NATHAN SEASON-4 Written by : Aaron Malsawmdawngzuala Episode-15 (V-2)

NATHAN SEASON-4

Written by : Aaron Malsawmdawngzuala

Episode-15

(V-2)

*****************

Nathana chuan signal chu a chhui zel a, bazar hmun niin a t(r)awp khawp mai. Keini pawh chu police dangte nen chuan kan va thleng ve a, Nathana lo hawi kual vak vak chu kan va hmu a. "A va han bal ve mawle." tiin ka phun nuah nuah a. Nathana kawr hnung ka han en chu lehkha hi a lo in bel a, "Sir, i hnung kha.." tiin lehkha chu ka pawt thla a.

Kan han en chiang chu smiley emoji lem, ki(horn) nei hi a lo inziak a. NAthana phone a rawn ri a, "Hello." tiin a han chhang a. Chutah phone ami chuan, "Hello hello..mic testing 1, 2, 3...i speed ka lo check char char a. I hnungah khan ka zui reng che a, mahse min hmu ta lo chu a nih kha." a rawn ti leh ta chher chher mai.

Zai zir hian Nathana chuan number trace vat turin min rawn hrilh a, mahse phone ami chuan, "Hey, min trace tum duh suh. Heng phone ka rawn hman ho hi ka ruk vek an nih hi, i kid te khan min trace hmain emaw, he phone neitu hian a SIM a block hma ngai hian ka thualthah pathumna tur ka han hrilh ang che. Vawiin atang hian mi pali thah ka tum a, mahse Inspector Prasad-a nena chhiar tel chuan panga a ni ang. Intihhlim nan, ka tualthah zawh apiangin i tan clue ka hnutchhiah zel ang che. He ka tualthah avang te hian min man i tum anih chuan SUPER COP i ni tih ka pawm thlap ang. Mahse min man thei lo anih vaih chuan pres meeting i koh angai anga, i award leh medal zawng zawngte kha i paih bo angai thung ang. Tichuan SUPER COP i nih loh zia leh police nep tak i nih zawk zia i pawm tur a ni ang. Tichuan i in resign bawk tur a ni." tiin a rawn vau leh ta khur khur mai.

"Min fiam kual i tum em ni a?" tiin Nathana chuan a han zawt a. "Ni chiah e, ka thil tih apiangte hi chu a hlimawm vek tur a ni. Nang ang milar hi ka infiampui che anih chuan a nuam dangdai dawn em asin, chuvang chu alawm ka thlan che. Min han hrilh teh, i pawm nge pawm lo?" tiin a rawn zawt leh khur khur a.

"Chutiang khawpa infiam i duh te chuan engvangin nge ka lo hnar teh lul ang che ni?" Nathana chuan a han ti leh a. "A tha e, infiam chiah ila." tiin phone chu a dah ta hmak mai. Nathana chu a thinrim hmel kher mai, min rawn en a. "Rinawm, total crackdown ka duh, he misual hi a nung chung ngeia man ka duh a ni." a ti a.

*******************

Area tina goonda hrang hrang, rinhlelhawm zual te leh criminal case lo ngah deuh ho te chu kan man risk pawp pawp a, kan dawp a. A tawpah chuan pa pakhat, Saidulu-a chu rinhlelhawm zual zinga mi niin kan man ve leh a. Zawhna te kan han zawt a, "Sir, Inspector PRasad-a informer ka ni thin a, kum khat chhung teh meuh chu a tan ka thawk thin. Thla ruk liam ta atang khan Prasad-a hi a rilru a hah hmel thei em em a, a chhan erawh ka hrelo. Kar hnih liam ta khan bar ah PRasad-a hi Mallikarjun nen an inhmu a.." a tih lai chuan Nathana chuan, "Tunge Mallikarjun chu?" a lo ti vat a.

"Builder mawle, real estate..Chinni Krishna Construction neitu.." tiin a thlalak chu min han hmuh a. Saidulu-a bawk chuan, "An bul deuh lawkah ka thu a, mahse min hmu miahlo. An titi ka ngaithla a, KAN FIMKHUR ANGAI A NI tia PRasad-a tawng ri kha ka hrechiang hle bawk." a han ti leh a.

