NATHAN SEASON-4 Written by : Aaron Malsawmdawngzuala Episode-4 (THE LION RETURNS - 4)

 NATHAN SEASON-4

Written by : Aaron Malsawmdawngzuala

Episode-4

(THE LION RETURNS - 4)

****************

Lawmzuala chu kan um a, a rang a rangin Nathana pawh chuan Lawmzuala chu a um ve a. Minister kid te chuan motor leh bike-in an um a, Lawmzuala erawh chu kebai a ni bawk a, tlan ve vak vak thei hek lo le. Thei leh thei lo chuan sumo hnungah chuan a bet a, tichuan man ngei tumin kan um ta char char mai a.

Kei tak phei chuan man em em pawh ka tum lo, mahse ka hna  ani miau a, enge a chhan, engvanga Minister kha rawn kap nge a nih tih pawh hriat a chakawm hrim hrim. Mahse mak tak maiin midang ho chuan an man thei tep tih ah chuan Nathana chu a rawn thleng a, a theih ang tawk chuan Lawmzuala chu a chhan ta char char mai.

Rei fe an inchei hlawm hnuah chuan Nathana chuan Lawmzuala chu a Motor ah chuan a phur a, an tlan bo ta daih mai. Kei erawh rang takin ka inthiar fihlim vat a, Lawmzuala chu kan man thei ta lo. Minister Rosanga pawh a sa lehpek ngei mai, tawngkam chhe thei ang ber chuan min hau leh vak vak ta ringawt a.

*******************

Tlai duty ban veleh chuan Nathana call ka dawng a, hmun pakhata lo kal turin min ti a. Inah pawh chuan ka haw ta lo, Nathana location min rawn thawnna lam pan chuan ka tlang ta nghal a. Ka va thlen chuan Minister te sawi, kebai Lawmzuala nen chuan an lo awm dun a. "I lo thleng thei maw..hei Lawmzuala hian thil sawi tur a nei a." Nathana chuan a lo ti a.

"He Minister Rosanga hi ka hmelma lian ber a ni a, ka haw takzet a ni. VAwiin khan ka that ngei ang ka ti a, mahse a vannei hlauh zawk a. A lehpekah chuan, a lehpekah chuan a dam tawh hauh lovang." a ti khur khur mai. "Pu Rosanga nen hian enge in inhuat chhan?" tiin Nathana chuan a zawt a.

Tap lek lek hian LAwmzuala chuan, "Partei..reporter a ni a..Minister Rosanga te, smugling lama inhnamhnawih Muana leh kan MP te.an vai chuan an thil tihsual chu ka puan tir vek a, chu chu Partei chuan a record vek a ni." a ti ta mai a. Nathana chu a phu zawk mai, "Partei...reporter maw?" a ti a, min rawn en a.

"Rinawm..Partei...ka thiannu..hmanzana accident vanga thi kha..Partei." tiin mak a tih hmel kher mai, keipawhin mak ka ti. "Anih chuan Partei kha accidnet nilovin...thah ngei a ni tihna  ani maw?" a ti leh a, a thinrim hmel ta kher mai. "Aw ni e, Sir..kha a video kha..khami memory card chhuhsak tum khan an um a, an that ta a ni." Lawmzuala chuan a ti a.

"Lawmzual..engkim min han hrilh vek teh." tiin Nathana chuan a zawt leh a. "Minister te hian thil thalo tak an ti a, an zinga mi Muana hian smugling a ti thin a, Mizoramah hian silai tam tak, a rukin a tawlh ru a. Chumi kawngah chuan Pu Rosanga hian a pui a, chu chu kei hian ka man chhuak vek a, chuvang chuan min thah a tum a ni." tiin Lawmzuala chuan a chhang a.

************

LAWMZUALA THIL TAWN : 

Pu Rosanga factory ah hian security guard ka ni thin a, a bul deuh lawkah kan in a awm. Nupui ka nei a, fanu pakhat ka nei bawk. Ka fanu chu kum 1 chauh ala ni a, tawng pawh ala tawng thei lo. Zan khat chu kan inkawtah chuan Minister Rosanga leh Muana leh MP te chu an rawn kal a, an titi chu ka ngaithla ru a.

"Sangtea hi thah vat a tha ang, ani hian duh aiin thil a hre hnem riau. Chubakah media hmaah chhuanlam kan siam thei a, kan party tih hmingthat nan pawh a fuh fu ang." MP ber chuan a ti ta mai a. Minister chuan, "Muana, naktuk zanah Sangtea hi dahtha la, hlawh ka pe teuh ang che. Ka fanu bulah pawh chhuanlam tur ka lo ngaihtuah bawk ang, tuman min man chhuak tur a nilo." tiin Minister Rosanga chuan Muana chu a hrilh a.

