USAGI : 2 (THE BUNNY RETURNS) ENGLISH : DARK BUNNY [MIZO HORROR/SLASHER FICTION STORY] Written by : Aaron Malsawmdawngzuala WARNING : 18+ CHAPTER : 5

 USAGI : 2 (THE BUNNY RETURNS)

ENGLISH : DARK BUNNY

[MIZO HORROR/SLASHER FICTION STORY]

Written by : Aaron Malsawmdawngzuala

WARNING : 18+

CHAPTER : 5

******************************

Station-ah chuan Inspector AWmpuia leh SI Hminga te chu an titi dun a, "Ramhnuai khawi laiah emaw a biru bak a ni lovang, zanin la la hian zawn nghal a ngai a ni. Tikhan Rsa thiltih ngei a ni tih chu a chiang viau tawh, a tul a nih chuan special force pawh kan koh angai ang." Awmpuia chuan a han ti charh charh a.

SI Hminga pawh chuan a lu lo bu nghat nghatin, "Estheri leh Isaka hi thah ngei ala tum fan ni in ka hria, anmahni a beih chat danah hian.." a lo ti ve bawk a. Awmpuia chuan a thingpui in lai chu a han lem leh sak a, "Engmah ala theihnghilh lo, Esi pawh ala hria a, Isaka pawh ala hria. Anih chuan midang pakhat dinhmun hlauhawma ding an la awm..." a han ti a.

Phawk hru hian Hminga chuan, "Midang a? Tu midang maw?" a lo ti hu mai. Chiang kelh kawlh hian AWmpuia chuan Hminga chu a en a, "Deborah-i...a nau, Rsa nau Deborah-i." tiin a chhang a. Hminga pawh chuan a hre chhuak zawk mai, "Ni dawn tak...DEborah-i..ani hi khawnge a awm tak?" tiin a lo zawt let nghal vat a.

AWmpuia chu a han ngawi vang vang a, "Chhungte belh tur dang vak a nei lova, ka hriat hnuhnun ber kha chuan Pi Sangkimi chhungte inah a awm an tih kha. Aizawlah a nia, khawi veng nge ka hre chiang ta chiah lo." tiin a chhang a. "Zawnchhuah a harsat dawn loh chu." Hminga chuan a lo ti ve leh a.

Awmpuia chuan thingpui chu a in zo va, "A him angai, Rsa hian a pan ve ngei ang." tiin a ding deuh hluai a. Hminga pawh chu ding ve in, "Mahse Sir, a unaunu a nia...a that kher duh dawn mawni le?" a han ti nuah nuah a. AWmpuia chu a khi suk a, "A thah leh thah loh lam a ni lo, Rsa hian hruai bo a tum ngei ngei ang. A unaunu a ni tih a hria a, ruk chhuah emaw...engtin emaw tak chuan a ti ngei ngei ang." tiin a chhang a.

Hminga chu a han ngawi vung vung a, "Sir, anih chuan Rsa hi a rawn let leh angem? Esi a la thi lo tih a hria a, Isaka chu a that tawh angah pawh a ngai maithei a...enge i ngaihdan?" tiin a han zawt leh a. AWmpuia chu a han thaw deuh hluai a, "A rawn let leh ang, kum khat chuang Esi leh Isaka te a zawng tawh a...tunah a hmu tawh bawka , a hlawh chham a. MAhse a beidawng lovang, that turin a rawn let leh em em ang." tiin a chhang leh a.

*********************************

"Engmaw? Rsa chuan i nunna a chhanhim amaw? Engtin?" Esi chuan a ti hu mai. Inthlahrung tak hian REmpuii chuan, "Khami zan....a tlan chhuah zan khan kan staff pakhat Nelsona leh security guard pakhat hian min pawngsual an tum a, chu chu RSa hian min rawn chhan a ni." tiin hnuailam melh reng chung chuan a chhang a.

Esi mittui chu a hnam sawk mai, "Anih chuan...Rsa thatna lai rawn sawi i tum tihna em ni? Ka thiante zawng zawng that tu, ka thian tha ber Hlutei that zo chiah tu...kum khat chuang hrehawm zeta min siamtu Lalruatsanga chu rawn sawi mawi vel i tum tihna em ni?" tiin a vin ta hrep mai.

