WWE A INLAN CELEBRITY LAR TAK TAK TE

-

 WWE A INLAN CELEBRITY LAR TAK TAK TE


ARNOLD SCHWARZENEGGER :





Commando, Terminator Franchise, Conan, Escape Plan leh Expendables film te thiam taka changtu, a role hneh em em mai, actor lar Arnold Schwarzenegger hi WWE ah hian vawikhat mai nilo, vawi engemaw zah a lo ainlan ve tawh a ni. November 10th, 1999 khan Arnold hi Smack Down show-ah a rawn inlan hmasa ber a, hetih lai hian WWE nilovin WWF ala ni. Hemi zan hian commentator ah a tang a, Triple H, Test leh Stone Cold te an inbei mek bawk. Match a zawh dawn lamah chuan Arnold chuan steel chair la in Stone Cold chu ava pe a, Triple H chu a chakloh phah ta a ni. Match a zawh hnu chuan Triple H chu Arnold-a sawisak tumin a va pan hnai a, mahse Arnold hian a lo beng zek a ni. Wrestlemania XXIX ah khan Arnold hi inlan leh in wrestler Bruno Sammartino chu Hall of Fame Calss of 2013 nihna chu a hlan a ni. March 24, 2014 zan, Monday Night Raw ah chuan Arnold hi a rawn inlan leh a, hemi zan hian amah chauh nilovin a upcoming movie SAbotage-a a co-star, Joe Manganiello   nen an inlan dun a, Joe Manganiello hi kan hriat theih dan tur chuan 2002 Spiderman film, Tobey Maguire-a channa a, Flash Thompson-a character chang tu kha a ni. Hemi zan hian ring chhungah Hulk Hogan nen segment an nei hova, hetih lai hian The Miz chu a rawn chhuak ve a. Mahse Joe leh Arnold hian The Miz chu an lo khawih zel mai a, Arnold hian a catch phrase lar em em mai, "Hasta la vista." tih chu a sawi ri ngei bawk a ni. January 16th, 2015 khan Arnold hi WWE Hall of Famer, Class of 2015 nihna a chang ve nghe nghe a ni.


KIM KARDASHIAN WEST :





Reality Star leh Rapper Kanye West nupui, Kim Kardashian West pawh hi WrestleMania XXIV ah khan co host a ni a, khatih lai khan Kim K hi kum 27 chiah ala ni. Kim hi co-host ni mahse WWE-a celebrity lo inlan tawh ho te ang lo takin a lang tlem angreng hle a, Money In The Bank PPV chungchang sawiin ringah hun reilo te a hmang a, a hnuah backstage ah a inlan leh a ni. Backstage-a thu a puan lai hian khatih hunlai a wrestler lar ve tak, Mr. Kennedy chu a rawn inlan ve zauh bawk.


DONALD TRUMP : 





US President hlui Donald Trump pawh hi WWE ah a lo inlan ve tawh a, a takah pawh WWE Chairman Vince McMahone nen hian thian tha tak an ni. Kum 2007 khan storyline pakhat, BATTLE OF THE BILLIONAIRES ah chuan Trump leh Vince hi an in el a. Vince chuan a fighter atan Umaga a thehchhuak a, Trump-a chuan Bobby Lashley, tuna WWE Champion ni mek chu a fighter atan a hmang ve bawk. Hemi match ah hian reffree atan Stone Cold chu an hmang bawk a, tichuan Umaga chu chak lovin Bobby Lashley, Trump leh Stone Cold te chuan Vince McMahone-a sam chu ring chhungah an ziah kawlh sak a ni. Hemi hnu hian Stone Cold chuan Trump chu a finishing move, stunner hmangin a thal zui bawk. 2009 kum khan Trump hi RAW ah a rawn inlan leh a, heta a storyline ah chuan Trump hian RAW chu a lei a, mahse show tawp lamah Vince bulah hian a hralh let leh nghal a ni. Kum 2013 khan Trump hi WWE Hall of Famer nihna an hlan ve bawk a ni.


