Posts

ONCE UPON A TIME IN MIZORAM : SEASON 2 (Mizo zombie horror story) Written by : Aaron Malsawmdawngzuala Episode 1 : Sanctuary Lost

-
Image
ONCE UPON A TIME IN MIZORAM : SEASON 2 (Mizo zombie horror story) Written by : Aaron Malsawmdawngzuala Episode 1 : Sanctuary Lost ************************************************ Favang thli vawt tak chuan Phulvar khua a rawn chhem heuh heuh a, Lungthlir khua aṭanga thihna rapthlak tak tlânchhiatsan a, rawn damchhuak mi sawmpanga velte tân chuan he khua hi beiseina thar a ni ngei ang. Phulvar khawtlang leh YMA hruaitute chuan khawngaihna leh lainatna thinlung nêna lo dawngsawngin, chaw lum tui takin an lo hrai puar a.  An khaw YMA Hall lian lem lo tak, mahse him tura an ngaih hmunah chuan mutbu te  phahsakin thlamuang taka chawl hahdam turin an riah tîr ta hlawm a ni. Hall chhûngah chuan chauh hmel tak leh thlaphâng tak hmel pû in Lungthlir khaw mipui tlemte, damchhuak awmchhunte chu an mu thap a.  An mitmeng aṭang chuan hlim hmel hmuh tur a awm lo, thihna hlauhawm takin a ûm phâk loh tura an tlânchhiatna lamah an taksa leh rilru a chau chhe zo tawh a ni ber mai. Meichher...
Post a Comment
Read more

VOID (A mizo horror science-fiction story) Written by : Aaron Malsawmdawngzuala Episode - 6 : Synchronicity (LAST)

-
Image
VOID (A mizo horror science-fiction story) Written by : Aaron Malsawmdawngzuala Episode - 6 : Synchronicity (LAST) ********************************************** Thlasik thli vawt vin tuk mai chuan a hmai a rawn chhem a, a vawt ti lutuk chu a hriatna a rawn fiah nghal kawk kawk mai. Inspector Miriami chu a rawn thaw chhuak hrawih a, boruak vawt leh hnawm lutuk chu a hip lut nghal kawk bawk. A awm zawn chu a rawn na nghal ngut ngut a, a mit a han meng chu khaw hmuh a fiah lo ruai a, engkim mai chu a thim chhah mup mai. A tukkhum chu hnim hnah ro leh leivut vawt thlerah hian a lo innghat a. A beng chhung chu a la kiu vung vung a, nichin lawka khawl lian pui ri vung vung leh tek ri chuai chuai kha hriat tur a awm tawh lo. A aiah chuan thlasik thli na taka tleh in ramngaw pilril tak a chhem rik hum hum thawm leh, khawi emaw aṭanga ui bauh ri chuah chuah thawm chauh chu hriat tur a awm a ni. Muangchangin a han inbeng kang a, a taksa kham leh na ut ut chu tuar hram hramin a ṭhu chhuak a. A k...
1 comment
Read more