Written by : Aaron Malsawmdawngzuala WARNING : 18+ CHAPTER : 7 (LAST)

 USAGI

 

ENGLISH : DARK BUNNY

 

[MIZO HORROR/SLASHER FICTION STORY]

 

Written by : Aaron Malsawmdawngzuala

 

WARNING : 18+

 

CHAPTER : 7

 

(LAST)

 

****************************

 

[4 hours earlier]

 

Vawi 20 chuang a cal tawh hnu pawh a, an la rawn respond eih loh avang khan Inspector Fakawma ngaihtha lo chu zan dar 10 vel khan a case buaipui lai kalsan meuhvin Buleng khaw lam chu ava pan ve ta tawp mai a. A hma pawhin midang chu a tir tawh tho va, mahse anni pawh chu an reh hmak mai bawak si.

 

Vanduai thlak takin kawng lakah, Buleng khaw luh nan km 30 vel ala awm tih ah chuan a motor chu ala chhe zui. Midang a phone dawn lah in a awamna lai chu signal awmlohna a lo ni bawk si, darkar khat vel lai a buai hnu chuan a call tlang thei ta hram a.

 

Mahse a nghah chhung a rei bawk nen, vannneih thlak takin motor lo tlan chu a phar ding a, eng tin tin emaw intanpuiin workshop lamah chuan a motor chhia chu an thlen thei hram. Mahse a mangang tawh bawk nen, a siam chhung erawh a nghak thei tawh ngang lo.

 

Police dang ho lo nghah chi zia zang a ni tawh lo, chuvang chuan pawaisa chawiin workshop-a motor an dah lai chu a hmang ta ringawt mai a. A rilru chu a hah ngang mai, case buaipui mek lai a lo la nei bawk si nen. Amah chauhva a kal chu a rilru tak chuan a inchhir ru leh angreng khawp a, sana a en lah chuan dar  12 a ri mai dawn bawk si.

 

*****************************

 

Esi leh Isaka chu an kal zel a, Isaka hliam na ti lutuk tawh chu an chawl ta nge nge a. Thingkung pakhat bulah chuan an thu a, "SAka, ana viau em? Engtin nge kan tih ang? Kan phone lah chu inah khan kan dah vek bawk si a, ava han buaithlak tak." tiin Esi chu a mangang nasa mai a.

 

Thawk deuh hluam hluam pah hian Isaka chuan, "Chuvang reng chuan inah khan kan let leh angai alawm, chubakah ka thaw hah hi a rawn chhuak vat dawn. Tunah pawh ka thawk a buai tan, ka inhaler ka dah daih bawk si...room chhungah khan.." a han ti tawk tawk a.

 

"Let leh ta ila, lo la awma ta se...khapa kha, min that ve mai anga sin.." tiin a lo tap pur mai. Isaka pawh chu a han ngawi vang vang a, "Enteh Esther, khawnge khapa kha tunah a awm kan hre lo ve ve a. Tunah hian kan bul hnaiah pawh a awm thei, engmah kan hre lo. Chuvang chuan kan dam zel theih nan chuan ka inhaler tal kan lak a ngai, a nih loh chuan hetah hian thawchhamin ka thi mai ang." tiin a chhang a.

 

Esi chu a han ding deuh hluai a, an awmna chu a han enkual a. Ramhnuai vek a ni bawk si, kan awmna lai hi hriat pawh ka hre lo ve a." a han ti nuah nuah a. Isaka chuan a hliam dawmw vang vang pah hian, "Esi, kha ramhuai kha...putar sawi, Ruatsanga a tih kha a ni thei mai angem?" a han ti a.

 

Esi pawh chu a rawn meng hrawk mai, "ISak, i sawi takah chuan...Ruatfeli nen pawh khan kan lo sawi a. Mi a dahna in atanga rawn tlanchhuak kha ania, kan riah tumna lah kha an in hlui a lo ni bawk nen. A awmzia chu, a rawn let leh tak tak a ni thei angem le.."  a lo ti ve nuah nuah bawk.

 

Chutih lai tak chuan thawm an hre ta, an phu dun nasa mai. Rang takin Esi chuan Isaka chu a kai tho nghal a, Isaka chuan a bula thing bung chu a ban nghal vat a. Thawm chu a rawn hnai zel a, an hma zawn hnim buk tak atanga rawn ri a ni. Esi hlau chuan, "Tlan ang, hawh...tlan chhe mai ang." a ti nghal chung chung mai a.

