SAmbadu a ni, MLA thah a tum a, kan man hman a, kum 3 tang tur ani," a ti leh a, NAthana chuan, "Hei chu A Block ah." a ti a. Constable chuan, "A dawt leh ami hi BAtthula Kamesh, chit fund cheating case, kum 2 tang tur." a ti a, Nathana chuan, "B Block ah." a ti a. A tawp ber na ami chu vai sual hmel ve tak, mit khur thuk lampang, hmuihmul nei, hmelchhe em em mai, palian lutuk lo hi a ni a. Nathana chu hlauhloh hmel tak leh rum tak hian alo melh a, constable chuan, "Hepa hi Vijaywada sub-jail atanga an rawn sawn a ni a, a hming chu Chadrashekar a ni a, CHarlie tiin an ko thin bawk. Dilip Kotta & family murder case-a an rinhlelh kha a ni a, kum 5 kalta khan thi tura a chungthu rel a ni tawh a, mahse president bulah chhuanlam atan petition a file a, a petition hi tun thlengin ala pending a ni." a ti a. Nathana chuan Charlie chu rum em em hian a melh a, "Thil sual tak tih hnuah, thi tura chungthu an rel hnuah pawh, he system ah hian kum 5 dang i hun i hmang leh a, i dam rei tawk tawk e. Chhuanlam te chu mihirngin an siam thin, nang ang ramsa nilovin." a ti a, Nathana chuan kalsan a tum a.

Nathana kalsawn a tum lai tak chuan Charlie chuan zawi sap in, chapo tawngkam tak ni si hian, "Ka thi lovang, min tihlum theilo." a rawn ti a, Nathana chu a hawilet a, "Tualthattu hian dam i phu hlawl lo." a ti a, "Constable, a hrangin, amah chauhvin D block ah khung rawh u." a ti a, a kalsan ta a, thinrim hmel zet hian Charlie chuan Nathana chu a en zui a. Nathana chu lo hawilet lehin Charlie chu a ai tum zet hian a melh let a, "He Stationa ilo kalhma hian engtiangin nge i nun thin a, enge i tih thin ka hrelo. Mahse hetah ilo kal a, in-charge thar ka nih angin ka thu thu in i awm anga, tha takin awm ang che." a ti a, jail tang ho chu constable ho chuan an hruai chhuak ta a. NAthana chuan, "Madhava, Charlie hi tu chiah nge a nih a?" a ti a, Madhava chuan, "Charlie hi India ah chuan diamond merchant hausa ber leh hlawk ber pawl ani a, la naupang hle mahse mi fing tak leh lehkhathiam tak a ni. Naupangte a nih laiin a nu in a thihsan a, apa bulah awm duhlovin a tlan bo a, sumdawnna diklo tak tak ah te inhnamhnawihin amah hi a hausa hle bawk. Tuman a kawng an dal ngam ngailo, nula te chu a duh duh a mutpui thei a, thil sual tam tak a tih hnu pawn, a fin kherek em avang hian a him leh thei zel. Charlie-a pa hi Dilip Kotta a ni a, Dilipa hian a fapa hi mi hlawhtling tak a nih a beisei reng thin. Mahse a fapa hi, a rinloh tak maiin misual takah a chhuak leh si a nih hi." Charlie-a pa hian nupui dang a nei leh a, a hming chu Bharati a ni. Charlie hian a nuhrawn leh a nuhrawn fanu hi a ngaina lo hle a, anu diktak zawk a thin hnu hian a chhungte chuan a pa hi nupui dang nei leh turin an nawr nasa hle a, Charlie hian a rochan tur te hi a nuhrawn te tawmpui ve aphallo a, chuvang chuan a pa leh a nuhrawn te hi official in an innei taktak lo tiin fake proof a siam a, tichuan a pa thih hnu pawh hian a nuhrawn te chu apa ruang hmuh ve pawh a phallo a ni. Chuvang chuan a nuhrawn leh a fanu te chuan Charlie lakah complain an thehlut a, court chuan Charlie rochan tur hi a nuhrawn fanu nen an insem tur thu a puang a, Charlie chuan chu chu a duh lo hle a ni. Tichuan a nuhrawn fanu leh a unaupa te chu a that a, an taksa te chu chandarhin a phumbo ta a ni. Bharati chuan afate an bo takah chuan police hnenah a report a, tichuan police ho chuan ruang chu an hmu ta a, tichuan Charlie chu rinhlelh ber a nih avangin kan man ta a ni." a ti a, Nathana chuan a lu a bu nghauh nghauh a, thil tih tum chu a nei tih a hmel atang chuan a chiang hle.

Atukah chuan IG leh Nathana te chuan Station ah chuan TV an en dun a, Reporter hmeichhe pakhat chuan Charlie nuhrawn Bharati chu a lo kawm mek a...

"Hello, Yamini ka ni a, NTV ah ka lo lawm a che u."

(A bulah chuan Bharati a awm a..)

"Chibai le Pi Bharati. I chhungte tualthihna chuan rampum a deng chhuak hneh hle mai a, in chhungkaw zinga mi pakhat tih ani tih thu kan lo hria a, heng vanduaina te hi nangmah chauhin engtin nge i hmachhawn theih reng reng a?"

"Ka nunah hian harsatna alo thlen apiang hian ka lungngaiin ka beidawng thin a, mahse ka hlau ngai lo. Mahse chhungte tumah ka neih takloh ah chuan, huaisenna ka nei tawh lo a ni."

"Kan lo hriatdan chuan TRUST pakhat i establish dawn ni ten kan lo hria a,min hrilh chiang thei angem?"

"He ramah hian, keimah anga vanduai hi mitam tak an awm a, mahse justice an hmu ngailo. Chuvang chuan he ka in hi hralh ka tum a ni, chuan ka fate ka hriatreng nan trust hi establish ka tum bawk a ni. He trust hian justice hmu lo te a support ngei ka beisei a, thudik tana an beihlet theih phah ngei pawh ka beisei."

"Nihleh funds ho hi engtin nge i lakkhawm anga?"

"Financial institution ka hriat ah ka apply tawh a, mahse chhanletna kala hmulo a, ka nghak mek a ni."

Nathana chuan TV a off a, IG bulah chuan thu in coffee ava pe a, "Thudik te pawh hian man annei tawh chu ania, engkim hi pawisa a lei vek angai tawh a nih hi tiraw, Sir...Tinge heng thil te hi a thlen le? Bharati khian tinge a in khi a hralh angaihna...kan ram a mi khawngaihthlak te hian justice an neih nan maw?" a ti a. IG chuan, "I hrethiamlo ani NAthan.." a ti a, Nathana chuan, "Tualthattu khan tual a thah nan khan minute 5 vel bak ahmang lo ang, chubakah kum 5 liam ta khan thi tura a chungthu rel a ni tawh a. Tuna keinin kan lo delay ve leh a nih chuan, rorelna dik chu mipui ten an beisei ngam tawh lo ang." a ti a. Chutih lai chuan jail tang zinga pakhat chuan Charlie-a a cell a an hruai mek lai chu a hmuh chuan a hriat tawh hnu a ang tiin a va en chiang a. Chu pa chuan, "Boss..minla hria em?" a va ti a, Charlie chuan ava melh a, chupa bawk chuan, "Kum 5 kal ta khan i show room rawk turin ka rawn kal kha, mahe min man a, ka ke ruh min vuak tliah sak kha, Pandu ka nih hi...Pandu-a kha.." a ti a, a bai auh auh reng bawk a. Charlie-a chu a ding chat a, Pandu chu ava melh a, PAndu a chuan Charlie chu nuih pah hian, "Tunah jail i tang si a, i diamond te kha tuten nge venghim ta ang? Ti hian ti teh ang, i lunghlu te chu a awmna min hrilh la, tichuan ka chhuah hunah hlim takin ka nun ka hmang ve thei tawh anga, nangte chu an khaihlum dawn tho che a, anilawmni?" a ti a, Charlie chuan thinrim zet hian chupa chu a va rek thut a, police te chuan anlo dang nghal vat a. Visiting room ah chuan an kal pui a, Charlie chu a bialnu hmeltha tak, muslim nu chuan alo nghak a. Chunu chuan, "Enge i an? I petition president hnena chhuanlama i dil kha, kha file kha an moved ania." a ti a, Charlie chuan a chhang lo. Chunu tho chuan a bag a bawm chu lachhuakin, "Kha, chithlum a nih hi, i duh ber ang chi kha." a ti a, constable chuan a rawn laksak a, SI bulah chuan ava check tir a, SI chuan an ei chhin vel phawt a. Chunu chuan, "Charlie, i auditor kha nimin ah ka bia a, share zawng zawng kha Dubai a transfer tur in i tih thu a sawi a. Thuthlukna chu i siam vel tawh ami?" a ti a, achhang chuanglo. Constable alo kal a, charlie chu sweet bawm chu a rawn pe a. Chunu bawk chuan, "Min chhang dawn lo em ni?" a ti a, kalsawn a tum chiah chu Charlie chuan, "Dubai Ravi-a phone rawh." a ti a, chunu chuan mak tih hmel tak hian a en a, Charlie bawk chuan, "Dubaiah kan kal vat ang." a ti a, chunu chuan, "Engemaw i sawi le? Jail ah i tan kha, i thi tep tawh lehnghal a?" a ti a, Charlie chu a nui suk a, "Tuman min that thei lo, Sarah..ka tihtur chu ka hria, kal tawh rawh." a ti a, akal ta a. Sarah-i kal hnuah chuan Charlie-a lawyer chu alo kal a, Charlie chuan, "Min lachhuak tur chuan, jail tang zinga pakhat i bail chhuah angai ang, order siam nghal rawh." a ti a.