Rempuii pawh chu a inhnit feih feih a, "Ni love..ngaihdam dil che ka duh a ni." a ti ta daih mai. Esi chuan a en hu a, "Engmaw? Rsa i ni em ni? Tinge ngaihdam min dil anga, ka pawi i sawi ami?" a han ti leh hlur a. Rempuii chuan hreh hmel tak hian, "Ih...nikuma Rsa tlanchhuah hnu khan Mental Hospital atang khan ka bang nghal a..." a han inhnit leh feih feih phawt a.

"Chuan...MED Hospital ah ka thawk leh a. RSa chu khatah khan ka hmu leh ta tho a ni, chuan nang pawh....i thainpa Isaka nen khan. In pahnih khan khami zan khan ka buaipui che u a, Rsa erawh kha chu ka va pawh ngam tawh thak lo." a han ti leh a. Esi chuan vin zet hian, "Anih chuan eng ber nge sawi i tum, tinge ngaihdam min dil nachhan?" a han ti leh khur khur a.

Rempuii pawh chuan a hlauh hmel kher mai, "Ihh..Esi, khami tuk zan khan ka night a, zanrei a ni a. Rsa a rawn tlanchhuah khan...keiman..keimah hian ka pui a ni." a ti ta mai a. Esi chu a thu kang nghal zawk mai, "Engmaw i sawi a?" tiin a melh rum takzet. Tap chung hian Rempuii chuan, "AW...keiman ka pui a ni. Emergency exit lamah ka hruai thla a, engtin mah min ti lo. Khavang khan CCTV ah pawh a lang miah lo a ni, a pawi ka ti takzet." tiin a mittui chu a tla zawih zawih a.

Esi rilru na lutuk chu a insehruh nasa ngei mai, rum zet hian Rempuii chu a en a. Khur dar dar chung chuan, "I thiltih pawi zia hi i hria em? Nikum lawkah ka thainte zawng zawng min thahsak a, zaninah lah ka thiantha ber Hlutei min thah sak leh a. Kan inah lo lutin Isaka a that tep a, kei lah min hliam nual bawk. Lo pui lo ta la chu jail bang a zut tawh nimai tur, i ti lawmawm khawp mai...ka lawm takzet a ni." tiin lehlam a hawi hmak mai.

Rempuii chuan hrehawm a ti em em a, "Esi, a pawi ak ti. Ka thil tih kha a dik lo tih ka hria, chuvang alawm engkim zep miah lova ka hrilh che. Khami zan khan thi hnuang hian ka hmu a, ka hlau lutuk. MAhse engtin mah min ti lo, tichuan enge pawh ka hrelo...ahma a ka nunna min chhan sak vang khan ka pui ve tawp ni ber hian ka hria...mahse ka ti tak tak, kha bak kha ka hmu leh tawh lo hrim hrim..dawt ka sawi lo." inthlahrung tak chuan a han ti leh a.

Esi chuan en pawh a en tawh lo, "Chutiang ka zawt lo che, khawngaihin min chhuahsan rawh. Chuan a lehpekah chuan nang nilovin khawngaihin nurse dang rawn luh tir tawh ang che. I hmel hi ka hmu peih thlawt lo, chhuak rawh." a lo ti leh hmak mai.

Rempuii chuan mittui tla zawih zawih chung hian, "Mah..mahse Esi..ka.." a ti lai chuan Esi chuan vin lek lek hian, "Lungngai suh, tuma bulah ka sawi lovang. Chhuak rawh, a nih loh chuan police hnenah engkim ka hrilh ang." a lo tih khum leh hmak mai a. REmpuii pawh chuan a mittui chu hru in, "AWle..ka kal ange..ka tihpalh takzet." tiin a chhuahsan ta a.

Esi chu a mu a, a mittui a sur leh nghal zung zung mai. A mitthla ah chuan Rsa'n a thiante dim baksak lova a nghaisa lai te, an ruang zawng zawng te  leh amah a beih dan te chu a rawn lang zawk zawk mai. AW rawl tawpa tah vak vak pawh a chak, mahse a tap hleithei lo.

