USAGI 3 : ANOTHER KILLING SPREE ENGLISH : DARK BUNNY [MIZO HORROR/SLASHER FICTION STORY] Written by : Aaron Malsawmdawngzuala WARNING : 18+ CHAPTER - 6 LAST

 USAGI 3 : ANOTHER KILLING SPREE

ENGLISH : DARK BUNNY

[MIZO HORROR/SLASHER FICTION STORY]

Written by : Aaron Malsawmdawngzuala

WARNING : 18+

CHAPTER - 6

LAST

***************************************

Inchhung chu a lo thim ruih mai a, engkim mai chu a balh hmel em em bawk. Mahse a zau angreng phian a, inchung pan chhohna step thleng chuan a awm kim ve thlap mai. Esi chu a hawi kual a, a awmna atanga hla vak lo, thim deuh laiah chuan mipakhat hi amahhnungchhawn zawng hian a lo ding run a.

Rawn hawi miah lo hian, "KAwngka kha chhung lam atang khan kalh rawh." a rawn ti ringawt a. Esi chuan a kalh ve mai bawk, "I phone kha switch off la, i bula bukcet ah khan dah rawh." a han ti leh a. Esi chuan a phone chu a han hmet nauh nauh va, switch off ta lo chuan a silent a, DO NOT DISTURB ah a dah bawk a, tichuan bucket ah chuan a dah ta a.

Esi chuan ava en a, "Ka dah tawh e." a han ti zawi sap a. Chupa chu muang chang chuan a rawn hawi a, Dr. Manuna ngei a lo ni. Esi chuan mak ti tak hian a en a, "Dr. Manun?" a ti deuh hu mai. Dr. Manuna chu a lo nui deuh suk a, "Ni e, Dr. Manuna ngei kha ka ni." a lo ti vel ham ham a.

Esi chuan mak a ti takzet, "Enge awmzia? Nang hi...nang hian Tepuii te nufa chu i kidnap amaw?" tiin a han zawt leh hu a. Manuna chuan a lu a han bu nghauh nghauh va, "Niang chu mawle...keima tih vek a ni." a lo ti leh a. Esi chu a thinrim kher mai, "Engvanga ti nge i nih?" a han ti vin deuh hlur a.

Manuna chu a lo khi leh suk a, "A chhan chu maw....a ngai a nimai. Ka tih ngei ngei a ngai a ni, ka hmu duh si che a, ka mamawh si che a, chuvang chuan khatiang khan ka ti ta mai a ni." tiin a lo chhang leh a. Esi chuan huat hmel tak hian a han en run a, "Ka number pawh i neih mai kha, engvangin nge tha taka min rawn biak mai loh? Ka thiannu in a tawrh enge a tulna, a fanu pawh i zuah lo ania?" a ti khur khur mai.

Manuna chu a han thaw deuh hak a, "Esi, USAGI sole survivor i nih kha....engkimah i fimkhur tih ka hria. Hlauthawng reng rengin i awm a, tumah i ring zo tawh lo. Chuvang chuan hetia chet nghal rawp rawp mai hi a tha zawk ang ka tia, a pawi viau a mi, an la thi em hleinem?" ala ti zui.

Esi chu thinrim tak chuan a va kal hnai a, "Khawiah nge an awm?" tiin Dr. Manuna mitah tak chuan a en ran mai. Manuna lah chu a lo nui huk a, "An tha, an ngaihtuahawm loh. Chumi hma chuan nang hi ka mamawh phawt che, ka thu i awih phawt angai ang." tiin a lo chhang a.

Esi chu a han ngawi vang vang a, "Enga tan nge min tih?" a han ti vin leh hlur a. Manuna chu inchung panna step ah chuan chhovin, "Min lo zui rawh." a ti hmuk ringawt. Esi chuan a zui ve zel a, room pakhat hi an thleng a. Esi chuan a hrethiam lo kher mai, "Chuan...engtin zel?" tiin a zawt a.

Manuna chu a han thawk leh deuh hak a, "Keimah tak chuan i lakah problem ka nei lo...mamawhna che pawh ka nei vak lo. Ka fapa zawk ania, ka fapa in a hmu duh che a." a ti ta daih mai a, Esi chuan a en hru mai. A ngaih a tha lo hle mai a, "Enge awmzia?" a ti leh hu mai.

Manuna chuan room kawngka chu a hawng a, "SAw saw ania ka fapa chu.." tiin room tukverh bula mi pakhat, anmahni hnungchhawn zawnga lo thu run mai chu a kawk a. Esi chuan a hrethiam lo tulh tulh mai, "Saw saw tunge?" tiin a zawt leh hu mai a. Manuna chu room chhungah chuan a lut a, Esi chuan a zui lut ve leh a.

Manuna chuan chupa chu a han en vang vang a, "BAwiha, hei Esi chu a lo kal. I hmuh chak em em kha a lo kal ania." a han ti a, chupa chu muang chang chuan a han dak chhuak a. Esi chu ava kal hnai deuh va, a en hu mai. Chupa chu a rawn ding chhuak a, a lo lian em em mai lehnghal.