Nathana pawh chuan Station lam a pan ve mek bawk a, kawngka bula havildar bulah chuan, "DIG a awm em?" a ti a, havildar chuan, "Aw awm e Sir." a ti a, Nathana chu a lut a. DIG chuan, "Lo lut rawh...Nathan." a ti a, Nathana chuan, "Tinge min koh a, Sir?" a ti a, DIG chuan file pek pah chuan, "Charlie-a petition chu reject a ni a, home minister pawh niminah ka bia a, karleh Monday ah Charlie chu khaihlum tur a ni. Hun kan nei tamlo, arrangement va siam rawh." a ti a. Nathana chu Charlie-a cell ah chuan ava kal a, Charlie chuan rum em em hian alo melh a. Nathana chuan, "President chuan i petition chu a reject a, order min pe a, nangmah khaihlum turin, Monday hian kan khaihlum dawn che. Thil sual tih hi a diklo ani, vawikhat i tih sual tawh chuan, i thih ni thlengin a zui ang che." a ti a. File chu Charlie-a hmaah ava dah a, "Hei hi i death warrant a ni, sign rawh." a ti a. Charlie-a chuan, "Ka thi chuanglo ang, ka sawi tawh kha." a la ti ham ham a. Nathana chuan, "I sign emaw sign lo emaw, tuman an thlak danglam thei chuanglo ang. Mi thah chu i awlsam em em anilawmni, mahse i thih dawn meuh chuan engtin nge i awm tak ang? Han ngaihtuah chiang hmasa la chu i chhungte pawh anla dam tur." a ti a, thinrim zet hian dawhkan a beng thuai a, "Ka chhungte an nilo." a ti a, a tho a, kalsana tum a, Nathana chuan, "Charlie, i thih dawn meuh chuan i nunna chu i ngaihlu hle mai maw...thil diklo tiin tual i that a, chuvang chuan i thi tur pawh hi thil diklo a ni biklo." a ti a, a chhuahsan ta a. Station bul hnaia cheng Bhallari Veera chu Charlie-a khaihlumna tur hrui leh a chhuatdawh vel siam tur chuan Nathana te chuan an ko a, Veera hi a nu hian hetiang thil a buaipuitu anih hi a duh lo thin hle mai a, mahse a hna a ni bawk si. Khaihlumna tur vel chu a buaipui zawh hnu chuan alo chhuak a, Constable Madhava chuan, "Veera, i kuta grease kai kha enga ti nge?" a ti a. Veera chuan, "A hlui deuh tawh a, oil pek that a ngai alawm." a ti mai a. Madhava chuan, "Kum tamtak kalta khan i pa khan serial killer pakhat Nami Khustab chu helai hmun ngeiah hian alo khaihlum tawh a, tunah nangin i ti ve dawn chu ania, i pa hnung i zui dawn tihna nia." a ti a. Veera chuan, "Nia, mahse ka nu hian he ka hnathawh mek hi a duhlo lutuk a, mahse ka tih ngei angai sia. Mi khaihlum hi thil awlsam leh phurawm tak a ni lemloa, kan khaihlum tura kha an rih zawng te, an san zawng te leh an len zawng te kan teh vek angai a, chuan hrehawm taka khaihlum dan pawh a awm asin. Mahse na hrehman lo khawpa ranga thih tir hi angai ve a." a ti deuh luam a. Madhava chuan, "I vawikhat mi i khaihlumna tur a ni a, i huphurh em?" a ti a, Veera chuan, "Enge maw ka hreh ang le? Ka hna a nia, ka tihtur alawm." a ti a. An titi bawrh bawrh lai chuan Nathana alo lut a, "Veera, engkim i ti fel tawh maw?" a ti a, Veera chuan, "Engkim a fel e, ka check vek tawh e." a ti a.

Charlie pawh chu cell chhungah chuan rilru hah ru tak chung chuan a thu a, chumi tlaiah chuan khai hlum a ni mai dawn si a. Hun a kal zel a, Charlie-a khaihlum hun alo thleng ta. Nathana chuan lawyer bulah chuan, "Sir, ahun tawh ania, ka va hruai dawn mi?" a ti a, lawyer pawh chuan a lu a bu nghauh a. Nathana chuan police ho chu Charlie-a va hruai tur chuan a tir ta a, police ho chuan Charlie cell chu an va thleng a. Charlie chuan a bialnu pek sweet bawm chu a lo keng vung mai a, Madhava chuan, "Charlie, kal ang le." a ti a, Charlie-a chuan sweet bawm sir chu a kheuh a kheuh a, damdawi mum pakhat hi a la chhuak hlawl mai a. Damdawi chu a dawlh a, tichuan a chhuak ta a. Police ho chuan Charlie chu an khaihlumna tur hmun an panpui lai chuan Charlie chu luhaiin a tlu ta der mai a. Rang takin Madhava chu Nathana bulah ava kal a, "Sir, Charlie nikhaw hrelovin a tlu." a ti a, Nathana pawh chu rang takin a tlan chhuak a. Doctor chuan a check a, "Sir, unconcious in a awm a nih hi, damdawi engemawni a ei a ni ngei ang. NAktuk zingah chauh a lo harh leh ka ring, chumi hma chu a harh lo ang." a ti a. Lawyer chuan, "Engtinge kan tih tak ang?" a ti a, Nathana chuan, "A hun kan postpone mai dawn nia, ka lo buaipui ang." a ti a. DIG chuan Nathana a rawn phone a, "Nathan, enge maw in tih le? Khaihlum mai tur prisoner pakhat chuan engtik laiin nge, khawia mi nge damdawi a lo ei hman a?Tiang hi mi Mizoram lama i duty ve dan chu? I laktlak loh hle mai, media in an hriat vaih chuan kan hmingchhe khawp ang. I buaipui vat angai ang, anih loh chuan Mizoram lamah i haw mai angai ang." a ti a, NAthana chuan, "Awle SIr, ka lo buaipui ang." a ti a. Nathana chu Charlie-a cell chhungah chuan a va kal a, a chhung chu a en kual a. Sweet bawm chu a hmu ta a, a la kang a, a en chiang a, a sira kuta kheihna ni awm tak lehkha ther fur chu a hmu a. CCTV footage a en nghal a, a bialnu Sarahin a pek lai video chu a en let leh a. Madhava chuan, "Sir, visiting day ah khan Charlie hi a bialnu SArahi hian sweet hi a bawm nen a rawn pe a ni. A bialnu hi tunah Bangalore ah a awm mek..." a ti a, NAthana chuan, "Bangalore atanga hruai chhuak turin lo inring ru...chuan Charlie kha a harh tawh em?" a ti a, Madhava chuan, "Aw Sir." a ti a, Nathana chuan, "A block ah naktuk ah sawn ang che u, abak chu nakinah kan sawi dawn nia." a ti a.

