YOUNG KNIVES (MIZO FICTION FANTASY STORY) Written by : Aaron Malsawmdawngzuala CHAPTER - 2

 YOUNG KNIVES

(MIZO FICTION FANTASY STORY)

Written by : Aaron Malsawmdawngzuala

CHAPTER - 2

********************************************

Thingkung hnuaiah chuan DAvid-a chu a muthlu bawrh bawrh mai, mi pakhat, zing exer la zinga mi chuan a va hmu a. A ngaih tha lo chu ava pan a, "Thianpa, thianpa... i tha em?" tiin a han sawi deuh dat dat a. Chutah David-a chu a rawn harh thut a, chupa a hmu chu a phu nasa kher mai.

A zuan hian a zuang tho nghal a, "Tunge i nih?" tiin a zawt nghal hu mai. Chupa pawh chuan a hrethiam lo hle a, "Aa... ihh, ihh...i lo mu tawp a, ka ngaih a tha lova ka rawn kai tho che a nih hi." tiin a chhang bah deuh nuai mai. David-a chu a hawi vual vual a, "I tha maw?" chupa bawk chuan a han ti leh a.

DAvid-a chuan a chhang lo, rang takin a tlan haw nghal a. An inkawtah chuan anu chuan pangpar tui a lo pe mek a, anu hming hi Pi Chhuangi a ni. DAvid-a a hmu thut chu mak a ti kher mai, "Ehe, BAWiha chu....enge awmzia? Nizan i lo haw lo tihna em ni?" a ti hu mai. DAvid-a chuan a lu thak lo pui chu a hiat nauh nauh va, "Aww ih...Fran..Francis-a te inah ka riak a." a ti bah nuai mai.

Pi Chhuangi chuan a han melh run a, "Sawi lawk ve thin tur che alawm, i chhuak hma amaw ka tia, ka thawh in kawngka a lo la inkalh bawk si lo. Zankhua in kawngka kan kalh lo tihna ania, i lo haw tawh amaw kan tia....i mak lutuk emai." tiin a ang nghal bawrh bawrh mai. David-a chuan a chhang lo, ngawi reng chuan inchhungah chuan a lut a.

A roomah chuan a lut tlang nghal a, tukverh bulah chuan a thu a. A inngaihtuah vang vang mai, "Enge awmzia, enge ka chungah thleng?" tiin a phun nuah nuah mai. A hma zan lawk kha chuan engemawni khan a ke ah a rawn vial a, a kawchhungah a lut kha a nia. Chu chauh chu a hria, a bak engmah a hre thei tawh lo.

A ding hluai a, tukverh ah chuan a han dak chhuak vang vang a. A maimitchhing a, thawk a han la te te a. Chutah a han thaw deuh hluai a, mahse a ka(mouth) chhung chu a rawn lum pup mai hian a hria. Chutah a ka atang chuan mei alh hlawm hi a rawn chhuak ta mai anih chu.

A kawrah a la kai zui, a kawr chu a kang ta hluah hluah mai le. A kawr chu a beng vak vak a, a tal buai kher mai. A tal buaina lamah chuan tukverh atang chuan a la tla zui, ft 15 laia sang a nih ve a vang chuan a tla thum dup mai a. A tukhum chu lung lian takah hian a la vaw chawrh zui leh nghal a.

Mahse mak tak maiin engmah a na lo, rang takin a tho lehnghal. A sil eih lo bawk, mak a inti kher mai. Hlauhthawn hmel tak hian, "Meialh...ka ka chhung atang khan mei alh a chhuak." tiin a phawk hru mai a. A kut chu a han en a, a sen hian a lo sen vek a, a khu deuh rum rum bawk.

A tukhum kha a sawh chiang hle in a hre bawk si a, a han khawih chhin a. MAhse engmah hliam a awm lo, mak a ti takzet. A ngawi vang vang a, chutah zawi te chuan a han thaw leh deuh hluai chhin a. Meialh hlawm tel tak te hi a rawn chhuak leh a, leiah chuan a tla a, hnim chhe te chu a kang kai a.