Esi chuan a chho en ta vu mai, chutah Dr. Manuna chu room atang chuan a chhuak thut a, kawngka chu a khar hmak mai. Esi chuan hnunglam ava hawi a, "Enge awmzia?" a ti vak a. Chupa chu lehlam a rawn hawi a, mahse a hmui a tuam avang chuan a hmel a lang thei lo.

Esi thin chu a phu dep dep mai, chutah chupa chuan dawhkana sazupui hmaikawr lo let reng mai chu a la a, a vuah ta. Esi chuan tunge a nih chiang takin a hria, a chil a lem dawk mai. Rsa ngei a ni tih chu a chiang tawh kher mai a, a thlan a tla nghal zawih zawih mai.

Chutah Rsa chuan a rawn pan ta chhur chhur mai le, hmanrua erawh engmah a keng lo. Esi chu chhuah a tum a, mahse room kawngka chu pawn lam atang chuan a lo inkalh daih mai, "Pu Manun, lo hawng vat rawh...min chhuah tir rawh." tiin a chum vak vak a.

Mahse tuman an rawn hawng der mai si lo, Rsa chuan a rawn pan hnai zel mai si. Esi chuan hmanrua a zawng kual nghal a, khum sira pangpang khawina pot lo awm chu a hmu fuh hlauh mai. Rsa chu a rawn thleng ta, Esi chuan a lu ah tak chuan pit chuan a chhu thuai mai a. Pot pawh a keh sawm nghal vek, Rsa chu a hawi sawk mai.

Mahse na ti awm ang pawhin a lang leh ta lo, a dinna ngai ah chuan ala ding reng. Muang chang chuan a rawn hawi leh a, Esi chu a melh leh ta run mai. Esi hlau chu tlanchhiat a tum a, mahse Rsa chuan a man bet rang kher mai. Bang deng dawt khawp chuan a theh hian a theh phei lawp a, Esi chu chhuatah chuan a bawk thla hnawk mai.

A ban chu ala sawh na deuh zui a, a kawng a sawh na bawk a. Rsa chuan a rawn pan leh a, a samah chuan a rawn tham a. A tham tho leh lawp a, almerah lian vak lo hi room chhungah chuan a awm ve a. Esi sama kek chung chuan Rsa chuan a hnuk phei a, darthlalang keh chuai khawi chuan Esi lu chu a tauh tir leh a.

Khumah chuan a theh phei leh lawp mai a, Esi chu khumah chuan a bawk thlawp mai. A chal chu a kak a, thisen a chhuak zawih zawih a. A chau tawh takzet, Rsa chuan ala duhtawk lo nasa mai. Khumah chuan a rawn lawn ve a, Esi chu thutbetin a rek ta chiam mai le.

Esi chu a thaw tha hleithei der lo mai a, a hmai chu a dang nghal vek mai. A kut chuan Rsa hmai chu theih tawp chuan a nam ve tawk tawk a, mahse a hneh ngang lo. Mahse vanneih thlak tak maiin pawt keh them, hriam tak mai hi khumah chuan a lo awm hlauh mai a.

Esi chuan a ban fuh hlauh mai, Rsa bengah chuan a vit ta siah mai a, Rsa chuan a thlah rang kher mai. A beng chu a hup a, khum atang chuan a ta thla a. A beng atang chuan thisen a chhuak zawih zawih a, a dawm vawng vawng mai. Esi chuan a hrawk chu a dawm a, a khuh uak vak vak a.

Thei leh thei lo hian khum atang chuan a vah hian a vak thal a, kawngka lam chu a pan a. Hawn a han tum leh a, mahse a thei si lo. A ding kang hram hram a, a chhum vak vak a, a chhuih bawk. Mahse awmzia a nei der mai si lo, chutah Rsa chu a rawn tho leh ta.

A rawn rum phei leh ta ngut ngut mai, Esi chuan kawngka chu hawn a lo la tum mek a. Rsa chu rawn tlan phei thutin Esi chu rawn hnek a tum a, mahse Esi chu a lo awm sawn hman hlauh va. Rsa chuan room kawngkhar zawk chu a hnek ta siah mai a, a hnek na bawk aniang, a kek tlang hawk mai.

Room kawngkhar chu a kaw ta huau mai a, Esi chuan almirah lam chu ava pan a. surgery knife a hmu fuh hlauh mai. Rang tak chuan a la nghal a, Rsa chuan a rawn pan leh mek a. Esi chuan a lo tin nghal, mahse RSa chuan a hlauh loh hmel kher mai. Esi chuan vih a han tum a, mahse RSa chuan a kut chu awlsam tak chuan a lo man chat a.

A hrawkah chuan rek leh in bangah chuan a nam bet a, hnai takah hian a melh run a. Esi chuan Rsa kut chu lo dan a tum ve nasa mai, a surgery knife kenna lam zawk chu Rsa chuan a manbet ve ran bawk si. Esi chuan Rsa mitah chuan ava kawmsak vak a, Rsa na ti lutuk chuan a thlah ve ta nge nge a.

