NATHAN SEASON-4 Written by : Aaron Malsawmdawngzuala Episode-12 (THE KING-3)

 NATHAN SEASON-4

Written by : Aaron Malsawmdawngzuala

Episode-12

(THE KING-3)

******************

Nathana leh Rinawma hmaah chuan Constable Dawnga leh Francis-a te chu an thingthi a, "Sir, Pu Vala tan veka ti ka ni. TV lei turin TV dawrah ka kal a, ka nupui chuan kan lei tum aia lian a duh a. Kei lahin pawisa ka lo nei daih silo nen, engmah lei lo chuan kan haw leh a. A hnu ni reilo te ah chuan ka duty bang ka haw chu kan nu duh ang chiah TV chu kan inchhungah chuan a lo inhung reng mai a. Thil awmzia kan nu ka zawh chuan Pu Vala nau ten an rawn dah thu min hrilh a, lekha pakhat hi an lo hnutchhiah bawk a. Lehkha ah chuan PU VALA THILPEK ANIH HI, ABAK CHU NAKINAH KAN SAWI LEH DAWNNIA tih hi a lo inziak a. Chumi hnu reiloteah chuan Pu Vala nau pakhat a lo kal a, parcel hi min rawn pe a. Parcel chhungah chuan cheng nuai 1 a cash in a lo awm a, megazine pakhat a lo awm bawk. Magazin karah chuan lehkha them a lo awm a, chutah chuan i silaimu chu a lem nen thlakthleng turin min ti a ni. Pawisa ka mamawh em avang chuan an sawi ang chuan ka ti ta a. Stationah chuan tumah an lo loh lai chuhin silai dahna room vih kalhna chu ka tichhe ta a, chumi hnuah Sir Rinawma hi rawn kalin a rawn kalh ta a. Tichuan a chhuah veleh a chung hawlh kalhna ka tih chhiat tawh avang chuan awlsam takin ka lut thei ta a. Silai mu chu a lem nena va thlak thleng ka tum a, mahse ka thiam tlat lo. Pen thawm ka hria a, silai chu a awm dan ang ang chuan kalsanin ka chhuak leh ta a ni." DAwnga chuan a ti hluam hluam a.

"Nihleh silai kha nangma clock a ni em?" tiin Nathana chuan a zawt leh a. Mahse a chhanglo, vin zet hian Rinawma chuan, "Hey, silai kha load sa in i kalsan ami?" tiin a lo vin ve hrep mai. Dawnga chuan, "Aw load a, chuan ka dah leh." tiin a lo chhang a. Francis-a chuan, "Keichu engmah ka hrelo, bike ke vit thep turin min ti a, ka vit thep a, chuzawng chu a ni mai." a lo ti khur ve dar dar bawk a.

"Bike ke vit thep turin an ti che a, i vit thep ta mai amaw?" Nathana chuan a lo ti a. "Aw, Sir." tiin a lo chhang leh a. "Chuan abak engmah i hre tawh lova maw?" tiin a zawt leh a. Hlauh hmel tak hian Francis-a chuan, "Aw engmah ka hre lo." a lo ti leh a. "Ka ring em em che u a, silai chungchang engmah pawh inlo hre silo. Tichung khan police kan ni e chu inla ti amaw? Mi tamtak police ni tura bei an awm asin, nangni chu police ni chungin ei leh in, thamna lak leh titi vak vak bak thiam in nei lo. Rinawm, hemite pahnih hi ka sawisak hma hian kalbo tir rawh." Nathana chuan a han ti a, Rinawma chuan a hruai phei dun ta a.

******************

Chhunah chuan Nathana leh Rinawma te chu thingpui dawrah an chawl dun a, "Sir, tunah chuan Pu Vala thil tih vek a ni tih a chiang ta hle mai tiraw?" Rinawma chuan a han ti a. Mahse Nathana chuan, "Engvangin nge Pu VAla tih a nih ngawt ang?" a lo ti daih mai. "Sir, a chiang tawh viau lo mi? I man a, kut i thlak a. Chu chu phuba a la a ni mai lawm ni?" tin Rinawma chuan a zawt a.

