YOUNG KNIVES (MIZO FICTION FANTASY STORY) Written by : Aaron Malsawmdawngzuala CHAPTER - 6 (LAST)

 YOUNG KNIVES

(MIZO FICTION FANTASY STORY)

Written by : Aaron Malsawmdawngzuala

CHAPTER - 6

(LAST)

******************************************

Chumi zan vek chuan an in bulah chuan Rindika leh Siamtei te nupa chuan beer an in dun a, an titi mek a. Rindika chu a kai t(r)an deuh tawh a, cane 3 lai a in zo tawh. Siamtei erawh hmeichhia a nih vang nge, a dose a hniam hrim hrim zawk. Cane khat pawh chu ala in zo ve hleithei lova, sehhmeh lah chu an nei tui phian a.

Ar bawp hem hmin chu Rindika chuan a han kaih thla hmawk a, "Enteh BAWihte, fa neih lam te hi kan tin zawn ve tawh dawn em ni?" tiin a han thial tuam tuam a. Siamtei chuan a lo melh deuh hraw a, "Fa neih a? I ti awm ang lo emai, tuna kan hna nen phei hi chuan fa neih chu a chi loh lutuk." a lo ti hmuk mai.

Kai phel phual hian Rindika chuan, "Aww...enge buaina tur awm? Fa kan nei ang a, inah i awm thin ang a, kei hnathawkin ka chhuak anga, a tha mai lawm ni?" a han ti sam leh et a. Siamtei chu a nui huk mai, "Duhtak, kan la naupang alawm. Kan theih ang tawkin han hausa leh phawt ila, tichuan kan hausak tawk tawh hunah kan la nei em em ang." zaidam tak chuan a han ti a.

Rindika chu a lo ner nasa mai, "I duham leh awm tho emai, a hma pawn i sawi tawh. KEipawh ka ni tho...aaa.. nupa awm reng kan lo nih hi tiraw?" Hehe.." tiin a han nui hui a. Siamtei chuan a chalah chuan a pen fawk a, "I rui tawh lutuk, in belh tawh suh." tiin a beer chu a laksak a.

Rindika lah chuan, "Khawimaw...ka la kham hleinem." tiin a ban a, Siamtei lahin a lo phal bik lo. An inchuh nak nak a, an hlim dun kher mai. Chutih lai chuan Siamtei chuan an hma zawna mi pakhat, security guard form ha lo ding reng a hmuh chuan a nui hmel chu a inthlak rang kher mai.

Rindika chu a nghawk sawk a, "Saw..saw tunge?" a tih chuan Rindika pawh chu ava hawi phei a. Chu security guard chu Zonki kha a ni, Rindika te nupa chu an ding a. Zonki chu a rawn kal phei a, Rindika te dinna zawn takah chuan hnai takah hian a rawn ding ve ta mai a.

Rindika chuan a aw a han thian kharh kharh a, "Aaa.. thianpa, helai hi kan in ania. kawtah kan thu dun mai mai a, nupa kan nia. Engmah kan ti sual lo ania, chuan helai ah hi chuan tuman min rawn khap ngai lo asin." a han ti deuh duah a. Zonki chu a khi suk a, "Ka hria che u alawm." a lo ti daih mai.

Siamtei leh Rindika te nupa chuan an en hu a, "Eng a? Min hria maw?" Rindika chuan a han ti hu a. Zonki chuan a lu a bu nghauh nghauh va, "Aw...hmelma in nei. nizana in beih kha, David-a kha....chuan midang pali te pawh." a han ti leh a. An nupa chuan an in en hu mai, "Tunge i nih?" tiin Rindika chuan a han zawt leh a.

Zonki chu a han thaw hak a, "Kei hi Zonki ka ni a, blue star planet atanga lo kal ka ni. Alien ka ni a, in khawvelah hian chhan neia lo kal ka ni." tiin a chhang a. Rindika chu a nui huk mai a, Zonki chuan a melh rum kher mai. Rindika chu a han khuh kharh kharh a, "Tihpalh lutuk, bro. Ihmaw, a awihawm loh lutuk vanga awih lo ka ni lo ania. Nang ni ang ho mi mak tak tak hi chu kan tawng hnem tawh mai, mahse alien i ni tak tak nge tak tak lo i lantir hma chu kan awih thei lovang." a han ti a.

"Mahse i lo ni a nih pawhin, i lantir dawn chuan min tina ve kher lo la." Siamtei chuan a lo ti ve bawk. Zonki chu a khi suk a, "Awle... in duhdan ang chuan le." tiin a tawlh hnung a. Chutah alien hmel rapawm zet mai, mitmeng lian tak leh ft 9 vel zeta sangah chuan a intichang ta mai a nih chu.

Siamtei te nupa chuan an en chho hu mai, mahse reilote hnuah chuan ZOnki chu mihringah a intichang leh a. Rindika chu a ngawi vang vanga , "Enge kan lak atang hian i duh?" tiin a han zawt leh a. Zonki chuan Rindika te nupa chu chiang tak hian a en a, "In hmelmate kha...ka hmelma te tho an ni ve alawm." a ti ta mai a.

