MAMMON [MIZO FICTION ACTION/THRILLER STORY] Written by : Aaron Malsawmdawngzuala Chapter - 7

 MAMMON

[MIZO FICTION ACTION/THRILLER STORY]

Written by : Aaron Malsawmdawngzuala

Chapter - 7

**************************************

Chhun a ni a, ni a sa tha var var hle. Prison ground ah chuan tang te chu an vai suau suau va, a then an lo work out bawk. Ground sirah hian open gym angreng deuh hi a awm ve a, chutah chuan mitangte ho chu an work out thin a ni. Rina pawh dumbell chawiin a thlan buah tawh mai a, a bulah chuan ngawi reng hian Varun-a chu a thu ve bawk.

Rina chu a han hahchawl a, a thlan te chu a hru a. Rang takin VArun-a chuan tui in tur a lo pe nghal, Rina chuan a han in khawlh khawlh a. VArun-a chu a han en a, "I nu chu tunah a la dam ang tiraw?" tiin a han zawt a. Varun-a chu za lo tak hian a lo nui lui sak a, "Lehkha tam tak ka thawn tawh, mahse chhanletna ka la hmu lo. Ka chhungte tuman min rawn kan ngai hek lo, chuvang chuan engmah chanchin ka hre lo." tiin a lo chhang a.

Rina chuan tui chu a han lem leh khawlh khawlh a, "Anih Mumbai a awm hi em ni i nih?" tiin a han zawt leh a. VArun-a chuan a lu thingin, "Ni love, Delhi a awm leh seilian ka nia." tiin a lo chhang leh a. An address te thleng chuan a zawt a, Varun-a chuan a hrilh ve zel bawk.

Chutih lai chuan tang zing ami tho, vai dulkiar deuh mai hi a rawn kal a. A bulah chuan zing lama Rina'n a hnek, lukawlh-a kha a lo kal ve bawk. Dulkiar-a chuan Rina chu a han kawk a, "HEpa hi maw?" tiin a han zawt a. Lukawlh-a chuan a lu a lo bu nghat mai, Dulkiar-a chuan Rina chu a han en vang vang a.

A khi suk a, "KA nau hi ka awm loh hlanin ilo sawisa a ni maw?" tiin a han zawt a. Rina chuan a han en hu a, "Bhaia, Hindi ka thiam lo. English in sawi rawh, i thiam lo a nih chuan min rawn be suh." a lo ti hmak mai. Dulkiar-a lah chuan english thiam hek lo, "Sap tawngin ka bia e te chu min ti ve elaw....ding vat teh." tiin a han vin hrep a.

Rina chu a ding ve mai bawk a, "Ka sawi tawh kha..english i thiam lo anih chuan min rawn be suh, min be lui a nih chuan ka sawisa ve ang che." tiin rum tak chuan a melh a. Hmuhsit hmel tak hian Dulkiar-a chu a han nui vel huah huah a, "Hepa hi..min melh rum ve ngam a nih chu mawle.." tiin a han hawi kual vel a.

Midang ho pawh chu an lo nui a, mahse jail tang thenkhat, Rina chak zia mit ngeia lo hmu tawh tute erawh an nui ve hauh lo. Lukawlh pa ber pawh chu a nui tha ngam miah lo, "Zirtirna pek hlak i ngai a nih hi, naupang.." tiin Dulkiar-a chuan a han vin leh khur khur a.

Rina chuan mit khap miah lo hian a en reng a, "Tun chiah ka sawi tawh ang, vai tawnga min be leh a nih chuan ka sawisa ang che." a han ti chang leh fak mai a. VAi Dulkiar-a chuan nui chung hian, "A la tawng ngam ka ti...i va han.." a sawi zo hman lo.

A hnarah chuan Rina chuan a hnek siah mai, a dak awrh mai a. A lu a hai nghal muai muai bawk, a hnar atang chuan thisen a chhuak zawih zawih mai. A kal pai chhut chhut a, "Min....min hnek...min hnek ve ngam amaw?" ti bah nuai chung chuan zurui ang mai hian a pai khut khut mai.