"A teuh lo mai, Pu Vala chu thuhran...hmelma dang daih pawh hian min rawn bei mahse Pu VAla tih ah i ring vek thovang, chu chu Pu Vala pawh hian a hre kar a ni. Engtin nge Pu Vala hian Constable DAwnga nupui TV duh ber a hriat theih ang?" a han ti leh a. Rinawma pawh chuan, "Ni dawn tak e." a ti ve nuah nuah mai.

****************

Constable Dawnga te nupa TV leina dawrah chuan Nathana leh Rinawma te chu an va kal a, CCTV footage an han en a. An en vang vang hnuah chuan NAthana chuan, "Lawk lawk lawk...pause lawk teh." a han ti a. A han en vang vang a, "DAwr kawngkhar bul saw zoom teh." a han ti leh a. An han zoom chiang a, "Ehe, hei chu Kimtea ava ang ve?" a ti nuah nuah mai a.

Chumi zan chuan Nathana leh DIG te chuan Kimtea chu an ko ta ngei a, "Ka puzawn hi ka hnial ngam lo a ni, Sir Nathana khan kut a thlak avang khan ka puzawn hi a thinrim em em a. Khaw mipuite chuan Sir Nathana hi an haw em em a, thah hial pawh an duh a ni. Chu chu remchangah la in silaimu kha a lem nena thlak thleng ka tum ta a. Sir Nathana chungah hian engpawh thleng se, kan department hian kan chhuah dawn hauh lo tih a chiang a. A case chu a rit tulh tulh dawn a, encounter a kah hlum a nih loh chuan bail theih lovin jail a tang ngei ang a, chu chu remchangah ka la ta a ni." Kimtea chuan a ti khur dar dar mai.

DIG chuan thinrim tak hian, "Animaw...SP Nathana nunna chu engah mah i ngai lo tihna ania. I duh zawng chu i puzawn jail ah tang se, bail theih loh se..chu chu i duhdan ania..ti chung khan police inla inti ve ngam amaw?" tiin a hau hrep mai. Tap tep hian Kimtea chuan, "KA tihpalh ai Sir.." a ti hluam hluam a. Nathana chu a  ngawi vang vang a, "Ka lawm e, Sir." tiin DIG chu salute a pe a, a kalsawn ta daih mai.

********************

ZAnah chuan NAthana leh a fate pathum chu an inah chuan an infiam a, an hlim kher mai. Sanvi pawh chu a rawn tel ve a, chutih lai chuan door bell a rawn ri a. Sanvi chuan ava en a, reiloteah a rawn let leh a. "Tunge a?" tiin Nathana chuan a lo zawt a. "Tumah ka hmu." tiin Sanvi chuan a lo chhang a.

"Anih chuan lo kal leh vat rawh, lam leh ang u." tiin Nathana chu ala hlim kher mai, an chhungkua chuan nuam ti tak chuan an han infiam ho leh a. A ngai te ang bawkin door bell chu a rawn ri leh a, "Keiman ka va en ang." tiin Nathana chu ava chhuak a. Tumah a hmulo, pawnah chuan chhuakin a hawikual a.

Luh leh a tum chiah chu an in sirah mi pakhat tlan phei zuai chu a hmu hman a, rang takin a um ve nghal a. Tlang lamah chuan chupa chu a tlan chho a, tower awmna bulah chuan a bo leh ta daih mai. NAthana chu a hawi kual a, chutah faifuk rat rat thawm a hre leh a. Ava hawi phei a, pa pakhat hi a lo ding run mai.

A thim em avang chuan a hmel a hmuh theih lova, chutah chupa chuan nawalh a phawrh a. A han nawt alh a, a hmel a rawn lang chiang chu Pu Vala nau te zinga mi a lo ni reng mai. NAw alh bawk alh mek chu leiah chuan a dah a, hruai ah a hliau kai a. Chu hrui chu a rawn alh phei zel a, tower thleng chuan a alh a.

