IT'S MY LOVE STORY Written by : Aaron Malsawmdawngzuala. CHAPTER-1
IT'S MY LOVE STORY
Written by : Aaron Malsawmdawngzuala.
CHAPTER-1
**************
"Attention all passengers..flight number 154, Bangalore atanga Mizoram lam pan turte hriat tur, platform no.1 ah hming ziah luh tur a ni e." tiin airport ah chuan saptawngin an puang lauh lauh mai a, ka nu nen chuan airprot chu kan thleng a. Ka nu chu a intlar ve nghal a, ticket chu la in ka bulah chuan a lo kal leh a.
"Kal ang." a ti vin deuh thak mai, "Nu..khawngaihin min ring rawh, engmah tihsual ka nei lo." ka han ti dek dek chu ka hmaiah chuan min beng pawp mai. Ka mittui a per sawk a, ka nu chuan chiang fek fawk hian, "Tunge nang hi ring leh tawh ang che? Ngawi reng khan min rawn zui mai rawh." tiin min pawt dawr dawr a.
Ka rilru ava han na tak em, thlawhna chhungah chuan kan lut ta a. Ka nu chuan melh pawh min melh duhlo, chutih lai chuan ka phone a rawn ri a. Ka han en a, Sangtea call a ni. Ka nu ka hlauh em avang chuan ka pick ngam thlawt lo, phone chu ka switch off a. Ka nu chuan ka phone chu a rawn la hmak a, a bag ah chuan a khung daih mai.
******************
5 MONTHS EARLIER
Designer nih hi ka thil tum ber a ni thin a, kawr han design vel te, lem han ziah vel te hi nuam ka ti thin hle. Nikhat chu lem ka ziah leh mawlh mawlh lai chuan nu in chuan min rawn kova, "VL, lo phei teh.." a rawn ti vak mai a. "Aw ka lo kal." tih pah chuan ka lemziak chu ka zo va, ka phone phawrhin FB ah ka lut a.
Status update in, "Excited about my new design." tih chu ka han chhu kai a. Ka thiante pathum Angeli, Brenda-i leh Hannah-i te chu ka tag nghal bawk a. "VL, chaw lo ei rawh..lo phei rawh.." tiin ka nu chuan min rawn au leh a. "Aw..aninawm, ka lo kal." tih chuan ka phone message rawn thleng pawh chu ka en hman lo, chaw ei tur chuan ka va phei ta a.
Ka pa chuan tlangval thlalak niawm tak te chu a lo enkual a, "Ehe pa, tinge mipa thlalak i lo en chiam chiam hlawm a?" tiin abulah chuan ka va thu a. "Heng ho hi ka thian hmelhriat hnai tak tak te fapa an ni hlawm a, hmel duh deuh te i nei em?" ka pa chuan a lo ti a.
"Enge awmzia? Tumah ka duh lo." ka lo ti hmuk. Ka nu pawh chu lo pheiin, "An hausa hlawm teh ania, pasal nei lova len tar i tum a mi?" a rawn ti phei nghal bawrh bawrh a. "Tumah hi ka duhlo, an hmelchhe hlawm emai." tiin ka nui leh suk a. "Ngawi mai teh, Vanlalchhuang." ka nu chu a vin kher mai, ka pa pawh a phu zuk mai.
"Engemaw min vin vak le? Ka pa pawh a thingpui in lai i tihbuak tir thelh alawm..khawi pa, a dang ka va siam leh ang che." tiin ka pa no chu ka la a, choka lam ah chuan ka va phei leh a. "Hau ve thin ta che, hetiang hian a awm reng mai ang." tiin ka nu chuan ka pa chu a han vin ve leh khur khur a.
Ka nu chu choka lamah chuan a rawn phei ve leh a, "Pasal nei lova hetia awm reng hi i tum em ni?" a rawn ti leh a, ava han ninawm tak. "Engtik laiin nge heti hian ka awm reng dawn tih ka sawi a, Fashion Designing Company tha ve tawk takah hna ka hmu phawt anga, tichuan pasal ka neih leh neihloh tur chu ka la ngaihtuah chauh ang." tiin ka lo chhang ve hmak a.