Rina chu a han en a, mahse Rina chu a hmu vir ruai ruai mai. Chutah kutthlak chhunzawm leh ngai tawh miah lo chuan Dulkiar-a chu a tlu thal ta tawp mai a, a hnar nghal ang bawrh bawrh lehnghal a. A lo entu, jail tang ho chu an ngawi thap mai. PA lian pui pui leh hlauhawm hmel tak tak te pawh chuan Rina chu an en hrek hrek ringawt a, tumah chuan thawm an nei ngam lo.

Rina chuan a kawr chu a ha tha sawk sawk a, "Lunch ei a hun, kal ang le..Varun." a han ti a, Varun-a chu a tho vat a. Jail tang dang ho chuan kawng an lo kian sap sap a, Rina chu an chei boss tawh khawp mai. WArden Office tukverh atang chuan thil thleng chu Top Punch Official pathum, Pu Mukesh-a, Pu Ronley-a leh Pu Samir-a te chuan an lo hmu ve vek a.

Pu ROnley-a chu a han khi suk a, "Henry-a ka mitthlaah a rawn lang nghal, Henry-a jail tan tirh lai kha. A lo rei ve ta hle mai, tuna mi MAMMON in tih phei hi chu Henry-a aia a that ka la ring tlat a ni." tiin a han nui huah huah a. Pu Mukesh-a chuan thawk a han la te te a, "Huiham, hepa hi chu tha viau mahse a luhlul mah mah a ni." a han ti deuh hluai a.

"Pu Mukesh, a weakness kan zawn a ngai a ni. Engtiang pawhin lo chak mahse, mi zawng zawngin weakness kan nei vek. Chumi hmang chuan a vau zam theih em em ang, chu chu kan ngaihtuah a ngai a ni." Samir-a chuan a lo ti ve bawk a. Pu Mukesh-a chu a han nui suk a, "A weakness chu ka hre daih tawh alawm, mahse ka buaina zawk chu a chapo mah mah a ni." tiin a lo chhang a.

Pu Ronley-a leh Pu Samir-a te chuan Pu Mukesh-a chu an han en hu a, "Enge a weakness chu ni a, nupui a nei tawh em ni? Nge a bialnu zawk...a chhungte em ni?" Pu Ronley-a chuan a han ti nghal deuh chiam chiam a. Pu Mukesh-a chuan Pu ROnley-a darah chuan a beng thak thak a, "Insum rawh..chutiang lam a nilo. Pawisa, a weakness chu pawisa a ni..a chaklohna ber." tiin a chhang a.

***********************************************

Zan a lo ni leh ta, zanriah an eikham hnu chuan Rina chu a cell chhungah chuan thu in a kut chu a tuam tha malh malh a. Varun-a chuan inthlahrun hmel tak hian, "Rina...Battleground ah chuan ka lo kal ve thei angem?" tiin a zawt deuh tawp mai. Rina pawh chuan mak tih hmel tak hian, "Engmaw? I lo kal ve anga maw?" tiin a en hu mai a.

Varun-a chuan a chil a han lem dawk a, "Aw ihh...gang thenkhat ho saw..i awm loh hlana min tihbuai an tum a, vawiinah an sawi ri ka hria a." a han ti khur leh dar dar a. Rina chuan a chhang lo, a kut chu a tuam chhunzawm leh mial mial a. Chutih lai chuan guard pakhat hi a lo kal a, "Rina...kal a hun e." a rawn ti a.

Rina chu a tho va, kal mai a han tum a. Mahse a hawi let leh a, Varun-a hlauh hmel taka a thu khur dar dar mai a hmuh chuan a khawngaih khawp mai. A han ngawi vang vang a, "Pu Mukesh-a lo ko rawh, ka be phawt duh." tiin guard bulah chuan a sawi a. Guard chu a lo khi suk mai, "Jail tang mai mai i nih kha, chutin i duh duh i hmu ngawt thei lo." a lo ti hmuk mai.