A mit chu a dawm vawng vawng a, Esi chu a thaw hrawk hrawk mai. Chutia Rsa na tuar lai chu remchangah la in surgery knife chuan a hnute ah chuan a vit pawp a, a phawi leh hrawk mai. Rsa chu a tawlh hnung a, Esi chuan ahmeikawr thler hlawk khawp chuan a han vai leh pawp a, Rsa chu a thingthi deuh hnawk a. A hmai dawmin a kun leh ngawih ngawih mai.

Esi chuan a hnungzangah tak mai chuan surgery knife chuan a vit tlum pawk mai a, Rsa pawh a t(r)e deuh thawt a. Esi chu kawngka lam pan chuan a tlan phei vat a, kawngkhar kua chu a han chhui bal leh zual a, a kut a leng ta. A kut chu a rawlh a, pawnlam atang chuan a hawng thei ta hlauh mai.

Rang tak chuan a tlan chhuak nghal a, Rsa chu a rawn tho leh nghal. A mit lehlam, esi kawmna lam zawng chu a sen rum mai a, a hnungzanga surgery knife chu a phawi ri leh pawk mai. Kawngka lam chu ava pan ve nghal a, Esi chu a zawng kuala . MAhse inchhung chu a lo reh diak mai a, Esi pawh hmuh tur a awm hauh lo, kawngka pui a zuk en thla a, a lo la inkalh thlap bawk si.

********************************************

Isaka chu a mangang kher mai, a ngaih a tha lo takzet. A fanu Rosy lah chuan, "Apa tinge he lamah kan kal daih a, kan la haw dawn lo ami?" tiin a lo zawt a. Za lo tih hriat tak si chuan Isaka chu a nui lui sak a, "Nia...thil tih lawk tur ka nei a." tiin a chhang a.

A phone a phawrh a, message pakhat a hmu chu motor a tiding nghal. A han chhiar mual mual a, a hlauhthawn hmel kher mai. A ngawi vang vang a, "BAwihte, ihh... ka thiannu bulah i awm lawk angai dawn a. Thuawih deuhvin lo awm rawh aw, ka lo let leh vat ang." a han ti a.

Rosy chuan a hrethiam lo kher mai, "Khawiah nge i kal dawn? Ka kal ve duh alawm." a lo ti a. Isaka chu a han ngawi vang vang a, "Ihh..thil ka lo hawn ang che. I cycle duh deuh kha ka lo hawn ang che aw...a tha em?" a han ti leh a, Rosy pawh chuan a duh ve ta hram a.

Isaka chuan nurse Rempuii chu a call a, a fanu lo awmpui lawk tur chuan a ngen ta tawp mai. Rempuii day-off a lo ni hlauh bawk nen, Rempuii chuan mak ti angreng hle mahse a pawm ve ta mai bawk a. Isaka chu REmpui te in lam pan chuan a tlan let leh nghal vang vang a, reiloteah chuan a thleng ta a.

Rempuii bulah chuan a fanu Rosy chu a hnutchhiah a ngai ta tlat mai, "Enge awmzia ni hrim hrim a, khawnge i kal dawn a?" tiin ngaihtha vak lo tak chung chuan Rempuii chuan a zawt a. Isaka chu a khi suk a, "Ka lo let leh vat ang, a ngai tlat." tih ringawt chuan a chhang a.

Rempuii pawh chuan a zawt lui tawh bik lem lo, Isaka chuan a fanu bulah chuan thuawih taka lo awm tur chuan a hrilh a, a kalsan ta a. Rempuii pawh chuan Rosy chu a buaipui ve mai bawk a, mahse Isaka phone theihnghilh, thutthleng sira mi chu a hmu hlauh mai.

A lo la lock lo lenghal a, ISaka hmel atang khan engemaw dik lo a awm tih chu REmpuii chuan a hai mawlh lo. Isaka phone chu ava en a, inthlahrung rilru hle mahse thil dik lo a awm ngei a ring bawk si. A message chu a check ta a, a hmasa ber a han chhiar chu ani pawh chu a meng hrawk mai.

************************************************

Deborah-i chu a rawn harh zawk mai, room ruak thim takah hian chhuatah a lo mu a. Kelawnga awmin kekawr bul leh tawnzau chiah hi a lo ha a, a kut chu hnung lama phuar a lo ni a, a ke pawh phuar niin a hmui chu tape-a tuam a ni bawk. A tal vak vak a, mahse a tal chhuak thei lo.

Au a tum a, a au ring thei bawk si lo. A han hawi kual a, room chu a ruak vek mai bawk si. Mahse bang kil a pekrek zum rawn lawr chu ava hmu fuh hlauh mai, chumi lam pan tum chuan thei leh thei lo hian a tawlh phei a, perek zum ah chuan a kut phuarna chu tih chah a tum a.

Mahse hnunglam a lo ni bawk si nen, a tumna lamah chuan a kut a pilh phung mai. A rei em em mai lehnghal, mahse a tawp a tawpah chuan a phelh thei ta hlauh mai. Rang takin a ke an phuarna pawh chu a phelh nghal a, a hmui tuamna pawh chu a phelh nghal bawk.