 

Mahse Isaka chu a inseh ruh a, "Nilo, ka hlap dawn. Ka lo hlap dawn khawp alawm, a chak dawn lo." tiin a intihuaisen lui a. Esi hlau chu Isaka hnungah chuan a biru a, Isaka pawh chuan a thing bung ken lai chu a hum nghet sauh sauh mai. Thawm chu a rawn hnai zel a, Esi pawh a lungphu a rang tawh khawp mai, chutiang bawkin Isaka pawh.

 

Hnim rawn pal ri buan buan ri chu a rawn hnai zel a, a rawn ring tulh tulh a. Issaka pawh a rawn thlen hnaih takah chuan a zam leh deuh tan der a, a thlan a tla bawrh bawrh mai. Chutah a rawn hnai tulh tulh a, Isaka pawh a inring tawh ren rawn hle mai. Hnim buk kar atang chuan tu emaw hi a rawn chhuak hlawl mai a, Isaka chuan ava hlap hman teuh tak em.

 

Mahse vaanneihthlak takin Joseph-a a lo ni hlauh mai, Isaka chuan a thing bung ken lai chu a dah thla nghal a. Esi pawah a thaw huai mai, "Joseph...nangmah maw?" Isaka chuan a ti hu mai a. Joseph-a pawh chuan chutia a thiante pahnih a hmu hlauh mai chu a thaw huai a, a thingthi deuuh hnawk mai.

 

An buaipui nghal vat a, "Sepa, enge thleng? I tha em?" tiin Esi chuan a zawt nghal mawlh mawlh a. Joseph-a pawh chuan thaw hlawp hlawp chung hian, "A that...ka..ka mit hmuh lai ngeiin, ka mit hmuh lai ngeiin a that.." tiin a tawng tha hlei thei lo. "Enge awmzia? Tumaw a thah?" tiin Isaka chuan a lo zawt ve lehnghal bawk a.

 

Joseph-a chu a han thaw deuh halh hlah phawt a, a zia awm deuh hnu chuan a han thaw leh deuh hluai a. Isaka leh Esi chu enin, "Putar..Putar te pafa kha, a that. A rapthlak lutuk, a rapthlak lutuk." a han ti leh hluam hluam a. Isaka chuan a han vuan a, "Sepa, min ngaithla teh. Tunah khawnge a awm, khapa kha tunah khawnge a awm?" tiin a han zawt leh a.

 

Joseph-a chuan a lu thingin, "Ka...ka hrelo, khawnge a awm ka hre lo. Putar te inah khan kha putar khan min hruai lut a, chutih lai chuan a rawn kal a, an pafa khan a rawn that a ni. Ka rawn tlan...ka rawn tlanchhe tawp. Tunah...tunah khawnge a awm ka hre lo." thei leh thei lo chuan a han ti leh a.

 

ISaka chu a ngawi vang vang a, "Engpawh nise Sepa, Ruatsanga pawh lo ni se, midang pawh lo nise. Kan let leh a ngai, kan let leh ngei ngei a ngai." a han ti chu Joseph-a a rawn meng phawk nasa mai. A lu a thing a, "Ni lo, kan let awh lovang. Ka duh tawh lo, a lo awm leh ngei ngei ang. Chu ai chuan helai hmun hi i chhuahsan vat zawk ang u, tanpuitu tur kan auh a ngai." a ti chiam chiam mai.

 

"Joseph, hliam ka tuar. Ti thut thut theih a ni lo, chubakah ka thawhah a chhuak takngial dawn. A hrehawm lutuk, inhaler lah kha room ah kan dah daih bawk si. Chuvang chuan kan let leh ngei ngei angai, anih loh chuan thaw chhamin ka thi mai ang." tiin Isaka chuan a chhang a.

 

Joseph-a hlau bawk si, hnial hreh bawk si chu a tum bur ringawt mai. Esi pawh chu lo tawng ve in, "Sepa, Ruatfeli i hmu em?" tiin a lo zawt a. Joseph-a chu a ngawi vang vang a, a hmel atang chuan Esi leh Isaka chuan Ruatfeli ruang a hmu ngei a ni tih an ring thiam nghal.

 

Mahse Esi chuan, "Ka zawhna chu min chhang ta che, Ruatfeli i hmu em?" tiin a han zawt nawn leh a. Joseph-a chu a mittui a tla nghal zawih zawih a, "Aw ka hmu, mahse a ruang chauh ka hmu." tiin a chhang zawi sap mai. Esi chu a tap nghal zawih zawih a, "Engthil nge maw kan chungah hian thleng ta mai le?" tiin a inhnit hlawp hlawp mai.

 

Isaka pawh a tah chhuak ve hle mahse a inti pachang lui a, "Engpawh nise, let leh phawt ang u. Chubakah keini chuan invenna tur ralthuam emaw hmanrua engmah kan nei ve lo. Ani erawh kha chuan chem a nei a, chuvang chuan kan fimkhur a ngai." a han ti dam diai a.

