PUTRID CHILD-2 : MY NAME IS FRANCIS, NOT WILLIAM (MIZO SUPERNATURAL/HORROR STORY) [A SEQUEL TO PUTRID CHILD] Written by : Aaron Malsawmdawngzuala Warning : 18+ CHAPTER - 4 (LAST)

 PUTRID CHILD-2 : MY NAME IS FRANCIS, NOT WILLIAM

(MIZO SUPERNATURAL/HORROR STORY)

[A SEQUEL TO PUTRID CHILD]

Written by : Aaron Malsawmdawngzuala

Warning : 18+

CHAPTER - 4

(LAST)

*********************

Abby te pahnih chu Station lama let leh tur chuan an inphur phei leh ta a, an titi mawlh mawlh a. Chutih lai chuan Abby phone chu a rawn ri leh ta tlat mai, number hriat loh tho kha a ni. "Hello." a han ti leh a, mahse a hma ang bawkin a ngawi leh tlat mai. Abby chuan a dah leh mai a, mahse a dah hnu deuh lawk ah a rawn call leh a.

A pick up leh a, "Hello? Tunge aw?" a han ti leh a, mahse a dah leh daih mai. Abby chuan mak a ti tan ta, a number chu a han en vang vang a. Motor chu a ti ding a, number chu a han en chiang a. "Tinge? Tunge ni a?" tiin Hlimpuia chuan a lo zawt a. "Khawimaw...i phone phawrh teh." Abby chuan a lo ti a.

Hlimpuia chuan a phone chu  a phawrh a, Abby chuan a lo ban vat. "Hmingmawia phone number kan lak kha i phone ah tiraw kan save?" tiin a zawt a, "Aw..a awm ang." tiin Hlimpuia chuan a lo chhang a. Abby chuan Hlimpuia phone ah chuan rawn call tu number chu a han chhu kai a, a meng kawk mai.

Phone pahnih chu lek kangin Hlimpuia chu a han hmuh a, "Hmingmawia phone...Hmingmawia phone number." a ti ta mai a. Hlimpuia pawh chuan number chu a han en a, a lo in ang chiah chiah mai. "Tlan vat ang." tiin motor chu a start leh nghal a, chak tak chuan Station lam pah chuan an tlan ta a.

************************

Tlai a lo ni a, Francis-a te pawh an bang ta. Francis-a chu bus stand lama apa lam hun nghak tura a phei lai chuan Nghaka te thian ho chu an lo awm thap mai a, mipa dang 6 vel, pawl 10 zirlai tho an lo awm bawk. School unifor dang ha an awm nual bawk a, an vai chuan 10 vel zet an ni.

Francis-a chu a ding a, NGhaka chuan a melh rum kher mai. "Hepa hi.." tiin midang ho chu a han hrilh a, an zinga pakhat, school niform dang ha, pawl 12 zirlai chu a rawn nui chhuak huk mai. "He naupang hian maw? He naupang hi maw?" tiin a nui ta tiah tiah mai. Nghaka chuan Lawma leh TErema chu a kawk a, "Hemite pawh hi zawt rawh u, he naupang hian min sawisa alawm." a han ti leh a.

Francis-a chu midang chuan an han en a, ni theiin an hre ngang lo. An thian zinga mi Zirpuia chuan, "He naupang hi ka hria, class 3 ami kha a nih hi." tih pah chuan ava pan hnai a. Francis-a hmai zawnah chuan a kun hniam a, "Hey...ka thiante hi ilo sawisa tak tak a mi?" tiin a nuih suk a. Francis-a chuan a chhang lo, a hmaiah tak chuan chil a chhak khum a.

Zirpuia thinrim chuan a hmaiah a beng siah mai, midang ho pawh chu thinrim tak chuan an rawn kal phei a. Mahse car atang hian mi pakhat hi hmanhmawh takin a rawn chhuk a, Zirpuia chu a rawn tlawh thal tawp mai. Francis-a pawh chuan mak a ti kher mai, a han en chiang chu apa, Maruata a lo ni.

Midang ho chuan, "Enge khatia i rawn tlawh a, kan thianpa hi he naupang hian chil a chhak khum a nih kha..." tiin an thianpa chu a thlavang an lo hauh sak ve nasa mai. Maruata chuan Francis-a chu a han en a, a biang dawmin a lo tap nasa mai. "Chil i chhak khum a mi?" tiin a zawt a.

Mahse Francis-a chuan a lu a lo thing a, Maruata chu a thinrim hle mai. Zirpuia chu pum dawm chungin a rawn tho va, "SAwisak belh i duh loh chuan thlawk bo nghal rawh, midang ho pawh kha haw vek rawh u." Maruata chuan a han ti vin thak mai a. Chutia an pa rual zet maiin a hauh takah chuan an pawr ngam ta lo, an kalsawn a.

Maruata chuan a fapa chu a car awmna lamah a hruai phei a, Nghaka chuan ala en reng. Chutia a en reng lai chuan Francis-a chu a rawn hawi phei a, a rawn nui var var mai. Nghaka chuan a la en reng a, chutah a mit chu a rawn eng(yellow) vek lehnghal a. Nghaka chu a phu zawk a, Francis-a chuan carah a luh san ta a.

**************************

Station ah chuan an thleng a, SP office chu Abby chuan ava kik nghal a. "Lo lut rawh." tia a lo chhan rual rual chuan a lut nghala , "Sir...Hmingmawia number in min rawn call a ni." a va ti a. SP pawh a lo ding zawk mai, "Engmaw...enge a rawh sawi?" tiin a lo zawt ve nghal a. "Engmah chu a sawi lo, ka lak rual rualin a dah leh daih zel." tiin a lo chhang a.

"Engtik in nge a rawn call che? Vawi engzat nge a rawn call tawh che?"

"Chawhma lam khan min rawn call a, mahse a number ka hre silova, ka dah leh mai a. Sangtei te in atanga kan rawn haw khan min rawn call leh a, ka call back pawhin a dah zel."

"Engtin nge Hmingmawia number a ni tih i hriat nghal loh theih a?"

"An chhungte kan dil khan ka phone ah ka save lova, Hlimpuia phone ah ka save tir a. Keima save tho anih avang khan a number kha ka hriat hnu a ang ka i deuh va, ka en kawp khan a lo ni chiah bawk a."

SP chuan a lu a bu nghat nghat a, "Umm....trace nghal a ngai a nih chu." a han ti a. Abby chuan salute a han pe a, "Tunah kan che chhuak lehnghal e, Sir." tiin a chhuah san a. Police dang ho chu a ko khawm a,  ro a rel zung zung a. Tih tur a sem fel hnu chuan Hlimpuia chu a en a, "Junior Constable Hlimpuia erawh ka bulah a kal ang, tunah che nghal ru." a han ti leh a.