Jail tang kebai pakhat Pandu a kha, Charlie-a mutna room lam pan chuan a kal a, duty chuan, "Enge i tih dawn?" a lo ti a. Pandu chuan, "Sir, naktuk ah ka chhuak tawh dawn a, Charlie-a hi mangtha ka duh a.." tih pahin cheng 100 a phawrh a, duty pa chu pejk pah chuan, "Khale.." a ti a, a kal tlang tir ta a. Pandu chu ward chhungah chuan ava lut a, Charlie chu ava hmu a, "Charlie, ka hmuh che pawh ka lo ring tawh lo a. Enteh boss, nangman jail ah min khung a, mahse tunah tinge chhuak tura min pui leh si a?" a ti a. Charlie chuan, "Ka hmelma i ni emaw nilo emaw, engatan mah ka ti lo. Ka tan an tangkai angem tih zawk hi ani ka buaina chu.." a ti a. Pandu chuan, "Anih leh chhuak ta ila, enge i tan a tangkaina?" a ti a, Charlie chuan, "Ka sawi anga i awm chuan i duh zat zat ka pe ang che." a ti a. Atukah chuan Pandu chu jail atang chuan a chhuak ta a, Charlie-a hrilh ang ngeiin hmun pakhatah a kal a, kawngka a kik a, lukawlh pakhat hi alo kal a, "Enge i duh?" a lo ti a. Pandu chuan, "Mutyam tih hmingpu in awm em?" a ti a, lukawlh pa chuan, "LAwk aw.." a ti a. Mi pakhat, samsei khabehmul buk chhup hi alo kal a. Pandu bulah chuan, "Tunge i nih?" a ti a, Pandu chuan, "Mutyam ka hmu duh a, ka thianpa a nia, a unaupa i ni tiraw?" a ti a, chupa chuan, "Ni e, ka u chu a awm lo a. Theatre ah a awm, va kal rawh." tiin alo chhang a. Pandu chu theatre ah chuan ava kal ta ngei a, Mutyam chu ava hmu ta a, "Pandu, jail ah i tang amaw ka tia, engtik nge ilo chhuah a?" a ti a. Pandu chuan, "Nimin ah, chuan Mumbai atangin ilo haw tih kalo hria a, i nau in hetah hmu tur che in min ti a. Enge i tih a, hetah hian?" a ti a. Mutyam chuan, "Theatre neitupa nen kan inbia a, a theatre hi ka chhuhsak ta nih kha." a ti a. Pandu chuan, "Atha alawm, he theatre hi shopping mall ah siam ta la, i hlawhtling ngawt ang." a ti a. Mutyam chuan, "Chutia awlsam a ni hleinem, pawisa tamtak angai alawm. Chuan chutiang pawisa tam tak nei tur chuan hah taka thawhchhuah angai alawm." a lo ti a. Pandu chuan, "Keini ang rukru tan chuan a awlsam lutuk, hnathawh hah vak angai lo. Boss, jail atanga ka chhuah hma khan diamond merchant pakhat Charlie nen kan inbia a, deal kan siam a. Amah chu khaihlum tur a ni a, mahse a thihni tur an delay a. A sawi dan chuan diamond hi 90 vek anei a, personal locker ah a dah thu a sawi a. A thusawi ka zawm anih chuan 50% ka chang ve dawn a, 45 diamonds vel ka nei ve dawn. A locker awm na ka zawh chuan tuman a locker awmna an hriatloh thu min hrilh a. Chuan, nakin lawkah an khaihlum dawn a, chu mi hma chuan ka chhan a ngai a ni.Chuan engkim plan ka siam zawh hunah chuan, signal nan jail bula tower bulah Thrusday ah hian lehkhachaih hring chaih turin min ti a ni." a ti a. Mutyam-a nau chuan, "Anih leh kan chhanhim hnuah min bum ta se, diamond chu min pe lehlo ta se?" a lo ti a. Mutyam chuan, "A nunna a ngai pawimawh ber a, a pawisa ai pawn. Charlie hi...adam ngei tur a ni." a ti a.

Mutyam leh a nau chu Police Station bulah chuan an va kal a, an kid hlui constable pakhat chu an va bia a. Mutyam chuan, "Diamond merchant Charlie kha khaihlum a ni dawn tiraw?" a ti a. COnstable chuan, "AW..." a ti a. Mutyam chuan, "He execution chungchang hi a detail engkim ka hre duh a ni. Solomon, ka sawi ang i ti anih chuan pawisa ka pe ang che." a ti a. Constable Solomon chuan, "Ka hre chiang che a, i sawi apiang ka ti ang." a ti a. Chutih lai chuan Nathana chuan Charlie bialnu Sarahi chu Station ah alo kawm mek bawk a.

"Sarah-i i ni tiraw?"

"Aw ni e."

"Umm.....Charlie-a sweet i pek chu a thawk tha hle mai. Engvanga ti nge i nih? Charlie hian damdawi a ti thin em?"

"Um...party naah te a kal chang hian a ti thin."

"Engtik khan nge damdawi lo keng tura a hrilh che?"

"Kar hmasa khan amah hmu turin kalo kal a, a ruih duh vang mai mai amaw ka ti a. An khaihlum loh nana a hman tangkai kha ka ring phalo hrim hrim."

"Eng damdawi nge?"

"Ketamine drug."

"Thildang sawi a nei em?"

Sarahi chuan a chhan loh avangi chuan NAthana chuan police ho bulah chuan, "Drugs a rawn ken luh avangin custody ah Sarahi hi dah rawh u." a ti a, Sarahi chuan, "Ka hrilh ang che ka pu. Charlie hian a thih loh tur thu leh a tlanbo tur thu min hrilh a, Dubai a akal tur thu a sawi a. Ka awih chiah biklo a, mahse Charlie hi chu ka hre chiang a, a thil duh chu neih ngei ngei a tum thin. " a ti a. Nathana chuan, "Charlie hi i pui angin i inngai maithei, mahse nangmah kha buaina ah i inhnuklut zawk a ni." a ti a. Sarahi chuan, "Enge ka tih a? Tinge he thilah hian min hnuhluh ve ringawt a?" a ti a. Nathana chuan, "Thilsual tite hi ka hua...chuchu nimai." a ti a, polcie ho chuan sarahi chu an hruai ta a. Jail ground ah chuan Charlie pawh chu Tower kam en chuan a thu a, a mangang hle mai. Minute 5 vel hnuah chuan lehkhachaih hring chu a rawn thlawk ta a, Pandu-a te plan chu a fuh tih a hre ta a, a lawm hle mai. Mahse chutia a lawm em em lai chuan a hmaah chuan Nathana a rawn ding thut a, dark cell ah police ho chuan Charlie chu an hruai ta daih mai a. Nathana chuan a kharkhum a, khawkhar a tukverh killi nei tereuhte atang chuan Nathana chuan, "Heng thli thaw te, hnim hring te leh boruak thianghlim te hian beiseina a pe mai mai che a ni. Thihna chu i pumpelh amaw i inti a nimaithei e, mahse ka lak atang hi chuan i tlanchhe theilo ang. I bialnu Sarahi chu kan man a, tunah chuan i thih hma chu helai hmun tawp takah hian i awm tawh ang." a ti a, Charlie chuan, "Hey NAthan, helai hmuna min dah avang hian ka kawng i dal turah ngai reng reng suh. Ni e, hetah hian ka awm ang, eng ka hmulo anga, nichhuak pawh ka hmulo ang. Mahse helai hmun atanga ka game khelh hi i hmu dawn alawm, lo thlir reng rawh." a ti a, Nathana chuan chhang lovin akalsan ta a. DIG chuan NAthana chu a ko a, "Nathan, Charlie chu enge a an tawh?" a ti a, Nathana chuan, "Dark cell ah kan dah." a ti a. DIG chuan, "Ahma khan lo dah tawh ula buaina kan neilo ni mai tur." a ti a. Nathana chuan, "Sir, we can control a peron physically, but not mentally." a ti a, DIG chuan, "Prisoner pakhat pawh i control theilo chu a nih hi, Charlie hi kan khaihlum theilo anih chuan kan nep hle tihna ani ang." a ti a. Nathana chuan, "Sir, lungngai suh, ka lo buai pui ange. Tualthattu ani a, a tlanchhuak lo ang, Charlie hi a thi ngei ang." a ti a. NAthana chu dark cell ah chuan kalin tukverhte chu ava hawng a, torch light chuan a chhung chu a zu en a, Charlie chu chhuata a hmai khuhin alo mu a. Nathana chuan, "Saturday hian kan khaihlum dawn che, i him tawh lo ang." a ti a, a kalsan a.