Chutah le, tower ah chuan nikhaw hrelo hian SI Kimtea chu a lo inkhai reng mai. Hrui chu a kang kai zel a, Kimtea chu a kang kai chho ta mai a. A taksa pum chuan a alh a, a rawn t(r)e ta tuar tuar mai. "Nilo...Kimte..nilo." tiin Nathana chuan a au vak vak ringawt a, tihtheih a  nei der mai silo.

"Asa lutuk, Sir...min chhan rawh.." tiin Kimtea chu a au vak vak a, tower bulah chuan Nathana chu ava tlan phei a. MAhse Kimtea chuan a tuar zo ta ngang lo, a thi ta nge nge a. Chutah motor panga vel hi an rawn inzui phei a, Nathana hmaah tak chuan an rawn ding hlawm a. A chhung atang chuan palian pui pui hi an rawn chhuak a, a hnuhnung berah chuan Pu Vala chu a lo chhuak a.

NAthana chu hmuhsit hmel tak chuan a en a, "Kimtea thusawi avanga i hna hi i hmulet thei anih chuan tinge hetah hian kan kal kher angaih na? Haha...enge ani kha a tangkaina..en ta che khi.. a kan hluah hluah khi." tiin Kimtea ruang chu a han kawk vel a. Amah bawk chuan, "Engtin nge tikha chuan i hna i neih let tak ang?" tiin a nuih sawh nghek mai.

Nathana thinrim chuan va hnek a tum a, mahse chung palian pui pui te chuan an lo man bet a. Pu Vala bawk chuan, "I police uniform i hak loh chuan engmah i nilo, min tih thinrim zia hi i hria em? Kimtea hi hmun dangah pawh a rukin ka that daih thei, i mit hmuh lai kher a ka thahna chhan hi i hre duh em? Engkim hian chhan tha tak a nei asin, Nathan. I hrelovem ni? I chungah hian engpawh ka ti thei, i hria maw? Va haw nal nal rawh, kawngka kha kalh lovin i kalsan kha. Kal vat rawh, i chhungte an him em tih va en rawh." a ti ta mai a.

Nathana chu hlauthawng tak chuan a tlan let leh a, inchhungah chuan a lut a. Sanvi te, Sanvi nu leh a fate chu an lo la awm kim vek a. NAthana chu a thaw huai mai, "Duhtak, tinge iva hlauhthawn hmel ve?" tiin Sanvi chuan a lo zawt a. Mahse Nathana chuan a chhang lo, a thlan a tla bawrh bawrh mai.

A phone a rawn ri leh a, "Hello NAthan, i haw tawh maw? I chhungte chu an lo tha amaw? An tha ang ka tih mawlh mawlh kha..haham tun atang chuan i nunna kha ka ta a ni tawh tih hria ang che. Ka lo tan lo mai mai zawk a nih hi, chumi hma zawng chu i chhungte nen khan hlim tak khan lo awm ang che u." tiin phone chu a dah hmak mai.

***************

Nikhat chu Sanvi chuan a pasal Nathana kah hliam tak, Ruata..damdawiina awm mek chu a va tlawh a. Eitur te lo ken sakin a lo be mawlh mawlh a, chutih lai tak chuan Ruata nu a rawn lut thut mai. Thinrim tak hian, "Nang nu kha..hnamdang lehnghal..engvangin nge i lo kal ngam zawk a? I pasal in ka kap hliam zo chauh a, tunah hian rawn thah law law i tum em ni?" a rawn ti ta hrep mai.

Damlo dangte leh nurse te chuan an lo en thup mai a, "Ka pi, chutiang anilo." tiin Sanvi chuan a lo chhang a. "Kal rawh...vai te te lehnghal, mizo tawng te chuan mi be ve khanglang...kha hengte hi kan mamawh lo." tih pah chuan a thil eitur kensak te chu a pe let leh a. ZAk tak chung chuan Sanvi chu a chhuak a, a haw leh ta a.

Inchhung a lut a, bungrua a lo hnawk nuai mai. "Ka nu, enge thleng a?" tiin a zawt a. "In pa thinrimin a paih darh a nih hi." tiin a lo chhang a. Ngawi reng hian SAnvi chu choka lamah a phei a, Nathana chu room atang chuan rawn chhuakin choka lam chu ava pan ve nghal a. Sanvi bulah chuan va kalin, "Khawnge i kal a?" tiin a vin deuh hlur mai.

