YOUNG KNIVES (MIZO FICTION FANTASY STORY) Written by : Aaron Malsawmdawngzuala CHAPTER - 5

 YOUNG KNIVES

(MIZO FICTION FANTASY STORY)

Written by : Aaron Malsawmdawngzuala

CHAPTER - 5

*****************************************

Zan a ni a, David-a chu thil lei tur chuan dawrah a kal mek a. Meizial te leiin dawr nghaktu nen chuan an han titi luam a, dawr ah chuan mi panga vel an lo thu ve bawk. Chuta thu ho zingah chuan Rindika chu a lo tel ve reng mai a, mahse DAvid-a erawh chuan tunge a nih a hre hauh si lo.

David-a chu dawr atang chuan a chhuak a, rang lutukin Rindika chuan a zui chhuak ve nghal a. David-a chu a zai phei rut rut a, khua a nawm vak loh avang chuan khawlai chhuak pawh an vang pharh mai. A reh deuh ruih mai a, zan dar 9 vel bak erawh a ni chuang lo.

David-a chuan a hnungah chuan Rindika chu a kal mek tih a hre reng, mahse mi pakhat lo kal ve mai mai a nih ringin ngaihthatlohna pawh a nei lem lo. Car dum pakhat bul a thlen dawn chuan car chhung atang chuan hmeichhe pakhat hi a rawn chhuak thut mai a, a hmai a la tuam tlat zui.

DAvid-a chu a ding a, mak ti tak chuan chunu chu a en a. Chu hmeichhia chu tudang nilovin Rindika nupui Siamtei a ni, Rindika pawh chuan a hmai chu a tuam ve nghal bawk. Siamtei chuan a en run a, "Tunge i nih a?" tiin David-a chuan a han zawt deuh hu a.

MAhse Siamtei chuan a chhang lo, a en char char ringawt. Chutah DAvid-a chuan hnunglam a hawi a, Rindika chuan hmaituam chungin a lo melh ve khur bawk. DAvid-a chu a hawi kual hru hru a, thil awmzia a hrethiam t(r)an ta. A khi suk a, "Vawikhat chiah...vawikhat chiah ka zawt ang che u...tunge nge in nih?" a han ti chang deuh fak a.

Chutah Motor chhung a shot-gun chu Siamtei chuan a chuh thut a, in-load sa a lo ni lehnghal. DAvid-a chu a tin a, a kap ta pawp mai. Rindik-a chu a lo awm sawn vat a, DAvid-a chu a leng dawrh mai a. Mahse a thi lo mai pawh a ni lo, thinrim takin a rawn tho lehnghal vat a.

Shot-gun a kahna, a awm chu zau tak hian a kaw huau mai a, a chhung erawh a pawl vek thung. A hliam chu zawi zawiin amahin a rawn ping vek mai a, hliam nei lo ang mai a ni tawh. Chutah Rindika te lam chu ava en a, a mengrum kher mai. A mitmeng chu a rawn pawl vek a, "Nangni hi a nimaw, hmanzana mi te kha?" tih pah chuan a kut pahnih chu a ti alh ta mai a.

Rindika leh Siamtei te chuan an lo en ran mai, David-a chu ava tlan phei a. Rindika chuan Siamtei shot gun chu a laksak a, David-a rawn tlan phei chu a kap ve ta pawp mai. Mahse David-a chuan silai puah rual rual chuan meialh hlawm chu a vawm chhuak ve nghal a, shot gun mu(ammo) ah tak chuan a fuh a.

A t(r)ek chuai  ringawt, Rindika chuan a load leh nghal a. A kap leh ta, mahse a ngai te ang bawkin DAvid-a chuan meialh hlawm chu a vawm ve zel a. Rindika chuan shot gun mu zawng zawng chu a kap zo ta, silai chu a paih pawp a. A kekawr kawng atang chuan pistol tereuhte hi a phawrh chhuak a, a hmet puak ta.

Silai satliah awzawng a lo ni lo, boruak force na lutuk mai chu a kap chhuak ta. DAvid-a chu a ding dat a, a beng chu a kiu vawng vawng mai. A kal lui thei ngang lo,  a leng phei leh ta dawrh mai. Lamlianah chuan a let phei tawp tawp a, a hnar atang chuan thisen a rawn chhuak a.