*************************************

Rsa'n a thah tak, Sena thianpa Marova leng haw pawh a zai phei rat rat a. Sena te in a thlen dawn tep chuan a phone phawrhin Sena chu a han call a. Mahse a ring quit thak thak mai, "A chatthla tawh amawni le, a pendrive hawh ka duh nghal asin mawle..." a han ti nuah nuah a.

A kal zel a, Sena te in chu ava thleng ta a. Kawngka chu chhe te hian a lo inhawng a, inchhung pawh a eng ut mai. Mak ti tak hian Marova chuan, "Ehe..phone a la thei bawk si lova. KAwngka a la inhawng bawk sia, enge maw awmzia le?" ti nuah nuah chung chuan a va phei a.

Kawngka chu a han kik karh karh a, "Sena...Sena...i awm em? I mu tawh ami?" tiin a au vak vak a. Mahse chhangtu an awm tlat lo, "Sena, ka lo lut dawn aw?" a han ti leh a, a la rawn chhang thei chuang lo. Marova chuan kawngka chu chhe te chuan a han hawng dek dek a, chhuatah chuan thisen rahna hnu pheikhawk thla a lo awm thluah mai.

A tawp chat a, "Ehe..khu khu thisen em ni?" tiin a lut nghal vat a. A han lut chiah chu a phu nasa kher mai, choka bula Sena ruang lo let reng mai leh thisen chhuata lo kawi nuai a hmu chu a au lo chauh. "Se..Sena..Sena.." tiin ava tlan phei nghal a, Rsa'n a benga thirtiang a vih tlum pawh kha a lo la tlum reng a.

A rap lutuk chu a thingthi hnawk mai, "Eng...engthil nge thleng? Nilo, ka duh lo." tiin a ding a, a tlan chhuak leh nghal vat a. Khawlaia tlan pah chuan, "Min pui ruu...Sena..Sena an that ania. Sena saw...a thi ania." tiin a rak chel chul mai a. Zan a lo rei ve deuh hlek tawh bawk nen, khawlai chu a reh khawp mai.

Thenawm khawveng te chu an rawn tho ta sap sap hlawm a, pawnah chuan an rawn chhuak a. Marova tlan chiam chiam an hmu chu mak an ti kher mai, thil awmzia an zawh hnu chuan Sena ruang chu an va hmu ve ta a. Rang takin police an ko nghal a, AWmpuia te beng a thleng leh ta.

******************************

Pi Chhingi chuan a fanu kut chu a chul hliau hliau va, "BAwihte, na te ila nei em?" tiin a han zawt a. Zawi hmel tak hian Esi chu a rawn meng tawk tawk a, "Aih..nachhawkna khan min la chhawk aniang, ka zawi em em a, chu zawng chu nimai." tiin a lo chhang a.

Pu Ringa chu a tho va, a han zi marh talh talh a. Zaidam tak hian, "Bawihi, i nu hian a riah pui ang che. Kei chu ka haw ang aw, naktuk zingah ka lo kal leh dawnnia." a han ti a. Chuveleh Esi chu a rawn meng phawk hru mai, "Aih a ngai lo, Pa...inah chuan haw suh." a ti nghal chel chul mai a.

Pu Ringa chu a han thaw hak a, "BAwihi, hetah chuan damlo awmpuitu pakhat chiah riah an phal si a. Ka riak ve thei hleinem, naktuk ah ka rawn kal leh vat dawn alawm." a han ti dam leh dap a. Esi chuan tap tep hian, "Aih..Rsa..Rsa a awm ang. A la awm hnai ang, a hlauhawm.." a han ti tuau a.

Pi Chhungi chuan zaidam tak hian, "Bawihi, kan inah te chuan police an awm mek alawm tunah pawh. Zaninah pawh tlaivar thakin an duty dawn lawm, i pa chu a tha mai ang." tiin a lo hnem ve bawk a. Esi chuan a chhang tawh lem lo, Pu Ringa pawh chu a haw ta a.

Esi ngaih chu a la ngam mawlh lo a ni, "Nu..police hote chu an lo muthlu hlauh ange, hrilh chiang rawh...ka hlauthawng ania." a la ti chul mai. "Bawihi, a tawk...khatia i rilru i tih hah reng chuan i dam thei lovang, muthilh tum rawh." Pi Chhingi chuan a lo ti leh a, Esi chu a tap pur reng ringawt mai.