Mak a ti kher mai, chutah a lu a rawn na vak a. A mitthla ah chuan kha tuihnang, pawl phut maiin a beih lai te chu a rawn lang zawk zawk mai. A rawn meng thut a, a mitmeng chu a hma zan ang bawk khan a pawl leh ta phut mai a nih chu. Chanchinbu chhia, an inkawta lo let reng mai chu a chhar a.

A han en vang vang a, chutah chanchinbu chu a rawn kang ta hluah hluah mai a. A inhrethiam ta, thil tihtheihna a nei tih a inhrethiam ta. A han thaw deuh halh halh a, "Nizan kha... nizan vang kha a ni hrim hrim." tiin a phun nuah nuah a. A nu chu a rawn lang leh hlawl mai, "Aww...roomah i lut emaw tia, pawnah i lo awm leh daih tawh elaw?" a rawn ti hu mai.

David-a chuan han chhan mai ngaihna pawh a hre lo, "E taka..kan veng park ah nizanah arsi a tla an tia, an en sup sup mai tunah pawh." a rawn ti chiah chu David-a beng a verh zaar mai, "Ka va kal ve ange, ka va en ve chhin." tiin anu tawng leh hma hma chuan a tlan nghal vang vang a.

******************************************

Zorama pawh a rawn harh chhuak ve ta a, park-a thutthleng sei an phun ah chuan a lo mu thluang zuar mai. Park ah chuan mi an lo tam tawh hle a, "Ehe, ka mumang vek em mawni le?" a ti hu mai a. A mitthla ah chuan a hma zana, a sama kha tuihnang rawn kai vel, a beng chhunga a lut lai te thleng chuan a rawn lang nghal zawk zawk mai.

A ngaih chu a tha chiah lo, a han hawi kual a. Park hnung lam, arsi tlakna lama mipui pung khawm sup sup a va hmuh chuan a ding nghal a. A en vung vung a, "Saw saw..nizana thil rawn tlakna kha a ni chiang lutuk." tih pah chuan ava phei ve nghal. Mipui karah chuan ava inrawlh phei hlawk hlawk a, chumi hmunah chuan Emily leh David-a te pawh an lo tel ve bawk.

Arsi them tla chu an lo en sup sup hlawm a, an ri nak nak mai. Then khat chuan, "Nizana ri bur ka chu ka hria, quarry an bomb emaw ka ti zawk mawle." te an lo ti a, "Zan zanah quarry an bomb ngai ami?" tiin thenkhatin an lo hnial bawk a, an boruak pawh a ring tha at at hle mai.

Zorama chuan arsi them chu a han en vang vanga , "Hei hi maw...hei hi maw nizana ri bur kha?" tiin ama hriat tham lek chuan a han phun nuah nuah a. A hawi let a, muang chang chuan a kal nulh nulh a. A rilru ah chuan zawhna tam tak a lo lut a, nizan khan engthil chiah nge a chungah thleng a ngaihtuah chhuak zo der mai si lo.

A hriat chhun chu kha thil tuihnang, pawl vut mai kha a beng chhungah a lut a, abak engmah a hre tawh lo. A inngaihtuah muk bawk aniang, lamlian lai takah chuan a lo kal reng a. A hnung lawka car, chak taka lo tlan mek pawh chu a hmu hauh lo. Kawngsira mi lo kal te chuan an lo hmu a, "Thianpa..kha motor..." hmeichhe pakhat chuan a han ti vak a.

Zorama chu rang takin a hawi let vat a, mahse a tlait awh lutuk tlat. Motor chuan a rawn su ta, a vir lawp mai. Motor chungah chuan lum chhovin lamlianah chuan a tla ri thlawp mai, pui tur chuan chumi hmuna awmte chu lamlian lam pan chuan an rawn tlan khawm a. Mahse an thlen hma hma chuan Zorama ber chu a rawn ding leh nghal mai a, mipui ho pawh chuan mak tiin an en thup mai.