Rina chuan rum zet hian a melh a, "Pu Mukesh-a fighter ka nih hi...ka tello chuan eng match mah a kal pui thei lo. A lo kal hma chu ka lo kal dawn lo, ka lo nghak ange." tiin a thu leh ta tlat mai. Guard pawh chu a han thaw hak a, "Lo awm reng ang che." tiin a kal ve leh mai bawk a.

Varun-a chuan hlauh hmel tak hian, "I awm avangin min khawih lo mai mai hlawm a, mahse ka lakah hian phuba lak an duh a ni. An tam mai, i awm chuan tuman min khawih ngam lova.." a han ti khur leh dar dar a. Rina chuan a darah a han beng thak thak a, "Lungngai suh...ka awm alawm." tiin a hnem a.

**********************************

Rei lo te hnuah chuan Pu Mukesh-a leh Henry-a leh Ajay-a te chu an lo thleng ta a, guard chuan hawn sakin cell chhungah chuan an rawn lut a. Rina chu a lo ding vat a, "He naupang hi ka bulah a awm tur a ni." a lo ti nghal vat a. Henry-a chu a lo khi suk a, "He naupang enkawl leh venhim hi i mawhphurna a ni lo, ngawi reng khan lo chhuak vat la a nimai." a lo ti vin hlur a.

Rina lah chuan a aia vin hian, "Nang kha ka be lo che....nakinah ka la buaipui ang che." a lo ti ve hrep mai a. Henry-a ngaihdan chu a ni lo kher mai, va khawih a tum nghal mai a. MAhse Pu Mukesh-a leh Ajay-a chuan an lo dang vat a, "Ngaithla teh Rina, nangmah chiah inngaihtuah rawh. He naupang nen hian in lo inkawmngeih hman viau a ni thei, mahse fighter a ni lova, a lo kal ve thei lo." tiin a han hrilhfiah a.

Rina chuan a lu thingin, "Ni love, he naupang hi a lo kal ve tur a ni. Fighter chauh kalna tur pawh a ni bik lo, khang mipui ho zawng zawng kha jail tang vek an nih ve tho kha, fighter an nih vek bik loh kha." tiin a t(r)ang ve tlat mai. Mahse Pu Mukesh-a chuan chutin a phal mai bik lo, "Engmah tih tur a nei ve lo, chubakah ani ang naupang kal vena chi pawh a ni lo." ala ti tlat mai.

Mahse Rina chuan a la hnial let zel a, "Ka corner ah a awm dawn alawm, ani hian min second ang." a han ti leh a. Pu Mukesh-a chu a han thaw hak a, "Rina, tharum hmanga kal tir i ngai dawn ami? Engmah tih theih i nei lo, ka fighter i nih kha. A tul a nih chuan tunah hian kan hnuk phei thei che asin, ka mamawh che..ka pawisa i nih kha." tiin a vau ta khur khur mai.

Rina chuan a lo hlau lo nasa mai, "Ni e, i pawisa ka ni. Mahse i pawisa hian nunna ka nei ve tih hria la, he ka nunna hi keimah bawkin ka la ve thei reng tih hre bawk rawh." a ti let ve sak mai. Pu Mukesh-a pawh chuan tihngaihna a hre tawh bik lo, "Awle a tha e." tiin a phal sak ta hram a.

*****************************************

Top Punch battle ground chu an thleng leh ta, a vawi khat kalna chauh a nih avang chuan Varun-a chu a zam hle a. Mipui, jail tang ve tho te chu an lo haw haw dur dur a. Match pakhat neih mek a lo ni a, Top Punch Main Rooster zinga top ten ami...SEVEN ti a an koh thin leh Korean mi pakhat hi an lo inbei mek a.

SEVEN hi Top Punch Main rooster zinga fighter tha zual thlan khawm, top 10 zinga mi niin rank #10 a ni. A hming diktak chu Lee Chen niin SEVEN tia a inphuah chhan chu mi pasarih a thah vanga jail tang a ni a, dam chhunga tang tura tih a ni. MAhse a tualthahna chu a chapo pui hle a, chuvang chuan a ring name ah pawh SEVEN tiin a inphuah hial a ni.