Muang chang chuan a rawn ding chhuak leh a, Rindika te nupa chuan an rawn pan phei dun a. Siamtei zawk chuan a ipte atang chuan feet 1 leh achanve vela sei, pencil ni awm tak, dum vek hi a rawn phawrh a. A hmawrah chuan lehkha niawm tak hi a hnawh mawlh mawlh a, a chhung a kawrawng vek tihna a nih chu.

Tichuan a hmawr lehlam chu a hmuiah a chuktuah a, a ham ta vak mai. Hamphuh ni awm tak a ni, a hmawr atang chuan toothpick tiat lek, hmawlh tereuhte, dum vek tho hi a rawn thlawk phei a. DAvid-a chuan a kut chu ti alh lehin a lo indang a, mahse a zawn a thlen hma chuan chu hmawlhte chu a puak dur mai.

Thil nawi, tle sep sep hi David-a hmai zawnah chuan a leng ta chuai chuai mai a. David-a mit chu a mim ta, a hmu tha thei ta hauh lo. Chu chu REmchangah la in Siamtei chuan pistol pangngai a phawrh a, David-a chu a kap ta siah siah mai. David-a chua  eu zawk zawk mai a, mahse a la tlu lo.

A lo indang tawk tawk a, a mit lah a mim nasa em em mai bawk si nen. Rindika chu ava tlan phei a, DAvid-a dulah chuan a va tlawh ta siah mai a. David-a chu lamlianah chuan a thal leh ta tual mai, Rindika chuan a han chhuih zui leh hrep a. David-a chu a let tual tual mai a, "TIkha chuan kan chiang ta e, DAvid-a chu meialh power nei ngei kha a ni." tiin Rindika chu a khi suk a.

An kalsan ta daih mai a, DAvid-a chu ala tlu sawp reng a. A tho tual tual a, "Tu phiangsen te nge maw an nih le...kan la intawng leh khawp ang." a ti nuah nuah a. A ding kang a, a han zi mar vel a. Thawk halh pah chuan, "Eeekhai, weapons an nei tha bik hle mai. Inrin lawk deuh a ngai tawh dawn nih kha, U Ruatfela te hrilh vat chi." a han ti leh nuah nuah a.

Kal a tum a, a hma zawn ava en chiah chu security form ha, senior ve hmel tawh tak hi a lo ding reng mai. David-a chu a han khi deuh suk a, "Ka tha e, ka tha ania...ka pu, min ngaihtuah suh, ka tawlhthlu alawm mawle." a han ti zung zung a. MAhse guard chu ala ding reng a, ngun em em hian DAvid-a chu a en a.

Chutah David-a mit chu a rawn pawl thut a, a kawchhunga alien ramsa awm te chuan engemawni an hriattir a ni. Phawk hru hian security guard chu a en a, "Nilo...enge awmzia?" a ti hu mai a. Chu security guard chu tudang nilovin Zonki-a, alien hlauhawm tak kha a ni.

*****************************************

Motor ah chuan Siamtei leh Rindika te nupa chu chuangin an tlan mek a, Rindika chu a intithei hle mai. A hmai tuamna chu a phelh a, "Ka sawi reng kha maw...power kan nei ve lo a ni maithei. Mahse thiamna sang tak kan nei, anni chuan an nei ve lo." a han ti vel ham ham a.

Siamtei chuan a hmai tuamna chu phelh ve in, "An zinga naupang ber leh a ber a nih kha, a power kha an zingah a chak ber zawk. A hman thiamloh vang leh ala zei ve loh vang pawh a ni thei, kan vannei mai mai zawk niin ka hria." a lo ti daih mai. Rindika chuan a nupui chu a han melh hu a, "Engemaw i sawi le...ka hrilh ang chiah che in thil a thlen kha aw...mai mai thin che hian." a han ti bui bui a.