******************************

Pu Ringa chu a haw ta a, an inah chuan police an lo la awm nual bawk. Zankhua chuan an in chu an veng dawn a, pistol pawh an pai bawk. REi lo te an titi leh hnu chuan Pu Ringa chu a mu ta a, mahse ala muhil thei bik lo. Khumah chuan a inlet a inlet ringawt a, a tho chhuak ta nge nge a.

Bathroom ah chuan a lut a, a hmai chu phihin darthlalangah chuan a han in en vang vang a. A maimitchhing a, a mittui a rawn tla zawih zawih mai. Chutah zawi te chuan a tap a, "Lalruatsang...tunge i nih? Engvangin nge ka fanu kher? I pawi enge a sawi a...i duh chuan keimah hi min hmachhawn ta che.." tiin a vin vak vak a.

Chutah a han meng kawk a, a mittui te chu a hru fai a. Choka lamah chuan a phei a, chemte hriam em em mai chu ava la chhuak a. Roomah chuan a luhpui leh a, khumah chuan thu in a chemte ken chu a han en vang vang a. Thinrim hmel tak hian, "Lo kal leh rawh...ka awm loh lai chauhvin ka fanu i rawn bei ngam amaw? Tunah chuan apa ka awm tawh e, lo kal leh mawlh teh." tiin a insehruh nasa ngang mai.

Mahse Pu Ringa leh police dang hovin an hriat miah loh chu Rsa chu a lo tlan bo reng reng lo, a lo biru zawk a ni. Esi te inhnuai chep tak leh bal tak mai ah chuan a lo biru reng mai a, chemte pawh a la hum reng. AWmpuia'n silaia a kah khan chemte kha ala hum reng a, chemte nen balcony atang khan a tla thla a ni.

Zawimuang hian a rawn vak chhuak a, amah pawh chu a bal hle mai. A han inbeng fai thak thak a, a sazupui hmaikawr chu a han vuah tha leh te te bawk a. Police duty ho chu ava en a, anni lah chu meizial zuk pahin an lo titi vel mai mai lehnghal. Mahse RSa chuan ava pan lo, in hnunglam pan chuan a phei daih mai.

*********************************

Awmpuia te chuan crime scene chu an thleng ta, Sena ruang an han hmu ve chiah mai chu Awmpuia meuh pawhin a rap kher mai. Lehlam a hawi nghal a, "Lalruatsanga mai mai chu aww.." a ti vawng vawng mai. SI Hminga chuan ruang chu a han enchiang deuh va, chumi hnuah chuan Awmpuia bulah chuan a va let leh a.

"Sir, ka ngaihdanah chuan heng victim ho hian Rsa pawi hi an sawi emaw ni chu awww ka ti thin a then hi chuan. Ka sawi awmzia chu an chungchang leh thil thleng, an inlaichinna kan va hre ve vek tawh si lova. Ti em em a mahni mihring pui han nghaisak duh mai hi chu, engemaw thil inthup chu a awm lo maw le?" a han ti nuah nuah a.

AWmpuia chuan SI Hminga chu a han melh deuh hraw a, "Enteh Hminga, he khawvelah hian misual hi chi hnih an awm. Pakhat chu duh reng vang nilo, hun tawnin a zir loh vang leh an kehchhiat vek vangin thil sual an ti a, phuba lak nan tual te an that mai thin." a han ti phawt a, a ngawi leh vang vang a.

Chutah a han thaw hluai a, "Pakhat leh chu sual tura piang amaw tih mai tur, misual ve hrim hrim..chhan leh vang pawh awm lova sual hi an awm thin. Chu chu Rsa te ang hi an ni, he mihring hi misual dik tak a ni. Mi khawngaihna a nei lo, thisena tui hal diktak a ni." tiin a chhang leh a.

SI Hminga chuan a lu chu a han hiat leh nauh nauh va, "Mahse Sir, Rsa pawh hi a kehchhe ve tho chuan ka hria a ni. A naupan lai khan anu in a thihsan a, anu thi kha a tuar thiam ta lo ber niin ka hria." a han ti leh a. AWmpuia ngaihdan chu a ni lo kher mai, "Hminga, Rsa hi a kehchhe lo. Ni e, a naupan lai kha chuan a kehchhe ngei alawm. Mahse tunah chuan kha a kehchhiatna kha chhuanlam a tling tawh lo, a hmuh apiang a that...chu chu a ni tawp mai." tiin a vin lek lek mai.

