CANNIBAL VILLAGE (MIZO FICTION SLASHER STORY)

CANNIBAL VILLAGE

(MIZO FICTION SLASHER STORY)

Written by : Aaron Malsawmdawngzuala

(Warning 18+)

*********

Lalmuanpuii, Mamuani hi kum 35 mi niin fanu pakhat a nei a, a nu leh pate erawh in an thihsan tawh a ni. Sawibuang (phuahchawp) khuaa awm an ni a, an khua hi thingtlang ve tak mai ala ni a, khaw mipuite pawh an changkang viau lo. In lah te tak te te a ni deuh fur hlawm a, cement building lian tha ve pangngai tak chu chhiar tham lek a ni. Mamuani fanu hi kum 6 mi a ni a, Mawimawii a ni. 

Mamuani hi a pasal nen an inthen a, veng mipuiten an hriat dan leh an sawi dan chuan Mawimawii pa hian Mamuani te nufa hi hmeichhe dang a umsan a, tunah phei chuan khawiah nge a awm pawh an hre tawhlo a ni awm e. Hmeithai a ni a, afanu nen chauh chuan cheng dun a. A khua  a har theiin a fanu, pa tia koh tur neilova a rawn thanglian mai tur chu a ngaingam lova, a khawngaih hle thin.

An rethei em em a, Mamuani sum hmuh ve na ber chu an kawmthlang huana a thlai beitham tak takte chu an ni mai a, khawlaiah nilengin a zuar kual thin a ni. He a thlai zawrhte hian rei a daih dawnlo tih a hria a, sumdawnna dang han buapui pawh a rilruk tan a. Mahse sumdawnna bul tanna tur pawisa engmah a nei silova, an chenna lah an in  ani der silo. Mawimawii pa hi Duhawma a ni a, Mamuani nen hian Biak Inah kher innei lo mahse an chengdun ve hman a. 

Mawimawii kum 5 a nih thleng kha chuan nupa angin an awm ve char char tho a, mahse Duhsaka hian Mamuani chu bumin hmeichhe dang nen an tlanbo daih a ni awm e. Mamuani khawngaihthlakna em em bawk chu, Duhsaka tlanbo pui hmeichhia chu tudang nilovin, an khawsak ve theih deuh laia hlawh neia Mawimawii awm thin tu, nau awmtu (nanny or babysitter) Rintei kher anih vang a ni.

Duhsaka nena an inthen hma hi chuan Duhsaka hian hna a thawh ve thin a, a inhlawh a, theih tawpin a chawm ve thin. Duhsaka pawhin an khua a khawsa thei ve tak mai pakhat, Pu Biaka te inhnuaiah chuan Mamuani te nufa chu a insawn luhpui kha a ni a, mahse a phatsan leh ta daih si a. Duhsaka khan Mamuani te in chu hralhin Mamuani bulah pawh a theihtawp chhuah a enkawl a intiam a, mahse a insawi angin a awm leh silo. 

Mamuani pawh chuan a rilru siam felin, he a thlai thar beitham takte hian rei a daih pui dawn lo tih chu a inhre vek a, a fanu Mawimawii lah a lo damlo ve sek bawk nen. Mamuani chuan thingpui dawr siam ve mai a tum rilru ta a, tichuan a sum neih ang angte chuan a inluah lai chu thingpui dawr ah a siam ta ringawt mai a ni.

***********

Zan khat chu a inluah neitupa Pu Biaka chu a rawn lut hlawl mai a, a thinrim hmel em em mai lehnghal. Mamuani chu rum deuh hian a melh khur a, "I pasal khan ka pawisa nuai 2 chuang a ba a, inluah man lah a ba hnem bawk si. I rulh dawnloh chuan chhuak mai rawh, anih loh chuan Police ka ko ang." tiin a rawn vau ta tun tun mai. Mamuani chuan inthlahrung tak hian, "Pu Biak, ka rul em em ang che. Heta kan awmloh chuan hmundangah awmna tur kan nei silova, ka theihtawpin pawisa pawh lo khawl ka tum anga, ka rul leh vat ang che." a ti a.

Pu Biaka chuan Mamuani chu a han thlek vang vang a, a chhip atanga a ke ler thleng chuan uluk tak chuan a en a. Nuih suk pah chuan, "Thildangin kan inrul thei tho ania.." a han ti vel a. Mamuani chuan mak ti tak hian, "Engmaw? Engtin?" a lo ti nghal vat a. Pu Biaka chuan Mamuani awmbawr chu a han thlek vang vang a, "Ka thil sawi awmzia chu i hria ani lawm ni?" a ti leh deuh kher a. 

Mamuani chuan lungawilo tak hian, "Pu Biak, chutiang mi ka nilo..pawisa ngeiin ka rul ang che." tih pah chuan lehlam a hawi a. Pu Biaka chuan, "I pasal khan ka pawisa a puk nasa lutuk, chupawh chu min rul vek ang che...tun thla chiah hun i nei.." tih pah chuan a chhuahsan ta a. Chutia zahmawh rawngkai taka Pu Biaka'n a rawn bia leh a rawn beisei chu a thinrim em em a, a inhum ruh teuh mai a.

Mamuani fanu Mawimawii chu kil khatah a lo ding reng a, a nu chu a lo en reng a. Mamuani chuan ava pan hnai a, "Bawihte, tinge i rawn thawh leh a, i mu ala chhuaklo em ni?" tiin a zawt a. Mawimawii chuan tap tep hian, "Anu, ka mu theilo..min mutpui rawh." tiin a lo chhang a. Mamuani chuan a fanu chu kuahin, "Bawihte...hlau suh, engmah hlau suh." tiin a thlamuan a.

***********

A tuk zingah chuan Mamuani chu a thingpui dawra eitur chawhmeh leh eng ilo vel lei tur chuan bazar lam a pan a, zing dar 10:20 vel a ni. Chutia a kal zel lai chuan a bul lawkah chuan sikul naupang 20 rual vel chu an lo insual buan buan mai a, Mamuani chuan a hlau kher mai. A then an in um a, athen chu an thi phung tawh mai.

Mamuani pawh chu an rawn vai thawi ta fua fua hlawm mai a, a hlau lutuk chu a au vak vak ringawt a. Naupang zinga pakhat chuan Mamuani chu a rawn vai fuh leh tep a, vanneihthlak takin school naupang zinga mi pakhat, Rempuia chuan Mamuani chu a rawn pawt sawn hman hlauh mai.

Rempuia chuan Mamuani chu hmun him lamah a kalpui nghal vat a, chutih lai chuan an khaw pahote pawh lo chhuakin school naupang insualte pawh chu an khap dai ta hlawm a. Rempuia chuan Mamuani bulah chuan, "I tha maw ka pi?" tiin Mamuani chu khawih a tum a. Mamuani chu lo awmsawnin, "Ka tha e..min khawih suh."  alo ti deuh hmuk a, ala hlauh em vang pawh a ni mahna.Rempuia chuan, "Khawiah nge i kal dawn a?" tiin a zawt leh a. Mamuani chuan chhanglo chuan a kalsan ta daih mai a, Rempuia pawh a hrilhhai hle mai. 

**********

Mamuani bazar zo chu inah a haw a, pawnah chuan a fanu Mawimawii chu a lo ding reng a. Mamuani chuan thinrim hmel tak hian, "Lalnunmawi, enge pawnah i tih a?" tiin a vin nghal deuh khur khur a. Mawimawii chuan zawite hian, "Ka lo nghak che a." a ti sap a. Mamuani chuan inchhungah chuan a kai lut dawr dawr a, hmawlh a la a, "I kut dawh rawh.." tiin a fanu chu  a vin ta vak vak mai a. 

Mawimawii chuan hreh tak chung chuan a kut chu a dawh a, tap chungin Mamuani chuan a fanu kutah chuan a vua a, "Engvangin nge ka thulova pawnah i lo chhuah a, kan dinhmun i hria ani lawm ni? Vawi engzat nge ka hrilh dawn che, ka tello chuan pawnah chhuak suh ka tih kha.." tiin a inhnit hlawp hlawp a.

Mawimawii pawh chu a tap a, "Anu ka tihpalh...min ngaidam rawh." tiin ngaihdam a dil a. Mamuani pawh chuan a thlah a, pawnah chhuakin a rilru ipik lutuk leh an nufa dinhmun harsat zia te chu ngaihtuahin a tap hawm hawm mai a. Mawimawii chu a lo chhuak a, Mamuani chuan mittui tla teuh chung chuan a lo en a.

Mawimawii kut a vuakna set vek mai chu a hmu a, ava pan hnai a. Mawimawii chuan, "Anu min ngaidam rawh...ka chhuak tawh ngai miah lovang." tiin a nu chu ngaihdam a rawn dil leh a. Mamuani chu a thingthi a, Mawimawii kuah pah chuan, "Nilo bawihte, min ngaidam zawk rawh..kut ka thlak che a, min haw miah suh aw.." tiin an nufa chuan an tap dun ta hawm hawm mai a.

***********

Chumi zan atang chuan school naupang insualte zinga mi, Rempuia thianpa Tlana chu a bo thu an puang ta mai a. Vengpum chuan a zan a zanin an zawng sup sup mai a, zankhuaa an zawn hnuah pawh chuan anla hmu chuanglo. Rempuia pawh a mangang kher mai, a thian dangte pawh a phone kual nasa, mahse thu lawmawm engmah hriat tur a awm thei chuang lo.

Ni khat leh zan khat lai mai chu a bo ta a, a ruang tak ngial pawh hmuh ala ni chuanglo. Tlai a lo ni a, school ban veleh chuan Rempuia pawh chu a thianpa bo ta Tlana zawn hna chu a thawh chhunzawm leh nghal a. Chutia a zawn kual lai chuan a hnung atang chuan hmeichhe tleirawl aw tih hriat tak hian, "Ehe, Rempui..khawnge i kal dawn a?" a rawn ti a.

Rang takin Rempuia chu a hawi let vat a, a rinloh tak maiin pawl 7 an nih lai atang tawh a alo star ve thin em em, Tepuii a lo ni a. Rempuia chu a lai nghal lek lek a, "Ihh..englo, Tlana kha.."  ati bah nuai mai a. Chuveleh Tepuii chuan phawk zet hian, "Enga? Tlana maw? An hmu tawh em ni?" a lo ti nghal hu mai.

Zalo deuh chuan Rempuia chu a khi suk a, "Aaa..nilove, ka zawng leh mek a nih hi." a ti a. Tepuii chuan  a han nuih sei a, "E aw.. a nih chu..dawrah ka kal dawn a, a nih phawt aw.." tiin a kalsan a, Rempuia chuan  athlir zui vawng vawng a. Sawibuang khua hi sawi tawh ang khan thingtlang khua a ni a, a changkang em em hran lo kan tih tawh kha. Rempuia hi kum 22 a ni tawh a, mahse pawl 12 zirlai chauh ala ni.

************

Zan a lo thlen meuh chuan Rempuia pawh chuan in lam a pan ve ta a, a chau lutuk chu damdawi dawr pakhatah chuan a chawl a. A rin loh tak maiin Mamuani a hmu leh ta tlat mai, Mamuani chuan damdawi a lo lei mek a. Mut duhna damdawi (sleeping pills) chu a lei a, dawrnghaktu chuan, "Tinge a, Mamuan? I mu theilo em ni?" tiin a lo zawta a. Mamuani chuan polythene-a damdawi khung luh mawlh mawlh pah chuan, "Nia, zan mut hi a har thin lutuk a.." tih ringawt chuan a chhang a.

Mamuani chhuak tur chiah chu Rempuia chuan ava pan a, "Ka pi...nang i nimaw?" a va ti a. Mamuani erawh chuan chhang miahlo hian  alo en hu ringawt a, "Enge i tih a?" Rempuia chuan a ti leh a. Mamuani chuan ala chhang chuanglo, zah hmel tak hian a kalsan daih a, Rempuia chuan a en zui vung vung ringawt a.

***********

Hun alo liam zel a, Mamuani dawr pawh chu a hlawk ve telh telh a. Mamuani nu hi eisiam thiam tak mai a ni a, Mamuani naupan lai hian a zirtir nasa thin hle. Mamuani pawh hian a nu a chhun vang nge a lo zirtir vang zawk ni...chawhmeh ho te te tepawh hi a siam tui thei em em mai a, a sumdawnna chu a tluang chho ve zel a.

Zan khat chu Mamuani te nufa an mu tur chiah chu an kawngka a rawn in kik dat dat a, Mamuani chuan a va hawng a. Tlangval hmaifang chhe lemlo, ft 5'6 vela sang hi a lo ni a. Chupa chuan, "Pi Mamuani i ni em?" tiin a zawt a. Mamuani chuan, "Aw ni e, tunge i nih a?" a lo ti a. Tlangval chuan, "Peka ka ni a, Rintei kan be pawp thei miah lova..a lo kal mial em tih ka rawn zawng deuh a." a ti a.