Siamtei chu a khi suk a, "Midang kan la hmachhawn dawn, tikhan hmelma kan siam belh chiah." a lo ti leh hmuk mai. Rindika chu a han chek hlur a, "Huiham, i mak thin emai. Eng power ber nge, eng thiltihtheihna ber nge a neih pawh ka hre miah lo ania. Kan hmanraw ken kha ka thlang uluk asin, tikhan David-a chu tunge a nih a, enge a thiltihtheihna, enge a power kan hre mai alawm." intithei tak cchuan a han ti leh a.

Siamtei chu a thaw hak a, "David-a chauh kha a ni lo tih hre reng la, a team mate te a hrilh phei chuan min zawng chhuak ngei ngei ang." a lo ti leh a. Rindika chu a khi suk a, "A pawi chai hleinem, a mal te te in tikhan zirtirna ka pe hlak hlawm anga, a tul a nih chuan ka dahtha vek ang." a ti khur khur mai.

Siamtei chuan Rindika chu a han melh hraw a, "I fimkhur lo ka ti...mi tam tak kan hneh tawh, kan bum tawh. Mahse tuna mi te hi chu hriat pawh kan la hrechiang lo, chubakah David-a kha chu a pheikhawk ah tracking device kan vuah a, a awmna kan hre thei a, kan zui ru thei a ni mai a. Midang ho kha le...engtin nge kan chhui ve tak ang?" a han ti vin deuh hlur a.

Rindika chuan mezial chu a han t(r)an a, "Tracking device a ngai tawh hleinem, tikhan David-a khan a hrilh anga, min rawn pan zawk mai dawn alawm." tiin a chhang a, a nui deuh vur vur a. Siamtei chuan a hnial peih tawh lo, a thawh deuh hak a. Rindika chuan a biangah chuan ava fawp zeuh va, "Lungngai suh, bawihte....min ring tawp rawh." tiin a han siai zeuh va.

********************************

Zonki chuan DAvid-a chu a rawn pan phei a, a power hmang chuan a taksa pum chu a scan nghal char char bawk. David-a chuan hlauh hmel tak hian a en reng a, a bengah chuan tlanchhe tura hrilh tu an awm tlat hian a hre bawk a, phun ri sep sep chu a hre leh thin.

Zonki chu a rawn thleng hnai zel a, David-a tihngaihna hrelo chuan meialh chu ti chhuakin a kah in a va kal ta pawp mai. Mahse Zonki chu pen khat pawhin a hnung tawlh lo, chumai nilovin a kal ngai chuan ala rawn kal reng. David-a mak ti lutuk chuan meialh chu a ti tawp a, a en hu ringawt mai.

Zonki lah chu a rawn kal phei zel a, David-a chuan a taksa pum chu a ti alh a. Chutah a au vak a, lamlian chu a kut pahnih chuan a hnek pawp a. A khi tuar mai, tichuan meilah chu tam tak a tichhuak a, lamlian chu a alh phei pup a. Zonki chu a kang kai nghal a, mahse second 10 vel hnuah chuan meialh zawng zawng chu amahin a thi lehnghal vek mai.

Zonki lah chu a kal pangngai reng chuan a la rawn kal a, a kut pawh ala ti che ve eih lo. David-a chu a scan zo ta thak a, a kawchhungah chuan a alien siamchhuahte chu an cheng ngei tih pawh a chiang ta. David-a hma takah chuan a ding a, an inhmachhawn ta ran mai.

Chutah Zonki chuan a ban a phar a, DAvid-a chu khawih fu miah chuang lo hian a rek ta mai a. David-a chu amahin boruakah chuan a kang ta vu vu mai, theihtawp chhuah chuan a lo t(r)ang ve a. Meialh chu tihchhuah leh a tum a, mahse a thei tawh hauh lo. Chutah Zonki chuan a kut chu a thlak thla a, David-a chu lamliana chuan a bawk khup zawng chuan a tla thum dup mai.

Lamlian chu a khi thawt bawk, mahse Zonki chuan ala duh tawk hauh lo. A kut chu a phar leh a, DAvid-a chu boruakah chuan a kang leh dawrh mai. Chutah Zonki chuana kut chu a thlak thla leh pawp a, a aia na leh ring chuan bawkkhup zawng tho chuan DAvid-a chu a tla thum leh dawp mai a.

