FEEL MY LOVE
FEEL MY LOVE
by Aaron Malsawmdawngzuala
College luh tan ni a ni a, zirlai hmeltha leh duhawm tak tak te pawh an vei suau suau mai. Freshers ho chuan nuam an ti hle a, an vawikhat luh tanna a ni bawk a, chhas tur pawh an tam viau ngei ang. Hmeltha leh no nalh tak tak an tam hle a, hmeichhia lah khal hlawm si, chhelo hlawm si, chhe ve te te chu awm mah se atlangpuiin an duai lo hlawm hle a, senior te atanga lut thar junior te thlengin an chhelo in an ngo hlawm bawk a, mipa te ho lah class tak tak, pa tak tak leh hausa tak tak an ni a, bike an keng deuh fur hlawm a, he college hi chu a van nuam chiang em! Mahse he college-a lut thar freshers ho hian an hriat loh chu, he college-a an principal thianpa fapa hausa em em mai, Johnny-a, lehkha zir tha peih mang silo a, an sum neih vang leh an principal thianpa fapa anih vanga in hlangkai ve leh mai thin, junior te tih duhdah ching, thian sual tak tak, insual hrat tak tak nei mipakhat a awm ve tih hi an hre lawk bik miah lo ang.
Class an tan hma kha chuan junior te pawh an inkawm khawm a, nuam an ti tlang hlawm hle mai, class an tan ta a, tan hnu tlai tawkah chuan chu mihringpa chu alo thleng ta a, inla class tak mai hian motor atang chuan alo chhuak a, amah chu cher lampang a ni a, a hmel lah chu a tha phian, a hnungah chuan mipa palian tak tak paruk velin an boss ni awm tak hian an rawn zui diah diah a, “Vawiin chu new comer chhas tur zawng ang aw..” a rawn ti vei ham ham a. Luch Break a ni a, junior te ho lo chhuak chu hmeichhe ho te chu a lo chhaih vel a, athen an awm bawr te a lo khoih sak zeuh zeuh a, achimawm ngei mai. Mipa thenkhat ho chu alo cho a, alo tibuai a, a meizial zuk khu te chuan an hmai ah a phuh khum vel a, an ngei hmel kher mai, he college tinuamlo tu hi chu a ni ve chiang alawm. Chuti chuan nitin mai chu junior te a tibuai reng a, mizo ve si hetia a awm a, ragging deuh reuh an thianhoa an ti ve khanglang hi chu an zahpuiawm ngawt mawi, mihring hi chu kan lo van mak tak em. Nikhat chu a tihbuai lehtur a zawn laia nula ho amelh zak zak lai chuan hmeichhe pakhat a mit la tu an awm ta tlat mai. Sam sei tak mai, amawng bawr nalh tak leh khal dan pawh tawk chiah, hmeltha tak, mipa thenkhat ho chuan an lo bem nual hman tawh a ni awm e, pheikhawk sang lutuk lo nalh tak mai, a ke no sarh leh a ke sir senno chek mai tilang thei tu a bun a, asam dum hlar mai chuan avan tilang mawizual em. Ahmelthat mai bakah a hmel en chuan nungchang tha leh nula thianghlim, fel ve tak a ni tih chu a hriat em em a, a mithmul dum sei tak chuan a mitkhap mai mai pawh a ti lang nalh hle mai, Johnny-a te ang milerh lutuk tan chuan han en hmaih chi anilo hrim hrim. Johnny chuan a thiante bulah chuan, “Sawnu saw tunge anih a?” tiin a zawt a, a thiante zinga pakhat chuan, “Lalremsangi anih saw, new commer ah chuan aluck ber ang, ilo la hre ve nange? Rempui tiin an ko thin,” alo ti a, Johnny chuan, “Ka bialnu tur anih saw, min tihpui nghal ang che u.” a ti deuh nghal bawrh bawrh a, athinapa chuan nuih deuh suk pahin, “Aduh lo ang che, nang aia hmeltha tak tak mipa pawn an bem alawm le, tumah achhang duhlo.” alo ti a, Johnny-a chuan inla changtupa tak maiin, “Ngawi hmak rawh, i hre mai ang, min duh tur ani, Hminga...abul hnaiah sawn ka va kal anga chuan kan lehkhabu ve ve tla turin amah nen sawn min rawn su palh ang deuhin i rawn tlan anga, chuan i kalsawn nghal dawnnia.” a ti a, asawi ang chuan Johnny-a chu ava kal hnai a, hminga chuan a rawn su lui dun a, an lehkha bu chu an thlau dun ta ngei a, Johnny-a chuan inla zei fahranin lehkhabu chhar sak pah chuan a’n nuih vel a, Rempuii chuan tum hmukin, “Ka lawm e tih pah chuan a kalsan ta daih a, chu veleh Johnny-a thiante chuan Rempuii lo kalphei lai chu anlo chheih vel a, Johnny-a’n ti tura a tih vang ani, Johnny-a chu inla pa takin a va phei a, athiante chu ava hnek vel a, inla pa tak maiin, “Tute nge in nih a, engvagin nge inlo chhaih a, in zak nlawm ni?” a ti der vel a, athiante chuan ngaihdam an dil der vel a, Johnny-a chu thinrim hmel em em in a kal sawn a, chuveleh Rempuii chuan ava um zui a, “Hey, lo ding teh, tunge i nih a?” a va ti a.
“Johnny-a ka nia, Rempuii tiraw i nih? Nang ang nula hmeltha anlo chhaih che kha ka ngeitheilo a, ka insum zo hmanlo nih kha.”
“Tunge min chhan turin ti che a, ka hre ngailo che a, khatia kut va thlak kha atul ami? Ka thian pawh ini lo a, vawikhat mah ti khan ti tawh suh ang che.”
“Hey, vawiin tlai ah canteen-ah ka lo nghak ang che, dar 3:30 ah aw” tih pahin a kal daih a.
“Hey hey hey... ding teh...naaa tunge maw a nih le? Hmm ka kal awmlo emai zaktheilo lutuk.”
Tlai banah chuan Johnny-a chuan alo nghak a, mahse Rempuii hmel reng reng a lang lo, a thinrim kher mai. Atukah chuan class an kal leh a, Lunch break ah chuan Rempuii a hmu fuh hlau mai, ava pan nghal a, “Hey, tinge ilo kal loh, darkar 2 chuang ka nghak che ania.” a ti vin tuar a, Rempuii chuan, “I zak em, ka thianpa pawh i ni mi?” a lo ti let a, Johnny chuan, “Mipa zaktheilo tak te lak atangin ka chhan che kha.” a ti a, Rempuii chuan, “Kha tia min chhan vang khan thian kan ni tihna ani lo.” tiin alo chhang let a, Jonny chuan amita en chungin, “Rempui, thil hrilh tur che ka nei a, ihh.. ka hmuhtirh atang che khan ka duh lutuk che a, ka hmangaih che.” a ti tawp mai a, ahmeichhe bem dan ava thing chiang em. Rempuii hian duh lo lutuk chu ani biklo, Johnny hi ahmeltha a, apian analh bawk a, a palian lutuklo naa achhelo ve phian, mahse chutia han duh ngawt chu a tha ati bik chiah lo, “Enge i sawi a?” a ti dek dek a, Johnny-a chuan, “Naktuk ah min hmangaih ve thu min hrilh lo nih chuan college chhawng chung ber atangin ka zuang thla ang.” tih pahin akalsan daih mai a. Zanah chuan Rempuii chu a muhil tha theilo, Johnny-a ringawt chu angaihtuah a, athiannu Zuali bulah a hrilh a, athiannu chuan, “Ati tak tak ange, khapa kha arilru alian teh mai ania, ka hmangaih che ti ve tawp mai rawh, achhiat hranloh kha.” tiin alo chhang liam puat ringawt a, a inngaihtuah a, “Hei hi hmangaihna an tih chu amawni le, a zuangthla tak tak angem le? Ahma pawh khan mipa rual ho a hnek a, min chhan nan lehnghal, canteen-a kaltura min sawm pawh khan ka kallo chung pawh khan darkar 2 minlo nghak ania, min hmangaih anih chuan tinge ka hmangaih ve mai loh ang?” tiin a inngaihtuah a, amawl ve hle mai, hmeichhe mawl ve tak chu a ni, Johnny-a play mai mai turin a inphal dawn em ni? Johnny-a mizia a hre silo, amuhil ve thei ta hram a. Atukah chuan Johnny-a chuan Rempuii chu a ko hrang a, college chhawng chung berah chuan a kalpui a, inchung hmawrah chuan a ding a, “Rempui, ka hmangaih che, min hmangaih velo nih chuan ka dam zolo ang, chuvang chuan min hrilh rawh anih loh chuan ka zuangthla mai ang.” a ti a, Rempuii chuan a tih tak tak a ring tlat bawk si, diktak chuan Johnny-a hian angam loh dawn tehreng nen, mahse Rempuii hi ngaihzawng la nei ngai lo, hmangaihna hrethiamlo leh hmeichhe pawisawilo naupang chhia tak leh mawl ve tak anih vangin Johnny-a hi a ring mai a ni. Chutih lai tak chuan mi thawveng tak leh fiamthu duhtak, rilru zau tak mai Mapuia chu chumi college ah chuan admission ti turin principal roomah principal nen anlo inbe mek a, an tifel zo chiah chu a class room zawng turin phur em em in stepah chuan zai chho rut rut a, chuveleh “Min hmangaih em?” ti a au vak vak thawm a hria a, midang canteen-a thil an ei vek laia chutia lo au vak vak chu tiin enge thleng en tumin inchung berah chuan a chho a, Rempuii leh Johnny-a ava hmu a, Johnny-a chuan, “Ka zuang thla dawn nia.” atia, Rempuii chuan ring em em maiin, “KA HMANGAIH CHE.” a ti ve ta tawp a. Chutia Rempuiin “ka hmangaih che” a tih rual chuan Mapuia pawh chuan alo hmu ve chiah a, Rempuii chu hmeltha a ti ta em em a, anui vur vur a, “Hmeichhe mawl lutuk” a tia, nui vur vur chungin a chhuk san ta a.
Rempuii leh Johnny-a chu inngaizawng angin an awm ta a, an inzui reng a, ralkhat atang hian Mapuia chuan alo en thin a, Rempuii chu hmeltha a ti em em a, a en ning theilo, anui vur vur renga, Johnny-a chuan nuam a ti em em a, mahse Rempuii chuan a ning thei hle, amawl lutuk vangin ka hmangaih che alo ti ve laklawh tawh bawk sia, an inzui ve zel mai bawk a. Nikhat chu Johnny-a nu adamloh avang chuan a nu te khua ah azin lawk angai a, Rempuii kalsan chu a hreh hle mai. College compound zau takah chuan an inzui a, an kaldun a, chutih lai chuan bike in Mapuia chu an hmaah tak alo tlan a, ading a, rose par mawi tak mai arawn phawrh a, Rempuii hmaa chuan rose chu a lek a, “Hi, ka hmangaih che.” a ti ringawt a, Johnny-a hrilh ahai hle mai, Rempuii chu ngawi rengin a ding a, Mapuia bawk chuan, “Hey... Rempui, ka hmangaih che ka tih chu.” tihpah in rose chu Rempuii lehkhabu ken laiah chuan ava zep a, a tlan leh daih a, Jhnny-a chu a thinrim hle mai, “Hey, zawnga lo ding teh iva zaklo ve a.” a ti vak vak a, “Rempui, khapa kha tunge ava zaklo ve a, engtin nge i bialpa ka awm ve reng laia ka hmangaih che a tih ngam zawk a, ava zak lo ve a, i hre ngai em?” a ti vak vak a, a thinrim hle mai, Rempuii chu a ngawi renga, pangpar pawh chu a lehkhabu karah chuan a awm reng tho a, laksawn pawh a tum chuang lo.
Chutih lai tak chuan Johnny-a thiante anlo kal a, “Johnny, i pa a thinrim tawh ania, va haw vat rawh an nghak che ania, i nu te khua a i kal vat angai ania.” an rawn ti sap sap a, Johnny-a nu leh pate hi an inthen tawh a, anu hian an khuaah a awmsan ani. Johnny-a chuan, “Hey, inlo hmu em khapa kha, ka va khawih hrep teh ang.” a ti a, a thiante chuan, “Aw hmu e, kanlo chingfel ang, kal tawh rawh, kan kutah dah rawh.” an ti a, Johnny a chu kal a tum lai tak chuan Rempuiin alehkhabu kara rose Mapuia’n a pek chu alo en reng hi a hmu a, “Lalremsang, rose kha nga tan nge i tih, peih nghal rawh.” a ti vin tuarh a, Rempuii chuan a peih ve mai bawk a. Johnny-a chuan arukin athiante bulah chuan, “Ka bialnu hi alo hnaih anih vaih chuan sawisa hrep ang che u, a kut hmawr pawhin akhawih tur a ni lo.” tiin a chah a, anu damlo kan tur chuan a nu te khawlamah chuan a zin ta a. Mapuia hian naupang tete ho hi a kawm thin a, kum 5 mi te, kum 10 mi te leh kum 6 mi te lek lek hi a kawm thin a, chubak thian anei lo, mahse ahlim em em a, an homework te a tihsak a, athian tha ber te angin a en tlat tho a, a thuruk zawng zawng a hrilh vek thin a, aharsatna te a lungngaihna te leh ahlimna te a share ve vek thin a, Mapuia mizia hi a dangdai takzet a ni. Johnny-a zin atang chuan engtik lai mai pawh hian, nitin in Mapuia chuan Rempuii chu a zui reng a, abe ngai chuang lo, Rempuii chuan a ning thei hle a, a ngei hle bawk a, mahse a zui tlat reng tho. Nikhat chu Rempuii leh Zuali chu canteen-ah an chawl dun a, Mapuia chu an bulah chuan ava thu ve tawp a, “Rempui, ka hmangaih che ka tih ka tih kha.” ava ti ringawt a, vinzet mai hian Rempuii chuan, “Hey, zaktheilopa, ka duhlo che bialpa ka nei, iva zaklo ve a.” a ti hrep a, Mapuia chuan nui vur vur chungin, “Min hmangaih let ve ka phut hleinem, engtin emaw tal min chhang vela, min hmangaih lo mahla ka hmangaih che a, atawk alawm, min hmangaih let ve hi ka phut hran lo, ka hmangaihna che hi hria la, han tem ve chhin reng reng teh, engtiang chiahin nge ka hmangaih che tih hi hria la ka duh mai ani.” tih pahin letter a pe a, akal ta daih a. Letter chu a en a, “I LOVE YOU BUT, YOU DON’T HAVE TO LOVE ME BACK, JUST FEEL MY LOVE.” tih hi alo inziak a. Rempuii chu a thinrim kher mai, a bialpa hi a duh vak lo mai pawh a, bialpa a nei tih hre reng chung si a, a bialpa awm lai lehnghal a ahmangaih thu a rawn sawi tawp kha zaktheilo a ti hle a, ben hrep a chak ngei mai. Mapuia chu hlim em em in a haw a, an inkawtah naupang ho anlo infiam a, athiante ngei kha anlo ni. “Hey thiante u, letter kha ka pe tawh a, naktukah min chhang ngei ngei ang.” a ti a, naupangte pawh chuan anlo hlimpui em em a, anuihzatthlak zawk ngawt mai, tlangval kum 20 mi ina kum 6 kum 7 vel ho akawm mai mai chu anuihzatthlak takzet.
Atukah chuan phur zet hian Mapuia chu college a kal a, class ah pawh a awm hle hle theilo, ban achak tawh ngei mai, Rempuii hmel hmuh mawlh chu a chak a. Atawpah chuan an bang ta nge nge a, rang em em in Rempuii bulah chuan ava kal ta a, “Hey duhtak, enge i chhanna chu?” a va ti vel ham ham a, Rempuii chuan vin zet hian, “Ka tan hian engmah i nilo, ka duh lo che, min zui tawh suh, KA HUA CHE.” a ti ta hrep mai a, Mapuia chu lungngaih ahnekin Rempuii chu a chibai a, “Ka lawm lutuk ka lawm lutuk.” a tia bike ah chuan a lawn a, atlan nghal ta daih a, Rempuii chuan angaihna ahrelo hle mai, athinrim a rin tehreng nen, tifuh inti takin a huat thu asawi vel a, mahse khatia a awm kha a mak a ti kher mai, amah zawk chuan hrehawm a ti leh a, “A thinrim ve theilo amawni le, tinge anuih vur vur a?” a ti rilru nauh nauh a. Mapuia chu athian naupang te bulah chuan rang em em in a kal nghal a, “Hey, bawihi te u, bawiha te u, Rempuiin min chhang tawh ania, ka hlim zia hi, kha sweet hi ei ru ka lo leisak che u nih hi.” a ti a ahlim hmel kher mai. Naupang zinga pakhat chuan, “Au Mapui, iva hlim hmel ve, ahmangaih ve che mi?” a ti a, Mapuia chuan ring tawkin, “Min chhandan chu maw, ‘KA HUA CHE’....” a ti a, naupang ho nui hmel chu a inthlak chiang kher mai. “I mawl ami U Mapui, ka hua che tih awmzia te chu aduhlo che a ning che tihna nih chu, keini pawn kan hrethiam ania.” an ti a, Mapuia chuan nui vur chungin, “Enteh u thiante u, Rempuii hi ka hmangaih em em a, ka duh ber chu min ngaihtuah ve se, engtikah mah min theihnghilh lo se chu chu ka duh ber, ka hua che min ti a, min hua anih chuan arilru ah ka awm ve tihna nih chu, kan mi huat te hi kan hrereng thin anilawm ni, chuvang chuan minlo ngaihtuah ve ani tih ka hria a, ka hlim ani.” a ti a. Asawi chu a dik chiah a ni, Rempuii chu chumi zan chuan chhin khat pawh a chhinglo, a rilru ah Mapuia bak a awm lo, a haw hluah hluah a, sawisak hrep a chak a, arilru ah a awm reng a, amaimitchhin apiangin a nui hmel a lo lang zel a, amah pawh chu a inhaw ngei mai. He mihringpa hian a tibuai kher mai, lehkha pawh azir tha theilo hial ani.