A tirah chuan thi tura hrem a ni a, mahse Pu Mukesh-a te vang bawkin damchhunga tang tura tih a ni ta zawk a ni. Korean tlangval nen chuan an inbei rei phian lehnghal a, Korean pa zawk chuan a hneh lo kher mai. A sawp hrep hrep a, a tawpah phei chuan a sawisa hlum ta hial mai a nih chu.

Lee pawh hian a hma a Rina hneh tak, KAito SMirnov kha a lo hneh ve tawh tho a ni awm e. Mahse ani erawh chuan darkar chanve dawn lai beih nan a hmang thung a, Rina erawh kha chuan minute khat leh a chanve ah a hneh der a nih kha. Lee-a chu ring atang chuan a rawn chhuk a, a pawr pung pung hle mai.

Back stage lamah chuan a va kal a, a fighter pui, a thian kawm ngeih bikte chuan an lo chibai sap sap a, Rina leh Varun-a te bul chu ava thleng a. VArun-a chuan a hlau deuh va, Rina hnungah chuan a biru nghal. Lee-a chuan Rina chu a han melh vang vang a, "Nang hi a ni maw, fighter thar lar em em, an sawi sup sup chu..." a han ti a, mahse chinese tawngin a tawng a ni.

Rina chuan hrethiam hek lo, a lo melh run ringawt a. Lee-a bawk chuan, "Ka la sawp khawp ang che, SEVEN...NUMBER SEVEN ka nih hi." a han ti pung pung a, a kal sawn ta a. Varun-a chu a lo thaw huai mai, "Hawh le...kal ang le." tiin Rina chuan ring lam ava pan a, Varun-a chuan a zui ve nghal bawk.

********************************************

Announcer chu a rawn chhuak a, "Awle...tunah chuan fight ropui lutuk kan en leh tawh dawn a ni. Nizan lawk khan a vawikhatna atan a rawn inlan a, a vawikhat fight naah sumo wrestling champion ni lai mek, pound 500 chuang zeta rit, Kaito Smirnov chu minute 1 leh second 30 chhung lekin a hneh a nih kha. Ramhuai ang mai a chak, MAMMON...lo chhuak rawh se." a han ti vak a.

Rina chu ava chhuak ta a, mipui ho pawh chuan a chak zia leh skills a neih that zia an hre tawh bawk a, an lo au nasa mai. A hnungah chuan VArun-a chuan a rawn zui ve det det bawk a, a hlauh deuh avang chuan a thlan a tla bawrh bawrh mai. Ring chhungah chuan Rina chu a lut a, a  han in warm up te te phawt a.

Chutah announcer chuan ring tak hian, "Awle tunah a opponent kan ko chhuak anga, ani hi chu kan hmelhriat lar tak a ni. A hming diktak chu Akunna niin Nigeria atanga lo kal a ni a, fight vawi 50 nei tawhin vawi 42 lai a lo chak tawh a ni. Tunah lo chhuak rawh se....THE GIANT GORILLA.." tiin a han au leh vak vak a.

Rina chuan a beih tur chu tunge a nih ala hre bik lo, chutah Akunna chu a rawn chhuak ta. A sam chu dread lock style a ni a, a sek dan em em chu a hrehawm loh em mawni le tih hial tur a ni. Mahse Rina chuan a hlau hauh lo, chu midumpa chu a rawn zuang phei thauh thauh va, a in-fit hmel kher mai.

Ringah chuan a rawn lawn chho va, a zuang sang thei em em mai lehnghal. Varun-a chuan zawite hian, "Engtia tih tur nge, engmah ka hre ve lo ania." a rawn ti khur dar dar a. Rina chu a lo khi suk a, "Lungngai suh...rei ka bei dawn lo. Dar a rik hman hlauh chuan corner ah hian ka rawn phei anga, tui min lo pe dawnnia." tiin a lo chhang a.