Rintei, a fanu awm thintu, an awmpuinu, a pasal lo chetkhawlohpuitu hming a han hre leh chu a lung nilo kher mai, "Alo kal lo."  alo ti hmuk a. Peka chuan, "Anih tui ka lo in thei angem?" a ti a, Mamuani chuan inchhungah chuan a luh tir ta a. Mamuani chuan Peka chu a sachek siam chu a han khilai a, tui ti tak chuan Peka pawh chuan a ei a.

Mamuani chuan, "Duhawma nen chuan anla inkawp reng em ni?" tiin a zawt a. Peka chuan, "A lo haw lo hrim hrim, i pasal nen an lo tlandun tih kan hriat atang khan kan la hmu biklo." tiin a lo chhang a. Mamuani chuan, "Anih chu...keipawhin an awmna tur awm ang ka hre biklo. Ka pasal mutpui ngamtu chu ka bulah a rawn inlan ngam tawh ka ring chiah lo." a ti ve deuh ngat a. Peka pawh chu a tho a, "Ka lawm e, a tui hle mai, ka kal ange." a ti a, Mamuani chuan pawn thleng chu a thlah a.

********

A tuk zingah chuan Mamuani chuan chanchinbu a chhiar a, "Laltlanthanga (Tlana) chu ni 7 chhung zawn a nih hnuah pawh hmuh ala nih loh avangin nimin khan zawnhna chu tih tawp a ni a, mahse nizan khan Pi Lalduhkimi leh Pu Zothanmawia te fapa, Lalpekhlua chu a chin hriat a nilo leh nghal a, biak pawh theih a ni lo bawk." tih hi a chhiar fuh a.

Mamuani chuan mak tih hmel tak hian, "Hmanni lawka school naupang kha ania, tunah Peka..Peka te chu..nizan lawk pawh khan a lo kal si a." a ti nuah nuah a....

**********

Mamuani te awmpui, an nau awmtu Rintei hi nau awmtu han tih ah, hlawh neia Mamuani te nupa chhuah zawk hlana lo awm sak thintu a ni a, an inah hian a riak ve ngai lemlo. An khua a mi tho hi a ni a, an in erawh a inhlat deuh. Mamuani pasal hlui Duhawma hian Mamuani hi pawisa nei ngah tak anga insawiin a bem a, Mamuani nu erawhin a phal vaklo hle. Mamuani pa erawh hian Duhawma hi a duhpui hle a, zu pawh an indun fo thin a ni awm e.

Mamuani nu leh pa an thih hnu khan an in leh lo chu Duhsaka chuan Mamuani chu hralh turin a ti thin a, hreh tak chung chuan a hralh ta nge nge a ni. Mamuani hian pianpui unau dang a nei lova, fanu mal a ni. Duhawma nena an inneih lai hian Mamuani pawh hi chawhmeh zuarin nilengin bazarah a thu ve thin a, Duhawma pawh khawi khawiah emaw thawkin pawisa a rawn nei teuh teuh zel mai a.

Mahse chu a pawisate chu a hlawh chhuah ni lovin an khaw tlangval leh paho pawisa a lo puk kual mai mai chu niin, chutah Rintei nen an tlandun ta daih si a, Mamuani chuan engkim a tuar ta vek a ni. Mawimawii pian hma deuh chiah hian Mamuani pa hi a thi a, Mawimawii pian kumah Mamuani nu chu a boral zui ve nghal bawk a ni.

****************

Chhun a lo ni a, Mamuani te inah chuan an khat leh thup tawh mai a, Mamuani pawh a buai hle mai. Eitur a siam bawk a, aman ava pe kual leh bawk a, a thlan a tla bawrh bawrh mai. Chutia buai taka eitur a siam lai chuan Rempuia a rawn lut thut mai a, Mamuani pawh a phu zawk mai. Rempuia chuan a rawn nuih a, "I dam maw ka pi.." a rawn ti a. Mahse Mamuani chuan en pawh enlo hian, "Lo thu rawh." a ti ringawt a.

Rempuia chuan, "Sachek plate khat ka lo duh ang." tih pah chuan thutna lam ava pan a. Eitur a siam pah chuan Rempuia chuan Mamuani chu a en reng a, Mamuani pawh chuan a va melh ve zeuh zeuh a. Sachek chu a siam zova, Rempuia chu ava pe a. Rempuia tawng leh hma chuan Mamuani chu a kal nghal daih a, a tha a khur thei hial a.

Engdang vang nilovin Mamuani, fa nei tawh, kum 35 zeta upa tawh si hian chu tlangval kum 22 mi, school naupang chu a ngaizawng tlat a ni. Rempuia pawh hi a bang biklo, Tepuii kha chu star hle mahse a beisei lo ve em a, a nu rual lek lek Mamuani chu a vei bur mai a ni. Rempuia chuan a ei zo a, Mamuani chu a rawn pan a. Dawhkana pawisa dah pah chuan, "A tui hle mai, ka lo chawl ziah ang." a ti a. Mamuani chuan hmai sen vek hian, "Awle." tih ringawt chuan a lo chhang a, Rempuia chu en pawh a en ngamlo.

*************

Tlai a lo ni a, Mamuani pawh chu a indah fel sawk sawk a. Rempuia chu a rawn lut leh hlawl mai a, Mamuani pawh a buai leh ta vek mai. Rempuia chuan a rawn pan hnai a, "Tihpui i ngai em?" a rawn ti a. Mamuani chuan hnuai lam melh reng pah chuan, "Aih, angailo...enge i duh?" a lo ti leh hmuk a. Rempuia chuan hnai takah a dinchilh a, "Ka pi, min hlau em ni? Tinge ka biak apiang che hian en pawh min en duh ngai miah loh a?" a ti a.

Chutia Rempuia'n hnai taka a han dinchilh ta chu a za chhuak vek hian a inhria a, "Ihh...ei..eiduh i nei em ni?" a ti khur dar dar a. Rempuia chuan, "Aih neilo...ka rawn leng ve mai mai a nih hi." tiin a lo chhang a. Mamuani chuan inthlahrun hmel tak hian, "Imm..lo thu rawh." a ti ringawt a. Rempuia chu a thu a, Mamuani chuan thingpui a lum sak a.

Thingpui no keng chuan Mamuani chu ava phei a, thingpui chu Rempuia pek pah chuan, "A sa ania, fimkhur rawh aw.." a sawi zo hman lo. Thingpui chu a bua a, Rempuia chu a au tuar mai. Inthiamlo tak hian, "Awii..ka tihpalh lutuk...azia lo emai..tihpalh aw.." tiin Mamuani chuan ngaidam a dil nghal mawlh mawlh a.

Rempuia chu a han nui suk a, "A pawilo, engmah a nih loh hi.." sa ti chung chung chuan a ti a. Mamuani chuan, "Nilo, kha..a sen nghal vek alawm." tiin Rempuia kut chu a vuan a. Rempuia chuan Mamuani chu  a lo en ngawih ngawih a, a na tawrh lai mek pawh chu a hrechang ta lo. Mamuani chu a lai em em a, "Tikhan lo awm rawh, damdawi ka va la ang." tih pah chuan roomah chuan a luhsan a.

A lo chhuak leh a, damdawi chu Rempuia kutah chuan a hnawih sak a. Rempuia chuan Mamuani chu hmeltha a ti ngang mai, a en ngawih ngawih mai a. Mamuani nen chuan an mit a intawng fu ta, induh hmel zet hian an in en char char a. Rempuia chu a kun hniam a, Mamuani hmui chu a en reng a. Mamuani pawh a lo che sawn eih bik lo, a din ngai chuan a ding reng a.

Rempuia chuan Mamuani hmui senno chek mai chu a fawp ta a, Mamuani pawh chuan a lo chhanglet vat a. Mahse engemaw hrechhuak zawk niawm tak hian Mamuani chuan Rempuia chu a namsawn vat a, "Nilo..haw tawh rawh." a ti ringawt a. Hrethiamlo tak chuan Rempuia chuan, "Tinge..enge awmzia?" a lo ti hu mai. Mamuani chuan a lu a thing a, "A diklo...nilo,  atheihloh." a ti leh ringawt a.

Rempuia chuan Mamuani kutah chuan a vuan a, "Min duh ve a ni tiraw?" a ti ta hlawl mai. Mamuani chuan a zawhna tak chu a chhang ngam lo, "Haw tawh rawh..hetah hian lo kal tawh suh." tih pah chuan Rempuia chu a nam chhuak rawk rawk a. Rempuia chuan tih ngaihna ahrelo hle mai, pawnah chuan a ding ta reng mai a.

Mamuani chuan kawngka chu a kalh hmak a, Rempuia chuan a rawn kik vak vak a. Mamuani chuan a beng a hup tawp a, a mittui a sur nghal zung zung mai. Rempuia chuan kawngka ben vak vak pah chuan, "Ka pi, lo hawng teh. Ka tihpalh ani..ka tum reng vang a nilo." tiin kawngka hawng tur chuan a ngen lawm lawm a. Mahse Mamuani chuan kawngka hawn reng a tum silo, Rempuia pawh inthiamlo tak leh zak tak chung chuan a haw ta ringawt mai a.

**************

Rempuia haw hnu darkar 2 vel hnuah chuan kawngka a rawn in kik leh ta dat dat a, Rempuia a ni leh ngei ringin Mamuani chuan a hawng ngam mai lo. Zawimuang chuan ava pan hnai a, "Tunge ni?" a han ti vak a. A inluahna neitu Pu Biaka a lo ni a, "Lo hawng vat teh..tunge rawn tih vel angailo." tiin a lo vin hrep mai a. Mamuani chuan a hawng hreh hle mai, mahse hawn loh ngam chi ziazang a ni silo.

Inchhungah chuan Pu Biaka leh tlangval pahnih hi an lo lut a, an palian dun em em mai lehnghal. Pu Biaka chuan, "Khawimaw sachek chu min han khilai ve la.." a han ti ham ham a. Engmah sawi lemlo chuan Mamuani pawh chuan a siam ve mai a, Pu Biaka chuan Mamuani chu hnunglam atang chuan it hmel zet hian a lo thlek ngawih ngawih a.

"Thingpui dawr te i siam a, i lun thin bawk a, pawisa chu i nei tawh ang tiraw?" Pu Biaka chuan a han ti a. Eitur siam mawlh mawlh pah chuan Mamuani chuan, "Hun tlemte tal min pek belh leh rawh, ka rul thuai ang che." a ti a. Sachek chu ava pe ta hlawm a, tui ti tak chuan an ei a. An eikham hnu chuan Pu Biaka chuan, "I siam thiam hle mai, pawisa chu lo nei vat ang che." a ti a.

*********

Zankhua chuan Rempuia chu a mu theilo a, a let a let ringawt a. Khua a lo var a, a thawh phat atangin a rilru ah chuan Mamuani a lo lang leh nghal a. An chawn eilai chuan Rempuia pa chuan, "E taka, tukin zing khan Pu Biaka te thiandun pathum an bo an tih kha...nizana an lengchhuak ho kha an rawn haw miahlo an tia..an sawi sup sup mai." a ti ta mai a. Rempuia chuan rang zetin, "Pu Biaka...Pu Lalbiakkima maw?"  alo ti vat a.

Rempuia pa chuan, "Aw ni e, Siama leh Ramenga nen an pathumin an lengchhuak hova, an chhungten an awmna chin an hrelo an tia." a ti leh a. Rempuia chuan Pu Biaka chu a duh em em leh a hmangaih em em, amah aia kum tamtaka upa Mamuani in luahna neitu a ni tih a hre chiang bawk si.

Chaw eikham rual rual chuan Mamuani te in lam chu a pan vat a, a thleng chiah chu kawngka a lo inkalh lo lehnghal. Rang takin a lut a, a thil hmuh chuan a ti hlauthawng kher mai. Thutthlengte leh dawhkante chu a lo tlu darh nuai mai a, kil khata Mamuani lo let reng mai chu a hmu bawk a.

Mamuani chu a va pan vat a, a sawi nawk nawk a. Mamuani pawh chu a rawn harh ve a, Rempuia  ahmu thut chu mak a ti hle mai. Mamuani chuan a en hu mai a, "Nang maw? Enge i rawn tih a?" a ti hu mai a. Hlauhthawn hmel tak hian Rempuia chuan, "Enge awmzia ni zawk? Tihian nikhawhrelovin i lo let reng a, ka rawn kai tho che a nih hi." a ti a.

Mamuani chu a han hawikual a, thutthleng leh dawhkan lo tlu darh nuai mai chu a hmu a, a tap nghal zawih zawih mai. Rempuia chuan a samah a chul a, "Enge ni a? Engthil nge thleng ta?" tiin a zawt a. Mamuani chuan tap chung hian, "Pu Biaka leh tlangval pahnih nizanah an lo lut a, in luah man min dil a, ka la nei silova. Sachek ei an duh thu an sawi a, ka ei tir a. An chhuak mai dawn maw ka tia, mahse min sual ta vak a, an pathum chuan...an pathum chuan.." a sawi zawm thei lo, a tap zawih zawih mai a.