Rang takin police ka phone a, kan ina lo kal nghal turin ka hrilh a. Tichuan ZoNews channel ka phone leh a, chutah chuan hmeichhe pakhat hian min rawn chhang a. Kan ina lo kal vat tur leh thil thleng zawng zawng lo record vek turin ka ti bawk a, chutih lai tak chuan silai a puak pup mai.

Kawngka lam ka va hawi chu Minister Rosannga, MP leh Muana te chu an lo ding reng mai a, Muana chuan silai a keng a, patling 5 vel an awm tel bawk. Minister chuan rum zet hian min en a, "Tunge i phone kha, Lawmzual?" tiin min zawt a. Mahse ka luhlul chhuahin, "Ka hrilh lovang che." tiin ka tang ve tlat a.

Ka lama rawn phei pah chuan, "Ka hnuaia thawk i ni a, engpawh ti ila, nang hian min hnial thei lo. I master ka ni a, ka thusawi apiang chu i ti zel tur a ni ang. Sawi rawh le, tunge i phone kha?" tiin min zawt leh a. "Ka hrilh lovang che, nangni hi tual ka thah tir dawn hlek lo che u. Ka dam chhung chuan tual in that lovang, in nihna hi ka pholang dawn." tiin ka hnial let leh a.

Chutah Pu Rosanga chuan min beng hrep mai a, ka kawr awmah thamin, "Engmaw i sawi a? Tunge i biak hi i hria em?" tiin min vin hrep a. Muana chu lo kalin, "Pu Rosang, insum rawh. Khatiang tur a ni ngailo, keiman kan bia ange." a rawn ti a. Zaidam tak hian Muana chuan, "Enteh Lawmzual, keipawh hi nangmah ang chiahin security guard ka ni ve thin. Hah takin hna kan thawk a, hlawh lah a tlem si. Mahse maw, chu chu hriatthiam pui che in tunah hian hlawh ka pe teuh ang che, engzat nge i duh?" tiin min thlem ta a.

Mahse ka pawm duh hauh lo, "Nang nen min tehkhin suh, nanga sum tenawm tak kha eng atan mah ka tilo." tiin ka lo chhanglet a. Thinrim tak hian, "Nang security guard mai mai khan tikhan min chhang ngam amaw? I zak nange?" tiin min vin khur khur a. "Zak tur chu nangni zawk kha in ni, tikhan Kristian chu inla inti si amaw? Mipui hmaah Pathian ring ber niawm fahranin in han tawng vel a, mahse mi nunna lak in hreh hauh silo. Keichuan mipui hmaah sawi ve lovin, ka rin Pathian chu ka thlah ve ngai lo." ka ti ve sak mai.

"Mawla leh, tunge i phone kha sawi mai mai teh. Pawisa kan pe ang che ka tih kha, mi hausa tak i ni thei reng ania." Muana bawk chuan a ti leh a. "Nangni sum thianghlim lo ka mamawh lo,  nangni hian zanin hian tual in that lo bawk ang." ka ti ve leh sak a. Chutah Pu Rosanga chuan, "Ahmasa in i nupui hi han chhan ta che." tih pah chuan kan nu chu a rek ta vak mai a, "Sawi rahw le, tunge i phone kha?" a ti leh a.

Ka sawi duh tlat loh avang chuan ka nupui chu chem chuan a vit ta siah siah mai a, ka fanu pawh chu chhuatah paihin an chil rawn nek mai. "Nilo, khawih suh u...duhtawk ru." tiin ka ngen lawm lawm a, mahse ka thusawi chu an ngaithla duh hauh lo. Ka nupui leh ka fanu te chu an that ta der mai a, thingthi in ka tap zawih zawih a.

Ka thinrim insum zo tawh lo chuan Pu Rosanga chu ka va tham a, ka hnek siah siah mai a. Muana chuan min rawn man bet a, min hnek a, min pet bawk a. An vai chuan min sawisak rawn ta hrep a, mahse Muana silai chu ka laksak thei hlauh mai. Mi pathum lai mai chu ka kap hlum hman a, tichuan midang ho chu silai chuan ka tin a.

"Ka nupui leh ka fanu min thah sak a, in chak lovang." ka tih lai chuan hmeichhe pakhat hi camera nen a rawn lut thut a, silai chuan ka lo tin nghal a. "Tunge i nih?" tiin ka zawt a. Hlauh hmel tak hian, "Keimah Partei..press reporter. Zonews atangin, min rawn phone kha.." a ti a. "A hun takah i lo thleng a nih chu, heng mite hian tlangval pakhat chu thah an tum a, an party hmingthat nan an ti a ni. Record rawh.." ka ti a.