Atukah chuan class an kal leh tan ta a, Rempuii chu amal hle mai, a thiannu a kawm ve ber Zuali alo kal lo tlat mai. Canteen-ah chuan amah in athu a, chuveleh Mapuia chu alo kal nghal a, abulah ava thu a, Rempuii chuan nin hmel zet hian, “Hey, ka hua che ka tih tawh kha, tinge minlo la zui a.” a ti vin nek a, Mapuia chu anui huah huah a, “Hey Bawihi, kei chuan ka hmangaih che a, nang chuan Johnny-a i hmangaih a tiraw?” a ti a, Rempuii chuan, “Aw, nang chu ka hua che ka ning che.” a lo ti let hrep a. Mapuia chuan, “Ka hria alawm, apawi ka ti reng reng lo, i bulah ka awm ve duh mai a nia, in inthen kher pawh a ngai lo, min hmangaih ve pawh ka phut lo ka tih tawh kha.” a ti vel ham ham a, hepa hi chu amak ve ngawt mai, “Ka ning lutuk che kalsan rawh, i hneawm hmelchhe si.” a ti deuh hrep a, diktak chuan Mapuia hi a chhe hran lo, ahmel en ringawt pawhin mi pawi a sawi khat hmel hle a, a sual hranlo tih a hriat bawk. Mapuia chuan, “Ka kawm ve chak che nimai lawm, thil sual pawh a ni mi?” tiin a zawt a, Rempuii chuan, “Thian dang kawm ve mai la, in class ami te pawh, thian i nei ve tho ang chu.” a lo ti a, Mapuia chuan, “Haha, ka thian neih chhun te chu kan veng naupang ho annia, kei te chuan kan college ah thian ka neilo, nangmah hi a ni mai, chuan i thiannu Zuali kha ka hmelhriat bawk a, chuan i bialpa mawl deuh Johnny-a..haha sorry ka fiamthu nih kha.” a ti vel a, “Ka hua che..” a ti vak a, canteen-a chawl ve dang ho chu an lo hawi thup a, Mapuia chuan zawite hian, “Engah mah ngai su, lo inti buai suh u, min haw mek a nia, tha takin a hnathawh lai hi thawh tir ru, min huat lai lai a.” a ti a, annuih a za hlawm hle mai, Rempuii pawh chu zak hle mahse Mapuia thilsawi kha chu a nuihzat ve ngang aniang, a khi ve suk a. Mapuia chuan alo hmu a, “Hey, kha, i nui ania.” a ti a, Rempuii chuan ka nui bawk lo.” a ti hmuk a athawh san a, akal ta daih a. Chutih lai chuan Johnny-a thiante chuan anlo hmu reng a, an zinga pakhat chuan, “A over mah mah tawh a ni, kan khawih deuh hlak chu a ngai ang, kan thianpa bialnu ani tih a hre ve reng a, a bulah a awm tam lutuk.” a ti a, pakhat zawk chuan, “Ni e, banah kan zilh hlak dawn nia.” a ti a. College banah chuan Mapuia chu lehkha bu pawm tun chungin class atang chuan alo chhuak a, pawnah chuan Johnny-a thiante chuan anlo chang a. Arawn phei lai chu anlo dang a, an hual a, an zinga pakhat chuan hnunglam atangin a nek lui deuh kher a, Mapuia chu alehkhabu thlauh vek khawpin a tlu a, engmah sawilo chuan a inbeng fai a, alehkhabu chu chharin atho leh mai a. Athawh rual rual chuan an zinga pakhat chuan an su lui leh deuh pawp a, a lehkhabu thlauh leh vekin a tlu leh a, athinrim ve tawh ngang a niang, a tho lawk a, a bula brick bung pakhat chu a chum pawp a, akeh sawm nuaih a, Johnny-a thiante chu an phu nghal zawk mai. An bula dawhkan chhe deuh hlek tawh paih mai theih tura an dah chhuah chu an chum leh pawp a, chu dawhkan thing chu a tlaik ri leh thawt mai a, an hlauh hmel tawh hle mai, zirlai dangte chuan an en thup leh nghal a. Mapuia chu a la thinrim ta cheu mai, chhuata thin bung chu a la lawk a, alu chuan an toh bung leh siah mai a, Johnny-a thiante dawih hlawm ve angreng tak ho chuan an hlau tawh kher mai. A lehkhabu chhuata tla chu an chhar sak a, anva pe a, “Kan tihpalh aw.” an ti khur zawih zawih a, Mapuia chuan rum zet hian a melh a, “Tharum zawng chuan min tibuai duh tawh suh ang che u.” tiin a kalsan ta a, an rin ang aiin alo chak daih sia, an hlau kher mai. Johnny-a pawh anu adam tawh bawk a, alo haw a, athiante chuan thil thleng anlo hrilh vat a, Johnny-a chu a thinrim kher mai, “Mipa pakhat leh pawh in hlau amaw, chupawh akhawih miah lo che u a, athil tih vang ringawtin maw, khawnge ka va kal ange.” a ti pung pung a, ava kal a, Mapuia chu ava hnek nghal siah mai a, Mapuia pawh a thal chiang ngei mai. Hmeichhe ho an au tuar tuar a, zirlai dang ho anlo pungkhawm a, an en thup mai, Rempuii pawh alo kal ve nghal a, Johnny-a chuan rum em emin a melh a.
“Nang hian maw ka bialnu lo tibuai a? Min cho ami a? Insual ila.”
“Hey Boss, tinge i thinrim a, ka tibuai hleinem ka hmangaih a, anin nang a hmangaih che a, enge pawi?”
“Hey zawnga, pawr ve vak suh aw, a duh chuanglo che, i duh nih chuan mn hneh phawt angai ang.”
“Boss, insual a hlawh chhuah theih atan i bialnu hi i phal a mi? Ani saw lawmman ani hlei nem.”
A ngawi vung vung a, “Enge i duh a?”
“Diktaka sawi chuan maw, ka cho hleinem che Boss, ka hmangaih berin ahmangaih che a, ka tan chuan Boss i ni ringawt alawm, inthian nih ka duh ve mai ania.”
“Nanghi ka thian i ni ngai lo ang, i zak nang nge? Ka bialnu ani tih i hre reng a, a duhlo che a, engvangin nge i hmangaih a?”
Mapuia chu a nui vak vak a, “Boss, kan hmangaih ten min duh loh a, midang an hmangaih zawk avang hian kan hmangaih thei tawhlo tihna ani hleinem.”
“Tuman mi duhlai anlo duh ve ngailo mawla.”
“Anih leh maw, tihian t teh ang..” a bula hmeichhe pakhat mawl ve hmel deuh chu a ko a, “Thiannu pakhatna nih i duh em?” tiin a zawt a, chunu chuan, “Aw duh e.” tiin alo chhang a, abula mipa pakhat chu a zawt ve leh a, “Thianpa nang pakhatna nih i duh em?” a ti veleh a, chupa chuan, “Aw duh e.” a ti a, Mapui a chuan, “Engvangin maw? Mi duhlai tinge i lo duh ve ngawt a?” a ti a, Johnny-a chu a zah hmel hle mai. Mapuia chuan, “Tikhan i hre thiam tawh em, keichuan hlim taka awm tir che u hi ka duh a, in thianpa nih ve ka duh mai ania, ka chhuhsak dawnlo che, tum pawh ka tumlo, theih pawh ka theilo, min duh ve hleinem, chuvang chuan thinrim tawhlo la, i thianpa angah min ngai rawh, Rempuii hi i hmangaih a, keipawn ka hmangaih a, kan hmangaih dun tihna nih chu.” a ti a, anui huah huah a, akalsan ta daih a, Johnny-a chuan umzui a va hnek pawp a duh nei mai, mahse athusawi kha a dik vek bawk sia, chubakah mi tam takin an en thup sia, a ding ngawi reng ringawt a, azak hle mai. Chumi ni atang chuan Johnny-a leh Rempuii chu an inzui leh a, Rempuii hian Johnny-a reng reng a ngaihtuah thei tawhlo, a rilru leh thinlungah chaun Mapuia hlir a awm tawh a, a haw ngawih ngawih a, eng ang pawhin hau se a thinrim ve thei silo, a ning em em rualin a rilruah a awm reng a. Johnny-a pawh chuti bawk, Mapuia chu vawi tam tak a vau a, mahse a hnial hneh silo, hnek hrep a duh a mahse, hnekna chhan tur a vang si, thian anga kawm a tum a ni ve mai a, mahse atan chuan a huatthlala awm ngawih ngawih bawk si. Nikhat chu college compound ah chuan Rempuii leh Johnny-a te chu an inzui a an kal dun a, thutthlengah chuan an thu a, chuveleh Mapuia chu alo kal a, “Hey thiante u, inlo dam maw?” a va ti bawrh bawrh a, an lo hne leh ngei mai, anlo ner khum nasa mai a, Mapuia chuan, “Enteh Boss, Rempuii hi ahmeltha tiraw, a bula i kal te hian thli thaw heuh heuh ang te hian i hre ve ngai em? Vai film-a an inpel chiah a pangpar te rawn tla chuai chuai ang hian..” tiin a tawng zuah zuah a, an ning hle aniang, an tho a ankalsan ta daih a. Mapuia chu a hrilh hai khawp mai a, alu thak lo pui chu a hiat nauh nauh a, “Ka tawng hnem mah mah ami awww.” a tia, abulah chuan Rempuii thiannu Zualin alo en reng a, “Mawllian lehh..” a ti a akalsan leh daih a, “Hmmh...ringawt chuan a.” a ti a anui vur vur a. Johnny-a chuan Rempuii chu a kai phei dawr dawr a, “Lalremsang, tinge khapa khan min rawn zui reng a, ka ning lutuk, ka hne lutuk, tinge kan bulah alo kal reng a, ilo duh ve deuh a nilo maw?” a ti vin nek a, Rempuii chuan, “Ui ateuhlo mai, keipawn ka ning ve tho, tihngaihna avang em alawm, eng ang pawn ankhum nasa mah ila a haw ve thei silo a, i thainte sawisak tir hrep teh ka hne lutuk.” a ti a, Jonny-a chuan, “Ka hrilh a, mashe an cho hleinem, nep hlawm lutuk.” a ti a, Rempuii chuan, “Nangman i cho lo mi?” tiin azawt a, Johnny-a chu a phu zuk a, “Eng a? Ka cho loh i ring ami? Ka vawikhat hnek pawh a dawl lo ang.” a ti vei ham ham a, insual tak tak se Johnny-a hian ahneh dawnloh tehreng nen. Rempuii chuan, “Anih chuan hnek hrep rawh, keipawn ka ning.” a ti a, Johnny-a chuan, “Ka hnek tawh kha, mahse a thinrim thei silo a, thian atan chuan minla sawm zui a, a tawng peih si, ka thluak hi a ti puakkeh takngial dawn.” a ti ve bawk a. Nitin mai chuan an kalna apiangah a zui a, an kawm velo thei silo a, atawpah chuan an kawm ta a, Rempuii leh Johnny-a chuan an ning hle mai, an kawm peihlo hle mai, mahse an hnial hneh ngai bawk silo. A tawng reng a, a zui ve zel a, ninawm tawk lek hian a tibuai a, han huat dawna han sawisak hrep dawn lahin chutia tih ngai khawpin thil a ti ngai silo a, a ngeiawm tawk lek te hian a chhaih buai dun a, mahse dik taka sawi chuan Mapuia hian Rempuii hi a hmangaih em em a, Johnny-a pawh a haw lemlo, a duh ber chu Rempuii hi hlim takin awm se a ti mai chauh a ni. Amizia hi amak ngawt mai, a thawveng em em a, an pahnih hian inngaizawng kumkhua mahse pawi a ti lemlo niin alang.
Rempuii thiannu Zualtei birthday ani a, party a throw a, chumi zan chuan an college-a a hmelhriat te zawng zawng a sawm vek a. An hlim hlawm hle mai, athen an lam a, athenin zu an in bawk a, anu leh pate zinlai ani bawk a, a nutei nen chiah an awm a, anutei lah hot ve chi alo ni bawk nen, a free rem rem hle mai. Inngaizawng deuh hlir hi an awm a, Mapuia leh Zuali chu ngaihzawng nei velo awmchhun an ni. Mi zawng zawng chu a couple in an kal a, athen an lamdun a, Athen dawhkanah an thu dun a , thianho ten anthu ho a, anhlim tlang hle mai. Mapuia erawh tumah kawm tur neilo in dawhkan ruak pakhatah amahin alo thu a, fimkhur em em in box tereuh te te hi pyramid sign in a lo rem chhawng diat diat a, thian kawmtur anei ve silo a, atihtur hrelo alo rem ve mai mai a ni, A rem zel a, arem chho diat diat a, a zo tep tawh tih ah chuan Rempuii leh Johnny-a te pawh anlo thleng ve a, an rawn inkai a, Johnny-a chuan Mapuia ahmu chiah chu a ding a, “Rempuii, haw leh mai ang, sawpa sawn min hmuh hma in.” a tia chhuah mai a tum a, athianpa Hminga chuan alo dang a, “Hey, tinge i haw ang, aho lutuk.” a ti a, Johnny-a chuan, “Dude, sawpa bulah sawn ka awm peih lo, ka thluak hi aphawrh thei hial ang, ka ning lutuk.” a ti a, Hminga chuan, “Ho emai, Rempuii hi ahmuh turin va kai vel la, chuan a thil rem lai saw va tihchhiat sak vek la, a thinrim ve ngei anga, a huat phah hrim hrim ang che, chuan a tibuai tawhlo ang che u.” a ti a, Johnny-a chu a va kal a, Rempuii a kai a, Mapuia chuan box chu alo la rem uluk hle mai, azo tep tawh a, achung ber a rem dawn chiah chuan Johnny-a chuan a va khawih chhiat sak vek mai a, Mapuia chu a thinrim kher mai.
“Hrep taka, tunge i nih a...?”
“Haha, ka tibuai che em ni?”
“Eheee Boss, inlo kal ve alaw?”
“I thil tih lai ka tihchhiatsak che sia, i thinrim em?”
“Akhaih a, thinrim nang le, min rawn be hmasa ve a, ka lawm lutuk, min ngaina ve tan tawh nih hi...haha, lo thu ru.”
Johnny-a zawk chu a thinrim hle mai, alo thinrimlo rapthlak si a, tumbur chuan athiandangte nen chuan an thu ta a, Mapuia bul chiah ah chuan Johnny-a a thu a, abul leh ah chuan Rempuii a thu bawk a. Mapuia chuan, “Boss, afalin ka lo be lawk che lo kal lawk teh.” a ti a, Johnny-a chu a tho a, pen hnih vela hla ah chuan a an ding dun a, chuveleh Mapuia chu a tlan thut a, Rempuii bulah chuan ava thu daih a, “Haha ka tihderh aaaa...Boss nang chu engtik lai pawn a bulah i awm thei a, reilote ka lo thu ve aw?” a ti a, Johnny-a chu a thinrim hle mai, midang thu ve ho chu anlo nui dar dar a. Rempuii chu thawh atum a, Johnny-a chuan, “Rempui, thu rawh, apawilo.” a ti a, Rempuii chu athu veleh mai bawk a. Johnny-a chuan ahaw tawh takzet a, Rempuii hian hua se a ti hle mai a, tharum hmang lo a nataka siam dan tur a ngaih tuah ta a. Atuk ah pawh nilengin an pahnih chuan a zui a atibuai leh a, chuti chuan kar khat chhung chu an bulah chuan a awm ve ta zel a. Nikhat chu Rempuii birthday a ni a, Johnny-a nena an awmdun lai chuan, “Johnny, zanin ah ka birthday ah kan thianho hian Zualtei te inbulah mei chhemin kan lawm ve mai mai dawn a, tumah hruailo in, nangmah in i thiante tello in lo kal ve rawh aw, a ti a, Johnny-a chu aphur hle mai, tlai banah chuan a haw a, nalh takin a inchei a, perfume rimtui tak a inkap a, pangpar nalhtak mai alei a, zanah chuan ava kal ta a, Zualtei te in bul athlen chuan motor atang chuan achhuk a, chuta athil va hmuh chuan a ti phu chiang kher mai. Pawnah chuan Rempuii te thianho anlo ding thap a, an bulah chuan Mapuia leh naupangho anlo ding bawk a, Mapuia chuan nuih tlawn pahin zah hmel deuhin present bawm hi a pe a, Rempuii chuan tum hmuk hian present chu a hawng a, achhungah chuan thlalak, nalh taka inframe thlap hi alo awm a, thlalak chu a en vang vang a, a nui seih a, Mapuia mitah tak chuan a en a, “Ka lawm e aw.” a ti tham thiak a, chuveleh Mapuia leh naupangho chu an nui a an au vak vak a, an zuang a, an lawm hmel kher mai, Chuthil chu Johny-a’n alo hmuh chuan athinrim hle a, apangpar lei chu chhuatah a peih a, motorah a lut a, a tlan ta daih a.