 

Joseph-a chuan ahma a thing bung, Isaka lo ken, leia tla chu a chhar a. Hun ngheh sauh sauh pah chuan, "Hmanrua engemaw tal kan ken ve angai, kan invenna tur theuh." a han ti a. Esi leh ISaka pawh chuan thing bung dang chu an zawng ve nghal a, an chhar hnu chuan muang chang chuan an let leh ta a.

 

*********************

 

Inspector Fakawma pawh rei fe a rawn tlan hnu chuan Buleng khua chu a rawn thleng ve ta, a naute chu a phone a. Mahse kawng lakah Truck pahnih an lo insut avanga kawng an block thu leh, an nghah mek thu an la rawn sawi zui. Lo nghah ve zelin awmzia a nei dawn si lo, tichuan a pan ta zel tawp a.

 

Minute 15 hnu velah chuan Rsa te in ngei mai chu ava thleng ve ta, motor chu a tiding a. Pawn lam chu thim viau mahse inchhung lam a lo en avang chuan a ngaih a tha lo nghal kher mai. A pistol chu a phawrh a, motor atang chuan a chhuak a. A torch light chu a keng tel bawk a, tichuan in lam chu ava pan hnai ta a.

 

Bolero pakhat lo ding a hmuh chuan a han en vang vang a, "Riak lut an awm em mawni le?" a han ti nuah nuah a. A va pan phei zel a, chutah Ruatfeli ruang, lu pherh vek mai chu ava hmu ta. A uak deuh tuar a, thovin an lo bawm nuai nuai tawh lehnghal a.

 

En pawh a en tha ngam lo, "Khai aw..helai hnaiah hian Rsa hi a awm chiang mai." tiin a phun sap a. A fimkhur nghal kher mai, inchhung lam chu ava pan leh a. Mahse a khat tawk chuan hnunglam a hawi leh zauh zauh thin bawk, inchhung chu a va lut ve ta.

 

Chutah kawngka bul lawka Zonuni ruang chu a hmu ve leh ta mai a, a phu nasa lutuk chu a kat dawr mai. Thisen a lo tling kawi nasa mai lehnghal a, "Khai aw...ava han che rapthlak ve leh." a ti vawng vawng ringawt. Tichuan Zonuni ruang chu a kal kan leh a, room chu a check leh vek bawk.

 

Mahse tumah a hmu lo, tukverh keh a hmu leh a, a han dak chhuak a. Mahse tumah a hmu lo, inchhung bungrua tla nuai leh dawhkan lo tlu bung rum te chu a han enkual a. A phone phawrhin back up a mamawh thu chu a nau te a han hrilh leh hlawm a, tichuan inchhung chu a chhuah san ve ta a ni.

 

****************************

 

Fimkhur tak chuan Isaka, Esi leh Josepha te chu an kal zel a. Thla a eng tha bawk a, light nei lo mahse kawng chu an hmu thei phian tho. Chutia an kal reng lai chuan thingkung pakhat a hreite lo bur va mai chu Esi chuan a hmu a, a ding chat mai. "Esi nga ti nge? Tinge i din a?" tiin a lo zawt vat a.

 

Esi chuan thingkunga hreite lo bur vu mai chu a kawk a, "Saw...saw saw enge?" a han ti zawi sap a. Isaka pawh chu ava hawi ve a, "Hreite....ka hreite pai kha a nih saw.." a lo ti a. Joseph-a pawh chuan, "SAwlai ah sawn alawm kan insual...khapa nen khan." a lo ti ve vat bawk.

 

"In insual amaw?" Esi chuan a lo ti hu mai. "Aw...kan inbei chiam a, ka darah min vit alawm. Hreite sawn min cheh a tum a, min chek fu lova. Thingkungah zawk sawn a chek a, tichuan kha putar khan min rawn chhan ta a ni." Joseph-a chuan a lo chhang a. Isaka chuan a lu a bu nghat a, "Umm..engpawh chu nise, hmanraw pakhat chu kan neih belh ta phawt mai." a han ti a.\

 

Joseph-a chuan a tiang ken lai chu a paih a, "Saw saw keiman ka va la ange." tiin thingkung chu ava pan phei a. Hreite chu va lak a tum a, chu veleh thingkung phen atang chuan RSa chu a rawn lang thut mai, "Sepa..khaa.." Isaka chuan a ti hman tawk. Rang lutuk in Rsa chuan hreite chu a phawi khalh a, Joseph-a lah a lo awm hnai tawh bawk si.