Mutyam pawh chuan Constable Solomona bulah chuan, "Charlie hi adam ngei tur a ni, Saturday hian an khaihlum dawn tih i chiang amaw?" a ti a, Solomona chuan, "Boss, a file ka chhiar zo chiah a, chuvang alawm ka koh che." a ti a. Mutyam chuan, "Charlie hi adam tur a ni, plan ka siam vek tawh. Vawiin atangin kan thawk tan ang, chuan kan plan hi a fuh anih chuan, kan hausa dawn lutuk." a ti a, SOlomona chuan, "Boss, kan fimkhur angai ang, achhan chu Mizoram atangin DCP pakhat jailor atan IG in hetah hian a post a, ahming chu Nathan a ni. Police huaisen leh encounter specialist ani lehnghal a, a fing lutuk ringawt." a ti a. Mutyam chuan, "Mizoram? State tereuh te ami saw maw ni a? Ka hlau reng reng hleinem, kan hria ang chu." a ti a. Chumi tlaiah chuan Veera, Charlie-a khaihlumna tur siam tupa mistiri chu thingpui dawrah a chawl a. Chumi dawr ah chuan Mutyam-a kid te chuan an zui ru a, a hriatphak tur ngei chuan Mutyam-a nau chuan chanchinbu a chhiar a, "Ehe....helai thuziak chu, Palestinian Government chuan terrorist pakhat hnenah death sentence a siamsak a, a khaihlumtupa chhungte chu chumi ni vek chuan mob pakhatin a that vek ani. Police chuan a tualthattu pa hi tunge a nih an hreloa, a khaihlumtupa chu ava khawngaihthlak ve leh.." tiin a chhiar ri vel a. Veera chuan a lo ngaithla uluk hle mai a, ngaihsak loh hmel deuh chuan a kalsan ta mai a. MAhse a ngaih a tha ngang lo chu dawrah chuan ava let leh a, mahse Mutyam-a kid te hmel hmuh tur alo awm tawh lo. Dawr nghaktupa bulah chuan, "Thianpa, nichina heta thu te kha khawnge an awm a?" a ti a, chupa chuan, "An kal tawh...ka hmuh ngai mi te annilo." a ti a. Rang takin Veera chu a haw a, inah a lut a, a nu a hmuzo ta hauh lo mai. A au vak vak a, mahse chhangtu an awm silo chu amangang hle mai a. Chutia a buai em em lai chuan a phone a rawn ri a, phone ami chuan, "Ka chanchinbu chhiar kha i man thiam chiah em?" a rawn ti a. Veera chuan, "Tunge i nih a?" a ti a. Chupa chuan, "Tute nge kan nih i hriat a pawimawh lo, i hriat tur pakhat a awm. Charlie hi naktuka a thi anih chuan i nu hi a thi ve nghal ang. Chuan kan thusawi hi midang bula i sawi a nih vaih chuan i nu nunna hi a derthawng hle bawk ang." a ti a, Veera chuan hlauhthawng tak hian, "Kapu, CHarlie thih leh thihloh ah hian thu ka nei ve hleinem..min hrethiam teh." a ti a, mahse phone chu a dah ta daih mai a. Chutih lai chuan lawyer pa pawh chu a nupuiin a rawn phone a, "Pa-a kan fapa an kidnap ania..." a rawn ti bawk a, hei hi Mutyam-a ruahmanna vek a ni.

Nathana pawh chu Station-a akal tur a motor lam apan lai chuan a phone a lo ri a, a police thawpuinu pakhat Amanda-i alo ni a, "Hello Amanda, eng ni ta?" a ti a. Amanda-i chuan, "Nizanah innu in a rawn phone che a ila theilo atia." a ti a. Nathana chuan, "Nia miss call kahmu a, mahse ka call let a, ala theilo veleh thung a." a ti a. Amanda-i chuan, "Tamil Nadu ah khan a rawn zin a, alo thleng tawh nghe nghe ang." a ti a, Nathana chu a phu zuk a, "Enga? Sanvi a lo kal amaw?" a ti a. Amandai chuan, "Aw....surprize che a tum a, mahse phone ila thei silo a." a ti a, Nathana chuan, "Awww...anih tak chu, kinah ka lo call ang." a ti a, phone chu a dah a. A phone chu a rawn ri leh a, SAnvi number a ni a, "Hello SAnvi.." a ti a, mahse phone atang chuan mipa aw chuan, "SAnvi i hmu duh ami? I hmu duh anih chuan lo ngaithla rawh...naktuk ah hian Charlie chu in khaihlum dawn a, mahse a thi tur anilo, Charlie hi a thi a nih chuan SAnvi pawh hi a thi ang." arawn ti a, phone a dah nghal daih a. Rang takin Nathana chuan Central Jail lam chu apan a, Madhava bulah chuan, "Charlie-a'n visiting day a abiak ho te leh cell a kan khung hmaa abiak ho te zawng zawng detailin ka hre duh, tunah." a ti a, MAdhava chuan, "AWle Sir, kalo buaipui ange." a ti a. Nathana chuan dark cell lam chu apan a, Charlie awmna chu kawngkhar a hawng a, Nathana chu ava lut a. Charlie-a mu lai chu a pawt tho a, bangah chuan a rek bet a, "Tu emawin kan khaihlum loh nan che ka nupui a kidnap a, tunge a nih sawi rawh?" a ti a, Charlie chuan ngeiawm zet hian Nathana chu a nuih a. Constable pahnih te chuan Charlie chu man betin thutthleng ah an thut tir a, ahmaah chuan Nathana chu a ding a, "Hey...tun dinhmunah chuan he Tamil Nadu Central Jail hi ka ta a ni, i chungah hian eng pawh ti ila tuman an hrelo ang. Kan khaihlum hma che pawh hian ka that thei che...sawi rawh, tute nge an nih?" a ti a, Charlie-a chuan a nuih ringawt a. Chutih lai chuan Madhava alo lut a, "Sir, ka hre tawh e..Charlie hi jail alo luh hnu hian mi pakhat chiah ala bia a ni, Pandu-a ani, Pandu nen an inbia." a rawn ti a. Nathana chuan Charlie chu a en a, "Pandu hian engvangin nge a puih che?" a ti a, Charlie chuan, "Pandu chu theihnghilh rawh...nangmah hian i duh chuan min pui thei asin. I duh zat sawi la, ka pe ang che Nathan." a ti a. Nathana chuan Charlie chu na em em hian a rek a, "Hmela, tu misual mah hian sum hmangin min la thlemthlu ngailo." a ti a. Charlie chuan, "Diamonds...lunghlu ka nei ania." a ti a. Nathana chuan, "Pandu chuan diamond vangin a puih che i ring a maw? I inah kalin awlsam takin a ru thei mai alawm." a ti a. Charlie chu a nui vak vak a, "Huiham Nathan....ka locker awmna hi tuman an hre hleinem, lo hria pawh nise ka finger print a ngai alawm." a ti a. Nathana chuan, "I fin kherek chhuah a min bum thei i inring a mi? Teuh lo, i him lo ang, kan that dawn che...kan khaihlum tho tho ang che." a ti a, a chhuahsan ta a.

