NATHAN SEASON-4 Written by : Aaron Malsawmdawngzuala Episode-13 (THE KING-4)

NATHAN SEASON-4

Written by : Aaron Malsawmdawngzuala

Episode-13

(THE KING-4)

******************

"Mipa naupang a kap hliam a, kum 17 chauh ala ni. A thi a nih chuan helai hmunah hian he case hi kan buaipui reng lovang, ala damreng vang hian remchangah i la a ni. A fair lo khawp mai, Sir." tiin Officer nu chu DIG lakah chuan a vui nasa hle a. "Chuvang ringawt chuan a statement hi kan ngaihthlak sak thei lo tihna a nilo, chuvang alawm he meeting pawh hi kan neih reng." tiin DIG chuan a lo chhang let a.

"He thilah hian engkim a chiang vek tawh, in department ami a nih hi he Officer hi..100 ah 100 in ka chiang, he witness pawh hi set up vek a ni." Officer hmeichhia chuan a han ti leh zuah zuah a. "Officer, engtin nge set up a ni tih i sawi theih? Chutin kan rinthuin kan kal tawp thei hleinem, investigation tih zawh ah thudik chu kan hre thei chauh ang. He case hi keiman ka buaipui ang, he commision ah hian i tel duhlo anih chuan statement ziak la, ka thei tawh lo a ni tiin ziak la, i kal thei ang." tiin DGP chuan a hau zek mai.

Chutah Nathana chu a rawn lut ta a, Officer te hma takah chuan a thu leh ta ran mai a. Witness atan constable DAwnga pawh chu a rawn lut ve a, "SP Nathana silai ah khan a mu lem thun i tum tih hi thudik a ni em?" tiin a han zawt a. Chutah Dawnga chuan, "A teuhlo, dawt a sawi a ni. Engmah ka tilo,  amah hian min vau a ni." tiin a chhang leh ta daih mai.

Nathana pawh chuan a en hu ringawt a, "Ka sawi reng kha, tunah chuan he case ah hian ka inhnuk dawk e. Ka report chu ka submit anga, abak chu in buaipui tawh dawnnia." tiin Officer hmeichhia chu a tho a, a chhuak ta daih mai. Mahse Constable Dawnga hmel awmdan chu DIG leh DGP te chuan an han en vang vang a, thil diklo chu a awm chiang a ni tih chu an hai mawlh lo.

**********************

Tlaiah chuan Constable DAwnga te in kawngka chu a inkik karh karh a, Dawnga'n ava hawng chu DIG leh DGP te an lo ni reng mai. "Hello Sir..lo lut ru." tiin zah takin a lo bia a. DIG chuan, "In chhungkua in dam maw?" a han ti a, "Dam e..thu rawh u." tiin thutna te chu a kawhhmuh a. An thu fel a, "Engthil chiah nge thleng sawi rawh le.." DIG chuan a han ti leh a.

"Engmaw?" Dawnga chuan a lo ti hu mai. Vin deuh tak hian DIG chuan, "Mi a angah min ngai em ni a? Investigation neih lai khan engvangin nge dawt i sawi?" a han ti leh deuh thak mai a. "Engmah awmzia ka hrelo..engthil nge in sawi a?" tiin Dawnga chuan a lo zawt leh a. "Thudik chu sawi mai rawh, i dawtsawi awih turah min ngai em ni? I sawi dawn nge jail ah tan i duh zawk?" tiin DGP chuan a vin ta hrep mai.

"Ka inpuang ang ka pu.." Dawnga chuan a ti ta nge nge a. "Sir Nathana silai ah khan a mu kha  alem nena thlak chu ka tum ngei alawm, keipawhin inpuan chu ka tum vek tawh. Mahse Pu Vala nauten ka fanu an kidnap a, mahse khatia vawiin lama dawt ka sawi khan tlai ka haw chu ka fanu chu inah a lo awm leh reng tawh a. Ka tihpalh a ni, min ngaidam ru." tiin a thingthi a, a tap hawm hawm mai. DGP leh DIG chu an haw a, "Tunge Pu Vala an tih chu ni reng reng a? A case zawng zawng re-investigate leh vek rawh u.