A han indap kual a, mahse engmah na a nei miah lo. Pa pakhat chuan, "I tha em, ana em?" tiin a rawn zawt a. Motor khalhtupa pawh chu a rawn chhuk ve nghal, "Thianpa, i na em? Ka tlanchak laklawh sia, i kalsawn mai dawn maw ka tia...ka tihpalh lutuk aw.." tiin thupha a rawn chawi nghal mawlh mawlh a.

Zorama ber zawk chuan sawi mai tur a hre lo, amah leh amah chu mak a inti takzet. A hawi vual vual a, "Ka tha e, ka tha alawm." tih pah chuan a kal leh ta daih mai. A taksa chu a indap phei reng a, "Min su chiang hle sia, tinge engmah ka nat miah loh le?" a ti nuah nuah a. KAwngsira zun in, hlui leh th(r)ing ve tawh tak mai zawn a thlen chuan a ding a.

A lut a, a han zung ri tur tur a. Chutia a zun mek lai chuan a hmai bulah chuan phengphe hlep hi a rawn thlawk a, Zorama chu a rawn zar buai a. Zorama chuan a hmel a lo siam chhe vak vak a, a lu chu a thing vak vak bawk. Phengphe hlep chu zunin bang, Zorama hmai zawn takah chuan a fu a.

Zorama chuan na tak hian a han chhem vak mai a, chutah a zunin zawng zawng chawp chuan thli na takin a len ang mai hian a thlawk ta daih mai a nih chu. Zorama chu a hrilhhai kher mai, rang lutukin a kekawr chu a siam tha nghal mawlh mawlh a. Mak a ti takzet, hnunglam a hawi a.

Mahse tumah a hmu bawk si lo, a hawi kual vak vak a. Mahse chu kawng reh tak maiah chuan amah chiahin a awm bawk si, mi tu emaw in an rawn bei ta mai emaw a ti hman hial a. Mahse tumah a hmuh tak si lovah chuan mak a ti zual takzet, a thaw deuh halh halh mai. Zun in lah chu kawngsira khamah chuan a tla thla daih mai si a, tihngaihna a  hre lo kher mai.

Thilthihtheihna a nei a ni tih chu a la inpawm thiam mai hrih lo, kawngsirah chuan ava phei a. Kham lam chu a han hawi thla a, a maimitchhing vang vang mai. Chutah thawk a han la te te a, a theih patawp chuan boruak chu kham lam hawi zawng chuan a han chhem leh ta vak mai a.

Chutah le, kham mawng lam a thingkung te, hnim te chu thli na takin a chhem phe hlawp hlawp ang mai hian an bu suau suau mai a, thli thaw ri pawh a ring tha vuk vuk khawp mai. A chhem zawh hnu chuan boruak chu a pangngai angin a awm leh ta mai a, "Super hero ka ni...power ka nei." tiin a then thu mai a, a khi vur vur mai.

******************************************************

Chhun a ni a, Emily chuan power a nei tih inhre tawh mahse an Sir Erik-a fa ala pai reng avang chuan a rilru hahna chu a reh chuang hauh lo. Coffe dawr pakhatah chuan a thu a, coffe in in a thu ngawi reng a. Chutih lai tak chuan dawr chhungah chuan an Sir Erik-a, a fa paina pa ngei mai chu hmeichhe chhelo zet, mahse lerh hmel em em mai nen hian an rawn lut thut mai.

Emily chu a biru hman lo, Erik-a leh a bialnu chuan an rawn hmu nghal chat. Erik-a erawh chuan nuam a ti chiah lo, mahse a bialnu chuan Emily chu a thik takzet, a hma pawhin a lo thik thin hle tawh bawk. Emily chuan va biak pawh a tum chuang lo, nuam lo ti tak chung chuan a thu ngawi reng a.

Erik-a bialnu lah chu a che over tan ta a, Emily hmuh theih tur kher chuan a bul lawka dawhkanah chuan Erik-a chua  thut pui lui titih a. Erik-a'n tui a han in te chu napkin la vatin a hmui a lo hruk sak vel a, Emily chu inthik tir a tum tih a hriat hle. Erik-a bialnu hi Afeli a ni a, kum 24 vela upa a ni.