Forensic doctor ho pawh an lo thleng a, ruang chu an buaipui nghal a. AWmpuia chu pawnah chhuakin meizial a han zu khu hluah hluah a, SI Hminga chuan a rawn zui chhuak ve leh nghal bawk. A meizia pak khuk hlat hlat pah chuan AWmpuia chuan, "Hminga, chhui vak a ngai lo. Serial Killer fing tak tak te angin eng emaw clue han hnutchhiah pawh a nei lova, tualthah hi a duh ber a nimai. Tu thah nge kan hre chiang bawk a, chhui vak angai lo." a han ti a.

SI Hminga pawh chuan, "AWle Sir, thirtianga finger print saw kan check kher duh angem?" tiin a han zawt a. AWmpuia chuan a lu lo bu nghauhvin, "Kha chu a ngai hrim hrim, chiang reng mahse...engpawh chu nise, Rsa hi kan zawn hmuh vat angai. Chuvang chuan Esi leh Isaka leh Deborah-i te hi nasa taka kan ven him a ngai a ni." tiin a chhang a.

*********************************

Esi te in hmalam ah chuan police pathum an duty a, an in hnung lamah erawh pahnih an duty thung. In hnunglamah hian thingkung a awm ve nual a, chumi thingkung lian tak pakhat phenah chuan Rsa chu a biru reng a. Police duty te pahnih, in hnung lama duty te chuan an hre der mai si lo.

Police duty pahnihte chu ding dunin an titi nasa kher mai, "Saw laiah deuh sawn ka va zung teh ang, ti khan lo awm lawk rawh." tih pah chuan Rsa bihrukna lam chu ava pan a. MAhse Rsa chu a hmu lo hlauh, a thim em avang pawh a ni mahna. Police pa chu a han zung tur tur a, chutah a hnung lam atang chuan RSA chuan a hmui a rawn hup thut mai.

A tal nasat hma in a chemte ken lai chuan a hrawkah chuan a han zai nghal bawk a. A thler phei duai a, thisen chu a rawn luangthla nghal zawih zawih a. A khur der der a, mahse thawm a siam loh nan tiin Rsa chuan a manbet nghet kher mai. A thingthi hnawk a, Rsa chuan ala man bet zel a.

A hnuk a chah a, a chet tawh loh thleng chuan a man bet a. A tawp a tawpah chuan a thi ta, "I va zung rei ve mawle.." tiin a thianpa zawk chuan a rawn au deuh chhen lehnghal a. Minute 10 vel lai a liam tawh hnu pawh chuan a lo la let miah lo chu a ngaih a tha ta vak bik lo.

In hmalam a duty te va auh kher chu a tul kherin a hre bawk si lo, a pistol chu phawrhin ava kal ta a. A thianpa chu a au a au va, mahse a au ring ngam chiah bik lo. A chhan pawh in hmalam zawka duty te a tibuai ang tih a hlau ve bawk si, "Min tihthaih a nih vaih chuan i chak lo viau ang aw.." a han ti leh rih thin.

Thingkung phenah te chuan han en a, mahse a hmu bawk si lo. Chutah a kal zel a, a thianpa ruang, hrawk thler duai mai a lo let reng a hmuh chuan a phu nasa kher mai. A au hman tep a, mahse a hnung atang chuan Rsa chuan chemtein a rawn vit leh ta hrawk mai a.

Police pa chu a eu zawk mai, dim baksak lo hian Rsa chuan chemte chu a han phawi leh pawp a. Police pa chuan a ka a ang sawi bawi bawi ringawt, chutah RSa chuan chupa ka(mouth) chhung chu a zen ta mai a nih chu. a samah chuan na tak leh nghet tak hian a tham a.

Chutah a lei(toungue) chu a pawh chhuah sak ta mai a nih chu, police ka atang chuan thisen a rawn baw chhuak hawk hawk a. A thingthi dawt mai, RSa erawh chuan a la duhtawk reng reng lo. Pal hungna thirlen, zum fer fur leh tui ek ruam tawh chu a han pawt ang nawk nawk a.