Rempuia chuan a kutah a vuan a, "Hlau suh...engthil nge thleng sawi vek rawh." a lo ti a. Mamuani chuan, "Min...min pawngsual rawn a ni." a ti ta mai a. Rempuia chu a thinrim kher mai, "I au lo em ni?"  ahan ti ringawt a. Mamuani chuan, "Ka kekawrte an phelh a, ka ka(mouth) hnawh nan an hmang a..min vuan bet a.." a ti a, a inhnit faih faih a.

Rempuia chu a ding hluai a, chhuah a tum a. Mamuani chuan, "Enge i tih dawn?" a lo ti vat a. Rempuia chuan thinrim zet hian, "Police-te ka hrilh dawn?" a ti leh a. Mamuani chuan Rempuia chu a kuah a, "Nilo..hrilh suh..mualpho ka duhlo.." tiin a tap hawm hawm a. Chutah Rempuia chuan Pu Biaka te thian pathum chu an bo tih a hre chhuak zawk mai.

"Ehe..sawi takah chuan Pu Biaka te kha an bo an ti asin.." a ti a. Mamuani pawh chuan mak tih hmel tak hian, "Enga? Mahse..nizanah.." a tih lai chuan Rempuia chuan, "A mak hle mai, an kalna tur awm ang i hria em?" tiin a han zawt leh ngawt a. Mamuani chuan mittui hruk pah hian, "Aih ka hrelo." a ti a.

Rempuia chuan Mamuani chu a kuah leh a, "Tun atang chuan ka venghim tawh ang che." a ti a. Mamuani chu a lai lek lek a, "Aih...a chiloh..kan in upat hleih lutuk." a ti tham tiak a. Rempuia chuan Mamuani chu a kuai dak a, "Eng ang pawhin kei aiin upa mah la, naupang zawk pawh ni mahla, ka hmangaihna che chu a ngai reng ang." a ti a, an in fawp a.

Reife an infawh hnu chuan Mamuani pawh chuan Rempuia mitah tak chuan a en ve ngam ta a, "Anih leh tunge i hming?" a ti a. Rempuia chu a khi sak a, "Lalrempuia ka nia, nang ve le..ka pi?" a ti a. Mamuani chu a nui deuh huk a, "Ka pi min ti tawh suh...Lalmuanpuii ka nia, Mamuan min ti ve tawp mai rawh." tih pah chuan a nui seih a. Rempuia chuan, "Min mamawh hun apiangah ka awm zel ang, ka hmangaih che Mamuan." tih pah chuan an infawp leh a.

*********

An khuaah chuan mi panga lai mai chu chin hriatlohvin an bo ta vang vang mai a, khaw mipui te pawh an mangang ta hle mai. Zan khat chu an khaw tlangval pakhat, Sena chu a nula rim haw inlam a pan mek a. Mamuani te in atanga sachek rim rawn nam chek chek chu a hre fuh tlat mai, a ding chat a. Mamuani te in chu a han en vung vung a, "Pi Mamuani hi ala inhawng emawni le...ka ril a va ti tam e.." tih pah chuan Mamuani te in lam chu ava pan a.

An in a thlen dawn tep ah chuan a hnungzang a rawn thip zawk mai a, a au tuar a. A thingthi hnawk a, a hnungah chuan tu emawni hian chemte in a rawn vit hi a lo ni a. Amah vittu chu Sena hma takah chuan a rawn ding a, Sena chu  ahan hawi chho a, mak a ti hle mai. Thaw hlawp hlawp hian, "Nang...nangmaw?" a ti tawk tawk a. Chu veleh a ka(mouth) ah chuan chemte chu a tlum leh ta pawk mai a, a tukhum atang chuan chemta hmawr chu a rawn chhuak thei hial a.

Sena chu ala thi mai lo, a ka atang chuan thisen a baw zawih zawih a. Amah vittu lah chuan ala duh tawk mai lo, a dul chuan a han vittlum leh pawk mai a, a chho zawngin chemte chuan Sena dul chi a han zai chho a, a ril a rawn chhuak pur tawh mai. Sena chu a thi chiang ta ngei mai, kawtlaiah chuan thisen a luang kawi zul mai a.

Mamuani fanu Mawimawii chuan dawhkanah milem a lo ziak malh malh a, chuveleh kawngka a rawn in hawng ta thut mai. Mamuani chuan Sena ruang, ril uai hnuai mai chu a rawn hnuk lut a. Mawimawii chuan anu chu a lo en reng a, Mamuani chu a nui sak a, "Bawihte, sa siamtur thar kan nei leh ta.....tui va khai rawh le, thisen hi tifai ang le." a ti a.

***************

A tuk zing atang chuan Sena bo thu pawh chu a lar leh ta khawp mai a, vengpum titi a ni leh ta. Khaw mipuite pawhin mak an ti a, chutia a khat tawka mihring an bo ta zeuh zeuh mai chu an ngaih a thalo hle a, zana pawn chhuah pawh an ngam mang tawh meuh lo. Zan a lo thlen apiangin veng tinah an duty ta rup mai a, zana khawlaia chhuah an khap ta bur mai.

Rempuia erawh an exam chawlh lai a ni bawk nen, nitin mai chuan Mamuani chu  a rim a. Eitur siamnaah te a pui a, mahse inhnuai kudama kal ve erawh Mamuani hian a phal ngailo. Tin, mak deuh mai chu Mamuani leh Rempuia an awm dun apiang hian Mamuani fanu Mawimawii hi hmuh tir a awm ngai miahlo.

An khua a mi 6 lai mai chin hriat lohva bo ta, Tlana, Peka, Pu Biaka, Ramenga , Siama leh Sena te chu Mamuani hian a that a, an taksa te chu chan darhin sachek ah a siam thin lek a lo ni. Chu a sachek siamte chu mite chuan tui an ti em em a, khaw dang atanga rawn zinte pawhin tui an tiin Mamuani dawr chu Sawibuang khuaa an zin chakna chhan ber a ni ta.

Khang mibo parukte, Mamuani'n a ruka a thah takte chu an bo dan leh an thihdan kimchang tak chu hetiang hi a ni...

***********

Rempuia te exam zawh ni a ni a, exam tura a thiante nena an kal lai chuan pawl 11 zirlai ho chuan Rempuiate chu an rawn ti buai thut mai. A chhan leh vang pawh a awm em em lo, "Min melhrum anih kha.." tih vel vang mai mai chuan an insual ta hrep hlawm mai a. Chutih lai chuan Mamuani pawh chu bazar turin a rawn kal ve mek a, chutia school naupang ho insual a hmuh chuan a hlau kher mai.

Patling hovin an rawn khap dai hman hlauh a, "Ban ah kan insual leh ang." tiin anla in au pawr nasa khawp mai. Exam an zo chu Rempuia te class ami, Tlana chuan pawl 11 zirlai pakhat amah chauha lo ding chu a hmu fuh hlauh mai. A va kal phei a, ava khawih ta hrep mai a. Chuveleh pawl 11 zirlai dang hote chu an rawn pung khawm a, Tlana chu a mal tan ta der mai.

A hneh dawn ngang lova a hriat avang chuan tlanchhiat mai chu a him zawk niin  ahre ta a, a tlanchhe ta a. Reife an inum hnu chuan Tlana chu Mamuani-te inah chuan a lut ta ringawt mai a, tlai lam a lo ni tawh bawk nen, Mamuani pawh chu a lo indah fel mek a. Chutia Tlana rawn tlan lut ringawt chu Mamuani chuan mak a ti kher mai, Tlana lah chuan kawngka chu a kalh nghal hmak mai a.

Mamuani chuan Tlana chu a han en hu mai a, "Tunge i nih? Enge i rawn tih dawn?" tiin a lo zawt nghal a. Mahse Tlana chuan chhang lovin bengchheng lo turin zaizir chuan a hrilh a, naupang ho chuan kawngka chu an rawn beng vak vak a. Pawn lam atang chuan naupang ho lah chuan, "I duh chen chen biru la, i lo chhuah hma chu kan kalsawn bik dawn lo." an ti ve tlat mai bawk si.

Mamuani chuan mak a ti hle mai, "Enge awmzia ni a?" tiin Tlana chu a zawt leh a. Thaw hluam hluam hian Tlana chuan, "Min hrethiam rawh ka pi..sawng naupang ho sawn min sawisak rawn a. Kei aia pawl hniam lehnghal, an la chak lo khawp ang." a ti khur khur a. Mamuani chu a thinrim ngei mai, "Nangni naupang ho buaina ah min hnuk lut ve reng reng suh, chhuak nghal rawh." a ti vin hrep mai a.

Tlana chuan hlauthawng tak hian, "Nilo..ka pi, khawngaihin min hrethiam rawh. A rei lovang, minute 10 chauh.." tiin a ngen lawm lawm a. Mamuani pawh chuan tih ngaihna a hre biklo kher mai, a ngawi ta ringawt a. Thinrim hmel tak hian Tlana chuan, "An hre ve khawp ang, ka thiante an awmloh lai ania, an vai sawn ka la sat sawm vek anga, an sa ka ei bawk ang." tiin a inhrosa ta khur khur mai.

Tlana thusawi chuan Mamuani beng chu a verh zawk mai a, a mitthlaah chuan a naupan laia a thil tawn rapthlak tak tak te chu a lo lang nghal chuai chuai a. Chutah Tlana chu a en vang vang a, "Mama, tunge i hming?" tiin a zawt a. Tlana chuan chutia rinloh tak maia Mamuani'n a hming a zawt thut chu mak a ti ngei mai.

"Ihh..Tlana ka nia.."  ati ringawt a. Mamuani chuan a han nuih seih a, "I mit ko kha a pilh a nih kha, damdawi ka rawn la ang." a ti a. Chutia ahmaa amah vin hreptu Mamuani'n ngaihtuah hmel niawm taka a han be leh vel chu a hrethiamlo kher mai a, mahse a ruk tak chuan a lawm hle thung. Mamuani chuan bawm hi a rawn chawi phei a, dawhkanah chuan a dah a. Tukverh zawng zawng chu a kalh vek a, parda a zar vek bawk a.

Inchhung chu a thim rawih mai a, "Tlana, helamah lo thu rawh." tiin a ko phei a. Tlana chu ava thu a, Mamuani chuan Tlana lu chu a dawm a, "A na maithei ania aw, lo che miah suh." a ti a. Tlana chuan inla pa zet hian, "Engmah a ni hleinem, hei aia na te chu ka tuar fo alawm." a lo ti vel a. Chuveleh Mamuani chuan bawm chu a hawng a, chemte hriam tak leh sei ta mai chu la chhuakin Tlana khabe ah chuan chho zawngin a vit ta siah mai a, chemte hmawr pawh chu a chhip atang chuan a rawn lawr thei hial a. Thisen a baw nghal zawih zawih a, Tlana chu a thi mai lo, a khur nghal chur chur a.

Mamuani chuan Tlana beng bulah chuan zawite hian, "Hei aia na hi chu tuar tur pawhin i dam tawh kher lovang." a ti a, a nui sak a. Tlana chu a thi ta, inhnuai kudam chhuk thlakna bulah chuan Tlana ruang chu a hnuk phei a, thisen baw nuai mai te chu buara in a khuh vek a, amah pawh chuan thisen a kai nasa ngei mai.

A kawrte chu a hlip a, bathroom ah chuan a dah a. A kuta thisen kai te chu a silfai a, tichuan towel chuan a intuam a. Kawngka chu ava hawng a, naupang ho pawh chu anlo la awm reng a. Mamuani chuan chung naupangte pawh chu a hau hrep a, "Ka nau anih kha..vawikhat mah rawn tibuai tawh suh ang che u. Anih loh chuan police ka ko anga, jail ah intang vek ang." tiin a vau zui hlawm bawk a.

Naupangte pawh chuan chutia nutling puiin a han hau ta chu an hlauh vang ni hauh lovin, an zah em avang zawk chuan phun nuah nuah chung chuan an haw ve ta mai a. Mamuani chuan kawngka chu a kalh a, a fanu MAwimawii chuan kil khat atangin a lo en reng a. Mamuani chuan ava pan hnai a, "Bawihte, engkim kha i hmu vek a ni tiraw?" a ti a.

Mawimawii chuan a lu a lo bu  nghauh a, Mamuani chuan a biangah chuan a chul sak a. "Bawihte, i hlau em?" tiin a zawt leh a. Mawimawii chuan zawite hian, "Anu, khapa kha a thi tihna em ni?" tiin a lo zawt a. Mamuani chu a han thaw huai a, "Umm...tun atang chuan khapa kha kan sa siamtur  ani tawh ang." a ti a, Mawimawii pawh chuan a chhang tawh lemlo.