Erik-a erawh Kum 35 vel a ni tawh a, mahse a la chhelo zak zak hle a, a la luck vet vet hle bawk. Farewell zan pawh khan Erik-a hian Emily a thlah tih chu Afeli hian a hre chhuak a, an inthen phah tep hial a ni. Chubakah Erik-a a star tih hi a hre ve kur a, an lo che sual dun tawh tih leh a fa a pai mek tih han hria phei se chu a nasa khawp ang le.

Emily thik tur hlir chuan a awm lui reng a, Erik-a meuh pawhin nuam a ti chiah lo kher mai. Afeli lah chu a che over tulh tulh mai bawk si a, Emily chuan angei kher mai. Chutah chocolate cold coffee an chah chu a rawn thleng ta a, Afeli chuan a lo in nghal a. Erik-a chuan a han in ve a, Emily hmuh tur kher chuan a hmui chu a han hruk sak leh vel a.

Emily mit chu a kham deuh ta, chhuah mai a tum a. MAhse thil tuiril hrim hrim a thunun thei tih a hrechhuak zawk mai, Afeli inla no taka coffee a lo in lai chu a en ran ran a. Afeli coffee in mek lai chu chiang tak hian a en a, chutah a rawn so phuan deuh bawrh bawrh mai. Afeli lah a titi tui nasa, engmah a lo hre lo.

Emily chuan a mit ko a han san zeuh va, coffee chu no atang chuan rawn inpik chhuak thutin Afeli hmaiah chuan a inphuh ta thawt mai, a kawr zawng zawng chu a huh vek bawk. A ding nghal a, Erik-a pawh chu a rawn ding ve nghal bawk. Afeli chu va pan nghalin, "Khai aw....ava chiloh tak." tiin a rawmawl a phawrh a, Afeli hmai chu a hruk sak a.

Afeli thinrim lutuk chuan a kut chu a lo ben thlak sak a, "Ka thawmhnaw  to to nen, a chhe vek dawn nih hi." tia vin deuh hlur chung chuan dawr atang chuan a chhuak tau nghawng nghawng mai. Erik-a chua  zak takzet, dawr nghaktupa chu ngaihdam dilin an thil in man te chu a pe a, Afeli chu a zui chhuak nghal a.

Kil khat atang chuan Emily chu a lo nui var var mai, "Tuifinriat ah ka thlak lo che a, i vannei ngawt mai." tiin a han phun deuh sup a. A thiltihtheihna neih thar chu fu dawn riau hian a hria a, a lu a bu deuh nghat nghat mai. A coffee in lai, no chhunga mi chu a zu en a. Khawih miah lo chuan a thiltihtheihna hmang chuan a han ti vir vel a, nuam a ti phian mai.

***********************************************

DAvid-a chu in atang chuan a chhuak a, a han hawi kual deuh hru hru a. Meizial a phawrh a, mahse t(r)an nan lighter a mamawh tawh lo. A kut chu a han snap(kut tih rik ang kha mizo tawngin ka hre mai lo) zeuh va, lighter alh tiat lek hian a kut zungpui chu a rawn alh a, meizial chu a tan a.

A power thar chu a chhuang takzet, khawlaiah chuan kalin a khi deuh vur vur reng mai. Chutah a hmuh duhtak mai, a bialnu hlui Rachel-i leh Peka te leng dun chu ava hmu leh ta. A hma zan lawka Peka'n thal tawp khawpa a hnek te chu a ngaihtuah chhuak a, a zah zia te chu hrechhuak lehin a thinrim thar kher mai.

Ava pan a, "Nang kha....lo hawi teh." pawr zet hian ava ti nghal a. Peka chu a rawn hawi a, Rachael-i pawh chu a lo hawi ve nghal bawk. Peka chu a khi suk a, "Rachael, ka rin ai daihin bialpa hlui i nei th(r)ing ka ti." ngeiawm tak chuan a han ti deuh kher a. Rachael-i chuan rum tak hian DAvid-a chu a melh khur a, "Enge min la rawn tihbuai ziah a, DAvid? A hneawm khawp mai, kal bo vat rawh." tiin a lo vin hrep mai. 