"Chuan enge?" tiin ka nu chuan min melh leh hraw mai a, ka nui huk ringawt. "Chuan maw...ka fashion brand tur ka siam chhuak anga, chumi hnuah chuan pasal ka nei ve mahna." ka han ti leh a. Ka nu chu a khi suk a, "Chumi hna chu i thiamna hian a phak reng em ni?" a han ti deuh kher a.
"Hna hian min nghak dawn lo, keimahnin kan lo nghah zawk angai lawm." tiin ka lo chhang leh a. "Anih leh chutiang hna chu Mizoramah hian a hmuh ve theih em?" a han ti leh a, ka nu hi chu aw, ava han ngaihtuah thui lo ve tak. "Nilove nu, Bangalore ah a zir theih reng alawm." tia ka chhang chu a meng phawk hru mai.
"Bangalore ah daih maw?" a ti vak a. "PAkistan ah a awm silo alawm, ka nu.." tih pah chuan ka pa thingpui tur chu ka chawi phei a. Ka nu chuan min rawn zui a, ka pa bulah chuan vin deuh tak hian, "Ilo hria em? Min tawngkhum dan kha?" a han ti leh hlur a. Nui chung hian ka pa chuan, "Enge inlo sawi a?" zaidam tak hian a ti a.
"Bangalore-a kal a duh anih chu i fanu hian.."
"Aww..anih chuan kal tir mai ila."
"Nanga pawh chu.."
"Enteh duhtak, chulai hmuna lehkha zir a duh te chuan zirtir mai tur...enge i lungngaih vak a?"
"Chutiang anilo, Bangalore ah chuan zu kal ta se khawnge a awm anga?"
"Awww...hostel ah a ni mai lawm."
"Khulamah phei chuan thalai an zalen si, engtia rei nge a awm theih ang?"
"LAdies hostel a ni dawn alawm, hmeichhia chauh alawm awm dawn...chubakah, ka fanu neihchhun ania, a duh ber a zir ngei tur a ni." tih pah chuan ka pa chuan min han piai zeuh a, ka nu chu a mengrum teh kher asin. Ka nau Mama chuan TV a lo en mek a, news channel a han hmet chhuak a.
"Mizoram pawn lam chanchin ilo ngaithla ang u....Bangalore Girls Hostel ah damdawi thahnem tak man a ni a, zu engemaw zat man a ni bawk. Heng damdawi pulut tute hi hosteller hmeichhe ho te an ni a, hei hi vawi 4 an manna a ni tawh. Bangalore College Lecturer Pi Mahala Devi chuan heng zirlaite thiamlohn nilovin, an nu leh pate thiamloh zawk a nih thu a sawi.." tiin an rawn puang zuah zuah mai a, ava hun lo tak.
Ka nu chuan min rawn melh a, "Ka inrawlh lo mai teh ang, he thilah hi chuan engmah ka sawi peih lo." tiin a kalsawn hmak mai. Ka pa bulah chuan, "Pa, min ring tiraw?" ka han ti a. "Ka ring che alawm. Mahse TV a an rawn puan kha nangpawn i hriat zawh chiah kha, Mizoramah pawh hian hna tamtak a awm alawm." a ti ta daih mai.
"Pa, fashion designer satliah mai nilovin, experince ngah tak nih ka duh a ni. Keima puala design thar, brand thar siamchhuah ka duh a ni. Pa, min hrethiam hram rawh." tiin ka dil leh a. Chiang fek fawk hian ka pa chuan, "I thil min dil phalloh ka nei ngai em?" tiin min zawt a, ka lu ka lo thing a.
"Anih chuan ka thu hi hnial bik suh ang che, ka remti lo." tiin a kal daih mai. Ka nau Mama chu ka va melh hraw a, "Hmehsawt ve vat mai tur alawm, nidanga news en ngai mang silo." tiin a lu ah chuan ka beng lawlh a, lei min lo la chhuah khum zui. Ka thinrim kher mai, ka nu lah chuan a sawi chhunzawm peih em em mai lehnghal.