Varun-a pawh chuan thuawih tak hian, "Awle." tiin a lo chhang ve mai a. Inbeihna chu t(r)an a ni dawn ta, Rina chu ring lai takah chuan ava phei a, Akunna pawh chu a rawn phei ve bawk. Refree-i'n rules vel a hrilh lai chuan Akunna chuan Rina chu a lo nuih vel a, anmahni tawng chuan mawi lo tak tak hian a ankhum bawrh bawrh a.

Rina erawh chuan engmah a sawi ve lo, a khi suk suk ringawt. Akunna corner lam atang chuan a second tute chuan, "That law law rawh....naupang mai mai a nih kha." tiin an rawn au lauh lauh hlawm a. VArun-a erawh a ngawi reng thung, a tawng ve ngam eih lo.

*****************************

BEll a ri ta ral ral mai a, fight chu an t(r)an ta. Rina chuan a han veh dan dan a, Akunna erawh inla thiam tak hian a han zuang vel thuak thuak a, a in bin deuh zak zak bawk. Second 10 dawn mai chu Akunna chu a han inshow kual vel a, chutah a rawn tlan thut mai.

Rinna chu zuang chunga rawn kick a tum a, mahse Rina chu lo kunin a han vir zeuh va. Akunna chu rang takin a rawn hawi let a, mahse a chet leh hma hma chuan Rina chuan a bekah tak mai chuan hnung zawngin a lo kick pawp mai. Akunna chu a vir nawk a, a let ta der mai.

Refree chuan rei pawh a check a ngai lo, "Chak zawk chu...MAMMON a ni e." tiin Rina ban chu a phar tir nghal a, Rina chu a chak ta der mai. Mipui chu an au dur dur a, Pu Mukesh-a takngial pawhin mak a ti ngang mai. A chung sang, Official ho thutna atang chuan a ding hial a, ka hau hian a en a.

Akunna chu a che tawh eih lo, Rina chuan a kick na ngang a nia nge. Pu ROnley-a chuan kut a han beng thak thak a, "Kaito Smirnov ai pawh khan khupa, Akunna khu a rank a sang zawk ania. Ava han rapthlak ve...ONE TECHNIQUE...vawi khat chiah a khawih ania." a han ti vawng vawng a.

Pu Mukesh-a chu a nui ta var var mai, "A tha a ni....ka va han hausak pui dawn tehreng em." tiin a hlim kher mai. Mahse a bula lo ding, Mad Dog-a ngaihdan chu a ni vak lo. Pu Mukesh-a bulah chuan ava kal hnai a, "Ka fight duh...MAMMON khu ka fight duh." a ti ta tlat mai.

Pu Mukesh-a chuan rum zet hian MAd Dog chu a lo melh a, "I mawl em ni? Fighter pangngai i ni ve tawh lo, match nei ve tur i ni tawh lo, i kaisang tawh tih i hre lo em ni?" tiin a vin hrep mai a. Mahse MAd Dog chu a thinrim laklawh tlat, "Engtiang chiah a tha nge a nih ka en duh alawm, ka fight ve duh a ni." a la ti talh mai.

Henry-a chu a rawn kal ve a, "Bro, nang ang fight tur che chuan ani ang mai mai khu chu thlang suh, a phu hlawl lo. Nang leh kei chu top fighter kan nih kha, khu khu chu naupang mai mai a ni." a lo ti ve bawk a. Mahse Mad DOg chuan a la hnial tlat a, "Ni love, nangni ngei pawn tha in ti anih te chuan engtiang chiah a tha nge a nih ka en ve duh alawm." a ti leh tlat mai.

An bula awm ve tho, Balwinder-a(Razor) chu a lo nui suk a. Rawn kal hnai ve in, "A duh anih te chuan fight tir rawh, Boss. Ka duhtawk a ka sawp hnu a nih khu...Mad Dog hian a hneh lohna chhan tur ka hre lo." a rawn ti ve leh bawk a. Pu Mukesh-a chu a han ngawi vang vang a, Mad DOg chu a han melh leh ran a.