"Ihh...dawrah." tiin hlauh hmel tak hian Sanvi chuan a lo chhang a. Thinrim tak hian Nathana chuan, "Engtiik laiin nge damdawiin saw dawr a lo nih tak a?" a ti khur khur a, Sanvi chuan a chhang ngam tawh lo. "KA ngen che em ni? Ka hna hmuh let leh nan hian min pui turin ka ngen che em ni? Ngaihdam min va dilsak turin ka tir che amaw tiin kan pute hnen atangin call tamtak ka dawn asin. Chutiang mi chu ka ni em ni? Engvangin nge iva kal? Mawh?" tiin a vin leh hrep a.

"Nathan, ka nu in a hre phak ange..nakinah kan sawi dawnnia." tia kalsawn a tum chu NAthana chuan a lo man bet a, "Ding rawh." a ti vak a. Sanvi chu a tlusual thelh a, bawnghnu te bur chu a titlu palh a, a thawmhnaw ah chuan a kai vek mai. A fapa kum 2 mi lek, Marcus-a chu a lo kal a, a pa chu a rawn en kar mai.

Chuchu Nathana chuan hmu in, "Amak e aw..Sanvi, kha bawnghnute i tibawk ringawt alawm." tiin Marcus-a chu ava en ve leh a, "Enteh Bawiha, i nu mawl zia hi. Bawnghnute in a inleih vel nia mawle..ka chhuak dawn a, i nu thu lo awih rawh aw." tiin NAthana chu a chhuak ta daih mai a. Sanvi pawh chuan a mittui chu hru in, "Marcus Bawihte, lo kal teh." tiin a ko va.

"Anu tinge a?" tiin Marcus-a chuan a han zawt a. "Apa nen khan kan infiam a, chuan ka inchhui palh a. Bawnghnute hi ka tibawk vek alawm.." tiin a nui lui hram hram a. Sanvi nu chu a lo phei a, "Sanvi, i thawmhnaw siam la lo haw rawh. I pasal hian a buaina i chingfel se, i let leh mai dawnnia. KA rualin lo haw rawh, ka awm lai reng pawhin khatiang kha a thleng ania, ka awmloh lai phei chuan engtin nge niang?" tiin a thinrim kher mai. 

"Enteh ka nu, nakinah chuan a thinrim a ziaawm leh thuai mai ang. Ka pasal tan hian ka awm angai, min mamawh a ni. I duh chuan i haw thei ang, hei hi ka in a ni a, ka pasal fanaute nen hian kan hlim a ni." tiin Sanvi chuan a lo chhang a. Anu pawh chu a lungawilo kher mai, engmah sawi lo chhuan a chhuak ve nghal bawk a.

NAthana chuan file cover thar ava lei a, a haw leh tur bike a alawn chiah chu a ke a lo thep vek mai. A han hawi kual a, chutah Pu Vala naute zinga mi pakhat a lo kal a. "Pu Nathan..he perek hian a lo hawlh thep thei khawp mai...Police Officer Bike ke pawh nise." a rawn ti ham ham a.  Nathana thinrim chu ava tlan thut a, chupa pawh chu a tlanchhe ve nghal a.

An inum hrep hnuah chuan a man a, khawlaiah chuan Nathana chuan a beng ta siah siah mai a. Chupa chuan tap chung hian, "Pawisa ka neilo, min khawih tawh suh...pawisa ka nei lo." tiin a rak chiam chiam mai a. NAthana chuan hnek hrep pah chuan, "Pawisa ka dil lo che..tunge pawisa dil che a? Mawhh." tiin a sawisa vak mai.

Chutah motor pakhat chu muang chang hian a rawn tlan a, tukverh atang chuan Pu Vala fapa (a u fapa), MAma chu a rawn dak a. "Khai aw...Police in khawlaiah mi a sawisa anih saw..." tiin a phone camera chuan a lo la char char mai a. Nathana chuan ava en a, "Hnek zel rawh...hnek ta che." tiin Mama chuan a lo nuih vel a.