Partei chuan an thla chu video in a la ta a, "Sawi rawh le..inpuang rawh le." tiin Muana chu ka tin a. "Ka hming chu Muana a ni a, ka hmingpum chu Lalmuanpuia a ni. Smugling case ah hian ka tel ve a, mizoramah silai ka tawlh ru a, danlo angin thil ka ti a ni." tiin  a inpuang ta a. Minister Rosanga chu ka va tin ve leh a, "Min kap suh...ka sawi ang. Muana hmanrua te hi ramdang ami vek a ni a, kan thei zawrh thin te karah chuan kan thukru a, kan pack hnan vek thin a ni." a ti ve leh a.

MP chu ka tin leh a, "MP meuh si, tinge heng ho te bulah hian i tel ve?" tiin ka zawt veleh a. "CM nih ka duh em a, mahse tual thah ngei a ngai dawn si a, ka tel ve ta mai a ni." a ti a. Chutih lai tak chuan Police IG hi a lo lut a, ka thaw ta huai mai. "Sir, i lo thleng ta maw..heng ho hi ania tual thah tum tute chu, man rawh." ka lo ti nghal vat a.

IG chuan a pistil a phawrh a, chutah ka lam hawi chuan a rawn hmet puak ta mai. Ka pistol ken lai ah tak a fu hlauh mai a, rang takin Partei nen chuan kan tlanchhuak dun ta nghal a. Mahse Motor pakhat ka su palh a, ka tluk pah chuan Partei chu ka bawhthlu palh a. "Thiannu, tlan chhe rawh...video kha kawl tha tlat ang che." ka ti a, a tho vat a, a tlanchhe ta a.

Mahse midang ho chuan, min rawn manbet a, motor ah chuan min hnuk lut a. Partei erawh a tlanchhe zel a, mahse ani pawh chu motor chuan an su a, a thi ta a ni. Kawnglaia Camera memory card chu an chhar a, an hal chhe ta vek a. Keipawh chu motor atang chuan min chhuk tir a, min sawisa hrep a, ka keruh hi an vaw tliak bawk a, tichuan tihian ka ke a bai phah ta nih hi.

********************

"Khami zana Partei mangang au ri te kha ka bengah hian ala cham reng a ni, ka pu. Mahse kha memory card kha a dahtha hman ta silova, thudik chu hailan a ni thei talo a ni." tiin tap chung chuan Lawmzuala chuan Partei thihdan chu a sawi a. Mahse Nathana chuan a lu a lo thing a, "Nilo, chu memory card chu ka hmu tawh a ni." a ti ta tlat mai.

"Enge awmzia?" tiin ka zawt nghal a. "Partei te in kan singsak lai khan memory card ka hmu a ni, a thuamhnaw ah khan. A thih hma khan amah buaipuitute zing ami khan Partei kha a hnuk a chah hma khan 'video' tih emawni a sawi hman e an ti a, tunah chuan ka hrethiam chiah e. Kha memory card kha reporter a nih angin a spare a kawl a nih ka ring a, engah vak ka lo ngai duh lova. Ka la dahtha nghe nghe asin, a awmzia chu kawnglaia memory card kha video awmna chu a nilo, Partei khan a bum a ni. Memory card spare zawk chu kawnglaiah chuan a dah lui a ni, a original zawk amaw an tih nan." a ti ta mai a.

**********************

Tlai thim hma deuh hretah chuan Nathana te inah chuan kan let leh a, chhuat laiah chuan Sanvi a lo let reng mai. Nathana chuan va kai tho vatin, "Enge awmzia? I tha maw?" tiin a zawt a. Sanvi chu lo harh in, "Mi paruk vel an lo kal a, U Hlupuii fate an rawn la daih." tiin a tap a. Thinrim tak hian Nathana chuan, "A tha e, Rinawm lo kal rawh." tiin kan chhuak dun a.

Nathana chuan a pistol chu phawrh in, "Pu Rosanga factory ah kan kal ang, chutah chuan naupangte pawh chu a hruai ngei ang." a ti a, factory lam chu kan pan ta a. FActory bula lo duty te chu thawm neilo thei ang berin nikhaw hrelovin kan vaw thlu a, factory chhungah chuan Pu Rosanga te chu an lo titi nasa mai.