***********

Mamuani chuan ngaihtuahna dang a nei leh ta a, Tlana taksa ringawt chuan rei a daih dawn silova, mihring dang taksa ala mamawh tlat. Tichuan damdawi hmanga hrai chu a rilru ah chuan a awm ta a, chumi zan chuan mut duhna lei turin damdawi dawrah chuan a kal ta a. Mut duhna damdawi chu tamtak a lei a, tichuan a haw leh ta a.

Tlana bo atanga ni sarih naah chuan zankhat chu a pasal hlui Duhawma tlanbo pui, Mawimawii awm thintu Rintei unaupa, Peka chu a lo leng lut ve khiah mai. Peka chuan a nau Rintei awmna a hriatloh thu leh thla tamtak an hmuh tawh loh thute chu a rawn hrilh a, Duhawma nena an inruk atang khan vawikhat mah an la biak pawh theihloh thute chu a hrilh bawk a.

Mamuani chuan a vawikhatna atan a special sachek thar, an khaw tleirawl Tlana sa ngei mai chu a han chhum ta hluah mai a. Peka bulah chuan, "In veng a hla si a, ka sachek siam hi ka lo khilai ve hrim hrim ang che." tiin sachek chu a siam mawlh mawlh a. A sachek siam rim chu a rawn nam chek chek a, maimitchhing meuhin Peka chuan a lo hnim vawng vawng a, rimtui a ti ngang mai.

Tichuan Mamuani chuan sachek ah chuan mutduhna chu a pawlh a, eng damdawi emawni pakhat chu a leih zauh bawk a. Sachek chu Peka hma ah chuan a va chhawp ta a, Peka chuan tui ti tak chuan a ei hluam hluam a. A ei zo chiah chu Peka chuan lawmthu hrilh pah chuan, "I fel hle mai, chuan i chunga thil thlengte kha pawi ka ti takzet. I sachek siam pawh a tui e, rawn kal miahlo tur ka ni asin mawle, min hrethiam hram dawnnia." a ti a.

Chuveleh a pum a rawn na ta vak mai a, a lu a rawn hai nghal muai muai mai. A mut a rawn chhuak em em bawk a, a tha te chu  a zawi vek a. Mamuani chuan rum zet hian a melh a, "I nau Rintei, kha mihur lutuk khan ka pasal a lo thlem vel a, ka hnathawh hlanin kan nupa khum ngeiah ka pasal nen an lo khawsa thin bawk a. Engvangin nge ila rawn zawn ngam a...thih i duh em ni?" tiin a vau khur khur mai a.

Peka erawhin a chhang theilo, a chil phuan a tla zawih zawih mai. Mamuani chuan tuboh ala a, Peka lu ah chuan theihpa tawpin a chhu pawp mai a, a thal tawp mai. Inhnuai kudam ah bawk chuan a hnuk thla leh ta a, light bulb eng phut mai hnuaiah chuan a muttir a. Peka chu zawimuang chuan a rawn che leh tial tial a, thei leh theilo hian a rawn meng a.

A bula Mamuani lo ding reng chu a hmu a, harsa tak hian, "Nang...eng..engvang nge...mawhh.." a ti thei tawk a. Mamuani chu a zu kun hniam a, "A chhan maw...a chhan chu misual i ni." a ti ringawt a. Peka chu a ban a phar tir a, a kuttin chu a mal te te chuan chemte in thisen per chhawk chhawk khawp chuan a pir thla ta malh malh mai le.

Peka chuan na a ti bawk si, a auchhuak tha hleithei silo, a chilphuan hmuam tun chung chuan a then chawk chawk ringawt mai a. Mamuani lah chuan a la duhtawk mai lo, chhuatah chuan Peka kut chu a rap bet a, a kut zungtang, tin pawh awm tawhlo ah chuan perek a chuktuah a, tuboh chuan perek chu a chhu leh ta vak vak mai.

Peka chuan na a ti em em a, "Min chhuah rawh..khawngaihin.." tiin a ngen lawm lawm a. Mahse Mamuani chuan a ngaithla eih lo, a chhu mawlh mawlh a. An kudam chhiat hi thing a ni a, Peka kutzung tang zawng zawngah chuan pekrek chu chhu lutin a chhuat nen chuan a kilh hnan ta vek a. A kut lehlam chu a han en vang vang a, "Zanin atan chuan hei hi a tawk thei mai ang.." tih pah chuan Peka kut dinglam zawk chu a sat chhum hmawk mai. Peka chu a chau tial tial a, thisen a chhuah hnem em avang chuan a thi ta a.

*************

A tuk zinga an khaw chanchinbu "SAWIBUANG AW RAWL" tih chu a han keu a, phek hmasa ber ah chuan Tlana leh Peka bo thu chu a chhiar fuh ta a. Mamuani chuan mak tih hmel tak hian, "Ehe, hmanni lawkah Tlana a nia, tunah Peka a ni leh amaw? Mahse, Peka te kha chu nizan lawk pawh khan a lo kal reng sia, engtin nge a bo ve theih?" a ti nuah nuah mai a.

Chutah a nui ta ver ver a, "Engvangin nge an bo loh tehlul ang ni? Keiman ka rubo miau alawm.." a ti a, a nui ta uar uar mai. Chhuatah te chuan a let a, a nui vak vak a. Room kawngka bul atang chuan a fanu Mawimawii chuan anu awmdan mak tak mai chu a lo en reng a, Mamuani chuan a va hmu a. A va pan hnai a, "Bawihte, chaw ei kan siam ange aw?" a ti a.

********

Zan khat chu a inluah mek neitu Pu Biaka leh an khaw tlangval pahnih Ramenga leh Siama te chu an rawn lut a. Pu Biaka chuan a inluah man chu a rawn thing leh a, an pathum ta tur sachek ala order ham ham zui. Mamuani chuan sa tlemte chiah a nei tawh a, chu chu Peka sa a ni. Peka taksa peng hrang hrang pawh chu a siam zo leh ta vek tawh mai si a, chutia Pu Biakan sachek a eiduh takah chuan tiin a sachek siamah chuan damdawi pakhat leh mutduhna damdawi chu a pawlh ru leh ta a.

Sa siam tur a neihloh lai tak a ni a, mahse zan khat thil thu lekah sa pathum lai kah tur a nei ta der mai. Ramenga chuan a han hawp chhin a, a maimitchhing vang vang mai. Pu Biaka chuan lo hrethiamlovin, "Hey, tinge khatia i maimitchhin vak vak a?" tiin a lo zawt a. Ramenga chu a han thaw huai a, "U Biak, a tui lutuk, ei ve chhin teh." a ti a.

Pu Biaka leh Siama te pawh chuan an ei ve ta a, anni pawh chuan tui an ti hle mai. An eizo chu Pu Biaka chuan, "Ka rawn kal leh hunah chuan pawisa i lo nei ngei ngei tur  a ni." tiin a vau leh khur khur a, sachek eiman pawh chu an pe lo. Pu Biaka chuan, "A hrim hrimin, i siam tui khawp mai, eng sa nge ni a, sanghal sa em ni...nge bawngsa?" tiin a zawt vel a. Sa chan chem hlai tha phek phawk leh hriam zet mai chu Mamuani chuan a ban thut a, "Mihring sa.." tih pah chuan Pu Biaka hrawk chu a va zai thler duai mai.

Pu Biaka chu a thingthi hnawk mai a, a hrawk atang chuan thisen a rawn baw nghal hawk hawk a. Ramenga leh Siama pawh chu an ding nghal a, "Ekhai...nilo.." tih pah chuan Ramenga chuan Mamuani chu va khawih a tum a, mahse a thleng hman lo. A pum a rawn na vak mai a, a chilphuan a tla nghal bawrh bawrh mai. Chutiang bawk chuan Siama pawh chu a chil phuan a tla nghal buan buan a, a lu  ahai muai muai bawk.

Mamuani chuan Ramenga chu ava pan a, a bekah chuan chem chuan a han sat a, a bur vu mai. Choka lamah va kalin tul-thir ava la a, Ramenga chu a lo la thi chiang lo. Ramenga mitah tak chuan tul-thir hmawr zum chuan a han hawlh sawk mai a, Ramenga chuan thawm a chhuah ta eih lo. Tichuan Mamuani chuan Siama chu a va melh leh a, Siama chu a hlau kher mai.

Mamani chuan Ramenga beka chem bur vu mai chu dim lo tak hian a han pawt phawi a, a thluak a rawn lang thei hial a. Theihpa tawp chuan Siama keah chuan a sat a, a bung mai lo lenghal. Tih bun ngei tumin a han zai hrawk hrawk mai a, thisen a chhuak tam ngei mai. Au chhuak turin a aw a chhuak thei silo, na a ti em em a.

Mamuani chuan Siama chu  a bawkkhup tir a, choka ah chuan va kal lehin sangha phuhlip nawh faina chu ava la leh a. A thar a ni bawk a, a la hriam tha hle. Siama kawr chu a hlim chho a, a hnungzangah chuan dim hauh lo hian a han thai ta vak vak mai a. Siama chu a che thei silo, na a ti em em mai a. A tawpah a rawn au chhuak thei ta hial a, chuveleh Mamuani chuan a tukhumah chuan sa chan chem chuan a han sat chawrh a, Siama chu a thi chiang hle.

Ruang pathumte chu inhnuai kudam lamah bawk chuan a hnuk thla leh a, thisen te chu a tifai leh a. Amah pawh a hah em em a, miin an hriatchhuah loh nan tiin inchhung kiltin te chu thisen kai a awm nge awmlo tih enfiah vek a ngai a. A tihfai zawh chuan a inbual a, a rilruah Rempuia a awm reng a, reiloteah a muhil ve ta a.

***************

A tuk zingah chuan Mamuani chu an inkawtah thu in thingpui a in a, chutih lai chuan an inlam pana Rempuia rawn phei chu a hmu ta mai. An inah a kal ngei dawna a hriat avang chuan inchhunglamah a lut vat a, kawngka chu a kalh a. A inngaihtuah vang vang a, kawngka chu ahawng leh ta zawk a.

Thutthlengte chu a han chhirtlu rum rum a, dawhkante chu a namthlu vek a. Tichuan amah chu chhuatah chuan a mu a, a sam chu a tuai thur vak bawk a. Amah leh amah chu a inbeng vak vak a, a inhnek vak vak bawk a. A mit te chu a hnek duk chur ta mai, chuveleh Rempuia a lo lut thut a, nikhawhrelo niawm tak chuan a maimitchhing vel a.

*************

Tuk khat chu Rempuia zing exer la haw chuan Tepuii a hmu thut mai a, kawngsira thutthlengah chuan a lo thu a. Rempuia chu a lai nghal lek lek a, Tepuii a duhna hi a la bo miau lo a ni. Tepuii chu ava pan hnai a, "Tepui, enge i tih a, zing kar kar ah?" a huaisenna zawng zawng sawm khawmin a va be ve ta tawp a.

Tepuii chuan muangchang Rempuia chu a rawn en a, "Ehe, nang i ni maw?" zawi sap chuan a lo ti a.

"Enge hetah i tih a?"

"Aa..ka thu mai mai."

"Ka haw dawn mek a, haw dun ila."

"Lo va haw rawh, ka la haw peih lo."

A ngawi vang vang a, a mituui a rawn tla ringawt mai a. Rempuia chuan a hrethiam lo kher mai, "I tap em ni?" tiin a zawt tawp a. "Tap love, ka mitah thil a lut a." tiin dawt a sawi ringawt a. Mahse Rempuia chuan, "Engthil nge i chungah thleng a?" tiin a zawt lui leh a. Tepuii chuan tah aw tuau hian, "Ka hlau a ni." a ti a, a tap zawih zawih mai a.

Rempuia chuan, "Engthil maw i hlauh a, min hrilhve la?" tiin a zawt leh a. Tepuii chuan tap chung hian, "Kan khuaah a mal te te in mi an bo zel mai si a, hmanni khan ka thiannu pawh a bo veleh chu ania...keipawh hi ka bo ve mai ang tih ka hlau a ni." a ti a. Rempuia chuan, "Mimi kha maw i sawi?" a lo ti vat a.

Tepuii chuan a mittui hruk pah chuan, "Aw..ka thian tha ber a ni a, ka ngai ngawih ngawih a ni." a ti a. Tepuii chu a tap bang hlei thei tlat lo, mittui tla zawih zawihin a tap hawm hawm mai a. Rempuia pawh chuan tihngaihna  a hrelo kher mai, "Tap tawh suh....Pathianin min awmpui reng dawn alawm.” tiin a thiam ang tawk chuan a hnem a. Tepuii chu a kuah a, Tepuii pawh chu Rempuia awmah a bei a, a tap uar telh telh mai.

Chutia Rempuia leh Tepuii lo inkuah chu ral khat atang chuan Mamuani bazar turin a hmu ta hlauh mai le, a sa ta phat mai. A rilru chu thikna hlirin a khat a, thisen per chhawk khawpa Tepuii sah sawk sawk mai chu a chak nghal rum rum mai. A en rei theilo, lehlam a hawi ringawt a.