Rindika te nupa chu an in en leh hu mai, "Power an neih theih nachhan kha keimah vang a ni, an kawchhungah ka thilnung siam, alien ramsa te kha an lut a ni. Chuvang chuan ka neih let leh angai, an panga khan ka thah an ngai a ni." Zonki bawk chuan a han ti leh a.

Rindika chu a ngawi vang vang a, "Anih pui duh lo ta che ila?" tiin a lo zawt leh a. Zonki chu a khi suk a, "Anih chuan hmelma panga nilovin, hmelma pasarih ka nei tihna a ni mai." tiin a chhang ta hmak mai. Siamtei chu a lungawi chiah lo, "Enteh Pu Zonki, i hming chu eng pawh lo nise... i thil tih dan hi a fair lo i ti ve tho lo em ni? Khawvel dangah i awm a, kan khawvelah rawn kalin kan puihna i rawn dil a. Kan duh loh avanga i hmelma kan nih ve nachhan tur a awm em ni?" tiin a lo zawt ve a.

Zonki-a chu a ngawi vang vang a, "Min pui turin ka ti lo che u, mahse ngaihtuah chiang teh u. Sawmite panga saw thah in duh a, keipawn ka duh. Kan tang ho a nih phawt chuan kan hneh mai nilovin, kan pawt sawm vek thei ang chu." tiin a chhang a. Rindika chu ava pen hnai a, "Anih enge kan hlawh ang? A thlawnin mi kan thawh pui ngai lo." a han ti deuh hmuk a.

Zonki chu a nui suk a, "Pawisa in duh amaw? Lungngai suh u...maktaduai chuang fe ka pe ang che u." tiin a chhang a. Rindika chu a han thaw deuh hak a, "Awle, kan pawm e." tiin a kut chu a dah chhuak a, Zonki chuan a lo chibai a. Siamtei erawh chu a ngaih a tha teh chiam lo, Zonki chu a thlek leh vung vung thin a.

****************************************************

Zing a ni a, Ruatfela fanu Sangsangi pawh a harh ve tlat mai. Apa nen chuan an awmdun a, khumah chuan Sangsangi chu a mu a. Hemi ni hi Sangsangi Brain Tumor an zai ni tur a ni nghe nghe a, a ruk tak chuan Ruatfela chuan a huphurh khawp mai. Sangsangi sam chu a chul a, "Bawihte, i huphurh em?" tiin a han zawt a.

Sangsangi chu a lo nui sen sen a, "Min zai zawh ah ka dam tawh dawn tiraw, apa?" tiin a lo zawt let daih mai. Ruatfela hnuk chu a ulh a, mahse tih lan loh hram chu a tum ve fan a. A nui lui sak a, "Aw BAWihte, i dam hmak tawh ang. Hlau lo la, doctor te hi an thiam lutuk ania." tiin a fuih hram hram a.

Chutih lai chuan Pi Dengi, Ruatfela nu chu a rawn lut a. Pi Dengi hi in hrangah a awm a, Ruatfela nen an chengdun lo a ni. Tuna Ruatfela chenna hi chu a nupui nena an indanna niin an nu in a thihsan hnuah pawh a fanu nen an cheng dun char char a ni, "BAwihtei chu a lo harh thei maw? Nizan i mutui em?" tiin Pi Dengi chuan a rawn zawt a.

Sangsangi chu lo nui leh sen sen in, "Aw api, vawiinah ka dam tawh dawn asin." a lo ti leh a. Pi Dengi pawh chu a nui suk a, "Nia, i dam hmak tawh dawn. Hlau miah lo la, an zai che anga, a dam hmak mai ang." tiin a chalah chuan a rawn fawp zeuh va. Ruatfela chu a ding deuh hluai a, "Nu, tikhan lo awm pui rawh aw.." tiin a chhuah san a.

Pawnah chuan a chhuak a, a rilru chu a hah kher mai. Chutih lai chuan a thian dangte, Emily, David-a, Zorama leh Augustine-a te chu an rawn kal a. Ruatfela chu a lo nui sang a, "In va fel hlawm ve, min rawn hriat pui thlap thin a. Ka lawm takzet, in chungah hian ka lawm takzet a ni." tiin lawmthu a hrilh mawlh mawlh hlawm a.

Zorama chu a lo khi suk a, "Thian kan nia, team khat kan nia. Hetiangah te chuan kan inpui zel tur alawm, lawmthu sawi a ngai reng reng lo." a lo ti a. "Sangsangi chu engtikah nge an zai dawn?" tiin Augustine-a chuan a lo zawt a. Ruatfela chuan a sana bun lai chu a han melh zeuh va, "Chawhnu dar 1 ah, min lo tawiawm ve vek ang chu tiraw?" a han tih zawm nghal a.