DAvid-a chuan a aia vin hian, "Nang hmeichhe lerh leh mipa pakhat chauh kham khawp lo kha lo ngawi rawh, ka be miah lo che. I bialpa lulian deuh hi alawm ka biak, lo ngawi hman rawh." a ti zek mai a. Peka chu a thinrim kher mai, "Enge i duh a, sawi ta che...nizana ka hnekna che kha a la na tawk lo em ni?" tih khur khur pah chuan ava pan hnai a.

David-a chuan a lo hlau lo kher mai, "AW...i sawi dik chiah. A la na tawk lo, min rawn hnek leh rawh." tiin a lo chhang a, a la khi deuh suk zui. Rachael-i chuan Peka chu pawt sawn vatin, "A tul lo, a zahthlak. Kal ang, ngatan mah ngai suh." a lo ti a. DAvid-a chuan ring leng lawng hian, "I bialnu chu i va hlau ve, min hnek ngam tawh nange?" a lo ti leh deuh kher a.

Peka chu a insum zo ta lo, ava phei a. Rachael-i pawh chuan a dang zo tawh lo, a theih patawpa na chuan David-a bekah chuan ava hnek siah mai a. Mahse David-a chua  che sawn eih lo mai pawh nilovin a hawi pawh a hawi eih lo, a lu chu ngil at chuan a awm reng a. Peka zawk chuan a kut chu na a ti kher mai, concrete building bang car tha tak mai hnek ang mai a ni, a kut zungtang ruh pawh a ri tuar mai.

A kut chu a thing vak vak a, "Ana lutuk...ana lutuk." tiina  rum vawng vawng mai. Rachael-i pawh chuan mak tiin a bialpa hlui DAvid-a chu a en vung vung ringawt a, sawi tur reng a hre lo. David-a lah chuan chutia na tih avanga Peka kun ngul mai chu ava pan a, a kawngah chuan a kut zung chal chuan a han dek zeuh va.

Meizial ling chu nep te, tul thir hrawl tak, darkar 1 vel rawh sat, ling sen vur mai a hawlh sawk ang vela na a ni ngei ang. Sang takah zuangin, "A saaaa..." tiin Peka chu a t(r)e tuar a, a zuang sang bawk aniang, a t(r)um leh na lamah a ke chua  lek thut a, a la tlu zangthal thuai zui.

DAvid-a chu a nui tiah tiah mai, "Tikhan kha bak chu ka lo tibuai tawh lovang che u....hlim deuh khan in awm dawnnia." tiin Rachael-i chu a en leh a, "Ka ngaidam che...chuan, ka tihpalh, i hlimna ka thlen zo ve silova..min ngaidam dawnnia." a han ti zawi sap a, a kalsan ta a. Anihna takah chuan DAvid-a chuan Rachael-i hi a la duh hle a, mahse kalsan a, tawp san ve mai chu a tum ta a ni.

**********************************************

Emily haw lam chu in a thleng tep tih ah chuan motor insu bur ri hi a hria a, hnunglam chu a hawi phei vat a. Augustine-a chu lamlianah chuan a lo let reng mai a, a scooty t(r)awng ve tawh tak mai pawh chu a sirah chuan lo let ve ngatin a chhe nual leh ta nghal a. A sutu zawk, motor khalhtu chu thinrim tak hian a rawn chhuak a.

Augustine-a chu a rawn tham tho va, a rek ta nawk nawk mai. Mahse Augustine-a'n a khawih let ve hma chuan midang ho chuan an lo dang a, an buai nak nak mai. Emily chuan a awmhmun atang chuan a lo en ve reng bawk a, driver lah chu a pawr em em mai lehnghal. Chutia a an buan buan lai chuan Augustine-a chu a hawi ruk ruk a, tuman an hmuh loh lai chuan a kut chu a ti pharh a.

Chupa motor ke hma zawnah chuan a dah a, mak tak maiin a kut atang chuan vur khal tak mai hi a kah hian a kap chhuak a ni ber mai. A an ber chu a kut atang chuan tui leh vur inpawlh hi a spray chhuak a ni ber, tichuan chupa motor ke hma, a ding lam zawk chu a khal ta vek mai a.