*********************

Pu Vala te inah chuan Mama te leh a thiatnte ho chu TV en pah chuan zu an lo in a, an nui dar dar mai. Chutih lai tak chuan ACP Awmpuia a lo lut a, "Hey Mama, enge thil tul lo deuh deuh hi i tih thin a?" tiin a rawn vin hrep mai. "Enge ka tih a?" Mama chuan a lo ti hu mai a. "Police Constable fanu kidnap kha enge i tan a tangkaina?" a han ti leh khur khur a. Mama chu a hawi a nasa mai, "Tu constable maw?" a ti leh hu mai a.

"Thil tullo tak a nih kha.." ACP bawk chuan a ti leh a, chutih lai chuan inchung atang chuan Pu Vala chu a rawn chhuk a. "Engthil nge ni?" a rawn ti ve vat a, "Hun reilote chiah lo nghak rawh ka tih kha, Pu Val...Police COnstable kha investigation neih huna a inpuan hunah tuman an awih dawn chuanglo ka tih kha..mahse tunah chuan a fanu in kidnap ta si a.." a ti lai chuan Pu Vala chuan, "Tu fanu maw kan kidnap a?" a ti ve ta hu mai.

"Anih chuan in kindap a ni lo tihna em ni?" ACP chuan a ti ta hu mai. "Ka patea thulo chuan engmah ka ti ngailo tih i hriat kha. Kan tih anilo, tumah kan kidnap lo." tiin Mama chuan a lo chhang a. "Anih chuan tu kidnap nge ni anga?" ACP chuan a han ti leh a. Pu Vala chu a nui sak a, "SP NATHAN.." tih ringawt chuan a chhang a.

**********************

"In thlah haw leh thlap em?" Nathana chuan tlangval te chu a zawt a. "Aw Sir, kan tlankual pui vel mai mai a, kan thlah haw leh nghal." tiin tlangval zinga pakhat chuan a lo chhang a. "In ti tha e, in kal thei e...kha pawisa hi la rawh u." tiin Nathana chuan pawisa chu a pe a, tlangval te chu an kal ta a.

"I ti tha khawp mai, Sir. Vawiin khan Dawnga kha han inpuang nghal ngawt se chu an awih ka ringlo, a fanu i lo kidnap daih hi chu i ti fuh khawp mai. Pu Vala chu kan thangah a awk chiang e, keini chu kan him ta. Mahse hei chauh hi chu ala tawk lo, hremna na zawk kan pek leh angai a ni. VE khanglang a, Police te hi min tibuai ve ngam khanglang a, saw putar ve mai mai saw.." Rinawma chuan a han ti pung pung a. "Amak pung pung thin mange aw...saw putar saw chuti tehlua a nih loh saw..hna hi ka han hmulet leh te te phawt anga, a chak dawn lo khawp alawm." Nathana chuan a lo ti a.

***********************

NAthana chuan a tuk zingah chuan DIG chu phone in engkim a hrilh ta a, "Monday ah COmmision Office ah lo kal la, kan sawi tha leh dawnnia." a tih lai chuan phone chu DGP chuan lo ban in, "Khawimaw ka lo be ve ange...Nathan, i re-appointment chu confirm a ni tawh e. I khabehmul leh hmuihmul te kha met fai la, Monday atangin i rawn zawm leh dawnnia." phur tak chuan a ti a.

**********************

Pu Vala chu thinrim tak hian a thu tum bur mai a, "Buaina a neih lai pawhin tikhawp khan min bum thei a, duty a join leh hunah phei chuan..a chet leh hma hian kan dahthat vat angai a ni. Ka kutah dah rawh Pate, ka chhuah hauh lovang." a ti pung pung a. Pu Vala chu a ngawi vang vang a, "That ang che, that ngei ngei ang che, Mama.." tiin a chhang a.

***********************

Tlaiah chuan Rinawma leh Nathana te chu thingpui in in dawrah an chawl a, chutih lai chuan darthlalang bottle hi a rawn thlawk fua mai a. An thutna bula ban ah chuan a keh chuai mai a, Rinawma ban ah chuan darthlalang kehthem chuan a per a. "Aiha..ana lutuk." tiin a au deuh thawt a.

An va hawiphei chu tlangval panga vel hi an lo ding tlar thap mai a, helmet an vuah vek bawk. Nathana chuan hlau miah lo chuan a va um thut mai a, bike ah an lawn sup sup a, an tlanchhe ta a. Rinawma leh Nathana pawh chu Bike ah an inphur a, an umzui ve ta nghal a. An in um fe hnuah chuan khua a thim der mai a, Nathana te chuan an mi umte chu an hloh ta tlat mai.