Atukah chuan meizial zu khu hlut hlut chungin Johnny-a chu athiante bulah alo vui nuah nuah a. “Zaktheilo lutuk, ka hnek dawn khawp mai, a ti mah mah tawh a ni, hetiang hi chuan adiklo, ka thinrim lutuk, Rempuii pawh khan a thilpek kha engtin nge alo lak ngam zawk a?” a ti a, Hminga chuan, “Insum rawh, saw Rempuii alo kal ania ahre phak ange.” alo ti vat a. Rempuii chu alo thlenga, “Nizan khan kan inhrilh chiang viau sia, ka birthday pawh min lawmpui ve duhlo amaw?” a ti a, Johnny-a chuan, “Kha mihringpa khan thilpek ape che nilawmni.” a lo ti ve deuh ngat a. Rempuii chuan thil hrechhuak thut niawm tak hian, “E aww, kha kha maw, enteh hei.” tihpahin thlalak chu a entir a, thlalak chu Johnny-a leh Rempuii nui sang a inhma tawna an ding dun lai alo ni a, nalh takin abul velah chuan love sign te alo inziak vel a, Johnny-a chuan mak a ti hle mai, Rempuii chuan, “En ta che, Mapuia hi kan rin ang anilo, a fel lutuk asin, kan thian nih aduh mai chauh a ni. Min thenhrang tum ni se engvangin nge kan thlalak te kha khatia asiam peih tehlul ang....haw tawh suh, class ka nei a, ka kal ania, tlaiah kan inhmu dawnnia.” a ti a, aluhsan a. Chuveleh Mapuia alo kal a, “Asawi dik chiah ani, ka fel lutuk alawm Boss, i thian nih ka duh mai chauh ani, hlim reng ang che u, chuan i meizial kha khawi maw, cancer i duh mi?” tihpahin a meizial zuk lai chu a peihsak a, akalsan ta a. Johnny-a chu ahma ai zawnga nasa in Mapuia chu a hua a, tihdan thar a hre ta a. Atukah chuan Rempuii leh Mapuia inhmatawna kal lai chu Johny-a thianpa hminga chuan a va su lui dun a, Rempuii tlu tep chu Mapuia chuan alo pawm vat a, chiang em mai mai in an inmelh a, an inkuah chawt a, chulai tak chu Johnny-a chuan thla alo laksak a, class bunk pahiin inah ahaw pui a, ava print a, alo let leh a, Rempuii te class roomah chuan midang ho in canteen-a thil an ei hlanin, tumah an awmloh hlan in an class bangah chuan a bel a, thlalak hnuaiah chua tihian a ziak a, “KA HMANGAIH BER NEN VAWIINAH KAN INKUAH A, KAN INKISS BAWK” tiin a ziak a. Chumi ni chu chawhnu chawlh alo ni hlau mai a, Rempuii chu a bag la turin class lam chu a va pan a, alo let leh apiang chuan anlo chhaih a, “Va nuam awm ve.”, “Ilo van nasa.”, “Khai aww...nuam awm bik.” tih ten an rawn chhaih a, angaihna ahrelo hle mai. An class chu a va thleng a, banga thil inziak chu a en a, a mak a ti hle mai, arilru a na hle a, thlalak chu a pawt thla a, tap chungin a tlan chhuak nghal a, Mapuia ava zawng nghal a, Mapuia ava hmuh rual rual chuan na em em maiin a hmaiah ava beng siah a. Zirlai dangte chuan an en thup bawk a. Thlalak chuan a vawm bawk a, Mapuia chuan thlalak chu a en a, Johnny-a thil tih a ni tih ahre nghal bawk a. Rempuii chuan, “Engthil nge i tih hi? I fel viau amaw ka lo ti a, ka lo ngaina ve hman tep tawh che a, mahse ilo tenawm hle mai. Mi min ngaihdan tur hi i hrelo mi? Tunah chuan KS, nawhchizuar ang maiin min ngai tawh ang. Hei hi hre rawh, Johhny-a chauh hi ka hmangaih a, Johnny-a chauh hi ka pasal ani bawk ang. Ka thinlungah hian hmun i chang tawh lo, vawikhatmah min rawn be tawh lola, ka mithmuh ah rawn inlan tawh suh!” a ti ta phiar phiar mai a. Johnny-a leh a thiante chuan kil khatah hmusit hmel takin nui vur vur chungin anlo en reng a. Mapuia chuan zawi sap hian, “Min hmu tawh ngailo ang, i duh ang ngei chuan ka kal ange.” a ti a, a kalsan ta a. Zuali chuan thlalak chhuata tla chu a chhar a, a en a, ani pawh chuan Johnny-a thiltih a ni tih a hre ve nghal a, Mapuia kal liam lai chu a en a, a khawngaih hle mai. Mapuia chu a bike panin a kal hnak hnak a, chuveleh Johnny-a leh athiante chu a an anlo dang a, “Hey thianpa, engthil nge thleng ta kha, khatia in inkuah avang khan in inkiss anga ziah kher kha angai mi, zahthlak lutuk.” a ti vel ham ham a, Mapuia chu a ngawi reng a, Johnny-a bawk chuan, “Bawiha, tinge nidangah i tawng zuah zuah a, i tawngthei ta nange, i dang ta mai alaw? Haha nakinah hmeichhe bem dan ka la zirtir ang che. Rempuii hi maw i chang chuanglo ang, nitin in ‘ka hua che’ a tih khum che a, a duhlo che, keite chu min hmangaih thu min hrilh asin.” a tih khum vel ham ham a. Mapuia chu a maimitchhing vang vanga, a rawn nui chhuak huk a, nui sang chung leh thawven hmel tak hian, “Enteh Boss, Rempuii hian ahmangaih thu che hi vawi engzat nge a sawi tawh a?” a ti a, Johnny-a chuan, “Ihh..ihh a sawi alawm.” a ti bah deuh nuai a, Mapuia chuan, “Haha Boss, vawikhat bak ala sawiloh kha, chupawh i ti lui nih kha, inchung atanga zuanthlak i tum a, ngam tak tak awm silo, chuvang chuan ‘ka hmangaih che’ a ti tawp a nih kha. Keite chu nitin min hmuh apiangin ‘ka hua che’ a ti ringawt zel a, engmah ka sawiloh pawn min huat thu a sawi reng a. A awmzia chu nang ai chuan min ngaihtuah zawk tihna nih chu, min huat chuan kan mihuat te hi kan hre reng a, kan theihnghilh ngai lo, Rempuii pawh hian min hua a, a rilru leh thinlungah ka awm reng a, min ngaihtuah reng tihna asin. Nang aiin a rilru ah ka awm hnem zawk anih chu, mahse lungngai suh, ka hmu tawh lo anga, min hre reng dawn sia ilo hnem dawnnia aw.” tih pahin a kalsan ta daih a.
ohnny-a chu a thil plan chu kaltluang viau mahse, Mapuia tawngkam kha angaihtuah a, adik vek bawk si a, amah zawk chu a inti hrehawm zawk mai mai si a, ava han thinrim em. A haw hluah hluah a, tihngaihna dang a hre tawh lo, a pa bulah a sawi ta tawp a. Apa hi mi thinchhia leh mipa pawh hmeichhia pawh dim lo, kuthhlak hrehlo, naupang pawh kutthlak hrehlo khawpa sual leh nunrawng, mahse mi mithmuh ah chuan pa tha tak leh fel tak angin lem a chang thiam em em thung si a, aruk hian mitam tak chu alo vau fo tawh thin a, naupang tamtak pawh thisen chhuak khawpin alo khawih thin a ni. Johny-a hi aduat em em a, aduat sual a ni ber mai, chuvang tak chuan Johnny-a pawh hian a hlauin a zah em em a, a thil tawn leh Mapuia’n a tihdan a hrilh chuan apa chu a thinrim ngei mai. A nau, Johnny-a patea, Pa Rinpuia a tia hriat chu a ko a, Jonny-a pa Rinpuia hi a u (Johnny-a pa) thu awih tak a ni a, a u tan chuan engpawh a ti thin a, mi sawisak emaw, mi vau emaw te a tih tir thin a, achhan pawh pa lian tak, hmuihmul buk chhur leh hlauawm hmel tak, chak tak mai a nih vang ani. Jonny-a pa chuan, “Rina, ka fapa hi i fapa ang chiah a ni a, a hmelma Mapuia hi i hmuh hunah lo vau la, anihloh chuan thah ah lo vau tawp ah che, ka fapa ti na tu chu a chak lo ang.” tiin a hrilh a, Johnny-a pawh a thawveng huai mai. Zankhat chu Johnny-a pa chuan Jonny-a birthday alawm sak a, party a buatsaih sak a, chutah chuan Johnny-a a chuan apa bulah chuan bialnu a neih ve thu te, inneih lampang pawh a chak ve tawh thu a hrilh a, lehkha zir lo mahse apa hian a chawm hneh ve em dawn tih a hriat vang a ni, a ngaihtuahna te hi a tawi ve ania, he mihring pa hi chu. Apa chuan zanin ah lo hruai turin a chah a, tichuan zanah chuan a hruai ta ngei a. Stage ah chuan Johnny-a pa chu a ding a, “Ka fapa birthday lawmnaa lo kal zawng zawng te lawmthu ka hrilh a che u. Zanin hian thu pawimawh tak puan tur ka nei a, ka fapa hian nupui hual anei a, chunu chu zaninah pawh hian alo kal ve a, an inhmangaih hle a, puan chhuah ka duh a ni.” a ti a, kut an beng dur dur a, Rempuii pawh alo nui ve sang a, pa anei tawhlo a, anu nen chaih an awm a, an rethei ve si a, chhungkaw hausa taka lawi a, nun bul tan that aduh a, Johny-a hi pasalah neiin a hmangaih theih ve mai a inring a, diktaka sawi chuan Johny-a hi a hmangaih reng reng lo a, thil a kalbuai em avang khan a nihpui ve mai mai chauh a ni. Johnny-a pa chuan sawi zawm leh in, “Chu hmeichhe hmeltha tak chu kohchhuah ve ka duh a, ka fapa Johnny-a bulah hian stage ah hian lo ding chhuak se, ahming chu Laldinsangi a ni.” a ti ta daih mai a, Rempuii zak lutuk chu pawnah a tlan chhuak a, Johnny-a pawh chu a thinrim em em a, umzui a tum a mahse apa chuan akutah alo chelh a. Dinsangi hi Johnny-a te college principal fanu a ni a, hangngeihnobei ang chi hi a ni a, ahmel pawh a tha hle a, avun a mam nalhin a luck hle bawk a, sawi tawh ang khan an principal leh Johnny-a pa hi inkawm ngeih tak an ni a, kawng tinrengah Johnny-a hlawkna turin an principal hian apui thin kan tih tawh kha, chuvang chuan ahma daih khan an pahnih hian an fate hi innei turin an lo sawilawk daih tawh a ni. Atuk zingah chuan Johnny-a chuan a pa bulah chuan, “Pa...enge i tih kha, Dindini hi ka duhlo, ka neilo ang, Rempuii lo chu tumah ka nei lo ang.” a ti a, apa chuan, “Johnny, thu awih rawh, in principal saw awmlo se chuan tunthleng hian first semester ah ila tang char char ang, chuvang chuan afanu saw i nei tur ani, chu chu kan tih sak ve theih awmchhun a ni, i bialnu kha theinghilh rawh, khatiang rethei changkang lo si.” a ti a, Johnny-a thinrim chuan, “Ka neilo ang.” tih pahin dawhkan a chum ri bur a, a roomah achho a, a inlakhkhum ta daih a.
Mapuia chu khumah a mu a, amelh ngai a melh run a, naupang ho anlo lut a, “Hey U Mapui tho rawh, U Johnny-a khan nupui hual dang anei an ti a nia, U Rempuii chu va bem tawh rawh.” an rawn ti a.
“Eng a, zawnga chuh?”
“Va kal rawh alo duh tawh ang che.”
“Hey, naupang te te si, lerh hlawm lutuk, haw rawh u, ka kawm peih hrih lo che u, chubakah vawikhatmah ka hmu tawh lo ang ka lo ti tawh sia.”
“Anih chuan an in pawh kan hre tawh a, kan va kal mai ang, i va kal loh chuan, kan va sawi tha viau ang che, kan va fak che anga, alo duh hrim hrim ang che, kal ang u.”
Naupang te ho hi Mapuia hian a hruai lerh vek tawh a, hmangaihna chungchang a sawipui nasa thei sia, a ti kawlhrawng zo vek a, an tih duh tak tak dawn ni a ahriat avang chuan a tho a, “Awle, kal su, keimah ka kal ang.” a ti a, a insiam a, a kal ta a. Rempuii leh Zuali chu inah an lut a, Rempuii chuan a nu chu a va kuah a, atap hawm hawm a. Anu chuan, “Bawihi tinge, nga ti nge?” alo ti vat a, Rempuii chuan, “Kha tlangval khan, nupui dang a nei dawn a, minlo bum mai mai a ni. Tinge Pathian hian harsatna hlir min thlen bik le?” a ti a, anu chuan, “Bawihte, i pa kha keipawh hian ka ngai asin. Ngati nge Pathian hian min laksak bik tiin Pathian hi ka dem fo thin a, mahse i pa khan maw, mi tha tak min hnutchhiah asin, chu chu nang hi i ni ka fanu, mipa tha tak chu ila tawng ngei ang.” a ti a, Zuali pawh chuan alo hnem ve mawlh mawlh a. Chutih lai tak chuan kawngka a rawn ri bur a, Johnny-a patea (Pa Rinpuia) leh patling 6 vel anlo lut a, thutthleng te an rawn ti tlu a an rawn ti hnawk nuai a, Pa Rina chuan Rempuii chu a samah a kek a, “Ka fapa Johny-a saw kalsan ang che, anih loh chuan ka that ang che u, in duh chuan police pawh report ang che u, kan hlau eih lo, police te hi kan thuhnuai ah kan dah vek thei tih hria ang che.” tiin a rawn vau a, an chhuak lehnghal a. Anchhuah hnu minute 5 hnu velah chuan Mapuia alo thleng a, “Ehe, ngati nge, engthil nge thleng a?” a rawn ti lut nghal a, Zualtei chuan thil awmzia zawng zawng a lo hrilh a, Rempuii chuan, “Hei hi nilawm ni i hmuh duh chu, ka kehchhe lai hi, i hmu chak ani lawm ni, Johnny-a chu ka chan tawh a, mahse ka duh phah lo che, min kalsan rawn, Johny-a chauh ka duh.” a lo tihkhum a, Mapuia chuan a mitah tak en chung chuan, “Johnny-a i duh amaw, tikhan lo awm la, ka rawn hruai ngei ang.” a ti a, Zuali chuan an in awmna a hrilh a, achhuahsan nghal a. Mapuia chu Johnny-a te inah chuan ava kal a, inneih chungchang vel sawiin Johnny-a pa te chu athiante nen anlo titi a, mahse Pa Rinpuia erawh alo la haw lo. Mapuia chu Johnny-a pa hmaah tak chuan a va thu a, “Ka pu, ka be lawk duh che.” a va ti a, Johnny-a pa chuan, “Ngawi teh, ka buai tlat, hei phone call ka dawng, pawnah sawn min lo nghak rawh.” a ti a, Mapuia chuan a phone chu alaksak nghal a, “Hello, ka pu hi a buai a, nakinah ilo be leh mai dawnnia, a ti a, adah ta daih a, “Tikhan i hman tawh e.” a ti a, Johnny-a pa chuan, “Enteh naupang, tunge i nih enge i duh?” a ti a, Mapuia chuan, “I fapa ka rawn hruai dawn, min dang anih chuan i na viau ang, ahmangaih ber chauh anei ang.” a ti a atho a, Jonny-a room lam pan a tum chu, tlangval lo awm ve ho chuan anlo man a, chuveleh Mapuia chuan na tak tak in a hnek hlawm a, asawisa hrep a, roomah chuan a han lut a, “Boss, insiam rawh, tlanbo angai, Rempuiin a nghak che a nia, kal nghal ang.” a ti a, Jonny-a chuan, “Enge i rawn tih a, i bulah ka kal lo ang.” alo ti deuh hmuk a, “Johnny, anghak che ania ilo kallo nih chuan midang ta tur ani mai, lo kal la min rawn zui rawh a ti a, an chhuak dun ta, Johnny-a pa chuan, “Hey tunge i nih a, ka fapa kha thlah rawh, khawiah mah i hruai lo ang.” a ti a, Jonny-a chuan, “Ka pa, vawiin atang hian kan inlaichinna ka chhuchat e, ka hmangaih ber bulah ka kal dawn.” a ti a, tuman Mapuia chu an dang ngam tawh lo, bike ah an inphur a an tlan chhuak ta daih a.