NGawi reng chuan a scooty ah chuan a lawn a, a tlan leh ta daih mai. MAhse chu chu Emily chuan a lo hmu vek a, amah chauh chu thilthihtheihna danglam tak nei a ni hauh lo tih a hrethiam ta. Driver chu motor ah chuan a lut a, a han start nung hluah hluah a. Tlan a tum chuan chu darthlalang keh ri thla hlawk ang mai hian a motor ke hma, dinglam zawk chu a keh thla chhuai mai.

A awmzia chu Augustine-a'n vur a kah chhuah kha, a vawh lungrun em avangin motor ke chu a rubber zawng zawng nen, a thir zawng zawng nen vur ang maiin a hmet khal tel vek tihna a nih chu. A motor pawh a hniam suih mai a, midang lo awm ve ho pawh chuan mak tiin an en thup ringawt.

*************************************

Emily chuan taxi a phar nghal a, Augustine-a chu a zui zel a. Minute 5 vel lai a zui hnu ah chuan school building hlui, luah tawh loh bulah chuan Augustine-a chu a ding a. Emily pawh chuan taxi driver chu ding turin a ti ve nghal a, taxi atang chuan a chhuak a. Augustine-a chu building hnung lamah chuan a phei a, Emily chuan a zui ve zel a.

Augustine-a lah chuan a pan hla tial tial mai, "Khawnge maw a kal dawn le?" tih nuah nuah pah chuan Emily chuan a zui ve zel mai bawk a, Augustine-a chu a kal chak tulh tulh lehnghal. Emily chuan a um titih deuh hial tawh, chutah building hnuai lam , thim ruih mai, zawl zau tak si ah chuan a chhuk thla a.

Emily chu a chhuk thla ve vat bawk, mahse a thleng chiah chu tuman hmuh tur an awm lo. A ruak huai mai, ramhnuai deuh lam a ni tawh lehnghal. A thlang deuhvah chuan a han kal thla leh a, mahse Augustine-a chu a hmu tawh hauh lo. A hawi kual vak vak a, chutah hnunglam atang chuan Augustine-a chuan a hmui a rawn hup thut mai.

Dim lo tak chuan kopangah chuan a nam bet a, "Tunge i nih, engvangin nge min zui char char?" a han ti khur khur a. MAhse Emily chuan a chhang lo, a tukhum chuan a han tauh ve chawrh a, Augustine-a hnar chu a ri thawt mai. A thlah rang kher mai a, Emily chu a rawn hawi let a.

Augustine-a chua  en ran a, "Tunge i nih zawk....engtin nge i kut atang khan vur kha i tih chhuah theih?" tiin a zawt ta mai a. Augustine-a chu a meng phawk nasa mai, "Nang hian min lo hmu amaw?" a ti khur khur a. Emily chu a khi suk a, "Aw...chuvanga lo zui che ka ni." tiin a chhang a.

Augustine-a chu a ngawi vung vung a, "I hrait ve angai lo." tiin kal a tum a. Mahse Emily chuan a kut a phar chhuak a, boruak atang chuan tui a rawn insiam a. Emily kutah chuan tui chu boruakah a leng delh delh a, a vir kual deuh ruai ruai bawk. Ring tak hian, "Ding rawh...ka zawhna che chu chhang rawh." a han ti vak a.

Mahse Augustine-a chu  a ding duh hauh lo, a kal tlang nul nul mai. Emily chuan tui chuan na takin a va kap a, a force a na bawk aniang, Augustine-a hnungzangah chuan fuh in a bawk thlawp mai. Augustine-a chu thinrim takin a rawn tho leh a, boruaka tui mal far, bial pup mai, kuttum tiat tiat a leng chum chum mai a hmuh chuan mak a ti kher mai.

Emily chu a en hu a, "Nang..nangpawh maw?" a ti hu mai. Emily chuan thinrim hmel tak hian, "Aw ni e, nang chauh hi i ni lo. Engtin nge i neih sawi rawh, tunge i nih?" a han ti vin leh thak a. Mahse Augustine-a chuan a chhang lo, a kut chu a hum ruh a. Chutah a kut pahnih chu a kiu thlengin vur ah a rawn chang a, a khal ta vek mai.