An ding a, "Enteh Rinawm.." tia Nathana'n Rinawma bana a han khawih chu Rinawma chu a phu zuk a, "Anahh.." tiin a lo si vawng vawng mai. "Ngati nge?" tiin Nathana chuan a zawt vat a. "Aih engmah anilo." Rinawma chuan a lo ti vat a. Darthlalang kehthem khan a per che anih hi, hei thisen a chhuak alawm." tiin Nathana chuan Rinawma ban chu a en a.

"Chhuk rawh...Damdawiinah han kal rawh..kha a kak thui lutuk." Nathana bawk chuan a ti leh a. "A ho lutuk, a dam mai ang." tiin RInawma chu a tang ve tlat a. "Mawla, han kal vat rawh...keiman ka lo buaipui ang." tiin a chhuk luih tir a. Taxi chu a phar ding a, "Kal rawh...ka lo buaipui ang." tiin Rinawma chu a kal tir ta a.

********************

Rinawma kal veleh chuan Nathana phone a rawn ri a, Sanvi a lo ni. "Hello, Sanvi?" a han ti a. Chutah hlauhthawn hmel tak hian Sanvi chuan, "Hello Nathan, Pu Vala naute...an lo kal.." a rawn ti ta mai a. "Engmaw i sawi? SAnvi.." tiin Nathana chu a mangang hle mai. "Kan in an hual...an hual khat vek." a ti leh hlawp hlawp a.

"Lungngai suh ka lo kal dawn, ka lo kal dawn." Nathana chuan a ti vak vak a. Tap chung chuan Sanvi chuan, "Min hual vek tawh...naupangte nen chauh kan awm." tiin a mangang kher mai. "Tikhan awm suh, Sanvi..naupang te kha i ti hlauthawng zual ania. Min ngaihtla teh, naupangte kha room ah luhpui vek rawh." tiin Nathana chuan a hrilh a.

Roomah chuan Sanvi leh afate chu an lut a, "Kan lut tawh e." Sangvi chuan a ti a. "Tukverh zawng zawng kha kalh vek rawh." a ti leh a, Sanvi chuan a ti ve zel bawk a. "Sanvi, engtin mah in awm dawn lo, hlau suh u...phone kha Mary han pe teh." a ti a. Sanvi chuan Mary chu a pe a, "Hello apa?" a ti a.

"Mary bawihte, i hlau em?" Nathana chuan a han ti a. Kum 12 mi lek, Mary chuan, "Aih ka hlau lo, apa." tiin a lo chhang a. "Bawihte, i pa thusawi hi ngun takin ngaithla ang che." Nathana chuan a han ti leh a. Apa thusawi chu Mary chuan a ngaithla a, "Le, i nu kha phone pe leh tawh rawh le." a ti leh a, Mary chuan anu chu phone a pe leh a.

"Hello, Mary kha enge i hrilh a? Enge tih i tum a?" tiin Sanvi chuan a zawt a. "Lungngai suh, min ngaithla rawh. An hriat theih turin va kal hnai la, ka sawidan ang zelin awm ang che." a ti leh a. Chutih lai chuan Mama te thianho pawh kawngka bulah chuan an ding thap tawh a, luh an han tum chiah chu Sanvi chu a rawn tawng chhuak thut mai.

"Nathan lo kal teh, saw MAry sawn thil a tichhe leh tawh ania." a han ti chu Mama te chu an phu zawk mai, "Ehe, inah a awm reng." Mama chuan a ti hu mai a. Chuveleh an zinga mi pakhat chuan, "Anih chuan let leh mai ang u." a lo ti nghal chul mai. Mama chuan tukverh atang chuan a han bih a, Sanvi chiah a hmu thei.

Sanvi chuan choka lam, tukverh atanga en pawh a lang ve thei lo lam chu a en tlat a, "Rawn kal vat teh, saw a tihchhiat belh zel ania." a han ti leh a. Mama chuan mak ti tak hian, "Ehe, engtin nge a awm theih?" a ti hu mai. Sanvi chu chokaah a lut a, "Nathan, ka sawi tawh e." a ti a, a la hlau em em thova.

Mama thiante chuan, "Kal ang..let leh mai ang u." an lo tichhen tawh mai. Mama chuan a phone a phawrh a, "Mimawl ho, inah a awm reng alawm." a ti khur khur a. "Tu chu maw?" phone ami chuan a rawn ti hu mai. "Nathana..inah a awm reng alawm." a han ti leh hlur a. "A awihawmloh lutuk, tun lawk khan min um alawm." tiin a rawn chhang leh a.