****************************

Inah chuan an thleng a, Maruata thinrim chu a la reh thei mawlh lo. Linda-i chu room atang chuan a rawn chhuak a, Francis-a biang lo duk tluk chu a hmu ta. Maruata chu a en a, "Tinge a hmai hi? I beng em ni?" ka han tu nghal vak vak a. Maruata chuan thinrim tak hian, "KA insum zo lo teuh ania, pawl 10 zirlai hovin an lo beng a." tiin a chhang a.

Linda-i pawh a thinrim kher mai, "Eng a? Tute nge? Tu fate nge an nih?" tiin a kut a hum nghal hial a. "Ka hre biklo...ka thinrim leh lutuk dawn a, ka tlawh ringawt. Khawlai a ni bawk sia, ka thin a rim ania." tiin Maruata chuan a chhang a. Linda-i chuan a fapa chu a kuah a, "Bawiha...ana em?" a han ti a.

"Aih na lo." tih ringawt hian a lo chhang a. "Tute nge an nih? An nu leh pate i hria em?" tiin a han zawt a. "Aih hrelo..an hmel chiah ka hria." tiin a lo chhang leh a. "A hrim hrimin eng vangin nge an ben che a?" Maruata chuan a rawn ti ve leh a. "Ka hre biklo..min lo tiding a, min beng ringawt." tiin a chhang leh a.

Maruata chu a  vei kual thuak thuak reng mai a, "Mai mai chuan.." a ti nuah nuah mai. "Engtin mah i ti ve lo tak tak amaw?" Linda-i chuan a han ti ve leh a. "Tilo..ka ti let ngam lo hrim hrim." tiin Francis-a chuan a chhang a. Maruata chu a thaw hak a, "Naktukah Principal hnenah ka sawi khawp ang...hetiang te chuan engtin nge kan kal zawm tir ngam ang." a han ti a.

****************************

Phone number chu an chhui ta zel a, Francis-a te school lamah signal chu an va man ta tlat mai. Tracker ho chuan Abby chu an han hrilh a, Hlimpuia nen chuan school lam chu an va pan ve ta a. Tracking device nen chuan phone awmna chu an han chhui zel a, school erawh naupang an ban vek tawh avangin security tih loh chu tumah an awm tawh lo.

School gate chu an thleng a, school thlang lamah chuan signal chu a man leh daih a. Tichuan an chhui zel a, a tawpah chuan building hlui hnuaiah chuan Hmingmawia phone ngei mai chu an va hmu ta. Abby chuan kutkawr a bun a, phone chu a chhar a. Saranga dah pah chuan, "Hei hi forensic lamah thawn nghal ang che." tiin Hlimpuia chu a pe a.

"Tunah maw?" a lo ti deuh hu mai. "Aw tunah...kal nghal rawh." tiin a lo chhang a. "Mahse nangmah..khawnge i kal dawn?" a ti leh hu mai. Abby chu a khi suk a, "STation ah min lo nghak rawh." tiin a chhang a, Hlimpuia chu a kal ta a. Hlimpuia kal veleh chuan Abby chuan midang ho chu a en a, Nangni pawh vawiin atan chuan in hna a zo ve, in haw thei e." a ti leh ta daih mai.

***************************

A room ah chuan Sangtei chuan thil a ziak mawlh mawlh a, a bulah chuan Francis-a chu thu in phone a khawih ve bawk. Sangtei chuan Francis-a chu ava en a, "Bawiha..vawiinah chuan an beng ringawt che amaw? Chhan engmah a awm lo maw?" tiin a han zawt ve leh a. "Aw...ka haw tur kha minlo chang a, min beng ringawt." tiin a lo chhang a.

"An van sual em em...i tap em?"

"Tap e...mahse apa a lo thleng hman hlauh va."

"An velh leh che chuan in zirtirtute bulah sawi tawh ang che aw."

Francis-a chuan a lu a bu nghat a, Sangtei chuan a ziah chhunzawm leh a. Chutia ngawi renga an awm dun lai chuan Linda-i chuan rawn kovin, "Chaw ei a hun e...lo chhuak ru." a rawn ti lauh lauh va. Sangtei chuan, "Hawh le..chaw ei ang le." a han ti a. "Um..ka lo chhuak ang. Phone hi ka'n charge ange.." tiin Francis-a chuan a lo chhang a, Sangtei chu a chhuak ta a.

Chuveleh Francis-a chuan a bag chu a la a, apa room atanga a lak ruk, mutduhna damdawi chu a phawrh a. A han en vang vang a, "Zanin chu i hna i thawk tha hle tur a ni." tiin a nui var var mai. Tichuan a bag ah chuan a thun ve leh mai a, a chhuah hma chuan balbawma Sangtei kekawrte lo awm chu a la ru leh ta zeuh mai.

******************************

Thim thet thet tawh ah chuan Abby chu Station ah chuan ava let leh a, Hlimpuia chu a lo la awm reng mai. Abby chuan mak ti tak hian, "Ehe...i la awm elaw?" tiin a han zawt a. "Aw..ka lo nghak che." tiin a lo chhang a. "Lo haw mai rawh tiin ka rawn text reng che kha." Abby chuan a han ti leh a.

"Min lo nghak rawh i ti sia....ka lo nghak che alawm."

Abby chu a nui sak a, "Anih khawnge Dr. Samuela?" tiin a han zawt a. "A chhuak lawk a, a lo let tep ang. Ani pawhin a nghak char char che a, ka lo nghah pui law law mai che a nih hi." tiin a lo chhang a. Chutih lai chuan Samuel-a pawh chu a rawn lut ve a, "Ehe..khawnge i kal daih a? I va rei ve? Chanchin engmah i rawn sawi bawk silo?" tiin Abby chu a rawn zawt nghal a.

"Nia, chhungte lamin min ti buai a lawm mawle...enge chanchin?" tiin Abby chuan a han zawt let a. Samuela chu a ner nung a, "Finger prints a ti fai vek...engmah a awm lo." tiin a lo chhang a. "Tualthattu ngei chu a ni tih a chiang reng." Hlimpuia chuan a lo ti ve bawk a. Mahse Abby erawh chuan a lu a thing leh tlat mai, "Ani lo thei bawk." a rawn ti mauh mai.