Hrui angah hmangin hnunglam atang chuan chupa hrawkah chuan a rek leh ta mai a nih chu, thir hrui lah chu a zu fer fur mai bawk si a, a zum te chu a hrawkah chuan a tlum thawih thawih mai. Hliam na tak a lo nei tawh bawk nen, a lei(toungue) a pawh chhuah sak daih tawh bawk si.

Tha reng a nei lo, thei leh thei lo hian a ban chu a vai a vai ringawt mai a. Rsa lah chuan thirlen chu a pawt na tawlh tawlh a, chupa hrawk chhungah chuan a lut hial tawh. A pawt na zel a, a rek telh telh a. A tawp a tawpah chuan chupa lu chu a bung ta hmawk mai a nih chu, thisen pawh a tam kher mai.

Rsa chuan thirlen chu leiah chuan a dah leh mai a, Esi te in hnunglam kawngka chu a en ta vang vang mai. Inchhungah chuan Esi pa, Pu Ringa a awm reng mai si a. Hmalama duty te lah chuan engmah an hre der mai si lo, an lo la titi tui nasa mai si a. Rsa chuan kawngka lam chu ava pan ta, alo la inkalh miah lo zui a.

Kawngka chu a hawng a, inchhungah chuan a lut leh ta. He a luhna kawngka hi a hma a Esi leh Isaka a beih t(r)um a, a luhna tho kha a ni. Inchhung chu a lo reh thap mai, a han hawi kual a. Pu RInga hmel reng reng hmuh tur a awm lo, pindan ah te chuan a han lut kual a.

Pu Ringa te nupa pindan thlenga a en pawh chuan tumah a hmu lo, pindan a chhuahsan leh chiah chu hnung lam atang chuan a nak nemah tak mai hian tu emaw hian chemte in a rawn vit thut mai. Rang takin a per sawn vat a, ava hawi phei chu Esi pa, Pu Ringa a lo ni.

Chemte a thisen kai nuai mai hum ran chung chuan, "NAng hi maw...nang hi maw ka fanu lo thah tumtu chu? Nang hi maw Rsa chu...zanin hian keimah hian ka that dawn che. Ka kut ngei hian ka that dawn che, i hria em?" a ti khur khur a, a thinrim kher mai.

Rsa chuan a hliam chu a dawm vang vang a, chutah Pu Ringa chu a va melh ve a. Pu Ringa lah a lo in ready tawh nasa mai a, "Lo kal ta che, lo kal rawh." tiin a vin khur khur mai. Rsa chuan a va pan a, Pu Ringa chuan lo vih leh a tum a. AWlsam lutuk tak mai hian a kut chu RSa chuan a lo man chat mai, chutah a chemte chu a lek kang ve ta vu vu mai a.

A chhuk zawng chuan Pu Ringa chu vih a tum a, Pu RInga lah lo dawh mai mai chu a tum bik hauh lo. A kut lehlam, chemte a hum lohna lam zawk chuan Rsa kut chu a lo man ve chat mai. Chutah an inchei ta chiam mai a, Pu Ringa chuan a hneh lo kher mai.

Rsa chuan a theh leng lawp a, an thleng leh bungbel vel tla ri rum rum khawp chuan a theh phei a. Chuveleh police ho chuan thawm an lo hre nghal vat a, rang takin an rawn tlan lut nghal a. Mahse inchhung an thlen meuh chuan Rsa chu a lo awm tawh hauh lo, pistol chuan inchhung chu an tin kual a.

Pu Ringa chu a ban dawm chung hian a rawn tho tuah tuah a, "Pu Ring..i tha em? Enge awmzia?" tiin police zinga pakhat chuan a han zawt a. Pu RInga chu a han thaw deuh hlawp hlawp a, "Kawngka hnung lamah sawn...kawngka hnung lamah sawn a  tlan chhuak." tiin a rawn luhna lam kawngka chu a kawk a.

Police pathum te chu an tlan chhuak nghal, mahse RSa erawh hmuh tur a awm tawh hauh lo. An va kal thui zel a, an thiante ruang pahnih chu an va hmu leh ta. Pakhat phei chu a lu a bung a, kil khatah a lei(toungue) pawh chu a lo let reng mai. Pakhat lah hrawk thler vekin a lo let reng bawk, anmahni pawh chuan an rap takzet.