"Engthil ah nge fimkhur an ngaih a? Mihring hming sawi lan an nei tel em?" tiin Nathana chuan a han zawt leh a. "Neilo, Sir." tiin a chhang a. "Rinawm, Mallikarjun-a hi a detail engkim ka hre duh...SI Ravi nen lo buaipui ang che u aw..tlaiah kan inhmu leh dawnnia." a ti a, Saidulu-a pawh chu kan kalsan ta a.

*******************

Information ka hriat theih ang ang ka khawn khawm hnu chuan tlai a lo ni ta der mai, file keng chung chuan NAthana office ah chuan ka va lut a. "Sir, Mumbai lamah a kal a nih hmel. Zaninah a lo haw dawn a, a resort thar hawnna an nei dawn a ni awm e. A lo thlen hunah resort ah a direct dawn niin a lang." ka ti a.

"A tha e, zaninah resort hawnna ah chuan va kal ve angai a nih chu." tiin Nathana chuan min chhang a. Zan a lo ni a, resort lam pan tur chuan kan insiam a. Mallikarjun-a lo thlen hun awm ang kan nghak tang tang a, resort lamah pawh mipui an tam thawkhat tawh tihah chuan kan pan ve ta chauh a.

******************

Kan va thlen chuan gate bulah Malik-a chu a lo awm a, security pakhat nen an lo inbe mek a. Kan va pan hnai a, "Hello Mr Malik.." tiin NAthana chuan ava chibai a. "Ehe..nangni chu.." Malik-a'n a tih lai chuan Nathana bawk chuan, "Kan hria alawm, sawm kan ni velo. Keimahni thu in kan lo kal ve tawp, a pawi em lovang chu." a han ti leh zung zung a.

"Nilove, police te chu ka thiante vek alawm in nih. Ihh...case chhui vel vangin i buai ka ring a, ka sawm talo mai che a nih kha...Prasad-a case chungchang kha..." a han ti bah deuh nuai a. "Nia, chumi chungchangah chuan biak che kan duh a." Nathana chuan a han ti leh a. "Nia, aa..Mumbai atangin ka rawn haw chiah a, ka va inti fai anga, ka lo let leh ang...lo va lut ru." a ti a, a chhungah chuan kan lut ta a.

"Sir, a fai ver vawr em kha, intihfai leh kher angai dawn mawni?" ka lo ti hman hmawh a. Nathana chuan, "Rinawm, enthla char char ang che." a ti a, "Awle, Sir." tiin ka chhang a. Nathana nen chuan kan inthen hrang a, Malik-a chu ka enthla zel a. Nathana erawh bar lamah a va phei leh tak kha, hepa tak hi chuh..

*****************

Nathana a tei kual mai mai lai chuan ahnug atang chuan hmeichhe pakhat hian, "Ehe..nang maw?" a rawn ti thut mai. Ava hawi let vat a, Apoorva-i a lo ni reng mai. "Enge hetah i tih a?" tiin Nathana chuan a zawt a. "Nangmah berin i thu lo chuan hmundanga ka kal i phal silova.." tiin a lo chhang a.

"E..anih chuan min zui ru tihna em ni?"

"Psycho chungchang kha animai a, tiraw..chuvnag chu alawm..haha."

"Nangmahin em ni ilo kal?"

"Ka nu leh pa nen...Heta thawk pakhat hi ka pa thianpa ania, hetah hian villa thar a lei a. Tichuan min sawm ve ta a nih hi, anih leh nang ve le?"

"Resort owner hi ka thianpa ania, min sawm ve anih hi."

"Mallikarjun-a maw?"

"Aw.."

"A nelawm loh tiraw?"

"Ngatimaw?"

"Aaa..ka ngaihdan mai mai. Enth, zanin hian thil special tak a thlen ka ring tlat."

Chutih lai chuan Apoorva-i nu leh pate chu an lo kal a, "Ehe Pu Nathan, nangmaw?" tiin an rawn chibai a, "Ka dam alawm." tiin polite takin Nathana chuan a lo chhang a. "Inspector Prasad-a case kha.." a tih lai chuan Apoorva-i chuan, "Pa, tunah nilo.." tiin apa chu a lo khap vat a. Nathana chu a nui vur vur a, "Kan chhui mek zel e." tiin a chhang ve mai a.