"A chiang reng alawm...Hmingmawia phone kha a bo va..Tualthattu khan a la a, tunah a rawn phone leh che a...tualthattu lo midang tuin nge phone hi kawl chuang ang?" tiin Hlimpuia chuan a han zawt leh a. "Tualthattu hian Hmingmawia phone hi a la  a nih chuan Hmingmawia phone ah thil pawimawh a awm tihna a nimai, anih loh pawn a phone a ruksak duh vangin a that pawh a ni thei." tiin Abby chuan a chhang a.

Samuel-a chuan phone, saranga mi chu khai kangin a han en vang vang a. "Smart phone satliah ve mai chauh a ni a, a hlut vakna a awm lo e. Tiang phone satliah, 5000-6000 man vel lek vang hian khati khawp khan a nghaisa dawn mi?" a lo ti ve nuah nuah bawk a. "Chuvang reng chuan alawm ka sawi...a phone a lak chhan hi thil pawimawh tak a awm a ni mai." Abby chuan a lo ti leh a.

"Engthil pawimawi maw?" tiin Hlimpuia chuan a lo zawt ve leh a. "Phone atang hian tualthattu hi keini police te hian kan hre thei dawn a, chuvang chuan ala pawh a ni thei." Abby-'n a tih lai chuan, "Mahse...phone kawl tu hi tualthattu a nilo i ti bawk sia." tiin Hlimpuia chu a lo inrawlh vat a.

"Phone hi evidence a nih chuan tualthattu hian a tichhe nghal ang, mahse keima, a case chhuitu ber min la rawn phone ngam hial a nia. A awmzia chu midang an ni anga, tualthattu chungchang lo hria pawh a lo ni thei asin." a han ti leh a. "Mahse i call back hnuah pawh a chhan duh miah loh che kha.." Hlimpuia chuan a lo ti leh a.

"Tualthattu hian a kidnap pawh a ni thei tho...he phone kawl tu hi....engthil emaw tak chu a awm chiang alawm." Abby chuan a han ti nuah nuah a. "Tualthattu hlauvin a tlanchhia anga, school thlangah sawn an inman anga. Chutia an insual buaina velah phone chu a thlauh an thlauh ta a nilo maw?" Samuela chuan a rawn ti ve leh khauh mai.

"Nilo...a bul hnai vel kha kan check vek a, eng hnuhma mah a awm lo." tiin Abby chuan a lo chhang a. "Kan phone mechanic Donny-a kha chuan phone hi a hawng thei ngei a, mahse a chhungah engvakmah a awm lo. Thlalak leh video ho deuh deuh animai a, i en turin computer ah ka dah vek tawh tho." Hlimpuia chuan a lo ti ve leh a.

Abby chuan  a nuih sak a, "I ti tha e...anih leh message te, call log te?" tiin a han zawt leh a. "Chupawh engmah rinhlelhawm a awm lo, a call hnuhnun ber chu nangmah kha  ani mai a, a dawt leh chu Hmingmawia thih ni a Hmingmawia'n Sangtei a call kha a ni leh mai. List ka print chhuak vek tawh, dawhkanah sawn a awm." tiin a lo chhang leh a.

Abby chuan list chu a han en a, "Ka ril a va han tam reuh tak." tih pah chuan a pum chu a nuai a. "Ma'm..i ril a tam ami? Eitur ka va lei dawn em ni?" tiin Hlimpuia chuan a lo zawt vat a. Abby chuan, "Lei kher angai lo, canteen saw ala inhawng tho. Ka va ei lawk teh ang, tikhan lo awm ru. E Samuel, i hmanhmawh em? La awm ve hrih la." a han tih zawm zat a.

"Ka haw tep...thil chu va ei la...ka la haw peih chiah lo." tiin a lo chhang a. Abby chu a kal a, a va in ei puar ve ta a. Chutih lai chuan Hlimpuia chuan file vel chu a han enkual a, Samuel-a chuan Hlimpuia chu a han melh vang vang a. "I boss sawn a duat che em?" tiin a han zawt deuh thut a.

"Aw..min duhsak lutuk."

"A fel i ti em?"

"Ti e...a fel lutuk."

"A duh deuh che in ka hria."

Hlimpuia chu a meng deuh hrawk mai, "Enga? A awihawm loh emai." tiin a lo pha vat a. "Ania lawm...a duh chiang che alawm." tiin Samuela chuan a lo chhang leh a. "Engtin nge i hriat?" tiin a han zawt a. SAmuel-a chu  a nui a, "I boss Abby nen hian kan inhrawnna a rei ve tawh a, mi thinchhia leh hmeichhe nelawm loh tawp khawk a ni. Nangmah a biak ang hian midang a be ngai lo, i lo join atang khan a zaidam vek." a han ti leh a.

"A awih awm loh emai. Min duh lovang...chubakah inspector ania..kei constable mai mai hi min duh lovang." a han ti leh a. Chutih lai chuan Abby chu a lo lut a, "Umm...ka'n haw tawh ange." tiin Samuela chu a tho va. An inthlah fel a, Abby leh Hlimpuia chauh chu Station ah chuan an awm ta a.

****************************

Linda-i te nupa leh Sangtei te chu an titi a, Hmingmawia thihna case chu an sawi ho va. Sangtei te nufa chuan chawhnu lama police an lo kal thu te, Henry-a chungchang an sawi te chu Maruata chu an hrilh ve a. Kil khata Home-Work lo ti mek, Francis-a chuan a lo ngaithla uluk ngang mai.

Chutia Sangtei, a duh em em leh a it em em mai Henry-a'n fight a lo tum tawh thu vel a hriat chuan a thinrim ngang mai. Maruata chuan Henry-a chu a lo la hre ve hauh lo mai a, "Khawimaw..a thlalak i nei em?" a han ti a. Chuveleh Francis-a pawh chu a tho ve nalh mai, Sangtei chuan Hmingmawia te nena an pathum thlalak chu a hmuh ta a.

Francis-a chuan a va en ve a, Henry-a hmel chu a chhinchhiah ta kar mai. Maruata lah chuan a veng hming chu a la zawt ta deuh deuh va, Sangtei chuan a inluah awmna hmun thleng chuan a sawi ta vek a. Francis-a chuan a lu a bu ta nghat nghat mai, "Bawiha...home work va tihzawm rawh." anu chuan a lo ti a.

"Ka ti zo tawh...ka mut a chhuak e." tiin Francis-a chuan a lo chhang a. "Umm..anih chuan lo han mu mai rawh." tiin Linda-i chuan a chhang ta a. "Ka bulah i mu leh dawn em?" tiin Sangtei chuan a lo zawt ve bawk a. Francis-a chu a ngawi vang vang a, "Mu lo mai ang." tiin a chhang a. "Ka room ah i bag a awm ania...la phei nghal rawh." a lo ti leh a.