Nathana leh police dangte ho chuan Pandu chu an zawng kual ta a, nilenga an zawn hnu pawh chuan an hmu zo ngang lo a. Tlaiah chuan DIG chuan Nathana chu a rawn phone a, "Nathan, Charlie execution kha peihfel ani tawh em? Naktukah chuan kan khaihlum thei tawh ang tiraw?" a rawn ti a. Nathana chuan, "Aw Sir..engkima fel tawh e." a ti a. DIG chuan, "Atha e, buaina dang a awm chuan minlo hrilh vat ang che." a ti a, phone a dah a, Nathana chu a mangang ru hle mai. Madhava leh constable pakhat anlo kal a, Madhava chuan, "Sir, kan zawng nasa mahse kan hmu zo ngang lo. Enge kan tih tak ang?" a ti a. Nathana chuan, "Naktuk zing dar 6 ah Charlie chu khaihlum tur a ni a, lo buaipui ru." a ti a. Mahdava chuan, "Mahse Sir, Sanvi madam hi engtin nge ni ang?" a ti a. Nathana chuan, "Charlie chu kan khaihlum tho ang." a ti a. Dark cell ah chuan police ho chuan Charlie chu an va hruai ta a, execution room ah chuan an hruai lut ta a. Dawhsanah chuan Charlie chu a ding vang mai a, a bulah chuan an khaihlumna tur hrui chu a uai ran mai bawk a. Lawyer chu a pen chhuak a, "Court chuan Chadrashekhar alias Charlie hi death sentence pe in IPC Section 302 leh 303 hmangin khaihlum tur a ni a. Presiden chuan a petition chu a reject sak a, chu order chu zawmin vawiin hian khaihlum ngei a ni dawn a ni." a ti a. Charlie chu a hmai an tuam sak a, a kut leh ke an phuar a, ahlauthawng chu a thaw vak vak a. Hrui chuan a hrawkah an vet a, Nathana chuan a sana a en vang vang a, "Tunah le." a ti a, Veera chuan a hnuai dawh hawnna chu a kuai chho a. Darkar chanve hnu chuan jail pawnah chuan Veera chu tap hluam chung chuan a chhuak a, a iptea a nu thlalak chu a la chhuak a, "Engtin nge i tellovin ka nun theih ang ka nu?" a ti a, a ipte leh lama gallow pin chu a la chhuak a, inkhauhlumna hnaui dawn chhan pin a ni a, alo herh loose chu niin. Veera chuan, "Ka chhanhim che ka nu." a ti a, a tap a. Madhava chuan DIG chu a phone a, "Sir, gallows setup ah fello a lo awm a, Charlie chu khaihlum a ni leh lo." a ti a. DIG chu a thinrim ngei mai, "Eng a? Enge thleng a?" a ti a. Madhava chuan, "Technical problem a awm a, a khawl chhungah khan." a ti a. DIG chuan, "Khawnge NAthana a awm?" a ti a, Madhava chuan, "Technician nen an inbe mek." a ti a. DIG chuan thinrim zet hian, "In laktlak loh hlawm hle mai, NAthana kha a hman veleh min hmu turin hrilh ang che." a ti a. Technician chuan Nathana bulah chuan, "Sir, helai pin vuahna a, a in joint-na hi a diklo hi amak a ni. A equiptment hi a hlui tawh a vang hian a bolt hi a loose deuh pawh animaithei, anih loh pawn tu emawni in a lo herh loose pawh a nithei, chuvang a nia a shutter pawh hi a inhawn theih loh." a ti a, a joint chu nathana a pe a. Nathana chuan a joint chu en pah chuan Veera chu rinhlelh hmel tak hian a va en a, Veera chuan hlauh hmel tak hian hnuai lam a lo melh tlat a. NAthana chuan, "Repair vat ru." a ti a, technician pawh chu akal tir ta mai a.

Pawnah chuan Nathana chu a chhuak a, atira jail tang tlanchhuak, Nathana'n aman pa Malli-a chu kawngka bulah a lo ding a, Nathana a hmuh chuan, "Hello..Sir." a ti a, Nathana chuan, "Malli...vawiin ah animaw i chhuah dawn kha...formalities te a fel tawh em?" a ti a. Malli chuan, "Um, afel e. Ka chhuah hmaa lo hmuh che ka duh a, khami ni khan engkim min hrilhfiah ani. Ka nu surgery tihna tur khan sum ilo thawh a, ka lawm em a, lawmthu sawi ringawt chu a tawkin ka hreloa, mahse engtia han rulhlet tur che nge chu ka hrelo." a ti a. Nathana chuan, "I nu nunna i chhan avang zawkin alawm jail ah ilo luh. Jail atanga i chhuah hunah chuan thil sual titawh suh ang che, i nu duhdan pawh chu chu a ni." a ti a. Nathana chu Charlie awmna dark cell ah chuan ava kal a, tukverh atang chuan light in a zu chhun a, Charlie chu a hmai khuh bawkin a lo mu ar ar a. NAthana chuan constable hnenah chuan, "Dark cell ah hian ka phalna la lo chuan tumah an kal tur a nilo, chiang em?" a ti a. Constable chuan, "Awle..Sir DIG in a hmu duh che a." a ti a. Chumi zan chuan Charlie-a a thih leh loh avang chuan Mutyam-a te thian zaho chu zu nen lawmin mei alh chhemin anlo lam a. Constable Solomona chuan Mutyam bulah chuan, "I ruahmanna hi chu a fuh teh e, boss." a ti a. Mutyam chuan intithei takin, "An hlauhna chuan engpawh a tih tir tawh dawn a ni, chuan ka duhawmna hian engkim min tih tir ve bawk a ni." a ti a. Solomona chuan, "Dik chiah e, an pathum khan an hna an thawk tha khawp mai. An zinga pakhat lek pawh khan kan thu zawm lo se chu Charlie chu a thi daih tawh ang, i fing hle mai boss..Charlie emaw Nathana emaw pawh khan tu tih ber nge an hrelo a nia." a ti a. Mutyam-a chuan, "Tihtur hmabak tamtak ala awm ania Solomon. Kan duhtak kan hmuh hma chu kan fimkhur leh zual angai ang. Ahrim hrimin khawnge Pandu hi a awm?" a ti a. Solomona chuan, "Ka hre biklo." a ti a. Mutyam chuan, "Pandu hi NAthana leh keini inkarah hian apawimawh ber a, khawlai a vak vak lo turin hrilh ang che." a ti a. Chumi zan vek chuan DIG leh Nathana pawh anlo inhmu a, Veera leh lawyer pawh an ko ve a. DIG chuan, "Thil kan tih hlawhtlin theihloh chuan a chhan pahnih a awm thei ang, pakhat chu tihsual palh vang a ni thei a, pakhat erawh chu kan duhthu ngeia kan tih hlawhtlin loh vang a ni thei bawk." a ti a. Veera chuan, "Sir, trial check kan tih pawh khan a tha vek sia." a ti a, DIG chuan, "Chutiang ka ngaithla peih lo, Charlie avang hian ka buai hnem tawh lutuk." a ti a. Nathana chuan, "Sir, Enge kalsual emaw tu tih nge tih chu thudang ni se, keima buaipui tur a ni a, amawh chu ka phur vek ang." a ti a. DIG chuan, "Kan station a ilo kal tirh atang khan ka enthla reng che alawm NAthan. In DGP Sangliana kha ka thianpa a ni a, a thusawi te ringin police huaisen tak i nih avang leh New York ah pawh IPS ai awha kal pha ngat i ni tih ka hriat avangin hetah charge la turin ka sawm che a, mahse awmzia a awmlo chu a nih hi. I thiltih te hian min tilawmlo khawp mai, Nathan." a ti a. Nathana chuan, "Vawiin ni thleng hian ka thil duhlo zawng chu ka la ti ngai biklo asin Sir. Vawiin atang chuan i duhloh zawng anga awm tawhloh ka lo tum ange." a ti a. DIG chuan, "I lemchan kha duhtawk rawh, naktuk tlaiah ka dawhkanah i failure report kimchang hi a awm tur a ni." a ti a. Nathana chuan, "Awle Sir." a ti a. DIG chuan, "Charlie chu khawnge a awm?" a ti a. Nathana chuan, "Dark cell ah kan khung." a ti a. DIG chuan, "Veng fimkhur hle ang che u." a ti a, Nathana te chu an chhuak a.