Room atang chuan a chhuak nghal a, mahse a awmna hmun chu mak a ti kher mai. A thim em em a, bang kaw neuh neuh kar atanga nizung lo lut tih loh chu eng dang vak a awm lo. Thingzai a awm teuh va, kumdam zau tak hi a ang ber. A hnawk em em bawk a, sava an chiap nuah nuah bawk.

Deborah-i chu a phei zel a, a thim em avang chuan kawng pawh a hmu tha hleithei lo. Chutah buh her khawl phen atang chuan Dr. Manuna chu a rawn chhuak thut mai, Deborah-i phu nasa lutuk chu a t(r)e thawt a. Manuna chuan pipe bung hi a lo keng a, Deborah-i lu ah tak mai chuan a hlap pawp mai.

Deborah-i chu a thal tawp mai a, a lu hai muai muai mai. Manuna chuan a han melh vang vang a, "Nuam ka chenpui hma che chu i chhuak dawn lo ka tih kha, Hmeli." tih pah chuan a kawr chu a phelh a, a kekawr pawh chu a phelh ta mai. Deborah-i chu a bawhbet a, Deborah-i chuan a lo dang hram hram a.

Manuna pawh a lo tar ve tawh bawk nen, chuti mai chuan a pawngsual thei bik lo. Chutih lai chuan Esi chu hnunglam atang chuan a rawn lang hlawl mai a, pipe bung chu chharin Dr. Manuna luah tak chuan a rawn hlap ve pawp mai. Dr. Manuna chu a thal tual mai a, a lu chu a dawm vawng vawng mai.

Thawh tum chuan a rawn inbeng kang a, Esi chuan dim hauh lo hian a khabe ah chuan a chho zawngin a han hlap dak leh awrh mai a. Dr. Manuna chu nikhawhrelovin a let ta der mai. Esi chuan Deborah-i chu a kai tho va, "Engtin nge hetah i awm, enge i tih?" tiin Deborah-i chuan a lo zawt hu mai a.

Esi chu a han thaw deuh hak a, "Chu chu keipawh ka zawhna a ni, hetah enge i tih?" tiin a lo awt let ve a. Deborah-i chuan Dr. Manuna let reng mai chu a kawk a, "HEpa hian min hruai a, tichuan min hrai rui a...ka harh leh chuan hetah hian ka lo awm." tiin a chhang a.

Esi chu a han inngaihtuah vang vang a, "Titi hman kan ni lo, Deborah...helai hmun atang hian kan chhuah vat angai." a han ti a. Deborah-i chu a han hawi kual leh a, "HElai hi khawilai nge ni reng reng a?" a lo ti hu mai. "BAsement a nih hi..inchungah khian Rsa a la awm a, min thah a tum a, ka rawn tlanchhuak thei hram a nih hi." tiin Esi chuana  chhang a.

***************************************

Rsa pawh chuan inchhungah chuan Esi chu ala zawng kual nasa mai, a hmuh mai loh avang chuan a thinrim lutuk chu bungbel vel te chu a theh darh vak vak a, thutthleng te chu a theh thal rum bawk a, a thawm chu a ring kher mai. Inhnuai kudam chhukthlakna lam chu a hmu fuh a, a en ta vang vang mai.

Choka lamah chuan va phei hmasa in a sa chan chem ngei mai chu ava la chhuak a, tichuan inhnuai kudam lam pan chuan a chhuk ta a. A lo thim ruih mai a, light te chu a han on eng a. Mahse tumah a hmu lo, bungrua leh thingzai a tam em em a, buhherh khawl, thingzai khawl leh hmanraw hlui zet zet chu a awm nual bawk

Rsa chu a han hawi kual a, chu kudam zau tak mai chu a reh tlawk tlawk ringawt mai. A zawng kual leh a, mahse tumah a hmu lo. Chutah thingzai phen atang chuan Esi chu a rawn lang thut mai a, Rsa chu pipe bung bawk chuan a rawn hlap pawp mai. Rsa chu a thle sawk a, pen hnih vel chu a tawlh hnung a.

Chuveleh Esi chuan a bula lo biru ve, Deborah-i chu a kai tho nghal a. "Lo kal rawh.tunah, vatin.." tiin a tlanchhiat pui nghal a, kudam atang chuan a chhuak a, inchung lamah chuan an inzui chho va. Kudam kawngka chu pawn lam atangin an kalh tlat bawk, inchung chu an thleng ta.

Mahse Deborah-i chu a ding ta tlat mai, "Enge...tinge ila din?" tiin Esi chu a vin hlur tawh mai. Deborah-i chu a han thaw deuh halh halh a, "Nilo...ka u kha ka kalsan ve thei lo. Manuna bula a awm leh chuan a thi mai ang, ka thei lo." a ti ta tlat mai a. Esi chu a thinrim kher mai, "I mawl em ni, Deborah? Tun hi kan chance neih chhun a nih hi, chhuak vat ila, police hnenah kan report vat zawk dawn alawm." a lo ti kher mai a.