A thaw hak a, "Ni e, a tha e. I duh zawngte chu i tih a thiang alawm, i fight dawn nia. Mahse tunhnai maiah chuan ala theih loh, fight nei chho mek leh train chho mek chauh ala ni a. Thla khat min nghak la, tichuan in inbeihna tur chu ka lo tifel ange." tiin a chhang ta nge nge a, MAd Dog pawh chu a khi suk mai.

******************************************

Hun a kal zel a, VArun-a leh Rina pawh chu an innel chho tial tial a. Rina te awmna section ah chuan Rina chu tuman an tibuai ngam tawh lo, Varun-a pawh an tlawn duk duk tawh hlawm mai. Rina pawh a lar telh telh a, fight a neih apiangah chuan a chak zel bawk a.

A rei berah Minute 10 vel bak a tumpuite hneh nan a hmang ngai lo, a tuk zal hma thei khawp mai. A kutthlak pawh a na chho tial tial a, tumah a dim duh tawh bik lo. Tual thah em chu a duh lo thung a, mahse thi lo tawk chiah chiah in a sawisa thing thung a ni.

PAwisa pawh maktaduai fe a nei tawh a, Pu Mukesh-a tan phei chuan a hlawk leh zual. Sum chu a hai luh hnem phah khawp mai, Rina pawh chuti bawk. MAhse Rina chu a duham telh telh thung, a chhan chu hausak mai nilo, a ber nih a tum tawh hial zawk a ni.

Top Punch main rooster zinga fighter tha zual, Top 10 an thlan chhuah te zinga mi, mi pathum lai mai chu a hneh leh nghal a. Ani pawh a tha zual sawm zingah chuan a awm ve ta ran mai, mahse rank number erawh pek ala ni lo thung. Chutih laiin Mad Dog pawh a lo in-train leh nasa tawh mai a, Rina beih hun tur chu a nghakhlel takzet a ni.

VArun-a pawh Rina kid-ah a tang chu a ni deuh mai a, Rina thu thu in a awm. Pu Mukesh-a pawhin Rina chu a duhsak tulh tulh a, Mad Dog phei chuan a thik thei khawp mai. "Rina chu necro damdawi pek ve pawh a ngai lo, a chak sa reng." ti a Pu Mukesh-a'n a han fiamthu zeuh phei chuan Mad Dog mai ni lo, Henry-a leh Balwinder-a te pawh an lungngawi lo thei khawp mai.

*************************************

Thla khat lai chu a liam ta, Rina pawh Top Punch fighter te zingah chuan a ber a ni hial tawh. Top 10 ho zinga mi, rank #9, #7 #6 leh # 8 te chu minute 10 aia tlem lovah a tlawm vek tawh bawk. #1, 2, 3, 4, 5 leh 10 erawh ala bei ve lo thung a, mahse Rina chuan chung la bang ho pawh chu huphurhna pakhat mah a nei lo.

MAd Dog nena an infight hun tur pawh kar khat vel chiah in a dang tawh a, Mad Dog chuan a nghahhlelh rual rualin Rina pawh chuan a nghakhlel ve bawk. Mahse Rina chuan plan dang a nei thung a, chu chu jail atanga Varun-a chhuah tir a, a chhunte bul, a nu hnen ngei thlen a tum a ni.

Pu Mukesh-a erawh jail lamah chuan a lang khat hle thung a, a chhan chu drug dealer a thawh pui thenkhatte nen buaina neuh neuh an neih vang a ni. Sawi tawh ang khan Pu Mukesh-a hi Top Punch neitu ringawt a ni lova, drugs tawlh ruk lampangah hian a inrawlh nasa hle bawk a ni.

Balwinder, Mad Dog leh Henry-a te ei ang chi, necro damdawi pawh kha Russia ram atanga dan lo anga siam ruk a ni a. Engtik lai pawhin a kawl reng a ngai a, chumi thil velah chuan buaina neuh neuh a ngah hle a ni. Mad Dog leh Rina inbeih hun pawh a hnai zel a, jail ah pawh an titi ber a ni tawh.