Nathana a chhuak chiah chu Madhava chuan, "Sir, Pandu chungchang hriat kan nei ania...kan hriat dan chuan KS pakhat, KS Run ami nen an in hnimhnai viau ani awm e. KS hming chu Surabhi a ni a, an inhmu fo ani awm e. Chunu chu kan man a nih chuan, a chanchin kan hriatbelh mahna." a ti a. NAthana chu KS runah chuan chumi zan chuan amahin ava kal ta ngei a, KS chhe ve te te chuan anlo au nasa mai a. Chutia vai khabehmul nei hmelchhe zet zet kara mizo pa hmeltha lutuk mai an hmu chu KS ho mit ala bik em em mai a, an hel nasa hlawm khawp mai a. Mahse Nathana chuan Surabhi chu a zawngkual reng a, a tawpah midang a zawt zel a, ava hmu ta nghe nghe a, alo lam nasa mai a. Surabhi chu a room ah chho a, Nathana chuan a zui a. Nathana chu a room ah chuan ava lut a, Surabhi chu darthlalang hmaah a lo thu a. Surabhi chuan, "Tunge i nih a? Engvangin nge ka roomah i rawn kal tlang rikngawt a? Chuan ka va hmu ngailo che ve..i hmel lah chu a tha phian lehnghal." a ti a, Nathana chuan chhanglo chuan a en reng a. Surabhi bawk chuan, "Awle..minute 5 min pe la, ka va inbual fai phawt ange." a ti a. Nathana chuan a dawhkan hmaah chuan Pandu-a thlalak chu a theh phei a, "Khawnge hepa hi?" a ti a. Surabhi chu hlauhthawn hmel tak hian a ding a, "Po..police a mi i nih?" a ti a, Nathana chuan, "DCP." a ti a. Surabhi chuan, "Ka hmu ngailo, ka hrengailo." a ti a. Nathana chuan a dawhkanah chuan cheng 2000 tlang tamtak chu a dah leh a, chunu chuan a hrilh ta a. A tuk zing, chawhma lampangah chuan Mutyam-a leh anau chu kawnglakah an car chhungah chuan an lo titi mek a. Chutia an titi lai chuan Nathana police motora a rawn tlan phei chu an hmu a. Mutyam-a chuan, "Sawsaw Nathana chu ani maw?" a ti a. Nathana chuan a tlan pel thuak a, mahse a let leh a, motor atang chuan a chhuk a, Mutyam-a te car awmna lam chu ava pan a, Mutyam-a chuan, "Khai..ngemaw alo kal kher kher le?" a ti nuah nuah a. Mutyama nau thuna lam zawk tukverh chu ava kik a, an hawnsak a, Nathana chuan, "Asian Timber Depot hi khawilaiah nge a awm?" a ti a. Mutyam-a nau chuan, "Kan hrelo." a ti a. Nathana chu a kal leh mai a, kawngsira pa pakhat bulah chuan a zawt leh a, chupa chuan a awmna alo hrilh a, Nathana chu a kal ta a. Mutyam-a chuan a nau bulah chuan, "Khawnge Pandu? a ti a, a nau chuan, "Depot ah, Nathana kalna turah.." a ti a, Mutyam-a chuan, "Phone nghal rawh." a ti a. Mutyam-a nau chuan a phone a, mahse signal a chhiat em avang chuan an tawng an inhre tha theilo a, Pandu chuan NAthana chu a hmu ta thut mai a. A hlau chu a tlanchhia a, Nathana chuan a um a, thingzaina dawrah chuan a tlan lut a. Nathana chuan azui lut a, thingzaina bulah chuan mi 10 vel anlo awm a, an zinga pakhat chuan, "Enge i duh a?" a ti a. Nathana chuan, "Khawnge Pandu?" a ti a. Chupa chuan, "Tu Pandu maw?" a lo ti a, Nathana chuan, "Helaiah hian a lo tlanlut alawm." a ti a. Chupa chuan, Pandu kan hria em?" a ti vel a, midang chuan an lu anlo thing a. Nathana chuan, "In sawi dawn nge dawn lo?" a ti a. An zinga pakhat chuan, "Hey, khanglanga, Pandu chu lo awm pawh nise kan hmuhtir lo ang che." a ti a. Nathana chuan, "Pandu-a hmu turin kalo kal a, in phalna ka lak a ngailo." a ti a. Chupa chuan, "Kan compound ah i rawn inla pawr ngam a ni maw?" a ti a. Nathana chuan, "In compound ah hian enge in tih thin ka hre lo, keichuan ka tih tur ka ti ang, angam chuan min dang rawh u." a ti a. An zinga pakhat chu a va kal a, Nathana chuan na em em hian alo hnek a, a thal chiang ngei mai. Midang an lo kal a, Nathana chuan alo thal hmiah hmiah a, an vai chuan reilo teah a thal fai ta vek mai a. An zinga boss deuh ber chu bangah a rek bet a, "Khawnge Pandu chu a awm? Engtia inhria nge in nih?" a ti a. Chupa chuan, "Party na atnaga inhria kan nia, abak ka hrelo." a ti a. Nathana chuan, "Khawnge a awm?" a ti a, chupa chuan, "Warehouse ah sawn a biru." a ti a, Nathana chuan warehouse lam chu apan phei a.

Nathana chuan a zawng kual a, Pandu lah kebai bawk si chu a buai hle mai. Thingzai remkhawm phena a biru lai chu a hnung atang chuan Mutyam-a chuan, "Pandu." ava ti a. A phu zawk mai a, Pandu chu a thaw huai a, "Boss, Nathana khan min zawng a, kan tlanbo vat angai." a ti a. Mutyama chuan chemte a phawrh a, Pandu chu a vit ta siah siah mai a. A vih pah chuan, "Ni e, Nathana chuan a hmu ngei ang che, aman che anga, kan awmna pawh i hrilh anga, min man ve ngei ang. Mahse kan that che a nih chuan min hmulo anga, min man lo ang. Chuan Charlie-a diamond i chantur zawng zawngte pawh kan ta vek a ni bawk anga, mangtha le." a ti a, a vit leh vak vak a, a tlanchhiatsan ta a. Nathana chuan chhuat laia Pandu-a lo let reng chu a hmu a, ava pan hnai a, mahse a lo thi der tawh mai a. Nathana chu station lamah a let leh a, a phone a ri a. Phone ami chuan, "Enge i an, DCP? I tha maw, Sanvi tello chuan i hlim ka ring lo." a rawn ti a. Nathana chuan thinrim zet hian, "Tunge i nih? Enge i duh? Khawnge Sanvi? Tunge i hming?" a ti vak vak a. Phone ami chu Mutyam-a a ni. Mutyam chuan, "Haha, relax, hahdam rawh. Pandu kha khawlaia chhuak reng lo turin ka ti a, mahse ka thusawi a awih duh lo a, a thi ta nih kha. Nangpawh hian ka thusawi i awihlo anih vaih chuan i Sanvi hi a thi animai." a ti a. Nathana chuan, "Hey, hmun biru tak atangin min rawn phone a, i tanchhan atan ka nupui i hmang bawk a, dawih lutuk. Mipa tak tak i nih chuan min rawn hmu la, i duh ang chuan che ta che." a ti a. Mutyam-a chuan, "Nathan, tunge i biak hi min hrelo ani." a ti a. Nathana chuan, "Ka buaina ani emaw nilo emaw, mi ka tihnat dan hi chu a ngai reng a nia. Tunah chuan he buai na hi..ka buaina a ni." a ti a. Mutyama chuan, "Sanvi tan chuan engpawh i tih duh ka lo ring a." a ti a. Nathana chuan, "Atan chuan engpawh ka ti ang...chuan i game khelh lai hi ka ti tawp dawn a ni." a ti a. Mutyam-a chuan, "Nang ang police officer inla engemaw ho hi chu nitin ka hmu tih hre rawh, tamtak ka that tawh bawk." a ti a, Nathana chuan, "Nitina i hmuh te kha chu nangni anga South Indian mi an ni..mahse keichu North East India atanga lo kal, Mizoram Police Officer ka ni tih hi hre rawh. Min hmuh ni hmasa ber chu i thihni a ni ang." a ti a. Mutyam-a chu a thinrim em em a, vin tak hian, "Zawnga, tunge i nih a, i va chapo ve a, tunge ka nih i hria em?" a ti a. Nathana chuan, "Tunge i nih tih ka hriat veleh that tur chein kalo kal ang." a ti a. Mutyam chuan, "Nathan, theihnghilh rawh. Charlie min pe la, Sanvi ka pe ang che." a ti a. Nathana chuan, "Charlie chu theihnghilh rawh, Sanvi kha min pe la, i nunna ka zuah ang." a ti a. Mutyam chuan, "Khanglang ache, ni 2 hun ka pe leh ang che. Charlie-a min pe la, chuan a fel a nimai." a ti a, phone a dah a. DIG chuan Nathana chu a ko leh a, DIG chuan, "Nathan, tukinzing khan meeting kan nei a, Charlie khaihlum anih loh avang khan mi zawng zawng in min dem a ni. Chuvang chuan ka transfer dawn che a ni, jail operator i ni tawh lo, Mizoramah i haw angai ang, heta lo kal hi angai tawh lo ang. Charlie-a case hi chu keiman ka buaipui tawh anga, i haw thei e." a ti ta mai a. Nathana chuan, "Nilo...Sir, ka buaipui ang." a ti a. Mahse DIG chuan, "Theihnghilh rawh...Vizag Central jail superintendent pawh ka be tawh a, chutah chuan naktuk zingah Charlie chu kan shift dawn a ni. Mizorama i haw duhlo anih chuan ka Office ah hian duty in awm mai rawh, hei hi i new post a ni." tih pahin file chu a pe a. DIG chuan, "Charlie kan shift tur hi secret operation a ni tur a ni." a ti a, Nathana chuan file chu ala a, a chhuak ta a. Mutyam-a nau chuan a u bulah chuan news paper headline chu ava hmuh a, "Enteh.." a ti a, a thinrim kher mai. News paper ah chuan Charlie-a Vizag-a an sawn tur thu hi alo inziak a, Mutyam chuan, "Nathana phone teh u" a ti a. Solomona chuan, "Boss, Nathana phone hun a nilo, tun hun hi Charlie-a chhanchhuahna hun a ni, jail pawnah a awm dawn a, aremchang chiah. Mutyama nau chuan, "Charlie an insawn pui lai takin va attack ta ila?" alo ti a. Solomona chuan, "Boss, Nathana chu sawmi jail atang sawn transfer a ni a, Charlie chu a buaipui tawh dawn lo, kan chance a tha lehzual." ati a. Mutyam chuan, "Kan plan hi a fail tur a nilo, Charlie hi jail atangin anlo chhuahpui anga, tuma hriatlohvin, chutah tak chuan kan che ang." a ti a, a kidte chu aplan a hrilh ta a.