Pa Rinpuia chu alo haw a, thil awmzia a hriat hnu chuan Johnny-a pa chuan police hnena report turin a ti a, mahse Pa Rinpuia chuan, “Angai lo, keiman ka um anga, ka chingfel vek ang.” a ti a. Rempuii te in kawngka chu a in kik a, Rempuii chuan ava hawng a, Johnny-a chu inthlahrun hmel takin alo ding a, ahnungah chuan Mapuia chu alo dak a, anui vur vur a, “Ka tih reng kha, alo kal hiiii” a ti a, Zuali chuan Mapuia chu alo en reng a, amawl a ti ngawih ngawih ani. “I thawmhnaw pack la, tlanbo nghal ang u.” a la ti ta deuh deuh a, tichuan khua an chhuahsan ta nghal a, Pa Rinpuia te chuan an chhui zui ve reng bawk a. Mapuia chuan a car neih ve chhun tawng tak maiah chuan aphur a, azai rut rut a, car hnugah chuan Rempuii chu a thu a, ahmaah chuan Mapuia leh Johnny-a te chu an thu bawk a, car hmaa darthlalang te chu Mapuia chuan kuai herin Rempuii hmel lang thei turin, ahmuh theih turin a siam a, Johnny-a chuan alo kuai let leh a, mahse Mapuia chuan a kuai her zel a, Jonny-a thin a rim a, “Car kha ti ding teh” a ti a, achhuk a ahnungah chuan a insawn daih a, Rempuii chu a va kuah vel kher a, Mapuia chu a nui vur vur a. Hmun pakhatah an chawl a, thingpui dawrah an lut a, an inhnawhpuar a, Rempuii chu a inthiar lawk a, chumi hlan chuan pawna thutthlengah chuan Mapuia leh Johnny-a te chu an thudun a, Mapuia chuan dispo ruak chu thutthlengah chuan a dah a, pen nga vel apen a, tichuan lungte pathum a chhar a, dispo ruak chhungah chuan vawmluh a tum a, pakhat a vawm a, alut lo a, a pahnihna a vawm leh a, ala lut chuanglo a, “Khai aw, khawngaihin lut tawh rawh, anih loh chuan ka chhe vek ani mai.” a ti a, a pathumna chu a vawm leh a, ala lut chuang lo a. Johny-a chuan alo nuih vel a...
“I vawm luh vek chuan Rempuii nei thei tur angah i ingai nimaw...khatiang lungte vawm luh khan awm zia aneilo, mawl lutuk, enga tan mah ka ngailo, vawm lut vek pawh ni la, i a mi?”
“Nilo e, ka vawm luh vek chuan in innei thei tur angah ka ngai a, mahse ka vawmlut thei ta silo a, in innei thei talo mai angah, tiraw, mahse ho lutuk i sawi ang khan lungte vawmluh mai mai te chu..”
Jonny-a chu amah zawk bawk a thinrim leh ta, Mapui kawr awmah a tham a, a beng siah siah a, “Eng angin nge i inngaih a, min tibuai reng mai, ka hne lutuk che.” a ti a, Mapuia chuan, “Ana ania, min beng tawh suh, ana lutuk, Boss.. hey inbeng dai teh BOSS...HEYY...JOHNNY!!!” tih pahin a kawr awm a tham lai chu a phih thlak sak thuai a, Johny-a kawr awm ah chuan a tham a, chutihlai chuan Rempuii chuan a rawn hmu a, Johnny-a’n Rempuii ahmuh veleh chuan, “Min hnek ta che, min hnek rawh, ka kawr awmah te i tham ngam vel amaw?” a ti ta daih a, “Rempui, hepa hian min rawn zui leh nih chuan keichu ka kal tawh lo ang.” a ti a, Rempuii chuan Mapuia chu rum zet hian a melh a, Mapuia chu inthlahrung tak hian Car chahbi chu Johnny-a ape a, akalsawn ta a. Chumi zan chuan an tlan laklawh laiin petrol a zo ta a, tihngaihna awm tawh silo a, ramhnuai deuh reuh lai ah a ni bawk sia, mi in tlemte chu a awm a, an mu vek tawh si a, Jonny-a leh Rempuii te chu ke in an kal a, riahna tur an zawng ta a. Mi go-down chhe vel lampang tawh an hmua, tah chuan an va kal ta tawp a, chuveleh Pa pakhat hian Rempuii chu alo pawt pawp a, akuah bet a, chemtein a hrawkah a tin a, Pa Rinpuia leh patling lianpui pui 7 vel hi anlo ni a, “Hey Johnny, kal sawn rawh, nihloh chuan ka that ang che.” a ti khur khur a, Rempuii chuan, “Johnny, min chhan rawh.” alo ti vak vak bawk a, Johnny-a chuan, “Hey pate, thlah rawh thlah nghal rawh.” a ti a, Pa Rina chuan, “Hey, kal rawh, ipa hian nangmah rawn hruai tur che in min ti a, mahse he i bialnu hi ka duh, ka it lutuk, ka fapa ang chiah i nih avangin ka kalbo tir hram ang che. Kal rawh..” a ti vin tuar tuar a, Johnny a hlau lutuk chu a tlanchhia a, thinkung phenah a biru a, a kalsan thei silo chu thingkung phen atang chuan a va bih thla a. Pa Rinpuia chuan Rempuii chu a chul kual vel a, Rempuii chu a hmui a tuam sak a, asam ah a kek a, akai phei dawr dawr a, Pa Rinpuia thiante ho chuan anlo zui bawk a, an zinga mi pakhat chu a bek a rawn ri pawp a, a thal chiang kher mai, an ding a, an hawi kual vel a, motor light an on a, light chuan mipa khat hi a chhun fuh a, chupa chu a rawn kal hnai a, ahmel a lang chiah a, Mapuia alo ni a, Pa Rinpuia chua, “Va that rawh u hmel asaw.” a ti a, mahse Mapuia chuan hnehsawh zet mai hian patling pui pui ho chu alo khawih hrep hlawm a, an hnehlo kher mai, insual thiam tak zawng chu a ni. Pa Rinpuia chuan Rempuii chu a beng thal tawp a, chemte chuan Mapuia chu vih tumin a va kal a, mahse Mapuia chuan chemte chu bumin a kut atang chuan a thinthlak sak a, an insual ta chiam mai a, atawpah chuan Mapuia chuan a rek hlum ta a. Johnny-a chu alo chhuak a, tichuan an pathum chuan Pa Rina motor ah chuan an chuang a, Mapuia chuan, “Ka ni (aunty) te huan hi khulai lawk ah khuan a awm a, kal ang u aw.” a ti a, huan pakhat hi alo awm tak tak a, thlam pakhat an hmu a, an riak ho ta a. Atuk zingah chuan Mapuia chu a tho a, lui bulah chuan Rempuii chuan a ke no tak leh ngo tak mai chu alo chiah a, alo thu ngui bar a, a zu chhuk a, “Hey Hmelthate, khawng i husband hi a awm a?” a ti a, Rempuii chuan, “Zingah khan atlan bo aniang, min phatsan aniag, ka hmu tawh lo.” a ti a, nilengin Mapuia chuan a zawng a, ahmu silo, “Mi tenawmpa chuh, Rempuii hian a hre tur anilo, tihdan ka ngaihtuah a ngai ani.” a ti a, letter a ziak chawp a, tlaiah chuan a haw a, Rempuii chu alo thu ngui bar a, “Enteh hei letter ka chhar a, bangah sawn alo inzep a ka’n chhiar ange aw... Duhtak, hei ka chhuak lawk a, ka lo let leh ang, min ngaihtuah suh, helai hmunah hian ka thiante pawh an awm ve a, tanpuina ka dil anga ka lo kir leh ang..a ti nih hi ehee...ilo ring sual hle mai, a ngaihtuah zia che hi.” a ti a, Rempuii lah hmeichhe mawl tih takah alo awih veleh mai a, anui seih a. Tichuan ni thum vel chhung chu an pahnihin an awm a, a ni te huan chu alo ni tak tak nge, huan bula inah chuan eitur hi ava lam a arawn hawn ziah mai a, an inkawm a, Rempuii chuan a ngaina telh telh a, anel tawh hle mai a, an infiam a, tui an cheng dun a, nuam an ti khawp mai. Nikhat chu Mapuia chuan, “Infiam ila, kei Rempuii ka ni anga, nang Mapuia.” a ti a, an in fiam ta a. Rempuii chuan pangpar a lo a, Mapuia hmaah chuan a ding a, “Hi, ka hmangaih che.” a va ti ta a, Mapuia tan chuan chu thu chu a va mawi em, keipawn ka hmangaih che ti a kuah vawng vawng a chak hle mai, mahse an infiam tih chu a hre chhuak thut a, rum em emin Rempuii chu a melh a.
“Hey, tunge i nih a, zaktheilo lutuk.”
“Mahse ka hmangaih che alawm, you don’t have to love me back, just feel my love.”
“I zak em, ka duh lo che ka hua che, ka haw lutuk che, ka hua che, hmangaihdang ka nei, ani chauh chu ka hmangaih anga ani chauh chu ka nei ang.”
Rempuiin chu thu chu ahriat chuan a lung nilo hle a, infiamna pawh chu a theihnghilh a, a na a ti ngawih ngawih a, atap ta vak vak a, a tlansan ta daih a. Mapuia chuan alo nuih vak vak a, “Khatiang khawp khan i la na ania, chupawh infiamna lehnghal, nang kha chuan kut min thlak bawk a, khatiang chiah khan ka na asin.” a ti zawi sap a. Rempuii chu thlam lam panin a kal a, hmeichhe pakhat a hmu a, “Awi ka pi, nang hi Mapuia ni i niang maw?” a ti a, chunu chuan, “Haha, nang hi ani maw ka fapa ina asawi chu, Mapuia hi fahrah a ni a, a nu leh pa in rethei takin an hring chhuak a, mahse an thihsan a, keini nupa hian fa kan nei theilo a, kan enkawl sak ta ani. Ani hi chu a mawl lutuk a, kan pa in min thihsan a, chuan lehkha zir turin ka neih zawng zawng sengin college ka luh tir ve a, tichuan hei min rawn tlawh zawk angin a sawi a, ka thiannu nen kan nia thlamah khuan kan riakdun mai ang atia, a bialnu deuhreuh angin asawi che a, zingchaw leh tlai chaw tur hi arawn lam ziah a, hetah lo hruai rawh ka tih pawn a zak a ti tlat che a, haha, ka fapa bialnu hmel pawh ka hmu ve chak a, ka rawn kal tawp anih hi, i hmeltha hle mai, zahna tur a awmlo nia, engtikah nge in haw leh dawn a? E chuan hmanni khan lehkhathawn ang deuh hi a rawn ziak a, kha kha ape che mi, love letter anilo maw, ava zei awm ve a, ka fapa chu?” a ti a, Rempuii chuan mak a ti hle mai, a rilru in, “Letter kha a ziah chawp vek maw, Johnny-a’n min phatsan a, chuti chung pawh chuan ala chhan a, ka rilru nat a hlauh vangin, keimah vangin tiang thleng hian arawn tlanbo ve a, min lo van hmangaih em em ve.” a ti a, achunga a thil tih te kha a ngaihtuah chhuak a, a inchhir hle mai a, Mapuia nu (A enkawltunu) chu chhang tawh lemlo chuan Mapuia bulah chuan ava kal a, thlam kawtah alo awm a, alo zai rut rut a, Rempuii chuan, “Hey Misualpa, hei hi i ni te huan maw, in in anih hi, chuan letter kha i ziah chawp tiraw?” a ti a, Mapuia chuan a beng a hup nghal a, “Ka nu chu awww...ka thi ka thi, awi awi, blah blah blah..engmah ka ngaithla peihlo, blah blah blah..” a ti nghal char char a, a beng a hup tlat a, Rempuii chuan, “Ti khawp hian animaw minlo hmangaih a, ka tan hian thih pawh i huam anih hi, tinge nang hi ka lo tawn hmasak loh che le?” a ti ta mai a, mahse Mapuia chuan a thusawi ahre lo, a beng alo hup daih sia. Chutihlai tak chuan an hmaah tak chuan Motor hi a rawn ding a, motor atang chua Johny-a te pafa anlo chhuak a, Jonny-a chuan, “Bro, hmangaihna awmzia hi nang hian min hriattir ani, ka lawm takzet e, huaisenna min pe a, ka pa hnehah hian ka va let leh a, thil awmzia ka hrilh a, Rempuii nen kan inneih a phal tawh asin.” a ti a, Johnny-a pa chuan, “Bawiha, ka fapa hian a ngaisang teh mai che ania, lo kal ru, inneih pawh ka phal tawh e, ahmaa thil thleng te kha theihnghilh vek ang aw.” a ti a, Johnny-a chuan Rempuii chu a kuah a, asirah chuan Mapuia chuan hrilhhai zet hian alo en a, motor lam an pan a, khawpui a rawn ri thut a, Rempuii chu a phu zawk a, Mapuia kut a va vuan nghal a, Johny-a chuan Mapuia chu ava melh a, “Khai awww, Rempui, i dawih ee...haha hei thulawmawm tak anih hi, pasal i duh ber i nei dawn ta, car pakhat zawk ah hian ka chuang anga, nangni chu inchhungkua hian in chhuang ho dawnnia a ti a, zalo tak hian a nui lui a, an kal ta a.
Atukah chuan Johny-a te inah chuan mi an zi nuai nuai a, rilru na ber tur leh hrehawm ber tura ngaih Mapuia lah chu a phur ber ber ah ala tang zui a, athian naupangte chua tihtur pawimawh hrilhin a tir kual zuah zuah a, Zuali chuan kil khat atangin alo en reng a, Mapuia chuan a va pan hnai a, “Ehe Zuali, ilo va kal har ve...thingpui saw lo va sem la, Johnny-a pa pawn a fapa leh Rempuii inhual tur thu apuang tep tawh ang, hmanzan party naa asawi kha chu a sawi tawhloh hram beisei ang aw, hehe.. Ti vat ta che, nula ve si.” a ti a, Zuali chuan na em em in Mapuia hmaiah chuan a beng hawi sawk a, tap pur chungin, “Mawla, engtianga rei nge ti hian i awm dawn, tap rawh, i tap lai hmel hi hmuh ka duh, hmusit takin ka nuih ngei ang che.” a ti a, a inhnit hlawp hlawp a, akalsan ta a, Mapuia chu a kun reng a, atap duh chuang miah lo, Rempuii lo phei lai chu a lo ko ding a, “Rempui, thil sawi pui lawk che ka duh a.” a ti a, Rempuii thian hmeichhia te chuan anlo en thap a.
Mapuia chuan, “Rempui, tunah chuan ka hmangaihna tlawm te hi a thi lek lek tawh a, ni reilo te hnu ah chuan keipawn midang zawngin hmangaih dang ka neih ve a ngai tawh dawn a, mahse hei hi hriat ka duh ani, min lo hmangaih ve miah lo tak tak em, min duhloin min haw tak tak em? Tunah hian minla hua em, nakinah lawk chuan ka lak atangin i bo tawh anga, i bo hlen tawh dawn si a, engtin nge ka awm tak ang. I thinlungah hmun pawh ka chang tawhlo anga, van hrehawm dawn tak em!” a ti a, a in hnit faih faih a, Rempuii chuan mittui tling teuh chungin khawngaih hmel em em in alo melh a, chuveleh Mapuia chu zat hmel em em, mahse nuilui tih hriat tak hian nasa em em in a rawn nui chhuak a, “Hahahaha, awi awi awi, ka fiamthu nih kha, ilo awih amaw, haha i mawl e, hahahahahaha i hmel kha, i hmel mawlh kha, inlo hmu ve em, thian te u, hahaha a hmel thutak hman zia kha, awi ka pum ana, hahaha..mawl eeeemai.” a ti ta chiam chiam a. Rosepar mawi tak hi a pe a, “Hey mawli, wish you a very happy married life.” a ti a, akalsan ta a, rosepar ah chuan Mapuia mittui far chu a lo awm a. Tichuan Mapuia chu lungchhe em em in pawnah achhuaka, hnunglam a hawi ngam tawh lo. Ahmangaih ber in midang a nei tawh dawn si a, a tan chuan avan hrehawm dawn em, ahmangaih ber hlimna tur a duh bawk si a, mahse a hmangaih ber chu midang ta a ni kumkhua tawh dawn si. Pawnah a thu a, lungte a hum a, atap ta hawm hawm mai a. Rempuii pawh chu Johnny-a nen chuan stage ah an ding dun a, apa chuan an inhmelhriat tir vel a, Johnny-a chuan, “Kei hi Johnny Malsawmsanga ka ni a, BA third year ka zir mek a, chuan hei hi ka nupui hual tur chu a ni.” a ti a, kut an beng dar dar a, Rempuii chu a ngawi reng a, arilru ah Mapuia bak alang lo, an hunhman zawng zawng te a ngaihtuah let a, Mapuia hi a lo hmangaih takzet ani. Johnny-a chuan a nghawk zeuh a, aharh chhuak hlawl mai a, “Han inhmelhriat tir ve ta che.” a ti a, Rempuii chu a insum thei tawh mawlh lo, Johny-a mitah tak chuan a en a, “MAPUIA KA DUH.” a ti ta hlawl mai a, Johnny-a pa chuan, “Bawihi, enge i sawi a?” alo ti vat a, mahse Johny-a chuan, “Apawilo ka pa, Rempui, kal rawh, ani kha i phu ani, va kal rawh.” a ti a, mipui chuan an en thup a. Rempuii chu a tlanchhuak nghal a, Mapuia mittui tla phunga lo thu chu a hmu a, Mapuia’n ahmuh veleh chuan a ding a, Rempuii chuan tap aw tuau hian, “Infiam leh ila kei Mapuia, chuan nang...Rempuii aw..” a ti a, a inhnit hlup hlup a. Mapuia chuan a mittui chu ahru a, “Ru..ruah arawn tla a, ka..ka mitah tak...” a ti a, Rempuii chuan, “Dawt sawi suh, ka hmangaih che mimawl pa, ka hmangaih lutuk che.” a ti a, an inkuah a, Mapuia chuan an inkuah lai chuan dispo no ruak intung hi a va hmu a, alungte hum lai chuan ava vawm a, achhungah tak alut a, anui vur vur a, duat tak leh duhthawh takin an infawp a, an inhmangaih thu an inhrilh tawn sek a, an inkuah vawng vawng a....
HMANGAIHNA DIK TAK CHUAN ATAWPAH HNEHNA A CHANG ZEL THIN.