 

Joseph-a phu nasa lutuk pawh a ding chawt a, chet mai ngaihna pawh a hre bik lo. Chutah Rsa chuan hreite hmang chuan Joseph-a dulah tak mai chuan a chek ta mai a, a ri hrawih mai. Joseph-a chu a au eih lo, a ka a ang hlawi hlawi ringawt mai a. A ka atang chuan thisen a rawn chhuak a, a chilthli a fan thla duai duai bawk.

 

Esi hlau chu a au vak a, Isaka hnungah chuan a biru leh ta. RSa chuan chu hreite chu a han phawi leh a, Joseph-a chu a tlu bawk thlawp mai. Tichuan ISaka leh Esi lam chu ava pan leh a, hreite mai nilo, a kut lehlamah chuan chemte a keng bawk. Chupawh a hma a chemte a ken kha a ni tawh lo, ft 2 laia sei chemte, hriam hmel em em mai hi a kut lehlamah chuan a lo keng bawk aa, Putara te in atanga a lak a ni ngei ang.

 

Esi te lam a va pan leh chu thei leh thei lo hian Joseph-a chuan Rsa ke chu a lo man sak a, "Tlan...tlanchhe rawh u." a ti tawk tawk a. Mahse an hreh ve deuh bawk si, an hnung tawlh hret hret ringawt a. Rsa chuan Joseph-a chu a tham tho va, a thin(heart) ah tak mai chuan a vit leh ta hrawk mai.

 

A hnung ah chuan chemte hmawr pawh a rawn lawr tlang zawk mai a, a la vih thuk belh ta deuh deuh va. Chutah a kut khing khat chauh chuan chemte vawnna chauh vuan chung chuan Joseph-a chu ala chawi kang zui, Esi rap lutuk chu a au ring ngang mai a, ISaka erawh au pawh a au thei lo, a en tlawk tlawk ringawt.

 

 Rsa chuan Joeph-a hnunga chemte lawr chu amah Joseph-a nen chawp chuan thingkungah chuan a han vit bur leh a. Joseph-a chu a kang vu mai tihna a nih chu, a thaw hrawk hrawk mai a, mahse a la thi lo. Chutah RSa chuan Joseph-a lu chu a dawm vang vang a, "ZAWNG...ZAWNGA.." thei leh thei lo hian Joseph-a chuan a la rawn ti hram.

 

Rsa chuan dim hauh lo hian Joseph-a lu chu a han thuai leh pawp a, a ringruh tliak tih hriat tak hian a ri tuar mai. A thi chiang ngang mai a, chutah Rsa chu a rawn hawi let leh a. Chemte chu a han phawi leh pawp a, Joseph-a ruang chu leiah chuan a tla hnawk mai.

 

Esi leh ISaka lam chu a rawn pan leh ta, "Tlan ang..tlan ang." tiin Esi chuan Isaka chu a pawt dawr dawr a. Isaka pawh chuan a tlan pui ta a, mahse Rsa chuan chemte chu a rawn vawm pawp a, ISaka malpuiah tak mai chuan a bur chat mai. Isaka na ti lutuk chu an sir lawka kham awih lutuk lo, ft 20 vela sangah chuan a lum thla ta daih mai.

 

A lum thla char char a, lungpui lian takah chuan a lu chu a sawh chawrh mai a. Nikhaw hrelovin a awm nghal der mai, "Nilo Isak..Isak." tiin Esi chu a au vak vak a. Mahse Isaka chuan a chhang thei tawh der mai si lo, Rsa lah chuan a rawn pan phei zel mai si a, a tlan chhe leh ta ringawt a.

 

************************

 

Pi SAngkimi chu a muhil hleithei lo, a chhan pawh Deborah-i'n a mumanga sazupui dum a hmuh vang kha chu thuhran nise, Rsa Mental Hospital atanga a rawn tlan chhuak tih a hriat vang leh security guard paruk lai a that tih a hriat vang ve reng vang a ni.

 

A mitthla chuan Rsa nu, Pi Rinawmi'n ngaihdam a rawn dil lai a, tawngkam chhe tak tak a alo an khum hrep laite chu a rawn lang zawk zawk mai a. Rsa khan an fanu Remremi, an duat em em leh an fanu neihchhun kha a thahsak teh meuh mai. Mahse mi zawng zawng hmuhsit leh endawng tura mi zinga a sawi mualpho vak te chu a ngaihtuah let a, inchhirna hlir hian a khat a.