********************
Chhunah chuan kan thian ho chuan restaurant ah kan chawl a, "Brenda, tinge ka message thawn kha i hmu em ni? Min rawn call tho bawk sia, mahse ka hmanloh lai a lo ni a." tiin Brenda-i chu ka zawt a. "Ka rawn call lo che, i message pawh ka hmu lo." tiin min lo chhang daih mai.
"7754... tiin a tawp a, hei hi i number a nilo em ni?" ka han ti leh a. "Nilo, kha chu ka number hlui alawm, i delete tawh ang chu ka lo tia." tiin min chhang leh a. "Ehe anih chuan min rawn call hnem sia, tunge niang le? Message te kha ka thawn sia, ava chiloh tak." tiin ka call let leh nghal a.
"Hello, ihh..tukin khan message ka lo thawn che kha, ka thawn sual anih kha." tiin ka han insawifiah zung zung a. Phone atang chuan mipa aw tham nalh tak mai hian, "Number chu a diklo animai thei, mahse message chu i rawn thawn dik thlap e." tiin arawn nui huah huah a. "E..aw..hehe, min hrethiam a, ka lawm e." tiin ka chhang a.
"Anih leh tunge i hming ni reng reng?"
"Ihh..Vanlalchhuangi...VL-i ka nia. Nang tunge i hming ni a?"
"Sangtea ka nia, Lallawmsanga."
Chutia kan inbiak lai chuan Hannah-i chuan min rawn kheuh vak a, "Hey, enge khatiang inzawha tulna?" tiin a ner nang mai. "Shhh...ka zawt mai mai..lo bengchheng su." tiin ka lo khap vat a, a aw kha a mawi reuh em a, ka la ngaithla chak mai chauh a ni, lerh vang pawh a ni bik lo.
"Bangalore ah lehkha zirin ka awm a, nangve?" tiin min rawn zawt leh a, a aw mawi lutuk khan min ti lai lek lek. "Ihhh...keichu Mizoram lamah ka awm a...ih, nihphawt aw..bye." tiin ka dah daih, sawi tur ka hre tawh lo. "Khatia biak kual vel vak angai lo, VL...i hmel duh zawng lo nilo ta se, a ten ber ber ah i tang leh awm tho si." tiin ka thiante chuan min hau hrep a, an sawi dik ve tho mai.
Hannah-i chuan, "Enteh VL, hostel-a BAngalore-a zu awm kha i nu leh paten an phal ta silova. Paying guest angin zu awm zawk ta la, ka thiannu Priya-i hi paying guest angin a awm asin, Bangalore-ah, abulah chuan i awm ve mai anga." a han ti chu ka phur hle mai, idea tha tak a ni. "Awle, ka pa ka lo bia ange." tiin ka chhang a.
************
Min sawi pui turin ka thiannu Hannah-i chu chaw eiah ka sawm ve a, keimah chauh chuan ka sawi ngam lo a ni. Tlai chaw einaah chuan kan sawi chhuak ta a, "Paying guest maw?" ka pa chuan a ti nuah nuah a. KA nu lah chuan rum zet hian, "A tha ka tilo, mahse i thu thu..." a lo ti leh hmuk mai.
"Nu Zorem, mi fel tak ani nia lawm, ka thiannu PRiya-i pawh a awm mek a, achhungte pawh an strict lutuk. An chhungkaw bulah chuan VLi hi a zu awm ve mai anga, flat luah man an insem mai anga." tiin Hannah-i pawh chuan a lo sawi mawi ve bawk a. Ka nu chu a kham ta hmak mai a, rilru a nuam duhlo kher mai. Ka pa chu enin, "Khawngaihin ka pa, ka him em em ang. Pa, ka dream te hi tih puitlin ka duh a ni." tiin ka dil leh a.