(A tawp ta)
(Thawnthu a ni a, alem emaw, a awihawmloh deuh anih pawn, minlo hrethiam ula, thawnthu ani miau a, hehe...)
by Aaron Malsawmdawngzuala
College luh tan ni a ni a, zirlai hmeltha leh duhawm tak tak te pawh an vei suau suau mai. Freshers ho chuan nuam an ti hle a, an vawikhat luh tanna a ni bawk a, chhas tur pawh an tam viau ngei ang. Hmeltha leh no nalh tak tak an tam hle a, hmeichhia lah khal hlawm si, chhelo hlawm si, chhe ve te te chu awm mah se atlangpuiin an duai lo hlawm hle a, senior te atanga lut thar junior te thlengin an chhelo in an ngo hlawm bawk a, mipa te ho lah class tak tak, pa tak tak leh hausa tak tak an ni a, bike an keng deuh fur hlawm a, he college hi chu a van nuam chiang em! Mahse he college-a lut thar freshers ho hian an hriat loh chu, he college-a an principal thianpa fapa hausa em em mai, Johnny-a, lehkha zir tha peih mang silo a, an sum neih vang leh an principal thianpa fapa anih vanga in hlangkai ve leh mai thin, junior te tih duhdah ching, thian sual tak tak, insual hrat tak tak nei mipakhat a awm ve tih hi an hre lawk bik miah lo ang.
Class an tan hma kha chuan junior te pawh an inkawm khawm a, nuam an ti tlang hlawm hle mai, class an tan ta a, tan hnu tlai tawkah chuan chu mihringpa chu alo thleng ta a, inla class tak mai hian motor atang chuan alo chhuak a, amah chu cher lampang a ni a, a hmel lah chu a tha phian, a hnungah chuan mipa palian tak tak paruk velin an boss ni awm tak hian an rawn zui diah diah a, “Vawiin chu new comer chhas tur zawng ang aw..” a rawn ti vei ham ham a. Luch Break a ni a, junior te ho lo chhuak chu hmeichhe ho te chu a lo chhaih vel a, athen an awm bawr te a lo khoih sak zeuh zeuh a, achimawm ngei mai. Mipa thenkhat ho chu alo cho a, alo tibuai a, a meizial zuk khu te chuan an hmai ah a phuh khum vel a, an ngei hmel kher mai, he college tinuamlo tu hi chu a ni ve chiang alawm. Chuti chuan nitin mai chu junior te a tibuai reng a, mizo ve si hetia a awm a, ragging deuh reuh an thianhoa an ti ve khanglang hi chu an zahpuiawm ngawt mawi, mihring hi chu kan lo van mak tak em. Nikhat chu a tihbuai lehtur a zawn laia nula ho amelh zak zak lai chuan hmeichhe pakhat a mit la tu an awm ta tlat mai. Sam sei tak mai, amawng bawr nalh tak leh khal dan pawh tawk chiah, hmeltha tak, mipa thenkhat ho chuan an lo bem nual hman tawh a ni awm e, pheikhawk sang lutuk lo nalh tak mai, a ke no sarh leh a ke sir senno chek mai tilang thei tu a bun a, asam dum hlar mai chuan avan tilang mawizual em. Ahmelthat mai bakah a hmel en chuan nungchang tha leh nula thianghlim, fel ve tak a ni tih chu a hriat em em a, a mithmul dum sei tak chuan a mitkhap mai mai pawh a ti lang nalh hle mai, Johnny-a te ang milerh lutuk tan chuan han en hmaih chi anilo hrim hrim. Johnny chuan a thiante bulah chuan, “Sawnu saw tunge anih a?” tiin a zawt a, a thiante zinga pakhat chuan, “Lalremsangi anih saw, new commer ah chuan aluck ber ang, ilo la hre ve nange? Rempui tiin an ko thin,” alo ti a, Johnny chuan, “Ka bialnu tur anih saw, min tihpui nghal ang che u.” a ti deuh nghal bawrh bawrh a, athinapa chuan nuih deuh suk pahin, “Aduh lo ang che, nang aia hmeltha tak tak mipa pawn an bem alawm le, tumah achhang duhlo.” alo ti a, Johnny-a chuan inla changtupa tak maiin, “Ngawi hmak rawh, i hre mai ang, min duh tur ani, Hminga...abul hnaiah sawn ka va kal anga chuan kan lehkhabu ve ve tla turin amah nen sawn min rawn su palh ang deuhin i rawn tlan anga, chuan i kalsawn nghal dawnnia.” a ti a, asawi ang chuan Johnny-a chu ava kal hnai a, hminga chuan a rawn su lui dun a, an lehkha bu chu an thlau dun ta ngei a, Johnny-a chuan inla zei fahranin lehkhabu chhar sak pah chuan a’n nuih vel a, Rempuii chuan tum hmukin, “Ka lawm e tih pah chuan a kalsan ta daih a, chu veleh Johnny-a thiante chuan Rempuii lo kalphei lai chu anlo chheih vel a, Johnny-a’n ti tura a tih vang ani, Johnny-a chu inla pa takin a va phei a, athiante chu ava hnek vel a, inla pa tak maiin, “Tute nge in nih a, engvagin nge inlo chhaih a, in zak nlawm ni?” a ti der vel a, athiante chuan ngaihdam an dil der vel a, Johnny-a chu thinrim hmel em em in a kal sawn a, chuveleh Rempuii chuan ava um zui a, “Hey, lo ding teh, tunge i nih a?” a va ti a.
“Johnny-a ka nia, Rempuii tiraw i nih? Nang ang nula hmeltha anlo chhaih che kha ka ngeitheilo a, ka insum zo hmanlo nih kha.”
“Tunge min chhan turin ti che a, ka hre ngailo che a, khatia kut va thlak kha atul ami? Ka thian pawh ini lo a, vawikhat mah ti khan ti tawh suh ang che.”
“Hey, vawiin tlai ah canteen-ah ka lo nghak ang che, dar 3:30 ah aw” tih pahin a kal daih a.
“Hey hey hey... ding teh...naaa tunge maw a nih le? Hmm ka kal awmlo emai zaktheilo lutuk.”
Tlai banah chuan Johnny-a chuan alo nghak a, mahse Rempuii hmel reng reng a lang lo, a thinrim kher mai. Atukah chuan class an kal leh a, Lunch break ah chuan Rempuii a hmu fuh hlau mai, ava pan nghal a, “Hey, tinge ilo kal loh, darkar 2 chuang ka nghak che ania.” a ti vin tuar a, Rempuii chuan, “I zak em, ka thianpa pawh i ni mi?” a lo ti let a, Johnny chuan, “Mipa zaktheilo tak te lak atangin ka chhan che kha.” a ti a, Rempuii chuan, “Kha tia min chhan vang khan thian kan ni tihna ani lo.” tiin alo chhang let a, Jonny chuan amita en chungin, “Rempui, thil hrilh tur che ka nei a, ihh.. ka hmuhtirh atang che khan ka duh lutuk che a, ka hmangaih che.” a ti tawp mai a, ahmeichhe bem dan ava thing chiang em. Rempuii hian duh lo lutuk chu ani biklo, Johnny hi ahmeltha a, apian analh bawk a, a palian lutuklo naa achhelo ve phian, mahse chutia han duh ngawt chu a tha ati bik chiah lo, “Enge i sawi a?” a ti dek dek a, Johnny-a chuan, “Naktuk ah min hmangaih ve thu min hrilh lo nih chuan college chhawng chung ber atangin ka zuang thla ang.” tih pahin akalsan daih mai a. Zanah chuan Rempuii chu a muhil tha theilo, Johnny-a ringawt chu angaihtuah a, athiannu Zuali bulah a hrilh a, athiannu chuan, “Ati tak tak ange, khapa kha arilru alian teh mai ania, ka hmangaih che ti ve tawp mai rawh, achhiat hranloh kha.” tiin alo chhang liam puat ringawt a, a inngaihtuah a, “Hei hi hmangaihna an tih chu amawni le, a zuangthla tak tak angem le? Ahma pawh khan mipa rual ho a hnek a, min chhan nan lehnghal, canteen-a kaltura min sawm pawh khan ka kallo chung pawh khan darkar 2 minlo nghak ania, min hmangaih anih chuan tinge ka hmangaih ve mai loh ang?” tiin a inngaihtuah a, amawl ve hle mai, hmeichhe mawl ve tak chu a ni, Johnny-a play mai mai turin a inphal dawn em ni? Johnny-a mizia a hre silo, amuhil ve thei ta hram a. Atukah chuan Johnny-a chuan Rempuii chu a ko hrang a, college chhawng chung berah chuan a kalpui a, inchung hmawrah chuan a ding a, “Rempui, ka hmangaih che, min hmangaih velo nih chuan ka dam zolo ang, chuvang chuan min hrilh rawh anih loh chuan ka zuangthla mai ang.” a ti a, Rempuii chuan a tih tak tak a ring tlat bawk si, diktak chuan Johnny-a hian angam loh dawn tehreng nen, mahse Rempuii hi ngaihzawng la nei ngai lo, hmangaihna hrethiamlo leh hmeichhe pawisawilo naupang chhia tak leh mawl ve tak anih vangin Johnny-a hi a ring mai a ni. Chutih lai tak chuan mi thawveng tak leh fiamthu duhtak, rilru zau tak mai Mapuia chu chumi college ah chuan admission ti turin principal roomah principal nen anlo inbe mek a, an tifel zo chiah chu a class room zawng turin phur em em in stepah chuan zai chho rut rut a, chuveleh “Min hmangaih em?” ti a au vak vak thawm a hria a, midang canteen-a thil an ei vek laia chutia lo au vak vak chu tiin enge thleng en tumin inchung berah chuan a chho a, Rempuii leh Johnny-a ava hmu a, Johnny-a chuan, “Ka zuang thla dawn nia.” atia, Rempuii chuan ring em em maiin, “KA HMANGAIH CHE.” a ti ve ta tawp a. Chutia Rempuiin “ka hmangaih che” a tih rual chuan Mapuia pawh chuan alo hmu ve chiah a, Rempuii chu hmeltha a ti ta em em a, anui vur vur a, “Hmeichhe mawl lutuk” a tia, nui vur vur chungin a chhuk san ta a.
Rempuii leh Johnny-a chu inngaizawng angin an awm ta a, an inzui reng a, ralkhat atang hian Mapuia chuan alo en thin a, Rempuii chu hmeltha a ti em em a, a en ning theilo, anui vur vur renga, Johnny-a chuan nuam a ti em em a, mahse Rempuii chuan a ning thei hle, amawl lutuk vangin ka hmangaih che alo ti ve laklawh tawh bawk sia, an inzui ve zel mai bawk a. Nikhat chu Johnny-a nu adamloh avang chuan a nu te khua ah azin lawk angai a, Rempuii kalsan chu a hreh hle mai. College compound zau takah chuan an inzui a, an kaldun a, chutih lai chuan bike in Mapuia chu an hmaah tak alo tlan a, ading a, rose par mawi tak mai arawn phawrh a, Rempuii hmaa chuan rose chu a lek a, “Hi, ka hmangaih che.” a ti ringawt a, Johnny-a hrilh ahai hle mai, Rempuii chu ngawi rengin a ding a, Mapuia bawk chuan, “Hey... Rempui, ka hmangaih che ka tih chu.” tihpah in rose chu Rempuii lehkhabu ken laiah chuan ava zep a, a tlan leh daih a, Jhnny-a chu a thinrim hle mai, “Hey, zawnga lo ding teh iva zaklo ve a.” a ti vak vak a, “Rempui, khapa kha tunge ava zaklo ve a, engtin nge i bialpa ka awm ve reng laia ka hmangaih che a tih ngam zawk a, ava zak lo ve a, i hre ngai em?” a ti vak vak a, a thinrim hle mai, Rempuii chu a ngawi renga, pangpar pawh chu a lehkhabu karah chuan a awm reng tho a, laksawn pawh a tum chuang lo.
Chutih lai tak chuan Johnny-a thiante anlo kal a, “Johnny, i pa a thinrim tawh ania, va haw vat rawh an nghak che ania, i nu te khua a i kal vat angai ania.” an rawn ti sap sap a, Johnny-a nu leh pate hi an inthen tawh a, anu hian an khuaah a awmsan ani. Johnny-a chuan, “Hey, inlo hmu em khapa kha, ka va khawih hrep teh ang.” a ti a, a thiante chuan, “Aw hmu e, kanlo chingfel ang, kal tawh rawh, kan kutah dah rawh.” an ti a, Johnny a chu kal a tum lai tak chuan Rempuiin alehkhabu kara rose Mapuia’n a pek chu alo en reng hi a hmu a, “Lalremsang, rose kha nga tan nge i tih, peih nghal rawh.” a ti vin tuarh a, Rempuii chuan a peih ve mai bawk a. Johnny-a chuan arukin athiante bulah chuan, “Ka bialnu hi alo hnaih anih vaih chuan sawisa hrep ang che u, a kut hmawr pawhin akhawih tur a ni lo.” tiin a chah a, anu damlo kan tur chuan a nu te khawlamah chuan a zin ta a. Mapuia hian naupang tete ho hi a kawm thin a, kum 5 mi te, kum 10 mi te leh kum 6 mi te lek lek hi a kawm thin a, chubak thian anei lo, mahse ahlim em em a, an homework te a tihsak a, athian tha ber te angin a en tlat tho a, a thuruk zawng zawng a hrilh vek thin a, aharsatna te a lungngaihna te leh ahlimna te a share ve vek thin a, Mapuia mizia hi a dangdai takzet a ni. Johnny-a zin atang chuan engtik lai mai pawh hian, nitin in Mapuia chuan Rempuii chu a zui reng a, abe ngai chuang lo, Rempuii chuan a ning thei hle a, a ngei hle bawk a, mahse a zui tlat reng tho. Nikhat chu Rempuii leh Zuali chu canteen-ah an chawl dun a, Mapuia chu an bulah chuan ava thu ve tawp a, “Rempui, ka hmangaih che ka tih ka tih kha.” ava ti ringawt a, vinzet mai hian Rempuii chuan, “Hey, zaktheilopa, ka duhlo che bialpa ka nei, iva zaklo ve a.” a ti hrep a, Mapuia chuan nui vur vur chungin, “Min hmangaih let ve ka phut hleinem, engtin emaw tal min chhang vela, min hmangaih lo mahla ka hmangaih che a, atawk alawm, min hmangaih let ve hi ka phut hran lo, ka hmangaihna che hi hria la, han tem ve chhin reng reng teh, engtiang chiahin nge ka hmangaih che tih hi hria la ka duh mai ani.” tih pahin letter a pe a, akal ta daih a. Letter chu a en a, “I LOVE YOU BUT, YOU DON’T HAVE TO LOVE ME BACK, JUST FEEL MY LOVE.” tih hi alo inziak a. Rempuii chu a thinrim kher mai, a bialpa hi a duh vak lo mai pawh a, bialpa a nei tih hre reng chung si a, a bialpa awm lai lehnghal a ahmangaih thu a rawn sawi tawp kha zaktheilo a ti hle a, ben hrep a chak ngei mai. Mapuia chu hlim em em in a haw a, an inkawtah naupang ho anlo infiam a, athiante ngei kha anlo ni. “Hey thiante u, letter kha ka pe tawh a, naktukah min chhang ngei ngei ang.” a ti a, naupangte pawh chuan anlo hlimpui em em a, anuihzatthlak zawk ngawt mai, tlangval kum 20 mi ina kum 6 kum 7 vel ho akawm mai mai chu anuihzatthlak takzet.
Atukah chuan phur zet hian Mapuia chu college a kal a, class ah pawh a awm hle hle theilo, ban achak tawh ngei mai, Rempuii hmel hmuh mawlh chu a chak a. Atawpah chuan an bang ta nge nge a, rang em em in Rempuii bulah chuan ava kal ta a, “Hey duhtak, enge i chhanna chu?” a va ti vel ham ham a, Rempuii chuan vin zet hian, “Ka tan hian engmah i nilo, ka duh lo che, min zui tawh suh, KA HUA CHE.” a ti ta hrep mai a, Mapuia chu lungngaih ahnekin Rempuii chu a chibai a, “Ka lawm lutuk ka lawm lutuk.” a tia bike ah chuan a lawn a, atlan nghal ta daih a, Rempuii chuan angaihna ahrelo hle mai, athinrim a rin tehreng nen, tifuh inti takin a huat thu asawi vel a, mahse khatia a awm kha a mak a ti kher mai, amah zawk chuan hrehawm a ti leh a, “A thinrim ve theilo amawni le, tinge anuih vur vur a?” a ti rilru nauh nauh a. Mapuia chu athian naupang te bulah chuan rang em em in a kal nghal a, “Hey, bawihi te u, bawiha te u, Rempuiin min chhang tawh ania, ka hlim zia hi, kha sweet hi ei ru ka lo leisak che u nih hi.” a ti a ahlim hmel kher mai. Naupang zinga pakhat chuan, “Au Mapui, iva hlim hmel ve, ahmangaih ve che mi?” a ti a, Mapuia chuan ring tawkin, “Min chhandan chu maw, ‘KA HUA CHE’....” a ti a, naupang ho nui hmel chu a inthlak chiang kher mai. “I mawl ami U Mapui, ka hua che tih awmzia te chu aduhlo che a ning che tihna nih chu, keini pawn kan hrethiam ania.” an ti a, Mapuia chuan nui vur chungin, “Enteh u thiante u, Rempuii hi ka hmangaih em em a, ka duh ber chu min ngaihtuah ve se, engtikah mah min theihnghilh lo se chu chu ka duh ber, ka hua che min ti a, min hua anih chuan arilru ah ka awm ve tihna nih chu, kan mi huat te hi kan hrereng thin anilawm ni, chuvang chuan minlo ngaihtuah ve ani tih ka hria a, ka hlim ani.” a ti a. Asawi chu a dik chiah a ni, Rempuii chu chumi zan chuan chhin khat pawh a chhinglo, a rilru ah Mapuia bak a awm lo, a haw hluah hluah a, sawisak hrep a chak a, arilru ah a awm reng a, amaimitchhin apiangin a nui hmel a lo lang zel a, amah pawh chu a inhaw ngei mai. He mihringpa hian a tibuai kher mai, lehkha pawh azir tha theilo hial ani.