MAhse Deborah-i chuan a lu a thing a, "I tan chuan hmelma a ni maithei, mahse ka unaupa neihchhun a ni. Min ngaidam rawh, Esi...helai hmun atang hian ka u hi ka hruai tel ve dawn a ni." a ti leh tlat mai a. Esi chu a mangang tawh kher mai, "Deborah, mi mawl tak i ni tih i inhria em, tunah hian?" a han ti deuh thlawt a.

Deborah-i mittui chu a tling teuh va, "Ka hria, mimawl tak ka ni. Esi, chhuak la...police chu va ko rawh. Kei chu min ngaihtuah suh, ka u tello chuan ka kal dawn lo." tiin inhnuai lam pan chuan a chhuk leh ta daih mai. Esi chuan a han umzui dawn a, "Deborah, i mawl ami? Lo let leh rawh, Deborah..." tiin a au vak vak a.

Mahse DEborah-i chu a chhuk lui tho va, Esi chuan a umzui ngam chiah tawh bik si lo. A lu a dawm vang vang a, "Mimawl nu leh.." tih vawng vawng pah chuan a bula thutthleng chu a tlawh thal thuai a, Deborah-i kalsan tawp mai chu a tha ber angem tih a hrethiam bik si lo.

***********************************

DEborah-i chuan kudam chu a zuk thleng a, a lo reh thuap mai. KAwngka chu a hawng a, light pawh chu a lo la in on eng vek a. A han hawi kual a, tumah a hmu tawh lo. Dr. Manuna pawh a lo awm tawh lo, "U...U keimah...i nau, Deborah-i. Lo chhuak rawh, u...ka lo kal ania." a han ti vak vak a.

Chutah hnunglam atang chuan Dr. Manuna chu a rawn lang thut mai, Deborah-i hmuiah chuan rawmawl bawk chuan a rawn hup leh thut a, Deborah-i pawh zawi zawih chuan a zal riai riai a. Nikhawhrelovin a awm a, a let ta der mai. Rsa chu a rawn lang ve leh a, Dr. Manuna chu a rawn nam sawn deuh dawrh a.

Manuna lah chu a lo chek hlur a, "Ka khawih nat loh kha...engtin mah ka tih loh kha mawle, ka ti muhil mai chauh a nih kha." tiin a vin hrep a. Rsa chu a lungawi lo, Manuna chu a melh khur mai a. Manuna chu a han thaw hak a, "AWle BAwiha, ka sawi fiah ang. I nau hi Esi rawn hruai a nia, a inrawlh loh nan tiin inhnuaiah ka bihruk tir mai chauh a nih hi. Esi khan a fuihpawrh alawm, keite chuan ka venghim mai chauh zawk a nih hi." tiin dawt chu a han sawi zuah zuah a.

Rsa chuan ala melh rum ngang mai, a nau chu a pawm nawlh a. Inchungah chuan an chhoh pui dun a, Esi chu a lo awm tawh lo. Manuna chu a han thaw deuh hak a, "Lalruatsang, hmeichhe awmnem zawk pawh awlsam takin i that thei lova maw? Mipa palian pui pui pawh i pawtsawm vek thei a ni lawm ni, engtin nge i hmelma lian ber, hmeichhia lehnghal, i tlanchhuah tir theih zawk a?" tiin a han vin hrep a.

Mahse Rsa chuan a ngaihsak loh hmel kher mai, Deborah-i chu duat tak chuan thutthlegn seiah chuan a mut a. A samah chuan a chul sak hliau hliau va, Manuna chu ala ang mawlh mawlh bawk. A han maimitchhing vang vang a, "A kal hlat hma a kan um vat angai ang, a nih loh chuan police hnenah engkima  sawi vek anga, ka thi a nimai." a han ti leh bul bul a.

A ipte atang chuan Esi phone chu a la chhuak a, "A phone ka kawl hlauh zawk a, a lo la switch off lo ve khanglang zui lehnghal." tih nuah nuah pah chuan Rsa chu ava en a, "Ruatsang, kan kal angai. Esi kha kan umzui angai, i nau kha chu tikhan amah in awm rawh se, a tha mai ang." a han ti leh khur khur a.

Chutih lai chuan an inkawtah chuan thawm an hre tlat mai, rang takin kawngka pui, Esi a lo tlanchhuah tawhna avanga inhawng huau mai chu MAnuna chuan kharin a kalh vat a. An thawm hriat chu motor ri a ni lehnghal, tukverh ah chuan Manuna chu a han dak dek dek a.

Motor chu an inkawtah chuan a rawn ding ngei bawk, a chhung atang chuan Isaka chu a rawn chhuak hlawl mai. Manuna chuan mak a ti kher mai a, "Ehe..saw chu Isaka a nih saw.." a han ti chiah chu Rsa beng a verh zar mai, rang takin a rawn kal a, tukverh ah chuan a rawn dak ve ta.