Ka pa chu a ngawi vang vang a, min han en leh rih thin a. Minute 1 dawn a ngawih hnu chuan a thaw hak a, "Umm...a tha e...i kal dawnnia." a ti ta a. Ka va han lawm tak, chaw ei lai e tilo chuan ka va kuah vak a, "Pa, iva han hmeltha tak..ka lawm e aw.." tiin ka fawp nawk nawk mai. Chutah ka phone ah chuan message a rawn thleng a, ka han en chu Sangtea a lo ni.
"Hi VL, enge i tih a?" tih hi min rawn thawn a. "Engmah tilove, ka tha e." tiin ka reply a. Ka thiannu, kan inbul lawka mi, ka best friend ni bawk Angeli chu a rawn lut hlawl mai. "In awm maw, kha..inva hlim hmel hlawm ve a." a rawn ti lut bawrh bawrh a. Phur tak hian, "Bangalore-a lehkha zir chu ka pa hian min phalsak tawh a.." ka lo ti nghat vat a.
"Awii a nuam awm, i dream chu zu ti hlawhtling ngei ang che. Khawnge Nu Zoremi hi a awm a?" Angeli chuan a han tih zawm zat a. Choka lam chu ka kawk ringawt a, Angeli chu ava phei a. "Nu Zorem, tinge iva hlim loh hmel ve?" tiin Angeli chuan ava zawt a. Tum hmuk hian ka nu chuan, "Bangalore tih vela kal ka remti velo.." tiin ka hriat tur kher chuan a han sawi a, ka nu hi chu aw..
*****************
Ni reilote hnuah chuan ticket kan book fel a, Bangalore-a designing zir tur chuan ka kal dawn ta. Ka thawmhnaw te chu Angeli chuan min pack pui a, ka nu chu a rawn lut a. A hmel atang chuan ka kal a phal thlawt lo tih ka hre thei, a ngui ruih mai. Chips te chu rawn keng lutin, "Bawihi, kha heipawh hi pack tel rawh." tiin min rawn pe a.
A purse a phawrh a, "Kha..hei hi cheng singkhat a ni a, keng tel rawh. Bawihte, vawikhat mah minla awmbo san ngai silova, chuvang chuan ka lungngai a ni." tiin pawisa chu min pe a. Ka nu chu kuah pahin, "Nu, ka ngai ngawt ang che." tiin keipawh chu ka hnuk a han ulh ve leh ngawt a, ka mittui a tla nghal der mai.
Ka pa chu lo lutin, "Kha Bawihte, hei ATM card hi kawl rawh. I mamawh apiangin i hmang dawnnia, pawisa i mamawh chuan rawn sawi hreh lo la." tiin ATM card chu min pe a. A nui suk a, "I nu hian a rawn call zing awm che mange, tiraw?" tiin nuih luih a han tum viau nanga, ani pawh chuan min ngai lawk hle tih a mittui tling teuh atang chuan ka hai mawlh lo.
******************
Bangalore chu ka thleng ta a, ka vawikhat kalna a ni bawk a, lum hle mahse nuam tak a ni. Priya-i pawh chuan Airport ah min lo nghak a. Priya-i flat lam pan chuan taxi in kan phei dun ta a, "Mineral Water lei tur a awm reng ang tiraw, Priya?" tiin ka han zawt a. "Aw...awm reng e." tiin min lo chhang mai a.
"Bathroom te a fai tha em?" ka han ti leh a. "AW fai tha e." tiin min chhang leh a, Priya-i hian mizo tawng a pai thak lo nia mawle. Priya-i flat chu kan thleng a, vai hmeichhe dang pahnih an lo awm ve bawk. "Hei hi ka flatmate te an nih hi...Call Centre-a thawk annia." tiin min inhmelhriat tir a, keipawh chuan ka lo chibai a.
Inchhung chu ka han enkual a, Priya-i chhungte awm reng ka hmulo, a ruak huai mai. Chutia ka hawikual lai chuan Priya-i chuan, "Enge i en a?" a rawn ti a. "Khawnge i chhungte?" tiin ka han zawt a. "Chhungte nen kan awm lo, mahni vekin alawm kan awm." tiin min chhang ta mai a. "Enga? Chutin Hannah-i khan a sawi silova?" ka ti hu mai.