A mitmeng chu a rawn pawl nghal phut mai a, Emily lam chu a rawn pan ta. Emily pawh chuan a kut chu a han vai vir leh vak vak a, tui mal far lian tak tak mai, puar pup pup te chu boruakah chuan 50 chuang vel chu a thlawh hian an thlawk chum chum mai a, Emily chuan chung tui mal far te zawng zawng chu a thunun vek a ni.

A mal te te chuan khawih miah chuang lovin Augustine-a lamah chuana  zu vawm ta pawp pawp mai a, Augustin-a chuan a kut atang chuan vur tlang, zum fer fur chu ti chhuakin tui mal far te chu a lo kap keh hlawk hlawk hlawm mai. Chutia a buai lai tak chuan tui tam tak chu a kap chhuak leh a, a khawh hian a va khawh chhuak a ni ber zawk.

A force na tak mai chuan Augustine-a dulah tak mai chuan ava khawh a, ani pawh chu a leng phei lawp mai. Augutine-a chu a lum phei tual tual a, a thinrim tawh kher mai. A rawn tho leh a, "Mai mai chuan.." tia vin khur khurin ava pan phei a. A kut chu a han vai vit ve ta tak tak a, vur thli ti ila kan sawi sual lo ber ang, a kut atang chuan a kap chhuak ve ta.

Emily lo phei mek pawh chu a ding chat a, a kal tlang helithei ta bik hauh lo mai. Emily chu zawi zawih chuan a khawng telh telh a, boruak chu a vawt hle bawk. Emily chuan a do zo ngang lo, tui kap chhuak ve tur pawh chuan a khawng tawh lutuk tlat, chutah Augustine-a chuan a duhtawk ta.

Emily chu a khawng vek mai a, a che thei ta hauh lo mai. MAhse a rilru erawh a harhfim vek thung a, a taksa a che thei lo mai chauh a ni. Augustine-a chuan a rawn pan phei a, na em em in a dulah chuan a hnek a. Vur chua  keh khi phawk a, Emily chu a tlu hnawk mai. Dim baksak lo chuan Augustine-a chuan a tham tho nghal a, kopang deng dawt khawp chuan a vawm phei ta mai a nih chu.

**************************************

David-a haw tur chuan school buildign hlui hnunglama thawm na tak chu a hria a, ava pan ta ngat a. Chutah kopang banga a Augustine-a'n Emily a lo rek bet reng mai a hmuh chuan rang takin a zu chhuk nghal a. Augustine-a hnungah chuan dingin, "Thlah nghal rawh." a han ti vak a, Augustine-a chuan a thlah ve nghal mai bawk.

Emily chu leiah chuana tlu thla tawp a, a chau kher mai. Augustine-a chu muang chang chuan a rawn hawi a, "Hmeichhe awmnem zawk te khatia rek chiam mai chu....mipa i ni tak tak amaw?" tham lo tih hriat tak chuan DAvid-a chuan a han ti vel a. Augustine-a chu a han thaw hak a, "Enteh thianpa, engmah i hre lo. Nat i duh loh chuan kal bo vat rawh, helai thil thleng hi i hrait ve chi a ni lo." a han ti khur khur a.

Chutah David-a chu a nui ta chiam chiam mai, "A ve lutuk che chuan..hriat te chu ka nei alawm. Tlangval sa tha ve pangngai tak, inla pa takin hmeichhia a sawisa mek a ni. Chu chu ka hria, ka hmu ngei bawk." tiin a lo chhang leh a. Augustine-a chua  thinrim ta, vur tlang lian ve tak pakaht chu siam chhuakin David-a chalah tak mai chuan ava vawm ri chawrh mai a.

DAvid-a pawh a dak awrh mai, mahse a che sawn eih chuang lo. Augustine-a chuan mak a ti takzet, DAvid-a pawh chuan mak ti tak hian a en hu ringawt a. Chutah Augustine-a chuan vur tlang dang pakhat chu siam chhuak leh in DAvid-a chu ava vawm leh ta, mahse a bul a rawn thlen hma chuan DAvid-a chuan meialh hlawm a lo siam chhuak ve nghal a.