Francis-a chu Sangtei room ah chuan a lut a, a ipte atang chuan kekawrte bawk chu a phawrh leh a. A han hnim vang vang a, "Zanin chu a va nuam dawn em." a ti vawng vawng mai. Kekawrte chu balbawmah bawk chuan a dah leh a, a bag chu la in a room lamah chuan a chho ta a.

A mu tawh anga an ngaih theih nan khum ah chuan lukham a rem a, mihring mu ang tur ber chuan siamin rizai chuan a khuh leh a. Tichuan a insiam sawk sawk a, ward-robe hnuaia a thuhruk chemte chu a la chhuak leh ta. A mitthla chuan Henry-a hmel chu a han suang tuah leh a, nui var var chung chuan tukverh atang chuan a zuang chhuak leh ta.

***********************

"Ma'm...enge kan tih leh dawn?"

"Enge tih ber tur pawh ka hre hrih lo....phone kan chhar ber ah lah hian engmah a awm der mai silova."

"Ti hian kan awm tawp mai dawn mi?"

Abby chu  a nui var var a, "Tinge? AWm mai mai i thei thlawt lo ami? Nang chu i taima e...nula i awmpui khat em kha...hnathawh reng i ning lo ami?" tiin a han fiam vel a. Hlimpuia chuan lai lek lek hian, "Nilove...i hmingchhiat ka hlau zawk mawle." a lo ti a. "Hahdam rawh...kan man em em ang." Abby chuan a lo ti sam et a.

"Nia...mahse hetia engmah tilo va awm tawp chu...ka ngaih a tha lo deuh mawle."

Abby chuan ava  thut hnaih a, "Bialnu i nei em?" tiin a han zawt a. Hlimpuia chu a lai kher mai, "Neilo." tih ringawt chuan a chhang a. "A that chu.." Abby chuan  alo ti leh ringawt. "Ngati maw?" tiin a han zawt leh a. Abby chuan a aw a han thian kharh kharh a, "Englo ania...mahse i duh lo maithei." a han ti te te a.

"Eng maw? Min hrilh phawt la.."

"Ihh englo ania...karleh ah khian ka thianten dine put puiah min sawm a. PAsal an nei vek tawh a, an pasal theuh te an hruai dawn a. Keimah chiah pasal neilo ka la awm a, kan inhmu khat sia ka kal ve chak bawk sia. I bialpa lo hruai mai rawh an tia, ka nei silova." a han tih chuan Hlimpuia chu a hlim ru tawh khawp mai.

"Anih chuan engti turin nge min duh a?"

Inthlahrun hmel tak hian Abby chuan, "Ihh...ka bialpa angin ka hruai ve mai dawn che amawni ka lo tia, mahse i duh loh chuan a pawi chuang lo." a han ti a. Hlimpuia chu a au lo chauh, "Animaw? Anih chuan Ma'm...i tan te chuan..ka senior alawm i nih. Ka lo kal em em ang...kar leh engtik ber nge?" a ti nghal chiam chiam mai.

Abby chu a nui ringawt a, "Ka hrelo...kan la sawi chiang lo." tih pah chuan sana a han en a, "Ehe...dar 9 a ri dawn hnai der mai a, ava tlai tawh ve." a ti deuh nang nang mai. "Ma'm..tih tur kan nei tawh loh chuan...i chau awm sia, kan haw tawh mai dawn mi?" a lo ti a. Abby chu a ngawi vang vang a, "Kan theihnghilh ka hria." a han ti leh ringawt a.

"Engmaw?"

"Henry-a?"

"E nia..kha Henry-a kha...kan kal leh ta silova...mak ka lo ti reng a ni."

"Umm...va kal ila, thu eng eng emaw kan zawt fiah anga, vawiin atan chuan kan duhtawk dawnnia."

********************************

Henry-a chu ruih hmel tak hian a haw ve chiah a, kawngka chu a han hawng a. Lehkhabu tla darh nuai mai a hmuh chuan a ding chat mai, tukverh alo la inhawng zui. "Ehe..lut ru an awm chiang mai." tiin tukverh ah chuan a han dakchhuak a, mahse tumah a hmu lo. A han inngaihtuah vang vang a, "Kha mihring kha...a zu ka laksak kha a rawn zawng amawni le?" tiin amah chu a inbe mual mual a.

Chutih lai chuan kawngka a rawn inkik thut mai, a hlauhthawng lak lawh chuan a hawng mai ngam lo. "Tunge? Tunge ni?" a han ti vak vak a, mahse chhanna a dawng lo. Muang chang chuan a pan hnai a, "Tunge aw?" a han ti leh a, mahse a la reh thiap mai. Chutah ava hawng a, mahse tumah an lo awm lo.

Kawngka chu a khar leh mai a, a room lama a kal leh tur chiah chu a rawn inkik leh ta karh karh mai. A ngaih a tha lo tawh kher mai, "Tunge maw i nih le?" a ti vin deuh hlur tawh mai. MAhse chhanna a la dawng chuang lo, a khum hnuaia tuboh chu la in kawngka chu ava hawng leh ta a. A ngai te ang bawkin tumah an lo la awm chuang lo, pawnah chuan chhuakin ava en fiah a.

Chutia pawna a awm lai chuan a inchhung tukverh atang chuan Francis-a chu a rawn lawn kai ta mai a, inchhungah chuan a rawn lut ta. Chemte chu ala hum reng a, Henry-a room ah chuan  a lut zauh mai. Henry-a pawh chuan tumah a hmuh tak siloah chuan inchhung lam chu a pan leh ta a, Francis-a a awm ve tih a hre hauh lo.

KAWngka chu a kalh tha a, "Lo kik leh pawh nise ka va han hawng tawh awm hlei lo." tih nuah nuah pah chuan a room lam chu a pan a. Kawngka a hawng chiah chu Francis-a a lo lang thut mai, a nakah chuan a vit nghal a. Henry-a chuan na a ti kher mai, a nak chu dawm vawng vawng chung chuan a thing thi hnawk mai.

Francis-a chuan a hrawkah chuan a tin leh a, "Han au bengchheng vaih teh...i hrawkah hian ka vit nghal ang." tiin a vau chhur chhur mai. Thei leh thei lo hian Henry-a chuan Francis-a chu a melh a, "Tu..tunge i nih? Nang..nang hi..SAngtei nau kha ni tiraw?" a ti tawk tawk a, a ruih pawh a la reh chiah chuang lo.