 

Chutia a inngaihtuah lai tak chuan an kawngka chu a rawn inchum ri dawt dawt mai a, a phu nasa kher mai. "Min pui ru, khawngaihin hawng hram teh u." tia hmei chhe hlauthawng tap ri chu a hre bawk a. A phu nasa ngang mai, "Tunge...tunge ni?" a han ti vak a.

 

"Ka pi, ka pi...khawngaihin hawng rawh, min pui hram rawh." a rawn ti leh chiam chiam a. An pa, Pu Biakzuala pawh chu a rawn tho chhuak ve nghal. Mak tih hmel tak hian, "Enge ni a?" a rawn ti a. Pi SAngkimi chuan kawngka chu ava hawng a, Esi chu a rawn tlu lut nghal a.

 

Pu Biaka chuan a lo kai tho vat a, "Nula, enge awmzia? Tunge i nih?" tiin a lo zawt vat a. Esi chu a tho nghal a, kawngka chu ava kalh tha nghal a. "Tunge i nih? Enge i chungah thleng a, Mami?" tiin Pi Sangkimi pawh chuan a lo zawt ve bawk a. Esi chuan thaw hlawp hlawp hian, "Mi pakhat, mi pakhatin min thah a tum." tiin a tap chhunzawm leh nghal char char a.

 

An thawm hria in Deborah-i chu a rawn tho chhuak ve bawk, "Enge ni a, henu hi tunge?" a rawn ti ve bawk a. "Tu in maw? Tu in maw thah tum che?" tiin Pu Biaka chuan a han zawt leh a. Esi chuan tap chung hian, "Ka hre lo, tunge a nih ka hre lo. Ka thiante, ka thiante pawh a that vek." tiin a lu a thing a, a inhnit hlawp hlawp mai.

 

Pi SAngkimi leh Pu Biaka chu an in en a, a ngaihna an hre lo hle mai. Deborah-i pawh chu a rawn thu hniam a, "Thiannu, enge i sawi awmzia? Tuin maw thah tum che?" tiin a rawn zawt ve leh a. "Ka hre lo ka tih chu...tunge a nih ka hre lo. Kan riah khawmnaah a rawn kal a, ka thiante a rawn that vek." tiin a lo chhang leh a.

 

Pu Biaka chuan Esi chu a kai thova, thutthlengah chuan a thut tir a. "Thu hahdam phawt teh, Debo..tui in tur va la rawh." a han ti a, Deborah-i pawh chu choka lamah a phei nghal a. Esi chu a tlanchhiatna lamah a lo tlu a, a ban ruh a lo ti khaw lo lehnghal hi a lo ni.

 

"Na i nei em?" tiin Pi SAngkimi chuan a han zawt leh a. Esi chu a han thaw deuh hlawp hlawp phawt a, "Ka ban, ka ban hi a na lutuk." tiin a ban vei lam zawk chu a dawm a, a lo pilh hrup mai. "Damdawi kan la ange, tikhan lo thu hahdam rawh." tiin Pi Sangkimi chuan damdawi hnawih tur te chu ava la a.

 

Deborah-i pawh chu a lo let leh a, tui chu a rawn pe a. Duhthawh tak chuan Esi chuan  alo in nghal khawlh khawlh mai, "Thiannu, han sawi teh. Enge i chungah thleng, khawiah maw in riah khawm?" tiin Deborah-i chuan a han zawt ve a. Esi chuan tui a in zo va, a thaw halh halh a.

 

A chil a han lem leh dawk a, "Sawtah..sawlai, sawlai inruakah sawn...inruakah sawn.."  a han ti leh hlawp hlawp a. Hriatthiam loh hmel tak hian Pu Biaka chuan, "Inruak a? khawi lai inruak maw?" a lo ti hu mai a. Esi chuan a chhang tha hleithei lo, "Khawi atanga lo kal nge i nih a?" tiin Pi Sangkimi chuan a lo zawt veleh a.

 

"Aizawl atangin, Aizawl atangin ka lo kal. Ihh...khulai, kawnghnuai a, inruak fal deuh ah khuan kan thian hovin intihlim turin kan riakkhawm a..tah chuan mi pakhat a lo kal a, sazupui hmaikawr hi a vuah a, ka thiante zawng zawng a rawn that vek." a han ti leh a.

 

Chutah zet zawng, Pu Biaka te nupa chu an in en ta hu mai le. Deborah-i pawh chuan a mumangah sazupui a lo hmu zo chiah bawk nen, "Sa..sazupui a?" a lo ti ve hu bawk a. Esi chuan muangchang hian, "Ihh..Pi Rinawmi, Pi Rinawmi te inhlui an ti in kha hria." a rawn ti leh phei chu Pu Biaka te nupa chu an phu deuh zuk mai.