"VL, kan chhungte bulah PG Accomodation angin kan sawi a, mahse an hriat lohvin flat kan luah daih alawm." tiin min la chhang zui. "Awii..dawt in sawi tihna maw? Ka ring em em che a, iva han.." ka tih lai chuan ka phone a rawn ri a, ka nu alo la nizui. "AWi ka duhlo, ka nu...engtin nge ka tih ang?" ka ti nghal chel chul mai a. Priya-i chuan ka phone chu a rawn la a...
"Hello ka pi...VLi bathroom ah a kal lawk a.."
"E..ihh...tunge aw?"
"Priya-i nu ka nia.." (Awii dawt ala sawi zel nia..)
"E...i dam maw?"
"Umm..ka dam alawm."
"Kan fanu Vli ve hi chu ala naupang chhia si a, tette atanga min awmbo san ngailo a ni a. Inlo venhim viau angai ang."
"E hei..alo kal chiah, kha be rawh." tiin Priya-i chuan phone chu min pe a, awii..lemchan a thiam zia kha.
"Hello nu.."
"Bawihte, in zinkawng chu a nuam em?"
"Umm a pangngai."
"Priya-i chhungte kha i ti buai lutuk ange..anih ka dah aw, bawihte..ka hmangaih che."
"Awle nu, bye.."
Phone chu kan dah a, "AWii..ka nu bulah dawt ka sawi ringawt tihna nia.." ka ti a, Priya-i te thian ho lah chuan minla nuih vak vak zui. Ka ngaih a tha lo angreng khawp mai, Priya-i hi mifel tak a ni takzet em, dawt sawi lah kha a hnehsawh ropui lehnghal bawk sia. Zanah chuan FB ah lutin, "I'M CONFUSED." tiin status ka update a.
Hetih hunlai hi FB lar tak tak lai kha a ni a, whatsapp leh instagram tih vel khan hmun ala chang chiah lo. Ka phone chu ka phawrh a, ka tihtur hre lo chuan Sangtea chu ka han be leh ringawt a. "Hi Sangte, Bangalore ah chuan ka rawn awm ve a, ka dream tih hlawhtlin tumin.." tiin message ka thawn a.
******************
A tuk atang chuan hna chu ka join ve ta a, Sangtea nen pawh chuan inhmu lo mah ila kan inbe reng zel a. Kan hna chungchang te, kan duhzawng te leh kan nuam tih zawngte chu inhrilhin rei tak tak thleng kan inbe thin a. Engtik niah emaw inhmuh ngei tum chuan thu kan tiamdun bawk a, mahse ngaihzawng ang nilova, thian anga kan awm zel tur thu pawh kan sawi dun bawk a ni.
Ka hnathawhna a kan boss hi tuai a ni a, a tawngthei em em lehnghal. Hna ka thawh mawlh mawlh lai chuan kan boss chu a lo kal a, "Awi Sandhya..hetiang kawr design te hi chu naupang pawn an ha duh nang." tiin ka bula mi, kan hnathawhpui Sandhya-i chu a rawn hau hrep mai. Chutah ka bul chiah mannequin-a ka kawr design ka dah chu a en a, "Awi..hethil nalh zia hi, i design ami, baby?" a han ti deuh hlawi hlawi a, ka va ten tak.
"Yes Sir." tiin ka lo chhang a. "Ka chhuang lutuk che VL...keep it up..My Baby.." tiin min siai zeuh a, min la chul ang thuak thuak zui. Ka hnathawhna ah hian ka thawhpuite hi hnamdang vek an ni a, keimah chiah mizo ka awm. Bangalore ah hrim hrim hi chuan mizo hi ka hmu zeuh zeuh tho a, mahse sap tawnga tawng reng ngai bawk, hindi thiamlo bawk nen, a chang chuan a hrehawm ve thin khawp mai.
*********************
Ka off day a ni a, Sangtea nena kan inhmuh ni tur a ni. Ka phur rual rualin ka zam ve angreng khawp mai, restaurant ah chuan ka nghak reng a. "A hun takah ka thleng a, a mipa zawk rawn la thlenloh mai chuh...FB-a ka profile pic te kha a enchianglo amawnile, kei aiin a ngo lehnghal a, min hrelo der aniang." tiin ka phun nuah nuah a.