****************

Board ho chuan Nathana chungchang chu an ngaihtuah leh a, an thukhawm a. Nathana'n Pu Vala naute zinga mi pakhat a sawisa lai video chu Officer te chuan an en a, "Police atanga suspend a ni a, in-charge a nilo chung pawn tihian a sawisa duh ania. Anih chuan tuin nge Ruata kha a kap lovang tih sawi thei?" tiin Officer hmeichhe pakhat chuan DGP bulah chuan a han rel zuah zuah a.

An hmaa thu, Nathana chu DIG chuan a han en a. "Engthil nge ni ngai, SP NAthan?" tiin a zawt a. Vin zet hian DGP chuan, "Hna neilo angah min ngai em ni? KAn superior te hi tuten nge chhanna pe ta ang?" tiin Nathana chu a hau hrep mai a. DGP bawk chuan DIG chu enin, "Nathana chungah hian rinna nghat turin min tih vang chauhvin ka lo ring ve em em a, ka peih tawh lo. CAse hi ti tawp nghal mai teh ang u." a han ti leh a.

"Sir, evidence pawh ka la rawn submit em hleinem." Nathana chuan a lo ti a. Hmeichhe Officer chuan, "Enge i tih chuan anga? Victim te chu puhin i fihlim mai dawn em ni? Kan hun kan khawh al mai mai a ni, kal tawh rawh." a lo ti hrep mai a. NAthana chu a nui suk a, "Hun khawhral maw..Ma'm...ka witness Kimtea chu a hal hlum a, ka uniform nen lo chuan engmah ka nihloh thu min hrilh bawk a ni. Mahse keichuan engmah ka ti theilo, witness dang chu ka zawng leh thei mai ang, mahse in hun ka khawhral i ti bawk si a. Engpawh chu ni se, ka lawm e, Ma'm.." zaidam tak chuan a han ti a.

"In Station ami thenkhat ho te i hmang tangkai anga, witness angah i chhuah vel anga, chu chu kan pawm hauh lovang." Officer nu chuan a lo ti leh hmak mai. "Nilove...evidence chu han en phawt ila, chumi hnuah chuan kan rel fel leh zawk dawnnia." DGP chuan a lo ti a. Nathana chu en leh in, "Naktip ah kan ko leh che anga, witness chu rawn nei ngei ngei ang che." a ti a. Nathana chuan, "Awle, Thank you Sir." tiin a chhuahsan ta a.

*****************

Chu hmeichhe Officer chu Pu Vala te thawhpui a lo ni reng mai a, tlaiah chuan Officer chuan Mama a call vat a. "Hello Mama, Nathana chuan witness atan constable pakhat a rawn hruai dawn a. Lo buaipui ang che u, in hria maw?" a han ti a. "Awle, kan hria e, kan lo buaipui ang." tiin Mama chuan a lo chhang a.

Mama te thianho chu motorah chuan an lut a, an tlanchhuak tur an han back deuh chuan engemaw ni hi an su dat mai. Tukverh-a dak meuh a an han hawi chhuak chu NAthana bullet bike an lo su chu niin, Nathana chu a lo chuang reng bawk a. "Ehe..Na..Nathana.." tiin Mama chu a ka hau mai.

Nathana chu a tlan daih a, chuveleh MAma chuan, "Um ru um ru...video khan la bawk ula." a ti chel chul mai a. Chutah NAthana chu hmun biru deuhah chuan a tlan zel a, an zui zel a. Chutah a ding a, bike atang chuan a rawn chhuk a. Mama chuan video chuan a la a, Nathana chu a rawn hawi a.

Mahse NAthan chuan mask a vuah tlat mai a, lukhum hmathlawk a khum bawk. Police uniform a ha bawk silo nen, amah a ni tih a hriat ta hauh lo. Rum tak hian Mama chu a melh a, "Ka thla chu la ta che..kha..la rawh." tiin ava pan phei a. Mama chuan a hlau der mai, "Hei..motor ah let leh vek ru." tiin a tlanchhia a.