*******************************

DEborah-i chu hmun pakhat ah hian a thu a, a mit chu a bui luk tawh mai. A hmel atang chuan a hlim lo tih a hriat takzet a, a inhnit leh feih feih thin. A hmai chu hupin, "Lalruatsanga...Lalruatsanga unaunu maw ka nih a? Tinge kei kher? Tinge kei kher...mihring heti zat zingah tinge kei kher hi tualthattu farnu ka nih bik?" tiin a phun sap a.

Ring si lo hian chhuak em em hian a tap hawm hawm a, chutih lai chuan a phone a rawn ri a. A han en chuan a nutei a lo ni a, Aizawl lama a awmna mek te an ni. A nutei kan tih hian Rsa chhungte lam nilovin, Pi Siamkimi chhungte lam zawk an ni. Phone chu a la a, "HEllo, Nute...enge ni ta?" a han ti a.

A nutei chuan vin lek lek hian, "Tun ang zanrei tawh ah enge ni ta tih a hun tawh em ni? KAn ngaihtuah zia che hi, i lo haw har lutuk, lo haw vat rawh." tiin a rawn hau hrep mai. Nin hmel tak hian DEborah-i chu a han chek deuh hlur a, "Awle awle, ka lo haw dawn." tiin phone chu a dah hmak a.

A tho chhuak a, a scooty awmna lam pan chuan a phei a. Mahse a scooty awmna bul deuh lawk ah chuan tlangval pahnih, ruih hmel zet te hi an lo awm a. Pakhat zawk phei chu DEborah-i scooty ah chuan a lo la chuang zui, Deborah-i pawh a ding chat mai.

Va kal ngawt chu a hreh ve deuh bawk si, mahse tihtheih dang awm hek lo le. A va pan phei a, "Thiante u, kha kha ka scooty ania...khawngaihin in awm sawn lawk thei angem le?" polite deuh tak chuan ava ti a. Scooty-a chuang lo zawk, kawr sen ha zawk chuan meng mang hlei lo hian DEborah-i chu a han en a.

A khi suk a, "Chhelo reuh ve mawle.." a la ti zui. Scooty-a chuang zawk, kawr dum ha zawk lah chuan pawr zet hian, "I hnute ka khawih phawt angai." a lo la ti zui. Deborah-i ngaihdan chu a ni lo kher mai, "I va han zak lo tak, chhuk nghal rawh...ka haw duh, i chuanna kha ka scooty a nih kha." tiin a vin hrep mai.

Chupa rui pawr tawh si chu scooty atang chuan a rawn chhuk a, "Engmaw i sawi a, hmeichhia lehnghal. KS mai mai i nih kha, tikhan min vin reng reng suh." tiin a vin let hrep mai. Deborah-i chu a sa zak mai, "Zawnga, KS chu min ti reng reng suh. Min kalsan ru, a nih loh chuan police ka ko dawn ania." a han ti vin leh thak a.

Kawr sen ha zawk chuan muang cherh chawrh hian, "Tun ang zan rei tawh ah, hmeichhia mahni chauh lehnghalin...i taksa i va zuar zo chiah tih hriat reng reng. Kan lo dawr ve dawn che em ni?" a la rawn ti zui a. Kawr dum ha zawk pawh chuan nui chung hian, "Nia..mahse Officer putar ho ang em em chuan pawisa kan nei ngah lo ania." a lo ti ve bawk a.

Deborah-i rilru chu a na takzet, a chhanlet ve hma hma chuan kawrsen ha zawk chuan, "A ho emai a, kan fun lian zawk tho lawm. Pawisa kan nei ngah ve lo a nimai a, mahse kan siam nuam fe zawk ang che." a lo ti leh a. Deborah-i chuan sawi tur reng a hre lo, a mittui chu a tla zawih zawih mai.

Kawr dum ha zawk chuan a va pan hnai a, "Bawihi...cheng 500 chiah ka nei a...a theih tho angem?" tiin a samah chuan a han chul sak vel a. Deborah-i thinrim insum zo lo chuan chupa chu a hnek ta siah mai a, ani pawh chu a thle sawk mai. A zungbun in chupa hmai vun chu a lo tai deuh ni tur a ni, a thi ta sur sur mai a.