Chutah Sangtea aw ngei mai chuan, "DArkar chanve lekin ka tlai a, kha ilo va phun nasa ve." a rawn ti thut mai. Ka han hawi chhuak a, Sangtea ngei mai chu ka bulah chuan a lo ding reng mai a. A lo nui sang mai, "Darkar chanve dang tlai leh ila chu min that duh hial ang." a han ti leh a.
"Sangte? Nangmah hii.." ka tih lai chuan, "Aw..keimah Sangtea." tiin ka bulah chuan a rawn thu a, thlalak ai daihin a takah a hmeltha zawk. "Engtik lai khan nge ilo thlen a?" tiin ka zawt a. "Ele..min lo hauh mawlh mawlh lai khan mawle." tiin a nui leh sen sen a. "I tlai tho tho.." tiin ka han titau der vel a.
Pangpar min pek pah chuan, "Ka hria lawm, tihpalh lutuk." a ti leh a. Pangpar chu ka la a, "Awi a mawi lutuk, ka lawm e. Bangalore traffice jam te chu i hrechiang tawh anga, hun rawn insiam thlap ta che." tiin ka han hau der leh vel a. "Ka tihpalh lutuk..hehe." tiin min nuih leh sen sen a, a duhawm phian mai.
A phone a rawn ri a, "Ehe...ka nu a nih hi..lawk aw." tiin phone chu ala a. "Hello nu...hei office atangin ka haw dawn chiah....aww..ka lengkawi dawnlo, bye." tiin phone chu a dah a, ka nuih a za ngei mai. "I nu chu i hlau hle animaw?" tiin ka lo nuih a. "Aaa..a hlauhawm ve alawm." tiin a khi suk a.
"Khawnge an awm a? Mizoramah a mi?" tiin ka han zawt veleh a. "Mizoramah kan awm ngailo, tunah chuan ka nu leh pate chu Warangal ah an awm mek. Ka pa hi sumdawng ania, chemical factory ah a thawk a. Ka nu hi chu house wife ania, nupui nei turin min ti sek lehnghal. Ka nu hi chu a thinchhe ve khawp a, mahse a fel teh mai ania." tiin an chhungkaw chanchin te chu a han sawi a, kawm a nuam kher mai.
Chumi ni chuan Bangalore chu kan fangkual a ni ber mai, inngaizawng ang mai chuan kan inzui char char a. Kan kaldun lai chuan a nui leh suk a, "Enge..tinge i nuih reng a?" tiin ka zawt a. "Eng nilove, ka thil dream thin te ka ngaihtuah a. Thla eng hnuai ah, hmeichhe chhelo tawk nen. Roman tic tawkin bati eng sep sep hnuaiah dinner eidun ila, i hrethiam em?" a han ti a.
"Ummm hrethiam e." tiin nui chungin ka lo chhang a. "Coffee tal chu kan indun angai ang, mahse nang chu thla enghnuaiah nilo..haha." tiin a khi leh suk a.
"Anih chuan...kei hi ka.."
"Nilo...i chhelo ka ti lutuk, i mawi lutuk. Mahse nangchu..ka thiannu inia.." tiin chhuanlam a siam lehnghal char char a. "Anih chuan min bem tihna em ni?" tiin ka han zawt deuh kher a. "Ka hre nang." a lo ti ringawt. "Aw nge aih? Chhanna dang min pe anih chuan min bem tihna aniang." ka han ti fiam leh a.
"Naaa..hmeichhe ho hi chu awww.." a ti vawng vawng mai. Kan nui dun a, nileng chuan kan inzui a. Sangtea hi tlangval kum 29 a ni a, zep lo chuan hmeltha tak a ni. A ngo veng reuh va, mahse chutia ngo em em a nilo. Keimah hrim hrim hi vun ngo lutuk lo chi ka nia, mahse ka hang tihna chu a ni chuang hauh lo ania.
***************
Comments