"I mangang mai mai a nih kha, video te chu kan tihchhiat vek tawh kha." tiin Assistant chuan Pu Rosanga chu a hrilh a. "Nilo, memory card kan tihchhiat zawk kha chu a lem a ni. A tak zawk kha chu kha nula khan a thukru a, Nathana hian a zawng hmu a ni. Chulo pawh chu thildang ka la hria, kha mi tenawm Lawmzuala khan engkim a hrilh vek bawk." tiin Pu Rosanga chu a mangang hle mai.

A assistant chuan, "Lungngai suh, memory card original pawh chu kan zawng hmu leh em em ang." a lo ti leh a. Chu veleh Nathana chu ava tlan thut a, Pu Rosanga chu man betin silaiin a tin a. "Khawnge naupangte an awm?" tiin a zawt a, Pu Rosanga chuan a hlau kher mai. Muana chuan, "Nathan..saw en rawh..naupangte chu.." tiin thirbanah hian an lo phuar khawm a.

Chutah Pu Rosanga chu a rawn pawr thar khawp mai. A rawn ding a, "Ka naute hian silai an nei ve tho tih hre rawh, i silai kha i la thla vat lo a nih chuan naupangte saw kan kap hlum vek ang." a ti ham ham mai a. Ka va lut ve ta, hnunglam atang chuan a silai keng ho zawng chu an keah ka kap vek a, Muana leh Minister assistant leh midang ho chu ka tin ve nghal bawk a.

Chutah Muana chuan min rawn zuan thut a, ka silai chu min chhuhsak a tum a. Kan incheina lamah chuan ka thlauh a, Muana nen chuan kan insual ta tiah tiah mai. Ka rin ai daihin a lo la chak zui, ka hneh dawn ta der lo mai. Min hnek thal tawp a, Nathana lamah chuan a va kal leh a. Nathana chuan a lo tin a, chuveleh Minister chuan Nathana chu a rawn nam thut a.

Silai chu a thlauh a, Muana leh Nathana chu an insual veleh ta. Minister chu tlanchhiat a tum a, ka lo dang ve thung a. Nathana chuan Muana chu a sawisa hneh bik kher mai, a hnek thi hnuang mai. Chuveleh a sira hlauthawng taka lo ding, MP chuan tiang lian tawk mai la in Nathana hnungzangah chuan a hlap pawp mai a.

Nathana chu a thal tawp a, MP chuan a man bet a. "That rawh..that rawh." tiin Muana chu a vin vak vak a. Va chhan ka tum a, Minister Rosanga chuan min lo beilet ve khanglang zui. Muana pawh chu a rawn tho leh a, chemte a rawn phawrh a. Nathana vih a tum a, mahse Nathana chu a talchhuak thei hlauh mai.

Muana chuan MP zawk chu a vit ta siah mai a, thisen a per chhuai mai. Nathana chuan Muana chemte ken chu a pet thlak sak a, a sawisa hrep mai. Minsiter chu ka manbet a, min la seh zui. A tlanchhe ta a, um ka tum chiah chu Nathana chuan min lo dang a. "Ka lo buaipui ang, naupang ho saw va phelh rawh." tih leh tlan a rual nghal a.

Naupang ho chu ka va phelh hlawm a, tichuan motor ah chuan ka luhtir a, ka kalh hnan a. Ka va tlan phei ve nghal a, Nathana chuan Minister chu a lo va man der tawh. A lo hnek siah siah mai a, chhuatah chuan a rap bet a. "Nilo, Nathan...min that suh, min ngaidam rawh." tiin Pu Rosanga chuan a ngen lawm lawm mai.

"Nilove, nungdama i awm zel a nih chuan i fapa in a tuar phah mai ang." tiin a rek ta chiam mai a. Hmanhmawh takin ka va tlan phei a, ka thlen rual rual chuan Police dangte pawh an lo thleng a. DGP chu rawn chhukin, "Nathan, chhuah rawh. Dan pelin che suh, thlah vat rawh." a rawn ti a.

Nathana erawh chuan thlah a tum lo, a rek hlum dawn der mai. DGP bawk chuan, “Duhtawk rawh, memory card chu ka hmu tawh e, video pawh ka en vek e. Tunge thil tisual tih pawh ka hre vek a, that suh. Kan kutah min pe la, kan lo buaipui ange.” a ti a, Nathana chuan a kal tir ta hram a.

Naupang ho te pawh chu motor atang chuan ka la chhuak leh a, Pu Rosanga te erawh an man ta a. DGP chuan Nathana chu a rawn chibai a, “SP Nathan, ka lawmpui a che. Home Minister chuan naktuk atangin duty i rawn join leh theih tawh thu min rawn hrilh a ni.” a ti a, Nathana pawh a lawm kher mai.