 

Deborah-i lah chuan engmah hrechiang ve tawh hek lo, kum 4 lek a nih laia thil thleng a ni bawk si nen. A hriatchhuah an hlau deuh aniang, "I ban ruh hi a dik chiah lo a nih hi, damdawiin panpui i ngai a nih hi." a lo ti vat a. Mahse Esi chuan a lo duh lo nasa mai, "Nilo, ka chhuak duh tawh lo." a lo ti hlur mai.

 

"Tunah chupa, thah che tum tu chu khawnge a awm?" tiin DEborah-i chuan a lo zawt ve leh a. Esi chuan a lu thingin, "Ka hrelo, pawnah sawn a awm ang. KA hre lo, min umzui nge umzui lo pawh ka hre lo." tiin a tap lehnghal pur mai. Mahse Pu Biaka chuan zaidam tak hian, "Hlau suh, hei kan awm tawh alawm. Police kan phone anga, an man mai ang." a lo ti a.

 

"Ni e, mami. Lungngai reng reng suh, damdawiinah i ban a khawloh hma khan kan kal vat zawk angai ang." Pi SAngkimi chuan  a lo ti ve bawk a. Esi chuan a hreh ngang mai, mahse Pu Biaka te nupa in an tih tlat avang chuan hreh chung chung chuan a remti ve ta a.

 

Pawnah chuan an chhuak a, Esi hlau chu a hawi kual nasa mai. Mahse tumah a hmu lo hlauh, Pu Biaka motor ah chuan an lut a, an vaiin DEborah-i nen chuan damdawiin lam pan chuan an kal ta a. Esi hlau chu a la khur dar dar mai a, Deborah-i chuan a kuah a, a hnem hram hram a.

 

****************************

 

Isaka chu a rawn harh zawk mai, a awmna ngaiah chuan a lo la awm reng a. Chet mai a han tum chu a mal chu a rawn na zawk a, chemte kha a lo la bur vu reng chu niin. A then chawk chawk a, "Hrep tak chuan le.." tiin phawi a han tum a. MAhse a thei mai lo, na a ti lutuk tlat.

 

Chu mai ni lovin a lu a sawhna pawh a la hai muai muai a, hrehawm a ti ngang mai. A mal chu a han en a, thisen chu a lo luang zawih zawih mai. Inhaler a keng bawk si lo, a thaw chu a hah tawh ngang mai a. Chemte chu phawi a han tum leh a, mahse a thei ngang chuang lo.

 

Harsa ti chung chung chuan a tho chhuak a, a bai phei auh auh va. A awmna lah chu a hre der chuang si lo, a hma zawnah chuan a bai phei zel a. A lum thlakna bul ah chuan a vak chho va, a han chawl leh dat thin. A hliam na  ati bawk si, a thawh a hah bawk si chu a mangang takzet.

 

A thlan chuan a bual huh vek tawh a, "Min pui ru, min pui hram teh u." tiin a han au leh vak vak thin. Mahse awmzia a nei lo hle mai, a reh hian a reh diak mai bawk si. Chutah a tha neih zawng zawng chu sawm khawm lehin a han vak chho leh tang tang a, a tawp a tawpah chuan a vak chhuak thei ta.

 

Vanneihthlak tak maiin an riahna, Rsa te in chu ava hmu ta hlauh mai le. A lawm lutuk chu a nuih hial a, thei leh thei lo chuan ava pan nghal a. Mahse a tlu bawk leh thlawp thin, a malah lah chemte ala bur vu bawk nen. Chutah le, a thaw hah chu a rawn chhuak ta nge nge a.

 

A thaw hrawk hrawk mai a, a dang a ro em em bawk. Thei leh thei lo chuan a bawk vak phei zel a, a meng pual tan ta der mai. MAhse a la beidawng duh chuang lo, a va bawkvak phei zel a. Mahse a hma lawk a lo awm, Inspector Faka erawh kha chu hmuh tur a awm tawh hauh lo thung.

 

Inchhung chu a thleng ta, Zonuni ruang pawh a lo la awm reng. Mahse a ngaihtuah hman tawh lo, room ah chuan a bawkvak lut zel a. Lukham hnuaia a inhaler chu ava ban a, duhthawh tak chuan a hip ta hrawk hrawk mai. A thaw pawh a rawn ziaawm thei ta hram a, a han hahchawl vang vang phawt a.

 

Chutah a tho chhhuak a, room atang chuan a bai phei leh auh auh va. Zonuni ruang bulah chuan a han ding ang ren rawn a, Zonuni kawr chu a pawtthler a. Tichuan na ti chung chung chuan a malpuia chemte bur chu a pawt phawi hrawk a, a au ring teh asin.