David-a chu a lo nui huk a, "Kan tawiawm dawn che avang alawm kan rawn kal, kan rawn kal hma em hi. I sawi tak ang khan keini chu thian kan nia, thian mai pawh nilo, keichu family hi kan ni ka ti tawp mai maw.." a lo ti leh ta zuah zuah mai. An vai mai chuan DAvid-a chu an en leh thap mai a, David-a pawh a zak hnuhnawh lehpek khawp mai.

Chutia an titi khawm lai chuan Zorama phone chu a rawn ri a, a han en chu a nau Mary a lo ni. A pick up nghal a, "Mary, lawk aw...ka lo call back ang che, ka rei lovang." tiin a dah leh nghal a. Ruatfela chuan a lo en hu a, "Tunge a?" tiin a lo zawt nghal a.

Zorama chu a khi suk a, "Ka nau mawle, ka sawi tawh kha. Mary kha...inah ka kalsan tawp a, mi hi a ngai ve lutuk a, chhuah hlek chuan min rawn call sek zel." tiin a lo chhang a. Ruatfela chu a han ngawi vang vang a, "Thil pawimawh a lo ni thei asin, call back rawh." a ti ta tlat mai.

Zorama pawh chuan a hnial zui lem lo, a call back ta a. Scond 3 vel hnuah chuan a rawn chhang nghal, “Aw Hello, MAry..enge ni ta?” tiin Zorama chuan a han zawt a. Mahse phone ami chu Mary aw(voice) a ni ta hauh lo, “Hello Zoram, i nau chu kan kawl tha e, lo ngaihtuah suh.” a rawn ti ta mai a.

Zorama chu a meng phawk nasa kher mai, “Tunge, tunge i nih?” a ti vin tuar a. Midang ho pawh chuan mak tiin an lo en thup a, “Tunge..tunge ni a?” tiin Augustine-a chu a lo mangang nghal kher mai. Phone ami chu a rawn nui ta huah huah mai a, “Zoram, tunge ka nih chu chiang takin i hria. Ka hming chu Zonki a ni a, ka thilsiam chhuahte zinga mi pakhat i ni.” a rawn ti ta mai a.

Zorama chu a ding ngil zawt mai, “Zon..Zonki.” a ti zawi sap a. Chu veleh midang pali te pawh chu an lo meng phawk hru hlawm mai, a chhan chu Zonki hming an hriat rual rual chuan an kawchhunga alien te khan an lo hlau va, chu chu anmahni ah feelings a awm ve tihna a ni.

An in en hru hlawm mai a, “Loud speaker ah dah teh.” Ruatfela chuan a ti a, Zorama chuan loud speaker ah chuan a dah ta a. Zonki chu rawn t(r)awng chhunzawm lehin, “I nau MAry chu kan kutah a awm, lo lungngai reng reng suh. Nung dama i la hmu duh a nih chuan i nunna i hlan angai, Zoram. In thih angai, in panga khan in thih angai. In power kha ka laksak leh vek dawn che u, chu chu ka tih a ngai a ni.” a rawn ti leh a.

Augustine-a thinrim insum zolo chuan Zorama phone chu ava laksak a, “Hey, hmela. NGaithla rawh, i thil siam chhuah eke bal e..ngatan mah kan ti lo. I thil siam chhuahte hi kan kawchhunga lut a, lo lut rutin tumah hian kan dil lo. PAwi sawi lo kan ni tih hre rawh, engtikah mah kan nunna hi i la lovang.” tiin a vin hrep mai.

Chutah Zonki chu a rawn nui huah huah mai a, “A tha e, in team hming pawh ka lo hria a. Young Knives, a mawi hle mai. Engpawh chu nise Zorama kha in thiantha tak tak anga in ngai a nih chuan, a unaunu Mary hi rawn chhanchhuak rawh u. Location chu ka rawn thawn ang che u, in kawchhunga mi kha ka duh, chu chu a ni mai.” tiin phone chu a dah hmak mai.

Zorama chu a mangang hle mai a, “Ka kal dawn.” tih leh kal a rual nghal a. Mahse Ruatfela chuan a lo pawt let a, “Nilo Zoram, nangmah chauh chuan kal lovang.” a lo ti a. Augustine-a chu rawn pen hnaiin, “Ni e, kan zuia ng che. Ruatfela tellovin, Ruatfela chu hetah a awm a ngai.” a ti ta daih mai.

Ruatfela chuan Augustine-a chu a en hu mai a, “Enge i sawi awmzia, ka tellovin maw?” a ti vin deuh hlur mai a. Augustine-a chu a thaw hak a, “Vawiin hi i fanu surgery tih hun tur a ni a, i lo kal ve thei lo. Kan kutah dah rawh, Mary chu kan chhanchhuak em em ang.” tiin a chhang a.

Ruatfela chu a ngawi vang vang a, a bengah chuan phun ri niawm tak hi a hria a. A lu thing vak vak in, “Nilo..nilo, ka kal ve a ngai. Min hrilh a ni, ka kawngchunga mite hian kal ve turin min ti a ni.” a ti tlat mai. Emily chu ava phei a, “U Ruatfel, min ring rawh. Kan hlawhtling em em ang, i fanu ngaihtuah rawh.” zaidam tak chuan a han ti a.