Atuk zingah chuan Charlie chu a hmai an tuam a, jail atang chuan an la chhuak ta a, police force in an veng bawk a. Charlie chu prison van ah an luh pui ta a, tichuan an tlan a. Kawng reh deuh laia an kal lai chuan an motor hma takah chuan bomb a rawn puak pup mai a, a khu chum chum mai a. Chuveleh kawngsir hnimbuk kar atang chuan hmaituam silai keng anlo chhuak a, Mutyam-a kid te an ni. Van chu rawn luhchilh in police ho chu an kap nual a, Charlie-a hmaituam reng chunga thu chu an la chhuak a, ramhnuai lamah an tlan chhiat pui ta a. Police ho chuan an um a, an inkap ta vak vak mai a. SI chuan an ACP bulah chuan, "Sir, police force hi kan tam tawk lo, Charlie-a lah an la daih si..engtin gne kan tih ang?" a ti a, chutia an sawi lai chuan an hnug atang chuan Nathana arawn tlan phei a, misual ho chu a pistol chuan a rawn kap thal ta thuai thuai hlawm mai a, an tlan chhia a, Mutyam-a chuan a nau bulah chuan, "Bawiha, Charlie kha motor ah va hruai ula, Nathana hi kalo buai pui ang." a ti a. Misual thenkhat la dam te leh, police thenkhat la dam te chu an inkap leh a, atawpah chuan Nathana leh Mutyam chiah an dam ta. Mutyam-a silai mu chu a zo a, Nathana chuan pistola tin pah chuan, "Khawnge Sanvi?" a ti a. Mutyam-a chuan, "I inla pa viau anilawmni, silai kha dah la, mipa te chu insual ila." a ti a. Nathana chuan silai chu a paih a, Mutyama nen chuan an insual ta a. Mutyam-a chuan a hneh ta ngang lo a, Nathana chuan pistol chu chharin leiah Mutyam chu a rap bet a, "Khawnge Sanvi?" a ti a, Mutyam-a chuan, "Sandhya's Theatre ah." a ti a, Nathana chuan Mutyam-a chu ka kap nghal a. Mutyam-a nau chu Charlie-a nen thingkung phenah chuan an biru a, Charlie-a chuan a hmai ala tuam reng a, a bula hmawlhte chu la in Mutyam-a nau nghawngah chuan a vit thut a, a tlanchhe ta daih mai a. Chuveleh Nathana a lo thleng a, Mutyam-a nau chuan a kutsuihin, "Nathan, ka insurrender e, min kap suh." a ti a, Nathana chuan a sawi zawh hma chuan a kap nghal a, a thi chiang kher mai. Reiloteah zan alo ni a, mitthi ruang te chu lamlianah chuan an mut a. DIG chuan ACP chu a rawn phone a, "Hey ACP, ka thu hriat hi a dik em?" a rawn ti a, ACP chuan, "Aw dik e Sir, kan kal lalklawh laiin min attack a, Charlie chu a tlanchhe hman a, mahse kan man vat ang. Km 40 vel baka hlaah a awm lo ang, kan man ve leh kan lo hrilh ang che." a ti a. DIG chuan, "Khati khawpa security tha chung pawn in tlanchhuah tir amaw?" a ti a. ACP chuan, "Sir, plan tha tawk tak nei chunga min rawn attack an ni, kan thi vek tep nghe nghe alawm. Mahse DCP Nathan alo kal hlauh a, misualte chu a that fai vek ani." a ti a. DIG chuan mak ti takin, "Nathan a? Nathana chuan enge a rawn tih ve a?" ati a, ACP chuan, "Ka hrelo, mahse ahunah tak a rawn thleng a ni." a ti a.

Nathana pawh chu Sandhya's Theatre ah chuan a va kal a, Sanvi chu tap chungin chhuatah alo thu a. Sanvi chuan Nathana a hmu chiah chu a tlan phei a, tap chugin a va kuah a. Nathana chuan Madhava bulah chuan, "Sanvi hi hruai haw rawh." a ti a. Sanvi chuan, "Anih leh nangve?" a ti a, Nathana chuan, "Tihtur dang kala nei...lo va haw rawh." a ti a, a haw ta a. Nathana chu jail ah ava kal a, Charlie-a bialnu Sarahi chu ava hmu a, Sarahi bulah chuan, "Charlie chu a tlanchhuak ta nge nge e, state pumpuiah amah zawng turin high alert an puang a ni. Dubai ah chuan a kal ngei ang, mahse amah chauhvin." a ti a, Sarahi chuan rilru nat hmel takin hnuailam a melh reng a. Nathana bawk chuan, "Tinge? A phatsan che chu ila na viau elaw? A nunna baka ngaihpawimawh a nei lo, ngatan mah a ti lo che. Duhthlan tur i nei ania Sarah, min pui anih chuan, jail atang hian ka chhuah tir thei che. Enge i chhanna chu, hetah i awm reng ang nge, i chhuak anga nun thar nen bul i tan dawn?" a ti a. Sarahi chuan, "Enge ti tura min duh?" a ti a, Nathana chuan, "Charlie chu a lunghlu la turin locker ava pan ngei anga, a locker awmna i hria em?" a ti a. Sarahi chuan, "Charlie hian secret guest house a nei a, chutah chuan a locker chu a awm." a ti a. Nathana chuan DIG a hrilh a, DIG chuan Sub-Inspector pakhat chu a locker awmna hmunah chuan a tir ta nghal a, Inspector chuan an thlen veleh DIG chu a phone a, "Sir, SI Laxman ka ni a, Charlie locker chu kan hmu a, mahse a lo inhawng sa a, engmah a awm lo. Charlie chu a tlanchhuah khan hetah hian alo kal hmasa anga, lunghlu te chu a la ni ngei tur a ni fingerprint pawh a in match thlap e." a ti a. DIG chuan Nathana a ko a, "I sawina hmunah chuan SI ka tir a, mahse Charlie chuan lunghlu te chu alo la vek tawh a ni. Nathan, nimina shootout naa misual thite chungchang leh Charlie tlanchhuah chungchang enquiry ti turin committee kan nei dawn a. Thil pakhat ka zawt ang che, khami crime scene a mitthi te ka en khan thil engemaw hriat chu ka nei a ni. An mahni kha man turin chance i nei reng a, mahse i that vek a, tinge?" a ti a. Nathana chuan a chhang lo a, DIG chuan, "Nathan, min chhanglo mahla a pawilo, mahse committee naah chuan chhanna i pek ngei angai ang, in ring ang che." a ti a. Committee chu an nei ta ngei mai a, zawhna chu an zawt ta a.

"DCP Nathan, Crime scene-a mitthi te hi tute nge an nih i hria em?"