Bazar ah pawh chuan a kallo, thinrim takin a let leh nghal vang vang a. Rempuia leh Tepuii pawh chuan haw zai an rel ve ta a, Rempuia chuan a bialnu Mamuanin hmeichhe dang a kuah lai a lo hmu ru reng a ni tih a hre hauh silo. Mamuani chu inchhungah chuan a lut a, a hnuk a ulh a, a tap ta vak vak mai.

A beng bulah chuan anu boral tawh aw ngei mai chuan, “That rawh..” a rawn ti thut mai. A phu zawk a, a ding nghal vat a. Chemte chu a chuh vat a, “Tunge....tunge kha kha?” tiin a hma zawnah chuan chemte chu a vai kual vut vut a. Inchhung chu a reh thiap mai a, silhmuna tui far ri bak engmah thawm dang a awmlo.

Chutah a beng bulah bawk chuan a nu aw ngei mai chuan, “Misual a ni..that rawh.” a rawn ti leh ta. Mamuani chu a au vak a, a hawi kual a. Hlauh avanga khur zawih zawih chung chuan, “Aih, pawisawilo a ni. Ka theilo, ka theilo.” tiin a tap a. Mahse chu aw bawk chuan, “I hmelma a ni, that rawh.” a rawn ti leh ta.

Mamuani chu a thingthi hnawk a, a beng a hup a. Ring zet hian, “Kal bo rawh...a tawk....a tawk zozai tawh lutuk.” a ti a t(r)e chel chul mai a. Mahse chu aw chuan a tibuai zel mai si a, chhuatah chuan a bawkkhup a, a beng hup chungin a tap zawih zawih ringawt mai a. Minute 2 hnu velah chuan boruak chu a reh ta a, aw pawh chu  ahre chhunzawm tawh lo.

************

Tun hnai maia bo ta, Tepuii thiannu Mimi hi an sawi dan chuan zana an in bul lawka kuhva lei tura a kal chu a lo let ta maihlo mai a. Midang bo ta te ang thovin chin hrat lohvin a khuangcher bo hmiah mai a, a bo atangin ni 2 lai a liam leh tawh. Mimi hi Tepuii thiantha ber niin an tetlai atang tawh a inkawm an ni a, kum 19 mi niin hmeichhe fel tak leh taima tak a ni.

Inhnuai kudam lamah chuan Mamuani chu a zu chhuk leh ta a, a thim ruih mai. Mamuani chuan plug pakhat chu a han hmet a, kil khata bulb tereuhte chu a rawn eng ta phet mai a. Bulb hnuaiah chiah chuan ban pharin Mimi chu a lo awm a, a ban pahnihte chu hruaiin a inhling a, inchung banrel ah hrui chu nghet tak leh mar takin a intawn bawk.

Mimi chu a rawn harh a, a hma zawna Mamuani lo kal phei mek chu a hmu a. Mimi chuan a hlau hle mai, “Nilo, Nu Mamuan...min khawih tawh suh..khawngaihin..” tiin tap chungin a ngen nghal lawm lawm a. Mamuani erawh chu a ngawi reng a, Mimi bawk chuan, “Nu Mamuan, enge ka tihsual a? Mawwwhh..” a ti vak vak a.

Mamuani chuan a ngaithla lo, Mimi kawr chu a pawt tet vek mai a, a bra pawh chu a phelh sak a. Mimi hnute chu  ahan en vang vang a, Mimi chuan a hlau kher mai. Mamuani chu inchungah a chho leh a, reilote hnuah rawn chhuk lehin sakawr bakcheh a rawn keng a. Mimi chu a kekawr a phelhsak leh a, a kekawrte pawh chu a phelh tel bawk a. Mimi kekawrte chu a ka(mouth) ah a hnawh sak a, tichuan bakcheh hriam tak mai chu a han lek kang vu mai a.

Mimi chuan a hlau kher mai, a lu a thing a, a meng phawk vak vak bawk a. Bakcheh chu a han ti kau a, Mimi hnute hmur zawnah chuan a chuktuah ta vang mai. Mittui tla zawih zawihin Mimi chuan Mamuani chu a en a, tilo hram turin a dil a ni tih chu a hmel atang chuan hai rual a ni lo. Mahse mihring sa hmanga eizawng thin, kum 35 mi nu hmeltha tak leh pian fuh tak mai Mamuani chuan dim hauh lo chuan Mimi hnute hmur chu a hlep thla ta hlawk mai.

Thisen chu a chik hian a chik zawr zawr mai a, Mimi na ti lutuk chuan a ka chhunga ama kekawrte chu a seh fan fan a, a tap zawih zawih mai. Mamuani chuan thisen put zur zur mai pawh chu tihtawp tum hauh lo chuan hmuhnawm thilrin a thlir dauh dauh ringawt mai a, chhuatah chuan thisen chu a kawi ta nuai mai.

Thisen a chhuah hnem em avang chuan Mimi pawh chu a chau der ta mai a, a ke te chu a zawi vek a, amah pawh a kun ta nghulh mai. Mamuani chuan a ka chhunga kekawte chu a la chhuak a, Mimi chu a chilthli a rawn tla zawih zawih mai. Hriat theih mang lo hian chauh hmel tak chuan Mimi chu a rawn tawngchhuak a, “Khawngaihin...Nu..Nu Mamuan...khaww..” tih bak a sawi tha theilo.

Mamuani erawh chuan ala duhtawk hauh lo mai, pliers a la leh a, hmangaihna tel hauh lo chuan Mimi ka(mouth) chu akeu vak a, a hahmai var nalh tak mai chu pliers chuan a chep a, a phawi ta hlawk mai. Mimi pawh chu a harh zawk mai a, na a ti lutuk chu a au vak vak a, a zuang vak vak bawk a.

Mamuani chuan a sam chu a kek leh vak a, a ha hnuailam zawng chu plier hmang chuan  a mal te te in a phawi ta hmiah hmiah mai le. Mimi ka atang chuan thisen a chhuak zawih zawih mai a, tawng pawh a tawng thei ta lo. Chutia dim hauh lova Mimi taksa han sawisak vel chu nuam a ti em em a, a hlim veng veng mai.

Mimi chu la thilo mahse nikhua a hre tawh lova, a kun reng tawh mai. Mamuani chuan a phuarna te chu a phelh a, chhuatah chuan a muttir a. Chemte a la a, Mimi dulah tak chuan a vit siah mai. Mahse Mimi chu a harh eihlo, a rawn che ve deuh zuk ringawt chauh a ni. Mamuani chuan a hnute veilam chu chemte hmang chuan a zai thla a, chawhtawlhah a dah a, inchung lamah a chawi chho ta a.

************

Zan a lo ni a, Rempuia pawh a hmangaih em em, nuthlawi Mamuani te inah chuan a leng leh ta. Mahse hemi zan hi chu zan dang a anglo ta khawp mai, Mamuani chuan a be duh miah lova. Rempuia chuan mak a ti em em a, “Tinge i mizia i thlak thut a? Min duh tawh lo em ni?” tiin a zawt hial a. Mamuani chuan a chhang duh miah lova, mahse Rempuia’n a zawh zel avang chuan a chhang ta.

Titau tih hriat tak hian Mamuani chuan, “Ka rin ang reng a ni, keite chu nuthlawi mai chauh ka ni a, kan in upat hleih em em bawk nen. Mutpui atan bak min duhlo, bialnute chu i lo neih reng kha.” a ti ta mai a. Rempuia chuan a hrethiamlo hle mai, “Tunge ka bialnu chu...nangmah lo bialnu ka la neilo hrim hrim.” tiin a tang ve tlat mai a.

Mamuani chu a ding hluai a, “Tukin zingah pawh kawngsirah inlo inkuah nasat khawp kha..” a ti vin hrep mai a. Rempuia chuan a hrechhuak ta, a thaw hak a, “Mamuan, ka thiannu a nih kha..kan school a mi.” zaidam tak chuan a ti a. Mahse Mamuani chuan, “I rualpui ania, in inhmeh zawk ang.” a lo ti leh hmuk mai.

Rempuia chuan ava kuah a, “Min ngaidam rawh...ka thiannu ania, tukin zing khan a rilru a lo hah lutuk a, a tap a, ka thiannu a nih angin ka hnem ve mai alawm.” a ti a. Mamuani chuan rum zet hian a melh a, “Anih leh ka rilru hahna te hi min hriatpui ve em?” tiin a vin leh hrep a. Rempuia chuan a chhang tawh lo, Mamuani hmuiah chuan a fawp a.

Mamuani pawh chu a zawi leh ta vek mai, tihtauh chhunzawm chi a ni tawhlo tih hria in a chhanglet vat a. Rempuia chuan a pawm nawlh mai a, bedroom lamah chuan a pawm phei a. Chumi zan chuan Rempuia chu a riak ve nghal mai turin Mamuani chuan a sawm a, Mimi chu a buaipui chhunzawm ta lo a ni.

************

Zanlaiah chuan Rempuia chu a harh zawk mai a, a bulah chuan Mamuani chu a lo hnar bawrh bawrh a. Meizial chu phawrhin tan a han tum a, mahse lighter a lo pai theihnghilh daih mai. Khum bula dawhkan vel chu a han dap a, ahnuaia pawhdawh a hawng chiah mai chu a tawp chat mai. Pawhdawh ah chuan mutduhna damdawi tam tak mai hi a lo awm teuh mai a, Tlana bo zana Mamuani’n damdawi dawra a rawn lei lai kha a mitthlaah a rawn lang zawk mai.

“Eng atan em em nge a hman le?” tih nuah nuah pah chuan choka lamah a va phei a. Gas ah chuan ava tan a, pawnah chhuakin meizial chu a zu khu hluah hluah a. Pawn ekin bula barrel pakhat, awm(chest) chen vel leka sang chuan a mit ala riau mai. Barrel chu thing phek hmanga chhin a ni a, mahse barrel hmawrah chuan hmeichhe sam niawm tak rawn uaithla hi a hmu tlat mai.

Barrel chu ava pan a, a rin ang ngeiin hmeichhe sam a ni tlat. A rimchhe em em bawk a, a ngaih a tha ta hauh lo mai. A chhinna thing phek a han hawng chiah mai chu a zuang lo chauh, a thaw nghal hlawi hlawi mai. Barrel chhungah chuan naute nu pumchhunga an mu tawm ang mai hian Mamuani fanu Mawimawii ngei mai chu a lo tawm khur mai.

Tui lah chu a khat vek tho bawk si a, Mawimawii lah chu a mit a meng kur leh nghal. A vun a dang vek a, a thihna a rei tawh tih pawh a hriat takzet. Rempuia chu a hnungtawlh dawr a, inchhung lama tlan luh a tum chu kawngka bulah chuan Mamuani a lo ding reng mai. Rempuia chuan thaw hlawp hlawp hian, “Ma..Mamuan...hei hi..” tih chiah a sawi thei.

Mamuani chuan hrehawm tih hmel tak hian Rempuia chu ava pan a, “Ih..ka fanu..Mawimawii a nia, ih..a damlo nasa lutuk a.” a ti ringawt a. Rempuia chuan  ahrethiam lo kher mai, “Enga? Fanu i nei amaw?” a ti hu mai. Mamuani chu a hawi zek zek a, “Ihh..aw..ka fanu ania, a damlo a, ihhh..tunthlengin ala damlo a nih kha..” a ti bah nuai mai.

Rempuia chuan a lu a thing a, “Nilo..a thi tawh....hei en ta che a thi tawh..” a ti chel chul mai a. Mamuani chuan a beng a hup a, “Nilo...a thilo, a thi tur a nilo.” tiin a tap vak vak mai. Mamuani chu a thingthi a, tah hawm hawm pah chuan, “Nilo..a thih ka phallo, a thi theilo. Ka neihchhun, ka fanu a ni asin.” a ti vak vak mai a.

Rempuia pawh chu a han thaw hak a, a awm dawmin a thinphu rang lutuk chu a han nghak ziaawm te te a. Tichuan Mamuani chu ava pan ta a, “Bawihte, lungngai suh..” tiin a kuah a. Rempuia chuan Mamuani chu mi rilru kimlo leh mi pangngai phalo a ni tih a hre ta, mahse a hmangaihna a daih phah chuang hauh lo.

**********

Thil awmzia diktak chu hei hi a ni, Mamuani fanu MAwimawii hi a thi daih tawh a, Mamuani hian a thi ta mai chu a hrethiamlo hle a, chuvang chuan Mawimawii naute lem chu Mawimawii angah ngaiin a be fo zel a ni. Mawimawii chuan kil khat atangin a lo en reng ang ten a hre thin a, Mawimawii pawh chuan a nu chu a be ve fo thin angin a hre bawk.