Chutiang chuan vawi 5 vel lai a ti a, David-a chu a chau tawh tak zet. A che tual tual a, zangthal zawngin a inlet thei hram a ni. Zonki chu ava thingthi a, chiang tak hian DAvid-a chu a en ran mai a. David-a chu a thaw hlawi hlawi mai, a ka atang chuan thisen a rawn chhuak bawk a.

Zonki chuan chiang fek fawk hian, "I kawchhungah khan ka thi mamawh chu a awm, ka laksak che angai. MAhse ka laksak che a nih chuan, power i nei tawh lo mai pawh nilovin i nunna in a tuar dawn." a han ti te te phawt a. David-a lah chuan thei leh thei lo hian, "Anih...anih chuan, duhtawk tawh mai ta che, hei ka na vek tawh anih hi." a lo la ti hram a.

Zonki chuan a en vung vung a, "Ka thah che angai, engtikah mah nangni mihring ho nen hian kan in ang tur a ni lo." tiin a mit chu a rawn eng ta pup mai a, David-a chu a rek leh ta mai a. Mahse a hnung lamah chuan engemaw ri dup hi a hria a, ava hawi let vat a.

Emily a lo ni reng mai, Zonki chu a ding nghal a. Emily nen chuan an inmelh ta ran mai, tichuan ani pawh chu mihring, alien nihna nei tawh, a thil siamchhuah avanga power nei ve tho a ni tih chu a scan hmang chuan a hre thei nghal. A khi suk a, "Aww...nangpawh maw? Ava nuam dawn em, midang an la awm em, han sawi law law teh." a la ti ham ham zui.

Chutah a sir atang chuan, "Aw awm e." tiin Zorama chu a rawn tlan phei thut a. Zonki chu a rawn pawm nawlh a, van sang lamah a thlawh pui ta vang vang mai a. Chuveleh Emily chuan David-a chu a kai thova, "I tha em, i thlawk thei angem?" tiin a zawt nghal a.

DAvid-a chu a lo thaw huai a, "Aw ka thei...ka thei. Khapa kha...security guard power nei a nih kha.." a han ti hram a. Emily chuan a melh hru a, "Min lo zui rawh, Zorama kha amah chauhvin ania aw...midang an lo kal mek." tiin a thlawk nghal a. David-a chu a thaw hak a, "Zahthlak thei bik e....a zawna mi pathum zankhata han hneh loh mai chu...power nei ve si han chak loh." tih nuah nuah pah chuan a thlawk ve nghal a.

************************************

Ramhnuai reh ruih mai, thla eng lutuk vanga thingkung zar thla, leia lang thuah maiah chuan Zonki chu a rawn tla khuar dawk mai. A bul lawkah chuan Zorama chu a rawn t(r)um ve nghal a, Zonki chu khuar atang chuan a rawn vak chhuak a. A ding ngil at a, Zorama chu a scan ve nghal.

Tunge a nih a hrethiam ve leh nghal a, Zorama hnungah chuan David-a leh Emily te chu an rawn t(r)um veleh a. Zonki chu a nui var var a, "In lo va tam hman tawh ve...a tha e, ka la let leh vek dawn che u." a han ti khur khur a. DAvid-a chu Zorama bulah chuan ava kal hnai a, "Enteh, sawpa inhmuh sawn, engemaw mak deuhvin in awm ve em?" tiin a han zawt a.

Zorama chuan a chhang lo, "Kan awm ve vang alawm i awmna pawh kan rawn hriat theih, kan kawchhunga mi te hian min hrilh a ni." tiin Emily zawk chuan a lo chhang a. David-a chu a tawlh hnung leh a, "Anih chuan kan va kim si lo ve.." a han ti nuah nuah a.

Chuveleh Zonki chu a rawn khi suka , "Ehe...inla kim lo cheu a maw? Engzat nge in nih a, sawm vel lai in ni lo maw?" a han ti a. Zorama chuan thinrim hmel tak hian, "I hriat angai lo, helai hmun atang hian thlawk bo rawh...anih loh chuan..." tiin ava tlan phei a.