**************

Malik-a chu ka enthla reng a, lodge lamah a phei a. Thingkung phen atang chuan ka bihthla a, tukverh ah a rawn dak zeuh zeuh bawk a. Ka nghak char char a, mahse a rawn chhuak miah lo. Inchhung lamah chuan thil fel lo a awm anih ngei ka ring a, mahse thlamuan hmel tak hian midang te chu an lut chhuak reng tho bawk si a, mak ka ti angreng hle mai.

Chutah pa pakhat chu rawn tlan lutin, "Nilo...Sir Malik-a...Sir Malik-a saw.." tiin a rawn au chel chul mai a. Nathana chuan va pan vatin, "Enge ni a?" tiin a zawt a. "Sir Malik-a saw tu emawni in  a that a ni." a ti ta mai a. Chu veleh rang takin kan tlan chhuak nghal a, a ruang kan va hmu chiah chu mak kan ti hlawm ngang mai.

Malik-a chu theihai kung hnuaiah a kut chunglama phar chungin tawn beh a lo ni a, khum a lo awm bwak. Khumah chuan a thu sawp nuai a, bedsheet ah te chuan rose pangpar a khat vek bawk a. Bati a inchhi tlar thluah bawk a, a hrawk atangin thisen a baw zawih zawih bawk. Inspector Prasad-a thihna ang bawkin a chal ah chuan paper them a lo in bel leh a, JUST MISS tih hi a lo inziak bawk a.

*****************

"Super Cop tia mipui ten an sawi thin, SP NAthan chuan a cho loh val a tawng ta em ni ang? Tualthahna a thlen zawh hnu darkar 36 ah tualthahna dang a thleng leh a, victim hi real estate tycoon Mallikarjun a ni." tiin news channel tinah chuan an puang leh ta dum dum mai. Forensic department ho an lo thlen meuh chuan khua  a var tan tawh.

REi fe an han enfiah hnu chuan doctor pakhat chuan min rawn ko a, Nathana nen chuan kan va phei a. "A ka(mouth) chhungah hian thil a awm." tih pah chuan doctor chuan a ka chhunga puan them niawm tak chu forcep hmang chuan a chep chhuak a. Kan han en chiang a, engemawni hi a lo inziak leh a.

NAthana chuan a chhiar a, "Sava, mahse sava pangngai ni silo...a mei(tail) tan rawh. Thim zingah ni eng chu zawng la, Lalpa sakawr chuan a sawm a che." tiin a phun bul bul a. "Sava..sava ni silo chu enge niang? Clue a ni thei mai angem?" ka lo ti ve nuah nuah bawk a. "Hmela mai mai chuh, ka la man khawp ang." tiin Nathana chu a thinrim hmel kher mai.

*******************

Apoorva-i chuan Nathana te door bell chu a han hmet ri ral ral a, Sanvi nau Nisha-i chuan a rawn hawng a. "Apoorva-i i ni ang tiraw?" a lo ti a. "Aw ni e." tiin a lo chhang vat a. Nisha chuan, "Nathana'n ilo kal tur thu a sawi tak e, lo lut rawh." tiin a luh tir a. Nathana pawh chu room atang chuan a rawn chhuak a, "Ehe, ilo thleng tawh animaw?" a rawn ti a.

"Aw ka lo thleng chiah." tiin Apoorva-i chuan a lo chhang a. "Lut ila.." tiin Nathana chuan a room ah  ahruai lut a. "I tha maw?" Apoorva-i chuan a han ti a. "A buaithlak khawp mai, mdeia ah lah ka lar si a, twitter ah nen, instagram, facebook thlengin..englo ania, thil zawh duh che ka nei a." NAthana chuan a han ti a.

"Enge?"

"Malik-a chungchang kha mawle..nizan khan Malik-a hi pa nelawm loh tak niin i sawi a, chuan thil engemaw special tak a thlen i rin thu i sawi bawk a...tinge a chhan?"

"KA novel research chungchangah PRasad-a kha coffee shop a inhmu turin ka sawm a, ka va thlen khan Prasad-a chu Malik-a nen an lo titi a. Kha kha Malik-a vawikhat ka hmuhna a nia, Prasad-a ka zawh leh kha chuan misual tuten emaw amah leh Malik-a thah an tum thu min hrilh a. Mahse a hlauh lemloh thu min hrilh a, a hming ka zawt a, a hming chu VICKY-a tiin min chhang a ni."