Francis-a chu a nui huah huah a, "Ni e..Sangtei nau chu khawvel mithmuh ah chuan ka ni alawm. Mahse ka hming tak tak chu William-a a ni a, Francis-a hi chu ka hming phuah chawp mai chauh a ni."  a han ti vel a, Henry-a chuan a hrethiam lo kher mai. "Nang naupang...nang naupang khan min thah i tum tihna em ni? Eng ang naupang nge i nih a?" tiin a han vin vak vak a.

"Bengchheng suh...naupang ka ni lo. Naupang chu maw...nangmah zawk kha i ni. Kum 40 ka tling hnai tawh....mahse min hmuh ang hian tunah chuan kum 8 hmel chauh ka pu. A chhan i hre duh em? William-a chu a thi tawh...tunah chuan mithar ka ni. I hrethiam em? Tunah chuan ka hming chu Francis Zothansanga a ni, Wlilliam-a nilovin." tih pah chuan a bawhtlu a.

A awmah chuan a thutbet a, chemte chuan vih a tum a. Mahse Henry-a chuan a kutah a lo mansak a, theihtawp chuan a lo indang ve a. Francis-a chuan vih ngei tumin a han bei ngar ngar a, mahse Henry-a chu a lo la indang thei tlat mai. Chutah chemte chu a thlauh tir thei ta nge nge a, mahse Francis-a chuan a hrawkah a rek leh ta tlat mai.

Theih tawp chuan a rek a, Henry-a chu a thaw tha hleithei tawh lo. A ban chuan chhuat chu a dap ruai mai a, chutah a tuboh thlauh chu a ban fuh ta hlauh mai. Francis-a bekah chuan a han chhu pawp a, mahse a hliam anat em avang chuan a duh angin a chhu na thei lo. Mahse Francis-a chu a let tawp a, a bek chu a dawm vawng vawng mai.

Henry-a chu thawh a tum a, a ding thei ta tlat lo. A room lam pan chuan a bawk vak phei a, a bawkvak lut thei hlauh mai. Au a tum a, mahse a aw a chhuak hleithei tlat lo. Thisen lah chu a buak hian a baw zawih zawih mai a, chhuatah te chuan a tling nuai mai. Khuma a phone chu ava ban a, police call a tum a.

Number a chhut lai tak chuan a tukhumah chuan chemte a rawn bur chat mai a, a tawp nghal chat mai. Henry-a chu a thal tawp mai a, a tukhumah chuan chemte chu a bur vu bawk. Francis-a chuan ava phawi a, chutah dim baksak lo chuan, "SAngtei i lo sual vel amaw? Nang hmelchhe lubawk hian i lo khawih amaw?" tih pah chuan a vit siah siah mai a, Henry-a chu a thi chiang kher mai.

********************************

Abby te chu Henry-a te in zawnah chuan motor chu an ti ding a, "A fal reih ruih sia, a hlau lo amaw ni le.." tiin Hlimpuia chuan in chu a han en vang vang a, Abby chu a nui suk ringawt. Motor atang chuan an chhuak a, iinlam chu an va pan a. Kawngka chu Abby chuan a han kik karh karh a, mahse tuman an rawn chhang lo.

A kik leh vak vak hnuah pawh chuan chhanna a la dawng chuang lo, "Hlimpui, lehlam atang hian chhuk la, a tukverh a inhawng em han en teh." tiin Abby chuan a tir a, a kal ve mai a. Chutah, "Aw a in hawng e." tiin Hlimpuia chu a rawn au lauh lauh mai. "Lawm lut la, kawngka min rawn hawn rawh." Abby chuan a han ti leh a.

Reilote hnuah chuan Hlimpuia chu a t(r)e deuh thawt mai, "Enge..enge ni Hlimpui? Kawngka lo hawng vat teh..vatin.." tiin Abby chu a mangang nghal kher mai. Hlimpuia chuan a rawn hawng a, Abby chu a lut nghal a. Inchhunga thisen tling teuh mai a hmuh chuan Abby chuan a pistol a phawrh nghal a, "Ehe..inchhungah hian ala awm maithei ania, fimkhur rawh." a han ti a.

Hlimpuia pawh chuan a tiang chu a phawrh ve nghal a, room chhung lam chu an pan let ta. Kawngka chu an han hawng a, Henry-a ruang chu an va hmu ta. Hlimpuia phei chu a uak thawt mai, Abby chuan ruang chu ava en chiang a. A thluak a lo lang hial mai, "Nilo...avan pawi tak." tiin Abby chuan a lu a dawm vawng vawng mai.

Hlimpuia chuan police dang ho chu a phone nghal a, Abby erawh thinrim hmel em em hian a thu ngawi reng thung. Police dang ho an lo thlen hma chuan Hlimpuia chuan Abby chu a be tawng thei thak lo, reiloteah chuan ambulance nen an rawn thleng ta. Ruang chu an buaipui nghal a, chutih lai chuan Abby phone chu a rawn ri a.

Pawnah tlanchhuakin minute 5 vel lai chu an inbia a, tichuan ava let leh a. Hlimpuia bulah chuan, "KA pa in min rawn phone a, ka kal lawk angai..." a ti ta mai a. "Mahse Ma'm...i case a nih hi..SP in a hria ange?" a lo ti a. Hlimpuia kutah chuan a vuan a, "Ka kal angai...i kutah ka dah. Ka ring che, Hlimpui..ka lo let leh ang." tiin a kalsan ta a.

*******************

Francis-a chuan an in a thleng a, bangah chuan a lawn chho leh a. A room tukverh ah chuan a lut leh a, a lo la thim thiap mai. A thawmhnaw a thisen kai te chu a han en a, a phelh vat a. Polythene-ah thunin wardrobe hnuaiah chuan chemte te nen chuan a dahtha leh a, tichuan thawmhnaw fai a ha a.

A mu tur chiah chu kawngka a rawn inkik a, a phu nasa kher mai. Sangtei aw ngei mai chuan, "Bawiha...nangmah em ni ri ruk ruk kha?" a rawn ti a, Francis-a chu a thaw huai mai. "AW keimah." tiin a lo chhang a. Sangtei chu a rawn lut a, "I van mu har em em ve a?" tiin a han zawt a.

"Ka muhil ngam lova...ka mumang ah ramhuai ka hmu zel a." tiin Francis-a chuan a lo chhang a, "Lo riak leh daih la...keipawn ka ngai che alawm." a han tih chuan Francis-a chu a lawm ru ngei mai, mutduhna damdawi a hmang tangkai thei dawn ta. A lu a bu nghat a, Sangtei room lam pan chuan an inzui phei ta a.