A kut chu vai vir vut vut in thli na lutuk mai chu a siam chhuak a, Zonki-a lamah chuan a va tleh phei tir ta mai a. Zonki chu a tawlh hnung hret hret a, mahse a rei lo. A ban a phar a, thli zawng zawng chu chawp leh chilhin a reh hmak mai. Zorama pawh chuan mak a ti takzet, a ka hau mai.

Chutah Zonki chuan a kut chu a han pharh chhuak a, thli na em em mai chu a rawn thawk ve ta thut mai a. Zorama te lamah chuan a rawn tleh phei ta, Emily, DAvid-a leh Zorama te chu an leng dawrh mai. Emily chuan thingkung pakhat chu a tauh chawrh a, nikhawhrelo chuan a awm der mai.

DAvid-a erawh a inveng hman hlauh, a arwn tho leh vat a. A taksa pum mai chu a alh hluah hluah a, Zonki lam pan chuan a thlawh in ava thlawk phei a. Mahse Zonki chuan a ban a lo phar zeuh va, boruakah chuan David-a chu a kang vu mai a. Zonki chuan muang chang chuan a ban a dah thla a, chumi rual chuan David-a pawh zawi muang chuan leiah chuan a tla thla a.

Zonki chuan a power hmang chuan thununin a ding tir a, chutah David-a ke bul, leihnuai atang chuan ting zung(root) hi a rawn lawr chhuak tuam tuam a. DAvid-a chu a arwn vial t(r)an ta mai a, reilote hnuah chuan thing zung hrawl tak tak mai te chuan DAvid-a chu a zial bet ta tlat mai.

David-a chu a che thei lo, a hmui thleng chuan chu thing zung chuan a vet bet tlat mai a. Zonki chu a nui sak a, David-a chu ava pan hnai a. Mei alh chu tih chhuah a tum a, mahse a t(r)ek zeuh zeuh ringawt. A power chu a hmang thei ta thak lo mai, Zonki chu a nui ta huah huah mai a.

DAvid-a chu chiang kelh kawlh hian a en a, "Nangmah atang hian t(r)an ang aw....keichu ka thilsiam te hi ka ngai hlu a. ka nunna tluk zetin ka ngai hlu a ni. Chuvang chuan hreh chung chungin tunah pawh hian ka that dawn che a nih hi, min hrethiam dawn nia." tiin a mit chu a eng var leh ta pup mai.

Mahse a hnunga thingkung chu a rawn ri ruah ruah a, Zonki chu rang takin a hawi let a. Chutah David-a phuartu, thing zung sei leh hrawl  tak tak te chu amahin a rawn inphelh a. Zonki lamah chuan an tleng phei ta tual tual hlawm mai, Zonki chu a che hman lo.

Emily leh Zorama te pawh chu an rawn harh a, an rawn tho ve nghal a. Zonki chu thing zung chuan a phuar ve ta thung a, David-a erawh a zalen ve thung ta. Zonki chu a chet theih tawh miau loh avang chuan thingkhung chuan a rawn delh ta mai a, ramhnuai chhung chu a khawk ri rum rum mai.

Thingkung chu a tlu bung hmawk leh nghal a, Zonki a delh na lai takah a la bung zui. Tichuan Ruatfela a rawn t(r)um nghal chat a, Ruatfela thil tih vek a lo ni. Tichuan an vai chuan Zonki tlu sawp reng chu an en thap a, Zonki chu thing zung chuan a lo la vet reng bawk.

Tal chah tumin a la che nasa hle a, chutah tu emaw chu an bulah chuan van atang chuan a rawn t(r)um ve leh dup mai. Augustine-a a lo ni, Zonki chu a rawn pan hnai ve a. Tichuan a kut atang chuan vur ti chhuakin Zonki chu a kap a, Zonki chu a khal ta vek mai, a che tawh eih lo.

David-a chu a han thaw hak a, "HEpa hi in hre ve em, keichu ka hre deuh tlat hian ka hria. Ka hrechhuak thei bawk silo, mahse ka hria tih min hriattirtu an awmin ka hre deuhvin ka hria." a han ti kual duah a. A thiante chuan an en thup ringawt, tumah chuan an chhang lo.