Nathana beng a verh zar mai, a thu tha sauh sauh a. Apoorva-i bawk chuan, "Chuan PRasad-a thah a nih khan Malik-a hi a target dawt leh a nih hi ka lo ring ve tawp a, mahse ka rin aia hma in thah a ni leh ta si a." a han ti leh nuah nuah a. Nathana chuan a phone a phawrh a, tualthattu in lehkha a hnut chhiah thlalak chu a han en vang vang a.

Lehkha them chung lama thler chhe te lo awm, V shape chu a han en vang vang a. "I sawi dik e, V for VICKEY.." tiin a phun sap a. Hriatthiam loh hmel tak hian Apoorva-i chuan, "V for...tumaw?" a lo ti hu mai. "He thuziak hi mawle, tualthattu ina victim taksa a lehkha min hnutchhiah hi..a sirah hian V shape in a in-cut a." tiin Nathana chuan a chhang a.

Apoorva-i chu lo kal hnaiin a rawn en ve a, "Eheu, classic psychopath diktak a ni. Nathana chuan, "Ni chiah e mawle...a typical signature a ni ngei ang. V....alphabet pakhat te hi a hmang a, clue min hnutchhiah a ni...Apoorva, min lo hrethiam la, phone call ka han hmang lawk ange aw.." tiin phone chu a hmang a.

********************

Call ka dawng a, Nathana alo ni. "Hello Sir?" ka ti vat a. "Hello Rinawm, Prasad-a emaw, Malik-a khan hmelhriat...Vickey-a tih hmingpu an neih awm i hria em? I hriat loh chuan lo chhui chiang teh aw..." a rawn ti a. "Vicky-a maw? Yes Sir..kan lo chhui ange." tiin ka chhang a, phone chu kan dah leh nghal a.

*****************

"Anih chuan, Vicky-a chu zawng hmu ta ula, lawmman te ka dawng ve angem?" nui chung chuan Apporva-i chuan a han ti a. "Vicky-a hi tualthattu pawh chu lo ni se, he tualthahna pahnih ah ringawt hi chuan a tawp lovang." tiin Nathana chuan a lo chhang a. Ani chuan, "Engvangin maw?" a lo ti hu mai.

"Psychology graduate i ni lawm ni?"

"Topper ngat mawle."

"Vawiin atang chuan ka assistant, min puitu i ni tawh ang."

"Puitu a?"

"Ni e...Criminal Psychology consultant...ka rawn ber i ni tawh ang."

"Anih chuan min ringhlel tawh lo tihna ami?"

Nathana chu a nui suk a, "Ringhleh chu ila ni tho maithei, eng ang chiah a thiam nge i nih kan en pah bawk aniang chu.." a han ti a. Apoorva-i chuan phur hmel tak hian, "Engzat nge ka hlawh ang?" a lo ti nghal chung chung a. "I performance a zir animai.." tiin a lo chhang a. "Anih leh bonus min pe angem?" tiin a han zawt leh a.

"Chu erawh ani thu thu kha animai?"

"Ani a? tunge chu chu?"

"Sava..mahse sava ni silo.."

Apoorva-i chuan  ahrethiam lo kher mai, "Tunge chu chu? eng sava maw?" a ti leh hu mai. NAthana chuan thlalak chu a hmuh a, "Tualthattu hian clue min hnutchhiah a, hei en rawh." a ti a. Apoorva-i chuan  a en a, "SAva..mahse sava ni silo..a mei tan chhum rawh. Thim zingah ni eng chu zawng la, enge awmzia." a ti nuah nuah mai.

"He mihring hian min haw hle ni tur a ni." NAthana chuan a han ti a. "Ihmaw..hetiang hi chu a common alawm. Heng psycho ho hi chuan nangni ang police officer ho hi chu an challenge fova, mahse in han beihlet tak tak hi chuan an hlau leh deuh thin." Apoorva-i chuan a lo ti ve leh a.

"Psycho a ni tak tak em tih chian nan chuan a clue min pek hi ka chhui chian angai, chuan nangpawh hian he tualthattu ai hian i fing zawk ani tih min hmuh tir angai ang. He clue min pek hi ni khat chhunga i chhuichhuak thei anih chuan bonus ka pe ang che." Apoorva-i chu a phur ngei mai, "Tehreng mai, Sir..ka theih tawp ka chhuah ang." tiin a chhang a.