****************

THE ENDNATHAN SEASON-4

Written by : Aaron Malsawmdawngzuala

Episode-4

(THE LION RETURNS - 4)

****************

Lawmzuala chu kan um a, a rang a rangin Nathana pawh chuan Lawmzuala chu a um ve a. Minister kid te chuan motor leh bike-in an um a, Lawmzuala erawh chu kebai a ni bawk a, tlan ve vak vak thei hek lo le. Thei leh thei lo chuan sumo hnungah chuan a bet a, tichuan man ngei tumin kan um ta char char mai a.

Kei tak phei chuan man em em pawh ka tum lo, mahse ka hna  ani miau a, enge a chhan, engvanga Minister kha rawn kap nge a nih tih pawh hriat a chakawm hrim hrim. Mahse mak tak maiin midang ho chuan an man thei tep tih ah chuan Nathana chu a rawn thleng a, a theih ang tawk chuan Lawmzuala chu a chhan ta char char mai.

Rei fe an inchei hlawm hnuah chuan Nathana chuan Lawmzuala chu a Motor ah chuan a phur a, an tlan bo ta daih mai. Kei erawh rang takin ka inthiar fihlim vat a, Lawmzuala chu kan man thei ta lo. Minister Rosanga pawh a sa lehpek ngei mai, tawngkam chhe thei ang ber chuan min hau leh vak vak ta ringawt a.

*******************

Tlai duty ban veleh chuan Nathana call ka dawng a, hmun pakhata lo kal turin min ti a. Inah pawh chuan ka haw ta lo, Nathana location min rawn thawnna lam pan chuan ka tlang ta nghal a. Ka va thlen chuan Minister te sawi, kebai Lawmzuala nen chuan an lo awm dun a. "I lo thleng thei maw..hei Lawmzuala hian thil sawi tur a nei a." Nathana chuan a lo ti a.

"He Minister Rosanga hi ka hmelma lian ber a ni a, ka haw takzet a ni. VAwiin khan ka that ngei ang ka ti a, mahse a vannei hlauh zawk a. A lehpekah chuan, a lehpekah chuan a dam tawh hauh lovang." a ti khur khur mai. "Pu Rosanga nen hian enge in inhuat chhan?" tiin Nathana chuan a zawt a.

Tap lek lek hian LAwmzuala chuan, "Partei..reporter a ni a..Minister Rosanga te, smugling lama inhnamhnawih Muana leh kan MP te.an vai chuan an thil tihsual chu ka puan tir vek a, chu chu Partei chuan a record vek a ni." a ti ta mai a. Nathana chu a phu zawk mai, "Partei...reporter maw?" a ti a, min rawn en a.

"Rinawm..Partei...ka thiannu..hmanzana accident vanga thi kha..Partei." tiin mak a tih hmel kher mai, keipawhin mak ka ti. "Anih chuan Partei kha accidnet nilovin...thah ngei a ni tihna  ani maw?" a ti leh a, a thinrim hmel ta kher mai. "Aw ni e, Sir..kha a video kha..khami memory card chhuhsak tum khan an um a, an that ta a ni." Lawmzuala chuan a ti a.

"Lawmzual..engkim min han hrilh vek teh." tiin Nathana chuan a zawt leh a. "Minister te hian thil thalo tak an ti a, an zinga mi Muana hian smugling a ti thin a, Mizoramah hian silai tam tak, a rukin a tawlh ru a. Chumi kawngah chuan Pu Rosanga hian a pui a, chu chu kei hian ka man chhuak vek a, chuvang chuan min thah a tum a ni." tiin Lawmzuala chuan a chhang a.

************

LAWMZUALA THIL TAWN : 

Pu Rosanga factory ah hian security guard ka ni thin a, a bul deuh lawkah kan in a awm. Nupui ka nei a, fanu pakhat ka nei bawk. Ka fanu chu kum 1 chauh ala ni a, tawng pawh ala tawng thei lo. Zan khat chu kan inkawtah chuan Minister Rosanga leh Muana leh MP te chu an rawn kal a, an titi chu ka ngaithla ru a.

"Sangtea hi thah vat a tha ang, ani hian duh aiin thil a hre hnem riau. Chubakah media hmaah chhuanlam kan siam thei a, kan party tih hmingthat nan pawh a fuh fu ang." MP ber chuan a ti ta mai a. Minister chuan, "Muana, naktuk zanah Sangtea hi dahtha la, hlawh ka pe teuh ang che. Ka fanu bulah pawh chhuanlam tur ka lo ngaihtuah bawk ang, tuman min man chhuak tur a nilo." tiin Minister Rosanga chuan Muana chu a hrilh a.