Ruatfela chu a thaw deuh hluai a, "Ka inah... tunah." tiin van lamah chuan a thlawk chho nghal vang vang a, midang chuan an zui ve nghal bawk. DAvid-a chauh chu a bang a, Zonki-a, vur tlang chhunga mu khal reng mai chu a en vang vang a. A khi suk a, "I la thih pawh ka ring love a.." tiin a han phun sap a.

A thlawk chho ve ta nghal a, boruak chu a reh diak mai. Zonki-a tanna vur tlang chu a rawn khi thet thet a, vur chu a tuiral mek bawk. Chutah a rawn keh chhuai a, Zonki-a phuartu thing zung te pawh chu a chat ta vek mai. Zonki chu a arwn ding chhuak a, van lamah chuan a thlawk chho ve nghal a.

*************************************

Ruatfela inah chuan Young Knives ho chu an thu leh thap mai, Augustine-a chuan David-a chua  en hu a. A aw chu a han thian kharh kharh a, "Mihring pahnihin an sawisa che amaw, pakhat chu hmeichhia a ni bawk a...enge awmzia?" tiin DAvid-a chu a han zawt deuh hu a.

David-a chuan ding meuh hian, "Ihmaw, mipa leh hmeichhia an nia. Shot gun-in vawi 7 vel lai min kap bawk. Min zui ru a, ka rin loh lai takin min bei thut a. Chuan an hmanrua kha a tha bawk si, professional diktak an nih ka ring." a han ti zuah zuah a. Augustine-a chu a khi suk mai, "I hneh lo amaw? Kan zingah hian nang lo chu mei alh siam chhuak thei kan awm lo, tiang khawp chuan i chak fal ania. Mihrign pahnih, pakhat zawk hmeichhia lehnghal, i hneh lo amaw?" a han ti leh a.

David-a chu za lo tak chuan a nui ri hak hak a, "Hehe, ih e... ka hneh lo chu ka ti lovang. Mahse an hmanrua kha a tha lutuk ringawt, eng eng emaw khan min rawn kap a. Ka leng dawrh dawrh mai, ka power pawh ka hamng tha hman lo. Ka mit te kha an ti mim a, chumi hnu lawkah kha security guard power nei kha a rawn kal leh bawk sia." tiin a insawifiah ve nasa mai.

Zorama chu a han ngawi vang vang a, "Kha guard form ha kha, in hriat tawh hnu a ang inti ve tho em?" a rawn ti chhuak hlawl mai. Ruatfela chuan a lu a han bu nghauh nghauh va, "Um..keimah ah hian engemaw feelings a awm. Chuan ka kawnchhung atang hian tu emaw hian min rawn hrilh ni tlat hian ka hria, ka bengah hian min hrilh ru tu an awm." a lo ti ve bawk a.

Chuveleh ring tak hian DAvid-a chuan, "Awww..aw..kha kha keipawh ka awmdan chiah. Min hrilh ru tu hi an awm chiang alawm, keimah pawh tiang khan ka awm. Amak lutuk, mahse vawikhat mah ka la hmu ngai bawk si lo." a lo ti ve nghal nuah nuah mai.

Emily chu muang chang chuan a rawn hawi chhuak a, "Enteh u, nichina kan sawi kha.... David-a lo tibuaitu, mihring pahnihte kha. An hmai an tuam a, mihring pangngai an ni a ti bawk a..." a tih lai chuan David-a bawk chuan, "Aww..kha kha, kha tak kha. Ka sawi tum tak, hmanzan ami te kha an ni chiang mai." a rawn ti leh nghal zuah zuah mai.

Hriatthiam loh hmel tak hian Zorama chuan, "Tu hmanzan ami te maw?" tiin a lo zawt hu mai a. Emily chuan David-a chu lo chhan khalhin, "Hmanzan a, ATM lo rawk ve tho te kha. U Ruatfela fanu zaina man tur kan ruk zan kha, an ruk chuah sa kan ruk sak leh chhawn kha..." tiin a lo chhang a.