Atukah chuan class an kal leh tan ta a, Rempuii chu amal hle mai, a thiannu a kawm ve ber Zuali alo kal lo tlat mai. Canteen-ah chuan amah in athu a, chuveleh Mapuia chu alo kal nghal a, abulah ava thu a, Rempuii chuan nin hmel zet hian, “Hey, ka hua che ka tih tawh kha, tinge minlo la zui a.” a ti vin nek a, Mapuia chu anui huah huah a, “Hey Bawihi, kei chuan ka hmangaih che a, nang chuan Johnny-a i hmangaih a tiraw?” a ti a, Rempuii chuan, “Aw, nang chu ka hua che ka ning che.” a lo ti let hrep a. Mapuia chuan, “Ka hria alawm, apawi ka ti reng reng lo, i bulah ka awm ve duh mai a nia, in inthen kher pawh a ngai lo, min hmangaih ve pawh ka phut lo ka tih tawh kha.” a ti vel ham ham a, hepa hi chu amak ve ngawt mai, “Ka ning lutuk che kalsan rawh, i hneawm hmelchhe si.” a ti deuh hrep a, diktak chuan Mapuia hi a chhe hran lo, ahmel en ringawt pawhin mi pawi a sawi khat hmel hle a, a sual hranlo tih a hriat bawk. Mapuia chuan, “Ka kawm ve chak che nimai lawm, thil sual pawh a ni mi?” tiin a zawt a, Rempuii chuan, “Thian dang kawm ve mai la, in class ami te pawh, thian i nei ve tho ang chu.” a lo ti a, Mapuia chuan, “Haha, ka thian neih chhun te chu kan veng naupang ho annia, kei te chuan kan college ah thian ka neilo, nangmah hi a ni mai, chuan i thiannu Zuali kha ka hmelhriat bawk a, chuan i bialpa mawl deuh Johnny-a..haha sorry ka fiamthu nih kha.” a ti vel a, “Ka hua che..” a ti vak a, canteen-a chawl ve dang ho chu an lo hawi thup a, Mapuia chuan zawite hian, “Engah mah ngai su, lo inti buai suh u, min haw mek a nia, tha takin a hnathawh lai hi thawh tir ru, min huat lai lai a.” a ti a, annuih a za hlawm hle mai, Rempuii pawh chu zak hle mahse Mapuia thilsawi kha chu a nuihzat ve ngang aniang, a khi ve suk a. Mapuia chuan alo hmu a, “Hey, kha, i nui ania.” a ti a, Rempuii chuan ka nui bawk lo.” a ti hmuk a athawh san a, akal ta daih a. Chutih lai chuan Johnny-a thiante chuan anlo hmu reng a, an zinga pakhat chuan, “A over mah mah tawh a ni, kan khawih deuh hlak chu a ngai ang, kan thianpa bialnu ani tih a hre ve reng a, a bulah a awm tam lutuk.” a ti a, pakhat zawk chuan, “Ni e, banah kan zilh hlak dawn nia.” a ti a. College banah chuan Mapuia chu lehkha bu pawm tun chungin class atang chuan alo chhuak a, pawnah chuan Johnny-a thiante chuan anlo chang a. Arawn phei lai chu anlo dang a, an hual a, an zinga pakhat chuan hnunglam atangin a nek lui deuh kher a, Mapuia chu alehkhabu thlauh vek khawpin a tlu a, engmah sawilo chuan a inbeng fai a, alehkhabu chu chharin atho leh mai a. Athawh rual rual chuan an zinga pakhat chuan an su lui leh deuh pawp a, a lehkhabu thlauh leh vekin a tlu leh a, athinrim ve tawh ngang a niang, a tho lawk a, a bula brick bung pakhat chu a chum pawp a, akeh sawm nuaih a, Johnny-a thiante chu an phu nghal zawk mai. An bula dawhkan chhe deuh hlek tawh paih mai theih tura an dah chhuah chu an chum leh pawp a, chu dawhkan thing chu a tlaik ri leh thawt mai a, an hlauh hmel tawh hle mai, zirlai dangte chuan an en thup leh nghal a. Mapuia chu a la thinrim ta cheu mai, chhuata thin bung chu a la lawk a, alu chuan an toh bung leh siah mai a, Johnny-a thiante dawih hlawm ve angreng tak ho chuan an hlau tawh kher mai. A lehkhabu chhuata tla chu an chhar sak a, anva pe a, “Kan tihpalh aw.” an ti khur zawih zawih a, Mapuia chuan rum zet hian a melh a, “Tharum zawng chuan min tibuai duh tawh suh ang che u.” tiin a kalsan ta a, an rin ang aiin alo chak daih sia, an hlau kher mai. Johnny-a pawh anu adam tawh bawk a, alo haw a, athiante chuan thil thleng anlo hrilh vat a, Johnny-a chu a thinrim kher mai, “Mipa pakhat leh pawh in hlau amaw, chupawh akhawih miah lo che u a, athil tih vang ringawtin maw, khawnge ka va kal ange.” a ti pung pung a, ava kal a, Mapuia chu ava hnek nghal siah mai a, Mapuia pawh a thal chiang ngei mai. Hmeichhe ho an au tuar tuar a, zirlai dang ho anlo pungkhawm a, an en thup mai, Rempuii pawh alo kal ve nghal a, Johnny-a chuan rum em emin a melh a.
“Nang hian maw ka bialnu lo tibuai a? Min cho ami a? Insual ila.”
“Hey Boss, tinge i thinrim a, ka tibuai hleinem ka hmangaih a, anin nang a hmangaih che a, enge pawi?”
“Hey zawnga, pawr ve vak suh aw, a duh chuanglo che, i duh nih chuan mn hneh phawt angai ang.”
“Boss, insual a hlawh chhuah theih atan i bialnu hi i phal a mi? Ani saw lawmman ani hlei nem.”
A ngawi vung vung a, “Enge i duh a?”
“Diktaka sawi chuan maw, ka cho hleinem che Boss, ka hmangaih berin ahmangaih che a, ka tan chuan Boss i ni ringawt alawm, inthian nih ka duh ve mai ania.”
“Nanghi ka thian i ni ngai lo ang, i zak nang nge? Ka bialnu ani tih i hre reng a, a duhlo che a, engvangin nge i hmangaih a?”
Mapuia chu a nui vak vak a, “Boss, kan hmangaih ten min duh loh a, midang an hmangaih zawk avang hian kan hmangaih thei tawhlo tihna ani hleinem.”
“Tuman mi duhlai anlo duh ve ngailo mawla.”
“Anih leh maw, tihian t teh ang..” a bula hmeichhe pakhat mawl ve hmel deuh chu a ko a, “Thiannu pakhatna nih i duh em?” tiin a zawt a, chunu chuan, “Aw duh e.” tiin alo chhang a, abula mipa pakhat chu a zawt ve leh a, “Thianpa nang pakhatna nih i duh em?” a ti veleh a, chupa chuan, “Aw duh e.” a ti a, Mapui a chuan, “Engvangin maw? Mi duhlai tinge i lo duh ve ngawt a?” a ti a, Johnny-a chu a zah hmel hle mai. Mapuia chuan, “Tikhan i hre thiam tawh em, keichuan hlim taka awm tir che u hi ka duh a, in thianpa nih ve ka duh mai ania, ka chhuhsak dawnlo che, tum pawh ka tumlo, theih pawh ka theilo, min duh ve hleinem, chuvang chuan thinrim tawhlo la, i thianpa angah min ngai rawh, Rempuii hi i hmangaih a, keipawn ka hmangaih a, kan hmangaih dun tihna nih chu.” a ti a, anui huah huah a, akalsan ta daih a, Johnny-a chuan umzui a va hnek pawp a duh nei mai, mahse athusawi kha a dik vek bawk sia, chubakah mi tam takin an en thup sia, a ding ngawi reng ringawt a, azak hle mai. Chumi ni atang chuan Johnny-a leh Rempuii chu an inzui leh a, Rempuii hian Johnny-a reng reng a ngaihtuah thei tawhlo, a rilru leh thinlungah chaun Mapuia hlir a awm tawh a, a haw ngawih ngawih a, eng ang pawhin hau se a thinrim ve thei silo, a ning em em rualin a rilruah a awm reng a. Johnny-a pawh chuti bawk, Mapuia chu vawi tam tak a vau a, mahse a hnial hneh silo, hnek hrep a duh a mahse, hnekna chhan tur a vang si, thian anga kawm a tum a ni ve mai a, mahse atan chuan a huatthlala awm ngawih ngawih bawk si. Nikhat chu college compound ah chuan Rempuii leh Johnny-a te chu an inzui a an kal dun a, thutthlengah chuan an thu a, chuveleh Mapuia chu alo kal a, “Hey thiante u, inlo dam maw?” a va ti bawrh bawrh a, an lo hne leh ngei mai, anlo ner khum nasa mai a, Mapuia chuan, “Enteh Boss, Rempuii hi ahmeltha tiraw, a bula i kal te hian thli thaw heuh heuh ang te hian i hre ve ngai em? Vai film-a an inpel chiah a pangpar te rawn tla chuai chuai ang hian..” tiin a tawng zuah zuah a, an ning hle aniang, an tho a ankalsan ta daih a. Mapuia chu a hrilh hai khawp mai a, alu thak lo pui chu a hiat nauh nauh a, “Ka tawng hnem mah mah ami awww.” a tia, abulah chuan Rempuii thiannu Zualin alo en reng a, “Mawllian lehh..” a ti a akalsan leh daih a, “Hmmh...ringawt chuan a.” a ti a anui vur vur a. Johnny-a chuan Rempuii chu a kai phei dawr dawr a, “Lalremsang, tinge khapa khan min rawn zui reng a, ka ning lutuk, ka hne lutuk, tinge kan bulah alo kal reng a, ilo duh ve deuh a nilo maw?” a ti vin nek a, Rempuii chuan, “Ui ateuhlo mai, keipawn ka ning ve tho, tihngaihna avang em alawm, eng ang pawn ankhum nasa mah ila a haw ve thei silo a, i thainte sawisak tir hrep teh ka hne lutuk.” a ti a, Jonny-a chuan, “Ka hrilh a, mashe an cho hleinem, nep hlawm lutuk.” a ti a, Rempuii chuan, “Nangman i cho lo mi?” tiin azawt a, Johnny-a chu a phu zuk a, “Eng a? Ka cho loh i ring ami? Ka vawikhat hnek pawh a dawl lo ang.” a ti vei ham ham a, insual tak tak se Johnny-a hian ahneh dawnloh tehreng nen. Rempuii chuan, “Anih chuan hnek hrep rawh, keipawn ka ning.” a ti a, Johnny-a chuan, “Ka hnek tawh kha, mahse a thinrim thei silo a, thian atan chuan minla sawm zui a, a tawng peih si, ka thluak hi a ti puakkeh takngial dawn.” a ti ve bawk a. Nitin mai chuan an kalna apiangah a zui a, an kawm velo thei silo a, atawpah chuan an kawm ta a, Rempuii leh Johnny-a chuan an ning hle mai, an kawm peihlo hle mai, mahse an hnial hneh ngai bawk silo. A tawng reng a, a zui ve zel a, ninawm tawk lek hian a tibuai a, han huat dawna han sawisak hrep dawn lahin chutia tih ngai khawpin thil a ti ngai silo a, a ngeiawm tawk lek te hian a chhaih buai dun a, mahse dik taka sawi chuan Mapuia hian Rempuii hi a hmangaih em em a, Johnny-a pawh a haw lemlo, a duh ber chu Rempuii hi hlim takin awm se a ti mai chauh a ni. Amizia hi amak ngawt mai, a thawveng em em a, an pahnih hian inngaizawng kumkhua mahse pawi a ti lemlo niin alang.
Rempuii thiannu Zualtei birthday ani a, party a throw a, chumi zan chuan an college-a a hmelhriat te zawng zawng a sawm vek a. An hlim hlawm hle mai, athen an lam a, athenin zu an in bawk a, anu leh pate zinlai ani bawk a, a nutei nen chiah an awm a, anutei lah hot ve chi alo ni bawk nen, a free rem rem hle mai. Inngaizawng deuh hlir hi an awm a, Mapuia leh Zuali chu ngaihzawng nei velo awmchhun an ni. Mi zawng zawng chu a couple in an kal a, athen an lamdun a, Athen dawhkanah an thu dun a , thianho ten anthu ho a, anhlim tlang hle mai. Mapuia erawh tumah kawm tur neilo in dawhkan ruak pakhatah amahin alo thu a, fimkhur em em in box tereuh te te hi pyramid sign in a lo rem chhawng diat diat a, thian kawmtur anei ve silo a, atihtur hrelo alo rem ve mai mai a ni, A rem zel a, arem chho diat diat a, a zo tep tawh tih ah chuan Rempuii leh Johnny-a te pawh anlo thleng ve a, an rawn inkai a, Johnny-a chuan Mapuia ahmu chiah chu a ding a, “Rempuii, haw leh mai ang, sawpa sawn min hmuh hma in.” a tia chhuah mai a tum a, athianpa Hminga chuan alo dang a, “Hey, tinge i haw ang, aho lutuk.” a ti a, Johnny-a chuan, “Dude, sawpa bulah sawn ka awm peih lo, ka thluak hi aphawrh thei hial ang, ka ning lutuk.” a ti a, Hminga chuan, “Ho emai, Rempuii hi ahmuh turin va kai vel la, chuan a thil rem lai saw va tihchhiat sak vek la, a thinrim ve ngei anga, a huat phah hrim hrim ang che, chuan a tibuai tawhlo ang che u.” a ti a, Johnny-a chu a va kal a, Rempuii a kai a, Mapuia chuan box chu alo la rem uluk hle mai, azo tep tawh a, achung ber a rem dawn chiah chuan Johnny-a chuan a va khawih chhiat sak vek mai a, Mapuia chu a thinrim kher mai.
“Hrep taka, tunge i nih a...?”
“Haha, ka tibuai che em ni?”
“Eheee Boss, inlo kal ve alaw?”
“I thil tih lai ka tihchhiatsak che sia, i thinrim em?”
“Akhaih a, thinrim nang le, min rawn be hmasa ve a, ka lawm lutuk, min ngaina ve tan tawh nih hi...haha, lo thu ru.”
Johnny-a zawk chu a thinrim hle mai, alo thinrimlo rapthlak si a, tumbur chuan athiandangte nen chuan an thu ta a, Mapuia bul chiah ah chuan Johnny-a a thu a, abul leh ah chuan Rempuii a thu bawk a. Mapuia chuan, “Boss, afalin ka lo be lawk che lo kal lawk teh.” a ti a, Johnny-a chu a tho a, pen hnih vela hla ah chuan a an ding dun a, chuveleh Mapuia chu a tlan thut a, Rempuii bulah chuan ava thu daih a, “Haha ka tihderh aaaa...Boss nang chu engtik lai pawn a bulah i awm thei a, reilote ka lo thu ve aw?” a ti a, Johnny-a chu a thinrim hle mai, midang thu ve ho chu anlo nui dar dar a. Rempuii chu thawh atum a, Johnny-a chuan, “Rempui, thu rawh, apawilo.” a ti a, Rempuii chu athu veleh mai bawk a. Johnny-a chuan ahaw tawh takzet a, Rempuii hian hua se a ti hle mai a, tharum hmang lo a nataka siam dan tur a ngaih tuah ta a. Atuk ah pawh nilengin an pahnih chuan a zui a atibuai leh a, chuti chuan kar khat chhung chu an bulah chuan a awm ve ta zel a. Nikhat chu Rempuii birthday a ni a, Johnny-a nena an awmdun lai chuan, “Johnny, zanin ah ka birthday ah kan thianho hian Zualtei te inbulah mei chhemin kan lawm ve mai mai dawn a, tumah hruailo in, nangmah in i thiante tello in lo kal ve rawh aw, a ti a, Johnny-a chu aphur hle mai, tlai banah chuan a haw a, nalh takin a inchei a, perfume rimtui tak a inkap a, pangpar nalhtak mai alei a, zanah chuan ava kal ta a, Zualtei te in bul athlen chuan motor atang chuan achhuk a, chuta athil va hmuh chuan a ti phu chiang kher mai. Pawnah chuan Rempuii te thianho anlo ding thap a, an bulah chuan Mapuia leh naupangho anlo ding bawk a, Mapuia chuan nuih tlawn pahin zah hmel deuhin present bawm hi a pe a, Rempuii chuan tum hmuk hian present chu a hawng a, achhungah chuan thlalak, nalh taka inframe thlap hi alo awm a, thlalak chu a en vang vang a, a nui seih a, Mapuia mitah tak chuan a en a, “Ka lawm e aw.” a ti tham thiak a, chuveleh Mapuia leh naupangho chu an nui a an au vak vak a, an zuang a, an lawm hmel kher mai, Chuthil chu Johny-a’n alo hmuh chuan athinrim hle a, apangpar lei chu chhuatah a peih a, motorah a lut a, a tlan ta daih a.