Sangtei bulah chuan, "U...juice in ila..ka inchak e.." a han ti a. "Umm...ka va siam ange." tia kal a tum chu Francis-a chuan lo dangin, "Keiman ka va siam ang..ka thiam ve alawm." a lo ti vat a. Sangtei chu a nui sang mai a, "I va han fel tak...um, va siam rawh." tiin a chhang a. Francis-a chu a chhuak a, a room ah a chho leh phawt a.

Tichuan mutduhna damdawi chu a la chhuak ta a, chokaah pheiin juice chu a siam ta a. A u in tur zawkah chuan mutduhna damdawi chu a han telh ta teuh a, tichuan room lamah a kal phei ta a. Tukverh bulah chuan SAngtei chu dawhkan bawhin  alo thu a, "Kha le.." tiin juice chu ava pe a.

Francis-a chu let lehin room kawngkhar chu ava kalh nghal hmak a, tichuan a hmuh lai ngei chuan Sangtei chuan juice chu a in ta a. Francis-a chu a nui var var mai, an inzawh hnu deuh lawk chuan Sangtei chu a chhing deuh diar diar a. Mutchhuah hmel tak hian, "Bawiha...ka mu dawn aw...a chhuak emai." tih pah chuan a let nghal deuh tawp mai.

Francis-a chu a nui var var a, tichuan a thawmhnaw zawng zawng chu a hlip vek a, kekawrte nen chauh chuan a awm ta. Tichuan muang chang chuan Sangtei kekawr chu a han phel a, a kawrhak lai te chu a hlim sak a. Chutia Sangtei taksa mawi tak a han hmu ta chu a chil a tla lo chauh va, a si deuh hlar hlar mai.

A mal te chu a han zut kual sak vel a, a chang leh a fawp thul. Chutia hlim taka a awm lai chuan tukverh lam ava hawi a, tukverh bulah dawhkan hnuaiah chuan juice no khat, la in miah loh hi a lo inhung reng mai. Francis-a chuan mak a ti kher mai a, "A in tawh reng sia..enge awmzia le?" a ti nuah nuah mai.

Chutah Sangtei a zu en leh a, a lo mengreng mai. Francis-a chu a tlawh thla tawp a, "Nu..Pa...lo kal teh u...lo kal vat teh u." tiin a rak nghal chel chul mai. Francis-a chu a hlauthawng kher mai, "Enge AU sAngte...enge awmzia?" a han ti der vel a, mahse Sangtei chuan a mutna bula a tiang inchhawp lawk chu la in Francis-a chu a tin a.

"Che suh...naupang hur lutuk...che reng reng suh." tiin a vau a, Francis-a chu a ngawi reng mai. A nu leh apa te chu hlauthawng takin an rawn tlan lut a, an fanu in Francis-a tianga a lo tin run mai an hmuh chuan mak an ti kher mai. "Sangte...engtizia nge? Tinge khatia i nau vuak i tum a?" tiin Maruata chuan a han zawt a.

Vin zet hian Sangtei chuan, "Ka nau a nilo..he naupang hi ka nau tak tak a nilo. In fa lak hi naupang satliah anilo, he naupang hian min hrai ruih a, min pawngsual a tum a ni." a ti ta mai a. Maruata te nupa chuan Francis-a chu an en a, "Ka tumlo..ka tumlo hrim hrim." tiin a lo tap der vel a, mahse a ruk tak chuan a hlauthawng ve khawp mai.

"Bawihi..i chiang chiah maw? I mumang thalo a ni lo maw?" tiin anu chuan a han zawt a. "Ka muhil lo hrim hrim...lem ka chang mai mai a ni. Mutduhna damdawi ka juice inturah a telh a, ka kekawte hak hnu pawh a la ru bawk." a la ti ta deuh deuh va, "Enge awmzia, Sangte?" tiin MAruata chu a hrilhhai kher mai.

"Ka mut dawn khan ka roomah ka lut a, Francis-a'n a pencil a theihnghilh avangin a roomah ka va kal a. MAhse a lo awm miah lo, tukverh chu a lo inhawng bawk. Tichuan ka mangang chu hrilh che u ka tum a,mahse a bang sira ka kekawrte ang deuh lo lawr chu ka hmu a. Tichuan ka enchiang a, ka kekawrte ngei a ni. Ka dap chiang leh a, mutduhna damdawi a lo awm bawk a. Diary ka chhiar leh a, chutah chuan min hrai ruih a, min mutpui a tum dan zawng zawng a inziak vek a ni." tih pah chuan Francis-a bag chu ava la a, diary chu a phawrh chhuak a.

Sangtei chuan sawi zawm zelin, "Chhiar rawh u...khatah khan hnathawh tur a neih avanga a chhuah ruk tur thu pawh a ziak tel a, mak ka ti lutuk chu nangmahni hrilh mai pawh ka la tum lo. Chuvang chuan engtin nge a chet tehreng tiin engmah thleng lo angin ka awm a, tichuan juice no khat inthlit lawkin ka roomah chuan ka dah a, tichuan a lo thlen leh veleh keiman ka va sawm der ta zawk a ni. Tichuan juice min rawn pe a, damdawi a telh ngei tih ka hriat avangin kawngka a kalh chhungin juice chu ka thlakthleng a, lem ka chang chawp ta zawk a ni." tiin SAngtei chuan a sawi ta vek mai a, Francis-a chuan tawng ngaihna pawh a hre tawh lo.

Maruata leh Linda-i chu an in en a, mak an ti dun hle mai. Chutah dawhkan hnuaia juice chu Maruata chuan ava la a, no ruakah chuan a han thli lut a. No mawngah chuan damdawi dip chu a lo awm ngei mai, an thinrim takzet. "Eng ang naupang nge i nih a?" tia Francis-a lam ava en leh chu a lo awm tawh miah lo, "Ehe, khawnge a kal daih a?" tiin apa chuan tukverh chu a zu bih thla a.

Chutih lai chuan an inchung rangva rap ri thawm an hre ta a, "Tukverh atang hian inchungah a chho a ni ngei ang." Sangtei chuan a lo ti a. Chutih lai chuan Linda-i chuan ward-robe hnuaia thawmhnaw var lo lawr chu ava hmu ta. "SAw saw enge a?" tih pah chuan ava pawt chhuak a, chutah francis-a kawr ngei thisen lo kai nuai mai chu an hmuchhuak ta a.