David-a chuan a kut chu ring takin a han beng ri vak a, "Aw...kha kha...khami te kha an ni chiang lutuk. An hmai tuam dan nen, min chhui ru reng ani ngei ngei ang." a lo ti ve leh a. Ruatfela chu a rawn ding zawk mai, "NGawi lawk teh u...David, thil pakhat ka zawt duh che." a rawn ti chhuak hlawl mai.

DAvid-a chuan a lo en nghal a, "Aw enge? Min zawt rawh." tiin a lo chhang vat a. Ruatfela chuan ava pan hnai a, "Khamite pahnih khan an beih lai che khan...a mipa zawk khan min zuiru i ti tiraw?" tiin a han zawt a. David-a chuan a lu lo bu nghauh nghauhvin, "Chiang e mawle, a mipa zawk khan min zui char char a, ngatan vak mah ka ngai lova. Mahse car dum zawn ka thlen khan car chhung atangin a hmeichhia zawk kha a rawn chhuak a, tichuan an pahnih khan min bei ta a ni." tiin a lo chhang leh a.

Ruatfela chu a han gnawi vang vang a, "David, anih leh chutih lai chuan i hmai i tuam em, nge ni a i hmel a lang vek?" tiin a han zawt leh a. David-a chu a hawi hu mai a, "Ihh, hmel..hmel lang e, hmai ka tuam lo." a ti bah deuh nuai mai. Chutah thutak zet hian Ruatfela chuan DAvid-a chu a en a, "Anih chuan... a nih chuan, engtin nge power i nei tih an hriat? Engvangin nge shot gun nen, blaster nen, weapon tha deuh deuh a an beih nghal ngawt che?" a ti ta mai a.

Hriatthiam loh hmel tak hian DAvid-a chuan, "Enge i sawi awmzia?" a lo ti hu mai. Ruatfela chuan a lu a bu nghauh nghauh va, "A tu a te pawh chu lo nise, nang hi tunge i nih an hria. Power i nei tih an hria a, hmanraw chikimin an bei nghal che. Mahse keini chuan kan hmel kan ti lang ngai lo, tun thleng pawn min la man chhuak lo. A nih chuan engtin nge nangmah i ni tih an hriat, hmanzana mite kha an ni emaw, ni lo emaw, i sawi dik chiah. Mi naran an ni lo, mi professional tak an ni." a ti ta fak fak mai.

Zorama pawh chuan a lu a lo bu ve nghat nghat a, "Anih chuan... mihring pangngai an nih chuan.. mihring hlauhawm tak an ni dawn tihna a nih chu. TEchnology lamah an thiamna a sang hle bawk ang, DAvid-a an hria anih chuan keini pawh kan hmel diktak an lo hre vek tawh thei, engmah a hriat loh." a lo ti ve nuah nuah bawk a.

Emily chu rawn tawng chhuak ve in, "Police lam te hi an lo ni mai lo maw?" a lo ti ve a. Mahse Ruatfela chuan a lu thingin, "Ni lovang, police lam chu an inrawlh ka ring lo." tiin a lo chhang a. An vai mai chuan an ngawi ta thap mai, Augustine-a chuan DAvid-a pheikhawk chu a en vang vang a.

A pen zawng chuan a pheikawk sir hnuailam chu tereuhte hian a eng leh vet vet thin tlat hian a hmu a, "DAvid, i pheikhawk kha a eng thei em ni?" tiin a zawt deuh tawp mai. DAvid-a chu a khi suk a, "Mi hi ngai naupang viau suh, chutiang mai mai lawm rual ka ni tawh bik lo." tiin a lo chhang a.

Augustine-a chuan vin lek lek hian, "Chu lam ka sawi lo, kha, a sir kha tereuhte in a eng vet vet alawm mawle." a ti deuh hlur mai. Chuveleh an vai chuan DAvid-a pheikhawk chu an en ta thup a, chiang deuhva en lo chuan a eng tih pawh a hriat loh. "Phelh teh, phelh teh." Ruatfela chuan a ti nghal chiam chiam a.