Atukah chuan meizial zu khu hlut hlut chungin Johnny-a chu athiante bulah alo vui nuah nuah a. “Zaktheilo lutuk, ka hnek dawn khawp mai, a ti mah mah tawh a ni, hetiang hi chuan adiklo, ka thinrim lutuk, Rempuii pawh khan a thilpek kha engtin nge alo lak ngam zawk a?” a ti a, Hminga chuan, “Insum rawh, saw Rempuii alo kal ania ahre phak ange.” alo ti vat a. Rempuii chu alo thlenga, “Nizan khan kan inhrilh chiang viau sia, ka birthday pawh min lawmpui ve duhlo amaw?” a ti a, Johnny-a chuan, “Kha mihringpa khan thilpek ape che nilawmni.” a lo ti ve deuh ngat a. Rempuii chuan thil hrechhuak thut niawm tak hian, “E aww, kha kha maw, enteh hei.” tihpahin thlalak chu a entir a, thlalak chu Johnny-a leh Rempuii nui sang a inhma tawna an ding dun lai alo ni a, nalh takin abul velah chuan love sign te alo inziak vel a, Johnny-a chuan mak a ti hle mai, Rempuii chuan, “En ta che, Mapuia hi kan rin ang anilo, a fel lutuk asin, kan thian nih aduh mai chauh a ni. Min thenhrang tum ni se engvangin nge kan thlalak te kha khatia asiam peih tehlul ang....haw tawh suh, class ka nei a, ka kal ania, tlaiah kan inhmu dawnnia.” a ti a, aluhsan a. Chuveleh Mapuia alo kal a, “Asawi dik chiah ani, ka fel lutuk alawm Boss, i thian nih ka duh mai chauh ani, hlim reng ang che u, chuan i meizial kha khawi maw, cancer i duh mi?” tihpahin a meizial zuk lai chu a peihsak a, akalsan ta a. Johnny-a chu ahma ai zawnga nasa in Mapuia chu a hua a, tihdan thar a hre ta a. Atukah chuan Rempuii leh Mapuia inhmatawna kal lai chu Johny-a thianpa hminga chuan a va su lui dun a, Rempuii tlu tep chu Mapuia chuan alo pawm vat a, chiang em mai mai in an inmelh a, an inkuah chawt a, chulai tak chu Johnny-a chuan thla alo laksak a, class bunk pahiin inah ahaw pui a, ava print a, alo let leh a, Rempuii te class roomah chuan midang ho in canteen-a thil an ei hlanin, tumah an awmloh hlan in an class bangah chuan a bel a, thlalak hnuaiah chua tihian a ziak a, “KA HMANGAIH BER NEN VAWIINAH KAN INKUAH A, KAN INKISS BAWK” tiin a ziak a. Chumi ni chu chawhnu chawlh alo ni hlau mai a, Rempuii chu a bag la turin class lam chu a va pan a, alo let leh apiang chuan anlo chhaih a, “Va nuam awm ve.”, “Ilo van nasa.”, “Khai aww...nuam awm bik.” tih ten an rawn chhaih a, angaihna ahrelo hle mai. An class chu a va thleng a, banga thil inziak chu a en a, a mak a ti hle mai, arilru a na hle a, thlalak chu a pawt thla a, tap chungin a tlan chhuak nghal a, Mapuia ava zawng nghal a, Mapuia ava hmuh rual rual chuan na em em maiin a hmaiah ava beng siah a. Zirlai dangte chuan an en thup bawk a. Thlalak chuan a vawm bawk a, Mapuia chuan thlalak chu a en a, Johnny-a thil tih a ni tih ahre nghal bawk a. Rempuii chuan, “Engthil nge i tih hi? I fel viau amaw ka lo ti a, ka lo ngaina ve hman tep tawh che a, mahse ilo tenawm hle mai. Mi min ngaihdan tur hi i hrelo mi? Tunah chuan KS, nawhchizuar ang maiin min ngai tawh ang. Hei hi hre rawh, Johhny-a chauh hi ka hmangaih a, Johnny-a chauh hi ka pasal ani bawk ang. Ka thinlungah hian hmun i chang tawh lo, vawikhatmah min rawn be tawh lola, ka mithmuh ah rawn inlan tawh suh!” a ti ta phiar phiar mai a. Johnny-a leh a thiante chuan kil khatah hmusit hmel takin nui vur vur chungin anlo en reng a. Mapuia chuan zawi sap hian, “Min hmu tawh ngailo ang, i duh ang ngei chuan ka kal ange.” a ti a, a kalsan ta a. Zuali chuan thlalak chhuata tla chu a chhar a, a en a, ani pawh chuan Johnny-a thiltih a ni tih a hre ve nghal a, Mapuia kal liam lai chu a en a, a khawngaih hle mai. Mapuia chu a bike panin a kal hnak hnak a, chuveleh Johnny-a leh athiante chu a an anlo dang a, “Hey thianpa, engthil nge thleng ta kha, khatia in inkuah avang khan in inkiss anga ziah kher kha angai mi, zahthlak lutuk.” a ti vel ham ham a, Mapuia chu a ngawi reng a, Johnny-a bawk chuan, “Bawiha, tinge nidangah i tawng zuah zuah a, i tawngthei ta nange, i dang ta mai alaw? Haha nakinah hmeichhe bem dan ka la zirtir ang che. Rempuii hi maw i chang chuanglo ang, nitin in ‘ka hua che’ a tih khum che a, a duhlo che, keite chu min hmangaih thu min hrilh asin.” a tih khum vel ham ham a. Mapuia chu a maimitchhing vang vanga, a rawn nui chhuak huk a, nui sang chung leh thawven hmel tak hian, “Enteh Boss, Rempuii hian ahmangaih thu che hi vawi engzat nge a sawi tawh a?” a ti a, Johnny-a chuan, “Ihh..ihh a sawi alawm.” a ti bah deuh nuai a, Mapuia chuan, “Haha Boss, vawikhat bak ala sawiloh kha, chupawh i ti lui nih kha, inchung atanga zuanthlak i tum a, ngam tak tak awm silo, chuvang chuan ‘ka hmangaih che’ a ti tawp a nih kha. Keite chu nitin min hmuh apiangin ‘ka hua che’ a ti ringawt zel a, engmah ka sawiloh pawn min huat thu a sawi reng a. A awmzia chu nang ai chuan min ngaihtuah zawk tihna nih chu, min huat chuan kan mihuat te hi kan hre reng a, kan theihnghilh ngai lo, Rempuii pawh hian min hua a, a rilru leh thinlungah ka awm reng a, min ngaihtuah reng tihna asin. Nang aiin a rilru ah ka awm hnem zawk anih chu, mahse lungngai suh, ka hmu tawh lo anga, min hre reng dawn sia ilo hnem dawnnia aw.” tih pahin a kalsan ta daih a.
ohnny-a chu a thil plan chu kaltluang viau mahse, Mapuia tawngkam kha angaihtuah a, adik vek bawk si a, amah zawk chu a inti hrehawm zawk mai mai si a, ava han thinrim em. A haw hluah hluah a, tihngaihna dang a hre tawh lo, a pa bulah a sawi ta tawp a. Apa hi mi thinchhia leh mipa pawh hmeichhia pawh dim lo, kuthhlak hrehlo, naupang pawh kutthlak hrehlo khawpa sual leh nunrawng, mahse mi mithmuh ah chuan pa tha tak leh fel tak angin lem a chang thiam em em thung si a, aruk hian mitam tak chu alo vau fo tawh thin a, naupang tamtak pawh thisen chhuak khawpin alo khawih thin a ni. Johny-a hi aduat em em a, aduat sual a ni ber mai, chuvang tak chuan Johnny-a pawh hian a hlauin a zah em em a, a thil tawn leh Mapuia’n a tihdan a hrilh chuan apa chu a thinrim ngei mai. A nau, Johnny-a patea, Pa Rinpuia a tia hriat chu a ko a, Jonny-a pa Rinpuia hi a u (Johnny-a pa) thu awih tak a ni a, a u tan chuan engpawh a ti thin a, mi sawisak emaw, mi vau emaw te a tih tir thin a, achhan pawh pa lian tak, hmuihmul buk chhur leh hlauawm hmel tak, chak tak mai a nih vang ani. Jonny-a pa chuan, “Rina, ka fapa hi i fapa ang chiah a ni a, a hmelma Mapuia hi i hmuh hunah lo vau la, anihloh chuan thah ah lo vau tawp ah che, ka fapa ti na tu chu a chak lo ang.” tiin a hrilh a, Johnny-a pawh a thawveng huai mai. Zankhat chu Johnny-a pa chuan Jonny-a birthday alawm sak a, party a buatsaih sak a, chutah chuan Johnny-a a chuan apa bulah chuan bialnu a neih ve thu te, inneih lampang pawh a chak ve tawh thu a hrilh a, lehkha zir lo mahse apa hian a chawm hneh ve em dawn tih a hriat vang a ni, a ngaihtuahna te hi a tawi ve ania, he mihring pa hi chu. Apa chuan zanin ah lo hruai turin a chah a, tichuan zanah chuan a hruai ta ngei a. Stage ah chuan Johnny-a pa chu a ding a, “Ka fapa birthday lawmnaa lo kal zawng zawng te lawmthu ka hrilh a che u. Zanin hian thu pawimawh tak puan tur ka nei a, ka fapa hian nupui hual anei a, chunu chu zaninah pawh hian alo kal ve a, an inhmangaih hle a, puan chhuah ka duh a ni.” a ti a, kut an beng dur dur a, Rempuii pawh alo nui ve sang a, pa anei tawhlo a, anu nen chaih an awm a, an rethei ve si a, chhungkaw hausa taka lawi a, nun bul tan that aduh a, Johny-a hi pasalah neiin a hmangaih theih ve mai a inring a, diktaka sawi chuan Johny-a hi a hmangaih reng reng lo a, thil a kalbuai em avang khan a nihpui ve mai mai chauh a ni. Johnny-a pa chuan sawi zawm leh in, “Chu hmeichhe hmeltha tak chu kohchhuah ve ka duh a, ka fapa Johnny-a bulah hian stage ah hian lo ding chhuak se, ahming chu Laldinsangi a ni.” a ti ta daih mai a, Rempuii zak lutuk chu pawnah a tlan chhuak a, Johnny-a pawh chu a thinrim em em a, umzui a tum a mahse apa chuan akutah alo chelh a. Dinsangi hi Johnny-a te college principal fanu a ni a, hangngeihnobei ang chi hi a ni a, ahmel pawh a tha hle a, avun a mam nalhin a luck hle bawk a, sawi tawh ang khan an principal leh Johnny-a pa hi inkawm ngeih tak an ni a, kawng tinrengah Johnny-a hlawkna turin an principal hian apui thin kan tih tawh kha, chuvang chuan ahma daih khan an pahnih hian an fate hi innei turin an lo sawilawk daih tawh a ni. Atuk zingah chuan Johnny-a chuan a pa bulah chuan, “Pa...enge i tih kha, Dindini hi ka duhlo, ka neilo ang, Rempuii lo chu tumah ka nei lo ang.” a ti a, apa chuan, “Johnny, thu awih rawh, in principal saw awmlo se chuan tunthleng hian first semester ah ila tang char char ang, chuvang chuan afanu saw i nei tur ani, chu chu kan tih sak ve theih awmchhun a ni, i bialnu kha theinghilh rawh, khatiang rethei changkang lo si.” a ti a, Johnny-a thinrim chuan, “Ka neilo ang.” tih pahin dawhkan a chum ri bur a, a roomah achho a, a inlakhkhum ta daih a.
Mapuia chu khumah a mu a, amelh ngai a melh run a, naupang ho anlo lut a, “Hey U Mapui tho rawh, U Johnny-a khan nupui hual dang anei an ti a nia, U Rempuii chu va bem tawh rawh.” an rawn ti a.
“Eng a, zawnga chuh?”
“Va kal rawh alo duh tawh ang che.”
“Hey, naupang te te si, lerh hlawm lutuk, haw rawh u, ka kawm peih hrih lo che u, chubakah vawikhatmah ka hmu tawh lo ang ka lo ti tawh sia.”
“Anih chuan an in pawh kan hre tawh a, kan va kal mai ang, i va kal loh chuan, kan va sawi tha viau ang che, kan va fak che anga, alo duh hrim hrim ang che, kal ang u.”
Naupang te ho hi Mapuia hian a hruai lerh vek tawh a, hmangaihna chungchang a sawipui nasa thei sia, a ti kawlhrawng zo vek a, an tih duh tak tak dawn ni a ahriat avang chuan a tho a, “Awle, kal su, keimah ka kal ang.” a ti a, a insiam a, a kal ta a. Rempuii leh Zuali chu inah an lut a, Rempuii chuan a nu chu a va kuah a, atap hawm hawm a. Anu chuan, “Bawihi tinge, nga ti nge?” alo ti vat a, Rempuii chuan, “Kha tlangval khan, nupui dang a nei dawn a, minlo bum mai mai a ni. Tinge Pathian hian harsatna hlir min thlen bik le?” a ti a, anu chuan, “Bawihte, i pa kha keipawh hian ka ngai asin. Ngati nge Pathian hian min laksak bik tiin Pathian hi ka dem fo thin a, mahse i pa khan maw, mi tha tak min hnutchhiah asin, chu chu nang hi i ni ka fanu, mipa tha tak chu ila tawng ngei ang.” a ti a, Zuali pawh chuan alo hnem ve mawlh mawlh a. Chutih lai tak chuan kawngka a rawn ri bur a, Johnny-a patea (Pa Rinpuia) leh patling 6 vel anlo lut a, thutthleng te an rawn ti tlu a an rawn ti hnawk nuai a, Pa Rina chuan Rempuii chu a samah a kek a, “Ka fapa Johny-a saw kalsan ang che, anih loh chuan ka that ang che u, in duh chuan police pawh report ang che u, kan hlau eih lo, police te hi kan thuhnuai ah kan dah vek thei tih hria ang che.” tiin a rawn vau a, an chhuak lehnghal a. Anchhuah hnu minute 5 hnu velah chuan Mapuia alo thleng a, “Ehe, ngati nge, engthil nge thleng a?” a rawn ti lut nghal a, Zualtei chuan thil awmzia zawng zawng a lo hrilh a, Rempuii chuan, “Hei hi nilawm ni i hmuh duh chu, ka kehchhe lai hi, i hmu chak ani lawm ni, Johnny-a chu ka chan tawh a, mahse ka duh phah lo che, min kalsan rawn, Johny-a chauh ka duh.” a lo tihkhum a, Mapuia chuan a mitah tak en chung chuan, “Johnny-a i duh amaw, tikhan lo awm la, ka rawn hruai ngei ang.” a ti a, Zuali chuan an in awmna a hrilh a, achhuahsan nghal a. Mapuia chu Johnny-a te inah chuan ava kal a, inneih chungchang vel sawiin Johnny-a pa te chu athiante nen anlo titi a, mahse Pa Rinpuia erawh alo la haw lo. Mapuia chu Johnny-a pa hmaah tak chuan a va thu a, “Ka pu, ka be lawk duh che.” a va ti a, Johnny-a pa chuan, “Ngawi teh, ka buai tlat, hei phone call ka dawng, pawnah sawn min lo nghak rawh.” a ti a, Mapuia chuan a phone chu alaksak nghal a, “Hello, ka pu hi a buai a, nakinah ilo be leh mai dawnnia, a ti a, adah ta daih a, “Tikhan i hman tawh e.” a ti a, Johnny-a pa chuan, “Enteh naupang, tunge i nih enge i duh?” a ti a, Mapuia chuan, “I fapa ka rawn hruai dawn, min dang anih chuan i na viau ang, ahmangaih ber chauh anei ang.” a ti a atho a, Jonny-a room lam pan a tum chu, tlangval lo awm ve ho chuan anlo man a, chuveleh Mapuia chuan na tak tak in a hnek hlawm a, asawisa hrep a, roomah chuan a han lut a, “Boss, insiam rawh, tlanbo angai, Rempuiin a nghak che a nia, kal nghal ang.” a ti a, Jonny-a chuan, “Enge i rawn tih a, i bulah ka kal lo ang.” alo ti deuh hmuk a, “Johnny, anghak che ania ilo kallo nih chuan midang ta tur ani mai, lo kal la min rawn zui rawh a ti a, an chhuak dun ta, Johnny-a pa chuan, “Hey tunge i nih a, ka fapa kha thlah rawh, khawiah mah i hruai lo ang.” a ti a, Jonny-a chuan, “Ka pa, vawiin atang hian kan inlaichinna ka chhuchat e, ka hmangaih ber bulah ka kal dawn.” a ti a, tuman Mapuia chu an dang ngam tawh lo, bike ah an inphur a an tlan chhuak ta daih a.