Rang takin police ka phone a, kan ina lo kal nghal turin ka hrilh a. Tichuan ZoNews channel ka phone leh a, chutah chuan hmeichhe pakhat hian min rawn chhang a. Kan ina lo kal vat tur leh thil thleng zawng zawng lo record vek turin ka ti bawk a, chutih lai tak chuan silai a puak pup mai.

Kawngka lam ka va hawi chu Minister Rosannga, MP leh Muana te chu an lo ding reng mai a, Muana chuan silai a keng a, patling 5 vel an awm tel bawk. Minister chuan rum zet hian min en a, "Tunge i phone kha, Lawmzual?" tiin min zawt a. Mahse ka luhlul chhuahin, "Ka hrilh lovang che." tiin ka tang ve tlat a.

Ka lama rawn phei pah chuan, "Ka hnuaia thawk i ni a, engpawh ti ila, nang hian min hnial thei lo. I master ka ni a, ka thusawi apiang chu i ti zel tur a ni ang. Sawi rawh le, tunge i phone kha?" tiin min zawt leh a. "Ka hrilh lovang che, nangni hi tual ka thah tir dawn hlek lo che u. Ka dam chhung chuan tual in that lovang, in nihna hi ka pholang dawn." tiin ka hnial let leh a.

Chutah Pu Rosanga chuan min beng hrep mai a, ka kawr awmah thamin, "Engmaw i sawi a? Tunge i biak hi i hria em?" tiin min vin hrep a. Muana chu lo kalin, "Pu Rosang, insum rawh. Khatiang tur a ni ngailo, keiman kan bia ange." a rawn ti a. Zaidam tak hian Muana chuan, "Enteh Lawmzual, keipawh hi nangmah ang chiahin security guard ka ni ve thin. Hah takin hna kan thawk a, hlawh lah a tlem si. Mahse maw, chu chu hriatthiam pui che in tunah hian hlawh ka pe teuh ang che, engzat nge i duh?" tiin min thlem ta a.

Mahse ka pawm duh hauh lo, "Nang nen min tehkhin suh, nanga sum tenawm tak kha eng atan mah ka tilo." tiin ka lo chhanglet a. Thinrim tak hian, "Nang security guard mai mai khan tikhan min chhang ngam amaw? I zak nange?" tiin min vin khur khur a. "Zak tur chu nangni zawk kha in ni, tikhan Kristian chu inla inti si amaw? Mipui hmaah Pathian ring ber niawm fahranin in han tawng vel a, mahse mi nunna lak in hreh hauh silo. Keichuan mipui hmaah sawi ve lovin, ka rin Pathian chu ka thlah ve ngai lo." ka ti ve sak mai.

"Mawla leh, tunge i phone kha sawi mai mai teh. Pawisa kan pe ang che ka tih kha, mi hausa tak i ni thei reng ania." Muana bawk chuan a ti leh a. "Nangni sum thianghlim lo ka mamawh lo,  nangni hian zanin hian tual in that lo bawk ang." ka ti ve leh sak a. Chutah Pu Rosanga chuan, "Ahmasa in i nupui hi han chhan ta che." tih pah chuan kan nu chu a rek ta vak mai a, "Sawi rahw le, tunge i phone kha?" a ti leh a.

Ka sawi duh tlat loh avang chuan ka nupui chu chem chuan a vit ta siah siah mai a, ka fanu pawh chu chhuatah paihin an chil rawn nek mai. "Nilo, khawih suh u...duhtawk ru." tiin ka ngen lawm lawm a, mahse ka thusawi chu an ngaithla duh hauh lo. Ka nupui leh ka fanu te chu an that ta der mai a, thingthi in ka tap zawih zawih a.

Ka thinrim insum zo tawh lo chuan Pu Rosanga chu ka va tham a, ka hnek siah siah mai a. Muana chuan min rawn man bet a, min hnek a, min pet bawk a. An vai chuan min sawisak rawn ta hrep a, mahse Muana silai chu ka laksak thei hlauh mai. Mi pathum lai mai chu ka kap hlum hman a, tichuan midang ho chu silai chuan ka tin a.

"Ka nupui leh ka fanu min thah sak a, in chak lovang." ka tih lai chuan hmeichhe pakhat hi camera nen a rawn lut thut a, silai chuan ka lo tin nghal a. "Tunge i nih?" tiin ka zawt a. Hlauh hmel tak hian, "Keimah Partei..press reporter. Zonews atangin, min rawn phone kha.." a ti a. "A hun takah i lo thleng a nih chu, heng mite hian tlangval pakhat chu thah an tum a, an party hmingthat nan an ti a ni. Record rawh.." ka ti a.