Chemte nen zawng zawng chuan an hmu ta vek mai, "Ehe...thisen.." tiin a rak thawt a. Maruata chu a chi ai kher mai, "He naupang hi...engvangin nge chemte a kawl..thisen a kai bawk..police phone rawh u..vatin." a ti chel chul mai. SAngtei chuan, "Ka call lawk vek tawh...Inspector Abby ka call tawh." tiin a lo chhang a.

Chutah inhnuai lamah thawm an hria a, rang takin an chhuk nghal a. An thleng thla chiah tih ah chuan light a thim ta vek mai, an mangang hle a. "Nu...Pa..khawnge i awm?" tiin Sangtei chu a indap kual a. Chutah apa chu a t(r)e thawt a, SAngtei chuan a phone light chu a on a, "Khawi lai nge main switch? Nu..Pa..khawnge in awm?" tiin a rak chel chul mai. 

Anu chuan, "Bawihi..min lo en teh a thim lutuk." a tih rual rual chuan ani pawh chu a t(r)e thawt a, a reh ta hmak mai. Sangtei chu a mangang kher mai, "Nu..Pa..khawnge in awm?" tiin a en kual a, inchhung chu a thim vek mai bawk si. Chutah bang kila apa ruang, hrawk lo thler nuai mai chu a zu hmu thut a.

A au vak a, a tap nghal zawih zawih mai. Pawn lampang chu zawngin a tlan chhia a, engemaw hi a chhuih a, a thal thuai mai. A thil chhuih a han en chiang chu anu ruang a lo ni leh a, a ril a lo chhuak pur mai. A hlau lutuk chu au a tum a, mahse hnunglam atang chuan Francis-a chuan a ka a rawn hup sak a.

Ama kekawrte ngei mai chuan a ka chu a hnawh sak a, a hneh lo kher mai. Tichuan Sangtei chungah chuan a bawk vang mai a, "KA pawngsual tho thovang che...zawngi." tiin a rek bet a, mahse Sangtei chuan a mitah a kawm sak vak a, Francis-a na ti lutuk chuan a thlah ta. A kekawrte chu a ka atang chuan a chhak chhuak a, banga plug a hmuh hmasak ber chu a han on a

Mahse dim light chauh a lo la ni zui, dim light chuan pawnlam kawngka pui a en pha hlauh mai, Sangtei chuan ava pan a. MAhse Francis-a chuan chemte chu ava vawm phei a, Sangtei malah tak chuan a bur chat mai. "Ana lutuk." tiin SAngtei chu a thal tawp mai, "Min pui ru.." tiin a au va.

Mahse Francis-a chuan rawn panin, "Bengchheng suh, Sangte...vawikhat chiah, vawikhat chiah ka ta nila, nungdamin ka chhuah ang che." tiin ava kun hniam a. "Tunge i nih?" tiin Sangtei chuan a lo zawt a. "Francis-a..Francis-a..i nau ka nih hi..mahse maw, ka duh lutuk che, ka it lutuk che a, min hrethiam rawh." a han ti leh vela, a awu chu Francis-a aw nilovin, patling aw daih a ni tawh.

SAngtei chuan rum takin a melh a, "Hremhmunah kal rawh...tenawmpa." a lo ti hrep mai. Francis-a thinrim chuan a kekawrte bawk chuan a ka chu a hnawhsak leh a, a mala chemte bur vu mai chu dim miah lo chuan a phawi pawp mai. Sangtei chuan na a ti em em a, Francis-a chuan Sangtei kawr chu  apawtthler a.

A kut chu a tawnsak a, a chhuih hrep hrep mai. "Hmeli...i bialpa Hmingmawia thattu kha i hre duh em? Zahngaihna nei hauh lova ngaisa tu kha i hre duh em? Keimah..keimah William Lalnunmawia hi ka ni. Mahse tuman min hre lo, achhan chu min hriat dan ah chuan ka hming chu Francis-a zawk a ni, William-a nilovin." a han ti vak vak a.

Chemte chuan a tin a, "Engmah sawi tam angai tawh lo...i duhlo a nih chuan ka that che anga, i ruang chu nuam ka chenpui tawh mai ang." tih pah chuan vih tumin a kal hnai a, Sangtei chuan a hlau kher mai. Mahse chutia chemte a lek kan lai tak chuan silai a puak dur a, Francis-a chu a leng lawp mai.

Sangtei chuan silai lo puahna lam chu ava hawi a, Inspector Abby a lo ni. "SAngte, i tha em?" tiin ava pan hnai a, a kut phuarna leh a ka hnawhna te chu a phelh sak a. "Ka pi..min pui rawh...saw saw naupang a nilo." tiin a tap nghal a, Abby chuan a lo kuah a. Francis-a awmna lam chu an va en leh a, mahse a lo awm tawh hauh lo mai.

Rang takin Abby chuan Sangtei chu a kai thova, "Kal ang..kan chhuah vat angai."  ati a, "Mahse..ka nu leh pate...a that a, an ruang hetah a awm." tiin Sangtei chu a tap hawm hawm mai. "Nakinah kan buaipui dawnnia, tunah chuan kan kal angai." tiin Sangtei chu a kuah chhuak a, pawnah chuan an chhuak ta a.

Car lam an pan lai tak chuan Franchis-a chu a rawn lang leh thut mai, Abby chu a rawn zuan thlu tawp mai a. Abby nen chuan an inchai ta tak tak mai a, Francis-a chuan a hnek nasa mai, silai lah chu Abby chuan a thlauh daih lehnghal. Francis-a chuan chemte chu a la hum reng a, mahse a vit thei mai bik lo.

Chutah Abby darah chuan a vit ta a, Abby chuan na  a ti kher mai. SAngtei chuan rawn chhan a tum a, mahse Francis-a chuan SAngtei nakah chuan a lo vit ve a, a tlu tawp mai. Tichuan Abby chu a bawhbet ta ran mai a, "Ka hmelma te zingah chuan ka that hnuhnun ber tur i nia...tunah chuan a tawp kan lo hnaih leh ta. Mangtha le, Inspector." tiin chemte chu a lek kang ta vu mai.

Vih a tum chiah chu a lu ah chuan tu emaw hian a rawn hlap pawp mai a, Francis-a chu nikhaw hrelovin a let der mai. Abby chuan amah rawn chhan tu chu a han en a, Hlimpuia a lo ni. Hlimpuia chuan Abby chu a buaipui nghal a, "Ma'm..i tha em? Mawhh?" tiin a zawt a, Abby chuan a lo nuih sak mai.