An inbeih hma zan chiah a ni a, Rina chu a cell chhungah chuan push up a lo ti mek a, a bulah chuan VArun-a chuan a lo chhiar tlauh tlauh bawk a. Chutih lai chuan Pu Mukesh-a a rawn kal thut mai, "Rina, biak lawk che ka va duh ve." a rawn ti a. Rina chu a ding a, "Warden office ah min rawn zui ang che." Pu Mukesh-a bawk chuan a han ti leh a, a kal nghal daih a.

Rina chuan a chhuah hma chuan guard bulah chuan, "KAn cell hi lo kalh tlat ang che, tuman ka thianpa Varun-a saw an tibuai tur a ni lo." tiin a hrilh a. Guard pawh chuan a lu a lo bu nghat mai, a chhan chu he jail chhungah na na na hi chuan tuman Rina hi an ngam ve tawh lo.

**********************************

Office chhungah chuan Rina chu ava lut a, "Lo thu rawh." Pu Mukesh-a chuan a lo ti a. Rina chu Pu Mukesh-a hmaah tak chuan a thu a, "Enge ni a?" a han ti deuh hmuk a. Pu Mukesh-a chu a han thaw deuh hak a, "Enteh Rina, thil pakhat hrilh tur che ka nei a ni." a han ti a.

"Enge chu chu, sawi vat la?"

"Mad Dog hi i hneh a nih phawt chuan i duh ber thil pakhat ka tihsak ang che."

Rina chu a khi suk a, "Anih chuan engemaw chu min tih sak ngei ngei a ngai dawn a nih chu.." a lo ti a. Pu Mukesh-a pawh a nui suk ringawt, "A nih chu...anih chuan enge i duh ang?" tiin a han zawt leh a. Rina chu a ngawi vang vang a, "Pawisa...abak enge ka duh vak anga?" a lo ti leh hmuk mai.

"Ni e, kha chu ka hria alawm. Pawisa chu sawi a ngai lo, i nei dawn chiang sa. I hlawh pawh a turu ang, a chhan chu Mad Dog hi fighter pangngai a ni tawh lo. KA personal security te zinga mi a ni a, i hneh a nih ngat chuan cheng nuai 20 i dawng nghal thei ang." tiin Pu Mukesh-a chuan a chhang a.

Rina chu a nui var var mai, "Anih chuan thildang min tihsak dawn tho tihna maw?" tiin a han zawt leh a. Pu Mukesh-a chuan a lu a lo bu nghat a, "I duh duh animai, jail atanga chhuah i duh pawhin ka buaipui thei vek. Mahse ka bulah i thawh zel tho angai ang, chutiang i duh lo anih chuan thildang pawh min dil thei tho ania." tiin a lo chhang leh a.

Rina chu a ngawi vang vang a, "Ka cell mate saw....Varun-a saw...helai hmun atang hian chhuah zalen ka duh a ni." a ti ta daih mai. Pu Mukesh-a pawh a nui tawi tak mai a, "Rina, chutiang a theih loh. I mawl em ni, case closed vek a ni tawh." a lo ti nghal a. Mahse Rina chu a ding thut a, "A bak ka duh lo, chu chiah chu ka duh." tiin office atang chuan a chhuak nghal daih a, Pu Mukesh-a pawh a thaw hluai ringawt.

*************************************

Zan a lo ni a, battle ground lampang pawh an thawm a na leh tiah tiah tawh khawp mai. Rina chuan match engmah a nei lova, mahse mi inbei lai en turin Varun-a nen chuan a hmunah chuan an kal ve tho va. Lee Chen chuan handicapped match a lo nei mek a, a awmzia chu amah chauhvin a tang a, mi pahnih in an beih rawn tihna a nih chu.