Partei chuan an thla chu video in a la ta a, "Sawi rawh le..inpuang rawh le." tiin Muana chu ka tin a. "Ka hming chu Muana a ni a, ka hmingpum chu Lalmuanpuia a ni. Smugling case ah hian ka tel ve a, mizoramah silai ka tawlh ru a, danlo angin thil ka ti a ni." tiin  a inpuang ta a. Minister Rosanga chu ka va tin ve leh a, "Min kap suh...ka sawi ang. Muana hmanrua te hi ramdang ami vek a ni a, kan thei zawrh thin te karah chuan kan thukru a, kan pack hnan vek thin a ni." a ti ve leh a.

MP chu ka tin leh a, "MP meuh si, tinge heng ho te bulah hian i tel ve?" tiin ka zawt veleh a. "CM nih ka duh em a, mahse tual thah ngei a ngai dawn si a, ka tel ve ta mai a ni." a ti a. Chutih lai tak chuan Police IG hi a lo lut a, ka thaw ta huai mai. "Sir, i lo thleng ta maw..heng ho hi ania tual thah tum tute chu, man rawh." ka lo ti nghal vat a.

IG chuan a pistil a phawrh a, chutah ka lam hawi chuan a rawn hmet puak ta mai. Ka pistol ken lai ah tak a fu hlauh mai a, rang takin Partei nen chuan kan tlanchhuak dun ta nghal a. Mahse Motor pakhat ka su palh a, ka tluk pah chuan Partei chu ka bawhthlu palh a. "Thiannu, tlan chhe rawh...video kha kawl tha tlat ang che." ka ti a, a tho vat a, a tlanchhe ta a.

Mahse midang ho chuan, min rawn manbet a, motor ah chuan min hnuk lut a. Partei erawh a tlanchhe zel a, mahse ani pawh chu motor chuan an su a, a thi ta a ni. Kawnglaia Camera memory card chu an chhar a, an hal chhe ta vek a. Keipawh chu motor atang chuan min chhuk tir a, min sawisa hrep a, ka keruh hi an vaw tliak bawk a, tichuan tihian ka ke a bai phah ta nih hi.

********************

"Khami zana Partei mangang au ri te kha ka bengah hian ala cham reng a ni, ka pu. Mahse kha memory card kha a dahtha hman ta silova, thudik chu hailan a ni thei talo a ni." tiin tap chung chuan Lawmzuala chuan Partei thihdan chu a sawi a. Mahse Nathana chuan a lu a lo thing a, "Nilo, chu memory card chu ka hmu tawh a ni." a ti ta tlat mai.

"Enge awmzia?" tiin ka zawt nghal a. "Partei te in kan singsak lai khan memory card ka hmu a ni, a thuamhnaw ah khan. A thih hma khan amah buaipuitute zing ami khan Partei kha a hnuk a chah hma khan 'video' tih emawni a sawi hman e an ti a, tunah chuan ka hrethiam chiah e. Kha memory card kha reporter a nih angin a spare a kawl a nih ka ring a, engah vak ka lo ngai duh lova. Ka la dahtha nghe nghe asin, a awmzia chu kawnglaia memory card kha video awmna chu a nilo, Partei khan a bum a ni. Memory card spare zawk chu kawnglaiah chuan a dah lui a ni, a original zawk amaw an tih nan." a ti ta mai a.

**********************

Tlai thim hma deuh hretah chuan Nathana te inah chuan kan let leh a, chhuat laiah chuan Sanvi a lo let reng mai. Nathana chuan va kai tho vatin, "Enge awmzia? I tha maw?" tiin a zawt a. Sanvi chu lo harh in, "Mi paruk vel an lo kal a, U Hlupuii fate an rawn la daih." tiin a tap a. Thinrim tak hian Nathana chuan, "A tha e, Rinawm lo kal rawh." tiin kan chhuak dun a.

Nathana chuan a pistol chu phawrh in, "Pu Rosanga factory ah kan kal ang, chutah chuan naupangte pawh chu a hruai ngei ang." a ti a, factory lam chu kan pan ta a. FActory bula lo duty te chu thawm neilo thei ang berin nikhaw hrelovin kan vaw thlu a, factory chhungah chuan Pu Rosanga te chu an lo titi nasa mai.