Vur tlang lo leng phei mek chu a va vawm chilh a, vur chu a keh chhuai a, leiah chuan a tuiral nghal vek mai. Augustine-a chuan phawk hru hian a en a, "Nangpawh maw?" a ti hu mai. Chutiang bawkin EMily pawh chuan mak tiin David-a chu a lo en ve hu mai, a rawn ding chhuak a, ngawi rengin an vai mai chuan an in en hu ringawt hlawm mai. 

*******************************************

Zorama leng haw pawh chumi school building hlui bul bawk chu a lo thleng ve chiah a, a thiltihtheihna chu han lantir a chak leh tlat mai. Building hnungah chuan a kal phei ve ta a, ramhnuai lam a nih avangin han chhem thawt leh heuh heuh pawh a chak leh tawh a ni mahna.

Mahse a kal thui hma chuan a ding chat mai, Augustine-a, Emily leh David-a te lo ding ngawi reng, lo inmelh ran mai te chu a va hmu a. Bang phenah chuan biru in a han en thla a, David-a te pathum chu an la ding ngawi reng. Augustine-a chu a han maimitchhing vang vang a, "Tute nge in nih...enge ka lakah in duh?" a han ti khur dar dar a.

David-a chu a han thaw deuh hak a, "Khawi atanga i neih nge.... i power kha khawi atanga i neih nge?" tiin a lo zawt let ve nghal a. Emily pawh chuan DAvid-a chu en hu in, "Nangpawn i nei ve...engtia i neih nge sawi hmasa rawh." a lo ti ve bawk a. David-a lah chuan, "I nei ve zawk ami?" tiin a lo zawt leh ve leh hu mai.

Emily chuan a kut chu a awm zawnah chuan a dah a, a kut chu a pharh chhuak a. Tichuan tui chu a siam chhuak leh ta a, David-a chuan mak tiin a en hu mai. 

Chuveleh Augustine-a chuan Emily inring lo lai chu vur tlang chuan ava kap leh thut a, Emily chu a leng dawrh mai. David-a pawh a phu zuk a, mahse a inring hman lo.

Augustine-a chuan vur tlang chu a kap chhuak leh a, David-a chu a che ve hman tawh ngang lo a ni e, a thal ve ta tawp mai. Rang takin Augustine-a chu tlanchhiat a tum a, mahse a hma zawnah chuan Zorama chu a lo ding reng mai. Augustine-a tawng hma hma chuan Zorama chuan a han chhem vak a, thli na tak thawk ang mai hian a bul vel chu a thaw nasa kher mai.

Augsutine-a pawh chu a leng dawrh a, thignkung lian takah chuan a ri dawt a, leiah chuan a tla thum dut mai. Rang takin a tho leh a, Emily leh David-a te pawh chu an rawn tho ve leh nghal bawk. An pali chuan an in en thap a, inbeih ringin an inveh dan dan hlawm mai. Chutah lir a nghing amaw tih mai tur hian an awmna lai chu a rawn che dawt dawt a, building hnuai, thim mup atang chuan thawm a rawn awm a.

An pali chuan an va hawi rual thap mai, chutah le... lei chu a rawn khi phei that that a, an zawn a rawn thlen chian chuan an pali chuan an kang dawrh mai a, leichhung atang chuan bomb a rawn puak a maw tih mai tir hian a ri dur mai a. Sang takah an kang a, an pali chuan an tla hlawp tawp tawp hlawm mai a.

Building hnuai thim lai atang chuan tu emaw hi muang chang hian a rawn phei a, a rawn lan chian meuh chuan Ruatfela, an zinga upa ber a lo ni reng mai. Mak ti tak hian Ruatfela chu an en thap hlawm a, "Duhtawk rawh u...kan panga hian engemaw sawi khawm kan ngai a ni." puitling tak leh chiang fak si chuan a rawn ti a, an ngawi thap mai.

****************************************

TO BE CONTINUE