DAvid-a pawh chuan, “Ni e, lungngai reng reng suh. Kan zawh veleh kan lo kal leh nghal ang, kan tiam a che.” a lo ti ve bawk a. Ruatfela chuan a chhang lo, a ngawi reng ringawt. Midang ho chu an kal ta a, Ruatfela chuan a en zui vawng vawng ringawt mai.

**********************************************

Zonki, Rindika leh Siamtei chu ramhnuaiah chuan an awm mek a, nikhawhrelova awm mek, Zorama nau Mary chu car chhungah chuan a mu bawk. Rindika chu a han hawi kual a, “Helai hi maw kan location chu?” tiin a ner nung mai. Zonki chu a han thaw hak a, “HElai hi a ni mai lawm, a remchang viau ang chu.” a lo ti sam et mai.

Siamtei chu a chek deuh hlur a, “Inchhungah kan awm dawn i tih kha, helai te chu ramhnuai a nih hi..” a lo ti ve bui bui bawk. Zonki chu a khi suk a, “Lungngai su...in kan sa chawp mai dawn alawm.” tiin a han zi mar talh talh a. Hmun awl zau deuh lai chu han melh ran a, tichuan a kut chu a han tuai vir kual vel a.

Chutah mak tak maiin a kut atang chuan mei khu niawm tak, pawl(blue) vek mai hi a rawn chhuak a. Hmun zau laiah chuan a khu phei zel a, chu mei khu pawl vut mai te chu in lian tak shape hian a rawn awm a, mei khu a reh meuh chuan in lian pangngai tak leh nawm hmel tak hi a lo ding ruah mai.

Rindika te nupa chuan mak tiin an en hu mai a, “Engtin nge i tih theih?” Siamtei chuan a ti hu mai. Zonki chu a khi leh suk a, “MAgic ka thiam alawm keite chu, alien ka nih hi, mihring ka ni lo.” tih ringawt chuan a lo chhang a. Siamtei chuan a ei loh hmel kher mai, a ner nung a.

“Kan pawisa tur chu khawnge?” Rindika chuan a han ti vin hlur a. Zonki chuan a han en vang vang a, “Hna in la thawk zo lo, kan la t(r)an dawn chauh. I hmanhmawh dejuh mah mah lo maw, thianpa?” a han ti deuh kher a. Rindika chu a han thaw hak a, “I kawl ngei a ni tih kan hriat a ngai.” a han ti leh a.

Zonki pawh chuan a hnial let peih ta lo, a kut chu a han thing ang nawk nawk a. Khawi atanga rawn awm nge pawh hriat hman lo khawp chuan suitcase pahnih hi a rawn khai chhuak nawlh mai. Leiah chuan a nghat a, “Chhair arwh u, India pawisa cheng maktaduai hnih... tukina bank atanga ka ruk chhuah a nih kha.” Zonki chuan a han ti a.

Mak tih hmel tak hian Siamtei chuan a en hu a, “Eng a? Tukinah i lo va ru chhuak hman amaw? Engtik lai khan...bank rawk tih vel news kan va hre si love?” tiin a zawt a. Zonki chu a han nui deuh vur vur a, “Nangni angin ka va kal ve kher a ngai hleinem, langthei lovin insiam ila, bangah kan lut tlang zeuh zeuh mai alawm. Ka power hi mihring hriatthiam ve mai mai chi a ni lo, sawi hnem poh leh in bo tulh tulh mai ang.” a han ti deuh kher a.

Rindika chuan suitcase pahnih chu a la a, an carah chuan a khung hmak mai. Zonki chuan a en vang vang a, “Lungngai suh Pu Alien, i bulah kan awm reng dawn. Trust issue hi kan nei nasa lutuk a, kan nu nen hian. Min hrethiam dawnnia, second 30 chhunga i in sak tharah chuan lut ila.” a han ti ve deuh kher a.

Zonki chuan tum hmuk hian, “Motor chhungah sawn MAry a awm, rawn pawm lut rawh.” tiin inchhungah chuan a lut daih mai. Siamtei pawh chu a nui huk ringawt, tum bur chung chuan Rindika chuan MAry chu a pawm chhuak a, inchhungah chuan a luh pui a.

Thutthleng seiah chuan a mut a, a thaw deuh hak a. Zonki chu a han melh run a, “Tikhan engtin nge kan awm dawn?”  tiin a han zawt leh a. Zonki chuan a phone a phawrh a, “Tunah dar 12 a ri dawn chiah a, 12:30 velah chuan an rawn thleng thei mai ang. Location ka thawn tawh a, an rawn kal thuai ang.” tiin a chhang a.