Mama chuan, "Anilo..saw tunah a nupui vai khan a be mek alawm." a han ti leh a. "A theihloh, nichin deuh lawk khan min um a, a rawn la haw hman teuh lo lutuk." tiin a lo chhang leh a. Sanvi chuan hlau tak chung hian, "Nathan, anla kal miah lo, an la awm reng." a han ti khur leh dar dar a.

"Ummm...an kallo a nih chuan ka awmlo tih an hria animai...lungngai suh, lo nghak zel rawh." tiin Nathana chuan a chhang a. "Nathan, ka hlau ania, ka hlau takzet." tiin Sanvi chu a tap nasa tawh mai. "Hetah a awm alawm, a nupuiin a be zawt zawt alawm." Mama bawk chuan a han ti leh a.

Phone ami chuan, "A bum mai mai che u a nih chu, khatah khan in awm tih ahriat vangin tikhan lem a chang mai mai a nih kha...min ring rawh, bro." a rawn ti leh a. "I ti tak tak maw?" Mama chuan a han ti leh hram a. "Ti tak tak e, lem a chang a nih kha." a lo ti leh a. Mama chuan phone chu a dah a, "Kawngkhat tichhe rawh u...saw vainu sawn lem a chang mai mai a nih saw." a ti vak a.

Chutah Mama te thian ho chuan kawngka chu tihchhiat tumin hmanhraw ken chuan an chhu ta siah siah hlawm mai a, "Nilo nilo, kawngka tihchhiat an tum ania." tiin Sanvi chu a hlauthawng tawh kher mai. "Duhtak, lungngai suh..kawngka thar kan siam tir leh mai dawn alawm. Lungngai suh, engmah a thleng dawn lo." tiin Nathana chuan a lo chhang leh a.

"Nilo, an rawn hawng thei mai dawn ania..." Sanvi chuan a ti leh a. "Lungngai suh, i bulah ka awm reng ania. Chutah an tichhe thei ta, kawngka chu a rawn in hawng a. "An lo lut..an lo lut." tiin Sanvi chu a au vak vak mai. "Hlau suh Sanvi, hlau suh." tiin Nathana chuan  alo thlamuan leh a. Chutah kawngka bulah chuan Mama chu a ding ran mai a, a nui suk mai.

"Duhtak lo kal teh, kan fanu hi chuti khati...haha..filmstar i nih thin thute ka lo hre ve a, lemchan chu ilo thiam khawp mai. Tunge i biak a, i pasal em ni?" a han ti vel a. Chutah Mama bawk chuan ring zet hian, "Hey SP Nathan, i nupui leh fanau te natuara an au thawm i hre duh em?" tiin a au vak a.

"Sanvi, Mary kha alo chhuak tawh em?" tiin Nathana chuan a han zawt leh a. Chutah Mary chu kuthnung suihin a rawn chhuak a, "Aw alo chhuak e." Sanvi chuan a han ti khur leh dar dar a. "Phone kha loud speaker ah dah rawh le." Nathana chuan a ti leh a, Sanvi chuan a dah ta a. Chutah ring zet hian Nathana chuan, "Ka fanu, ngil at khan keng rawh le, ka zirtir thin dan che ang thlap khan aw.." a ti ta vak mai.

Chutah Mary chuan apa revolver, puak ruk chu in-load sa in a rawn lek chhuak ta mai. Inchung chu a kap a, chandelier a han fuh a, a trek chuai mai. Mama te thian ho chu an phu zuk a, an tawlh hnung rual dual mai a. Nathana bawk chuan, "Mary, kum 2 chhunga silai kah i zir thin kha, tunah chuan i hman tangkai a hun ta e. BAwihte, tupawh kha an lo kal hnai anih chuan i kap dawnnia...engzat nge an nih?" a rawn ti leh a.

"Apa, paruk chiah chiah an ni e." tiin Mary chuan a lo chhang a. "Athat nasat chu, alo kal hnai apiang kha chu an chaldarah khan kap ang che, in ka rawn thleng tep ania." Nathana chuan a han ti leh a. Mary chuan Mama te lam hawi zawng chuan silai chu a han dah leh a, a tin ta vang mai.

Mama chuan vin zet hian, "Va man rawh u..naupang mai mai anih saw." a ti vak vak a, mahse tumah chu an che ngam bik lo. Mama chuan pakhat chu ava nam phei vak a, Mary chuan a darah a lo kap ta tak tak mai a, a thal tawp mai. Midang chu an tlanchhe vek, Mama chuan a thianpa chu a kai tho va.