Midang pawh chu motor lam pan chuan an let sap sap a, Nathana chu ava tlan thut mai. Motor atang chuan a tham chhuak pawp pawp hlawm a, a sawisa ta hrep hlawm mai. A tawp berah chuan Mama chiah a bang ta, Nathana chuan ava pan leh chhat chhat mai a. :Hey..ka patea ka hrilh vaih chuan.." a tih lai chuan NAthana chuan a kut a elh sak vak a, a ri tuar mai.

NAthana chuan ahmai la tuam reng chung chuan bike chu a han start a, Pu VAla Cement dawr lamah chuan ava inkhalh phei leh a. Pu VAla te leh a mi chhawr te chuan an lo en thap mai. Pu VAla hma takah chuan ava ding a, a hmai tuamna chu a phelhin Pu Vala chua en vang vang a, a nui suk a, a in her a, a tlan leh ta daih mai a.

******************

Zan dar 8 velah chuan naupang ho chu an muhil thap tawh mai a, NAthana chu ava haw a. Sanvi nu pawh a haw tawh a, an chhungkua chauh chuan an awm leh tawh a ni. Nathana chuan choka lam ava pan a, Sanvi chuan rawng a lo bawl mek a. "Duhtak, ka ril ava tam ve." tiin abulah chuan ava ding a.

"Chaw ei ka lo siam ang che, lo va thu rawh." a lo ti hmuk mai a, Nathana chu en pawh a en duh lo. Nathana chuan gas chu ava off thut a, "Hey, engemaw i tih le?" Sanvi chuan a lo ti vat a. "Lo hawi teh." tiin Nathana chuan a kuai her a. "Tinge i off a?" tiin Sanvi chuan a melh rum kher mai.

"Ka mitah hian min en la, sawi leh rawh." Nathana chuan a lo ti a. Hnuailam melh reng chung chuan Sanvi  chuan, "Aih, ka duh lo." a lo ti leh hmuk mai. Nathana chuan a biangah a chulsak a, "Tihpalh...sorry." a han ti a, Sanvi chuan a kut a lo paihthlak sak a. "Tinge tunah i sawi chauh?" tiin a tum hmuk mai.

"A tha e...ka tihpalh lutuk." a han ti leh a, mahse Sanvi chu ala lungawi thei chuang lo. "Ngaihdam ka dil tawh che kha, thingthit kher angai ami?" tiin Nathana chuan a han zawt leh a. "Umm..thingthi la, ngaidam min dil rawh." tiin Sanvi chuan a lo chhang leh a. Nathana chu a han ngawi vang vang a, dawhkana chemte chu a han ti tla lui kher a.

"Akhai a....ava buaithlak thin.." tih pah chuan a kun a, a han thingthi deuh thuak a, "Sorry.." tiin a rawn tho leh nghal vat a. "Tikhan i lawm tawh em?" a han ti leh a. Sanvi chuan a melh rum kher mai, "PAngngai deuhin thingthi la, ngaihdam min dil rawh." a han ti leh a. Chutah Nathana chu a nui suk a, "Ka tihpalh...i pasal hi ka thinchhe em ani. Min ngaidam hram teh, vainu hmeltha.." tih deuh kher pah chuan a thingthi a, Sanvi pawh a insum zo ta lo, a nui ve ta suk a.

Mahse NAthana a rawn ding chhuak leh chu a tum leh daih mai, "Naa...ka thingthi tawh a, ngaihdam ka dil tawh che kha." Nathana chuan a han ti nang nang a. "Tinge vainu i tih kher?" tiin Sanvi chuan a han zawt leh a. Nathana chuan, "Anih leh sapnu?" a han ti leh a. "I sual emai." tiin Sanvi chuan lehlam a hawi leh daih mai.

"Ngaihdam ka dil che kha, ka thingthi bawk a. Min khawngaih ve la...mawh vainu hmeltha..." a han ti leh a, Sanvi pawh a nui ta. Nathana chu a kuah a, "Thau si.." tiin Nathana chuan a dul ah a lo sik vak a. "Anaa..suala, hnek i duh ami?" tiin Sanvi chuan a han tin uai a, "Ka man mai ang che." tiin Nathana chuan a chalah a lo fawp a.

*********************

TO BE CONTINUE