A thinrim chu a so bulh bulh mai a, "Rs, engmah tih angai lo. Nghak rih rawh....plan ka nei alawm." MAnuna chuan a lo ti vat a. MAhse Rsa chu a insum hman lo, bang kila hreite inkhai chu a la lawk a, chhuah a tum ta mai. Manuna chuan a lo dang nghal, "I mawl ami, Rs...ti suh. Tunah chuan mumal taka kan chet angai, Isaka kan man anga, Esi vau nan kan hmang ang." tiin a han hrihfiah a.

Rsa chu kal luih a tum a, a theih tawp chuan Manuna chuan a dang a. Zaidam tak hian, "BAWiha, BAwiha...min en teh... Ka thusawi ngaithla rawh, ani saw nung dama kan man angai. I that em em ang, mahse Esi koh nan kan hman tangkai angai alawm." a han ti leh a.

Mahse Rsa chu a insum zo ngang tawh lo, Manuna chu a nam sawn dawrh a. Manuna chu a inchhuih khut a, dawhkan hmawr zumah chuan a lu chu a tauh va, ahma in vuak a lo ni tawh bawk nen, nikhawhrelovin awm leh ta der mai. Rsa chuan kawngka lam chu a va pan a, Isaka chu thah ngei a tum ruh hle.

******************************************************

Isaka chuan kawngka lam chu a pan zel a, a phone a keng lo tih a la hrechhuak zui. MAhse a kal lui zel a, a thleng dawn tep tih ah chuan kawngka chu a rawn inhawng thut mai. Rsa chu hreite nen a rawn tlan chhuak ta mai a, Isaka phu nasa lutuk chu a ding chat mai.

Rsa a hmu thut mai chu a hlau kher mai, a motor lam pan chuan a tlan let leh nghal a. MAhse motor kawngkhar chu a hawng thei mai lo lehnghal, a kut chu a khur hlawk hlawk mai a. Rsa chu a rawn thleng ta, hreite chu lek kangin Isaka chu rawn cheh a tum ta mai a.

Mahse Isaka chu a lo awm sawn hman hlauh mai, motor side glass chu a chek thla hlawk mai a. Tichuan an inbei ta, Rsa chuan a vai thuak thuak mai a. A vai fuh teuh thei kher mai, insir lampangah chuan Isaka chu a tawlh hnung zel a, Rsa chu a thinrim em avang chuan a che buan buan hi a ni ber mai, Isaka chu a chek fu thei lawk bik lo.

In bang, thing atanga siam chu ISaka cheh a tumna lamah Rsa chuan a chek a, hreite chu a tang a. Rsa chuan a phawi thei mai lo, a lut thuk hman lutuk tlat. Chu chu remchangah la in Isaka chuan Rsa chu a va su phei pawp a, leiah chuan a bawh thlu ta. A theih patawp chuan Isaka chuan a han hnek siah siah a, mahse vawi 4 vel bak a hnek hman lo.

RSa chuan a lehthal leh a, leiah chuan thut betin a rek ta vak vak mai a. Isaka thaw chu a chham hman tep, mahse Rsa hnute hliam, a kawr pawp atanga lo la thi ser ser chu a hmu fuh hlauh mai. NA tak chuan a kutzung tang chuan a kawm sak a, Rsa na ti lutuk chuan a thlah ta.

Isaka chu a tho vat a, Rsa pawh chu a rawn tho chhuak ve leh nghal. Isaka chuan Rsa chu a han hnek leh siah a, mahse chu chu Rsa ti thinrim zualtu mai chauh a ni. Isaka chuan hneka  han tum leh a, mahse Rsa chuan a lo dang a. In bang deng dawt khawp chuan a theh phei ta mai, Isaka chu a bawk thlawp mai a.

A tho thei tawh lawk bik lo, na a ti lutuk tlat. Rsa chuan hreite chu a phawi ri chawk a, Isaka cheh tum chuan ava pan leh ta. Mahse silai a puak dur a, a dar chu a rawn thip zawk mai. A va hawi let a, thi hnuang hian Esi chu a hnungah chuan a lo ding reng mai.

Pistol puakruk chu a lo hum ran mai a, chu chu choka ami, Dr. Manuna ta niin Deborah-i kudam-a a let leh hlana a lo la chhuah a ni. Rsa chuan ava pan a, mahse Esi chuan Rsa banah chuan a kap leh a. Rsa chu a ding leh chat mai, "Rs..khawnge DEborah-i a awm? Khawnge a awm?.." a han ti vin tuar tuar a.

Mahse Rsa chuan a chhang lo, ava pan leh a. Esi chuan a ke ah chuan a kap leh a, Rsa chu a thingthi hnawk mai. Esi chu ISaka bulah chuan ava kal vat a, a pasal chu a kai tho va. Isaka chuan pistol chu a lo lak sak a, Rsa chu an va pan hnai a. Rsa chu a rawn tho leh a, mahse pen khat a pen a, a thingthi lehnghal dawt mai.

Isaka chu ava kal hnai a, "I khamawm tawh khawp mai, Lalruatsang. A tawk zozai tawh e, engpawh tawk dawn ila...jail ka tang emaw, tang lo emaw... he khawvel atang hian ka paih bo tawh dawn che." tih pah chuan a tin a, mahse Manuna a rawn lang ve leh ta.