Mawimawii a hau amaw a intih te hian nautelem a hau lek a lo ni a, Mawimawii kutah a vua a, a hrem thin amaw a intih te hian ama kut chu vua in amah leh amah a lon inhrem thin lek a lo ni. Mawimawii hi damloh vang emaw, mi rukbo vang emaw a thi a nilova, thah a ni. A thattute pawh tudang nilovin, Mamuani pasal hlui, Mawimawii pa Duhawma leh a uirena nu, an nau lo awmsak thintu Rintei te an ni.

**********

Mamuani fanu Mawimawii thihdan : 

Nikhat chu Mamuani chu a hna thawk lehin bazarah chawhmeh zuarin a va thu leh a, in lamah Rintei'n a fanu Mawimawii chu a lo awm sak thung. A hma atang daih tawh a anlo tih thin danin Rintei'n Mawimawii a awih mut veleh chuan Mawimawii pa Duhawma chu a lo haw a, an nupa khumah ngei chuan Rintei nen chuan an khawsa leh ta a.

Hemi tum zet zawng, duh aiin anlo uar mah mah ni ngei tur a ni. Rintei rum deuh ham ham thawmah chuan Mawimawii chu a lo harh a, thawm awmna lam chu ava pan ta mai. Chu thawm chu anu leh pate khum atanga rawn chhuak ngei a ni tih pawh a hria a, ava pan hnai ta. Rintei hian Mawimawii hi thutthlengah a mut tir mai thin a, a mut hlan hian an duhtawkin Duhawma nen hian an lo che ta thin a ni.

Kawngka an lo kalh theihnghilh hlauh mai lehnghal a, kawngka chu tlem a inhawng lehnghal. Mawimawii chuan ava bih dek dek a, chutia apa leh Rintei lo khawsa dun chiam mai a hmuh chuan a mak a tiin a hrethiamlo kher mai. Mit khap leklo hian a en reng a, an thil tih chu eng chiah nge a nih a, enge a awmzia pawh a hrethiam lo.

Chutia afanu in kil khat atanga Rintei nena sex an hmanglai a lo en reng chu Duhawma chuan ava hmu thut a, a phu chiang ngei mai. Khum atang chuan a zuang tho nghal zawk a, "Het.." tih pah chuan a kekawr a ha nghal sawk sawk a. Rintei pawh chuan lo hmu vein a thawmhnawte chu a ha a, an hlauthawng dun kher mai.

Duhawma chuan thinrim tak hian Mawimawii chu ava pan a, "Lo kal teh...engvanga minlo enthla nge i nih a?" a va ti nghal khur khur a. Mawimawii lah chuan chutia apa thinrim taka lo kal phei chu hlauvin a tlanchhia a, Rintei nen chuan Mawimawii chu an um ta chiam mai. Kawmthlang lamah a kal a, an um zel a.

A tawpah chuan an man ta hram a, mahse han tih vak dan tur erawh an hrelo hle. Duhawma chuan tihdan tur tha bera a ngaih chu a sawi chhuak ta, "That mai ang." a ti ta mai a. Rintei erawh chuan a tir chuan a hnial viau a, mahse Mawimawii chuan Mamuani bula a sawi a hlau ve bawk si, a remti ve ta a.

An inkawta barrel, awm chen vel leka sang ang chuan an khung a. Tui tam tak an leih lut a, thingphek hlai tak chuan an chhin a. A chungah chuan Duhawma chu a thu a, Mawimawii chu a tang ta der mai. A theih ang tawk chuan barrel chhin chu a han nam vak vak a, mahse a delhtu a rih em avang chuan ani kum 5 mi lek chuan a nam hawng zo hauh lo.

Tui lah chu a hak bawrh bawrh mai si a, a thaw a chham tan ta. Minute 2 vel hnuah chuan Duhawma chuan, "A thi tawh ang." tiin barrel chhin a han hawng chiah chu a lo la thilo nasa mai. Mawimawii chu a rawn ding thut a, chhuah tumin a kut a rawn vai vak vak a. Rintei chuan Mawimawi luah chuan a nam vak a, tuiah chuan a hnim leh a.

Duhawma pawh chuan a chhin leh nghal a, a thutbet leh ta vung mai. Hlauthawng leh mangang tak chuan Rintei chuan, "A thi tawh ang i ti a, ala thih loh tawp kha." tiin Duhawma chu a vin vak a. Duhawma lah chuan a aia vin hian, "A thi tawh amaw ka tia lawm...min lo hau chhen lo teh." a lo ti let hlur mai a.

Mamuani chu hemi ni ber kher hian a rawn haw hma hlauh mai a, a inhralh that ber tum ala ni hial ang. Inchhung a rawn lut chu thutthleng leh dawhkan alo tlu nuai mai a, a hrilhhai hle mai. Room ah a lut a, khum te chu a lo inching let nuai mai a. A fanu leh Rintei hmel reng reng hmuh tur a awmlo a, a mangang kher mai.

Kawmthlang lama tawngri chu a hria a, tukverh ah chuan a zu dakthla a. A pasal duhawma leh an nau awmtu Rintei lo inbe mawlh mawlh chu a zu hmu a, a ngaih a tha talo kher mai. Kawmthlang lamah chuan a zu chhuk a, Rintei leh Duhawma te awmna lam chu a pan ve nghal a. Duhawma leh Rintei'n Mamuani an hmu chu an phu zuk mai a, an hlauthawng kher mai.

Mamuani chuan hrethiamlo tak hian, "Enge hetah in tih a? Duhawm, hna i kal lo em ni?" tiin a zawt a. Duhawma chuan hlauh hmel tak hian, "Ihh..englo, ihh.." a ti bah nuai ringawt a. Mamuani ngaih a thalo lehzual, "Enge awmzia? Rinte, khawnge Mawimawii?" tia a han zawh phei chuan Rintei hlau lutuk chuan barrel chu a melh zeuh zeuh ringawt a.

Mamuani chuan Rintei mitmeng chu a en vang vang a, chu barrel, a pasal Duhawma thutna chhungah chuan engemawni tak a awm a ring nghal chat a. Duhawma bulah chuan, "Chhuk teh...barrel chhungah khan enge awm?" tiin a zawt leh a. Mahse Duhawma chu a chhuk ngam der lo, Mamuani chuan Duhawma chu a nam tlu tawp mai a. Barrel chhin chu a hawng ta a, a thil hmuh chuan ava thawng tak em.

Mawimawii chu barrel chhungah chuan a lo awm a, a thi tih chu sawi ngailovin a chiang reng. Mamuani chu a tap ta vak vak mai a, awm ngaihna a hrelo a ni ber mai. Duhawma chuan inthlahrung tak hian, "Ih..ka sawifiah thei.." a ti dek dek chu Mamuani chuan abula thing tum chu la in Rintei chu a vaw thal nghal tawp mai.

Duhawma zawk chu a t(r)e tuar a, a hlau lutuk chu a thlan a tla nghal bawrh bawrh mai. Lainatna tel hauh lo chuan Duhawma pawh chu a han vaw leh pawp mai a, a hmai vaw zawngin Duhawma chu a tlu a. Duhawma tlukna zawn takah hian hmawlh a inphun a, chu hmawlh ah tak chuan Duhawma mitsir, a mitmu bul chiah chu a zu in vittlum pawk mai.

Mamuani chuan Mawimawii chu a en reng a, a mittui a tla zawih zawih a. Mamuani te in hi a fal angreng hle a, an in awmna ah tak phei hi chuan indang a tlem hle. A in neitu Pu Biaka te in erawh hmun dang daih a ni a, Mamuani te in hi chu a sumdawnna atana mi luah tura a sak mai mai a ni.

Inchhung lamah chuan Duhawma leh Rintei te chu a hnuk lut a, inhnuai kudam ah chuan a hnuk thla a. An thawmhnaw te chu a hlih sak vek a, saruakin a dah dun a. Ban pakhatah chuan an pahnih chuan a tawn bet a, an taksa te chu thisenin a bual huh hneh hle. Rintei chu a rawn harh a, an awmdan a han hmu chu a rak nghal chiam chiam mai.

"Min ngaidam rawh..U Mamuan, nilo, min that suh.." tiin a rak nghal chel chul mai a, Mamuani erawhin a ngaihsak lo kher mai. Khawl la bawm keng pheiin an bulah chuan ava kal hnai a, Duhawma kaah chuan puan a hnawh sak a, duhawma mit sirah chuan hmawlhte pawh chu a la bur vu mai.

Duhawma pawh chu a rawn harh a, a mit lehlam chu a del chu a ni der mai. Au chhuah a tum a, mahse a ka a hnawh sak tlat avang chuan a au chhuak thei lo. Mamuani chuan khawl la chu hriau ah chuan a han thil te te a, a thil zo ta mawi tih ah chuan Rintei hmui chu a hmet chip a, hriau chuan a chun ta vak vak mai a.

Rintei na ti lutuk chu a mittui a tla zawih zawih a, Mamuani chuan duhtawk mai lovin Rintei hmui chu a thui ta mial mial mai. Hetih lai hian Mamuani hi tah pawh a tap tawh lo, a chawmawlh zo vek tawh a ni ber mai. Rintei pawh chu a au chhuak thei ta lo, a hmui chu a thi zawih zawih mai.

Mamuani chuan a duhtawk mai dawn amaw an ti a, mahse ala tan dawn chauh. Rintei mal no lai tak chu blade in a zai thler a, Rintei chuan na a ti ngang mai. Chutah bati a la leh a, Rintei mal a zai kak laiah tak mai chuan bati tui chu a han far kauh kauh a. Rintei chu a kut leh ke zawng zawng nghet taka phuar a nih avang chuan a che thei der silo.

Chutiang bawk chuan Duhawma pawh nget taka phuar a ni a, a che sawn thei lo. Rintei a duhtawka a sawisak zawh hnu chuan a pasal chu a han melh leh ta ran mai a, Duhawma hlau lutuk chu zun a cheh hial a. Mamuani chuan chempui hriam zet mai hi a rawn la a, Duhawma ke chu a han tin ren rawn a, theipatawpin a han sat ta vak mai chu a bung chiang kher mai.

Thisen a chhuak nasa em em a, chutia thisen luang kawi nuai maite chu Mamuani chuan hmuhnawm a ti kher mai. Lawm hmel tak hian a en a, a pasal leh Rintei na tuar lai chu hmuh nuam a ti takzet a ni. Thi silova sawisak chiam chiam ringawt chu midangin an manchhuah phah ang tih a hlau a, ril tla nuai khawp chuan an dulah a zai dun ta chiam mai a, Rintei leh Duhawma chu an thi ta der mai.

An huan ah chuan an ruang chu a phum dun a, Mawimawii ruang erawh barrel ah chuan a dah reng thung. A fanu thih atang chuan Mamuani rilru chu a buai chho tan ta a, a tetlai atanga zirtirna tha dawng ngailo, tawngkam zahmawh tak tak leh mawilo tak tak ngaithla reng thin, kum 8 mi lek anih atanga a thianghlimna hlohtu Mamuani chuan a fanu chu a thih a ring thei mawlh lo.

Tichuan a fanu Mawimawii naute lem chu Mawimawii angah ngaiin a be reng thin a, Mawimawii a hrem duh chang leh kut a thlak duh chang chuan amah leh amah chu a inhrem ta vak mai thin a ni. Mamuani hi midang hmuh ah chuan nu pangngai tak leh fel tak ni mahse, tualthattu hlauhawm leh mihring sa hmanga eizawng a ni tih tuman an hre der silo.

************

"Bipolar Disorder a nih hmel, a fanu hi a boral tawh tih chu a a hre reng a, mahse a awih phallo a ni." tiin Doctor chuan Rempuia chu a hrilh a. Rempuia chu a rilru a hah hle mai, "Damna chance engemaw tal a awm angem?" tiin a zawt a. Doctor chuan, "Enteh Mama, a stage hi a sang tawh lutuk. Chu bakah mitthi ruang kum 1 dawn a kawl reng a, a fanu ruang ngei pawh nise Police te chuan an hrethiam thei dawn chuanglo." a ti a.

Rempuia chuan, "Enteh Doctor, a hriselna thatloh zia i hria a, a natna pawh tunah khan min hrilh zo chauh kha a ni a. Chuvang chuan a rilru buai vang a ni tih i hria a, midang a khawihnat em loh te chuan jail han tan tir ringawt chu a tih chi dawn em ni?" tiin a zawt leh a. Doctor chuan, "Police lam chan a ni tawh...hei chu ka inrawlh ve ngam tawh lo." a lo ti tlat mai si.

Chutia doctor leh Rempuia inbia chu kil khat atang chuan Mamuani chuan a lo en reng a, enge an sawi erawh a hre phak lo. Rempuia'n kutsuih meuh a doctor a ngen mawlh mawlh lai te chu ava hmu a, mit tla leklo hian Rempuia chu a en reng a. Reife an inbiak hnuah chuan Rempuia chu a lo kal a, Mamuani chu a hruai haw ta a.