 

Tichuan a mal hliam chu Zonuni kawr a pawhthler chuan a tuam a, "Zawnga, i va han thi dawn chiang em. I thih hma chu helai hmun atang hian ka kal bo lovang, ka kut ngei hian ka that dawn che." tiin a insehruh nasa mai a. Zonuni ruang chu a en vang vang an tichuan ramhnuai lam chu a pan leh ta them them mai.

 

****************************

 

Hospital lam pan chuan Pi Biaka te chu an tlan mek a, "Hlau tawh suh aw, tuman an tina dawn lo che ania." tiin Deborah-i chuan a la hnem zui zel a. Chutah an motor hma takah chuan RSa chu a rawn lang leh ta thut mai a, Pu Biaka pawh a ding chiang kher mai.

 

"Tinge, tinge i din a?" tiin Deboraah-i, seat hnung a Esi nena chuang mek chuan a rawn zawt nghal vat a. Esi chuan ava en ve a, "Saw..sawpa saw, sawpa saw alawm." tiin a kawk a, a tap nghal pur mai. RSa chu a ding khur mai a, hreite kha ala keng reng  bawk.

 

Chutah muangchang chuan a hmaikawr chu  a phelh a, Pi Sangkimi leh Pu Biaka te nupa chuan tunge a nih an hre nghal. A chhan pawh Rsa Mental Hospital a a awm lai khan an va tlawh ve fo thin a, mahse khatih lai khan Rsa hian a lo be duh ngai lo mai nilovin a lo ngaihsak duh ngai lo a ni.

 

An nupa chuan an in en hu a, "Ruatsanga." Pi Sangkimi chuan a ti zawi sap a. "Tikhan lo awm ru, ka va bia ange." tiin Pu Biaka chu chhuak a tum a. Esi chuan tap chung hian, "Nilo kal suh, khawngaihin kal suh." a lo ti chiam chiam a. Deborah-i pawh chuan, "Pa..Pa..kal suh. Nu, ka pa kha dang ta che..tunge sawpa saw, in hria em ni?" hlauthawng tak chuan a lo ti ve bawk.

 

A awmzia chu Pu Biaka te nupa hian a rukin an RSa hi an va tlawh thin a, Deborah-i hian a u a ni tih a hriatchhuah an hlauh avangin an thup hram hram a, Deborah-i hriat awmchhun chu an fa tak tak a ni lo tih chiah a ni a, mahse abak chu engmah a hre lo. Pi Sangkimi lah a hamhaih vek a, chet mai ngaihna pawh a hre lo.

 

Pu Biaka chu ava chhuak a, Rsa pawh a mengphawk nasa kher mai. A chhan pawh tunge a ni tih a hria, kum 9 mi lek a nih laia amah duat thin em em tu, amah pawh ina pa ang hiala a lo en ve thin, a thiannu neihchhun REmremi pa ngei kha a nih vang a ni.

 

Pi Sangkimi pawh chu motor atang chuan a chhuk ve nghal a, "Nang tal chu chhuk suh, nuuu.." tiin Deborah-i chu  alo mangang nasa mai. A ban hliam dawm chung chuan, "Kal suh u...va kal hnai suh u. Su hlum ru, su hlum ru." tiin Esi chu a tap vak vak tawh mai.

 

Muangchang chuan Pu Biaka chuan ava pan a, "Ruatsang, Ruatsang...keimah, keimah i pa Biakzuala. Min hria em? Min hira tiraw?" zaidam tak chuan a han ti a. Mahse Rsa chu a ngawi reng, rum tak hian an nupa chuan a en reng a. "Bawiha, kan tihpalh. Khawngaihin i thil tih lai hi tawp san rawh, pawisawi lo thah angai lo." Pi Sangkimi chuan a lo ti ve bawk.

 

Pu Biaka chu a mittui a tla a, "Ni e, kan fanu kha i that ngei alawm. MAhse kan lo ngaihtuah chiang lo a ni, Bawiha. Keimah..keimah ber hi a ni. Saw nula sawn engmah thiamlohna a nei lo, sawnu saw chu midang daih a ni.  Ruatsang, min ngaidam hram rawh. Keimah vang a ni, i pa hi ka tling lo a ni." tiin a va pan phei zel a.

 

Chutah Rsa chu a rawn mengrum thut mai, thei leh tehi lo hiann a ka chu a ang a. T(r)ial ruai hian, "KA PA I NI LO." tiin a hreite chu a lek kang a. Pu Biaka lu chu  a chhawk bung hmawk mai a, Pi SAngkimi chu a t(r)e ring ngei mai. Mahse Pi Sangkimi pawh chu a awmah chuan a hreite chuan a chek lehnghal a, lamlianah chuan a thal tawp mai.