Deborah-i chu a rawn rek phei a, chemte in a tin bawk. Muangchanga rawn phei pah hian, "Han kap vaih teh, Isak... DEborah-i hi... pawisawi lo hi ka that hreh miah lo tih hria ang che." a rawn ti phei khur khur mai a. ISaka chu a che ngam ta bik lo, Esi nen chuan an ngawi reng a.

Deborah-i pawh a lo harh leh hman tawh a, mahse damdawi chu ala ruih deuh avangin a meng chuai mai a, mu leh mal a hre vak lo. Isaka chuan rum tak hian a melh a, "Pu Manun... nangmah vek hi maw lo ni a. Rsa pui thintu hi nangmah maw, engvanga ti nge i nih?" tiin a han zawt a.

Manuna chu a khi suk a, "A chhan chu ka fapa a nih vang a ni, ka fapa diktak a ni." a ti ta mai a. Rsa pawh chuan mak a ti ve deuh nge ni, thingthi reng chung chuan ava hawilet a. Manuna chu a mittui a lo tling teuh mai, "Ni e, BAWiha. I pa diktak zawk chu keimah hi ka ni asin, i nu pasal Zomuana kha.. i pa a ni lo, Deborah-i pa zawk hi a ni. I nau tak tak a ni lo, BAwiha.... nang hi ka fapa neih chhun tak tak i ni asin." a ti leh ta mai a.

Esi chuan a awih lo kher mai, "Rs... i thluak suk a tum a nih kha. Ani hian pawisa duh vang chauhvin a hmang che a ni, mi hausa tak tak that tur che in thu a pe che a, ama tana hlawkna vek a ni. A man mek saw i nau a nih saw... i hmelma kan ni lo, Rs... Dr. Manuna khan dawt a hrilh che a ni, ani saw i hmelma zawk chu a ni." a lo ti ve nghal a.

Manuna chuan vin zet hian, "DAwt ka sawi lo, Esther. Rsa hi Lalrinawmi nena kan fa ngei a ni. Lalruatsanga hi kum 1987 khan Bulegn khuaah a lo piang a, keimah ngeiin ka zai chhuak a ni. Thudik tak a ni ka sawi, Rsa hi ka fapa a ni." a ti leh ta vak vak mai a.

Isaka chuan vin zet hian, "Anih chuan engvangin nge Pi Rinawmi chuan pasal dang a neih si...enge awmzia?" a lo ti ve hlur mai a. Manuna chu a han ngawi vang vang a, "A chhan chu kei hian ka nei duh lo a ni, tihpalh thil thu liau liauvin kan che sual a, tah pawh khan pasal a nei daih tawh. Ka ruih vang vek, mahse zep turin ka ti a. Kan inngaizawng reng thin, mahse nupui atan ani ang rethei lutuk kha chu ka duh lo a ni. Tichuan pawisa tam tham tak pek ka tum a, zep turin ka ti a. Mahse a la duh lova, a zep ta tho va. Ti tla turin min tiam a, mahse a lo pai tlang daih a ni tih hi ka hre lawk bik lo. Kum 9 a nih laia, ka enkawl lai pawh khan ka fapa  ani tih reng ka hre lo. Rinawmi nena kan thuruk chu kan zep a, kan intheihnghilh sak ta a, thian angin kan inkawm leh tho. Mahse 1996 kum khan ka fapa, ka rila rah ngei chu ka lo enkawl reng a ni tih ka inhre hauh lo. Buleng khua ka chhuahsan hnu khan, Rsa ka kalsan hnu khan ka fapa a ni tih ka hre ve chauh va, ka hriat dan pawh Rinawmi khan a thih hma khan lehkha min pe a, min pek zanah khan a inthat a. Keilah chuan ka lo mangnghilh leh daih a, a hnu fe ah hmu chhuakin thudik chu ka hre ve chauh a ni. Let leh ka tum chuang lova, theihnghilh hmak pawh ka tum. Mahse kum tam tak a liam a, Rsa hi ka ngaihtuah thin em avangin USAGI lehkhabu ak ziak ta nge nge a. Enkawl chu ka mawhphurhna a ni tih hria in Mental Hospital ah khan kum 15 liam hnuah ka let leh a, mahse a lo tlan chhuak hman kha a ni a. KA zawng zel a, tichuan ka hmu a, ka enkawl chhunzawm ta a ni." tiin a sawi fiah ta a.

Esi leh Isaka te nupa chu an thinrim kher mai, "Tichuan i fapa chu hmanrua ah hmangin pawisa hmuh nan i fuih pawrh chho ta zel a, chutiang pa tenawm chu khawvelah hian an lo awm thei animaw?" Esi chuan a ti vawng vawng mai. Manuna chu a khi leh suk a, "Aw...ka fapa ania, ka hmang tangkai ang. Kum 2010 khan ka patient pakhat chu ka khawih a, ka hna atanga ban hian ka ni. Mahse ka lehkhabu ziah avangin ka hming hi a la lar hle a, RSa tualthahna zawng zawng nen a chhe zawng hlirin ka lar. Mi tamtakin min hmusit a, chu chu phuba ka la leh mai chauh a ni, ka fapa hmang ngeiin." tiin a lo chhang leh sak sak mai.