DAvid-a chuan a phelh a, bang sira tweezer chu chu ban nghalin DAvid-a pheikhawk chu chiang lehzual zawk chuan a han en a. A eng lai chu a en chiang a, engemaw lo lawr chu a hmu ta ngei e. Tweezer chuan a chep a, Rindika leh Saimtei te tracking device phum ruk chu Ruatfela chuan a chep chhuak ta.

"Kha kha enge?" DAvid-a chuan a lo ti hu mai. Ruatfela chu a khi sak a, "Tikha chuan a chiang ta e, engtin nge DAvid-a an chhui chhuah dan chu. HEi hi tracking device a ni a, tiang khawpa te a siam tur chuan thiam thil neih ve tawk angai ang." a han ti nuah nuah a.

Chutah ring zet hian DAvid-a chuan, "Eheee... kha kha ka pheikhawk chhungah a lo awm char char amaw?" a ti hu mai. "A nih chuan engtik lai khan nge an lo thun hman le?" EMily chuan a lo ti ve nuah nuah bawk. Augustine-a chu arwn tawng chhuak veleh in, "Aim tha tak a ni ngei ang, ka sawi awmzia chu a kah a kah a nih ka ring. Khami atana hman bik tur silai an siam chhuak aniang, anih chuan hmanrua pawh an nei tha khawp ang." a lo ti ve leh a.

David-a lah chuan, "Ka sawi reng kha...ka sawi mawlh mawlh tawh alawm. Ka chak loh vang a  ni lo, ka power kha e... ka hmang hman thlawt lo a ni ber mai. An weapon kha a tha lutuk tlat, ka thal tual tual mai a ni." a lo ti leh zuah zuah mai a. Zorama chu a han thaw haka , "A hrim hrimin kha security guard kha khawi atanga lo kal nge, ka buai zo vek tawh." a han ti deuh hluai a.

Ruatfela chuan ring deuh tak hian, "NGawi teh u, ka thusawi ngaithla ru. Tunah chuan hmelma pathum lai kan nei ta, kan chet fimkhur leh zual a ngai a ni. Kan power te pawh hi hman thaim angai, Young Knives kan nih hi. Tupawh hmachhawn mah ila, kan chak ngei ngei tur a ni." a han ti a. 

Midang chuan an lu an lo bu nghat nghat hlawm mai, "Ni e, team kan din ta sa sa. Kan theihtawp kan chhuah ang, power hi a thlawnin kan nei lo angah te pawh ngai ta ila... heng mite hi kan beih an ngai a ni, tichuan kan hneh ngei bawk ang." Zorama chuan a lo ti ve bawk a.

Ruatfela chuan a kut chu a dah chhuak a, "Young Knives tan.." a han ti a. David-a chuan rang zet hian a kut chu va dah chhuak ve in Ruatfela kut chungah chuan a nghat a, "Young Knives tan." a han ti ve a. Zorama leh Emily pawh chuan an rawn dah ve nghal a, Augustine-a chiah a bang ta.

Midang pali te chuan Augustine-a chu an en thap mai, muangchang chuan a kut chu a rawn dah ve a. A khi suk a, "Ni e, Young Knives tan.. Young Knives kan ni a, kan tlawm ngai lovang." a ti ve ta a. David-a chuan, "One two threee.... GO!" a han ti vak ringawt a.

Midang ho chuan an en hu mai, a zak leh deuhreuh si chu za lo tak chuan a khi suk a. Inthiamlo deuh hian, "Ihh..hana kan inkhelh ve thin laia kan tihdan ania, ka fiamthu mai mai a nih kha. KA sil emai, ka haw phawt ange." tih pah chuan a tlan thut a, tukverh ah zuang chhuakin a thlawk nghal vang vang a.

Midang ho pawh chu an thlawk chhuak sap sap hlawm a, a in neitu Ruatfela chauh chu a bang leh ta. A khi suk a, "Naupang ho hlir an nia, mahni rualpui pakhat tal awm ve se tha tur." tia phun nuah nuah chung chuan a insiam nghal mawlh mawlh a. A insiam zawh hnu chuan a chhuak a, a fanu damlo riah pui turin hospital lam chu a pan leh ta hnak hnak a.

************************************************

TO BE CONTINUE