"I mangang mai mai a nih kha, video te chu kan tihchhiat vek tawh kha." tiin Assistant chuan Pu Rosanga chu a hrilh a. "Nilo, memory card kan tihchhiat zawk kha chu a lem a ni. A tak zawk kha chu kha nula khan a thukru a, Nathana hian a zawng hmu a ni. Chulo pawh chu thildang ka la hria, kha mi tenawm Lawmzuala khan engkim a hrilh vek bawk." tiin Pu Rosanga chu a mangang hle mai.

A assistant chuan, "Lungngai suh, memory card original pawh chu kan zawng hmu leh em em ang." a lo ti leh a. Chu veleh Nathana chu ava tlan thut a, Pu Rosanga chu man betin silaiin a tin a. "Khawnge naupangte an awm?" tiin a zawt a, Pu Rosanga chuan a hlau kher mai. Muana chuan, "Nathan..saw en rawh..naupangte chu.." tiin thirbanah hian an lo phuar khawm a.

Chutah Pu Rosanga chu a rawn pawr thar khawp mai. A rawn ding a, "Ka naute hian silai an nei ve tho tih hre rawh, i silai kha i la thla vat lo a nih chuan naupangte saw kan kap hlum vek ang." a ti ham ham mai a. Ka va lut ve ta, hnunglam atang chuan a silai keng ho zawng chu an keah ka kap vek a, Muana leh Minister assistant leh midang ho chu ka tin ve nghal bawk a.

Chutah Muana chuan min rawn zuan thut a, ka silai chu min chhuhsak a tum a. Kan incheina lamah chuan ka thlauh a, Muana nen chuan kan insual ta tiah tiah mai. Ka rin ai daihin a lo la chak zui, ka hneh dawn ta der lo mai. Min hnek thal tawp a, Nathana lamah chuan a va kal leh a. Nathana chuan a lo tin a, chuveleh Minister chuan Nathana chu a rawn nam thut a.

Silai chu a thlauh a, Muana leh Nathana chu an insual veleh ta. Minister chu tlanchhiat a tum a, ka lo dang ve thung a. Nathana chuan Muana chu a sawisa hneh bik kher mai, a hnek thi hnuang mai. Chuveleh a sira hlauthawng taka lo ding, MP chuan tiang lian tawk mai la in Nathana hnungzangah chuan a hlap pawp mai a.

Nathana chu a thal tawp a, MP chuan a man bet a. "That rawh..that rawh." tiin Muana chu a vin vak vak a. Va chhan ka tum a, Minister Rosanga chuan min lo beilet ve khanglang zui. Muana pawh chu a rawn tho leh a, chemte a rawn phawrh a. Nathana vih a tum a, mahse Nathana chu a talchhuak thei hlauh mai.

Muana chuan MP zawk chu a vit ta siah mai a, thisen a per chhuai mai. Nathana chuan Muana chemte ken chu a pet thlak sak a, a sawisa hrep mai. Minsiter chu ka manbet a, min la seh zui. A tlanchhe ta a, um ka tum chiah chu Nathana chuan min lo dang a. "Ka lo buaipui ang, naupang ho saw va phelh rawh." tih leh tlan a rual nghal a.

Naupang ho chu ka va phelh hlawm a, tichuan motor ah chuan ka luhtir a, ka kalh hnan a. Ka va tlan phei ve nghal a, Nathana chuan Minister chu a lo va man der tawh. A lo hnek siah siah mai a, chhuatah chuan a rap bet a. "Nilo, Nathan...min that suh, min ngaidam rawh." tiin Pu Rosanga chuan a ngen lawm lawm mai.

"Nilove, nungdama i awm zel a nih chuan i fapa in a tuar phah mai ang." tiin a rek ta chiam mai a. Hmanhmawh takin ka va tlan phei a, ka thlen rual rual chuan Police dangte pawh an lo thleng a. DGP chu rawn chhukin, "Nathan, chhuah rawh. Dan pelin che suh, thlah vat rawh." a rawn ti a.

Nathana erawh chuan thlah a tum lo, a rek hlum dawn der mai. DGP bawk chuan, “Duhtawk rawh, memory card chu ka hmu tawh e, video pawh ka en vek e. Tunge thil tisual tih pawh ka hre vek a, that suh. Kan kutah min pe la, kan lo buaipui ange.” a ti a, Nathana chuan a kal tir ta hram a.

Naupang ho te pawh chu motor atang chuan ka la chhuak leh a, Pu Rosanga te erawh an man ta a. DGP chuan Nathana chu a rawn chibai a, “SP Nathan, ka lawmpui a che. Home Minister chuan naktuk atangin duty i rawn join leh theih tawh thu min rawn hrilh a ni.” a ti a, Nathana pawh a lawm kher mai.

****************

THE END