Rindika chu a ngawi vang vang a, “Location i thawn chuan police hi an rawn hruai mai ange, kan hneh dawn lo ka tihna lam a ni lo. Mahse mi thah vak avk hi kan chak zawk zawk lem lo ania, anmahni thah kha a tawk mai lawm ni?” a ti nuah nuah a. Zonki chu a khi suk a, “Lungngai suh, police an hrilh ngam teuh lo. Anmahni pawh inthup ve tho an ni a, mi bulah power an nei tih an tilang ngam bik dawn lo. In hmanrua tha ber ber in lo keng a, kha kha a tawk, a bak chu ka buaipui vek mai ang. Mahse kha pa kha, an zinga upa ber kha, kha kha chu ka chanpual a ni.” a han ti deuh khur khur a.

Rindika chuan a aw a han thian kharh kharh a, “Englo maw, Pu Alien... kan weapon hi pakhat hi min upgrade sak teh a?” a han ti a. Zonki pawh chuan a lo melh hru mai, “Engtia upgrade in maw?” a ti hu mai a. Siamtei chu  a lo khi suk a, “Scientsit tiraw i nih? Alien scientist?” tiin a lo zawt ve bawk a.

“Ni e, ka nia lawm. Chu chauh lo pawh, thildang tam tak thiam ka nei.” tiin Zonki chuan a lo chhang a. Rindika chu a han thaw leh deuh hak a, “A nih chuan, hei hi kan tazer gun a nia.” tiin silai pakhat chu a la chhuak a. Zonki-a hmaah chuan a han lek kang a, “Mihring chu a shock hneh lutuk, mahse kan beih turte hi alien an ni a. Alien te pawh shock chau vek thei khawp tura chakin min han siam teh, i thei ang tiraw?” tiin a han zawt a.

Zonki chu a ngawi vang vang a, silai dawt bulah chuan a hmui a dah a. Zawi te chuan a chhem a, chutah a ka(mouth) chhung atang chuan meikhu pawl(blue) ram mai hi a arwn chhuak a. Silai dawt chhungah chuan a lut a, chutah silai chu a rawn eng ta vat vat mai.

Mahse reiloteah chuan a reh leh a, “Ka lawm e.” tiin Rindika chu a khi suk a. Zonki chu a han thaw hak a, “A dang ala ngai em?” tiin Rindika chu a han zawt a. Nui vur vur chung chuan Rindika chuan a lu a lo thing a, “A tha e, tunah chuan ka plan ang chiah chiah khan kan che ang.” a ti leh a.

****************************************

Chhun dar 12:30 a ri a, Zonki-a’n location a thawn chu chhui zelin Young Knives ho pawh chu ramhnuaiah chuan an rawn thleng ta. In hmaah tak chuan an pali chuan an ding thap mai a, “Hemi chhungah hian an awm ngei ang.” Zorama chuan a han ti a. Kal nghal ngawt a tum a, mahse Augustine-a chuan a lo dang vat a.

“Ngawi lawk teh, fimkhur taka kan chet a ngai dawn a nia.” tiin a hrilh a. Zorama chu a thaw hak a, “Anih chuan ti hian kan ding ngawi reng dawn tihna em ni, enge sawt ang? Inchhungah sawn ka nau a awm, ka chhanchhuah angai. In duh leh min zui ula, in duh loh chuan haw vek rawh u.” a ti vin hlur mai.

Inchhung ah chuan a lut lui ta tho va, midang chu an in en hu hlawm ringawt. Zorama chu an zui lut ve ta nge nge a,  inchhung lah chu a lo thim ruih mai. Kil khatah hian mipakhat hi anmahni hnungchhawn zawng hian a lo thu a, Zorama chuan ava pan hnai a, “Nangmah i ni em, Zonki chu nangmah hi i ni em?” a han ti vin nghal tuar tuar a.

David-a chuan a lo pawt ding vat a, chupa chu muang chang chuan a rawn tho tual tual a. A han zi mar te te a, Zorama te pali chuan an en thap mai. Zawi muang chuan a rawn hawi a, Rindika a lo ni. Mahse a hmai a tuam a, David-a erawh chuan tunge a nih a hre nghal.

Thinrim tak hian, “Zawnga mai mai chuh, nangmah vek maw lo ni a?” a han ti vin hlur a. Augustine-a chuan a en hu a, “I hria maw?” tiin a zawt nghal a. David-a chuan a lu a bu nghat nghat a, “Aw...sawpa saw alawm hmanzana min bei tu chu. A bulah hmeichhia a awm bawk, an pawisa ruk sa zawng zawng kan laksak kha...” a han ti nghal chiam chiam a.

Rindika chu a rawn kal phei a, “David, DAvid... duhtawk rawh. KA hria alawm, khamite kha keimahni ngei kan ni.” tiin a kut chu a hui zeuh va, a sir bang phen atang chuan Siamtei chu hmaituam chung hian a rawn chhuak ve ta a. Pistol a la hum ran zui a, Rindika chu a rawn kuah a.

David-a chu a thinrim kher mai, Zorama chu a thaw hak a. Rum tak hian Rindika te nupa chu a melh a, “Nangni hian ka nau chu in kidnap em ni, khawnge a awm?” tiin a zawt a. Rindika chu a khi suk a, “Keini chauh nilo...saw lai ami nen sawn..” tiin hnunglam chu a hawi zeuh va.