"Charlie-a mi leh sa te an ni."

"Engtin nge i hriat?"

"Achhan chu a mi leh sate chuan an boss chu chhanchhuah an tum ngei ang."

"Khati lai khan misualte kha i man thei reng a, mahse tinge i thah?"

"Mimal tinte khan Charle-a hmingin thisual tam tak tiin case an nei vek tawh ani. In awihloh chuan file pawh check rawh u, kan man ngai lo. Man pawh ni ila, dan anga hremna an hmu lo ang."

"I tawng dan chu Police Officer zahawm tak tawngkam a ni hauh lo mai, Mr. Nathan, Charlie-a tlanchhuah theihna chhan ber chu enge ni a i rin a?"

"A tlanchhuah tawh hnu a, a chhan leh avang lo inzawh hi a hun lo."

"Police rules i bawhchhia tih i inhria em?"

"Hria e, mahse pawisawilo tumah ka tina tello, chuan misual te chu tumah ka chhuah lo bawk."

"Kan hriat dan leh an saiw dan che chuan Mizoram atanga lo kal i ni a, he department ah hian ASURA (ramhuai) ang maia hlauhawm leh nelawmloh i nih thu kan hria a. A dik em?"

"In zawhna ho tak tak hi in duhtawk thei tawh em?"

"Mr. Nathan, Charlie-a tlanchhuahna hmunah khan phalna tellovin silai i hmang a, chuan misual te chu man thei reng siin i that vek a, chuvang chuan kan suspend dawn che a ni."

Nathana chu thinrim takin a dingchhuak a, "Min suspend rawh u a pawilo, mahse Charlie-a te ang misual in man hunah chuan, jail chhungah nuamsa takin awmtir suh ang che u. Rules tih vel chu dahtha ula, kap nghal ang che u." a ti a, commitee member pakhat chuan, "Charlie case chu department lamin kan lo buaipui mai ang, ilo buai angailo." a ti a, Nathana chu a kal ta a. News ah chuan Charlie-a hmu a, man apiang chu cheng nuai 1 an reward tur thu te chu an puang sup sup a, India ram pumah a lar ta a. Chutih lai chuan Nathana chu hmun pakhat reh em em ah chuan akal a, thlam tereuhte hi alo awm a, chutah chuan a lut a. Achhungah chuan Mutyam-a chu thi hnuangin banah phuarbehin alo awm a, a awmzia chu Nathana khan a that nghal mai lo a, a kap hliam a, chumi thlamah chuan a thukru hi alo ni a. Nathana chuan va pan hnaiin, "Thisen litre 3 vel chu thi tur chuan i hloh a ngai ang, mahse chutiang em em thisen chu ila hloh love. Ka la thah mai loh chhan che hi i hre duh em? Engvangin nge Sanvi awmna min hrilh hnuah dawt ani nge nilo pawh chian hmasa lova ka thah nghal ngawt ang che?" a ti a. Mutyam-a chuan thaw hluam hluam pah chuan, "Nathan...ka tui ahal." a ti a, Nathana chuan bottle a kenlai chu a pe a, Mutyam-a chuan a in khawlh khawlh a. Mutyam-a chuan harsa tak chung chuan, "Nathan, ka tisual ani, ka duham vang vek, min chhuah rawh khawngaihin." a ti a. Nathana chuan, "Mi tupawh a duham emaw, thil a tisual emaw, rorelna dik chu an pumpelh lovang." a ti a. Mutyam-a chuan, "I duh apiang ka pe ang che, minchhuah hram rawh." a ti a. Nathana chuan, "A teuhlo, nang chauh nilovin, thil tisual tute chu tumah ka chhuah ngai lo. Thudik dang ka hrilh leh ang che aw, Charlie-a pawh kha ka chhuah zalen hauh lo asin. Khami ni, kan khaihlum ni khan...kan khaihlum tak tak a lawm." a ti chiah chu Mutyam-a chu a meng phawk chiang ngei mai. Nathana bawk chuan, "Khami ni khan kan thu kalpui sa ang ngeiin kan khaihlum ani, mahse khami ni khan, megistrate leh Veera te chu an hlauthawng a, thudik min hrilh ta a, ilo vau ani tih ka hre ta a. Tichuan Charlie-a thih thu chu kan puangzar ta duhlova, technical problem a awm tiin dawt kan sawi ta a. " a ti a. Mutyam-a chuan mak ti takin, "Nihleh Vizaga in hruai kha tunge?" a ti a, Nathana chuan, "Malli-a a nih kha. Khami ni khan Malli-a kha jail atanga a chhuah ni a ni a, mahse a puihna ka dil a. Tichuan Charlie-a ang turin dark cell ah ka dah a, DIG khan Charlie-a chu Vizag ah hruai turin a ti si a, mahse charlie chu a thi tawh si a, chuvangin Malli-a khan min pui ta a ni. Newspaper-ah khan reporter pakhat bulah Charlie-a Vizaga shift an tum thu kha chhuah turin ka ti a, news in chhiar veleh in thinrim anga, in attack dawn tih kha ka hre sa vek alawm, in ti ngei bawk a. Tichuan ka man che a, i nau ka that a, magistrate fapa in kidnap kha ka chhan a, Veera nu ka chhan bawk a, ka hna chu ka zo tawh keichuan." a ti a. Mutyam chuan, "Nihleh diamond kha?" a ti a. Nathana chuan, "Hmun ho takah engvangin nge thil hlu kan dah phal anga? Sarahi hnen atangin Charlie-a locker awmna ka hre ta a, tichuan a finger print angaih avangin Charlie-a ruang chu kan la chhuak a, a kut kan tan sak a, tichuan SI LAxmana te thlen hmain locker chu kan hawng a, lunghlu te chu kan la chhuak ta a ni. Nang ang misual thluak chu tha viau angin lang mahse, polcie thluak phei chu a that lehzual dawn zia chu ngaihtuah teh. Keichuan ngaihdan pakhat chauh ka nei, thil tisual tute chu kan chhuah zalen tur a nilo. Ka ngaihdan chuan, nangni ho hian dam inphulo." a ti a, a meizial chu a phawrh a, Mutyam-a chu a zuk tir a. Nathana bawk chuan, "Death sentence hi thil chi thum ah then hran a ni a, pakhatna chu khaihlum a ni a, pahnihna chu kahhlum a ni a, pathumna erawh chu khawina miahlo che a, tuma hriatloh a i nunna tih tawp ani." a ti a. Mutyam-a chu a khuh ta vak vak mai a, NAthana chuan, "Tui inturah hian spirit ka pawlh a, meizial i zuk chiah khan i kawchhunga spirit chu a alh a ni. Ka hrilh lawk che kha, i game khelh lai hi ka ti tawp ang ka tih kha.." a ti a, a chhuahsan ta a, Mutyam-a chu a ka atangin thisen a chhuak a, a kuh vak vak a, a thi ta a.

Charlie-a nuhrawn Baharati chu inah chuan lungngai takina thu a, door bell a rawn ri a. kawngka a hawng a, tumah an awm lo, kawngkhar hmaah chuan bag alo awm a, bag chu a hawng a, lunghlu tamtak, pawisa tam tak leh rangkachak tam tak hi a lo aw, a, lehkha hi a awm bawk a. Lehkha chu a chhiar a, "He bag, i kawngka bula awm hi, a chhungah hian rohlu tam tak, hausak puina tham a awm a, i ta tur a ni. I chhungte thi tawh ho chu a pe let lo ang che, mahse i ta tur a ni. Hei hian i TRUST i enkawl lai chu a pui ang che anga, victim tam tak te hnenah rorelna dika thlen sak theih ngei ka beisei. Heng rohlu te hi Charlie-a ta a ni a, diklo taka a neih a ni a, mahse nang chuan i phu a ni. I chhungte thahsak tu che hian a peklet ve che angah ngai la, Charlie-a kha i fapa a ni lo, i hmelma a ni. tunge ka nih hi hriat tum buai suh, i fapa pakhat angin min ngai la, ka pui angah che ngai mai rawh. Dam reng ang che, kanu." tih hi alo inziak a. Bharati chu a tap a, alawm em em bawk a. Nathana pawh chu DIG chuan a suspend a, Mizoram lamah a thawn haw leh ta a, Mizoram lamah, mahni ram ngeiah hnathak turin a let leh ta a.

THE END.