STEPHEN AMMEL :





DC Arrow star Stephen Ammel hi May 25, 2015 khan RAW ah a inlan a, Cody Rhodes (Star Dust), tuna AEW wrestler nen hian an inchapchar a. Hemi kum vek August thla khan RAW ah bawk rawn inlan leh in mipui zingah a awm a, front row ah a awm a ni. Hetah hian Star Dust chuan Ammel chu chovin a hmaiah a nawr sak a, ring chhungah a luhsan leh a ni. Chu veleh Ammel chu thinrimin ring chhungah chuan a tlan lut ve a, Star Dust chu ava bei ve ta a, mahse security te chuan an lo thelh nghal vat thung. Hemi zan vek hian COO Triple H chuan tag team match a siam a, Neville leh Ammel chu tang dunin Star Dust leh Wade Barret te chu an bei a, hnehna an chang nghe nghe bawk. Hemi hnu hian Ammel chu Cody Rodhes nen chuan a taka thianah an insiam a, a film chan mek Arrow ah chuan Cody chu a inlan ve nghe nghe a ni.


SNOOP DOGG :





Snoop Dogg hi WWE fans ruhkawl em em mai a ni a, vawi engemaw zat WWE ah hian a inlan tawh a ni. October 19, 2009 khan RAW episode ah guest host a ni a, Hulk Hogan nen segment an nei a, Chavo Guerrero chu ring atangin a theh chhuak bawk a ni. Hemi hma WrestleMania 2008 khan Playboy Mania Lumberjack Match ah Master Of Ceremonies Official atan hman a ni bawk. WrestleMania 2016 hma zan chiah khan Snoop Dogg hi WWE Hall of Famer nihna an hlan a, WrestleMania 32 khan a cousin, WWE Wrestler tho, Sasha Banks Theme Song chu live in a perform bawk.


HUGH JACKMAN :





Kum 2011 khan X-Men Star, Hugh Jackman hi RAW ah guest host a ni a, hemi zan hian Zack Ryder-a corner ah awmin refree hmuh loh laiin Ryder-a tum pui, Dolph Ziggler chu a hnek a, Ryder hian hnehna a chan theih phah ta a ni. April 18, 2014 khan Hugh hi RAW ah tho a rawn inlan leh a, hemi tum hi chuan Dolph Ziggler nen thian an ni tawh thung. Segment an neih dun laiin Damien Sandow chu lo chhuakin Magneto angin a rawn inchei a, Jackman hian a lo sawp zek a ni.


BAD BUNNY :





DJ lar tak Bad Bunny hi 2021 Royal Rumble ah a rawn inlan a, a hla lar tak "Booker T' tih chu perform in hetah hian amah Veteran Wrestler Booker T ngei pawh a rawn inlan bawk. Hemi hnu hian Bunny hi RAW ah a inlan chhunzawm ve zel a, Damien Priest nen thian an ni bawk. Bad Bunny hi WWE a tel chhung hian 24X7 Champion a ni ve hman zuai a, WrestleMania 2021 khan tag team match ah Damien Priest nen tang dunin The Miz leh John Morrison an tum a, hnehna an chang nghe nghe a ni.


MIKE TYSON :





1998 hnua boxing khelh a chawlh zuai khan Tyson hi WWE lamah a inlan ve zuai a, WrestleMania XIV khan Shawn Michaels leh Stone Cold te match ah refree a ni. Stone Cold chu hemi match ah hian a chak a, match a zawh tawh hnuah Tyson hian HBK chu a knock out zui bawk. January 11, 2010 khan Tyson hi a rawn inlan leh a, Guest Host ah a rawn tang a ni. Hemi zan hian tag team match neih a ni a, Chris Jericho nen D Generation X (Triple H & Shawn Michaels) te an tum a ni. Mahse Tyson hian a tawpah Jericho chu a phatsan a, Jericho chu knoeck out in DX hian hnehna an chang ta a ni.


FLOYD MAYWEATHER :





February 17, 2008 khan WWE PPV NO WAY OUT ah Floyd hi a inlan ve a, hetah hian story line ah a tel ve a ni. Mipui zingah Floyd hi a thu a, chutih lai chuan Big Show chuan Rey Mysterio a sawisa mek a. Floyd hi tlan chhuakin Big Show chu a hnarah a hnek sak a, a thi phung nghe nghe. WrestleMania 2008 ah khan Big Show leh Floyd hi an intum a, Floyd hian hnehna a chang a ni. August ni 24, 2009 khan Floyd hi WWE ah a rawn inlan leh a, RAW episode ah guest host a ni.


WAYNE ROONEY : 





Former Manchester United Striker Wayne Rooney hi Noverber ni 9, 2015 khan RAW ah a rawn inlan ve a, mipui zingah a awm ve a ni. Hemi zan hian Wade Barrett chuan Rooney chu microphone hmangin a vau reng a, "I faten heti khawpa football khel thiamlo pa an nei hi ka khawngaih ngawt mai." tiin a tawng khum a. Barrett chu mipui awmna lamah zu chhukin Rooney chu a zu cho leh a, mahse Rooney hian a lo beng hrep a ni.