Rindika te hnung atang chuan Zonki chu a rawn chhuak a, Mary chu a rawn hryuai bawk. Mary chu a kut hnung zawnga phuar beh tlat a ni a, a hmui tuam sak a ni bawk. Mittui tla zawih zawih hian a u, Zorama chu a en a. Zorama chu a thinrim zual kher mai, “Zonki...nangmah hi em ni Zonki chu?” a han ti vin hlur a.

Zonki chu a lo nui huah huah a, “Ni e, hmanzan lawk pawn kan inbeih tawh kha. I theihnghilh der elaw, ka thil siamchhuah vek in nih kha..” a lo ti ham ham mai.  Augustine-a chu a rawn pen hnai a, “Phone-ah khan ka hrilh chian tawh che kha, kan nunna hi i la lul lovang. I ngam chuan rawn lak tum rawh, kan thawk tawp thlengin kan bei ang che.” a ti khur khur mai.

Emily pawh chu a rawn pen hnai ve a, "Kan thawk tawp thleng mai pawh ni lo, i thih hma chu kan bei ang che." a rawn ti ve pang pang mai. Hmuhsit hmel deuh hian Zonki chuan a lo nuih a, "A nih chu mawle, a nih chuan enge in tih theih chu lo en ila." tiin a ban chu a phar vel a.

DAvid-a chuan thinrim hmel tak hian, "I en khawp ang, ka that phawt che anga, chumi zawh ah nangni nupa kha ka that tel bawk ang che u." tih pah chuan meialh chu a kap chhuak ta mai a, Zonki lamah chuan ava alh phei fua mai. Mahse Zonki chuan a kutin awlsam tak hian a lo dang a, chuveleh Siamtei chuan a pistol chuan David-a chu a tin a.

A kap ta mai a, mahse a hma zana silai, force na tak chhuak thei kha a lo ni. David-a chu a leng leh dawrh mai a, dawhkan a delh tliak rum rum mai. MAhse midang chu a sirah an lo zuang sawn hman hlauh va, Zorama chu bangah a lawn kai a. Zonki-a awmna lam chu a chhem vak a.

Thlipui na tak chu a tleh phei a, mahse Zonki chuan a kut khing khat chauh chuan a lo vai let a. Chutah Zorama chu bang atang chuan atla tla tawp mai a, tukverh te chu thli chuan a len hawng vek thei hial a. Augustine-a chuan vur chuan a rawn kap ve a, mahse Zonkia awm zawn vel a thlen chuan amahin a keh vek mai.

Augustine-a ber pawh chuan mak a tiin a ka hau mai a, Emily chuan tui siamchhuakin a arwn theh ve bawk. MAhse tui chu a let zawngin a rawn kal leh a, Emily zawk chu huh vek khawp chuan a tlu zangthal thuai mai a. An pali chuan an thal ta der mai, Zonki chu an hma takah chuan a ding ran mai a.

A hungah chuan Rindika te nupa chu an ding ve bawk a, "In beng hup ru, nangni nupa kha." a han ti a. Rindika leh Siamtei te chuan an begn an hup a, Young Knives ho pawh chu an rawn tho leh tual tual hlawm mai. Chutah ring tak hian Zonki chu a han au vak a, boruak force na lutuk mai chu a rawn chhak chhuak hi a ni ber mai.

In chanve hlawk chu a phel phawk mai a, Zorama te awmna chin zawng chu in bang zawng zawng nen a thlawk bo vek mai a. Zonki leh Rindikia te nupa awmna chin erawh a la him thung, a force a nat em avang chuan Young Knives te pali chu an leng dawrh dawrh hlawm mai.

Boruak chu a reh a, Zorama te chu an chau nghal der mai. Zonki, Rindika leh Siamtei te chuan an va pan hnai leh a. Young Knives te chu thei leh thei lo hian an rawn ding leh hlawm a, Zonki chu a nui chhuak huk mai. A kut chu a beng vel a, "In va han bon reuh ve, ka thil siamchhuahte hi an lo huaisenin an lo chak kher mai." a han ti vel a.

Zorama chuan a ka(mouth) chhunga thisen chu a han chhak pherh pherh a, "Kan la t(r)an dawn chauh alawm, pu ber." tiin a khi lui sak a. Zonki pawh chu a thaw hak mai, "Hun kan khawhral mai mai a ni, Rindik.... tunah le.." a han ti vak a. Rindika chuan nui var var chung hian, "Awle awle.." tiin taser gun chu a phawrh a.

Mahse Zonki zawk chu hnunglam atang chuan a kap ta daih mai, Zonki chua  t(r)ek ta chuai chuai mai a, current in a man ang mai hian a khur der derh mai. A thingthi dawt a, chuveleh Siamtei chuan thir tiang niawm tak, ft 4 vela sei hi a phawrh ve a. Zonki lamah chuan ava vawm phei ve leh a, Zonki a fuh veleh chuan chu tiang chu a inthlep hnawk a, Zonki chu a phuar bet ta tlat mai.