Inchhungah chuan an lut a, Rempuia chuan Mamuani chu a kuah a. Duat takin a samah a chul heuh heuh a, "Lungngai reng reng suh, i tha leh vat mai ang." a ti a. Mamuani chu a insum zo lo, Rempuia chu kuah letin a tap hawm hawm mai a. Rempuia chuan damdawi eidan turte chu a hrilh a, a taksa insawi zawi hunte leh a fanu ruang chungchangte chu an pahnih leh a thianpa Doctor Sangtea te chauhin an hriat thute, an thuruk a nih tur thute leh sawichhuak lo turte chuan a hrilh a.

**************

Mawimawii ruang chu Duhawma leh Rintei an phumna bulah chuan Rempuia chuan a phum a, a bul lawkah chuan ruang pahnih dang a inphum ve reng tih erawh a hre hauh lo. Thil diklo a ni tih a hria a, mahse Police ten Mamuani chu an man mai ang tih a hlau si a, a hmangaih em em mai bawk si a. Chuvang chuan a thianpa Doctor Sangtea bulah chuan engkim a hrilh a, tichuan Doctor Sangtea chuan a pui ve ta hram a ni.

Mamuani erawh chu damlo e tilo chuan a sapelh a la thulh chuang eih lo, an khaw mipui ho ti ral kheltu ber ala ni chhunzawm reng tho a. An khaw mipuite pawh a mal te te in a khat tawkin an bo leh zeuh zeuh mai a, Mamuani dawr lah a hlawk tulh tulh mai bawk si. A sachek siam chu a lar tulh tulh a, khaw mipuite an bo hnem tulh tulh thung.

A hlawk em avang hian mihring taksa pum khat tawp hian a daihrei lemlo hle a, chuvang chuan Mamuani pawh a che fimkhur sawt hle. A khat tawka Rempuia a lo let ve zeuh thin avang chuan amah pawh fimkhur taka a chet a ngai a, thisen far khat lek pawh hmuh tur awmlo khawpa inchhung a tihfai zantin a ngai si a, chutah Rempuia nen sex an lo hmang ve zeuh zeuh thin bawk nen, amah pawh a chau thei hle.

Mamuani hlauh ber erawh Rempuia chuan a hrechhuak mai ang tih mawlh mai chu a ni a, zana lo riah ve pawh a phal tawh ngai lo. Rempuia hi zanlaia harh thut ching leh pawna meizial zuk ching tlat mi a ni tih a hre tawh bawk a, thildang a hmuchhuak leh mai ang tih a hlauh avang chuan riah chu a phal tawhlo bur a ni.

Mahse Mamuani erawhin fing takin chhuanlam a siam zel a, midangin min hrechhuak ang tiin a hnar fo thin. Mamuani hian Rempuia erawh hi chu thah tumna  anei hauh lova, a neilo mai nilovin a phal lo a ni. A chhan chu tualthattu ni mahse Rempuia erawh hi chu a thinlung zawng zawngin a hmangaih a, a fapa rual deuhthaw ni mahse Rempuia hian a kalsan mai ang tih a hlau ngawih ngawih a ni.

*************

A chang chuan Mamuani pawh hian a thiltih thinte chu tawp san a duh ve thin hle a, mahse a rilru buaina chuan tawpsan mai lo turin a hrilh fo thin si a ni. A bengah chuan a fanu aw ngei maiin, "ANU..KHAWVELA MI ZAWNG ZAWNG HI MISUAL VEK AN NI, THAT VEK RAWH.." tiin a hrilh fo thin a, a chang leh anu aw ni ngeia a hriat chuan a mumang lam thlengin, "THAT RAWH...SAPELH A HUN...MIFEL TUMAH AN AWMLO, THI VEK TLAK AN NI." tiin a hrilh fo thin bawk.

Duhawma kha Mamuani hian a hmangaih vang leh a duh vang renga nei a nilova, Mamuani pa hian nei tura a tih luih tlat vang a ni. Tin, Mamuani hi apa khan kum 18 vel a nih atang khan sumdawnnan anu hriat  loh hlanin a hmang thin a, KS ang maiin a thiante chu sawmkhawmin a fanu Mamuani chu an duhtawkin an mutpui thin a, pawisa an pe khawm leh thin  a ni.

Vawikhat pawh Mamuani pa ngei pawh hian a fanu Mamuani chu a it tlat mai a, Mamuani rawngbawl lai chu a va pawm nawlh mai a. An bathroom lamah luhpuiin a thingthit tir a, bucket a tuiah chuan a lu a hnim a, tichuan a pawnfen hlim chhovin a duhtawkin a pawngsual thin a ni. Mamuani hi kum 8  anih khan a thianghlimna chu a pa thianpa, zurui pakhat lak ata a hloh der tawh a, tun thlengin a nun a chhiat phah ta vek a ni.

************

Tepuii leh Rempuia te hi an khawilo kal naah an intawk ta zeuh zeuh mai a, an inhmuh apiang hian minute 5-10 vel tal chu an inbe ziah bawk. Tepuii chuan vawikhat phei chu Rempuia hi a lo hmu fuh deuh nge ni, a vei tulh tulh mai. Rempuia pawhin bialnu nei reng mahse chutia a naupan lai atanga a star em em leh a lo atchilh ruk tak maiin tha taka a han bia chu a awm thiamlo a, an ina len zeuh zeuh pawh a ching ta hle mai.

Tlai khat chu Rempuia leh Tepuii lo inkawm lai chu Mamuani chuan a lo hmu fuh lehpek a, a thin a rim kher mai. Tunah zet zawng, Mamuani chuan enliam mai mai a tum ta hauh lo mai. Tepuii chu kidnap a, thah a tum ta a. Tepuii sa pawh chu a thingpui dawr menu pakhat zinga siam a, amah Rempuia ngei ei tir chu a tum nghet ta bur mai.

***********

Mamuani mizia a mak sawt em avang chuan Rempuia pawh chuan a hrethiamlo thin hle a, a hlat tual tual bawk. Chutia Rempuia'n a hlat tual tual ta mai chu Mamuani chuan a mizia mak tak vang a ni tih chu hre tho mahse a chhan bulpui ber erawh Tepuii a ni tih a hai hauh lo, a haw so bawrh bawrh a ni ber mai.

Nitin mai chuan Tepuii ruk bo dan tur chu a ngaihtuah a, midang ang ngawt chuan a awlsam dawnlo tih pawh a hria. Tepuii hi Mamuani dawrah hian a kal ve ngai der silova, Mamuani leh Rempuia te chu an inngaizawng mek tih pawh a hre hek lo. Chumai nilovin, Rempuia chu a ruk tak chuan a lo duh ve em em mai hi a lo ni a, mahse a mihring duh em em mai Rempuia bialnu chu mihring sapel thin a ni tih a hre hauh silo.

***********

A tawpah chuan tihdan tur tha deuh mai a ngaihtuah chhuak ta a, Tepuii te inah chuan amah ngei chu ava kal ta a. Tepuii nu chuan kawngka a lo hawnsak a, "Ehe...Mamuan, enge i duh ve tehmial a?" tiin a lo zawt a. Mamuani chuan nui sang hian, "Tepuii a awm em aw?" a ti a. Tepuii nu chuan zaidam tak hian, "Awm e, lo lut ta che." tiin a sawm a.

Mamuani pawh chu a lut a, Tepuii nen chuan an inkawm ta a. Mamuani chuan dawt hrilhin, "Rempuia'n kan ina lo kal turin a ti che a, thil engemaw hrilh duh che a nei ani awm e." a han ti a. Tepuii chu a lawm rual rual chuan chutia Mamuani daihin chutiang thil a rawn hrilh chu a hrethiam chiah lo a, "Animaw? Mahse tinge i bulah kher a sawi a?" tiin a zawt a.

Mamuani chuan nui chung hian, "Ekhai, kan innel lutuk alawm. Ka dawrah sawn a rawn chawl fo a, i chanchin a sawi nasa thei lutuk." a tih takah chuan Tepuii chu a phur ta hle mai. Hriat chhunzawm chak tak chuan, "Engtin nge min sawi thin a?" a lo ti vat a. Mamuani pawh chuan a ruahmanna chu a fuh ngei dawnin a hria a, a hlim hle mai.

Tepuii chu a han thut hnaih sauh sauh a, "Ka sawi vek kher duh dawn mawni....englo ania, a duh thu che hi a sawi reng zel a." a han ti leh te te a. Tepuii chuan, "Anih leh tinge in inah kher chuan min koh a?" tiin a zawt leh a. Mamuani chuan, "Ka hrelo, a ti tlat sia...nangmah a hrilh ngam silo che a, keimah min rawn tir a nih hi." tiin a chhang a.

***********

Mamuani leh Tepuii te chu Mamuani te in lamah chuan an inzui phei ta a, Tepuii chu a phur hle mai. Tichuan Tepuii chu dawhkanah chuan a thu a, Mamuani chuan sachek a rawn chhawp sak a. Tui ti tak chuan Tepuii chuan a ei a, "Nu Mamuan, engtik ah nge Rempuia chu a lo kal dawn a?" tiin a zawt sek tawh mai.

Mamuani lah chuan chhuanlam a siam zel a, a lo theln tep tawh thu hlir chuan a chhang a. Chutia nghahhlelh hmel taka Tepuiin a hmangaih em em Rempuia a lo nghak a hmuh chuan a thinrim zual em em a, thikna hlirin a khat a. Tichuan choka lamah ava kal a, tuboh ava la a. Tepuii lam chu a va pan phei ta a, Tepuii lah chuan tui ti tak hian sachek chu a lo la hawp puk puk mai.

Tepuii chuan a sachek hawp lai chu a han en chiang a, a rinloh lutuk tak maiin mihring kutzungtang a suak chhuak ta thut mai. A au vak a, a ding nghal zawt a. Lehlam a hawi leh chiah chu Mamuani a lo ding khur mai a, "TENAWM NU.." tih pah chuan Mamuani chuan a tuboh ken lai chuan Tepuii lu ah tak chuan a han chhu pawp mai a, Tepuii chu a thal tawp mai.

***********

Rempuia pawh chu Tepuii te in lam pan chuan a kal mek a, Mamuani lam reng a ngaihsak tawh lo. Mahse Tepuii te in a thleng chu Tepuii nu chuan Tepuii a awmloh thu a lo hrilh chuan a ngaih a thalo hle mai, "Khawnge a kal a?" tia a han zawh chuan Tepuii nu chuan, "Aww...nangman Mamuani dawra inhmu turin i sawm a ni lawm ni? Mamuani a lo kal a, a rawn sawi vek alawm." a ti ta mai a.

Rempuia ngaih a thalo zual kher mai, "Anih chuan khawnge Mamuani leh Tepuii chu?" a ti vat a. Tepuii nu lah chuan ngaihthat hmel zet chuan, "An pahnihin an inzui phei tawh...tinge nangmah ber hetah ila awm a?" tiin a lo la zawt let zawk zui. Hmanhmawh em em hian Rempuia chu Mamuani te in lam pan chuan a kal ta nghal a, Tepuii nu zawhna pawh chu a chhang ta alo.

***********

Tepuii chu a harh a, a awmna hmun a han enkual a. Khawi hmun ah nge a awm a hre ta hauh lo mai, barrel chhung ni berin a hria. A awmna chhungah chuan a nghawng chen vel thleng chu tui a khat luau mai a, a rimchhe em em lehnghal. A awmna atang chuan chhuah a tum a, mahse a theilo, a rin ang ngeiin barrel chhungah a lo awm ngei a ni.

Barrel chhin chu han nam hawn mai a tum a, mahse a inchhin nghet kher mai. A hnuailam a han dap a, engthil emawni a dap fuh hlauh mai. Chu a thil dap fuh chu a han lek kang a, thim hle mahse a han khawih chhin vel atang chuan mihring kut bung a ni tih a hre thei nghal a, a thlah rang kher mai.

A hlau lutuk chu a au vak vak a, mahse awmzia a nei silo. A che vak vak a, mahse a awmna barrel chu chet pawh a che eih silo. Mamuani chuan Tepuii chu barrel chhungah a dah a, mahse Mawimawii ruang awmna ang chi barrel nilovin, Barrel lian pangngai ah a dah a, a sa chan bang ho te nen, thisen nen Tepuii chu a hnutchhiah a lo ni.

**********

Rempuia chuan Mamuani te in chu a thleng ta a, a hah kher mai. Kawngka chu a beng vak vak a, "Mamuan, Mamuan...lo hawng vat rawh...i awm tih ka hria ania, ilo hawn loh chuan kawngkhar hi a tichhe vek ang." a ti nghal chiam chiam a. Second 10 hnu velah chuan Mamuani chuan kawngka chu a rawn hawng a, "Enge khatia i rawn tih vak vak a?" a lo ti nuah nuah a.

Inchhungah chuan Rempuia chu a lut a, "Khawnge..khawnge a awm?" a ti nghal vak vak a. Mamuani chuan hriatthiam loh hmel tak hian, "Tu chu maw? Enge i zawn a?" a lo ti hu mai. Rempuia chuan rum zet hian Mamuani chu a melh a, "Enge dawt i sawi vel a? Khawnge Tepuii?" a ti khur khur a.