Comments

Post a Comment

Popular posts from this blog

SUNRISE SWEETS Written by : Aaron Malsawmdawngzuala (A MIZO FICTIONAL FAMILY SAGA STORY) Chapter - 1

-
Image
 SUNRISE SWEETS Written by : Aaron Malsawmdawngzuala (A MIZO FICTIONAL FAMILY SAGA STORY) Chapter - 1 ******************************************* Pu Marema leh Pi Muanpuii te nupa chu car seat hnung lamah an chuang mek a, an titi pah a. Nupa inngeih tak an nih hmel kher mai, an thusawi pah chuan an nui dun leh har har thin a. Seat hma lama mi, motor khalhtu, an fapa Ethana chuan car front mirror atang chuan a han en leh zeuh zeuh thin a, a khi ve suk suk bawk. A bulah chuan a nau, Lawma chu a thu ve bawk a. Phone a khawih a, a thu ngawi reng a. An motor chuanna hi Maruti 800 ang chi kha a ni a, second hand an lei a ni. Lawma phone chu a rawn ri a, a chhang ve mai bawk a. A bialnu call a lo ni reng mai, an la inhnial vak vak zui. Chutia a nu leh pate awm ve reng laia, a bialnu nen an inhau vak vak mai chu a u Ethana ngaihdan a ni ta vak lo. Zaidam tak si chuan, "Lawma, vak vak a che... dah la nakinah in inbe zawk dawnnia." a han ti zawi deuh sap a. Mahse LAwma chuan a ngaipawi
Read more

SAYANG

-
Image
 SAYANG Written by : Aaron Malsawmdawngzuala ************ (YEAR - 2035) Pathian zarah thing delh loh lung delh loh ta na na na chu ka lo thang lian chho ve zel a, kum 16 lai ka lo ni ve ta. Class 12 zirlai mek ka ni a, insawitheihna pawh nilovin a thiamthei pawh chu ka ni chho ve char char thin. Ka nu leh pate thu ka hnial ngai lova, hmeichhe lerh tak ka ni heklo. Nu leh pate thu ka hnial ngailo ka han ti ngawt nanga, nu ka nei ve tawhlo. Ka nu hi a thi tawh a, ka piantirh a thi a ni. Ka nu hi thlalak ah tihloh chuan a hmel ka hmu ve hman lova, nu tellovin ka pa leh ka pi hian min enkawl seilian a ni. Ka pu hi ka pian hma, ka pa pawhin nupui a neih hma daih hian a thi tawh a. Ka pi hian min duat hle a, ka nu ang maiin ka en thin. Ka nu leh pate kha kum naupang tein an innei a, ka pa hi ala upa lemlo. Tleirawl kum 16 mi ka ni ve tawh a, mahse ka pa hi kum 41 chiah ala ni thung a, ka nu kha la dam se chuan kum 39 a ni ve tawh dawn bawk a ni. Ka nu a thih khan kum 24 chiah ala ni a, nu ti
Read more

THE CRAWLING WOMAN (Spanish : Repente Mulier) MIZO SUPERNATURAL HORROR STORY Written by : Aaron Malsawmdawngzuala Chapter - 1

-
Image
THE CRAWLING WOMAN (Spanish : Repente Mulier) MIZO SUPERNATURAL HORROR STORY Written by : Aaron Malsawmdawngzuala Chapter - 1 *************************************** Lawirang khua hi in 100 tling vel tawk, lian lem lo tak a ni a. A mi cheng te pawh an tam lem lo hle in an inhrechiang thawkhat hlawm hle bawk, mahse khawte tak te ni chung eng eng emaw chu a awm kim ve riau va. In lian pui pui leh bazar lun tak, dawr lar tak tak te awm ve kher lo mahse picnic spot te, hotel te leh park te a awm ve thlap thung a ni. Kum 2011 a ni a, chu khua a tlangval pahnih, zu heh vanga lar ve tak, Siamtea leh Nunmawia te chu zan dang ang bawk chuan an rui nawi dun leh hle a. Haw mai chu an la phal lo a ni chek ang chu, khawlaiah chuan ke a kal dun pahin an zai phei dun rat rat a. Kawnpui sawitu an awm ang mai chuan an kal ngil hleithei lo, an zai pawr tulh tulh lehnghal. Chutiang hlim taka an thianduna an zai lai chuan an sira Hotel, an khua a hotel lar ve ber mai, HAHDAMNA RUN chu Siamtea zawk chuan a
Read more