"I pasal kha lo hrilh rawh, ala hre khawp ang." Mama chuan a ti khur dur dur a. Sanvi chuan, "Minute 10 vel hnuah a lo thleng mai ang, hmaichhanah ngei hrilh zawk ta che." tiin a lo chhanglet a. Mama chuan a thianpa chu a kuah chhuak a, an tlanchhe ve ta a. An kal veleh chuan Mary chuan revolver chu a nu a pe a, "Ka lawm e, bawihte...i nu leh i naute nunna i chhan der ania." tiin a biangah a fawp a.

*******************

Mama chuan Pu Vala chu a phone a, "Pate, kan hlawhchham a ni." a ti chuai raih mai. "Mawla, ka ring che hi ka tisual a ni. Laktlak loh lutuk, engtin nge in hlawhchham theih a? Ahna hi  aneilet tawh tur anilo, damdawiinah va kal ula, kha naupang Ruata, damlo kha, va that rawh u." Pu Vala chuan a lo ti khur khur a.

"Awle pate, kan va kal nghal ange." tiin Mama chuan a lo chhang a. "That ngei ngei ang che u, naktuk zingah chuan a thih thu news ah an puang tawh tur a ni ang." Pu Vala chuan a han ti leh a. Phone chu a dah a, "Kal rawh u, mi nep ho..midang ka zawng mai ang." tiin a thiante chu a hau hrep  mai.

********************

Mama chuan an khua a pa chak deuh ho chu a sawm khawm a, damdawiin lam chu an va pan ta a. An va thleng chu damdawiin gate hma takah chuan NAthana a lo awm reng mai, a bike ah chuan a lo thu vang mai a. Mama te pawh an ding nghal thap mai, Nathana chuan phone lo bia in, "Umm..in mu tawh maw? Naupang ho an mu tawh em?.....a tha e, ka lo haw tep, exer ka han la leh zuai ange." tiin bike atang chuan a chhuk a.

Damdawiin gate chu a khar hmak mai, chutah Nathana chu a va hawi phei leh a. Mama chuan, "Ka rin ang vel ani, a lo awm leh daih tawh kha ka ring rengah." a ti nuah nuah ringawt mai a. Chutah Nathana chu a rawn phei a, patling cho chuan sawi sak tumin an pan phei ve bawk a. NAthana chuan a thal nghal hmiah hmiah mai, chutia an beihrawn lai chuan Mama leh midang thenkhat chuan gate chu an lo hawng hman a.

An tlan lut nghal sup sup a, Nathana chuan ava umzui bawk a. Damdawiin chhungah chuan an insual ta tiah tiah mai a, mahse damdawiin chhunga mi tlem lai a ni hlauh mai. Security guard ho chu an lo kal a, mahse Mama chuan  a lo hnek thal siah siah hlawm mai a. Mama thiante zinga pakhat chuan Nathana lu ah chuan papar khawina pot hian a chhu chawrh mai a, Nathana pawh a ding chat mai.

Chutah pakhat leh chuan security guard-te tiang lo let reng chu chharin Nathana chhipah chuan a han vaw leh pawp mai a, thisen a lo luang nghal zawih zawih mai. Mama chu a lo nui vel a, Nathana chuan a va melh a. Mama nui chu a tawp hmuk a, mak tih hmel deuh chuan Nathana chu a en hru ringawt mai.

Nathana chu a nui leh suk a, "Hey, ka hrilh tawh che kha. Tikhan min en vung vung tawh suh, ka nuih i ti za thei lutuk, ka insum theilo ka tih kha." tiin a nui vak vak a. Mama chu a sa kher mai, "Zawngsena kha that rawh u." a ti leh vak a, mahse sakeibaknei hliam a thinrim ve ta. An vai mai chuan a thal leh pawp pawp mai a, chutah Mama chu ava pan a.

A ban ah chuan a elh vak a, "Ana lutuk...min chhuah rawh.." a ti vak vak a, NAthana chuan a banruh chu a elh tliah sak a, Mama chu a rak nasa kher mai. Ruata awmna ward ah chuan ava kal a, Mama thiante zinga pakhat chuan Ruata oxygen pipe chu lo zai chah a tum mek a. Khur dar dar chung chuan, "Ka..ka..kapu, lo kalhnai suh...ka zai chat animai." a ti hluam hluam a.