A thianpa pawh chu a lo phei a, "I va rapthlalk ve a, hmeichhia te te si. Khawih ve i duh ami? Pawngsual i duh ami?" a ti ta khur khur mai a. DEborah-i pawh chuan a hlau leh angreng kher mai, mahse engtin mah a chhang lo. Kawr dum ha zawk chuan rum fe hian a melh a, "I va han chak dawn lo tak." tih pah chuan Deborah-i chu a va pan hnai leh ta mai a.

Deborah-i hlau bawk si, tihngaihna hre lo chu a tlanchhe ta ringawt mai a. Chu tlangval zurui pahnih te lah chuan an la um zui a, mahse DEborah-i chu rei pawh a tlan hman lo. Tu emaw palian tak mai hi a su chawrh a, a thal tawp mai. Zu rui pahnihte pawh chu an lo ding ve nghal bawk, DEborah-i chuan a sut pa chu a han en chho a.

A thaw nghal hrawk hrawk mai, a thlanfim a tla nghal zawih zawih bawk. Chupa chuan sazupui hmaikawr a vuah a, a thawmhnaw ah chuan thisen a kai nual bawk a. A u neihchhun, a thisen zawm ngei, Lalruatsanga, Rsa chu a hmu leh ta. Rsa chuan Deborah-i chu a zu en a, a en ta ngawih ngawih mai.

Chutah zurui pahnihte chu a va en leh a, a thinrim hmel takzet. Kawr sen ha zawk chuan, "Hey thianpa, i ngaih ang kha a nilo. Henu hian kan pawisa a ru a, chuvanga um zawk kan ni." tiin a lo insawi thiam zung zung a. KAwr dum ha zawk chuan a lo hlau ve vak lo ni tur a ni, "Kal mai teh nang pa kha, lian er ur ropui si. Kan sawp hrep hma che hian inthiar fihlim vat rawh, hmaikawr te a vuah vel amawni.." tiin ala nuih sawh zui.

Deborah-i chu Rsa chuan a kal kan a, chu tlangval pahnihte chu ava pan ta. A chemte chu a phawrh nghal bawk a, "Ehe..chem...chemte..chemte i hmang dawn amaw? I va nep ve a...mipa takin insual ila.." tiin a hma a pawr viau si, kawr dum ha zawk chuan a hlau ru angreng leh phian a.

Rsa lah chuan ava pan phei zel a, chu tlangval pahnihte pawh chuan hmanrua an nei ve silo. An tlanchhe ta ringawt a, Rsa pawh chuan a umzui lem lo. Hnung lam ava hawi a, Deborah-i chuan ngawi reng hian ding chungin alo en reng a. A hlau bawk si chu chet ngaihna a hre lo a ni ber, tlanchhiat ve mai nachang pawh chu a hre chuang lo.

Rsa chuan ava pan a, Deborah-i chu a lo ding khur tlawk tlawk mai. A hma takah chuan ava ding a, zawi muang hian a thingthi a. Kun reng chung chuan a hmaikawr chu a phelh a, Deborah-i chu a en a. Deborah-i pawh chuan a u hmel diktak chu a vawikhatna atan chiang takin a hmu ve ta, a mittui a sur nghal zung zung mai.

Hlau rilru tak chung si chuan ava pan hnai ve a, "U...keimah,....keimah i nau, Deborah-i.." tap chung chuan a han ti a. Rsa pawh chu ngawi reng chung chuan a lu a lo bu nghat mai, DEborah-i hlauhna pawh chu a reh tial tial a.  Engmah sawi lo chuan mit khap miah lo hian an in en ngawih ngawih a, mahse police motor ri an hre ta tlat mai.

Deborah-i chuan a u chu a kai thova, "U..tlan rawh..tlanchhe rawh. In man tir suh...ka tiam a che. Kan inhmu leh ang, kan unauvin kumkhua in kan awmdun tawh ang." a han ti zawi sap a. Rsa pawh a mittui a tal hial mai, a tho vat a. Tichuan a tlanchhe nghal a, Deborah-i chuan tap hawm hawm chung chuan a en zui vawng vawng mai.

***********************************

TO BE CONTINUE