Mamuani chu za lo tak chuan a lo nui suk a, "Tepuii a? Eng atan nge ka tih anga?" a lo ti hmuk mai. Rempuia chuan vin lek lek hian, "Zep kual lo mai teh, keimah in inah inhmu tur angin Tepuii hi ka sawm reng reng em ni? Tinge Tepuii nu bulah dawt te ilo sawi vel a? Mawhh?" a ti ta hrep mai a.

Chutia a hmangaih em em, a tana khuanu ruat dik tak anga a ngaih, a mipa rin ve ber leh amah hmangaih ve em em tu nia a hriatin hmeichhe dang vanga a hau ta hrep mai chu a rilru a na em em a. A mittui a sur nghal zung zung a, "Tinge? Tinge? Eng atan nge Tepuii chu i tih a? I va ngaihtuah ve?" tiin a vin ta hrep mai.

Rempuia chuan a lu a dawm vawng vawng a, "Mamuan, inhnialna hun a nilo. Khawnge Tepuii chu a awm? In awmdun tih pawh ka hria, khawnge a awm sawi rawh..min ti thinrim hlek suh." a ti a. Mamuani chu ana takzet tawh a ni, "Rempui, Tepuii hi i duh zawk a ni tiraw? Ka lo mawl em ani...engtin nge ka lo rin theih che le? KA enkawl ang che...ka venghim tawh ang che..tiin min hrilh thin a ni lawm ni?" tiin a tap zawih zawih mai a.

Rempuia chu a inthiamlo leh deuh a, "Nilo ve...Mamuan, chutiang a nilo, ka thiannu ania.." a han ti dek dek chu Mamuani chuan vin zet hian, "Chupawh nise...engtin nge ka tih vaka i rin a? Mawhh...ka thah i ring em ni? Mi rilru buai ka nih vang hian ka lo thah mai i hlau a ni tiraw?" a ti leh ta phiar phiar mai.

Rempuia chuan sawitur a van ta hle mai, "Ih..min ngaidam rawh..chutiang a nilo." a ti bah nuai ringawt mai a. Mamuani chuan a mittui chu a hru a, "A tha e....i duh zawk tih ka hria a, amah pawhin a duh che tih ka hria a. Chuvang chuan engkim ka sawifel pui a ni, i duh chuan nangman a awmna chu zawng mai rawh, mangtha.." tiin Rempuia chu kudam lamah chuan a kalsan ta daih mai a.

Rempuia chuan a umzui a, mahse inhnuai kudam luhna kawngka chu Mamuani chuan a kalh tlat mai si a, Rempuia lah chuan a luhlul chhuah in, "I lo hawn hma chu ka haw bik lovang." a ti ve ta tlat mai. Rempuia chu sitting roomah chuan ngawi rengin a thu a, Mamuani lo chhuah hun chu a nghak ta ran mai.

************

Mamuani chuan kudam chhunga barrel chu ava pan hnai a, a chhin lunglian puia a delh chu a la sawn a, a chhung a han bih chu Tepuii a lo awm ta miahlo mai. A hlauthawng em em a, a chhung te chu a han hai kual a, tiang te chuan a hawlh kual a, a hmu der mai silo. Chu veleh a hnung lam atang chuan Tepuii a rawn lang thut mai a, Mamuani lu ah tak mai chuan a tiang ken lai chuan a vaw pawp mai a.

Mahse a vaw na lutuk lo hlauh a, Mamuani chu a thal tawp mai a. Tepuii chu rang takin a tlanchhe nghal vat a, Mamuani pawh chu a chal dawm vawng vawng chungin a rawn tho chhuak lehnghal a. Tepuii chu  abiru zel a, a tawpah inchhung chhona sep a jmu ta hlauh mai.

*************

Inhnuai lama thawm ri leh khut khut thin chu Rempuia chuan a hre reng a, mahse han kal tum eng ang mahse chhung lam a tang chuan Mamuani chuan a kalh tlat mai si a. Ngaih tha lemlo tak chuan Mamuani chu a nghak ngat ngat ringawt mai a, Tepuii a ngaihtuah tel bawk si.

Choka lamah chuan ava phei a, tui in a tum lai tak chuan bel pakhata thisen lo kai nuai mai chu a hmu hlauh mai a. Mak ti tak chuan ava pan hnai a, bel chhin a han hawng chiah mai chu a zuang lo chauh. Bel chhungah chuan mihring lu ringawt hi a lo awm a, a mit a la meng kuau zui.

Chutih lai chuan Tepuii pawh chu step lam pan chuan thawm dim takin a chho zel a, mahse a thlen dawn tepah chuan a ke a rawn thip zawk mai. Mamuani chuan step awng atang chuan hnuai lam atangin Tepuii kepah chu a rawn zai hlawk mai a, Tepuii chu a lumthla leh nghal a.

Tepuii t(r)e ri chu Rempuia chuan a lo hre ve a, a thil hmuh mek nen, Tepuii au ri nen, a mangang kher mai. Inhnuai kudam chhukna kawngka chu a han chhir vak vak a, a tawpah chuan  a tlawh chhe thei ta hlauh mai. Inhnuaia chhuk pah chuan, "Tepui, Tepui...Mamuan, khawnge in awm?" tiin a au thla nghal vak vak a.

***********

Kudam chhung chu a thim ruih vek mai a, kil khata bulb lo eng vet vet chu a hmu a, a va pan ta a. Mamuani chuan a sa sahna dawhkanah chuan Tepuii chu saruak vekin a lo mut a, a kut leh keah a phuar a. Perek chu a la a, Tepuii ke hmawrah chuan a chuktuah a, tuboh chuan a tin ran mai.

Chu veleh Rempuia chu a lo thleng ta a, Mamuani chu a va namthlu tawp mai a. Tepuii chuan chutia Rempuia  a hmu thut chu a hrethiam lo hle mai, "Rempui...enge awmzia?" tiin a tap vak vak mai a. Rempuia chuan Tepuii kut leh ke phuarna te chu phelh mawlh mawlh pah chuan, "Engkim a tha vek e, lunngai suh.." tiin Mamuani lam ava en leh chu Mamuani chu a lo awm tawh awzawng lo mai.

Rempuia chuan, "Tepui, Police lo phone ang che.." tih pah chuan Mamuani zawng tur chuan  a chhuak ve ta nghal a, Tepuii erawh thil thleng mekte chuan a rap em avang chuan a che sawn mai thei hrih lo, a tap zawih zawih ringawt mai a. Rempuia lah chu a chhuak ve nghal daih mai bawk si, a khur zawih zawih ringawt mai a ni.

**********

Mamuani rilru buaina chuan a stage tawp ber a thleng ta emaw tih mai tur  a ni, khawlaiah chuan thisen kai hnuai chuan a vak kual a. Khaw mipuite chuan an enduh kher mai, a hawi a hru mai lehnghal a. A kutah chuan a sasah chem hriam tak mai chu a hum reng mai bawk a, amah rawn biak tum apiangte chu a lo tin uai uai zel mai a.

Mipuite chuan chutia an khaw nuthlawi hmeltha leh sachek siamthiam lutuk mai, paho tamtak pawhina a piannalh zia leh a tituai la nalh zia an sawi hut hut khawpa hmeltha Mamuani mi a ang maia chem hum chunga a hawi kual hru hru mai chu mak an ti ngei mai, va biak an tum lahin Mamuani chuan sah a lo tum zel si a.

Mamuani chu a buai takzet, tupawh mai chu a pasal leh a pa hmel ang vekin a hmu a, a beng ah chuan anu leh a fanu Mawimawii aw ngei mai chuan, "THAT VEK RAWH..THAT RAWH, MISUAL AN NI.." tiin an hrilh mawlh mawlh mai bawk a. Tap chungin a kal hla telh telh a, Rempuia pawh chuan a rawn zawng zel a.

A tawpah chuan an veng tawp lam, kham sang tak bulah chuan a ding ta teu mai a. Kham chu a sang em em a, a hnuaiah hian lui thuk tak a awm bawk. Rempuia leh an khaw mipuite pawh chu an lo thleng hlawm a, Mamuani chu an au vak vak a. Mamuani chuan a hrawkah chuan chemte chu a chuktuah a, "Lo kal hnai suh u...anih lo chuan ka inthat a nimai." tiin mipuite chu a vau a, tumah chu an kalhnai ngam lo.

Rempuia chu pen hnih vel chuan ava pen hnai a, "Nilo..Mamuan, ti suh, ka bulah lo kal rawh." tiin a kut ava phar chhuak a. Tap chungin Mamuani chuan Rempuia chu a lo en a, "Bumhmang pa...min hmangaih emaw ka lo ti a, mipa danglam bik angah ka lo ngai che a...mahse min lo bum mai mai a ni." tiin a vin hrep mai a.

Mipuite chuan mak an ti hle mai, achhan pawh Rempuia leh Mamuani hi an inngaizawng tih tuman an hre tlat lo, chubakah an kum a in thlauh em avang hian inngaizawng turah an ngailo hrim hrim a ni. Rempuia pawh chuan zah pawh dawnlovin, "Nilo...Mamuan, ka hmangaih che...min ngaidam rawh." tiin a ngen lawm lawm mai a.

Mamuani chuan a tawpna ni alo thleng ve ta tih a hria a, a hmangaih em em a fanu leh anu kiangah a kal ve thei tawh dawn tih a hriat chuan hlau ru hle mahse a thla a muang kher mai. A maimitchhing a, a mitthla ah chuan anu dam laia anu in a duhtawka mihring sa a han chan siah siah te, an customer ho tur hmanga a hrai dante leh an nufa a apa a thah dante chu a hmu a.

Mittui tla zawih zawih chuan Rempuia chu a en a, "Misual i ni....in vai khan misual in ni." tih pah chuan lehlam a hawi a, "Nu...ka fanu...in bulah ka lo kal ve tawh dawn e...he khawvel hi chu ka tan chuan a hrehawm tawh emai." a ti a, a zuangthal ta daih mai. Rempuia chuan, "Nilo...a ni theilo.." tiin a au vak vak a, mipuite lah an lo t(r)e nasa mai bawk a.

**********

Darkar 2 vel hnuah chuan Mamuani ruang hmuh tur a awm loh thu leh an khaw tlangval tui thiam te pawhin an hmuh zawh loh thute chu an sawi nak nak hlawm a, kil khatah chuan Rempuia chu thu in Mamuani zuanthlakna lui chu a en vawng vawng tingawt mai a. A mittui a tla zawih zawih a, a inchhir hle bawk.

Chutih lai chuan Police te chu Mamuani te in lamah chuan an lo va kal a, Tepuiin a phone vang a ni. Tepuii chuan tap chung chuan, "An pahnih thil tih vek kha a ni, Rempuia kha ka thianpa a ni a, kan inkawm ngeih hle bawk. Mahse an pahnih khan...Nu Mamuani nen khan an inthurual a, min thah an tum a ni."  tiin Police te chu a lo hrilh a.

**********

Police Inspector pakhat a lo kal a, Rempuia bulah chuan, "Lalrempuia i ni em?" a ti a. Rempuia chuan en miahlo hian, "Aw ni e." tih ringawt hian alo chhang a. Police chuan, "Mita hmutu ngeiin a sawi angin, Pi Mamuani nen hian inthurualin khaw mipuite chu a mal te te in inthat a, tin Mamuani te inkawtah ruang pathum lai mai laichhuah a ni bawk." a rawn ti ta mai a.

Rempuia chuan Police Inspector chu en pawh ala en chuang lo, "Ka...ka tel velo." a ti chuai raih ringawt a. Police bawk chuan, "Kan hriat leh danin Pi Mamuani nen hian a rukin inlo inngaizawng reng tih hriat a ni bawk a, chubakah Pi Mamuani mihring thah zozai te leh a ruahmanna hautak em em te ngaihtuah hian amah chauh chuan a ti thei dawnlo tih a chiang a, puitu a nei ngei ang. Tin, Tepuii..mita hmutu berin nangmah hi i tel ve a ni tih a sawi bawk." a ti leh a.

Rempuia chu muangchang chuan a tho a, Police inspector chu a en a, "Ni e, ka tel ve alawm. KAn pahniha kan thiltih vek a ni, achhan chu kan inhmngaih em a, thih thlenga inkalsan lo turin kan intiam tawh a ni." a ti tham tiak a, tichuan Rempuia chu Police Station lamah phurh liam a ni ta a ni.

Mamuani dawr chungchangte, mihring sa a siam thin thute chu a darh ta chiam mai a, heta tang hian Sawibuang Khua chu mi zawng zawngin Hringei Khua tiin an hriat phah ta a. Mamuani ber chu thi tawh mahse an khua chu mi zawng zawngin an t(r)ih a, tunthleng hian sawi neuh neuh an hlawh phah ta a ni.

**********

THE END