Lee Chen chu main rooster top 10 zinga rank #10 a ni kan tih tawh kha, a tumpui pahnih te chuan beih rawn mahse an hneh lo kher mai. A tumpui pahnihte chu a sawp hrep mai a, ring chhungah pawh thisen a kawi zul tawh mai. Lee-a chuan a skills chu a han show leh tak tak a, mipui pawh chuan an lawm kher mai.

Dimna tel hauh lo chuan a tumpui pahnihte chu a sawi sa hrep mai a, hneh lo tak an ni. Chak thei reng a nih hnuah pawh chuan Lee-a chuan a la sawisa chhunzawm dun zel a, a tawpah phei chuan refree chuan a rawn dang ta ringawt a. Chak zawk a puan a ni ta a, a inla pawr khawp mai.

Microphone a chuh ta tlat mai a, mipui ho pawh chu an ngawi thap mai. Lee-a chu a hawi kual a, "Mammon...khawnge Mammon intipa kha a awm. Mipui zingah khan i awm a nih chuan hei hi lo ngaithla rawh, zanin hian nang nena inbeih ka duh a ni." a ti ta mai a.

Mipui zing atang chuan Rina chuan a lo ngaithla ve reng a, Varun-a nen chuan an in en hu ringawt a. Lee-a bawk chuan ring tak hian, "Aw nangmah kha, Mammon...english ngeiin ka sawi hi...i hrethiam a ni lawm ni? Lo chhuak rawh, zanin hian ka cho che. Naktuk zanah Mad Dog nen in inbei dawn tih ka hria, mahse chuti taka chak i nih chuan zanin hian ka lo fiah ang che." a ti leh pung pung mai.

Announcer chu a rawn ding chhuak a, "Awle, kan champion Mr. Seven-a hian Mammon a cho tlat mai, khawnge Mammon hi a awm le aww..." tiin mipui chu a rawn chawk phur ve bawk a. Lee-a chuan microphone chu a chuh leh a, "Hey..Mammon..khawnge i awm, lo pen chhuak ta che." a han ti leh vak vak a.

Rina chu ava awm lang ta nge nge a, Lee-a pawh chuan a lo hmu fuh ta. A nui var var a, "Ka hmu che...nang naupang kha. Tunah hian ring chhungah hian lo lut rawh, ka challenge a che." a ti leh khur khur mai. Rina chu mipui chuan an en thup a, Rina thuthlukna chu an nghak a ni.

Rina chuan muang chang chuan a kawr chu a phelh a, mipui ho thawm chu a ring kher mai. Ring lam pan chuan ava chho ta, official ho thutna atang chuan Pu Mukesh-a. Pu Samir-a leh Pu Ronley-a te chuan an lo en reng a. "A chi dawn mi, naktuk zan lawkah fight ropui lutuk a nei dawn a. Tuna lo intih hah vak chi a ni dawn em mawni le, i zu khap teh ang u." Pu Ronley-a chuan a han ti nuah nuah a.

Mahse Pu Mukesh-a chu a lo nui suk a, "Ni love, Lee Chen-a khuan a ti sual let der a ni. Rina khuan hun rei a hmang dawn lo, a inla pawr sual chiang ngawt ang. Naktuk zana a match tur atan a in warm up angah ngai rawh u, Lee Chen khu a tawng pawr sual dawn chiang alawm." tiin a lo confi khawp mai.

Announcer chuan ring tak hian, "AWle.....Mammon a lo kal e, challenge accepted. Match ropui lutuk tunah kan nei leh nghal dawn e, SEVEN VS MAMMON...ava hmuhnawm dawn em.." tiin a han au leh lauh lauh va. Lee-a chuan a cho khawp mai, thinrim hmel tak hian a melh khur a.

Rina chuan a hlauh bik loh hmel khawp mai a, Lee-a move leh a ke chheh dan vel chu ngun tak chuan a en reng a. A kut chu a han elh ri ang thawk thawk a, mipui thawm pawh a na talh talh khawp mai. A thenin Mammon zawk an t(r)an a, a thenin SEVEN zawk an tan a, an au ri pawh a in-mix nuai mai.

****************************************

TO BE CONTINUE