Zaidam tak hian NAthana chuan, "Engtin mah ka tilo ang che, tha deuh khan helai hmun atang hian chhuak mai rawh." a han ti a. Chuveleh chupa chuan pipe chu a han zai chat hram a, a tlanchhuak ta nghal a. Ruata nu chuan, "Nilo...a zai chat ania...nilo.." tiin a au vak vak a. Nathana chuan Ruata chu a pawm a, "Halu suh...a tha vek e.." tiin a chhuah pui a.

"Doctor..doctor.." tiin a au vak vak a, doctor te pawh chu an lo tlan vat a. Ruata chu an buaipui nghal vat a, vanneihthlak takin an chhan hman ta hlauh a ni. Chutih lai chuan police dangte chu an lo thleng a, Mama te thian ho zawng zawng chu an rawn man ta hlawm a. Nathana pawh a chau hle mai, in lamah a haw ve ta a.

***********************

A tuk zingah chuan NAthana te chhungkua chuan TV an en a, News ah chuan Ruata chu an lo kawm mek a. Reporter chuan, "Thianho rualin damdawiina i awm lai khan thah che an tum tih hi thudik a ni em? SP NAthana hi nangmah kap tu a ni reng em?" tiin a zawt a. Ruata chuan, "SP NAthana chuan inquiry ti tur chuan min hruai ngei a, mi zawng zawngin min kap angin an ring vek bawk. Mahse min kap lo, a silai kha a thlauh lai ka hmu a ni, tichuan a thlauh chiah khan amahin a in kap a ni. Nizan khan ka thi tep a, mahse SP Nathana hian min chhanchhuak a ni. Mifel tak, midik tak a ni. Ani nilovin, keini zawk hi a ni thil tisualtute chu." tiin a chhang a.

"News zawng zawngah nangmah kah angin an sawi a, mahse saw...Ruata ber chuan thudik a rawn puanchhuah tak saw." Sanvi chuan a lo ti a. "Nilo, dawt a sawi a ni. Silai kha ka thlauh lo, ka hum reng alawm. Ka mualpho hlauvin ka thlavang a hauh a nih khi, naupang fel tak a ni tawh ngei ang." tiin Nathana chuan a lo chhang a.

*************************

ACP Muanawma chu Pu Vala te inah chuan ava kal a, "Pu Val, naupang Ruata kha damdawiin atangin a chhuak tawh a." a tih lai chuan Pu Vala chuan vin zet hian, "Chuan enge ni vak?" a lo ti hlur mai. "Case hi SP Nathana kutah a awm tawh a, a kaltlang pui ngei bawk ang. Chuvang chuan ka pu, inpe mai rawh." ACP chuan a ti a. 

"Police SI pahnih ka that a, zalen takin ka la leng thei. Eng anga SP pawh lo ni sawmsarih rawh se, ngatan mah ka tilo." tiin Pu Vala chuan a lo chhang a. "Arrest Warrant a neih a, a man che khan i buai em kha, mi a anih saw Pu Val, a man vaih che chuan a sawisa nasa ngawt ang che. Inpe mai rawh, chuzawng chu a ni e." tiin ACP chuan a chhuahsan a.

*************************

Atuk zingah chuan Pu Vala chu a khum atang chuan a han tho taih taih a, chhuat a rap chiah chu tui niawm tak hi a lo tling pum mai a. A han hawi kual a, inchhungah chuan a lo tling khat vek mai. A han hni a, petrol a lo la ni zui a. A tho a, choka thleng thleng chuan a lo tling vek mai a.

Kawngka hawn a tuma a, a thei ta hauh lo. Tukverh-a a han dak chu pawna thutthlengah chuan Nathana chu a lo thu a, chanchinbu a lo chhiar a. "Hey Nathan, enge tih i tum a..mawh." tiin a vin khur khur a. Chutah Nathana chu a lo hawi chhuak a, a nui suk ringawt a. Nawhalh a phawrh chhuak a, Pu Vala chu a mangang kher mai.

Police DGP leh DIG te hriatpuina in, police zawng zawngte chu an tangrual a. Pu Vala'n an police pui SI Sangpuia leh SI Kimtea te a thah avang chuan Pu VAla chu a chenna in chawpin an hal hnan ve ta hmiah mai a ni. Hei hi Nathana ruahmanna niin police te chuan an zep pui a, han sawichhuak vaih teh u..in chak lovang..hehe..

*************************

THE END