Rindika chuan taser gun chu a thlah a, mahse a shock a nat em avang chuan Zonki chu a la khur cher cher mai. Thei leh thei lo hian a rawn hawi phei tawk tawk a, "Nang...nangni nupa khan min bum amaw?" a ti khur dar dar a. Young Knives ho te pawh chuan mak an ti takzet, ngawi reng chuan an en hu ringawt.

Rindika chu a khi suk a, "Min hrethiam rawh, Zonki. Kan mihringpuite pawh tumah kan rin theih loh laia, alien lehnghal chu kan ring ngam lo che a ni. Kan tihpalh, pawisa min pek avangin kan lawm e." tiin motor lam chu an pan a, Siamtei chu a thu lut a.

Rindika chu a va hawi leh a, "Guys, tikhan khapa kha chu lo sawisa hlum thak rawh u. Nangni nen chuan nidangah kan intawng leh mahna, kan kal phawt ange." tiin a lut ve a, an tlan ta daih mai. Zonki chu a thinrim takzet, a mitmeng chu a rawn pawt vut mai a. Chutah a au vak a, a rawn ding chhuak a.

Amah phaurtu thir pawh chu a bung hmawk mai, a thinrim takzet. Rindika te tlan liam chu a en zui vawng vawng a, "Inla chak lo khawp ang, ka that dawn che u, mihring mai mai lenghal." a ti khur dar dar a. Ring zet hian Augustine-a chuan, "Hey putar, helamah kan awm." a ti vak a.

Zonki chu rum fe hian a rawn hawi phei a, "Khamite thah kah chu ngaihtuah suh, nakinah kan lo buaipui mai ang. Tunah chuan nangmah kha kan dahtha dawn che, i ngam chuan lo kal ta che." Augustine-a bawk chuan a han ti vin leh khur khur a. Zonki chu a rawn kal phei a, mahse a ke hma zawnah chuan tui khawh na tak mai hi van lam hawi zawng chuan lei hnuai atang chuan a rawn inkhawh chhuak pawp mai.

Zonki chu a eu dawrh mai a, a hnugah chuan a ngai ang chiah in leihnuai atang chuan a rawn inkhawh leh pawp mai a. A bawk ta thlawp mai, chu chu Emily power vek a ni. Chutah Emily chuan tui chu a han control a, na em em hian tui khawh mek pahnih chuan Zonki chu an phuh rawn ta chiam mai a.

Chuveleh sang takah Augustine-a chu a thawk chho va, vur chuan a kap ta chiam mai a. Tui zawng zawng chu vurah an chang ta vek a, Zonki chu a khal ta vek mai. Mahse second 5 vel hnuah chuan vur chu a rawn khi that that a, chutah a rawn keh ta vek mai.

Zonki chu a rawn au t(r)ial nasa khawp mai. Boruaka lo thlawk mek, Augustine-a chu a han melh chho ran a, a kut chu boruakah chuan a vai pawp a. Chutah Augustine-a chu a leng dawrh mai a, thingkung lian tak mai hi a su chawrh mai a, leiah chuan a tla bawk thlawp mai.

Zorama chuan a ban chu a han vai vir kual ve a, th(r)awnga lei vir lian tak mai hi a siam chhuak ta mai a. Zonki lamah chuan ava tleh phei tir a, mahse ZOnki chuan a lo vai darh vek a, thli pawh chu chawp leh chilhin a reh diak mai. Rang lutukin ava thlawk phei thut a, na em em hian Zorama khabe ah chuan a va hnek siah mai.

Zorama pawh chu a thlawk phei vawng vawng a, leiah chuan a lum phei tual tual mai. David-a chuan meialh chuan a rawn kap ve a, mahse Zonki chuan a lo vai zeuh va, meialh chu ama lamah chuan a thlawk let leh a. A la fu zui, David-a pawh chu a let tawp mai a.

Emily chu chet ve a tum, mahse a muang lutuk tlat. Tui a siam chhuak t(r)an tih ah chuan Zonki chuan a mit atang chuan lazer a ti chhuak a, Emily dulah tak chuan a fuh a, a let ve leh ta tawp mai. Young Knives ho chu an tlu ta vek mai a, Zonki chu a ding ta ran mai.

A kut chu a phar a, an pali chuan boruakah an kang ta vu vu hlawm mai a. Thinrim hmel tak hian Zonki chuan, "In kim lo...khawnge in zinga mi kha...a upa ber kha?" a ti khur khur mai a. Chutah hnunglam atang chuan, "Heta hi ka awm e." tiin mipakhat chu a rawn au vak a.

Zonki chu ava hawi let a, a hnungah chuan Ruatfela a lo ding reng mai. Chutah Zonki ke bulah chuan thing zung chu a ranw vak chhuak leh tual tual a, Zonki chu an rawn phuar bet leh ta. Chuveleh Emily, Zorama, Augustine-a leh David-a te, boruaka kang mek te chu leiah chuan an tla thum dup hlawm mai a.