*****************

"Finger prints engmah a awm lo, he puan them a texture hi chu e, hotel-a thleng hruk fai nan a an hman napkin te nen a in ang reng.Victim ka(mouth chhunga chil leh thisen khar te khan he lehkha a pentui hi an ti pherh a. Decipher ti tur chuan hun engemaw chen chu ka mamawh ang, chiang takin han en ula, engemaw danglam deuh hmuh theih chu a awm a ni." tiin Forensic doctor chuan min han hrilh fiah a.

Chu puan them, Malik-a ka(mouth) atanga kan hmuh chhuah chu Nathana chuan chiang tak hian a han en a, "A nih hi, eng image emaw chu a ang riau mai. Entirnan hei hi hotel pakhat napkin hman ang lo ni ta se, he image hi chu an logo a ni ngei ang. Trace ta ila, tualthattu chu kan man thei maithei asin. Han ti fai vat teh..chuan enge thil dang?" tiin a zawt leh a.

Doctor chuan, "Tualthattu hi High-end killer kan tih ang chi deuh hi ania.." a han tih chuan Nathana chuan, "Nangpawh high-end specialist alawm i nih..i man vat thei ang chu/" tiin  a han fiam zauh a. "Hetiangai challenge zel chuan maw Sir, darkar chanve hnuah  a chhuichhuak thei mai ang." tiin ka telugu tawng thiam ang tawk chuan ka lo tuihnih ve zeuh bawk a.

"Englo ania, Sir.." doctorin a tih lai chuan Nathana chuan, "Zaninah report ka hmu hman ngei tur a ni...Rinawm, incharge ah ka dah che aw.." a ti ta hmak mai. "Sir, chutiang a theih lovang." tiin doctor chu ala tang nasa mai. "Animaw, i thei tih ka hria alawm." tiin Nathana chuan a kalsan daih mai.

Doctor chuan min rawn en leh a, "Sir, ka thei lovang..hun ka nei tlem lutuk." a han ti leh bui bui a. "Engmah theihloh a awmlo, pay attention..good luck." tiin ka chhuahsan ve ta hmiah a. Nathana chu ka va umzui a, "A thiam tih ka hria alawm, a thatchhiat vang mai mai anih kha, Sir." ka han ti ve leh hram a.

SI RAvi-a alo kal a, "Sir, Malik-a diary ka check a, kar kal ta khan entry pakhat a siam a ni awm e. Enquiry i nei tawh em? Vicky-a tia a sawi hi ania ka tih chu?" tiin a rawn zawt a. Nathana chu a ding chat mai, "Vicky-a a?" tiindiary chu a en a. "Ni e Sir, Malik-a call log ah hian Vicky-a number ka hmu a ni. He number atang hian a nupui a call a, kan trace chhuak a ni. Tunah hian  Mehdipatnam-a Sai Sri lodge ah a awm mek a ni." Si Ravi-a bawk chuan a han ti leh a.

"Atha lutuk..kal nghal ang u." tiin Nathana chu a phur ngei mai. Rang takin Sai Sri Lode lam chu kan pan a, reception te nena kan han titi zawh hnu chuan room number chu kan hre thei ta a. Elevator a awm silo nen, step ah kan han chho tak tak mai chu kei val senior, kum tlem tawh lemlo tak hi ka hah ngei mai.

Hotel staff pakhat kan hruai tel ve a, kawngka chu a han kik a. "Laundry...laundry Sir?" tiin a au lauh lauh a. Mahse a reh vang vang mai, Nathana chuan pistol a phawrh a, a inring tawh hle mai. "Au leh rawh." a han ti leh a, staff chuan a han au leh ta a. Chutah kawngka chu a rawn inhawng a, mipakhat hi a lo awm a.

Nathana chuan bangah a rek bet nghal a, "Nang hian min challenge ve amaw? Eng angin nge i inngaih a?" tiin a hnek hrep hrep mai. "Engmah ka tilo, Sir...engmah ka tilo." tiin chupa chu a mangang nasa mai. Nathana te nen chuan chupa, Vickey-a tih hmingpu chu kan hruai chhuak a. Hotel guest dangte chuan min lo en thup hlawm a, Nathana chuan a namsawn pawp pawp hlawm mai.

*************************

TO BE CONTINUE