Pa Rinpuia chu alo haw a, thil awmzia a hriat hnu chuan Johnny-a pa chuan police hnena report turin a ti a, mahse Pa Rinpuia chuan, “Angai lo, keiman ka um anga, ka chingfel vek ang.” a ti a. Rempuii te in kawngka chu a in kik a, Rempuii chuan ava hawng a, Johnny-a chu inthlahrun hmel takin alo ding a, ahnungah chuan Mapuia chu alo dak a, anui vur vur a, “Ka tih reng kha, alo kal hiiii” a ti a, Zuali chuan Mapuia chu alo en reng a, amawl a ti ngawih ngawih ani. “I thawmhnaw pack la, tlanbo nghal ang u.” a la ti ta deuh deuh a, tichuan khua an chhuahsan ta nghal a, Pa Rinpuia te chuan an chhui zui ve reng bawk a. Mapuia chuan a car neih ve chhun tawng tak maiah chuan aphur a, azai rut rut a, car hnugah chuan Rempuii chu a thu a, ahmaah chuan Mapuia leh Johnny-a te chu an thu bawk a, car hmaa darthlalang te chu Mapuia chuan kuai herin Rempuii hmel lang thei turin, ahmuh theih turin a siam a, Johnny-a chuan alo kuai let leh a, mahse Mapuia chuan a kuai her zel a, Jonny-a thin a rim a, “Car kha ti ding teh” a ti a, achhuk a ahnungah chuan a insawn daih a, Rempuii chu a va kuah vel kher a, Mapuia chu a nui vur vur a. Hmun pakhatah an chawl a, thingpui dawrah an lut a, an inhnawhpuar a, Rempuii chu a inthiar lawk a, chumi hlan chuan pawna thutthlengah chuan Mapuia leh Johnny-a te chu an thudun a, Mapuia chuan dispo ruak chu thutthlengah chuan a dah a, pen nga vel apen a, tichuan lungte pathum a chhar a, dispo ruak chhungah chuan vawmluh a tum a, pakhat a vawm a, alut lo a, a pahnihna a vawm leh a, ala lut chuanglo a, “Khai aw, khawngaihin lut tawh rawh, anih loh chuan ka chhe vek ani mai.” a ti a, a pathumna chu a vawm leh a, ala lut chuang lo a. Johny-a chuan alo nuih vel a...
“I vawm luh vek chuan Rempuii nei thei tur angah i ingai nimaw...khatiang lungte vawm luh khan awm zia aneilo, mawl lutuk, enga tan mah ka ngailo, vawm lut vek pawh ni la, i a mi?”
“Nilo e, ka vawm luh vek chuan in innei thei tur angah ka ngai a, mahse ka vawmlut thei ta silo a, in innei thei talo mai angah, tiraw, mahse ho lutuk i sawi ang khan lungte vawmluh mai mai te chu..”
Jonny-a chu amah zawk bawk a thinrim leh ta, Mapui kawr awmah a tham a, a beng siah siah a, “Eng angin nge i inngaih a, min tibuai reng mai, ka hne lutuk che.” a ti a, Mapuia chuan, “Ana ania, min beng tawh suh, ana lutuk, Boss.. hey inbeng dai teh BOSS...HEYY...JOHNNY!!!” tih pahin a kawr awm a tham lai chu a phih thlak sak thuai a, Johny-a kawr awm ah chuan a tham a, chutihlai chuan Rempuii chuan a rawn hmu a, Johnny-a’n Rempuii ahmuh veleh chuan, “Min hnek ta che, min hnek rawh, ka kawr awmah te i tham ngam vel amaw?” a ti ta daih a, “Rempui, hepa hian min rawn zui leh nih chuan keichu ka kal tawh lo ang.” a ti a, Rempuii chuan Mapuia chu rum zet hian a melh a, Mapuia chu inthlahrung tak hian Car chahbi chu Johnny-a ape a, akalsawn ta a. Chumi zan chuan an tlan laklawh laiin petrol a zo ta a, tihngaihna awm tawh silo a, ramhnuai deuh reuh lai ah a ni bawk sia, mi in tlemte chu a awm a, an mu vek tawh si a, Jonny-a leh Rempuii te chu ke in an kal a, riahna tur an zawng ta a. Mi go-down chhe vel lampang tawh an hmua, tah chuan an va kal ta tawp a, chuveleh Pa pakhat hian Rempuii chu alo pawt pawp a, akuah bet a, chemtein a hrawkah a tin a, Pa Rinpuia leh patling lianpui pui 7 vel hi anlo ni a, “Hey Johnny, kal sawn rawh, nihloh chuan ka that ang che.” a ti khur khur a, Rempuii chuan, “Johnny, min chhan rawh.” alo ti vak vak bawk a, Johnny-a chuan, “Hey pate, thlah rawh thlah nghal rawh.” a ti a, Pa Rina chuan, “Hey, kal rawh, ipa hian nangmah rawn hruai tur che in min ti a, mahse he i bialnu hi ka duh, ka it lutuk, ka fapa ang chiah i nih avangin ka kalbo tir hram ang che. Kal rawh..” a ti vin tuar tuar a, Johnny a hlau lutuk chu a tlanchhia a, thinkung phenah a biru a, a kalsan thei silo chu thingkung phen atang chuan a va bih thla a. Pa Rinpuia chuan Rempuii chu a chul kual vel a, Rempuii chu a hmui a tuam sak a, asam ah a kek a, akai phei dawr dawr a, Pa Rinpuia thiante ho chuan anlo zui bawk a, an zinga mi pakhat chu a bek a rawn ri pawp a, a thal chiang kher mai, an ding a, an hawi kual vel a, motor light an on a, light chuan mipa khat hi a chhun fuh a, chupa chu a rawn kal hnai a, ahmel a lang chiah a, Mapuia alo ni a, Pa Rinpuia chua, “Va that rawh u hmel asaw.” a ti a, mahse Mapuia chuan hnehsawh zet mai hian patling pui pui ho chu alo khawih hrep hlawm a, an hnehlo kher mai, insual thiam tak zawng chu a ni. Pa Rinpuia chuan Rempuii chu a beng thal tawp a, chemte chuan Mapuia chu vih tumin a va kal a, mahse Mapuia chuan chemte chu bumin a kut atang chuan a thinthlak sak a, an insual ta chiam mai a, atawpah chuan Mapuia chuan a rek hlum ta a. Johnny-a chu alo chhuak a, tichuan an pathum chuan Pa Rina motor ah chuan an chuang a, Mapuia chuan, “Ka ni (aunty) te huan hi khulai lawk ah khuan a awm a, kal ang u aw.” a ti a, huan pakhat hi alo awm tak tak a, thlam pakhat an hmu a, an riak ho ta a. Atuk zingah chuan Mapuia chu a tho a, lui bulah chuan Rempuii chuan a ke no tak leh ngo tak mai chu alo chiah a, alo thu ngui bar a, a zu chhuk a, “Hey Hmelthate, khawng i husband hi a awm a?” a ti a, Rempuii chuan, “Zingah khan atlan bo aniang, min phatsan aniag, ka hmu tawh lo.” a ti a, nilengin Mapuia chuan a zawng a, ahmu silo, “Mi tenawmpa chuh, Rempuii hian a hre tur anilo, tihdan ka ngaihtuah a ngai ani.” a ti a, letter a ziak chawp a, tlaiah chuan a haw a, Rempuii chu alo thu ngui bar a, “Enteh hei letter ka chhar a, bangah sawn alo inzep a ka’n chhiar ange aw... Duhtak, hei ka chhuak lawk a, ka lo let leh ang, min ngaihtuah suh, helai hmunah hian ka thiante pawh an awm ve a, tanpuina ka dil anga ka lo kir leh ang..a ti nih hi ehee...ilo ring sual hle mai, a ngaihtuah zia che hi.” a ti a, Rempuii lah hmeichhe mawl tih takah alo awih veleh mai a, anui seih a. Tichuan ni thum vel chhung chu an pahnihin an awm a, a ni te huan chu alo ni tak tak nge, huan bula inah chuan eitur hi ava lam a arawn hawn ziah mai a, an inkawm a, Rempuii chuan a ngaina telh telh a, anel tawh hle mai a, an infiam a, tui an cheng dun a, nuam an ti khawp mai. Nikhat chu Mapuia chuan, “Infiam ila, kei Rempuii ka ni anga, nang Mapuia.” a ti a, an in fiam ta a. Rempuii chuan pangpar a lo a, Mapuia hmaah chuan a ding a, “Hi, ka hmangaih che.” a va ti ta a, Mapuia tan chuan chu thu chu a va mawi em, keipawn ka hmangaih che ti a kuah vawng vawng a chak hle mai, mahse an infiam tih chu a hre chhuak thut a, rum em emin Rempuii chu a melh a.
“Hey, tunge i nih a, zaktheilo lutuk.”
“Mahse ka hmangaih che alawm, you don’t have to love me back, just feel my love.”
“I zak em, ka duh lo che ka hua che, ka haw lutuk che, ka hua che, hmangaihdang ka nei, ani chauh chu ka hmangaih anga ani chauh chu ka nei ang.”
Rempuiin chu thu chu ahriat chuan a lung nilo hle a, infiamna pawh chu a theihnghilh a, a na a ti ngawih ngawih a, atap ta vak vak a, a tlansan ta daih a. Mapuia chuan alo nuih vak vak a, “Khatiang khawp khan i la na ania, chupawh infiamna lehnghal, nang kha chuan kut min thlak bawk a, khatiang chiah khan ka na asin.” a ti zawi sap a. Rempuii chu thlam lam panin a kal a, hmeichhe pakhat a hmu a, “Awi ka pi, nang hi Mapuia ni i niang maw?” a ti a, chunu chuan, “Haha, nang hi ani maw ka fapa ina asawi chu, Mapuia hi fahrah a ni a, a nu leh pa in rethei takin an hring chhuak a, mahse an thihsan a, keini nupa hian fa kan nei theilo a, kan enkawl sak ta ani. Ani hi chu a mawl lutuk a, kan pa in min thihsan a, chuan lehkha zir turin ka neih zawng zawng sengin college ka luh tir ve a, tichuan hei min rawn tlawh zawk angin a sawi a, ka thiannu nen kan nia thlamah khuan kan riakdun mai ang atia, a bialnu deuhreuh angin asawi che a, zingchaw leh tlai chaw tur hi arawn lam ziah a, hetah lo hruai rawh ka tih pawn a zak a ti tlat che a, haha, ka fapa bialnu hmel pawh ka hmu ve chak a, ka rawn kal tawp anih hi, i hmeltha hle mai, zahna tur a awmlo nia, engtikah nge in haw leh dawn a? E chuan hmanni khan lehkhathawn ang deuh hi a rawn ziak a, kha kha ape che mi, love letter anilo maw, ava zei awm ve a, ka fapa chu?” a ti a, Rempuii chuan mak a ti hle mai, a rilru in, “Letter kha a ziah chawp vek maw, Johnny-a’n min phatsan a, chuti chung pawh chuan ala chhan a, ka rilru nat a hlauh vangin, keimah vangin tiang thleng hian arawn tlanbo ve a, min lo van hmangaih em em ve.” a ti a, achunga a thil tih te kha a ngaihtuah chhuak a, a inchhir hle mai a, Mapuia nu (A enkawltunu) chu chhang tawh lemlo chuan Mapuia bulah chuan ava kal a, thlam kawtah alo awm a, alo zai rut rut a, Rempuii chuan, “Hey Misualpa, hei hi i ni te huan maw, in in anih hi, chuan letter kha i ziah chawp tiraw?” a ti a, Mapuia chuan a beng a hup nghal a, “Ka nu chu awww...ka thi ka thi, awi awi, blah blah blah..engmah ka ngaithla peihlo, blah blah blah..” a ti nghal char char a, a beng a hup tlat a, Rempuii chuan, “Ti khawp hian animaw minlo hmangaih a, ka tan hian thih pawh i huam anih hi, tinge nang hi ka lo tawn hmasak loh che le?” a ti ta mai a, mahse Mapuia chuan a thusawi ahre lo, a beng alo hup daih sia. Chutihlai tak chuan an hmaah tak chuan Motor hi a rawn ding a, motor atang chua Johny-a te pafa anlo chhuak a, Jonny-a chuan, “Bro, hmangaihna awmzia hi nang hian min hriattir ani, ka lawm takzet e, huaisenna min pe a, ka pa hnehah hian ka va let leh a, thil awmzia ka hrilh a, Rempuii nen kan inneih a phal tawh asin.” a ti a, Johnny-a pa chuan, “Bawiha, ka fapa hian a ngaisang teh mai che ania, lo kal ru, inneih pawh ka phal tawh e, ahmaa thil thleng te kha theihnghilh vek ang aw.” a ti a, Johnny-a chuan Rempuii chu a kuah a, asirah chuan Mapuia chuan hrilhhai zet hian alo en a, motor lam an pan a, khawpui a rawn ri thut a, Rempuii chu a phu zawk a, Mapuia kut a va vuan nghal a, Johny-a chuan Mapuia chu ava melh a, “Khai awww, Rempui, i dawih ee...haha hei thulawmawm tak anih hi, pasal i duh ber i nei dawn ta, car pakhat zawk ah hian ka chuang anga, nangni chu inchhungkua hian in chhuang ho dawnnia a ti a, zalo tak hian a nui lui a, an kal ta a.
Atukah chuan Johny-a te inah chuan mi an zi nuai nuai a, rilru na ber tur leh hrehawm ber tura ngaih Mapuia lah chu a phur ber ber ah ala tang zui a, athian naupangte chua tihtur pawimawh hrilhin a tir kual zuah zuah a, Zuali chuan kil khat atangin alo en reng a, Mapuia chuan a va pan hnai a, “Ehe Zuali, ilo va kal har ve...thingpui saw lo va sem la, Johnny-a pa pawn a fapa leh Rempuii inhual tur thu apuang tep tawh ang, hmanzan party naa asawi kha chu a sawi tawhloh hram beisei ang aw, hehe.. Ti vat ta che, nula ve si.” a ti a, Zuali chuan na em em in Mapuia hmaiah chuan a beng hawi sawk a, tap pur chungin, “Mawla, engtianga rei nge ti hian i awm dawn, tap rawh, i tap lai hmel hi hmuh ka duh, hmusit takin ka nuih ngei ang che.” a ti a, a inhnit hlawp hlawp a, akalsan ta a, Mapuia chu a kun reng a, atap duh chuang miah lo, Rempuii lo phei lai chu a lo ko ding a, “Rempui, thil sawi pui lawk che ka duh a.” a ti a, Rempuii thian hmeichhia te chuan anlo en thap a.
Mapuia chuan, “Rempui, tunah chuan ka hmangaihna tlawm te hi a thi lek lek tawh a, ni reilo te hnu ah chuan keipawn midang zawngin hmangaih dang ka neih ve a ngai tawh dawn a, mahse hei hi hriat ka duh ani, min lo hmangaih ve miah lo tak tak em, min duhloin min haw tak tak em? Tunah hian minla hua em, nakinah lawk chuan ka lak atangin i bo tawh anga, i bo hlen tawh dawn si a, engtin nge ka awm tak ang. I thinlungah hmun pawh ka chang tawhlo anga, van hrehawm dawn tak em!” a ti a, a in hnit faih faih a, Rempuii chuan mittui tling teuh chungin khawngaih hmel em em in alo melh a, chuveleh Mapuia chu zat hmel em em, mahse nuilui tih hriat tak hian nasa em em in a rawn nui chhuak a, “Hahahaha, awi awi awi, ka fiamthu nih kha, ilo awih amaw, haha i mawl e, hahahahahaha i hmel kha, i hmel mawlh kha, inlo hmu ve em, thian te u, hahaha a hmel thutak hman zia kha, awi ka pum ana, hahaha..mawl eeeemai.” a ti ta chiam chiam a. Rosepar mawi tak hi a pe a, “Hey mawli, wish you a very happy married life.” a ti a, akalsan ta a, rosepar ah chuan Mapuia mittui far chu a lo awm a. Tichuan Mapuia chu lungchhe em em in pawnah achhuaka, hnunglam a hawi ngam tawh lo. Ahmangaih ber in midang a nei tawh dawn si a, a tan chuan avan hrehawm dawn em, ahmangaih ber hlimna tur a duh bawk si a, mahse a hmangaih ber chu midang ta a ni kumkhua tawh dawn si. Pawnah a thu a, lungte a hum a, atap ta hawm hawm mai a. Rempuii pawh chu Johnny-a nen chuan stage ah an ding dun a, apa chuan an inhmelhriat tir vel a, Johnny-a chuan, “Kei hi Johnny Malsawmsanga ka ni a, BA third year ka zir mek a, chuan hei hi ka nupui hual tur chu a ni.” a ti a, kut an beng dar dar a, Rempuii chu a ngawi reng a, arilru ah Mapuia bak alang lo, an hunhman zawng zawng te a ngaihtuah let a, Mapuia hi a lo hmangaih takzet ani. Johnny-a chuan a nghawk zeuh a, aharh chhuak hlawl mai a, “Han inhmelhriat tir ve ta che.” a ti a, Rempuii chu a insum thei tawh mawlh lo, Johny-a mitah tak chuan a en a, “MAPUIA KA DUH.” a ti ta hlawl mai a, Johnny-a pa chuan, “Bawihi, enge i sawi a?” alo ti vat a, mahse Johny-a chuan, “Apawilo ka pa, Rempui, kal rawh, ani kha i phu ani, va kal rawh.” a ti a, mipui chuan an en thup a. Rempuii chu a tlanchhuak nghal a, Mapuia mittui tla phunga lo thu chu a hmu a, Mapuia’n ahmuh veleh chuan a ding a, Rempuii chuan tap aw tuau hian, “Infiam leh ila kei Mapuia, chuan nang...Rempuii aw..” a ti a, a inhnit hlup hlup a. Mapuia chuan a mittui chu ahru a, “Ru..ruah arawn tla a, ka..ka mitah tak...” a ti a, Rempuii chuan, “Dawt sawi suh, ka hmangaih che mimawl pa, ka hmangaih lutuk che.” a ti a, an inkuah a, Mapuia chuan an inkuah lai chuan dispo no ruak intung hi a va hmu a, alungte hum lai chuan ava vawm a, achhungah tak alut a, anui vur vur a, duat tak leh duhthawh takin an infawp a, an inhmangaih thu an inhrilh tawn sek a, an inkuah vawng vawng a....
HMANGAIHNA DIK TAK CHUAN ATAWPAH HNEHNA A CHANG ZEL THIN.
(A tawp ta)
(Thawnthu a ni a, alem emaw, a awihawmloh deuh anih pawn, minlo hrethiam ula, thawnthu ani miau a, hehe...)
Comments