Zonki chu tal chhuah a tum a, mahse Augustine-a chu a rawn tlan vat a. Vur tlang chuan a kap ve nghal a, Zonki chu a lu chin tih loh chu vur tlang chuan a khuh vek mai. Emily chuan Rindika Taser dun, a kalsan chu ava la a. Zonki chaldarah tak chuan a kap a, a t(r)ek leh ta chuai chuai mai a.

A khur leh ta cher cher mai, DAvid-a chu Zonki hma takah chuan a ding a. Zonki chuan khur dar dar chung hian, "In chak dawn chuang lo, ka thil siamchhuahte in nih kha. In boss ka nih hi, min pe let vat rawh u." thei leh thei lo hian a ti tawk tawk a. DAvid-a chu a khi suk a, "Boss, a pawi khawp mai. He power hi chu kan ta a ni tawh, kan lawm e. Mangtha le, hremhmunah kan inhmu dawnnia." tiin a lu chu meialh chuan a kap ve ta a.

Zonki chu a t(r)e nasa ngang mai, a lu vun chu a kang a, a tui zawih zawih mai a. David-a chuan meialh chu a ti sa zual sauh sauh a, a tawpah phei chuan a full power a hmang ta. Ni(sun) ang vela sa chuan meialh chu a ti sa a, Zonki lu pawh alien lu ah a rawn chang a.

Tichuan a sawng te tawlh tawlh a, a tawpah chuan a puak dur mai. Midang ho pawh chu an leng dawrh hlawm a, Zonki chu hmuh tlak a awm tawh lo. An rawn tho leh tial tial hlawm a, an in en hru hru hlawm mai. DAvid-a darah chuan Augustine-a chuan a beng thak thak a, "I ti tha e, i pa rem rem khawp mai." tiin a han nuih suk a.

David-a pawh a intithei ru kher mai, "U Ruatfel, Sangsangi eng a an?" tiin Emily chuan a zawt a. Ruatfela chu a thaw hak a, "Hlawhtling takin an zai e, a dam chhuak e." tiin a chhang a. An thaw huai hlawm mai, chutah Mary chu a rawn harh a, Zorama chuan ava pan nghal.

A phuarna chu a phelh a, "U...enge awmzia, khawnge khamite kha.." tiin a tap nghal pur mai. Zorama chuan a kuah a, "Lungngai suh, engkim a tha vek tawh e." tiin a lo hnem a. Police an rawn thlen chhunzawm nghal bawk, "Tunge police hi kova?" Zorama chuan a ti hu mai.

Ruatfela chu a khi suk a, "Keima koh mawle, nakinah kan sawi chiang dawnnia. VAi film angreng deuhvin an rawn thleng tlai leh dawn tho sia ka tia, ka rawn thlen khalh a nih hi." a han ti a. Mary chu a lo hliam nual mai a, police ho chuan damdawiinah an phur phei nghal a.

*******************************************

Boruak a reh fel hnu chuan Young Knives ho chu crime scene ah chuan an la ding thap mai a, "E taka...thil ka lo siam sak che u a...team kan din tirh atanga ka siam tawh ania." tiin a ipte chu Rautfela chuan a zen ruk ruk a. Puanthem te takte panga hi a rawn phawrh a, a mal te te chuan a sem vek a.

Puan themah chuan YOUNG KNIVES tih logo nalh tak mai hi a lo inziak a, an nui suk suk hlawm mai. Ruatfela chuan intithei tak hian, "A nalh ve tho em, ka design a nih kha." a han ti a. David-a chu a khi suk a, "A nalh hle mai, a simple bawk." tiin a lo chhang a.

Augustine-a pawh chuan, "Nachang i hre hle mai, mahse kan inthup tlang reng chu a ngai tho dawn ania." a lo ti ve bawk. Emily chuan DAvid-a chu en hu in, "E taka, keiman ka sawifel vek ang i tia. Police te hnenah khan enge iva sawi a, enge hetah kan tih te an zawt lo che mi?" tiin a zawt deuh thut a.

David-a chu a han hawi cham vel a, "Ka tawng theih zuah zuah em kha, in hriat vek kha. Dawt ka han phuah chawp tak tak amaw, engkim a fel vek mai a ni. Kidnappers te an tlan chhia ka ti bawk a, lungngai su...engmah an hrethiam chuang lo ang." a lo ti sam et mai.

An puanthem theuh chu an en a, "Hna kan thawh dawn apiangin, he thi hi kan thawmhnaw ah kan bel anga, tichuan kan phuisui lehzual ang." Ruatfela chuan a han ti leh a, midang ho chuan an lu an bu nghat nghat hlawm mai. An kut dinglam theuh chu dahkhawm lehin in phatsan miah lo tur leh hmelma dang an neih leh pawh a, tang ho zel tur chuan an intiam hlawm a, tichuan ramhnuai chu an chhuahsan ve ta a ni.

***********************************

THE END