Chutah DEborah-i chu a rawn harh chiang ta, a tal vak vak a. Manuna chuan vin tak hian, "Tal suh, tal suh..ka vit che a nimai." tiin a lo vau nghal khur khur a. Deboorah-i chuan ring tak hian, "U...U..ka hlau ania, min chhan rawh." tiin a u chu a au ta vak vak mai a.

Rsa chuan thil hriat chhuah a nei ta tlat mai, a mumanga a nau mangang authawm ang chiah chiah a ni. A sa ta zak mai a, a ding leh ta ur ur mai. Chuveleh ISaka chuan a lo tin lehnghal, mahse Rsa chu hawiletin Manuna zawk chu ava en ta, Manuna lah chuan Deborah-i chu a lo la rek bet a.

Deborah-i chuan MAnuna kut chu  a seh sak ta vak mai a, Manuna na ti lutuk chuan a kuai vir nawk a, a beng thal tawp mai. Rsa thinrim chu a thaw ta halh halh mai a, a hreite chu lek kangin MAnuna dulah tak mai chu ava chek tlum thawih mai. Manuna chua  thingthi hnawk a, a thaw hrawk hrawk mai.

Esi chuan Deborah-i chu ava kai tho vat a, Manuna chuan Rsa chu a han en chho tawk tawk a. Thei leh thei lo hian, "Bawih..BAwiha...ka fapa. Min.. min ngaidam dawnnia." a thi tham tiak a. Rsa chuan Manuna mit pahnih ah chuan dimna nei hauh lo chuan a kawm sak ta, a kum thuk em em mai lehnghal. Manuna chu a rum deuh that that a,a  au chhuak hleithei lo.

Khua chua  thim tep tawh bawk, Manuna mit atang chuan thisen a luang thla zawih zawih a. Reiloteah chuan a tlu hnawk a, a thi ta der mai. Boruak chu a reh thiap mai a, Rsa chuan Deborah-i chu a han en vang vang a. Deborah-i chuan tap chung hian, "Ni lo, u...i nau diktak ka ni a, ka ni reng bawk ang." a lo ti tham tiak mai.

Rsa chu in hnunglam pan chuan a kal a, "U.. min kalsan tawh suh." tiin DEborah-i chuan ava umzui a. Mahse a hreite chuan a lo tin nghal a, Deborah-i chu a ding chat mai. Rsa chuan a lu a thing a, tichuan a kal leh ta a. Inhnunglam chu a pan zel a, pal karah chuan lutin mau hmun lam pan chuan a pil bo ta daih mai a, mittui tla zawih zawih hian a nau Deborah-i chuan a thlir zui vawng vawng ringawt mai a ni.

********************************************

Police an lo thleng a, an zingah chuan Rempuii a lo tel ve bawk. Rempuii khan Isaka phone a en khan Esi mesasge a hmu a, a ngaih tha lovin police a call a, an rawn umzui vek bawk a lo ni. Esi khan a phone kha a switch off tak tak lo kan tih tawh kha, Isaka a location hrilhin lo chhui zui zel turin message a thawn a, lo call lo tur leh engtin mah lo chhang let lo turin a hrilh a, police call nghal turin a lo hrilh lawk vek hi a lo ni.

Isaka lah chuan police ko ta mai lo chuan amah in ava kal a, a thih phah tep nghe nghe a nih kha. Thudik engkim sawi vek chu duh viau mahse, Esi chuan Deborah-i a khawngaih avangin Dr. Manuna chu misual tak a nih thu leh, ama thil tih vek a nih thu in a sawi ta tawp a.

In bul deuh lawkah chuan college student pahnih, Fela leh Dika ruang tawih tawh tak mai chu an hmu chhuak bawk a ni. Deborah-i chuan Esi chu lawmthu a hrilh a, tichuan an inkalsan ta a. Rempuii leh Esi pawh chu an inhaw tawh lo, a fanu a lo awmpui avang chuan lawmthu te hrilhin a hma a thil thleng vangte chuan an inngaidam tawn a, thiantha tak an nih phah ta a ni.

Isaka leh Esi te pawh chu self defence vanga mi that palh angin an lantir a, case an siam sak ta lo. An nupa chuan an haw leh a, an fanu Rosy chu hruai haw leh in him dam takin in an thleng leh a. Deborah-i pawh a chhungte bulah chuan let lehin a u chu a ngaihtuah zui vawng vawng a, a ngai kher mai.

Rsa erawh a chin hriat pawh a ni leh tawh lo, a bo leh ta vang vang mai. A lo lang leh angem, tualthahna dang hi a lo awm leh mai angem? Esi te nupa kha a rawn bei leh tho angem, a nau kha tikhan a kalsan tawp mai dawn em ni? Chung zawhna zawng zawng chu tuma chhan theih a ni lo, a chhan chu Rsa chu ala dam tlat a ni.

**********************************

THE END