Chauh hmel tak hian Hlimpuia chu a en a, "Hlimpui...ka nunna min chhansak ania. I ti tha e...ka lawm e." tih pah chuan a kiss ta mai a, Hlimpuia chuan mak a ti kher mai. Mahse Abby chuan Sangtei chu a hre chhuak thut a, "Hlimpui, Sangtei saw damdawiinah kalpui vat rawh." a ti a.

"Ma'm enge thleng reng reng a?"

"Chutiang sawi a hun lo..kalpui vat rawh."

"Mahse engtin nge nangmah?"

"Ka tha mai ang..min ngaihtuah suh.."

"AWle."

SAngtei chu Hlimpuia chuan a pawm tho lawp a, damdawiin lam panin a tlan pui nghal a. Francis-a la let reng chu a en vang vang a, thei leh theilo chuan a pawm kang nawlh a. A car hnungah chhuan a dah a, a phone phawrhin police dang ho chu a call ta a. Mahse Francis-a chu a tlanbo angin a sawi ta tlat mai, tichuan ruang te chu an buaipui chhunzawm ta hlawm a.

********************

Francis-a chu a harh a, a han hawikual chu thutthlengah phuar beh a lo ni a. A hmui chu tuam a lo ni bawk, a awmna room lah chu a thim ruih mai. Chutah kawngka a rawn in hawng a, eng a rawn lut ve ta. Abby a lo lut a, "I dam maw? Francis.." a rawn ti a. Francis-a chuan rum tak hian a lo en a, "Nge ni? William ka ti zawk dawn che?" Abby bawk chuan a han ti leh vel a.

Chutah a ding a, "Tualthattu i ni tih hi maw....i hmel ka hmuh tirh atang khan ka hre daih tawh...investigation zawng zawng kha chu ka phuah chawp mai mai a ni." a ti ta mai a, Francis-a chu a meng kawk kawk mai. A hma takah chuan ava thu a, "Tinge? Mak i va ti awm ve?" tiin a han nui a, Francis-a mitmengah chuan zawhna hlir hi a khat a.

"Ngaithla rawh, nang hi thla thum chhung ngawt ka zawng tawh che asin. Nungdama man che a, sawisak che ka chak thin asin. Mak i ti viau ang tiraw? Anih chuan ka han hrilhfiah ang che. Thla thum kal ta khan Sub-Inspector pakhat, Lallawmsanga leh nangmah adopt tu che nupa, Martha-i leh Duhawma te chu i hal hlum a, tichuan bibovin nangma tih a ni tih hriat miah lovin hmundangah tualthat turin i kal bo ta kha ania tiraw? Tunge kei hi ka nih i hre duh em? Sub Inspector Lallawmsanga cousin ka nih hi, Lawmsanga kha ka nau a ni." a ti ta mai a.

Francis-a chu a meng bial kawk kawk mai, "Kha in i hal takah khan Martha-i te nupa kha chu an thi ngei a, mahse damchhuak pakhat a awm..chu chu ka nau LAwmsanga kha a ni. Tunthleng hian damdawiinah a awm a, doctor te phei chuan a damchhuah an ring tawh lo hial zawk. Mahse a thuruk chu sawichhuak duh lovin in kanga a awm ve chhan te chu dawt dang a phuah chawp a, keimah chiah thudik min hrilh a ni. Tichuan ka zawng ta che a, mahse ka beidawng dawn tep tih ah Hmingmawia thihna case vang liau liau vin ka tawng ta che a nih hi." tiin Abby chuan Francis-a khabe ah chuan na tak hian a tham a.

Chiang taka en in, "Ka hmuh hmasak ber che kha ila hria em? Sangtei te inah ka rawn kal khan..khatah khan nangmah i ni tih ka hre nghal a, ka thah chak zia che kha i hre hauh lovang. Mahse chhungkaw dang ilo bum leh mek tih ka hrethiam ta a, Hmingmawia pawh i thah ngei a ni tih leh Sangtei i ngaihzawn vang a ni tih ka hrethiam leh nghal bawk. Chuvang chuan ka theih tawp chhuahin engmah hrethiam lo angin ka awm hlauh va, insum zo lo ila chu ka that nghal ang che. Tichuan nang naupang hi fimkhur taka ka man che angaih dawn avangin Henry-a te chu ka ringhlel der leh a, investigation pawh ka phuahchawp ta vek a ni. Hmingmawia phone pawh i kawl lo, keiman ka kawl. Mahse investigation ti thui nan tiin Hmingmawia phone chu crime-scene ah a bo angin ka sawi a, ka kawl ru reng a ni. In school thlangah ka dah a, tichuan min rawn call angin thawnthu ka phuah kual ta a ni. Mahse ka muang chang sual a, Henry-a nunna in a tuar phah ta a ni." tiin engkim chu Abby chuan a sawifiah ta.

Francis-a chuan tawng ve a duh a ni tih a hria a, a hmui tuamna chu  a phelhsak a. Francis-a chu a la rawn nui cheu mai, "Anih chuan...engtin nge min tih dawn? Min that ang maw? A teuh lo...min that lovang. I nau Lawmsanga ang khan ka that ve dawn che...i hria em?" ala ti pang pang mai.

Abby chu  a khi suk a, "Investigation ka neih lai khan min pui turin ka vawikhat hmuhna atanga ka duh em em mai, Hlimpuia chu ka sawm a. Skills a nei lova, experience pawh a nei hek lo. Mahse case serious lutuk ah min pui turin ka thlang a, a chhan chu ka bula a awm hnem ka duh vang a ni. Tualthattu chu nangmah i ni tih ka hre tawh tho va, chuvang chuan ani kher kha ka thlang a ni. Chutiang chiah chuan tunah hian nangmah thattu turin midang ka thlang leh a, a lo lut mai ang." tih pah chuan chemte leh silai chu a hma zawnah chuan a dah a.

A chhuak ta daih mai, "Hey..hmeli..khawnge i kal dawn? Heyy.." tiin Francis-a chu a au vak vak a, chutah pa pakhat hi a lo lut leh ta. Francis-a'n a hmel a han en chiang chu hmaikawr hi a lo vuah a, "Aw..tunge i nih ve thung a?" tiin Francis-a chu a lo la pawr khawp mai. Chupa chuan a hmaikawr chu a phelh a, a hmai chu a lo ser nasa kher mai.

Francis-a chuan tunge a nih a hria, a hmelma hlui Sub Inspector Lawmsanga a lo ni. Tichuan chemte chu ala a, silai pawh chu a la bawk. Pawnah chuan Abby chuan ngawi rengin LAwmsanga chu a lo nghak a, Francis-a na tuar thawm chu a ring ngei mai. Chutah silai a puak dur a, Abby chu a nui sak mai.

********************

A TAWP TA