 

Mittui tla zawih zawih chung chuan Rsa chuan Pi Sangkimi chu a chek nawn mawlh mawlh a, a au vaka vak bawk. Pi Sangkimi chu a thi chiang ngei mai, a ril te pawwh a chhuak nuia hial a. Chutah Rsa chu a han thaw hluai a, motor lam chu a va pan leh ta mai a.

 

Deborah--i leh Esi chu an tthla a phang nasa, an tap dun vak vak ringawt. KAwngka chu an kalh nghal a, mahse Rsa chuan awlsam tak hian motor kawngkhar chu a thlaawn hlawk a, a lo awm hnai zawk Esi chu a hnuk chhuak nghal a. Kawngka lehlam atang chuan Deborah-i chu a chhuak a.

 

Rsa'n Esi beih leh a tum lai chuan DEborah-i tlan chhia chu ava pan ta zawk a, a hreite chu ava vai ta fua fua mai. A vai thawi thuak a, Deborah-i kawr hnung chu a t(r)et tuar mai. Mahse a la tlan zel a, Rsa chuan a hreite chu a la thlauh zui. Deborah-i lah chu a inchhuih a, a tlu bawk thlawp mai a.

 

Thawh leh mai a tum chu Rsa chuan a kawrah chuan a man hman a, a kawr chu a thler ta vek mai. Bra nen chauh chuan a awm ta a, na tak hian Rsa chuan Deborah-i chu a hnek siah mai a. Deborah-i pawh nikhawhrelovin a awm nghal a, mahse engemaw hmuh a nei tlat.

 

Chu chu a hnunga kutchuk lian tak, dum kulh mai chu a ni. Rsa chuan a mitthla in a nau, kum 4 mi lek hnunga kutchhuk chu a ngaihtuah chhuak a, a shape pawh a in ang chiaha chiah. Pi Sangkimi ruang chu ava leh hawi a, thil awmzia a aman deuh ta niin a lang.

 

A nau tlu mek chu a en a, Deborah-i...a nau neihchhun a ni tih chu a hrechhuak ta. Mahse chutia a din ngawih reng lai chuan a hnungzangah chuan hreite chuan Esi chuan a rawn chek pawp mai a, a thingthi hnawk mai. VAwikhat a han chek nawn leh a, a bawk khup ta thlawp mai a.

 

Hreite chu a hnungzanga chuan a bur va mai a, a che tawh miah lo. Esi chuan tap chung chuan, "Zawnga, thi rawh... thi mawlh rawh." tiin a vin vak vak a. Tichuan Deborah-i lam chu  ava pan a, "Thiannu, i tha em? Harh teh, i tha em?" tiin a sawi vak vak a.

 

Mahse Rsa chu a rawn tho leh tlat mai, a hnunga hreite bur va mai chu awlsam angreng tak hian a phawi leh a. Mahse Esi chuan DEborah-i a buaipui avang chuan a hre hauh lo, Rsa chuan motor lam a pan a. A hmaikawr chu ava chhar leh a, a vuah leh a, mahse Esi chuan ala hmu hauh lo thung.

 

A hnek na bawk aniang, Deborah-i chu a harh thei miah lo. Rsa chuan hmaikawr chu a vuah leh a, Esi chu a rawn pan leh ta. Esi rawn hawi chu Rsa a hmu leh ta mai a, a au nasa ngang mai. A hreite chu a rawn lek kang leh a, mahse a awm atang chuan chemte hmawr zum tak mai hi a rawn lawr thut mai.

 

A thingthi hnawk a, a hnungah chuan Isaka a lo lang a. Chemte khan a lo vawm chu niin, Esi chuan ava pan nghal a. An inkuah thlawp mai, chutih rual chuan Inspector Faka leh a naute pawh an rawn thleng chawpchilh ve nghal bawk. Rsa chu a la thi lova, damdawiinah hruai a ni a.

 

Pu Fakawma chuan Esi leh DEborah-i leh Isaka te pawh chu a buaipui a, tichuan an ni pawh chu damdawiin lam panpui nghal an ni bawk. Deborah-i chuan engmah a la hre chuang lo, a chhan chu nikhaw hrelova a la awm tlat vang a ni. Isaka leh Esi chauh chu an thian zinga dam chhuak awmchhun an ni a, mahse Rsa a la thih loh avaang chuan hun lo kal  leh zel turah la dam chhuak reng thei ang maw!!!

 

***************************

 

THE END

 

**************************

 

USAGI WILL RETURN IN 2023